Raj Mistry's world

Me,my stories and world around….

વસંતપંચમી અને સ્વામીનારાયણ સંપ્રદાય

Leave a comment

આજે એક પવિત્ર દિવસ છે…અને એ વસંત ઋતુ ના આગમન નો ધ્યોતક પણ છે. ટૂંક માં આજે વસંત પંચમી છે. પણ દુર્ભાગ્યે કમુરતા ના કારણે આ “વણ જોયું “ મુહુર્ત કહેવાતો દિવસ આ વરસે ખાલીખમ છે અને આજે વસંત પંચમી હતી એ મોટા ભાગ ના ગુજરાતી ઓ ને ખબર ન હતી…….
ખેર , અમારા સ્વામીનારાયણ સંપ્રદાય માટે આ દિવસ અગત્ય નો છે કારણ કે શ્રીજી મહારાજે આજના દિવસે અમારા સંપ્રદાય ના આધારભૂત રૂપ સ્તંભ “ શિક્ષાપત્રી” ની રચના કરી હતી જે આવનારા અનંત સમય સુધી મનુષ્ય માત્ર ને જીવન જીવવા ના સાચા માર્ગ તરફ પ્રેરતી રહેશે. લાખ ચોરાસી ના ફેરા બાદ મળતો મનુષ્ય અવતાર ફોગટ ના જાય એ માટે આપને સૌએ શ્રી હરી ના દર્શાવેલા માર્ગે ચાલવું જરૂરી છે. પૂજ્ય પ્રમુખ સ્વામી ના મુજબ “બધું જ ,જીવન નો પ્રત્યેક ક્ષણ શ્રી હરી ની સાક્ષી એ જ જીવાય તો જ જીવન સફળ કહેવાય” ભગવાન ના રાજીપા માટે કરતુ કઈ પણ કર્મ ,ભલે નાનું હોય કે મોટું પણ એ સર્વોપરી જ છે…….આજકાલ નવી પેઢી ને તમે ભગવાન ના સર્વોપરી સત્તા વિષે સમજાવો તો તમે સો ટકા ગાંડા જ ઠારવા ના !!!! પણ એમાં આશ્ચર્ય જેવું કશું નથી , ભગવાન માં અને સંતો માં શ્રદ્ધા . એ પૂર્વ જન્મ થી હોય તો જ થાય!!! પૂજ્ય યોગી બાપા ,મુંબઈ ના દાદર મંદિર વિષે કહેતા કે “ દાદર નું સ્વામીનારાયણ મંદિર ,દાદર સ્ટેશન ની સામે છે અને રોજ ના લાખો માણસો તેની આગળ થી રોજ જાય છે….પણ જેના નસીબ માં હોય…શ્રી હરી ની ઈચ્છા હોય એજ આ મંદિર નો દાદરો ચઢે!!!”
આ હકીકત છે…..મેં મારી જીંદગી માં આ અનુભવ્યું છે….મારી પત્ની અને હું સગાઇ પહેલા પહેલી વાર જ સ્વામીનારાયણ મંદિર માં મળેલા , હું એ વખતે સ્વામીનારાયણ માં નહોતો માનતો પણ શ્રી કૃષ્ણ ભગવાન માં જન્મ થી જ શ્રદ્ધા હતી….એ પ્રથમ મુલાકાત માં મેં એને કહેલું કે …જો મહારાજ ની ઈચ્છા હશે તો આપણ ને સાથે રાખશે અને એની મરજી મુજબ જ થશે….મારી પત્ની સ્વામીનારાયણ સંપ્રદાય ની ચુસ્ત સત્સંગી, અને એની પ્રાથના ફળી…તો છ માસ સુધી હા-ના ના ચક્કર માં અટવાયેલી અમારા સંબંધ ની વાત છેવટે ઘણા લોકો ના વિરોધ બાવજૂદ “હા” માં પરિણમી…..અને લગ્ન પછી મારા માં આપોઆપ જ સ્વામીનારાયણ પ્રત્યે પ્રીતિ/લગાવ જાગ્યો અને આમાં મારી પત્ની નું સહેજ પણ દબાણ ન હતું . એના મારા ડુંગળી લસણ ખાવા પર પણ આપત્તિ ન હતી….પણ સંતો ના સંપર્ક માં આવ્યા બાદ મેં સંપ્રદાય અને સહજાનંદ સ્વામી નો અભ્યાસ ચાલુ કર્યો……અને શ્રીજી ના પ્રેમ માં એવો તો ખેચાયો કે હવે જન્મો જનમ સુધી છુટવા માંગતો નથી….!!!!!! સ્વામીનારાયણ સંપ્રદાય ની અમુક વાતો જરૂર થી મને અને બધા ને ખૂંચે છે પણ એ વાતો લોકો દ્વારા ઘડાયેલી,ફેલાયેલી છે…પણ સ્વામીનારાયણ ના શુદ્ધ સિદ્ધાંતો તો સુવર્ણ જેવા શુદ્ધ છે…જેમાં ખોટ નો એક અંશ માત્ર પણ નથી…..તમે જાતે જ સંપ્રદાય ના સિદ્ધાંતો નો અભ્યાસ કરો…તમે પણ સત્ય ને જાણશો…
હવે વાત પુનઃ વસંત પંચમી વિષે — આજે સ્વામીનારાયણ સંપ્રદાય ના મહાન સંતો પૂજ્ય બ્રહ્માનંદ સ્વામી અને પ્રેમાનંદ સ્વામી ની તિથી પણ છે.સ્વામીનારાયણ સંપ્રદાયે સાહિત્ય જગત ને બ્રહ્માનંદ,નિષ્કુળાનંદ,મુક્તાનંદ,પ્રેમાનંદ,દેવાનંદ સ્વામી ની ભેટ ધરી છે. સ્વામીનારાયણ ભગવાન ની પ્રેરણા અને આશીર્વાદ થી આ સંતો એ જે સાહિત્ય ગુજરાતી,હિન્દી અને વ્રજ ભાષા માં રચ્યું છે એ અજોડ છે….ગુજરાતી સાહિત્ય ના આધાર સ્તંભ સમાન આ રચના ઓ આજે બસો વરસ પછી પણ એમનો સ્વાદ /રંગ ચારે તરફ છોડી રહી છે…..એમના પદે પદ માં થી શ્રી હરી નો રાજીપો છલકાય છે….ચાલો માની એ પૂજ્ય બ્રહ્માનંદ સ્વામી ની એક અમર રચના…..
“ધન્ય ધન્ય આજ ની ઘડી ,બેની મારે ધન્ય ધન્ય આજ ઘડી.
રંગની રે રેલ વાળી મારે વ્હાલે ,સુખ વિલસ્યા સેજાડી.
મેહેર કરીને ઉઘાડી રે મેલી ,હેત તણી હાટડી .
પ્રાણ જીવન પાતળિયા ને નીરખી ,આજ ઠરી આંખડી,
બ્રહ્માનંદ ના સ્વામી સંગાથે ,લાગી છે પ્રેમ ઝડી .”
…………….બસ હવે તો હરી સંગાથે પ્રીત છે અને બાકી આખું જગત તો માત્ર એક રીત છે………….
બસ સૌને મારા જય સ્વામીનારાયણ..જય શ્રી કૃષ્ણ

રાજ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s