Raj Mistry's world

Me,my stories and world around….

મહારાત્રિ- શિવરાત્રી..

Leave a comment

અમારા સ્વામિનારાયણ સંપ્રદાયમાં ,સત્સંગીઓ ને આજ્ઞા છે કે બધી અગિયારસ અને પાંચ અન્ય તહેવારો ( રામનવમી , જન્માષ્ટમી, મહાશિવરાત્રી, દેવ-પોઢી અગિયારસ, દેવ-ઉઠી અગિયારસ) એ ઉપવાસ કરવો…….અને કહેલા પાંચ તહેવારોએ તો નિર્જળા ઉપવાસ કરવા. સાચું કહું તો મેં ,સત્સંગ સ્વીકાર્યા પહેલા ક્યારેય ઉપવાસ નહોતા કર્યાં. મમ્મી કરતી અને અમે, ફરાળી જમણ ને સાદા જમણ સાથે ટેસ થી જમતા…….પણ સત્સંગમાં આવ્યા પછી, સ્વેચ્છાએ જ અગિયારસ ના ઉપવાસ કરવાનું થયું…અને હોંશે હોંશે ,આજે પણ નિર્વિઘ્ને ઉપવાસ થાય છે….પણ હજુ ,હું પાંચ તહેવારોમાં , નિર્જળા ઉપવાસ નથી કરી શકતો. આ ભારે કામકાજ છે અને હું માનસિક રીતે-શારીરિક રીતે તૈયાર નથી. પૂ. યોગી બાપા એ તો “યુવા ઉપવાસ મંડળ” બનાવેલા!!! ઉપવાસ એટલે ” ઇન્દ્રિયો-મન-વિચાર ને નિગ્રહમાં રાખવા….” અને ખોરાકમાં સયંમ એ એક જાત ની શરૂઆત કહી શકાય….!!

મારા મૂળ વતન ભિલોડા ( જીલ્લા- સાબરકાંઠા) , એ ઇન્દ્રાસી અને હાથમતી નદીનો વિસ્તાર કહેવાય છે…જ્યાં આગળ જુના ભવનાથ નામનું -મહાદેવ નું લગભગ ૬૦૦-૭૦૦ વર્ષ( કદાચ એના થી પણ વધારે…) જુનું મંદિર અને ભૃગુ કુંડ નામે ઓળખાતો કુંડ છે….કહેવાય છે કે એ સ્વયંભુ શિવલિંગ છે અને તેનું મહત્વ ઘણું છે. આજે તો આ મંદિર, ઇન્દ્રાસી ડેમ વચ્ચે , શાંત જગ્યા એ જોઈ શકાય છે…..દાન-ધરમ ના પ્રવાહ ને લીધે આ યાત્રાધામ માં આજે દર શિવરાત્રી અને શ્રાવણ માસમાં ,ભક્તો નો અવિરત પ્રવાહ જોઈ શકાય છે….એક જમાનામાં અમે, દર વેકેશનમાં ત્યાં આગળ પીકનીક માટે સાયકલો લઇ ને જતા….!! ચોમાસામાં તો મંદિર અને તેની આસપાસ નો માહોલ અવર્ણનીય હોય છે….જુઓ નીચેનો  સેટેલાઇટ ફોટો …. ગુગલ ઈમેજ દ્વારા……

જુના ભવનાથ...અવકાશમાં થી....

આજે પણ સવારે હું મંદિરે ગયો પણ ,એટલી બધી ભીડ હતી કે , મહાદેવ ને જળ અર્પિત કરવાનું માંડી વાળ્યું……લોકો ભક્તિભાવના અતિરેકમાં , શિવલિંગ ને અને ગર્ભગૃહ ને એટલું ગંદુ કરી નાખે છે કે , આપણ ને ઘૃણા થાય….બીલીપત્રો તમારા પગમાં રોળાય….!! આમાં કંઇક સુધારો જરૂરી છે….થાકી ને ઘરે આવ્યો…….અને પછી પેટભરી ને ફરાળ કરવામાં આવ્યું……( ઉપવાસ નામ માત્ર નો જ રહ્યો…..)…પણ વધતા શરીર ને ઇજન ન મળે એ ધ્યાનમાં રાખવામાં આવ્યું…!

સાંજે શિવ-મંદિરોમાં ભજન સંધ્યા ના -જાગરણ ના પ્રોગ્રામ છે…..ઘણી જગ્યા એ ભાંગ નો પ્રોગ્રામ છે……ભોલાનાથ ના નામ પર બધું જ ચલાવે છે લોકો…!!!

ચાલો ત્યારે….હર હર મહાદેવ….!!!

રાજ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s