Raj Mistry's world

Me,my stories and world around….


1 Comment

BAPS કીર્તન રવિસભા -૧/૫/૨૦૧૬

જોઈ મૂરતિ મનોહર તારી, માવા રે મારાં નેણાં લોભાણાં….૦
મોળીડા ઉપર નવલ કલંગી, શોભે છે અતિ સારી… માવા રે..૦
હેત કરીને હૈડાની ઉપર, માળા મોતીડાંની ધારી… માવા રે..૦
અતિ રે શોભે છે છાતી ઊપડતી, ચાલ જગતથી ન્યારી… માવા રે..૦
બ્રહ્માનંદ કહે આ છબી ઉપર, સર્વસ્વ નાખું વારી… માવા રે..૦


બ્રહ્માનંદ સ્વામી

સંવંત ૧૯૮૫-મહા સુદી છઠ નો શુભ દિવસ……સારંગપુર  મહાતીર્થ સ્થાન માં  અક્ષર પુરુષોત્તમ  મહારાજ નું ગગનચુંબી મંદિર આકાર લઇ રહ્યું હતું……હરિકૃષ્ણ મહારાજ ની મૂર્તિ નું સ્થાપન થયું હતું….બ્રહ્મસ્વરૂપ શાસ્ત્રીજી મહારાજ ના મુખે “..જોઈ મૂરતિ મનોહર તારી, માવા રે મારાં નેણાં લોભાણાં…” કીર્તન નો બ્રહ્મનાદ રેલાઈ રહ્યો હતો…અને  તત્કાલીન વડતાલ આચાર્ય મહારાજ લક્ષ્મીપ્રસાદ ના સુપુત્ર રાધારમણ પ્રસાદ એકીટસે એ મૂર્તિ નું દર્શન કરી રહ્યા  હતા…..બ્રહ્મ સ્વરૂપ ના  સુર અને  પરબ્રહ્મ ના  દર્શન -નો સંગમ..રાધારમણ પ્રસાદ ને સમાધિ પ્રકરણ માં ખેંચી ગયો…!!! શ્રીજી મહારાજ ના  સમાધિ પ્રકરણ પછી ઘણા સમયબાદ નું એ સમાધિ પ્રકરણ શાસ્ત્રીજી મહારાજ દ્વારા ફરીથી શરુ થયું હતું….એમાં શ્રીજી ની જ કૃપા હતી…..! આ હતો કીર્તન…હરિ ના  દર્શન નો અદ્ભુત સમન્વય..જે સત્પુરુષ દ્વારા ..શ્રીજી ની કૃપા સમાધિ નું નિમિત્ત બન્યું…..!!!! આજે સભામાં એવો જ માહોલ હતો…સારંગપુર વિદ્યામંદિર થી પધારેલા વિદ્યાર્થી મંડળ દ્વારા અદ્ભુત કીર્તન આરાધના નો જે માહોલ ઉભો થયો કે જાણે કે સમગ્ર સભા સમાધિ માં જ ડૂબી ગઈ….! તો ચાલો….એ કીર્તન સભાને  શબ્દ દેહે માણીએ….

અમદાવાદ આજકાલ ૪૩-૪૫ ડીગ્રી ગરમી માં શેકાઈ રહ્યું છે…..અને સાંજ લગભગ ૮ વાગ્યે પડે છે….આવા સમયમાં હૈયે હૈયું દળાય -એટલી ભીડ રવિસભામાં ઉમટે -એ  શ્રીજી નું પ્રગટ પ્રમાણ જ કહેવાય…..!! શ્રીજી ના અદ્ભુત દર્શન કર્યા….

13082577_542379242616919_3562701539582650633_n

સભામાં ગોઠવાયા ત્યરે સારંગપુર વિદ્યામંદિર ના આ નાના પણ રાઈ ના દાણા…..સ્ટેજ પર “શસ્ત્ર” સરંજામ સાથે ગોઠવાયા હતા……ધુન્ય…પ્રાર્થના….ના  બહુ વચની સુરો ચારે તરફ સભાને ગુંજવી રહ્યા હતા……..અને પછી જે અદ્ભુત કીર્તન…..કીર્તન ની વચ્ચે મીઠી મધુરી કોમેન્ટ્રી……ની સરવાણી શરુ થઇ …..તે દર્શનીય હતી….જોઈએ એ કીર્તન આરાધના ની પ્રસ્તુતિ…..સારાંશ…

20160501_184939.jpg

  • મન નો મોરલીયો રટે તારું નામ….મારી ઝુંપડી એ આવો ઘનશ્યામ …..( ગાયક-નીલકંઠ)
  • આ કાયામાં થી હંસલો અચાનક ઉડી જશે….( ગાયક-હાર્દિક)
  • જોઈ મૂરતિ મનોહર તારી, માવા રે મારાં નેણાં લોભાણાં…….( ગાયક-આકાશ)
  • શોભે શોભે રસીક્વર છેલ રે……( ગાયક-ગુંજન)
  • દિખલા દીદાર પ્યારા ..મેહબૂબ હમારા…..( ગાયક- ગુંજન..આકાશ..કોરસ)
  • સંત સમાગમ કીજે…..( શાસ્ત્રીય રાગમાં)
  • ધન્ય ધન્ય હે સ્વામી …….
  • દોહા-છંદ ની રમઝટ ………એટલી અદ્ભુત હતી કે  સભા -બાળકો સાથે ઝૂમી ઉઠી……તાળીઓ ના અસ્ખલિત ગડગડાટ અટકવાનું નામ જ નહોતો લેતો……!!!

સતત દોઢ-પોણા બે કલાક સુધી ચાલેલા આ ભવ્ય..અવિસ્મરણીય કીર્તન આરાધના એ સૌના હૃદય ને તાજા કરી દીધા……..વક્તા એ કહ્યું કે- આ વિદ્યાર્થીઓ માત્ર ગાવામાં જ નહિ…પણ રાજ્ય લેવલે -ભણવામાં પણ નંબર લાવે છે……૧૦૦% રીઝલ્ટ સાથે આવી ભક્તિ…..કીર્તન-સેવા….પછી બાકી શું રહે???? આ બાળકો એ – સારંગપુર મંદિર શતાબ્દી મહોત્સવ( ૧૩ મેં-૨૦૧૬..સાંજે ૭ વાગ્યે…સૌને સહર્ષ આમંત્રણ છે..) પ્રસંગે આવી ૨૫ કીર્તન આરાધના નો સંકલ્પ કર્યો હતો…….અમદાવાદ ની આ આરાધના ૨૩ મિ હતી…….અને છેલ્લી કીર્તન આરાધના સ્વયમ સત્પુરુષ- પ્રમુખ સ્વામી મહારાજ આગળ થવાની છે……….!!!

સભાને અનુચિત પ્રવચન માં  પુ.કોઠારી આત્મકીર્તી સ્વામીએ કહ્યું કે – લક્ષાવધી મનુષ્યો ને સમાધિ થવી એ શ્રીજી નું એક પુરુષોત્તમ હોવાનું લક્ષણ હતું…..અને આજની સભા એવી જ રહી…કે જ્યાં સત્પુરુષ અને શ્રીજી પ્રગટ પ્રમાણ છે……સારંગપુર વિદ્યામંદિર માં વિદ્યાદાન ની સાથે સાથે સંસ્કાર-ઘડતર નું જે કાર્ય થાય છે…એવું તો કદાચ આપણા ઘરે પણ ન થઇ શકે…….!! અંતર ના સંતાપ શમાવવા આવા ઘડતર…સંસ્કાર…વિદ્યા-જ્ઞાન ની જરૂર પડે…અને એ માટે -સત્પુરુષ અને શ્રીજી ને નિરંતર સાથે રાખવા પડે…….!! એટલે વધુ સુખ માટે એમની સાથે વધુ જોડાવવું પડે…..!

અંતે જાહેરાત થઇ કે- મંદિર અને બાળ સંસ્કાર -પર અંગ્રેજીમાં એક પુસ્તક પ્રગટ થયું છે………માં-બાપ અને શિક્ષકોએ જરૂર વસાવવું…..

સાથે સાથે ગ્રીષ્મ પારાયણ ની પણ જાહેરાત થઇ……

This slideshow requires JavaScript.

તો આજની સભા અદ્ભુત હતી…..અવિસ્મરણીય હતી……..સમાધિ ની શરૂઆત કરાવે એવી હતી…..સત્સંગનો સહજ માર્ગ પ્રશસ્ત કરાવે એવી હતી……..!! કોટી કોટી વંદન વિદ્યામંદિર ના તેજસ્વી વિદ્યાર્થીઓ ને કે- જેમના લીધે સત્પુરુષ અને શ્રીજી ના મહિમા..રાજીપા નો માર્ગ સહજ સમજાયો……!

બસ- એક એમના રાજીપા નો જ વિચાર કરવો………જો એ થશે તો બધા જ રાજી થશે..!

જય સ્વામીનારાયણ….

રાજ


Leave a comment

હું ગુજરાત છું……………..!

૧ લી મેં, ૧૯૬૦ ના રોજ ગુજરાત નો રાજ્ય તરીકે જન્મ થયો…….એક ગર્વીલી….વ્યાપારી….વ્યવહારુ….સુસંકૃત….ધર્મભીરુ…..ધર્મચાહક પ્રજા ના ડંકા વાગ્યા……..અને એ મહાજાતિ ગુજરાતી આંખોમાં દુનિયા ને પોતાની કુશળતા થી સર કરવા ના સદીઓ જુના પરાક્રમ ને એક ડગલું ઓર વધારતી ગઈ……..આજે એ મહારાજ્ય ગુજરાત ને ૫૫ વર્ષ  પુરા થયા………એના જન્મદિન ની જીવથી શુભ કામનાઓ…….જરૂર અમારા કંઇક પુણ્ય તપતા હશે  કે જે  ધરતી ને  સ્વયમ શ્રીકૃષ્ણ ભગવાન…..સ્વામિનારાયણ ભગવાને પોતાનું કર્મક્ષેત્ર બનાવ્યું ત્યાં જન્મ લેવા ની તક મળી……!

વધારે ન કહેતા -વોટ્સેપ પર ફરતા એક મેસેજ ના મિજાજ ને ગુલાલ કરું છું……..રચયિતા કોણ છે….??? એ જ્ઞાત નથી…..પણ એ ૧૦૦૧% નખશીખ ગુજરાતી હશે એનો પાક્કો વિશ્વાસ છે……….

Happy birthday Gujarat
દોસ્ત, હું ગુજરાત છું.

જેના મેળામાં રાજુડીનો ને’ડો લાગે છે એ ગુજરાત. જયાં રૂપની પૂનમ પાછળ પાગલ થઇ અફીણી આંખના ગીતો ઘોળાય છે, એ ગુજરાત. ઘોલર મરચાંના લાલ હિંગોળક રંગનું ગુજરાત. શિવતાંડવમાં પડેલા સતીના હૃદયને ગબ્બર પર સાચવીને બેઠલું ગુજરાત. ફળફળતાં ઢોકળાં જેવું નરમ અને માફાળા ગાડાની ધુંસરી જેવું નક્કર ગુજરાત.

હું સિકસર મારતી વખતે યુસુફ પઠાણના કાંડાની ફૂલી ગયેલી નસમાં રક્ત બનીને ધસમસું છું, અને પરેશ રાવલના ચહેરા પર અંકાતા રમતિયાળ સ્મિતમાં ઝગમગું છું. હું હેમુ ગઢવીના કસુંબલ કંઠનો અષાઢીલો ટહુકો છું અને ઘાયલ થયેલા અમૃતના શબ્દોનું મોતી છું, કલ્યાણજીભાઇએ કલેવાયોલીન પર છેડેલી બીનની સર્પિલી તાન છું. કેડિયાની ફાટફાટ થતી કસોને તોડતો માલધારીનો ટપ્પો છું, અને દામોદર કુંડની પાળીએ ગિરનારી પરોઢના સોનેરી ઉજાસમાં કેસર
ઘોળતું હું નરસિંહનું પ્રભાતિયું છું. ભારતની વાંકી રે પાઘલડીનું ફુમતું છું હું, ગુજરાત!

સમગ્ર પૃથ્વીના પટ પર માત્ર એક જ એવું હું રાજય છું, જેણે બે રાષ્ટ્રોના રાષ્ટ્રપિતાઓ સજર્યા છે. મારા કાઠિયાવાડના પોરબંદરમાંથી ભારતના મોહનદાસ કરમચંદ ગાંધી અને મોટી પાનેલીમાંથી મોહમ્મદઅલી જીન્નાહ! મારામાં જગતના ઇતિહાસને પડખું ફેરવીને પલટાવી દેવાની તાકાત છે, અને તાનસેનના દિલ્હીમાં ઉઠેલા દાહને વડનગરમાં શમાવી દેવાની અમીરાત છે.

મારામાં ધરતીની છાતી ચીરીને નકશો કંડારનારા ઇન્દુલાલ યાજ્ઞિકો વસે છે, અને નકશાઓનો એકઝાટકે આકાર બદલાવી દેનાર સરદાર પટેલ પણ શ્વસે છે. ફિલ્ડ માર્શલ જનરલ સામ માણેકશાની જીભ પર મારી ભાષા હતી, અને ભારતભરમાં ક્રિકેટનો પાયો નાખનાર જામ રણજી મારી ગોદનું ફરજંદ હતો. મારા સંતાનો વિના ભારતના ફિલ્મ ટીવી યુગનું અસ્તિત્વ નથી. મહેબુબખાનથી મનમોહન દેસાઇ, આયેશા ટાકિયાથી હિમેશ રેશમિયા
સુધી ગુજરાતની અહાલેક વાગે છે.

ભારતની છાતી પર પેદા થનારાઓને મારા ખોળામાં માથું મૂકીને દેહત્યાગ કરવો ગમે છે. કાલિંદીની પાણીદાર લટો સાથે અઠખેલિયા કરતાં ભારતવર્ષના યુગપુરૂષ ગોમતીના કિનારે છબછબિયાં કરવા અહીં આવીને વસ્યા. હા, કુરૂક્ષેત્રની વચ્ચે ગીતા સંભળાવનાર યોગેશ્વર અને શરદપૂનમની રાતલડીએ ગોપીઓને નચાવનાર મુરલીધરનું હું ઘર છું. હું હસ્તિનાપુરના સિંહાસનને ઘુ્રજાવનાર સુદર્શનચક્ર છું, અને
દ્વારકાધીશના સુવર્ણકળશ પર ફરફરતી બાવન ગજની ધજાનો ઠસ્સો છું. ભારતની સૌથી લાંબી પદયાત્રા કરીને હિમાલયના ઉત્તુંગ ગિરિશિખરોમાં ટટ્ટાર ઉભા રહી, રામેશ્વરમના દરિયા કિનારે ચરણ પખાળી, નીલકંઠવર્ણી સ્વામી સહજાનંદ પણ મારા હૈયે આવીને વસ્યા, મારા થઇને વિકસ્યા.

હું આખા એશિયામાં સંભળાતી ગીરના સિંહની ખુમારીભરી ડણક છું અને એવા ડાલામથ્થા સાવજની કેશવાળીમાં આંગળીઓ ફેરવનાર આપા દાના જેવા સંતોના ભજનોની ચાનક છું. હું પરબવાવડીના ફડહ રોટલાની બાજરી છું અને જલારામ વીરપુરની બુંદીનું બેસન છું. મારી વીજળીના ચમકારે ગંગાસતીએ મોતીડાં પરોવ્યા છે અને મારી બળબળતી રેતી પર શ્વાનસંગાથે પાણી લઇ દાદા મેકરણ ધુમ્યા છે. મધરાતે એકતારા પર ગુંજતા દાસી
જીવણના ભજનમાં હું છું અને ભવસાગર હાલકડોલક થતી જેસલ જાડેજાની નાવડી તારવી જનાર સતી તોરલના કીર્તનમાં હું છું. મોરારિબાપુના કંઠે ગવાતી ચોપાઇ છું, અને રમેશભાઇ ઓઝાના કંઠે ગવાતા શ્રીનાથજી પણ! જમિયલશાહ દાતાર અને ગેબનશાહ પીરોની અઝાન પર ઝૂકતું મસ્તક પણ હું છું.

વ્હાલા, હું ગુજરાત છું
મારી છાતી પર પ્રિયદર્શી અશોકના શિલાલેખ છે. પાવાગઢની ગોદમાં પડેલું યુનેસ્કોની વર્લ્ડ હેરિટેજ સાઇટનું ચાંપાનેર છે. મારા કાળજડે ધમધમતું લોથલ જેવું બંદર છે, અને સંસ્કૃતિના ટીંબા નીચે અડીખમ ઉભેલું ધોળાવીરાનું નગર છે. મેં રાજા નૌસોરસ જેવા ડાયનાસોરના ઈંડાઓ સાચવ્યા છે, અને ગામેગામ ફિલ્મી શૂટિંગ થાય એવા રજવાડી મહેલો ખીલવ્યા છે. મારી ગુફાઓમાં બુદ્ધના ઓમ મણિપદ્મે હૂમનો
ધીરગંભીર નાદ ગુંજે છે. મારી શેરીઓમાં નવકાર મંત્રની વૈશ્વિક પ્રાર્થનાનો સાદ ગાજે છે. મારી બર્થ સર્ટિફિકેટમાં રાજકીય ઊંમર ૫૦ની હશે, પણ મારી ઊંમર કેટલી છે એ મને ખુદને ખબર નથી.

મેં અણહિલવાડના વનરાજ ચાવડાને સિંહોની વચ્ચે ઉછરતો જોયો છે, મેં મૂળરાજ સોલંકીની તલવાર અને આશા ભીલના તીરકમાન જોયા છે. મને સિદ્ધરાજ જયસિંહે કાઢેલી મારી ભાષાના વ્યાકરણગ્રંથ ‘સિદ્ધહૈમશબ્દાનુ શાસન’ની શોભાયાત્રા માટેની હાથીની એ ભવ્ય અંબાડી અને જસમા ઓડણની ચીસ પણ ફાંસ બનીને ભોંકાઇ છે, મારા દિલમાં. અહમદશાહના ઘોડાની ટાપ પણ મેં જીરવી છે અને મોહમ્મદ બેગડાની મૂછના વાંકડા વળ પણ
મેં નીરખ્યા છે.

હું ઉચ્છંગરાય ઢેબરની ગાંધીટોપીમાં બેસીને હીંચકતું બાળક હતું, અને જીવરાજ મહેતાના ખાદીના ઝભ્ભાના સળમાં ય હું લપાતું હતું. માધવસિંહ સોલંકીના સાહિત્યપ્રેમી ચશ્માની ફ્રેમ પર હું પગ લંબાવી બેઠું છું અને ચીમનભાઇ પટેલના ચળકતાં લલાટમાં મેં મારૂં પ્રતિબિંબ શોઘ્યું છે. કેશુભાઇની ફાફડા- મરચાં સાથેની ચાની અડાળીના મેં ધુંટ પીધા છે અને શંકરસિંહ બાપુની ટનાટન વાતોને બડી
મુગ્ધતાથી સાંભળી છે અને હા, મારા આ ગોલ્ડન બર્થ ડે માટે જ જાણે મને નરેન્દ્ર મોદી મળ્યા છે. એમની દાઢી ને ગમ્મતથી ખેંચવી મને ગમે છે- અને એમને લીધે જ મારી આ ધમાકેદાર પાર્ટીના ગેસ્ટલિસ્ટમાં આખી દુનિયા છે. એમણે મને હવામાં ઉછાળીને ગેલની કિલકારીઓ કરાવી છે, અને સતત પહેરવા માટે નવા નવા ‘વા-વા’ આપ્યા છે.

અરે વાહ, હું ગુજરાત છું!
મારા અફાટ લાંબા સાગરકાંઠાને ખેડીને નાનજી મહેતાએ આફ્રિકા સર કર્યું છે, અને એ જ દરિયાના મોજાંની થપાટો ખાઇ ખાઇને ભારતની નંબર વન કંપની બનાવી જનાર ધીરૂભાઇ અંબાણીનો પિંડ ઘડાયો છે. અમેરિકન મેગેઝીનોમાં ચમકતાં અબજપતિ અઝીમ પ્રેમજી, તુલસી તંતી કે ગૌતમ અદાણીનું પણ હું વતન છું… અને મેં જ જતનથી નિરમા, કેડિલા, એલેમ્બિક, ટોરન્ટ, અજંતા, રસના, બાલાજી અને અફકોર્સ ટાટા જેવી બ્રાન્ડસના
પારણા હીંચોળ્યા છે. સુરતના હીરાની હું પાસાદાર ચમક છું અને પાટણના પટોળાંની આભલા મઢેલી ઝમક છું. રવિશંકર રાવળ અને કનુ દેસાઈની હું રેખાઓ છું. સપ્તકના તબલાની થાપ અને કુમુદિની-મૃણાલિનીના નૃત્યના ઠેકાઓ હું છું.

હું છું સર ભગવતસિંહજીના ભગવદગોમંડલના ફરફરતા પાનાઓમાં, હું છું સયાજીરાવ ગાયકવાડના પેલેસની દીવાલો પર મલપતાં રાજા રવિવર્માના ચિત્રોમાં! હું પગથિયા ઉતરૂં છું અડાલજની વાવમાં અને પગથિયા ચડું છું અમદાવાદની ગુફાના! લખતરની છત્રી મારા તડકાને ટાઢો કરે છે અને સીદી સૈયદની જાળી એ જ તડકાથી મારી હથેળીમાં જાણે મહેંદીની ભાત મૂકે છે. હઠીસિંગની હવેલીના ટોટલે ખરતું હેરિટેજનું
પીછું હું છું અને ધોરડોના સફેદ રણમાં ચૂરચૂર થઈ જતું નમકનું સ્ફટિકમય ચોસલું હું છું.

ઇડરના કોતરો સૂસવાટા મારતો પવન પણ હું છું, અને નલીયામાં ઠરીને પડતું હિમ પણ! નવસારીના દાદાભાઈ નવરોજીની પારસી અગિયારીનો આતશ પણ મારો છે, અને ગોઘૂલિટાણે સોમનાથના શિવાલયમાં ઘંટારવ સાથે થતી આરતીની અગ્નિશિખા પણ મારી છે. મહાલના જંગલોમાં પાણીમાં ઠેકડાં મારતા આદિવાસી બાળકો મારા ધાવણથી ઉછરે છે, અને લાલ લાલ સનેડો ગાઈને ચ્યોં ચ્યોં જતા છોરા-છોરીઓ ય મારા ગાલે બચ્ચી ભરે છે.

ગોંડલના ફાફડા-ભજીયાના ટેસડા મારી જીભમાંથી ઝરે છે અને સુરતની રતાળુની પુરી ખાવાથી પડતો શોષ પણ મારા ગળે પાંગરે છે. હળવદના ચૂરમામાં રેડાતી ઘીની લચપચતી ધાર છું હું, વડોદરાની ભાખરવડી ખાધા પછીનો સીસકાર છું હું. ભાવનગરી ગાંઠિયામાં મરીનો દાણો હું છું, અને રાજકોટના સંચાના આઈસ્ક્રીમ પર મુકાયેલો ચેરીનો બોલ પણ હું જ છું. મેં જેટલા રસથી એકલવીર જોધા માણેક, દાના દુશ્મન જોગીદાસ
ખુમાણની બહારવટાની શૌર્યકથાઓના ધૂંટડા ભર્યા છે, એટલા જ રસથી વલસાડની હાફૂસ અને જૂનાગઢની કેસરના અમૃતરસના પણ ધૂંટડા ગટગટાવ્યા છે. મારી થાળીમાં ષટરસ છે, મારા હોઠ પર પાનથી લાલ થયેલ તંબોળરસની લાલિમા છે, અને મારા ગલોફામાં ઝેરી ગૂટકાના ચાંદાની કાલિમા પણ છે.

મારે ત્યાં સ્વયમ નટરાજના અર્ધાંગિની પાર્વતીએ પૌરૂષના રૌદ્રરસ સામે પ્રકૃતિના લાસ્યરસ સમું શીખેલું નૃત્ય, અનિરૂઘ્ધના પ્રેમમાં પડી કૃષ્ણના ઘેર સાસરે આવનાર કૈલાસશિષ્યા ઉષાએ રાસના સ્વરૂપમાં રોપ્યું છે. મોઢેરાના સૂર્યમંદિરના મૈથુનશિલ્પોમાં ઉપસતા ઉન્નત ઉરોજની પુષ્ટ ગોળાઈ પર લપસતી નજર છું હું! અને રાણકી વાવની શિલ્પાંગના તણા નિતંબે સરકતો કંદોરો છું હું! મારા હોંઠો પર
વલસાડ પાસે જન્મેલા કામસૂત્રના ઋષિ વાત્સ્યાયને વર્ણવેલા ચુંબનની ભીનાશ હજુય તરવરે છે.

હું બ્રહ્મચારી યોગાચાર્યોની સનકમાં પણ છું, અને વિશ્વના સૌથી લાંબા નૃત્યોત્સવ નવરાત્રિમાં હિલ્લોળ લેતી નવયૌવનાઓના સુંવાળી ત્વચા પર ઠુમકતી ઝાંઝરની ખનકમાં પણ છું! હું ભેંકાર રડીને લોહીના આંસુએ અગનવર્ષા કરતા માંગડાવાળાની અઘુરી પ્રીત છું. હું શેણી માટે એક હજાર નવચંદરી ભેંસો એકઠી કરવા ગયેલા વીજાણંદના રાવણહથ્થા પર પીગળતું ગીત છું. ઓઢા અને હોથલનું આલિંગન છું હું, અને
ખેમરો લોડણનું આકર્ષણ છું હું! મેં તાંબાવરણી છાતી કાઢીને બરડા જેવા ડુંગર ધમરોળતા મેર-આહીર જુવાનોની રૂંવાડે રૂંવાડે છલકતી મર્દાનગી જોઈ છે અને મારા ડેનિમ થકી જ ભારતભરની યુવતીઓની લચકતી ચાલ પર વીંટળાતી બ્લ્યુ જીન્સની સિડક્ટિવ કાંચળી જોઈ છે. ભૂ્રણ હત્યાથી માત્ર દીકરી હોવાને લીધે ઘોંટાઈ જતા જીવનની ધૂટનનો મૌન ચિત્કાર પણ હું છું.

ડાર્લિંગ , હું ગુજરાત છું!
સ્ટેચ્યુ ઓફ લિબર્ટીની મશાલમાંથી અંગારા લઈને અમેરિકા અજવાળનાર અને બિગ બેન ટાવરના ડંકા તળે ડંકો વગાડનાર એન.આર.જી. છું હું. વાયબ્રન્ટ મકરસંક્રાંતિના પતંગ ચગાવવા કરતા કાપવાનો વઘુ શોક રાખનાર કાચપાયેલો માંજો છું હું. હું હજાર નંગ પુસ્તક નથી જીરવી શકતું પણ રોજ અડધો કરોડ અખબારી નકલો પચાવી જાવ છું! કણબીનું હળ છું, કસબીની હથોડી છું. હું હોળીની પીળી ઝાળ છું અને દીવાળીની સતરંગી
રંગોળી છું. હું નર્મદના ડાંડિયે પીટાયેલા મારા આકારનો પોકાર છું. હું કાકાસાહેબ કાલેલકર અને ફાધર વાલેસનું સાસરિયું છું. હું મુનશીની અસ્મિતા છું અને મેઘાણીની રસધાર છું.

હું જુમા ભિસ્તીના દેહ પર વળેલો પરસેવો છું. દીકરીના કાગળની વાટ જોતા કોચમેન અલી ડોસાની આંખે નેજવું કરતી કરચલિયાળી હથેળી છું. પંગુ મંગુની અમરતકાકી માટે ઉઠતી ચીસ મેં સાંભળી છે. સંતુ રંગીલીની તળપદી ગાળો ય મારા કાને ઉઠી છે. કાળુ અને રાજુની આંગળી ઝાલીને મેં છપ્પનિયો ભોગવ્યો છે. સરસ્વતીચંદ્રની કુમુદસુંદરીનો ઘરસંસાર ડોકિયાં તાણીને જોયો છે. જાણી જાણીને ઝેર પીધાં પછી યે મેં
અમૃતાનું આચમન કર્યું છે. પ્રોફેસર કોનારક શાહ ક્યાંક લીલા અંધકારમાં જટાયુ બની મારા અક્ષરદેહ ફરતે ચકરાવો લે છે. ઉપનિષદના અસ્તિત્વનો ઉત્સવ ક્યાંક રાતદિવસના રસ્તે પ્રેમ કરતા વ્હાલમની જેમ મને જડી જાય છે. મારા ખભે શિયાળાની સવારનો તડકો કૂદાકૂદ કરે છે. હું ધરતીની આરતી ઉતારૂં છું. હું સત્યના પ્રયોગોનો ચરખો છું, અને માણસાઇના દીવાનો તણખો છું. ક્ષિતિજ અને કુમારના પીળા પડી
ગયેલા પાનાઓને કોરી ખાતી ઉધઈ પણ હું જ છું.

મિયાં ફૂસકીની ટોપી અને ગલબા શિયાળની જામફળની ટોપલી યે મારી જ હતી. બકોર પટેલના હાથ પર પડતી વાઘજીભાઈની હું તાળી છું. મેં અનુભવી છે પીળા રૂમાલની ગાંઠની ભીંસ, સેના બારનિશની ચુસ્ત છાતીએ સંપુટ આપનારી મારી હથેળીના સળ ઉઠેલા છે. નૌતમલાલની ચાંદીની મૂઠવાળી લાકડીની ઠક ઠક મને હજુ સંભળાય છે. છ અક્ષરના નામમાંથી ઉઠેલો ત્રણ અક્ષરના નામનો સોનલવરણો પોકાર મારા કાળજે ત્રોફાય છે. મોબાઈલની
કોલર ટયુનમાં નયનને બંધ રાખીને ગઝલ સંભળાય ત્યાં હું રણકું છું. પન્નાભાભી જાય છે, પણ આભડછેટ જતી નથી એ વિચારે હું ઝબકું છું. ઉપેન્દ્ર ત્રિવેદી-રમેશ મહેતાનો લહેકો પણ હું છું અને કાંતિ મડિયા- સિઘ્ધાર્થ રાદેરિયાનો રંગીલો ચટકો પણ હું છું. હું તોફાની ટપુડો છું, હું તુલસી વિરાણી છું, મારે ત્યાં કંકુ ખરે ને સૂરજ ઉગે છે, અને મારી આંખે કંકુના સૂરજ આથમે છે……………

હું ગુજરાત છું……………

હું ગુજરાત છું……………

હું ગુજરાત છું…………

હૃદય થી ……જીવથી………હું ગુજરાત છું……………!

જય શ્રી કૃષ્ણ……..જય શ્રી સ્વામિનારાયણ……

રાજ


1 Comment

BAPS રવિસભા-૧૭/૦૪/૨૦૧૬

ત્યારે શ્રીજીમહારાજ બોલ્યા જે, “એક જ સાધને કરીને ભગવાન રાજી થાય તે કહીએ તે સાંભળો જે, ભગવાનનો જે દ્રઢ આશરોએ જ એક સર્વ સાધનમાં મોટું સાધન છે, તેણે કરીને ભગવાન રાજી થાય છે……… અને તે આશરો અતિ દ્રઢ જોઈએ, જેને વિષે કાંઈ પોલ રહે નહીં……….

તે આશરામાં ત્રણ ભેદ છે.

૧) એક મૂઢપણે કરીને ભગવાનનો આશ્રય થાય છે, તે અતિ મૂઢ હોય તેને બ્રહ્મા જેવો હોય તે આશ્રયમાં ડોલાવે તોય પણ ડોલે નહીં. અને

૨)  બીજો પ્રકાર એ છે જે, ભગવાનમાં જે પ્રીતિ તેણે કરીને ભગવાનનો દ્રઢ આશરો થાય છે, તે જેને દ્રઢ પ્રીતિ હોય તે પરમેશ્વરને મૂકીને બીજા પદાર્થમાં જોરાવરી પ્રીતિ કરે તોય પણ થતી નથી; એવી રીતે દ્રઢ પ્રીતિએ કરીને ભગવાનનો દ્રઢ આશરો કહેવાય છે. અને

૩) ત્રીજો પ્રકાર એ છે જે, જેને બુદ્ધિ વિશાળ હોય……….. તે ભગવાનનું સગુણ-નિર્ગુણપણું તથા અન્વય-વ્યતિરેકપણું તેને સમજતો હોય અને ભગવાનની માયા થકી જે જે સર્ગ થયો છે તેને સમજતો હોય અને ભગવાનના જે પૃથ્વીને વિષે અવતાર થાય છે તેની રીતને સમજતો હોય અને જગતની ઉત્પત્તિકાળે ભગવાન જે પ્રકારે અક્ષરરૂપે વર્તે છે તથા પુરુષપ્રકૃતિરૂપે વર્તે છે તથા વિરાટપુરુષરૂપે વર્તે છે તથા બ્રહ્માદિક પ્રજાપતિરૂપે વર્તે છે તથા જીવના કલ્યાણને અર્થે નારદ-સનકાદિકરૂપે વર્તે છે એ સર્વ રીતને સમજી જાણે; અને પુરુષોત્તમ ભગવાનને સર્વથી પર ને નિર્વિકાર સમજતો હોય…….. એવી રીતે જેની દ્રષ્ટિ પહોંચતી હોય તેને બુદ્ધિએ કરીને ભગવાનનો દ્રઢ આશરો છે, તે બીજાનો ટાળ્યો ટળે નહીં……… ને પોતાનો પણ ટાળ્યો ટળે નહીં………….. અને ભગવાન મનુષ્ય દેહને ગ્રહણ કરીને સમર્થપણે અથવા અસમર્થપણે વર્તતા હોય તો તેને દેખીને તેની બુદ્ધિને વિષે ભ્રાંતિ થાય નહીં…………”

————————————

વચનામૃતમ-ગઢડા પ્રથમ-૩૩

ભગવાન ને  રાજી  કરવાના  અનેક સાધનો હશે પણ શ્રેષ્ઠ સાધન તો  ભગવાનમાં  દ્રઢ વિશ્વાસ….દ્રઢ નિષ્ઠા….દ્રઢ  આશરો જ છે…જો  એ  હશે તો બીજા સાધનો ન્યૂન હશે તો પણ ચાલશે……!!! તો આજની એકાદશી ની રવિસભા -આ દ્રઢ આશરા ના પ્રતિપાદન…મહિમા ના ગાન માટે હતી…..! આપણ ને તો સત્પુરુષ મહા સમર્થ મળ્યા છે…આશરો દ્રઢ નહિ હોય તો એ હેતે-પ્રીતે-રીતે કરાવી ને પણ કસર ટાળશે……એટલે આપણે તો એ  સત્પુરુષ ને બસ રાજી જ કરવાના છે…..

સભામાં ગોઠવાયા પહેલા મારા વ્હાલા ના મનભરી ને દર્શન કરવા માં આવ્યા……

12985400_1693874294233736_1188693400595693070_n

અને સભામાં સ્થાન ગ્રહણ કર્યું ત્યારે યુવક મિત્રો દ્વારા “સ્વામિનારાયણ નામ મારા વ્હાલા..” ધુન્ય ચાલી રહી હતી….ધુન્ય પૂરી થઇ એટલે કીર્તન ” સુખસાગર હરિવર સંગે…” અને  ” સર્વે માન તજી શામળિયા ..” મુક્તાનંદ સ્વામી રચિત કીર્તન નો લાભ મળ્યો…….

પુ.વિવેકશીલ સ્વામી એ  “પ્રમુખ સ્વામી મહારાજ ની પરાભક્તિ” પર અનેક રસપ્રદ પ્રસંગો દ્વારા મનોનીય પ્રવચન કર્યું….જોઈએ એનો સારાંશ….

  • જેમ શ્રીજી મહારાજે પોતાના ગુરુ રામાનંદ સ્વામી ને પત્ર માં  લખ્યું હતું કે -મીઠા વગર ની રસોઈ નકામી હોય છે તેમ મનુષ્ય ના જીવનમાં જો ભક્તિ ન હોય..ભગવાન ન હોય તો એ જીવન ક્ષુલ્લક કહેવાય……..
  • પ્રગટ અક્ષર બ્રહ્મ પ્રમુખ સ્વામી મહારાજ ના જીવન ને માઈક્રોસ્કોપ થી જુઓ તો સમજાય કે- એમના જીવન ની પ્રત્યેક ક્રિયા…ક્ષણ માં  એક શ્રીજી ને  જ આગળ રાખ્યા છે…….કોઈ સન્માન ની વાત હોય…કોઈ નવી વસ્તુ પ્રસાદી ની કરવાની હોય…..અરે હાર સ્વીકારવા નો હોય…તો પણ શ્રીજી જ સદાયે આગળ જ હોય..!
  • આત્મનિવેદી ભક્તિ નું જીવંત અને સર્વોચ્ચ સ્વરૂપ હોય તો એ છે –  પ્રમુખ સ્વામી મહારાજ……….એમના હરિકૃષ્ણ મહારાજ ને થાક લાગ્યો છે…આરામ ની જરૂર છે……ભૂખ લાગી છે……એનો વિચાર સદાયે એમના અંતર માં રહ્યો છે……….!

અદ્ભુત…..અદ્ભુત…………! આવી ભક્તિ તો ભગવાન ના અખંડ ધારક સંત જ કરી શકે……….! ત્યારબાદ સ્વામીશ્રી  ના સારંગપુર ખાતે ના વિચરણ- ૯-૧૦ એપ્રિલ ,૨૦૧૬ ના દર્શન  વિડીયો ના માધ્યમ થી થયા……જે નીચેની લીંક થી તમે પણ કરી શકો છો…..

 

https://youtu.be/A4ebN5HjiGs

ત્યારબાદ પુ.વિવેકજીવન સ્વામી જેવા વિદ્વાન સંત દ્વારા ” ગઢડા પ્રથમ-૩૩” વચનામૃત પર રસપ્રદ પ્રવચન થયું……જોઈએ એના અમુક અંશ….

  • વચનામૃત ગઢડા પ્રથમ-૩૩ માં શ્રીજી એ કહ્યું છે તેમ……શ્રીજી નો દ્રઢ આશરો જ  શ્રીજી ને રાજી કરવાનો શ્રેષ્ઠ માર્ગ છે..સાધન છે….પણ આપણા જીવ ની વૃત્તિઓ સ્થિર નથી…આથી આ -માર્ગ આપણા માટે મુશ્કેલ છે…..
  • Revival….Reform..Contribution ..એ શ્રીજી એ આપેલા અદ્ભુત આશીર્વાદ આપણા પર છે…….Revival એટલે કે  સદગુણો નું પુનર્જીવન…સમાજ ને જીવંત કર્યો………Reform …જીવમાત્ર..સમાજમાત્ર  નું પરિવર્તન…. ..Contribution…સમાજ માં  ઉચ્ચ નૈતિકતા નું સંપાદન….ગુણાતીત સંત દ્વારા કલ્યાણ નો માર્ગ ચાલુ રાખવાનું યોગદાન…….એમના અનેક જીવન પ્રસંગ દ્વારા જાણવા મળે છે…..
  • ગુણાતીત સંત દ્વારા સદાયે પ્રગટ રહેવાનું……એમના દ્વારા કલ્યાણ નો માર્ગ ચાલુ રાખવાનું યોગદાન આજે પણ સ્પષ્ટ દેખાય છે…………
  • અંગ્રેજી માં એક શબ્દ છે…..entropy….સમયકાળ ની સાથે એનર્જી લેવલ માં થતો ઘટાડો- જો અધ્યાત્મિક ભાષા માં જોવામાં આવે તો – શારીરિક…માનસિક બળ માં -સંજોગ-કાળ-વય સાથે થતા ઘટાડા સાથે સરખાવી શકાય……પણ જો એમાં  આદ્યાત્મિક બળ અર્થાત Spiritual energy મજબુત હોય તો શારીરિક અને માનસિક બળ માં થતો ઘટાડો…..અસરકારક નથી રહેતો…….! સદ્ગુરુ સ્વરૂપાનંદ સ્વામી જયારે બીમાર પડ્યા ત્યારે શ્રીજી એ એમના ખબર અંતર પૂછ્યા તો- સ્વામી બોલી ઉઠ્યા…..” ટટ્ટુ ( અર્થાત દેહ)  બીમાર હૈ…અસવાર ( અર્થાત જીવ)  તાજા હૈ…” માટે અંતર નું બળ મજબુત કરો…..
  • જો આશરો દ્રઢ હોય તો મન નિશ્ચિંત રહે…….સ્થિર રહે………..નિર્ભય રહે….
  • પ.પુ.મહંત સ્વામી તો કહે છે કે- જો નિયમ ધર્મ દ્રઢ રહે તો આશરો દ્રઢ થાય…….નિષ્ઠા દ્રઢ થાય…..
  • શ્રીજી નો આશરો દ્રઢ રહે તે પુરતો નથી…..પણ સાથે સાથે શ્રીજી કહે છે એમ……અધ્યાત્મ માં જેમ જેમ આગળ વધીએ તેમ તેમ પાછા વળી ને અંતર ને તપાસતા રહેવું……..ચકાસતા રહેવું……….કે આપણો આશરો કેટલો દ્રઢ થયો છે……
  • અને જો સત્સંગ માં નિષ્ઠા કે આશરો દ્રઢ ન હોય…..એનો મહિમા દ્રઢ ન હોય……તો જીવ સહેજ કપરો કાળ આવે…..વિપરીત સંજોગ આવે…સહેજ અપમાન થાય તો સત્સંગ ચૂંથાઈ જાય……..માટે સત્સંગમાં પ્રગતિ નો માર્ગ- એ દ્રઢ આશરો જ છે………
  • સત્સંગમાં ખમતા શીખવું……..એ આશરો દ્રઢ બનાવે છે………….
  • શ્રીજી ના સમય માં પણ વજીબા જેવા પરમ ભક્ત હતા તો આજે પણ પ્રમુખ સ્વામી મહારાજ ના સમય માં અનેક ભક્તરાજ આવો જ અનન્ય દ્રઢ આશરો ધરાવે છે….પતિવ્રતા ની ભક્તિ ધરાવે છે……..પોતાનું સર્વસ્વ – સ્વામી ના એક ઈશારે અર્પણ કરવા તૈયાર રહે છે………

અદ્ભુત……અદ્ભુત…………..!!! આવો દ્રઢ આશરો આપણ ને છે????? જો આવી દ્રઢ નિષ્ઠા થાય તો જીવ સ્થિતપ્રજ્ઞ થઇ જાય……..અને એક ભગવાન ને જ સર્વ કર્તાહર્તા સમજે..માને….અને સુખ-દુખ માં સ્થિર રહી શકે………..

સભાને અંતે- અક્ષરધામ વાસી થયેલા ભક્તરાજ માટે સ્વામિનારાયણ ધુન્ય થઇ………….

આપણો તો એક જ નિર્ધાર…………..આપણે તો સત્પુરુષ ના સંગે- શ્રીજી ના સ્વરૂપ ની દ્રઢ નિષ્ઠા કરવી છે……એક એમના જ આશરા ને દ્રઢ કરવો છે…….શ્રીજી રાજી થાય એવા શરણાગત બનવું છે………….!!!

જય સ્વામીનારાયણ…..

રાજ

 


Leave a comment

ન્યુ દિલ્હી ડાયરીઝ-૨૦૧૬

હમમમ….તો લગભગ ૪ વર્ષ ના અંતરાલ બાદ હું ફરીથી દિલ્હી માં હતો….! જેમ જીવન અચાનક વળાંક લે છે તેમ  સમય પણ મંથર ગતિએ એમ જ વળી જાય છે……સ્નેહીઓ ના આગ્રહ ને લીધે મંદી ના માતમ વચ્ચે પણ દિલ્હી જવાનો પ્રોગ્રામ બન્યો…..અને  નિભાવ્યો….! કારણ સબળ હતું…અક્ષરધામ ના  દર્શન. ૧૦ વર્ષ પહેલા જયારે અક્ષરધામ નું ઉદ્ઘાટન થયું હતું ત્યારે હું ત્યાં ગયો હતો અને આ વખતે ત્યાં પુનઃ જવાનો મેળ પડ્યો…..! તો- જોઈએ અનુભવો કેવો રંગ પ્રગટાવે છે……..

akshardham_monument_with_sarovar-002

  • આવવા જવાનું ફ્લાઈટ માં હતું આથી સમય ની બરબાદી ન હતી……..હરિ માટે એના જીવન નું પ્રથમ હવાઈ ઉડ્ડયન હતું..આથી એ તો રોમાંચિત હતો અને એને જોઇને અમે બધા રોમાંચિત હતા…….
  • સિક્યોરીટી -તો જેમ વિચાર્યું હતું તેમ જ કડક હતી……છતાં અમદાવાદ નું એરપોર્ટ..રનવે…તેના છીંડા જોઈને લાગ્યું કે  તે કડકાઈ માત્ર ઉપરછલ્લી જ હતી…………ભગવાન જ આ દેશ ને ચલાવે છે -તે પુનઃ દ્રઢ થયું…..
  • દિલ્હી અને લગભગ તમામ એરપોર્ટસ પર આજકાલ પ્રીપૈડ ટેક્ષી મળે છે…..છતાં ઓલા-ઉબેર-મેરુ નો તમેં અનુભવ કરી શકો…….બુકિંગ કરાવ્યા પછી કેવી ટેક્ષી આવે  છે …..એ તો પછી ની વાત છે..!!!:-)
  • અમે રાત્રે દિલ્હી પહોંચ્યા……પ્રદુષણ ની ગૂંગળાવતી ધુમ્ર સેરો ફેફસા માં ઘુસી ગઈ……. અને ત્યાંથી પ્રીપેડ ટેક્ષી માં -અક્ષરધામ પહોંચ્યા…………અક્ષરધામ પરિસર અને મુખ્ય સ્મારક મંદિર -રોશની માં ઝળહળતું હતું……સલામતી વ્યવસ્થા ખુબ જ મજબુત હતી…કડક હતી……પ્રસંગ ભગત ને લીધે ઉતારા સહજ મળી ગયા પણ..હજુ ઉતારા નું કામ ચાલે છે, આથી બધાને ત્યાં ઉતારા મળી જ જાય ..એ શક્ય નથી.
  • અને હા,,, અક્ષરધામ યમુના કિનારે છે આથી મચ્છર તો જાણે ધોધમાર વરસાદ વરસતો હોય તેમ ચારકોર વરસે છે…………મચ્છરો ના ઢગલે ઢગલા -સમગ્ર અક્ષરધામ ના વિસ્તાર માં….ખાસ કરીને સાંજે હોય છે……કોઈ મચ્છર છાપ અગરબત્તી…..લીક્વીડ…..સ્પ્રે…..જાણે કે કોઈ જ અસર નથી કરતા……….અહીના મચ્છરો -રીઢા રાજકારણી ઓ નું લોહી પી ને રીઢા થઇ ગયા છે……….આથી જો આવી ઋતુમાં અક્ષરધામ જવાનું વિચારતા હો તો- સાથે ઓડોમોસ….મચ્છરદાની…..લાંબી બોય ના કપડા…..બુટ -મોજા ….શક્ય હોય તો મોસ્કીટો રેપેલંટ મેટ….જેવું સાથે અચૂક લઇ જવું….!!!
  • અક્ષરધામ દર્શન માટે સવારે ૯ વાગ્યે પહોંચી જવું……મોબાઈલ, અન્ય પ્રતિબંધિત વસ્તુઓ હોટલ/ઉતારા/ગાડી માં મૂકી ને જ જવી…..ચાલુ દિવસે પણ અક્ષરધામ માં સહેજે ૨૦-૨૫ હજાર લોકો દર્શને આવે છે…….શની-રવિ તો આનાથી વધુ ભીડ હોય એ સ્વાભાવિક છે…….! ચાલવાનું ઘણું છે…આથી તૈયારી રાખવી…..
  • અક્ષરધામ- સદાયે અદ્ભુત..અદ્ભુત જ છે…..શરૂઆત જ દમદાર છે……શું જોવા મળશે ??? એ કહી ને તમારી જીજ્ઞાસા ઓછી નહિ કરું…….બસ તમે એકવાર અચૂક અહી દર્શન કરો………મુખ્ય સ્મારક માં શ્રીજી -એમના ગુણાતીત સંત ના દર્શન એ અવિસ્મરણીય લ્હાવો છે………શ્રીજી ની મૂર્તિ -મધ્ય ખંડ નું ગર્ભગૃહ..એની સજાવટ જોઇને તમે સાક્ષાત અક્ષરધામ પહોંચી ગયા હો…તેવો જ અનુભવ થાય……….જીવ બસ એક એમાં જ ચોંટી જાય….અને થાય કે  સમય-કાયમ માટે સ્થિર થઇ જાય………!!! શ્રી સીતા-રામ, શ્રી રાધા-કૃષ્ણ….પાર્વતી-શિવ..લક્ષ્મી-નારાયણ ની આરસપહાણ ની મૂર્તિઓ….એક જ પથ્થર માં થી કોતરેલી છે……અને એટલી બારીક કોતરણી છે કે તમારું મગજ કામ જ ન કરે………….!!!! મંદિર ની આધાર દીવાલો -ગજેન્દ્ર પીઠીકા પર હાથીઓ -પંચતંત્ર-અધ્યાત્મ ની વાર્તા ઓ ની જે કોતરણી થઇ છે………….તે તો તમે બસ દેખતા જ રહી જાઓ…!!!! આપણી કલ્પના માં પણ ન આવે કે આટલી કોતરણી….સમગ્ર અક્ષરધામ માત્ર પાંચ વર્ષ ના ટૂંકા ગાળા માં બન્યું છે…….!! આ જોઇને તો ભલભલા નાસ્તિક પણ આસ્તિક થઇ જાય……..અને મારા ગુરુ…પ્રગટ અક્ષરબ્રહ્મ પ્રમુખ સ્વામી મહારાજ ની દિવ્યતા…..શ્રીજી નું પ્રગટ પ્રમાણ હોય તો જ આ શક્ય બને……! શત શત વંદન…ગુરુ હરિને…….શ્રીજી ને…!!!
  • પ્રદર્શની ૪  ભાગમાં છે….જે તમે બધી અથવા જે ગમે તે -એમ પસંદ કરી-સમયની અનુકુળતા પ્રમાણે ટીકીટ લઈને જોઈ શકો…….પણ મારી સલાહ છે……અક્ષરધામ ના દર્શન માટે એક આખો દિવસ કાઢવો…..અને બધી જ પ્રદર્શની જોવી….અનુભવવી……!!! નીલકંઠ યાત્રા -આઈમેક્ષ ફિલ્મ ની પ્રિન્ટ અતિશય વપરાશ થી થોડીક ઘસાઈ ગઈ છે…….પણ નૌકા વિહાર અદ્ભુત છે……અને સાંજનો( ૬-૩૦ વાગે પહોંચી જવું) લેસર-વોટર શો……અચૂક જોવો…!!! કેનોપનિષદ નો અદ્ભુત સંદેશ………એટલી અદભુત પધ્ધતિ થી ગુંથ્યો છે કે- તમે એમાં એકરૂપ થઇ જાવ…! પણ -અહિયાં પણ મચ્છરો નો ખુબ જ ત્રાસ છે……..શરીર ઢંકાય એવા કપડા પહેરી ને જવું…ઓડોમોસ સાથે રાખવી…..
  • .શો -બાદ અક્ષરધામ ના રાત્રી દર્શન સાથે ત્યાના ફોટોગ્રાફર દ્વારા ફોટો પણ પડાવી શકાય………૨૦ મિનીટ માં જ પ્રિન્ટ મળી જાય છે……અને કાયમનું સંભારણું થઇ જાય છે…
  • જમવા માટે- પ્રેમવતી ની અદ્ભુત સેવા છે……….ખુબ જ વ્યાજબી ભાવ- ક્વોલીટી ફૂડ- અને ઉત્તર ભારત ની વિવિધા ધરાવતું ફૂડ મળે છે…………અચૂક લાભ લેવો…..
  • અમે બે દિવસ રોકાયા અને અદ્ભુત દર્શન નો લાભ લીધો……વોટર શો -બે બે વાર જોયો………!!!!! પંજાબી નાસ્તા-આઈસ્ક્રીમ નો અઢળક લાભ લીધો………..
  • પાછા ફર્યા ……….પણ ખાલી હાથ અને ખાલી હૈયે ન આવ્યા…….શ્રીજી ના અદ્ભુત દર્શન……….સત્પુરુષ ના સર્વોપરી સંકલ્પ……ભક્તો-સ્વયમ સેવકો -સંતો ની રાત-દિવસ ની મહેનત ..અને ભારત માં જન્મ્યા હોવાનું ગૌરવ થાય ….તેવી સંસ્કૃતિ-સંસ્કાર ને હૃદય માં દ્રઢ કરી ને આવ્યા…………
  • અક્ષરધામ પરિસર ને છોડી ને બીજે ક્યાય ફરવા ન જવાયું……..મેટ્રો ની મુસાફરી -મારે રીના અને હરિ ને કરાવવી હતી………પણ હવે એ ફરી ક્યારેક…!!!
  • અમારા હરિ ને તો બસ ધમાલ કરવા જોઈએ…ને સમગ્ર અક્ષરધામ સંકુલ માં દોડાદોડી કરીને ફરી વળ્યો……….મુખ્ય મંદિર માં ભક્તરાજો ની મૂર્તિઓ માં જોબન પગી ને શોધી કાઢ્યા…..ઠેર ઠેર દંડવત -ધુન્ય કરી આવ્યો…..નારાયણ સરોવર વિષે તો એટલા પ્રશ્ન પૂછ્યા કે મારે જવાબ શોધવા કાઠા પડી ગયા…….!!! …..અજાણ્યા-દેશી-વિદેશી-અજાણી ભાષા ધરાવતા મુલાકાતીઓ સાથે પણ વાતચીત કરી આવ્યો………..!!! એરપોર્ટ પર તો વિમાન.” ઊંચું” કર્યું……….સીટ બેલ્ટ બાંધવા મુદ્દે રિસામણા લીધા ….અને માંડ માંડ અનેક “પ્રાર્થના” ઓ પછી હરિકૃષ્ણ મહારાજ માન્યા…….! જીદ કરીને આઈસ્ક્રીમ-ચોકલેટ્સ ના ભડાકા બોલાવી દીધા……….!!!

તો- મારી સલાહ -દિલ્હી જાઓ તો- બીજું કશું ન જુઓ તો ચાલે……પણ અક્ષરધામ ના દર્શન અચૂક કરવા……..પણ દર્શન ની સુચના ઓ ખાસ જોઈ લેવી……….!!! છેવટે – સત્પુરુષ ના સંકલ્પ…..શ્રીજી નો રાજીપો અહી જ છે……….અને એ જ અક્ષરધામ છે………..!!!


Leave a comment

BAPS વિશિષ્ટ રવિસભા- ૧૦/૦૪/૨૦૧૬

सुख देवत…सुख होवत है; दुःख देवत  …दुःख होवत है…….

——————————-

अज्ञात

” બીજાના  ભલા માં  આપણું ભલું  છે….”

———————–

પ્રગટ અક્ષરબ્રહ્મ પ્રમુખ સ્વામી મહારાજ

ઉપર ની બંને પંક્તિઓ વાંચો…….સાર  સમજાઈ  જશે કે  ગુણાતીત  સત્પુરુષ  ની ભાવના કેવી હોય છે ….એને  શ્રીજી શા માટે વશ હોય છે???? આ ગુણાતીત પુરુષ ની પ્રેરણા થી શ્રીજી ના  સંકલ્પ ના  કેવા કેવા કાર્ય થાય છે, એ આજની સભામાં જોવા મળ્યું. અમેરિકન યુનીવર્સીટી નો એક ક્રિશ્ચિયન …અંગ્રેજ વિદ્વાન પ્રમુખ સ્વામી મહારાજ થી પ્રભાવિત થઇ પોતાના જીવન ના ૪૦-૪૦ વર્ષ સ્વામિનારાયણ ભગવાન-એમનું તત્વજ્ઞાન…સંપ્રદાય …એનો વિકાસ સમજવા ગાળી નાખ્યા…અને તેનો ગર્વ…આત્મસંતોષ તેના ચહેરા પર સ્પષ્ટ દેખાય છે…….અને જયારે તે પોતે સ્વામીનારાયણ સંપ્રદાય ના વિવિધ પાસા ના  સંશોધન વિષે પુસ્તક તૈયાર કરે….ઓકસફોર્ડ યુનીવર્સીટી દ્વારા પ્રગટ કરે..તો પછી બાકી શું રહે??? પ્રોફેસર રેમન્ડ બ્રાડી વિલિયમ્સ ( Raymond Brady Williams)  અને કોલમ્બિયા યુનીવર્સીટી ના  પત્રકારત્વ વિભાગ ના યુવાન પ્રોફેસર યોગી ત્રિવેદી (Yogi Trivedi)  દ્વારા સંપાદિત Swaminarayan Hinduism  આજની સભામાં ઉદ્ઘાટિત થયું…….સભામાં બંને પ્રોફેસર સાથે- ગુજરાત ગવર્નર ઓ.પી.કોહલી સાહેબ, રઘુવીર ચૌધરી,મકરંદ મેહતા, ચંદ્કાંત શેઠ , કુમારપાળ દેસાઈ, સંદીપ લાલભાઈ, એમ.એસ.યુનીવર્સીટી ના  વાઈસ ચાન્સેલર એમ.એન.પટેલ સાહેબ, ગુજરાત ઈતિહાસ પરિષદ ના સુરેશ ભાઈ બ્રહ્મભટ્ટ, કવિ માધવ રામાનુજ, ખ્યાતનામ આર્કિટેક્ટ  પ્રોફ.વસાવડા અને ૨૫૦ જેટલા અન્ય વિદ્વાન મહેમાન ની હાજરી માં આ બુક વિષે અદ્ભુત માહિતી નું દર્શન થયું…….! તો આજની સભા આ વિષે હતી…..

સભામાં દિલ્હી થી પરત આવ્યા બાદ તરત જ પહોંચ્યો…..સવાર માં  દિલ્હી અક્ષરધામ સત્સંગ મંદિર ના  દર્શન કરી નીકળ્યો અને સાંજે અમદાવાદ મંદિર માં શ્રીજી ના દર્શન કરી અભિભૂત થઇ ગયો……..

12961661_534955156692661_4025310605209593387_n

સભામાં વ્યવસ્થા અલગ હતી કારણ કે રાજ્યપાલ આવવા ના હતા……આથી યોગ્ય સ્થાન શોધી ગોઠવાયા અને યુવકો ના કાંઠે..”રામકૃષ્ણ ગોવિંદ..” ધુન્ય નો લાભ લીધો….બાળકો દ્વારા મંત્રગાન થયું…….ત્યારબાદ આમંત્રિત મહેમાનો દ્વારા સ્વામિનારાયણ હિંદુઈઝમ – પુસ્તક વિષે રસપ્રદ પ્રવચન થયા……જોઈએ અંશ…..

51qYeVPmZfL._SX323_BO1,204,203,200_

  • ગુજરાત ઈતિહાસ પરિષદ ના હાલ ના પ્રમુખ – શ્રી સુરેશભાઈ બ્રહ્મભટ્ટ દ્વારા…… માહિતી આપવામાં આવી કે- આ પુસ્તક આજથી ત્રણ વર્ષ પહેલા દિલ્હી અક્ષરધામ માં યોજાયેલ “સ્વામીનારાયણ ભગવાન- જીવન,કાર્ય, સંપ્રદાય” સેમીનાર માં ૭૫ જેટલા રીસર્ચ પેપર માં થી સંપાદિત પેપર્સ ના આધારે બન્યું છે……આ માટે પ્રોફ વિલિયમ્સ, પ્રોફ યોગી ત્રિવેદી દ્વારા ઘણી મહેનત કરવામાં આવી..અને સૌપ્રથમ વાર ઓકશફોર્ડ યુનીવર્સીટી એ આ પ્રકાશિત કર્યું……એ અત્યંત ગૌરવ ની વાત છે…..
2016_04_03_036_Sarangpur_f

Raymond Brady Williams, Prof. Yogi Trivedi, Pastor Matthew Manning and Nitesh at Sarangpur with Swamishri

  • આ માટે પ.પુ.પ્રમુખ સ્વામી મહારાજ -શબ્દ બ્રહ્મ ના ઉપાસક તરીકે પ્રેરક હતા….૧૮ મી સદી માં જે સમાજ વેરવિખેર હતો…..ત્રસ્ત હતો…..અધ:પતન ને આરે હતો તેને સહજાનંદ સ્વામી એ ઉગાર્યો…..અને એ સહજાનંદ સ્વામી પર રીસર્ચ થાય..એમના સંપ્રદાય પર રીસર્ચ થાય એ ગર્વ ની વાત છે…..
  • સ્વામીનારાયણ સંતો એ  -સ્વામીનારાયણ ભગવાન ની આજ્ઞા થી જે સાહિત્ય રચ્યું…સમાજ માં જે નૈતિકતા ફેલાવી -એ આજે પણ સુસ્પષ્ટ દેખાય છે…..
  • ઇતિહાસકાર મકરંદ મેહતા એ કહ્યું કે સહજાનંદ સ્વામી પોતે હિન્દી,અવધી,વ્રજ ભાષા બોલતા પણ ગુજરાત માં  આવી તળપદી ગુજરાતી ભાષા અપનાવી……ગુજરાતી ભાષા ને ગૌરવ બક્ષ્યું……ગાંધીજી પહેલા ગુજરાત માં જો કોઈ ધર્મ-સમાજ-નૈતિક સુધારણા લાવ્યું હોય તો તે સહજાનંદ સ્વામી હતા……અને ૫૦૦ પરમહંસો તૈયાર કરી સમાજ ના ખૂણે ખૂણે નૈતિક શુધ્ધતા પહોંચાડી…..
  • સહજાનંદ સ્વામી ના ગુણ- જેવા કે- સામાન્ય લોકો જેવી જ ભાષા બોલવી, આચાર-વિચાર-વસ્ત્રો માં સ્વચ્છતા, સમય પાલન, વાત સાંભળવી…….દ્વારા સમાજ ને એક કર્યો…ધર્મ માં જોડ્યો…..
  • પુ.બ્રહ્મવિહારી સ્વામી એ અંગ્રેજી-ગુજરાતી મિક્ષ ભાષા માં ” અક્ષરધામ પર આતંકવાદી હુમલો અને પ.પુ.પ્રમુખ સ્વામી મહારાજ નો પ્રતિભાવ” પર પ્રવચન આપતા કહ્યું કે- ધર્મ સંકીર્ણ નથી…..પ્રમુખ સ્વામી મહારાજે શીખવ્યું કે – અન્ય ધર્મ ને માન આપવું..એ જ વાત શિક્ષાપત્રી માં લખી છે…….સ્વામીનારાયણ સંપ્રદાય માં વ્યક્તિ જેમ આગળ વધે તેમ- તે અન્ય ધર્મ પ્રત્યે વધુ સહિષ્ણુતા ધરાવતો થતો જાય છે……..! પોતાના પૂર્વાશ્રમ ના પ્રસંગ સંભારતા સ્વામી એ કહ્યું કે- એમના મુસલમાન મિત્ર સાથે આજે પણ એ મિત્રતા ધરાવે છે…..કારણ કે પ્રમુખ સ્વામી મહારાજ અહી સાધુઓ ને – સ્વામીનારાયણ નિયમ ધર્મ-સમજણ થી નમ્ર બનાવે છે….વૈશ્વિક બનાવે છે…..
  • બીજાના ભલા માં-આપણું ભલું…એ પ્રમુખ સ્વામી મહારાજ શીખવે છે…..! આમ, ભગવાન સ્વામીનારાયણ ના  સિદ્ધાંતો વાંચવાના નથી…પણ વર્તનમાં ઉતારવા ના છે……જે પ્રમુખ સ્વામી મહારાજ ના જીવનમાં હરપળ દેખાય છે……
  • જ્ઞાનપીઠ પુરસ્કાર વિજેતા રઘુવીર ચૌધરી એ કહ્યું કે – બેપ્સ ના સંતો ને એ વર્ષો થી…..નજીક થી ઓળખે છે…..એમની સાધુતા અને જ્ઞાન ની હરીફાઈ કરી શકે..એવું કોઈ છે???? કોઈ નથી……એમના બધામાં પ્રમુખ સ્વામી મહારાજ ની દિવ્ય હાજરી છે…ચૈતન્ય છે…જે સમગ્ર વિશ્વમાં બધે જ વ્યાપ્ત છે……..
  • પદ્મશ્રી કુમારપાળ દેસાઈ એ કહ્યું કે- વાત્સલ્ય એ પ્રમુખ સ્વામી મહારાજ નું અંગ જ છે……આજે આ પુસ્તક નું ઉદ્ઘાટન એ એક અક્ષર ઉત્સવ જ છે…….૬૯ વર્ષ ના ધીરુભાઈ ઠાકર ને પ્રમુખ સ્વામી મહારાજે આજ્ઞા કરી હતી કે – ગુજરાતી વિશ્વકોષ નું કાર્ય પૂરું કરો……અને સ્વામી ના વચનો માં વિશ્વાસ- બળ રાખી ૯૫ વર્ષ ની ઉમર થયા છતાં પણ ધીરુભાઈ એ કાર્ય પૂરું કરી શક્ય……એ પ્રમુખ સ્વામી મહારાજ ની દિવ્યતા દર્શાવે છે……
  • મહાન સાહિત્યકાર ચંદ્રકાંત શેઠે કહ્યું કે …..શ્રીજી મહારાજ ની દિવ્યતા આજે પણ પ્રગટ પ્રમાણ છે…….જ્યાં કોઈ ધર્મ જડતા નથી…ઝનુન નથી……એટલે જ  ધર્મ ની રક્ષા….અને અખંડ શાંતિ માત્ર આ સંતો જ કરી શકે….! માત્ર ધર્મ-સંસ્કાર-સંસ્કૃતિ ને  જ નહિ..પણ માનવ હૃદય ને  સમૃદ્ધ કરવામાં આ સંપ્રદાય નો મોટો ફાળો છે…..
  • કવિ માધવ રામાનુજ તો એટલા ઉત્સાહી હતા કે દિલ્હી અક્ષરધામ ની મુલકાત બાદ એમણે અક્ષરધામ અને પ્રગટ અક્ષરધામ પ્રમુખ સ્વામી મહારાજ પર ત્રણેક કાવ્ય રચ્યા……અને એમાંથી એક કાવ્ય તો તેમણે સભામાં સંભળાવ્યું પણ ખરું……..! અને કહ્યું કે- જે પ્રાચીન કાળ ના ઋષિ-મુનીઓ વિષે સાંભળ્યું હતું..એ બધા આજે પુનર્જન્મ લઈને અહી સાધુ થયા છે…………..! અને જે સાધુતા ની મૂર્તિ આપણે મનમાં કલ્પી છે…તે અહી સાધુઓમાં પ્રગટ પ્રમાણ દેખાય છે…..!!!!
  • ત્યારબાદ પ્રો. વિલિયમ્સ એ કહ્યું કે- પ્રમુખ સ્વામી મહારાજ ની પ્રેરણા થી છેલ્લા ૪૦ વર્ષ થી એ સ્વામીનારાયણ સંપ્રદાય  પર સંશોધન કરી રહ્યા છે…..અને એ સમયે અને આજે સ્પષ્ટ ફર્ક દેખાય છે કે- ભક્તિ ની સાથે સાથે જ્ઞાન અહી ખુબ જ આગળ વધ્યું છે…….સંતો જે રીસર્ચ કરી રહ્યા છે…એ દર્શાવે છે કે એમનું નેતૃત્વ કેટલું પ્રબળ છે……!
  • પ્રોફ યોગી ત્રિવેદી- કે જે મને ગઈકાલે જ દિલ્હી અક્ષરધામ માં મળ્યા હતા અને અમે  ઘણીબધી વાતચિત કરી હતી…એ આજે અલગ જ મૂડ માં હતા…કોલમ્બિયા યુનીવર્સીટી જેવી જગત ની ખ્યાતનામ સંસ્થા માં જર્નાલીઝમ માં પ્રોફેસર તરીકે સેવા આપતા આ યુવાન વિદ્વાન -હિમાલય ની કંદરા ઓ ખુંદી વળ્યા છે……પંડિત જસરાજ પાસે રહી- શાસ્ત્રીય સંગીત શીખ્યા છે અને સ્વામીનારાયણ સંગીત -પદ પર અત્યારે ત્યાની યુનીવર્સીટી માં ડોકટરેટ કરી રહ્યા છે……….!! એમણે કહ્યું કે આ પુસ્તક- હિન્દુઇઝમ માટે નથી પણ હિંદુ ધર્મ માં જે વિવિધ ભરેલી છે તેના વૈભવ ને માણવા માટે છે……! સ્વામિનારાયણ ભગવાન ના અષ્ટકવિ ઓ એ  સંસ્કૃત થી માંડી ને છેક ફારસી..પર્સિયન ભાષા સુધી ની બધી ભાષા ઓ નો ઉપયોગ કર્યો છે…અને ઉદાહરણ માં બે કીર્તન ને પોતાના સુરીલા કંઠમાં ગાઈ સંભળાવી………….અને સમગ્ર સભા તાળીઓ ના ગડગડાટ થી ભરાઈ ગઈ…….રઘુવીર ચૌધરી તો પોતાની જગ્યા એ થી ઉભા થઇ યોગી ને ભેટી પડ્યા…!!!!! અદ્ભુત……………
  • ત્યરબાદ એમ.એસ.યુનિ. ના વાઈસ ચાન્સેલર એમ.એન.પટેલ સાહેબે પણ વાત કરી કે- આજે દરેક અભ્યાસક્રમ માં અધ્યાત્મ ને ભેળવવો જોઈએ……..અને આ બુક -આવનારી પેઢીઓ પર જરૂર પ્રભાવ પાડશે………..
  • રાજયપાલ શ્રી કોહલી સાહેબે શુદ્ધ હિન્દી માં  કહ્યું કે – હિંદુ ધર્મ એ જીવવા નો માર્ગ છે…પરમાર્થ નો માર્ગ છે…….! પોતાના કરતા અન્ય નો વિચાર પહેલા કરવો- એટલે પરમાર્થ અને એટલે જ ધર્મ…….! હિંદુ ધર્મ ખુબ જ લચીલો છે….અને સમય સાથે બદલાતો રહ્યો છે……બધાને સ્વીકારતો રહ્યો છે એટલે જ આજે તે ટકી રહ્યો છે……….! એટલે જ હિંદુ ધર્મ સૌથી પ્રાચિનતમ અને સૌથી આધુનિકતમ ધર્મ છે……સ્વામિનારાયણ સંપ્રદાય -જાતિભેદ-મીટાવવા માં ખુબ જ પ્રભાવી રહ્યો છે…………સમાજ ને એક આ જ સંપ્રદાય કરી શકે……………! સમાજ ની સેવા કરતા કરતા પણ ભક્તિ ના ઉચ્ચતમ ધ્યેયો ને પ્રાપ્ત કરી શકાય એ – આ સંપ્રદાય શીખવે છે…………..
  • અંતે પુ.આનંદ સ્વરૂપ સ્વામી એ બધાનો આભાર માનતા કહ્યું કે- આવું રીસર્ચ અને પુસ્તક ની રચના આગળ પણ થતી રહેશે………..યોગી ત્રિવેદી નો સત્સંગ બાળપણ થી છે….જે આજે આવા ઉચ્ચ સંશોધન માં પરિણમ્યો છે……….!
  • ભગવાન સ્વામિનારાયણ નું અવતરણ જીવમાત્ર ના અહં-મમત્વ ટાળવા થયો…….અને આ અહં-મમત્વ ટાળવા માટે શ્રીજી કહે છે તેમ- આત્મજ્ઞાન….પ્રાપ્તિ નો મહિમા……અહં શૂન્યતા ધરાવતા પુરુષ નો સંગ…..થાય તો થાય…! ડો. કલામ ને પ્રમુખ સ્વામી મહારાજ મળ્યા અને પોતે અહંશૂન્ય થઇ ગયા…….એ વાત પોતાના પુસ્તકમાં લખી છે………….

12974460_994863450551623_3311484144109351859_n

અદ્ભુત…..અદ્ભુત……………! આ પુસ્તક જરૂર ખરીદવામાં આવશે………………પણ એની ગુજરાતી ભાષાંતર ની પણ રાહ જોવામાં આવશે….! મને યોગીએ કહ્યું તેમ- તેનું ગુજરાતી ભાષાંતર જલ્દી થી પ્રકાશિત થશે…………!!!

જય સ્વામીનારાયણ………………..સત્પુરુષ અને શ્રીજી ના સંકલ્પો સમજતા રહો…….જાણતા રહો……એ પ્રમાણે જીવો…….!!! જીવના કલ્યાણ નો માર્ગ તો અંતે આ જ છે………………..!!!

 

રાજ


Leave a comment

BAPS YTK-પ્રેરણા રવિસભા -૩/૦૪/૨૦૧૬

“યુવકો મારું  હૃદય છે………”

————————-

બ્રહ્મસ્વરૂપ યોગીજી મહારાજ

૨૦૦૭ નું  શુભ વર્ષ……પોતાના  ગુરુ બ્રહ્મસ્વરૂપ યોગીજી મહારાજ નો – યુવકો પ્રત્યે નો દ્રઢ વિશ્વાસ….દ્રઢ સ્નેહ  ને  એક આગવું સ્થાન  આપવા પ્રગટ બ્રહ્મસ્વરૂપ પ્રમુખ  સ્વામી  મહારાજે  YTK એટલે કે  યુવક તાલીમ કેન્દ્ર -ની સ્થાપના -સારંગપુર ખાતે કરી…….અને  યોગીજી મહારાજ ના  હૃદય…અર્થાત યુવકો ને  પોતાના જીવન ને  સર્વોચ્ચ  બનાવવા નું સહજ સાધન પૂરું પાડ્યું…..! આજની  સભા -યુવક તાલીમ કેન્દ્ર -પ્રેરણા  સભા હતી……જુન -૨૦૧૬ થી નવું સત્ર શરુ થઇ રહ્યું છે..અને  સારંગપુર અને સત્પુરુષ- યુવકો નું સ્વાગત કરવા તત્પર  છે…………

સભામાં સમયસર પહોંચી ગયો…..અને સદાય ની જેમ- મારા વ્હાલા ના  દર્શન મનભરી ને કરવામાં આવ્યા…….ચાલો તેનો ગુલાલ કરીએ……

12961671_532298166958360_2607324471293706007_n

સભા ની શરૂઆત-અત્યંત મનોનીય…કર્ણપ્રિય સ્વર માં  ગવાતી સ્વામીનારાયણ ધુન્ય થી થઇ….હૃદય એકતાર થઇ ગયું…..લાગ્યું કે બસ આને સાંભળતો જ રહું..!!! ત્યારબાદ યુવક મિત્ર જૈમીન વૈદ્ય દ્વારા સદ્ગુરુ સંત મંજુકેશાનંદ દ્વારા રચિત  કીર્તન “તારી મૂર્તિ લાગે છે મુને પ્યારી …શ્રી ઘનશ્યામ હરિ…” રજુ થયું…….! અદ્ભુત સ્વરાંકન…….!! અને  એજ  યુવક  દ્વારા “જોગીડા નો જાદુ  મારે રુદયે રમે…..” રજુ  થયું……! યોગીબાપા નો એ  સ્નેહાળ ચહેરો……” બોલો  ગુરુ…” શબ્દ નો  રણકો……નજર  સમક્ષ પ્રગટ થઇ ગયો…..! યોગીબાપા ના એ અક્ષર સ્નેહ થી અનેક -અતિ શિક્ષિત યુવકો -સંસાર ના  સુખ છોડી -ત્યાગાશ્રમ ના કપરા માર્ગે ચાલી નીકળ્યા…………..અને  આજે  એ જ  ગુણાતીત નો જાદુ સુસ્પષ્ટ દેખાય  છે………..!!!

યુવક તાલીમ કેન્દ્ર (YTK) નો વિશેષ પરિચય કરાવતો…..વિડીયો રજુ થયો અને મન ના બધા સંશયો-સવાલો-પ્રશ્નો ઉકેલાઈ ગયા……ગ્રજ્યુએશન -પોસ્ટ ગ્રેજ્યુએશન પૂરું કર્યા બાદ…અથવા અભ્યાસ પૂર્ણ કર્યા બાદ -જીવન ના  ૬ માસ -ની યુવક તાલીમ કેન્દ્ર માં ઇન્વેસ્ટમેન્ટ- એક નફા નો સોદો છે…..ખોટ  છે  જ  નહિ…..સંસ્કાર, સત્પુરુષ…સત્સંગ અને શ્રીજી નો સીધો સ્પર્શ થાય એટલે  ૬૦ વર્ષમાં જે જ્ઞાન ન મળે….જે ઘડતર ન થાય  તે ઘડતર માત્ર ૬ માસ માં મળે છે…….એમ પરમ પૂજ્ય મહંત સ્વામી કહે છે……!!! જે અહી શીખવા મળે છે…..તે બીજે ક્યાય નહિ મળે….કારણ કે આ બ્રહ્મવિદ્યા ની કોલેજ છે……અને શિક્ષક -સત્પુરુષ પોતે છે……….!

ત્યરબાદ પુ.પ્રિય સ્વરૂપ સ્વામી એ  ” જીવન માં  ઘડતર નું મહત્વ” પર રસપ્રદ વિવરણ કર્યું…..જોઈએ સારાંશ….

  • લિઓ ટોલ્સટોય નું નામ- તત્વજ્ઞાન ની દુનિયામાં અગ્રેસર ગણાય છે..એમના એક પ્રસંગ માં એમણે કહ્યું કે- લોખંડ નો એક સામાન્ય ટુકડો એના સ્વરૂપ માં ભંગાર માં જાય……પણ એ જ લોખંડ ને આકાર આપી – ઘડિયાળ ના પાર્ટ્સ બનાવવા માં આવે તો હજારો રૂપિયા માં જાય…..!!! તેમ જન્મ થી જ  મનુષ્ય પશુ જેવો હોય પણ માતા-પિતા-શિક્ષક-સમાજ-સત્પુરુષ દ્વારા એનું ઘડતર થાય તો એ જ્ઞાની પુરુષ થાય છે…..પરમ પદ ને પામે છે…
  • જીવ પર જન્મોજન્મ થી માયા ની ધૂળ ચઢેલી હોય…..સત્પુરુસ એ ધૂળ ને જ્ઞાન દ્વારા દુર કરે છે અને જીવ ચમકી ઉઠે છે……અમુલ્ય થઇ જાય છે…….માઈકલ એન્જેલો -દુનિયાનો સર્વ શ્રેષ્ઠ શિલ્પકાર કહેતો કે દરેક પથ્થર માં કલાકૃતિ પહેલે થી જ હોય છે…..બસ હું એ બિન જરૂરી પથ્થર દુર કરું છું અને એમાં છુપાયેલી કલાકૃતિ પ્રગટ થઇ ઉઠે છે…..! સત્પુરુષ નું કાર્ય આ જ છે….
  • જે ઇન્દ્રિયો ભગવાન સાથે જોડાયેલી ન હોય તે નકામી છે…..એમ રામચરિત માનસ કહે છે….માટે જીવન માં હરપળ ભગવાન ને સાથે રાખવાનું શીખવું જરૂરી છે…..! જગત ના વ્યવહાર માં પણ ભગવાન ને સાથે રાખવાની કળા – યુવક તાલીમ કેન્દ્ર આપે છે……
  • જીવન ના  માત્ર ૬ મહિના ની તાલીમ….૬૦ વર્ષ ને સુધારી દે છે………………..માટે દરેક યુવકે આ તક નો અવશ્ય લાભ લેવો……….સત્પુરુષ ના રાજીપા ને સમજવો….શ્રીજી ના રાજીપા ને સમજવો..એ જીવન નું સૌથી મોટું કાર્ય છે….

ત્યારબાદ ” Absolute right or Absolute wrong” વિષય પર ડીબેટ નો વિડીયો થયો……..૬ મહિના ના -યુવક તાલીમ પ્રોગ્રામ વિષે લોકો માં  મતમતાંતર રહે છે…..શા માટે જીવન ના ૬ મહિના આવા તાલીમ પ્રોગ્રામ માં રોકવા જોઈએ??? એના કરતા નોકરી ચાલુ કરી દીધી હોય તો??? આ પ્રોગ્રામ ના ફાયદા શું???? વગેર વગેરે પ્રશ્નો ના રસપ્રદ રીતે ઉત્તર આપતો ડીબેટ વિડીયો – માહિતી પ્રદ હતો……એકવાત તો સુસ્પષ્ટ જ  છે કે- આ ૬ માસ ની તાલીમ એ કોઈ ફાલતું સમય બગાડ નથી…..પણ દેહ-જીવ ના  સ્વભાવ માં  સકારાત્મક પરિવર્તન લાવતું એક અનંત નફો કરાવતું “સમય રોકાણ” છે……!!! એ આ યુવક તાલીમ કેન્દ્ર માં તાલીમ લઇ ચુકેલા -યુવકો-એમના મા-બાપ ના અનુભવ સાંભળી એ તો સમજાય…….એવા જ  યુવક ડો.કંદર્પ પટેલે વાત કરી કે -જીવનમાં કૈંક નવું શીખવા મળે……આપણા સંસ્કાર દ્રઢ થાય અને સાથે સાથે અન્ય ના જીવન માં પણ આવો બદલાવ લાવવા આપણે પાત્ર થઇ એ……!! તો આ યુવકો ના પિતા ઓનું કહેવું હતું કે- ૬ માસ ની તાલીમ થી દીકરામાં નિયમ-ધર્મ-શિસ્ત-સંસ્કાર ના ગુણ આવ્યા…..દ્રઢ થયા…….અશકય લાગતા પરિવર્તનો અનુભવાયા……જીવન માં ધ્યેય સ્પષ્ટ થયા……!!!

અદ્ભુત અનુભવ……………!!!  ત્યારબાદ જાહેરાત થઇ કે- આજથી જ  આ તાલીમ માં ભાગ લેવા ઈચ્છતા યુવકો માટે ફોર્મ ભરવાનું શરુ થઇ ગયું છે….તે માટે નજીક ના યુવક મંડળ નો સંપર્ક કરવો..અથવા નજીક ના આપણા મંદિર નો સંપર્ક કરવો…..

પુ.વિવેક્મુની સ્વામી એ પણ આ યુવક તાલીમ કેન્દ્ર ની વિશેષતા વર્ણવતા કહ્યું કે …માતા પિતા ના મનમાં મુખ્ય બે પ્રશ્ન આ તાલીમ વિષે હોય છે…૧) ૬ માસ ની નોકરી..કમાણી….નું નુકસાન થાય…૨) યુવક  સાધુતા ના  માર્ગે ચડી જાય….પણ ઉત્તર સ્પષ્ટ છે….

  • આ તાલીમ નો એક જ હેતુ છે…….યુવક ના જીવન નું યોગ્ય ઘડતર કરવું…એના જીવન ને આદર્શ..સર્વોચ્ચ બનવું કે જેથી સમાજ ને પ્રેરણા મળે અને અન્ય યુવકો પણ સન્માર્ગ તરફ આગળ વધે…..
  • સાધુ થવું- એ સત્પુરુષ ના રાજીપા ની…નસીબ ની વાત છે…….આ તાલીમ કેન્દ્ર માં ન આવતા યુવક પણ સાધુ થઇ જાય છે…….અને તાલીમ કેન્દ્ર માં થી તાલીમ લઈને યુવકો જગત માં સફળ-સુફલ થાય છે…એના અનેક ઉદાહરણ છે…..સુરત નો એક યુવક-તાલીમ કેન્દ્ર માં થી બહાર પડ્યો…..અને એણે શીખેલા નિષ્ઠા-શિસ્ત-સંસ્કાર ના ગુણ ને લીધે એ આજે એક ડાયમંડ કંપની નો મુખ્ય મેનેજર છે…….!!
  • જયારે આજે દુનિયામાં અન્ય ધર્મો નો ઝનુન પૂર્વક પ્રચાર થઇ રહ્યો છે…ત્યારે આપણે આવા વિપરીત કાળ માં પણ પોતાના ધર્મ ની અસ્મિતા સંભાળી શકીએ…જાળવી શકીએ એ માટે – યુવક તાલીમ કેન્દ્ર ની જરૂર છે…….
  • સત્પુરુષ નો રાજીપો….શ્રીજી નો રાજીપો- જીવનમાં સદાયે રહે…….જગત ના વ્યવહાર વચ્ચે પણ આધ્યાત્મિકતા ની જ્યોત ઝળહળતી રહે એ માટે – યુવક તાલીમ કેન્દ્ર નો પાયા નો રોલ છે…………

આટલું સમજાય તો એ – આ બ્રહ્મ વિદ્યા ની કોલેજ નો મહિમા સમજાય …….!!!

ત્યારબાદ -YTK  ના યુવકો દ્વારા ( અમદાવાદ ના અત્યાર સુધી ૯૧ યુવકો – તાલીમ લઇ ચુક્યા છે….) “હમારી ગુરુ વચન પહેચાન….હમારા સંકલ્પ હૈ મહાન..” પર નૃત્ય રજુ થયું…………….જે આ યુવકો ના ઉચ્ચ ચારિત્ર્ય..સંકલ્પ …નિષ્ઠા નો પડઘો હતો……!

44471_990604240977544_5207995810702220906_n

સભાને અંતે પુ.ધર્મજ્ઞ સ્વામી એ જાહેરાત કરતા કહ્યું કે….

  • યુવક તાલીમ કેન્દ્ર માં એડમીશન લેવાના ફોર્મ -મંદિરમાં થી…અથવા યુવક મંડળ માં થી મળી શકશે….
  • આવતા રવિવારે વિશિષ્ટ રવિસભા છે…….ગઈસાલ -અક્ષરધામ-દિલ્હી ખાતે યોજાયેલ- વિધ્વાનો ના “સ્વામીનારાયણ તત્વજ્ઞાન” પર પરિસંવાદ પર એક પુસ્તક પ્રગટ થયું છે…તેનું ઉદ્ઘાટન -લગભગ ૨૫૦ થી વધુ વિદ્વાનો ની હાજરી માં- આવતા રવિવારે કરવામાં આવશે……આથી સામાન્ય બેઠક વ્યવસ્થા કૈક અલગ હશે……
  • ૧૫/૪ ના રોજ સ્વામિનારાયણ જયંતિ છે……રામનવમી છે…તેના ઉપલક્ષ માં વિશેષ કાર્યક્રમ થવાના છે……તેની જાહેરાત થઇ….

12933152_990604237644211_1387333405076753538_n

અદ્ભુત….અદ્ભુત…..!! સમાજ ને  આવા ઉચ્ચ ચારિત્ર્ય ઘડતર ધરાવતા યુવકો ની જરૂર છે……અને ભવિષ્ય માં આવા તાલીમ કેન્દ્ર માત્ર યુવકો માટે જ નહિ..પણ બધા લોકો માટે હોય તો- યોગીજી મહારાજ નો સંકલ્પ…પ્રમુખ સ્વામી મહારાજ નો સંકલ્પ કે- ઉચ્ચ ચારિત્ર્ય ધરાવતો સમાજ તૈયાર કરવો છે…….એ જરૂર સફળ થાય…….!!

સત્પુરુષ ના વચન કદાપી મિથ્યા નથી હોતા……!!!!!

જય સ્વામિનારાયણ………………

રાજ

 


Leave a comment

BAPS રવિસભા-૨૭/૦૩/૨૦૧૬

“….But I was not in mood to surrender. I asked .” will Pramukh Swamiji  certify that I am a Sadhu?? Swamiji said ;” Yes..You are a sadhu”.. I beamed ,”This certificate from Pramukh Swamiji is like a certificate from the Divine”……

Our connection was getting deeper, and I could sense Pramukh Swamiji’s presence even in his absence……….”

——————————————

By Dr A.P.J. Abdul Kalam-excerpts from the great book- Transcendence -My spiritual experiences with Pramukh Swamiji

સત્પુરુષ ને હરઘડી પોતાની સાથે અનુભવવા…..પોતાના અંતરમાં અખંડ ધારવા એટલે કે  સ્વયમ શ્રીજી ને  અખંડ  ધારવા….!! અને જયારે એક વૈજ્ઞાનિક …અતિ વિદ્વાન…તર્કશાસ્ત્રી ….રાષ્ટ્રપતિ ડોક્ટર કલામ -કોઈ ધર્મગુરુ ને પોતાના અંતર માં અખંડ અનુભવે ત્યારે શું વિચારવું??? એની કક્ષા કેટલી??? સત્પુરુષ સાથે જોડાણ કેટલું??? આપણે  એમની કક્ષા માં  આવીએ  છીએ??? આ બધા નો ઉત્તર  આજની  સભામાં  હતો…..ટ્રાન્સડંસ (Transcendence) નું મિડલ ઇસ્ટ એશિયા ના  પાટનગર -દુબાઈ માં  ભવ્ય વિમોચન – આ બ્રહ્મસત્ય નું દ્યોતક હતું……

સભામાં પહોંચ્યા ત્યારે શ્રીજી ના  દર્શન બંધ થઇ ગયા હતા……છતાં સોશિયલ મીડિયા પરથી  દર્શન નો લાભ મળ્યો…..

996675_1684073275213838_7481185377814871860_n

સભામાં  યુવકો દ્વારા ધુન્ય -કીર્તન ચાલી રહ્યા હતા…..”જુઓ છબી શ્યામ સુંદર વર કેવી રે……” ભૂમાનંદ રચિત આ કીર્તન અદ્ભુત હતું…..ત્યારબાદ  કવિ માવદાન રચિત “મોગરા ના  ફૂલ સખી ..મોગરા ના ફૂલ…શ્રીજી ને  વ્હાલા બહુ મોગરા ના ફૂલ..” પુ. કૃષ્ણ સ્વરૂપ સ્વામી એ રજુ કર્યું….

ત્યારબાદ પુ.યોગી સ્વરૂપ સ્વામી એ – પ્રગટ ચરિત્ર- પ્રમુખ સ્વામી મહારાજ ના  મુંબઈ માં  બીમારી સમય ની ઘટનાઓ-પ્રસંગો સાથે -વિચરણ નું દર્શન સભાને કરાવ્યું…..એનો સારાંશ હતો….

  • શ્રીજી પોતાના વચનામૃત માં  કહે છે તેમ..પ્રમુખ સ્વામી મહારાજે પણ પોતાનો દેહ -ભક્તો ના સુખાકારી માટે કૃષ્ણાર્પણ કરી રાખ્યો છે…….ગમે તેવી બીમારી હોય પણ પહેલો વિચાર તો તેમણે હરિભક્તો ના રાજીપા નો જ કર્યો છે…..
  • ભક્તવત્સલ પણું જેમ ભગવાન નો ગુણ છે….તેમ તે સત્પુરુષ નો પણ  આગવો ગુણ  છે……

ત્યારબાદ ૨૩/૩ ના રોજ- સારંગપુર મહાતીર્થ ખાતે પ.પુ.પ્રમુખ સ્વામી મહારાજ ની નિશ્રામાં ઉજવાયેલા ફૂલદોલ ઉત્સવનું વિડીયો દર્શન થયું…..નીચેની લીંક પરથી આપણે એના દર્શન કરી શકશું…….

ત્યારબાદ પુ.બ્રહ્મવિહારી સ્વામી કે  જે  હાલમાં જ પુ.ઈશ્વરચરણ સ્વામી સાથે દુબઈ માં Transcendence બુક નું લોન્ચિંગ કરી ને આવ્યા છે…તેમણે મિડલ ઇસ્ટ માં આપણા સત્સંગ ની પ્રગતિ..સત્પુરુષ ના પ્રભાવ…મહિમા નો અહેવાલ આપ્યો…….જોઈએ સારાંશ…

( મોબાઈલ રેકોર્ડીંગ નીચેની લીંક પરથી સાંભળી શકાય છે…..)

http://chirb.it/gkcP3A

  • પ્રમુખ સ્વામી મહારાજ છેલ્લા બે-ત્રણ વર્ષ થી નાદુરસ્ત સ્વાસ્થ્ય ને લીધે કશું જમતા નથી….છતાં એમના મુખ પર જે તેજ છે….આનંદ  છે ..એ આપણા ચહેરાઓ પર જોવા નથી મળતો…..કારણ સ્વામી ના મુખ પર અખંડ ભગવાન નો આનંદ છે….એમનું તેજ છે…..ભગવાન નું પ્રગટ પણું છે…
  • સ્વામી શ્રી એ દેહ ને સદાયે પોતાના ભક્તો માટે કૃષ્ણાર્પણ કરી રાખ્યો છે……અને ભગવાન એટલા માટે જ  એમનામાં સદાયે પ્રગટ છે…..આપણે બસ  આ સમજવાનું છે….સત્પુરુષ ને સદાયે અંતરમાં ધારવા ના છે…
  • ડો.કલામ જેવા પ્રખર વૈજ્ઞાનિક ….રાષ્ટ્રપતિ એ Transcendence માં લખ્યું કે- પ્રમુખ સ્વામી મહારાજ સદાયે મારી સાથે હોય એવી અનુભૂતિ થાય છે……એક પ્રશ્ન…આવી અનુભૂતિ આપણ ને થાય છે??? જો સમજીએ- તો બાપા આપણા થી સહેજ પણ દુર નથી….
  • અને કલામે આ અનુભૂતિ ના અમૃત ને Transcendence બુક માં શબ્દ દેહે રજુ કર્યું……જેની આજે ૫ લાખ થી વધુ નકલો વેચાઈ ચુકી છે…..
  • સત્પુરુષ ની કાર્ય શક્તિ અતુલ્ય છે……એ જયારે અકલ્પનીય કાર્ય સફળ થાય ત્યારે જ સમજાય….અને આપણે આ બુક ને  દરેક યોગ્ય પાત્ર સુધી પહોંચાડ્યું છે….કે  જેથી એક વિદ્વાન ના મુખે -સત્પુરુષ ની કાર્ય શક્તિ નો દાખલો દુનિયા ને મળે…….
  • મિડલ ઇસ્ટ ની દુનિયા …આરબ દેશો માં ધર્મ ના નિયમો ખુબ જ કડક છે……અને આવા વિપરીત માહોલમાં પણ આપણા સત્સંગીઓ- એ સત્પુરુષ અને શ્રીજી ની દયા થી – સત્સંગ-ધર્મ-નિયમ જાળવ્યા……ધર્મ ની બાબત માં- આપણી નમ્રતા….ત્યાના કાયદા નું કડકાઈ થી પાલન …ત્યાના સમાજ માં એકરસ થઇ જવાની લાક્ષણીકતા …અને સત્પુરુષ ની કાર્યશક્તિ….સંકલ્પ બળે આ બધું થાય છે…….સ્વામિનારાયણ નું નામ આજે ગુંજે છે…………
  • દુબઈ માં Transcendence બુક ના વિમોચન પ્રસંગે શેખ નાહ્ય બિન મુબારક પોતે આવ્યા..સાથે સાથે દુબઈ ના ખ્યાતનામ લોકો પણ હોળી-ક્રિકેટ મેચ અને અન્ય પ્રસંગો હોવા છતાં મોટી સંખ્યામાં આવ્યા……….બધાને સ્વામીશ્રી ની દિવ્યશક્તિ ખેંચી લાવી……..જ્યાં આપણે મોટે થી સ્વામિનારાયણ નું નામ લેતા અચકાઈ એ ત્યાં -આજે એ નામ ના પડઘા પડ્યા……..

1170875_447450048786581_5855537755516337158_n

અદ્ભુત….અદ્ભુત……….અને  એ વિમોચન ના ફોટોઝ પણ સ્લાઈડ શો દ્વારા રજુ થયા….ત્યારે ભીડ-ખ્યાતનામ લોકો ના મંતવ્ય જોઇને સમજાયું કે – ભગવાન ની- સત્પુરુષ ની શક્તિ શી છે…!!!

સભાને અંતે- આપણા શાહીબાગ મંદિર માં વરસો થી સેવા આપતાં…૪૦-૪૦ વર્ષ થી પ્રમુખ સ્વામી મહારાજ અને મોટેરા સંતો સાથે રહી સત્સંગ ની સેવા માટે પોતાનો પરિવાર-તન-મન-ધન સર્વ અર્પણ કરનાર પરમ ભક્તરાજ શ્રી ધીરેન્દ્ર ભાઈ વીંછી ( સુરત) નો વિદાય સમારંભ યોજાયો….એ ભક્તરાજ ની સેવા-નિષ્ઠા નું જાહેર માં સન્માન થયું…..અને એમની આંખોમાં અશ્રુ જોઇને સમગ્ર સભા ગમગીન થઇ ગઈ…!!!! કેવા કેવા ભક્તરાજ સ્વામી એ તૈયાર કર્યા છે………એક આજ્ઞા એ પોતાનું સર્વસ્વ કુરબાન કરી સત્સંગ નો આહલેક જગાડવા પોતાની જાત ને ઘસી નાખતા આવા ભક્તરાજો ના ચરણો માં કોટી કોટી વંદન……………….!!!

12376321_984886251549343_4961667129994543886_n

સાથે સાથે ૧૦૦૦ કીર્તન ધરાવતી એક પેન ડ્રાઈવ પ્રગટ થઇ છે………સારંગપુર શતાબ્દી મહોત્સવ માટે સ્વયંસેવકો ની નોંધણી શરુ થઇ ગઈ છે……

તો- આજની સભા સત્પુરુષ ને સમર્પિત હતી………એકવાર રદયમાં – સત્પુરુષ દ્રઢ પણે -અખંડ બિરાજે પછી ભક્ત -બ્રહ્મરૂપ થઈને પુરુષોત્તમ ને અચૂક પામે છે……..કારણ કે  વચનામૃત -વરતાલ-૧૧ માં સ્વયમ જગત નો નાથ કહે છે કે – સત્પુરુષ માં દ્રઢ પ્રીતિ એ જ મોક્ષ નું સાધન છે……….પરમાત્મા ના સાક્ષાત્કાર નું સાધન છે……

જય સ્વામિનારાયણ…….

રાજ

 

Follow

Get every new post delivered to your Inbox.

Join 170 other followers