Raj Mistry's world

Me,my stories and world around….


Leave a comment

BAPS રવિસભા- ૧૯/૧૧/૨૦૧૭

એ સંતની સર્વે ઇન્દ્રિયોમાં ભગવાન રહ્યા છે, તે માટે એ સંત તો બ્રહ્માંડમાં સર્વે જીવોનાં ઇન્દ્રિયોને પ્રકાશ કરવાને સમર્થ થાય છે. માટે એ સંત તો સર્વ જગતના આધારરૂપ છે………….

( ભગવાન શ્રી સ્વામિનારાયણ- વચનામૃત- ગઢડા પ્રથમ-૨૭)

અતિશય જે મોટાપુરુષ હોય તેનો જે ઉપર રાજીપો થાય તેના ગમે તેવા મલિન સંસ્કાર હોય તો નાશ પામે અને મોટાપુરુષનો રાજીપો થયો હોય……… તો રાંક હોય તે રાજા થાય અને ગમે તેવાં ભૂંડાં પ્રારબ્ધ હોય તો રૂડાં થાય …………અને ગમે તેવું તેને માથે વિઘ્ન આવનારું હોય તે નાશ થઈ જાય………..


વચનામૃત-ગઢડા પ્રથમ-૫૮

ગઈ રવિસભા હિમતનગર માં હતી આથી એ અહી પ્રગટ ન થઇ શકી ….પણ તન-મન-જીવ ને બળવત્તર કરતી આ સભા …આજનું પુ.અક્ષરવત્સલ સ્વામી નું તેજસ્વી પ્રવચન , એ વાત ને પુનઃ મજબુત કરતી ગઈ કે- આખું અઠવાડિયું લૌકિક કાર્ય ની પાછળ દોડાદોડી માં ગુજાર્યા પછી રવિસભા ના બે કલાક- એ સર્વ માયા ની ધૂળ ને પળ માં ખંખેરી નાખે છે અને પળેપળ એ વાત નું સંજ્ઞાન લેવડાવે છે કે- આપણો જન્મ તો બ્રહ્મ રૂપ થઇ એક પરબ્રહ્મ ને પામવા જ થયો છે…….બાકી બધું તો જવાબદારી માથે પડી છે તો કરવું પડે…..બાકી કરવા નું તો એ જ છે…!

સર્વ પ્રથમ- હમેંશ ની જેમ મારા વ્હાલા ના દર્શન…….

23658611_1689369987767629_3246512554414579745_n

સભાની શરૂઆત – યુવકો દ્વારા ધુન્ય અને પ્રાર્થના થી થઇ……ત્યારબાદ પ્રેમાનંદ સ્વામી રચિત અદ્ભુત કીર્તન નો આસ્વાદ મિત્ર જૈમીન વૈદ્ય ના સુરીલા કંઠે મળ્યો…..” સાથીડા મારો નેહ નીભાવના……..’ અદભુત કીર્તન…!! અદ્ભુત રાગ…..અને એક એક શબ્દ કે- જો એક હરિ સાથે સાચો સ્નેહ બંધાશે તો એ જરૂર એને નિભાવશે…….એની સાથે સ્નેહ બાંધી ને પસ્તાવું નહિ પડે…તેની ગેરંટી..!! ત્યારબાદ પુ.કૃષ્ણ સ્વરૂપ સ્વામી એ .એવા જ મનમોહક રાગ માં …” ઘનશ્યામ પુરણ કામ ભજમન…..” રજુ કર્યું…..અને સમગ્ર સભા તાળીઓ ના ગડગડાટ થી ગુંજી ઉઠી. ….! ત્યારબાદ લંડન અને અમેરિકા થી સારંગપુર સંસ્કૃત વિદ્યાલય માં અભ્યાસ માટે પધારેલા બે યુવક..કુંજ અને સન્ની એ- વાંસળી અને તબલા ના તાલમેલ થી અદ્ભુત રીતે ..સર્વે નું મનપસંદ કીર્તન ” આપ રીઝો એમ રાજી…” કીર્તન instrumental રીતે સંભળાવ્યું……! વિદેશ માં વસતા ભારતીય લોકો પોતાની સંસ્કૃતિ જાળવવા કેટલા સભાન છે……એ અહી જાણવા મળ્યું..!! આપણે ક્યારે જાગશું???

ત્યારબાદ પુ.ધર્મ તિલક સ્વામી એ – ગુણાતીત પુરુષો ની માલિકી ના ગુણ…..નિષ્કામી વર્તન- ને અક્ષરબ્રહ્મ પ્રમુખ સ્વામી મહારાજ અને પ્રગટ અક્ષરબ્રહ્મ મહંત સ્વામી મહારાજ ના જીવન પ્રસંગો ને આધારે સમજાવ્યું…….! કંચન કામિની નો ત્યાગ તો ભલભલા વૈરાગીઓ..દેવો ને પણ કઠણ પડ્યો છે…….પણ ગુણાતીત પુરુષો એ તો શ્રીજી ની આજ્ઞા અનુસાર તેને ત્રણેય અવસ્થામાં આ નિયમ ને સારધાર પાળ્યો છે……બોસ્ટન માં બાપા ના મોતિયાનું ઓપરેશન હોય…કે ગોંડલ માં નાનકડી બાળકી ને પોતાનું ગાતરિયું અડી ગયું છે તેવી શંકા માત્ર હોય……..પણ પોતાનો નિયમ ધર્મ- બાપા એ ડગવા દીધો નથી……..મૂર્ધન્ય સાહિત્યકાર ઈશ્વર પેટલીકર હોય કે- ડો.એચ.એમ.પટેલ હોય…કે કાંતિ ભટ્ટ હોય..સર્વ ને – સ્વામીશ્રી આ બાબત માં કેટલા અડગ છે તેનો અનુભવ સાક્ષાત થયો છે…………મહંત સ્વામી મહારાજ માં પણ એ જ ગુણ આજે પ્રત્યક્ષ દેખાય છે………..!

ત્યારબાદ પ્રગટ અક્ષરબ્રહ્મ મહંત સ્વામી મહારાજ ના મુંબઈ ખાતે ના તારીખ- ૧૧ અને ૧૨ નવેમ્બર – ના વિચરણ દર્શન નો લાભ વિડીયો ના માધ્યમ થી મળ્યો……..બાપા નું નિર્માની પણું- એક એક દ્રશ્ય માં છલકાય છે……..!

ત્યારબાદ પુ.અક્ષર વત્સલ સ્વામી જેવા અતિ વિધવાન….તેજસ્વી…..પ્રખર વક્તા નો ” સત્પુરુષ માં દ્રઢ વિશ્વાસ અને નિષ્ઠા” પર અદ્ભુત પ્રવચન નો લાભ મળ્યો……..અદ્ભુત પ્રસંગો….ઉદાહરણ અને એની અદ્ભુત સીમલેસ ગૂંથણી……………રૂબરૂ સંભાળીએ તો જ સમજાય કે- કથાવાર્તા નો રસ શું હોય છે…!! અહી આપણે કેવળ – તેનો સારાંશ માત્ર જોઈશું…..!

  • આ મનુષ્ય જન્મ એ કેવળ ભગવાન ની કૃપા જ છે…….પણ મનુષ્ય જીવન ની કરુણતા એ છે કે- જીવન ના પ્રશ્નો હટતા જ નથી…..પ્રશ્નો ના પ્રકાર બદલાય છે……પણ પ્રશ્નો તો રહે જ છે……..તેનું કારણ- બાહ્ય અને આંતરિક બંને છે……
  • આંતરિક કારણ – કામ ક્રોધ..મદ લોભ..મત્સર વગેરે છે કે જેના કારણે પ્રશ્નો ઉદ્ભવે છે અને એ પ્રશ્નો ની અસર લાંબી..ઊંડી હોય છે…….માટે જ આવા દોષ ( કામ ક્રોધાદિક) ને જીતવા મુશ્કેલ હોય છે….અને પરિણામે- એનો ઉકેલ પણ એટલો જ મુશ્કેલ હોય છે…..
  • જેમ જેમ પ્રશ્ન….દોષ..મુશ્કેલી બદલાય તેમ તેમ તેના ઉકેલ નો પ્રકાર પણ બદલાય છે……પણ કોઈ એક એવી ચાવી..એક એવો ઉકેલ ખરો કે- જેનાથી આ સર્વ પ્રશ્નો નું સમાધાન થાય??? વચનામૃત માં શ્રીજી આનો ઉત્તર આપે છે…….હા….સર્વે પ્રશ્નો નું સમાધાન એક- સત્પુરુષ છે…….કારણ?? વચનામૃત- ગઢડા પર.૨૭ મુજબ એવા સત્પુરુષ એ સ્વયમ શ્રીજી ના ધારક છે….સર્વ જગત ના આધાર રૂપ છે અને એમના શરણે ગયા થી- જીવ ના ભાગ્ય રૂડા થઇ જાય છે…………..( ગ.પ્ર.૫૮..) ….આ જ વાત- ગઢડા પ્ર.૬૨;૩૭…ગઢડા અંત્ય-૨૬ માં પણ શ્રીજી એ કહેલી છે………………
  • પ્રમુખ સ્વામી મહારાજ ના અનેક પ્રસંગો છે….જેના સાક્ષી..અનુભવી અનેક હરિભક્તો આજે પણ હયાત છે……કે- સ્વામીશ્રી ના વચન માત્ર થી એમના જીવન બદલાઈ ગયા હોય…….મૃત્યુ ની અરે પહોંચેલા હોય અને પાછા ફર્યા હોય……!! પણ સત્પુરુષ બોલે એટલે થઇ જાય એમ ન હોય…સામે નું પાત્ર એ વચન ને કેટલા વિશ્વાસ થી ઝીલે છે….એમના વચન માં કેટલો વિશ્વાસ છે ..એના પર પણ અવલંબે છે…..
  • કારણ કે- જે જીવ સત્પુરુષ ની આજ્ઞા ઝીલે- એ આત્મ સત્તા રૂપ થયા વગર રહે જ નહિ…………આપણે રવિસભામાં નિયમિત આવી એ છીએ- એ પણ એક આજ્ઞા નું પાલન જ છે એમ કહેવાય…….
  • માટે – આર્થિક-સામાજિક કે અધ્યાત્મિક પ્રાપ્તિ હોય….સત્પુરુષ ને મન-કર્મ-વચને રાજી કરનારો – જરૂર સફળ થાય છે……..માટે જ સત્પુરુષ ને તમે માસ્ટર કી કહી શકો…………..
  • સત્પુરુષ અને એમાં રહેલા પ્રગટ પ્રમાણ શ્રીજી મહારાજ- આજે આપણ ને સામે થી મહંત સ્વામી મહારાજ રૂપે મળ્યા છે…………એમને ઓળખવા..એમના મહિમા ને જીવ માં દ્રઢ કરવો……અને જો એમ થાય તો- આપણ ને જીવન માં કોઈ પ્રશ્ન નડે જ નહિ…………..! એનો પુરાવો એ છે કે- માત્ર એકલા અમેરિકા જેવા પશ્ચિમી દેશ માં જ આજે ૧૭૫ જેટલા અતિ શિક્ષિત યુવકો અને દુનિયાભર ના કુલ ૩૦૦ થી વધુ યુવકો – વૈરાગ્ય ના કાંટાળા પંથે – પ.પુ.મહંત સ્વામી મહારાજ ના રાજીપા અર્થે..ચાલવા તૈયાર છે… સાધુ થવા માટે થનગની રહ્યા છે……..!!! અદ્ભુત…..અદ્ભુત..!! આ તો ગુણાતીત જ કરી શકે…બીજા કોઈનું કામ નહિ…….!!!
  • (ઉપરોક્ત પ્રવચન મોબાઇલ રેકોર્ડિંગ કલીપ નાં માધ્યમ થી સાંભળી શકશો……નીચેની લિંક દ્રારા….

પુ.અક્ષર વત્સલ સ્વામી પ્રવચન

અદ્ભુત…..અદ્ભુત….!!! જીવન માં આ જ તો કરવા નું છે…………..આપણે જીવન માં- ભૌતિક-સામાજિક દ્રષ્ટિ એ ગમે તેટલા આગળ વધીએ પણ મન ની મૂંઝવણ નું સમાધાન તો એક સત્પુરુષ જ કરી શકે…….ગુરુ બિન જ્ઞાન નહિ…….ગુરુ બિન નહિ કલ્યાણ…!!!

સભાને અંતે જાહેરાત થઇ કે- આવતા રવિવારે- બ્રહ્મ સ્વરૂપ પ્રમુખ સ્વામી મહારાજ નો પ્રતિક જન્મોત્સવ – સભામાં ઉજવવા નો છે…..અને સોમવારે આણંદ ખાતે- મૂળ..ભવ્ય પ્રોગ્રામ યોજાશે……સર્વે હરિભક્તો ને- તેનો અમુલ્ય લાભ લેવા વિનંતી છે…..

જીવન માં આટલું સમજાય તો એ- મોટા પુરુષ નો મહિમા જીવ માં દ્રઢ થાય…………અને એજ પુરુષ આપણો આત્મા છે….એમના માં – સ્વયમ પુરુષોત્તમ નારાયણ પ્રગટ પ્રમાણ રહેલા છે..તેની પ્રતીતિ થાય………અને થયેલી આ પ્રાપ્તિ નો ઉત્સવ ઉજવાય..!

સત્સંગ માર્ગ માં જાગતા રહેજો…………….પિયા પાયા તો ફિર ક્યા સોના……!!!

જય સ્વામિનારાયણ………..

રાજ

Advertisements


Leave a comment

આજકાલ-૦૬/૧૧/૨૦૧૭

તો ફરીથી બંદો હાજીર છે આપની સેવામાં -પોતાના અનુભવો નો…સાંપ્રત-સામાજિક-રાજકીય-અંગત અનુભવો નો તમારી સાથે ગુલાલ કરવા…..! ગયું આખું અઠવાડિયું – જાણે કે ફરવામાં જ ગયું…..કારણ કે રીના-હરિ ના દિવાળી વેકેશન નું છેલ્લું અઠવાડિયું હતું…….અને દરેક પુરુષ ને જીવન માં કમસેકમ એકવાર સામનો કરવો પડે છે એ પ્રશ્ન- પોતાની પત્ની તરફ થી…..”….તમે મને કદી એ ફરવા લઇ જાઓ છો??? ..” એનો ઉત્તર શોધવા નો પ્રયાસ કરવામાં આ બધી યાત્રા ઓ ગોઠવાઈ…!!

તો શું ચાલે છે આજકાલ???

  • ગુજરાત ની ચૂંટણી જેમ જેમ નજીક આવતી જાય છે..તેમ તેમ કુતુહલ પિપાસુ ગુજરાતીઓ ની ચળ વધતી જાય છે…..ચોરે ને ચોટે – મોદી આવશે કે કોંગ્રેસ…?? એ જ ચર્ચાઓ છેક રસ્તે રખડતા ભિખારી થી લઈને -વિશ્વ ગુજરાતી બનેલા NRI -ગુજરાતીઓ ના જુબાન પર ઉડતી રહે છે……! તકવાદીઓ- વર્ગ વિગ્રહ વાદીઓ- રાજકીય ઉલ્લુઓ ની જમાતો દેશ ને ખોરંભે ચડાવી – પોતાનો મતલબ સાફ કરવા મંડી છે…..પણ એ આટલા વર્ષો પછી પણ નથી સમજતા કે- ગુજરાતી મહાપ્રજા છે…..વિચારશીલ છે…..આવતીકાલ નું અઢળક વિચારે છે……જે પ્રજા ૧૦ રૂપિયે મળતા બટાકા ને પણ ફેરવી ફેરવી ને ખરીદતી હોય ..તે આવા લલ્લુ ઓ ની વાતો માં આવી જઈને પોતાનો વોટ વેચી મારશે??? ….ભૂલી જાઓ લલ્લુઓ….ઉલ્લુઓ…!!!
  • ગયા અઠવાડિયા માં- સૌપ્રથમ વાર ભાડજ ગામ માં આવેલા – ઇસ્કોન મંદિર ના દર્શને જવામાં આવ્યું……સાયંસ સીટી થી આગળ જઈએ એટલે રીંગ રોડ વટાવી ને આ છેક છેવાડે ( વાડજ થી લગભગ ૧૬ કિમી થાય) પણ વિશાળ જગ્યામાં ( અમદાવાદ ડેન્ટલ કોલેજ ની જોડે) આ મંદિર આવેલું છે…..મેનેજમેન્ટ હમેંશ ની જેમ સારું…..વ્યવસ્થિત…! અમે બપોરે ૧૨ વાગ્યા ની આસપાસ ગયા- રાજભોગ આરતી નો લાભ લીધો……બપોરે અહી ફક્ત ૮૦ રૂપિયા/ડીશ માં ભરપેટ – ઘર જેવું શુદ્ધ વૈષ્ણવ જમવાનું જમાડે છે..સાંજે ફૂલ ડીશ- નાસ્તા પણ મળે છે…..સાથે સાથે સ્વાદિષ્ટ ખીચડી નો પ્રસાદ પણ ખરો જ….! ફેરો ફોગટ ન જાય……પણ રસ્તો થોડોક લાંબો-પથરાળ છે…….છતાં શ્રીજી ના દર્શન -આગળ આ બધું સ્વીકાર્ય છે…
  • ત્યાંથી અમે સીધા ગાંધીનગર ગયા….ગુગલ ની મદદ થી ગાંધીનગર માં ઈ નોક્ષ થીયેટર -સેક્ટર-૧૬ શોધી કાઢ્યું…..હરિ ભાઈ નું ફેવરાઈટ એવું- થોર-રેગ્નારોક – મુવી ૩ ડી – માં જોવામાં આવ્યું……હરિ માટે તો એના જીવન નું પ્રથમ ૩ ડી મુવી હતું આથી ભાઈ- જરાક વધુ ઉત્સાહી હતા…..પણ ચશ્માં પહેરી ને મુવી જોતા કંટાળ્યા…..હલ્ક- થોર -હેલા ની અદ્ભુત ફાઈટીંગ જોઈ રાજી પણ થયા……ચાલુ ફિલ્મ માં- પોપ કોર્ન ની ડીમાંડ કરી……યાર..શું લુંટ ચાલે છે….??? પોપ કોર્ન અને નાની કોક ના- ૧૫૦ રૂપિયા……અને પાણી ની બોટલ ના ૫૦ રૂપિયા….૨ નાના સમોસા ના ૯૦ રૂપિયા…!!! પેટ્રોલ ના ૨ રૂપિયા વધારા માટે સડકો પર ઉતરતી પબ્લિક- આ લુંટ સામે કેમ બોલતી નથી….?? ઉલટા ની ઝ્યાફત ઉડાવે છે……! બોલો ક્યાં છે મોંઘવારી??? ફિલ્મ જોવા જાઓ તો- બે જણા વચ્ચે ૫૦૦ રૂપિયા તો આરામ થી ખર્ચાઈ જ જાય…!!!
  • આ થોર નું નામ કૈંક અજીબ નથી લાગતું…..ચૂંટણી ઓ નાં આ બેન્ડ બાજા બારાત વચ્ચે એક મજાકિયો વિચાર મન માં ઝબકી ગયો….જો થોર ગુજરાત નો હોય અને કાઠીયાવાડ નાં એક નેતા કુંવરજી બાવળીયા નો જ્ઞાતિ બંધુ હોય તો એ કયા નામે ઓળખાય??….સિમ્પલ…..થોર બાવળીયા….!! હાહાહાહાઆ……!
  • ત્યાંથી અમે અમારા મનપસંદ અક્ષરધામ ગયા…….અદ્ભુત લેસર પ્રોજેક્શન શો- લાઈટીંગ શો જોયો અને ધન્ય ધન્ય થઇ ગયા…..ગર્ભ ગૃહ માં નવીન પ્રતિષ્ઠિત – ગુરુ પરંપરા અને અવતારો ની અદ્ભુત મૂર્તિઓ એ મન મોહી લીધું……..!!! અને છેલ્લે પ્રેમવતી નો પ્રેમભર્યો નાસ્તો……………! આજનો ફેરો જાણે કે સફળ થઇ ગયો……હરિ નો ઉત્સાહ તો સમાતો નહોતો…!!!
  • દેવ દિવાળી ના દિવસે- સવારે ૯ વાગ્યે અચાનક જ પ્રોગ્રામ બનાવ્યો કે- ચાલો આજે- વડતાલ- બોચાસણ દર્શને જઈએ……!! રીના એ ફટાફટ તૈયારી કરી લીધી…..પુનઃ ગુગલ ભાઈ ને આગળ કરવામાં આવ્યા……અમદાવાદ ના જંગલી ટ્રાફિક થી માંડ માંડ નીકળી- જેતલપુર પહોંચ્યા…..પૂનમ ની ભીડ વચ્ચે દર્શન પુરા કરી -મહેળાવ જવાનો પ્લાન બનાવ્યો પણ ૧૨ વાગ્યા સુધી માં પહોંચાય એવું લાગ્યું નહ..તેથી ડભાણ જુના મંદિર માં દર્શન કર્યા…ઠાકોરજી ને ત્યાં જ જમાડ્યા…..યજ્ઞ શાળા ના દર્શન કરી ….વડતાલ જવાનું નક્કી કર્યું……વિચાર્યું હતું કે- વડતાલ – ૪ વાગ્યા સુધી સમય પસાર કરી- ઠાકોરજી ના દર્શન કરી- બોચાસણ જશું…પણ ત્યાં એટલી બધી ભીડ કે ન પૂછો વાત…! પૂનમ નો સમૈયો…..મુખ્યમંત્રી વિજયભાઈ રૂપાની ની હાજરી…..ને લીધે- કાર પાર્કિંગ કરવાની જગ્યા પણ માંડ માંડ મળી…..ગોમતી માં પગ ધોયા…બગીચામાં થોડીક વાર બેઠા..મંદિરે જઈ શિખર ના દર્શન કર્યા…થોડીક ખરીદી કરી અને – મહેળાવ જવા ભાગ્યા…….મહેળાવ માત્ર ૧૦-૧૨ કિમી જ દુર છે…….અમારી પ્રાર્થના કદાચ શ્રીજીએ સાંભળી હશે તો- મહેળાવ ના દર્શન ૩ વાગ્યે પણ ચાલુ હતા…….ઠાકોરજી ના અદ્ભુત દર્શન થયા……..મંદિર પણ અદ્ભુત બનાવ્યું છે……….! બસ- બ્રહ્મ સ્વરૂપ શાસ્ત્રીજી મહારાજ ના જન્મ સ્થળ ના દર્શન બાકી રહી ગયા……
  • ત્યાંથી બોચાસણ જવા રવાના થયા…૩૪ કિમી દુર થાય……પણ પેટલાદ નજીક રોડ પર સમારકામ ચાલે છે જેથી આખું પેટલાદ શહેર ક્રોસ કરી ને વિરોલ વાળા રસ્તે બોચાસણ જવું પડે……ગુગલ ભાઈ ખરેખર ખુબ કામ માં આવ્યા…….બોચાસણ પહોંચી- ઠાકોરજી ના દર્શન મન ભરી ને કર્યા….મહંત સ્વામી મહારાજ ત્યાં જ હતા પણ એમના દર્શન ની કોઈ શક્યતા નહોતી- આથી બહાર થી જ દર્શન કરી- અભિષેક કરી- બોરસદ-આણંદ વાળા રસ્તે – ઘરે પરત પધાર્યા….!!

This slideshow requires JavaScript.

  • તો યાત્રા નો નિષ્કર્ષ શું???? ….. ૧) એક દિવસ માં આ બધા પ્રસાદી ના સ્થાન ના દર્શન થઇ શકે છે…….૨૦૦-૨૫૦ કિમી ની દોડાદોડી થાય……જમવા ની કોઈ ચિંતા નહિ……૨) ગુગલ ભાઈ – ખરેખર હવે જીવન નો એક ભાગ બનતા જાય છે…..છતાં પૂછતાં નર સદા સુખી……….આથી અજાણ્યા રસ્તા પર પૂછતાં રહેવું…ક્યાંક અટવાઈ ન જવાય……! ૩) બાળકો સાથે હોય તો ઘરે થી નાસ્તો સાથે રાખવો……શક્ય છે કે- મંદિર નું જમવાનું કદાચ એમને અનુકુળ ન આવે……..અશક્તો માટે આ યાત્રા નથી……

તો- બસ વેકેશન પૂરું…….ઘંટી ના પડ ફરવા નું ચાલુ……..એ જ ઘરેડ માં ચાલો પાછા ગોઠવાઈ જઈએ….અને જો સમય મળે તો- આવી નાનકડી યાત્રા ઓ વછે જીવન ને ગુલાલ કરતા જઈએ…!!! અહી તો ચાલતા રહેવું એ જ જીવન છે………….!

સાધુ તો ચલતા ભલા…..!!!

રાજ


Leave a comment

BAPS રવિસભા- ૦૫/૧૧/૨૦૧૭

“અમારા અંતરનો જે સિદ્ધાંત છે તે કહીએ છીએ જે, જેને પોતાનું કલ્યાણ ઇચ્છવું તેને તો ભગવાન ને ભગવાનના સાધુ એથી ઉપરાંત બીજું કાંઈ જગતમાં સુખદાયી નથી. માટે જેમ પોતાના શરીરને વિષે જીવને આત્મબુદ્ધિ વર્તે છે તેવી ભગવાન ને ભગવાનના સંતને વિષે આત્મબુદ્ધિ રાખી જોઈએ અને ભગવાનના ભક્તનો પક્ષ દ્રઢ કરીને રાખ્યો જોઈએ………………..

….. ભગવાનનો ભક્ત હોય તે તો ભગવાનના ધામને જ પામે પણ વચમાં ક્યાંય તેને ભગવાન રહેવા દે નહીં. અને એ ભક્તજન હોય તેને પણ પોતાનું જે મન છે તેને પરમેશ્વરના ચરણારવિંદને વિષે દ્રઢ કરીને રાખવું……… જેમ વજ્રની પૃથ્વી હોય તેમાં વજ્રની ખીલી ચોડી હોય તે કોઈ રીતે ઊખડે નહીં, તેમ ભગવાનનાં ચરણારવિંદને વિષે પોતાના મનને દ્રઢ રાખવું. અને એવી રીતે જે ભગવાનનાં ચરણારવિંદને વિષે પોતાના મનને રાખે તેને મરીને ભગવાનના ધામમાં જવું એમ નથી, એ તો છતી દેહે જ ભગવાનના ધામને પામી રહ્યો છે……..


ભગવાન શ્રી સ્વામિનારાયણ- વચનામૃતમ- ગઢડા અંત્ય-૭

છેલ્લા કેટલાક રવિવાર થી રવિસભામાં અલપ-ઝલપ આવવા નું થતું આથી એક યા બીજા કારણે રવિસભા નો ગુલાલ તમારી સાથે ન કરી શક્યો…..દિવાળી આવી અને ગઈ અને ઉત્સવ ની સુવાસ છોડતી ગઈ….પણ જીવ તો એમ જ કહે છે કે- આ ઉત્સવ અને એની સુવાસ તો ત્યારે જ કાયમી રહે કે જ્યારે આ જીવ- એક ભગવાન અને એના ધારક સંત માં વજ્ર ની ખીલી ની જેમ જોડાય…..!

આજની સભામાં પુ.ઈશ્વર ચરણ સ્વામી એ  એજ વાત કરી ……અને જીવ પુનઃ બળવત્તર થઇ ગયો…….રીચાર્જ થઇ ગયો……માયા ની દીવાલ -સત્સંગ ના એક કાંકરા થી ખડી પડી……!!! તો- આજે સભામાં સમયસર પહોંચી ગયા…..સર્વ પ્રથમ શ્રીજી ના દર્શન……

This slideshow requires JavaScript.

સભાની શરૂઆત – હરિભક્તો-યુવકો ના ધુન્ય પ્રાર્થના થી થઇ….ત્યારબાદ એક હરિભક્તે- બ્રહ્માનંદ સ્વામી રચિત કીર્તન “…સખી હૈડે હરખ ન માય….” રજુ કર્યું…..ત્યારબાદ એક યુવકે- કૃષ્ણાનંદ સ્વામી રચિત… અમર ના સરદાર હરિ મારા ..નૈન તણા શણગાર” રજુ કર્યું જે અદ્ભુત હતું. એનો રાગ-સુર અદ્ભુત હતો…..પછી પુ.વિવેક મુની સ્વામી એ પ્રેમાનંદ સ્વામી રચિત બે કીર્તન રજુ કર્યા….” મુને સહજાનંદ સ્વામી…..સચ્ચિદાનંદ ..અંતરજામી રે..” અને ..”વારે વારે સહજાનંદ જી ને વારને રે…” ….

ત્યારબાદ પ.પુ.મહંત સ્વામી મહારાજ ના ગાંધીનગર અક્ષરધામ ખાતે ના વિચરણ ના અદ્ભુત વિડીયો દર્શન નો લાભ મળ્યો. અક્ષરધામ ગર્ભ ગૃહમાં ગુણાતીત પરંપરા અને અવતારો ની નવીન આકર્ષક મૂર્તિઓ ની પ્રતિષ્ઠા લાભ પાંચમ ના શુભ દિવસે થઇ…..એની સ્મૃતિ દર્શન આજે થયા…..

પ.પુ.મહંત સ્વામી મહારાજ ના અદ્ભુત આશીર્વચન નો પણ લાભ મળ્યો…….અને અક્ષરધામ નો મહિમા પુનઃ બળવંત થયો……..( એ પછી તો અમે રૂબરૂ નવીન મૂર્તિઓ ના દર્શન કરી આવ્યા …..ખરેખર અદ્ભુત છે….મુખ પર ના ભાવ….બારીક કોતરણી….અતુલ્ય સિંહાસન….દર્શન કરતા સંતૃપ્ત ન થાઓ..તેવા છે..)

ત્યારબાદ ઉપરોક્ત વચનામૃત -ગઢડા અંત્ય-૭ પર પુ.ઈશ્વર ચરણ સ્વામી ના પ્રવચન નો લાભ મળ્યો……જોઈએ સારાંશ….

  • ગઢડા અંત્ય-૨ અને ૭ -ના વચનામૃત યોગીજી મહારાજ ને પ્રિય હતા…..એમાં પણ અંત્ય-૭ માં શ્રીજી એ પોતાના અંતર ની વાત કરી છે…..આપણે આ વચનામૃત વાંચીએ છીએ…..પણ સમજીએ છીએ થોડું અને જયારે વર્તવા નું આવે ત્યારે અટકી જઈએ છીએ…..માટે કરવા નું આ છે…..
  • અહિયાં આત્મબુદ્ધિ ની વાત શ્રીજી એ કરી છે…..યોગીબાપા ની વ્યાખ્યા માં – આત્મ બુદ્ધિ એટલે – ભગવાન અને મોટા પુરુષ ની આજ્ઞા પ્રમાણે ની સેવા…….એમનો રાજીપો એટલે જ આત્મ બુદ્ધિ- અને ભગવાન અને મોટા પુરુષ નો રાજીપો- સંપ,સુહ્ર્દભાવ અને એકતા જેવા ગુણ માં છે…..
  • ભગવાન ના ભક્ત માં – આત્મ બુદ્ધિ મુજબ વર્તાય એટલે – શ્રીજી રાજી થાય…..મોટા પુરુષ અને ભગવાન ને સમજવા માં આપણી બુદ્ધિ ટૂંકી પડે……પણ જો એકવાર એમનામાં આત્મ બુદ્ધિ થાય તો – જીવ એમના માં યથાર્થ જોડાય…..અને એમનો પક્ષ જીવ શિર ને સાટે રાખે…….સહજ પ્રીત થાય…..
  • શ્રીજી ના સમય માં – ઝીણાભાઈ દરબાર હોય કે વરસા ના રાજાભાઈ હોય..તેમણે ભગવાન ના ભક્ત માં – આત્મ બુદ્ધિ રાખી….પોતાનું માન-સન્માન ઓછું કરી……પોતાના સગા સાથે વેર બાંધી ને પણ – ભગવાન ના ભક્ત ની સેવા કરી…….એમના માટે પોતાનું સર્વસ્વ અર્પણ કર્યું…….અને શ્રીજી નો રાજીપો પ્રાપ્ત કર્યો…..
  • પક્ષ હોય તો કદાપી કોઈ નો અભાવ ન આવે…..અને અભાવ ન હોય તો સદાયે પક્ષ રહે……..તો આપણે કરવા નું આ છે…….ભગવાન અને સંત -માં જે સુખ છે એવું સુખ બીજે ક્યાય નથી એમ સમજી એમનામાં દ્રઢ પણે જોડાવા નું છે…..એક એમનામાં જ સુખ છે એમ સમજવા નું છે….
  • યોગીબાપા કહેતા કે- પરમેશ્વર ના ચરણારવિંદ એટલે ગુણાતીત સત્પુરુષ….અને એક એમનામાં જોડાવું એટલે- કે જીવ ને શ્રીજી ના ચરણારવિંદ માં વજ્ર ની જેમ જોડવો…….અને જો એમ થાય તો છતે દેહે જ અક્ષરધામ મળે છે….

અદ્ભુત…..અદ્ભુત….!!!! જીવન માં એટલું સમજાય તો એ – જીવન ધન્ય થઇ જાય………સંપ,સુહાર્દભાવ અને એકતા…….એ ગુણ જ – ભક્ત ને – અન્ય ભક્ત માં – પક્ષ અને આત્મબુદ્ધિ જેવા ગુણ કેળવતા શીખવે છે………

સભાને અંતે- પુ.ઈશ્વર ચરણ સ્વામી એ જાહેરાત કરી કે- અમદાવાદ ના પાયા ના સંનિષ્ઠ હરિભક્ત અંબાલાલ પટેલ ના પુત્ર- માણેકલાલ ( પુ.પ્રિયવ્રત સ્વામી-આફ્રિકા ના પૂર્વાશ્રમ ના પિતાશ્રી) નું બે દિવસ પહેલા અક્ષરધામ ગમન થયું છે……અને સમગ્ર સભાએ સ્વામિનારાયણ ધુન્ય કરી શ્રદ્ધાંજલિ આપી. સભાને અંતે- “જમો ને જમાડું” અન્નકૂટ-૨૦૧૭ માં – વિશેષ સેવા કરનાર કાર્યકર-હરિભક્તો નું જાહેર માં બહુમાન કરવા માં આવ્યું….

ખરેખર………છતે દેહે- અક્ષરધામ નું અખંડ સુખ મેળવવા નો માર્ગ આપણી સમક્ષ છે….મોટા પુરુષ વારેઘડીએ -હોંકારા-પડકારા કરી આપણ ને જણાવે છે….પણ કોણ જાણે કેમ આપણા પ્રયત્ન જ ઓછા પડે છે…….અને એ માટે શ્રીજી-સ્વામી અને ગુરુહરિ ના ચરણો માં પ્રાર્થના કરીએ કે- આપણ ને દરેક હરિભક્ત માં સદાયે આત્મ બુદ્ધિ રહે…….સંપ,સુહૃદભાવ..એકતા અને પક્ષ જેવા સદગુણ સદાયે રહે……..દરેક હરિભક્ત આપણ ને બ્રહ્મ ની મૂર્તિ લાગે….મોટા પુરુષ અને ભગવાન માં જ સુખ છે- એમ મનાય…એમ પ્રમાણે જીવાય……!

જય સ્વામિનારાયણ….

રાજ

 


1 Comment

દિવાળી -૨૦૧૭

…દિવાળી આવી અને ગઈ..આજે કારતક સુદ સાતમ….જલારામ જયંતિ પણ આવી ગઈ…….અને સમય તેની મંથર પણ મજબુત ગતિ માં ચાલતો જ રહેશે……ઉત્તરાયણ..હોળી …જન્માષ્ટમી……દશેરા અને દિવાળી ફરીથી આવી જશે………જેથી કહી શકાય કે- સમય વર્તુળાકારે ચાલે છે પણ તે એક લીટી પર નથી ચાલતો…..વર્તુળ મોટું થતું જાય છે…ધીરે ધીરે જીવન ની જેમ ધુમ્મિલ થતું જાય છે……..! તો આ વખત ની દિવાળી કેવી રહી???

  • દિવાળી આ વખતે પણ એવી જ ધીમી હતી..ભારે હતી…કારણ – પિતાશ્રી ના ધામ ગમન પછીની પ્રથમ દિવાળી……હું પહેલા કહી ચુક્યો છું એમ- શોક ને લાંબો કરવા નો હું વિરોધી છું..કારણ કે જીવન ટૂંકું છે અને ખુશી ની..ઉત્સવ ની ક્ષણો એના થી પણ ટૂંકી છે…….!
  • છતાં- બધા સ્નેહી- સ્વજનો વરસ માં એક વાર ભેગા થયા એટલે – શોક ની ઘનતા ઘટી ગઈ……છોકરા ઓ એ નાની એવી ઉજવણી કરી….બધાએ વાતો કરી…હસીમજાક ની એ ક્ષણો હૃદય ને રીચાર્જ કરતી ગઈ…..
  • નવા વરસ ના દિવસે- શામળાજી અને ટોરડા સ્વામીનારાયણ મંદિરે દર્શને જવામાં આવ્યું…….શામળાજી મંદિર -રીનોવેશન સાથે વિશાલ લાગે છે..છતાં પાર્કિંગ -અને અન્ય સગવડો( મિત્ર ના અનુભવ મુજબ- જમવામાં..ભોજનશાળા માં ) સુધારા માં- અઢળક અવકાશ છે……..મંદિર નો વહીવટ સુધરે તો સારું………! ટોરડા માં- સાંધ્ય આરતી નો અદ્ભુત લાભ સદ્ગુરુ ગોપાળાનંદ સ્વામી ના મૂળ ઘરમંદિર,,જે હવે હવેલી બની ગઈ છે…..એ માં જ મળ્યો…..ધન્ય થઇ ગયા…….
  • બીજા દિવસે- બધા સ્નેહી સ્વજનો બાળકો ને લઇ…અમારા મૂળ વતન મઉં ગામ ના ડુંગરો ની વચ્ચે આવેલા મહાકાલી મંદિરે દર્શન- પીકનીક -આઉટીંગ માટે ગયા…….ચારેબાજુ વનરાજી…..મોટા મોટા ખડકો…ખડકાળ રસ્તાઓ…..ચેક ડેમ…..નદી ના પ્રવાહ માર્ગ ..જોઇને લાગ્યું કે- ચોમાસા માં અહી કેવો અદ્ભુત માહોલ હશે..!!! ખેર..અડધોક કિલોમીટર ચાલી ત્યાં પહોંચ્યા..પણ ગરમી લાગવા થી..ત્યાં થી પાછા ઇન્દ્રાસી ડેમ પર ગયા……..ઘોઘુર વડલો અને નીરવતા ને આધારે ત્યાં કેમ્પ રાખ્યો…..હરિ અને એની બાળ મંડળી ને- વડલા ની વડવાઈ ઓ એ હીંચ લેવા ની મજા પડી ગઈ તો મોટા બધા ક્રિકેટ- વાતું-મજાક મસ્તી માં લીન થઇ ગયા……! દિવાળી પર દુર ફરવા જવું એના કરતા આવી શાંત- જગ્યા એ જલસા કરી લેવા..એમાં વધારે સુખ છે…….ગાડરિયા પ્રવાહ માં તણાઈ – ઉત્સવ ની મજા ફિક્કી ન કરવી….જીવ ની શાંતિ માટે પણ થોડોક સમય ફાળવવો…!!! દોડાદોડી માં શું દાટ્યું છે????

  • એ જ સાંજે બધા એ સમૂહ માં ગરમાગરમ દાળ બાટી-છાસ નો લ્હાવો લીધો……..જલસા પડી ગયા……..અદ્ભુત…!! બધા સાથે હોય એટલે બધું જ મીઠું લાગે…!
  • એક દિવસ સાંજે નજીક નાં પ્રસિધ્ધ યાત્રાધામ જુના ભવનાથ માં સ્વયંભૂ મહાદેવજી ની સંધ્યા આરતી નો લાભ લેવા માં આવ્યો……અદ્ભૂત અનુભવ…….! ભૃગુ કુંડ ની નીરવ શાંતિ અને છલોછલ ભરેલા પાણી ની સપાટી પર તરતો સમય……! અનેક વાર્તા ઓ છે…અહી અનુભવવા ની…..!

  • લાભ પાંચમ ના દિવસે- પપ્પા ની પ્રથમ પુણ્ય તિથી હતી….આથી અમારા મઉં ગામ ની નાની પણ બળુકી……ભજન મંડળી ના ભજનો નો રાત્રી પ્રોગ્રામ ગોઠવવા માં આવ્યો……રાત્રે ૨ વાગ્યા સુધી- પ્રાચીન-અર્વાચીન ભજનો નો- દોર એવો ચાલ્યો કે- જીવ રીચાર્જ થઇ ગયો…….મન એકતાર થઇ ગયું……! હજુ પણ મન માં અતૃપ્ત વાસના છે કે- નીરવ શાંતિ હોય…રાત્રી નો સમય…ઠંડી નું જોર…તાપણું સળગતું હોય અને કોઈ દેશી ગાયક…….. બ્રહ્માનંદ..પ્રેમાનંદ… જેવા અષ્ટકવિ ના હરિપદ…… એના દેશી કંઠે…હૃદય રેડી ને ..માત્ર એકતારા ના તાલે છેડતો હોય…….તો આ જન્મારો સફળ થઇ જાય…!!!! …..કીડી ના પગે બાંધેલા ઝાંઝર નો રણકાર સાંભળવો- કદાચ આને કહેવાય…….!
  • દિવાળી ની આ મસ્તી માં અમારા હરિકૃષ્ણ મહારાજ તો સંપૂર્ણ દિવાળી મય થઇ ગયા છે……….”ભણવું…હોમવર્ક..સ્કુલ…” જેવા અઘરા શબ્દો એમના કાને પડતા જ નથી…..અને અમને ડર છે કે – સ્કુલ ચાલુ થશે અને હરિભાઈ અમારા કડાકા ભડાકા કાઢી નાખશે…….હહાહાહાહા…..!! 🙂

તો- યારો……….બસ જીવન ની હરેક પળ ને જીવી લેવી..અને એ જીવવું જ કદાચ ઉત્સવ કહેવાય…….મરી મરી ને તો રોજ જીવી એ છીએ…પણ એ જીવવું થોડું છે…એ તો ઢસરડા છે………..આ ઉત્સવો છે..એટલે જ જીવન આટલું રંગબેરંગી છે…..અને જો એ ન હોત તો- આપણું જીવન કદાચ રાખ ની જેમ ઉડી જાત…….!! સમય ને રંગતા રહેવું……એ જ આપણો મિજાજ હોવો જોઈએ…! તો- બસ- હરિ ને હરપળ પ્રાર્થના કે – જીવન ની પ્રત્યેક પલ ઉત્સવ બનતી રહે……..તેમાં કેસર ભીનો હરિ હૃદય ખોલી ને વરસતો રહે……….દુખ જોજનો દુર રહે……..વિપરીત સંજોગો પણ ઉત્સવ ના આ રંગ ને ફિક્કો ન કરી શકે……. જીવવું કદાચ આ જ છે……………જીવતા રહો…!!! રાજ


Leave a comment

આજકાલ- ૧૬/૧૦/૨૦૧૭

દિવાળી ના મહોત્સવ ની શરૂઆત થઇ ચુકી છે…….આપણા હિંદુઓ માટે આ સૌથી મોટો ..સૌથી વધુ ઝળહળતો …સૌથી વધુ મહિમા ધરાવતો ઉત્સવ આ જ છે. મનોવિજ્ઞાન કહે છે કે- ઉત્સવ મન ની તંદુરસ્તી..સમાજ ની તંદુરસ્તી માટે અનિવાર્ય છે……..જેના જીવન માં ઉત્સવ નો ઉત્સાહ નથી..એ જીવંત છે છતાં મૃત છે……….એમ સમજી રાખવું.

એટલા માટે જ – આપણા સઘળા ઉત્સવો મન થી શરુ થઇ જીવ સુધી પહોંચે છે……..અને એ પ્રક્રિયા દરમિયાન બાહ્ય જગત માં થતા ફેરફારો -જગત નો લય નક્કી કરે છે……આપણા ગુજરાતીઓ માટે તો વિક્રમ સંવંત થી શરુ થતા વરસ નો છેલ્લો દિવસ..અને કાર્તિક માસ ની શરૂઆત થી નુતન વર્ષ નો પ્રારંભ…! તો- જોઈ એ કાલચક્ર ના આ ભાગ માં અત્યારે શું ચાલે છે- આજકાલ..???

  • લોકો ( કોન્ગ્રેસ્સ અને એના સગા વ્હાલા ઓ) કહે છે કે – નોટબંધી અને જીએસટી – મોદી લાવ્યો અને દેશ ની ..અર્થ તંત્ર ની પત્તર ઠોકી નાખી…!!!! બોલો..શું કહેવું આ લોકો ને??? ભાઈ…..નોટબંધી કરી હતી..નસબંધી નહિ..કે આજીવન બસ દયામણા ડાચા લઈને જ ફરવું…! મોટા અર્થશાસ્ત્રી ઓ…અરે..વિદેશ ના નિષ્ણાત પણ કહે છે કે- આ સ્ટેપ જરૂરી હતું……અને એના અને જીએસટી ના લીધે- હાલ થોડોક સમય…અસ્થાયી તકલીફ પડશે પણ એક વાર ગાડી ટ્રેક પર ચડશે પછી દેશ -દુનિયાભર માં ડંકા વગાડશે…! જીએસટી લાગુ થયે બે- એક માસ થયા છે…બધું સુધારા વધારા સાથે આગળ વધી રહ્યું છે…જેમ જેમ સમય જશે  તેમ તેમ કર માળખા ને સુવ્યવસ્થિત..સુદ્રઢ કરાશે…! આટલા વિશાલ દેશ માં ..આટલું મોટું ક્રાંતિકારી પરિવર્તન સહજ થોડું હોય..!!! થોડુક મગજ વાપરો..! ચિઠ્ઠી ઓ પર ધંધા ખુબ કર્યા( જીએસટી આવ્યા પછી પણ કરે છે…..બોલો હવે…) …હવે દેશ ને લુંટવા નુ બંધ કરી દેશ ના વિકાસ માં યોગદાન આપો..!
  • ગુજરાત માં ચૂંટણી ઓ આવી રહી છે……અને બધા રાજકીય પક્ષ- એના બટકા પર જીવતા કુતરાઓ ના સારા દિવસો આવી ગયા છે…….સરકારી કર્મચારીઓ પણ સરકાર નું નાક દબાવી પોતાનો ઉલ્લુ સીધો કરી રહી છે……પાછા સરકાર ને ગાળો બોલતા કહે છે….આટલું બધું કામ કરવા નું??? ભાઈ…..પહેલા તો નહોતા કરતા..હવે તો કરો…..પગાર મળે છે તેટલું તો કરો……અને .સાતમાં પગારપંચ થી લાભ કોને થયો……આવડત વગર પણ જો આટલો બધો પગાર મળતો હોય( ..કોઈક દિવસ પ્રાઇવેટ નોકરી કરી જો જો..સમજાઈ જશે..) પછી પણ કામ ન કરવા ના બહાના કરવા ના..???
  • રાહુલબાબા -ઉડતા ઉડતા આવી – ગુજરાતીઓ નું મનોરંજન કરી ગયા……હજુ આવતા રહેશે…….! કોંગ્રેસ ની પરિવાર ભક્તિ- નિષ્ઠા ને તો ખરેખર દાદ આપવી જોઈએ…….રાહુલબાબા ના કદમ જ્યાં જ્યાં પડ્યા ત્યાં ત્યાં ઉંધા માથે પછડાયા છતાં….કોંગ્રેસી ઓ ની રાહુલ પર થી નિષ્ઠા ડગમગી નથી……!! આટલી નિષ્ઠા તો પોતાના જમાઈ પર પણ ન હોય…!!! કહેવું પડે……..ભાઈ…કહેવું પડે…!!!!!
  • વાત કરી એ કોન્ગ્રેસ્સ ના પ્યાદા ઓ ની- ….હાર્દિક/જીગ્નેશ/અલ્પેશ જેવા બની બેઠેલા અમુક વર્ગ ના હોદ્દેદારો – ભોળા સમાજ( પણ સમાજ એ સમજે તેટલો ભોળો નથી…)  ને ઉલ્લુ બનાવી પોતાનો ઉલ્લુ સીધો કરી રહ્યા છે….એમના પ્રવચનો તમે સાંભળજો….સમજાઈ જશે કે એમનું લેવલ કેટલું છે??? …..કોંગ્રેસે આખી જિંદગી આ જ કર્યું છે…..જાતી-જ્ઞાતિ- ધર્મ-અનામત- ના આધારે લોકો ના લાકડા લડાવી- પોતે દેશ ને લુંટ્યો જ છે…….પણ ગુજરાતીઓ એટલા ભોળા નથી………એ કોંગ્રેસ ને..એના પાલતું કુતરા ઓ ને પણ ઓળખે છે…….જાણે છે…….!!! વિકાસ તો એમને ગાંડો લાગે છે…પછી દેશ  ના કે રાજ્ય ના વિકાસ નું તો એમને યાદ જ ક્યાં થી આવે??? અનામત તો એવો રાક્ષસ છે કે- જેને બહાર રાખી એ તોયે મુશ્કેલ અને બાટલી માં પુરીએ તો એ મુશ્કેલ…!!!!! જ્યાં સુધી આ દેશ માં- લોકો- નાત-જાત-વર્ણ ની મગજમારીઓ- માં વ્યસ્ત રહેશે….ત્યાં સુધી આ દેશ નું ભલું નથી…!!! અમેરિકા માં અનામત છે????? જોઈ લ્યો વિકાસ…..!! ભાઈ ઓ ચેતતા રહેજો…………દેશ પહેલા…પછી બીજું બધું…!!
  • ગઈ ૨૫/૧૦ /૨૦૧૬ ના રોજ – પપ્પા એ દેહ છોડેલો…આ દિવાળી તેમની સ્મૃતિ માં જ રહેશે…પણ એક વાત મને ખટકે છે……..જો તત્વજ્ઞાન ની વાત કરતા હો…..ભગવાન માં માનતા હો…દેહ અને આત્મા જુદા છે…..આત્મા કદાપી મરતો નથી- એવું સમજતા હો તો પછી ક્યાં સુધી શોક નું વાતાવરણ ઉભું કરી- ઉત્સવ ની મજા ને મારી નાખવા ની??? જીવન ની આગલી પળે શું થવા નું છે…કોને ખબર?? કદાચ આ દિવાળી આપણી છેલ્લી દિવાળી હોય…કોને ખબર?? એ પણ શોક માં- નીરસ થઇ ઉજવવા ની?? અંધકાર પણ વિજય પ્રાપ્ત કરતો દીવો પણ નહિ કરવા નો???? હું- મૃત્યુ નો મલાજો જાળવવા માં માનું છું..પણ એની પાછળ સમય ને ઘસડી ને ચાલવા નથી માંગતો…..!!! જીવન છે યારો……બોજો નથી……..એની એક એક પલ ઉત્સવ છે…..મૃત્યુ તો આવનજાવન છે…એમ શું ડૂબી જવાનું??? આપણી ખુશી જોઇને ઉપરવાળા પણ ખુશ થાય એમ કરવું જોઈએ…!! મૃત્યુ ને પણ એક ઉત્સવ કરી દઈએ- તો જ્ઞાન સાચું…….!!!
  • ફટાકડા- હું એનો ડાઈહાર્ડ સમર્થક નથી………કારણ કે એમાં વપરાતા કેમિકલ્સ …એની બનાવટ માં રહી ગયેલી ત્રુટીઓ તેને બાળકો માટે જોખમી બનાવે છે…….પણ હા….બાળકો ફટાકડા ફોડે તેમાં કોઈ વાંધો નથી……એમની પાસે રહો…એમનું ધ્યાન રાખો……ઉજવણી ક્યાંક હોસ્પિટલ માં ન કરવી પડે…એનું ધ્યાન રાખવું…!
  • મીઠાઈઓ- બજાર ની તો વાત જ ન કરવી…રોજેરોજ છાપા ઓ માં- ટીવી પર બતાવે છે કે- મીઠાઈઓ માં- એની બનાવટો માં જે પ્રકારે ભેળસેળ થાય છે…..એ જોઈ ને તો જીવ કકળી ઉઠે છે……એના કરતા તો ઘરે- સુખડી-મોહનથાળ બનાવી ને ખાઈ લેવો સારો…!! ખરેખર ગામડું અત્યારે ખુબ વ્હાલું લાગે છે……એક જમાનો હતો કે- બધું જ ઘર નું હતું…..શાકભાજી થી માંડી ને- દૂધ-ઘી બધું જ…અને દિવાળી ની તૈયારી -મમ્મી જે રીતે કરતી……..ભલે ને મીઠાઈ-ગાંઠિયા-મઠીયા-જીરાપુરી ની વેરાયટી ઓછી હોય પણ -જીવ સંતૃપ્ત થઇ જતો……અત્યારે તો કાજુ બદામ વાળી હોય…૨૦૦૦ રૂપિયા/કિલો હોય છતાં ફિક્કી ફસ લાગે છે……..!!!!! લોકો એ કૃત્રિમ…એમના આચાર-વિચાર-સ્વપ્ન એ કૃત્રિમ…..લાગણીઓ …..ભોજન-કપડા પણ કૃત્રિમ……….!!!! બસ- હરી હવે તો તું જ એક સહારો…!!
  • ફરવા જવાનું- ભાઈ….દિવાળી માં ભલે છોકરા ને રજાઓ હોય….પણ અત્યારે ફરવા ન જવાય…..કેમ???? અનુભવી આનો ઉત્તર  જાણે છે…!! કેટલાક ત્રાસેલા લોકો- દિવાળી જ બહાર ઉજવે છે…..ગોવા….કેરલ કે સિંગાપોર……વગેરે…! પણ ભાઈ…ઉત્સવ તો પોતાના લોકો ની વચ્ચે જ થાય…..આખું વરસ તો એકલા જ હો છો…..જો વરસ ના અમુક દિવસ પણ પોતાના લોકો વચ્ચે નહિ રહો તો- તમારા કોન્વેન્ટિયા બચ્ચા ઓ ને- એમની સુધરેલી માતાઓ ને- કુટુંબ-પરિવાર -પોતાના – શું….એમાં સમજણ શું પડશે???  જે બસ પોતાનું જ વિચારી – એકલા રહેવા નું પસંદ કરશે તે….કરોડો કમાઈ એકલતા માં જ ઉકલી જવા ના…??? જો તમને આવા અભરખા ન હોય તો- લખી રાખો- સયુંકત કુટુંબ..સમૂહ માં જે સુખ છે…….એ જ સાચું સુખ છે………એકલા જીવવા માં કોઈ મજા નથી….!!!! સયુંકત કુટુંબ માં વિચારો ની ઊંચ નીચ હોય..પણ એમાં એ એડજસ્ટ થતા આવડશે તો- જીવન સુખ બની જશે…….બાકી એકલા તો કુતરા એ મરે જ છે ને…!!! મારા ગુરુ મહંત સ્વામી મહારાજ તો ડંકા ની ચોટે કહે છે…કે – પરિવાર હોય કે- સત્સંગ- જો સંપ નહિ હોય……એકતા નહી હોય તો- પ્રગતિ થશે જ નહિ…!!! રૂપિયા આવશે પણ સુખ નહિ આવે…!!!

તો- ચાલો..રજા લઉં…….! બધા ને એડવાન્સ માં- શુભ દિવાળી……નુતન વર્ષાભિનંદન…………શ્રીજી મહારાજ  -સ્વામી અને મારા ગુરુ મહંત સ્વામી મહારાજ- સર્વે નું રૂડું કરે…..સર્વે ના શુભ સંકલ્પો પૂર્ણ થાય તેવી જ તેમના ચરણો માં પ્રાર્થના…!!

રાજી રહેજો………! નહીતર થાય તે કરી લેજો……… 🙂

રાજ


Leave a comment

BAPS રવિસભા-૦૮/૧૦/૨૦૧૭

“….સંપ,સુહ્રદભાવ અને એકતા…..એ જ અંતર્દ્રષ્ટિ…….એ હોય તો જ સત્સંગ માં રહેવાય…..”


બ્રહ્મસ્વરૂપ યોગીજી મહારાજ

પ્રગટ અક્ષરબ્રહ્મ મહંત સ્વામી ગુરુપદે બિરાજમાન થયા અને સત્સંગ ના સંપોષણ….સંવર્ધન માટે અસ્ખલિત …અતિ કઠીન વિચરણ યાત્રા શરુ કરી ત્યાર થી એમના મુખ પર એક જ વાત રમે છે…સંપ…સંપ…!!! સંપ નું આટલું બધું મહત્વ શા માટે??? જે સંપ નો મહિમા જાણે તે સમજે……કે સંપ…..- સંસાર હોય કે સત્સંગ…એનો શું મહિમા છે??? પુ.બ્રહ્મ વિહાર્રી સ્વામી કે જે- અમેરિકા માં પ્રગટ અક્ષરબ્રહ્મ ના વિચરણ માં જઈ ને આવ્યા છે..તેમણે પોતાના અનુભવ કહ્યા ..અને સમગ્ર સભાને જણાવ્યું કે – ગુણાતીત ચિરંજીવી છે…..એમના કાર્યો…એમના દાખડા….એમનો રાજીપો જ એમનું સ્વરૂપ છે……જે યોગીજી મહારાજ ને પ્રિય હતું…..જે પ્રમુખ સ્વામી મહારાજ ને વહાલું હતું..એ જ આજે મહંત સ્વામી મહારાજ માટે છે…..માત્ર રૂપ બદલાયું છે……કાર્ય પધ્ધતિ બદલાઈ છે…પણ સ્વરૂપ તો એ જ છે…! એટલા માટે જ સત્સંગ આજે પણ એટલો અઢળક છે..અને રહેશે…!

આજની સભાની શરૂઆત…………જગત ના નાથ ના દર્શન થી……..

This slideshow requires JavaScript.

સભાની શરૂઆત- પુ.પ્રેમવદન સ્વામી અને યુવકો દ્વારા ધુન્ય અને કીર્તન થી થઇ….બ્રહ્માનંદ સ્વામી રચિત…..” હરિવર હીરલો રે…..” કૈક અલગ જ રાગ માં રજુ કર્યું….અદ્ભુત…!!! ત્યારબાદ પ્રેમાનંદ સ્વામી રચિત કીર્તન…” મન વસિયો રે મારે મન વસિયો……” અને મુક્તાનંદ સ્વામી રચિત અદ્ભુત કીર્તન…..” અનુભવી આનંદ માં ..બ્રહ્મરસ ના ભોગી…..રે..” રજુ કર્યું…..

પછી તાજેતર માં જ – પ્રગટ અક્ષરબ્રહ્મ મહંત સ્વામી મહારાજ ની આજ્ઞા થી- સદ્ગુરુ સંતો – પુ. ત્યાગવલ્લભ સ્વામી અને પુ. કોઠારી ભક્તિપ્રિય સ્વામી ની નિશ્રામાં આપણા સંતો ના બે ગ્રુપ વારાફરતી -ચારધામ ની યાત્રા કરી આવ્યા……નીલકંઠ વરણી રૂપે શ્રીજી મહારાજે જે અતિ કઠીન વિચરણ એ ચાર ધામ તીર્થો માં કર્યું હતું..તેની યાત્રા-દર્શન સંતો કરી આવ્યા…..એના સંસ્મરણ -સભા સાથે વહેંચતા પુ.વિવેક મુની સ્વામી એ – ફોટોગ્રાફસ ની મદદ થી દરેક તીર્થ ધામ અને એના મહિમા વિષે જણાવ્યું…!!! અદ્ભુત……અદ્ભુત…! પૂર્વ પ્રધાનમંત્રી શ્રી ગુલઝારીલાલ નંદા એ પોતાના ગુરુ બ્રહ્મ સ્વરૂપ શાસ્ત્રીજી મહારાજ નો મહિમા – છેક ઉત્તરાખંડ સુધી પહોચાડ્યો……કાત્યાની દેવી( પાંડવો ની કુળદેવી) ના પ્રાચીન મંદિર માં પણ શાસ્ત્રીજી મહારાજ ની અને અક્ષર પુરુષોત્તમ મહારાજ ની પાંચ મૂર્તિ ની સ્થાપના એમણે કરી હતી…એના દર્શન સૌ કોઈએ કર્યા…! ૧૯૮૭ માં ૩૦૦ થી વધુ સંતો ને લઈને પ્રમુખ સ્વામી મહારાજ -ચારધામ યાત્રા એ ગયેલા…..એની સ્મૃતિ અને બાપા ની હાજરી -એમનો મહિમા-નો અનુભવ બધા સંતો ને આ યાત્રા માં થયો…!

ત્યારબાદ – પ.પુ.મહંત સ્વામી મહારાજ ના લંડન -નીસ્દન મંદિર ખાતે ના વિચરણ ( ૨૩/૦૯/૨૦૧૭) દર્શન ના વિડીયો નો લાભ સૌને મળ્યો…….સવારે ૫-૩૦ વાગ્યે કડકડતી ઠંડી માં – વિશાલ સભાખંડ ખીચોખીચ ભરેલો હોય…..નાના નાના બાળકો પણ એ પ્રાત: પૂજા ની સભામાં આવતા હોય તેનાથી – મોટી નિષ્ઠા ની પ્રતીતિ …સત્પુરુષ ના ખેંચાણ ની પ્રતીતિ કઈ હોઈ શકે???

ત્યારબાદ પુ.બ્રહ્મ વિહારી સ્વામી કે જે – હાલ માં જ અમેરિકા અને લંડન ખાતે ના – સ્વામીશ્રી ના આ અદ્ભુત વિચરણ નો લાભ લઈને પરત ફર્યા છે..તેમની ધારદાર વાણી માં- એ અનુભવામૃત નો લાભ સર્વે ને મળ્યો…વિષય હતો…” સંપ..સુહ્રદ ભાવ અને એકતા નો મહિમા” …અદ્ભુત પ્રવચન……જોઈ એ સારાંશ….

  • મહંત સ્વામી મહારાજે – ગુણાતીત પરંપરા ની જેમ પોતાના દેહ ની પરવા કર્યા વગર અતિ કઠીન વિચરણ ચાલુ જ રાખ્યું છે……જેનો હેતુ…હરિભક્તો માં – પ.પુ.પ્રમુખ સ્વામી મહારાજ ની સ્મૃતિ ને ઓર મજબુત કરવા નો છે…….સદાયે તાજી રાખવા નો છે…
  • આપણો સંપ્રદાય..આપણી સંસ્થા પ્રગટ ની છે…….શ્રીજી એ પણ કહ્યું છે કે- એ સદાયે પ્રગટ રહે છે……માટે સમજણ અગત્ય ની છે..આ વાત ની પ્રતીતિ અગત્ય ની છે….કોઈ પૂછે તો કહેવાય કે- પ્રમુખ સ્વામી મહારાજ ની સાચી સિદ્ધિ કઈ…તો કહેવાય કે- એક પત્ર માત્ર થી લાખો હરિભક્તો -સંતો સહજ માં મહંત સ્વામી મહારાજ માં જોડાઈ જાય…….
  • આપણા ગુરુમુખી સંપ્રદાય માં….ખાસિયત એ છે કે- અહી એક વિચાર…એક ગુરુ…એક રૂચી છે…….જે ભક્તો નું ખેંચાણ પ્રમુખ સ્વામી મહારાજ પ્રત્યે હતું…એવું જ આજે મહંત સ્વામી મહારાજ માં છે..એની સર્વે ને પ્રતીતિ ડગલે ને પગલે થાય છે…..અમેરિકા અને લંડન જેવા પ્રદેશો માં – સવારે ૫-૩૦ ઉઠી હજારો હરિભક્તો રોજ પ્રાત:પૂજામાં હાજર થઇ જાય અને એ પણ નાના નાના બાળકો સાથે……..!! એ શું કહેવાય…!!! એ લોકો ગાંડા નથી….પણ સમજે છે કે- ગુણાતીત ના દર્શન નો મહિમા શું છે??
  • બાપા એ આપણ ને કહ્યું કે- હું સદાયે તમારી સાથે રહીશ……..જે આજે આપણ ને મહંત સ્વામી મહારાજ માં દેખાય છે……! બાપા એ – હરિભક્તો ને આપેલું વચન કદાપી ઉથાપ્યું નથી…..તો આ વચન ઉથાપે???
  • આપણો સંપ્રદાય …આપણી સંસ્થા સત્ય આધારિત છે……..જેમાં જે બોલાય છે તે થાય છે…તેનો અનુભવ બધાને પ્રત્યક્ષ છે…..કારણ કે – સત્પુરુષ જ્યાં સાક્ષાત બિરાજમાન હોય ત્યાં બધું જ હોય…એમના આધારે જ આ બધું ચાલે છે…બાકી- મંદિરો..જ્ઞાન ની વાતો….મેનેજમેન્ટ…સંપ..એ બધું તો Add on છે……એમના લીધે છે…..
  • અને એ જ સત્પુરુષ મહંત સ્વામી મહારાજ નો રાજીપો- સંપ માં છે…..આપણે ટોળા નથી પણ એક પરિવાર છીએ…..એમ સ્વામી વિચારે છે…અને આટલો બધો ભાર -સંપ પર એટલા માટે કે- એમના ગુરુ યોગીજી મહારાજે – ગોંડલ માં કહ્યું હતું કે- સુહ્ર્દભાવ થી ગુણાતીત બાગ ને એક કરી દેવો છે……..અને એટલા માટે જ મહંત સ્વામી મહારાજ આજે – સંપ પર એટલો ભાર મુકે છે…જે – દાસભાવ….સુહાર્દભાવ…..અને તમામ હરિભક્તો-સંતો માં દિવ્ય ભાવ હશે તો જ આવશે…….! જીવ ના પોષણ માટે પણ સંપ જરૂરી છે….
  • આજનું આધુનિક સમાજ વિજ્ઞાન કહે છે કે – અસ્તિત્વ માટે સંપ અને સુહ્ર્દભાવ જરૂરી છે………વિજ્ઞાને સાબિત કર્યું છે કે- જેમ બધા વૃક્ષ એકબીજા સાથે અંદર થી જોડાયેલા છે…વાતચીત કરે છે……તેમ આપણે પણ સદાયે જોડાયેલા રહેવા નું છે……
  • સંસાર હોય કે- સત્સંગ…સુખ જોઈ તો સંપ રાખવો જ પડશે………પારિવારિક પ્રશ્નો માં સંપ નો- સુહ્ર્દભાવ નો અભાવ જ રહેલો છે……રીસર્ચ કહે છેકે- ભણતર અને પૈસા થી માત્ર ૭% જ સુખ નો ભાવ પ્રાપ્ત થાય છે જયારે ૮૦% થી વધુ તો- માણસ ના – અંગત સંબંધો…એના સમીકરણો …એની સમજણ…..પર જ સુખ નો આધાર છે…..
  • કહેવાય છેકે- જો સ્વાર્થ સમાન હોય…તો પૈસા માટે પણ લોકો સંપ રાખે છે……તો આ તો જીવ ના કલ્યાણ માટે નો સત્સંગ છે……..એના માટે સંપ કેમ ન રખાય??? યોગીબાપા ના રાજીપા નો વિચાર કરી ને પણ સંપ કેમ ન રખાય??????
  • મહંત સ્વામી મહારાજ તો એટલે સુધી કહે છે કે……સંપ…સુહ્ર્દભાવ…. વગર બ્રહ્મરૂપ થવાય જ નહિ……..અને પ્રમુખ સ્વામી મહારાજ તો કહેતા કે….ઝેર ખાઈ ને પણ સત્સંગ માં સંપ રાખવો પડશે……..!!!

તો- ચાલો સ્વામી- શ્રીજી ને…ગુરુહરિ ને પ્રાર્થના કરીએ કે- આપણે આપણા ઘરમાં…પરિવારમાં…..ગામ માં…સત્સંગમાં – સંપ..સુહ્ર્દભાવ અને એકતા રાખી શકીએ……! અદ્ભુત…અદ્ભુત….!!! પુ.બ્રહ્મવિહારી સ્વામી ને સાંભળવા એક લ્હાવો છે…….જેમના શબ્દે શબ્દે બળ ટપકે છે………!

સભાને અંતે અમુક જાહેરાત થઇ…..

  • જમો ને જમાડું- અન્નકૂટ સેવા અભિયાન – આજથી બંધ થયું છે….કારણ કે દિવાળી નજીક છે…પૂર્વ તૈયારી નો સમય થઇ ગયો છે….
  • યુવા અધિવેશન ( સત્સંગ જ્ઞાનામૃતમ) ની આજે સ્પર્ધા હતી..જેના વિજેતા ઓ નું આજે જાહેર માં સન્માન થયું…..

તો આજની સભા – નો એક એક શબ્દ જો જીવ માં દ્રઢ થાય તો………”કેશવ ક્યાય છેટો નથી….” સદાયે સાથે જ છે……….

સમજતા રહો…………….જય સ્વામિનારાયણ…………

રાજ

 


Leave a comment

BAPS રવિસભા-૧/૧૦/૨૦૧૭

“..સંતો હરિભક્તો અક્ષરધામ નું સ્વરૂપ છે……જો તેનો અભાવ આવે તો અભાવ લેનારો અક્ષરધામ માં જઈ શકતો નથી…..તેની સહાય બધા સંતો કરે….હરિભક્તો કરે તોય તેને ધામ મળતું નથી…..અભાવ નો દોષ બધા દોષ થી અધિક છે…….હરિભક્ત નો અભાવ લેતા જે દોષ લાગે છે તેવો તો કામ,ક્રોધ,લોભ માં પણ દોષ નથી…માટે ભક્ત માં અવગુણ ન પરઠવો ને દોષ દેખાઈ જાય તો તત્કાળ શમાવી દેવો ..જેથી અભાવ નું બીજ હૃદય માં ક્યારેય પ્રગટે નહિ…….

સંતો હરિભક્તો અલૌકિક છે…..તેમનો દૈહિક દોષ દેખી ને અભાવ ન લેવો….અભાવ લે છે તેને તેટલું ફળ ભોગવવું પડે છે….તે તો બ્રહ્મઅગ્નિ જેવા છે….લીલું,સુકું જે તેનો સ્પર્શ કરે તે બળી જાય એવો એમનો સહજ સ્વભાવ છે….તેની રક્ષા ભગવાન પણ કરી શકતા નથી…..સત્સંગ ના પાંચે નિયમ દ્રઢ કરી ને રાખે તેને સંત-હરિભક્ત જાણવા…….


ભગવાન શ્રી સ્વામિનારાયણ…..શ્રીહરિ ચરીત્રામૃત સાગર-૫ અને ૮ સ્કંધ

શ્રીજી ના અદ્ભુત વચનો……આપણા ગુરુહરિ મહંત સ્વામી મહારાજ ને અતિ પ્રિય -રાજીપા ની વાત…….સત્સંગી માટે તો અભાવ-અવગુણ એ ઝેર છે…..જેનામાં એ ઘુસ્યા તેનું પતન નક્કી..! આ જ વાત મહંત સ્વામી મહારાજ – અત્યારે અમેરિકા અને યુરોપ ના વિચરણ માં છે ત્યાં બધા ને વારંવાર કહી રહ્યા છે. તેમની સાથે વિચરણ માં ૧ માસ ગુજારી ને આવેલા પુ. ઈશ્વર ચરણ સ્વામી એ સભામાં આ વાત કરી.

તો આજની સમગ્ર સભા આ વાત પર હતી…..નવરાત્રી નું ભક્તિ પર્વ ગઈકાલે જ પૂરું થયું પણ ભક્તિ અહી નિરંતર -અવિરત ક્રિયા છે….આથી આજની સભામાં – હરિભક્તો નો માનવ મહેરામણ ઉભરાતો હતો……સર્વ પ્રથમ- શ્રીજી ના દર્શન…..એકાદશી ના દર્શન……

This slideshow requires JavaScript.

સભામાં સ્થાન ગ્રહણ કર્યું એ સમયે – યુવક મિત્રો દ્વારા ધુન્ય થઇ રહી હતી…..ત્યારબાદ જૈમીન વૈદ્ય દ્વારા ” મંદિરે પધારો પિયા …શ્યામ સોહાગી..” બ્રહ્માનંદ સ્વામી ની રચના રજુ થયું…….અદ્ભુત કીર્તન..!!! ત્યારબાદ સદ્ગુરુ જગદીશાનંદ રચિત કીર્તન..” અહોનિશ દર્શન દેજો રે……” યુવક મિત્ર દ્વારા જ રજુ થયું. પુ.કૃષ્ણ સ્વરૂપ સ્વામી ના કંઠે ..” હે મનમાની મોહન તારી મૂર્તિ રે…….” રજુ થયું જેના રચયિતા બ્રહ્માનંદ સ્વામી હતા…….

ત્યારબાદ પુ.વિવેક શીલ સ્વામી જેવા પ્રખર વક્તા ને મુખે” પ્રમુખ સ્વામી મહારાજ અને મહંત સ્વામી મહારાજ ની પરા ભક્તિ” પર પ્રસંગો થી ભરપુર – વક્તવ્ય રજુ થયું …જોઈએ સારાંશ….

  • બધા સદગુણો માં ભગવાન ની ભક્તિ શિરમોર છે…અને નિષ્કુળાનંદ સ્વામી કહે છે તેમ- ભક્તિ વિના બાકી ના સર્વે ગુણ- ક્રિયાઓ-કર્મ વ્યર્થ છે……
  • અને એમાયે આત્મનિવેદી ભક્તિ તો ગુણાતીત પુરુષો ની માલિકી ની ભક્તિ છે…….પ્રમુખ સ્વામી મહારાજ ને જુઓ તો સમજાય કે એમના જીવન ની એક પણ ક્ષણ – ભગવાન – વિનાની ન હતી….
  • દરેક ક્રિયામાં – એક ભગવાન જ આગળ…..એ જ કર્તાહર્તા…….એમનું જ ધાર્યું થાય…એવો દ્રઢ ભાવ……
  • મહંત સ્વામી મહારાજ તો કહે છે કે- એક ભગવાન ને લીધે આપણે છીએ……માટે ભગવાન ને સદાયે આગળ રાખવા……
  • કોઈ ક્રિયામાં અહં પણું નહિ……હું કરું છું- એવો ભાવ જ નહિ……અને એવા આ ગુણાતીત પુરુષ – અક્ષરબ્રહ્મ પુરુષ એ ભગવાન અને ભક્ત ને જોડતો એક સેતુ છે…….તે સદાયે ભગવાન સાથે જોડાયેલા રહે છે….અને શરણે આવેલા જીવ ને – ભગવાન ના માર્ગે લઇ જાય છે…જોડે છે……

અદ્ભુત વાત…! એ પછી ગુરુહરિ મહંત સ્વામી મહારાજ ના લંડન મંદિર ખાતે ના ૨૫ સપ્ટેમ્બર -૨૦૧૭ ના વિચરણ નો વિડીયો દર્શન નો લાભ મળ્યો……..જે નીચે ની લીંક દ્વારા જોઈ શકાશે…..

ત્યારબાદ- ગુરુહરિ સાથે ૧ માસ ના અમેરિકા અને યુરોપ ના વિચરણ નો લાભ લઇ પધારેલા પુ.ઈશ્વર ચરણ સ્વામી એ – અમેરિકા અને યુરોપ ના સત્સંગ ની માહિતી આપી અને મહંત સ્વામી મહારાજ ની રાજીપા ની વાત – અભાવ -અવગુણ પર શ્રીહરિચરિત્રામૃતસાગર ગ્રંથ ને આધારે અદ્ભુત પ્રવચન આપ્યું…..જોઈ સારાંશ….

  • અમેરિકા અને યુરોપ ( યુકે) માં સત્સંગ – સર્વોપરી કક્ષા એ છે…..અમેરિકા માં સંતો-હરિભક્તો ના દાખડા ને આધારે આજે લગભગ ૯૮ મંદિર છે…….જેમાં ૬ તો શિખરબદ્ધ મંદિરો છે…અક્ષરધામ તૈયાર થઇ રહ્યું છે…….એ ન્યુ જર્સી માં જ નાના મોટા ૧૯ મંદિરો છે…….
  • અને સત્સંગ માટે – ત્યાના હરિભક્તો નો ખપ જુઓ તો……મહંત સ્વામી મહારાજ -નવું ચરિત્ર કરી ને ત્યાં આગળ સવારે ૫-૩૦ પૂજા કરે છે……તેના દર્શન માં ભક્તો દુર દુર થી વહેલા વહેલા આવી જાય છે…સ્વયમ સેવકો તો સવારે ૩-૩૦ થી રાત્રે છેક  ૧૧ વાગ્યા સુધી પાર્કિંગ-ડેકોરેશન કે રસોડા ની સેવા જેવી વિવિધ સેવાઓ માં હોંશે હોંશે ઉભા હોય છે….! અદ્ભુત….! વાહ……….
  • પુ.પરમ તત્વ સ્વામી લિખિત ગ્રંથ – An Introduction to Swaminarayan Hindu Theology – કે જે Cambridge University press દ્વારા પ્રગટ થઇ છે…..એનું વિમોચન વિશ્વ વિખ્યાત પ્રોફેસર્સ ની હાજરી માં – મહંત સ્વામી મહારાજ ના હસ્તે- અમેરિકા અને લંડન માં વિમોચન થયું…….અને એના સર્વે નિષ્ણાત દ્વારા એટલા બધા વખાણ થયા કે-શું વાત કરવી..! ભવિષ્ય માં આ ગ્રંથ ઉપર થી ત્યાના વિદ્યાર્થી પીએચડી કરશે……..

ISHT_booklaunch_webbanner20170906_Robbinsville_booklaunch__3_

  • પુ.ભદ્રેશ સ્વામી એ – પ્રસ્થાનત્રયી પર રચિત પોતાના ગ્રંથ ને આધારે – અતિ ગહન કહી શકાય તેવો “વાદ ગ્રંથ” રચ્યો છે……જે સર્વે વિદ્વાનો- અભ્યાસુ-મુમુક્ષુઓ ના સંશય ને દુર કરી જ્ઞાન રેલાવશે…..તેનું પણ વિમોચન મહંત  સ્વામી મહારાજે કર્યું…..જેને હાજર રહેલા વિદ્વાનો એ ખુબ વખાણ્યું…!!! અને અમેરિકા માં ખુબ મોટો પ્રસંગ થયો…ઉત્સવ થયો…..! ચારેબાજુ ડંકા વાગી ગયા………એમ કહી શકીએ….
  • લંડન માં – સાઉથ લંડન માં આપણું નવું મંદિર બન્યું છે……અને ઇસ્ટ લંડન માં પણ નવું મંદિર નું પ્રતિષ્ઠા- કાર્ય મહંત સ્વામી મહારાજ ના આશીર્વાદ થી થશે……….એ પછી મહંત સ્વામી મહારાજ પેરીસ જશે……ત્યાંથી દિલ્હી….અને ત્યાંથી ગાંધીનગર અક્ષરધામ ના ૨૫ વર્ષ પુરા થઇ રહ્યા છે..તેના રજત ઉત્સવ માં અહી પધારશે……

અદ્ભુત…અદ્ભુત………!!! મહંત સ્વામી મહારાજ નો આટલી ઉમરે દાખડો જુઓ તો સમજાય કે- જીવ માત્ર ના કલ્યાણ માટે ગુણાતીત પુરુષો એ પોતાનો દેહ કૃષ્ણાર્પણ જ કરી દીધો છે……ન કોઈ ઊંઘ ની કે આરામ ની ચિંતા……..ન કોઈ આહાર ની ચિંતા……! બસ સત્સંગ ની જ વાત……!!!

ત્યારબાદ પુ.ઈશ્વર ચરણ સ્વામી એ – મહંત સ્વામી મહારાજ ની રાજીપા ની વાત – અભાવ -અવગુણ પર શ્રીહરિચરિત્રામૃતસાગર ગ્રંથ ને આધારે અદ્ભુત પ્રવચન આપ્યું…અને સ્વામી શ્રીજીને પ્રાર્થના કરી કે તમામ હરિભક્તો અને સંતો માં સદાયે અલૌકિક ભાવ રહે………

સભાને અંતે અમુક જાહેરાત થઇ…….

  • આજે સત્સંગ જ્ઞાનામૃતમ પર યુવકો માટે સ્પર્ધા હતી..તેના વિજેતા ઓ નું સન્માન થયું….
  • સત્સંગ શિક્ષણ પરીક્ષા નું પરિણામ પ્રગટ થયું છે…જેના ઉતીર્ણ -તારલા ઓ નું સન્માન થયું…અમદાવાદ નું રીઝલ્ટ ૫૦% ની આસપાસ રહ્યું છે…પણ ૭ ગોલ્ડ મેડાલીસ્ટ અહી થી છે…….
  • નવીન ઓડીઓ કીર્તન સીડી – જોઈ મનોહર મૂર્તિ તારી – પ્રગટ થઇ છે…..અમૃત હર્બલ કેર દ્વારા – દિવાળી ગીફ્ટ પેક રજુ થયા છે…………

તો આજની સભા અદ્ભુત હતી……..સત્સંગ માં કેમ રહેવાય…કેમ પ્રગતિ થાય…….અને સત્સંગ નો શું મહિમા છે….- એ સર્વે પ્રશ્નો નો ઉત્તર અહી મળ્યો…! સાત સમંદર દુર – અમેરિકા અને યુરોપ માં જો આપણા હરિભક્તો આવો સર્વોપરી સત્સંગ કરી શકતા હોય તો- આપણે બધા કેમ નહિ…???

સત્સંગ માં આ જ વિચારવા નું છે……………….

જય સ્વામિનારાયણ………..રાજી રહેજો…!!!

રાજ