Raj Mistry's world

Me,my stories and world around….

BAPS રવિસભા- ૧૮/૧૦/૨૦૧૫

Leave a comment

પછી શ્રીજીમહારાજ બોલ્યા જે, “કીર્તન રહેવા દ્યો ને સર્વે સૂરત દઈને સાંભળો, એક વાર્તા કરીએ છીએ જે, જેટલા કલ્યાણને અર્થે વ્યાસજીએ ગ્રંથ કર્યા છે તે સર્વે સૂરત રાખીને અમે સાંભળ્યા…………… તે સર્વે શાસ્ત્રમાં એ જ સિદ્ધાંત છે અને જીવના કલ્યાણને અર્થે પણ એટલી જ વાત છે જે, આ સર્વ જગત છે તેના કર્તાહર્તા એક ભગવાન છે……………………

………..અને એ સર્વે શાસ્ત્રને વિષે ભગવાનનાં ચરિત્ર છે કાં ભગવાનના સંતનાં ચરિત્ર છે. અને વર્ણાશ્રમના ધર્મની જે વાર્તા છે અને તેનું ફળ જે ધર્મ, અર્થ અને કામ છે; તેણે કરીને કાંઈ કલ્યાણ થતું નથી ………અને કેવળ વર્ણાશ્રમના ધર્મ વતે તો સંસારમાં કીર્તિ થાય ને દેહે કરીને સુખિયો રહે એટલું જ ફળ છે……………. અને કલ્યાણને અર્થે તો ભગવાનને સર્વકર્તાહર્તા જાણવા એ જ છે…………

……………….અને જેવું પરોક્ષ ભગવાનના રામ-કૃષ્ણાદિક અવતારનું માહાત્મ્ય જાણે છે તથા નારદ, સનકાદિક, શુકજી, જડભરત, હનુમાન, ઉદ્ધવ ઇત્યાદિક જે પરોક્ષ સાધુ તેનું જેવું માહાત્મ્ય જાણે છે તેવું જ પ્રત્યક્ષ એવા જે ભગવાન તથા તે ભગવાનના ભક્ત સાધુ તેનું માહાત્મ્ય સમજે તેને કલ્યાણના માર્ગમાં કાંઈયે સમજવું બાકી રહ્યું નહીં. તે આ વાર્તા એક વાર કહ્યે સમજો અથવા લાખ વાર કહ્યે સમજો, આજ સમજો અથવા લાખ વર્ષ કેડે સમજો પણ એ વાત સમજ્યે જ છૂટકો છે…………..”

———————————————

વચનામૃતમ- ગઢડા મધ્ય-૨૧

સત્સંગ એટલે કે સત્પુરુષ નો સંગ……..અને એ જ સત્પુરુષ તમને કલ્યાણ ના માર્ગે લઇ જાય છે…….કઈ રીતે??? તો સત્પુરુષ સમગ્ર સત-શાસ્ત્રો નો સાર કઢી ને સમજાવે છે કે- સર્વ ના કર્તાહર્તા તો એક શ્રીજી જ છે…એમની મરજી વિના સુકું પાંદડું પણ હાલી શકતું નથી…….! અને એક વાર આ દ્રઢ થાય પછી જ શ્રીજી નો મહિમા સમજાય છે…કલ્યાણ નો માર્ગ મોકળો થાય છે……! માટે જ કલ્યાણ માટે ની આ અનિવાર્ય શરત છે…….માર્ગ છે…..

ઘણા સમય બાદ રવિસભા તમારી સાથે વહેંચી રહ્યો છું…..ગયા રવિવારે મંદિર મીટીંગ માં હતો…સભા માં હતો પણ સમય-સંજોગ ને અભાવે તમારી સાથે એનો ગુલાલ ન કરી શક્યો……તો ચાલો આજે એના વળતર રૂપે બળવત્તર સભા નો ..એવો જ રંગદાર ગુલાલ..! શરૂઆત- જગત ના નાથ ના દર્શન થી….

12118937_476186122569565_1284584976384965672_n

સભામાં સ્થાન ગ્રહણ કર્યું ત્યારે- પુ.કૃષ્ણસ્વરૂપ સ્વામી ના સુરીલા અવાજ માં -સ્વામિનારાયણ મહામંત્ર ની ધુન્ય ચાલી રહી હતી………જીવને નવું જોમ આવ્યું….બળ મળ્યું…….! શ્રીજી ના નામ નો મહિમા જ એવો છે……અનુભવો-તો જાણો..! ત્યારબાદ એમના જ સ્વર માં બે કીર્તન માણવા મળ્યા…..

  • સ્વામી સહજાનંદ મહારાજ..મારા રુદયે રહેજો રે……
  • રહેજો રહેજો …..તમે સદાયે સાથે રહેજો રે…..

ત્યારબાદ- એ જ કીર્તન વર્ષા માં પુ.દિવ્ય કિશોર સ્વામી એ  મુક્તાનંદ સ્વામી રચિત..” મારા વ્હાલાજી શું વ્હાલપ દીસે રે….” રજુ કર્યું અને સમગ્ર સભા તાળીઓ ના ગડગડાટ થી ગુંજી ઉઠી……….

ત્યારબાદ- પ્રગટ અક્ષર બ્રહ્મ પ્રમુખ સ્વામી મહારાજ ના સારંગપુર મહાતીર્થ ખાતે-૧૪ ઓક્ટોબર ના દર્શન નો વિડીયો લાભ સર્વે ને મળ્યો………આટલી બધી દેહ ની પીડા- ઉમર ની અવસ્થા પણ ચહેરા પર તાજગી અને પ્રસન્નતા જુઓ તો નાના બાળક જેવી જ લાગે……! આ જ તો અક્ષર બ્રહ્મ ની લાક્ષણિકતા છે,……..

ત્યારબાદ જેની રાહ જોવાતી હતી એ- પુ.અક્ષર વત્સલ સ્વામી જેવા પ્રખર વિદ્વાન અને વક્તા દ્વારા ” ભગવાન ના સર્વ કર્તાહર્તા પણા” પર ગઢડા મધ્ય-૨૧ ના વચનામૃત ને આધારે અત્યંત રસપ્રદ-બળવત્તર પ્રવચન થયું……જોઈએ એના અમુક અંશ…

  • સંસાર નું બીજું નામ દુખ છે…….અને એમાંથી કલ્યાણ માટે- એક ભગવાન ને જ સર્વ ના કર્તાહર્તા સમજવા એ જ છે….
  • પ.પુ.મહંત સ્વામી કહે છે કે – જીવનની ચિંતાઓ અનેક છે…પણ ઉકેલ એક છે………..ભગવાન નું સર્વ કર્તાહર્તા પણું સમજવું…….એક એનું જ ધાર્યું થાય છે…
  • મહાભારત ના ઐતિહાસિક પ્રસંગ – દ્રૌપદી ના ચીર હરણ માં- કૃષ્ણ ભગવાને જે રક્ષા કરી…એના પરથી શીખવાનું છે કે- જયારે તન-મન-ધન એક ભગવાન ને સોંપ્યા હોય ત્યારે-ભગવાન સદાયે આપણી રક્ષા માં રહે છે….
  • આપણે સત્સંગી થયા છીએ…એક શ્રીજી નો જ આશરો દ્રઢ કર્યો છે છતાં જો સત્સંગ કરતા દુખ આવે તો કેટલાક તૂટી જાય છે અને જ્યોતિષી-ભુવા પાસે દોડી જાય છે……..પણ યાદ રાખવાનું એ છે કે- સમગ્ર ગ્રહ મંડળ-તારા મંડળ- બ્રહ્માંડો -શ્રીજી ના એક ઈશારા એ ચાલે છે…..એક એમનું ધાર્યું થાય છે…..આથી જો એમની મરજી હશે તો સુખ આવશે..કે દુખ આવશે…પણ એ પણ હરિભક્ત ના સુખાકારી માટે જ..!
  • ઘા-ઘા માં ફેર હોય છે…….કસી નો ઘા કોઈનો જીવ લેવા માટે હોય છે તો ડોક્ટર નો ઘા- જીવ બચાવવા માટે…એમ ભગવાન પોતાના ભક્ત ને દુખ આપે તો- કૈંક સારા માટે જ આપતો હશે..એમ સમજી એને સહન કરી લેવું……
  • એક આત્મા નો વિચાર અને એક પરમાત્મા નો વિચાર- અંતર માં હોય તો હૈયા માં સદાયે ટાઢક રહે છે……ચિંતા જોજનો દુર રહે છે…..
  • પ્રગટ અક્ષર બ્રહ્મ -પ્રમુખ સ્વામી મહારાજ નું સમગ્ર જીવન જુઓ………દેહ ની પરવા કર્યા વગર સખત ભીડા વચ્ચે પણ- શ્રીજી-સ્વામી-ગુરુઓ ના સંકલ્પ પુરા કરવા- હરિભક્તો ને રાજી કરવા મંડ્યા રહ્યા…પરિણામે- આજે ૯૪ વરસે દેહ- હવે ક્ષીણ થયો છે પણ તાજગી એવી ને એવી છે……ઉત્સાહ-ચમક એવી ને એવી છે…….દેહ ના ભીડા ઓ ની – એમને સહેજ પણ પરવા નથી…….મોટા મોટા ઓપરેશન હોય કે અસહ્ય તાવ-પણ પ્રમુખ સ્વામી મહારાજ સદાયે સ્થિર રહ્યા છે…પોતાની પીડા કોઈને જણાવી નથી…એ સ્થિતપ્રજ્ઞતા ના સાક્ષી સ્વામીશ્રી નો ઈલાજ કરનારા ડોક્ટર્સ છે…………
  • ફિલાડેલ્ફિયા ઇન્કવાયર ના તુંડ મિજાજી એડિટર -રોન પટેલ સાથે ના ઈન્ટરવ્યું માં- સ્વામીશ્રી ની દરેક વાત માં- એક શ્રીજી નું જ કર્તાહર્તા પણું હતું…………૪૫ મિનીટ ચાલેલી આ વાતચીત માં- ભલભલા ને ઢીલા કરી નાખનાર રોન પટેલ- ખુદ ઢીલો પડી ગયો હતો……..કારણ કે- પ્રમુખ સ્વામી મહારાજ નું અહં શૂન્ય જીવન……સ્થિતપ્રજ્ઞતા…….બધો શ્રેય પોતાના ગુરુઓ- ભગવાન ને આપવા નો ગુણ……અતુલ્ય હતા…………!
  • સત્સંગ માં આવ્યા પછી- સ્વભાવ-અભાવગુણ-માંન -ઈર્ષ્યા-કપટ-છોડવા પડે……..એ ન છૂટે તો સત્સંગ દ્રઢ ન કહેવાય…………!

અદ્ભુત…..અદ્ભુત………!!! ચાલો આપણે પણ હિમરાજ શાહ ની જેમ- સ્વામિનારાયણ ભગવાન ની નિષ્ઠા દ્રઢ કરીએ…….ચાહે દુખ અનંત આવે..અપમાન-થાય……છતાં પણ સહેજ પણ ન ડગી એ……..એક આપણી જાત ને આત્મા સમજીએ- અને શ્રીજી નો સર્વોપરી પણું સમજીએ……! આ માહાત્મ્ય યુક્ત જ્ઞાન આવશે તો જ સત્સંગ માં આગળ વધાશે…..

ત્યારબાદ- આજે સવારે જ થયેલી – સત્સંગ જ્ઞાનામૃતમ ની સ્પર્ધા ના વિજેતા જાહેર થયા…………..અને આવનારી સત્સંગ પરીક્ષા ઓની જાહેરાત થઇ…!

તો આજની સભા અદ્ભુત હતી………….શ્રીજી ના સર્વોપરી પણા ની દ્રઢ નિષ્ઠા કરાવવા ની હતી……અને એના વગર સત્સંગ માં પ્રગતિ શક્ય જ નથી…જીવન માં શાંતિ શક્ય જ નથી…..

જય સ્વામિનારાયણ

રાજી રહેજો

રાજ

 નીચેની લીંક પરથી મોબાઈલ રેકોર્ડેડ- પુ.અક્ષર વત્સલ સ્વામી નું આજનું પ્રવચન સાંભળી શકાશે……….( ગુણવત્તા ઓછીવત્તી હોઈ શકે છે)

http://chirb.it/HE1s0H

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s