Raj Mistry's world

Me,my stories and world around….

BAPS -ડૉ.કલામ શ્રદ્ધાંજલિ -રવિસભા-૦૨/૦૮/૨૦૧૫

Leave a comment

“I do not know when Pramukh Swamiji and I will meet again.His words,however,remain preserved in my memory. We have established a divine bonding,which is forever. How do I summarize Pramukh Swamiji’s effect on me?  He has indeed transformed me .He is the ultimate stage of spiritual ascent in my life ,which started with my father,was sustained by Dr Brahma Prakash and Prof.Satish Dhawan;now finally ………….Pramukh Swamiji has put me in a God -synchronous orbit. No manoeuvres are required anymore………….as I am placed in my final position in eternity….”

——————————————————–

Dr APJ Abdul Kalam-in book Transcendence – pg.50

આજની સભા એ મહાપુરુષ ની શ્રદ્ધાંજલિ ની સભા હતી કે જેણે માત્ર ૧૫ વર્ષ ના ટૂંકા ગાળામાં…માત્ર ૬-૭ વાર ની વ્યક્તિગત મુલાકાત થી સત્પુરુષ અને એના મહિમા ને જ્ઞાને સહીત જાણ્યો…માણ્યો…….અને જગત સાથે પુસ્તક સ્વરૂપે વહેંચ્યો………અને અક્ષરધામ નો અધિકારી થઇ ગયો…! વાત- સ્પષ્ટ થાય છે…..એ મહાપુરુષ ડો.કલામ સાહેબ ની……….અને સત્પુરુષ તો બ્રહ્માંડ આખું જાણે છે……..પ્રગટ બ્રહ્મ સ્વરૂપ પ્રમુખ સ્વામી મહારાજ !!!

વરસાદે થોડોક વિરામ લીધો છે………અને ડો.કલામ જેવા મહાન પુરુષ ના અક્ષરધામ ગમન પ્રસંગે – આ વખતે આપણા કોઈ મંદિરો માં ગુરુ પૂર્ણિમા ની કોઈ વિશેષ ઉજવણી ન હતી……કારણ કે ગુરુ પૂર્ણિમા તો અહિયાં હરપળ..હરઘડી ..હરરોજ હોય છે..! તો ચાલો શરૂઆત કરીએ…મારા વ્હાલા ના અદ્ભુત દર્શન થી……હિંડોળા ઉત્સવ ના દર્શન થી…………

11817249_452131264975051_5064706706316819692_n

સભાની શરૂઆત યુવક મિત્ર નીરવ વૈદ્ય અને મંડળ દ્વારા અદ્ભુત ગુરુ વંદના અને સ્વામિનારાયણ ધુન્ય થી થઇ…..ત્યારબાદ “દીવડો ધરો રે પ્રભુ દીવડો ધરો…તન-મન ના તિમિર હરો..” રજુ થયું…મનગમતું અને અદ્ભુત સાર ધરાવતું પદ અલગ અલગ જગ્યા એ-અલગ અલગ ભાવે- રાગે સાંભળ્યું છે………….અદ્ભુત હતું. ત્યારબાદ- પુ.બ્રહ્માનંદ સ્વામી રચિત કીર્તન “સંત પરમ હિતકારી” રજુ થયું અને સમગ્ર સભા જાણે કે સંત મહિમા માં ખોવાઈ ગઈ…!!! અદ્ભુત માહોલ…!

ત્યારબાદ, કલમ સાહેબ ની જીવન કથની રજુ કરતો અદ્ભુત વિડીયો રજુ થયો……રામેશ્વરમ ના એક સામાન્ય -હોડી બનાવનાર વ્યક્તિ નો દીકરો- સ્વબળે- મહેનત થી-પ્રમાણિકતા થી દેશ ના સર્વોચ્ચ પદ- રાષ્ટ્રપતિ પદ સુધી પહોંચે…તેના થી મોટો ચમત્કાર કયો હોય????? પ્રેરણાદાયી વિડીયો હતો. ત્યારબાદ પુ.વિવેક જીવન સ્વામી એ કલમ સાહેબ ના જીવન ના પાયા ના સિદ્ધાંતો ને સ્પષ્ટ કરતા કહ્યું કે…..

  • કલામ સાહેબ માં- બાળક જેવી પ્રમાણિકતા, કિશોર જેવી એનર્જી અને વયસ્ક જેવી સમજણ..ઠાવકાઈ હતી…….
  • એના પાછળ કલામ સાહેબે કહ્યું છે તેમ ૪ મુખ્ય સિધ્ધાંત હતા…..મુદ્દા હતા…૧) ઊંચું નિશાન..૨) જ્ઞાન પ્રાપ્તિ ૩) પુરુષાર્થ અને ૪) વિઘ્નો થી ન ગભરાવવું
  • કલામ નું જીવન અત્યંત સાદું હતું……અને તે આટલા મોટા વૈજ્ઞાનિક અને રાષ્ટ્રપતિ હોવા છતાં એકદમ નમ્ર હતા……એ વિવિધ ઉદાહરણો દ્વારા જાણવા મળ્યું.
  • માત્ર ૧૫ વર્ષ ના પ્રમુખ સ્વામી મહારાજ સાથે ના અનુભવે- કલામ ને એક પુસ્તક લખવા જેટલું જ્ઞાન અને હિંમત આપી…….આપણે શું કરી  ન કરી શકીએ???

અદ્ભુત…………ત્યારબાદ પુ.અક્ષર વત્સલ સ્વામી એ પણ પોતાનો અનુભવ વહેંચતા કહ્યું કે રાષ્ટ્રપતિ ભવન ના સલામતી રક્ષકો ને તડકા માં તપતા જોઈ એમના માટે કલામે – સ્થાયી છાંયડા ની-કવર ની વ્યવસ્થા કરી……અને પરિણામે રાષ્ટ્રપતિ ભવન ના કર્મચારીઓ આ એકમાત્ર રાષ્ટ્રપતિ ને અત્યંત હૃદય ના ભાવ થી આજે પણ યાદ કરે છે………

ત્યારબાદ- પ્રગટ બ્રહ્મ સ્વરૂપ પ્રમુખ સ્વામી મહારાજ અને કલામ સાહેબ ની અનોખી મૈત્રી દર્શાવતો વિડીયો રજુ થયો…………વિડીયો એ ઘણી જગ્યા એ લોકો ને પેટ પકડી ને હસાવ્યા ( બાપા ની હિન્દી થી… 🙂 ) તો ઘણી જગ્યા એ આંખો ને નમ બનાવી……….! મહા પુરુષો ની જીવન ગાથા હમેંશા અવિસ્મરણીય હોય છે……રહે છે…………..

ત્યારબાદ પુ.બ્રહ્મ વિહારી સ્વામી કે જેમણે કલામ અને બાપા વચ્ચે મોટે દર વખતે એક મધ્સ્થ ની -દુ ભાષીયા ની ફરજ નિભાવી છે…..એમણે પોતાના અદ્ભુત…પ્રેરણાદાયી પ્રસંગો નું પાન સમગ્ર સભા ને કરાવ્યું……તેમણે જણાવ્યું કે….

  • બાપા અને કલમ સાહેબ વચ્ચે ની વાતચીત દિવ્ય હતી…..અધ્યાત્મિક મૈત્રી હતી…..અને જગત કોઈ પણ ભાષા થી પરે હતી…………કલામ ને ગુજરાતી ન આવડે અને બાપા ને અંગ્રેજી ન આવડે………….પણ બંને વચ્ચે ની મૈત્રી…બાપા નો મહિમા…..કલામ સમજ્યા હતા- તેવું કોઈ સમજ્યું નથી…..
  • કલામ ને કદાચ પોતાના અંતિમ સમય નો ખ્યાલ હતો અને એટલા માટે જ પોતાની બુક માં એનો ઉલ્લેખ કર્યો છે……એમના સહયોગી પ્રોફ.અરુણ તિવારી ના એક પ્રશ્ન માં કલામે કહ્યું કે- હવે કશું કરવાનું બાકી નથી………..બધું પુરુ થઇ ગયું………..પ્રમુખ સ્વામી નો એકાંતિક ધર્મ સમજજો..અને બાળકો ને એ ભણાવજો…….અને વરસો પહેલા બ્રહ્મ વિહારી સ્વામી ને કહેલું કે- પ્રમુખ સ્વામી ને કહો કે “આ દેહ છૂટે ત્યારે પણ હું વિદ્યાર્થીઓ વચ્ચે હોઉં”…….અને જુઓ આજની ઘડી…………!
  • પ્રમુખ સ્વામી મહારાજે -કલામ ને સમજાવ્યું કે- ભગવાન માં શ્રદ્ધા વગર મનુષ્ય ક્યારેય સારો ન બની શકે…..અને પરિણામે દેશ પણ સારો ન બની શકે….માટે એ અનિવાર્ય તત્વ છે……..
  • કલામ કહેતા કે- પ્રમુખ સ્વામી – હોડી હાંકનાર છે…..અને એમના સંપર્ક આવનાર જીવો ને ભવસાગર પાર કરાવી દે છે…………..
  • જો કલામ ને બાપા ના મહિમા નું આટલું બધું જ્ઞાન હોય તો- આપણે તો નિત્ય સત્સંગ માં રહી એ છીએ…………આપણ ને કેમ નથી??? આપણે પણ સત્પુરુષ માં દિવ્ય ભાવ જોઈ શકતા નથી….?? Transcendence પુસ્તક વાંચો..એમાં બાપા વિશેની અમુક વાત- કલામ સાહેબે લખેલી છે…તે જાણે કે વચનામૃત ની વાતો હોય- તેવી છે…………….અરે..અરુણ તિવારી ને- કલામે -પુસ્તક લખવાનું જણાવ્યું તો તિવારી- કશું શરુ જ ન કરી શક્યા પણ છેવટે એ અમદાવાદ આવ્યા અને પુ.ઈશ્વર ચરણ સ્વામી એ -બાપા નો ફોટો એમને આપ્યો………જે ફોટો તિવારી સાહેબે એમના ડેસ્ક પર રાખ્યો અને જાણે કે સમગ્ર બુક- સહજ માત્ર માં- અનાયાસે -શબ્દો  સુઝતા ગયા..ગાથા લખાતી ગઈ….! આ ખુદ તિવારી સાહેબ પોતે વર્ણવે છે…!!!

( મોબાઈલ રેકોર્ડેડ -પ્રવચન- પુ.બ્રહ્મવિહારી સ્વામી – ડો.કલામ સાહેબ ને શ્રદ્ધાંજલિ)

http://chirb.it/wp/4pC13s

Check this out on Chirbit

અદ્ભુત………..અદ્ભુત……………!…….સમગ્ર સભા ને- આ પુસ્તક પાછળ નો…….કલામ સાહેબ જેવા મહા પુરુષ નો…..અને પ્રગટ સત્પુરુષ કેવા દિવ્ય કાર્યો અન્ય દ્વારા કરાવડાવે છે…………..તેનો પ્રત્યક્ષ અનુભવ થયો……………….કલામ  સાહેબ જેવા શુદ્ધ વૈજ્ઞાનિક માણસ….એક બાળક ના પ્રશ્ન ના ઉત્તર માં કહે છે કે- ભગવાન છે…..છે…અને છે જ……..અને એમ માની ને પોતાનું કાર્ય કરતા જાઓ……એમને સાથે રાખી ને કાર્ય કરો……સફળતા જરૂર મળશે…! હવે બાકી શું રહ્યું?????

ત્યારબાદ પુ.પ્રેમ વદન સ્વામી,સંતો અને યુવકો દ્વારા ડો.કલામ  સાહેબ ની આત્મા ની શાંતિ માટે- સ્વામિનારાયણ ધુન્ય થઇ…..અને તમે સમગ્ર સભા નો ઉત્સાહ જુઓ તો સમજાય કે…….સાચી શ્રદ્ધાંજલિ કોને કહેવાય????  પુ.બ્રહ્મ વિહારી સ્વામી એ કહ્યું તેમ……સાચી શ્રદ્ધાંજલિ તો બાપા એ- સ્વામિનારાયણ મંત્ર ની માળા -જાપ કરી ને- કલામ સાહેબ ને આપી…..! આખી સભા લગભગ- ૧૫-૨૦ મિનીટ સુધી ધુન્ય માં એકતાર થઇ ગઈ……..!

અને સભા ને અંતે- દિલ્હી અક્ષરધામ કઈ રીતે બન્યું??? એની પાછળ નો ઈતિહાસ..મહેનત..સત્પુરુષ અને સંતો ના સંકલ્પ અને દાખડા- ને દર્શાવતી ડીવીડી પ્રગટ થઇ છે…………ત્રણ ભાગ માં ૭ કલાક નો વિડીયો છે……………અચૂક વસાવવા માં આવશે…………!

તો- આપણી સાચી શ્રદ્ધાંજલિ- ડો.કલામ ને એ જ હશે કે- સત્પુરુષ ને ઓળખવા…..એમને સમજવા…એમની પરા વાણી ને જીવન માં ઉતારવી…એક સારા મનુષ્ય…એક સારા નાગરિક બની ને દેશ ને આગળ ધપાવવો……..વિકાસ કરવો…!

જય સ્વામિનારાયણ…………

રાજ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s