Raj Mistry's world

Me,my stories and world around….

ભગવાન ને નામે એક ચિઠ્ઠી…..

Leave a comment

સવાલો..ઘણા સવાલો…શંકાઓ..સંશયો…અને ઘણી જિજ્ઞાસાઓ…..! મનુષ્ય ના જન્મ ની સાથે જ આ બધા શબ્દો નું એક વિશાળ….અસીમ વિશ્વ જોડાઈ જાય છે. પણ એ જરૂરી છે કારણ કે- જીજ્ઞાસા…શંકા..શંશય કે એક સવાલ…..આપકી લાઈફ બદલ શકતા હૈ…..! જ્ઞાન ની શરૂઆત ત્યાંથી જ થાય છે. ગીતા ના અર્જુન નો વિષાદ અને સંશય ને કારણે જ – શ્રીહરિ ની -જીવ કલ્યાણ ની પરમ વાણી આપણ ને મળી…..ભગવાન નું સાચું સ્વરૂપ ઓળખાયું…..તો એ જ રીતે સ્વામીનારાયણ ભગવાને -વચનામૃત નું બંધારણ – સવાલ અને એના જવાબ પર રાખ્યું……”હું કોણ છું??” એ એવો જ સવાલ છે…જેનો જવાબ શોધવા જઈએ તો -મોક્ષ સુધી કદાચ પહોંચી જવાય….

આજકાલ , ફિલ્મી દુનિયા( કે જે બધાને પ્રભાવિત કરે છે) મા એક નવી એન્ટ્રી થઇ અને જાણે કે સમગ્ર નાસ્તિકો કે નિરીશ્વરવાદી ઓ ના મુખો પર એક સ્મિત છવાઈ ગયું…..પણ “ઓહ માય ગોડ” ફિલ્મ જેણે જોયું હશે એને જ્ઞાત હશે જ કે- એમાં નિરીશ્વરવાદ ક્યાંય  નથી…..પણ એમાં સવાલો છે – એક માન્યતા પર…..એક સિસ્ટમ પર કે જેમાં લોકો આંધળો વિશ્વાસ મૂકી ને પસ્તાય છે. બાકી- જે સમજે છે…જાણે છે…..જીવન નો- વિશ્વ નો-બ્રહ્માંડ નો…શાસ્ત્રોનો બારીક અને ગહન અભ્યાસ કર્યો છે- એ ભગવાન ના અસ્તિત્વ ને નકારી જ ન શકે…..વળી -ફેસબુક પર પણ આજકાલ -ભગવાન ને એક ચિઠ્ઠી – એવી એક પોસ્ટ ચાલે છે…..નાના બાળક ના નાના પણ ગહન  સવાલ પ્રભાવિત કરે એવા છે…..તો મને થયું કે- મારા માટે- જો ભગવાન એ બાળક ને જવાબ આપે તો – એ જવાબ શું હોય???  આપણી તો કોઈ તાકાત નથી કે એના ૧૦૦% સાચા કે સંતોષકારક જવાબ આપી શકીએ- પણ પ્રયત્ન કરવામાં શું વાંધો છે???? તો એ ન્યાયે – મે થોડોક પ્રયત્ન કર્યો છે…..તો ચાલો આપણે પણ માણીએ – આ સવાલ -જવાબ ની રમઝટ……..( પત્ર સૌજન્ય- ફેસબુક..રચયિતા- અજ્ઞાત)

________________________________________________________________________

પ્રાર્થનાચિઠ્ઠી
શ્રી ભગવાનભાઈ ઈશ્વ્રરભાઈ પરમાત્મા(શંખચક્રવાળા)
સ્વર્ગ લોક,નર્કની સામે,
વાદળાની વચ્ચે
મુ.આકાશ.


પ્રિય મિત્ર ભગવાન,જય ભારત સાથ જણાવાનું કે હું તારા ભવ્ય મંદિરથી થોડે દૂર આવેલી એક સરકારી શાળાના ૭ માં ધોરણમાં ભણુ છું.મારા પિતાજી દાણાપીઠમાં મજૂરી કરે છે અનેમારી માં રોજ બીજાનાં ઘરકામ કરવા જાય છે.’હું શું કામ ભણું છું’ એની મારામાં- બાપને ખબર નથી.કદાચ શિષ્યવૃતિના પૈસા અને મફત જમવાનું નિશાળમાંથી મળેછે એટલે મારા માં-બાપ મને રોજ નિશાળે ધકેલે છે.ભગવાન,બે-ચાર સવાલો પૂછવામાટે મેં તને પત્ર લખ્યો છે.મારા સાહેબે કિધુ’તુ કે તુ સાચી વાત જરૂરસાંભળે છે…!
———————————————————
પ્રશ્ન – ૧ . હું રોજ સાંજે તારા મંદિરે આવું છું અને નિયમિત સવારે નિશાળે
જાવ છું પણ હે ભગવાન તારી ઉપર આરસપહાણનું મંદિરને એ.સી. છે અને મારી
નિશાળમાં ઉપર છાપરુ’ય કેમ નથી…દર ચોમાસે પાણી ટપકે છે,આ મને સમજાતુ નથી…!
ભગવાન નો જવાબ-૧- ( સ્મિત સાથે) હા હું જાણું છું……અને તારા આગમન થી- તારી નિર્દોષ પ્રાર્થના થી હું પ્રસન્ન થાઉં છું…..એસી વાળા મંદિરો કે- તુટલા ફૂટલાં ઘર કે શાળાઓ – મને એટલા પ્રસન્ન નથી કરતા  કે- જેટલા મારા ભક્તો નો મારા પ્રત્યે ભાવ…..! તું- જ્ઞાન- વિશાળ શાળા મા થી કે નાની શાળા મા થી મેળવે….શાળા અગત્ય ની નથી પણ અગત્ય નું છે જ્ઞાન….બિલકુલ મારી જેમ જ……! આથી- બસ તું સાર ને ઓળખ…ન કે વાર્તા ના બાહ્ય સ્વરૂપ ને….!
——————————————————–
પ્રશ્ન – ૨ . તને રોજ ૩૨ ભાતનાં પકવાન પીરસાય છે ને તું તો ખાતો’ય નથી…અને
હું દરરોજ બપોરે મધ્યાહ્મભોજનના એક મુઠ્ઠી ભાતથી ભૂખ્યો ઘરે જાઉં છું…!
આવું કેમ…?
ભગવાન નો જવાબ-૨- ફરીથી એ જ વાત…..! સત્ય તો એ જ છે કે- મારો ભક્ત મને જો ભાવ થી  મુઠ્ઠી તાંદુલ ધરાવે કે સુકા -એઠા બોર….કે સુકાયેલો મઠ નો રોટલો ….હું એ જ ગ્રહણ કરું છું…મારા માટે તારો ભાવ-ભક્તિ અને લાગણી અગત્ય ની છે- સ્વાદ નહિ…….અને જો મને કોઈ હજારો વાનગીઓ ધરાવે તો એ એમનો ભાવ છે….હું જમું છું કે નથી જમતો? એ તો હું જ જાણું છું…..દરેક ને પોતાની ભક્તિ પ્રગટ કરવાનો હક છે…..તને મુઠ્ઠી ભાત મળે છે- એની પાછળ પણ એ જ રહસ્ય છે….જેને તું સમજીશ તો દુખી નહિ થાય….અને ભવિષ્ય નો માર્ગ તો તારા જ હાથમાં છે…..બસ તું મારા પર વિશ્વાસ રાખ….
——————————————————-
પ્રશ્ન – ૩ . મારી નાની બેનનાં ફાટેલા ફ્રોક ઉપર કોઈ થીગડુ’ય મારતું નથી
અને તારા પચરંગી નવા નવાં વાઘા…!સાચું કહું ભગવાન હું રોજ તને નહી, તારા
કપડા જોવા આવું છું…!
ભગવાન નો જવાબ-૩ – મારા વાઘા ..મારો શણગાર એ ભક્તો નો ભાવ છે. જે મને જે સ્વરૂપે પુજે છે..ઈચ્છે છે – હું એને એવા સ્વરૂપે પ્રાપ્ત થાઉં છું….બાકી વાત રહી તારી બહેન ના ફ્રોક ની……એ બધું સંચિત કર્મ-પુણ્ય સંબંધ અને જન્મ કર્મ ના સિધ્ધાંત સાથે સંકળાયેલું છે…..કદાચ તને અત્યારે નહિ સમજાય- પણ ધીરજ રાખ..મારા પર વિશ્વાસ રાખ- બસ સારા કર્મ કર…..તારા યોગક્ષેમ નું વહન હું કરીશ….એ મારી ગેરંટી…!
————————————————————–
પ્રશ્ન – ૪ . તારા પ્રસંગે લાખો માણસો મંદિરે સમાતા નથી અને ૨૬મી
જાન્યુઆરી અને ૧૫મી ઓગસ્ટે જ્યારે હું બે મહિનાથી મહેનત કરેલું
દેશભક્તિગીત રજું કરુ છું ત્યારે,સામે હોય છે માત્ર મારા શિક્ષકો…ને
બાળકો… હે ઈશ્વર તારા મંદિરે જે સમાતા નથી ઈ બધાય “મારા મંદિરે” કેમ
ડોકાતા નથી…!
ભગવાન નો જવાબ-૪- (સ્મિત સાથે) …હમમમ …એ લોકો ભલે ને ડોકાતા ન હોય..પણ હું તારી સાથે જ હોઉં છું……બસ તું મને જોવાનો..અનુભવવા નો પ્રયત્ન કર…..હજાર કે લાખ લોકો ની ભીડ -કરતાં હું વિશેષ છું..મારી હાજરી વિશેષ છે. હું એવા દરેક કાર્ય સાથે હોઉં છું કે જેમાં કાર્ય કરનાર નું હૃદય રેડાયેલું હોય અને સર્વ-જીવ-હિતાવહ હોય….હેતુ શુદ્ધ હોય……! તને યાદ છે- મહાભારત ના યુદ્ધ વખતે- દુર્યોધને મારી વિશાળ સેના માંગી અને મારા પરમ ભક્ત-સખા અર્જુને – એક મને માગ્યો……અને યુદ્ધ નું પરિણામ તું જાણે જ છે…….! તો પછી આવા સવાલ કેમ???
———————————————————-
પ્રશ્ન – ૫ . તને ખોટુ લાગે તો ભલે લાગે પણ મારા ગામમાં એક ફાઇવસ્ટાર હોટલ
જેવું મંદિર છે’ને એક મંદિર જેવી પ્રાથમિક શાળા છે.પ્રભુ ! મેં સાભળ્યું
છે કે તું તો અમારી બનાવેલી મૂર્તિ છો,તો’ય આવી જલજલાટ છો અને અમે તો
તારી બનાવેલી મૂર્તિ છીએ,તો’ય આમારા ચહેરા ઉપર નૂર કેમ નથી…?
ભગવાન નો જવાબ-૫- આ જ સંશય માત્ર તને જ નહિ….બધાને સતાવે છે…..! એનું કારણ છે- કે તને હું માત્ર એક પથ્થર ની મૂર્તિ જ લાગુ છુ…..હું તને જીવંત નથી લાગતો…..તને મારા “હોવા” પર- “અસ્તિત્વ” પર શંકા છે……તો તને મારું સ્વરૂપ શી રીતે ઓળખાય?? તું જે જુએ છે- બસ એને જ સત્ય માને છે…..આથી જ તને સંસાર ના સુખ અને દુખ વધારે અનુભવાય છે…..મારું સુખ કે દુખ નહિ….! અને એના કારણે જ તારા ચહેરા પર અને અન્ય લોકો ના ચહેરા પર તેજ કે ખુશી નથી…….મારા મંદિર કે મારી મૂર્તિ- એ પર અસ્તિત્વ નો- મારા સ્વરૂપ નો એક નયન્ગોચાર અનુભવ છે……પણ એના દ્વારા જ તારે મને પામવાનો છે- અને મારું તેજ તારા મુખ પર લાવવા નું છે……….
———————————————————————————
શક્ય હોય તો પાંચેયના જવાબ આપજે…મને વાર્ષિક પરીક્ષામાં કામ લાગે…!ભગવાન મારે ખૂબ આગળ ભણવું છે ડોક્ટર થવું છે પણ મારા માં-બાપ પાસે ફિ ના કેટ્યૂશનના પૈસા નથી…તું જો તારી એક દિવસની તારી દાનપેટી મને મોકલેને તોહું આખી જિંદગી ભણી શકું…વિચારીને કે’જે…! હું જાણું છું તારે’ય ઘણાયને પૂછવું પડે એમ છે.પરંતુ ૭માં ધોરણની વાર્ષિક પરીક્ષા જો તું મારામાં ધ્યાન નહી આપે તો મારાબાપુ મને સામે ચા વાળાની હોટલે રોજના રૂ.પાંચ ના ભવ્ય પગારથી નોકરીએ રાખીદેશે…! ને પછી આખી જિંદગી હું તારા શ્રીમંત ભક્તોને ચા પાઈશ…પણ તારી હારે કીટ્ટા કરી નાખીશ…!જલ્દી કરજે ભગવાન…સમય બહું ઓછો છે તારી પસે…અને મારી પાસે પણ…!

લી.

એક સરકારી શાળાનો ગરીબ વિદ્યાર્થી

_____________________________________________________________________________________
    મે મારા મત મુજબ-જ્ઞાન મુજબ કે કક્ષા મુજબ જવાબ આપવાનો પ્રયત્ન કર્યો છે…..શક્ય છે કે- આ પાંચ સવાલો – તમારા માનસ ને પણ ઢંઢોળે અને તમે પણ એનો જવાબ શોધવાનો પ્રયત્ન કરો….અને એના પણ કંઇક અલગ – સત્ય થી વધુ નજીક જવાબ મળે……
જે હોય તે- છેવટે તો સત્ય સત્ય જ રહેવાનું છે…….ભગવાન નું સત્ય- કદાચ વધારે સરળ છે પણ એટલું જ ગહન છે…….ગુરુ વગર એ શક્ય ન થઇ શકે- કારણ કે ભક્તિ માર્ગ- અધ્યાત્મિક માર્ગ પર ગુરુ નું મહત્વ વિશિષ્ટ છે. માર્ગ – અને માર્ગ દર્શક કયો સ્વીકારવો એ તમારે જોવાનું છે……..કાનજી મેહતા ની જેમ જ…..સવાલ તમારા અને શોધો તો જવાબ પણ તમારા જ…….!
બાકી આપણ ને જે મળ્યા છે….ગુરુ- પ્.પૂ પ્રમુખ સ્વામી મહારાજ અને ઇષ્ટદેવ- શ્રી સ્વામીનારાયણ ભગવાન – તે સર્વોત્તમ જ છે……..જે જાણે , અનુભવે એ જ સમજે……
રાજ
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s