Raj Mistry's world

Me,my stories and world around….

BAPS રવિસભા- ૨૯/૦૯/૨૦૧૩

2 Comments

“આખું બ્રહ્માંડ સ્વામિનારાયણ નું ભજન કરશે ત્યારે સત્સંગ થયો,અને ત્યાં સુધી થાવો છે….ને મહારાજ ને મળેલા એક સાધુ ની કેડ્યે લાખું માણસ ફરશે,ત્યાં સુધી સત્સંગ થાવો છે…….”
-મૂળ અક્ષર ગુણાતીતાનંદ સ્વામી ની અક્ષર વાતો- ૭/૧૯ 

…ઉપરોક્ત બ્રહ્મ વચન એટલા માટે યાદ આવ્યું કે- આજની રવિસભામાં – મૂળ તત્વ જ એ હતું…..શ્રીજી મહારાજ નો આજે સ્મૃતિ પર્વ દિન હતો આથી- એમના કલ્યાણ કારી ચરિત્રો…..અને એમનું દિવ્ય વચન કે..” હું સદાયે પ્રગટ રહીશ….અને સો કરોડ મનવારો ભરાય એટલા જીવો નું કલ્યાણ કરવું છે…” એ જ આજની સભા નો સાર હતો…..અનાર્ય દેશો..( અર્થાત એકદમ રૂઢીચુસ્ત મુસ્લિમ દેશો…) માં સ્વામિનારાયણ સત્સંગ નો ફેલાવો એ આનું જ ઉદાહરણ છે…..

તો સભામાં આજે સમયસર પહોંચી જવામાં આવ્યું….અને હમેંશ ની જેમ મારા વ્હાલા ના અદ્ભુત દર્શન…..હૃદય પૂર્વક કરવામાં આવ્યા…..મેઘરાજા એ વિરામ લીધો છે આથી આજે ભીડ સારી એવી હતી..વળી- યુવક મંડળ ની સભા  બેઝમેન્ટ ના સભાગૃહ માં ચાલુ હતી- આથી ભીડ હોવી સ્વાભાવિક જ હતી….તો- શરૂઆત- અદ્ભુત દર્શન થી….

આજના દર્શન....

આજના દર્શન….

સભામાં સ્થાન ગ્રહણ કર્યું ત્યારે પુ.શુક મુની સ્વામી ના સ્વરે – ધુન્ય કીર્તન નો લાભ મળી રહ્યો હતો……”સ્વામી સહજાનંદ મહારાજ …મારા રુદયે રહેજો રે…..”- અદ્ભુત કીર્તન છે….છેવટે તો જીવન કહો કે આ જન્મારો- જેનું અંતિમ ધ્યેય છે- હરિ ને હૃદય માં શાશ્વત સ્થાન આપવાનું અને એમને પામી જવાનું…! બસ- એના માટે- આ સત્પુરુષ અને સત્સંગ ને જીવન માં આત્મસાત કરો…..

ત્યારબાદ -સભામાં આ સત્સંગ માટે ગર્વ થાય એવી એક વાત બની. દુનિયા જાણે છે કે – આપણા પૂર્વ રાષ્ટ્રપતિ ડો. અબ્દુલ કલામ  જેવા મહાન વૈજ્ઞાનિક – ને પ.પુ.પ્રમુખ સ્વામી મહારાજ અને ભગવાન સ્વામિનારાયણ માં અખૂટ- અતુટ શ્રદ્ધા છે…..તો એમના એક સહયોગી કર્મચારી- અને મહાન વૈજ્ઞાનિક કે જે- DRDO સાથે સંકળાયેલા છે- અને જેમણે – ભારત માં જ વિકસિત- સ્વદેશી- અને સુલભ- હાર્ટ સ્ટેન્ટ( અર્થાત- હૃદય ની બ્લોક થયેલી નળીઓ ને ખોલતું- બલુન/સ્પ્રિંગ)  કે જેનું નામ- કલામ-રાજુ સ્ટેન્ટ – બનાવ્યું છે- તેવા – ડો. અરુણ તિવારી- સભામાં હાજર હતા…..તેમણે એક પુસ્તક લખ્યું  છે..” Squares of the circle”  એનું લોકાર્પણ – પુ. કોઠારી- સત્સંગી જીવન સ્વામી ના હસ્તે કરાવડાવ્યું….. અને પોતાના વક્તવ્ય માં કહ્યું કે-  પુ.પ્રમુખ સ્વામી ની પ્રેરણા થી જ – ડો. કલામ દ્વારા એમના વિઝાન ૨૦૨૦ – માટે વિજ્ઞાન અને અધ્યાત્મ- એકબીજા સાથે જોડાય એવી વાત બની….અને આ પુસ્તક- એમાં થી જ નીપજ્યું છે…..! બસ- આ જ સમજવાનું છે…….આપણે ગમે તેટલો વિકાસ કરીએ- પ્રગતિ કરીએ- પણ જો – એમાં ભગવાન અર્થાત- અધ્યાત્મ ન હોય તો- એ સદાયે અધૂરું જ રહેશે….! સાથે સાથે ડો. ઐયર – કે જે એક ભૌતિક વૈજ્ઞાનિક છે- એમનું પણ સન્માન થયું……..ડો. ઐયરે  તો- પુ.કોઠારી સ્વામી ને સાષ્ટાંગ દંડવત કર્યા….અને સમગ્ર સભા- તાળીઓ ના ગડગડાટ થી ગુંજી ઉઠી……..! મોટા લોકો પાસે થી આ શીખવા નું છે……..ગુરુ ને- ભગવાન ને- સત્સંગ ને એક પલ ભૂલવાના નથી….

ડો.અરુણ તિવારી

ડો.અરુણ તિવારી

ત્યારબાદ- શ્રીજી મહારાજ સ્મૃતિ પર્વ ઉપલક્ષ માં- પુ.પ્રિય સ્વરૂપ સ્વામી એ – મહારાજ ના અદ્ભુત ચરિત્રો- ગુણો નું વર્ણન કર્યું……સદ.નિષ્કુળાનંદ સ્વામી દ્વારા વર્ણિત- ગ્રંથો ના શ્લોક ઉપર – આ નિરૂપણ થયું…..જોઈએ એના અમુક અંશ…

  • શ્રીજી મહારાજ ના મુખ્ય ત્રણ ગુણ……એમાં પ્રથમ છે… ૧) અત્યંત કરુણા મય દ્રષ્ટિ- શ્રીજી મહારાજ નું રૂપ અદ્ભુત હતું…અને એમના નેત્રો માં સદાયે કરુણા છલકાતી રહેતી……પ.ભક્ત દીનાનાથ ભટ્ટ હોય કે કિશોરલાલ મશરૂવાળા- બધા એ એનું વર્ણન કર્યું છે……”દેખી ન જાયે દુખિયો રે….” એવી એમની કરુણા હતી…પોતાના ભક્તો માટે સદાયે કરુણા- દયા- સ્નેહ નો સાગર -એમના નેત્રો માં ઘૂઘવાતો રહેતો….
  • ગુણ ૨) શરણાગત વત્સલ- પોતાના ભક્તો ના કષ્ટ  ને પોતે ઉઠાવી લીધા…ભક્તો ના પ્રેમ ને વશ થઇ- એમની રક્ષા કાજે- અડધી રાત્રે પણ એ દોડી જતા……મોટી હળિયાદ ના રુક્માંબાઈ હોય કે અમરા પટગર…..શ્રીજી ના ચરિત્રો અદ્ભુત છે…..
  • ગુણ ૩) પતિત ઉધ્ધારક- અહિયાં પતિત ના બે અર્થ થાય- ૧) જે સામાજિક દ્રષ્ટી એ તિરસ્કૃત છે…..૨) જે અધ્યાત્મિક દ્રષ્ટિ એ પામર છે……શ્રીજી એ બધા જીવો નો ઉદ્ધાર કર્યો છે…….અને સતત પ્રયત્ન કર્યા છે કે- કોઈ “પતિત” ન રહે…બધા આધ્યાત્મિક- સામાજિક-આર્થિક ઉંચાઈ પ્રાપ્ત કરે….

ત્યારબાદ- આપણો સત્સંગ ક્યાં કયા ફેલાયો છે? એનો એક અદ્ભુત જવાબ મળ્યો…….પુ.ત્યાગવલ્લભ સ્વામી , પુ.બ્રહ્મવિહારી સ્વામી સાથે કુળ ૬ સંતો નું એક મંડળ- અનાર્ય દેશો( અર્થાત આરબ દેશો- દુબઈ-બહેરીન, શારજાહ, અજમાન,અલ્મીન….વગેરે…) ગયા મહીને જઈ આવ્યા…..જ્યાં આગળ – એટલા બધા કાયદા કડક છે કે- ખુલ્લા માં સત્સંગ કરવો પણ અઘરો છે….ત્યાં આગળ- સત્સંગી પરિવારો ની એકદમ  ઓછી વસ્તી હોવા છતાં- સત્સંગ સભા ઓ થાય છે….નિયમિત કથાવાર્તા થાય છે……એ જાણી ને ખુબ આનંદ થયો. સારંગપુર માં – પુ. સ્વામીશ્રી ના આશીર્વાદ લઈને ગયેલું આ મંડળ- આપણા સત્સંગ ના ઝંડા ફરકાવી ને આવ્યા……એનું અદ્ભુત નિરૂપણ- પુ.બ્રહ્મ વિહારી સ્વામી એ – વિવિધ સ્લાઈડસ અને રસપ્રદ પ્રવચન દ્વારા કર્યું…જોઈએ એમના અનુભવ…

અરબ દેશો માં સત્સંગ....

અરબ દેશો માં સત્સંગ….

  • પ.પુ.પ્રમુખ સ્વામી મહારાજ આ ખાડી ના દેશોમાં- ૧૯૮૨ થી અત્યાર સુધી માં કુલ ૪ વાર જઈને આવ્યા છે……અને એમના આશીર્વાદ થી જ આજે- આ દેશો માં – સત્સંગી પરિવારો ઓછા હોવા છતાં- સત્સંગ સભા નિયમિત થાય છે……અને પ્રવૃતિઓ પણ ખંત થી થાય છે……ત્યાના સરકારી અધિકારીઓ પણ- આપણ ને સહયોગ કરે છે- એ મોટી વાત છે…..
  • દુબાઈ- મંડળ ૨૦ બાય ૨૫ ના રૂમ માં સભા કરતુ હતું- આજે ત્યાના લોકલ સરકારી અધિકારીઓ ની મંજુરી થી – આજે ૩૬૦૦ ચોરસ ફૂટ થી મોટો સભા ખંડ ધરાવતું -એક હરિમંદિર ત્યાં ઉભું થયું છે…..સત્સંગ બમણો થયો છે અને – અઆરબ શેખો પણ હવે સત્સંગ માં દાન-ધરમ કરે છે……..! છે ને અદ્ભુત વાત!- મોટા પુરુષ ની લીલાઓ અદ્ભુત હોય છે…….
  • સંત મંડળે- બહેરીન ના રાજા સાથે મુલાકાત  કરી ને- સત્સંગ ના  પાઠ “ભણાવ્યા”…….! જેની નોંધ સમગ્ર દુનિયામાં લેવાઈ….
  • આ દેશો ના સત્સંગીઓ- કાર્યકરો- એટલા બધા નિષ્ઠાવાન છે કે- અનેક અડચણો નો સામનો કરી ને પણ- વિપરીત સંજોગો વચ્ચે સત્સંગ ને વળગી રહ્યા છે..અને આટલા મોટા કાર્યો થાય છે…..

ખરેખર અદ્ભુત વાત છે……..કે- જ્યાં તમે – ઇસ્લામ સિવાય અન્ય ધર્મ ની કલ્પના પણ ન કરી શકો- ત્યાં આગળ આટલા મોટી સંખ્યામાં સત્સંગ થઇ રહ્યો છે અને – એપણ વિશિષ્ટ મંજુરી સાથે……અને શેખો ની સહાય દ્વારા……! લાગે છે કે- શ્રીજી નો સંકલ્પ- કે “સો કરોડ મનવાર ભરાય એટલા જીવ નું કલાયન કરવું છે…” એ જરૂર સાર્થક થવા નો જ..અને પાંદડે પાંદડે સ્વામિનારાયણ નું ભજન થાશે…એમાં કોઈ શંકા નથીં…….!

ત્યારબાદ અમુક જાહેરાતો થઇ……

  • અમદાવાદ- સેટેલાઈટ માં આયોજિત- પારાયણ હવે ૧૪ ઓક્ટોબર થી થવાની છે- અને પુ.બ્રહ્મ વિહારી સ્વામી જેવા વિધવાન સંત- એમાં લાભ આપવા ના છે……
  • સત્સંગ પરીક્ષા ના ઉતીર્ણ થયેલા વિજેતા ઓ નું સન્માન કરવામાં આવ્યું…….

તો- આજની સભા- મોટા પુરુષો ના- સ્વયમ શ્રીજી ના સંકલ્પો ની સભા હતી……..યાદ રાખો- મોટા પુરુષો ના વચનો કદીયે નિષ્ફળ જતા નથી…….આથી બ્રહ્મ સ્વરૂપ યોગી બાપા ના વચન કે- લાખ સાધુ થશે……દુનિયા ના પ્રત્યેક ખૂણે – મંદિર થશે…….એ સત્ય ઠરવાનું જ…….!

જય સ્વામિનારાયણ…….રાજી રહેશો…..

રાજ

Advertisements

2 thoughts on “BAPS રવિસભા- ૨૯/૦૯/૨૦૧૩

  1. રાષ્ટ્રપતિ (મૌલાના) અબ્દુલ કલામ આઝાદ કે ડો. એપીજે અબ્દુલ કલામ?

    સ્પષ્ટતા કરશો.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s