Raj Mistry's world

Me,my stories and world around….

અમારી ભૂરી ભેંસ…

2 Comments

બાળપણ એક એવો પાયો છે કે જેના પર તમારા જીવનનો પાયો રચાય છે..મારું બાળપણ નવા ભવનાથ( સાબરકાંઠા, ઉત્તરગુજરાત) નામનાં ગામમાં વીત્યું અને હજુ મારા પપ્પા-મમ્મી ત્યાંજ રહે છે અને અમે વારે તહેવારે ત્યાં જ હોઈ એ છીએ. બાળપણમાં હું ખુબ જ તોફાની હતો અને આમારું ગ્રુપ હતું…વિમલ,દીકેશ,દીપેશ વગેરે ખાસ ભાઈ બંધો હતા. અને અમારો આખો દિવસ બસ ક્રિકેટ,કેરમ કે પત્તા રમવામાં જ જતો. ખેતરોમાં ફરવાનું, ઇન્દ્રાસી ડેમના સ્વીમીંગ પુલમાં ન્હાવા( તરવા નહિ)જવાનું,જુના ભવનાથ સાઈકલો લઇ ને ફરવા જવાનું, ખેતરોમાં કેરી કે આમલી પાડવા જવાનું…….ખુબ જ મજાની જીંદગી હતી…પણ હા…સાથે સાથે ભણવામાં બધા સીરીયસ હતા એ હકીકત છે.
અમારા ઘરે એ વખતે એક ભેંસ હતી…એ હતી કાળી( ભેંસ તો કાળી જ હોય..) પણ એની આંખો “ભૂરી” હતી આથી એનું નામ અમે “ભૂરી” ભેંસ પાળેલું…એને ચરાવવા માટે માધાકાકા ગોવાળ ને સોંપવાની, સાંજે શાળા એ થી આવી, એને લેવા જવાની…બપોરે એને નવડાવવાની…અને તમે નહિ માનો પણ જયારે અમે એને ફુવારાથી નવડાવતા એ એક દમ સ્થિર થઇ, આંખો બંધ કરી નતમસ્તક ઉભી રહેતી અને લાગતું કે જાણે કોઈ યોગી ધ્યાન મુદ્રામાં બેઠો હોય!!!! એવું લાગતું…!!! એના આંચળમાં થી સીધી જ ગરમા ગરમ દુધની સેર જયારે મારા મોં માં પડતી ત્યારે જાણે એ ગરમા ગરમ મીઠું દૂધ અમૃત સમાન લાગતું…..!!!!ચોમાસામાં મારી મમ્મી અમને એને ચરાવવાની જવાબદારી સોંપતી..અને સાથે ભણવાનું પણ..આથી ચોપડી લઈને એને જોતા રહેવાનું…આપણું પણ કામ થાય અને ભુરીને ચરવાની મજા પડે…! તમે નહિ માનો પણ અમારી ભૂરી ચરવામાં ક્યારેક એટલી મશગુલ થઇ જતી કે એને સ્થળ-દિશા સમયનું જ્ઞાન ન રહેતું અને મહિનામાં બે વાર તો ખોવાઈ જ જતી…!!! અને એને શોધવા મારી મમ્મી એ એની બાળ-સેનાને ચારે દિશામાં મોકલવી પડતી..કલાકો ની
મોજભરી રખળપાટ અને લોકોની રમુજભરી પુછપરછ પછી “ભુરીબેન” નો પત્તો મળતો એ પણ ભૂરી બેન આરામ થી તલાવડી માં પડ્યા હોય અને એમને “માન” મથામણ થી બહાર કાઢવાના …ઘરે લાવી ને નવડાવવાના…અને તૈયાર કરી ગમાણમાં ગોઠવવાના!!!!

જ્યારે મારી મમ્મી થી ભેંસ માટે સમય કાઢવાનું મુશ્કેલ બન્યું ત્યારે તેને વેચવાનો નિર્ણય લેવાયો…આ નિર્ણયના વિરોધમાં ઘરમાં બે-ચાર દિવસ કરફયું નું વાતાવરણ રહ્યું હતું અને જયારે ભૂરી અમને છોડી ને ગઈ ત્યારે મારી મમ્મી, અમે બધા રડી પડ્યા હતા…..લાગણીઓ નો સંબંધ જાતી થી પર હોય છે…અને એને માપવો..તોલવો અશક્ય છે…
ખરેખર એ તો અમને સ્વર્ગનું સુખ લાગતું અને અફસોસ એ વાતનો થાય છે કે આવનારી પેઢી ને આ “સ્વર્ગ” નું સુખ નસીબ નહિ હોય…એમની પાસે બધું જ હશે પણ ગામડાની આ ખુશ્બુ નહિ હોય, ખેતર,ગામનું પાદર,આંબાના ઝાડ, ગોરસ આમલી ને તોડવાની મજા,નદીઓ માં ન્હાવાની કે સાઈકલો લઈને જંગલોમાં ફરવાની મજા નહિ હોય…..ભૂરી ભેંસને નવડાવવા ની મજા, એના તાજા દુધની એ મીઠાસ …સમગ્ર જીંદગી નહિ ભુલાય….
આધુનિકતાના વહેંણ માં નવી પેઢી શું ગુમાવી રહી છે….એનો એમને ક્યાં અંદાઝ છે? હજુ પણ પરિવારના સભ્યો ભેગા થાય ત્યારે આ સુવર્ણ “બાળપણ” ને સાથે મળી મમળાવીએ છીએ…નવી પેઢી પાસે આવું કંઇક હશે….? ચ્યૂન ગમ જ હશે!!!!!

રાજ

Advertisements

2 thoughts on “અમારી ભૂરી ભેંસ…

  1. you are very lucky

  2. આપની વાત થી ભિલોડા, સાબરકાઠા માં અમે વિતાવેલુ બચપન ની યાદ આપાવી નવા ભવનાથ થી જુના ભવનાથ , લીલછા મોહન કંપા , હાથમતી નદી વિ, ની યાદ અપાવી. મારી બા એ્ બકરી પાળી હતી જેની બધી જ કાળજી આપની ભુરી ભેંશ જેમ અમે કરતા . બકરી ને વેચવા ના વખતે અમેં સૌ ભાઈ બહેન બા સાથે રડ્યા હતા .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s