Raj Mistry's world

Me,my stories and world around….

રથયાત્રા- મનોરથ યાત્રા

Leave a comment

જગન્નાથ પૂરી ની રથયાત્રા સમગ્ર દુનિયામાં પ્રખ્યાત છે અને એના પ્રભાવ..વ્યાપ અને વિસ્તાર  પર થી જ એક અંગ્રેજી શબ્દ  juggernaut (A massive inexorable force that seems to crush everything in its way)  નું અસ્તિત્વ બન્યું……પણ આ રથયાત્રા એ કેટ-કેટલા ના જીવન બદલ્યા છે? કોને ખબર…..?? જગત ના ધણી ને નગરચર્યા પર લઇ જવાના..અને એ પણ એમની બધી કાળજી ( આંખે પાટા બાંધવાના,,જાંબુ-મગ-ધાણી ખવડાવવા ના….મોસાળું….વગેરે..) સાથે…તો પછી- ભક્તો નો ઉત્સાહ કેમ ન બેવડાય..?? અમદાવાદ માં કદાચ છેલ્લા ૧૦૦ થી વધારે વર્ષો થી આ ઉત્સવ થઇ રહ્યો છે…..અને કેટલાક અમદાવાદીઓ એ તો- આ સો વર્ષ ની યાદગીરી હજુ સુધી એમ જ તાજી રાખી છે…..અદભુત વાત છે…!

પણ અંગત રીતે કહું તો મને – રથયાત્રા નથી ગમતી …કારણ બે છે…. ૧. ભીડ ૨. કોલાહલ ………… આટલા વર્ષ થી અમદાવાદ માં રહું છું પણ મને યાદ નથી કે – હું રથયાત્રા ને દિવસે- એના માર્ગ માં પણ ક્યાંય ફરક્યો હોઉં..! હા..અમદાવાદ ના જમાલપુર માં આવેલા જગન્નાથ મંદિર માં – અવારનવાર દર્શન નો અને માલપુઆં ના પ્રસાદ નો લાભ લઉં છું…..અમારા સ્વામીનારાયણ સંપ્રદાય ના છેલ્લા બસો વર્ષ ના ઇતિહાસ માં અસંખ્ય વાર- શ્રીજી મહારાજ ની નગરચર્યા અને એના ભવ્ય સ્વાગત ના વર્ણન છે. શ્રીજી મહારાજ જ્યારે પહેલા વહેલા – મોટેરા ગામ ને રસ્તે અમદાવાદ માં પધાર્યા ત્યારે – એમનું જે ભવ્ય સ્વાગત થયું હતું…..એનો ઉલ્લેખ ઇતિહાસ માં છે……શ્રીજી ને નગર શેઠ હીમાભાઈ ના માતુશ્રી એ સુવર્ણ પુષ્પો થી વધાવ્યા હતા….એ પણ આજે કીર્તન ના પદ બની ગયા છે…..” હો એક સમે અમદાવાદ માં…કે આવ્યા શ્યામ સુજાણ…..” એ પ્રખ્યાત પદ માં – આ બધો ઉલ્લેખ સાંભળી શકાય છે…..

કહેવા નું શું છે કે….શ્રીહરિ જયારે સ્વયમ- પોતાનું નિજધામ છોડી ને અવતરણ ધારણ કરે છે કે નગરચર્યા એ- પોતાના ભક્તો ના કુશળક્ષેમ પૂછવા નીકળે છે….ત્યારે એ રથયાત્રા – વાસ્તવ માં એક “મનોરથ” ની યાત્રા થઇ જાય છે. ભગવાન અવતાર કેમ ધારણ કરે છે? શું કારણ છે કે એમને સ્વયમ આવવું પડે છે? જવાબ- લાંબો છે……અને સમજો તો સહજ છે. જયારે તમે એ જગત ના ધણી આગળ- શરણાગતિ સ્વીકારો છો….એનું ધણીપણું સ્વીકારો છો અને એના રાજીપા માટે જ કર્મો કરો છો- ત્યારે એની ફરજ બને છે કે તમારા -યોગક્ષેમ એ સાચવે…..ગીતામાં સ્વયમ ભગવાને આ જ કહ્યું છે….” યોગક્ષેમમ્ વહામ્ય્હમ ……” અને આ અભય વચન છે……સ્વાધ્યાય પરિવાર માં શ્રીકૃષ્ણ ભગવાન ની મૂર્તિ…..નાથદ્વારા માં ઠાકોરજી ની મૂર્તિ કે સ્વામીનારાયણ મંદિરો માં શ્રીજી ની મૂર્તિ જુઓ…….અભયદાન ની મુદ્રા અવશ્ય દેખાશે…..!

તો- આપણા મનોરથ સિધ્દ કરવા – શું કરવાનું…????

  • મહિમા સહીત નું જ્ઞાન……..જે શ્રીહરિ નો મહિમા સમજાવે છે…..આપણું પામર પના નું જ્ઞાન કરાવે છે….અને એ જ બ્રહ્મજ્ઞાન પ્રાપ્ત થતા જ- ભગવાન ના રાજીપા માટે થતી સેવા-ચેષ્ઠા – સમજાય છે….
  • સ્વરૂપ નિષ્ઠા……..ધણી તો એક જ…….! જેમ પતિવ્રતા સ્ત્રી ને પોતાના પતિ પ્રત્યે જેવો અને જેટલો…ભાવ અને હેત હોય….એવું પતિ ના સગા વ્હાલા પ્રત્યે ન આવે…..! એક સ્વરૂપ માં જ જીવ ગોઠવાય તો જીવ નો મોક્ષ સરળ બને …..
  • ધર્મ-નિયમ-આજ્ઞા પાલન- ખુબ જ જરૂરી છે…….કારણ કે એ તો અધ્યાત્મ અને ભક્તિ માર્ગ નું પ્રથમ પગથીયું છે કે જેનાથી તમારા માં શિસ્ત આવે છે….. અને દેહ ને પડતા ભીડા થકી જ- આ દેહ અને એનો માલિક આત્મા- એમ ભેદ પરખાય છે…..ગુરુ નું  અને એમની આજ્ઞા નું માહાત્મ્ય સમજાય છે…પુ. પ્રમુખ સ્વામી મહારાજ કહે છે એમ- સત્સંગ માં પાકા થવા- નમો, ખમો, ઘસાવો….અને મનગમતું મુકવું…..એમ ચાર વાતો નો ખટકો રાખવો…..જો કે આ ખુબ જ અઘરી વાત છે…..
  • સમજણ અને જાણ પણું…….અર્થાત- હું કોણ છું??? હું આત્મા છું…..અને જે વિષયો ની આસક્તિ મને થાય છે- એ બધી માયા છે- નશ્વરતા છે….એ સમજાય…આપનો જન્મ  શા માટે થયો છે??? કર્મ યોગ અને અનાસક્તિ યોગ શું છે????
  • સ્થિતપ્રજ્ઞતા- ઉપર ના નિયમો પડાય એટલે આત્મા માં – વૈરાગ્ય ની ભાવના આપોઆપ આવે અને જીવ ને સુખ-દુખ સમ લાગે….બધું જ સ્થિર લાગે….અને એક હરિ પર વિશ્વાસ કાયમ રહે…..

અને ઉપર ની બધી વાતો નો સાર એટલો જ છે કે….આપણા મનોરથ એવા હોય કે- સ્વયમ શ્રીહરિ રાજી થઇ ને એને સ્વીકારે અને આપણા જીવન રૂપી રથયાત્રા સફળ થાય……તો આજ ના દિવસે- ભગવાન શ્રી જગન્નાથ ને…શ્રીહરિ ને….ગુરુ શ્રી પ્રમુખ સ્વામી મહારાજ ને એ જ પ્રાર્થના…….

અને હા…..સ્વામીશ્રી આજકાલ અમદાવાદ ને સેવા નો લાભ આપી રહ્યા છે….ગઈકાલે મંદિરે જવાની ખુબ ઈચ્છા હતી પણ કામકાજ માં એવા તે અટવાયા કે – ન જઈ શકાયું…..પણ જુઓ..અદભુત દર્શન વીડીઓ…..

સૌજન્ય- બેપ્સ, શાહીબાગ મંદિર,અમદાવાદ.

જય સ્વામીનારાયણ..

રાજ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s