Raj Mistry's world

Me,my stories and world around….


Leave a comment

BAPS રવિસભા-15/03/2020

મુક્તાનંદ સ્વામીએ પ્રશ્ન પૂછ્યો જે,

“ભગવાનને પ્રસન્ન કરવાનાં સાધન અનંત પ્રકારનાં શાસ્ત્રમાં કહ્યાં છે, ……પણ તે મધ્યે એવું એક સાધન કયું બળવાન છે જે સમગ્ર સાધન કર્યે જેવા ભગવાન પ્રસન્ન થાય તેવા એક સાધને કરી ભગવાન રાજી થાય? તે એવો એક ઉપાય કહો.”

ત્યારે શ્રીજીમહારાજ બોલ્યા જે,

“એક જ સાધને કરીને ભગવાન રાજી થાય તે કહીએ તે સાંભળો જે,

….ભગવાનનો જે દ્રઢ આશરો એ જ એક સર્વ સાધનમાં મોટું સાધન છે, તેણે કરીને ભગવાન રાજી થાય છે. અને તે આશરો અતિ દ્રઢ જોઈએ, જેને વિષે કાંઈ પોલ રહે નહીં.….

———————-

વચનામૃતમ- ગઢડા પ્રથમ 33

કોરોના…..કોરોના….!! અમદાવાદ અને સમગ્ર દુનિયા માં અત્યારે આ બીમારી થી રક્ષણ ની અગમચેતી રૂપે ઘણું બધું ચાલી રહ્યું છે…અને આજની વિરાટ સત્સંગ સભા આ માહોલ વચ્ચે અકબંધ હતી….હરિભક્તો ની સંખ્યા અને એમના ઉત્સાહ ની ..નિષ્ઠા ની કોઈ ખોટ ન હતી…..પૂર્વ કોઠારી સ્વામી શ્રી પૂ.સત્સંગી જીવન સ્વામી બે ત્રણ માસ લાંબી બીમારી બાદ હોળી પર્વ માં ધામ ગમન પામ્યા…એમની શ્રદ્ધાંજલિ સભા આજે હતી…

સર્વ પ્રથમ મારા વ્હાલ ના દરિયા ના દર્શન….

સભા ની શરૂઆત યુવક મિત્રો દ્વારા સ્વામિનારાયણ ધૂન થી થઈ……ત્યારબાદ પૂ.વિવેક મુનિ સ્વામી એ બુલંદ સ્વર માં…” અક્ષરધામ ના વાસી મારે હૈયે કરજો નિવાસ…” પદ રજૂ કર્યું….! છેવટે આ મનુષ્ય જીવન ની સર્વોપરી અને આખરી અભિલાષા તો આ જ છે કે…..મારો ઠાકર…મારા હૈયે અખંડ બિરાજે…!!!

અમદાવાદ શાહીબાગ મંદિર માં સતત 40 વર્ષ સુધી સેવા આપી મંદિર નો અભૂતપૂર્વ વિકાસ કરનાર પૂર્વ કોઠારી પૂ.સત્સંગી જીવન સ્વામી , ભગતજી મહારાજ જયંતિ ને દિવસે બ્રહ્મલીન થયા…એમની સ્મૃતિ..શ્રદ્ધાંજલિ રૂપે સમગ્ર સભા આજે એમને સમર્પિત હતી….

પૂ.અક્ષરવત્સલ સ્વામી એ, પૂ.સત્સંગી જીવન સ્વામી નું પ્રિય હોય તેવું વચનામૃત ગ.પ્રથમ 33 પર આધારિત પ્રવચન કરતા કહ્યું કે….( સારાંશ માત્ર)

  • અધ્યાત્મ માર્ગ ગૂઢ છે…જીવ ની સમજણ થી પરે છે….ભવસાગર માં થી પાર થવા માટે સત્પુરુષ ની આંગળી પકડવી પડે……
  • ભગવાન નો અને સત્પુરુષ નો દ્રઢ આશરો…એમનામાં દ્રઢ પ્રીતિ જ કલ્યાણ નું સર્વોપરી સાધન છે…..આશરો એટલે દ્રઢ આશરો….એમાં કોઈ ફેર ફતુર ન ચાલે….
  • એકાંતિક ભક્ત ને તો ભગવાન નો આશરો – કાં તો વજીબા ની જેમ મૂઢ પણે દ્રઢ હોય…..
  • ભગવાન પોતાના ભક્ત ની કસોટી કરે….પણ ભક્ત નો આશરો દ્રઢ હોય તો ભગવાન એની રક્ષામાં અખંડ રહે…….સંસાર ની વિટમ્બના હોય કે અન્ય જગત ના પ્રશ્નો….ભગવાન સદાયે સાથે રહે છે….ભક્ત ને ઉગારે છે….એના સુખાકારી ની ચિંતા ભગવાન પોતે કરે…
  • પૂ.સત્સંગી જીવન સ્વામી ના હૃદયમાં આવો જ દ્રઢ આશરો હતો…..સંસાર થી નિર્લેપ હતા….બસ આપણે પણ એવો દ્રઢ આશરો કેળવવા નો છે…..

1973 માં પરમ પૂજ્ય પ્રમુખ સ્વામી મહારાજે બામણ ગામ ના પૂ.સત્સંગી જીવન સ્વામી ને દીક્ષા આપી હતી…અને ત્યાર થી જ આ મંદિર માં છેક છેલ્લા શ્વાસ સુધી સેવા કરી….એમની સ્મૃતિ કરતા સંતો પૂ. વિમલ પ્રકાશ સ્વામી, પૂ.વિવેકજીવન સ્વામી, પૂ.બ્રહ્મવિહારી સ્વામી અને પૂ.ઈશ્વર ચરણ સ્વામી એ શબ્દઅંજલી અર્પિત કરી ..( જોઈએ સારાંશ માત્ર…)

  • કોઠારી તરીકે એમની સેવા એટલી દ્રઢ હતી કે એ સેવા છોડી ને ક્યાંય ગયા નથી….સમૈયા ઓ માં હાજરી ની લાલચ ન રાખી….સર્વે સંતો ને માં બાપ નું સુખ આપી સાચવ્યા…સદગુરુ સંતો પણ એમની ભક્તિ, નિષ્ઠા થી અત્યંત રાજી હતા….એમની સ્મૃતિ અત્યંત મજબૂત…આયોજન પણ મજબૂત….!એક સરખી રહેણી કહેણી….. વચનામૃત, સ્વામી ની વાતો નું પઠન નિત્ય કરે….મંદિર ના ઓટલા પર જ સુએ….વર્ષો સુધી શાકભાજી કાપવા ની સેવા પોતે કરે…..નિઃસ્વાદી વર્તન…!!
  • ગુરુ અને ભગવાન ની કૃપા એ પોતે વચનસિદ્ધ પુરુષ સમાન છતાં કોઈ અહં નહિ……રોજ રાત્રે સૂતા પહેલા મંદિર માં મોટો આંટો મારે….મંદિર પ્રત્યે દ્રઢ સેવા નિષ્ઠા નો ભાવ….!! મૃત્યુ નો લેશ માત્ર પણ ભય નહિ…..યુવક તરીકે હતા ત્યારે એમના ગામ વાળા એમને “ડાઘુ” કહેતા…. ,😊 વિપરીત પરિસ્થતી ઓ માં પણ સદાયે સ્થિર….હરિભક્તો ને સદાયે બળ આપ્યું છે….પોતાને એક આંખે દેખાતું નહોતું….છતાં વાતો અને કાર્યો બળ ભર્યા……સહેજે મોળી વાત નહિ….કોઈ અપેક્ષા નહિ….!!
  • પૂ.ઈશ્વર ચરણ સ્વામી એ શ્રદ્ધાંજલિ આપતા કહ્યું કે…પૂ.સંતો એ જે સ્વામી વિશે વાત કરી એ શત પ્રતિશત સાચી છે….સાધુ થાવું..અને સાધુતા પાર પાડવી અઘરી છે….પૂ.કોઠારી સ્વામી એ આવું પ્રેરણા દાયક જીવન જીવ્યું છે…એમનો દ્રઢ આત્મવિશ્વાસ….એકદમ સકારાત્મક જીવન અને વર્તન…કોઈ રાગ દ્વેષ નહિ…મોટા મોટા પડકારો ઉઠાવી લેવા ની તાકાત….દ્રઢ નિર્ણય શક્તિ…એ જ એમની શક્તિ હતી……એમના જેવા ગુણો આપણે પણ રાખીએ તો સંસાર હોય કે સત્સંગ….સફળતા મળે જ…!! દાસત્વ ભક્તિ જીવન માં સફળ થાય….

ત્યારબાદ પૂ.ડોક્ટર સ્વામી નો ઓડીઓ સંદેશ રજૂ થયો…..તેમણે શ્રદ્ધાંજલિ આપતા કહ્યું કે- કોઠારી સ્વામી એ અતુલ્ય કાર્ય કર્યું છે….બહુ ભણેલા નહિ..પણ સાધુતા ને કેન્દ્ર માં રાખી જે વહીવટી સૂઝબૂઝ રાખી જે કાર્ય કર્યું છે…તે પ્રેરણા દાયક છે…આપણે સૌએ આની પ્રેરણા લેવાની છે….

અંતે ગુરુહરી મહંત સ્વામી મહારાજે પણ શ્રદ્ધાંજલિ સંદેશ આપ્યો….કોઠારી સ્વામી ની સાધુતા, સેવા અને ગુરુ ને રાજી કરવા ની નિષ્ઠા ને બિરદાવી…

સભાને અંતે પૂ.અક્ષરવત્સલ સ્વામી એ જાહેરાત કરતા કહ્યું કે…

  • વચનામૃત આધારિત 23 જેટલી પુસ્તિકાઓ પ્રકાશિત થઇ છે….
  • કોરોના વાઇરસ સંક્રમણ થી બચવા આપણી સંસ્થાએ જાહેર સ્વાસ્થ્ય સુરક્ષા અંગે જાહેરાત થઈ….

ત્યારબાદ કોરોના ઇન્ફેક્શન થી બચવા ની અમુક રીતો વિશે જાહેરાત થઈ…..

અને છેલ્લે ધુન્ય… પ્રાર્થના થઈ….

ટૂંક માં આજની સભા નો એ જ સંદેશ હતો કે પૂર્વ કોઠારી સ્વામી પૂ.સત્સંગી જીવન સ્વામી જેવું જીવન જીવ્યા….જે ગુણ જીવન માં રાખ્યા એવા જ ગુણ… દ્રઢ આશરો….દ્રઢ નિષ્ઠા….દાસત્વ ભક્તિ આપણા જીવન માં પણ દ્રઢ થાય…..!!

સાથે સાથે કોરોના સંક્રમણ થી થોડીક સાવચેતી રાખીએ….સ્વચ્છતા, દવા સાથે સ્વામી શ્રીજી ને સર્વના ભલા માટે પ્રાર્થના કરતા રહીએ….

છેવટે જીવન ની સફળતા નો મર્મ એ જ છે…..સમજતા રહો….સત્સંગ એ સમજણ નો જ માર્ગ છે….

સદાયે પ્રથમ શ્રી હરિ ને રે…..

જય સ્વામિનારાયણ

રાજ

નોંધ- હવે પછી ની રવિસભાઓ- કોરોના સંક્રમણ ની પરિસ્થિતિ નો સામનો કરવા ના ભાગ રૂપે – ઓનલાઈન અને ટીવી ચેનલ ના માધ્યમ થી થશે. સર્વે હરિભક્તો એ ઘરે બેઠા – નિયત સમયે જ તેનો લાભ લેવાનો રહેશે. ટીવી ચેનલ અને ઓનલાઈન લિન્ક ની જાહેરાત પછી થી થશે. 


BAPS રવિસભા-08/03/2020

પછી શ્રીજીમહારાજ બોલ્યા જે, “અમે એક પ્રશ્ન પૂછીએ છીએ.” પછી મુનિ બોલ્યા જે, “પૂછો, મહારાજ!”

પછી શ્રીજીમહારાજે પૂછ્યું જે,

“ભગવાન જીવના કલ્યાણને અર્થે પૃથ્વી ઉપર અવતાર ધરે છે, તે અવતાર ધર્યા વિના પોતાના ધામમાં રહ્યા થકા શું કલ્યાણ કરવાને સમર્થ નથી? અને કલ્યાણ તો ભગવાન જેમ ધારે તેમ કરે. ત્યારે અવતાર ધર્યાનું શું પ્રયોજન છે? અને જો અવતાર ધરે ત્યારે જ ભગવાનમાં કલ્યાણ કરવાની સામર્થી હોય અને અવતાર ધર્યા વિના જીવનાં કલ્યાણ ન કરી શકતા હોય તો ભગવાનને વિષે પણ એટલું અસમર્થપણું આવે. માટે ભગવાન તો અવતાર ધરીને પણ કલ્યાણ કરે અને અવતાર ન ધરે તો પણ જીવનાં કલ્યાણ કરવા સમર્થ છે. માટે એવા જે ભગવાન તેને અવતાર ધર્યાનું શું પ્રયોજન છે? એ પ્રશ્ન છે.” પછી મોટા મોટા સંત હતા તેમણે જેની જેવી બુદ્ધિ તેણે તેવો ઉત્તર કર્યો, પણ શ્રીજીમહારાજના પ્રશ્નનું કોઈથી સમાધાન ન થયું અને શ્રીજીમહારાજે આશંકા કરી તે સર્વેના ઉત્તર ખોટા થઈ ગયા. પછી મુનિ સર્વે હાથ જોડીને બોલ્યા જે, “હે મહારાજ! એ પ્રશ્નનો ઉત્તર તો તમે જ કરો તો થાય.”

પછી શ્રીજીમહારાજ બોલ્યા જે, “ભગવાનને અવતાર ધર્યાનું એ જ પ્રયોજન છે જે,

…….ભગવાનને વિષે અતિશય પ્રીતિવાળા જે ભક્ત હોય તેની ભક્તિને આધિન થઈને તે ભક્તને સુખ દેવાને અર્થે જેવી ભક્તની ઇચ્છા હોય તેવા રૂપનું ધારણ કરે છે. પછી જેવા જેવા પોતાના ભક્તના મનોરથ હોય તે સર્વે પૂરા કરે છે……. અને તે ભક્ત હોય તે સ્થૂળભાવે યુક્ત છે અને દેહધારી છે, માટે ભગવાન પણ સ્થૂળભાવને ધારણ કરીને દેહધારી જેવા થાય છે અને તે પોતાના ભક્તને લાડ લડાવે છે; અને પોતાની સામર્થીને છપાડીને તે ભક્ત સંગાથે પુત્રભાવે વર્તે છે અથવા સખાભાવે વર્તે છે અથવા મિત્રભાવે વર્તે છે અથવા સગાંસંબંધીને ભાવે વર્તે છે, તેણે કરીને એ ભક્તને ભગવાનની ઝાઝી મર્યાદા રહેતી નથી……. પછી જેવી એ ભક્તને ઇચ્છા હોય તેવી રીતે લાડ લડાવે છે. માટે પોતાના જે પ્રેમી ભક્ત તેના મનોરથ પૂરા કરવા એ જ ભગવાનને અવતાર ધર્યા નું પ્રયોજન છે …..

…….અને તે ભેળું અસંખ્ય જીવનું કલ્યાણ પણ કરે છે ને ધર્મનું સ્થાપન પણ કરે છે

——————————

વચનામૃત-કારીયાણી 5

ગઈ 3 રવિસભા ઓ નો લાભ હું સંસાર ની વ્યસ્તતા વચ્ચે ન લઈ શક્યો…..જીવ નો જાણે કે એક ભાગ કોરો પડી ગયો….કારણ કે હવે તો સત્સંગ એ જ જીવ નું પોષણ છે અને જો એનાથી દૂર રહેવાય તો, એની અસર તો દેખાવા ની જ…!! અહીં તો હરપળ હરિ….હરક્ષણ હરિ…જેવું જીવન જીવવા ની ખેવના છે…..પછી બાકી કેમ રહે??

આજે સમયસર સભામાં પહોંચી ગયા અને ફાગણ ને રંગે જાણે કે રંગાયેલો મારો નાથ….એના ધામ..મુકતો ના દર્શન જીવ ને સંતૃપ્ત કરી ગયા….ચાલો તમે પણ તૃપ્ત થાઓ…

સભાની શરૂઆત યુવકો દ્વારા સ્વામિનારાયણ ધૂન અને પ્રાર્થના થી થઈ….એક યુવક મિત્ર દ્વારા બ્રહ્માનંદ સ્વામી રચિત” મારા મંદિરે પધારો માવા રે….” પદ રજૂ થયું…..દરેક જીવ નો ઉમળકો હોય છે કે જીવને અખંડ શાંતિ સુખ મળે…અને એ તો કેવળ શ્રીજી મહારાજ ને જીવ માં સ્થાપવા થી જ મળે…..પણ પ્રશ્ન એ કે શ્રીજી જીવ માં / જીવરૂપી મંદિર માં ક્યારે અખંડ બિરાજે?? ઉત્તર છે…જીવ પંચવિષય થી શુદ્ધ થઈ….નિર્વિકલ્પ થઈ..બ્રહ્મરૂપ થઈ એક શ્રીજી માં જોડાય તો જ આ થાય…!! અદભુત પદ….!

ત્યારબાદ એક યુવક દ્વારા ભક્તરાજ ખોડા ભગત દ્વારા રચિત ” માંગો માંગો ભગતજી આજ….” પદ રજૂ થયું……અનાદિ અક્ષર બ્રહ્મ ગુણાતીત સ્વામી એ દેહ ને ચુરા કરી નાખે એવી અતુલ્ય સેવા થી પ્રસન્ન થઈ ભગતજી મહારાજ ને વર માંગવા કહ્યું….એ પ્રસંગ નું પદ્ય સ્વરૂપ અહીં રજૂ થયું….અને ભગતજી એ જે માંગ્યું એ સત્સંગ ઇતિહાસ માં સુવર્ણ અક્ષરે કોતરાઈ ગયું….” મારો જીવ સત્સંગી થાય…” એ જ વર આપણે પણ માંગવા નું છે….દુનિયા ના સુખ તો આવશે ને જશે…બસ જીવ નું સુખ સદાયે સાથે રહેશે…!! અને એ પછી એક યુવક દ્વારા આવતા બે દિવસ માં આવનાર ફુલદોલ ઉત્સવ ના પ્રતીક રૂપે…પ્રેમાનંદ સ્વામી રચિત….” રંગ કી ધૂમ મચાઈ રંગ ભીને સાવરે….” પદ રજૂ થયું અને ગઢડા ની ગલી ઓ માં સંતો હરિભક્તો પર રંગો ની વર્ષા કરતા એ રંગભીના કેસરિયા વર ની છબી મનો ચક્ષુ સમક્ષ પ્રગટ થઈ ગઈ…..!! ત્યારબાદ એક યુવક દ્વારા વનમાળી દાસ રચિત ” મેડી એ ડંકા વાગે ભગતજી ની…..” એ ચડતા રાગ માં ગવાતું પદ રજૂ થયું….

ત્યારબાદ આવનારા રંગોત્સવ ઉપલક્ષ માં પ્રેમસખી દ્વારા રચિત પ્રેમભીનું પદ ” હોળી આઈ રે…આઈ રે…..” રજૂ થયું….અને ફાગણ રંગ બની ને હૃદય પર છવાઈ ગયો….!! વિચારો કે શ્રીજી ના સમય માં રંગોત્સવ નો શો આનંદ…શી મોજ હશે???

ત્યારબાદ પ્રગટ ચરીત્રામૃત પ્રસંગ કથન હેઠળ પૂ.સરલ ચિત્ત સ્વામી એ પ્રગટ ગુણાતીત પુરુષ મહંત સ્વામી મહારાજ ના પ્રસંગો વર્ણવ્યા……એમણે કહ્યું કે- સત્પુરુષ ના પ્રસંગો ના પાન થકી જીવ નું કલ્યાણ થાય છે…ઠાકોરજીની સેવા ની સ્મૃતિ હોય કે..સદાયે ઠાકોરજી ને આગળ રાખી વર્તવાનું હોય….જન્માષ્ટમી ના નિર્જળા ઉપવાસ હોવા છતાં 71-71 દંડવત કર્યા હોય…કે પોતાના ગુરુ ની જય પ્રથમ બોલવા ની હોય…સ્વામીશ્રી પળેપળ એક સ્વામી શ્રીજી માટે જ જીવ્યા છે……! સૌને ભગવાન ભજવા ની જ વાત કરી છે….! આવા સર્વોપરી ગુરુ આપણ ને મળ્યા છે…એનો કેફ રાખીએ…..!

ત્યારબાદ આણંદ ખાતે 1 માર્ચ ના રોજ સ્વામીશ્રી ની સાકર તુલા થઈ હતી એના દિવ્ય વિડીયો દર્શન નો લાભ મળ્યો…..

અદભુત…..અદભુત…..!!

ત્યારબાદ પૂ.બ્રહ્મ મુનિ સ્વામી ના મુખે વચનામૃત-કારીયાણી 5 પર આધારિત પ્રવચન થયું….જોઈએ એનો સારાંશ માત્ર…..

  • ભગવાન ની કૃપા અપરંપાર છે…..વાતો, દર્શન,મળવું અને પ્રસાદ- આ ચાર પ્રકારે ભગવાન પોતાના ભક્તો પર કૃપા વરસાવે છે…..બસ ભગવાન ની આ કૃપા ને ઓળખતા આવડવું જોઈએ…શ્રીજી મહારાજ ના વિવિધ ચરિત્ર, શારીરિક લક્ષણો જોઈએ ને પળભર માં અનેકો વિદ્વાનો ત્યાગશ્રમ સ્વીકારી સાધુ બન્યા…..
  • પોતાના ભક્તો ના મનોરથ…સંકલ્પ પુરા કરવા શ્રીજી મહારાજે મનુષ્ય ચરિત્ર કરી સર્વ ને અઢળક સુખ આપ્યું……તેમના જેવા થઈ…એમની વચ્ચે રહી એમના સર્વ મનોરથ પૂર્ણ કર્યા……એ જ રીતે એમના આધ્યાત્મિક અનુગામી ગુણાતીત પુરુષો એ પોતાના ભક્તો ને રાજી કરવા …એમના સંકલ્પ પુરા કરવા….પોતાના દેહ સામે…ભીડા સામે જોયું નથી…..
  • ભગતજી મહારાજનો ભાદરોડ નો પ્રસંગ હોય….કે શાસ્ત્રીજી મહારાજ નો જીવા ભગત પ્રત્યે નો પુણ્યપ્રકોપ હોય…..નિર્ગુણ સ્વામી સાથે ના મીઠા ઝગડા હોય…..યોગીબાપા નો યુવકો પ્રત્યે પ્રેમ હોય…..કે પ્રમુખ સ્વામી ના નાના માં નાના હરિભક્તો ની કાળજી રાખવા ની ટેવ હોય….He has the heart where whole world can live…..એવું એમના વિશે કહેવાતું…..!! અને આજે મહંત સ્વામી મહારાજ નું નિર્માની પણુ જુઓ……અતુલ્ય નિર્માની પણુ….એમની બધી જ ક્રિયા કેવળ અને કેવળ હરિભક્તો ને રાજીપા અર્થે જ …!
  • હવે આપણે સામે- એમને રાજી કરવા ની પાત્રતા કેળવવા ની છે….એમની આજ્ઞા મુજબ શતાબ્દી ની સેવામાં સાંગોપાંગ જોડાઈ જવું…..

સભાને અંતે જાહેરાત થઈ કે…..

  • આવતા મંગળવારે ગઢડા માં વચનામૃત દ્વિશતાબ્દી ઉત્સવ કેવળ ત્યાંના હરિભક્તો માટે જ છે…પણ એ પ્રસંગ નું live webcast આપણી સંસ્થા ની live.baps.org પર થી જોઈ શકીશું…..
  • સંસ્થા ના બીમાર સંતો માટે ધૂન થઈ….

આજની સભા નો એક જ સાર- જો ભગવાન અને એના સંત આપણા સુખ માટે ….આપણા મનોરથ પુરા કરવા …પોતે મનુષ્ય રૂપે , અનેક કષ્ટો વેઠી ને જીવ્યા….તો સામે આપણે શું કરી શકીએ?? બસ, એમની આજ્ઞા માં સારધાર રહેવું……જીવન ના પ્રત્યેક પળ કે ક્રિયામાં એમના રાજીપા નો જ વિચાર કરવો…!!

જીવ ને સત્સંગી કરવો…..એમના સાચા ભક્ત થવું….!!

તૈયાર છો ને??

સદાયે પ્રથમ શ્રીહરિ ને રે……!

જય સ્વામિનારાયણ

રાજ


BAPS રવિસભા- 09/02/2020

“…..વાતું કરવાથી માખીમાંથી સૂર્ય થાય ને સૂર્યમાંથી માખી થાય, જો વાત કરતાં આવડે તો……. ‘વાતન કી વાત બડી કરામત હે.’ ….

…….આ સર્વે સત્સંગ વાતે કરીને કરાવ્યો છે, ને આ સર્વે વાતે કરીને છે બીજું કાંઈ નથી…..”

———————–

અનાદિ અક્ષરમૂર્તિ ગુણાતીતાનંદ સ્વામી ની અક્ષર વાતો-૫/૩૧૬

આજે પૂનમ હતી અને હૃદય ..મન સવાર થી જ શ્રીજી મહારાજ ના દર્શન ની તાલાવેલી એ તત્પર હતા……આથી સમય પહેલા જ સભામાં પહોંચી ગયો અને સૌપ્રથમ મારા વ્હાલા ના અતિ મનમોહક દર્શન…….” ચિતડું ચોરાણું એની શોભામાં….”…

ચાલો….એનો ગુલાલ કરીએ….

આજની સભા માં પ્રખર વક્તા….અતિ વિદ્વાન અને બાપા ના અત્યંત કૃપાપાત્ર એવા સદગુરુ પૂ.વિવેકસાગર સ્વામી નું ” પારિવારિક શાંતિ અભિયાન” પર પ્રવચન હતું….તેની પ્રતિક્ષા સાથે સભા ની શરૂઆત યુવકમિત્રો દ્વારા સ્વામિનારાયણ ધૂન થી થઈ…..ત્યારબાદ એક યુવક દ્વારા ” આજ શ્રીજી મહારાજ ભલે આવિયા રે…..” ભક્તરાજ નારાયણ દાસ દ્વારા રચિત અદભુત કીર્તન રજૂ થયું…..અને મનોચક્ષુ સમક્ષ કેસરભીનો જાણે કે સાક્ષાત પ્રગટ થઈ ગયો…..!

એ પછી એક યુવક દ્વારા ” હરિ વિના હિતકારી બીજું કોઈ તારું નથી…….” દેવાનંદ સ્વામી રચિત પદ રજૂ થયું. સાચી વાત….એક હરિ સિવાય બીજું કોઈ હિતકારી છે જ નહીં….!! જીવ આ બ્રહ્મસત્ય જેટલું જલ્દી સમજે ..એટલું જ જલ્દી કલ્યાણ થાય છે….!!! ત્યારબાદ એક યુવક મિત્ર દ્વારા , શાસ્ત્રીય ઢાળ પર આધારિત…” દેખી છબી સાંવરી…” પ્રેમાનંદ સ્વામી રચિત અવધી ભાષાનું પદ રજૂ થયું…….અને મારો સાંવરિયો… હૃદય માં …સર્વ શણગાર સહિત….એક હાથ માં રેશમી રૂમાલ…બીજા હાથમાં ગુલાબ ના પુષ્પ સાથે… હિંડોળે બિરાજી મંદ મંદ હસી રહ્યો હતો…..!!

ત્યારબાદ પરમ પૂજ્ય મહંત સ્વામી મહારાજ ના 29 જાન્યુઆરી, 2020, ના દિવ્ય વિચરણ નો વિડીયો દર્શનનો અદભુત લાભ મળ્યો…

અદભુત….અદભુત….!!

એ પછી સદ્દગુરુ પૂજ્ય વિવેકસાગર સ્વામીએ ” પારિવારિક શાંતિ અભિયાન” પર પ્રવચન કરતા કહ્યું કે….( જોઈએ સારાંશ માત્ર)

  • ભગવાને સમગ્ર સૃષ્ટિ ની રચના કરી….મનુષ્ય ની રચના કરી..કે જે વિચારી..સમજી ..વર્તી શકે….એને બધું આપ્યું….પણ પરમ શાંતિ, ભગવાને પોતાના ચરણારવિંદમાં રાખી……
  • એલેક્સઝાંડર, નેપોલિયન હોય કે મોટા મોટા મહારાજા હોય કે શાસકો….પણ પરમ શાંતિ એમને ક્યાંય મળી નહોતી….Life is nothing but a painful pleasure….!!
  • માટે જ સાચું સુખ તો ભગવાન ના ચરણ માં છે..કે સાચા સંત ના સમાગમ માં છે…..!! બસ…સાચા સંત ને ઓળખવા ના છે…એમનામાં યથાર્થ જોડાવા નું છે….
  • સાચા સંત ને ઓળખવા માટે ના ત્રણ લક્ષણ…૧) એમના ગુરૂ ને જાણવા..૨) એમના શિષ્ય કોણ..? એ જાણવું…૩) એ જે બોલે તે પ્રમાણે જીવે છે?? એ જાણવું…..!! અને આવા સંત આપણ ને મળ્યા….પ્રમુખ સ્વામી મહારાજ…!! આપણો હાથ દૂધપાક માં પડ્યો છે…..ઘેંસ માં નહિ…!! એનો કેફ રાખવો….
  • પોતાના દેહ ની પરવા કર્યા વગર સ્વામીએ લાખો ના જીવન પરિવર્તન કર્યા….લાખો પરિવારો માં શાંતિ આવી…..લાખો ના અંતરમાં અજવાળા કર્યા…..
  • શ્રીજી એ વચનામૃતમાં કહ્યું છે કે જે આપણ ને મળ્યું છે…એ બીજા ને ન આપીએ તો એ પ્રાપ્તિ શુ કામ ની?? માટે જ આવા પુરુષ ની પ્રાપ્તિ આપણ ને થઈ છે ..તેનો બીજા સાથે ગુલાલ કરવો….બીજા ને કરવી….અને એ જીવ ને બ્રહ્મ ને માર્ગે ચડાવવો તો બ્રહ્માંડ ઉગાર્યા નું પુણ્ય મળે…!! આપણા ગુણાતીત ગુરુઓ એ અપાર કષ્ટો સહન કરી ને પણ આ જ વાત જગત માં કરી છે…..અનંત જીવો ના કલ્યાણ કર્યા છે…..ચાલો…આપણે પણ એ જ કાર્ય ને આગળ ધપાવીએ…..
  • આપણે તો બસ….સ્વામી ના મહિમા ની જ વાત કરી જીવ ને સત્પુરુષ સમક્ષ મોકલવા નો છે….બાકી નું બધું તો એ સંભાળી લેશે….ચાર લીટી ની એક વાત થી …સાંકરી નું આજનું ભવ્ય શીખરબદ્ધ મંદિર રચાયું…..સત્સંગ વિશાળ થયો….!! આપણે માત્ર નિમિત્ત બનવા નું છે……કાર્ય તો મહારાજ સ્વામી કરશે…!!
  • ગભરાવવા નું નહિ…..આત્મવિશ્વાસ રાખવા નો….આવા ગુણાતીત પુરુષ ની પ્રાપ્તિ નો..મહિમાનો કેફ રાખવો……અને વાત કરવી…! સમય કાઢવા નો….આવી તક જીવન માં ફરીથી નહિ મળે…..લ્હાવો લૂંટી લેવો…!!આપણે અમદાવાદ વાળા યજમાન છીએ…..સમયદાન કરવું…..એ જ કરોડો ની સેવા છે…એ જ તન મન ધન ની સેવા છે..!! પાછા પડવું નહિ….મોળી વાત કરવી નહીં..અહીં ફાયદો ફાયદો જ છે….કોઈ ખોટ જ નથી…કોઈ અપમાન કરે તો આપણા ગુણાતીત ગુરુઓ નું જીવન જોઈ લેવું…..નિષ્ફળતા મળે કે સફળતા….ડગવા નું નહિ…!!!…લાભ અચૂક લેવો…
  • આવી સેવા ચાલુ થશે તો બધે જ આપોઆપ પારિવારિક શાંતિ સ્થપાઈ જશે….કારણ કે અહીં પ્રગટ સત્પુરુષ બિરાજે છે…….તે જ સર્વ કાર્ય આપણા માં રહી કાર્ય કરશે…..!! આ દુર્લભ તક છે..કારણ કે બાપા નો શતાબ્દી ઉત્સવ ફરીથી આવશે નહિ…..!! શ્રીજી સ્વામી નો આ જીવ માત્ર ને સત્સંગ કરાવવાનો સંકલ્પ છે……!! આ અભિયાન થી ચારેકોર શાંતિ સ્થપાશે…….

If you can not see this chirbit, listen to it here https://chirb.it/cF7CNp

Check this out on Chirbit

તો….તમે પારિવારિક શાંતિ અભિયાન માં જોડાવા તૈયાર છો ને??? આ સુવર્ણ મોકો ફરીથી નહિ આવે…..લાભ લઇ..જીવન સફળ કરી લેવું…!!

ત્યારબાદ પૂ.ઇશ્વરચરણ સ્વામી એ પણ પોતાના આશીર્વચન માં કહ્યું કે…..આપણો આ સર્વે સત્સંગ…વાતો થી જ થયો છે……આપણા ગુણાતીત પુરુષો એ દિન રાત જોયા વગર અક્ષર પુરુષોત્તમ ની વાતો જ કરી છે……અને જીવો ને સત્સંગ માં જોડી ને કલ્યાણ કર્યું છે….! આફ્રિકા નો વિશાળ સત્સંગ એ આનું એક ઉદાહરણ છે…..માટે જ વાત કરવામાં આપણે પાછા પડવું નહિ….! આપણ ને કોણ મળ્યા છે?? એ તો વિચારો….એનો મહિમા સમજાશે તો આપણો પોતાનો સત્સંગ દ્રઢ થશે……જીવ સત્સંગી થશે…..બીજા ને જીવના કલ્યાણ નો માર્ગ મળશે…! કથાવાર્તા થી જ જીવમાં રૂડા ગુણ આવશે…….કલ્યાણ થશે….તો ચાલો ..અંતર થી આ અભિયાન માં ભળીએ…..સર્વનું રૂડું થશે……પ્રમુખ સ્વામી નો મહિમા જગત માં ફેલાશે…..!!!

તો આજની સભા નો સાર હતો……વાતો…ગુણાતીત વાતો…..ગુરુ ના મહિમા ની વાતો….!! જીવ ને બળિયો કરવો હોય…..બાપા ને રાજી કરવા હોય તો આવો મોકો ફરીથી નહિ આવે…….!!

આખરે પોતાના જીવ ના કલ્યાણ ની વાત છે……..!! કોઈ મોળી વાત નહિ……..બસ મન મૂકી ને આ અભિયાન માં જોડાવા નું છે…….

તૈયાર છો ને…..!!

સર્વસ્વ…એક હરિ કાજે….એના ધારક સત્પુરુષ કાજે….!

જય સ્વામિનારાયણ……

સદાયે પ્રથમ શ્રીહરિ ને રે…….

રાજ


BAPS યજ્ઞપુરુષ પ્રાગટય ઉત્સવ રવિસભા-02/02/2020

“…મારો જન્મ મંદિરો કરવા થયો છે…….અક્ષર પુરુષોત્તમ મહારાજ કાજે શ્વપચ ના ઘરે વેચાવું પડે તો યે ઓછું છે……”
————————
બ્રહ્મસ્વરૂપ શાસ્ત્રીજી મહારાજ

આજની સભા વિશિષ્ટ સભા હતી . વસંત પંચમી ના શુભ દિને મહેળાવ ગામે પ્રગટેલા બ્રહ્મસ્વરૂપ શાસ્ત્રીજી મહારાજે , શાસ્ત્રોક્ત …શ્રીજી નો હૃદયગત…સર્વોપરી અક્ષર પુરુષોત્તમ સિદ્ધાંત ને જગત સમક્ષ મૂર્તિમંત કર્યો અને જીવમાત્ર ના કલ્યાણ ના માર્ગ ને સહજ કર્યો…..આજે દુનિયાના 70 થી વધુ દેશોમાં અક્ષર પુરુષોત્તમ મહારાજ બિરાજમાન છે…..અને આ જ સિદ્ધાંત ના ડંકા આજે બ્રહ્માંડ માં ગુંજે છે……!! એમના આ પ્રતીક પ્રાગટય દિન ના દિવસે આપણે સંકલ્પ કરવો જોઈએ કે જે સિદ્ધાંત માટે શાસ્ત્રીજી મહારાજે અપાર કષ્ટો વેઠયા….એ સિદ્ધાંત ને જગત ના ખૂણે ખૂણે પહોંચાડશું…..એના માટે જીવી જશું…!!

તો આજની સભામાં સદાયે પ્રથમ– મનમોહક દર્શન ..મનોહર ના….! એમાંયે શ્રી ઘનશ્યામ મહારાજ ના ફૂલો ના વાઘા ના દર્શન કરો…..અદભુત…અદભુત…!!


સભાની શરૂઆત પૂ. શુભ કીર્તન સ્વામીના બુલંદ સ્વરે ” જય અક્ષરપતિ પુરુષોત્તમ…..” ધૂન થી થઈ….! અદભુત….!
ત્યારબાદ એમના સ્વરે જ ” શાસ્ત્રીજી મહારાજ નો સંગ ..ભાઈ મને ભાગ્યેજ મળ્યો છે…..” રસિક દાસ દ્વારા રચિત કીર્તન રજૂ થયું.
ત્યારબાદ યુવક નીરવ દ્વારા ” ગાથા ગાઓ આજ યજ્ઞપુરુષ ની….શાસ્ત્રીજી મહારાજ ની…”રજૂ થયું…!! આ અમર..અક્ષર ગાથા એવા મહાપુરુષ ની છે કે જેણે એક શ્રીજી સ્વામી ના રાજીપા કાજે …એક સિદ્ધાંત ના પ્રવર્તન ને કાજે પોતાના દેહ ને…સમગ્ર જીવન ને કૃષ્ણાર્પણ કરી દીધું….!!!! આ દેહ થકી ભગવાન કાજે શુ ન થાય??? એનો જીવંત ઉત્તર …એમના જીવન થકી મળે છે…

ત્યારબાદ એક વિડીયો ના માધ્યમ થી સર્વોપરી અક્ષર પુરુષોત્તમ સિદ્ધાંત …..એનો વેદો અને દર્શનો માં ઉલ્લેખ….સ્વયં શ્રીજી એ પ્રબોધેલું આ દર્શન….એના માટે શાસ્ત્રીજી મહારાજે કરેલો દાખડો રજૂ થયો……શાસ્ત્રીજી મહારાજ ના જીવન ના ચાર વાક્યો હતા…જેના પર વિવિધ સંતો એ ટૂંકા વિવરણ શાસ્ત્રીજી મહારાજ ના જીવનપ્રસંગો દ્વારા આપ્યા…..

એ વાક્યો હતા…
1) આ મુંડાવ્યું છે…તે અક્ષર પુરુષોત્તમ કાજે મુંડાવ્યું છે….( ટૂંકું પ્રવચન- પૂ. ધર્મ તિલક સ્વામી) ( સંવાદ- ગોંડલમાં મધ્ય ખંડ માં અક્ષર પુરુષોત્તમ માં પધરાવ્યા એ પ્રસંગ)

2) અક્ષર પુરુષોત્તમ માટે આપણે શ્વપચ ના ઘેર વેચાવું પડે તો પણ ઓછું છે….( પૂ.સંત-અજ્ઞાત )

3) આપણે તો અક્ષર પુરુષોત્તમ ના બળદિયા છીએ…..( બાળકો દ્વારા નૃત્ય, પૂ.સંત- વિવેક મુનિ સ્વામી)  ( પદ્ય સંવાદ..બોચાસણ છોડ્યા પછી શાસ્ત્રીજી મહારાજ ના સંતો ના જે અપમાન થયા..દુઃખ પડ્યા તેના પર.)

4) અક્ષર પુરુષોત્તમ ની વાત કોઈ મારા માથા પર બેસી ને કરે…તો યે ઓછું છે…( પ્રવચન- પૂ.દિવ્ય કિશોર સ્વામી) ( સંવાદ- પ્રોફ. જેઠાલાલ સ્વામિનારાયણ ના પાત્ર દ્વારા અમદાવાદ ની પારાયણ….)

દરેક વાત પછી પૂ.સંતો દ્વારા પ્રવચન…અને પછી એને લગતો એક સંવાદ / અને વીડિયો પણ રજૂ થયો….


છેલ્લે યુવકો દ્વારા જોશ થી ભરપૂર નૃત્યાંજલી – આજ યજ્ઞપુરુષ ને દ્વાર નોબત વાગે રે લોલ…….રજૂ થઇ….



આજે આ સભામાં સદ્દગુરુ પૂ.ત્યાગ વલ્લભ સ્વામી હાજર હતા……સમગ્ર સભાએ તેમનું ઉત્સાહ થી સ્વાગત કર્યું…..

ત્યારબાદ પ.પૂ.ઇશ્વરચરણ સ્વામીએ પણ પોતાના આશીર્વચન માં કહ્યું કે …શાસ્ત્રીજી મહારાજ નું સમગ્ર જીવન અલૌકિક છે…..ઉપરોક્ત ચાર સૂત્રો આપણે આત્મસાત કરવા જોઈએ….ગ.મ.57 ના વચનામૃત માં જેમ શ્રીજી એ કહ્યું કે – આપણ ને જે શક્તિ કે સામર્થ્ય મળ્યું હોય તેનો ઉપયોગ ન થાય તો કેવું?? આપણ ને જે અક્ષર પુરુષોત્તમ નું જ્ઞાન મળ્યું છે..તે સહેજ પણ ડર કે સંકોચ વિના બીજે બધે પ્રસરાવવું જોઈએ……..શાસ્ત્રીજી મહારાજ ને વિરોધીઓ એ જે કષ્ટ આપ્યા હતા ..તેની પુષ્ટિ વલ્લભ વિદ્યાનગર ના સ્થાપક ભાઈલાલ ભાઈ એ કરેલી….પોતે 14 વર્ષ ના હતા અને વડતાલ માં શાસ્ત્રી મહારાજ ની સભામાં દ્વેષી ઓ એ મરચાની ધૂણી કરી સભામાં વિક્ષેપ નો પ્રયત્ન જોયેલો….આ તો સ્વયં શ્રીજી મહારાજ ની સંસ્થા છે….શાસ્ત્રી મહારાજ કહેતા કે આના પાયા પાતાળે છે…કોઈ હલાવી શકશે નહીં……તે તો અજાત શત્રુ હતા….વડતાલ અમદાવાદ..અને અન્ય સ્વામીનારાયણ મંદિરો નો પક્ષ વડતાલ છોડ્યા પછી પણ રાખતા…..એમનું સારું જ કરાવતા….સારંગપુર હનુમાનજી મન્દિર નો કર માફ કરાવેલો…!! કોઈ શત્રુ પ્રત્યે ક્યારેય કોઈ કટુ ભાવ નહિ….કોઈનું યે ઘસાતું ક્યારેય ન બોલે….બસ એમને એક જ રટણ….અક્ષર પુરુષોત્તમ મહારાજ નું પ્રવર્તન…!!!પરિણામ આજે દેખાય છે…..આજે હજારો મંદિરો માં અક્ષર પુરુષોત્તમ મહારાજ બિરાજ્યા છે…..આપણે તે સિદ્ધાંત..ઉપાસના નો લાભ લઇ લેવો….!


પરમ પૂજ્ય ત્યાગ વલ્લભ સ્વામી એ પણ પોતાના આશીર્વચન માં કહ્યું કે — શ્રીજી નો સંકલ્પ કે સો કરોડ મનવાર ભરાય તેટલા જીવો નું કલ્યાણ કરવું છે……તે સંકલ્પ પૂરો કરવા પોતે પોતાની આધ્યાત્મિક ગુણાતીત પરંપરા દ્વારા સદાયે પ્રગટ રહી ….સર્વોપરી કાર્યો કર્યા….શ્રીજી ના સંકલ્પ મુજબ મંદિરો કર્યા….અપાર કષ્ટો વેઠયા….અજાતશત્રુ હતા….આપણા આત્યંતિક કલ્યાણ માટે પોતાનો દેહ…જીવન કૃષ્ણાર્પણ કર્યા…! આપણી પણ ફરજ છે કે…આપણે પણ એમના માટે “પારિવારિક શાંતિ અભિયાન” માં જોડાવા નું…ભવ્ય શતાબ્દી ઉત્સન ઉજવવા નો છે…!!


એ માટે તારીખ 9 અને 16 તારીખે- સવારે જે તે વિસ્તાર ના મંદિર માં તેની તાલીમ સભા યોજાશે( વધુ માહિતી જે તે વિસ્તાર ની સભામાં મળશે)

સાથે સાથે પુરુષોત્તમ બોલ્યા પ્રીતે- પુસ્તક નો અંગ્રેજી અનુવાદ પૂ.અમૃતવીજય સ્વામી દ્વારા થયો છે…..

Translator- P.Amrutvijay Das swami

તો આજની સભા સત્સંગ માં ઉપાસના ની શુદ્ધિ કરનાર…..જીવમાત્ર ને આત્યંતિક કલ્યાણ નો સહજ માર્ગ બતાવનાર મહાપુરુષ ને વધાવવા ની હતી……જો આપણે બ્રહ્મસ્વરૂપ શાસ્ત્રીજી મહારાજ નું જીવન…એનો એક એક પ્રસંગ જીવસ્થ કરીએ તો સમજાય કે…..શ્રીજી સ્વયં પોતાના સંત થકી પ્રગટ રહી…કેવા કેવા અદભુત કાર્ય કરે છે….!!!

આપણે પણ શ્રીજી ના આ કાર્ય માં આપણું યોગદાન આપી શકીએ…..એમનું…એમના ગુણાતીત પુરુષો…એમનો સિદ્ધાંત …એમનો મહિમા….જીવમાત્ર સુધી પહોંચાડી ને….!!

આવો સત્સંગ….આવા પુરુષ એમ ને એમ નથી મળતા…અનંત જન્મ ના પુણ્ય ઉદય થાય તો આવી પ્રાપ્તિ થાય……માટે એનો મહિમા સમજી…..તે માટે જીવી જઈએ…!!

સદાયે પ્રથમ શ્રીહરિ ને રે…..

જય સ્વામિનારાયણ…


BAPS રવિસભા- 26/01/2020

“…….જીવને જેવી દેહને વિષે આત્મબુદ્ધિ છે તેવી ભગવાન તથા ભગવાનના ભક્તને વિષે આત્મબુદ્ધિ હોય તો તેને કોઈ રીતનું વિઘ્ન લાગે નહીં. અને ગમે તેવાં દેશકાળાદિક ભૂંડાં આવે તેણે કરીને એ ભગવાન ને ભગવાનના ભક્ત થકી વિમુખ થાય નહીં.”

પછી વળી શ્રીજીમહારાજે પરમહંસ પ્રત્યે પ્રશ્ન પૂછ્યો જે,

“જાનકીજીને રામચંદ્રજીએ વનવાસ દીધો ત્યારે જાનકીજીએ અતિશય વિલાપ કરવા માંડ્યો. ત્યારે લક્ષ્મણજી પણ અતિશય દિલગીર થયા. પછી સીતાજી લક્ષ્મણજી પ્રત્યે બોલ્યાં જે, ‘હું મારા દુઃખ સારુ નથી રોતી, હું તો રામચંદ્રજીના દુઃખ સારુ રોઉં છું. શા માટે જે, રઘુનાથજી અતિ કૃપાળુ છે. તે લોકાપવાદ સારુ મને વનમાં મૂકી, પણ હવે એમ વિચારતા હશે જે, સીતાને મેં વગર વાંકે વનમાં મૂકી છે. એમ જાણીને કૃપાળુ છે તે મનમાં બહુ દુઃખ પામતા હશે. માટે રામચંદ્રજીને કહેજ્યો જે, સીતાને તો કાંઈ દુઃખ નથી ને વાલ્મીક ઋષિના આશ્રમમાં જઈને સુખે તમારું ભજન કરશે. માટે તમે સીતાને દુઃખે કરીને કાંઈ દુઃખ પામશો મા.’ એમ સીતાજીએ લક્ષ્મણજી સંગાથે કહી મોકલ્યું પણ કોઈ રીતે રામચંદ્રજીનો અવગુણ લીધો નહીં.

એવી રીતે જે ભગવાન ને ભગવાનના ભક્તનો કોઈ રીતે અવગુણ લે નહીં અને વૈરાગ્ય ને ધર્મ તે તો સામાન્યપણે હોય; એક હરિભક્ત તો એવો છે……

અને બીજો હરિભક્ત છે તેને તો વૈરાગ્ય ને ધર્મ તો અતિ આકરા છે પણ સીતાજીના જેવી સમજણ નથી. એ બે પ્રકારના હરિભક્ત છે, તેમાં કયા સંગાથે અતિશય પ્રીતિ રાખીને સોબત કરવી?”

પછી ચૈતન્યાનંદ સ્વામીએ કહ્યું જે,

“ધર્મ ને વૈરાગ્ય જો સામાન્યપણે હોય તો પણ જેની જાનકીજીના જેવી સમજણ હોય તેનો જ અતિશય પ્રીતિ કરીને સમાગમ કરવો, પણ અતિશય વૈરાગ્ય ને ધર્મવાળો હોય ને ભગવાન ને ભગવાનના ભક્તનો અવગુણ લેતો હોય તો તેનો સંગ કરવો નહીં.”

પછી શ્રીજીમહારાજે કહ્યું જે, “યથાર્થ ઉત્તર થયો.”
———————— —
ભગવાન સ્વામિનારાયણ- વચનામૃત-ગઢડા અંત્ય-11



ગયા રવિવારે શિબિર હતી અને આજે પણ અમદાવાદ પૂર્વ ની શિબિર હતી…..પૂ.જ્ઞાન વત્સલ સ્વામી ભરપૂર વરસ્યા….પ્રમુખ સ્વામી મહારાજ ના આપણા સૌ માટે ના અતુલ્ય …અભૂતપૂર્વ …કલ્પનાતીત દાખડા ને સુસ્પષ્ટ કર્યો….હવે વારો આપણો છે કે આપણા ગુરુ નો…ઇષ્ટદેવ નો રાજીપો કઈ રીતે મેળવી શકીએ?? એમની જન્મ શતાબ્દી ઉત્સવ માં કઈ રીતે યા હોમ થઈ…ગુરુ ઋણ અદા કરી શકીએ?? વધારે નહિ તો કેવળ ગુરુ આજ્ઞા અનુસાર વર્તીશું…તોપણ એ રાજી થશે….!!

સૌપ્રથમ…આજે ગણતંત્ર દિન….આપણો દેશ જગદગુરુ બને….સર્વે નું કલ્યાણ અને શાંતિ થાય…એ પ્રાર્થના સાથે શ્રીજી ના મનમોહક દર્શન…..


સભા ની શરૂઆત માં યુવક મિત્રો દ્વારા સર્વદા કલ્યાણકારી મહામંત્ર સ્વામિનારાયણ ની ધૂન કરવામાં આવી….! ત્યારબાદ એક યુવક દ્વારા ” સજની ટાણું આવ્યું રે ભવજળ તરવા નું…” નારાયણ દાસ દ્વારા રચિત આ પદ રજૂ થયું…..લખ ચોરાસી માં મળેલા અમૂલ્ય મનુષ્ય અવતાર ને એળે ન જાવા દેવાય…..લાખ કામ પડતા મૂકી ને પણ હરિ ને ભજી લેવા…!! અન્ય એક યુવક દ્વારા ” પ્યારો મને લાગે છે કમર કટાર……” પ્રેમસખી દ્વારા રચિત કીર્તન રજૂ થયું….અને શ્રીજી ની એ મનમોહક મૂર્તિ મનોચક્ષુ સમક્ષ ઉભરી આવી….!! શી શોભા હશે શ્રીહરિ ની….!! એ પછી એક યુવક દ્વારા બ્રહ્માનંદ સ્વામી રચિત” ઓરા આવો મારા લેહરખડા લહેરી….” રજૂ થયું… અદભુત કીર્તન….!! એક ભગવાન માટે શું ન થાય?? બધું જ થાય…બસ જીવમાં દ્રઢ સંકલ્પ જોઈએ…..!

ત્યારબાદ વિડીયો ના માધ્યમ થી પ.પૂ.મહંતસ્વામી મહારાજ ના સુરત ખાતે ના દિવ્ય વિચરણ દર્શન નો લાભ મળ્યો…..

https://youtu.be/hLpdUFNrXCM?t=6

અદભુત….!

ત્યારબાદ પૂ. ધર્મજ્ઞ સ્વામીએ આજનું પ્રવચન વચનામૃત અંત્ય 11પર આધારિત કર્યું….જોઈએ એના અંશ માત્ર….

  • ભગવાન સ્વામિનારાયણે પોતાનો સંકલ્પ કહ્યો છે કે…ધર્મ ના છિદ્રો પુરવા હું અક્ષરધામ થી આવ્યો છું…..એમ કવિ ન્હાનલાલે લખ્યું છે…..સનાતન ધર્મ નું…શાસ્ત્રો નું…નિષ્કામ ધર્મનું ભરપૂર સમર્થન કર્યું છે…..શ્રીમદ ભાગવત,ગીતા, રામાયણ અને ઉપનિષદો નો અનેકવાર ઉલ્લેખ શ્રીજી એ પોતાના વચનામૃત માં કર્યો છે…..
  • શાસ્ત્રોમાં વર્ણવિત આદર્શ ભક્તો નો પણ અનેકો વાર વચનામૃત માં ઉલ્લેખ કર્યો છે….આપણે સીતાજી,ઉદ્ધવજી,ગોપીઓ જેવી ભક્તિ કરવી…..
  • સીતાજી ના જેવી સમજણ રાખે તો સાચો ભક્ત….ભક્તિ કરતા દુઃખ આવે તો તૂટી ન જાય…પોતાના દુઃખ માટે ન રડે….
  • ભગવાન ની કોર્ટ અલગ છે……એમાં તો જેમ ભગવાન રાજી તે જ ન્યાય….તે જ ચુકાદો…ગ.અંત્ય 13 માં કહ્યું છે તેમ….ભગવાન ની મરજી એ જ ભક્ત નું પ્રારબ્ધ……!!
  • સત્સંગમાં આવ્યા પછી બુદ્ધિ ને તાળા મારવા….ગુરુ આજ્ઞા માં સારધાર રહેવું….કારણ કે ગુરુ પૂર્વાપર નું જુએ છે…..માટે ગુરુ આજ્ઞામાં દ્રઢ રહી જીવવું….એ જ ભક્ત નું લક્ષણ…!
  • આત્મદ્રષ્ટિ કરવી એ ભક્ત નું લક્ષણ છે…..પણ એમ કરવું અઘરું છે……પણ પ્રયત્ન ચાલુ રાખો તો આત્મદ્રષ્ટિ થશે…પોતાનો અવગુણ દેખાશે….
  • સમજણ સકારાત્મક હોય તો જ સત્સંગ હોય કે સંસાર- તેમાં ટકાય…..ગુણાતીત પુરુષો એ આ જ કર્યું છે…ગુરુ રાજી થાય એમ જ વર્ત્યા છે…..
  • યોગીબાપા તો કહેતા કે…..સીતાજી ને જેમ જ્ઞાન ની સમજણ હતી તેમ આપણે પણ સત્સંગમાં રાખી એ તો કઈ બાકી રહે નહીં…..
અદભુત….અદભુત….!! પૂ. ધર્મજ્ઞ સ્વામી ની સહજ શૈલી માં આ વચનામૃત નું નિરૂપણ સાંભળવું ખરેખર અદભુત હતું…..

ત્યારબાદ નીચે મુજબ આવતી રવિસભા માટે જાહેરાત થઈ….


ત્યારબાદ પૂ.ઈશ્વર ચરણ સ્વામીએ પોતાના આશીર્વાચનમાં કહ્યું કે….સીતાજી ની જેમ નિર્દોષ બુદ્ધિ રાખવી……કોઈનો અવગુણ ન લેવો….ભગવાન નો મહિમા સમજી આજ્ઞા માં રહેવું…! આપણે તો સાક્ષાત અક્ષરધામ માં જ બેઠા છીએ કારણ કે પ્રગટ સત્પુરુષ નું સાનિધ્ય છે….પણ એમનામાં નિર્દોષ બુદ્ધિ…દિવ્યભાવ રાખીએ તો જ તેનું યથાર્થ સુખ આવે…! ભગતજી મહારાજ, ગુણાતીતાનંદ સ્વામી નું સ્વરૂપ..મહિમા સમજ્યા અને અનેક અપમાનો સહન કરી ને પણ સ્વામી નો મહિમા પ્રસરાવતા રહ્યા…..એનું કારણ ભગતજી ને સ્વામીમાં નિર્દોષ ભાવ હતો…..દિવ્યભાવ હતો….!આપણે પણ આ જ કરવાનું છે…જો એમ થશે તો આપણ ને પ્રાપ્તિ નો મહિમા સમજાશે….આઠો જામ આનંદ રહેશે……!!!👍

સભાના અંતમાં પૂ.ઈશ્વર ચરણ સ્વામી એ જાહેરાત કરી કે, અમદાવાદ મંદિર ના પૂર્વ કોઠારી પૂ.સત્સંગી જીવન સ્વામી ની તબિયત નાજુક છે….સદગુરુ પૂ.ત્યાગ વલ્લભ સ્વામી પણ બીમાર છે…..તો સૌ કોઈ એમના સારા સ્વાસ્થ્ય માટે ધૂન માં જોડાય…….! સમગ્ર સભા ધૂન માં સહજ જોડાઈ ગઈ….

આજની સભા નો સાર એટલો જ કે…..નિર્દોષભાવ એ જ ભક્તિ…..એ જ મોક્ષ નો માર્ગ….એજ બ્રહ્મરૂપ થવા નો માર્ગ…….!!

ચાલો…..અંતરદ્રષ્ટિ કરી ને શરૂઆત તો કરીએ…..સ્વામી શ્રીજી આપણી સાથે જ છે…સદાય……બસ એમનો લંબાવેલો હાથ પકડવાનો છે……..

તૈયાર છો ને??…..છેલ્લી બસ છે….જો જો ચુકી ન જવાય……!

સદાયે….પ્રથમ શ્રીહરિ ને રે…….!

રાજી રહેજો….

જય સ્વામિનારાયણ….

રાજ


BAPS રવિસભા- 29/12/2019

પછી પરમાનંદ સ્વામીએ પ્રશ્ન પૂછ્યો જે,

“શ્રીમદ્‌ભાગવતમાં કહ્યું છે જે, ‘શ્રી નરનારાયણ ઋષિ જે તે બદરિકાશ્રમમાં રહ્યા થકા આ ભરતખંડનાં સર્વે મનુષ્યનાં કલ્યાણને અર્થે અને સુખને અર્થે તપને કરે છે,’ ત્યારે સર્વે મનુષ્ય કલ્યાણના માર્ગને વિષે કેમ નથી પ્રવર્તતાં?”

પછી શ્રીજીમહારાજ બોલ્યા જે,

“એનો ઉત્તર તો તે શ્રીમદ્‌ભાગવતના પંચમ સ્કંધને વિષે જ છે જે, ‘એ ભગવાન તપ કરે છે તે તો પોતાના ભક્તને અર્થે કરે છે, પણ અભક્તને અર્થે નથી કરતા.’

કેવી રીતે? તો આ ભરતખંડને વિષે અતિશય દુર્લભ એવું જે મનુષ્ય દેહ તેને જાણીને જે જન ભગવાનના શરણને પામે છે ને ભગવાનની ભક્તિ કરે છે, તે જનના અનુગ્રહને અર્થે તપસ્વીના જેવો છે વેષ જેનો, એવા જે શ્રીનરનારાયણ ભગવાન તે જે તે કૃપાએ કરીને મોટું તપ કરે છે. અને પોતાને વિષે નિરંતર અધિકપણે વર્તતા એવા જે ધર્મ, જ્ઞાન, વૈરાગ્ય, ઉપશમ, ઐશ્વર્ય આદિક ગુણ તેણે યુક્ત એવું જે તપ તેને કરતા થકા તે ભગવાન જે તે આ જગતનો રાત્રિપ્રલય થાય ત્યાં સુધી બદરિકાશ્રમને વિષે રહ્યા છે. અને ભરતખંડને વિષે રહ્યા જે તે પોતાના ભક્તજન તેમના જે ધર્મ-જ્ઞાનાદિક ગુણ તે જે તે અતિશય અલ્પ હોય તો પણ તે ભગવાનના ગુણે યુક્ત તપને પ્રતાપે કરીને થોડાક કાળમાં જ અતિશય વૃદ્ધિને પામે છે.

અને તે પછી તે ભક્તજનના હૃદયને વિષે ભગવાનની ઇચ્છાએ કરીને જણાતું જે અક્ષરબ્રહ્મમય એવું તેજ તેને વિષે સાક્ષાત્ એવા જે શ્રીકૃષ્ણ ભગવાન તેનું દર્શન થાય છે. એવી રીતે જે પોતાના ભક્ત છે તેમનું તે ભગવાનના તપે કરીને નિર્વિઘ્ન કલ્યાણ થાય છે, પણ જે ભગવાનના ભક્ત નથી તેમનું કલ્યાણ થતું નથી. એવી રીતે એ પ્રશ્નનો ઉત્તર છે.”

——————-

વચનામૃત- સારંગપુર- 16

આજની સભા પણ ગઈ સભા ની જેમ વિશિષ્ટ જ હતી…કેમ?? જુઓ…

ટૂંકમાં દરેક સત્સંગ સભા વિશિષ્ટ જ હોવાની કારણ કે તે જીવમાત્ર નું પોષણ કરનારી છે…સમગ્ર અઠવાડિયા ના સંસાર ના ઢસરડા ઓ ને લીધે જીવ જે સોરાઈ જાય છે…તેને આ સભા થકી નવપલ્લીત પણુ મળે છે…..સત્સંગ ના સંગ રૂપી એક કાંકરી થી માયા ની આ દીવાલ પડી ભાંગે છે અને જીવ ને પોતાનું શુદ્ધ ..સચ્ચિદાનંદ સ્વરૂપ સમજાય છે….એના થી વિશેષ પ્રાપ્તિ શી હોય??

તો, તન મન..જીવ ને રિચાર્જ કરતી આ સભા ની શરૂઆત ….સદાય ની જેમ મારા વ્હાલા ના દર્શન થી….. શોભા એની શી કહું રે…!!

સભા ની શરૂઆત પૂ. શુભ કીર્તન સ્વામી ના પહાડી સ્વરે …સ્વામિનારાયણ મહામંત્ર ની ધૂન થી થઈ…..! અદભુત……અદભુત…! ત્યારબાદ એક યુવક દ્વારા સત્સંગ ની માં મુક્તાનંદ સ્વામી રચિત અદભુત પદ ” મારે ઘેર આવ્યા રે…સુંદરવર શામળિયો…” રજૂ થયું……! મુક્તાનંદ સ્વામી ના આ પદ ને શબ્દે શબ્દે શ્રીહરિ માટે નો અઢળક સ્નેહ છલકાય છે……એવી સ્થિતિ આપણી છે??? ભગવાન માં અખંડ…અતૂટ પ્રીતિ ક્યારે થાય?? ઉત્તર શોધો….! એ પછી પૂ. શુભ કીર્તન સ્વામી ના સ્વરે નિષ્કુળાનંદ સ્વામી દ્વારા રચેલું..” આજ મેં તો દીઠા રે અલબેલો આવતા રે….” પદ રજૂ થયું….! શ્રીજી ની એ મર્માળી છબી નજર સમક્ષ પ્રગટ થઈ ગઈ……..!

એ પછી, પૂ. શુભ કીર્તન સ્વામી ના જ સ્વર માં ” અંતર નિર્મળ થઈ જાય….સંતો ના સંગમાં..” પદ સ્વરાંકિત થયું….સાચા સંત જ જીવ ને પોતાને સંગે શુદ્ધ કરી….બ્રહ્મરૂપ કરે છે….

એ પછી વિડીયો દ્વારા સ્વામીશ્રી ના 20/12 ના મુંબઇ ખાતે ના દિવ્ય વિચરણ નો દર્શન લાભ મળ્યો….

શ્રીજી સ્વામી નો રાજીપો….ભગવાન ની સેવા માં…ભક્તો ના એ માટે દાખડા માં છે….!

2021 માં આવતી પ્રમુખ સ્વામી મહારાજ શતાબ્દી ઉત્સવ ની તૈયારી અત્યાર થી શરૂ થઈ ગઈ છે….એ તૈયારી નો સ્વાનુભવ બે હરિભક્તો એ રજૂ કર્યા…એક ડોક્ટર એવા હરિભક્તે આવનારા બે વર્ષ સુધી કોઈ પ્રવાસ ન કરી…આરામ ના સમય માં પણ કામ કરી…સઘળી બચત એ ઉત્સવ માટે સેવા માં અર્પણ કરવા નો સંકલ્પ કર્યો…..તો અન્ય હરિભક્તે વાત કરી કે- ઘરના બધા સભ્યો એ પોતાની સઘળી બચત ઉત્સવ માટે આપવી ..નવા ખર્ચ મુલતવી રાખી …સેવા નો નીર્ધાર કર્યો…..! વિચારો…..આપણું આયોજન કેવું છે???

ત્યારબાદ કોઠારી પૂ.આત્મ કીર્તિ સ્વામી એ વચનામૃત- સારંગપુર-૧૬ પર આધારિત પ્રવચન કરતા કહ્યું કે………(જોઈએ સારાંશ માત્ર)

  • અત્યારે મંદી ની બુમો પડે છે પણ આપણા હરિભક્તો એ પોતાના ગજા બહાર ની સેવા આવનારા શતાબ્દી ઉત્સવ માટે કરી છે……બાપા માટે હરિભક્તો એ પોતાનું સર્વસ્વ આગળ ધરી દીધું છે….સર્વને પોતાના ગુરુ અને ઇષ્ટદેવ પ્રત્યે ખૂબ વિશ્વાસ છે.
  • સત્સંગ ના યોગમાં આવવા થી જીવ ની લૌકિક અને આધ્યાત્મિક પ્રગતિ થાય છે…જે સંપર્ક માં આવવા થી સમજાય છે….
  • આપણા ઇષ્ટદેવ અને ગુરુ….આપણા સુખાકારી માટે કેટકેટલા તપ કરે છે…કષ્ટ વેઠે છે….એનાથી જીવ ને બળ મળે છે….વિપરીત સંજોગો સામે લડવા ની..ટકી રહેવા ની તાકાત મળે છે….
  • ગ.મ.57 ના વચનામૃત અનુસાર, જે પ્રાપ્તિ આપણ ને થઈ છે….તેનો લાભ અન્ય ને ન મળે તો એ પ્રાપ્તિ શુ કામ ની?? શાસ્ત્રીજી મહારાજે અનેક અપમાનો… હુમલાઓ સહન કરી ને પણ શ્રીજી ના અક્ષર પુરુષોત્તમ સિદ્ધાંત નું પ્રવર્તન કરી, મૂળ અજ્ઞાન ટાળ્યું….જીવ ને મોક્ષનો માર્ગ ખોલી આપ્યો….આપણ ને પ્રગટ સત્પુરુષ મળ્યા છે, જેમને રુવાડે રુવાડે સત્સંગ છે…જો એમના માં યથાર્થ જોડાઈ જશું તો આપણી પણ એવી સ્થિતિ થશે….પાંદડે પાંદડે સ્વામિનારાયણ નું ભજન થશે….
  • આ સત્સંગ થકી….માખી પણ સુરજ થઈ શકે, અર્થાત પામર જીવ પણ આત્યંતિક કલ્યાણ ને પામે છે……એટલે જ આ સત્સંગ નો મહિમા આપણે સમજ્યા છીએ …એ બીજા ને સમજાવવું. પ્રમુખ સ્વામી મહારાજે પોતાના સંપર્ક માં આવેલા સર્વ ને ભગવાન નો મહિમા કહ્યો છે….સર્વ ને ભગવાન માં જોડ્યા છે…..
  • વિપરીત આર્થિક સંજોગો માં પણ સદગુરુ નિર્ગુણ સ્વામી એ આફ્રિકા ના હરિભક્તો ને લગભગ 18 મણ જેટલા અધધ…કહી શકાય એટલા પત્રો લખી …આપણા સિદ્ધાંત નો પ્રચાર પ્રસાર..સ્પષ્ટતા કરેલી…! તો મુંબઇ ના શંકર ભગતે 400 થી વધુ પરિવારો ને સત્સંગ કરાવેલો……
  • આવી સેવા થી આપણો સત્સંગ વધુ દ્રઢ થશે. આવનારા બે વર્ષ યા હોમ કરી આ સેવામાં મંડી પડવાનું છે….પારિવારિક શાંતિ અભિયાન એ આનો જ ભાગ છે……આ સબીજ જ્ઞાન છે..જે જીવ આ સર્વોપરી સત્સંગ ના સંપર્ક માં આવશે..તેનું વહેલું મોડું સત્સંગ થકી કલ્યાણ તો થશે જ ….!

અદભુત…..!!

ત્યારબાદ પૂ. ધર્મજ્ઞ સ્વામી એ પારિવારિક શાંતિ અભિયાન દ્વારા જે અનુભવ તેના પાઇલોટ પ્રોજેકટ થકી થયા…તેનો વિડીયો રજૂ કર્યો…..અદભુત અનુભવ…!! બસ, સ્વામી શ્રીજી ને આગળ રાખી એમાં મંડી પડવા નું છે…….

તૈયાર છો ને?? માર્ચ 2020 માં આની ફૂલ ફ્લેજ કાર્યવાહી થશે……તે માટે અમદાવાદ પૂર્વ પશ્ચિમ વિસ્તાર માટે અલગ અલગ શિબિર થવા ની છે…….તેનું રજીસ્ટ્રેશન કરવા આપના સંપર્ક કાર્યકર આપના ઘરે આવશે……

પૂ.જ્ઞાન વત્સલ સ્વામી ( જગ વિખ્યાત મોટીવેશનલ સ્પીકર ) આમાં લાભ આપશે….

આવતા રવિવારે બ્રહ્મ ઉત્સવ સોલા ભાગવત થવાનો છે….રવિસભા ત્યાં જ છે….

ઝોળી ઉત્સવ…..

તો આજની સભા સેવા તપ થકી સ્વામી શ્રીજી ને રાજી કરી બ્રહ્મરૂપ થવા ની હતી…….

જે ગુરુ એ આપણા માટે પોતાનું સમગ્ર જીવન કૃષ્ણાર્પણ કરી દીધું હોય તેના માટે શું ન થાય???

સદાયે….પ્રથમ શ્રીહરિ ને રે….

જય સ્વામિનારાયણ

રાજ


BAPS રવિસભા- 22/12/2019

પછી શ્રીજીમહારાજ બોલ્યા જે, “કોઈ પ્રશ્ન પૂછો.”…

ત્યારે મુક્તાનંદ સ્વામીએ પૂછ્યું જે, “કોઈક તો સત્સંગમાં રહીને દિવસ દિવસ પ્રત્યે વૃદ્ધિને પામતો જાય છે અને કોઈક તો સત્સંગમાં રહીને દિવસ દિવસ પ્રત્યે ઘટતો જાય છે તેનું શું કારણ છે?”

પછી શ્રીજીમહારાજ બોલ્યા જે,

મોટા જે સાધુ તેનો જે અવગુણ લે છે તે ઘટતો જાય છે અને તે સાધુનો જે ગુણ લે છે તેનું અંગ વૃદ્ધિ પામતું જાય છે ને તેને ભગવાનને વિષે ભક્તિ પણ વૃદ્ધિ પામે છે.

માટે તે સાધુનો અવગુણ ન લેવો ને ગુણ જ લેવો…..

અને અવગુણ તો ત્યારે લેવો જ્યારે પરમેશ્વરની બાંધેલ જે પંચ વર્તમાનની મર્યાદા તેમાંથી કોઈક વર્તમાનનો તે સાધુ ભંગ કરે ત્યારે તેનો અવગુણ લેવો, પણ કોઈ વર્તમાનમાં તો ફેર ન હોય ને તેની સ્વાભાવિક પ્રકૃતિ ઠીક ન જણાતી હોય તેને જોઈને ને તે સાધુમાં બીજા ઘણાક ગુણ હોય તેનો ત્યાગ કરીને જો એકલા અવગુણને જ ગ્રહણ કરે તો તેના જ્ઞાન, વૈરાગ્યાદિક જે શુભ ગુણ તે ઘટી જાય છે….
….. માટે વર્તમાનમાં ફેર હોય તો જ અવગુણ લેવો પણ અમથો ભગવાનના ભક્તનો અવગુણ લેવો નહીં…… અને જો અવગુણ લે નહીં તો તેને શુભ ગુણની દિવસ દિવસ પ્રત્યે વૃદ્ધિ થતી જાય છે.”

—————————–
વચનામૃત-ગઢડા પ્રથમ 53



આજે માર્ગશીર્ષ માસ ની કૃષ્ણ એકાદશી…..અર્થાત જીવમાત્ર નું કલ્યાણ કરતો…શ્રીજી ના હૃદયગત સિદ્ધાંત નો દ્યોતક એવા સ્વામિનારાયણ મહામંત્ર નો પ્રાગટય દિન…….”સ્વામી” અને “નારાયણ” એમ બે ભિન્ન તત્વ ..કહેતા કે સ્વામી એટલે અક્ષર..કે જેના જેવા બની ને નારાયણ… કહેતા કે પુરુષોત્તમ ની સેવા માં રહેવા નું છે……..અને એ જ મોક્ષ નો માર્ગ છે….આત્યંતિક કલ્યાણ નો માર્ગ છે…જે અક્ષર પુરુષોત્તમ સિદ્ધાંત ને એક મંત્ર થકી સ્વયં શ્રીજી એ જીવમાત્ર ને સુલભ કર્યો…..પોતાના આધ્યાત્મિક અનુગામી તરીકે ગુણાતીત પરંપરા આપી ….કલ્યાણ ના વાવટા સર્વ માટે ચીરકાલીન માટે ફરકતા રાખ્યા….!! ચાલો….આ મંત્ર ને જીવ થી વધાવીએ….ફણેણી ના એ મહાન પ્રસંગ…શ્રીજી ના ગગનભેદી આહલેક ને પળેપળ જીવી જઈએ…
તેનું નિરંતર મનન..ચિંતન…રટણ… કરીએ….

સૌપ્રથમ મારા વ્હાલા ના અદભુત દર્શન…..ઘનશ્યામ મહારાજે તો આજે સૂકા મેવા ના વાઘા ધારણ કર્યા હતા….જુઓ શોભા…
સભા ની શરૂઆત પૂ. દિવ્ય કિશોર સ્વામી અને યુવકો દ્વારા ” પ્રેમે પ્રેમ થી બોલો સ્વામિનારાયણ ભગવાન….” ધૂન થી થઈ…..ત્યારબાદ એ જ સંત ના મુખે વૈરાગ્ય મૂર્તિ નિષ્કુળાનંદ સ્વામી રચિત…” શીદ ને રહીએ રે કંગાળ રે સંતો…” પદ રજૂ થયું….! ખરેખર …આવા સર્વોપરી સત્પુરુષ અને સર્વોપરી ભગવાન મળ્યા હોય પછી જીવ કંગાળ શી રીતે રહે?? આ સર્વોપરી પ્રાપ્તિ નો કેફ જ કંઈક ઓર છે….એ તો કેસરભીના શ્યામ નું કેસર જેને લાગે તેને સમજાય કે…..ભક્તિ શુ છે…એનો રંગ શુ છે……!! એ પછી પૂ. સંત (અમૃત વિજય સ્વામી.!?) દ્વારા બ્રહ્માનંદ સ્વામી રચિત…” તમે અલબેલા જી આવા ને આવા…..મંદિરે પધારો માવા રે…. ” પદ રજૂ થયું…! અદભુત પદ……! એ પછી પૂ. કૃષ્ણ સ્વરૂપ સ્વામી દ્વારા પ્રેમાનંદ સ્વામી રચિત ” પ્રાણી.. સ્વામિનારાયણ ગાઈ એ…” પદ રજૂ થયું……! ચાહે સુખ આવે કે દુઃખ….સહજ સમય હોય કે વિપરીત…પણ હરિનામ સ્મરણ…સ્વામિનારાયણ મહામંત્ર નું રટણ…એક પળ પણ વિસરાવું ન જોઈએ……મારો હરિ એક પળ દૂર જવો ન જોઈએ…! અખંડ સ્વામિનારાયણ નું ભજન …એ જ બ્રહ્મરૂપતા નું લક્ષણ…!!

ત્યારબાદ પ.પૂ. મહંત સ્વામી મહારાજ ના 10 થી-12 ડિસેમ્બર, ના મુંબઇ ખાતે ના દિવ્ય વિચરણના  વિડીયો દર્શનનો લાભ મળ્યો…..

https://youtu.be/Aw0QHd9jpkg

અદભુત વિડીયો….! ખરેખર સત્પુરુષ જ જીવ નું સદાયનું  દરદ …જન્મ મરણ નું દુઃખ ટાળી શકે છે….!

ત્યારબાદ પ્રખર વક્તા એવા પૂ. પ્રિય સ્વરૂપ સ્વામી ના મુખે વચનામૃત ગઢડા પ્રથમ 53 નો લાભ મળ્યો….જોઈએ અહીંયા એનો સારાંશ માત્ર….

  • સત્સંગ માં આગળ વધવું કે એમાં થી પડી જવું….એની પાછળ નું કારણ શ્રીજી એ અહીં કહ્યું છે…જે બધાએ વિચારવા નું છે…જીવવા નું છે…
  • માટે જ સત્સંગ માં જો આગળ વધવું હોય તો સત્સંગ માં સર્વે ના ગુણ માત્ર જ જોવા…કોઈના અભાવ અવગુણ ની વાત કરવી નહીં…સાંભળવી નહિ….ગુણાતીતાનંદ સ્વામી એ તો નિંદા કરવી…અવગુણ લેવા ને અસેવા કહી છે….ગુણાતીત પુરુષો એ એને ઝેર કહ્યું છે…માટે જ જો મોક્ષ પ્રાપ્ત કરવો હોય તો સત્પુરુષ ને..ભગવાન ને જે ન ગમે એ ન કરવું….
  • મોટા પુરુષો ના અઢળક પ્રસંગો છે…જેમાં એમણે નિંદા..અભાવ અવગુણ ની વાત…એ વાત કરનાર પ્રત્યે ભારોભાર અણગમો દર્શાવ્યો છે…..બીજા ના સ્વભાવ જોવા જ નહીં…..બીજા ના સ્વભાવ જોવા ને તો પ્રમુખ સ્વામી મહારાજ…..સો ટન નું રોલર ફેરવવા જેવું કહેતા…!
  • બીજા ના સ્વભાવ જોતા જોતા…ધીરે ધીરે ગુરુ અને ભગવાન માં પણ ખામી દેખાવા લાગે….! બુઢા ધાધલે દાદા ખાચર ના સેવક નો અવગુણ લીધો તે એ અવગુણ બુઢા ને ભગવાન સ્વામિનારાયણ ને નુકસાન કરવા સુધી લઇ ગયો…!! ગ.પ્ર.28, 31 માં પણ આ જ વાત શ્રીજી એ કહી છે….અવગુણ લેવા વાળા ને શ્રીજી એ અર્ધ બળેલા કાષ્ટ જેવો કહ્યો છે…..ગ.અંત્ય 11, 12 માં એને પાપ કહ્યું છે..
  • જો અંતર ની શાંતિ જોઈતી હોય તો બીજા ના અવગુણ જોવા ના ટાળવા….બીજા ના દોષ જોવાની ટેવ હોય તો ભગવાન નો સાક્ષાત્કાર ન થાય……માટે સત્સંગ હોય કે સંસાર…..બીજા ના અવગુણ જોવા બેસો તો પ્રગતિ જ ન થાય…
  • આ દોષ ની શરૂઆત માં…પ્રથમ કોઈ વિશે નકારાત્મક વિચારો આવે…પછી એ વિચારો શબ્દ બની બહાર નીકળે……આવા વિચારો ને દૂર કઈ રીતે કરવા?? જીવ ના કલ્યાણ નો ધ્યેય સ્પષ્ટ રાખવો……દેહાભિમાન ટાળવું….મોટા પુરુષ અને ભગવાન નો મહિમા સમજવો….એમનું સર્વ કર્તાહર્તા પણુ સમજવું….કુસંગ થી દુર રહેવું….ગુણ ગ્રાહક દ્રષ્ટિ જ રાખવી…..
  • અદભુત વાત…..! બસ, સત્સંગ હોય કે સંસાર….આપણે એ જ કરવા નું છે….અને એમ કરવા માં જ ફાયદો છે….શાંતિ થી વિચારજો…!
  • ત્યારબાદ એક યુવકે શાહીબાગ મંદિરે, ગોલક માં પત્ર લખી ને નાખ્યો હતો..તેનું દર્શન શ્રાવણ થયું…..એ યુવકે પોતાના પીઝા પાછળ ની લત અને ખોટા ખર્ચ ને બંધ કરી ..જે બચત કરી તેનો ધર્માદો ઠાકોરજી ની સેવામાં આપ્યો….! 👍👍 અદભુત પત્ર…!! નિષ્કપટ ભાવે લખાયેલ આ પત્ર દરેકે જીવન માં ઉતારવા જેવો છે….! બસ મનજી કાકા ( મન ને) ને કાબુ માં રાખવા ના છે….! 😊

ત્યારબાદ સભામાં ઉપસ્થિત પ.પૂ. ડોક્ટર સ્વામી ના આશીર્વચન નો સૌને લાભ મળ્યો….તેમણે કહ્યું કે આ બધી સભાઓ….2021 માં થનાર બાપા ના શતાબ્દી ઉત્સવ નો જ ભાગ છે….શુ કરવા નું છે?? એ સમજાતું નથી….ભગવાન માં …એમના સ્વરૂપમાં જ વૃત્તિ રાખવા ની છે- એ કરવા નું છે….જો એમ થશે તો શતાબ્દી ઉત્સવ કૈક ઓર જ થશે….રોજ મંદિરે જવું…સભામાં હાજર રહેવું….કથાવાર્તા ની ટેવ પાડવી….આવું નાનું “બીજ” વવાશે તો એક દિવસ એનો વડ જરૂર થશે…જુઓ આજે પેરિસ માં ઓફિશિયલી આપણ ને મંદિર માટે જમીન મળી ગઈ છે…ભવ્ય મંદિર ત્યાં બનશે ..!!

સભાને અંતે કેટલીક જાહેરાત થઈ…..

  • સૂર્ય ગ્રહણ….25 થી 26 ડિસેમ્બર..
    • બ્રહ્મ ઉત્સવ



    અને એમાં ઉપરોક્ત પુસ્તક આધારિત કવિઝ પણ થશે….
    • સત્સંગ શિબિર



    આજની સભા જીવ ને કઈ રીતે બ્રહ્મરૂપ કરવો….મોટા પુરુષ અને ભગવાન નો રાજીપો શાના ઉપર છે….એ સર્વે મુદ્દા ની વાત પર હતી. જો જીવ આવી રીતે જીવન નું વહન કરશે તો તે અચૂક બ્રહ્મરૂપ થશે…એમાં રતિમાત્ર પણ શંકા નથી……

    આખરે એનો રાજીપો છે તો છતે દેહે જ અક્ષર સુખ છે……

    એટલા માટે જ ….સદાયે પ્રથમ શ્રી હરિ ને રે…..રાજી કરી લેવા..!!!

    જય સ્વામિનારાયણ

    રાજ


    BAPS વિશિષ્ટ પ્રેરણા રવિસભા- 15/12/2019

    “ગુરુ ઋણ અદા કેમ કરીએ……જીવન પ્રાણ અમે પાથરીયે…..”

    શરદ ઋતુ ધીમે ધીમે ગતિ પકડી રહી છે અને ઠંડી હવા વધુ ગાઢી થઈ ને ફેફસાને જમાવી રહી છે….પણ સત્સંગ ની હૂંફ દેહ ને પ્રતિકૂળતા નો સામનો કરવા ની હામ આપી ને જીવ ના કલ્યાણ ના માર્ગ ને પ્રશસ્ત કરી રહી છે……આવતીકાલ થી ધનુર્માસ ની…પુરુષોત્તમ ભક્તિ માસ ની શરૂઆત….ધૂન કીર્તન કથા વાર્તા નો વિશેષ યોગ કરી ને હરિ ને જીવ માં જડી દેવા નો પ્રયાસ….!! તો આજની સભા આમ તો વિશેષ જ હતી…..જુઓ..

    સત્પુરુષ નું સમગ્ર જીવન જીવમાત્ર ને હરિ ભજાવવા જ કૃષ્ણાર્પણ થઈ જાય છે…તેના જીવંત પ્રસંગો ની વિશેષ સભા હતી….! જીવ ને બળ ભર્યો કરી સત્પુરુષ ના રાજીપા માટે ફના થઈ જવા ની વાત હતી……!!

    સર્વ પ્રથમ મારા વ્હાલા ના અતિ મનમોહક દર્શન….

    મૂર્તિ ની શોભા જુઓ તો સમજાય કે તે “કૃષ્ણ” કેમ છે?? સર્વ જગત માત્ર ને આકર્ષિત કેમ કરે છે?? અહો…. અહો….!!

    સભાની શરૂઆત યુવક મિત્રો દ્વારા ધૂન સ્તુતિ થી થઈ…પૂ.પ્રેમ વદન સ્વામી ના મધુર સ્વર દ્વારા સત્પુરુષ ના મહિમા નું ” પ્રમુખ સ્વામી તુમ્હારે ચરણ મેં….” રજૂ થયું. આપણે પામર જીવ મોટા પુરુષ ને શુ અર્પી શકીએ?? એમની આજ્ઞા માં સારધાર રહીએ તો યે ઘણું છે…! ત્યારબાદ પૂ.સ્વામી ના જ સ્વરે વનમાળી દાસ રચિત જોશીલું પદ ” લાગો છો પ્યારા પ્યારા પ્રમુખ સ્વામી”  રજૂ થયું….સર્વોપરી સાધુતા ના સર્વ ગુણ પ્રમુખ સ્વામી ના જીવન માં પ્રગટ પ્રમાણ હતા….એ પછી યુવકો દ્વારા ” પ્રમુખ સ્વામી નો જય હો….” પદ રજૂ થયું…..એમાં એક કડી આવી કે પ્રમુખ સ્વામી સમગ્ર વિશ્વ તમારા માટે એક પરિવાર હતો…અને તમે એના માટે એક પરિવાર જન થી વિશેષ હતા…!! અદભુત વાત…સ્વામી બાપા નું સમગ્ર જીવન જુઓ….કોઈ મનુષ્ય વચ્ચે ધર્મ,જાતિ કે રંગ નો ..ઉમર નો કોઈ ભેદ તેમણે જોયો નથી….બસ સર્વ નું ભલું કેમ થાય..એ જ એમના જીવન નો સંદેશ…એ જ જીવન..!! 

    ત્યારબાદ જેની ઉત્કંઠા થી રાહ જોવાતી હતી….તે વિદ્વાન..પ્રખર વક્તા સંત પૂ. અક્ષર વત્સલ સ્વામી દ્વારા “તન કુરબાન કર્યું અમ કાજે…” મહિમા પદ પર બ્રહ્મ સ્વરૂપ પ્રમુખ સ્વામી મહારાજ ના જીવન ના વિવિધ પ્રસંગો પર આધારિત અદભુત પ્રવચન થયું….જોઈએ એનો સારાંશ માત્ર..
    • આ ધન્ય ધરા ભગવાન અને સત્પુરુષો થી પાવન થયેલી છે….એમણે એક મોક્ષ ની પરમ્પરા આપી…એનો લાભ સર્વ ને મળ્યો પણ જૂજ જીવ આ મુક્તિ માર્ગમાં સફળ થયા….સત્પુરુષ ને પ્રસિદ્ધિ ની ઘેલછા નથી….પણ જે જીવ એમના થકી બ્રહ્મરૂપ થઈ પૂર્ણકામતા ને પામ્યા છે…એ આવા સત્પુરુષ ના ગુણ ગાવા માં પાછા કેમ પડે?? જીવમાત્ર ને એની ઓળખાણ થવી જોઈએ…
    • સત્પુરુષે જીવમાત્ર ને કલ્યાણ ની કૂંચી આપી સુખિયા કરવા પોતાનું સમગ્ર જીવન કૃષ્ણાર્પણ કર્યું છે..જીવ ને પોતાના ખભા પર ચડાવી “શિવ” કર્યો છે…..આ પરંપરા છેક ભગવાન સ્વામિનારાયણ થી ચાલતી આવી છે…..પ્રમુખ સ્વામી મહારાજ 17000 થી વધુ ગામો માં જઇ અસંખ્ય લોકો ના જીવન ને બ્રહ્મ નો રંગ આપ્યો છે….
    • આદિવાસી ઉત્કર્ષ હોય કે બાળ ઉત્કર્ષ…મંદિરો રૂપી બ્રહ્મવિદ્યા ની કોલેજો સ્થાપી હોય કે…અતિ વિકટ ગામો માં દિન રાત ની વિચરણ કર્યું હોય…ઉતારા ભોજન ની કોઈ વ્યવસ્થિત સગવડ ન હોય….છતાં કેવળ આપણા મનોરથ…હઠાગ્રહ .. પૂર્ણ કરવા પોતાના દેહ ની પરવા સુદ્ધા કરી નથી….!!
    • બાપા ના આવા તો અસંખ્ય પ્રસંગો છે….જેને શબ્દઅંકિત કરવા કદાચ શક્ય જ નથી….મનુષ્ય જીવન ના ઇતિહાસ માં આ ગાથા ઓ સુવર્ણ અક્ષરે લખાશે….હવે વારો આપણો છે….બાપા ની જન્મજયંતી એવી રીતે ઉજવીએ….એવી સેવા કરીએ કે આખી દુનિયા જાણે કે પ્રમુખ સ્વામી એ આવા અતુલ્ય કર્યો કર્યા હતા….!!! જીવમાત્ર ના કલ્યાણ માટે જીવ્યા હતા….!!!
    અદભુત….અદભુત….!!
    (નીચેની લિંક પર થી સાંભળી શકાશે….)
    https://www.chirbit.com/viewqrcode/v47Af2


    https://drive.google.com/file/d/1B3EbkOVuszO1C-du3sFfDwz70eenikDV/view?usp=drivesdk

    ત્યારબાદ એવા જ વિદ્વાન અને પ્રખર વક્તા પૂ. બ્રહ્મ વિહારી સ્વામી ના એ જ વિષય પર ના અદભુત પ્રવચન નો લાભ સર્વ ને મળ્યો….જોઈએ એનો સાર માત્ર..
    • બાપા એ પોતાના દેહ ની પરવા કર્યા વગર એકલે હાથે સત્સંગ નો મહિમા વિસ્તાર્યો… એ અતુલ્ય છે……આ સ્વામીશ્રી ના ભીડા ની કોઈ થર્ડ પાર્ટી તપાસ કરી ને સમજવા નો પ્રયત્ન કરે તો સમજાય કે કોઈ મનુષ્ય આ કાર્ય એક જન્મ માં ન કરી શકે…!!! કલ્પના બહાર ની વાત છે…
    • આ ભીડા પાછળ ની સ્વામી ની ભાવના એ હતી કે….જીવમાત્ર રાજી થાય…ભગવાન ને માર્ગે ચડે…કલ્યાણ ને પામે….
    • સ્વામી માટે ભીડો એ જ આરામ…..હરિભક્તો માટે અસહ્ય ઉજાગરા જ એમના માટે ભક્તિ સેવા હતી….હરિભક્તો કેમ રાજી થાય?? એ જ એમનો સતત નો વિચાર રહેતો….એના માટે પોતાના દેહ સામે જોયું જ નથી….એમના માટે તો એક એક હરિભક્ત નું ઘર એ જ એમની રાજધાની…! જીવન ના છેલ્લા શ્વાસ સુધી હરિભક્તો ના ઘરે પધરામણી કરી એમને રાજી કરવા ની ખેવના..!! હરિભક્તો ન મળે તો..બાપા ને મૂંઝારો થાય….એવી બાપા ની હરિભક્તો પ્રત્યે ભાવના..!
    • આજે આપણે જે ગર્વ થી સમાજ માં અધ્યાત્મ ની વાત કરીએ છીએ…એ ગર્વ પ્રમુખ સ્વામી મહારાજ ને લીધે છે….એમના લીધે જ ભારત નો સમગ્ર સાધુ સમાજ ગર્વ લે છે…..આવા પ્રમુખ સ્વામી મહારાજ નો જન્મ જયંતિ મહોત્સવ અમદાવાદ ને આંગણે છે….હવે આપણે બાપા ને ગર્વ થાય એવું કરવા નું છે….તન મન ધન થી સેવા કરીએ એટલે બાપા રાજી…!! કોઈ અન્ય વ્યક્તિ ને બાપા નો મહિમા કહી ને બળ આપીએ તો યે સેવા છે….સ્વામી માટે..હવે જે જે આયોજન આવે તેમાં યથાર્થ…પૂર્ણ રીતે જોડાવા નું છે….બાપા આપણી સાથે રહી ને સહાય કરશે….
    • આપણે જો બાપા નો ખરેખરો મહિમા જાણીએ…સમજીએ તો બાપા માટે શું ન થાય???? તમારે ગમે તેવો દેશ કાળ હોય…બીમારી હોય કે વિપરીત સ્થિતિ…..બાપા ના અવસર માટે આપણે યા.હોમ કરવા નું છે…..બીજું વિચારવા નું જ નહીં…મોળી વાત જ નહીં..!!!
    અદભુત….અદભુત……..બધા તૈયાર છો ને???
    (નીચેની લિંક પરથી સાંભળી શકાશે….)
    https://drive.google.com/file/d/1B20_1TmHz7CgBEIteANxqLi5JZAxqEbw/view?usp=drivesdk

    ત્યારબાદ આ વિશિષ્ટ સભા માં ખાસ પધારેલા પ.પૂ.ડોક્ટર સ્વામી એ નાદુરસ્ત સ્વાસ્થ્ય છતાં પોતાના આશીર્વચન માં કહ્યું કે- પ્રમુખ સ્વામી આપણી દ્રષ્ટિ એ સાવ સામાન્ય હતા…..પણ એ સર્વના હૃદય પર રાજ કરતા હતા..કારણ… એમનું અણી શુદ્ધ જીવન!! એનું કારણ એમની શ્રીજી અને ગુણાતીત ગુરુઓ પ્રત્યે ની અનન્ય નિષ્ઠા… હરિભક્તો માટે નો ઊંડો પ્રેમ…! આપણું જે કર્તવ્ય છે તેને સાચા હૃદય થી નિભાવી એ એટલે જ ઉત્સવ…બાપા ના મહિમા કહેવા માટે આપણે આ કરવા નું છે…જાગ્રત થવાનું છે….તો રોજ જયંતિ જ છે….બસ પ્રેરણા લઇ જીવન ને શુદ્ધ બનાવીએ… આદર્શ બનાવીએ…!!

    તો આજની સભા….સત્પુરુષ ના અગણિત ઋણ માટે આ જીવન ને એમના ચરણો માં અર્પવા ની હતી…..એમનો મહિમા જીવમાત્ર સુધી પહોંચે….એમના ઉપકારો જગત ને સમજાય…સર્વને એમના ગુણ આવે….સર્વ નું રૂડું થાય એ માટે હતી…!!

    બસ…આપણી પ્રાપ્તિ તો અણમોલ છે….હવે તેની પ્રતીતિ કરી….યા.. હોમ થઈ જાવા નું છે…!

    સદાયે પ્રથમ શ્રી હરિ ને રે……..

    જય સ્વામિનારાયણ…. સર્વનું ભલું હો….

    રાજ


    BAPS શ્રી પ્રમુખસ્વામી મહારાજ જન્મજયંતિ પ્રતીક રવિસભા- 08/12/2019

    જન્મ શતાબ્દીએ અમે પ્રાણ પાથરીયે…..”

    4 થી ડિસેમ્બરે ,નવી મુંબઇ માં અતિ ભવ્યતા થી બ્રહ્મસ્વરૂપ પ્રમુખ સ્વામી મહારાજ નો 98 મો જન્મજયંતિ મહોત્સવ ઉજવાયો….એનો રંગ…એની કેસર ભીની સુવાસ હજુ મનોહૃદય પર થી ઉતરી નથી….અને આજે પુનઃ રવિસભામાં એ જ મઘમઘાટ…!! સત્પુરુષ ની પ્રાપ્તિ નો કેફ જાણે કે જીવમાં થી ઉતરતો જ નથી…..બસ દેહ ના અંતકાળ સુધી આવું રહે તો જીવ એ અક્ષરબ્રહ્મ પુરુષ ની સ્મૃતિ સંગે પરબ્રહ્મ સુધી પહોંચે…!! આમેય બાપા ની સ્મૃતિ ઓ એટલી અવિસ્મરણીય છે કે ભૂલે ભુલાતી જ નથી…..!!!

    તો, આજે મોક્ષદા એકાદશી…અને જેના માટે આ બધું છે…સત્પુરુષ ના દાખડા છે….તેના અદભુત દર્શન…..

    સભાની શરૂઆત યુવક મિત્રો દ્વારા ” વંદે શ્રી પુરુષોત્તમ…” શ્લોક અને ત્યારબાદ સ્વામિનારાયણ ધૂન થી થઈ….અદભુત માહોલ…!

    એ પછી યુવક મિત્રો દ્વારા જ ” યુગો સુધી આ જગમાં જેના મળતા રહેશે અજવાળા….પ્રમુખ સ્વામી ના ગુણો ના કોઈ કરી શકે ના સરવાળા…” મહિમા પદ રજૂ થયું…જેના એક એક શબ્દ માં છલકતું સત્ય આજે જગ સમક્ષ સ્પષ્ટ દેખાય છે…!..એથી જ પ્રમુખ સ્વામી મહારાજ નો જગ માં આજે જયજયકાર છે….અને રહેશે…!!

    એ પછી બાપા ના ગુણો ને દર્શાવતો વિડીયો ” કરુણા કરી ને અમને સ્વીકાર્યા..” રજુ થયો….મલાવ, 1990 માં શંભુ નામના એક નાના બાળક ની ગાંડીઘેલી પ્રાર્થના ને સ્વીકારી બાપા એ એને રાજી કર્યો….વિવિધ ભક્તો ની નાની મોટી માંગણી ઓ ને સ્વામીએ સહેજે સ્વીકારી..કાપડ એ માપ્યું ‘ને ઘી એ તોલ્યું…!!!

    • પૂ. પ્રિય સ્વરૂપ સ્વામી એ કહ્યું આ પ્રસંગો ને આધારે કહ્યું કે …સત્પુરુષ નો હેતુ જ જીવમાત્ર ના કલ્યાણ નો છે….પોતાનું સામર્થ્ય છુપાવી આપણા જેવા થયા…આપણી જેમ વર્ત્યા…! કરુણા એ કરી આપણ ને દોષો સાથે સ્વીકાર્યા…
    • કોઈના રાજીપા માટે એને જાતે ચા મૂકી આપે તો કોઈ વ્યસની ની ટેવ છોડાવવા કલાકો એની સાથે વાતો કરે…..એ જ કરુણા સાગર ની નિશાની છે…..

    એ પછી કિશોર મંડળ તરફ થી નૃત્ય રજુ થયું….

    ત્યારબાદ ઉદયન પટેલ નામના હરિભક્તે પોતાનો અનુભવ કહેતા કહ્યું કે….તેમને ખૂબ વ્યસન હતું…પણ બાપા ના એક સંકલ્પ થી તેમનું વર્ષો નું વ્યસન સહેજે છૂટી ગયું…!! એમની ગંભીર બીમારી, પ્રગટ અક્ષરબ્રહ્મ મહંત સ્વામી મહારાજે પ્રમુખ સ્વામી મહારાજ ની સ્મૃતિ કરવા નું કહ્યું અને બાપા એ સદેહે હાજર થઈ બીમારી દૂર કરી……અદભુત સ્વરૂપ નિષ્ઠા ની વાત એમણે કરી…..કે આવી પ્રાપ્તિ થવી અઘરી છે…..જે મળ્યું છે એનો મહિમા સમજી લો…!!

    એ પછી, પૂ. નિર્મલ ચરિત સ્વામી એ પણ બાપા ના એક સંકલ્પ થી અનેકો ના જીવન પરિવર્તન થઈ ગયા તેનું ઉદાહરણ આપ્યું….અઠંગ વ્યસનીઓ પણ વ્યસન મુક્તિ ના કાર્ય કરતા થઈ ગયા…ગામેગામ પરિવર્તન પામ્યા છે….સુનસર ગામ જે અંગ્રેજો ના વખત થી ખોટી રીતે જાણીતું હતું…તે આજે સત્સંગીઓ થી ઉભરાય છે…

    એ જ વાત પર થી બાળકો એ નૃત્ય રજૂ કર્યું…” નમો નમઃ પ્રમુખ સ્વામી ને …” દ્વારા દર્શાવ્યું કે..બાપા એ પોતાના સંપર્ક માં આવનાર સર્વ ના દોષ ટાળી ને નિર્વ્યસની કર્યા…..અમૂલ્ય પરિવર્તન આણ્યું…!

    બાપા નું વિચરણ- વિડીયો દ્વારા બાપા ના કઠિન વિચરણ ના દર્શન થયા….ગરીબ બાળક ની ખબર કાઢવા ખાડા ટેકરા પાર કરી સ્વામી હોસ્પિટલ પહોંચ્યા…..તો વાસદ માં 102 ડિગ્રી તાવ સાથે 122 ઘરો માં પધરામણી કરી….! અદભુત…શુ સત્પુરુષ ની કરુણા છે…!

    ત્યારબાદ પૂ. અધ્યાત્મ પ્રિય સ્વામી એ બાપા એ આંબલી વળી પોળ માં પ્રમુખ પદ ગ્રહણ કરતી વખતે જે પોતાનો દેહ કૃષ્ણાર્પણ કરવા ની પ્રતિજ્ઞા કરી હતી…તેના આધારે પ્રસંગો કહ્યા…..પગે ગૂમડું હોય કે એનો અસહ્ય દુખાવો……એ વચ્ચે પણ સ્વામી એ સખત પીડા સાથે….કાદવ કીચડ ખૂંદી ને વિચરણ કર્યું છે….હેતુ માત્ર- હરિભક્તો ને રાજી કરવા…! અસંખ્ય સર્જરીઓ હોય કે ગંભીર બીમારીઓ….સ્વામી નું વિચરણ અટક્યું નથી…

    …..1977 માં ..આવું 244 દિવસ માં …સવારે 5 વાગ્યા થી લઇ ને રાત્રી ના 12 વાગ્યા સુધી…ખાનપાન..આરામ..દેહ ની પરવા કર્યા વગર વિચરણ કરી…..હજારો કિલોમીટર નું અંતર કાપી…હજારો હરિભક્તો ને રાજી કર્યા છે…..!!

    એ જ કઠિન વિચરણ ના ગુણ ને બાળકો એ નૃત્યાંજલી આપી….!!!

    ત્યારબાદ બાપા એ સર્વે ભક્તો ને મોક્ષ કલ્યાણ નો કોલ આપ્યો હોય તેના અદભુત વિડીયો દર્શન નો લાભ મળ્યો………બાપા એ અનેક વાર સર્વ ને સંત અને ભગવાન ને રાજી કરી કલ્યાણ પ્રાપ્ત કરવા ની વાત કરી છે……એ ઉપર એક સંતે ( નામ અજ્ઞાત છે) કહ્યું કે….બાપાએ છડેચોક કહ્યું છે કે…ભગવાન ને સંત મળ્યા પછી….શંકા શાની?? સર્વે નું કલ્યાણ પાકું જ છે…! અંતકાળે બાપા અને મહારાજ જીવ ને લેવા પધાર્યા હોય તેવા અનેક ના અનુભવ આજે પણ છે….

    અને એ જ મોક્ષદાતા પ્રમુખ સ્વામી મહારાજ ના મહિમા પર બાળકો એ નૃત્યાંજલી આપી….

    ત્યારબાદ પ.પૂ. ઈશ્વર ચરણ સ્વામી કે જે બાપા ની ખૂબ જ નિકટ..વર્ષો સુધી રહ્યા છે…તેમણે કહ્યું કે ( સારાંશ માત્ર) ….

    • યોગીબાપા ની સાથે બાપા એમની સેવામાં હતા….એમના પત્રો વાંચવા, હરિકૃષ્ણ મહારાજ ની સેવા પણ તેમણે કરેલી…
    • અસહ્ય કઠિન ભીડા વાળું વિચરણ પણ સ્વામી ને સહેજે ભાર નહોતો…..કારણ કે એક ભગવાન ને જ સર્વ કર્તાહર્તા માનતા…અને એ મુજબ જીવતા…! પૂરેપૂરી અહં શૂન્યતા….”હું કરું છું” એવો ભાવ જ નહીં….માન હોય કે અપમાન…સર્વે માં સ્થિર રહે….સમભાવ વર્તે….
    • આ બ્રહ્માંડ માં આપણા જેવું ભાગ્યશાળી કોઈ નથી…કારણ કે સાક્ષાત ગુણાતીત સંત આપણ ને મળ્યા છે….બસ તેની પ્રતીતિ કરવા ની છે….તેમની સ્મૃતિ અને કેફ રાખવાનો છે….
    • તેમના દર્શન કરી આપણા સંકલ્પ શાંત થઈ જાય….બાપા એ ખૂબ દાખડો કરી શે સત્સંગ ને સર્વોચ્ચ કક્ષા એ પહોંચાડ્યો છે…..દુનિયા આખી હજુ પણ બાપા ની પ્રસંશા કરે છે….
    • બાપા એ સર્વે હરિભક્તો ને અક્ષરધામ નો કોલ આપ્યો છે…એમાં કોઈ શંકા નથી…..મહંત સ્વામી મહારાજ જેવા ગુણાતીત સંત ની ભેટ આપણ ને આપી….આપણે ખૂબ જ ભાગ્યશાળી છીએ…..મહંત સ્વામી મહારાજ નું સ્વાસ્થ્ય નબળું છે….અને સત્સંગ એટલો વિશાલ છે કે પહોંચી ન વળાય…પણ મહંત સ્વામી મહારાજ શક્ય હોય તેટલી સ્મૃતિ આપી…દર્શન આપી સર્વે ને રાજી કરે છે….સર્વે ના સંકલ્પ પૂર્ણ કરે છે…..
    • જે પ્રાપ્તિ થઇ છે…એમાં વિઘ્ન આવવા દેવું નહિ….મનુષ્ય ભાવ લાવવો નહિ…તેમના સર્વ કાર્ય ક્રિયાઓ દિવ્ય છે……જો સમજાય તો આપણે છતે દેહે ન્યાલ થઈ જઈએ…..

    અદભુત…..અદભુત….!! બસ આ પ્રાપ્તિ ની પ્રતીતિ કરવા ની છે…જીવસ્થ કરવા ની છે…..

    બાળકો એ આ જ ગુણ પર નમો નમઃ નૃત્યાંજલી રજૂ કરી……

    પછી, સંતો એ બાપા ને પુષ્પ હારો થી વધાવ્યા…..અને યુવકો એ ” જન્મ શતાબ્દી અવસરિયે …અમે પ્રાણ પાથરીયે…” નૃત્ય રજૂ કર્યું….! અને સાથે સાથે ફટાકડા ઓ દ્વારા પણ ઉત્સવ ને વધાવવા માં આવ્યો…..!! અદભુત…..

    સભાને અંતે જાહેરાત થઈ કે…

    • પૂ.આદર્શજીવન સ્વામી રચિત બાપાના જીવન ચરિત્ર આધારિત અંગ્રેજી માં બુક Pramukh swami maharaj -100 inspiring experiences પ્રગટ થયું છે….

    બસ, આપણ ને જે ગુણાતીત ગુરુ એ સ્વીકાર્યા છે…..તેમના રાજીપા નો સદાયે વિચાર રાખી ને વર્તીએ તો ….એ રાજી અને શ્રીજી રાજી….અને આપણું જીવન ધન્ય ધન્ય થઈ જાય….!!!

    બસ….સત્પુરુષ ને પોતાનો આત્મા માની વર્તવું….એ જ માર્ગ..એ જ ધ્યેય…એ જ મોક્ષ નો માર્ગ….શ્રીજી ને પામવા નો માર્ગ….

    સદાયે પ્રથમ શ્રીહરિ ને રે….

    જય સ્વામિનારાયણ

    રાજ


    BAPS રવિસભા-01/12/2019

    આપણા ઉદ્ધવ સંપ્રદાયને વિષે જ્ઞાન, વૈરાગ્ય, ધર્મ અને ભગવાનની ભક્તિ એ ચાર વાનાં જેમાં હોય તે એકાંતિક ભક્ત કહેવાય; અને આપણા સત્સંગમાં મોટો કરવા યોગ્ય પણ તે જ છે….

    ….અતિશય માહાત્મ્ય સહિત ભક્તિ ભગવાનને વિષે હોય તો એક ભક્તિને વિષે ત્રણે આવી જાય અને સામાન્ય ભક્તિ હોય તો એકમાં ત્રણ ન આવે. માટે, ‘ચાર વાનાંએ સહિત જે ભક્તિ તે જેમાં હોય તે એકાંતિક ભક્ત કહેવાય…….

    ત્યારે બ્રહ્માનંદ સ્વામીએ પૂછ્યું જે, “એવી અસાધારણ ભક્તિ શે ઉપાયે કરીને આવે?”

    ત્યારે શ્રીજીમહારાજ બોલ્યા જે, “મોટાપુરુષની સેવા થકી આવે છે. તે મોટાપુરુષ પણ ચાર પ્રકારના છે: એક તો દીવા જેવા ને બીજા મશાલ જેવા ને ત્રીજા વીજળી જેવા ને ચોથા વડવાનળ અગ્નિ જેવા
    …….

    …..એવી રીતે એ ચાર પ્રકારના જે મોટાપુરુષ કહ્યા તેમાં જે વીજળીના અગ્નિ જેવા તથા સમુદ્રના અગ્નિ જેવા મોટાપુરુષ છે, તેમની સેવા જો પોતપોતાના ધર્મમાં રહીને મન-કર્મ-વચને કરે તો તે જીવના હૃદયમાં માહાત્મ્ય સહિત ભક્તિ આવે છે. તે વીજળીના અગ્નિ જેવા તો સાધનદશાવાળા ભગવાનના એકાંતિક સાધુ છે અને …..

    વડવાનળ અગ્નિ જેવા તો સિદ્ધદશાવાળા ભગવાનના પરમ એકાંતિક સાધુ છે…. એમ જાણવું.
    ———————–
    ભગવાન શ્રી સ્વામિનારાયણ- વચનામૃત-વરતાલ-3


    …..આજે પહેલી ડિસેમ્બર…..અને આવા વડવાનલ સમાન એકાંતિક સિદ્ધ પુરુષ……બ્રહ્મસ્વરૂપ પ્રમુખ સ્વામી મહારાજ ની 98 મી જન્મજયંતિ ઉત્સવ ની ભવ્ય ઉજવણી , નવી મુંબઇ ખાતે 4/12 ના રોજ થવાની છે…..એનું કાઉન્ટ ડાઉન શરૂ થઈ ગયું છે….પ્રગટ સત્પુરુષ મહંત સ્વામી મહારાજ ત્યાં બિરાજમાન છે…….યોગીબાપા કહેતા કે આવા સમૈયા ધામધૂમ થી કરવા …લાખો માણસ ભેગા થાય….એ સૌના દર્શન થાય…ભીડા ભક્તિ નો લાભ મળે….દેહ ના સ્વભાવ..વિષય ઘસાય…..સત્સંગ કથા વાર્તા ની છોળો ઉછળે…!!!! બસ, આ ઉત્સવ આટલા માટે જ છે….સત્પુરુષ જે આપણ ને પ્રાપ્ત થયા છે…તેનો મહિમા જો જીવ માં 1% એ ઘૂસશે તો ય જીવ નું રૂડું થશે….પછી આખેઆખી પ્રાપ્તિ ની વાત જ શી કરવી??

    તો આજની સભા એના પર હતી….સૌપ્રથમ મારા વ્હાલા ના દર્શન…..


    સભાની શરૂઆત પૂ. શુભકિર્તન સ્વામી ના બુલંદ સ્વરે ” જય અક્ષરપતિ પુરુષોત્તમ …..જય જય સ્વામી સહજાનંદ…” રજૂ થયું….ત્યારબાદ એમના જ સ્વરે….” આવો રે વ્હાલા…હું તો તમારા મોળીડા પર મોહી…..” પ્રેમાનંદ સ્વામી રચિત કીર્તન રજૂ થયું…..અદભુત કીર્તન…!! શ્રીજી નું રૂપ..એની મોહકતા….કેવી હશે?? એનો વિચાર કરો…..! ત્યારબાદ એક યુવક ના કંઠે ” થાય છે જય જયકાર….” રજૂ થયું…….! એ પછી, પૂ.કૃષ્ણ સ્વરૂપ સ્વામી એ જોશીલું પદ ” મૂર્તિ મનોહર તારી..સુંદરવર શામળિયા….” દાસ છગન રચિત રજૂ થયું…..શ્રીજી ના વિવિધ અંગો ના અતુલ્ય શણગાર….એ પણ … પદ્ય સ્વરૂપે…..પછી બાકી શુ રહે??

    ત્યારબાદ તા.22 થી 24 નવેમ્બર ના સ્વામીશ્રી ના દિવ્ય વિચરણ ના વિડીયો દર્શન નો સરસ લાભ મળ્યો…..

    https://youtu.be/rrj451dy1Dc

    અદભુત વિડીયો…..!!

    એ પછી, પૂ. દિવ્ય કિશોર સ્વામી એ પ્રગટ ગુરુહરી મહંત સ્વામી મહારાજ ના દિવ્ય ગુણો વિશે રસપ્રદ વિવેચન કર્યું…જોઈએ એનો સાર માત્ર…

    • ગ.પ્ર.67 માં શ્રીજી એ કહ્યું કે મોટા પુરુષ ને આ લોક ને વિશે પ્રીતિ ..વાસના જ નથી…એ તો માત્ર  એક ભગવાન માં જ લિન છે…મહંત સ્વામી મહારાજ માં આ જ દેખાય છે…
    • એક પળ પણ શ્રીજી ના વગર જતી નથી….ભલે નિર્જળા ઉપવાસ હોય કે મોટી ઉમર ને હિસાબે શારીરિક અશક્તિ….પણ શ્રીજી દર્શન વગર એક ક્ષણ ચાલતું નથી…
    • જેવી ભગવાન પ્રત્યે એમની તાલાવેલી છે…એવી જ પોતાના ગુરુ પ્રત્યે પણ છે….બાપા ના દર્શન સતત કરતા રહેતા….પોતાના ગુરુ ની જય પ્રથમ બોલાય…એ જ એમની અંતર ની આજ્ઞા…..પ્રાર્થના…! ગુરુ ના એક બોલે ..જીવન ના રસાસ્વાદ બદલી નાખ્યા….ગુરુ ને ગમે એ જ આપણ ને ગમે- એ જ મહંત સ્વામી ના જીવન ની ગુરુ ભક્તિ…દાસત્વ પણુ…!
    • આપણે પણ ગુરુ ના આ જ અક્ષર ગુણો ને આપણા જીવન માં ઉતારી બ્રહ્મરૂપ થવા નું છે…..

    ત્યારબાદ પૂ. શ્રીહરિ સ્વામી જેવા વિદ્વાન અને અનુભવી સંત દ્વારા વચનામૃત અને સ્વામી ની વાતો ને આધારે ભક્તિ રીત વિશે રસપ્રદ પ્રવચન થયું….જોઈએ એનો સારાંશ માત્ર…

    • આપણો સંપ્રદાય શુષ્ક નથી….અહીં ભક્તિ એટલે ભગવાન ની પ્રીતિ એ સહિત…નિયમ ધર્મ સહિત ભક્તિ….! કારણ શરીર…સ્વભાવ ટાળી ને થતી ભક્તિ…

    • શ્રીજી આ નિયમ ધર્મ પોતાની સાથે અક્ષરધામ થી લઈને આવ્યા છે….જ્યાં ધર્મ હોય ત્યાં ભક્તિ હોય….અને જ્યાં ધર્મ ભક્તિ બંને હોય ત્યાં જ ભગવાન હોય…..
    • નવધા ભક્તિ માં પ્રથમ ભક્તિ – શ્રવણ ભક્તિ છે….સ્વામી કહેતા કે આ વાતું થી બ્રહ્મરૂપ થવાશે…..માટે જ કથા વાર્તા નો ઇશક અવશ્ય રાખવો….માત્ર શ્રવણ જ નહીં….એકાગ્રતા..મહિમા થી….જિજ્ઞાસુ થઈ..પ્રીતિએ સહિત શ્રવણ કરવું….જે શ્રવણ કરીએ તેનો નિદીદ્યાસ.. મનન કરવું….એ પ્રમાણે જીવવું.
    • મહિમા એ સહિત ભક્તિ કરવા થી હૃદય માં વૈરાગ્ય સહેજે આવે છે….પતિવ્રતા જેવી દ્રઢતા આવે છે….એક શ્રીજી માં જ દ્રઢ પ્રીતિ થાય….એમના સિવાય બીજો મન ભટકે જ નહીં…ચોંટે જ નહીં…….ભગવાન ના કોઈ ચરિત્ર માં મનુષ્ય ભાવ આવે જ નહીં..બધું દિવ્ય જ લાગે…..વરતાલ-૩ ના..19 માં વચનામૃત માં આ જ વાત કહી છે…
    • મોટા પુરુષ ઓળખાય…એમનો મહિમા સમજાય….દ્રઢ પ્રીતિ થાય…એમના ભક્તો ના દાસના દાસ થઈ ને રહે……હરિભક્તો નો મહિમા સમજે… સર્વે દિવ્ય લાગે….તો ભક્તિ સફળ…
    • આપણ ને આવા મોટા પુરુષ ની પ્રાપ્તિ થઇ છે…બસ હવે તેની પ્રતીતિ કરવા ની છે…..આવી સર્વોપરી ભક્તિ યુકતે થઈ બ્રહ્મરૂપ થવા નું છે….
    અદભુત પ્રવચન………!! આવા હરીભક્ત થવાય તેવી શ્રીજી ને પ્રાર્થના……અંતે અમુક જાહેરાત થઈ……


    શાહીબાગ મંદિરે, પણ આનું લાઈવ ટેલિકાસ્ટ થશે…..આવતા રવિવારે તેનો પ્રતીક ઉત્સવ, આ જ સભામાં ઉજવાશે…..

    બસ, તો મળીએ મુંબઇ માં…….

    સદાયે પ્રથમ શ્રી હરિ ને રે……

    જય સ્વામિનારાયણ

    રાજ