Raj Mistry's world

Me,my stories and world around….


Leave a comment

BAPS રવિસભા -07/10/2018

પછી શ્રીજીમહારાજ બોલ્યા જે,

ભગવાન જીવના કલ્યાણને અર્થે જ્યારે મૂર્તિ ધારણ કરે ત્યારે પોતાનું જે અક્ષરધામ અને ચૈતન્યમૂર્તિ એવા જે પાર્ષદ અને પોતાનાં જે સર્વે ઐશ્વર્ય તે સહિત જ પધારે છે, પણ એ બીજાના દેખ્યામાં આવે નહીં……….

માટે ભગવાનના ભક્તને ભગવાનનું સ્વરૂપ અક્ષરધામ સહિત પૃથ્વી ઉપર વિરાજમાન છે એમ સમજવું અને બીજા આગળ પણ એવી રીતે વાર્તા કરવી…...”…..

…… એનાં નેત્રમાં ભગવાન જોનારા છે તે માટે બ્રહ્માંડમાં જેટલાં જીવપ્રાણી છે તેનાં નેત્રને પ્રકાશ કરવાને સમર્થ થાય છે, અને એના પગમાં ચાલનારા ભગવાન છે તે માટે બ્રહ્માંડમાં સર્વ જીવના પગને વિષે ચાલવાની શક્તિને પોષણ કરવાને એ સમર્થ થાય છે; એમ એ સંતની સર્વે ઇન્દ્રિયોમાં ભગવાન રહ્યા છે….. , તે માટે એ સંત તો બ્રહ્માંડમાં સર્વે જીવોનાં ઇન્દ્રિયોને પ્રકાશ કરવાને સમર્થ થાય છે…… .

……માટે એ સંત તો સર્વ જગતના આધારરૂપ છે……….”


ભગવાન શ્રી સ્વામિનારાયણ- વચનામૃતમ- ગઢડા પ્રથમ-71; ગઢડા પ્રથમ-27

સંત નો મહિમા -સમગ્ર 273 વચનામૃત માં થી લગભગ 100 થી વધુ વચનામૃત માં શ્રીજી એ છડેચોક ગાયો છે….કેમ?? ઉત્તર ઉપર જ છે……કારણ કે ભગવાન જ્યારે અવતાર ધારણ કરે ત્યારે તે પોતાના ધામ અને પાર્ષદ સહિત જ અવતરે છે…..અને એ જ ધામ એટ્લે અક્ષરધામ – અક્ષરબ્રહ્મ સત્પુરુષ કે જેના અંગે અંગ માં ભગવાન સ્વયં રહ્યા છે……અને એ જ જગત નો આધાર છે…….એટ્લે જ આપણે ત્યાં આવા એકાંતિક સત્પુરુષ કે જે સ્વયં અક્ષરબ્રહ્મ છે ….તેનો આટલો બધો મહિમા છે……! આજની સભા આ જ મહિમા ની વાત હતી….કે જેને સમજ્યા ..જીવ્યા વગર મોક્ષ જ નથી……!

સભાની શરૂઆત માં સર્વ પ્રથમ શ્રીજી અને ધામ -મુક્ત ના દર્શન…..

43283114_2157451991209295_2399940726147252224_n

ત્યારબાદ યુવકો અને પૂ. અમૃતકિર્તિ સ્વામિ દ્વારા ધૂન અને કીર્તન થી શરૂઆત થઈ….કીર્તન માં નિષ્કુળાનંદ સ્વામિ રચિત ” ધન્ય ધન્ય એ સંત સુજાણ ને..” ; મુક્તાનંદ સ્વામિ રચિત..” સર્વે માન તજી…” અને પૂ. અમૃત કિર્તિ સ્વામિ દ્વારા …સુખાનંદ સ્વામિ રચિત…” સહજાનંદ કે દર્શન કરકે સબ મગન ભયે…..” રજૂ થયા…….

ત્યારબાદ પ્રગટ અક્ષર બ્રહ્મ મહંત સ્વામિ મહારાજ ના ભાવનગર ખાતે ના વિચરણ ના દિવ્ય વિડીયો દર્શન નો લાભ સભાને મળ્યો …જે આપણે બધા નીચેની લિન્ક પર થી કરી શકશું…..( 30 સપ્ટેમ્બર થી 2 ઓક્ટોબર)

ત્યારબાદ પૂ. શ્રીહરિ સ્વામિ એ – ભાવનગર ખાતે યોજાયેલા પ.પૂ.મહંત સ્વામિ મહારાજ ના ભવ્ય જન્મોત્સવ ના ઉપલક્ષ માં – એમના દિવ્ય ગુણ ની ચર્ચા – અદ્ભુત પ્રસંગો અને વચનામૃત ને આધારે કરી…..આપણે અહી માત્ર તેનો સારાંશ જ જોઈશું…….
  • ગઢડા પ્રથમ 71 અને ગઢડા પ્રથમ-27 માં શ્રીજી એ જેના ગુણ નું- મહિમા નું વર્ણન કર્યું છે – એવા એકાંતિક – અક્ષરબ્રહ્મ સ્વરૂપ મહંત સ્વામિ મહારાજ આપણ ને પ્રત્યક્ષ મળ્યા છે તે જ સર્વોપરી પ્રાપ્તિ છે ….
  • એવા પુરુષ ને ઓળખવા કઈ રીતે?? તો તેની ઓળખાણ શ્રીજી એ સ્વયં આપી છે અને તેના અદ્રિતીય ગુણો નું વર્ણન કરતાં કહે છે કે એ પુરુષ માં નીચે મુજબ ના ગુણ હોય…..જે આજે મહંત સ્વામિ મહારાજ અને એ પહેલા આપણી ગુણાતીત પરંપરા માં જોવા મળ્યા છે…..એ ગુણ માં …
  1. એક ભગવાન ને જ સર્વ કર્તાહર્તા માને ….
  2. આગના અને ઉપાસના માં સ્પષ્ટ….અતિ દ્રઢતા…..નિયમ ધર્મ માં સહેજ પણ ઉણપ ન ચલાવે….
  3. સર્વે ઇન્દ્રિયો અને અંતઃકરણ માં એક ભગવાન જ કેન્દ્ર
  4. પંચ વર્તમાન માં અતિશય દ્રઢતા
  5. ભગવાન નું અખંડ સ્મરણ……અને સ્મૃતિ
  6. પોતાના વર્તન…કાર્ય માં જરૂર પડ્યે દિવ્યતા-એશ્વર્ય ના દર્શન કરાવે
  7. ભક્તો ના શુભ સંકલ્પ – દર્શન માત્ર થી પૂર્ણ કરે……

આવા તો અનેક ગુણ-થી સંપન્ન આપણાં બ્રહસ્વરૂપ ગુરુ માં ભગવાન સાક્ષાત રહ્યા છે અને એમના દ્વારા જ ભગવાન પોતાનું કાર્ય…પોતાનો સંદેશ પ્રસરાવી રહ્યા છે ..એમાં કોઈ શક નથી…બસ આપણે આવા પુરુષ ને ઓળખવા ના છે એમના સ્વરૂપ ..કાર્ય માં પ્રતીતિ કરવા ની છે…….

ત્યારબાદ યુવક મંડળ દ્વારા એક અદ્ભુત સ્કીટ ની પ્રસ્તુતિ થઈ- વિષય હતો ” my favorite clip” એનું કથાનક આવું હતું કે- સ્વામીશ્રી ના વિચરણ મંડળ માં ફોટોગ્રાફર તરીકે સેવા આપતા યુવક પોતાની મનોવ્યથા વ્યક્ત કરતાં કહે છે કે- સ્વામીશ્રી નો ફોટો લેવા નો પ્રયત્ન કર્યો તો – હરિકૃષ્ણ મહારાજ ની સેવા માં રહેતા પૂ. હરિપ્રકાશ સ્વામિ દર વખતે વચ્ચે આવી જાય..પરિણામે સ્વામીશ્રી નો જોઈએ તેવો ફોટો ન મળે..અને દરેક સમયે એવું થાય…….આથી પ્રશ્ન એ કે- હરિપ્રકાશ સ્વામિ જાણી જોઈને આવું કરે છે કે પછી કોઈ રહસ્ય છે???

સ્કીટ ના ભાગ રૂપે જ – એક વિડીયો સંદેશ દ્વારા પૂ. હરિપ્રકાશ સ્વામિ એ – આ સાચી ઘટના પાછળ નું રહસ્ય નું નિરાકરણ કરતાં કહ્યું કે- હું દરેક ફોટો માં વચ્ચે આવતો હતો કારણ કે – એ સ્વામીશ્રી ની પોતાની આજ્ઞા હતી……..કારણ કે- સ્વામીશ્રી નહોતા ઇચ્છતા કે- હરિકૃષ્ણ મહારાજ – એમના ફોટા લેવા ની દોડાદોડી માં ગૌણ થઈ જાય…..સાઈડ માં રહે……..!!!! કેટલી અદ્ભુત પરાભક્તિ…….! સદાયે નમ્ર રહેતા સ્વામીશ્રી એ તો ઊંચા અવાજ માં પૂ.હરિપ્રકાશ સ્વામિ ને કહ્યું કે- આ હરિકૃષ્ણ મહારાજ ને લીધે જ આપણે બધા છીએ……એ કદાપિ ગૌણ ન થાય- એ સદાયે યાદ રાખવું…….!! અને ગોંડલ ના અસ્થિ વિસર્જન નો પ્રોગ્રામ હોય કે…..જામનગર ના મંદિર નો મહોત્સવ હોય……..સ્વામીશ્રી એ ઠાકોરજી ને જ કેન્દ્ર માં રાખી..આગળ રાખી- પોતે દાસાનુદાસ ભાવે વર્તી- સર્વ ને શીખ આપી છે કે- સર્વોપરી તો એક શ્રીજી જ- તે ક્યારેય ગૌણ ન થાય……..અને આપણે તો એમના દાસ…!!!

સ્વામીશ્રી ની આ પરાભક્તિ ના દર્શન કરાવતી ક્લિપ- જ આપણાં સર્વ ને- સૌથી પ્રિય ક્લિપ છે- એમાં કોઈ શક નથી…!!!

સભાને અંતે સત્સંગ શિક્ષણ પરીક્ષા ના સર્વોત્તમ દેખાવ કરેલા પરિક્ષાર્થી ઑ નું સન્માન થયું…..અને એવા હરિભક્તો કે- જેમણે કેન્સર જેવા જીવલેણ રોગ હોવા છતાં પરીક્ષા આપી ને સત્સંગ નું ગૌરવ વધાર્યું હોય- તેમનું પણ અભિવાદન થયું………

તો- સમજવા નું એટલું જ કે- આપણાં માટે શ્રીજી સર્વોપરી છે…એમના જ બે ચરણ ની ઉપાસના છે પણ સાથે સાથે- એ શ્રીજી સુધી લઈ જનાર – એમની ઓળખાણ કરાવનાર……આપણ ને શુધ્ધ કરી બ્રહમરૂપ કરનાર- આપણાં અક્ષરબ્રહ્મ ગુરુ નો મહિમા પણ અજોડ જ છે………આવા અક્ષરબ્રહ્મ ગુરુ ની ઓળખાણ થશે..એમનામાં સાંગોપાંગ જોડાવાશે ..તો જ પરબ્રહ્મ પુરુષોત્તમ નારાયણ ની પ્રાપ્તિ થશે…..! અને આ દર્શન કહો કે તત્વજ્ઞાન એટ્લે જ- અક્ષર પુરુષોત્તમ સિધ્ધાંત દર્શન…! જેને સમજ્યા સિવાય કોટિ ક્લ્પે આત્યંતિક કલ્યાણ જ નથી…….

જય સ્વામિનારાયણ……..જય જય અક્ષર પુરુષોત્તમ………

રાજ

.


Leave a comment

BAPS રવિસભા-૧૫/૦૭/૨૦૧૮

પછી બ્રહ્માનંદ સ્વામી તથા શુકમુનિ તથા સુરો ખાચર એ ત્રણને શ્રીજીમહારાજે પૂછ્યું જે, “તમે જેણે કરીને પાછા પડી જાઓ એવો તમારામાં કયો અવગુણ છે?”

ત્યારે એ ત્રણે કહ્યું જે, “હે મહારાજ! માનરૂપ દોષ છે; માટે કોઈક બરોબરિયા સંત અપમાન કરે તો કાંઈક મૂંઝવણ થાય.”

પછી શ્રીજીમહારાજ બોલ્યા જે, “અમે પૂછીએ છીએ જે, ‘દ્યુપતય એવ તે ન યયુરન્તમનન્તતયા’    ( અર્થાત-બ્રહ્માદિ દેવો પણ તમારા મહિમાના પારને પામતા નથી, કેમ કે અપાર છે. વધારે શું કહીએ? તમે પણ તમારા મહિમાના અંતને પામતા નથી. (ભાગવત: ૧૦/૮૭/૪૧).)

…………..એવી રીતે માહાત્મ્યે સહિત ભગવાનને જાણ્યા હોય ને એવા જે ભગવાન તેના જે સંત તે સાથે માન, ઈર્ષ્યા, ક્રોધ કેમ થાય? ……….અને જો થાય છે તો જાણ્યામાં ફેર છે…….


વચનામૃતમ- ગઢડા અંત્ય-૨૮

શ્રીજી મહારાજ દ્વારા મોટેરા સંતો અને હરિભક્તો ને પ્રશ્ન કે- તમે સત્સંગ માં થી પડી જાઓ- એવો અવગુણ કયો??? અને એ સંતો અને હરિભક્તો નું પ્રમાણિકતા નું સ્તર કેટલું ઊંચું કે- જાહેર માં પોતાના અવગુણ કહ્યા…….!! કહેવાનું એટલું કે જે જીવ પોતાના અવગુણ જુએ છે , તેની સત્સંગ માં પ્રગતિ થાય છે….માટે જ કમસેકમ પોતાની જાત પ્રત્યે તો પ્રમાણિક રહેવું અને પોતાના ગુણ-અવગુણ ઓળખવા- અને સ્વભાવ ને ટાળવા નો પ્રયત્ન કરવો. પુ.ડોક્ટર સ્વામી આજે સભામાં હાજર હતા અને પોતાના ચિરપરિચિત તેજસ્વી અંદાજ માં – સભા ને પોતાના અવગુણ જોવાનું- અંતર્દ્રષ્ટિ કરવા નું કહ્યું…..

સભા -મેઘરાજા ની પ્રતીક્ષા કરતી જ થઇ…..અમદાવાદ થી મેઘરાજા રિસાઈ ગયા છે અને સર્વે ની પ્રાર્થના છે કે- અહી તેની ધામધૂમ થી પધરામણી થાય….બધા ને શાંતિ મળે….સભાની શરૂઆત – શ્રીજી ના મનમોહક દર્શન થી..આજનો શણગાર અદ્ભુત હતો…..

pixlr_20180715172700835

સભાની શરૂઆત- નવા યુવક મિત્ર દ્વારા  ધૂન અને કીર્તન થી થઈ …..બ્રહ્માનંદ સ્વામી રચિત શરણાગતિ નું પદ ” તુમ પ્રભુ અશરણ …કો શરણ કહાવે…..” અને અન્ય એક યુવકે , મુક્તાનંદ સ્વામી રચિત…” સજની કોડે આનંદ મારે ઘેર શ્રીજી પધાર્યા…” રજુ થયું.  પુ.વિવેક્મુની સ્વામી એ ભૂમાનંદ સ્વામી રચિત કીર્તન ” સર્વે સખી જીવન જોવા ચાલો રે….” રજુ કર્યું અને એક અન્ય હરિભક્તે તેના પડછંદ અવાજ માં, બ્રહ્માનંદ સ્વામી રચિત પદ  ” વ્હાલા લાગો છો વિશ્વાધાર રે..સગપણ તમ સાથે ” રજુ કર્યું.

પુ.ગુરુસ્મરણ સ્વામી એ – સારંગપુર- ૧૨ માં શ્રીજી એ જે – એકાંતિક સંત ના ત્રણ અખંડ રહેતા ગુણ- આત્મ નિષ્ઠા, નિશ્ચય અને સ્વધર્મ વર્ણવ્યા છે તે પૈકી – સ્વધર્મ એટલે કે – નિયમ ધર્મ ની દ્રઢતા અને બ્રહ્મ સ્વરૂપ પ્રમુખ સ્વામી મહારાજ ના જીવન માં- પાંચ વર્તમાન ના નિયમ- અને એમાં પણ નિષ્કામ વર્તન અને નીસ્વાદી પણું –  કેટલા અડગ હતા તે અનેક પ્રસંગ અને ઉદાહરણ દ્વારા સમજાવ્યા…..સાથે સાથે મહંત સ્વામી મહારાજ માં પણ ઉપરોક્ત ગુણ – ની દ્રઢતા પ્રસંગો  દ્વારા સમજાવી…..! જન્મ થી જ અતિ કઠીન નિષ્કામ પણું…..૫૦-૫૦ વર્ષ થી ભોજન માં માત્ર બાફેલા શાકભાજી અને એ પણ મરીમસાલા વગર ના જ લેવા ના….! આવું આકરું તપ તો ગુણાતીત નું જ હોઈ શકે……!

ત્યારબાદ- પ્રગટ અક્ષરબ્રહ્મ મહંત સ્વામી મહારાજ ના સારંગપુર નૈમિષારણ્ય ખાતે ના તારીખ – ૨૮-૩૦ જુન સુધી ના દિવ્ય વિચરણ નો વિડીયો દર્શન નો લાભ મળ્યો…..જે નીચેની લીંક પર થી જોઈ શકાશે…..

ત્યારબાદ પરમ પૂજ્ય ડોક્ટર સ્વામી એ તેમના તેજસ્વી અંદાજ માં -હમેંશ ની જેમ અદ્ભુત પ્રવચન કર્યું….સ્વામી એ કહ્યું કે- યોગીજી મહારાજ ની આજ્ઞા કે ૨૫૦૦૦ રૂપિયા નો નફો જતો કરી ને પણ રવિસભા નો લાભ લેવો…….જેમ વિશાળ વડ નું વૃક્ષ પણ એક નાના બીજ માં થી બને છે તેમ- રવિસભા – પરમ કલ્યાણ નું સાધન બની શકે છે. તે માટે- ગઢડા અંત્ય-૨૮ માં કહ્યા મુજબ – પોતાના સ્વભાવ દોષ- અવગુણ ઓળખવા અને ચેતતા રહેવું……કે જેથી સત્સંગ માં થી પડી ન જવાય…..! યુવકો અને બધા માટે મોબાઈલ નું વ્યસન – એ નુકસાન કારક છે……કારણ કે આપણી ચારેય બાજુ કુસંગ છે……જો ધ્યાન નહિ રાખીએ તો સત્સંગ માં થીં પડતા વાર નહિ લાગે……માટે યુવકો જાગો…..વિપરીત પરિસ્થિતિ માં પણ અડગ રહો……આપણા સંતો માં બે તો પાઈલોટ છે…..પુ.આદર્શજીવન સ્વામી જેવા યુવા સંતો- ૧૨ સંતો ની ટીમ સાથે પ્રમુખ સ્વામી મહારાજ નું જીવન ચરિત્ર રચી રહ્યા છે…..આવા અતિ પડકાર રૂપ કર્યો પણ આપણા યુવકો કરે છે..તેમાં થી પ્રેરણા લેવા ની છે…!

અદ્ભુત પ્રવચન…….! પુ.ડોક્ટર સ્વામી નો એક એક શબ્દ અંતર ના બંધનો ને ખોલી નાખે તેવો હોય છે…..!

સભાને અંતે જાહેરાત થઇ કે……

  • બાળકો માટે અંગ્રેજી માં સુચરીતમ ભાગ-૩ – BAPS youth USA- દ્વારા ટ્રાન્સલેટ થઇ ને બહાર પડ્યો છે…..તેનું વિમોચન પુ.ડોક્ટર સ્વામી દ્વારા થયું…..
  • આજે હરિભક્તો માટે સત્સંગ શિક્ષણ પરીક્ષા યોજાઈ- અમદાવાદ માં ૯૨.૫% હાજરી સાથે સર્વ હરિભક્તો એ ભારે ઉત્સાહ થી પરીક્ષા આપી…..
  • તા-૧૮ થી ૨૧ જુલાઈ- શાહીબાગ મંદિરે- પુ. સોમપ્રકાશ સ્વામી દ્વારા- સદ્ગુરુ બ્રહ્માનંદ સ્વામી- પર અદ્ભુત પ્રવચન પારાયણ છે- ૨૧ તારીખે- અદ્ભુત કીર્તન આરાધના છે…..જુઓ નીચેનો ફોટો….

img_20180715_191532.jpg

તો- આજની સભા અદ્ભુત હતી….રવિ સત્સંગ સભાનો મુખ્ય ફાયદો- એટલો જ છે કે સમગ્ર અઠવાડિયા દરમિયાન જીવ પર જે- લોક ના વ્યવહાર ની ધૂળ ચડી હોય તે – રવિસભા થી દુર થાય છે….જીવ શુદ્ધ થાય છે….જીવ બ્રહ્મરૂપ થઇ- જન્મ મરણ ના ચકરડા માં થી છૂટે છે……અને એટલા માટે ૨૫૦૦૦ રૂપિયા નો – શું..લાખ રૂપિયા નો નફો એકવાર જતો કરવો પડે તો એ ઓછું છે…..!!! છેવટે- ગુણાતીત ગુરુઓ- સ્વયમ શ્રીજી મહારાજ ના રાજીપા  આ વાત છે…..અને આ રાજીપા ની બક્ષિશ એટલે- અક્ષરધામ…!

જય સ્વામિનારાયણ….

રાજ


Leave a comment

BAPS રવિસભા-૨૪/૦૬/૨૦૧૮

પછી સ્વયંપ્રકાશાનંદ સ્વામીએ પ્રશ્ન પૂછ્યો જે, “ભગવાનના ભક્તને ભગવાનની મૂર્તિમાં અતિશય હેત કયે પ્રકારે થાય?……….

પછી શ્રીજીમહારાજે તેનો ઉત્તર કરવા માંડ્યો જે, “સ્નેહ તો રૂપે કરીને પણ થાય છે તથા કામે કરીને પણ થાય છે તથા લોભે કરીને પણ થાય છે તથા સ્વાર્થે કરીને પણ થાય છે તથા ગુણે કરીને પણ થાય છે. તેમાં રૂપે કરીને જે સ્નેહ થાય છે તે તો જ્યારે તેના દેહમાં પિત્ત નીસરે અથવા કોઢ નીસરે ત્યારે સ્નેહ થયો હોય તે નાશ પામે છે; તેમ જ લોભ, કામ અને સ્વાર્થે કરીને જે હેત થયું હોય તે પણ અંતે નાશ પામે છે અને જે ગુણે કરીને સ્નેહ થયો હોય તે તો અંતે રહે છે………”

ત્યારે શ્રીજીમહારાજ પ્રત્યે સોમલો ખાચર બોલ્યા જે, “એ તે ગુણ કયા?

….પછી શ્રીજીમહારાજે તેની વિસ્તારે કરીને વાર્તા કરવા માંડી જે………

૧) “વચને કરીને તો કોઈ જીવપ્રાણીમાત્રને દુખવવા નહીં……પરમેશ્વર તથા મોટા સંત તે પોતાને કોઈ વચન યોગ્ય કહે અથવા અયોગ્ય કહે, ત્યારે તે વચનને તત્કાળ સ્નેહે સહિત માનવું…………

 ૨) …( તપ) ચાંદ્રાયણ વ્રતે કરીને દેહને નિર્બળ કરી નાંખવું; પછી તેને દેખીને તેના દેહની મોટા સંત અથવા પરમેશ્વર ખબર રખાવે તો ભલે, પણ પોતાને જાણે દેહનું જતન કરવું નહીં. તથા દેહે કરીને ભગવાનની અને ભગવાનના ભક્તની ટેલ-ચાકરી કરવી……….

૩) ……………પરમેશ્વરનાં જ્યારે દર્શન કરવાં ત્યારે મને સહિત દ્રષ્ટિને એકાગ્ર રાખીને કરવાં……….પરમેશ્વરનાં દર્શન દ્રષ્ટિને નિયમમાં રાખીને કરે છે તેને એ દર્શન નવીનનાં નવીન રહે છે, અને પરમેશ્વરે જે જે વચન કહ્યાં હોય તે પણ તેને નવીનનાં નવીન રહે છે. ………

………….એવી રીતે જે વર્તે તેને ભગવાનની મૂર્તિમાં દિવસે દિવસે અધિક સ્નેહ થાય છે અને તે ભક્ત ઉપર પરમેશ્વર ને મોટા સાધુને સ્નેહ હોય તેથી પણ દિવસે દિવસે વધતો જાય છે……..”


ભગવાન શ્રી સ્વામિનારાયણ- વચનામૃત- સારંગપુર-૨

ભગવાન ની અને મોટા પુરુષ ની મરજી જાણી ને જે વર્તે છે….જીવે છે તેના પર ભગવાન નો અઢળક રાજીપો થાય છે અને આ રાજીપો જ સત્સંગ ની ..આ જીવન ની ફલશ્રુતિ છે, જો એ ન થાય તો સત્સંગ માં આવ્યા નો મતલબ શું?? માટે જ એવો સત્સંગ કરવો કે જેથી જીવ નું કલેવર બદલાય….રજકણો બદલાય અને જીવ બ્રહ્મરૂપ થાય. …આ માટે જ રવિ સત્સંગ સભા નો મહિમા વિશેષ છે….એમાં હાજરી- એ સત્પુરુષ નો રાજીપો છે…..

તો આખરે, અમદાવાદ માં મેઘરાજા ની ટૂંકી પણ મધુર પધરામણી થઇ ..અને ઉકળાટ થી થોડોક સમય તો બધા ને શાંતિ અને શીતળતા નો આસ્વાદ મળ્યો….આ આસ્વાદ સાથે અમે સમયસર સભામાં પહોંચી ગયા….સર્વ પ્રથમ પૂર્ણ પુરુષોત્તમ મહારાજ ના પૂર્ણ દર્શન…….

pixlr_20180624171412048

સભાની શરૂઆત યુવકો એ ધુન્ય અને પ્રાર્થના થી કરી….ત્યારબાદ એક યુવકે અતિ કર્ણપ્રિય સ્વર માં- જીવ ને સ્પર્શતું – કૃષ્ણાનંદ સ્વામી રચિત કીર્તન..” અમર ના સરદાર..હરી મારા નૈન તણા શણગાર..” રજુ કર્યું…હૈયું- શ્રીજી સાથે એકતાર થઇ ગયું…!! ત્યારબાદ બ્રહ્માનંદ સ્વામી રચિત..” ઓરા આવો મારા લેરખડા લહેરી…..” રજુ થયું….! એક વડીલે ગામઠી સુર માં પણ જીવ માં જોશ ભરતું કીર્તન…” હરી હરી પોકારે મારો જીવડો રે……” રજુ કર્યું અને બધામાં એક ઉમંગ ની લહેરખી છવાઈ ગઈ…….પુ. કૃષ્ણ સ્વરૂપ સ્વામી એ ” મીઠા મધુ ને ..મીઠા મેહુલા રે લોલ…..” રજુ કર્યું…!

ત્યારબાદ પુ. ઈશ્વર ચરણ સ્વામી જેવા સદગુરુ સંત દ્વારા સારંગપુર-૨ ના વચનામૃત નું અદ્ભુત વિવરણ થયું…..એમની પાસે દાયકાઓ નો સત્સંગ નો અનુભવ- અને ત્રણ ત્રણ ગુણાતીત પુરુષો ના સંપર્ક માં રહ્યા નો બહોળો ખજાનો છે…..આથી એમના મુખે જુના પ્રસંગો ને સાંભળવા એક અમુલ્ય લ્હાવા થી વિશેષ છે…..જોઈએ તેનો અતિ ટૂંકો સારાંશ…..

  • આ વચનામૃત માં – ભગવાન ની મૂર્તિ માં હેત કેમ થાય અને એ કેમ વધતું ને વધતું જાય…?? તેની ખુબ જ છણાવટ શ્રીજી એ સહજ રીતે કરી છે……
  • જગત માં જેમ દેખાય છે તેમ- સ્વાર્થ થી થતો હેત..પ્રેમ ..સ્નેહ એ ટૂંકા સમય માટે જ હોય છે…પણ ગુણ દ્વારા થતો સ્નેહ એ સદાયે રહે છે..અને એ ગુણ એટલે….૧) વચન- મોટા પુરુષ અને ભગવાન ના વચન માં રહેવું….વચન ને અધ્ધર ઝીલી જીવી જવું……જીવમાત્ર ને સમાસ થાય તેવું બોલવું..મીઠું બોલવું…..૨) તપ નો ઈશક- શ્રીજી ને તપ વિશેષ વ્હાલું હતું…..પોતાના નંદ સંતો ને ૧૧૪ જેવા અતિ કઠીન પ્રકરણ આપી શુધ્ધ કર્યા ..પોતાનો અઢળક રાજીપો વરસાવ્યો……..૩)ભગવાન ના દર્શન માંએકાગ્ર મન …રાખી વર્તીએ તો ભગવાન રાજી થાય…..ફાટેલ દ્રષ્ટિ અર્થાત- મન  ચંચળતા કે જે જીવ ને સત્સંગ માં ભટકાવી નાખે છે….એકાગ્ર થવા દેતી નથી…એ જીવ નું સત્સંગ માંથી પતન કરાવે છે…..
  • માટે જ જો જીવ ને સુખી કરવો હોય -આત્યંતિક કલ્યાણ પામવું હોય તો – જીવ ઉપરોક્ત ત્રણ ગુણ યથાર્થ સ્વીકારે….એ પ્રમાણે જીવે તો – મોટા પુરુષ અને ભગવાન નો તેના પર રાજીપો સદાયે રહે છે….જીવ સત્સંગ માં આગળ વધતો રહે છે…..બ્રહ્મરૂપ થાય છે……
  • કથાવાર્તા નો ઈશક રાખવો….અને એ પછી એના નીદી ધ્યાસ તો અવશ્ય કરવું….એ સિવાય..મનન કર્યા સિવાય જીવ સ્થિર ન થાય…કથા વાર્તા નો જેવો થવો જોઈએ એવો લાભ ન મળે……આમ કરવા થી મોટા પુરુષ નો મહિમા સમજાય છે..તેમના માં દ્રઢ હેત પ્રીત થાય છે…..અને ભગવાન ના સાક્ષાત્કાર નું કારણ બને છે……
  • માટે જ સત્સંગ માં સર્વ નો મહિમા રાખવો…..ભીડો ખમવો…..તો સર્વે દિવ્ય મનાય…..અને મન ના ઘાટ ટલે…..મન એ અમન થાય…….( મન સાથે વેરભાવ બંધાય..અને  મન કહે તેમ જીવ ચલિત ન થાય…) ..આપણે સ્વામી શ્રીજી ને એ જ પ્રાર્થના કરવા ની છે કે – આપણા માં આવા ગુણ આવે….!!!

અદ્ભુત………! જીવન માં આ દ્રઢ થાય તો – જીવ સંસાર હોય કે સત્સંગ- ક્યાય થી પાછો ન પડે……!

ત્યારબાદ- આપણા સત્સંગ માં ચમકતા તારલા એવા- ધોરણ ૧૦ અને ૧૨ ના – તેજસ્વી વિદ્યાર્થી /વિદ્યાર્થીની ઓ નું જાહેર માં ખુબ જ ઉત્સાહ થી સન્માન થયું……એમાં એક પ્રસંગ ખાસ નોંધવા જેવો છે- ધોરણ ૧૨ માં સમગ્ર રાજ્ય માં -પ્રથમ દસ માં આવેલા આપણા એક ભાવનગર ના એક સંનિષ્ઠ કાર્યકર નો સુપુત્ર- અધિષ – કે જેણે વગર ટ્યુશને…..નિત્ય પૂજા- સભા નો ત્યાગ કર્યા વગર ૩૦૦ માં થી ૨૯૬ માર્ક્સ મેળવી- સમગ્ર સત્સંગ સમાજ નું માન વધાર્યું છે…….તેનું ભવ્ય સન્માન થયું..! ટ્યુશન /કલાસીસ પાછળ દોડતા ..ઉંદર દોડ માં સામેલ માતા પિતા માટે – આ ઉદાહરણ એક પ્રેરણા સમાન છે…..

સમગ્ર સભાએ સર્વ તેજસ્વી વિદ્યાર્થીઓ ને વધાવ્યા…….સાથે સાથે આજે – સત્પુરુષ નો અઢળક રાજીપો છે તેવી સત્સંગ શિક્ષણ પરીક્ષા ના પ્રી ટેસ્ટ નું પણ આયોજન શહેર માં થયું હતું….હાજરી ૮૭% ની આસપાસ રહી….સર્વે સંતો ખુબ જ રાજી થયા…અરે…ઘણા સત્સંગ પરીક્ષાર્થી તો એવા હતા કે- જે છેક જામનગર થી..તો કોઈ..પોતાના અત્યંત બીમાર દીકરા ને હોસ્પિટલ માં છોડી…..તો કોઈ પોતાના બે માસ ના દીકરા ને લઇ ને પરીક્ષા આપવા આવ્યા હતા…..! આવા- પરીક્ષાર્થી ઓ ના ખટકા ને લીધે તો આપણો સત્સંગ ઉજળો છે…..નવપલ્લિત છે…!

સભાને અંતે

  • પૂ. ઈશ્વર ચરણ સ્વામી , પૂ.શ્રીજી ચરણ સ્વામી..પૂ. અક્ષરવત્સલ સ્વામી અને અન્ય સંતો- અમેરિકા રોબીન્સ્વીલે અક્ષરધામ ના કામ અર્થે અમેરિકા અને લંડન ના વિચરણ પર જી રહ્યા છે……પુ. સત્સંગી જીવન સ્વામી એ હાર પહેરાવી- ઈશ્વર સ્વામી ને ભાવભીની વિદાય આપી…શુભેછા પાઠવી….
  • એક મોટું સંત મંડળ- આફ્રિકા ખંડ ને સત્સંગ થી રંગવા- આફ્રિકા વિચરણ પ્રવાસે જઈ રહ્યું છે…તેમની  પણ વિદાય- શુભેચ્છા -અભિવાદન થયું…..
  • અમૃત હર્બલ કેર દ્વારા – ઉત્પાદિત વિવિધ નવીન ઉત્પાદનો નું લોકાર્પણ – પૂ.ઈશ્વર ચરણ સ્વામી ના હસ્તે થયું…..

તો- કહેવાનું એટલું જ છે કે- સત્સંગ માં આવ્યા પછી…..આપણું એક જ ધ્યેય હોવું જોઈએ- સત્પુરુષ અને શ્રીજી નો રાજીપો……..! એ કેમ રાજી થાય- એનો વિચાર જીવ માં સદાયે- નિરંતર રહેવો જોઈએ……આખરે- આ બ્રહ્મરૂપ થવાનો માર્ગ છે…….નિશાન ઊંચું જ હોય………મોળી વાત ન હોય…!

જય સ્વામિનારાયણ

રાજ


Leave a comment

BAPS પ્રમુખ વરણી દિન વિશિષ્ટ રવિસભા-૧૭/૦૬/૨૦૧૮

…..આપના સમગ્ર આશ્રીતો તન,મન,ધન થી સુખિયા રહે, આ  લોક માં તેમને કોઈ પ્રકાર નું કષ્ટ કે દુખ ન આવે ,અને સુખે થી સ્વામી શ્રીજી નું ભજન કરી અંતે અક્ષરધામ માં નિવાસ કરે તેવો આશીર્વાદ માંગું છું ..વળી ભૂલેચૂકે પણ અક્ષર પુરુષોત્તમ મહારાજ નું નામ લે તેને પણ આપ આપના પ્રૌઢ પ્રતાપ વડે અક્ષરધામ બક્ષિશ આપો…….

હું, આજે આપ ગુરુશ્રી તેમજ આ સભા સમક્ષ પ્રતિજ્ઞા કરું છું કે મારું કર્તવ્ય બરાબર બજાવી , આપની સંસ્થા ને , મારા દેહ ની પરવા કર્યા સિવાય પૂર્ણ રીતે વફાદાર રહી , આપનો કૃત કૃત્ય બનીશ …….


પ્રમુખ સ્વામી મહારાજ ની ગુરુ શ્રી શાસ્ત્રીજી મહારાજ ના ચરણો માં પ્રાર્થના, ૨૧-૫-૧૯૫૦; આંબલીવાળી પોળ, પ્રમુખ તરીકે નિમાયા તે સમયે

અદ્ભુત …ઐતિહાસિક પ્રસંગ….! આજે આ ઘટના ને ૬૮ વર્ષ પૂર્ણ થયા અને ઈતિહાસ ના પટલ પર ૬૮ વર્ષ નો સમગ્ર ચિતાર…પ્રમુખ સ્વામી મહારાજ ના વચનો નું સાતત્ય…..બેપ્સ સંસ્થા નો ગગનચુંબી વિકાસ…અક્ષર પુરુષોત્તમ મહારાજ ના દિગંત માં ડંકા …૧૨૦૦ થી વધુ સર્વોપરી મંદિરો…૧૧૦૦ થી વધુ અતિ વિદ્વાન સાધુ ….લાખો સંપૂર્ણ સમર્પિત કાર્યકર્તાઓ…..અને કરોડો નિષ્ઠાવાન હરિભક્તો- આજે એ વાત નું પ્રત્યક્ષ પ્રમાણ પૂરે છે….! પોતાના ગુરુ ને આપેલું વચન- પોતાના દેહ ની પરવા કર્યા વિના- રાત દિવસ ના દાખડા થી પૂર્ણ કરનાર- આ આદર્શ શિષ્ય ને ” પ્રમુખ પદુ” મળ્યું તેની ઉજવણી ન થાય તો આપણો સત્સંગ લજવાય….! માટે જ આજની સભા અતિ વિશિષ્ટ અને ભવ્ય હતી…. સવારે પુ. સંતો હરિભક્તો એ શાહીબાગ મંદિર થી આંબલી વાળી પોળ સુધી ની પદયાત્રા કરી હતી……અને ઉજવણી ની શરૂઆત અહી થી થઇ….

pixlr_20180617214838226

સમય પહેલા જ સભામાં પહોંચી જવામાં આવ્યું…..સુરજ ની સામે- સમી છાતી એ લડી હરિભક્તો નો દરિયો જાણે કે સભામાં છલકાઈ ઉઠ્યો……સર્વ પ્રથમ શ્રીજી ના અદ્ભુત દર્શન….

pixlr_20180617214504670

સભાની શરૂઆત માં યુવકો એ જોશ ભર્યા સ્વરે સ્વામિનારાયણ મહામંત્ર ની ધુન્ય થી સર્વ ના જીવ ને હરિ માં જોડ્યા ….ત્યારબાદ એક અદ્ભુત પદ ” ચદરિયા ઝીની રે ઝીની….સહજાનંદ રસ ભીની…” ની પ્રસ્તુતિ થઇ જેમાં – પ્રમુખ સ્વામી મહારાજ ને – આંબલી વાળી પોળ માં – પ્રમુખ તરીકે ની ચાદર ઓઢાળી- એ પ્રસંગ ને અદ્ભુત રીતે ગુંથી લેવામાં આવ્યો……! ખરેખર ..અદ્ભુત…..!!!

ત્યારબાદ શરુ થયો- પ્રમુખ વરણી દિન નો વિશિષ્ટ પ્રોગ્રામ- જેમાં સંવાદ, સંતો -હરિભક્તો દ્વારા પ્રમુખ સ્વામી મહારાજ ના – ભીડા, સ્નેહ, નિયમ ધર્મ માં દ્રઢતા જેવા ગુણ પર અદ્ભુત રજૂઆત -પ્રસંગ કથન દ્વારા થઇ…તો સાથે સાથે પ્રમુખ સ્વામી ના મહિમા વિષે નૃત્ય પણ બાળ અને કિશોર મંડળે રજુ કર્યું……જોઈએ સારાંશ…..

  • બ્રહ્મ સ્વરૂપ પ્રમુખ સ્વામી મહારાજે – પોતાના દેહ ને – ગુરુ ને આપેલા વચન ને પૂરૂ કરવા – કૃષ્ણાર્પણ કરી દીધો હતો અને અસહ્ય ભીડા ને પણ હસતા મુખે વેઠી… રાત દિવસ જોયા વગર- કેવળ અને કેવળ- સ્વામી શ્રીજી ને રાજી કરવા- હરિભક્તો ને રાજી કરવા દોડ્યા જ છે…..પુ. યજ્ઞપ્રિય સ્વામી એ- પ્રમુખ સ્વામી એ એક યુવક ને આપેલા વચન ને પૂર્ણ કરવા- એના ગામે પધારી- અસહ્ય ગરમી- ઉકળાટ વેઠી ને પણ તેને રાજી કર્યો….તો- ડોક્ટર ત્રિવેદી સાહેબે કહ્યું કે- પાટણ અને તેની આસપાસ ના વિસ્તાર માં સ્વામી- કાચા રસ્તાઓ માં- અસહ્ય ગરમી અને તડકામાં – ટ્રેક્ટર ની ટ્રોલી માં ફરી – પધરામણી કરી છે…..અને તેમના પોતાના ઘરે તો- સ્વામીશ્રી ને પગે અસહ્ય દુખાવો હોવા છતાં- બે માળ ની સીડી ચઢી ને- સર્વ ને રાજી કર્યા…..આ ભીડા ને દર્શાવતો એક વિડીયો પણ રજુ થયો…..
  • “નેણ માં સમાય નહી…” એવા સ્વામી ના સ્નેહ ને દર્શાવતો વિડીયો નો લાભ મળ્યો…..પુ. અક્ષરજીવન સ્વામી એ ૧૯૮૮ ના લંડન વિચરણ નો એક પ્રસંગ કહ્યો…..જેમાં એક યુવક ને આજ્ઞા કરી – તેના વિમાન પ્રવાસ ની ટીકીટ કેન્સલ કરાવી અને એ વિમાન અકસ્માત માં થી એને બચાવ્યો…..એનું વર્ણન કરતા કહ્યું કે- સ્વામી બધાની સાથે આત્મીય બની જીવ્યા છે..સર્વ ના હિત નું વિચાર્યું છે…બસ આપણે એમનું વચન સારધાર પાળવા નું છે….! એમણે પોતાનો પ્રસંગ કહેતા કહ્યું કે- સ્વામી એ – તેમને પ્રિય એવું દૂધ બંધ કરાવ્યું …અને અક્ષર જીવન સ્વામી એ એ આજ્ઞા અધ્ધર ઝીલી…પરિણામે એમના હરસ અને પેટ ના અન્ય રોગ મટી ગયા….આમ, સ્વામીશ્રી પૂર્વાપર નું- પોતાના શરણાગત નું હિત જોતા….!
  • અમરેલી ના એક હરિભક્ત કે જેમની સ્થિતિ સાવ સામાન્ય હતી- તેના અભ્યાસ-નોકરી-લગ્ન અને સંતાનો ના ભવિષ્ય નું આયોજન અને ખર્ચ-વ્યવસ્થા પણ સ્વામીશ્રી એ કરી દીધી- એ હરિભક્ત આજે બીએસએનએલ માં ઉચ્ચ અધિકારી છે…..અને આ અતુલ્ય ઉપકાર ને યાદ કરતા સતેજ પર જ ગળગળા થઇ ગયા…….!! અદ્ભુત કૃપા…!!! આમ, સ્વામીશ્રી ની કૃપા વર્ષા ના આવા તો અસંખ્ય ઉદાહરણો છે…..જેનાથી મોટા પુરુષ નો પોતાના શિષ્યો પ્રત્યે કેટલું હેત છે- તેની જાણકારી મળે છે….
  • બાપા- શ્રીજી એ આપેલા નિયમ ધર્મ માં કેવા દ્રઢ હતા….તેનું દર્શન- યુવકો દ્વારા થયેલા સંવાદ થી જાણવા મળ્યું-જેમાં પોતાની આંખ નું નાજુક ઓપરેશન હતું પણ – શ્રીજી એ આપેલા સ્ત્રી મર્યાદા ના નિયમ ધર્મ જળવાય એ માટે સ્વામી એ એ નાજુક સ્થિતિ ને સહન કરી અને છેવટે સગવડ થઇ ત્યારે જ સર્જરી કરાવી…..! એવી જ વાત પુ. ત્યાગ સ્વરૂપ સ્વામી એ – લંડન માં – પોતાના પૂર્વાશ્રમ ના ભાઈ ના લગ્ન માં – બાપા એ કેવી મર્યાદા સાચવી ને લગ્ન માં હાજરી પુરાવી આશીર્વાદ આપ્યા- તેનો અદ્ભુત પ્રસંગ કહ્યો….
  • તો- પુ. વેદ પુરુષ સ્વામી એ- એક હરિભક્તે – સ્વામીશ્રી ના ચરણારવિંદ નો ફોટો લેવાનો પ્રયત્ન કર્યો તો- સ્વામીશ્રી એ જે કડક થઇ નારાજગી દર્શાવી…તે પ્રસંગ નું વર્ણન – અદ્ભુત રીતે કર્યું…..ભગવાન તો એક શ્રીજી અને આપણે તો એના દાસના દાસ – એ વાત સ્વામીશ્રી એ સુસ્પષ્ટ શબ્દો માં સર્વે ને જણાવી દીધી….!
  • અંતે- સ્વામીશ્રી એ રાત દિવસ જોં વગર- પોતાની સંસ્થા અને સિધ્ધાંત ના વિકાસ માટે કરેલા પ્રચંડ પુરુષાર્થ ની ગાથા નું વર્ણન થયું…..

ત્યારબાદ- બાળ અને કિશોર મંડળે- એક નૃત્ય દ્વારા ” પ્રમુખ વરણી દિન આયો આજ…” દ્વારા – આજના મહોત્સવ ને વધાવ્યો…….! અદ્ભુત નૃત્ય….!

IMG_20180617_183815

ત્યરબાદ – સ્વયમ પ્રમુખ સ્વામી મહારાજ, મહંત સ્વામી મહારાજ અને અન્ય સંતો દ્વારા- આંબલી વાળી પોળ ની મુલાકાત, સ્વામીશ્રી દ્વારા સર્વે – પ્રસંગ નું વર્ણન- દર્શન કરાવતો જુનો વિડીયો રજુ થયો……

ત્યરબાદ- પ્રમુખ સ્વામી મહારાજ ના આ સદગુણો…સમગ્ર જીવન -વિચરણ-ભીડા ભક્તિ ના સાક્ષી રહેલા – સદ્ગુરુ પુ.ઈશ્વર ચરણ સ્વામી એ- પ્રમુખ સ્વામી મહારાજ ના એ અદ્ભુત મહિમા ની વાતો કરી…..તેમણે કહ્યું કે…

  • પ્રમુખ સ્વામી મહારાજ ને માત્ર ૨૮ વર્ષ ની ઉમરે – સંસ્થા ના પ્રમુખ પદે- બ્રહ્મ સ્વરૂપ શાસ્ત્રીજી મહારાજે નીમ્યા ત્યારે ઘણા ને મન માં શંકા થઇ હતી કે- આ છોકરડો શું કરશે?? પણ શાસ્ત્રીજી મહારાજ તો સિદ્ધ હતા…પૂર્વાપર નું જોતા હતા…અને એમને – પ્રમુખ સ્વામી ની સાધુતા, નિષ્ઠા..આવડત માં અઢળક વિશ્વાસ હતો…..અને આજે – તેનું પરિણામ સ્પષ્ટ દેખાય છે….
  • આપણી સંસ્થા નો દેશ વિદેશ માં વિકાસ- એ સ્વામી બાપા ની અતુલ્ય સાધુતા….પ્રચંડ પુરુષાર્થ ….પોતાના ગુરુ ના વચનો માં દ્રઢ વિશ્વાસ ની જ ગાથા છે…..દેશ પરદેશમાં કરેલા – પહેલી નજરે અશક્ય લગતા ઉત્સવો કે જે ૩૭ દિવસ થી લઈને ૫૯ દિવસ સુધી ના – ભવ્ય સમૈયા હતા…તેના થી એ સમયે- હરિભક્તો ને સ્વામી નું એશ્વર્ય સમજાયું……લોકો આકર્ષાયા…એમની સાધુતા ..નિર્માની પણા…દાસભાવ થી પ્રભાવિત થયા….અને સત્સંગ દેશ પરદેશ માં ચો તરફ પ્રસર્યો……
  • દિલ્હી નું અક્ષરધામ જુઓ……જ્યાં માત્ર ૧-૨ એકર જમીન લેવાના ફાંફા હોય ત્યાં સ્વામીશ્રી એ પોતાના એશ્વર્ય- સાધુતા થી ૧૦૦ એકર જેટલી જમીન દિલ્હી માં મેળવી અને અદ્ભુત અક્ષરધામ રચ્યું…લંડન..અમેરિકા ના ગગનચુંબી અદ્ભુત મંદિરો…..સ્વામીશ્રી નો જ પ્રભાવ છે…….એટલે જ આજે પ્રગટ ગુરુહરિ મહંત સ્વામી મહારાજ કહે છે કે- સ્વામીશ્રી એ આપણા માટે કશું બાકી રાખ્યું નથી…..બધું  જ કરી ને ગયા છે….એમની આજ્ઞા મુજબ ચાલશું તો કોઈ રોકી નહિ શકે…!!
  • સાથે સાથે હરિભક્તો ને લાડ લડાવવા માં- એમના સુખાકારી માટે સ્વામી એ અસહ્ય ભીડો વેથી ને…પોતાના દેહ ના ચૂરેચૂરા કરી ને પણ અદ્ભુત દાખડા કર્યા છે…..જેના માટે આપણે એમના ઋણી છીએ અને એમની આજ્ઞા અનુસાર – આપણે આ સત્સંગ – સિધ્ધાંત ને જન જન સુધી પહોંચાડીએ તો આપણી ભક્તિ સફળ થશે…….!

અદ્ભુત…અદ્ભુત…….! “ચૂકવી ન શકાય ઋણ આપનું….હે ગુરુવર…હે પ્રમુખ સ્વામી….” જેવી આપણી હાલત છે…….બસ એમની આજ્ઞા માં સારધાર રહી- આપણા સત્સંગ- શ્રીજી સ્વામી ના સિધ્ધાંત- ને જીવમાત્ર સુધી પહોંચાડીએ – તો સ્વામી રાજી થાય…!

સભાને અંતે- અમદાવાદ મહાનગર ના નવનિયુક્ત મેયર- શ્રીમતી બીજલ બેન પટેલ નું સભામાં સન્માન થયું…..સાથે સાથે મ્યુનીસીપલ સ્ટેન્ડિંગ કમિટી ના ચેરમેન અમુલખ ભાઈ ભટ્ટ અને તેમના પિતાશ્રી અને પરમ ભક્ત શ્રી બળવંત રાય ભટ્ટ નું જાહેર માં સન્માન થયું……યોગીબાપા એ અમદાવાદ માં યુવક મંડળ ની શરૂઆત કરેલી અને એ યુવક મંડળ ના પ્રથમ યુવા પ્રમુખ તરીકે બળવંતરાય ભટ્ટ ને નીમેલા- તેની સ્મૃતિ કરી ને સમગ્ર સભા હરખાઈ ઉઠી…!

સભાને અંતે જાહેરાત થઇ કે- આવતા રવિવારે સત્સંગ શિક્ષણ પરીક્ષા નો પ્રી ટેસ્ટ છે….બધાએ ઉત્સાહ થી ભાગ લેવો જેથી મેઈન પરીક્ષા સમયે – આ દાખડો કામ લાગે……ગુરુહરિ નો રાજીપો મળે……

પુ. ઈશ્વરચરણ સ્વામીએ – સતેજ ઉપર પ્રમુખ સ્વામી મહારાજ ની મૂર્તિ ને – હાર અને ચાદર ઓઢાળી- ઉત્સવ નું સમાપન કર્યું……!

IMG_20180617_185859.jpg

તો- આપણા મોટા ભાગ્ય કે આવા મોટા પુરુષ આપણા ગુરુ તરીકે આપણ ને મળ્યા…આપણી ભૂલો…આપણા દોષ સાથે આપણ ને સ્વીકાર્યા…..અને આપણ ને કલ્યાણ નો માર્ગ સહજ કરી આપ્યો……આપણી આવનારી પેઢી નું પણ કલ્યાણ પાકું કરી આપ્યું……આપણો જન્મ સુધારી દીધો…!!! એના માટે – આપણે કરીએ એટલું ઓછું છે…………બસ શ્રીજી સ્વામી ની જ દયા છે…કે એમનું એ જ સુખ આજે પણ મહંત સ્વામી મહારાજ રૂપે અસ્ખલિત મળતું રહે છે….!

જય સ્વામીનારાયણ……પ્રમુખ સ્વામી મહારાજ ની જયજય કાર……શ્રીજી સ્વામી ની જયજયકાર…!

રાજ


Leave a comment

BAPS રવિસભા-૧૮/૦૩/૨૦૧૮

પછી શ્રીજીમહારાજ બોલ્યા જે,

જ્ઞાની છે તે તો બ્રહ્મસ્વરૂપે વર્તે છે અને ભગવાનનો મહિમા યથાર્થપણે જાણે છે, માટે એને ભગવાનના સ્વરૂપ વિના બીજી મનમાં કાંઈ કામના રહેતી નથી……… અને બીજા જે ત્રણ પ્રકારના ભક્ત છે તેને ભગવાનનો નિશ્ચય તો છે તોય પણ ભગવાનનો મહિમા યથાર્થપણે જાણતા નથી; તે માટે એને ભગવાન વિના બીજી કામના રહી જાય છે, તે માટે જ્ઞાનીને બરોબર થતા નથી……….. તે સારુ ભગવાનના ભક્તને ભગવાન વિના બીજી કોઈ જાતની કામના રહે એ મોટી ખોટ છે……….. અને જેને કોઈ જાતની વાસના ન હોય અને તીવ્ર વૈરાગ્યવાન હોય અને જો તે વૈરાગ્યને યોગે અહંકારે યુક્ત વર્તે તો એ પણ એને વિષે મોટી ખોટ છે; અથવા અત્યંત આત્મજ્ઞાનનું બળ હોય અથવા ભગવાનને વિષે દ્રઢ ભક્તિનું બળ હોય અને તેના માનને યોગે કરીને જો ગરીબ હરિભક્તને નમાય નહીં અથવા તેની આગળ દીનવચન બોલાય નહીં તો એ પણ એને વિષે મોટી ખોટ છે. તે ખોટે કરીને એ હરિભક્તનું અંગ વૃદ્ધિને ન પામે…..

જેને ભગવાનને પ્રસન્ન કરવા હોય તેને જ્ઞાન, વૈરાગ્ય, ભક્તિ તથા બીજા કોઈ શ્રેષ્ઠ ગુણ હોય તેને અભિમાને કરીને અટંટ થવું નહીં, તો એ પુરુષના હૃદયને વિષે પ્રકટ પ્રમાણ એવા જે શ્રીકૃષ્ણ નારાયણ તે પ્રસન્ન થઈને નિવાસ કરીને રહે છે……

ભગવાનના ભક્તનું માહાત્મ્ય જાણીને પોતે દેહે કરીને તેમને નમસ્કાર કરે તથા તેમની સેવા-ચાકરી કરે, અને જો હૈયામાં માનનો સંકલ્પ થાય તો તેને ઓળખે ને વિચારનું બળ રાખે તો માન ટળી જાય. અને અતિશય પ્રેમલક્ષણા ભક્તિ હોય અને તે ભક્તિએ કરીને ભગવાન તેને વશ વર્તતા હોય અને જો તે ભક્તિનું ભક્તના હૃદયમાં માન આવે તોય પણ એને અતિ ખોટ છે……..


વચનામૃતમ- ગઢડા પ્રથમ-૫૬

યોગીબાપા કહેતા કે- જીવન માં ગમે તેટલા આગળ વધીએ..ભણીએ ગણીએ…પણ છેવટે તો નિર્માની જ થાવું…..! કારણ કે માન હોય તે સત્સંગ માં ટકી શકે નહિ…..માટે જો સત્સંગ જીવ નો કરવો હોય તો માન ને કોરાણે મુક્યા સિવાય છૂટકો જ નથી…..!!!! આજ ની સભા પુ.ઈશ્વરચરણ સ્વામી જેવા સદ્ગુરુ સંત ના મુખે આ વચનામૃત ના રહસ્ય ને જીવાર્થ કરવા ની હતી….

છેલ્લા ઘણા સમય થી રવિસભામાં – યેનકેન કારણે ન જવાયું..મનમાં વસવસો રહ્યા કરતો હતો જે આજે દુર થયો…સભામાં સમયસર પહોંચી ગયો અને સર્વ પ્રથમ મારા વ્હાલા ના અદ્ભુત દર્શન…….

This slideshow requires JavaScript.

સભાની શરૂઆત યુવકો દ્વારા ધુન્ય પ્રાર્થના થી થઇ…..અને ત્યારબાદ યુવકો દ્વારા ..પુ.શુભ કીર્તન સ્વામી દ્વારા ખુબ જ જોશીલા ..ભાવ ભર્યા કીર્તન નો લાભ મળ્યો……

  • હે હરિ હરિ..પ્રભુ કરુણા કરી…..
  • મંદિરે પધારો પિયા ..શ્યામ સોહાગી…….રચયિતા- બ્રહ્માનંદ સ્વામી
  • શોભે શોભે રસિકવર છેલ રે……રચયિતા- કૃષ્ણાનંદ સ્વામી
  • તારો ચટક રંગીલો છેલડો અલબેલા રે…….રચયિતા- બ્રહ્માનંદ સ્વામી

અદ્ભુત..અદ્ભુત…!!! સમગ્ર સભા નો માહોલ કીર્તન મય થઇ ગયો…..! હૃદયના તાર..એક શ્રીજી ના રૂપ માં..મહિમા માં..ભક્તિમાં એકતાર થઇ ગયા….! ભગવાન નું નામ જ એવું સુખકારી..શાંતિ પ્રદ છે……..એની પ્રતીતિ સર્વ ને થઇ…!

ત્યારબાદ પુ.ભગવતસેતુ સ્વામી દ્વારા બ્રહ્મ સ્વરૂપ પ્રમુખ સ્વામી મહારાજ ના પંચવર્તમાન પૈકી- “નિસ્નેહ” પર વિસ્તૃત પ્રસંગો દ્વારા વિવેચન થયું…..જોઈએ સારાંશ….

  • શ્રીજી એ ત્યાગી માત્ર ને પંચવર્તમાન માં દ્રઢ પણે વર્તવા ની આજ્ઞા કરી ..એમાં નિસ્નેહ એટલે કે- પોતાના દેહ ..દેહ ના સગાવ્હાલા અને દેહ ના જન્મસ્થાન..એની સાથે સંકળાયેલી વસ્તુ નો પરિત્યાગ કરવાની વિશેષ આજ્ઞા કરી..જેને પ્રમુખ સ્વામી મહારાજે દેહ પર્યંત નિભાવી….
  • સમૈયા માં પોતાના પૂર્વાશ્રમ ના માતા દિવાળી બા ના ઉતારા  ની વાત હોય કે પૂર્વાશ્રમ ના ભત્રીજા ના વ્યવસાય ની વાત હોય…સ્વામીશ્રી એ કોઈ ભક્ત ના દ્વારા લવાયેલા મુદ્દા ઓ પ્રત્યે ક્યારેય ધ્યાન આપ્યું નથી…કદાપી કોઈ વાત ઉખેડી નથી કે..ક્યારેય કોઈને કોઈ દેખરેખ ની વાત કરી નથી….!! દેહ ના સગા પ્રત્યે આટલો બધો તિરસ્કાર…..કદાચ એમનામાં જ દેખાય..!
  • પોતાના દેહ ને તો તેમણે હરિભક્તો અને સંસ્થા ના વિકાસ માટે કૃષ્ણાર્પણ કરી રાખ્યો હતો……પોતાના દેહ ની ગમે તેવી પીડા હોય…..દુખાવો હોય..મોતિયો પાકી ગયો હોય…બાયપાસ કરાવવા ની હોય કે સખત તાવ હોય…પોતાના દેહ નો વિચાર કર્યો જ નથી..! પોતે સદાયે આત્મા રૂપ જ વર્ત્યા છે….
  • પોતાના જન્મસ્થાન ચાણસદ ની વાત નીકળે એટલે સ્વામીશ્રી તેને ટાળી જ દે…ચાણસદ માં પારાયણ થઇ ત્યારે હરિભક્તો -સંતો એ કમસેકમ આરતી માં આવી લાભ આપવા વિનતી કરી તો એ સ્વામીશ્રી એ ઘસી ને નાં પાડી દીધી….કારણ?? શ્રીજી ની આજ્ઞા…! ચાણસદ ના વિકાસ ની વાત હોય કે એમના જન્મસ્થાન ને વિકસાવવા ની…સ્વામીશ્રી ની નીરસતા કાયમ રહી હતી…!

આમ, બ્રહ્મસ્વરૂપ પ્રમુખ સ્વામી મહારાજ નું સમગ્ર જીવન- શ્રીજી ની આજ્ઞા મુજબ જ જીવાયું હતું..એમાં રતીભાર પણ ફર્ક નહોતો..એની પ્રતીતિ આજે પણ બધા ને થાય છે…!

ત્યારબાદ પ્રગટ અક્ષરબ્રહ્મ મહંત સ્વામી મહારાજ ના ઓસ્ટ્રેલિયા ખાતે ના દિવ્ય વિચરણ નો લાભ -વિડીયો ના માધ્યમ થી સમગ્ર સભા ને મળ્યો……જે નીચેની લીંક પરથી જોઈ શકાશે…..

ત્યારબાદ પુ.ઈશ્વરચરણ સ્વામી જેવા વિધવાન…સદ્ગુરુ સંત ના મુખે ગઢડા પ્રથમ-૫૬ ના વચનામૃત આધારિત પ્રવચન નો લાભ મળ્યો……જોઈએ સારાંશ….

  • ભગવદ ગીતામાં ભગવાને ચાર પ્રકાર ના ભક્ત ની વાત કરી છે…..અને એ ભક્તો પૈકી ભગવાન ને જ્ઞાની ભક્ત સૌથી વધારે પ્રિય છે…….કારણ કે જ્ઞાની ભક્ત આત્મા રૂપે- બ્રહ્મરૂપે વર્તે છે અને તેને એક ભગવાન સિવાય બીજી કોઈ જ કામના નથી……
  • આપણે કથાવાર્તા સાંભળીએ છીએ…એમાં છેલ્લે તો આ જ કરવા નું છે…..જગત ની કામનાઓ છોડી ને એક ભગવાન ની જ કામના કરવા ની છે…..
  • પણ એમાં વિઘ્ન રૂપ એ દેહાભિમાન રૂપી રાજા છે..જે અનેક જન્મો થી આપણ ને વળગ્યો છે ..અને એ દુર કરવા બ્રહ્મરૂપ થવાનું છે..અને બ્રહ્મરૂપ થવા- આપણ ને જે પ્રાપ્તિ થઇ છે ( સત્પુરુષ..સત્સંગ..શ્રીજી) એનો મહિમા સહીત નિશ્ચય કરવા નો છે…..અને એના માટે સતત જાણપણું ..અંતર્દ્રષ્ટિ રાખવા ની છે…….કે આપણે શું કરવા આવ્યા છીએ અને શું કરીએ છીએ???
  • પ્રાપ્તિ નો મહિમા સમજાય તો- સ્વભાવ નમ્ર બને…..દીનતા આવે……અહંકાર …માન નો ભાવ ઘટે…..! શ્રીજી નો નમ્ર સ્વભાવ એના અંનત ઉદાહરણ છે……..છતાં ઘણા એ સમય ના સત્સંગીઓ શ્રીજી ને સમજી ન શક્યા…એમનો દ્રોહ કરી બેઠા…..!
  • સત્સંગ માં રહ્યા થકા પણ સુક્ષ્મ અહંકાર હોય તો પણ જીવ સત્સંગ માં થી પડી જાય એનો વિકાસ અટકી જાય…! માટે જ સત્સંગ માં પ્રગતિ ન થવા નું કારણ માન છે…….એ મોટા સદગુણ હોય તો પણ તેમને શૂન્ય કરી નાખે…….અંતર માં શ્રીજી ની મૂર્તિ દેખાતી હોય તો તે મૂર્તિ ને કરડી મુદ્રા કરી નાખે………અને જો માન ન હોય તો ભક્ત ને ભગવાન ની એ મૂર્તિ ના પ્રસન્ન મુદ્રા માં દર્શન થાય……
  • માટે યોગી બાપા કહેતા તેમ- જીવન માં ગમે તેટલી પ્રગતિ કરો પણ નિર્માની થાવું….!!!

અદ્ભુત…! સત્સંગ હોય કે સંસાર- અહંકાર..માન……જીવ ને કેટલું નુકસાન પહોંચાડે છે…તે જાણવા મળ્યું…..! બસ “માન તજી સંતન કે મુખ સે………” પ્રમાણે- હરી રસ ના અમૃત ગ્રહણ કરી – બ્રહ્મરૂપ થઇ જવું છે…….

સભાને અંતે અમુક જાહેરાતો થઇ…..

  • ગાંધીનગર અક્ષરધામ ખાતે આર્ષ ( AARSH) પ્રવચન માળા અંતર્ગત- તા-૨૪/૩ ના રોજ- “પાણી અને વીજળી ની બચત” વિષય પર આપણી સંસ્થા વિધવાન એન્જીનીયર સંતો – પુ. નિર્મળ મુની સ્વામી અને પુ.શ્વેતપ્રકાશ સ્વામી દ્વારા રસપ્રદ પ્રવચન થશે…સમય અને વધુ માહિતી માટે અક્ષરધામ નો સંપર્ક કરવો…સર્વ ને આમંત્રણ છે….
  • તારીખ- ૧/૪ ના રોજ પશ્ચિમ અમદાવાદ માટે” ગૃહશાંતિ નો રાજમાર્ગ” પર એકદિવસીય શિબિર – પુ.આત્મતૃપ્ત સ્વામી જેવા અતિ વિદ્વાન અને પ્રખર વક્તા સંત દ્વારા થશે…પાસ મેળવવા- જે તે વિસ્તાર ના સંપર્ક કાર્યકરો નો સંપર્ક કરવો…….જેમ બને તેમ વહેલા પાસ મેળવી લેવા..અને ખટકો રાખી શિબિર માં હાજર રહેવું..જેથી મંદિર ને આયોજન માટે ખબર પડે….

SAVE_20180225_214217

  • આવતા રવિવારે- ૨૫/૪ ના રોજ ચૈત્ર સુદ નોમ- અર્થાત- શ્રીહરિ જયંતી- રામ નવમી નો ઉત્સવ છે ..માટે રવિસભા કહેતા કે- હરી જયંતી ની સભા નો સમય રાત્રે ૮ થી ૧૦-૩૦ નો છે…… સર્વે એ અચૂક લાભ લેવો..પુ.અક્ષરવત્સલ સ્વામી પ્રવચન નો લાભ આપશે…..જે તે વિસ્તાર ના સંસ્કાર ધામ માં પણ સભા નો લાભ મળશે….

અદ્ભુત…અદ્ભુત…! આજની સભા ખરેખર બ્રહ્મરૂપ કેમ થવાય….એના રહસ્ય ને ઉજાગર કરતી સભા હતી…બસ જ્ઞાન નો માર્ગ તો- આ સભામાં થી મળ્યો…પણ એને અનુસરવું..એ આપણા હાથ માં છે……! છેવટે બ્રહ્મરૂપ આપણે થવાનું છે…..લખ ચોરાસી માં થી આપણે છૂટવા નું છે…….!!!

“પ્રથમ શ્રીહરિ ને રે…” સાથે શુભ રાત્રી……..સર્વ ને સસ્નેહ જય સ્વામિનારાયણ…..

રાજ

 


Leave a comment

BAPS રવિસભા-૩૧/૧૨/૨૦૧૭

પછી મુક્તાનંદ સ્વામીએ શ્રીજીમહારાજને પ્રશ્ન પૂછ્યો જે,

“હે મહારાજ! ભગવાનને વિષે અચળ નિષ્ઠાવાળા જે ભક્ત હોય તેને કોઈ જાતનો વિક્ષેપ આડો આવે કે ન આવે?”

પછી શ્રીજીમહારાજ બોલ્યા જે,

“એક તો યોગનિષ્ઠા છે ને બીજી સાંખ્યનિષ્ઠા છે…….. તેમાં યોગનિષ્ઠાવાળો જે ભગવાનનો ભક્ત તે ભગવાનના સ્વરૂપમાં પોતાની અખંડ વૃત્તિ રાખે……. અને સાંખ્યનિષ્ઠાવાળો જે ભગવાનનો ભક્ત તે તો મનુષ્યનાં સુખ તથા સિદ્ધ, ચારણ, વિદ્યાધર, ગંધર્વ, દેવતા એ સર્વેનાં જે સુખ તેને સમજી રાખે તથા ચૌદ લોકની માંહેલી કોરે જે સુખ છે તે સર્વેનું પરિમાણ કરી રાખે જે, ‘( બસ) આ સુખ તે આટલું જ છે;’ અને એ સુખની કેડ્યે જે દુઃખ રહ્યું છે તેનું પણ પરિમાણ કરી રાખે………. પછી દુઃખે સહિત એવાં જે એ સુખ તે થકી વૈરાગ્યને પામીને પરમેશ્વરને વિષે જ દ્રઢ પ્રીતિ રાખે……….

એવી રીતે સાંખ્યનિષ્ઠાવાળાને તો સમજણનું બળ હોય અને યોગનિષ્ઠાવાળાને તો ભગવાનના સ્વરૂપમાં અખંડ વૃત્તિ રાખવી તેનું જ બળ હોય……. પણ કોઈક વિષમ દેશકાળાદિકને યોગે કરીને કોઈક વિક્ષેપ આવે તો ભગવાનના સ્વરૂપમાં વૃત્તિ રહેતી હોય તે કાંઈક બીજે પણ ચોંટી જાય……… કેમ જે, યોગનિષ્ઠાવાળાને સમજણનું બળ થોડું હોય; માટે કાંઈક વિઘ્ન થઈ જાય ખરું. અને સાંખ્યનિષ્ઠા ને યોગનિષ્ઠા એ બે જો એકને વિષે હોય તો પછી કાંઈ વાંધો જ ન રહે. ……..અને એવો જે ભગવાનનો ભક્ત હોય તે તો ભગવાનની મૂર્તિ વિના બીજા કોઈ પદાર્થમાં લોભાય જ નહીં…….. અને એમ સમજે જે,

ભગવાનનું જે અક્ષરધામ ને તે ધામને વિષે રહી એવી જે ભગવાનની મૂર્તિ ને તે ધામને વિષે રહ્યા એવા જે ભગવાનના ભક્ત તે વિના જે જે લોક છે ને તે લોકને વિષે રહ્યા એવા જે દેવ છે ને તે દેવના જે વૈભવ છે તે સર્વે નાશવંત છે.’ એમ જાણીને એક ભગવાનને વિષે જ દ્રઢ પ્રીતિ રાખે છે. માટે એવા ભક્તને તો કોઈ જાતનો વિક્ષેપ આવતો નથી.”


વચનામૃતમ- ગઢડા મધ્ય-૨૪

આજે વર્ષ ૨૦૧૭ નો છેલ્લો દિવસ અને અઠવાડિયા  નો પણ છેલ્લો દિવસ….જીવન આમ ને આમ હવા થઇ જશે ..પણ શું કરવા નું છે?? એ કદાચ ચુકી જવાશે….અને એ ન થાય તે માટે જ રવિ સત્સંગ સભા છે…જે જીવ ને રીચાર્જ કરાવી પળેપળ જ્ઞાન કરાવે છે કે- સંસાર માં રહ્યા થકા પણ મોક્ષ ના આ ધ્યેય ને ભૂલવા નું નથી…સત્પુરુષ નો હાથ પકડવા નો છે અને પરબ્રહ્મ ના સ્વરૂપ ને -બ્રહ્મરૂપ થઇ પામવા નું છે…..! માટે – સત્સંગ નો આ માર્ગ ભલે લાખ સમસ્યા આવે- છોડતા નહિ..નહીતર ભટકી જવાશે..જીવ રઝળી પડશે..!

ચાલો આપણા જીવન ના કેન્દ્ર….માર્ગ…મંઝીલ…..સાર – શ્રીજી ના દર્શન કરીએ…..

pixlr_20171231172053953

સભાની શરૂઆત અમેરિકા થી પધારેલા પાર્થભાઈ પરીખ ના સુરીલા કંઠ થી વહેતી સ્વામિનારાયણ ધુન્ય થી થઇ…..ત્યારબાદ યોગેશ્વર સ્વામી રચિત “આપના તે આભમાં હું નાનું પારેવડું…”… અને પ્રેમાનંદ સ્વામી રચિત સુંદર કીર્તન “એરી એરી આજ રંગ મહલ મધ્ય બૈઠે મોહન પિયા” પાર્થભાઈ દ્વારા જ રજુ થયું…!! અદ્ભુત કંટ્રોલ સુર પર..! અમેરિકા જેવા ભૌતિક ઉપભોગ વાળા દેશ માં પોતાની સંસ્કૃતિ-કળા-સુરને પકડી રાખવા …..એનું જતન કરવું ..કઈ જેવું તેવું નથી..! ત્યારબાદ અન્ય એક યુવકે ભૂમાનંદ સ્વામી રચિત -કીર્તન ” જુઓ છબી શ્યામસુંદર વર કેવી રે…” રજુ કર્યું અને સમગ્ર સભાએ એમાં સુર પુરાવ્યો……!!

ત્યારબાદ – સ્વામીશ્રી ના હિમતનગર વિચરણ ના વિડીયો દર્શન નો લાભ મળ્યો ( ૨૭-૨૮ ડીસેમ્બર) જે નીચેની લિંક દ્વારા જોઈ શકાશે….

ત્યારબાદ કોઠારી પુ.આત્મકીર્તિ સ્વામી એ -ગઢડા મધ્ય-૨૪ ના વચનામૃત ને આધારે – યોગનિષ્ઠા અને સાંખ્ય નિષ્ઠા ના- સત્સંગ માં મહિમા -અનિવાર્યતા વિષે -અદ્ભુત પ્રવચન કર્યું….જોઈએ એનો સારાંશ…..

  • આ જીવ નું એક જ જ્ઞાન હોવું જોઈએ- કે એક ભગવાન જ સર્વ સુખ નું ધામ છે..અને એક એમાં જેટલું જોડાણ વધુ તેટલો જ અંતર નો આનંદ વધુ..! જો જીવ ભગવાન માં યથાર્થ જોડાયેલો હોય તો જગત ના સુખ-દુખ નો અનુભવ તેને થતો નથી..એ તો બ્રહ્મ સુખ માં -આનંદિત રહે છે….
  • જીવ ને નડતા વિક્ષેપ ( દુખ..નડતર…માયા…) બે પ્રકાર ના છે…..૧) બાહ્ય વિક્ષેપ- કે જગત નું દુખ..અને ૨) આંતરિક વિક્ષેપ – મન નું દુખ……સ્વામી કહે છે કે- મોટાભાગ ના દુખ એ આંતરિક જ છે…..
  • મન ના વિક્ષેપ ખુબ નડે પણ- જો જીવ ભગવાન સાથે જોડાણ કરે તો એ દુખ- બધું આનંદ માં ફેરવાઈ જાય…..એને જગત ના સુખ દુખ નો અનુભવ જ ન થાય બસ…એ જીવ તો બ્રહ્માનંદ માં મસ્ત રહે…..!! જોઈએ લો આપણા ગુણાતીત ગુરુઓ……છેક ભગતજી મહારાજ થી લઈને આજે મહંત સ્વામી મહારાજ સુધી…….એમણે પારાવાર અપમાનો-દુખ સહન કર્યા છે…પણ એમના આનંદ માં સહેજે ફેર પડ્યો નથી…..યોગીબાપા ને કેટકેટલો માર પડતો..અપમાનો થતા..છતાં સદાયે હસતા ડોલતા રહેતા..!!!
  • પ્રગટ અક્ષરબ્રહ્મ મહંત સ્વામી મહારાજ કહે છે કે – આવા સહજ આનંદ માટે- જીવ અને ભગવાન વચ્ચે કશું રહેવું જ ન જોઈએ…! તો જ જોડાણ પાકું….! ( શ્રીજી કહે છે કે- ભગવાન ભજતા જે આડું આવે તેને માયા કહીએ…..ગ.પ્ર.૧)
  • આજે પણ આવા સહજ આનંદ નો લાભ લેતા સંતો આપણે ત્યાં છે…પુ.ડોક્ટર સ્વામી ને આંખ ની અસહ્ય પીડા…..પુ.સંત સ્વામી ને..પુ.બાલમુકુન્દ સ્વામી ને દેહ ની પારાવાર પીડા હતી..છતાં – એમના મુખ પર દુખ ની એક આછી રેખા દેખાતી ન હતી…..!

બસ- આપણે તો શ્રીજી સ્વામી ને પ્રાર્થના એ જ કરવા ની છે કે – આપણું મન..અંતર…જીવ એક ભગવાન માં જ સ્થિર થાય..એમના સ્વરૂપ માં એવો જોડાય કે- બીજું કશું વચ્ચે રહે જ નહિ…..સંપૂર્ણ હરિમય થઇ જઈ એ તો ગીતા માં કહ્યું છે તેવી સ્થિત પ્રજ્ઞતા આવે….!! જીવ બ્રહ્મરૂપ થાય..!

ત્યારબાદ ૨૮ ડીસેમ્બર ના રોજ મહંત સ્વામી મહારાજે આપેલા આશીર્વચન નો લાભ સૌને મળ્યો…..એમણે પોતાના આશીર્વાદ માં કહ્યું કે- શ્રીજી ના સર્વે હરિભક્તો સંતો માં સદાયે દિવ્ય ભાવ રાખવો…..અને એને જ બ્રહ્મ વિદ્યા કહેવાય…! જો કોઈ હરિભક્ત કે સંત નો અવગુણ લીધો…દ્રોહ કર્યો હોય તો- શ્રીજી પોતે પણ એ દ્રોહ કરનાર ને માફ નથી કરતા..!! શ્રીજી મહારાજે લાલા પાળા ને અંત સમયે તેડવા નો કોલ આપ્યો હતો..પણ લાલા એ ગોપાળાનંદ સ્વામી નો દ્રોહ કર્યો તો- લાલા ને ભૂત યોની મળી…!!! માટે- સત્સંગ માં સુખી થવું હોય તો- દરેક ભક્ત માં દિવ્યભાવ રાખવો અનિવાર્ય છે..!

સભાને અંતે જાહેરાત થઇ કે…

  • આવતા રવિવારે -૭ જાન્યુઆરી -૨૦૧૮ – ના રોજ- અમદાવાદ સત્સંગ મંડળ – ડાબરા ઉત્સવ ઉજવશે..સોલા ભાગવત સ્થળ છે..સમય- ૮-૩૦ સવારે..ત્યાજ સભા થશે  – આથી સાંજે રવિસભા નથી….
  • ૧૫ જાન્યુઆરી સાંજે- આપણા ગુરુહરિ મહંત સ્વામી મહારાજ -અમદાવાદ પધારી રહ્યા છે…..૧૬ તારીખે- સાંજે ભવ્ય ઝોળી ઉત્સવ અમદાવાદ ને આંગણે થશે અને ૧૮ તારીખ સુધી રોજ- પ્રાતઃ પૂજા નો લાભ- પણ સર્વે મળશે…!! આનંદો..અમદાવાદીઓ..આનંદો…!!!
  • ધર્માદા ની સેવા ના સંકલ્પ જેના બાકી હોય તેને સત્વરે તેનો લાભ લેવો…!

અદ્ભુત…અદ્ભુત..!! આપણા જીવન નો એક જ ધ્યેય હોવો જોઈએ – બ્રહ્મરૂપ થઇ પરબ્રહ્મ ને પામવા..! અને જીવે બ્રહ્મરૂપ થવા માટે- જીવન માં સાંખ્ય-અને યોગ બંને ને સિદ્ધ કરવા પડશે……માયા ..કહેતા કે- ભગવાન ને ભજવા માં નડતા સર્વે વિષયો ને દુર કરવા પડશે…..! પણ એ માટે – પ્રગટ અક્ષરબ્રહ્મ સત્પુરુષ નો સંગ કરવો જ પડશે..એ સિવાય આ બધું સિદ્ધ નહિ થાય…! અધ્યાત્મ માર્ગ માં – ગુરુ બિન જ્ઞાન નહિ….મોક્ષ નહિ..!!!

આવનારા નવા વર્ષ ૨૦૧૮ માં – શ્રીજી ને એ જ પ્રાર્થના કે- સત્પુરુષ સ્વરૂપે -જે એમની પ્રાપ્તિ થઇ છે..તેની યથાર્થ પ્રતીતિ થાય….સત્સંગ નો રંગ સદાયે ચડતો ને ચડતો રહે…..સત્પુરુષ અને શ્રીજી નો રાજીપો સદાયે રહે..સર્વે હરિભક્તો-સંતો માં સદાયે દિવ્યભાવ રહે…..અને સર્વે નું ભલું થાય…!!

રાજી રહેજો…! …બસ..સત્સંગ માં આમ જ ચાલતા રહેજો……સત્પુરુશે કૃપાએ કરી  આપણો હાથ પકડ્યો છે…..એ છૂટી ન જાય તેનું પળેપળ ધ્યાન રાખતા રહેજો…..!

જય સ્વામિનારાયણ

રાજ

 


Leave a comment

BAPS રવિસભા – ૨૪/૧૨/૨૦૧૭

પચીસ હજાર રૂપિયા નો નફો જતો કરી રવિસભામાં અચૂક જવું…..


બ્રહ્મ સ્વરૂપ યોગીજી મહારાજ- ૨૪/૧૨/૧૯૬૭-મુંબઈ

રવિ સત્સંગ સભા ની શરૂઆત બ્રહ્મ સ્વરૂપ યોગીજી મહારાજે કરેલી અને સર્વે હરિભક્તો ને ડંકા ની ચોટે ..દરેક સભામાં આજ્ઞા કરેલી કે- રવિસભા અચૂક ભરવી…..પુ.ઈશ્વર ચરણ સ્વામી એ ઉપરોક્ત -યોગીબાપા ના વચન નો ઈતિહાસ કહેતા કહ્યું કે- યોગીબાપા એ  દાદર-મુંબઈ મંદિરે- રવિસભામાં – મોડા આવવા બદલ વજુભાઈ શેઠ ને કહેલું કે- “..પચીસ હજાર રૂપિયા નો નફો જતો કરી ને પણ રવિસભામાં અચૂક જવું…..” ..કેમ આટલો બધો મહિમા છે આ નિત્ય રવિ-સત્સંગ સભા નો?? એનો ઉતર તમે કાયમ રવિસભા માં આવતા હરિભક્તો ને પૂછો……સત્સંગ થી જીવ બળવત્તર બને છે…..શ્રીજી નું સ્વરૂપ -એની સર્વોપરિતા – સર્વાવતારી પણું જીવ માં દ્રઢ થાય છે…..જેના પરિણામે જીવ – પરમપદ ને પામી- આત્યંતિક કલ્યાણ ને પામે છે…..

આજની સભા માં આ જ વાત હતી….સભાની શરૂઆત માં શ્રીજી ના દર્શન…

26047259_1741077865930174_7530581732493049952_n


સભામાં શરૂઆત – યુવકો દ્વારા ધુન્ય-પ્રાર્થના થી થઇ….ત્યારબાદ યુવક- જૈમીન દ્વારા બ્રહ્માનંદ સ્વામી રચિત- “મોહન પધારો મોરે છેલ છબીલે…..” રજુ થયું. એ પછી મુક્તાનંદ સ્વામી રચિત….”સુખસાગર હરિવર સંગે સુખ માણજો….’ અને દાસ વલ્લભ રચિત    “…..પ્રમુખ સ્વામી રે તમારું  નવખંડ માં નામ “…પ્રસ્તુત થયું…….! અદ્ભુત…કીર્તન નો પ્રવાહ જીવ ને સત્સંગ માં એક રસ કરી દે છે……..!

ત્યારબાદ પ્રગટ અક્ષરબ્રહ્મ મહંત સ્વામી મહારાજ ના દિવ્ય વિડીયો વિચરણ દર્શન નો લાભ મળ્યો જે – નીચેની લિંક પર થી જોઈ શકાશે……

ત્યારબાદ પુ. શ્રીહરિ સ્વામી જેવા અનુભવી અને વિધવાન સંત દ્વારા વચનામૃત ને આધારે શ્રીજી મહારાજ ના સ્વરૂપ વિષે ના નિશ્ચય -તેના મહિમા વિષે અદ્ભુત પ્રવચન થયું…..જોઈએ સારાંશ…..

  • વચનામૃત ના પાને પાને શ્રીજી એ – ભગવાન ને જાણ્યા ને..સમજ્યા નો ઉપાય..મહિમા  લખ્યો છે….અને લોયા-૧૮..ગ.મ.૧૩ માં -હરિભક્તો ને આ વાત કર્યા નો સંકોચ થાય છે ….કરવી કે ન કરવી- એની મૂંઝવણ નો પણ ઉલ્લેખ કર્યો છે…..
  • ભગવાન ને સદાયે સાકાર…સર્વોપરી..સર્વાવતારી સમજવા નું – શ્રીજીએ અનેક વચનામૃત માં કહ્યું છે…..ભગવાન ને સર્વ કર્તાહર્તા સમજવા ને જ કલ્યાણ નું સાધન ગણ્યું છે…..
  • એક ભગવાન નો..એના સ્વરૂપ નો નિશ્ચય દ્રઢ થાય તો સર્વે સાધન સિદ્ધ થાય……જીવે ત્રણ વાત દ્રઢ કરવા ની છે…….૧) સહજાનંદ સ્વામી સર્વોપરી ભગવાન છે……૨) ગુણાતીતાનંદ સ્વામી – શ્રીજી ના રહેવા નું ધામ છે……૩) અને સત્પુરુષ દ્વારા શ્રીજી સદાયે પ્રગટ રહે છે ..જો આ ત્રણ વાત જીવન માં સિદ્ધ થાય તો બીજું કશું બાકી ન રહે….
  • કારીયાણી-૧૦ માં – શ્રીજી ને સર્વ કર્તાહર્તા સમજવા ને જ જીવ નું કલ્યાણ માન્યું છે….અને એ જ સર્વે શાસ્ત્રો નો સાર છે……ભગવાન ને સર્વ કર્તાહર્તા સમજો એટલે જીવ ધીરે ધીરે સ્થિતપ્રજ્ઞ થતો જાય…….છેક નિષ્કુળાનંદ સ્વામી થી લઈને -દેવજી ભગત સુધી ના – પ્રસંગો આપણે વાંચીએ તો સમજાય કે- એક શ્રીજી ને કર્તાહર્તા સમજવા થી – જીવ ને સુખ-દુખ સ્પર્શતા જ નથી…….ભલે ને ભક્તિ કરતા દુખ આવે પણ જીવ સહેજે ડગતો નથી….સ્થિર રહે છે…..એ તો એમ સમજે છે કે- ભગવાન જે કરતા હશે એ મારા સારા માટે જ હશે….અને એમ સમજી- પોતાના દેહ ના સુખ સારું કશું એ માંગતા નથી……
  • ભગવાન ના સ્વરૂપ ને સમજવું એટલે- એમની આજ્ઞા ..એમના રાજીપા ને દ્રઢ કરવો……એ જેમ છે તેમ- સમજવું……અને એ જ ભગવાન ને રાજી કરવા નો ઉપાય છે….
  • ગ.પ્ર.૭૪ માં શ્રીજી એ કહ્યા મુજબ- ભગવાન ની મરજી એ જ મારું પ્રારબ્ધ- એમ સમજે તે જ ભક્ત સાચો……ભગવાન -ભક્ત ની અઢળક કસણી કરે પણ એ ભક્ત ની નિષ્ઠા માં જો લેશ માત્ર પણ ફર્ક ન પડે તો સમજવું કે- એ ભક્ત સાચો..એ ભક્ત પાકો..! દાદા ખાચર નું ઉદાહરણ સર્વ ને ખબર છે…..તે જ રીતે આપણા ગુણાતીત ગુરુઓ એ પણ એમના ભક્તો ની કસોટી કરી છે…..અને ભક્તો એ કસોટી માં પાર ઉતર્યા છે……
  • સાચા ભક્ત ની નિશાની  એ કે- ગમે તેટલા કષ્ટ પડે પણ એ ભક્ત- એના ઇષ્ટદેવ ને છોડી ને ક્યાય ચોખા મુકવા- ભજવા જાય જ નહિ……અને એવા ભક્ત ની જ વહારે શ્રીજી આવે છે……
  • આપણા ગુણાતીત ગુરુઓ ની જિંદગી જુઓ તો સમજાય કે- એ જીવન ની પ્રત્યેક સ્થિતિ માં સમ વર્ત્યા છે……એમની નિષ્ઠા લેશ માત્ર ડગી નથી..અને આપણે પણ એમના જેવા ભક્ત બનવા નું છે…..

અદ્ભુત…અદ્ભુત…!! જીવન માં – આવી દ્રઢ સ્વરૂપ નિષ્ઠા આવે તો બીજું કશું કરવા નું બાકી રહે નહિ…..” દાસ ના દુશ્મન હરિ કોઈ દી હોય નહિ……..” એમ વિચારી ને જ ચાલવું..!!

ત્યારબાદ- તાજેતર માં જ – નવી દિલ્હી – અક્ષરધામ ખાતે છેક કોલકાતા થી લઇ પોરબંદર સુધી ના – પ્રતિભા શાળી બાળકો વચ્ચે – શ્રી સ્વામિનારાયણ ભાષ્યમ” પર યોજાયેલી “શલાકા” ( અર્થાત મુખ પાઠ) સ્પર્ધા વિષે પુ.ઈશ્વરચરણ સ્વામી એ પ્રાસંગિક પ્રવચન કરી- સભાને વિશેષ માહિતી આપી….જોઈ એ સારાંશ….

  • પુ.ભદ્રેશ સ્વામી દ્વારા રચિત શ્રી સ્વામિનારાયણ ભાષ્યમ અને એના વાદ ગ્રંથ- એ બ્રહ્મ સ્વરૂપ પ્રમુખ સ્વામી મહારાજ ની કૃપા જ છે…..કે જેમણે આપણા સિધ્ધાંત- આપણી ઉપાસના ને વધુ સ્પષ્ટ કર્યો……..પ્રોફેસર અને અતિ વિદ્વાન સંસ્કૃત આચાર્ય – શ્રી ડો. ગજેન્દ્ર પાંડા ના ભગીરથ પ્રયત્નો થી આ સ્પર્ધા નું આયોજન દેલ્હી માં થયું…૧૦૦૦ બાળકો માં થી – પ્રથમ સ્પર્ધા રાઉન્ડ બાદ -૧૩૮ ઉતીર્ણ બાળકો ને પસંદ કરવા માં આવ્યા…..
  • સ્પર્ધા ત્રણ દિવસ ચાલી….જેમાં અથો બ્રહ્મ જીજ્ઞાસા – પર પુ.ભદ્રેશ સ્વામી એ ૨૪ પાના ભરાય એટલું સાહિત્ય રચ્યું છે તેના પર વાદ-સંવાદ થયો…….જેના જજ તરીકે પુ.શ્રુતિ પ્રકાશ સ્વામી અને અન્ય વિદ્વાન સંતો..ડો.પાંડા હતા…….
  • ડો. પાન્ડા અને એમના ધર્મ પત્ની એ તો- ૧૩૮ સ્પર્ધકો ( કે જેમાં ૨૧ જેટલી વિદ્યાર્થીનીઓ  પણ હતી) ના પગ ધોઈ ને પૂજા કરી…….આ સ્પર્ધા નો….ભાષ્ય નો…. મહિમા પોતાના દ્વારા સર્વે ને સમજાવ્યો……અદ્ભુત..!! અને પોતાના સ્વ ખર્ચે- સર્વે સ્પર્ધકો ને ઇનામ પણ આપ્યા..!!
  • ડો.પાન્ડા નું સમગ્ર કુટુંબ- આ સિધ્ધાંત ને સમર્પિત થઇ ગયું છે……સ્વામિનારાયણ દર્શન ને સમગ્ર જગત માં પ્રસરાવવું – એ એમનો ધર્મ બની ચુક્યો છે…….એ જ આ ગ્રંથ- એની રચના ની ફલશ્રુતિ અને મહિમા દર્શાવે છે….

અંતે- આ સ્પર્ધા ની વિડીયો કલીપ ના દર્શન થયા…અદ્ભુત…નાના નાના બાળકો ( ૯ થી ૨૧ વર્ષ સુધી ના સ્પર્ધક હતા) ના મુખે- શ્રી સ્વામિનારાયણ ભાષ્યમ ના શ્લોક સાંભળી આપણ ને આશ્ચર્ય થાય કે- જે આપણા સત્સંગી નથી…..ભગવાન સ્વામિનારાયણ ને ઊંડાણ પૂર્વક સમજતા નથી- એ પણ – આ ગ્રંથ થકી- કેવા મહિમા- કેવા વાદ-સંવાદ ની વાત કરે છે..!!!!

અદ્ભુત..અદ્ભુત…!! આ બધા પાછળ  શ્રીજી -સ્વામી ની શક્તિ જ કામ કરી રહી છે…બાકી ૭૨ વર્ષ નું અતિ કઠીન કાર્ય કોઈ ૧૨ વર્ષ માં કેવી રીતે રચી શકે???

સભાને અંતે જાહેરાત થઇ કે….

  • ધર્માદો એ શ્રીજી ની આજ્ઞા છે…..સંકલ્પ મુજબ – અચૂક ધર્માદો ચૂકવવો…..જેને એક સાથે દાન કરવા ની ક્ષમતા ન હોય તે હવે ECS સીસ્ટમ નો ઉપયોગ કરી શકે છે……મંદિર નો સંપર્ક કરવો….
  • શ્રી પ્રમુખ સ્વામી મહારાજ જન્મ જયંતી ના સંકલ્પ મુજબ જે – અક્ષર પોથી નો લેખન -સેવા માં ઉપયોગ કરતા હોય તેમણે પોતાની પૂરી થઇ ગયેલી પોથીઓ – જે તે વિસ્તાર ના કાર્યકર ને આપી દેવી…….ગોંડલ- અક્ષર દેરી સાર્ધ શતાબ્દી ઉત્સવ માં – એ પોથી ઓ નો યજ્ઞ વેદી માં હોમ થશે…!
  • અમદાવાદ- નિર્ણયનગર મંદિર માં – આવતી કાલ થી ત્રિ દિવસીય – પારાયણ નો લાભ પુ. બ્રહ્મ દર્શન સ્વામી જેવા પ્રખર વક્તા દ્વારા મળશે…

25659416_1741165032588124_7162333872135879781_n

અદ્ભુત…અદ્ભુત…..

આજની સભાનો સાર એટલો જ છે કે- એક સત્સંગ માં જ સાર છે….સુખ છે…….અને એના દ્વારા જ જીવ – બ્રહ્મરૂપ થઇ – પરબ્રહ્મ પુરુષોત્તમ નારાયણ- શ્રીજી મહારાજ ને પ્રાપ્ત કરી શકે છે…….! છેવટે આત્યંતિક કલ્યાણ તો- આ થકી જ છે………….

જય સ્વામિનારાયણ

રાજ