Raj Mistry's world

Me,my stories and world around….

સ્કુલ ચલે હમ…………

Leave a comment

સમય જળ ની ધારા જેવો છે……..અને એ પણ નાયગ્રા નદી ના પ્રવાહ જેવો…..એક નિમિશ વીતે ને લાખો ગેલન પાણી વહી જાય તેવું જ……!! દીકરા હરિકૃષ્ણ સાડા ત્રણ વર્ષ નો થઇ ગયો……પણ હજુ લાગે છે કે જાણે કાલ ની જ વાત છે…….!! એના પાછળ સમય જાણે કે સરકતો જ જાય છે અને બંધ મુઠ્ઠી મા હજુ કેટલા તારલા ભરેલા પડ્યા છે……એ કોને ખબર????

અને સમય વીતવાની સાથે દરેક મા-બાપ ને આવે એ તનાવ….સંતાન ના ભણતર નો તણાવ આવી ઉભો રહ્યો……અને પ્રશ્નો શરુ થયા….મારા અને રીના વચ્ચે વૈચારિક મતભેદ જન્મ્યા ત્યાર ના છે…….. J !! જો કે હું એને સકારાત્મક રીતે લઉં છું……અને પતિ તરીકે એ સિવાય છુટકો જ નથી……ધાર્યું ધણીયાણી નું થાય એમ ઇતિહાસ કહે છે…….! એટલે હરિ ના ભણતર વિષે અમુક પ્રશ્નો આવી ઉભા રહ્યા…….જેવા કે….

  • હરિ ને કેટલી ઉમરે સ્કુલ મા મુકવો???
  • કયા મધ્યમ મા શિક્ષણ અપાવવું….???
  • કઈ સ્કુલ મા મુકવો????
  • એની સ્કુલ ના ટાઈમિંગઝ આપણ ને અનુકુળ થશે???
  • એને લેવા-મુકવા –હોમવર્ક નું કામ કોણ કરશે????

વગેરે વગરે……..

હવે આં પ્રશ્નો એવા છે કે –પ્રથમ સંતાન માટે યક્ષ પ્રશ્ન જેવા લાગે……અને મારી અંગત ઈચ્છા એવી હતી કે……અત્યાર નું ભણતર એ બોજા જેવું છે……ગધ્ધા વૈતરું જ છે….રીક્ષાઓ મા લટકતું આપણું ભવિષ્ય રોજ જોઉં છું અને સાલું લાગી આવે કે આ શું છે……???? અંગ્રેજી માધ્યમ મા સંતાન ને મુક્યા પછી “આધુનિક” માતા ઓ કુતરા ને ડોગી કહી ઓળખાવે …..ભેંસ ને બફેલો કહે…..વાંદરા ને મંકી કહે એટલે લાગે કે સાલું આ ભાષા ના ચક્કર મા આપણે ડોગી….મંકી જેવા થઇ ગયા છે…….!! અમે લોકો ગુજરાતી દેશી શાળા મા ભણેલા છતાં આજે અંગ્રેજી મા સંતોષકારક રીતે વ્યવહાર કરી શકીએ છીએ…..પછી આ બધી રેટ-રેસ…..ઉંદર દોડ  શા માટે?????? ઘરમાં ગુજરાતી બોલાય…..ક્લાસ મા હિન્દી-અંગ્રેજી બોલાય અને આ નાના નાના બચ્ચા બિચારા મૂંઝાઈ જાય કે – બિલાડી ની કેટ કેમની થઇ ગઈ…????? માતૃભાષા ને આમ રઝળતી જોઉં એટલે ખરેખર લાગી આવે……!!!! પણ આપણે રહ્યા પામર જીવ……ઘરની શાંતિ ….ઘરવાળા ઓ ની એષણાઓ ન ડહોળાય એટલે આપણી અંગત ઈચ્છા ઓ ને તડકે મૂકી સુકવી દીધી…..!!!! મારા ગુરુપ્રમુખ સ્વામી મહારાજ કહે છે એમ…..મનધાર્યું મુકવું…….!!!! અને આપણે મૂકી દીધું…….તો….

  • હરિભાઈ ને ૩.૫ વર્ષ ની કાચી ઉમરે પૈસા છાપવા ની ફેક્ટરી( સ્કુલ સંચાલકો માટે)  –અર્થાત પ્રી- સ્કુલ –જુનિયર કે.જી. મા ડાયરેક્ટ મુકવામાં આવ્યા…….સરકારી નિયમ છે કે ૩૧ મી મેં ના રોજ –બાળક ને ૫ વર્ષ પુરા થતા હોય તો તેને પહેલા ધોરણ મા મૂકી શકાય…….આમ, તો બધી સ્કુલ મા ૬ વરસ નો નિયમ છે….નર્સરી-જુનિયર-સીનીયર કે જી –મા કુલ ત્રણ વર્ષ થાય ( પ્રી સ્કુલ ની ફી- ૧૮૦૦૦ + થી શરુ થઇ ૧ લાખ પ્રતિ વર્ષ હોય છે….) એટલે ૬ વરસે ભાઈ પહેલા મા આવે……પણ મને લાગ્યું કે પ્રી-સ્કુલ મા ભણવા ને નામે નાટક સિવાય કશું જ થતું નથી…..આથી હરિ ના જીવન નું એક વર્ષ બચાવવા –રૂપિયા નો બગાડ/લુંટ બચાવવા જુનિયર કેજી મા મુકીએ……પછી નહિ ફાવે તો નર્સરી મા પાછો લઇ આવશું……!! હવે જોઈએ આગળ શું થાય છે…….!
  • સંતાન ના ભણતર માટે — એકલા –સાસુ સસરા-સયુંકત કુટુંબ થી દુર્-શહેર મા -સ્વતંત્ર રહેવા ઇચ્છતા આધુનિક –“ભણેલા” મા-બાપ માટે આ પડકાર હિમાલય જેવા હોય છે….અને એમાંયે જો મા-બાપ બંને જોબ કરતા હોય તો સંતાન નું આવી જ બને…..!! આથી અન્ય પરિબળ મા ફેર ન પડી શકતા…..ઘણું વિચાર્યા બાદ …મારી જાત ને જ પરિવર્તન મા ગોઠવી દીધી…..! નોકરી ને તિલાંજલિ આપેલી હતી…….નવી નોકરી શોધવાનું છોડી અતિ જોખમી રસ્તો- અર્થાત ધંધો કરવાનું વિચાર્યું….કારણ કે રીના ની સરકારી નોકરી……અનેક જન્મ ના તપ બળે મળેલી – આ નોકરી છોડવા કરતા મારી નોકરી છોડવી સારી….એમ સ્વ બુદ્ધિ એ વિચારી…….શ્રીજી ની મરજી સમજી….સંતો ની આજ્ઞા થી…..અસંખ્ય વિરોધ-અપમાનો-ગાળો વચ્ચે – ધંધો શરુ કર્યો……હરી ની સ્કુલ એવી પસંદ કરી કે – રસ્તામા જ આવે…….વળી નજીક છે …….અને એ સ્કુલમાં આપણા પ્રધાનમંત્રી મોદી સાહેબ …દર પાંચ વરસે એકવાર વોટ નાખવા આવે છે…………..એટલે બધું ગોઠવાયું……! સ્કુલ ની ફી સિવાય….એના યુનિફોર્મ…બુક્સ…બેગ નો ખર્ચ પાડ્યો…….!પછી ગોઠવાયું એવું કે…..સવારે રીના –અતિ કષ્ટ લઇ હરિ ની બેગ-કપડા –નાસ્તો તૈયાર કરી સ્કુલ મા જતી રહે…..હું હરી ને નવડાવી-તૈયાર કરી સ્કુલ છોડવા-મુકવા જાઉં……બપોરે જમાડી દઉં……દુકાને લઇ જાઉં……..અને ડોગી,કેટ,બફેલો …..ને બતાવતો રહું….શીખવાડતો રહું…..!!! આમાં અમારી હાલત ડોગી જેવી થઇ ગઈ છે…એ અલગ વાત છે…. J
  • હરિ ભાઈ ને સ્કુલ મા શરુ શરુ મા તો મજા આવી….પણ જયારે હાથમાં પેન્સિલ પકડવા ની આવી એટલે ભાઈ વિદ્રોહમાં ઉતરી પડ્યા…..સવારે ઉઠાડું એટલે આંખ ખોલ્યા વગર જ બોલે…..મારે ભણવું નથી……!!! હાહાહાહા…….મારે તો એને મનાવતા જીવ ડોકે આવી ગયો……!! ગમે તેમ કરી-પટાવી-મનાવી સ્કુલ મોકલવા નું શરુ કર્યું………છુટકો જ નહોતો……!! નયા અફસર….નયા જુતા….નયી સ્કુલ….શુરુ શરું મેં તીનો કાટતે હૈ…!!!! એટલે મન મક્કમ કરી હરિ ને ગોઠવ્યો……..પણ પડકાર હજુ બાકી જ હતા…….! સ્કુલમાં સેટ થયા …એટલે ભાઈ ની સ્કુલમાં થી ફરિયાદ આવવા લાગી કે- એ બધા ને મારે છે…!! ઓત્તારી…..આણે તો ભારે કરી…! રીના એ તો કડક વલણ અપનાવ્યું એટલે હરીભાઈ થોડાક સુધર્યા છે……પણ હોમવર્ક કરવા બેસાડો તો ખરા…..!! હાથમાં પેન્સિલ અને બુક પકડાવો તો એ બધું વિમાન બની રૂમ મા ઉડે…!!! હે શ્રીજી……….!!!! સમય આવે બધું ઠેકાણે પડશે…..અમે હિંમત નહિ હારીએ એ પાકું છે……..પણ બળજબરી કરતા કળ થી કામ લેવું પડશે…….એ પણ પાકું છે..!

 

જોઈએ………હવે આગળ શું થાય છે………હરિ લીલામૃતમ કયા નવા ચરિત્ર પ્રગટ કરે છે…???? આ બધું જોઈને અમારી જૂની શાળા-શિક્ષકો યાદ આવે છે……..અને અફસોસ થાય છે કે ગામડા માંથી શહેર મા આવી…….ગુજરાતી મા થી અંગ્રેજીમાં આવી…….બાલમંદિર મા થી કેજી મા આવી – આપણે પ્રગતિ કરી છે કે અધોગતિ????? શું સુધર્યું છે કે ..શું બગડ્યું છે……એ તો ભાવી ના ગર્ભ મા દફન છે…..એ તો સમય આવે જ સમજાશે કે આ ઉંદર દોડ મા ..પાછળ શું શું છૂટી ગયું??????

હરિ ઈચ્છા બળવાન છે…………અને ભણવા જેવી તો એક બ્રહ્મવિદ્યા જ છે…….સંસાર હોય કે સન્યાસ……એ ભણ્યા સિવાય બધું ગોખણીયું જ્ઞાન –ગધ્ધા વૈતરું જ છે……!!!!

રાજ

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s