Raj Mistry's world

Me,my stories and world around….


Leave a comment

BAPS રવિસભા- 11/09/2022

આજકાલ અમદાવાદ મેઘરાજા ની છત્રછાયા થી આચ્છાદિત રહે છે અને મેઘરાજા મન આવે ત્યારે મનમૂકી ને વરસે છે….સભા શરૂ થઈ અને મેઘરાજા આજે પણ વરસી પડ્યા……સત્સંગ ની અનરાધાર વર્ષા અને સાથે મેહુલો પણ અનરાધાર….પછી કોરા કોણ રહે?? ચાલો ..જેની આ કૃપા વર્ષા છે…તે સર્વના “કારણ” કૃપાનિધિ ના દર્શન…

સભાની શરૂઆત સ્વામિનારાયણ ધૂન થી થઈ…ત્યારબાદ એક યુવક દ્વારા સદ્. મંજુકેશાનંદ સ્વામી રચિત પદ ” મુને પ્યારી રે નટવર નામ ..મૂર્તિ તારી રે…” રજૂ થયું. ભગવાન ની મૂર્તિ નું આકર્ષણ જ એવું છે કે જીવ ના બધા સંકલ્પ વિકલ્પ ઓગળી જાય…..જો કવિ દલપતરામ જેવા વિચક્ષણ કવિ ને શ્રીજી નું એક લટકું 73..73 વર્ષ સુધી ભુલાતું ન હોય તો દર્શન ના સુખ ની શી વાત કરવી??? એ પછી એક અન્ય યુવક દ્વારા ” જન્મ સુધાર્યો રે મારો….”..મુકતાનંદ સ્વામી નું પદ રજૂ થયું……આપણ ને તો શ્રીજી મહારાજ પ્રગટ પ્રમાણ મળ્યા એટલે જ જન્મોજન્મ ની તપશ્ચર્યા સફળ થઈ….જન્મારો સફળ થયો…! ત્યારબાદ પૂ.કૃષ્ણસ્વરૂપ સ્વામી ના ઘૂંટાયેલા સ્વરે ..” સત્સંગ વિના જન્મ મરણ ભ્રમજાળ ટળે નહિ…” બ્રહ્માનંદ સ્વામી રચિત પદ રજૂ થયું…..જો આ જગત ના વિષય સંકલ્પ ….અહં મમત્વ છોડી ને એક સાચા સત્પુરુષ ના સત્સંગ થકી જીવ બાંધીએ તો સંસાર ની ભ્રમજાળ તૂટે…જીવ મુક્ત થઈ … જરૂર બ્રહ્મરૂપ થાય……!

પ્રગટ બ્રહ્મસ્વરૂપ મહંત સ્વામી મહારાજે 4 સપ્ટેમ્બર ના રોજ APC છાત્રાલય માં આપેલા દિવ્ય દર્શન સ્મૃતિ નો વીડિયો ના માધ્યમ થી સર્વ ને લાભ મળ્યો…….અદભુત સ્મૃતિ….!!

ત્યારબાદ વિવિધ સંતો ના મૂખે શતાબ્દી નગર માં સેવા આપતા હરિભક્તો ની અતુલ્ય સેવા ..મહિમા નો લાભ વિવિધ સંતો ના મુખે જાણવા મળ્યો….જોઈ એ સારાંશ

  • બાંધકામ વિભાગ માં સેવા આપતા પૂ. આદર્શ મનન સ્વામી એ કહ્યું કે …હરિભક્તો એ પોતાના દેહ, સુખ સગવડ ની પરવા કર્યા વગર મેદાન પર ના ઝાડી ઝાંખળા સાફ કર્યા…..ચુના થી માર્કિંગ કરવા ની સેવા હોય કે મજૂરો પણ એકવાર માટે કામ કરતા અચકાય એવી સેવા હોય કે સતત દેહ તોડી નાખે એવા ઉજાગરા હોય ….કે 20 ફૂટ ઊંડા ખાડા માં થી પાણી ખાલી કરવાનું હોય….સર્વે સેવામાં ઉમંગ ઉત્સાહ થી જોડાયા…પોતાના દેહ કૃષ્ણાર્પણ કર્યા…અને સામે સ્વામી શ્રીજી એ સૌના વ્યવહાર સાચવ્યા…એના અનેક પ્રસંગો પ્રત્યક્ષ છે.
  • એ પછી ડેકોરેશન વિભાગ માં સેવા આપતા પૂ. સમર્થ મુનિ સ્વામી એ પોતાના અનુભવ વર્ણવતા કહ્યું કે….એક હરિભક્ત ના પત્ની દિવ્યાંગ, છતાં એમની મંજૂરી લઈ… એમની દેખરેખ ની વ્યવસ્થા કરી પોતે સેવામાં આવ્યા….!! એવા તો , અનેક પ્રસંગો કે જેમાં હરિભક્તો ના ઘર ની આર્થિક વ્યવસ્થા બરાબર ન હોય, સ્વાસ્થ્ય નો પ્રશ્ન હોય , ઘરના સભ્યો બીમાર હોય…આખો દિવસ સેવા કરી હોય તો પણ સાંજે ફરીથી સેવામાં જોડાઈ જાય…સેવા તો કરે પણ સાથે સાથે પોતાના ગજા બહાર ની આર્થિક સેવા પણ સમર્પિત કરે…!! આવા તો અનેક પ્રસંગો સ્વામી એ વર્ણવ્યા …અને હરિભક્તો ની પોતાના ગુરુ માટે સર્વસ્વ સમર્પિત કરવા ની ભાવના નો પરિચય સર્વ ને થયો…! અદભુત…..અદભુત….

એ પછી એક વીડિયો ના માધ્યમ થી જન્મ શતાબ્દી ગીત ની રજુઆત થઈ…..પ્રમુખ સ્વામી કી જન્મ શતાબ્દી ….એક નિશાન હમારા હૈ…..ગીત રજૂ થયું. પ્રખ્યાત ગાયક કલાકાર શાન દ્વારા ગવાયેલું આ ગીત અત્યારે જગત માં ગુંજી રહ્યું છે….બસ હવે તો એક જ નિશાન…..શતાબ્દી ઉત્સવ …એમા સર્વસ્વ સમર્પણ…!!

ટ્રાન્સપોર્ટ વિભાગ માં સેવા આપતા પૂ. ઉજ્જવલ મુનિ સ્વામીએ કહ્યું કે …રાજુભાઇ નામના એક હરિભક્તે શતાબ્દી ની સેવામાં જોડાવા પોતાના બધા ઢોર વેચી દીધા, ખેતી નો પાક બદલ્યો…ચારધામ ની યાત્રા કેન્સલ કરી…અને એક વર્ષ ની સેવામાં જોડાયા…રોજ સવારે 3 વાગ્યે ઉઠી ને નિત્યક્રમ પુરા કરી સેવામાં જોડાઈ જાય…! કિરણ ભાઈ એ 1 વર્ષ ની સેવા માટે નોકરી છોડી તો એમના પરિવાર નો વ્યવહાર અન્ય એક હરિભક્તે ઉપાડી લીધો….! આમ, આવા અનેક હરિભક્તો એ પોતાના બધા વ્યવહાર ગૌણ કરી કે છોડી ને , સેવામાં સમર્પિત થયા છે…..જે લોકો માત્ર નોકરી ધંધા અર્થે શતાબ્દી માં કામ કરવા આવ્યા હતા…એમને એવા દિવ્ય અનુભવ થયા કે એ બધા સત્સંગી થઈ ગયા…!!

એ પછી પૂ.અમૃતયોગી સ્વામી કે સંત ઉતારા ની વ્યવસ્થા સંભાળે છે ..તેમણે પોતાના અનુભવ વર્ણવતા કહ્યું કે…નિસ્વાર્થ ભાવે સેવા નો ઉત્સાહ અહીં જ જોવા મળે……હરિભક્તો એ પોતાની સારો પગાર…સારો હોદ્દો ધરાવતી નોકરીઓ છોડી અહીં સેવામાં જોડાઈ ગયા છે……એક દિશા..એક વિચાર…પરસ્પર સુહૃદભાવ…સંપ…એકબીજાની કાળજી રાખવા ની વાત…અહીં જ જોવા મળે…! અરે…હરિભક્તો એ સંતો ના ઉતારા માટે પોતાના વિશાળ બંગલા છોડી નાના ફ્લેટ માં ભાડે રહેવા નું પસંદ કર્યું…!! અદભુત….અદભુત….!

એક વીડિયો ના માધ્યમ થી પૂ.ડોક્ટર સ્વામી એ શતાબ્દી ઉત્સવ કઈ રીતે ઉજવવો એની વિશેષ માહિતી …આશીર્વચન આપ્યા….એમણે કહ્યું કે….સંપ સુહૃદભાવ થી સેવા કરીશું તો આ ઉત્સવ ધાર્યો નહિ હોય તેવો વિશેષ થશે….સફળતા થી ઉજવાશે. આપણા ગુણાતીત ગુરુઓ એ સંપ નો મોટો મહિમા કહ્યો છે…ઘસાવું, નમવું, ખમવું, મન મૂકી દેવું…એક બીજાને અનુકૂળ થવું….એમ કરવા થી સંપ વધશે…..! એકબીજાનો મહિમા સમજાય તેવી વાત કરવી, મદદ ની ભાવના રાખવી, ભૂલ માફ કરવી…સુધારો લાવવામાં મદદ કરવી..સંપ વધારવો…..શરૂઆત આપણા ઘર થી કરવી…અને તો જ આપણો શતાબ્દી ઉત્સવ સાચા અર્થ માં સફળ થશે.

પૂ.સંતે જાહેરાત કરતા કહ્યું કે આજની શતાબ્દી સ્વયંસેવક ની શિબિર હતી જે અત્યંત સફળ રહી….85% હાજરી સાથે લગભગ 2700 કાર્યકરો હાજર રહ્યા….આવતા રવિવારે પૂ.આનંદ સ્વરૂપ , બીજા ફેજ ના વિસ્તાર ની સભાનો લાભ આપશે. હવે જે હરિભક્તો 35 દિવસ ની સેવા માં જોડાઈ નથી શક્યા…..એ 15 દિવસ ની સેવામાં જોડાઈ શકશે…..આ મહંત સ્વામી મહારાજ ની આજ્ઞા મુજબ ટાણા ની સેવા છે….જેની જાહેરાત પરાસભા માં થશે. મહિના ના ઓછામાં ઓછી 2 પરાસભા …હવે થી શતાબ્દી મેદાન પર સેવા તરીકે થશે…રાત્રે 8 થી 12 સમય ગાળો રહેશે…!! ….અદભુત…અદભુત….!

પૂ. મહંત સ્વામી મહારાજે સર્વે સંતો હરિભક્તો ને એક પત્ર દ્વારા ” દિવાળી અને નવું વર્ષ …શતાબ્દી મેદાન પર..” ની હાકલ કરી છે…એનું પઠન થયું અને સમગ્ર સભા બળ માં આવી ગઈ…

આજની સભાનો એક જ સાર હતો કે જે ગુરુ એ આપણા માટે એમનું સમગ્ર જીવન કૃષ્ણાર્પણ કરી દીધું …એના માટે શું ન થઈ શકે???

વિચારો………વિચારો…..કારણ કે હવે વારો આપણો છે…

જય સ્વામિનારાયણ…. સદાય પ્રથમ શ્રીહરિ ને રે….

રાજ


Leave a comment

BAPS રવિસભા-04/09/2022

સંત પરમ હિતકારી, જગત માંહી… ꠶ટેક

પ્રભુપદ પ્રગટ કરાવત પ્રીતિ, ભરમ મિટાવત ભારી… જગત꠶ ૧

પરમકૃપાલુ સકલ જીવન પર, હરિસમ સબ દુઃખહારી… જગત꠶ ૨

ત્રિગુણાતીત ફીરત તનુ ત્યાગી, રીત જગતસે ન્યારી… જગત꠶ ૩

બ્રહ્માનંદ કહે સંતકી સોબત, મિલત હૈ પ્રગટ મોરારી… જગત꠶ ૪

આજની સભા ” સૌના પ્રાણ આધાર પ્રમુખ સ્વામી મહારાજ…” થીમ પર હતી અને સભા આજે ભરીભરી હતી…..ગણેશ ઉત્સવ થી સમગ્ર વાતાવરણ ઉત્સવ ભર્યું છે અને અહીંયા તો નિત નવીન સત્સંગ ની હેલી…..પછી બાકી શુ રહે?? શરૂઆત સદાય મારા વ્હાલા ના દર્શન થી…

સભાની શરૂઆત યુવકો દ્વારા ધૂન થી થઈ અને એ પછી એક યુવક મિત્ર દ્વારા ” સાત સમંદર પર….સ્વામી તારો જયજયકાર….” પદ રજૂ થયું……ગુરુ સમર્થ મળે તો સત્સંગ નો જયજયકાર થતા કોઈ રોકી ન શકે…સમર્થ ગુરુ જ સર્વ પ્રાપ્તિ નું કારણ છે…એક કિશોર દ્વારા પ્રેમાનંદ સ્વામી રચિત ” લાલ તેરી લટકની મેં લલચાણી…” પદ રજૂ થયું…….શ્રીજી ની દરેક ક્રિયા એટલે મધુરં… મધુરં… રુચિરં…રુચિરં…રુચિરાધી પતે… અખિલમ રુચિરં…!! એમના સિવાય જીવ બીજે ચોંટે તે જ માયા….! એ પછી એક યુવકે પૂ.અક્ષર જીવન સ્વામી રચિત ગુરુ મહિમા નું પદ ..” સૌના રે પ્રાણ પ્રમુખસ્વામી મહારાજ…” રજૂ થયું. પ્રમુખ સ્વામી મહારાજ નો મહિમા જેટલો ગવાય એટલો ઓછો છે….એમના કાર્યો.. એમણે કરેલા અનેક ના જીવન પરિવર્તન…એના જ સાક્ષી છે….

એ પછી સત્ય ઘટના આધારિત એક સંવાદ ” સૌના પ્રાણ આધાર…” અટલાદરા મંદિર છાત્રાલય ના યુવકો દ્વારા રજૂ થયો…..કુસંગ ને રવાડે ચડેલા સત્સંગી પરિવાર ના યુવક ને , પત્ર દ્વારા પ્રમુખ સ્વામી મહારાજ ના આશીર્વાદ…માર્ગદર્શન મળ્યું અને એનું જીવન પાછું સન્માર્ગે આવી ગયું…સુધરી ગયું…! જે સૌના થયા છે…એના સૌ થયા છે…એવા પ્રમુખ સ્વામી મહારાજ આજે કરોડો ના પ્રાણ આધાર ગુરુ છે…એ કઈ એમ ને એમ નથી…! અદભુત સંવાદ…!

અન્ય એક સંવાદ માં , ઉશ્કેરાઈ ને , પ્રદર્શન ને આગ લગાડનાર ક્રોધીલા યુવક ને પ્રમુખ સ્વામી મહારાજ દ્વારા ક્ષમા મળી..માર્ગદર્શન મળ્યું… એના હૃદય માં રહેલા ક્રોધ ને સ્વામીશ્રી ના સ્નેહભર્યા વચનો એ શાંત કર્યો….એના સ્વભાવ બદલ્યા….એ યુવક સંનિષ્ઠ સત્સંગી થયો…! આવા તો અનેક ના નરક સમાન જીવન ને …અધમ સ્વભાવો ને પ્રમુખ સ્વામી એ સત્સંગ ને રંગે રંગ્યા…. કલ્યાણ ના અધિકારી કર્યા….!

અદભુત સંવાદ…!! સૌ યુવકો ની આ અદભુત પ્રસ્તુતિ ને ..સંદેશ ને સમગ્ર સભાએ અસ્ખલિત તાળીઓ ના ગડગડાટ થી વધાવ્યો…!

ત્યારબાદ એ જ અટલાદરા મંદિર છાત્રાલય ના યુવકો નો સ્વાનુભવ ” હતા રજકણ ..બન્યા હિમાલય…” વિષય આધારે સ્વભાવ…જીવન…પરિવર્તન , વિડીયો ના માધ્યમ થી જાણવા મળ્યા…..! અદભુત અનુભવ….! આપણા છાત્રાલય તો ખરેખર સંસ્કાર ના કેન્દ્ર છે…જીવન ઘડતર ના મંદિર છે…

ત્યારબાદ એ જ યુવકો દ્વારા પદ્ય નૃત્ય. (Lyrical dance) “સંત પરમ હિતકારી” રજૂ થયું….સાચા સંત કોને કહેવાય? વાસ્તવ માં સંત પરમ હિતકારી હોય છે?? એના કાવ્ય નૃત્ય દ્વારા ઉત્તર મળ્યા….! પ્રમુખનસ્વામી મહારાજ ના જીવન ના અમુક પ્રસંગો…એમના ગુણાતીત ગુણો અને એમાં થી જગત ને મળેલા સદજીવન ના સંદેશા ઓ ની અદભુત પ્રસ્તુતિ થઈ…..! અદભુત…અદભુત….! સમગ્ર સભા તાળીઓ ના ગડગડાટ થી ગુંજી ઉઠી….! પૂ. પરમપ્રેમ સ્વામી અને એમની ટીમ નો ખુબ ખુબ આભાર…

ત્યારબાદ સારંગપુર થી પધારેલા વરિષ્ઠ સંત પૂ. અક્ષર ચરણ સ્વામીએ પૂ.પરમપ્રેમ સ્વામી નું હારતોરા થી સન્માન કર્યું….પ્રસંગોચિત પ્રવચન માં સ્વામી એ કહ્યું કે…..ભાગવત માં વર્ણવેલા તમામ સત્પુરુષ ના ગુણ પ્રમુખસ્વામી મહારાજ માં જોવા મળતા….હવે બીજે ક્યાંય ફાંફા મારવાની જરૂર છે….આપણી પાસે પરમ એકાંતિક સત્પુરુષ છે…..આપણે સદાય નું સુખ પ્રાપ્ત થયું છે….બસ આ પ્રાપ્તિ ના સુખ ને અનુભવવા નું છે…વધારતા રહેવાનું છે….

પૂ.સંતો દ્વારા જાહેરાત થઈ કે…હવે કોઈ પણ રજા આવે એટલે પહેલો વિચાર શતાબ્દી નો કરવો….શતાબ્દી કાર્યકરો નો તાલીમ પ્રોગ્રામ આવી રહ્યો છે…ત્રણ તબક્કા માં …આવતા રવિવાર થી સવારે 8 થી 4 સુધી આ પ્રથમ તબક્કા ની શરૂઆત થશે….કયા વિસ્તાર આવશે..એની જાણકારી મળી. ( નામ જે તે વિસ્તાર માં થી જાણવા મળશે..) ….ટીવી ચેનલ ટીવી 1 પર શનિવાર 10 સપ્ટેમ્બર થી ” પ્રમુખ સ્વામી મહારાજ ને પગલે પગલે…” કાર્યક્રમ સિરીઝ રજૂ થવાના છે………આવનારી એકાદશી જળ ઝીલણી એકાદશી છે….યથાશક્તિ નિર્જળા કરવી…..શાહીબાગ મંદિરે આની સભા થશે….

આજની સભા એક એવા યુગપુરુષ ને સમર્પિત હતી કે જે સદાય પ્રગટ પ્રમાણ રહ્યા છે…અને રહેશે…..જીવમાત્ર ના એકાંતિક કલ્યાણ માટે એમના કાર્ય ને કોઈ તોળી નહીં શકે…એના સ્નેહ…પ્રેમ…ભગવાન ને પળ ભર ન વિસરવા ની રીત…અતુલ્ય છે ..અજોડ છે…માટે જ આપણા મોટા ભાગ્ય છે કે આવા ગુરુ સદેહે આપણ ને મળ્યા છે…..બસ એની પ્રતીતિ જીવ માં દ્રઢ થવી જોઈએ…

તૈયાર છો ને?? વારો હવે આપણો છે……

સદાય પ્રથમ શ્રીહરિ ને રે…..

જય સ્વામિનારાયણ

રાજ


Leave a comment

BAPS રવિસભા- 21/08/22

સર્વે સંત સુજાણને, હું પ્રથમ લાગી પાય;
આદરું આ ગ્રંથને, જેમાં વિઘન કોઈ ન થાય. ૧
સંત કૃપાએ સુખ ઊપજે, સંત કૃપાથી સરે કામ;
સંત કૃપાથી પામીએ, પૂરણ પુરુષોત્તમ ધામ. ૨
સંત કૃપાએ સદ્‍મતિ જાગે, સંત કૃપાથી સદ્‍ગુણ;
સંત કૃપા વિના સાધુતા, કહોને પામ્યા કુણ. ૩
સંત સેવ્યા તેણે સર્વ સેવ્યા, સેવ્યા શ્રીહરિ ભગવાન;
ઋષિ મુનિ સેવ્યા દેવતા, જેણે સંત કર્યા રાજી મન. ૪
જપ તપ તીર્થ વ્રત વળી, તેણે કર્યા યોગ યગન;
સર્વે કારજ સારિયું, જેણે સંત કર્યા પ્રસન્ન. ૫
એવા સંત શિરોમણિ, ઘણી ઘણી શું કહું વાત;
તેવું નથી ત્રિલોકમાં, સંત સમ તુલ્ય સાક્ષાત્. ૬
કામદુઘા કલ્પતરુ, પારસ ચિંતામણિ ચાર;
સંત સમાન એ એકે નહિ, મેં મનમાં કર્યો વિચાર. ૭
અલ્પ સુખ એમાં રહ્યું, મળી ટળી જાય છે એહ;
સંત સેવ્યે સુખ ઊપજે, રહે અખંડ અટળ એહ. 

ભક્ત ચિંતામણી -પ્રકરણ 2 -પૂર્વછાયો

આજની રવિસભા સત્પુરુષ ના આણંદ પ્રયાણ કર્યા પછી ની પ્રથમ રવિસભા હતી….આથી હાજરી થોડીક ઓછી હતી પણ સત્સંગ નો રંગ તો એ જ કેસરભીનો હતો…..તો ચાલો કરીએ એનો ગુલાલ…મારા વ્હાલા ના દર્શન થી…

સભાની શરૂઆત પૂ.પ્રેમવદન સ્વામી અને યુવકો ના સુરીલા સ્વરે રેલાતા સ્વામિનારાયણ મહામંત્ર ની ધૂન થી થઈ….એ પછી એ જ સુરીલા કંઠે ” ધર્મકુંવર હરિકૃષ્ણ ની રે…મૂર્તિ મારે મન માની….” પ્રેમાનંદ સ્વામી રચિત ઉત્સાહી પદ રજૂ થયું….સમગ્ર સભા એકતાલ માં આવી ઝૂમી ઉઠી…! આપણા ભક્તિ સંપ્રદાય માં કીર્તન નો આ તો મહિમા છે…! પછી એ જ સુરીલો કંઠ ફરીથી ગુંજયો….પદ હતું..” સહજાનંદ સ્વામી અંતર્યામી….” નિષ્કુળાનંદ સ્વામી રચિત પદ રજૂ થયું….એ કેસરભીના કાન નું રૂપ જ એવું છે કે જોનાર ઝડપાઇ જાય……આખા જગત ની ફિકર હવા થઈ જાય….એક પળ ના દર્શન…અનંત જન્મો સુધી ભૂલી ન શકાય…! આજે જાણે કે ” પ્રેમવદન સ્વામી દિવસ ” હતો…સતત વરસતા સ્વામી એ અન્ય એક કીર્તન “વહેતુ જીવન તમારું ગંગાની ધારા…” પૂ.અક્ષર જીવન સ્વામી રચિત પદ રજૂ કર્યું…..! પ્રમુખ સ્વામી મહારાજ નું સમગ્ર જીવન ખરેખર એ એક ભાગવત હતું….ગંગા ની નિર્મળ ધારા હતું…જે એમના સ્પર્શ માં આવ્યા એ બધા ય નિર્મળ થઈ ગયા….! અને એ જ ગંગા ધારા આજે પણ મહંત રૂપે …અને ભવિષ્ય માં પણ ..સદાય પ્રગટ ગુણાતીત ગુરુ રૂપે પ્રત્યક્ષ જ રહેશે…!

ત્યારબાદ પૂ. આર્ષયોગી સ્વામી (?) એ બ્રહ્મસ્વરૂપ મહંત સ્વામી મહારાજ ના વિવિધ ગુણો નું અનેક પ્રસંગો દ્વારા વર્ણન કર્યું…જોઈએ સારાંશ માત્ર…

  • સત્પુરુષ નું એક જ અંગ છે….ભગવાન નું નિરંતર અનુસંધાન….એક પળ પણ હરિ વિસરાતા નથી..
  • સ્વામીશ્રી એટલે નિર્માની પણા નું સર્વોચ્ચ શિખર….મુખપાઠ થી રાજી થઈ ને પોતાના સેવક સંત ને પગે લાગ્યા..!! ..પોતાને સદાયે દાસ જ માને…ક્યારેય ગુરુ હોવાનો ભાવ થયો જ નથી…! દર્શનાતુર બાળક ને મળી ન શકાયું તેથી તે બાળક ની માફી માંગી….! બોલો ..આવા ગુરુ ક્યાં મળે?
  • સ્વામી સર્વ ના……અને સૌને એ પોતાના લાગે…દુબઇ ના રાજવી પરિવાર ના શેખ હોય કે એમના સલામતી રક્ષકો….સૌનો એક જ અનુભવ..!
  • અત્યંત કરુણા ભર્યો સ્વભાવ…..નાનાં બાળક ની બીમારી માટે શક્ય મદદ ની સંતો ને આજ્ઞા કરી..એના સુખાકારી માટે રાત્રે કલાકો સુધી જાગી પ્રાર્થના કરી….

અદભુત પ્રસંગો…!! સત્પુરુષ ખરેખર તો જીવમાત્ર ના ભલા માટે જ જીવે છે….

ત્યારબાદ બ્રહ્મ સ્વરૂપ પ્રમુખસ્વામી મહારાજ ના મુખે ભક્ત ચિંતામણી ની કથા વાર્તા અને શાસ્ત્રીજી મહારાજ ની પ્રસાદી ની માળા ગુમ થઈ ….સારંગપુર નો દરવાજો અને 24 ફૂટ નો રોડ …એ અંગે ની જૂની સુવર્ણ સ્મૃતિઓ ..રમુજી સ્મૃતિઓ વીડિયો દ્વારા રજૂ થઈ….!! …અદભુત…! ભક્ત ચિંતામણી નું 86 મુ પ્રકરણ …ગુરુ આજ્ઞા નો મહિમા કેવો અદભુત હોય છે….એ જાણવા મળ્યું..!

ત્યારબાદ પૂ.બ્રહ્મમુનિ સ્વામી એ ભક્ત ચિંતામણી માં સંત મહિમા આધારિત પ્રવચન નો લાભ આપ્યો….જોઈએ સારાંશ માત્ર…

  • સત્પુરુષ અહીં સતત અઢી મહિના રોકાઈ ને ગયા…અને સર્વને અદભુત લીલા ચરિત્ર સ્મૃતિ નો લાભ આપ્યો…..
  • ભક્ત ચિંતામણી નિષ્કુળાનંદ સ્વામી રચિત ગ્રંથ છે….આપણા ગુરુઓ એ આ ગ્રંથનીં પારાયણ નો લાભ અનેક વાર આપેલો છે…64 મુ…86 મુ પ્રકરણ નો લાભ બહુ મળતો….પ્રમુખ સ્વામી મહારાજે આ ગ્રંથ ના સંપૂર્ણ કથા વાર્તા નો લાભ આપેલો છે…
  • ભારત એ સંતો ની ભૂમિ છે…અને આપણા સંપ્રદાય માં તો શ્રીજી મહારાજ પોતાના ગુણાતીત સંતો દ્વારા સદાય પ્રગટ રહ્યા છે….ભક્ત ચિંતામણી માં અનેક પ્રકરણો માં સંત મહિમા સુપેરે ગવાયો છે….
  • પ્રકરણ 2 થી સંત ના મહિમા ની શરૂઆત થાય છે…સાચા સંત તો સદાય શુભ કારક…સર્વ નું હિત ઇચ્છનાર…સુખકારક હોય છે….
  • “એવા સંત સદા શુભમતિ, જક્ત દોષ નહિ જેમાં રતિ; સૌને આપે હિત ઉપદેશ, એવા સંતને નામું હું શીષ…….સદ્‍ગુણના સિંધુ ગંભીર, સ્થિરમતિ અતિશય ધીર;…..માન અભિમાન નહિ લેશ, એવા સંતને નામું હું શીષ…..” એ વાત સત્પુરુષ માટે કરી છે…જે બધા જ ગુણ પ્રમુખ સ્વામી મહારાજ ના જીવન માં દેખાય છે…..આફ્રિકા માં થી પ્રમુખ સ્વામી મહારાજ ને વિમાન માં થી નીચે ઉતરવા ન દેવાયા…ભારત પરત આવ્યા…પણ માન અપમાન માં સ્વામી સ્થિર રહ્યા….બધા ને સ્થિર રાખ્યા….!
  • અક્ષરધામ પર નો આતંકી હુમલો હોય કે 1985 ના સમૈયા માં મેઈન ગેટ પર લાગેલી આગ હોય…..પ્રમુખ સ્વામી સદાયે સ્થિર રહી ને બધાને સ્થિર કર્યા છે….
  • કોઈ અહંકાર નહિ…..કોઈ ઇન્દ્રિય ના બંધન માં ન આવે….બસ એક ભગવાન માં જ રત રહે….! બાપા ગ્રહણ ની સભામાં ..અનેક બીમારીઓ છતાં સતત નિયમ ધર્મ મા દ્રઢ રહી કલાકો કથા વાર્તા નો લાભ લીધો.! …અહં શૂન્ય જીવન………દેહ ના ભીડા ને કયારેય ગણકાર્યો જ નથી…
  • નિરંતર ચાલતા રહેતા અતિ કઠિન કાર્યો માં પણ …એક પળ ભગવાન ને ભૂલ્યા નથી……એમની દરેક પળ સર્વના કલ્યાણ માટે જ હોય છે…….સદા ભગવાન નું સ્મરણ..ભજન અને ધ્યાન ચાલુ જ રહે……

અદભુત પ્રવચન….!! સભામાં જાહેરાત થઈ કે…આવતા રવિવારે..રવિસભા માં વિવિધ સંપ્રદાય ના સંતો ના દર્શન…નો લાભ મળવા નો છે….

એ પછી પૂ. ઈશ્વર ચરણ સ્વામી એ આશીર્વચન માં કહ્યું કે- ભક્તચિંતામણી ના બીજા પ્રકરણ માં સંત મહિમા વિશે યોગીબાપા કહેતા કે નિષ્કુળાનંદ સ્વામી એ આ પ્રકરણ ગુણાતીતાનંદ સ્વામી નું જીવન જોઈને લખેલું…..એ જ ગુણાતીત ગુણો આજે પણ પ્રગટ સત્પુરુષ મહંત સ્વામી મહારાજ માં જોવા મળે છે…અસંખ્ય કલ્પવૃક્ષ.. અસંખ્ય ચિંતામણી નો પણ ત્યાગ કરી ને આવા સત્પુરુષ નો સંગ …દ્રઢ પ્રીતિ કરી લેવી…એ જ આત્મદર્શન નું…ભગવાન ને પ્રાપ્ત કરવાનું સાધન છે…આપણા ભાગ્ય નો પાર નથી. …એમનામાં સદાયે દિવ્યભાવ…નિર્દોષભાવ રાખવો….તો જ દ્રઢ પ્રીતિ થશે…! મોટા પુરુષ ને આપણા પ્રત્યે અનંત ઘણું હેત છે…એમને ભગવાન નું સતત અનુસંધાન રહે છે…મહંત સ્વામી એ સમીપ દર્શન માં પધારેલા હજારો હરિભક્તો પર અનંત હેત વરસાવ્યું છે…એમનું સ્વાસ્થ્ય એટલું સારું નથી…પણ એમનું કાર્ય ચાલુ જ રહે છે…કોઈ વાતે થાકતા નથી…એમની આજ્ઞા..કે…સંપ એ પણ મહિમા સાથે નો…સુહૃદભાવ ..દિવ્યભાવ…દાસત્વભાવ સદાયે આપણાં જીવન માં રાખવા….રોજ એની તપાસ કરવી…તો જ બાપા સદાયે આપણા પર રાજી રહેશે…..

તો આજની સભાનો એક જ સાર- જીવને જો સાચા સંત નો મેળાપ થાય…જીવ એની સાથે જોડાઈ જાય તો , એના કલ્યાણ માં કોઈ ખામી ન રહે…..! આપણે તો સદભાગી છીએ કે આવા સત્પુરુષ સામે ચાલી ને આપણ ને મળ્યા છે….બસ , હવે આપણે આ પ્રાપ્તિ ની પ્રતીતિ જીવ થી કરવાની છે….

આ પ્રાપ્તિ નો કેફ સદાય રહેવો જોઈએ……અને છતે દેહે અક્ષરધામ નું સુખ ભોગવી શકીએ ..એ માટે તૈયાર થવાનું છે…

સદાય પ્રથમ શ્રીહરિ ને રે….

જય સ્વામિનારાયણ

રાજ


Leave a comment

BAPS વિશિષ્ટ રવિસભા- 07/08/2022

આજની સભા વિશિષ્ટ હતી કારણ કે આજની જ તિથિએ શ્રાવણ શુક્લ પક્ષ ની દશમી એ ઇસવીસન 2016 માં બ્રહ્મસ્વરૂપ પ્રમુખ સ્વામી મહારાજે સ્વધામ ગમન કર્યું હતું….એમનું અતુલ્ય કાર્ય….એમની બ્રાહ્મી પ્રતિભા….એમનો અક્ષર વારસો હજુ પણ નજર સમક્ષ છે….અને આ અક્ષર વારસા ની સ્મૃતિ કરવાનો આજે દિવસ હતો…..સમગ્ર સભા એના પર જ હતી….સભાની શરૂઆત મારા વ્હાલા ના મનમોહક દર્શન થી…

સભાની શરૂઆત પૂ.પ્રેમવદન સ્વામી અને યુવકો દ્વારા સ્વામિનારાયણ ધૂન થી થઈ…..ત્યારબાદ પૂ.પ્રેમવદન સ્વામી દ્વારા ” એનું નામ અમર થઈ જાશે….” પદ ગવાયું……જે ધર્મગુરુ ના અંતિમ દર્શન માટે કેવળ 4 દિવસ માં દેશ વિદેશ ના આસ્તિક…નાસ્તિક 21 લાખ થી વધુ લોકો સારંગપુર આવતા હોય તે ગુરુ સદાય અક્ષર જ હોય…..તે સૌના હૈયે યથાર્થ વસ્યું હોય તો જ આવું થાય….અને કરોડો ના ગુરુ …યુગ પુરુષ પ્રમુખ સ્વામી એક પળ પણ કેમ વિસરાય??

ત્યારબાદ એક વિડીઓ દ્વારા બ્રહ્મસ્વરૂપ પ્રમુખ સ્વામી મહારાજ ના દિવ્ય ..અતુલનીય..વિચરણ ના દર્શન કરવાનો સમગ્ર સભાને લાભ મળ્યો……! અદભુત…અદભુત…..ન દિવસ રાત, ન ભૂખ કે તડકો છાયા….કે ન કોઈ બીમારી કે થાક ની પરવા કર્યા વગર …પોતાના દેહ ને કૃષ્ણાર્પણ કરી….જીવમાત્ર ના કલ્યાણ માટે સતત વિચરનાર ..આ મહાપુરુષ નું ઋણ… કઈ રીતે ચૂકવી શકાય?? અશક્ય છે……

ત્યારબાદ પૂ. વિવેકસાગર સ્વામી સભામાં હાજર હતા…એમણે પ્રમુખ સ્વામી મહારાજ ના આ મહા કાર્ય….મહા વિચરણ ની અદભુત સ્મૃતિ નો ગુલાલ કર્યો…જોઈએ સારાંશ…

  • પ્રમુખ સ્વામી મહારાજ નું અવતરણ…વૈદિક સંસ્કૃતિ…સર્વોપરી અક્ષર પુરુષોત્તમ ઉપાસના…ના પ્રવર્તન માટે થયું….એના માટે કોઈ કાળા માથા નો માનવી કલ્પના ન કરી શકે એવા અતિ કઠિન વિચરણ ચરિત્રો કર્યા……અને પોતાનું કાર્ય પોતાના પછી પણ ચાલુ રહે એ માટે આપણ સૌને સૌથી અમૂલ્ય ભેટ …પોતાના જ સ્વરૂપ મહંત સ્વામી મહારાજ ની આપી…
  • પોતાના દેહ….પોતાની મરજી…પોતાને પડતા ભીડા સામે સહેજે જોયું જ નથી…..બસ હરિભક્તો ને રાજી કરી..એમને બ્રહ્મરૂપ કરવા ભીડો વેઠયો છે…
  • આપણા કલ્યાણ નો માર્ગ ચાલુ રહે એટલે જ પોતાના સ્વરૂપ મહંત સ્વામી મહારાજ ની ભેટ આપી….મુમુક્ષુઓ માટે મોક્ષ નું દ્વાર ઉઘાડું રાખ્યું….

અદભુત પ્રવચન….! એ પછી સમગ્ર વિશ્વ માં સત્સંગ ના પ્રસાર પ્રચાર ..વિચરણ ની સ્મૃતિ ના દર્શન કરાવતો એક વીડિયો રજૂ થયો….પ્રમુખ સ્વામી …આપનું ઋણ ચૂકવું..હું શા વડે?? એ બાદ પૂ.યજ્ઞપ્રિય સ્વામી દ્વારા સ્વામી બાપા ના

  • હરીલીલામૃત માં લખ્યું છે કે..શુરા શસ્ત્ર વડે…વિદ્વાન એ શાસ્ત્ર વડે…રાજા સૈન્ય વડે અને સંત એ પોતાની સાધુતા દ્વારા જગત ને જીતે છે….સ્વામીશ્રી ની સાધુતા અજોડ હતી…સર્વે એના થી પ્રભાવિત થયા હતા….સોખડા ના જસભાઈ જેવા કુસંગી પણ પ્રમુખસ્વામી ના દર્શન માત્ર થી સત્સંગી થયા..
  • કોઈ માન અપમાન ની પરવા નહિ….કોઈ અપેક્ષા નહિ….પણ એમની અજોડ સાધુતા થી એ સમય નાણામંત્રી એચ એમ પટેલ…ડો.કુરિયન …રાષ્ટ્રપતિ શ્રી અબ્દુલ કલામ સાહેબ …અનેક નેતાઓ…પ્રસિદ્ધ વ્યક્તિઓ પ્રભાવિત હતી…….એમની આભા એવી વિશાળ હતી…ચાલો આપણે પણ એમનો મહિમા સમજી ને આગળ વધી શકીએ એ જ પ્રાર્થના…

રસપ્રદ પ્રવચન…….! એ પછી સ્વામી બાપા ના જીવન માં રહેલો સમભાવ…. કોઈ ભેદભાવ વગર સૌનું ભલું ઇચ્છનાર પ્રમુખ સ્વામી મહારાજ ના ચરિત્ર પ્રસંગ દર્શાવતો વીડિયો રજૂ થયો…

એ પછી ગુરુહરિ મહંત સ્વામી મહારાજ ની સભામાં પધરામણી થઈ અને સમગ્ર સભા ઉત્સાહ માં આવી ગઈ….! એક વીડિયો રજુ થયો…..જેમાં સ્વામી બાપા ની અંતિમ અવસ્થા અને મહંત સ્વામી મહારાજ ની ગુરુ પદે ભેટ ના દર્શન થયા….અદભુત..!! એ બાદ પૂ.આત્મ સ્વરૂપ સ્વામી એ પ્રમુખ સ્વામી મહારાજે આપેલી સૌથી મોટી ભેટ ..મહંત સ્વામી મહારાજ વિશે વાત કરતા કહ્યું કે…( જોઈએ સારાંશ..)

  • જેમ હિરે કરીને હીરો વીંધાય છે …તેમ સત્પુરુષ દ્વારા સત્પુરુષ ની ઓળખાણ થાય છે……પ્રમુખ સ્વામી એ મહંત સ્વામી ની ઓળખાણ કરાવી અને આપણ ને ન્યાલ કરી દીધા….આપણ ને ધન્ય કરી દીધા…
  • વચનામૃત માં કહ્યું છે તેમ…અંતઃકરણ શુદ્ધ કરે એવા સાધુ ની ભેટ પ્રમુખ સ્વામી મહારાજ આપણ ને આપતા ગયા છે…જે દેહ છતાં મળ્યા છે…મહંત સ્વામી ના દર્શન માત્ર થી ભલભલા ના અંતર શાંતિ ને પામ્યા છે……
  • મહંત સ્વામી ના પ્રસંગ થી મોટા મોટા ને ભગવાન ની નજીક આવ્યા નો અનુભવ થયો છે….લોકો ના મોહ..માન… લોભ..ક્રોધ જેવા સ્વભાવ ટાળ્યા છે…એમ આપણા સ્વભાવ પણ ટાળશે…..
  • ગુરુ પદે આવ્યા પછી મહંત સ્વામી એ 200 થી વધુ સંતો….300 થી વધુ નાના મોટા મંદિરો ની સ્થાપના કરી છે…..અનેક ને અંતકાળે તેડવા પધાર્યા છે…..અક્ષર પુરુષોત્તમ.સિદ્ધાંતનું દૃઢીકરણ….પ્રવર્તન….ને નિષ્ઠાવાન સત્સંગીઓ ..બાળકો ની ફોજ તૈયાર કરી છે…. એના પ્રત્યક્ષ ઉદાહરણ છે….છતાં સ્વામી બધો યશ મહારાજ સ્વામી ને આપે છે….
  • સંપ પર ભાર મૂકી…એ સંદેશ સમગ્ર જગત માં પ્રસરાવ્યો….. અને એથી જ બધે જગત માં આપણો ડંકો વાગ્યો છે…..આપણા મંદિરો જગતભર માં બન્યા…અક્ષર પુરુષોત્તમ દર્શન જગતે સ્વીકાર્યું…..વિદ્વાન ..પંડિત શાસ્ત્રી સંતો તૈયાર કર્યા….સંસ્કૃત મહાવિદ્યાલય ના વિદ્યાર્થી ઓ ના ડંકા વાગે છે…..સુહૃદભાવ જગત માં વખણાય છે…
  • ગુરુ ના ઋણ અમૂલ્ય છે…બસ હવે એ ઋણ ચૂકવવા નો વારો આપણો છે…..શતાબ્દી ઉત્સવ આવ્યો છે…તૈયાર થઈ જાઓ…

અન્ય એક વીડિયો માં પ્રમુખ સ્વામી મહારાજ ના આ અમૂલ્ય ઋણ દર્શાવતો વીડિયો દર્શન નો લાભ મળ્યો….

ત્યારબાદ પૂ.ઇશ્વરચરણ સ્વામી એ પ્રમુખ સ્વામી મહારાજ ની આ અમૂલ્ય કૃપા નું ઋણ ચૂકવવા ના અવસર ….પ્રમુખ સ્વામી મહારાજ શતાબ્દી ઉત્સવ વિશે વાત કરતા કહ્યું કે….જોઈએ સારાંશ..

  • પ્રમુખ સ્વામી મહારાજે અમને આજ્ઞા કરતા કહ્યું કે….સત્સંગ માં દાસ થવું..સેવક થવું…સહન કરવું……
  • બાપા એ કહ્યું કે આપણા સત્સંગ ના વિકાસ ના પાયા માં …સંપ છે…….બે માળા ઓછી ફેરવવી..પણ જો સંપ હશે તો કોઈ ચિંતા નથી…..આજે મહંત સ્વામી સંપ અને દિવ્યતા…સુહૃદભાવ….મહિમાભાવ… દિવ્યતા નો સંદેશ આપ્યો છે….
  • આ જ વાત આપણા જીવન માં ઉતારીએ તો બાપા નું ઋણ ઉતાર્યું કહેવાય……..આ સંત ને શ્રીજી ને સાક્ષાત ધાર્યા છે એમ સમજીએ તો મહિમા સમજ્યો કહેવાય. આપણે તન મન ધન થી બાપા ની આજ્ઞા માં રહી સેવા કરીએ તો બાપા રાજી થાય…
  • આ વખતે શતાબ્દી ઉત્સવ માં એ પ્રત્યક્ષ દેખાય છે…..બધાને અનુભવ થયો છે…આ સ્વામી ની આજ્ઞા છે…સૌએ યા હોમ કરી ..તન મન ધન થી જોડાઈ જવું….આજે 2200 થી વધુ કાર્યકરો અને 100 થી વધુ સંતો રાત દિવસ જોયા વગર સેવા કરી રહ્યા છે….સ્વામી શ્રીજી રાજી થશે…..

અદભુત બળભર્યું પ્રવચન…!! આજે સભામાં પ્રસિદ્ધ કલાકાર દિલીપભાઈ જોશી હાજર હતા….તેમણે પ્રમુખ સ્વામી મહારાજ સાથે ની સ્મૃતિ કરતા કહ્યું કે….

  • આજે હું કઈ પણ છું …એ કેવળ અને કેવળ બાપા ના આશીર્વાદ છે…..આટલી લાંબી સિરિયલ ચલાવવી એ એક દિવ્ય વાત જ છે….બાપા ની કૃપા જ છે…..શૂટિંગ ની શરૂઆત માં હું અચૂક બાપા ને યાદ કરું છું…માળા કરું છું અને પછી શરૂઆત કરું છું..
  • જીવન ના અનેક પ્રસંગ માં બાપા ના આશીર્વાદ નો પ્રતાપ અનુભવ્યો છે…..એ જ કૃપા નો અનુભવ મહંત સ્વામી મહારાજ નો પણ થયો છે….બાપા બધું જ જાણે છે…આપણા સંકલ્પ પકડે છે….
  • બસ બાપા ને પ્રાર્થના કે…અમારા સ્વભાવ સુધારજો…એકાંતિક ધર્મ સિદ્ધ કરી..છેલ્લો જન્મ કરી આપજો….શતાબ્દી ઉત્સવ ની સેવા કરી બાપા ને રાજી કરી લેવા…બધુ એ જ કરે છે…આપણે તો બસ નિમિત્ત માત્ર છે …

અદભુત પ્રવચન …!! પૂર્વ ગૃહ રાજયમંત્રી શ્રી ગોરધનભાઇ ઝડફિયા સભામાં હાજર હતા ..તેમને સ્વામીશ્રી એ આશીર્વાદ પાઠવ્યા….સ્વામીશ્રી નું વિવિધ હાર દ્વારા અભિવાદન થયું…

સ્વામી શ્રી એ સભા અંતે આશીર્વચન આપતા કહ્યું કે (જોઈએ સારાંશ) – કોઈ નવું અહીં આવે અને સાંભળે તો બસ અહીં પરચા જ દેખાય…જે સાચું જ છે…બધું મહારાજ સ્વામી જ કરે છે…એ અખંડ રહ્યા છે…પૂર્વે તો લોકો જંગલ માં જઇ તપ કરતા ત્યારે ભગવાન મળે કે ન મળે..અને આજે તો મહારાજ સ્વામી ..અખંડ રહી સત્સંગ માં પ્રતીતિ કરાવે છે…મોક્ષ કરે છે…સૌને પ્રતીતિ છે. બાપા પાસે સમય જ નહોતો ….રાત દિવસ બસ સત્સંગ ની જ વાત… ભગવત ચરણ સ્વામી ને કહ્યું કે …અમને સેવા માં થાક જ નથી લાગતો…કોઈ કંટાળો જ નહીં…! શ્રીજી નો સંકલ્પ છે કે જીવમાત્ર ને બ્રહ્મરૂપ કરવા…તો આપણે એ સંકલ્પ માં ભળી જાવું….સ્વામી ને ..શ્રીજી ને રાજી કરી લેવા…

આપણી સંસ્થા ના અમૃત હર્બલ કેર દ્વારા વિવિધ સૂપ પ્રોડક્ટ્સ નું સ્વામીશ્રીના હસ્તે લોન્ચિંગ થયું……

અમુક જાહેરાતો થઈ….11 તરીકે રક્ષાબંધન ની સભા સવારે છે….આવતા રવિવાર ની સભા શનિવારે સાંજે થશે…

આજની સભાનો એક જ સાર હતો…..સત્પુરુષ…આપણા ગુણાતીત ગુરુઓ એ પોતાનું સર્વસ્વ આપણા માટે કૃષ્ણાર્પણ કરી દીધું છે….બસ આ ઋણ ચૂકવવા નો વારો આપણો છે….કોટી જન્મે આ ઋણ ચૂકવાય એમ નથી પણ જો આપણે એમના થઈ ને રહેશું….એમની આજ્ઞા માં ..અનુવૃત્તિ માં જીવી જાશું તો એ રાજી થશે અને આપણું અલ્પ દાખડો પણ સ્વીકારી ને પણ આપણ ને કૃતાર્થ કરશે…..

તો ઋણ ચૂકવવા તૈયાર છો ને?? મનુષ્ય જન્મ…અને એ પણ આવા સર્વોપરી સત્સંગ માં જન્મ…વારેઘડીએ નથી મળતો…..યાદ રાખજો

સદાય પ્રથમ.શ્રીહરિ ને રે…

સાષ્ટાંગ દંડવત સહિત સૌને..જય સ્વામિનારાયણ…રાજી રહેજો..

રાજ..


1 Comment

BAPS રવિસભા- 31/07/2022

“અહીં તો સેવા એ જ સત્સંગ…..સેવા એ જ જીવન….સેવા એ જ બ્રહ્મરૂપ થવાનો માર્ગ…..”

આજે મેઘ ઘનઘોર છવાયેલા હતા અને સારી વાત એ હતી કે સત્સંગ ને આતુર હરિભક્તો ને ભીંજવવા વર્ષાની હેલી ન હતી…!આજની રવિસભા નો મુખ્ય વિષય હતો…સેવા ના વ્રતધારી..અને સ્વામિનારાયણ સંપ્રદાય અને ખાસ કરી ને બેપ્સ સંસ્થા ના હાર્દ માં જ આ ગુણ પ્રધાન છે……અને સેવા ના આ મહા અભિયાન માં રામાયણ ની પેલી નાનકડી ખિસકોલી જેવું મારુ પણ..સ્વામી શ્રીજી ની કૃપા થી થોડુંક યોગદાન ક્યાંક છે આથી આ સભા કેમ ચુકાય??? સમયસર સભામાં પહોંચી ગયા અને સૌપ્રથમ…સદાય ની જેમ મારા વ્હાલા ના મનભરી ને દર્શન…

સભાની શરૂઆત અમદાવાદ ગ્રામ્ય ક્ષેત્ર ના સત્સંગ મંડળ દ્વારા સ્વામિનારાયણ મહામંત્ર ની ધૂન થઈ. ત્યારબાદ એક યુવક દ્વારા ભક્તરાજ વનમાળી દાસ રચિત ” સેવામાં રાખો સદાય…તમ પાસ માંગુ હું એટલું..” પદ રજૂ થયું. દેહ થી અને મન ..કર્મ..વચન થી મોટા પુરુષ ની આજ્ઞા મુજબ સત્સંગ ની સેવામાં જોડાઈ એ છતે દેહે અક્ષરધામ નું સુખ સદાય વર્તે એ ચોક્કસ છે….! ત્યારબાદ એક યુવક દ્વારા ” સેવા એ જ અમારું જીવન…” પદ રજૂ થયું. ખરેખર તદ્દન સાચી વાત…..અહીં તો સેવા કરે એ જ મહંત…એ જ સત્સંગ માં મોટેરો….અને એથી જ સેવા એ જ અહીં જીવન…!

આજે સભામાં ભરૂચ મંદિર કોઠારી અને વિદ્વાન, ખૂબ સારા વક્તા એવા પૂ.અનિર્દેશ સ્વામી પધાર્યા હતા. સભાને એમના પ્રવચન નો લાભ મળ્યો….જોઈએ સારાંશ…..

  • ભતૃહરી એ સેવા ધર્મ ને ગહન…ગૂઢ કહ્યો છે પણ આપણાં ગુરુવર્યો એ એને સર્વજીવ સુગમ કર્યો છે….આજ્ઞા થી થતી સેવા અક્ષરધામ પ્રાપ્તિ નું કારણ બને છે
  • સેવક ના લક્ષણ- આપોઆપ સેવા કરવાનો શુદ્ધ ભાવ, સાચું સમર્પણ, જવાબદારી અને નિર્દમ્ભ પણું , ઉપેક્ષા રહિત તન્મયપણું, કોઈ શરત વગર ની તત્પરતા પણુ અને ઉત્સાહ…દેહભાવ મૂકી ને સેવા ની સાતત્યતા …..ટૂંક માં સાચો સેવક એટલે સાચો ધણી…. ધણી પણુ રાખી ને સેવા કરે એ સાચો સેવક
  • શતાબ્દી માં.સેવા ..ધણી થઈ ને કરવાની છે….જે આપણા ગુરુવર્યો ના જીવન માં પ્રત્યક્ષ દેખાય છે…
  • સાચો સેવા ધર્મ નો ધણી એટલે અધિકાર સામે જોયા વગર સેવામાં જોડાઈ જવું….અધિકાર આપે પણ વાપરે નહિ…પ્રમુખ સ્વામી એ પ્રમુખ વરણી દિન ને દિવસે જ એંઠા વાસણો ધોયા…
  • સાચું ધણી પણુ એટલે સેવા કરે…સેવા કરાવે નહિ એ….પ્રમુખ સ્વામી મહારાજે અટલાદરા મંદિર માં અતિ ગરમી વચ્ચે ચુનો પીસવા ની સેવા કરી…પોતાની આંગળી મહાકાય પથ્થર વચ્ચે છૂંદાઈ ગઈ છતાં સેવા નો યજ્ઞ અવિરત ચાલતો જ રહ્યો….
  • સાચું ધણી પણુ એટલે સૌનું સાંભળે પણ કોઈને સંભળાવે નહિ…….સ્વામી સૌને સાંભળે…પણ કોઈને કોઈ ..ક્યારેય ફરિયાદ નહિ….સગવડો અગવડો વચ્ચે અતિ કઠિન વિચરણ પણ કોઈ ફરિયાદ નહિ..
  • સાચું ધણી પણુ એટલે બીજાને અનુકૂળ થઈ જાય પણ એ ને પોતાને અનુકૂળ કરવાનો કોઈ આગ્રહ નહિ….હઠીલા હરિભક્તો ની અયોગ્ય હઠ ને સાચવવા પ્રમુખ સ્વામી મહારાજ પોતાની અનુકૂળતા છોડી એમની અનુકૂળતા પ્રમાણે વર્તતા…
  • સાચું ધણી પણુ એટલે સ્વયં જાત ને જોડી દે….પણ કોઈને જોડવા નો દુરાગ્રહ ન કરે…..સ્વામી …મંદિર ના ગંદા ટોયલેટ કોઈને પણ કહ્યા વગર જાતે જ સાફ કરવા મંડી પડ્યા….
  • સાચું ધણી પણુ એટલે સૌને સફળતા નો યશ આપે પણ એક પોતાને ન આપે…..સમગ્ર સમૈયા ઓ માં પોતાનું સર્વ માર્ગદર્શન ..આયોજન હતું પણ તેની સફળતા નો યશ તો સર્વે સંતો..હરિભક્તો…ને જ આપતા…ક્યારેય આ “મેં” કર્યું છે એવી વાત જ નહીં..
  • સાચું ધણી પણુ એટલે સૌને હાથ જોડે પણ કોઈને જોડાવે નહિ…….પ્રમુખ સ્વામી હોય કે મહંત સ્વામી…એમના હાથ હરિભક્તો ની સમક્ષ સદાય જોડાયેલા જ હોય…! ગોંડલ માં અમૃત મહોત્સવ માં હઠાગ્રહ થી પીડિત એક હરિભક્ત ને મનાવવા માં બાપા એ યોગીબાપા ની આજ્ઞા થી 10 થી 12 કલાક હાથ જોડીને મનામણી કરી હતી…..હરિભક્ત ને હાથ જોડ્યા પણ એને જોડાવ્યા નહિ….!
  • સાચો ધણી એટલે સામે વાળા ને સમજી જાય પણ એને સમજાવવા નો કોઈ દુરાગ્રહ નહીં….
  • સામે વાળા ની લાગણી સમજી જાય પણ પોતાની લાગણી કોઈ ને સમજાવવાનો આગ્રહ નહિ
  • સામે વાળા ની માફી માંગે પણ કોઈની પાસે પોતાની માફી મંગાવે નહિ…એ સત્સંગ નો સાચો ધણી….ભૂલ બીજા ની હોય છતાં પોતે વિના કારણે માફી માંગે..એવા અનેક પ્રસંગો પ્રમુખ સ્વામી ના જીવન માં ઠેર ઠેર જોવા મળે છે….
  • અડધી રાત્રે ગાદલા ભરેલી ટ્રક આખી..પોતે ખાલી કરી….કોઈને પણ તકલીફ ન આપી…ભીડો પોતે વેઠી લીધો.
  • આ શતાબ્દી ઉત્સવ માં પ્રગટ ગુરુ મહંત સ્વામી મહારાજ ની આજ્ઞા થી યાહોમ કરી જોડાઈ જવું…..પ્રમુખ સ્વામી મહારાજ ના જીવન ચરિત્ર નો એક એક પ્રસંગ ..એનો મહિમા વિચારી ને …એમને રાજી કરવા …એમના જન્મ શતાબ્દી ઉત્સવમાં ઉત્સાહ થી જોડાઈ જવું…….
  • એમનું જીવન એ જ એમનો સંદેશ છે….આજ્ઞા છે…પ્રેરણા છે….એ પ્રમાણે જીવાશે તો સર્વોપરી સેવા થશે….શબરી જેમ ભગવાન ને ઓળખી અમર થઈ ગયા…..તેમ આ સંત ..એનો મહિમા ઓળખી…સમજી ને…એમનામાં મન કર્મ વચને..બુદ્ધિ એ કરી જોડાઈ જવું…. અક્ષર રૂપ થઈ જવું.
  • ગુરુ વચને…ગુરુ ની અનુવૃત્તિ પ્રમાણે પોતાની નજર રાખવી…જીવન જીવી જવું….પોતાનું મન મુકીને વર્તીએ…તો જ અંતરમાં સુખ રહે….શાંતિ રહે….હવે શતાબ્દી ઉત્સવ માં ગુરુ આજ્ઞા મુજબ યથાર્થ જોડાઈ જવું….તો જ ગુરુ રાજી થાય.

અદભુત પ્રવચન….!!

એ પછી પ.પૂ.મહંત સ્વામી મહારાજ ની સભામાં પધરામણી થઈ. સ્વામી ..મહારાજ સાથે શ્વેત હિંડોળા માં અદભુત લાગતા હતા….બાળકો કિશોરો એ સ્વામી ના સ્વાગતમાં “સેવા ના વ્રતધારી અમે તો…”પદ પર નૃત્ય રજૂ કર્યું.

સેવા કરવામાં મોટું વિઘ્ન હોય તો તે છે દેહભાવ….અને આપણે અક્ષર પુરુષોત્તમ મહારાજ ના બળદિયા થવાનું છે…..એ વિઘ્ન પર એક સંવાદ રજૂ થયો….

સેવા કરતા દેહભાવ નડે તો આપણા ગુરુઓ એ કરેલી સેવા ના પ્રસંગો નું મનન ચિંતન કરવું…..દેહભાવ દૂર થઈ જશે….સેવાનો મહિમા સમજાશે….! સેવા કરતા ઉતારા.. ખાવાપીવાની સગવડો ન સચવાય તો પણ મોળા પડી જવાય….એ પર પણ અન્ય એક સંવાદ કડી ગાંધીનગર ના યુવકો દ્વારા રજૂ થયો…..! અદભુત સંવાદ….! દેહાભિમાન પણ એક વિઘ્ન છે …..તેના પર પણ એક સંવાદ રજૂ થયો…..! સેવા કરીએ અને વખાણ ની અપેક્ષા રાખવી એ દેહાભિમાન છે….જીવ ને મોળો પાડી દે…..સત્સંગમાં થી પડી જાય…..આ કદરભાવ ને દર્શાવતો એક સંવાદ રજૂ થયો….! આપણે આપણા ગુરુઓ નું જીવન નજર સમક્ષ રાખી મહારાજ સ્વામી નીં સેવા કરવાની છે…

ત્યારબાદ મહેસાણા ના યુવકો દ્વારા ” સેવા પ્રમુખ ની રીતે” વિષય પર એક અનુભવ આધારિત કાર્યક્રમ રજૂ થયો…..જેમાં શતાબ્દી સેવકો એ પોતાના વિવિધ અનુભવ…ગુરુ ના પ્રસંગો ને આધારે રજૂ કર્યા….! અદભુત….! ગુરુ નો…ભગવાન નો મહિમા દ્રઢ હોય…હરપળ એમના રાજીપા નો જ વિચાર હોય…તો શું ન થાય?? સમજવાનું એ જ છે….

ત્યારબાદ હિંમતનગર ના બાળકો દ્વારા “સેવા…સેવા…સેવા..” પદ પર એક નૃત્ય રજૂ થયું……ગુરુ આજ્ઞા એ …પરસ્પર સંપ..આદરભાવ સાથે સેવા કરીએ તો ગુરુ..ભગવાન રાજી થાય….એ જ મંડળ દ્વારા સેવા પર એક સંવાદ પણ રજૂ થયો…. ! અદભુત સંવાદ……જો જીવ ને કલ્યાણ નો ખપ હોય તો બધું જ થાય…!

સભાને અંતે મહંત સ્વામી મહારાજે આશીર્વચન માં કહ્યું કે….અત્યારે શતાબ્દી ઉત્સવ મેદાન પર સેવા નો બમણો ઉત્સાહ છે…બધા મંડી પડ્યા છે…આપણા ગુરુઓને અસહનીય ભીડા ઓ વચ્ચે …કેટલા ઉત્સાહ સાથે સેવા કરી છે..! આપણે પણ એવી જ સેવા કરવાની છે…! ત્યારબાદ અલગ અલગ સત્સંગ મંડળો દ્વારા બનાવેલા વિવિધ હાર થી સ્વામીશ્રી નું અભિવાદન પૂજા થયું. ત્યારબાદ ખાસ સ્વામીશ્રી ના દર્શન માટે જ મુંબઇ થી પધારેલા પ્રસિદ્ધ ગાયક નીતિન મુકેશ નું સ્વાગત થયું. ગુરુ મહિમા ના એક બે પદ ગાઈ ને સમગ્ર સભાને ઉત્સાહ થી ભરી દીધી…… શુદ્ધ ગુજરાતી માં બોલતા કહ્યું કે પૂ.મહંત સ્વામી ના દર્શન થયાં ને ધન્ય થઈ ગયો…મારા બાપુજી..બાળકો નું જીવન ધન્ય થયું….હું શતાબ્દી ઉત્સવમાં સ્વામી આજ્ઞા થશે એટલી સેવા કરીશ…જય સ્વામિનારાયણ…!! અદભુત…..!!

આજની સભા અદભુત હતી…..ક્ષર માંથી અક્ષર કઈ રીતે થવાય? એ ગહન રહસ્ય નો ઉત્તર અહીં હતો……જો દેહભાવ ટાળી ને…કેવળ એક ભગવાન ને રાજીપા…પ્રસન્નતા ને અર્થે કાર્ય થાય…સેવા થાય તો એ ભક્તિ કહેવાય છે અને મોક્ષ નું કારણ બને છે…..ગીતામાં…શિક્ષાપત્રી માં શ્રીજી એ જેમ આવક નો દસમો વીસમો ભાગ ભગવાન અર્થે કાઢવાની વાત કરી છે તેમ જો આપણા આયુષ્ય નો દસમો કે વીસમો ભાગ ભગવાન અર્થે નીકળે તો ફરી લખચોરાસી માં ભટકવું ન પડે…..!!! અહીં તો સેવા કરે એ જ મહંત…એ જ મોટો…!!

સમજતા રહો….છેવટે આ આપણા મોક્ષ ની વાત છે….બ્રહ્મરૂપ થવાની વાત છે….

સદાય પ્રથમ શ્રીહરિ ને રે….

સેવક રાજ ના સર્વને સાષ્ટાંગ દંડવત સહિત જય સ્વામિનારાયણ


Leave a comment

BAPS વિશિષ્ટ બાળ રવિ સભા- 17/07/2022

જીવન માં આદર્શ કોને કહેવાય?? આપણા સત્સંગીઓ માટે તો આપણા ગુરુ જ આપણા આદર્શ…..એ પોતે આદર્શ શિષ્ય બન્યા ..આદર્શ ભક્ત બન્યા..ગુણાતીત બન્યા અને આપણ ને એ શીખવ્યું. આજે એ જ આદર્શ ગુરુ ની વાત…એમના બાળપણ ના સ્વરૂપ શાંતિલાલના સંસ્કારો ની વાત આજની બાળસભા માં હતી….બાળકો નાનપણ થી જ ગુરુ પગલે ચાલશે તો બાકી ની જિંદગી માં વાંધો નહિ આવે…એ મહિમા સાથે ચાલો મારા વ્હાલા ના આજના અદભુત દર્શન કરીએ..

બાળ સભા હતી એટલે સભાની શરૂઆત બાળકો દ્વારા જ “લગની લાગી રે ..સ્વામિનારાયણ નામ ની” પદ ની ધૂન થી થઈ…ત્યારબાદ બાળકો દ્વારા જ પ્રેમાનંદ સ્વામી રચિત ” પધારો ને સહજાનંદજી ….ગુના કરી ને માફ” પદ રજૂ થયું…! આદ્ર ભાવે ભગવાન ને કરેલી પ્રાર્થના ક્યારેય નિષ્ફળ જતી નથી…..બસ અંતર શુદ્ધ હોવું જોઈએ….અને બાળકો થી વિશેષ કોનું અંતર શુદ્ધ હોય?? ..એ પછી એક બાળક દ્વારા પૂ.અક્ષર જીવન સ્વામી રચિત ” વહેતુ જીવન તમારું ..ગંગા ની ધારા….” પદ થોડાક ફેરફાર સાથે રજૂ થયું. …એ જ પ્રમુખ સ્વામી આજે મહંત સ્વામી દ્વારા પ્રગટ છે તે આજે પ્રત્યક્ષ અનુભવાય છે….! ગુણાતીત પરંપરા તો ચિરંજીવી છે…ચાલુ જ રહેશે..! ત્યારબાદ યુવકો દ્વારા “બોલ..હરિ બોલ…”પદ રજૂ થયું. પ્રમુખ સ્વામી મહારાજ નું બાળપણ નું સ્વરૂપ શાંતિલાલ ના ચરિત્ર…ભગવાન પ્રત્યે ની લગની…. ભક્તિ ભાવ સર્વે નું દર્શન આ પદ દ્વારા પ્રત્યક્ષ થયું. …એમના જેવા ભક્તિ ભાવ ના ગુણ આપણા માં પણ આવે તો બાકી શુ રહે??

ત્યારબાદ પૂ.જ્ઞાન નયન સ્વામી દ્વારા “ત્વમેવ માતાશ્ચ પિતા ત્વમેવ…” વિષય પર પ્રવચન થયું…જોઈએ સારાંશ…

  • જ્યારે કોઈ માણસ સદગુણ નો ભંડાર હોય ત્યારે એને આદર્શ કહેવાય…એ જ વેદો શાસ્ત્રો માં કહ્યું છે…અને એ સર્વે સદગુણ પ્રમુખ સ્વામી મહારાજ હતા…..શાંતિલાલ હૈ આદર્શ હમારા….એ સૂત્ર અહીં સિદ્ધ થતું સ્પષ્ટ દેખાય છે..
  • દરેક ઉમર ના વ્યક્તિ ને…અબાલ વૃદ્ધ સૌને પ્રમુખ સ્વામી ના જીવન માં થી કૈક ને કૈક જરૂર શીખવા મળે….બાળકો સાથે એમનો વ્યવહાર અદભુત હતો…..નાના માં નાના બાળક ને પણ ગંભીરતા થી લેતા….જેમ કે …મલાવ ગામ ના બાળક શંભુ ની વાત ગંભીરતા થી લઇ એના ગામ પધાર્યા…બાળકો ની વિનંતી થી આસન નીચું કર્યું…ભરસભા માં બાળક ની માફી માંગી એની વાત સાંભળી…!અદભુત…
  • અત્યારે જમાનો ફાસ્ટ છે…સ્પર્ધા બહુ જ છે અને બાળકો માટે પરિસ્થતી વિકટ છે…..ટીવી મોબાઈલ એકલતા થી દુર રાખવા…..બાળકો ને સમય આપવો….
  • બાપા કહેતા કે બાળકો ને જો સંસ્કાર નહિ આપો તો સંપત્તિ અને સંતતિ બંને ગુમાવશો……! સંસ્કાર આપવાની શરૂઆત જન્મ થી જ કરવી…..તમે જેવું વર્તન કરશો એવું જ તમારા બાળકો કરશે…..આથી માં બાપ તરીકે સચેત રહો….

અદભુત પ્રવચન……જીવન માં આ વાત ઉતરશે તો બાળકો પ્રત્યે નો અભિગમ બદલાશે…આપણું અને આપણા બાળકો નું જીવન બદલાશે…

ત્યારબાદ બાળકો દ્વારા સત્સંગ દીક્ષા ના મુખપાઠ ની રજુઆત બાળકો દ્વારા થઇ. ધાણી ફૂટે તેમ નાના બાળકો એ સંસ્કૃત શ્લોકો ની રજુઆત કરી….અદભુત….અદભુત..!!

ત્યારબાદ પ્રમુખ સ્વામી મહારાજ ના જીવન ના બાળપણ ના…શાંતિલાલ તરીકે ના પ્રસંગો નું વિવિધ સંવાદો ,નૃત્ય દ્વારા પ્રદર્શન થયું…..જોઈએ સારાંશ

  • રાજીપો..કુરાજીપો ની ગેમ રમાડી…..મોટા પુરુષ નો રાજીપો કઈ રીતે મળે? એ ઉત્તર શાંતિલાલ ના જીવન પ્રસંગ પર થી મળ્યો…રમવાનું હોય કે ભણવાનું…શાંતિલાલ હમેંશા પ્રથમ જ આવતા..ગુરુ આજ્ઞા માં તત્પર રહેતા શાંતિલાલ ભક્તિ ભજન માં પ્રથમ રહેતા…..એ એનિમેશન મુવી અને નૃત્ય થી..સંવાદથી જાણવા મળ્યું. …શાંતિલાલ આદર્શ હમારા…!!
  • જીવન માં તપ ઉપવાસ નિયમ ધર્મ નું મહત્વ ..શાંતિલાલ ના એકાદશી ના ઉપવાસ થી જાણવા મળ્યું….નિયમ ધર્મ વગર સારું જીવન શક્ય નથી….જેના જીવન ના પાયા માં સત્પુરુષ ની આજ્ઞા હોય તો જ સત્પુરુષ નો રાજીપો મળે…..શાંતિલાલે ગુરુ શાસ્ત્રીજી મહારાજ ના એક પત્ર ને આશરે ગૃહ ત્યાગ કર્યો…..અને જગત ને પ્રમુખ સ્વામી મળ્યા…

અદભુત સંદેશ…! એ પછી પ.પૂ.મહંત સ્વામી મહારાજે સર્વે ને આશીર્વાદ આપતા કહ્યું કે …બાળકો એ રજુઆત કરી એમ ત્રણ વાત જીવન માં દ્રઢ કરવી….ભણવા નું હોય કે રમવાનું…પ્રથમ રહેવું, નિયમ ધર્મ માં દ્રઢ રહેવું, ગુરુ આજ્ઞામાં …મન ગમતું મૂકી ને ..સારધાર વર્તવું….શાંતિલાલ જેવું જીવન જીવવું. …નિયમ ધર્મ માં સોલિડ રહેવું ..દ્રઢ રહેવું…તો ગુરુ રાજી થાય.

ત્યારબાદ સ્વામીશ્રી ને વિવિધ મંડળો દ્વારા આવેલા હાર થી પુજીત કરવા માં આવ્યા….

ત્યારબાદ રશિયા થી પધારેલા એક સત્સંગી બહેન….શીનાબેન ઓયકોવા(???) ( નામ સાંભળી શકાયું નથી) જે લગભગ એક માસ ના રોકાણ દરમિયાન 17 વખત આંબલી વાળી પોળ ના દર્શન કર્યા છે….અને રશિયામાં ભવ્ય બેપ્સ સ્વામિનારાયણ મંદિર બને એ માટે પ્રાર્થના કરી છે….! અદભુત…!

આજની સભાનો એક જ સંદેશ હતો કે તમારા સંતાનો ને વારસા માં સંસ્કાર , ધર્મ નિયમ,ભક્તિ આપવા….જો એ હશે તો બધું જ રહેશે અને જો એ નહિ હોય તો સર્વે સુખો સમૃદ્ધિ ને જતા વાર નહિ લાગે….

અને બેપ્સ માં …સ્વામિનારાયણ સંપ્રદાય માં સત્સંગ..ધર્મ, સંસ્કાર, નિયમ ,ઉપાસના માતા ના ગર્ભમાં થી જ મળે છે….એ માટે આપણ ને ગર્વ છે……

અહીંયા તો સદાય ..પ્રથમ શ્રીહરિ ને રે…

જય સ્વામિનારાયણ

રાજ


1 Comment

BAPS રવિસભા-10/07/2022

આજે અમદાવાદીઓ ને મેઘરાજા એ થોડોક આરામ આપ્યો હતો….કદાચ એમણે પણ દેવપોઢી એકાદશી કરી હશે..!! સમય પહેલા સભામાં પહોંચી ગયા અને સત્પુરુષ જ્યાં હાજર હોય ત્યાં માનવ મહેરામણ તો હોય જ…..એ મહેરામણ નો લાભ લેતા લેતા સર્વ પ્રથમ મારા વ્હાલા ના મનમોહક દર્શન….અંતર માં ઉતારો એવી છબી આજ ઘનશ્યામ ની…

સભાની શરૂઆત સંતો યુવકો દ્વારા સ્વામિનારાયણ ધૂન અને પ્રાર્થના થી થઈ….સમગ્ર સભા આ ધૂન માં એકતાલ થઈ ગઈ….! અદભુત..! ત્યારબાદ પૂ.કૃષ્ણપ્રિય સ્વામી દ્વારા ” ધન્ય ધન્ય આવા સંત ને…જેના પૂજને શ્રીહરિ પૂજાય રે…” રજૂ થયું…..વચનામૃત ગઢડા પ્રથમ 27 ના પદ્ય સ્વરૂપ એવા આ પદ માં મોટા સંત અને શ્રીજી ની એકરૂપતા રજૂ થઈ….! જો જીવ ને આ સમજાય અને મોટા સંત નો મહિમા સમજાય તો જીવ ને શિવ થતા વાર ન લાગે..!!..એ પછી અન્ય એક સંત દ્વારા ” તપ કરે જ્ઞાનજીવન જી ..તપ કરે…” પદ રજૂ થયું અને યોગીબાપા ની એ ડોલતી… સ્નેહમૂર્તિ નજરો સમક્ષ છવાઈ ગઈ….! આજે એકાદશી હતી અને એક અન્ય સંત દ્વારા બ્રહ્માનંદ સ્વામી રચિત ” ધન્ય ધન્ય આજની એકદશી રે….” પદ રજૂ થયું. ….! અદભુત પદ..!!

ત્યારબાદ પૂ.વિવેકસાગર સ્વામી એ ચાતુર્માસ ના મહિમા વિશે રસપ્રદ પ્રવચન નો લાભ આપ્યો….જોઈએ સારાંશ માત્ર..

  • ચાતુર્માસ એટલે આંતરજાગૃતિ નું પર્વ…….ઉત્સવો… એ પણ સંસ્કાર ….શુદ્ધ ભક્તિ સહિત….ધર્મ નિયમ સહિત ઉજવવા ની પરંપરા શ્રીજી એ આપ્યા…હિન્દૂ ધર્મ ને જાગૃત કર્યો..
  • બલિરાજા ના સમર્પણ ને વશ થઈ ભગવાન એને ચાર માસ માટે વશ થયા…..આથી જ નિયમ ધર્મ સહિત જીવે જાગૃત થઇ ને ભગવાન ની ભક્તિ કરવી….! નિયમ ધર્મ ની દ્રઢતા રાખવી.
  • નિયમ ધર્મ દ્રઢ સાથે ચાતુર્માસ કરીશું તો મોટા પુરુષ રાજી થાય. ગુરુ પૂર્ણિમા પણ ચાતુર્માસ માં આવશે અને ગુરુ ને યથાર્થ શરણે જવાનો આ ઉત્સવ છે. ગુરુ ના ચરણ માં સમર્પિત થવાનો ઉત્સવ છે
  • ગુરુ વિના જ્ઞાન થતું નથી…..અધ્યાત્મ માર્ગ માં ગુરુ વિના આગળ વધાતુ જ નથી….સાચા ગુરુ તો ભગવાન નું પ્રગટ સ્વરૂપ છે…..આઠ પ્રકાર ના ગુરુ શાસ્ત્રો માં કહ્યા છે ..જે આજે મહંત સ્વામી મહારાજ માં પ્રત્યક્ષ દેખાય છે
  • ચાતુર્માસ માં હિંડોળા નો ઉત્સવ આવે છે….વૈષ્ણવો કહે છે કે ભગવાન ને હિંડોળે ઝૂલતા દર્શન તો ફરીથી જન્મ ન લેવો પડે….
  • અન્ય ઉત્સવો માં રક્ષા બંધન પણ આવે……ભગવાન અને મોટા પુરુષ આપણી રક્ષામાં સદાય છે ..એનું એ પ્રતીક છે…માટે જ ભગવાન ની શરણાગતિ માં જવું…અહં મમત્વ થી રક્ષા થાય…કુસંગ…કુસંપ…વિષયો થી રક્ષા થાય એમ ભગવાન પાસે માંગવું.
  • જન્માષ્ટમી ઉત્સવ એ વાત નું પ્રતીક છે કે જીવ ને માયા ના બંધનો માં થી મુક્ત કરવા ભગવાન અવતાર ધારણ કરે છે…ગોપી ના ઉદાહરણ થી સમજવાનું કે ભગવાન ની અનુવૃત્તિ પારખી ને જીવી જવું. ..ધર્મ નું સ્થાપન ભગવાને કર્યું અનેં પોતાના સંતો દ્વારા ધર્મ સદાય રહે તેનું વચન આપ્યું.
  • જલઝીલની એકાદશી ના દિવસે ભગવાન ને નૌકા વિહાર કરાવાય છે અને નવધા ભક્તિ દ્રઢ થાય છે…..ભવસાગર માં પડેલા જીવ ને ભગવાન ..ભક્તિ રૂપી …સત્સંગ રૂપી નૌકા થી બચાવે છે…ભગવાન ની મરજી માં રહીએ તો આ નૌકા માં બેસાય…સ્વભાવ માં …પરિવર્તન લાવીએ તો ભગવાન રાજી થાય. માટે જ જીવ નું રૂડું થાય એ માટે સંત અને ભગવાન જીવ નો સ્વભાવ યેનકેન પ્રકારે બદલે જ છે….સ્વભાવ મુકાવે છે.
  • નવરાત્રિ નો ઉત્સવ એ વાત નું પ્રતીક છે કે જીવ ની પાડા જેવી વૃત્તિઓ ને ભગવાન ની શક્તિ થી હણી શકાય છે….વિજય દશમી એટલે કે દશેરા પણ એ વૃત્તિઓ પર ભગવાન ની શક્તિ ના વિજય નો ઉત્સવ છે.
  • શરદ પૂર્ણિમા- ઉત્સવ પ્રતિ ક્ષણ જાગૃતિ નું પ્રતીક છે ….ભગવાન રૂપી ધન મેળવવા નો ઉત્સવ છે….ગુણાતીત પ્રાગટય નો ઉત્સવ છે …જે પૂર્ણ ચંદ્ર આજે પણ મહંત સ્વામી રૂપે પ્રગટ છે.
  • દિવાળી ઉત્સવ ના દિવસો પણ અજ્ઞાન થી જ્ઞાન તરફ…..ભગવાન તરફ જવાનો ઉત્સવ છે. ભગવાન જ સાચું નાણું છે….સંસ્કાર રૂપી ધન ને જાળવવા નું છે….ભગવાન ને જ સર્વ કર્તાહર્તા સમજી સદાયે આગળ જ રાખવા…
  • ભગવાન સદાયે પોતાના એકાંતિક સંત દ્વારા પ્રગટ રહે છે …એ સમજવાનું છે…..એ સાથે છે તો સદાયે લાભ લાભ જ છે.
  • આમ ચાર માસ ધર્મ નિયમ ભક્તિ માં જીવ દ્રઢ રહે તો અંતર માં સદાયે ભગવાન પ્રગટ થાય..રહે…..

અદભુત પ્રવચન….!! ..

ત્યારબાદ ચાતુર્માસ માં આવતા વિવિધ ઉત્સવો – ગુરુ પૂર્ણિમા, હિંડોળા ઉત્સવ, રક્ષાબંધન, જન્માષ્ટમી, ગણેશ ચતુર્થી, જળ ઝીલણી એકાદશી, શાસ્ત્રીજી મહારાજ સ્મૃતિ પર્વ, મહંત સ્વામી મહારાજ જન્મ.જયંતિ ઉત્સવ, શરદ પૂર્ણિમા, અન્નકૂટોત્સવ….પ્રબોધિની એકાદશી…વગેરે ઉત્સવો નો યુવકો દ્વારા નૃત્ય દ્વારા પ્રસ્તુતિ થઇ…….અદભુત પ્રદર્શન…!! અદભુત…અદભુત….!!

આ સાથે ધોધમાર વરસાદ નું પણ ચાલુ સભાએ આગમન થયું…..આનંદો અમદાવાદીઓ….આનંદો….!!

ત્યારબાદ ચાતુર્માસ ના વિશેષ નિયમો સાથે વાંચન યજ્ઞ અને શ્રવણ યજ્ઞ ના પણ નિયમો લેવાના છે….! પૂ.અદર્શજીવન સ્વામી દ્વારા રચાઈ રહેલા પ્રમુખ સ્વામી મહારાજ ના જીવન ચરિત્ર ની રચના કઈ રીતે થઈ…કેવી ટીમ હતી…કેવું આયોજન હતું…એ સર્વે ને દર્શાવતો વીડિયો રજૂ થયો…! કેટકેટલું આયોજન….અતુલ્ય મહેનત….સખત ભીડો….અનેક સંતો સદ્ગુરુઓ નો સહિયારો પ્રયત્ન ….હરિભક્તો યુવકો ની ટીમ…અઢળક..ખૂબ ઊંડું સંશોધન.. વગેરે ની અકલ્પનિય મહેનત દર્શાવતો વીડિયો રજૂ થયો…! સત્પુરુષ એ પણ પ્રમુખ સ્વામી મહારાજ ના જીવન ને શબ્દો માં આલેખવું લગભગ અશક્ય છે…પણ કેવળ એમની જ કૃપા થી જ આ શક્ય બન્યું અને જીવન ચરિત્ર લખાયું…! આદર્શજીવન સ્વામી દિવસ માં 13 થી 14 કલાક લખતા….એક જ સમય જમતા…..!સતત 38 મહિના ની મહેનત……!! શુ મહેનત…! અકલ્પનિય…!! કુલ 13 ભાગ અને 6500 થી વધુ પાના માં ફેલાયેલું આ જીવન ચરિત્ર પ્રમુખ સ્વામી મહારાજ ના કાર્ય નું વિશાળ ચિત્રપટ છે…..તાદ્રશ્ય દર્શન છે….!! પ.પૂ. મહંત સ્વામી મહારાજ અત્યંત રાજી થયા અને અનેક આશીર્વાદ આપ્યા…!! સૌ હરિભક્તો એ આ 13 ભાગ અચૂક વસાવવા ની આજ્ઞા કરી…!

ત્યારબાદ યુવકો દ્વારા આપણું મન vs ચાતુર્માસ ના નિયમ – વિષય પર એક પદ્ય ગદ્ય સંવાદ ની પ્રસ્તુતિ થઈ…! નિયમ લઇ ને મૂકી દેવાના…એવા સુરા ખાચર જેવું ન કરવું…!! હાહાહા……! નિયમ ધર્મ માં દ્રઢ રહેવું…

ત્યારબાદ મહંત સ્વામી મહારાજે મન સામે ની આ લડાઈ માં જીતવા માટે આશીર્વાદ આપતા કહ્યું કે…..ભગવાન ની આજ્ઞા માં સારધાર રહીએ તો જ મન જીતાય…બાકી આ મન કોઈના થી જીતાય એમ નથી. શ્રીજી ની આજ્ઞા પાળવી કઠણ છે , પણ પ્રયત્ન કરતા રહીએ …લડતા રહીએ…તો આજ્ઞા પળાય… અને મન જીતાય..! બાપા નું જીવન ચરિત્ર અદભુત છે…વાંચીએ તો લાગે તો આપણે બાપા ની સાથે જ વિચરણ કરીએ છીએ..! એકદમ શુદ્ધ….પ્રામાણિક ચરિત્ર….વચનામૃત સમાન છે…! આ સમગ્ર દુનિયામાં એક અતુલ્ય ગ્રંથ છે. રોજ વાંચવો…..ખૂબ પ્રેરણા મળશે….!

ત્યારબાદ ચાતુર્માસ ના વિશેષ નિયમો અંગે વાત થઈ….યથાશક્તિ નિયમ લેવા…અને અચૂક પાળવા….

બસ આજની સભાનો એક જ સાર હતો….આ ચાતુર્માસ જ નહીં…પણ સમગ્ર જીવન ની પ્રત્યેક ક્ષણ માં …એક ભગવાન ને જ સર્વે ક્રિયામાં આગળ રાખવા…!! …એક …એમના ગમતામાં રહીએ…. રાજીપા માં જ રહીએ તો આ જીવન સફળ…!!

તૈયાર છો ને??

સદાય પ્રથમ શ્રીહરિ ને રે…!

જય સ્વામિનારાયણ

રાજ


Leave a comment

BAPS વિશિષ્ટ યુવા રવિસભા- 03/07/2022

આજે મેઘરાજા અષાઢી મૂડ માં હતા આથી તડકો પણ હતો અને સાથે વરસાદ પણ…..વાદળ કવિ કાલિદાસ ના અભિજ્ઞાન શાકુંતલ ના વિરહ કાવ્ય નું વર્ણન કરતા હોય તેમ આખો દિવસ છવાયેલા રહે છે…અને એ સાથે સત્સંગ ની હેલી પણ ભરપૂર છવાયેલી રહે છે…આજની સભા માં યુવા સત્સંગ નો તાદ્રશ્ય અનુભવ સત્પુરુષ ની હાજરી માં હતો….શરૂઆત મારા વ્હાલા ના દર્શન થી….

શરૂઆત યુવકો દવારા સ્વામિનારાયણ ધૂન થી થઈ….યુવક મિત્ર જૈમીન દ્વારા કીર્તન રજુ થયું…એ પછી મારુ ..સૌનું પ્રિય પદ…પૂ.જ્ઞાનેશ્વર સ્વામી રચિત  ” તું દિન કહે તો દિન..” રજૂ થયું….! સૌ સત્સંગી ઓ ના હૃદય નો સાચો ભાવ…..બસ ગુરુ અને ભગવાન કહે તેમ જ કરવું છે…મન ની સર્વે ગાંઠો…ગ્રંથિઓ છોડી દેવી છે અને શ્રીજી ની મરજી મુજબ જ જીવી જાઉં છે…..!! સર્વોચ્ચ સમર્પણ ભાવ…! એવા જ ભાવ સાથે નું અન્ય એક કીર્તન….પૂ .યોગેન્દ્ર દાસ સ્વામી રચિત  ” આપ રીઝો એમ રાજી….સ્વામી આપ રીઝો..” રજૂ થયું…..! જ્યારે સત્પુરુષ ના રાજીપા માં જીવ ને પોતાનો રાજીપો દેખાય ત્યારે મોક્ષ માર્ગ માં એને કશું બાકી ન રહે….બ્રહ્મ સંગાથે અચૂક બ્રહ્મ થાય જ..!! એક પ્રશ્ન આપણી જાત ને……આપણે સત્પુરુષ ની મરજી …એમનો રાજીપો…સમજીએ છીએ….??

અમુક જાહેરાતો થઈ…

  • આવતી રવીસભામાં ચાતુર્માસ ના નિયમો લેવાના છે….નોટ પેન લઈને આવવું…દેવપોઢી અગિયારસ નો નિર્જળા ઉપવાસ આવે છે…
  • આવતી 13 તારીખે ગુરુ પૂર્ણિમા અમદાવાદ ને આંગણે ધામધૂમ થી થવાની છે…સવારે પ્રાતઃ પૂજા અને સાંજે 5 વાગ્યા થી સાયં સભાનો લાભ મળશે…

સભામાં આજે પૂ આનંદ સ્વરૂપ સ્વામી જેવા પ્રખર વક્તા અને વિધવાન સંત હાજર હતા..એમના પ્રવચન નો લાભ સૌને મળ્યો…જોઈએ સારાંશ….

  • પહેલાના જમાનામાં ગામની રક્ષા માટે ગામ કે શહેર ફરતે કોટ બનતો….ચીન ની દીવાલ પ્રખ્યાત છે…એમ જીવ ની વિષયો થકી રક્ષા માટે નિયમ ધર્મ નો કોટ શ્રીજીએ આપ્યો છે…..
  • પંચ વર્તમાન ગૃહસ્થો માટે અને ત્યાગી ઓ માટે શ્રીજી એ આપ્યા…એ સાથે અગિયાર નિયમો પણ વિસ્તૃત રીતે આપ્યા…..એમાં દ્રઢ રહેવાય તો જ જીવ નું રૂડું થાય….
  • સર્વે ઇન્દ્રિયો નો આહાર શુદ્ધ રાખવો……વ્યવહાર હોય કે વિચાર….વિવેક જરૂરી છે….બાળકો ને નાનપણ માં જ મોબાઈલ આપી દેવા થી એમનામાં લાગણીઓ વિકસતી નથી….સ્વભાવ માં જડતા આવતી જાય છે…
  • નિયમ ધર્મ પાળવા માં લૌકિક બુદ્ધિ…સ્વચ્છંદી પણું… નડે છે….જીવન માં જો અસત્ય નું આચરણ થશે તો અંતર માં દુઃખ આવશે…..અશાંતિ રહેશે…
  • ગુણાતીત પુરુષો ને દંભ સહેજે પસંદ નથી……..તે જીવ ના સાચા ગુણ જ જુએ છે…..
  • વ્રત નિયમ…ધર્મ…નિશ્ચય ની..ઉપાસના ની દ્રઢતા થશે તો જીવ સદાય સુખ માં રહેશે……

ત્યારબાદ યુવા પ્રવૃત્તિ નો ષષ્ટી ઉત્સવ ..1952-2012 માં થયો હતો એની વીડિયો દ્વારા સ્મૃતિ દર્શન થયા…..!! અદભુત…અદભુત…..!

ત્યારબાદ પ.પૂ.મહંત સ્વામી મહારાજ સભામાં પધાર્યા…..અને યુવકો દ્વારા વિવિધ પ્રસંગો ની શરૂઆત થઈ….જોઈએ ટૂંકમાં

  • પ્રભુ તારા સંગે…જીવન નૈયા….નૃત્ય પ્રદર્શન થયું….દરિયામાં.ચાલી હોડી..કીર્તન પર અદભુત નૃત્ય થયું…
  • એક સંવાદ રજૂ થયો……સત્પુરુષ ની આજ્ઞા પાળે…એમના વચન માં દ્રઢ વિશ્વાસ હોય તો જ આશીર્વાદ ફળે…..સુખ આવે……. એક પ્રશ્ન પોતાની જાત ને- આપણે આજ્ઞા પાળીએ છીએ?? ….બુદ્ધિ ને તાળા મારી એ તો જ સત્સંગ નું સુખ આવે….એ જ વિચાર ને સ્વાનુભવ માં કહેતા પૂ.ઇશ્વરચરણ સ્વામીએ …પ્રમુખ સ્વામી એ યોગીબાપા ની આજ્ઞા સારધાર પાળી એ પ્રસંગ નું વર્ણન કર્યું( ગોંડલ માં પાણી ની તંગી વચ્ચે યોગી બાપા નો અમૃત મહોત્સવ ઉજવ્યો એ પ્રસંગ)
  • ત્યારબાદ પ.પૂ. મહંત સ્વામી મહારાજ નો એક જૂનો વીડિયો ગુરુ આજ્ઞા વિષય સંદર્ભે રજૂ થયો. બાપા એ કહ્યું કે…ગુરુ આજ્ઞા પ્રતાપે મને મન સાથે ક્યારેય પ્રશ્ન થયો જ નથી….બસ ગુરુ ને જ રાજી કરવાનું તાન…!! ગુરુ આજ્ઞા કરે એટલે બીજું વિચારવાનું જ નહીં….
  • એક ગુરુ આજ્ઞા માં દ્રઢ યુવાન નો એક સંવાદ રજૂ થયો….નિયમ ધર્મ માં દ્રઢ યુવાને મિત્રોની જીદ ને પણ ન ગણકારી અને બહાર નો નાસ્તો ગ્રહણ ન કર્યો..!
  • અન્ય એક પ્રસંગ- એક યુવાને આપણા અક્ષર પુરુષોત્તમ સિદ્ધાંત ની દ્રઢ નિષ્ઠા ને લીધે સિદ્ધાંત વિરુદ્ધ બોલવાનું કાર્ય ન સ્વીકાર્યું….
  • આવા અનેક યુવાનો ના પ્રસંગ રજૂ થયા….અદભુત…!!👍એ જ રીતે યુવતીઓ ના પણ પ્રસંગો રજૂ થયા….
  • ગુરુ વચન મા અત્યંત વિશ્વાસ એટલે સત્પુરુષ ના પ્રત્યેક વચન માં અતૂટ વિશ્વાસ….આ સત્સંગ…સંત…શાસ્ત્ર..સિદ્ધાંત સાચો છે એવો દ્રઢ વિશ્વાસ….! એ હશે તો જરૂર આત્યંતિક કલ્યાણ થશે….

ત્યારબાદ મહંત સ્વામી મહારાજે પ્રમુખ સ્વામી મહારાજ ના જીવન માં થી શુ શીખવાનું? એ પર એક શબ્દ લખ્યો….ગુરુ ના વચન માં અત્યંત વિશ્વાસ લાવવો….!! અદભુત વચન….સમગ્ર શાસ્ત્રો નો …મોક્ષ નો સાર આમા આવી ગયો……

પ.પૂ.સ્વામીશ્રી એ સભાને અંતે આશીર્વાદ આપતા કહ્યું કે- પ્રમુખ સ્વામી મહારાજે યોગીબાપા ની અનુવૃત્તિ પારખી ને , બધાના વિરોધ વચ્ચે પણ અમૃત મહોત્સવ ગોંડલ માં ઉજવ્યો….! બાપા ની ગુરુ રાજીપા માટે આવી દ્રઢતા અજોડ છે…અકલ્પનિય છે….! આ પ્રસંગ માં થી શીખવાનું કે…ગુરુ વચન માં દ્રઢ વિશ્વાસ રાખવો…

આજની સભાનો એક જ સાર હતો કે ….જીવન માં આગળ વધવું હોય…મોક્ષ પ્રાપ્ત કરવો હોય તો ગુરુ ના વચન માં દ્રઢ વિશ્વાસ રાખવો…એમને ગમતું જ કરવું……! મન ની સર્વે ગાંઠો મૂકી દેવી…બુદ્ધિ ને તાળા મારી ને ગુરુ આજ્ઞા માં મંડી પડવું….

સદાય પ્રથમ શ્રીહરિ ને રે….

જય સ્વામિનારાયણ

રાજ


Leave a comment

BAPS રવિસભા-12/06/2022

” આપણે સૌએ ઝેર ખાઈ ને પણ સંપ રાખવો પડશે…..”

— બ્રહ્મ સ્વરૂપ પ્રમુખ સ્વામી મહારાજ

આજ ની સભા સત્પુરુષ ને સંગાથે ..આપણા સત્સંગ નો મધ્યવર્તી વિચાર પૈકી નો એક….સંપ…વિષય ની ગહનતા ને સમજવાની હતી..સંપ એ એક દૈવી લક્ષણ છે…મોક્ષ પ્રાપ્તિ નો એક માર્ગ છે અને ..આપણા ગુણાતીત ગુરુઓ નો.રાજીપો એ જ હતો…..અને સભાનો સમય અહીં ઉપર લખ્યા મુજબ 6 થી 8 નો હતો…પણ જેમ લોહચુંબક નો પર્વત હોય અને સર્વે લોહતત્વ ખેંચાઈ આવે તેમ આજે સત્પુરુષ ની પ્રત્યક્ષ હાજરી ને માણવા સભાગૃહ ના બંને માળ લગભગ 5 વાગ્યા થી જ છલોછલ ભરેલા હતા….! ચાલો એ મોજ સાથે મારા વ્હાલા ના આજના દર્શન…

સભાની શરૂઆત યુવકો દ્વારા સ્વામિનારાયણ ધૂન થી થઈ …ત્યારબાદ મિત્ર ધવલ દ્વારા પરમ ભક્તરાજ મોતીભાઈ દ્વારા રચિત …પ્રસિદ્ધ એવું.. ” અમે સૌ સ્વામી ના બાળક…” પદ રજૂ થયું….! આપણે તો આપણા ગુરુ જ આપણી માં અને શ્રીજી આપણા બાપ…..! સત્સંગ માં આ સમજણ હોય તો બાકી શુ રહે?…ત્યારબાદ યુવકો દ્વારા…જેને સમગ્ર જગત જાણે છે અને ઓળખે છે ..એ પદ…” અમારો બીએપીએસ પરિવાર…સંપીલો પરિવાર…” રજૂ થયું. …આ પદ એ બ્રહ્મસત્ય છે….અને આ પરિવાર ભાવના ને હજુ પણ વધુ મજબૂત કરવાની છે….સત્પુરુષ અને શ્રીજી ની અનુવૃત્તિ…રાજીપો એ જ છે.

આજે સભામાં સદગુરુ વિવેકસાગર સ્વામી હાજર હતા અને સંપ , સુહર્દ ભાવ અને એકતા- પર એમના પ્રવચાન નો લાભ મળ્યો…જોઈએ સારાંશ…

  • સંપ એ સૃષ્ટિ ના સંચાલન ..અસ્તિત્વ માટે અનિવાર્ય છે.
  • આપણા ગુણાતીત ગુરુઓ નો રાજીપો આ જ છે…..યોગી બાપા તો પોતાનો રાજીપો ખાસ દર્શાવતા….ગુણાતીતાનંદ સ્વામી તો તિર ના ભાથા ની વાત કરતા …..
  • સંઘ માં બધાના મન એક હોવા જોઈએ…..એક અવાજ આવવો જોઈએ…..એક નિષ્ઠા હોવી જોઈએ..
  • જો નિષ્ઠા માં ગડબડ હોય તો સંપ તૂટી જાય…..ગુણાતીતાનંદ સ્વામી મૂળ અક્ષર અને સહજાનંદ સ્વામી એ જ પુરુષોત્તમ…એમ દ્રઢ હોવું જોઈએ …ન હોય તો સમસ્યા થાય
  • એક જ ગુરુ…એક જ સિદ્ધાંત હોય તો સંપ સદાય રહે….
  • પ્રમુખ સ્વામી મહારાજે બધા વર્ણ..દેશ..ભાષા …રંગ…સમાજ ના સાધુ કર્યા…જે બધા આજે એક છે….એક રુચિ છે….કોઈ ભેદ નથી..કોઈના કોઈ અંગત મંડળ નથી……
  • 1905 માં શાસ્ત્રીજી મહારાજ વડતાલ થી અલગ પડ્યા અને એ પછી ઘણા વર્ષો બાદ બંધારણ ઘડાયું….છતાં કોઈનો વિચાર અલગ ન પડ્યો…કોઈ વિવાદ ન થયો…
  • પ્રમુખ સ્વામી એ એક પત્ર લખ્યો અને લાખો હરિભક્ત કોઈ વિવાદ કે અવળા વિચાર વગર મહંત સ્વામી માં એક થઈ જોડાઈ ગયા…..આવી એકતા આપણે ત્યાં છે.
  • શ્રીજી મહારાજે કહ્યું કે સુહર્દ પણુ મારો ભાવ છે…..સુહર્દ ભાવ એટલે મિત્ર ભાવ…..યોગીબાપા એ આ માટે સહન કર્યું…માર ખાધો…નમ્યા..ખમ્યા…. ગુણ જ જોયા….અવગુણ સહેજ પણ ન જોયો….
  • ભગવદીમાં સુહર્દ પણુ…ને ગુણાતીતાનંદ સ્વામી એ જીવ નું જીવન કહ્યું છે…..
  • પ્રમુખ સ્વામી કહેતા કે બધા નો મહિમા હોય તો સંપ, સુહર્દ ભાવ ની વાત જ ન કરવી પડે….અભાવ અવગુણ ની વાત કરવા થી સુહૃદભાવ તૂટે…
  • યોગીબાપા કહેતા કે જેના હૃદય માં આજ્ઞા ઉપાસના દ્રઢ હોય તેનો સુહર્દ ભાવ રાખવો….સત્સંગ માં ઠાઠા ઠાબળા જેવો હોય તેનો.પણ અવગુણ ન લેવો…
  • ગુણાતીત પુરુષો સંપ…એકતા…સુહર્દ ભાવ ના ભૂખ્યા હોય છે…..એના વગર સત્સંગ થશે જ નહીં…બધા નો મહિમા સમજવો…
  • પ્રમુખ સ્વામી કહેતા કે મહિમા હોય તો- ઘસાવું… ખમવું….મનગમતું મૂકી દેવું…અનુકૂળ થવું…….એ બધું સહેજે થાય……યોગી ગીતા માં તો કહ્યું છે કે પોતાનો એકડો સાચો કરવાનો આગ્રહ રાખવો નહિ…
  • મહંત સ્વામી તો કહે છે કે સંપ રાખે એ બુદ્ધિમાન…નહીતો બુદ્ધુ….!! કામ ક્રોધદિક વિકાર સંપ થી ટળે…અંત્ય 7 માં સંપ કે પક્ષ માટે આ જ વાત કરી છે…
  • સંપ કેમ તૂટે- ધ્યેય અસ્પષ્ટ હોય….અહં મમત્વ હોય…ગુરુ ના વચનો માં વિશ્વાસ ન હોય….મન મૂકી ન શકતો હોય…
  • જીવ સાટે પણ સત્સંગી નો પક્ષ રાખવો……આપણા સંપ્રદાય નો ઇતિહાસ આવા પ્રસંગો થી ભરપૂર છે……સ્વામી શ્રીજી નો રાજીપો મેળવવો હોય તો ભગવદી નો પક્ષ રાખવો….
  • આપણી સંસ્થા નો આજે જે વિકાસ થયો છે..એનું કારણ સંપ રાખવો……માટે જ બાપા કહેતા એમ ઝેર ખાઈ ને પણ સંપ રાખવો….

ત્યારબાદ પ.પૂ.સ્વામી શ્રી ની સભામાં પધરામણી થઈ….અને પ.ભ.રાજેશભાઇ જેઠવા દ્વારા લિખિત ” સંપ એટલે શું” વિષય આધારિત એક સંવાદ રજૂ થયો….ચાર ભાઈઓ સંપ ને આધારે દરિયાદેવ ને પ્રસન્ન કરી ગરીબીમાં થી બહાર આવ્યા….એ વાર્તા પર આધારિત અદભુત સંવાદ હતો. પરિવાર માં સંપ ..એકતા હશે તો બધુંય સુખ હશે……

આપણા ગુરુ અને સદગુરુ ઓ ..સંતો વચ્ચે જે સંપ છે..તેને કોઈ તોડી ન શકે….એ પ્રસંગ પાર આધારિત એક પ્રશ્નોત્તરી થઈ…..સદગુરુ સંતો ને વિવિધ પ્રસંગો ને આધારે પ્રશ્નો પૂછ્યા અને તેનો ઉત્તર મળ્યા તેના પર થી આપણ ને એમની વચ્ચે સંપ છે…એનો મહિમા જાણવા મળ્યો. જોઈએ સારાંશ માત્ર…

  • પૂ.ઘનશ્યામ બાપા એ કહ્યું કે….ત્યાગ સ્વામી બધાને મહિમા થી જ જુએ…..નાના માં નાનો હરિભક્ત હોય…પણ બધાને સાચવે….એટલે જ આપણી સંસ્થાનું આ ગૌરવ છે
  • પૂ.વિવેકસાગર સ્વામી એ કહ્યું કે- પૂ.કોઠારી સ્વામી ખાસ મિત્ર..સાથે રહ્યા છીએ…કોઠારી સ્વામી સાધુતા ની મૂર્તિ..અતિ નિષ્કામી…પૂ.ડોક્ટર સ્વામી પણ અતિ નિષ્ઠાવાન…સાધુતા ની મૂર્તિ….એમની આગળ આપણું કાઈ ન ચાલે….એમના થી અમારું નભે…
  • પૂ.ઇશ્વરચરણ સ્વામી એ કહ્યું કે- યોગીબાપા એ બધાના માહિમાની વાતો કરી…જેથી અમારામાં ગુણ આવ્યા…બધા સદગુરુ સંતો નો મહિમા જાણી એ સમજીએ છીએ….એ મુજબ જ મોટેરા ઓ ને પૂછી ને જ કાર્ય કરવું….સર્વે ની નિષ્ઠા, સાધુતા, નિર્માની પણુ, દાસભાવ…વગેરે ગુણો પ્રત્યક્ષ જોયા છે….માટે જ મહિમા છે…યોગીબાપા ની કૃપા છે
  • પૂ.ત્યાગ વલ્લભ સ્વામી એ કહ્યું કે– જોગી બાપા એ આજ્ઞા કરી અને સાથે ના સંતો નો દાખડો જોયો…ગુણ આવ્યા..અને આ સંતો ની મદદ..સહકાર થી રસોઈ સેવામાં જોડાઈ ગયા….
  • પૂ.કોઠારી બાપા એ કહ્યું કે- જોગીબાપા એ એવું ઘડતર કર્યું કે..દાસ ના દાસ થઈ ને રહ્યા….દરેક નો મહિમા સમજ્યા…મોટા પુરુષ ને રાજી કરવા બધું કરવું…..સેવા મોટા ભાગ્ય થી મળી છે….એમ સમજી ને સેવા કરી લેવી…
  • પૂ.ડોક્ટર સ્વામી એ કહ્યું કે- જોગીબાપા સંપ…ની વાત સદાય કરતા….એને સમજતા…મહંત સ્વામી ની આજ્ઞા માં રહેવાની વાત કરતા પછી સંશય શાનો? જોગીબાપા ને કોઈના અવગુણ ની વાત કરવી સાંભળવી ગમતી જ નહીં…અને આપણે એમની આજ્ઞામાં જ રહેવાનું ….એમને જ રાજી કરવાનું. સંપ નો મહિમા સમજ્યા….એ છે તો બધું જ છે.
  • પ.પૂ.મહંત સ્વામી મહારાજે કહ્યું કે- આ બધું યોગીબાપા ના હેત થી જ થયું છે…જોગીબાપા સંપ..સુહર્દ ભાવ એકતા ની રોજ વાત કરતા અને અમે બધા ઘડાઈ ગયા….આ બધા ગુણ પહેલા આપણે પોતે કેળવવા પડે પછી બીજા ને વાત થાય…..

ત્યારબાદ પૂ.સંતો દ્વારા વિવિધ હાર થી સ્વામીશ્રી નું અભિવાદન થયું….અને મહંત સ્વામિ મહારાજ નું માનીતું ..ગુણાતીત નું પોતીકું -એવા સંપ અને BAPS એક પરિવાર – ના સૂત્ર ને ચરિતાર્થ કરતાં- સર્વે સંતો અને હરિભક્તો એ એકબીજા ના હાથ પકડી- સર્વે એક પરિવાર ના સભ્ય હોવાનું રજૂ કર્યું…..સ્વામીશ્રી ના મુખારવિંદ પર આ જોઈને અખંડ શાંતિ અને સંતોષ ની લાગણી સ્પષ્ટ દેખાતી હતી..!…અને છેલ્લે સ્વામીશ્રી નીચેના સભાગૃહ માં બેઠેલા હરિભક્તો ને લાભ આપવા ત્યાં પધાર્યા…સૌએ baps એક પરિવાર- ના સૂત્રો થી અને માનવ સાંકળ થી એમને ખૂબ ખૂબ રાજી કર્યા….

ટૂંકમાં- આજની સભાનો એક જ સાર હતો…કે સત્પુરુષ અને ભગવાન ના ગમતા માં જ રહેવું…પોતાનું મનધાર્યું મૂકી જ દેવાનું….સંપ એ ગુણાતીત ..દૈવી ગુણ છે….જો પરિવાર હોય કે સત્સંગ..આપણે એક હોઈશું તો બધું જ લેખે લાગશે……!

સમજતા રહેજો….સંપ…એકતા…સુહર્દભાવ શબ્દ સામાન્ય લાગે છે પણ…મોક્ષમાર્ગ માં એનું મહત્વ સર્વોપરી છે…એની હાજરી અનિવાર્ય છે….એ સિવાય આપણી બ્રહમરૂપ થવાની સાધના અધૂરી રહેશે….

સદાય …પ્રથમ શ્રી હરિ ને રે….

જય સ્વામિનારાયણ

રાજ


2 Comments

રેશમા ભાઈ ભીલ…..

વર્ષો પહેલાની વાત છે…..એકવાર બ્રહ્મ સ્વરૂપ પ્રમુખ સ્વામી મહારાજ સારંગપુર માં સંતો વચ્ચે બિરાજમાન હતા….રોજિંદા નિયમ પ્રમાણે સંતો ની કથાવાર્તા વચ્ચે પણ એમનું પત્ર લેખન ચાલુ જ હતું…..લાખો હરિભક્તો નો વિશાળ સંપ્રદાય અને હરિભક્તો પોતાના પ્રશ્નો…સમસ્યાઓ બાપા ને પત્ર દ્વારા જણાવે અને મોટી સંખ્યામાં આવતા આ પત્રો પ્રમુખ સ્વામી પોતાના થકાવી નાખનારા…વણ થંભ્યા કાર્યો ના દોર વચ્ચે પણ ધ્યાન થી વાંચે અને એનો ઉત્તર પણ મોકલે…..!! કહેવાય છે કે પ્રમુખ સ્વામી મહારાજે એમના જીવનકાળ દરમ્યાન લગભગ પાંચ લાખ થી વધુ પત્રો વાંચીને એમનો ઉત્તર ..આશીર્વાદ…માર્ગદર્શન હરિભક્તો ને વળતા પત્ર માં આપ્યું છે…!! છે ને અતુલ્ય કાર્ય…!!

તો, વાત નો દોર આગળ વધારીએ…! બાપા પત્ર વાંચી ને તેનો ઉત્તર આપતા હતા….અને એ દરમિયાન એમના હાથ માં ગરબડીયા …સહજતા થી ઉકેલી ન શકાય તેવા અક્ષરો માં લખાયેલું એક પોસ્ટકાર્ડ આવ્યું….બાપા એ વાંચવા નો પ્રયત્ન કર્યો પણ અક્ષર ન ઉકલાયા… તો સેવક સંતો ને ભાર પૂર્વક આજ્ઞા કરી કે આ અક્ષર ઉકેલો અને મને કહો…..આજ્ઞા થઈ એટલે સંતો મંડી પડ્યા….સતત બે ત્રણ દિવસ ની મહેનત અને અનેક સંતો ના સહિયારા પ્રયત્ન પછી એ અક્ષર ઉકલાયા….અને બાપા ને પત્ર ની વિગત જણાવવા માં આવી….પત્ર લખનારે પોતાનું નામ નહોતું લખ્યું પણ વેદના સાથે લખ્યું હતું કે આદિવાસી ગામ માં પાણી નું મોટું સંકટ હતું…..હેન્ડપમ્પ થાય તો આ સંકટ માં થોડીક રાહત મળે એ માટે પ્રાર્થના કરી હતી. હવે પત્ર તો ઉકેલાયો પણ કયા ગામ થી આવ્યો હતો…કોણે લખ્યો હતો…એની કોઈ જ વિગત નહોતી….! અત્યંત વ્યસ્ત એવા સત્સંગ કાર્યો ચાલુ જ હતા પણ એ વચ્ચે પ્રમુખ સ્વામી મહારાજ એ વ્યક્તિ ના દુઃખ ને જોઈ ન શક્યા અને કરુણા નિધાન સ્વામીએ સંતો ને પુનઃ આજ્ઞા કરી કે ..એ વ્યક્તિ સુધી પહોંચો અને એની સમસ્યા નું સમાધાન કરો……….. પુનઃ સંતો એ મિશન ઉપાડ્યું….પોસ્ટકાર્ડ પર ના સ્ટેમ્પ….તે વિસ્તાર માં વિચરણ કરતા સંતો અને કાર્યકરો ના સંપર્ક થી ….એ વ્યક્તિ સુધી પહોંચ્યા…હેન્ડપંપ નાખ્યો અને ગામ ની સ્થિતિ માં સુધારો થયો….!

પત્ર લખનાર હતા રેશમાભાઈ ભીલ…ગામ હતું..ખેડબ્રહ્મા ના આદિવાસી વિસ્તાર માં આવેલું હિંગટીયા…!! રેશમા ભાઈ ને એ વિસ્તાર માં બધા સારી રીતે ઓળખે…કારણ કે સત્સંગમાં આવતા પહેલા એમણે જે કામ કરેલા તેના લીધે એ વિસ્તાર ના લોકો માં એમની ધાક પડતી…..લોકો ફફડતા….બજાર માં આ આદિવાસીઓ નું ટોળું નીકળે અને જે દુકાન સામે એમની નજર સ્થિર થાય…એ દુકાન રાત્રે તો લૂંટાઈ ગઈ હોય……! કોઈ ભરવાડ ઘેટાં બકરા લઈને એ વિસ્તાર માં થી નીકળે તો એ ટોળામાં થી 8-10 ઘેટાં બકરા ઓછા થઈ જ જાય….અને એની મિજબાની થાય….લૂંટ ના ભાગ પડે…!!..પોતાના જ કાયદા માં જીવતા આ સ્વચ્છંદી..અધમ… લોકો આજીવન લૂંટ, મારધાડ, દારૂ માંસ માં જ રચ્યા પચ્યા રહેતા…! જેથી સામાન્ય લોકો જ નહીં પણ એ વિસ્તાર માં પોલીસ પણ જતા ડરે… એવી ધાક રેશમાભાઈ ની પડતી…!…પણ સમય બદલાયો…..પ્રમુખસ્વામી મહારાજે પોતે અને એમના સંતો- પૂ. શ્રીરંગ સ્વામી , પૂ. ધર્મ વિનય સ્વામી વગેરે સંતો એ…કાર્યકરોએ ખેડબ્રહ્મા માં સત્સંગ વિચરણ શરૂ કર્યું…..ઘરેઘર …ગામેગામ…સંતો અને કાર્યકરો સત્સંગ નો …શાંતિ નો સંદેશ લઇ ઘૂમી વળ્યાં…..પાપ થી ઘેરાયેલા રેશમા ભાઈ ના પણ પૂર્વના કૈક પુણ્ય હશે તો ..સત્સંગ ની કૂંપળો ફૂટી….ધીરે ધીરે સત્સંગ નો રંગ ચડ્યો અને પાપ ના માર્ગો બંધ થવા લાગ્યા…….જેમ વાલીયો લૂંટારો….જોબન પગી…ભગવાન ના સ્પર્શે પાપ કર્મ છોડી સાધુ રૂપ થયા તેમ રેશમા ભાઈ પણ પાપ નો માર્ગ છોડી આજે નિષ્ઠા વાન સત્સંગી બન્યા છે……..લોઢા ને જેમ પારસમણિ સ્પર્શે અને એ લોઢુ કંચન બની ચમકી ઊઠે , એમ આજે સમગ્ર સત્સંગ માં રેશમાભાઈ નું આ અશક્ય લાગતું પરીવર્તન નજરો સમક્ષ દેખાય છે.

હમણાં જ થોડા સમય પહેલા જ હરિ, રીના અને હું – એમના ગામ હિંગટીયા જઈ આવ્યા….હરિ તો આ વેકેશન માં હિંગટિયા અને આજુબાજુ ના આદિવાસી વિસ્તારોમાં ..એના નાના નાની સાથે સત્સંગ વિચરણ માં ખૂબ ફરેલો…અને રેશમા ભાઈ સાથે તો એની ખાસ ઓળખાણ…પણ મારી એમની સાથે પ્રથમ જ મુલાકાત …..એમની સાથે મુલાકાત થઈ અને હદય ગદગદ થઈ ગયું….એ ખૂબ ભાવ થી ભેટ્યા અને જેમ જોબન વડતાલા એ વડતાલ મંદિર માટે પોતાની જમીન દાન કરી હતી તેમ આજના આ આધુનિક જોબન પગી એ પોતાની જમીન , મંદિર માટે દાન કરી છે અને એ જ જમીન માં આજે નાનકડું હરિમંદિર ઊભું છે. પૂ. નારાયણ મુનિ સ્વામિ અને સંતો દ્વારા મે માસ ની શરૂઆત માં જ પ્રતિષ્ઠા થઈ છે . હવે આ હરિમંદિર માં રેશમાભાઇ પોતે પૂજારી તરીકે સેવા આપે છે અને મંદિર નું બાકી નું કામ પૂરું કરાવી રહ્યા છે……! એમની નિષ્ઠા ભરી વાતો….ઉત્સાહ…હસતું મુખ જુઓ તો સમજાય કે સત્સંગ નો રંગ કેવો હોય..!! કેસરભીનો શામળિયો સહજ જ દેખાય…..!!

હરિ…રેશમાભાઈ સાથે…

ધન્ય ધન્ય આવા હરિભક્તો ને કે એક ભગવાન માટે પોતાનું સર્વસ્વ….પોતાની જમીન મિલકત….અરે પોતાના સ્વભાવો સુધ્ધાં છોડયા…….અને કોટિ દંડવત એવા સર્વોપરી ગુરુ ને કે – જેણે આપણા જેવા પામર મનુષ્યો ને સાચું મનુષ્યત્વ બક્ષ્યુ……કાટ ખાઈ ગયેલા લોઢા ને સત્સંગ રૂપી પારસમણિ થી સુવર્ણ બનાવ્યું…!!!

મનુષ્ય ઇતિહાસ ના અનેક પાનાંઓ’ માં સુવર્ણ અક્ષરે લખાયેલા અને ઝળહળતા આવા પરિવર્તનો -એ વાત ના ધ્યોતક છે કે – શ્રીજી નો હજુ મનુષ્ય પર થી વિશ્વાસ ઊઠયો નથી અને એટ્લે જ પોતાના પ્રગટ સ્વરૂપ એવા બ્રહ્મ સ્વરૂપ સંત દ્વારા લૌકિક દ્રષ્ટિ એ અધમ કહેવાતા માણસો નું જીવન પરિવર્તન કરી એમને પણ પરમ પદ ના અધિકારી બનાવી શકે છે ……માટે જ પૃથ્વી પર જ્યાં સુધી આવા સંત છે ત્યાં સુધી ધર્મ નિયમ ની..સદાચાર ની જ્યોત પ્રગટ રહેશે……અક્ષરધામ ના …આત્યંતિક કલ્યાણ ના વાવટા ફરકતા રહેશે…….!

જય જય સ્વામિનારાયણ…..

રાજ