Raj Mistry's world

Me,my stories and world around….

નવરાત્રિ ….અને ઘણું બધું..!

1 Comment

નવરાત્રિ , આખરે પૂરી થઇ છે પણ અંશતઃ…કારણ કે હજુ શરદ પૂનમ બાકી છે અને શરદ પૂનમ  ના ગરબા બાકી છે…!  આ વરસે મારી આખી નવરાત્રિ , અમદાવાદ ની બહાર જ થઇ. મુંબઈ-ગોવા-મઉ…….મા જ સમગ્ર નવ દિવસ પુરા થઇ ગયા, પણ સોસાયટી મા લોકવાયકા એવી છે કે આ વરસે અમારા સ્વામિનારાયણ પાર્ક મા અભૂતપૂર્વ નવરાત્રિ થઇ હતી.પણ  મને નવરાત્રીમાં કઈ ખાસ રસ નથી અને  એના ઘોંઘાટ થી નફરત છે…..એમાં કોઈ શંકા નથી કે નવરાત્રિ મા જોમ-જુસ્સો સ્વાભાવિક હોય પણ- અમુક સમય મર્યાદા ની અંદર.  તમે રાત્રે બાર વાગ્યા એ – ગરબા ચાલુ કરો અને સવારે ત્રણ-ચાર વાગ્યા સુધી નર્યા ઘોંઘાટ થી અન્ય લોકો ની ઊંઘ ખરાબ કરો- એ ક્યાં નો ન્યાય કહેવાય….???

મારી માનસિકતા પ્રમાણે હજુ પણ નવરાત્રિ એ – શક્તિ-સ્ત્રી શક્તિ-માતૃ શક્તિ નો પર્વ છે અને આ જ ભાવના – કેન્દ્ર વર્તી રહેવી જ જોઈએ……પણ આજકાલ શું થઇ રહ્યું છે..?? એ કોઈના થી અજાણ્યું નથી. ગોવા મા તો નવરાત્રિ- એટલે શું? એવું હતું અને મુંબઈ મા – ગુજરાત જેવો ભર્યો ભાર્યો માહોલ ન હતો……પણ ગુજરાત તો ગુજરાત જ છે……! હું આઠમ ના દિવસે મુંબઈ થી અમદાવાદ આવ્યો અને તરત જ મૂળ વતન તરફ ગાડી લઈને રવાના થાવું પડ્યું….! ભાગમભાગી હવે જીવન નો એક અનિવાર્ય અંગ થઇ ગઈ છે…….આથી એના સિવાય તો કલ્પના કરવી જ મુશ્કેલ છે….! મારા તો જન્માક્ષર મા જ જ્યોતિષી એ ભાખેલું કે – આ છોકરાં ને તો પાંખો હશે…….કોઈ જગ્યા એ સ્થિર રહેશે જ નહી…..! આથી અમે તો અનાદી કાલ ના પ્રવાસી….અમે અહીં કાયમ રહેવા થોડા આવ્યા છીએ…..બસ અહીં તો ફરવા જ આવ્યા છીએ….!

માંડવડી- મઉ નવરાત્રિ

ખેર જે હોય તે…..અમારું મૂળ વતન , ભિલોડા તાલુકા ( ઉત્તર ગુજરાત) ની નજીક આવેલું મઉ ગામ.   વર્ષો જુનો ઇતિહાસ ધરાવતું આ ગામ , કેમ જાણે , હમેંશા મને આકર્ષિત કરતુ રહ્યું છે…..ચોતરફ ડુંગર, નદી થી ઘેરાયેલા આ ગામ મા – વારાહી માતાજી નું મંદિર આવેલું છે અને આ વર્ષે એના ૭૫ વર્ષ પુરા થયા….એક જમાના મા અહીં જે માહોલ હતો- એવો ક્યાંય ન હતો. નવરાત્રિ મા દરેક રાત્રી ની શરૂઆત માતાજી ના ભજન થી થતી, ત્યારબાદ દેશી – ભાતીગળ ગરબા અને એ ગરબા પુરા થાય બરોબર બાર વાગ્યે……પછી આરતી થાય…એ પણ રસપ્રદ – આરતી ની ઉછામણી થાય….એ પણ રસપ્રદ અંદાજ મા….હાસ્યરસ અને ગુજરાતી વેપારી પણું એમાં છલકાય…..!  અને આરતી પછી- ગામ લોકો દ્વારા અભિનીત – દિગ્દર્શિત નાટકો રજુ થાય……અને એમાં એવા રંગ- સંવાદ- કળા અભિનય કે આપણે હસી હસી ને લોથપોથ થઇ જઈએ………! પણ સફર ચાલુ જ રહે……અને વહેલી સવારે- બાઈક પર પાપા મમ્મી સાથે – ગરમ ધાબળા મા લપેટાઈ ને ઘરે આવવા નું કે……ત્યાં જ દાદા- બા ના ઘરે બહાર ખાટલા ઢાળી ને સુઈ જવાનું…..!

આ વખતે- માહોલ અલગ હતો, ભીડ ઓછી હતી અને ગરબા જાણે કે ખેંચી ખેંચી ને ગવાતા હતા……બાર- સાડા બાર વાગ્યે તો શો એન્ડ થઇ ગયો…..! કારણ ……ગામડા હવે તૂટી રહ્યા છે…..ભીડ શહેર તરફ વધી રહી છે…..! અને દેશી ગરબામાં  કે તબલા વાજાં મા હવે કોઈને રસ નથી…..આથી ક્યાંતો આધુનિક બનો ક્યાંતો ગરબા મહોત્સવ બંધ કરો…….પણ મઉ મા કંઇક સારું છે- વાજીંત્રો બદલાયા છે પણ ગરબા – એ જ જુના રહ્યા છે…..એ જ પેઢી ગરબા ની શરૂઆત કરે છે અને એ જ પેઢી – હજુ પણ એટલા ઉત્સાહ થી ઝઝૂમી રહી છે…..! અમુક જુવાનીયા ઓ એ નાટક ને પુનઃ જીવિત કર્યા છે પણ વિષય- એ જજબો કે જોશ હજુ દેખાતા નથી……ભીડ …..તો હજુ ખોવાયેલી જ છે….!

બસ પડદો ઉઠે એટલી વાર- મઉ નાટક મંડળી.....

મારું વતન…..કે જ્યાં મારા પૂર્વજો એ પોતાની જિંદગી ગુજારી હતી……..એ આવનારી પેઢી ઓ ને યાદ રહેશે કે કેમ? એ સવાલ છે…..નવરાત્રિ તો આવી ને ગઈ પણ- હમેંશ ની જેમ અનેક યાદો- કે ભૂતકાળ ને ઝંઝોળી ને ગઈ…….તહેવારો નું શું મહત્વ હોવું જોઈએ?…સમય સાથે તેના મહત્વ મા કેટલો ફર્ક પડે છે?..ઉંમર વધતા – ચશ્માં ના જાડા કાચ પાછળ ની એ બુઢી આંખો….નવી પેઢી વિષે શું વિચારે છે??? જીવન ….શા માટે હમેંશા ચક્રાકારે જ ગતિ કરે છે?????

બસ સવાલો જ સવાલો…….જવાબ કદાચ જાતે જ શોધવા ના છે…..એ પણ કોઈ સહારા વગર….! જીવન નું કદાચ આ જ મર્મ છે…..અત્યાર સુધી નો, જીવન સફર કદાચ આટલો બધો આસાન ન હોત……..જો મારો વ્હાલો….મારો હરિ સાથે ન હોત….! હવે તો એ જ સારથી છે…..એ જ માર્ગ છે…..અને એ જ ગંતવ્ય છે……..આથી જીવન ની આ નવરાત્રિ, એની ચમક ક્યારેય ખોવા ની નથી……એ વાત ની બસો ટકા ગેરંટી…!

સાથે રહો……

રાજ

Advertisements

One thought on “નવરાત્રિ ….અને ઘણું બધું..!

  1. Sachu kaho 6o bhai..tame to juni yado taji karavi ..mahu ni natak mandali ,bhiloda na gharba ane amara jitpur gam ni bhavai…aaj kal to bhavai pan jova nathi madti..ke jya hasi hasi ne pet dukhi jata hata…

    I really miss it…Thanks 4 remind past …..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s