Raj Mistry's world

Me,my stories and world around….


Leave a comment

BAPS પ્રમુખ વરણી દિન વિશિષ્ટ રવિસભા-૧૭/૦૬/૨૦૧૮

…..આપના સમગ્ર આશ્રીતો તન,મન,ધન થી સુખિયા રહે, આ  લોક માં તેમને કોઈ પ્રકાર નું કષ્ટ કે દુખ ન આવે ,અને સુખે થી સ્વામી શ્રીજી નું ભજન કરી અંતે અક્ષરધામ માં નિવાસ કરે તેવો આશીર્વાદ માંગું છું ..વળી ભૂલેચૂકે પણ અક્ષર પુરુષોત્તમ મહારાજ નું નામ લે તેને પણ આપ આપના પ્રૌઢ પ્રતાપ વડે અક્ષરધામ બક્ષિશ આપો…….

હું, આજે આપ ગુરુશ્રી તેમજ આ સભા સમક્ષ પ્રતિજ્ઞા કરું છું કે મારું કર્તવ્ય બરાબર બજાવી , આપની સંસ્થા ને , મારા દેહ ની પરવા કર્યા સિવાય પૂર્ણ રીતે વફાદાર રહી , આપનો કૃત કૃત્ય બનીશ …….


પ્રમુખ સ્વામી મહારાજ ની ગુરુ શ્રી શાસ્ત્રીજી મહારાજ ના ચરણો માં પ્રાર્થના, ૨૧-૫-૧૯૫૦; આંબલીવાળી પોળ, પ્રમુખ તરીકે નિમાયા તે સમયે

અદ્ભુત …ઐતિહાસિક પ્રસંગ….! આજે આ ઘટના ને ૬૮ વર્ષ પૂર્ણ થયા અને ઈતિહાસ ના પટલ પર ૬૮ વર્ષ નો સમગ્ર ચિતાર…પ્રમુખ સ્વામી મહારાજ ના વચનો નું સાતત્ય…..બેપ્સ સંસ્થા નો ગગનચુંબી વિકાસ…અક્ષર પુરુષોત્તમ મહારાજ ના દિગંત માં ડંકા …૧૨૦૦ થી વધુ સર્વોપરી મંદિરો…૧૧૦૦ થી વધુ અતિ વિદ્વાન સાધુ ….લાખો સંપૂર્ણ સમર્પિત કાર્યકર્તાઓ…..અને કરોડો નિષ્ઠાવાન હરિભક્તો- આજે એ વાત નું પ્રત્યક્ષ પ્રમાણ પૂરે છે….! પોતાના ગુરુ ને આપેલું વચન- પોતાના દેહ ની પરવા કર્યા વિના- રાત દિવસ ના દાખડા થી પૂર્ણ કરનાર- આ આદર્શ શિષ્ય ને ” પ્રમુખ પદુ” મળ્યું તેની ઉજવણી ન થાય તો આપણો સત્સંગ લજવાય….! માટે જ આજની સભા અતિ વિશિષ્ટ અને ભવ્ય હતી…. સવારે પુ. સંતો હરિભક્તો એ શાહીબાગ મંદિર થી આંબલી વાળી પોળ સુધી ની પદયાત્રા કરી હતી……અને ઉજવણી ની શરૂઆત અહી થી થઇ….

pixlr_20180617214838226

સમય પહેલા જ સભામાં પહોંચી જવામાં આવ્યું…..સુરજ ની સામે- સમી છાતી એ લડી હરિભક્તો નો દરિયો જાણે કે સભામાં છલકાઈ ઉઠ્યો……સર્વ પ્રથમ શ્રીજી ના અદ્ભુત દર્શન….

pixlr_20180617214504670

સભાની શરૂઆત માં યુવકો એ જોશ ભર્યા સ્વરે સ્વામિનારાયણ મહામંત્ર ની ધુન્ય થી સર્વ ના જીવ ને હરિ માં જોડ્યા ….ત્યારબાદ એક અદ્ભુત પદ ” ચદરિયા ઝીની રે ઝીની….સહજાનંદ રસ ભીની…” ની પ્રસ્તુતિ થઇ જેમાં – પ્રમુખ સ્વામી મહારાજ ને – આંબલી વાળી પોળ માં – પ્રમુખ તરીકે ની ચાદર ઓઢાળી- એ પ્રસંગ ને અદ્ભુત રીતે ગુંથી લેવામાં આવ્યો……! ખરેખર ..અદ્ભુત…..!!!

ત્યારબાદ શરુ થયો- પ્રમુખ વરણી દિન નો વિશિષ્ટ પ્રોગ્રામ- જેમાં સંવાદ, સંતો -હરિભક્તો દ્વારા પ્રમુખ સ્વામી મહારાજ ના – ભીડા, સ્નેહ, નિયમ ધર્મ માં દ્રઢતા જેવા ગુણ પર અદ્ભુત રજૂઆત -પ્રસંગ કથન દ્વારા થઇ…તો સાથે સાથે પ્રમુખ સ્વામી ના મહિમા વિષે નૃત્ય પણ બાળ અને કિશોર મંડળે રજુ કર્યું……જોઈએ સારાંશ…..

  • બ્રહ્મ સ્વરૂપ પ્રમુખ સ્વામી મહારાજે – પોતાના દેહ ને – ગુરુ ને આપેલા વચન ને પૂરૂ કરવા – કૃષ્ણાર્પણ કરી દીધો હતો અને અસહ્ય ભીડા ને પણ હસતા મુખે વેઠી… રાત દિવસ જોયા વગર- કેવળ અને કેવળ- સ્વામી શ્રીજી ને રાજી કરવા- હરિભક્તો ને રાજી કરવા દોડ્યા જ છે…..પુ. યજ્ઞપ્રિય સ્વામી એ- પ્રમુખ સ્વામી એ એક યુવક ને આપેલા વચન ને પૂર્ણ કરવા- એના ગામે પધારી- અસહ્ય ગરમી- ઉકળાટ વેઠી ને પણ તેને રાજી કર્યો….તો- ડોક્ટર ત્રિવેદી સાહેબે કહ્યું કે- પાટણ અને તેની આસપાસ ના વિસ્તાર માં સ્વામી- કાચા રસ્તાઓ માં- અસહ્ય ગરમી અને તડકામાં – ટ્રેક્ટર ની ટ્રોલી માં ફરી – પધરામણી કરી છે…..અને તેમના પોતાના ઘરે તો- સ્વામીશ્રી ને પગે અસહ્ય દુખાવો હોવા છતાં- બે માળ ની સીડી ચઢી ને- સર્વ ને રાજી કર્યા…..આ ભીડા ને દર્શાવતો એક વિડીયો પણ રજુ થયો…..
  • “નેણ માં સમાય નહી…” એવા સ્વામી ના સ્નેહ ને દર્શાવતો વિડીયો નો લાભ મળ્યો…..પુ. અક્ષરજીવન સ્વામી એ ૧૯૮૮ ના લંડન વિચરણ નો એક પ્રસંગ કહ્યો…..જેમાં એક યુવક ને આજ્ઞા કરી – તેના વિમાન પ્રવાસ ની ટીકીટ કેન્સલ કરાવી અને એ વિમાન અકસ્માત માં થી એને બચાવ્યો…..એનું વર્ણન કરતા કહ્યું કે- સ્વામી બધાની સાથે આત્મીય બની જીવ્યા છે..સર્વ ના હિત નું વિચાર્યું છે…બસ આપણે એમનું વચન સારધાર પાળવા નું છે….! એમણે પોતાનો પ્રસંગ કહેતા કહ્યું કે- સ્વામી એ – તેમને પ્રિય એવું દૂધ બંધ કરાવ્યું …અને અક્ષર જીવન સ્વામી એ એ આજ્ઞા અધ્ધર ઝીલી…પરિણામે એમના હરસ અને પેટ ના અન્ય રોગ મટી ગયા….આમ, સ્વામીશ્રી પૂર્વાપર નું- પોતાના શરણાગત નું હિત જોતા….!
  • અમરેલી ના એક હરિભક્ત કે જેમની સ્થિતિ સાવ સામાન્ય હતી- તેના અભ્યાસ-નોકરી-લગ્ન અને સંતાનો ના ભવિષ્ય નું આયોજન અને ખર્ચ-વ્યવસ્થા પણ સ્વામીશ્રી એ કરી દીધી- એ હરિભક્ત આજે બીએસએનએલ માં ઉચ્ચ અધિકારી છે…..અને આ અતુલ્ય ઉપકાર ને યાદ કરતા સતેજ પર જ ગળગળા થઇ ગયા…….!! અદ્ભુત કૃપા…!!! આમ, સ્વામીશ્રી ની કૃપા વર્ષા ના આવા તો અસંખ્ય ઉદાહરણો છે…..જેનાથી મોટા પુરુષ નો પોતાના શિષ્યો પ્રત્યે કેટલું હેત છે- તેની જાણકારી મળે છે….
  • બાપા- શ્રીજી એ આપેલા નિયમ ધર્મ માં કેવા દ્રઢ હતા….તેનું દર્શન- યુવકો દ્વારા થયેલા સંવાદ થી જાણવા મળ્યું-જેમાં પોતાની આંખ નું નાજુક ઓપરેશન હતું પણ – શ્રીજી એ આપેલા સ્ત્રી મર્યાદા ના નિયમ ધર્મ જળવાય એ માટે સ્વામી એ એ નાજુક સ્થિતિ ને સહન કરી અને છેવટે સગવડ થઇ ત્યારે જ સર્જરી કરાવી…..! એવી જ વાત પુ. ત્યાગ સ્વરૂપ સ્વામી એ – લંડન માં – પોતાના પૂર્વાશ્રમ ના ભાઈ ના લગ્ન માં – બાપા એ કેવી મર્યાદા સાચવી ને લગ્ન માં હાજરી પુરાવી આશીર્વાદ આપ્યા- તેનો અદ્ભુત પ્રસંગ કહ્યો….
  • તો- પુ. વેદ પુરુષ સ્વામી એ- એક હરિભક્તે – સ્વામીશ્રી ના ચરણારવિંદ નો ફોટો લેવાનો પ્રયત્ન કર્યો તો- સ્વામીશ્રી એ જે કડક થઇ નારાજગી દર્શાવી…તે પ્રસંગ નું વર્ણન – અદ્ભુત રીતે કર્યું…..ભગવાન તો એક શ્રીજી અને આપણે તો એના દાસના દાસ – એ વાત સ્વામીશ્રી એ સુસ્પષ્ટ શબ્દો માં સર્વે ને જણાવી દીધી….!
  • અંતે- સ્વામીશ્રી એ રાત દિવસ જોં વગર- પોતાની સંસ્થા અને સિધ્ધાંત ના વિકાસ માટે કરેલા પ્રચંડ પુરુષાર્થ ની ગાથા નું વર્ણન થયું…..

ત્યારબાદ- બાળ અને કિશોર મંડળે- એક નૃત્ય દ્વારા ” પ્રમુખ વરણી દિન આયો આજ…” દ્વારા – આજના મહોત્સવ ને વધાવ્યો…….! અદ્ભુત નૃત્ય….!

IMG_20180617_183815

ત્યરબાદ – સ્વયમ પ્રમુખ સ્વામી મહારાજ, મહંત સ્વામી મહારાજ અને અન્ય સંતો દ્વારા- આંબલી વાળી પોળ ની મુલાકાત, સ્વામીશ્રી દ્વારા સર્વે – પ્રસંગ નું વર્ણન- દર્શન કરાવતો જુનો વિડીયો રજુ થયો……

ત્યરબાદ- પ્રમુખ સ્વામી મહારાજ ના આ સદગુણો…સમગ્ર જીવન -વિચરણ-ભીડા ભક્તિ ના સાક્ષી રહેલા – સદ્ગુરુ પુ.ઈશ્વર ચરણ સ્વામી એ- પ્રમુખ સ્વામી મહારાજ ના એ અદ્ભુત મહિમા ની વાતો કરી…..તેમણે કહ્યું કે…

  • પ્રમુખ સ્વામી મહારાજ ને માત્ર ૨૮ વર્ષ ની ઉમરે – સંસ્થા ના પ્રમુખ પદે- બ્રહ્મ સ્વરૂપ શાસ્ત્રીજી મહારાજે નીમ્યા ત્યારે ઘણા ને મન માં શંકા થઇ હતી કે- આ છોકરડો શું કરશે?? પણ શાસ્ત્રીજી મહારાજ તો સિદ્ધ હતા…પૂર્વાપર નું જોતા હતા…અને એમને – પ્રમુખ સ્વામી ની સાધુતા, નિષ્ઠા..આવડત માં અઢળક વિશ્વાસ હતો…..અને આજે – તેનું પરિણામ સ્પષ્ટ દેખાય છે….
  • આપણી સંસ્થા નો દેશ વિદેશ માં વિકાસ- એ સ્વામી બાપા ની અતુલ્ય સાધુતા….પ્રચંડ પુરુષાર્થ ….પોતાના ગુરુ ના વચનો માં દ્રઢ વિશ્વાસ ની જ ગાથા છે…..દેશ પરદેશમાં કરેલા – પહેલી નજરે અશક્ય લગતા ઉત્સવો કે જે ૩૭ દિવસ થી લઈને ૫૯ દિવસ સુધી ના – ભવ્ય સમૈયા હતા…તેના થી એ સમયે- હરિભક્તો ને સ્વામી નું એશ્વર્ય સમજાયું……લોકો આકર્ષાયા…એમની સાધુતા ..નિર્માની પણા…દાસભાવ થી પ્રભાવિત થયા….અને સત્સંગ દેશ પરદેશ માં ચો તરફ પ્રસર્યો……
  • દિલ્હી નું અક્ષરધામ જુઓ……જ્યાં માત્ર ૧-૨ એકર જમીન લેવાના ફાંફા હોય ત્યાં સ્વામીશ્રી એ પોતાના એશ્વર્ય- સાધુતા થી ૧૦૦ એકર જેટલી જમીન દિલ્હી માં મેળવી અને અદ્ભુત અક્ષરધામ રચ્યું…લંડન..અમેરિકા ના ગગનચુંબી અદ્ભુત મંદિરો…..સ્વામીશ્રી નો જ પ્રભાવ છે…….એટલે જ આજે પ્રગટ ગુરુહરિ મહંત સ્વામી મહારાજ કહે છે કે- સ્વામીશ્રી એ આપણા માટે કશું બાકી રાખ્યું નથી…..બધું  જ કરી ને ગયા છે….એમની આજ્ઞા મુજબ ચાલશું તો કોઈ રોકી નહિ શકે…!!
  • સાથે સાથે હરિભક્તો ને લાડ લડાવવા માં- એમના સુખાકારી માટે સ્વામી એ અસહ્ય ભીડો વેથી ને…પોતાના દેહ ના ચૂરેચૂરા કરી ને પણ અદ્ભુત દાખડા કર્યા છે…..જેના માટે આપણે એમના ઋણી છીએ અને એમની આજ્ઞા અનુસાર – આપણે આ સત્સંગ – સિધ્ધાંત ને જન જન સુધી પહોંચાડીએ તો આપણી ભક્તિ સફળ થશે…….!

અદ્ભુત…અદ્ભુત…….! “ચૂકવી ન શકાય ઋણ આપનું….હે ગુરુવર…હે પ્રમુખ સ્વામી….” જેવી આપણી હાલત છે…….બસ એમની આજ્ઞા માં સારધાર રહી- આપણા સત્સંગ- શ્રીજી સ્વામી ના સિધ્ધાંત- ને જીવમાત્ર સુધી પહોંચાડીએ – તો સ્વામી રાજી થાય…!

સભાને અંતે- અમદાવાદ મહાનગર ના નવનિયુક્ત મેયર- શ્રીમતી બીજલ બેન પટેલ નું સભામાં સન્માન થયું…..સાથે સાથે મ્યુનીસીપલ સ્ટેન્ડિંગ કમિટી ના ચેરમેન અમુલખ ભાઈ ભટ્ટ અને તેમના પિતાશ્રી અને પરમ ભક્ત શ્રી બળવંત રાય ભટ્ટ નું જાહેર માં સન્માન થયું……યોગીબાપા એ અમદાવાદ માં યુવક મંડળ ની શરૂઆત કરેલી અને એ યુવક મંડળ ના પ્રથમ યુવા પ્રમુખ તરીકે બળવંતરાય ભટ્ટ ને નીમેલા- તેની સ્મૃતિ કરી ને સમગ્ર સભા હરખાઈ ઉઠી…!

સભાને અંતે જાહેરાત થઇ કે- આવતા રવિવારે સત્સંગ શિક્ષણ પરીક્ષા નો પ્રી ટેસ્ટ છે….બધાએ ઉત્સાહ થી ભાગ લેવો જેથી મેઈન પરીક્ષા સમયે – આ દાખડો કામ લાગે……ગુરુહરિ નો રાજીપો મળે……

પુ. ઈશ્વરચરણ સ્વામીએ – સતેજ ઉપર પ્રમુખ સ્વામી મહારાજ ની મૂર્તિ ને – હાર અને ચાદર ઓઢાળી- ઉત્સવ નું સમાપન કર્યું……!

IMG_20180617_185859.jpg

તો- આપણા મોટા ભાગ્ય કે આવા મોટા પુરુષ આપણા ગુરુ તરીકે આપણ ને મળ્યા…આપણી ભૂલો…આપણા દોષ સાથે આપણ ને સ્વીકાર્યા…..અને આપણ ને કલ્યાણ નો માર્ગ સહજ કરી આપ્યો……આપણી આવનારી પેઢી નું પણ કલ્યાણ પાકું કરી આપ્યું……આપણો જન્મ સુધારી દીધો…!!! એના માટે – આપણે કરીએ એટલું ઓછું છે…………બસ શ્રીજી સ્વામી ની જ દયા છે…કે એમનું એ જ સુખ આજે પણ મહંત સ્વામી મહારાજ રૂપે અસ્ખલિત મળતું રહે છે….!

જય સ્વામીનારાયણ……પ્રમુખ સ્વામી મહારાજ ની જયજય કાર……શ્રીજી સ્વામી ની જયજયકાર…!

રાજ

Advertisements


Leave a comment

BAPS રવિસભા-૧૮/૦૩/૨૦૧૮

પછી શ્રીજીમહારાજ બોલ્યા જે,

જ્ઞાની છે તે તો બ્રહ્મસ્વરૂપે વર્તે છે અને ભગવાનનો મહિમા યથાર્થપણે જાણે છે, માટે એને ભગવાનના સ્વરૂપ વિના બીજી મનમાં કાંઈ કામના રહેતી નથી……… અને બીજા જે ત્રણ પ્રકારના ભક્ત છે તેને ભગવાનનો નિશ્ચય તો છે તોય પણ ભગવાનનો મહિમા યથાર્થપણે જાણતા નથી; તે માટે એને ભગવાન વિના બીજી કામના રહી જાય છે, તે માટે જ્ઞાનીને બરોબર થતા નથી……….. તે સારુ ભગવાનના ભક્તને ભગવાન વિના બીજી કોઈ જાતની કામના રહે એ મોટી ખોટ છે……….. અને જેને કોઈ જાતની વાસના ન હોય અને તીવ્ર વૈરાગ્યવાન હોય અને જો તે વૈરાગ્યને યોગે અહંકારે યુક્ત વર્તે તો એ પણ એને વિષે મોટી ખોટ છે; અથવા અત્યંત આત્મજ્ઞાનનું બળ હોય અથવા ભગવાનને વિષે દ્રઢ ભક્તિનું બળ હોય અને તેના માનને યોગે કરીને જો ગરીબ હરિભક્તને નમાય નહીં અથવા તેની આગળ દીનવચન બોલાય નહીં તો એ પણ એને વિષે મોટી ખોટ છે. તે ખોટે કરીને એ હરિભક્તનું અંગ વૃદ્ધિને ન પામે…..

જેને ભગવાનને પ્રસન્ન કરવા હોય તેને જ્ઞાન, વૈરાગ્ય, ભક્તિ તથા બીજા કોઈ શ્રેષ્ઠ ગુણ હોય તેને અભિમાને કરીને અટંટ થવું નહીં, તો એ પુરુષના હૃદયને વિષે પ્રકટ પ્રમાણ એવા જે શ્રીકૃષ્ણ નારાયણ તે પ્રસન્ન થઈને નિવાસ કરીને રહે છે……

ભગવાનના ભક્તનું માહાત્મ્ય જાણીને પોતે દેહે કરીને તેમને નમસ્કાર કરે તથા તેમની સેવા-ચાકરી કરે, અને જો હૈયામાં માનનો સંકલ્પ થાય તો તેને ઓળખે ને વિચારનું બળ રાખે તો માન ટળી જાય. અને અતિશય પ્રેમલક્ષણા ભક્તિ હોય અને તે ભક્તિએ કરીને ભગવાન તેને વશ વર્તતા હોય અને જો તે ભક્તિનું ભક્તના હૃદયમાં માન આવે તોય પણ એને અતિ ખોટ છે……..


વચનામૃતમ- ગઢડા પ્રથમ-૫૬

યોગીબાપા કહેતા કે- જીવન માં ગમે તેટલા આગળ વધીએ..ભણીએ ગણીએ…પણ છેવટે તો નિર્માની જ થાવું…..! કારણ કે માન હોય તે સત્સંગ માં ટકી શકે નહિ…..માટે જો સત્સંગ જીવ નો કરવો હોય તો માન ને કોરાણે મુક્યા સિવાય છૂટકો જ નથી…..!!!! આજ ની સભા પુ.ઈશ્વરચરણ સ્વામી જેવા સદ્ગુરુ સંત ના મુખે આ વચનામૃત ના રહસ્ય ને જીવાર્થ કરવા ની હતી….

છેલ્લા ઘણા સમય થી રવિસભામાં – યેનકેન કારણે ન જવાયું..મનમાં વસવસો રહ્યા કરતો હતો જે આજે દુર થયો…સભામાં સમયસર પહોંચી ગયો અને સર્વ પ્રથમ મારા વ્હાલા ના અદ્ભુત દર્શન…….

This slideshow requires JavaScript.

સભાની શરૂઆત યુવકો દ્વારા ધુન્ય પ્રાર્થના થી થઇ…..અને ત્યારબાદ યુવકો દ્વારા ..પુ.શુભ કીર્તન સ્વામી દ્વારા ખુબ જ જોશીલા ..ભાવ ભર્યા કીર્તન નો લાભ મળ્યો……

  • હે હરિ હરિ..પ્રભુ કરુણા કરી…..
  • મંદિરે પધારો પિયા ..શ્યામ સોહાગી…….રચયિતા- બ્રહ્માનંદ સ્વામી
  • શોભે શોભે રસિકવર છેલ રે……રચયિતા- કૃષ્ણાનંદ સ્વામી
  • તારો ચટક રંગીલો છેલડો અલબેલા રે…….રચયિતા- બ્રહ્માનંદ સ્વામી

અદ્ભુત..અદ્ભુત…!!! સમગ્ર સભા નો માહોલ કીર્તન મય થઇ ગયો…..! હૃદયના તાર..એક શ્રીજી ના રૂપ માં..મહિમા માં..ભક્તિમાં એકતાર થઇ ગયા….! ભગવાન નું નામ જ એવું સુખકારી..શાંતિ પ્રદ છે……..એની પ્રતીતિ સર્વ ને થઇ…!

ત્યારબાદ પુ.ભગવતસેતુ સ્વામી દ્વારા બ્રહ્મ સ્વરૂપ પ્રમુખ સ્વામી મહારાજ ના પંચવર્તમાન પૈકી- “નિસ્નેહ” પર વિસ્તૃત પ્રસંગો દ્વારા વિવેચન થયું…..જોઈએ સારાંશ….

  • શ્રીજી એ ત્યાગી માત્ર ને પંચવર્તમાન માં દ્રઢ પણે વર્તવા ની આજ્ઞા કરી ..એમાં નિસ્નેહ એટલે કે- પોતાના દેહ ..દેહ ના સગાવ્હાલા અને દેહ ના જન્મસ્થાન..એની સાથે સંકળાયેલી વસ્તુ નો પરિત્યાગ કરવાની વિશેષ આજ્ઞા કરી..જેને પ્રમુખ સ્વામી મહારાજે દેહ પર્યંત નિભાવી….
  • સમૈયા માં પોતાના પૂર્વાશ્રમ ના માતા દિવાળી બા ના ઉતારા  ની વાત હોય કે પૂર્વાશ્રમ ના ભત્રીજા ના વ્યવસાય ની વાત હોય…સ્વામીશ્રી એ કોઈ ભક્ત ના દ્વારા લવાયેલા મુદ્દા ઓ પ્રત્યે ક્યારેય ધ્યાન આપ્યું નથી…કદાપી કોઈ વાત ઉખેડી નથી કે..ક્યારેય કોઈને કોઈ દેખરેખ ની વાત કરી નથી….!! દેહ ના સગા પ્રત્યે આટલો બધો તિરસ્કાર…..કદાચ એમનામાં જ દેખાય..!
  • પોતાના દેહ ને તો તેમણે હરિભક્તો અને સંસ્થા ના વિકાસ માટે કૃષ્ણાર્પણ કરી રાખ્યો હતો……પોતાના દેહ ની ગમે તેવી પીડા હોય…..દુખાવો હોય..મોતિયો પાકી ગયો હોય…બાયપાસ કરાવવા ની હોય કે સખત તાવ હોય…પોતાના દેહ નો વિચાર કર્યો જ નથી..! પોતે સદાયે આત્મા રૂપ જ વર્ત્યા છે….
  • પોતાના જન્મસ્થાન ચાણસદ ની વાત નીકળે એટલે સ્વામીશ્રી તેને ટાળી જ દે…ચાણસદ માં પારાયણ થઇ ત્યારે હરિભક્તો -સંતો એ કમસેકમ આરતી માં આવી લાભ આપવા વિનતી કરી તો એ સ્વામીશ્રી એ ઘસી ને નાં પાડી દીધી….કારણ?? શ્રીજી ની આજ્ઞા…! ચાણસદ ના વિકાસ ની વાત હોય કે એમના જન્મસ્થાન ને વિકસાવવા ની…સ્વામીશ્રી ની નીરસતા કાયમ રહી હતી…!

આમ, બ્રહ્મસ્વરૂપ પ્રમુખ સ્વામી મહારાજ નું સમગ્ર જીવન- શ્રીજી ની આજ્ઞા મુજબ જ જીવાયું હતું..એમાં રતીભાર પણ ફર્ક નહોતો..એની પ્રતીતિ આજે પણ બધા ને થાય છે…!

ત્યારબાદ પ્રગટ અક્ષરબ્રહ્મ મહંત સ્વામી મહારાજ ના ઓસ્ટ્રેલિયા ખાતે ના દિવ્ય વિચરણ નો લાભ -વિડીયો ના માધ્યમ થી સમગ્ર સભા ને મળ્યો……જે નીચેની લીંક પરથી જોઈ શકાશે…..

ત્યારબાદ પુ.ઈશ્વરચરણ સ્વામી જેવા વિધવાન…સદ્ગુરુ સંત ના મુખે ગઢડા પ્રથમ-૫૬ ના વચનામૃત આધારિત પ્રવચન નો લાભ મળ્યો……જોઈએ સારાંશ….

  • ભગવદ ગીતામાં ભગવાને ચાર પ્રકાર ના ભક્ત ની વાત કરી છે…..અને એ ભક્તો પૈકી ભગવાન ને જ્ઞાની ભક્ત સૌથી વધારે પ્રિય છે…….કારણ કે જ્ઞાની ભક્ત આત્મા રૂપે- બ્રહ્મરૂપે વર્તે છે અને તેને એક ભગવાન સિવાય બીજી કોઈ જ કામના નથી……
  • આપણે કથાવાર્તા સાંભળીએ છીએ…એમાં છેલ્લે તો આ જ કરવા નું છે…..જગત ની કામનાઓ છોડી ને એક ભગવાન ની જ કામના કરવા ની છે…..
  • પણ એમાં વિઘ્ન રૂપ એ દેહાભિમાન રૂપી રાજા છે..જે અનેક જન્મો થી આપણ ને વળગ્યો છે ..અને એ દુર કરવા બ્રહ્મરૂપ થવાનું છે..અને બ્રહ્મરૂપ થવા- આપણ ને જે પ્રાપ્તિ થઇ છે ( સત્પુરુષ..સત્સંગ..શ્રીજી) એનો મહિમા સહીત નિશ્ચય કરવા નો છે…..અને એના માટે સતત જાણપણું ..અંતર્દ્રષ્ટિ રાખવા ની છે…….કે આપણે શું કરવા આવ્યા છીએ અને શું કરીએ છીએ???
  • પ્રાપ્તિ નો મહિમા સમજાય તો- સ્વભાવ નમ્ર બને…..દીનતા આવે……અહંકાર …માન નો ભાવ ઘટે…..! શ્રીજી નો નમ્ર સ્વભાવ એના અંનત ઉદાહરણ છે……..છતાં ઘણા એ સમય ના સત્સંગીઓ શ્રીજી ને સમજી ન શક્યા…એમનો દ્રોહ કરી બેઠા…..!
  • સત્સંગ માં રહ્યા થકા પણ સુક્ષ્મ અહંકાર હોય તો પણ જીવ સત્સંગ માં થી પડી જાય એનો વિકાસ અટકી જાય…! માટે જ સત્સંગ માં પ્રગતિ ન થવા નું કારણ માન છે…….એ મોટા સદગુણ હોય તો પણ તેમને શૂન્ય કરી નાખે…….અંતર માં શ્રીજી ની મૂર્તિ દેખાતી હોય તો તે મૂર્તિ ને કરડી મુદ્રા કરી નાખે………અને જો માન ન હોય તો ભક્ત ને ભગવાન ની એ મૂર્તિ ના પ્રસન્ન મુદ્રા માં દર્શન થાય……
  • માટે યોગી બાપા કહેતા તેમ- જીવન માં ગમે તેટલી પ્રગતિ કરો પણ નિર્માની થાવું….!!!

અદ્ભુત…! સત્સંગ હોય કે સંસાર- અહંકાર..માન……જીવ ને કેટલું નુકસાન પહોંચાડે છે…તે જાણવા મળ્યું…..! બસ “માન તજી સંતન કે મુખ સે………” પ્રમાણે- હરી રસ ના અમૃત ગ્રહણ કરી – બ્રહ્મરૂપ થઇ જવું છે…….

સભાને અંતે અમુક જાહેરાતો થઇ…..

  • ગાંધીનગર અક્ષરધામ ખાતે આર્ષ ( AARSH) પ્રવચન માળા અંતર્ગત- તા-૨૪/૩ ના રોજ- “પાણી અને વીજળી ની બચત” વિષય પર આપણી સંસ્થા વિધવાન એન્જીનીયર સંતો – પુ. નિર્મળ મુની સ્વામી અને પુ.શ્વેતપ્રકાશ સ્વામી દ્વારા રસપ્રદ પ્રવચન થશે…સમય અને વધુ માહિતી માટે અક્ષરધામ નો સંપર્ક કરવો…સર્વ ને આમંત્રણ છે….
  • તારીખ- ૧/૪ ના રોજ પશ્ચિમ અમદાવાદ માટે” ગૃહશાંતિ નો રાજમાર્ગ” પર એકદિવસીય શિબિર – પુ.આત્મતૃપ્ત સ્વામી જેવા અતિ વિદ્વાન અને પ્રખર વક્તા સંત દ્વારા થશે…પાસ મેળવવા- જે તે વિસ્તાર ના સંપર્ક કાર્યકરો નો સંપર્ક કરવો…….જેમ બને તેમ વહેલા પાસ મેળવી લેવા..અને ખટકો રાખી શિબિર માં હાજર રહેવું..જેથી મંદિર ને આયોજન માટે ખબર પડે….

SAVE_20180225_214217

  • આવતા રવિવારે- ૨૫/૪ ના રોજ ચૈત્ર સુદ નોમ- અર્થાત- શ્રીહરિ જયંતી- રામ નવમી નો ઉત્સવ છે ..માટે રવિસભા કહેતા કે- હરી જયંતી ની સભા નો સમય રાત્રે ૮ થી ૧૦-૩૦ નો છે…… સર્વે એ અચૂક લાભ લેવો..પુ.અક્ષરવત્સલ સ્વામી પ્રવચન નો લાભ આપશે…..જે તે વિસ્તાર ના સંસ્કાર ધામ માં પણ સભા નો લાભ મળશે….

અદ્ભુત…અદ્ભુત…! આજની સભા ખરેખર બ્રહ્મરૂપ કેમ થવાય….એના રહસ્ય ને ઉજાગર કરતી સભા હતી…બસ જ્ઞાન નો માર્ગ તો- આ સભામાં થી મળ્યો…પણ એને અનુસરવું..એ આપણા હાથ માં છે……! છેવટે બ્રહ્મરૂપ આપણે થવાનું છે…..લખ ચોરાસી માં થી આપણે છૂટવા નું છે…….!!!

“પ્રથમ શ્રીહરિ ને રે…” સાથે શુભ રાત્રી……..સર્વ ને સસ્નેહ જય સ્વામિનારાયણ…..

રાજ

 


Leave a comment

BAPS રવિસભા-૩૧/૧૨/૨૦૧૭

પછી મુક્તાનંદ સ્વામીએ શ્રીજીમહારાજને પ્રશ્ન પૂછ્યો જે,

“હે મહારાજ! ભગવાનને વિષે અચળ નિષ્ઠાવાળા જે ભક્ત હોય તેને કોઈ જાતનો વિક્ષેપ આડો આવે કે ન આવે?”

પછી શ્રીજીમહારાજ બોલ્યા જે,

“એક તો યોગનિષ્ઠા છે ને બીજી સાંખ્યનિષ્ઠા છે…….. તેમાં યોગનિષ્ઠાવાળો જે ભગવાનનો ભક્ત તે ભગવાનના સ્વરૂપમાં પોતાની અખંડ વૃત્તિ રાખે……. અને સાંખ્યનિષ્ઠાવાળો જે ભગવાનનો ભક્ત તે તો મનુષ્યનાં સુખ તથા સિદ્ધ, ચારણ, વિદ્યાધર, ગંધર્વ, દેવતા એ સર્વેનાં જે સુખ તેને સમજી રાખે તથા ચૌદ લોકની માંહેલી કોરે જે સુખ છે તે સર્વેનું પરિમાણ કરી રાખે જે, ‘( બસ) આ સુખ તે આટલું જ છે;’ અને એ સુખની કેડ્યે જે દુઃખ રહ્યું છે તેનું પણ પરિમાણ કરી રાખે………. પછી દુઃખે સહિત એવાં જે એ સુખ તે થકી વૈરાગ્યને પામીને પરમેશ્વરને વિષે જ દ્રઢ પ્રીતિ રાખે……….

એવી રીતે સાંખ્યનિષ્ઠાવાળાને તો સમજણનું બળ હોય અને યોગનિષ્ઠાવાળાને તો ભગવાનના સ્વરૂપમાં અખંડ વૃત્તિ રાખવી તેનું જ બળ હોય……. પણ કોઈક વિષમ દેશકાળાદિકને યોગે કરીને કોઈક વિક્ષેપ આવે તો ભગવાનના સ્વરૂપમાં વૃત્તિ રહેતી હોય તે કાંઈક બીજે પણ ચોંટી જાય……… કેમ જે, યોગનિષ્ઠાવાળાને સમજણનું બળ થોડું હોય; માટે કાંઈક વિઘ્ન થઈ જાય ખરું. અને સાંખ્યનિષ્ઠા ને યોગનિષ્ઠા એ બે જો એકને વિષે હોય તો પછી કાંઈ વાંધો જ ન રહે. ……..અને એવો જે ભગવાનનો ભક્ત હોય તે તો ભગવાનની મૂર્તિ વિના બીજા કોઈ પદાર્થમાં લોભાય જ નહીં…….. અને એમ સમજે જે,

ભગવાનનું જે અક્ષરધામ ને તે ધામને વિષે રહી એવી જે ભગવાનની મૂર્તિ ને તે ધામને વિષે રહ્યા એવા જે ભગવાનના ભક્ત તે વિના જે જે લોક છે ને તે લોકને વિષે રહ્યા એવા જે દેવ છે ને તે દેવના જે વૈભવ છે તે સર્વે નાશવંત છે.’ એમ જાણીને એક ભગવાનને વિષે જ દ્રઢ પ્રીતિ રાખે છે. માટે એવા ભક્તને તો કોઈ જાતનો વિક્ષેપ આવતો નથી.”


વચનામૃતમ- ગઢડા મધ્ય-૨૪

આજે વર્ષ ૨૦૧૭ નો છેલ્લો દિવસ અને અઠવાડિયા  નો પણ છેલ્લો દિવસ….જીવન આમ ને આમ હવા થઇ જશે ..પણ શું કરવા નું છે?? એ કદાચ ચુકી જવાશે….અને એ ન થાય તે માટે જ રવિ સત્સંગ સભા છે…જે જીવ ને રીચાર્જ કરાવી પળેપળ જ્ઞાન કરાવે છે કે- સંસાર માં રહ્યા થકા પણ મોક્ષ ના આ ધ્યેય ને ભૂલવા નું નથી…સત્પુરુષ નો હાથ પકડવા નો છે અને પરબ્રહ્મ ના સ્વરૂપ ને -બ્રહ્મરૂપ થઇ પામવા નું છે…..! માટે – સત્સંગ નો આ માર્ગ ભલે લાખ સમસ્યા આવે- છોડતા નહિ..નહીતર ભટકી જવાશે..જીવ રઝળી પડશે..!

ચાલો આપણા જીવન ના કેન્દ્ર….માર્ગ…મંઝીલ…..સાર – શ્રીજી ના દર્શન કરીએ…..

pixlr_20171231172053953

સભાની શરૂઆત અમેરિકા થી પધારેલા પાર્થભાઈ પરીખ ના સુરીલા કંઠ થી વહેતી સ્વામિનારાયણ ધુન્ય થી થઇ…..ત્યારબાદ યોગેશ્વર સ્વામી રચિત “આપના તે આભમાં હું નાનું પારેવડું…”… અને પ્રેમાનંદ સ્વામી રચિત સુંદર કીર્તન “એરી એરી આજ રંગ મહલ મધ્ય બૈઠે મોહન પિયા” પાર્થભાઈ દ્વારા જ રજુ થયું…!! અદ્ભુત કંટ્રોલ સુર પર..! અમેરિકા જેવા ભૌતિક ઉપભોગ વાળા દેશ માં પોતાની સંસ્કૃતિ-કળા-સુરને પકડી રાખવા …..એનું જતન કરવું ..કઈ જેવું તેવું નથી..! ત્યારબાદ અન્ય એક યુવકે ભૂમાનંદ સ્વામી રચિત -કીર્તન ” જુઓ છબી શ્યામસુંદર વર કેવી રે…” રજુ કર્યું અને સમગ્ર સભાએ એમાં સુર પુરાવ્યો……!!

ત્યારબાદ – સ્વામીશ્રી ના હિમતનગર વિચરણ ના વિડીયો દર્શન નો લાભ મળ્યો ( ૨૭-૨૮ ડીસેમ્બર) જે નીચેની લિંક દ્વારા જોઈ શકાશે….

ત્યારબાદ કોઠારી પુ.આત્મકીર્તિ સ્વામી એ -ગઢડા મધ્ય-૨૪ ના વચનામૃત ને આધારે – યોગનિષ્ઠા અને સાંખ્ય નિષ્ઠા ના- સત્સંગ માં મહિમા -અનિવાર્યતા વિષે -અદ્ભુત પ્રવચન કર્યું….જોઈએ એનો સારાંશ…..

  • આ જીવ નું એક જ જ્ઞાન હોવું જોઈએ- કે એક ભગવાન જ સર્વ સુખ નું ધામ છે..અને એક એમાં જેટલું જોડાણ વધુ તેટલો જ અંતર નો આનંદ વધુ..! જો જીવ ભગવાન માં યથાર્થ જોડાયેલો હોય તો જગત ના સુખ-દુખ નો અનુભવ તેને થતો નથી..એ તો બ્રહ્મ સુખ માં -આનંદિત રહે છે….
  • જીવ ને નડતા વિક્ષેપ ( દુખ..નડતર…માયા…) બે પ્રકાર ના છે…..૧) બાહ્ય વિક્ષેપ- કે જગત નું દુખ..અને ૨) આંતરિક વિક્ષેપ – મન નું દુખ……સ્વામી કહે છે કે- મોટાભાગ ના દુખ એ આંતરિક જ છે…..
  • મન ના વિક્ષેપ ખુબ નડે પણ- જો જીવ ભગવાન સાથે જોડાણ કરે તો એ દુખ- બધું આનંદ માં ફેરવાઈ જાય…..એને જગત ના સુખ દુખ નો અનુભવ જ ન થાય બસ…એ જીવ તો બ્રહ્માનંદ માં મસ્ત રહે…..!! જોઈએ લો આપણા ગુણાતીત ગુરુઓ……છેક ભગતજી મહારાજ થી લઈને આજે મહંત સ્વામી મહારાજ સુધી…….એમણે પારાવાર અપમાનો-દુખ સહન કર્યા છે…પણ એમના આનંદ માં સહેજે ફેર પડ્યો નથી…..યોગીબાપા ને કેટકેટલો માર પડતો..અપમાનો થતા..છતાં સદાયે હસતા ડોલતા રહેતા..!!!
  • પ્રગટ અક્ષરબ્રહ્મ મહંત સ્વામી મહારાજ કહે છે કે – આવા સહજ આનંદ માટે- જીવ અને ભગવાન વચ્ચે કશું રહેવું જ ન જોઈએ…! તો જ જોડાણ પાકું….! ( શ્રીજી કહે છે કે- ભગવાન ભજતા જે આડું આવે તેને માયા કહીએ…..ગ.પ્ર.૧)
  • આજે પણ આવા સહજ આનંદ નો લાભ લેતા સંતો આપણે ત્યાં છે…પુ.ડોક્ટર સ્વામી ને આંખ ની અસહ્ય પીડા…..પુ.સંત સ્વામી ને..પુ.બાલમુકુન્દ સ્વામી ને દેહ ની પારાવાર પીડા હતી..છતાં – એમના મુખ પર દુખ ની એક આછી રેખા દેખાતી ન હતી…..!

બસ- આપણે તો શ્રીજી સ્વામી ને પ્રાર્થના એ જ કરવા ની છે કે – આપણું મન..અંતર…જીવ એક ભગવાન માં જ સ્થિર થાય..એમના સ્વરૂપ માં એવો જોડાય કે- બીજું કશું વચ્ચે રહે જ નહિ…..સંપૂર્ણ હરિમય થઇ જઈ એ તો ગીતા માં કહ્યું છે તેવી સ્થિત પ્રજ્ઞતા આવે….!! જીવ બ્રહ્મરૂપ થાય..!

ત્યારબાદ ૨૮ ડીસેમ્બર ના રોજ મહંત સ્વામી મહારાજે આપેલા આશીર્વચન નો લાભ સૌને મળ્યો…..એમણે પોતાના આશીર્વાદ માં કહ્યું કે- શ્રીજી ના સર્વે હરિભક્તો સંતો માં સદાયે દિવ્ય ભાવ રાખવો…..અને એને જ બ્રહ્મ વિદ્યા કહેવાય…! જો કોઈ હરિભક્ત કે સંત નો અવગુણ લીધો…દ્રોહ કર્યો હોય તો- શ્રીજી પોતે પણ એ દ્રોહ કરનાર ને માફ નથી કરતા..!! શ્રીજી મહારાજે લાલા પાળા ને અંત સમયે તેડવા નો કોલ આપ્યો હતો..પણ લાલા એ ગોપાળાનંદ સ્વામી નો દ્રોહ કર્યો તો- લાલા ને ભૂત યોની મળી…!!! માટે- સત્સંગ માં સુખી થવું હોય તો- દરેક ભક્ત માં દિવ્યભાવ રાખવો અનિવાર્ય છે..!

સભાને અંતે જાહેરાત થઇ કે…

  • આવતા રવિવારે -૭ જાન્યુઆરી -૨૦૧૮ – ના રોજ- અમદાવાદ સત્સંગ મંડળ – ડાબરા ઉત્સવ ઉજવશે..સોલા ભાગવત સ્થળ છે..સમય- ૮-૩૦ સવારે..ત્યાજ સભા થશે  – આથી સાંજે રવિસભા નથી….
  • ૧૫ જાન્યુઆરી સાંજે- આપણા ગુરુહરિ મહંત સ્વામી મહારાજ -અમદાવાદ પધારી રહ્યા છે…..૧૬ તારીખે- સાંજે ભવ્ય ઝોળી ઉત્સવ અમદાવાદ ને આંગણે થશે અને ૧૮ તારીખ સુધી રોજ- પ્રાતઃ પૂજા નો લાભ- પણ સર્વે મળશે…!! આનંદો..અમદાવાદીઓ..આનંદો…!!!
  • ધર્માદા ની સેવા ના સંકલ્પ જેના બાકી હોય તેને સત્વરે તેનો લાભ લેવો…!

અદ્ભુત…અદ્ભુત..!! આપણા જીવન નો એક જ ધ્યેય હોવો જોઈએ – બ્રહ્મરૂપ થઇ પરબ્રહ્મ ને પામવા..! અને જીવે બ્રહ્મરૂપ થવા માટે- જીવન માં સાંખ્ય-અને યોગ બંને ને સિદ્ધ કરવા પડશે……માયા ..કહેતા કે- ભગવાન ને ભજવા માં નડતા સર્વે વિષયો ને દુર કરવા પડશે…..! પણ એ માટે – પ્રગટ અક્ષરબ્રહ્મ સત્પુરુષ નો સંગ કરવો જ પડશે..એ સિવાય આ બધું સિદ્ધ નહિ થાય…! અધ્યાત્મ માર્ગ માં – ગુરુ બિન જ્ઞાન નહિ….મોક્ષ નહિ..!!!

આવનારા નવા વર્ષ ૨૦૧૮ માં – શ્રીજી ને એ જ પ્રાર્થના કે- સત્પુરુષ સ્વરૂપે -જે એમની પ્રાપ્તિ થઇ છે..તેની યથાર્થ પ્રતીતિ થાય….સત્સંગ નો રંગ સદાયે ચડતો ને ચડતો રહે…..સત્પુરુષ અને શ્રીજી નો રાજીપો સદાયે રહે..સર્વે હરિભક્તો-સંતો માં સદાયે દિવ્યભાવ રહે…..અને સર્વે નું ભલું થાય…!!

રાજી રહેજો…! …બસ..સત્સંગ માં આમ જ ચાલતા રહેજો……સત્પુરુશે કૃપાએ કરી  આપણો હાથ પકડ્યો છે…..એ છૂટી ન જાય તેનું પળેપળ ધ્યાન રાખતા રહેજો…..!

જય સ્વામિનારાયણ

રાજ

 


Leave a comment

BAPS રવિસભા – ૨૪/૧૨/૨૦૧૭

પચીસ હજાર રૂપિયા નો નફો જતો કરી રવિસભામાં અચૂક જવું…..


બ્રહ્મ સ્વરૂપ યોગીજી મહારાજ- ૨૪/૧૨/૧૯૬૭-મુંબઈ

રવિ સત્સંગ સભા ની શરૂઆત બ્રહ્મ સ્વરૂપ યોગીજી મહારાજે કરેલી અને સર્વે હરિભક્તો ને ડંકા ની ચોટે ..દરેક સભામાં આજ્ઞા કરેલી કે- રવિસભા અચૂક ભરવી…..પુ.ઈશ્વર ચરણ સ્વામી એ ઉપરોક્ત -યોગીબાપા ના વચન નો ઈતિહાસ કહેતા કહ્યું કે- યોગીબાપા એ  દાદર-મુંબઈ મંદિરે- રવિસભામાં – મોડા આવવા બદલ વજુભાઈ શેઠ ને કહેલું કે- “..પચીસ હજાર રૂપિયા નો નફો જતો કરી ને પણ રવિસભામાં અચૂક જવું…..” ..કેમ આટલો બધો મહિમા છે આ નિત્ય રવિ-સત્સંગ સભા નો?? એનો ઉતર તમે કાયમ રવિસભા માં આવતા હરિભક્તો ને પૂછો……સત્સંગ થી જીવ બળવત્તર બને છે…..શ્રીજી નું સ્વરૂપ -એની સર્વોપરિતા – સર્વાવતારી પણું જીવ માં દ્રઢ થાય છે…..જેના પરિણામે જીવ – પરમપદ ને પામી- આત્યંતિક કલ્યાણ ને પામે છે…..

આજની સભા માં આ જ વાત હતી….સભાની શરૂઆત માં શ્રીજી ના દર્શન…

26047259_1741077865930174_7530581732493049952_n


સભામાં શરૂઆત – યુવકો દ્વારા ધુન્ય-પ્રાર્થના થી થઇ….ત્યારબાદ યુવક- જૈમીન દ્વારા બ્રહ્માનંદ સ્વામી રચિત- “મોહન પધારો મોરે છેલ છબીલે…..” રજુ થયું. એ પછી મુક્તાનંદ સ્વામી રચિત….”સુખસાગર હરિવર સંગે સુખ માણજો….’ અને દાસ વલ્લભ રચિત    “…..પ્રમુખ સ્વામી રે તમારું  નવખંડ માં નામ “…પ્રસ્તુત થયું…….! અદ્ભુત…કીર્તન નો પ્રવાહ જીવ ને સત્સંગ માં એક રસ કરી દે છે……..!

ત્યારબાદ પ્રગટ અક્ષરબ્રહ્મ મહંત સ્વામી મહારાજ ના દિવ્ય વિડીયો વિચરણ દર્શન નો લાભ મળ્યો જે – નીચેની લિંક પર થી જોઈ શકાશે……

ત્યારબાદ પુ. શ્રીહરિ સ્વામી જેવા અનુભવી અને વિધવાન સંત દ્વારા વચનામૃત ને આધારે શ્રીજી મહારાજ ના સ્વરૂપ વિષે ના નિશ્ચય -તેના મહિમા વિષે અદ્ભુત પ્રવચન થયું…..જોઈએ સારાંશ…..

  • વચનામૃત ના પાને પાને શ્રીજી એ – ભગવાન ને જાણ્યા ને..સમજ્યા નો ઉપાય..મહિમા  લખ્યો છે….અને લોયા-૧૮..ગ.મ.૧૩ માં -હરિભક્તો ને આ વાત કર્યા નો સંકોચ થાય છે ….કરવી કે ન કરવી- એની મૂંઝવણ નો પણ ઉલ્લેખ કર્યો છે…..
  • ભગવાન ને સદાયે સાકાર…સર્વોપરી..સર્વાવતારી સમજવા નું – શ્રીજીએ અનેક વચનામૃત માં કહ્યું છે…..ભગવાન ને સર્વ કર્તાહર્તા સમજવા ને જ કલ્યાણ નું સાધન ગણ્યું છે…..
  • એક ભગવાન નો..એના સ્વરૂપ નો નિશ્ચય દ્રઢ થાય તો સર્વે સાધન સિદ્ધ થાય……જીવે ત્રણ વાત દ્રઢ કરવા ની છે…….૧) સહજાનંદ સ્વામી સર્વોપરી ભગવાન છે……૨) ગુણાતીતાનંદ સ્વામી – શ્રીજી ના રહેવા નું ધામ છે……૩) અને સત્પુરુષ દ્વારા શ્રીજી સદાયે પ્રગટ રહે છે ..જો આ ત્રણ વાત જીવન માં સિદ્ધ થાય તો બીજું કશું બાકી ન રહે….
  • કારીયાણી-૧૦ માં – શ્રીજી ને સર્વ કર્તાહર્તા સમજવા ને જ જીવ નું કલ્યાણ માન્યું છે….અને એ જ સર્વે શાસ્ત્રો નો સાર છે……ભગવાન ને સર્વ કર્તાહર્તા સમજો એટલે જીવ ધીરે ધીરે સ્થિતપ્રજ્ઞ થતો જાય…….છેક નિષ્કુળાનંદ સ્વામી થી લઈને -દેવજી ભગત સુધી ના – પ્રસંગો આપણે વાંચીએ તો સમજાય કે- એક શ્રીજી ને કર્તાહર્તા સમજવા થી – જીવ ને સુખ-દુખ સ્પર્શતા જ નથી…….ભલે ને ભક્તિ કરતા દુખ આવે પણ જીવ સહેજે ડગતો નથી….સ્થિર રહે છે…..એ તો એમ સમજે છે કે- ભગવાન જે કરતા હશે એ મારા સારા માટે જ હશે….અને એમ સમજી- પોતાના દેહ ના સુખ સારું કશું એ માંગતા નથી……
  • ભગવાન ના સ્વરૂપ ને સમજવું એટલે- એમની આજ્ઞા ..એમના રાજીપા ને દ્રઢ કરવો……એ જેમ છે તેમ- સમજવું……અને એ જ ભગવાન ને રાજી કરવા નો ઉપાય છે….
  • ગ.પ્ર.૭૪ માં શ્રીજી એ કહ્યા મુજબ- ભગવાન ની મરજી એ જ મારું પ્રારબ્ધ- એમ સમજે તે જ ભક્ત સાચો……ભગવાન -ભક્ત ની અઢળક કસણી કરે પણ એ ભક્ત ની નિષ્ઠા માં જો લેશ માત્ર પણ ફર્ક ન પડે તો સમજવું કે- એ ભક્ત સાચો..એ ભક્ત પાકો..! દાદા ખાચર નું ઉદાહરણ સર્વ ને ખબર છે…..તે જ રીતે આપણા ગુણાતીત ગુરુઓ એ પણ એમના ભક્તો ની કસોટી કરી છે…..અને ભક્તો એ કસોટી માં પાર ઉતર્યા છે……
  • સાચા ભક્ત ની નિશાની  એ કે- ગમે તેટલા કષ્ટ પડે પણ એ ભક્ત- એના ઇષ્ટદેવ ને છોડી ને ક્યાય ચોખા મુકવા- ભજવા જાય જ નહિ……અને એવા ભક્ત ની જ વહારે શ્રીજી આવે છે……
  • આપણા ગુણાતીત ગુરુઓ ની જિંદગી જુઓ તો સમજાય કે- એ જીવન ની પ્રત્યેક સ્થિતિ માં સમ વર્ત્યા છે……એમની નિષ્ઠા લેશ માત્ર ડગી નથી..અને આપણે પણ એમના જેવા ભક્ત બનવા નું છે…..

અદ્ભુત…અદ્ભુત…!! જીવન માં – આવી દ્રઢ સ્વરૂપ નિષ્ઠા આવે તો બીજું કશું કરવા નું બાકી રહે નહિ…..” દાસ ના દુશ્મન હરિ કોઈ દી હોય નહિ……..” એમ વિચારી ને જ ચાલવું..!!

ત્યારબાદ- તાજેતર માં જ – નવી દિલ્હી – અક્ષરધામ ખાતે છેક કોલકાતા થી લઇ પોરબંદર સુધી ના – પ્રતિભા શાળી બાળકો વચ્ચે – શ્રી સ્વામિનારાયણ ભાષ્યમ” પર યોજાયેલી “શલાકા” ( અર્થાત મુખ પાઠ) સ્પર્ધા વિષે પુ.ઈશ્વરચરણ સ્વામી એ પ્રાસંગિક પ્રવચન કરી- સભાને વિશેષ માહિતી આપી….જોઈ એ સારાંશ….

  • પુ.ભદ્રેશ સ્વામી દ્વારા રચિત શ્રી સ્વામિનારાયણ ભાષ્યમ અને એના વાદ ગ્રંથ- એ બ્રહ્મ સ્વરૂપ પ્રમુખ સ્વામી મહારાજ ની કૃપા જ છે…..કે જેમણે આપણા સિધ્ધાંત- આપણી ઉપાસના ને વધુ સ્પષ્ટ કર્યો……..પ્રોફેસર અને અતિ વિદ્વાન સંસ્કૃત આચાર્ય – શ્રી ડો. ગજેન્દ્ર પાંડા ના ભગીરથ પ્રયત્નો થી આ સ્પર્ધા નું આયોજન દેલ્હી માં થયું…૧૦૦૦ બાળકો માં થી – પ્રથમ સ્પર્ધા રાઉન્ડ બાદ -૧૩૮ ઉતીર્ણ બાળકો ને પસંદ કરવા માં આવ્યા…..
  • સ્પર્ધા ત્રણ દિવસ ચાલી….જેમાં અથો બ્રહ્મ જીજ્ઞાસા – પર પુ.ભદ્રેશ સ્વામી એ ૨૪ પાના ભરાય એટલું સાહિત્ય રચ્યું છે તેના પર વાદ-સંવાદ થયો…….જેના જજ તરીકે પુ.શ્રુતિ પ્રકાશ સ્વામી અને અન્ય વિદ્વાન સંતો..ડો.પાંડા હતા…….
  • ડો. પાન્ડા અને એમના ધર્મ પત્ની એ તો- ૧૩૮ સ્પર્ધકો ( કે જેમાં ૨૧ જેટલી વિદ્યાર્થીનીઓ  પણ હતી) ના પગ ધોઈ ને પૂજા કરી…….આ સ્પર્ધા નો….ભાષ્ય નો…. મહિમા પોતાના દ્વારા સર્વે ને સમજાવ્યો……અદ્ભુત..!! અને પોતાના સ્વ ખર્ચે- સર્વે સ્પર્ધકો ને ઇનામ પણ આપ્યા..!!
  • ડો.પાન્ડા નું સમગ્ર કુટુંબ- આ સિધ્ધાંત ને સમર્પિત થઇ ગયું છે……સ્વામિનારાયણ દર્શન ને સમગ્ર જગત માં પ્રસરાવવું – એ એમનો ધર્મ બની ચુક્યો છે…….એ જ આ ગ્રંથ- એની રચના ની ફલશ્રુતિ અને મહિમા દર્શાવે છે….

અંતે- આ સ્પર્ધા ની વિડીયો કલીપ ના દર્શન થયા…અદ્ભુત…નાના નાના બાળકો ( ૯ થી ૨૧ વર્ષ સુધી ના સ્પર્ધક હતા) ના મુખે- શ્રી સ્વામિનારાયણ ભાષ્યમ ના શ્લોક સાંભળી આપણ ને આશ્ચર્ય થાય કે- જે આપણા સત્સંગી નથી…..ભગવાન સ્વામિનારાયણ ને ઊંડાણ પૂર્વક સમજતા નથી- એ પણ – આ ગ્રંથ થકી- કેવા મહિમા- કેવા વાદ-સંવાદ ની વાત કરે છે..!!!!

અદ્ભુત..અદ્ભુત…!! આ બધા પાછળ  શ્રીજી -સ્વામી ની શક્તિ જ કામ કરી રહી છે…બાકી ૭૨ વર્ષ નું અતિ કઠીન કાર્ય કોઈ ૧૨ વર્ષ માં કેવી રીતે રચી શકે???

સભાને અંતે જાહેરાત થઇ કે….

  • ધર્માદો એ શ્રીજી ની આજ્ઞા છે…..સંકલ્પ મુજબ – અચૂક ધર્માદો ચૂકવવો…..જેને એક સાથે દાન કરવા ની ક્ષમતા ન હોય તે હવે ECS સીસ્ટમ નો ઉપયોગ કરી શકે છે……મંદિર નો સંપર્ક કરવો….
  • શ્રી પ્રમુખ સ્વામી મહારાજ જન્મ જયંતી ના સંકલ્પ મુજબ જે – અક્ષર પોથી નો લેખન -સેવા માં ઉપયોગ કરતા હોય તેમણે પોતાની પૂરી થઇ ગયેલી પોથીઓ – જે તે વિસ્તાર ના કાર્યકર ને આપી દેવી…….ગોંડલ- અક્ષર દેરી સાર્ધ શતાબ્દી ઉત્સવ માં – એ પોથી ઓ નો યજ્ઞ વેદી માં હોમ થશે…!
  • અમદાવાદ- નિર્ણયનગર મંદિર માં – આવતી કાલ થી ત્રિ દિવસીય – પારાયણ નો લાભ પુ. બ્રહ્મ દર્શન સ્વામી જેવા પ્રખર વક્તા દ્વારા મળશે…

25659416_1741165032588124_7162333872135879781_n

અદ્ભુત…અદ્ભુત…..

આજની સભાનો સાર એટલો જ છે કે- એક સત્સંગ માં જ સાર છે….સુખ છે…….અને એના દ્વારા જ જીવ – બ્રહ્મરૂપ થઇ – પરબ્રહ્મ પુરુષોત્તમ નારાયણ- શ્રીજી મહારાજ ને પ્રાપ્ત કરી શકે છે…….! છેવટે આત્યંતિક કલ્યાણ તો- આ થકી જ છે………….

જય સ્વામિનારાયણ

રાજ

 

 

 


Leave a comment

આજકાલ-૦૬/૧૧/૨૦૧૭

તો ફરીથી બંદો હાજીર છે આપની સેવામાં -પોતાના અનુભવો નો…સાંપ્રત-સામાજિક-રાજકીય-અંગત અનુભવો નો તમારી સાથે ગુલાલ કરવા…..! ગયું આખું અઠવાડિયું – જાણે કે ફરવામાં જ ગયું…..કારણ કે રીના-હરિ ના દિવાળી વેકેશન નું છેલ્લું અઠવાડિયું હતું…….અને દરેક પુરુષ ને જીવન માં કમસેકમ એકવાર સામનો કરવો પડે છે એ પ્રશ્ન- પોતાની પત્ની તરફ થી…..”….તમે મને કદી એ ફરવા લઇ જાઓ છો??? ..” એનો ઉત્તર શોધવા નો પ્રયાસ કરવામાં આ બધી યાત્રા ઓ ગોઠવાઈ…!!

તો શું ચાલે છે આજકાલ???

  • ગુજરાત ની ચૂંટણી જેમ જેમ નજીક આવતી જાય છે..તેમ તેમ કુતુહલ પિપાસુ ગુજરાતીઓ ની ચળ વધતી જાય છે…..ચોરે ને ચોટે – મોદી આવશે કે કોંગ્રેસ…?? એ જ ચર્ચાઓ છેક રસ્તે રખડતા ભિખારી થી લઈને -વિશ્વ ગુજરાતી બનેલા NRI -ગુજરાતીઓ ના જુબાન પર ઉડતી રહે છે……! તકવાદીઓ- વર્ગ વિગ્રહ વાદીઓ- રાજકીય ઉલ્લુઓ ની જમાતો દેશ ને ખોરંભે ચડાવી – પોતાનો મતલબ સાફ કરવા મંડી છે…..પણ એ આટલા વર્ષો પછી પણ નથી સમજતા કે- ગુજરાતી મહાપ્રજા છે…..વિચારશીલ છે…..આવતીકાલ નું અઢળક વિચારે છે……જે પ્રજા ૧૦ રૂપિયે મળતા બટાકા ને પણ ફેરવી ફેરવી ને ખરીદતી હોય ..તે આવા લલ્લુ ઓ ની વાતો માં આવી જઈને પોતાનો વોટ વેચી મારશે??? ….ભૂલી જાઓ લલ્લુઓ….ઉલ્લુઓ…!!!
  • ગયા અઠવાડિયા માં- સૌપ્રથમ વાર ભાડજ ગામ માં આવેલા – ઇસ્કોન મંદિર ના દર્શને જવામાં આવ્યું……સાયંસ સીટી થી આગળ જઈએ એટલે રીંગ રોડ વટાવી ને આ છેક છેવાડે ( વાડજ થી લગભગ ૧૬ કિમી થાય) પણ વિશાળ જગ્યામાં ( અમદાવાદ ડેન્ટલ કોલેજ ની જોડે) આ મંદિર આવેલું છે…..મેનેજમેન્ટ હમેંશ ની જેમ સારું…..વ્યવસ્થિત…! અમે બપોરે ૧૨ વાગ્યા ની આસપાસ ગયા- રાજભોગ આરતી નો લાભ લીધો……બપોરે અહી ફક્ત ૮૦ રૂપિયા/ડીશ માં ભરપેટ – ઘર જેવું શુદ્ધ વૈષ્ણવ જમવાનું જમાડે છે..સાંજે ફૂલ ડીશ- નાસ્તા પણ મળે છે…..સાથે સાથે સ્વાદિષ્ટ ખીચડી નો પ્રસાદ પણ ખરો જ….! ફેરો ફોગટ ન જાય……પણ રસ્તો થોડોક લાંબો-પથરાળ છે…….છતાં શ્રીજી ના દર્શન -આગળ આ બધું સ્વીકાર્ય છે…
  • ત્યાંથી અમે સીધા ગાંધીનગર ગયા….ગુગલ ની મદદ થી ગાંધીનગર માં ઈ નોક્ષ થીયેટર -સેક્ટર-૧૬ શોધી કાઢ્યું…..હરિ ભાઈ નું ફેવરાઈટ એવું- થોર-રેગ્નારોક – મુવી ૩ ડી – માં જોવામાં આવ્યું……હરિ માટે તો એના જીવન નું પ્રથમ ૩ ડી મુવી હતું આથી ભાઈ- જરાક વધુ ઉત્સાહી હતા…..પણ ચશ્માં પહેરી ને મુવી જોતા કંટાળ્યા…..હલ્ક- થોર -હેલા ની અદ્ભુત ફાઈટીંગ જોઈ રાજી પણ થયા……ચાલુ ફિલ્મ માં- પોપ કોર્ન ની ડીમાંડ કરી……યાર..શું લુંટ ચાલે છે….??? પોપ કોર્ન અને નાની કોક ના- ૧૫૦ રૂપિયા……અને પાણી ની બોટલ ના ૫૦ રૂપિયા….૨ નાના સમોસા ના ૯૦ રૂપિયા…!!! પેટ્રોલ ના ૨ રૂપિયા વધારા માટે સડકો પર ઉતરતી પબ્લિક- આ લુંટ સામે કેમ બોલતી નથી….?? ઉલટા ની ઝ્યાફત ઉડાવે છે……! બોલો ક્યાં છે મોંઘવારી??? ફિલ્મ જોવા જાઓ તો- બે જણા વચ્ચે ૫૦૦ રૂપિયા તો આરામ થી ખર્ચાઈ જ જાય…!!!
  • આ થોર નું નામ કૈંક અજીબ નથી લાગતું…..ચૂંટણી ઓ નાં આ બેન્ડ બાજા બારાત વચ્ચે એક મજાકિયો વિચાર મન માં ઝબકી ગયો….જો થોર ગુજરાત નો હોય અને કાઠીયાવાડ નાં એક નેતા કુંવરજી બાવળીયા નો જ્ઞાતિ બંધુ હોય તો એ કયા નામે ઓળખાય??….સિમ્પલ…..થોર બાવળીયા….!! હાહાહાહાઆ……!
  • ત્યાંથી અમે અમારા મનપસંદ અક્ષરધામ ગયા…….અદ્ભુત લેસર પ્રોજેક્શન શો- લાઈટીંગ શો જોયો અને ધન્ય ધન્ય થઇ ગયા…..ગર્ભ ગૃહ માં નવીન પ્રતિષ્ઠિત – ગુરુ પરંપરા અને અવતારો ની અદ્ભુત મૂર્તિઓ એ મન મોહી લીધું……..!!! અને છેલ્લે પ્રેમવતી નો પ્રેમભર્યો નાસ્તો……………! આજનો ફેરો જાણે કે સફળ થઇ ગયો……હરિ નો ઉત્સાહ તો સમાતો નહોતો…!!!
  • દેવ દિવાળી ના દિવસે- સવારે ૯ વાગ્યે અચાનક જ પ્રોગ્રામ બનાવ્યો કે- ચાલો આજે- વડતાલ- બોચાસણ દર્શને જઈએ……!! રીના એ ફટાફટ તૈયારી કરી લીધી…..પુનઃ ગુગલ ભાઈ ને આગળ કરવામાં આવ્યા……અમદાવાદ ના જંગલી ટ્રાફિક થી માંડ માંડ નીકળી- જેતલપુર પહોંચ્યા…..પૂનમ ની ભીડ વચ્ચે દર્શન પુરા કરી -મહેળાવ જવાનો પ્લાન બનાવ્યો પણ ૧૨ વાગ્યા સુધી માં પહોંચાય એવું લાગ્યું નહ..તેથી ડભાણ જુના મંદિર માં દર્શન કર્યા…ઠાકોરજી ને ત્યાં જ જમાડ્યા…..યજ્ઞ શાળા ના દર્શન કરી ….વડતાલ જવાનું નક્કી કર્યું……વિચાર્યું હતું કે- વડતાલ – ૪ વાગ્યા સુધી સમય પસાર કરી- ઠાકોરજી ના દર્શન કરી- બોચાસણ જશું…પણ ત્યાં એટલી બધી ભીડ કે ન પૂછો વાત…! પૂનમ નો સમૈયો…..મુખ્યમંત્રી વિજયભાઈ રૂપાની ની હાજરી…..ને લીધે- કાર પાર્કિંગ કરવાની જગ્યા પણ માંડ માંડ મળી…..ગોમતી માં પગ ધોયા…બગીચામાં થોડીક વાર બેઠા..મંદિરે જઈ શિખર ના દર્શન કર્યા…થોડીક ખરીદી કરી અને – મહેળાવ જવા ભાગ્યા…….મહેળાવ માત્ર ૧૦-૧૨ કિમી જ દુર છે…….અમારી પ્રાર્થના કદાચ શ્રીજીએ સાંભળી હશે તો- મહેળાવ ના દર્શન ૩ વાગ્યે પણ ચાલુ હતા…….ઠાકોરજી ના અદ્ભુત દર્શન થયા……..મંદિર પણ અદ્ભુત બનાવ્યું છે……….! બસ- બ્રહ્મ સ્વરૂપ શાસ્ત્રીજી મહારાજ ના જન્મ સ્થળ ના દર્શન બાકી રહી ગયા……
  • ત્યાંથી બોચાસણ જવા રવાના થયા…૩૪ કિમી દુર થાય……પણ પેટલાદ નજીક રોડ પર સમારકામ ચાલે છે જેથી આખું પેટલાદ શહેર ક્રોસ કરી ને વિરોલ વાળા રસ્તે બોચાસણ જવું પડે……ગુગલ ભાઈ ખરેખર ખુબ કામ માં આવ્યા…….બોચાસણ પહોંચી- ઠાકોરજી ના દર્શન મન ભરી ને કર્યા….મહંત સ્વામી મહારાજ ત્યાં જ હતા પણ એમના દર્શન ની કોઈ શક્યતા નહોતી- આથી બહાર થી જ દર્શન કરી- અભિષેક કરી- બોરસદ-આણંદ વાળા રસ્તે – ઘરે પરત પધાર્યા….!!

This slideshow requires JavaScript.

  • તો યાત્રા નો નિષ્કર્ષ શું???? ….. ૧) એક દિવસ માં આ બધા પ્રસાદી ના સ્થાન ના દર્શન થઇ શકે છે…….૨૦૦-૨૫૦ કિમી ની દોડાદોડી થાય……જમવા ની કોઈ ચિંતા નહિ……૨) ગુગલ ભાઈ – ખરેખર હવે જીવન નો એક ભાગ બનતા જાય છે…..છતાં પૂછતાં નર સદા સુખી……….આથી અજાણ્યા રસ્તા પર પૂછતાં રહેવું…ક્યાંક અટવાઈ ન જવાય……! ૩) બાળકો સાથે હોય તો ઘરે થી નાસ્તો સાથે રાખવો……શક્ય છે કે- મંદિર નું જમવાનું કદાચ એમને અનુકુળ ન આવે……..અશક્તો માટે આ યાત્રા નથી……

તો- બસ વેકેશન પૂરું…….ઘંટી ના પડ ફરવા નું ચાલુ……..એ જ ઘરેડ માં ચાલો પાછા ગોઠવાઈ જઈએ….અને જો સમય મળે તો- આવી નાનકડી યાત્રા ઓ વછે જીવન ને ગુલાલ કરતા જઈએ…!!! અહી તો ચાલતા રહેવું એ જ જીવન છે………….!

સાધુ તો ચલતા ભલા…..!!!

રાજ


Leave a comment

BAPS રવિસભા- ૦૫/૧૧/૨૦૧૭

“અમારા અંતરનો જે સિદ્ધાંત છે તે કહીએ છીએ જે, જેને પોતાનું કલ્યાણ ઇચ્છવું તેને તો ભગવાન ને ભગવાનના સાધુ એથી ઉપરાંત બીજું કાંઈ જગતમાં સુખદાયી નથી. માટે જેમ પોતાના શરીરને વિષે જીવને આત્મબુદ્ધિ વર્તે છે તેવી ભગવાન ને ભગવાનના સંતને વિષે આત્મબુદ્ધિ રાખી જોઈએ અને ભગવાનના ભક્તનો પક્ષ દ્રઢ કરીને રાખ્યો જોઈએ………………..

….. ભગવાનનો ભક્ત હોય તે તો ભગવાનના ધામને જ પામે પણ વચમાં ક્યાંય તેને ભગવાન રહેવા દે નહીં. અને એ ભક્તજન હોય તેને પણ પોતાનું જે મન છે તેને પરમેશ્વરના ચરણારવિંદને વિષે દ્રઢ કરીને રાખવું……… જેમ વજ્રની પૃથ્વી હોય તેમાં વજ્રની ખીલી ચોડી હોય તે કોઈ રીતે ઊખડે નહીં, તેમ ભગવાનનાં ચરણારવિંદને વિષે પોતાના મનને દ્રઢ રાખવું. અને એવી રીતે જે ભગવાનનાં ચરણારવિંદને વિષે પોતાના મનને રાખે તેને મરીને ભગવાનના ધામમાં જવું એમ નથી, એ તો છતી દેહે જ ભગવાનના ધામને પામી રહ્યો છે……..


ભગવાન શ્રી સ્વામિનારાયણ- વચનામૃતમ- ગઢડા અંત્ય-૭

છેલ્લા કેટલાક રવિવાર થી રવિસભામાં અલપ-ઝલપ આવવા નું થતું આથી એક યા બીજા કારણે રવિસભા નો ગુલાલ તમારી સાથે ન કરી શક્યો…..દિવાળી આવી અને ગઈ અને ઉત્સવ ની સુવાસ છોડતી ગઈ….પણ જીવ તો એમ જ કહે છે કે- આ ઉત્સવ અને એની સુવાસ તો ત્યારે જ કાયમી રહે કે જ્યારે આ જીવ- એક ભગવાન અને એના ધારક સંત માં વજ્ર ની ખીલી ની જેમ જોડાય…..!

આજની સભામાં પુ.ઈશ્વર ચરણ સ્વામી એ  એજ વાત કરી ……અને જીવ પુનઃ બળવત્તર થઇ ગયો…….રીચાર્જ થઇ ગયો……માયા ની દીવાલ -સત્સંગ ના એક કાંકરા થી ખડી પડી……!!! તો- આજે સભામાં સમયસર પહોંચી ગયા…..સર્વ પ્રથમ શ્રીજી ના દર્શન……

This slideshow requires JavaScript.

સભાની શરૂઆત – હરિભક્તો-યુવકો ના ધુન્ય પ્રાર્થના થી થઇ….ત્યારબાદ એક હરિભક્તે- બ્રહ્માનંદ સ્વામી રચિત કીર્તન “…સખી હૈડે હરખ ન માય….” રજુ કર્યું…..ત્યારબાદ એક યુવકે- કૃષ્ણાનંદ સ્વામી રચિત… અમર ના સરદાર હરિ મારા ..નૈન તણા શણગાર” રજુ કર્યું જે અદ્ભુત હતું. એનો રાગ-સુર અદ્ભુત હતો…..પછી પુ.વિવેક મુની સ્વામી એ પ્રેમાનંદ સ્વામી રચિત બે કીર્તન રજુ કર્યા….” મુને સહજાનંદ સ્વામી…..સચ્ચિદાનંદ ..અંતરજામી રે..” અને ..”વારે વારે સહજાનંદ જી ને વારને રે…” ….

ત્યારબાદ પ.પુ.મહંત સ્વામી મહારાજ ના ગાંધીનગર અક્ષરધામ ખાતે ના વિચરણ ના અદ્ભુત વિડીયો દર્શન નો લાભ મળ્યો. અક્ષરધામ ગર્ભ ગૃહમાં ગુણાતીત પરંપરા અને અવતારો ની નવીન આકર્ષક મૂર્તિઓ ની પ્રતિષ્ઠા લાભ પાંચમ ના શુભ દિવસે થઇ…..એની સ્મૃતિ દર્શન આજે થયા…..

પ.પુ.મહંત સ્વામી મહારાજ ના અદ્ભુત આશીર્વચન નો પણ લાભ મળ્યો…….અને અક્ષરધામ નો મહિમા પુનઃ બળવંત થયો……..( એ પછી તો અમે રૂબરૂ નવીન મૂર્તિઓ ના દર્શન કરી આવ્યા …..ખરેખર અદ્ભુત છે….મુખ પર ના ભાવ….બારીક કોતરણી….અતુલ્ય સિંહાસન….દર્શન કરતા સંતૃપ્ત ન થાઓ..તેવા છે..)

ત્યારબાદ ઉપરોક્ત વચનામૃત -ગઢડા અંત્ય-૭ પર પુ.ઈશ્વર ચરણ સ્વામી ના પ્રવચન નો લાભ મળ્યો……જોઈએ સારાંશ….

  • ગઢડા અંત્ય-૨ અને ૭ -ના વચનામૃત યોગીજી મહારાજ ને પ્રિય હતા…..એમાં પણ અંત્ય-૭ માં શ્રીજી એ પોતાના અંતર ની વાત કરી છે…..આપણે આ વચનામૃત વાંચીએ છીએ…..પણ સમજીએ છીએ થોડું અને જયારે વર્તવા નું આવે ત્યારે અટકી જઈએ છીએ…..માટે કરવા નું આ છે…..
  • અહિયાં આત્મબુદ્ધિ ની વાત શ્રીજી એ કરી છે…..યોગીબાપા ની વ્યાખ્યા માં – આત્મ બુદ્ધિ એટલે – ભગવાન અને મોટા પુરુષ ની આજ્ઞા પ્રમાણે ની સેવા…….એમનો રાજીપો એટલે જ આત્મ બુદ્ધિ- અને ભગવાન અને મોટા પુરુષ નો રાજીપો- સંપ,સુહ્ર્દભાવ અને એકતા જેવા ગુણ માં છે…..
  • ભગવાન ના ભક્ત માં – આત્મ બુદ્ધિ મુજબ વર્તાય એટલે – શ્રીજી રાજી થાય…..મોટા પુરુષ અને ભગવાન ને સમજવા માં આપણી બુદ્ધિ ટૂંકી પડે……પણ જો એકવાર એમનામાં આત્મ બુદ્ધિ થાય તો – જીવ એમના માં યથાર્થ જોડાય…..અને એમનો પક્ષ જીવ શિર ને સાટે રાખે…….સહજ પ્રીત થાય…..
  • શ્રીજી ના સમય માં – ઝીણાભાઈ દરબાર હોય કે વરસા ના રાજાભાઈ હોય..તેમણે ભગવાન ના ભક્ત માં – આત્મ બુદ્ધિ રાખી….પોતાનું માન-સન્માન ઓછું કરી……પોતાના સગા સાથે વેર બાંધી ને પણ – ભગવાન ના ભક્ત ની સેવા કરી…….એમના માટે પોતાનું સર્વસ્વ અર્પણ કર્યું…….અને શ્રીજી નો રાજીપો પ્રાપ્ત કર્યો…..
  • પક્ષ હોય તો કદાપી કોઈ નો અભાવ ન આવે…..અને અભાવ ન હોય તો સદાયે પક્ષ રહે……..તો આપણે કરવા નું આ છે…….ભગવાન અને સંત -માં જે સુખ છે એવું સુખ બીજે ક્યાય નથી એમ સમજી એમનામાં દ્રઢ પણે જોડાવા નું છે…..એક એમનામાં જ સુખ છે એમ સમજવા નું છે….
  • યોગીબાપા કહેતા કે- પરમેશ્વર ના ચરણારવિંદ એટલે ગુણાતીત સત્પુરુષ….અને એક એમનામાં જોડાવું એટલે- કે જીવ ને શ્રીજી ના ચરણારવિંદ માં વજ્ર ની જેમ જોડવો…….અને જો એમ થાય તો છતે દેહે જ અક્ષરધામ મળે છે….

અદ્ભુત…..અદ્ભુત….!!!! જીવન માં એટલું સમજાય તો એ – જીવન ધન્ય થઇ જાય………સંપ,સુહાર્દભાવ અને એકતા…….એ ગુણ જ – ભક્ત ને – અન્ય ભક્ત માં – પક્ષ અને આત્મબુદ્ધિ જેવા ગુણ કેળવતા શીખવે છે………

સભાને અંતે- પુ.ઈશ્વર ચરણ સ્વામી એ જાહેરાત કરી કે- અમદાવાદ ના પાયા ના સંનિષ્ઠ હરિભક્ત અંબાલાલ પટેલ ના પુત્ર- માણેકલાલ ( પુ.પ્રિયવ્રત સ્વામી-આફ્રિકા ના પૂર્વાશ્રમ ના પિતાશ્રી) નું બે દિવસ પહેલા અક્ષરધામ ગમન થયું છે……અને સમગ્ર સભાએ સ્વામિનારાયણ ધુન્ય કરી શ્રદ્ધાંજલિ આપી. સભાને અંતે- “જમો ને જમાડું” અન્નકૂટ-૨૦૧૭ માં – વિશેષ સેવા કરનાર કાર્યકર-હરિભક્તો નું જાહેર માં બહુમાન કરવા માં આવ્યું….

ખરેખર………છતે દેહે- અક્ષરધામ નું અખંડ સુખ મેળવવા નો માર્ગ આપણી સમક્ષ છે….મોટા પુરુષ વારેઘડીએ -હોંકારા-પડકારા કરી આપણ ને જણાવે છે….પણ કોણ જાણે કેમ આપણા પ્રયત્ન જ ઓછા પડે છે…….અને એ માટે શ્રીજી-સ્વામી અને ગુરુહરિ ના ચરણો માં પ્રાર્થના કરીએ કે- આપણ ને દરેક હરિભક્ત માં સદાયે આત્મ બુદ્ધિ રહે…….સંપ,સુહૃદભાવ..એકતા અને પક્ષ જેવા સદગુણ સદાયે રહે……..દરેક હરિભક્ત આપણ ને બ્રહ્મ ની મૂર્તિ લાગે….મોટા પુરુષ અને ભગવાન માં જ સુખ છે- એમ મનાય…એમ પ્રમાણે જીવાય……!

જય સ્વામિનારાયણ….

રાજ

 


Leave a comment

BAPS રવિસભા-૧/૧૦/૨૦૧૭

“..સંતો હરિભક્તો અક્ષરધામ નું સ્વરૂપ છે……જો તેનો અભાવ આવે તો અભાવ લેનારો અક્ષરધામ માં જઈ શકતો નથી…..તેની સહાય બધા સંતો કરે….હરિભક્તો કરે તોય તેને ધામ મળતું નથી…..અભાવ નો દોષ બધા દોષ થી અધિક છે…….હરિભક્ત નો અભાવ લેતા જે દોષ લાગે છે તેવો તો કામ,ક્રોધ,લોભ માં પણ દોષ નથી…માટે ભક્ત માં અવગુણ ન પરઠવો ને દોષ દેખાઈ જાય તો તત્કાળ શમાવી દેવો ..જેથી અભાવ નું બીજ હૃદય માં ક્યારેય પ્રગટે નહિ…….

સંતો હરિભક્તો અલૌકિક છે…..તેમનો દૈહિક દોષ દેખી ને અભાવ ન લેવો….અભાવ લે છે તેને તેટલું ફળ ભોગવવું પડે છે….તે તો બ્રહ્મઅગ્નિ જેવા છે….લીલું,સુકું જે તેનો સ્પર્શ કરે તે બળી જાય એવો એમનો સહજ સ્વભાવ છે….તેની રક્ષા ભગવાન પણ કરી શકતા નથી…..સત્સંગ ના પાંચે નિયમ દ્રઢ કરી ને રાખે તેને સંત-હરિભક્ત જાણવા…….


ભગવાન શ્રી સ્વામિનારાયણ…..શ્રીહરિ ચરીત્રામૃત સાગર-૫ અને ૮ સ્કંધ

શ્રીજી ના અદ્ભુત વચનો……આપણા ગુરુહરિ મહંત સ્વામી મહારાજ ને અતિ પ્રિય -રાજીપા ની વાત…….સત્સંગી માટે તો અભાવ-અવગુણ એ ઝેર છે…..જેનામાં એ ઘુસ્યા તેનું પતન નક્કી..! આ જ વાત મહંત સ્વામી મહારાજ – અત્યારે અમેરિકા અને યુરોપ ના વિચરણ માં છે ત્યાં બધા ને વારંવાર કહી રહ્યા છે. તેમની સાથે વિચરણ માં ૧ માસ ગુજારી ને આવેલા પુ. ઈશ્વર ચરણ સ્વામી એ સભામાં આ વાત કરી.

તો આજની સમગ્ર સભા આ વાત પર હતી…..નવરાત્રી નું ભક્તિ પર્વ ગઈકાલે જ પૂરું થયું પણ ભક્તિ અહી નિરંતર -અવિરત ક્રિયા છે….આથી આજની સભામાં – હરિભક્તો નો માનવ મહેરામણ ઉભરાતો હતો……સર્વ પ્રથમ- શ્રીજી ના દર્શન…..એકાદશી ના દર્શન……

This slideshow requires JavaScript.

સભામાં સ્થાન ગ્રહણ કર્યું એ સમયે – યુવક મિત્રો દ્વારા ધુન્ય થઇ રહી હતી…..ત્યારબાદ જૈમીન વૈદ્ય દ્વારા ” મંદિરે પધારો પિયા …શ્યામ સોહાગી..” બ્રહ્માનંદ સ્વામી ની રચના રજુ થયું…….અદ્ભુત કીર્તન..!!! ત્યારબાદ સદ્ગુરુ જગદીશાનંદ રચિત કીર્તન..” અહોનિશ દર્શન દેજો રે……” યુવક મિત્ર દ્વારા જ રજુ થયું. પુ.કૃષ્ણ સ્વરૂપ સ્વામી ના કંઠે ..” હે મનમાની મોહન તારી મૂર્તિ રે…….” રજુ થયું જેના રચયિતા બ્રહ્માનંદ સ્વામી હતા…….

ત્યારબાદ પુ.વિવેક શીલ સ્વામી જેવા પ્રખર વક્તા ને મુખે” પ્રમુખ સ્વામી મહારાજ અને મહંત સ્વામી મહારાજ ની પરા ભક્તિ” પર પ્રસંગો થી ભરપુર – વક્તવ્ય રજુ થયું …જોઈએ સારાંશ….

  • બધા સદગુણો માં ભગવાન ની ભક્તિ શિરમોર છે…અને નિષ્કુળાનંદ સ્વામી કહે છે તેમ- ભક્તિ વિના બાકી ના સર્વે ગુણ- ક્રિયાઓ-કર્મ વ્યર્થ છે……
  • અને એમાયે આત્મનિવેદી ભક્તિ તો ગુણાતીત પુરુષો ની માલિકી ની ભક્તિ છે…….પ્રમુખ સ્વામી મહારાજ ને જુઓ તો સમજાય કે એમના જીવન ની એક પણ ક્ષણ – ભગવાન – વિનાની ન હતી….
  • દરેક ક્રિયામાં – એક ભગવાન જ આગળ…..એ જ કર્તાહર્તા…….એમનું જ ધાર્યું થાય…એવો દ્રઢ ભાવ……
  • મહંત સ્વામી મહારાજ તો કહે છે કે- એક ભગવાન ને લીધે આપણે છીએ……માટે ભગવાન ને સદાયે આગળ રાખવા……
  • કોઈ ક્રિયામાં અહં પણું નહિ……હું કરું છું- એવો ભાવ જ નહિ……અને એવા આ ગુણાતીત પુરુષ – અક્ષરબ્રહ્મ પુરુષ એ ભગવાન અને ભક્ત ને જોડતો એક સેતુ છે…….તે સદાયે ભગવાન સાથે જોડાયેલા રહે છે….અને શરણે આવેલા જીવ ને – ભગવાન ના માર્ગે લઇ જાય છે…જોડે છે……

અદ્ભુત વાત…! એ પછી ગુરુહરિ મહંત સ્વામી મહારાજ ના લંડન મંદિર ખાતે ના ૨૫ સપ્ટેમ્બર -૨૦૧૭ ના વિચરણ નો વિડીયો દર્શન નો લાભ મળ્યો……..જે નીચે ની લીંક દ્વારા જોઈ શકાશે…..

ત્યારબાદ- ગુરુહરિ સાથે ૧ માસ ના અમેરિકા અને યુરોપ ના વિચરણ નો લાભ લઇ પધારેલા પુ.ઈશ્વર ચરણ સ્વામી એ – અમેરિકા અને યુરોપ ના સત્સંગ ની માહિતી આપી અને મહંત સ્વામી મહારાજ ની રાજીપા ની વાત – અભાવ -અવગુણ પર શ્રીહરિચરિત્રામૃતસાગર ગ્રંથ ને આધારે અદ્ભુત પ્રવચન આપ્યું…..જોઈ સારાંશ….

  • અમેરિકા અને યુરોપ ( યુકે) માં સત્સંગ – સર્વોપરી કક્ષા એ છે…..અમેરિકા માં સંતો-હરિભક્તો ના દાખડા ને આધારે આજે લગભગ ૯૮ મંદિર છે…….જેમાં ૬ તો શિખરબદ્ધ મંદિરો છે…અક્ષરધામ તૈયાર થઇ રહ્યું છે…….એ ન્યુ જર્સી માં જ નાના મોટા ૧૯ મંદિરો છે…….
  • અને સત્સંગ માટે – ત્યાના હરિભક્તો નો ખપ જુઓ તો……મહંત સ્વામી મહારાજ -નવું ચરિત્ર કરી ને ત્યાં આગળ સવારે ૫-૩૦ પૂજા કરે છે……તેના દર્શન માં ભક્તો દુર દુર થી વહેલા વહેલા આવી જાય છે…સ્વયમ સેવકો તો સવારે ૩-૩૦ થી રાત્રે છેક  ૧૧ વાગ્યા સુધી પાર્કિંગ-ડેકોરેશન કે રસોડા ની સેવા જેવી વિવિધ સેવાઓ માં હોંશે હોંશે ઉભા હોય છે….! અદ્ભુત….! વાહ……….
  • પુ.પરમ તત્વ સ્વામી લિખિત ગ્રંથ – An Introduction to Swaminarayan Hindu Theology – કે જે Cambridge University press દ્વારા પ્રગટ થઇ છે…..એનું વિમોચન વિશ્વ વિખ્યાત પ્રોફેસર્સ ની હાજરી માં – મહંત સ્વામી મહારાજ ના હસ્તે- અમેરિકા અને લંડન માં વિમોચન થયું…….અને એના સર્વે નિષ્ણાત દ્વારા એટલા બધા વખાણ થયા કે-શું વાત કરવી..! ભવિષ્ય માં આ ગ્રંથ ઉપર થી ત્યાના વિદ્યાર્થી પીએચડી કરશે……..

ISHT_booklaunch_webbanner20170906_Robbinsville_booklaunch__3_

  • પુ.ભદ્રેશ સ્વામી એ – પ્રસ્થાનત્રયી પર રચિત પોતાના ગ્રંથ ને આધારે – અતિ ગહન કહી શકાય તેવો “વાદ ગ્રંથ” રચ્યો છે……જે સર્વે વિદ્વાનો- અભ્યાસુ-મુમુક્ષુઓ ના સંશય ને દુર કરી જ્ઞાન રેલાવશે…..તેનું પણ વિમોચન મહંત  સ્વામી મહારાજે કર્યું…..જેને હાજર રહેલા વિદ્વાનો એ ખુબ વખાણ્યું…!!! અને અમેરિકા માં ખુબ મોટો પ્રસંગ થયો…ઉત્સવ થયો…..! ચારેબાજુ ડંકા વાગી ગયા………એમ કહી શકીએ….
  • લંડન માં – સાઉથ લંડન માં આપણું નવું મંદિર બન્યું છે……અને ઇસ્ટ લંડન માં પણ નવું મંદિર નું પ્રતિષ્ઠા- કાર્ય મહંત સ્વામી મહારાજ ના આશીર્વાદ થી થશે……….એ પછી મહંત સ્વામી મહારાજ પેરીસ જશે……ત્યાંથી દિલ્હી….અને ત્યાંથી ગાંધીનગર અક્ષરધામ ના ૨૫ વર્ષ પુરા થઇ રહ્યા છે..તેના રજત ઉત્સવ માં અહી પધારશે……

અદ્ભુત…અદ્ભુત………!!! મહંત સ્વામી મહારાજ નો આટલી ઉમરે દાખડો જુઓ તો સમજાય કે- જીવ માત્ર ના કલ્યાણ માટે ગુણાતીત પુરુષો એ પોતાનો દેહ કૃષ્ણાર્પણ જ કરી દીધો છે……ન કોઈ ઊંઘ ની કે આરામ ની ચિંતા……..ન કોઈ આહાર ની ચિંતા……! બસ સત્સંગ ની જ વાત……!!!

ત્યારબાદ પુ.ઈશ્વર ચરણ સ્વામી એ – મહંત સ્વામી મહારાજ ની રાજીપા ની વાત – અભાવ -અવગુણ પર શ્રીહરિચરિત્રામૃતસાગર ગ્રંથ ને આધારે અદ્ભુત પ્રવચન આપ્યું…અને સ્વામી શ્રીજીને પ્રાર્થના કરી કે તમામ હરિભક્તો અને સંતો માં સદાયે અલૌકિક ભાવ રહે………

સભાને અંતે અમુક જાહેરાત થઇ…….

  • આજે સત્સંગ જ્ઞાનામૃતમ પર યુવકો માટે સ્પર્ધા હતી..તેના વિજેતા ઓ નું સન્માન થયું….
  • સત્સંગ શિક્ષણ પરીક્ષા નું પરિણામ પ્રગટ થયું છે…જેના ઉતીર્ણ -તારલા ઓ નું સન્માન થયું…અમદાવાદ નું રીઝલ્ટ ૫૦% ની આસપાસ રહ્યું છે…પણ ૭ ગોલ્ડ મેડાલીસ્ટ અહી થી છે…….
  • નવીન ઓડીઓ કીર્તન સીડી – જોઈ મનોહર મૂર્તિ તારી – પ્રગટ થઇ છે…..અમૃત હર્બલ કેર દ્વારા – દિવાળી ગીફ્ટ પેક રજુ થયા છે…………

તો આજની સભા અદ્ભુત હતી……..સત્સંગ માં કેમ રહેવાય…કેમ પ્રગતિ થાય…….અને સત્સંગ નો શું મહિમા છે….- એ સર્વે પ્રશ્નો નો ઉત્તર અહી મળ્યો…! સાત સમંદર દુર – અમેરિકા અને યુરોપ માં જો આપણા હરિભક્તો આવો સર્વોપરી સત્સંગ કરી શકતા હોય તો- આપણે બધા કેમ નહિ…???

સત્સંગ માં આ જ વિચારવા નું છે……………….

જય સ્વામિનારાયણ………..રાજી રહેજો…!!!

રાજ