Raj Mistry's world

Me,my stories and world around….


Leave a comment

BAPS સત્પુરુષ સ્વાગત રવિસભા-૦૨/૦૯/૨૦૧૮

ભગવાનની પેઠે સેવા કરવા યોગ્ય એવા જે સંત તે કેવા હોય?

તો

  • ઇન્દ્રિયો, અંતઃકરણ આદિક જે માયાના ગુણ તેની જે ક્રિયા તેને પોતે દાબીને વર્તે પણ એની ક્રિયાએ કરીને પોતે દબાય નહીં; ……..
  • ને ભગવાન સંબંધી ક્રિયાને જ કરે;……..
  • ને પંચ વર્તમાનમાં દ્રઢ રહેતા હોય;…..
  • ને પોતાને બ્રહ્મરૂપ માને ને પુરુષોત્તમ ભગવાનની ઉપાસના કરે…….

એવા જે સંત તેને મનુષ્ય જેવા ન જાણવા ને દેવ જેવા પણ ન જાણવા;…… કેમ જે, એવી ક્રિયા દેવ-મનુષ્યને વિષે હોય નહીં……… અને એવા સંત મનુષ્ય છે તો પણ ભગવાનની પેઠે સેવા કરવા યોગ્ય છે……

……..માટે જેને કલ્યાણનો ખપ હોય એવા જે પુરુષ તેને એવા સંતની સેવા કરવી.


ભગવાન શ્રી સ્વામિનારાયણ – વચનામૃત- ગઢડા અંત્ય-૨૬

ગઢડા પ્રથમ 27 માં શ્રીજી મહારાજ કહે છે કે એકાંતિક સત્પુરુષ ના અંગે અંગ માં ભગવાન રહેલા છે ..અને એથી જ એવા એકાંતિક સત્પુરુષ ને મન કર્મ વચને કરી સેવવા એટ્લે કે સાક્ષાત ભગવાન ને સેવવા…….અને આવા એકાંતિક પુરુષ માં જો દ્રઢ પ્રીતિ થાય તો જીવ ને સાક્ષાત ભગવાન ની પ્રાપ્તિ થાય છે અને જીવ પરમપદ ને પ્રાપ્ત કરે છે……પણ પ્રશ્ન એ કે આવા એકાંતિક સત્પુરુષ કે જે સદાયે ચિરંજીવી છે…..એમને ઓળખવા કઈ રીતે??? ઉત્તર છે…એમના ગુણ દ્વારા…….અને એ ગુણ ક્યા?? તો ઉપરોક્ત વચનામૃત માં શ્રીજી એ વર્ણવ્યા છે તેવા……!! ……

તો…આજે એવા જ એકાંતિક સંત….પ્રગટ અક્ષરબ્રહ્મ અમદાવાદ ના હરિભક્તો ના હૈયા ને ઠારવા માટે….બ્રહ્મ નો આનંદ આપવા આજે અટલાદરા થી શાહીબાગ મંદિરે પધારવા ના હતા…અને હૈયા ના આ ઉમળકા થી..એ સત્પુરુષ નું સ્વાગત કરવા – સમગ્ર શાહીબાગ મંદિર પરિસર- સભા ગૃહો…..હરિભક્તો ના અસ્ખલિત પ્રવાહ થી છલોછલ ભરાઈ ગયા હતા ……! એનું દ્રશ્ય કોઈ પણ જુએ તો સમજાય કે- અક્ષરબ્રહ્મ એટ્લે કે ચમક નો પહાડ……એમાં શ્રીજી પ્રગટ પ્રમાણ રહ્યા છે..જેથી જીવમાત્ર સહેજે ખેંચાઇ આવે…..એમાં લેશ માત્ર સંશય નથી….!

સાંજે 4-30 પછી મંદિર ના દર્શન – વ્યવસ્થા ના ભાગ રૂપે બંધ હતા આથી ઠાકોરજી ના દર્શન – પડદા પર જ કરી સંતૃપ્ત થવું પડ્યું…….સભાની શરૂઆત – યુવકો દ્વારા ધૂન …… અને કીર્તન થી થઈ……જે કીર્તન રજૂ કર્યા તે નીચે મુજબ હતા…..

  • આજ સખી આનંદ ની હેલી…..રચયિતા- જેરામ બ્રહ્મચારી…જે આજના સ્વાગત સમારોહ માં હરિભક્તો ના ઉત્સાહ..ઉમંગ નું યથાર્થ નિરૂપણ હતું….
  • આવો આવો શ્રીજી સ્વામિ આવો……
  • શ્યામ સનેહી ઘેર આવ્યા……..રચયિતા- પ્રેમાનંદ સ્વામિ
  • અલબેલા જી મારે ઓરડે રે……- બ્રહ્માનંદ સ્વામિ…..અને સમગ્ર સભા જાણે કે સંગીત -કીર્તન ના આ પ્રવાહ માં એકાકાર ….. થઈ ગઈ…..અને બધા ની નજર -એ સત્પુરુષ ના આગમન માં વિહવળ બની સ્થિર થઈ ગઈ….

ત્યારબાદ પૂ. યગ્ન પ્રિય સ્વામિ એ – અનાદિ મૂળ અક્ષર ગુણાતીતાનંદ સ્વામી ની અક્ષર વાતો-1/1 અને વચનામૃત ગઢડા અંત્ય-૨૬ અને અનેક ઉદાહરણો -પ્રસંગો દ્વારા બ્રહ્મ સ્વરૂપ પ્રમુખ સ્વામી મહારાજ અને પ્રગટ અક્ષરબ્રહ્મ મહંત સ્વામી મહારાજ ના ગુણાતીત ગુણ…એની સામ્યતા નું અદ્ભુત નિરૂપણ કર્યું……એ ગુણ માં…..

  • ગુરુ ના સ્વરૂપ..વચન માં અડગ નિષ્ઠા
  • નિયમ ધર્મ -પંચ વર્તમાન માં દ્રઢતા
  • કથા વાર્તા માં ઇશક
  • સત્સંગ માટે દેહ ને કૃષ્ણાર્પણ કરવો…
  • દાસાનુદાસ
  • ગુરુ ની રુચિ એ જ જીવન
  • અત્યંત સરળ સ્વભાવ
  • બધો જશ ગુરુ ને
  • નિસ્વાદીપણું
  • એક ભક્તિ ને જ સર્વ ક્રિયા માં પ્રાધાન્ય
  • ભગવાન નો અતિ મહિમા
  • જીવ માત્ર પર પોતાની હાજરી નો દિવ્ય પ્રભાવ
  • ઐશ્વર્ય

આવા એકાંતિક પુરુષ આપણ ને સાક્ષાત મળ્યા ચ્હે તો તેમને રાજી કરી લઈએ એટ્લે બધુ ભયો…ભયો……!!

ત્યારબાદ સભા – સ્વામીશ્રી ની કાગડોળે રાહ જોઈ રહી હતી- તેની શાતા માટે – સ્વામીશ્રી ના અટલાદરા દિવ્ય વિચરણ ના અદ્ભુત વિડીયો દર્શન નો લાભ મળ્યો અને સ્વામીશ્રી ના આગમન બાદ- અમદાવાદ ખાતે વિવિધ ઉત્સવ – દિન ના આયોજન…પાર્કિંગ વ્યવસ્થા વિષે અગત્ય ની જાહેરાત થઈ…..

છેક સાડા સાત – પોણા આઠ વાગ્યે સત્પુરુષ ની ધોધમાર વરસાદ વચ્ચે ભવ્ય પધરામણી થઈ…….આરતી બાદ પૂ.ઈશ્વર ચરણ સ્વામી એ સત્પુરુષ ના મહિમા વિષે અદ્ભુત પ્રવચન થયું અને સ્વામીશ્રી મંદિર માં ઠાકોરજી ના દર્શન કરી – નીચેના સભા ગૃહ માં અને ત્યારબાદ ઉપર ના સભા ગૃહ માં પધાર્યા…….સભાગૃહ જ્યજ્યકાર ના નાદ સાથે ગુંજી ઉઠ્યું…..સ્વામીશ્રી ના ચરણો માં હજારો શીશ નમી પડ્યા…….! સ્વામીશ્રી એ – મનોહર હિંડોળા પર હરિકૃશ્ન મહારાજ ને બિરાજ માન કરી ઝુલાવ્યા અને ત્યારબાદ સંતો ની પ્રાર્થના ને માન આપી સ્વામીશ્રી પોતે હિંડોળે બિરાજયા અને બાળ મંડળ દ્વારા ” સ્વાગતમ મહંત સ્વામી …” નૃત્ય દ્વારા સ્વામીશ્રી નું સ્વાગત કર્યું…….કોઠારી આત્મ્કીર્તિ સ્વામી એ – સ્વામીશ્રી મંદિર પરિસર માં પધાર્યા ત્યારે ગુલાબ ના હાર થી સ્વાગત કર્યું હતું તો- અહિયાં સભા ગૃહ માં – મોટેરા સાધુ ઑ દ્વારા મોતી અને ઈલાયચી ના હાર દ્વારા સ્વાગત થયું…….!

અદ્ભુત દર્શન……..!!! હવે કાલ – જન્માષ્ટમી ના ઉત્સવ સાથે અમદાવાદ મંદિર- વિવિધ ઉત્સવ દિનો ની શરૂઆત થશે……તો સર્વે હરિભક્તો- મુમુક્ષો ને – સત્પુરુષ નું આ અતુલ્ય સુખ લૂંટવા હાર્દિક નિમંત્રણ મોટેરા સંતો આપવા માં આવ્યું છે……તો અચૂક પધારવું…આવો મોકો ફરીથી નહીં મળે…….જીવી જાઉં…!

જય સ્વામિનારાયણ

રાજ


Leave a comment

આજકાલ -૩૦/૦૮/૨૦૧૮

મારી છેલ્લી પોસ્ટ ૧૯ ઓગસ્ટ ના રોજ હતી અને આજે ૩૦ ઓગસ્ટ છે……..અર્થાત ૧૧ દિવસ ના લાંબા અંતરાલ બાદ નવી પોસ્ટ આવી છે…..કારણ?? કાઈ નહિ…..બસ આળસ……!!! સાચી વાત છે….આજકાલ વાતાવરણ જ કૈક એવું છે કે- વરસાદ રોજ અંધારે છે અને પડતો નથી……એની આવી આળસ ને સાથ આપવા હું પણ આળસુ થઇ ગયો છું……થોડીક અવળવાણી……

“….અબ કરે સો આજ કરે……આજ કરે સો કલ……..;

ઇતની જલ્દી અભી  ક્યા હૈ પ્યારે…જબ જીના હૈ બરસો……”

હાહાહા………!! જે હોય તે પણ બીલ ગેટ્સ ના નામે ફરતો એક મેસેજ એવું કહે છે કે- બીલ ગેટ્સ ને આળસુ માણસો વધુ પસંદ છે કારણ કે- એ કોઈ પણ કામ ..અલગ રીતે…ઓછી મહેનતે…ઓછા સમય માં કઈ રીતે થઇ શકે ??..એની નવી રીતો શોધી કાઢે છે….!! 🙂 ….જે હોય તે…પણ આળસ સારી નથી જ એ બધાનો અનુભવ છે……હું હવે ધ્યાન માં રાખીશ કે- આળસ નામના શત્રુ ના જાસા માં આવ્યા વગર – કૈંક નવું….મનગમતું -અહી બ્લોગ  પર ટીંગાડતો રહીશ…..! તો શું ચાલે છે  આજકાલ..??

  • ૨૦ મી તારીખે- આ દેહ નો જન્મદિન ગયો……હજુ કેટલા બાકી?? ખબર હોત તો અહી થોડા બેઠા હોત?? જે હોય તે- પણ એવું જીવવું કે- આપણે સ્થૂળ દેહે ન હોઈએ ત્યારે આજુબાજુ વાળા ને આપણી ખોટ સાલવી જોઈએ……( સારી રીતે કે નરસી રીતે….એ પ્રશ્ન પણ થવો જોઈએ…) ….આજ તારીખે- તેજાબી લેખક ચંદ્રકાંત બક્ષી અને આપણું નાક કપાવે એવા પપ્પુ ગાંધી ના પિતાશ્રી રાજીવરત્ન ગાંધી નો પણ જન્મ દિવસ હતો…..પણ- કોઈ એ મારી સરખામણી- આમની સાથે કરવી નહિ…કેમ?? એ પણ ન પૂછવું…!
  • તો- જન્મદિવસે શું કર્યું?? સોમવારે જન્મ દિવસ હતો..આથી ઉજવણી રવિવારે જ – કરવામાં આવી……અર્ધાંગીની ને સમય મળે- એમ જ ઉજવણી થાય ને…!! હરિ તો આખા ગામ માં – સામે થી કહી આવ્યો કે- મારા પપ્પા નો જન્મ દિવસ છે…અને ચોકલેટ વિતરણ નો વ્યાપ વધારી દીધો…! હાહાહા…..
  • સ્વીમીંગ- છેવટે ૨૫૦ મીટર તરવા ની આકરી પરીક્ષા મેં પાસ કરી દીધી…આથી કહી શકાય કે- હું તરી શકું છું..પણ ક્યાં?? એ પ્રશ્ન છે…….કોચ દ્વારા સલાહ આપવામાં આવી છે કે- ભલે પરીક્ષા પાસ કરી- પણ પાણી જોઈ કુદી ન પડવું…..!! કેમ…? તમને લાગે છે કે તમને તરતા આવડે છે…પણ પાણી ને થોડી ખબર છે કે- તમને તરતા આવડે છે??? હાહાહા……જે હોય તે- પરીક્ષા પાસ કરી -પણ અમદાવાદ મહાનગર પાલિકા ના અણઘડ નિયમ તો જુઓ……શીખાઉ માટે- આખા વર્ષ નો ( માર્ચ થી એપ્રિલ જ ગણાય…) ચાર્જ-૧૮૦૦ રૂપિયા…અને ૬ માસ માટે ( માર્ચ થી સપ્ટે.-) ૧૧૦૦ રૂપિયા……અને ઓકટોબર થી માર્ચ ના – ૭૦૦ રૂપિયા…….! મેં અધ-ઓગસ્ટ માં પરીક્ષા પાસ કરી આથી…..જો મારે પૈસા ભરવા હોય તો- એક જ વિકલ્પ બચે- ઓક્ટોબર થી માર્ચ વાળો……અને એ માટે મારે એક મહિનો- તરવા નો લાભ લીધા વગર બેસી રહેવું પડે……અને ઓક્ટોબર માં ફરીથી પરીક્ષા આપી- પૈસા ભરવા ના….!!! પરીક્ષા ફરીથી આપવા ની…..એ પણ કોઈ પણ જાત ની પ્રેક્ટીસ વગર…….હવે વિચારો- કેવું અઘરું છે…….! આના કરતા- મહિના ના ફીક્ષ ચાર્જ માં તરવા ના દે??? અમદાવાદ ના વહીવટ કારો માં ક્યારે બુદ્ધિ આવશે???
  • રક્ષાબંધન- સમય અત્યારે એવો ચાલે છે કે- કોઈ ની પાસે -પોતાના પરિવાર-રીત રીવાજો માટે જાણે કે સમય જ નથી……ઘરમાં હું સૌથી નાનો……મોટી બે બહેનો-પછી મારો મોટો ભાઈ..અને હું છેલ્લો….! સમય અને સંજોગો ને લીધે -ભાઈ અને બહેન ન આવી શક્ય….માત્ર સૌથી મોટી બહેન આવી- એ પણ ખુબ મોડી……પણ એનો લાભ- આશીર્વાદ મળ્યા- એ જ મોટી વાત…..! લાગે છે- કે- રક્ષા બંધન – હવે પહેલા જેવી નહિ રહે……ઓનલાઈન રાખડી ઓ મળી જશે…..અને ઓનલાઈન સબંધો ચમકી ઉઠશે…….! જેવી હરી ઈચ્છા……..! સમય સાથે ચાલુ- એ જ સમય ની માંગ છે………..
  • શ્રાવણ માસ- દર વર્ષ ની જેમ એકટાણા – નિર્વિઘ્ન ચાલે છે…..શરૂઆત માં નક્કી કર્યું હતું કે- એકટાણું કરવું……અને બીજા સમય માં – માત્ર ફળ પર જ રહેવું……શરૂઆત તો સારી રહી પણ પછી- દેહ ભાવ વધ્યો……અને મનેકમને – વેફર્સ કે ચેવડો લેવો પડ્યો……..! જે હોય તે- પણ આજ્ઞા મુજબ થોડું ઘણું યે વર્તાય છે તેનો આનંદ છે…બાકી આ દેહ ..આ મન તો વાંદરા ને પણ શરમાવે તેવું છે…….! જે પણ કૈક ઇન્દ્રિયો પર નિયંત્રણ થાય છે તે કેવળ અને કેવળ- શ્રીજી અને સત્પુરુષ ની જ દયા છે…- હજુ શ્રાવણ ને પૂરો થવામાં ૧૦ દિવસ બાકી છે………અને હિમત ભરપુર છે……
  • સત્પુરુષ- શાસ્ત્રો જેને અક્ષરબ્રહ્મ……બ્રહ્મ…..અક્ષર…..ભગવાન ને રહેવાનું ધામ કહે છે…તે સ્વયમ મનુષ્ય દેહે- મહંત સ્વામી મહારાજ રૂપે – અમદાવાદ ને આંગણે- ૨ જી સપ્ટેમ્બર ના રોજ પધારી રહ્યું છે……અમારી સેવા છે……અને સમગ્ર અમદાવાદ ને સમીપ દર્શન નો લાભ મળવા નો છે…….પછી સુખ માં બાકી શું રહે?? આ વખતે સતત ૨૦ દિવસ સુધી – ધાર્યા કરતા વધુ સુખ મળવા નું છે………જોઈએ- હરિ ઈચ્છા શું છે??

તો- બસ….બીજું શું?? સમય ની સાથે ડગ ભરતા રહો……..થાક લાગે તો થોડોક પોરો ખાઈ લો..પણ પાછા વળવા ની વાત ન કરો……..સતત આગળ વધવું- એ જ જીવન…!

જય સ્વામિનારાયણ…………

રાજ


Leave a comment

આજકાલ-૧૮/૦૮/૨૦૧૮

શ્રાવણ માસ પુરજોશ માં ચાલી રહ્યો છે અને તન મન હૃદય ….શ્રાવણી માં બુન્દેબુન્દ ભીંજાઈ ને રેલાઈ રહ્યા છે…….આંખો ની પલખો સહેજ ખૂણામાં થી ભીની થઇ કુદરત ની સાથે સહજ જ ટપકી રહી છે……..કવિ કાલીદાસ નું મેઘદુતમ જાણે કે કાળા ડીબાંગ વાદળો ના પુરાવા લઈને આવ્યું હોય તેમ દિલોદિમાગ પર થી ભીની યાદો સાથે ગુજરી રહ્યું છે………..યાદો આટલી ઘનઘોર કેમ હોય છે……વર્ષાઋત માં જ આટલી ગાઢી કેમ હોય છે…….એ પ્રશ્નો ના ઉત્તર કદાચ ….અત્યારે જ મળી શકે તેમ છે……!!!

જે હોય તે…..વર્ષાઋતુ માં આ જીવ દેહ ના…ઉમરના  બંધનો ને તોડી..બાળપણ ની એ ભીની આંગળી પકડી ને બસ મનમૂકી ને પલળવા ઈચ્છે છે …….!! અને આ બાળપણ તો સદાયે જીવંત રહેવું જ જોઈએ કારણ કે ઉમર એ દેહ નો તકાજો છે…….જીવ નો નહિ…….એ તો સદાયે નવપલ્લિત…..ચેતનવંતો……અજરામર…..અક્ષર છે….!!!

boy-playing-in-rain

Pic- thanks Google…. 🙂

તો ચાલો આ દેહ ના સાક્ષી ભાવે…..એની સાથે આજકાલ શું ઘટી રહ્યું છે….તે જોઈએ….

  • ગયા બે રવિવાર થી સત્સંગ સભા માં નથી જવાયું…….ભર વર્ષા માં પણ જીવ નો એક ખૂણો હજુ કોરો લાગે છે…….પણ શ્રાવણ માં પુ.સંતો ની પધરામણી..એમની સાથે અલપઝલપ વિચરણ નો લાભ…….એની કમી મહદઅંશે જરૂર હળવી કરે છે……તે માટે શ્રીજી – હરપળ જીવ ન્યોછાવર….!!!
  • છેલ્લે હું ક્યારે બીમાર થયો હતો?? એ યાદ નથી……કારણ કે -ચોમાસા માં હું ક્યારેય છત્રી કે રેઇન કોટ લઈને…મેઘરાજા નું અપમાન કરવામાં માનતો નથી……અને આ વખતે પણ આઈસ્ક્રીમ-છાસ- ના પ્રતાપે થોડોક કફ-શરદી થયા છે પણ તરવા સિવાય- બીજી બધી રોજીંદી ક્રિયાઓ ચાલુ જ છે…….
  • શ્રાવણ માસ માં- શ્રીજી ના રાજીપા- સત્પુરુષ ની આજ્ઞા મુજબ ઉપવાસ- એકટાણા ચાલે છે…છેલ્લા બે ત્રંણ વરસ થી શ્રીજી કૃપા એ કોઈ મોટું વિઘ્ન નથી નડ્યું……અને જીવ- દેહ ને આરામ મળે એવું થઇ શક્યું છે……છતાં મન માં – વિવિધ પકવાનો જોઈ- મન ડગે છે……પણ જીવ – મન સાથે લડી ને હરપળ- શ્રીજી- સત્પુરુષ ની આજ્ઞા નો સાથ લઇ જીતી જાય છે…..! એક ભગવાન અને ગુરુ માટે શું ન થાય??? બસ જીવ માં દ્રઢતા જોઈએ…….બાકી મારા જેવા કાઠી દરબાર જેવા વ્યક્તિ કે- જેને દીવસ માં પાંચ પાંચ વાર શિરામણ જોઈતું હોય…તેના માટે આ શક્ય છે??? હાહાહા…….આ તો બસ એની જ કૃપા છે……એના જ સાધન..અને એ જ સાધ્ય…..મારે તો બસ ચાલવા નું છે…!
  • વાજપેયી જી ગયા…એક અધ્યાય પૂરો થયો અને અહી ભક્તો-અભક્તો નું મીડિયા યુદ્ધ શરુ થઇ ગયું……….ગમે તે હોય પણ એક વાત તો છે કે- મોદી..વાજપેયી…..ભાજપ નો જેટલો વિરોધ થશે તેટલી જ એમની લોક પ્રિયતા વધશે…….૨૦૧૯ – એ મોદી માટે…દેશ માટે જ હશે…તેમાં કોઈ શંકા નથી….! મોદી ની દેશ માટે નિષ્ઠા….કાર્ય કરવા ની ધગશ……પર તો એના હાર્ડકોર વિરોધી ઓ પણ સવાલ ઉઠાવી શકતા નથી……..અને મોદી જેટલી ઊંચાઈ નો નેતા આજે સમગ્ર ભારત ના કોઈ પક્ષ માં છે જ નહિ…તો પછી..આવનારા ૧૦ વર્ષ મોદી ના નામે કરી- દેશ ને જગદગુરુ બનાવવા માં પ્રશ્ન ક્યાં છે??? રાહુલ બાબા એ પોતાના પરિવાર ની ઈજ્જત નો વિચાર કરી- બીજે ક્યાંક હાથ અજમાવવો જોઈએ…….૫૦ તો થયા…..ઘર માંડી ને મેક્ષિકો માં સેટ થઇ જવું જોઈએ…!! શું કહો છો???
  • અમારા હરિકૃષ્ણ મહારાજ નો જીવ ભણવા માં ચોંટતો નથી…….એના માતૃશ્રી સ્વયમ શિક્ષક…….પિતાશ્રી એ ભણવા માં ઝંડા ગાડેલા…….પણ કહેવાય છે કે દીવા નીચે જ અંધારું તેમ..અમારો હીરો- ભણવા માં છેલ્લે અને તોફાન માં ..બોલવામાં પહેલા ક્રમે આવે છે……! હવે શું કરવું??? જે હોય તે…પણ એના લક્ષણો પર થી તો લાગે છે કે- એ જીવન માં  કૈક તો કરશે જ…….! હાહાહા………આમેય- જયારે જીવ ના કલ્યાણ ની વાત હોય ત્યારે દુનિયા નું ભણતર ઓછું કામ માં લાગે છે…….! સ્વાતંત્ર્ય દિન ના દિવસે સોસાયટી માં ચિત્રકળા ની સ્પર્ધામાં – ભાગ લઇ ને આવ્યા…અને જગત જીતી ને આવ્યા હોય તેટલો ઉમળકો બતાવ્યો…….પૂછ્યું તો કહે- હું પહેલો આવ્યો…….!!! હાહાહા…….સ્પર્ધક પણ હું…અને જજ પણ હું…!! છે ને મજ્જા ની લાઈફ…!

તો…બસ…..જીવન ને જીવતા રહો………વરસાદ પડે તો ઘરમાં સંતાઈ જવા ને બદલે……બહાર નીકળી…બે હાથ પહોળા કરી..એને વધાવો…….કારણ કે જીવન છે….કલ હો ન હો….!!!! મારા ગુરુ મહંત સ્વામી મહારાજ કહે છે તેમ…આ તો અબજો ના મુલ્ય નો વરસાદ છે……..સોનું છે…….જીવન છે……..શ્રીજી ના આશીર્વાદ છે………..દેહ સમર્થ હોય તો તેને પલકો માં ઝીલી લ્યો….!!!!

અને બાળપણ ની યાદો ની આંગળી પકડી..યાદ કરતા રહો…..” વોહ કાગઝ કી કસ્તી…વોહ બારીસ કા પાણી……”…….અને બસ ચાલતા રહો……….!!

રાજ


Leave a comment

BAPS રવિસભા -૨૨/૦૭/૨૦૧૮

બીજો આવીને કોક બોલે, બાવાજીમાં,

 બીજો આવીને કોક બોલે… ꠶ટેક

સંચો સતજુગનો, ખોખું આ જુગનું, ખોલણહારા ખોલે,

અક્ષર વિના એક વેણ ના ઉચરે, ત્રણ ભુવનને તોલે… ꠶ ૧

અક્ષર હાથ ડાબો ને જમણો, પુરુષોત્તમ એને કોલે,

બેઉ હથેળી વિના તાળી ન બોલશે, મુખ મંદિરિયા ખોલે… ꠶ ૨

કામણગારો આ જુગનો જોગી, ડાક લઈ હાથમાં ડોલે,

માયા મોહના ભાગે ભૂતડાં, જે ચડેલા ઝોલે… ꠶ ૩

‘કાગ’ ને માથે બાવે, કૃપા કરી તે, ત્રણ જ અક્ષર બોલે,

જોગી અમારો જુગ જુગ જીવજો, તાળાં ખોટકેલ ખોલે… ꠶ ૪


કવિ કાગ બાપુ

“જોગીડા ના જાદુ મારા હૈયે રમે..’ ..જોગીબપા જેવા સત્પુરુષ ના સંસ્મરણો અને એ પણ પુ.સોમપ્રકાશ સ્વામી જેવા રસાળ ..વિદ્વાન વક્તા ના સ્વરે વહે ત્યારે- સત્પુરુષ નો મહિમા જીવ માં વસતા કેટલી વાર લાગે….! કવિ દુલા કાગ જેવા અતિ વિદ્વાન..વિચક્ષણ….અધ્યાત્મિક કવિરાજ- યોગીજી મહારાજ ના એક ચરિત્ર ને લીધે પરિવર્તિત થઇ જતા હોય ….યોગીમય થઇ જતા હોય તો બાકી શું રહે?? સત્પુરુષ ને સમજવા – આ જ કરવા નું છે…….

આજની આવી વિશિષ્ટ સભા નો લાભ લેવા સમયસર મંદિરે પહોંચી ગયા….સર્વ પ્રથમ મારા હૈયા ના હાર – હરિકૃષ્ણ મહારાજ ના વિશિષ્ટ દર્શન…..૨૨૫ વર્ષ પહેલા ઈસ્વીસન ૧૭૯૨ ની અષાઢી સુદ દશમ ના -દિને અર્થાત આજની તિથીએ – જીવમાત્ર નું કલ્યાણ કરવા – શ્રીજી એ ગૃહ ત્યાગ કર્યો હતો અને નીલકંઠ વરણી સ્વરૂપે – સતત ૭ વર્ષ ચાલનારી ..અતિ વિકટ….વનવિચરણ….ની શરૂઆત કરી હતી..! એની સ્મૃતિ આજ ના દર્શન માં …

pixlr

સભાની શરૂઆત- યુવકો અને સંતો દ્વારા ધુન્ય-કીર્તન થી થઇ…….” હે હરિ હરિ…પ્રભુ કરુણા કરી……” આચાર્ય શ્રી વિહારી લાલજી મહારાજ રચિત કીર્તન નો લાભ યુવક મિત્ર ના સ્વરે મળ્યો……યારબાદ પુ.શુભ કીર્તન સ્વામી એ , બ્રહ્માનંદ સ્વામી રચિત અને આજના સુવર્ણ પ્રસંગ ને અનુરૂપ કીર્તન…” ચાલ્યા ઉત્તર દિશામાં પોતે એકલાં રે” રજુ કર્યું……અને એ મેઘલી રાત્રી એ – ગૃહત્યાગ કરી- ઉછાળા મારતી સરયુ નદી માં – કેવળ જગત ના કલ્યાણ માટે ઝંપલાવતા – નીલકંઠ વરણી ની છબી નજર સમક્ષ છવાઈ ગઈ……!!

ત્યારબાદ- સારંગપુર ખાતે – પ્રગટ અક્ષરબ્રહ્મ મહંત સ્વામી મહારાજ ની દિવ્ય નીશ્રા માં ઉજવાયેલા રથયાત્રા ના વિડીયો ના દર્શન નો લાભ મળ્યો….જે નીચેની લિંક પર થી બધા જોઈ શકશે….

ત્યારબાદ – ભાવનગર અક્ષર મંદિર ના મહંત અને પ્રખર વક્તા – પુ. સોમપ્રકાશ સ્વામી…” સોમ બાપુ” ના મુખે સત્પુરુષ અને સત્સંગ ના મહિમા વિષે- અદ્ભુત હાસ્ય પ્રસંગો……બ્રહ્માનંદ સ્વામી ના જીવન કવન ના પ્રસંગો…..અદ્ભુત રસપ્રદ ઉદાહરણો..દોહા-છંદો અને એ પણ એકદમ હળવા મૂડ માં -ગહન વાત સાંભળી હૃદય ખુશ થઇ ગયું…….આ પ્રવચન નો લાભ રૂબરૂ માં જ મળી શકે…માટે અહી મુદ્દા માત્ર ટપકાવ્યા છે……

IMG_20180722_181928

  • સ્વામીનારાયણ ભગવાને નીલકંઠ વેશે જે અતિ કઠીન વિચરણ – હિમાલય થી લઇ ને સોરઠ સુધી કર્યું હતું..એ અજોડ હતું…..શ્રીજી જેવી સહન શક્તિ બીજે ક્યાય ન મળે..અને એવી જ સહન શક્તિ આજે સત્પુરુષ માં પણ જોવા મળે છે…
  • બ્રહ્માનંદ સ્વામી એ ” અગરી..મગરી..” જેવા અદ્ભુત રેણકી છંદ ના આધારે સંસ્કૃત ના વિદ્વાનો ને પણ પ્રભાવિત કરી દીધા હતા…..અને એમની સાથે ભગવાન હતા ..અને એનું જાણપણું – સ્વામી ને સતત રહેતું …..
  • માટે જ કહેવાય છે કે- સત્સંગ માં સતત જાણપણું રાખે એનો સત્સંગ સુધરે છે….એ માટે- ગુરુ વિના ન ચાલે..હમેંશા ગુરુ ની જોડ રાખવી….જોડ રાખશું તો ગુરુ આપણ ને જગત થી ઉગારશે…..માટે જ ગુરુ વિના કલ્યાણ જ નથી…અને એ ગુરુ દ્વારા જ ભગવાન પ્રગટ રહે છે…..કવિ કાગ ને – જોગીબપા ની ઓળખાણ થઇ ગઈ……અને કાગ બાપુ તરી ગયા……!!..બસ આપણે આમ જ – સત્પુરુષ ને ઓળખવા ના છે…..એમને જોડ માં રાખવા ના છે….

અદ્ભુત…અદ્ભુત..! તાળી ઓ ના ગડગડાટ થી સમગ્ર સભા ગુંજી ઉઠી…..! છેલ્લા ૫ દિવસ થી સોમબાપુ અમદાવાદ ને પોતાની વાણી નો લાભ આપી રહ્યા છે……એનો આ પડઘો હતો….

ત્યારબાદ- આવા જ એક પ્રખર વક્તા અને સાધુતા થી પૂર્ણ એવા સંત- પુ. આચાર્ય સ્વામી ના પ્રવચન નો વારો આવ્યો……..એમનું પ્રવચન પણ રૂબરૂ જ સાંભળવું પડે તો જ મજા આવે….માટે જ અહી મુદ્દા માત્ર નો ઉલ્લેખ કર્યો છે….

  • ૧૯૭૩ માં અમદાવાદ માં દીક્ષા મહોત્સવ વખતે સભા થઇ હતી અને આજની સભા – એ બંને સભા વચ્ચે નો ફર્ક આજે સ્પષ્ટ દેખાય છે…આજની ભરચક સભા એ દિવ્ય સભા છે…અક્ષરધામ ની સભા છે…..
  • સોમબાપુ ની પારાયણ..એના શબ્દો સબીજ છે..જે સાંભળશે- તેને જ્ઞાન ફૂટી નીકળશે…એનું કલ્યાણ થશે….
  • આશરો ..એ પણ સત્પુરુષ અને ભગવાન નો- મોટું કામ કરે છે…..જેમ મચ્છર ગરુડ ની પંખ માં બેસી ને આકાશ ને આંબી જાય છે તેમ- મોટા પુરુષ ના આશરા માં જ આપણું સહેજે કલ્યાણ થઇ જાય છે…
  • આ સત્સંગ દિવ્ય છે…..પણ ઓળખાતો નથી…..ભગવાન બધામાં છે પણ પ્રગટ હોય તેના દ્વારા ઓળખાય….માટે જ સત્પુરુષ નો હાથ પકડી લેવો…..
  • સત્સંગ માં હઠ-માંન – ઈર્ષ્યા છોડવા ના છે…..અને શ્રદ્ધા-ખપ- અને સંત સમાગમ રાખવા ના…….સત્પુરુષ થકી આ બધું શક્ય બને છે….એ આપણા અંતર ની આંખો ખોલી ..બ્રહ્મરૂપ કરી ભગવાન ને મેળવે છે….
  • Akshar is the limit……એમ સમજવું…જ્યાં સુધી આપણે અક્ષર રૂપ નહિ થઇ એ ત્યાં સુધી આ યાત્રા ચાલુ જ રહેવાની……યોગીબાપા ના સંકલ્પ થી સમગ્ર બ્રહ્માંડ માં સત્સંગ થશે…..આખો બ્રહ્માંડ આપણો પરિવાર થશે અને યાદ રાખવું કે- ભગવાન સદાયે આપણી સાથે જ છે..બસ આપણે સંપ- સુહ્ર્દભાવ રાખવા નો છે……સંપ હશે તો બધું જ હશે…..બધાનું સારું થશે…અને સંપ માટે સમજણ રાખવી…સમજણ વિના આ બધું નકામું….સખી સમજણ માં ઘણું સુખ છે- એમ એક પદ માં ગાયું છે….!
  • ૪ વાત જીવ નું જીવન છે- આજ્ઞા..ઉપાસના…..એકાંતિક માં પ્રીતિ અને સુહ્ર્દભાવ……જો આ હશે તો- સત્સંગ નું સર્વોપરી સુખ આવશે……અને આ માટે સત્પુરુષ નો સંગ કરવા નો છે…..સત્પુરુષ ને રાજી કરવા ના છે..એ માટે અભાવ-અવગુણ -કુસંગ થી દુર રહેવાનું…..સત-અસત નો વિવેક રાખવાનો……
  • માટે મહંત સ્વામી મહારાજ કહે છે એમ- જાગો…..અને સમજો કે આ સત્સંગ માં આપણે કેમ આવ્યા છીએ??? બ્રહ્મરૂપ થવાનું છે……માટે જ- સત્પુરુષ સદાયે પ્રગટ રહે છે એમ સમજવાનું…..સમજણ કેળવવા ની…..એનું મનન કરવાનું….દાસાનુદાસ વર્તવા નું…..અને જો એમ થશે તો સત્સંગ નું સાચું સુખ આવશે…..કલ્યાણ થશે…..

અદ્ભુત પ્રવચન……પુ. આચાર્ય સ્વામી ની અસ્ખલિત વાણી નો પ્રવાહ – જીવ ને શિવ કરી દે તેવો છે……બસ સતત જાણપણું આવે – જીવ બ્રહ્મરૂપ થાય – એ ધ્યેય રાખવા નો છે….

સભાને અંતે જાહેરાત થઇ…..

  • આવતા શુક્રવારે – ગુરુ પૂર્ણિમા છે અને એ જ રાત્રે ચંદ્ર ગ્રહણ છે…એ માટે ગ્રહણ ના નિયમ પાળવા ના છે- એ માટે ની માહિતી- જે તે વિસ્તાર ના સંસ્કારધામ/કાર્યકર/મંડળ સંચાલક પાસે થી મળી શકશે….
  • આવતીકાલે દેવ પોઢી એકાદશી છે……આજ્ઞા ની નિર્જળા એકાદશી છે…….ખટકો રાખી એનું પાલન કરવું…..અને આવતીકાલ થી ચાતુર્માસ શરુ થાય છે..એ માટે ના વિશેષ નિયમ – જુલાઈ માસ ના – સ્વામિનારાયણ પ્રકાશ માં પ્રગટ થયા છે……જોઈ લેવા….અને એ પ્રમાણે નિયમ પાળવા….
  • https://www.baps.org/Announcement/2018/Chaturmas-Niyams-13606.aspx
  • બાલમિત્રો માટે ગુજરાતી બાળગીતો ની સીડી પ્રગટ થઇ છે……

બસ આપણો તો એક જ ધ્યેય – બ્રહ્મ રૂપ થવું છે અને પુરુષોત્તમ ને ભજવા છે………..સમગ્ર સત્સંગ નો સાર આ જ છે,…

જાગતા રહેજો………..

જય સ્વામિનારાયણ………..

રાજ


Leave a comment

BAPS રવિસભા-૦૮/૦૭/૨૦૧૮

તે સમે શ્રીજીમહારાજ સર્વ હરિભક્ત સામું જોઈને ઝાઝી વાર વિચારી રહ્યા …..અને પછી એમ બોલ્યા જે,

“સાંભળો, વાત કરીએ છીએ જે, જે સત્સંગી હોય તેને જ્યાંથી પોતાને સત્સંગ થયો હોય……… ત્યાંથી પોતાના મનનો તપાસ કરવો જે, ‘પ્રથમ(સત્સંગ)ના વર્ષમાં મારું મન આવું હતું ને પછી આવું હતું અને આટલી ભગવાનની વાસના હતી ને આટલી જગતની હતી,’ એમ વર્ષોવર્ષનો સરવાળો વિચાર્યા કરવો..…… અને પોતાના મનમાં જેટલી જગતની વાસના બાકી રહી ગઈ હોય તેને થોડે થોડે નિરંતર ટાળવી………..

અને એમ વિચારે નહીં ને બધી ભેગી કરે તો તે વાસના એની ટળે નહીં……. જેમ વણિકને ઘેર નામું કર્યું હોય તે જો મહિના મહિનાનું નિરંતર ચુકવી દઈએ તો દેતાં કઠણ ન પડે ………..ને વર્ષ-દહાડાનું ભેગું કરીએ તો આપવું બહુ કઠણ પડે; ………..તેમ નિરંતર વિચાર કરવો.


વચનામૃતમ-ગઢડા પ્રથમ-૩૮

શ્રીજી વચનામૃત માં કહે છે કે – પાછું વળી ને અર્થાત- અંતર્દ્રષ્ટિ કરી ને નિરંતર જોવું કે સત્સંગ ની શરૂઆત માં હું કેવો હતો અને….સત્સંગ થયા બાદ હું કેવો છું?? પરિવર્તન શું થયું…..હજુ કેટલા દોષ-સ્વભાવ મને નડે છે?? એ સર્વે નો નિરંતર વિચાર કરવો…જેથી જીવ અંતર્દ્રષ્ટિ ને આધારે સત્સંગ માં આગળ વધે….! આજની સભાનો સાર એ જ હતો….

મેઘરાજા સંતાકુકડી રમે છે અને એ વચ્ચે હું સમયસર સભામાં પહોંચી ગયો…સર્વપ્રથમ – સદાયે- શ્રીહરિ ના મનમોહક દર્શન નો ગુલાલ……

pixlr_20180708225017145

સભાની શરૂઆત યુવકો દ્વારા ધુન્ય-કીર્તન અને સ્તુતિ થી થઇ……કીર્તન માં – ” ભગવાન સૌથી મોટા છે…..ભગવાન ભજી લેવા…….” અને વનમાળી દાસ રચિત “નમીએ નારાયણ સ્વરૂપ ..સમર્થ સંત હરી….” રજુ થયા…ત્યારબાદ પુ. કૃષ્ણ સ્વરૂપ સ્વામીએ “રહેજો રહેજો રે સદાયે સાથે રહેજો રે……” અને બ્રહ્માનંદ સ્વામી રચિત ” સત્સંગ વિના જન્મ મરણ ભ્રમજાલ મીટે નહિ….” કીર્તન રજુ કર્યું….! ખરેખર સત્સંગ વિના જીવ ના દુખ મટે એમ જ નથી…..!

ત્યારબાદ પ્લાન્નીંગ સેલ માં સેવા આપતા પુ. વિનય ચરિત સ્વામી એ ” પ્રમુખ સ્વામી મહારાજ ના જીવન માં ભગવાન નો મહિમાં ” વિષય પર – અદ્ભુત પ્રસંગ સાથે પ્રવચન કર્યું. તેમણે વર્ણવ્યું કે- પ્રમુખ સ્વામી મહારાજ ના જીવન માં ઠાકોરજી સદાયે આગળ જ રહ્યા છે…એક શ્રીજી જ સર્વ કર્તાહર્તા છે…એક એમનું જ ધાર્યું થાય છે…..એમની મરજી વિના એક તરણું પણ ન તોડી શકાય – એવો દ્રઢ વિશ્વાસ એમના જીવન ની હરએક પલ માં છે. આટલા મોટા- વિશાળ મંદિરો અને એ પણ રેકોર્ડ બ્રેક ટૂંકા સમય માં – એ પ્રમુખ સ્વામી મહારાજ દ્વારા થયા પણ એ એનો સઘળો યશ પોતાના ગુરુઓ અને ભગવાન સ્વામીનારાયણ ને જ આપતા હતા……..! એક શ્રીજી ના સંકલ્પ બળે જ સત્સંગ ની આટલી પ્રગતિ થઇ છે – એ પ્રમુખ સ્વામી મહારાજ ના જીવન નું સત્ય છે….અને એ આજે મહંત સ્વામી મહારાજ ના જીવન માં દેખાય છે…..! અને એટલા માટે જ પ્રમુખ સ્વામી મહારાજ માન-અપમાન માં પણ સ્થિર રહી શક્યા હતા……કારણ કે શ્રીજી ની મરજી જ એમનું જીવન હતું….!

એ પછી પ્રગટ અક્ષરબ્રહ્મ મહંત સ્વામી મહારાજ ના સારંગપુર ખાતે- તારીખ ૧૬-૧૭ જુન ના રોજ દિવ્ય વિચરણ ના વિડીયો દર્શન નો લાભ સર્વ ને મળ્યો…જેને  નીચેની લીંક પર થી જોઈ શકાશે….

ત્યારબાદ પુ. યજ્ઞપ્રિય સ્વામી એ – ગઢડા પ્રથમ-૩૮ -વણિક ના નામા – ના વચનામૃત ના આધારે – સત્સંગ માં અંતર્દ્રષ્ટિ ના મહત્વ પર અદ્ભુત પ્રવચન કર્યું……..જોઈએ સારાંશ માત્ર…..

  • આપણે કથા વાર્તા સાંભળી એ છીએ -પણ એના શબ્દ યથાર્થ રીતે સમજાય..જીવન માં ઉતરે તો જ એનો અર્થ સરે છે……અને એટલા માટે જ સત્સંગ માં કથા વાર્તા નો મહિમા છે….
  • આ વચનામૃત માં શ્રીજી મહારાજ ઝાઝું વિચારી ને બોલે છે..કેમ?? કદાચ શ્રીજી ને એમ લાગતું હોય કે- સામે બેઠેલા સંતો-હરિભક્તો- એમના વચન ને કેટલું સમજે છે……?? એનો તાગ લેવા ની ઈચ્છા હોય….
  • સત્સંગ માં આવીએ એટલે- સત્સંગ ની દિશાનું જ્ઞાન સ્પષ્ટ હોવું જોઈએ…..ધ્યેય સ્પષ્ટ હોવું જોઈએ……સત્સંગ માં આવ્યા પહેલા અને સત્સંગ થયા પછી- સ્વભાવ-દોષ ટળ્યા છે કે નહિ?? તેનું જ્ઞાન હોવું જરૂરી છે…….અને એ માટે જરૂરી છે..પાછું વળી ને જોવું..અર્થાત- અંતર્દ્રષ્ટિ કરવી…….કે સત્સંગ થયા પછી મારી સ્થિતિ માં શું ફર્ક પડ્યો……
  • અંતર્દ્રષ્ટિ માટે સમજણ હોવી જોઈએ…જો સમજણ અવળી હોય તો- જીવ ભટકી જાય…સત્સંગ માં થી પડી જાય…અને જો સમજણ સવળી હોય તો- જીવ વિવેકબુદ્ધિ ને સહારે સત્સંગ માં પ્રગતિ કરતો રહે…..
  • ગઢડા પ્રતઃમ-૨૦ માં શ્રીજી કહે છે કે- જે જીવ પોતાના દોષ-પોતાના ગુણ જોતો નથી તે મૂરખ છે..નીચ છે…….માટે – અંતર્દ્રષ્ટિ દ્વારા પોતાના ગુણ-અવગુણ જોવા…….બીજા ના ગુણ-અવગુણ જોવા જશું તો રહી જશું…….માટે સત્પુરુષ નો સંગ કરીએ ત્યારે- તેમના ગુણ સામે જ જોવું..અને એ ગુણ આપણા માં કઈ રીતે આવે- તેનો હરપળ વિચાર કરવો……
  • માટે જ આપણા ગુણાતીત ગુરુઓ ના જીવન ચરિત્ર નો વિચાર કરીશું તો એમના ગુણ આપણા માં આવે ..સત્સંગ પાકો થશે……અને સત્સંગ માં આગળ વધાશે…….

અદ્ભુત વાત…….! વણિક વેપારી ની જેમ -“જીવ નું નામું ” લખતા આવડશે….અંતર્દ્રષ્ટિ કરતા આવડશે તો- સત્સંગ માં આપણી- ગતિ-માર્ગ અને ગંતવ્ય ની ખબર પડશે…સત્સંગ નો વિવેક આવશે…..જીવ ગુણગ્રાહક બનશે અને -સત્સંગ માં થી પડી નહિ જાય……!

સભાને અંતે જાહેરાત થઇ કે- આવતા રવિવારે- આપણા ગુરુઓ ની રાજીપા ની વાત- શ્રીજી ના રાજીપા ની વાત- સત્સંગ શિક્ષણ પરીક્ષા છે…….સર્વે એ – ગુરુ ના રાજીપા નો વિચાર કરી- ખટકો રાખી- ભરપુર તૈયારી સાથે પરીક્ષા ને અચૂક આપવા ની છે……આપણા ગુરુ પ્રગટ અક્ષરબ્રહ્મ મહંત સ્વામી મહારાજ કહે છે કે – આ પરીક્ષા એ અક્ષરધામ માં પ્રવેશ ની પરીક્ષા છે……એમ વિચારી ને ચુક્યા વગર પરીક્ષા આપવી..!

તો- બસ- સત્સંગ હોય કે જીવન- સતત પાછા વળી ને અંતર માં દ્રષ્ટિ કરી ને જોવું કે- હું શું કરવા આવ્યો છું…અને શું કરી રહ્યો છું???? જો એ પ્રશ્ન થશે તો ઉત્તર શોધવા માં ઝાઝી મહેનત નહિ પડે……

સત્સંગ એ ૯૦% સમજણ છે તેવું આપણા ગુણાતીત ગુરુઓ કહે છે……માટે- સમજતા રહો……!

જય સ્વામિનારાયણ………

રાજ

 

 


1 Comment

BAPS રવિસભા-૦૧/૦૭/૨૦૧૮

પછી શ્રીજીમહારાજે દીનાનાથ ભટ્ટ તથા મુનિમંડળ સમસ્ત પ્રત્યે પ્રશ્ન પૂછ્યો જે,

“બ્રહ્મસ્વરૂપ એવા જે સત્પુરુષ તે તો ત્રણ શરીર ને ત્રણ અવસ્થા તે થકી પર વર્તતા હોય અને ચૌદે ઇન્દ્રિયોની ક્રિયા તે પોતાને વિષે એકે માનતા ન હોય, તેને અજ્ઞાની જીવ છે તે ઓળખી શકે નહીં……. અને જ્યારે એને મોટાપુરુષના સરખી સ્થિતિ થાય ત્યારે એ મોટાપુરુષ જેમ વર્તે છે તે સત્ય મનાય……… અને જ્યાં સુધી એ સત્પુરુષનો મહિમા એને ન જણાય ત્યાં સુધી બ્રહ્મસ્વરૂપને વિષે સ્થિતિ પણ ન થાય ને આત્માને વિષે સ્થિતિ થયા વિના સત્પુરુષનો મહિમા પણ ન જણાય…………

માટે પરસ્પર વિરોધ આવ્યો, તે વિરોધ ટળે તે ઉપાય કહો.” પછી જેની જેવી નજર પૂગી તેણે તેવો ઉત્તર કર્યો પણ એ પ્રશ્નનું સમાધાન થયું નહીં.

પછી શ્રીજીમહારાજ બોલ્યા જે, “લ્યો, અમે ઉત્તર કરીએ. એનો ઉત્તર તો એ છે જે, પૃથ્વીને વિષે જે ભગવાનનો અવતાર તેને મળેલા જે સંત તે સંગાથે જ્યારે એને અતિશય પ્રીતિ થાય, ત્યારે એ સત્પુરુષને વિષે એને કોઈ પ્રકારે દોષ ભાસે નહીં………. અને જેને જે સંગાથે દ્રઢ હેત હોય તેને તેનો અવગુણ કોઈ પ્રકારે આવે જ નહીં અને તેનાં વચન પણ સત્ય મનાય……. એવી રીતે લૌકિક માર્ગમાં પણ રીતિ છે અને કલ્યાણના માર્ગમાં પણ રીતિ છે.

માટે સત્પુરુષને વિષે દ્રઢ પ્રીતિ એ જ આત્મદર્શનનું સાધન છે અને સત્પુરુષનો મહિમા જાણ્યાનું પણ એ જ સાધન છે અને પરમેશ્વરનું સાક્ષાત્ દર્શન થવાનું પણ એ જ સાધન છે.”


વચનામૃતમ- વરતાલ-૧૧

આપણા શાસ્ત્રો કહે છે કે- સત્પુરુષ એ મોક્ષ નું દ્વાર છે…..જેવી જગત માં- સગા વહાલામાં-દેહ માં પ્રીતિ છે તેવી જ પ્રીતિ જો સત્પુરુષ માં થાય તો કલ્યાણ હાથવેંત માં છે…….અને છેવટે સત્સંગ ની ફલશ્રુતિ કહો કે સાર એ આ જ છે. તો આજની સભા – સત્પુરુષ માં દ્રઢ પ્રીતિ એ કરી ને જોડાવા ની હતી…….

મેઘરાજા તો અમદાવાદ થી રિસાઈ ગયા છે અને જીવમાત્ર તેની ચાતક નજરે રાહ જોઈ રહ્યા છે…….આવા ધોમધખતા વાતાવરણ વચ્ચે -એક શ્રીજી ને પ્રાર્થના જ કારગર નીવડે એમ છે અને એ માટે સત્સંગ સભા નો આશરો- એ સાક્ષાત સત્પુરુષ અને ભગવાન નો આશરો છે…..કે જ્યાં આપણી પ્રાર્થના અચૂક સાંભળવા માં આવશે તેનો દ્રઢ વિશ્વાસ છે…..અને એ માટે આજની સભામાં સમયસર પહોંચી ગયા……શ્રીજી ના મનભરી ને દર્શન અને અંત:કરણ પૂર્વક પ્રાર્થના કરવામાં આવી……

pixlr_20180701171917569

સભાની શરૂઆત પુ.સંતો અને યુવકો દ્વારા ધુન્ય અને પ્રાર્થના થી થઇ…..પુ.દીવ્યકીશોર સ્વામી એ ” અનુભવી ..ગોવિંદ ગાવે રે…..” રજુ કર્યું તો પુ.શુભકીર્તન સ્વામી એ બ્રહ્માનંદ સ્વામી નું જોશીલું પદ ” તમે મીઠું બોલી ને મન લીધું રે…..મીઠડા બોલાજી…..” એવા જ જોશીલા સ્વર માં રજુ કર્યું……! ત્યારબાદ પુ.કૃષ્ણ સ્વરૂપ સ્વામી એ – બધા ના મન નો- હૃદય નો સંકલ્પ પકડતા હોય તેમ- શ્રીજી -સ્વામી ને પ્રાર્થના કરતા- દાસ રસિક નું અદ્ભુત કીર્તન…” વાદળી ઉતરજે ઘેલા ને તીર ..” રજુ કર્યું….! કદાચ બધાની પ્રાર્થના આ જ હશે કે…..” હે શ્રીજી…હવે તો મનમૂકી ને વરસો….”

ત્યારબાદ પુ.નિર્મળ ચરિત સ્વામીએ ” ગુણાતીત પુરુષ પ્રમુખ સ્વામી મહારાજ માટે ભગવાન ના સ્વરૂપ નો મહિમા” વિષય પર- પ્રમુખ સ્વામી મહારાજ ના-મહંત સ્વામી મહારાજ ના અદ્ભુત પ્રસંગો દ્વારા -અદ્ભુત વિવરણ કર્યું……જોઈએ સારાંશ…..

  • સારંગપુર-૧૨ ના વચનામૃત માં શ્રીજી કહે છે કે- મોટા પુરુષમાં ત્રણ ગુણ – આત્મનિષ્ઠા , સ્વધર્મ અને ભગવાન ના સ્વરૂપ માં નિશ્ચય” – અખંડ રહે છે ..બાકી ના ગુણ આવે ને જાય…અને એમાં એ ભગવાન ના સ્વરૂપ નો દ્રઢ નિશ્ચય- એ તો અદ્ભુત ગુણ છે…..
  • શ્રીજી સર્વજ્ઞ છે….એ વિચાર જ – એટલે ભગવાન ના સ્વરૂપ નો દ્રઢ નિશ્ચય…….એમ જેતલપુર-૩ માં શ્રીજી કહે છે…..અને એજ સર્વજ્ઞતા -ભગવાન માં છે..એવી જ સર્વજ્ઞતા -સત્પુરુષમાં -પ્રમુખ સ્વામી મહારાજ અને મહંત સ્વામી મહારાજ માં સ્પષ્ટ દેખાય છે……
  • પ્રમુખ સ્વામી મહારાજ ના પ્રસંગો માં- સુરત ના વીંછી પરિવાર ના બાળક ના પૂર્વ જન્મ નું વૃતાંત હોય કે ભાવનગર ના રામસંગ બાપુ ના જીવન પરિવર્તન નો પ્રસંગ હોય……બોચાસણ માં બે નીલગીરી વચ્ચે ૨૫ ફૂટ નું અંતર રાખવા ની આજ્ઞા કરી હોય કે…ઈન્દ્રવદનભાઈ ના પ્રારબ્ધ ને બદલ્યું હોય…….સર્વેમાં – પ્રમુખ સ્વામી મહારાજ ની સર્વજ્ઞતા સ્પષ્ટ દેખાય છે……
  • મહંત સ્વામી મહારાજે પણ ૨૦૧૭ માં -પ્રદીપભાઈ નામના ભક્ત નો ફાફડા ખાવાનો સંકલ્પ અંતર્યામી પણે જાણી પૂરો કર્યો તો અમદાવાદ ના નાના બાળક નો સ્વામી ના દર્શન કરવાનો સંકલ્પ પકડી તેને પૂરો કર્યો…….તો હિમતનગર ના ગીરીશભાઈ ના દોહિત્ર “પરમ” ના જન્મ ની..તે જ રાશી આવવી…એ સર્વે ની  સાક્ષી પુરતો પત્ર આજે પણ -મહંત સ્વામી મહારાજ ના ગુણાતીત સ્વરૂપ અને સર્વજ્ઞાતા હોવાનો અનુભવ કરાવે છે…..
  • અને આ સર્વજ્ઞતા નું કારણ- ભગવાન ને અખંડ ધારવા- એ છે……સત્પુરુષ ના અંગે અંગ માં ભગવાન રહ્યા છે…તેથી જ ભગવાન તેમને વશ છે…..જેટલામાં રાજા નું રાજ્ય તેટલા માં જ રાણી નું રાજ્ય- એ ન્યાયે સત્પુરુષ માં પણ ભગવાન ના ગુણ આવે છે….અને એનું કારણ ભગવાન નો મહિમા- એમના સ્વરૂપ નો નિશ્ચય છે….માટે એમ જ જો આપણે મોટા પુરુષ નો મહિમા- એમનું અંતર્યામી પણું – જીવમાં દ્રઢ કરશું તો જ આપણી ઉપાસના..નિયમ ધર્મ-આજ્ઞા દ્રઢ થશે..સત્પુરુષ ના ગુણ આવશે..!

અદ્ભુત……અદ્ભુત…! ત્યારબાદ – સારંગપુર ખાતે ના – પ્રગટ અક્ષરબ્રહ્મ મહંત સ્વામી મહારાજ ના વિચરણ- પ્રમુખ વરણી દિન નિમિત્તે સંતો સાથે ની તેમની પ્રશ્નોત્તરી નો અદ્ભુત વિડીયો દર્શન નો લાભ મળ્યો…..જે નીચેની link પર થી જોઈ શકાશે…….

અદભુત પ્રશ્નોત્તરી…! આપણા પ્રશ્ન અને ગુણાતીત  ના ઉત્તર…..પછી બાકી શું રહે??? મહંત સ્વામી મહારાજે એક પ્રશ્ન ના ઉત્તર માં કહ્યું કે- પ્રમુખ સ્વામી મહારાજ અને એમની વચ્ચે નું હેત- એ જાણે અને હું જાણું..” અદ્ભુત….હતો…..હૃદય ને સ્પર્શી ગયો….! ગુણાતીત ની વાત ગુણાતીત જ જાણે……! અચૂક જુઓ…..

ત્યારબાદ પુ. શ્રીહરિ સ્વામી એ- વરતાલ-૧૧ ના આધારે- રસપ્રદ પ્રસંગો ની સાખે- ખુબ સરસ પ્રવચન નો લાભ સર્વ ને આપ્યો….જોઈએ સારાંશ….

  • અનેક વચનામૃત- વરતાલ-૧૯, ગઢડા પ્ર.૨૭, અંત્ય-૨૬, ગ.પ્ર.૩૭ વગેરે વચનામૃત માં શ્રીજી સ્પષ્ટ કહે છે કે- સત્પુરુષ ના અંગે અંગ માં ભગવાન રહ્યા છે …સત્પુરુષ ત્રિગુણાતીત …ત્રણ અવસ્થા થી પર છે…..પ્રમુખ સ્વામી મહારાજ…મહંત સ્વામી મહારાજ ના જીવન માં આ સ્પષ્ટ દેખાય છે…દેહ ની કોઈ પરવા જ નહિ……
  • આવા સત્પુરુષ માં દ્રઢ પ્રીતિ થાય…..આત્મ બુદ્ધિ થાય તો જીવ નું કલ્યાણ થાય……
  • અને જો આવી દ્રઢ પ્રીતિ થાય તો એની નિશાની શું??? નિશાની એ કે- ભગવાન ની અખંડ સ્મૃતિ રહે…..અને જો એક પલ પણ એ સ્મૃતિ વિસરાય તો તાળવું ફાટી જાય તેવું દુખ થાય…..અને જો આવી દ્રઢ પ્રીતિ કરવી હોય તો- વચનામૃત માં શ્રીજી કહે છે તેમ- લીલા ચરિત્ર સંભાળી રાખવા…જીવમાં જડી રાખવા…….અને એ માટે- સત્સંગ સભા…નિયમિત ઘરસભા અનિવાર્ય છે….
  • દ્રઢ પ્રીતિ નું બીજું લક્ષણ એ કે- જેનામાં દ્રઢ પ્રીતિ હોય તેની આજ્ઞા સહેજ પણ લોપાય નહિ……સત્સંગ..સત્સંગી નો મહિમા જીવમાં દ્રઢ થાય……કોઈ નો સહેજ પણ અભાવ-અવગુણ ન આવે…..સત્પુરુષ આપણો આત્મા મનાય……અને બસ કેવળ એક એના રાજીપા નો વિચાર જ પ્રધાન રહે……
  • યોગીબાપા કહેતા કે- ભગવાન ના ભક્ત માટે ભીડો વેઠવો એટલે જ આત્મ બુદ્ધિ…….આપણા ગુણાતીત ગુરુઓ નું જીવન જુઓ…..કેવળ ભક્તો ના સુખાકારી માટે પોતાનું સમગ્ર જીવન ઘસી નાખ્યું…….દેહ ને કૃષ્ણાર્પણ કરી દીધો…..! આ સત્ય ને ખરેખરું જીવમાં દ્રઢ કરીએ તો- સત્પુરુષ નો યથાર્થ મહિમા સમજાય…….એક એમના માં જ દ્રઢ પ્રીતિ થાય અને જગત માં થી…પાંચ વિષય ના ભોગ-ઉપભોગમાં થી  જીવ છૂટે…..અને જીવ બ્રહ્મરૂપ થાય…..

અદ્ભુત..અદ્ભુત…! અંતે તો આ જ કરવા નું છે…….ભગવાન માં જ જોડાણ યથાર્થ કરવા નું છે…..અને જગત ના ..લૌકિક જોડાણ ને ગૌણ કરવા નું છે……

સભાને અંતે જાહેરાત થઇ કે….

  • અમદાવાદ ના ઘણા હરિભક્ત – મહંત સ્વામી મહારાજ જ્યાં બિરાજમાન હોય ત્યાં -અંગત દર્શન મુલાકાત માટે જતા હોય છે..હવે તેમના માટે- પ્રથમ અમદાવાદ કોઠારી સ્વામી ને મળી – સ્વામીશ્રી ના દર્શન માટે ની આગોતરું આયોજન કરવું પડશે……એ સિવાય અંગત મુલાકાત નહિ થાય….ધ્યાન રાખવું..
  • તારીખ- ૩ થી ૫ જુલાઈ……અને ૧૧ જુલાઈ- રોજ સારંગપુર માં સંતો ની અગત્ય ની શિબિર હોવાથી- મહંત સ્વામી મહારાજ ના સમીપ દર્શન- મુલાકાત સંભવ બનશે નહિ……તેની નોંધ લેવી….
  • અમૃત હર્બલ દ્વારા – પ્રીમીયમ મોઈશ્ચરાઈઝિંગ સોપ લોન્ચ થયા છે……….

તો- હવે જીવ ને ક્યાં જોડવો..અને ક્યાં થી છોડાવવો ..એ આપણા માટે સ્પષ્ટ થઇ ગયું છે…..શ્રીજી નો સાક્ષાત્કાર કરવો હોય તો સત્પુરુષ માં દ્રઢ પ્રીતિ કર્યા સિવાય છૂટકો જ નથી…….એને પોતાનો આત્મા માની ને વર્ત્યા સિવાય બીજો કોઈ આરો જ નથી…….છેવટે- બ્રહ્મ જ કોઈ ને બ્રહ્મ  રૂપ કરી શકે…!

જય સ્વામિનારાયણ…………સદાયે…..સર્વ..”પ્રથમ શ્રીહરિ ને રે…..”

રાજ


Leave a comment

BAPS રવિસભા-૨૪/૦૬/૨૦૧૮

પછી સ્વયંપ્રકાશાનંદ સ્વામીએ પ્રશ્ન પૂછ્યો જે, “ભગવાનના ભક્તને ભગવાનની મૂર્તિમાં અતિશય હેત કયે પ્રકારે થાય?……….

પછી શ્રીજીમહારાજે તેનો ઉત્તર કરવા માંડ્યો જે, “સ્નેહ તો રૂપે કરીને પણ થાય છે તથા કામે કરીને પણ થાય છે તથા લોભે કરીને પણ થાય છે તથા સ્વાર્થે કરીને પણ થાય છે તથા ગુણે કરીને પણ થાય છે. તેમાં રૂપે કરીને જે સ્નેહ થાય છે તે તો જ્યારે તેના દેહમાં પિત્ત નીસરે અથવા કોઢ નીસરે ત્યારે સ્નેહ થયો હોય તે નાશ પામે છે; તેમ જ લોભ, કામ અને સ્વાર્થે કરીને જે હેત થયું હોય તે પણ અંતે નાશ પામે છે અને જે ગુણે કરીને સ્નેહ થયો હોય તે તો અંતે રહે છે………”

ત્યારે શ્રીજીમહારાજ પ્રત્યે સોમલો ખાચર બોલ્યા જે, “એ તે ગુણ કયા?

….પછી શ્રીજીમહારાજે તેની વિસ્તારે કરીને વાર્તા કરવા માંડી જે………

૧) “વચને કરીને તો કોઈ જીવપ્રાણીમાત્રને દુખવવા નહીં……પરમેશ્વર તથા મોટા સંત તે પોતાને કોઈ વચન યોગ્ય કહે અથવા અયોગ્ય કહે, ત્યારે તે વચનને તત્કાળ સ્નેહે સહિત માનવું…………

 ૨) …( તપ) ચાંદ્રાયણ વ્રતે કરીને દેહને નિર્બળ કરી નાંખવું; પછી તેને દેખીને તેના દેહની મોટા સંત અથવા પરમેશ્વર ખબર રખાવે તો ભલે, પણ પોતાને જાણે દેહનું જતન કરવું નહીં. તથા દેહે કરીને ભગવાનની અને ભગવાનના ભક્તની ટેલ-ચાકરી કરવી……….

૩) ……………પરમેશ્વરનાં જ્યારે દર્શન કરવાં ત્યારે મને સહિત દ્રષ્ટિને એકાગ્ર રાખીને કરવાં……….પરમેશ્વરનાં દર્શન દ્રષ્ટિને નિયમમાં રાખીને કરે છે તેને એ દર્શન નવીનનાં નવીન રહે છે, અને પરમેશ્વરે જે જે વચન કહ્યાં હોય તે પણ તેને નવીનનાં નવીન રહે છે. ………

………….એવી રીતે જે વર્તે તેને ભગવાનની મૂર્તિમાં દિવસે દિવસે અધિક સ્નેહ થાય છે અને તે ભક્ત ઉપર પરમેશ્વર ને મોટા સાધુને સ્નેહ હોય તેથી પણ દિવસે દિવસે વધતો જાય છે……..”


ભગવાન શ્રી સ્વામિનારાયણ- વચનામૃત- સારંગપુર-૨

ભગવાન ની અને મોટા પુરુષ ની મરજી જાણી ને જે વર્તે છે….જીવે છે તેના પર ભગવાન નો અઢળક રાજીપો થાય છે અને આ રાજીપો જ સત્સંગ ની ..આ જીવન ની ફલશ્રુતિ છે, જો એ ન થાય તો સત્સંગ માં આવ્યા નો મતલબ શું?? માટે જ એવો સત્સંગ કરવો કે જેથી જીવ નું કલેવર બદલાય….રજકણો બદલાય અને જીવ બ્રહ્મરૂપ થાય. …આ માટે જ રવિ સત્સંગ સભા નો મહિમા વિશેષ છે….એમાં હાજરી- એ સત્પુરુષ નો રાજીપો છે…..

તો આખરે, અમદાવાદ માં મેઘરાજા ની ટૂંકી પણ મધુર પધરામણી થઇ ..અને ઉકળાટ થી થોડોક સમય તો બધા ને શાંતિ અને શીતળતા નો આસ્વાદ મળ્યો….આ આસ્વાદ સાથે અમે સમયસર સભામાં પહોંચી ગયા….સર્વ પ્રથમ પૂર્ણ પુરુષોત્તમ મહારાજ ના પૂર્ણ દર્શન…….

pixlr_20180624171412048

સભાની શરૂઆત યુવકો એ ધુન્ય અને પ્રાર્થના થી કરી….ત્યારબાદ એક યુવકે અતિ કર્ણપ્રિય સ્વર માં- જીવ ને સ્પર્શતું – કૃષ્ણાનંદ સ્વામી રચિત કીર્તન..” અમર ના સરદાર..હરી મારા નૈન તણા શણગાર..” રજુ કર્યું…હૈયું- શ્રીજી સાથે એકતાર થઇ ગયું…!! ત્યારબાદ બ્રહ્માનંદ સ્વામી રચિત..” ઓરા આવો મારા લેરખડા લહેરી…..” રજુ થયું….! એક વડીલે ગામઠી સુર માં પણ જીવ માં જોશ ભરતું કીર્તન…” હરી હરી પોકારે મારો જીવડો રે……” રજુ કર્યું અને બધામાં એક ઉમંગ ની લહેરખી છવાઈ ગઈ…….પુ. કૃષ્ણ સ્વરૂપ સ્વામી એ ” મીઠા મધુ ને ..મીઠા મેહુલા રે લોલ…..” રજુ કર્યું…!

ત્યારબાદ પુ. ઈશ્વર ચરણ સ્વામી જેવા સદગુરુ સંત દ્વારા સારંગપુર-૨ ના વચનામૃત નું અદ્ભુત વિવરણ થયું…..એમની પાસે દાયકાઓ નો સત્સંગ નો અનુભવ- અને ત્રણ ત્રણ ગુણાતીત પુરુષો ના સંપર્ક માં રહ્યા નો બહોળો ખજાનો છે…..આથી એમના મુખે જુના પ્રસંગો ને સાંભળવા એક અમુલ્ય લ્હાવા થી વિશેષ છે…..જોઈએ તેનો અતિ ટૂંકો સારાંશ…..

  • આ વચનામૃત માં – ભગવાન ની મૂર્તિ માં હેત કેમ થાય અને એ કેમ વધતું ને વધતું જાય…?? તેની ખુબ જ છણાવટ શ્રીજી એ સહજ રીતે કરી છે……
  • જગત માં જેમ દેખાય છે તેમ- સ્વાર્થ થી થતો હેત..પ્રેમ ..સ્નેહ એ ટૂંકા સમય માટે જ હોય છે…પણ ગુણ દ્વારા થતો સ્નેહ એ સદાયે રહે છે..અને એ ગુણ એટલે….૧) વચન- મોટા પુરુષ અને ભગવાન ના વચન માં રહેવું….વચન ને અધ્ધર ઝીલી જીવી જવું……જીવમાત્ર ને સમાસ થાય તેવું બોલવું..મીઠું બોલવું…..૨) તપ નો ઈશક- શ્રીજી ને તપ વિશેષ વ્હાલું હતું…..પોતાના નંદ સંતો ને ૧૧૪ જેવા અતિ કઠીન પ્રકરણ આપી શુધ્ધ કર્યા ..પોતાનો અઢળક રાજીપો વરસાવ્યો……..૩)ભગવાન ના દર્શન માંએકાગ્ર મન …રાખી વર્તીએ તો ભગવાન રાજી થાય…..ફાટેલ દ્રષ્ટિ અર્થાત- મન  ચંચળતા કે જે જીવ ને સત્સંગ માં ભટકાવી નાખે છે….એકાગ્ર થવા દેતી નથી…એ જીવ નું સત્સંગ માંથી પતન કરાવે છે…..
  • માટે જ જો જીવ ને સુખી કરવો હોય -આત્યંતિક કલ્યાણ પામવું હોય તો – જીવ ઉપરોક્ત ત્રણ ગુણ યથાર્થ સ્વીકારે….એ પ્રમાણે જીવે તો – મોટા પુરુષ અને ભગવાન નો તેના પર રાજીપો સદાયે રહે છે….જીવ સત્સંગ માં આગળ વધતો રહે છે…..બ્રહ્મરૂપ થાય છે……
  • કથાવાર્તા નો ઈશક રાખવો….અને એ પછી એના નીદી ધ્યાસ તો અવશ્ય કરવું….એ સિવાય..મનન કર્યા સિવાય જીવ સ્થિર ન થાય…કથા વાર્તા નો જેવો થવો જોઈએ એવો લાભ ન મળે……આમ કરવા થી મોટા પુરુષ નો મહિમા સમજાય છે..તેમના માં દ્રઢ હેત પ્રીત થાય છે…..અને ભગવાન ના સાક્ષાત્કાર નું કારણ બને છે……
  • માટે જ સત્સંગ માં સર્વ નો મહિમા રાખવો…..ભીડો ખમવો…..તો સર્વે દિવ્ય મનાય…..અને મન ના ઘાટ ટલે…..મન એ અમન થાય…….( મન સાથે વેરભાવ બંધાય..અને  મન કહે તેમ જીવ ચલિત ન થાય…) ..આપણે સ્વામી શ્રીજી ને એ જ પ્રાર્થના કરવા ની છે કે – આપણા માં આવા ગુણ આવે….!!!

અદ્ભુત………! જીવન માં આ દ્રઢ થાય તો – જીવ સંસાર હોય કે સત્સંગ- ક્યાય થી પાછો ન પડે……!

ત્યારબાદ- આપણા સત્સંગ માં ચમકતા તારલા એવા- ધોરણ ૧૦ અને ૧૨ ના – તેજસ્વી વિદ્યાર્થી /વિદ્યાર્થીની ઓ નું જાહેર માં ખુબ જ ઉત્સાહ થી સન્માન થયું……એમાં એક પ્રસંગ ખાસ નોંધવા જેવો છે- ધોરણ ૧૨ માં સમગ્ર રાજ્ય માં -પ્રથમ દસ માં આવેલા આપણા એક ભાવનગર ના એક સંનિષ્ઠ કાર્યકર નો સુપુત્ર- અધિષ – કે જેણે વગર ટ્યુશને…..નિત્ય પૂજા- સભા નો ત્યાગ કર્યા વગર ૩૦૦ માં થી ૨૯૬ માર્ક્સ મેળવી- સમગ્ર સત્સંગ સમાજ નું માન વધાર્યું છે…….તેનું ભવ્ય સન્માન થયું..! ટ્યુશન /કલાસીસ પાછળ દોડતા ..ઉંદર દોડ માં સામેલ માતા પિતા માટે – આ ઉદાહરણ એક પ્રેરણા સમાન છે…..

સમગ્ર સભાએ સર્વ તેજસ્વી વિદ્યાર્થીઓ ને વધાવ્યા…….સાથે સાથે આજે – સત્પુરુષ નો અઢળક રાજીપો છે તેવી સત્સંગ શિક્ષણ પરીક્ષા ના પ્રી ટેસ્ટ નું પણ આયોજન શહેર માં થયું હતું….હાજરી ૮૭% ની આસપાસ રહી….સર્વે સંતો ખુબ જ રાજી થયા…અરે…ઘણા સત્સંગ પરીક્ષાર્થી તો એવા હતા કે- જે છેક જામનગર થી..તો કોઈ..પોતાના અત્યંત બીમાર દીકરા ને હોસ્પિટલ માં છોડી…..તો કોઈ પોતાના બે માસ ના દીકરા ને લઇ ને પરીક્ષા આપવા આવ્યા હતા…..! આવા- પરીક્ષાર્થી ઓ ના ખટકા ને લીધે તો આપણો સત્સંગ ઉજળો છે…..નવપલ્લિત છે…!

સભાને અંતે

  • પૂ. ઈશ્વર ચરણ સ્વામી , પૂ.શ્રીજી ચરણ સ્વામી..પૂ. અક્ષરવત્સલ સ્વામી અને અન્ય સંતો- અમેરિકા રોબીન્સ્વીલે અક્ષરધામ ના કામ અર્થે અમેરિકા અને લંડન ના વિચરણ પર જી રહ્યા છે……પુ. સત્સંગી જીવન સ્વામી એ હાર પહેરાવી- ઈશ્વર સ્વામી ને ભાવભીની વિદાય આપી…શુભેછા પાઠવી….
  • એક મોટું સંત મંડળ- આફ્રિકા ખંડ ને સત્સંગ થી રંગવા- આફ્રિકા વિચરણ પ્રવાસે જઈ રહ્યું છે…તેમની  પણ વિદાય- શુભેચ્છા -અભિવાદન થયું…..
  • અમૃત હર્બલ કેર દ્વારા – ઉત્પાદિત વિવિધ નવીન ઉત્પાદનો નું લોકાર્પણ – પૂ.ઈશ્વર ચરણ સ્વામી ના હસ્તે થયું…..

તો- કહેવાનું એટલું જ છે કે- સત્સંગ માં આવ્યા પછી…..આપણું એક જ ધ્યેય હોવું જોઈએ- સત્પુરુષ અને શ્રીજી નો રાજીપો……..! એ કેમ રાજી થાય- એનો વિચાર જીવ માં સદાયે- નિરંતર રહેવો જોઈએ……આખરે- આ બ્રહ્મરૂપ થવાનો માર્ગ છે…….નિશાન ઊંચું જ હોય………મોળી વાત ન હોય…!

જય સ્વામિનારાયણ

રાજ