Raj Mistry's world

Me,my stories and world around….

યોગીજી મહારાજ ની બોધકથાઓ- ૯

Leave a comment

સહજાનંદ ના ઉપાસક હોવું એટલે શું? આપણા ઇષ્ટદેવ નું નામ જ અનોખું છે……જો સંધી છૂટી પાડો તો થાય- સહજ+ આનંદ……જેના હૈયામાં…હૃદયમાં આનંદ,ઉમંગ સહજ રહે- તેનામાં જ સહજાનંદ વસે….! હું ઘણીવાર રીના ને કહું છું કે- આપણી ભક્તિ..આપણો સત્સંગ કેટલો સાચો? એ માપવું હોય તો સૌથી સરળ સાધન કયું? જવાબ છે- હૃદયમાં…સહજ આનંદ…..સુખ-દુખ કે કોઈપણ સંજોગ મા- જો આઠેય પહોર- બસ આનંદ ની સરવાણીઓ સતત ફૂટતી રહેતી હોય….હૈયું બસ હવે હાથમાં ન રહેતું હોય…..હૃદય જો- શ્રીજી સ્વામી ને જોઈ-નીરખી- આંસુઓ ના માધ્યમ થી ધસી જવા મથતું હોય તો- માનવું કે આપણે હવે “સત્સંગ’ મા વધી રહ્યા છીએ……ભાઈ..! હરિનો માર્ગ જ એવો છે કે – દુખ નો એક પડછાયો માત્ર તમારા થી જોજનો દુર લાગે…હરપળ-હરઘડી બસ સુખ જ સુખ..અનંત સુખ જ લાગે…..કારણ કે- તમારું બધું હવે એ “હેન્ડલ” કરે છે..અને તમે બસ બિન્દાસ…નિજાનંદ ..સહજાનંદ મા સ્થિતપ્રજ્ઞ ભાવ થી “ગુમ” ડીટ્ટો પેલા..” તેરી યાદો મે ગુમ….તેરે ખયાલો મે ગુમ……” જેવું જ…! આપણી ગુરુ પરંપરા મા જુઓ- તમને એ જ ખુમારી- એ જ ઉત્સાહ ..એ જ હાસ્ય દેખાશે અને પૂ.યોગીજી મહારાજ ને જુઓ તો ખબર પડે કે- સહજાનંદ તો અહી જ પ્રગટ છે….અહી જ વહી રહ્યો છે……!

Image

તો- એ જ બ્રહ્મજ્ઞાન ની….જ્ઞાન સાથે ગમ્મત ની …. શ્રેણી મા આગળ વધતા- યોગીબાપા ની એક ઔર વાર્તા….જીવન મા ઉજાસ આણવા માટે….

______________________________________________________________________

તેરા બાપ બહુ આકરા હૈ……

એક ગામ હતું….એકદમ સેક્યુલર ( આપણા દંભી રાજનેતાઓ ના સ્વપ્ન મુજબ) સર્વધર્મ સમભાવ મુજબ નું જ….! એમાં એક હિંદુ બ્રાહ્મણ રહેતો હતો અને તેનો એક મુસલમાન મિત્ર હતો. રોજ ઊઠવા બેસવાનું સાથે રહેતું અને અડોશ-પડોશ મા રહેતા હોવા ને કારણે સંપર્ક સતત હતો. મિત્રતા સામાન્ય હતી પણ મુસલમાન મિત્ર- એના આ બ્રાહ્મણ મિત્ર અને એની જીવનશૈલી ની હમેંશ ટીખળ ઉડાવ્યા કરતો…..બ્રાહ્મણ મિત્ર ગરીબ આથી , બધું સહન થઇ જાતું…..એક દિવસ- આ મિત્રો રસ્તે ચાલ્યા જતા હતા….અને રસ્તામાં તુલસી નો છોડ આવ્યો- બ્રાહ્મણ મિત્ર -એની રોજીંદી ટેવ પ્રમાણે એને પગે લાગ્યો- આથી મુસલમાન મિત્ર ને ટીખળ સુજી….ને બોલ્યો… યે ક્યાં હૈ?  બ્રાહમણ મિત્રમહિમા સાથે  બોલ્યો…આ તુલસી છે- અને અમે હિન્દુઓ એને મા ની જેમ પૂજીએ છીએ….મુસલમાન મિત્રે- તરત જ તુલસી ના આ છોડ ને મસળી નાખ્યો…..અને તોડી ને ફેંકી દીધો…..બોલ્યો- દેખ તેરી મા…મૈને ઉસકો તોડ દિયા..ફેંક દિયા….સાલા – તેરા કૈસા મજહબ હૈ…!

બ્રાહ્મણ મિત્ર તો સમસમી રહ્યો પણ- નિર્બળ હોવાને લીધે કશું ન બોલ્યો- પણ મનમાં ગાંઠ વાળી કે- આને સબક તો શીખવાડવો જ પડશે….તો જ એને અન્ય ધર્મ નું સન્માન કરવાની ખબર પડશે….! રસ્તે ચાલતા થોડાક આગળ ગયા એટલે – બ્રાહ્મણે જોયું કે આગળ થોર ની વાડ પર કુંવેચ( એક એવી વનસ્પતિ કે જેના સ્પર્શ માત્ર થી શરીર પર અસહ્ય ખંજવાળ પેદા થાય છે) નો છોડ જોયો…..અને મુસ્લિમ મિત્ર ને પરચો કરાવવા એક યોજના ઘડી…..

કુંવેચ ના છોડ ની આગળ – એ સાષ્ટાંગ દંડવત કરતો સુઈ ગયો અને જોર જોર થી વખાણ કરવા લાગ્યો….મુસલમાન મિત્ર તો જોઈ જ રહ્યો અને ધીરે રહી ને – બ્રાહ્મણ ને પૂછ્યું કે- યેહ ક્યાં હૈ? બ્રાહ્મણ ગર્વ થી બોલ્યો….આ મારો બાપ છે…..ખબરદાર જો તું એને અડ્યો છે તો….! મુસલમાન તો જોર મા આવી ગયો- ક્યાં બોલા….? તેરા બાપ હૈ….અરે તેરે બાપ કી તો ઐસી કી તૈસી…….દેખતા જા……! એમ કહી ને – કુંવેચ ના છોડ ને જોશ થી પકડ્યો અને જોર જોર થી મસળવા લાગ્યો….બુમો પડતો જાય અને મસળતો જાય…..! બ્રાહ્મણ દુર થી ઉભો ઉભો આ ખેલ જોયા કરે અને મૂછ મા હસતો જાય…….!

અને પછી તો જોવા જેવું થયું….પેલા મુસલમાન મિત્ર ને આખા શરીરે એવી તે કુંવેચ લાગી કે- જબરદસ્ત ખંજવાળ ઉપડી…..એતો બેબાકળો બની – દોડાદોડ કરવા લાગ્યો…જમીન પર આળોટવા લાગ્યો પણ ખંજવાળ તો માટે જ નહિ…..જોર જોર થી રોવા લાગ્યો ને માથું કૂટવા લાગ્યો…..છેવટે- બ્રાહ્મણ મિત્ર – એને વૈદ પાસે  લઇ ગયો…આખા શરીરે છાણ ચોપડ્યું….માટી ઘસી ત્યારે મિયા ભાઈ ને અઠવાડિયે જરાક આરામ થયો…..પછીતો બ્રાહ્મણ મિત્ર- મીયાભાઈ ની ખબર લેવા ગયો અને ધીરે થી બોલ્યો…..દેખ્યો મારો બાપ….! મીયાભાઈ બિચારા એના પગમાં પડી ગયા…..બોલ્યા..” યાર તેરા બાપ તો બહુત આકરા હૈ…..મેરા તો ભુક્કા બુલા દિયા……”

________________________________________________________________________

સાર-

  • ધર્મ-માન્યતા-શ્રદ્ધા – અંગત વસ્તુ છે…..એમાં કદીયે કોઈની મજાક ન કરવી…….શ્રીજી મહારાજે આપેલા અગિયાર નિયમો મા એક નિયમ…” નિંદન નહિ કોઈ દેવ કો…” આની સાથે સલંગ્ન છે……અને બીજાના ધર્મ-નિયમ નો આદર – એ જ આપણા સત્સંગ ની ખુમારી છે – એ યાદ રાખો.
  • બળ કરતા બુદ્ધિ હમેંશા આગળ જ હોય છે……..એ સદાયે યાદ રાખો……
  • વિપરીત વ્યક્તિ ને સાચા માર્ગ પર લાવવા પદાર્થપાઠ ની પણ જરુર પડે છે……અને એ પદાર્થ પાઠ – આપણી આજુબાજુ થી જ મળી રહે છે……બસ આંખો-મગજ ખુલ્લા રાખો……સમજણ-જ્ઞાન નો હમેંશા યોગ્ય- જગ્યા એ ઉપયોગ -કોઈના જીવન મા ઉજાસ આણી શકે છે.
  • જેમ છોડ -છોડ મા ફરક હોય છે…..એના ગુણ -અવગુણ મા ફરક હોય છે એમ સાધુ -અસાધુ મા- વ્યક્તિ-વ્યક્તિમાં ફરક હોય છે……..આ “ફરક” સમજતા આવડશે તો જીવન ના બધા જ માર્ગ સરળ થઇ જાશે……

તો- જીવન ને – આજુબાજુ ના વ્યક્તિઓ– માહોલ ને જાણો- સમજો- અને એ પ્રમાણે વર્તો…….આમે ય શ્રીજી ને – જ્ઞાની ભક્તો પર વિશેષ સ્નેહ છે……

જય સ્વામીનારાયણ

રાજ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s