Raj Mistry's world

Me,my stories and world around….


Leave a comment

BAPS રવિસભા – ૧૭/૦૯/૨૦૧૭

“….સંપ, સુહ્ર્દભાવ ..અને એકતા વગર બ્રહ્મરૂપ થવાય જ નહિ…….”

પ્રગટ અક્ષરબ્રહ્મ મહંત સ્વામી મહારાજ

આજ ની સભા – પ્રત્યક્ષ ગુરુ રૂપ હરિ ની પ્રતિક જન્મ જયંતી ની સભા હતી…….માટે એમની રૂચી..એ જ એમનો રાજીપો હતો. આપણે પામર ભક્ત તો એમને શું આપી શકીએ?? ….કદાચ આપી શકીએ તો પણ ત્રેવડ વગર નું….પણ હા…જો એમના રાજીપા નો..એમની રૂચી પ્રમાણે આપણે- સત્સંગ અને જીવન માં – સંપ..સુહ્ર્દભાવ અને એકતા રાખી શકીએ …હરિભક્તો ..સંતો નો પરસ્પર મહિમા સમજી ને વર્તી શકીએ તો- મોટા પુરુષ રાજી થાય…!

આજની સભા – ઉત્સવ સભા હતી અને ધારણા મુજબ જ સમગ્ર સભા હોલ ખીચોખીચ ભરેલો હતો…….સૌપ્રથમ જગત ના નાથ ના દર્શન………

21462692_1454563041248326_3738121026768496242_n

સભાની શરૂઆત યુવક મિત્રો દ્વારા ધુન્ય કીર્તન થી થઇ…….પુ. શુભ કીર્તન સ્વામી એ સત્પુરુષ જન્મજયંતી ની લાગણી ઓ ને વાચા આપતું કીર્તન રજુ કર્યું….” અભિવાદન…જન્મદિન …” જાણે કે સમગ્ર સભા તરફ થી સ્વામીશ્રી ને માટે હતું. ત્યારબાદ યુવક મિત્રો એ કોરસ માં….” હે વિશ્વમ્ભર….વિશ્વનિયંતા ..સહજાનંદ અવતારી….” રજુ કર્યું……પરબ્રહ્મ ના યથાર્થ સ્વરૂપ ને જાણ્યા વગર..સમજ્યા વગર કલ્યાણ શક્ય જ નથી એ જ આ પધ્ય નો સાર હતો. ત્યારબાદ પ્રગટ અક્ષરબ્રહ્મ મહંત સ્વામી ની સ્પષ્ટ આજ્ઞા મુજબ – ગુરુભક્તિ ને જ હમેંશા આગળ રાખી ને બે વિડીયો દર્શન નો લાભ મળ્યો…….જેમાં પ્રથમ વિડીયો માં પ્રમુખ સ્વામી મહારાજ ના દિવ્ય સ્મૃતિ ઓ ના દર્શન નો લાભ મળ્યો તો..બીજા માં મહંત સ્વામી મહારાજે – સદાયે પોતાના ગુરુ પ્રમુખ સ્વામી મહારાજ ના મહિમા ની જ વાત કરી છે…..એની સ્મૃતિ નો લાભ મળ્યો…..! અદ્ભુત વિડીયો દર્શન…..

ત્યારબાદ પુ.નિર્મળ ચરિત સ્વામી એ પ્રગટ ગુરુહરિ મહંત સ્વામી મહારાજ ની પરાભક્તિ ના વિવિધ પ્રસંગો રજુ કર્યા………..જેનાથી સર્વે ને સમજાયું કે ગુણાતીત પુરુષો ને શ્રીજી માટે કેવો ઈશક હોય છે……અને આપણે એમનામાં થી શું શીખવા નું છે???…જોઈ સારાંશ

  • મહંત સ્વામી મહારાજ અનિવાર્ય સંજોગો સિવાય ક્યારેય મંગળા આરતી ના દર્શન ભૂલ્યા નથી….જો એ ન થાય તો એ ઉપવાસ કરી નાખે…એટલી દ્રઢતા એમણે દર્શાવી છે…..
  • નિયમ ધર્મ ની દ્રઢતા એવી કે ગુરુ પદે આવ્યા પછી ૮૩ વર્ષ ની ઉમરે- જન્માષ્ટમી ના નિર્જળા ઉપવાસ ના દિવસે તેમણે એક જ દિવસ માં કુલ ૭૧ દંડવત કરેલા….!!! હવે વિચારો ..આપણું ગજું..આપણો ઈશક કેટલો???
  • દરેક ક્રિયા….દરેક કાર્ય માં એક શ્રીજી ને જ આગળ રાખવા ના…કર્તાહર્તા સમજી કર્મ કરતા રહેવા ના…! ભગવાન સાથે નું અનુસંધાન નિરંતર રહેવું જોઈએ..એવી દ્રઢતા…એવું વર્તન…!

ત્યારબાદ – જન્મજયંતી ની આ સભા માં વિડીયો ના માધ્યમ થી પુ.કોઠારી ભક્તિપ્રિય સ્વામી એ મહંત સ્વામી મહારાજ ના શરૂઆત ના વર્ષો અને સમગ્ર જીવન ની વાત કરતા કહ્યું કે- સ્વામી ની નિષ્ઠા…કાર્ય શૈલી એટલી પ્રબળ અને ઝીણવટ ભરી કે…શ્રીજી ની મૂર્તિ નો શણગાર હોય…હાર બનાવવા ના હોય…..કે ઠાકોરજી ની પૂજા અર્ચના હોય…તેઓ સમગ્ર ક્રિયામાં જાણે કે એકાકાર થઇ જતા…સતત કથા વાર્તા-ભક્તિ નું જ અનુસંધાન…..સ્વામી-શ્રીજી ને કઈ રીતે રાજી કરી શકાય તેનું જ તાન…! ત્યારબાદ – મહંત સ્વામી મહારાજ ના સ્વ મુખે – ગુરુ ભક્તિ અને ગુરુ મહિમા ના અનન્ય પ્રસંગો નો લાભ મળ્યો……

પુ.ડોક્ટર સ્વામી જેવા -સ્વામીશ્રી ના સખા …સ્વામી ને અતિ નિકટ થી નિહાળેલા – એવા સદ્ગુરુ સંતે વિડીયો ના માધ્યમ થી – સ્વામીશ્રી નો મહિમા કહેતા કહ્યું કે- જયારે મહંત સ્વામી ને દીક્ષા લેવાની હતી ત્યારે – એમના ઘર ની આર્થિક સ્થિતિ ડામાડોળ હતી…એમના ભાભી એ યોગીબાપા ને પત્ર લખી વિનંતી કરી કે- અમુક સમય બાદ -વીનું ભગત ને દીક્ષા આપવી જેથી એ સમય દરમ્યાન એ નોકરી કરી- ઘર ને મદદ કરી શકે …પણ યોગીબાપા એ કહ્યું કે……વીનું ભગત તો સંકલ્પ કરશે અને લાખો રૂપિયા ના ઢગલા થશે…!!! અને એ સત્ય સાબિત થયું. મહંત સ્વામી મહારાજ નું સમગ્ર જીવન એ ગુરુ ભક્તિ…દ્રઢ નિયમ ધર્મ..દ્રઢ નિષ્ઠા નું ઉદાહરણ છે.

ત્યારબાદ સમગ્ર સભા ને – મહંત સ્વામી મહારાજ ની ભક્ત વત્સલતા નું દર્શન કરાવતા વિડીયો નો લાભ મળ્યો. એ પછી કોઠારી પુ.આત્મકીર્તિ સ્વામીએ પ્રસંગોચિત ઉદબોધન કરતા કહ્યું કે…..સત્સંગ માં એકબીજા નો મહિમા સમજાય  તો ભેટમભેટા…નહીતર છેટામછેટા ………! મહંત સ્વામી મહારાજ સર્વે નો મહિમા સમજે..નાના માં નાનો સત્સંગી હોય પણ તેનું પણ સાંભળે…..કોઈ દુર થી પ્રાર્થના કરતુ હોય..કહી ન શકતું હોય…..છતાં પણ એના અંતર નું એ સમજી લે…..એના સંકલ્પ પણ પુરા કરે…એવું અનેક પ્રસંગે જોવા મળ્યું છે…..! દરેક હરિભક્ત ને નિર્વાસનિક ..બ્રહ્મ ની મૂર્તિ જ સમજે…..કોઈ નો ય અભાવ ગુણ લેવા નો જ નહિ…..! આમ, આવા સત્પુરુષ માં આપણું જોડાણ જેટલું વધે ..તેટલું જ સતસંગ માં આપનું સુખ..આપણી સમજણ….આપણી ભક્તિ વધશે.

સાથે સાથે પુ.ત્યાગવલ્લભ સ્વામી ની નિશ્રામાં -આપણા ૧૭૬ જેટલા સંતો- ચારધામ ની યાત્રા કરી આવ્યા……તેની પણ વાત કરી…..! ત્યારબાદ વિડીયો ના માધ્યમ થી સ્વામીશ્રી એ – સ્વયમ પોતાની રૂચી- યોગી ગીતા માં વર્ણવેલા યોગીજી મહારાજ ના સિધ્ધાંત પર છે…એની વાત કરી. …સત્પુરુષ ની આજ્ઞા…એમની કસની….એમના ભીડા….એમના રાજીપા માં કઈ રીતે રહેવાય – એના માટે આપણે અંતર ને કેવું શુદ્ધ કરવું પડે……સ્વભાવો મુકવા પડે…..મન ને મારવું પડે….મહિમા સમજવો પડે……તો જ બ્રહ્મ રૂપ થવાય..! સ્વામીશ્રી એને જ બ્રહ્મવિદ્યા કહે છે…..!

ત્યારબાદ અમદાવાદ ના સમગ્ર હરિભક્તો એ સ્વામીશ્રી ના જન્મદિન ને ઉજવવા – એમની રૂચી મુજબ નું એક અભૂતપૂર્વ કાર્ય કર્યું….એકબીજા નો હાથ પકડી- માનવ-ભક્તિ હાર બનાવ્યો……બેપ્સ એક પરિવાર..અમારો પરિવાર સંપીલો પરિવાર એમ કહી- સંપ ના ગુણ ના મહિમા ને- સ્વામીશ્રી ની રૂચી ને ડંકા ની ચોટે ઉજવી…!!! અદ્ભુત..અદ્ભુત…! આમ, પરસ્પર જો મહિમા સમજાય તો બાકી શું રહે???

ત્યારબાદ “જમોને જમાડું” અન્નકૂટ સેવા પ્રોજેક્ટ માં જોડાયેલા સર્વે ને બળ આપતો- અનુભવ પ્રસંગ- પ.ભ. જીતુભાઈ ચૌહાણે કહ્યો….! સર્વે ને આ સેવા નો લાભ મળે- સર્વે ની સેવા થાય……એ માટે એમણે જે દાખડો કર્યો છે…તેની વાત થાય એમ નથી. અત્યાર સુધી માં એમણે ૩૦૦ થી વધુ મુમુક્ષુઓ ને આ સેવા માં જોડ્યા છે..અને આ કાર્ય હજુ આગળ વધારતા રહેવા માટે કટિબદ્ધ છે..તેમ પણ જણાવ્યું..!!! અદ્ભુત અદ્ભુત…!!!

સભાને અંતે અમુક જાહેરાત થઇ….

  • મુંબઈ ના અંગ્રેજી પ્રકાશન Enlighten India એ પોતાના કવર પેજ પર મહંત સ્વામી મહારાજ નો ફોટો પબ્લીશ  કરી કવરેજ પણ કર્યું છે. એમના પ્રકાશક શ્રી કેતન ભાઈ અને એમના સહાયક નું સન્માન પણ જાહેર માં થયું.

21430577_1614248988627498_4354463642089004171_n

  • અમૃત હર્બલ કેર દ્વારા ૯ નવા -ઉત્પાદનો રજુ થયા..તુલસી ના અર્ક થી માંડી ને -મુખવાસ સુધી ના આ પ્રોડક્ટ્સ ને વસાવવા માં આવશે..!
  • નવા વર્ષ ના કેલેન્ડર – જેને રસ હોય તેણે મંદિર નો સંપર્ક કરવો….

છેલ્લે – આરતી અને પુષ્પાંજલિ દ્વારા સભાનું સમાપન થયું….!!!

અદ્ભુત…અદ્ભુત…!! સત્સંગ હોય કે જીવન- જો આપને એકબીજા નો મહિમા…એમના ગુણ…એમની મહત્તા નો વિચાર કરી ને વર્તીએ તો- દુનિયા ની લગભગ સંપૂર્ણ સમસ્યા ઓ નો નિકાલ સહજ થઇ જાય..! પણ કદાચ એ કઠીન છે…….પણ જો આવા સાધુ મળે…એમનો સમાગમ મળે…એમની વાત જીવ માં ઉતરે..અને શ્રીજી ની કૃપા થાય તો અશક્ય પણ શક્ય થઇ જાય…એમાં કોઈ શક નથી…!

……..સર્વે હરિભક્તો ને સાષ્ટાંગ દંડવત સહીત જય સ્વામિનારાયણ…….

રાજ

 

Advertisements


Leave a comment

BAPS રવિસભા-૦૩/૦૯/૨૦૧૭

“….આપણે સત્સંગ માં રહેવું હશે તો ઝેર પી ને પણ સંપ રાખવો પડશે…..”


બ્રહ્મ સ્વરૂપ પ્રમુખ સ્વામી મહારાજ

સંપ, સુહર્દભાવ અને એકતા- યોગીજી મહારાજ ના જીવન સૂત્ર હતા……અને આજે એમના જ શિષ્ય પ્રગટ અક્ષરબ્રહ્મ મહંત સ્વામી મહારાજ ના પણ એ જ રાજીપા ના સૂત્ર છે. મહંત સ્વામી મહારાજ તો કહે છે કે – સંપ હશે તો બધું જ થઇ રહેશે……..એના વગર કશું જ નહિ થાય..! અને આજે જે જગ્યા એ એ વિચરણ માં હોય ત્યાં – સંપ,સુહર્દભાવ અને એકતા ના સૂત્ર સર્વે ને જરૂર ગોખાવે છે. છેવટે તો- સત્પુરુષ નો રાજીપો હોય તો જ જીવ બ્રહ્મરૂપ થાય…….અને એ માટે – એમના રાજીપા ના આ સૂત્ર જીવમાં….ઝેર પી ને પણ…..ગમ ખાઈ ને પણ …ખોટ ખાઈ ને પણ દ્રઢ કરવા ના છે……….! એ રાજી તો શ્રીજી રાજી…!! અને એ થશે તો છતે દેહે અક્ષરધામ નું સુખ આહી બેઠા આવશે…એની ગેરંટી..!

ગઈ રવિસભા નો પણ લાભ લઇ ન શકાયો……..આજે સભામાં થોડાક મોડા પહોંચ્યા. શ્રી ગણેશ વિસર્જન ના નામે રોડ પર થતા ધજાગરા…..દુખ દાયક છે..પણ શું થાય?? સભામાં પહોંચ્યા પહેલા શ્રીજી ના મન ભરી ને દર્શન કરવામાં આવ્યા……

21231016_1440321399339157_8210796592232093184_n

સભામાં સ્થાન ગ્રહણ કર્યું એ સમયે પૂજ્ય કૃષ્ણ સ્વરૂપ સ્વામી ના કંઠે એક કીર્તન પૂરું થઇ રહ્યું હતું. ત્યારબાદ પુ.વિવેક મુની સ્વામી એ ” વ્હાલા અક્ષરધામ ના વાસી ..મારે હૈયે કરજો નિવાસ…” અને યુવક મિત્ર જૈમીન વૈદ્ય દ્વારા સદ્ગુરુ મંજુકેષાનંદ રચિત  ..” મોહે પ્યારી રે નટવર નાથ..મૂર્તિ તારી રે..” રજુ થયું…! અદ્ભુત…….ધારો કે કીર્તન ન હોત તો કદાચ સત્સંગ માં સુર જ ન હોત…એમ હું માનું છું…!

ત્યારબાદ જાહેરાત થઇ કે -આજની સભામાં પુ.બ્રહ્મવિહારી સ્વામી – પ્રવચન નો લાભ આપવા ના હતા પણ આપણા માનનીય રાષ્ટ્રપતિ અત્યારે ગુજરાત ની મુલાકાતે છે અને તેમની સાથે અગત્ય ની મીટીંગ હોવાથી એ આવી ન શક્યા……તેથી સમગ્ર પ્રોગ્રામ બદલાયો. એટલે પુ. અમૃતકીર્તિ સ્વામી કે જેમણે પૂજ્ય ડોક્ટર સ્વામી ના સેવક સંત તરીકે લાંબો સમય સેવા આપી છે તેમના મુખે- બ્રહ્મ સ્વરૂપ પ્રમુખ સ્વામી મહારાજ ના પ્રેરણા દાયી જીવન પ્રસંગો નું પાન કરવા નો મોકો મળ્યો…….: પ્રમુખ સ્વામી મહારાજ ના જીવન માં પ્રાર્થના નો મહિમા..” એ વિષય પર એમણે ખુબ જ રસપ્રદ પ્રસંગો ની વાત કરી….આપણે જોઈએ માત્ર સારાંશ…..

  • બ્રહ્મ સ્વરૂપ પ્રમુખ સ્વામી મહારાજ ના જીવન માં કદાચ કોઈ પલ એવી નહિ હોય કે જેમાં પ્રાર્થના નો અંશ ન હોય……સતત બીજા નું ભલું ઇચ્છવું……સંતો-હરિભક્તો-સમાજ-દેશ -જીવ માત્ર ના સુખાકારી માટે પ્રાર્થના કરવી અને કરાવવી એ એમના જીવન નો પાયા નો ભાગ હતો….
  • એ કહેતા કે- ભગવાન જ સર્વ કર્તાહર્તા છે……..એની મરજી હશે તેમ જ થશે…પણ આપણે પ્રાર્થના કરતા રહેવું…….એ શૂળી નો ઘા સોય થી ટાળી ને પણ આપણી રક્ષા કરશે…….એમ સદાયે બળ રાખવું…..પ્રાર્થના ન ફળે તો હિમત ન હારવી…….એ તો શ્રીજી ને આપણું સારું કરવું હશે -તે જ કરશે……
  • આમ, પ્રાર્થના દ્રઢતા થી…પૂર્ણ વિશ્વાસ થી કરવી…….જે કઈ થાય છે..તે એક શ્રીજી જ કરે છે એમ માનવું….એમ માનવા થી દુખ-સુખ ન લાગે અને સ્થિર રહેવાય.

અદ્ભુત……અદ્ભુત..! ગુણાતીત પુરુષ ના જીવન માં થી શીખવા નું આ જ છે. એમના જીવન ની પ્રત્યેક ક્ષણ – એ મોક્ષ દાયક હોય છે……એ અહી સ્પષ્ટ દેખાય છે.

ત્યારબાદ પ્રગટ અક્ષરબ્રહ્મ મહંત સ્વામી મહારાજ -અત્યારે અમેરિકા- રોબીન્સ્વીલે અક્ષરધામ માં વિચરણ-દર્શન-સુખ આપી રહ્યા છે……તેમના એ દિવ્ય વિચરણ ના વિડીયો દર્શન નો લાભ સર્વ ને મળ્યો. જે નીચેની લીંક પર થી આપણે કરી શકશું……

તારીખ ૨૬/૮/૧૭ અને તારીખ ૨૭/૮/૧૭ ના દર્શન અહી થી કરી શકીશું.

ત્યારબાદ પુ. વિવેક મુની સ્વામી એ “સંપ, સુહર્દભાવ અને એકતા..” ના વિષય હેઠળ- વચનામૃત, ગુણાતીત પુરુષો ના જીવન ચરિત્ર ને આધારે -અદ્ભુત પ્રવચન નો લાભ આપ્યો…….આપણે ફક્ત સારાંશ જોઈશું…..

  • અનાદિ મૂળ અક્ષર ગુણાતીતાનંદ સ્વામી એ પોતાની અક્ષર વાતો (૩/૧૭) માં કહ્યું છે કે…..

“…..ચાર વાતું છે તે તો જીવનું જીવન છે. તે શું? તો એક તો મહારાજની ઉપાસના ને બીજી મહારાજની આજ્ઞા ને ત્રીજી મોટા એકાંતિક સાધુ સાથે પ્રીતિ ને ચોથું ભગવદી સાથે સુહૃદપણું…………, એ ચાર વાતું તો જીવનું જીવન છે, તેને તો મૂકવી જ નહિ. ………………..”

  • એમાં એ યોગીબાપા કહેતા કે – સુહ્ર્દભાવ કહેતા કે ભગવાન ના ભક્ત સાથે સુહર્દભાવ હોય તો આગળ ના ત્રણ સાધન- આજ્ઞા,ઉપાસના અને મોટા એકાંતિક સાધુ સાથે પ્રીતિ- એ સહેજે સિદ્ધ થાય છે….
  • દેહ ના કલ્યાણ ના ચાર સાધન – આહાર,નિંદ્રા,શ્રમ અને ધર્મ જેમ જરૂરી છે તેમ જીવ ના આ ચાર સાધન સિદ્ધ કર્યા વગર -જીવ નું કલ્યાણ થતું નથી.
  • મહંત સ્વામી મહારાજે પણ સંપ,સુહર્દભાવ અને એકતા પર ખુબ જ ભાર મુક્યો છે. માર્ચ-૨૦૧૭ માં થયેલા -એમના આફ્રિકા વિચરણ માં -સ્વામીશ્રી એ -સંપ- સુહ્ર્દભાવ પર પોતાનો અઢળક રાજીપો બતાવ્યો. ..એ કહે છે કે- નાના માં નાના હરિભક્ત સાથે સંપ એટલે જ સાચી આત્મબુદ્ધિ……!!
  • સત્પુરુષ નો -શ્રીજી નો રાજીપો- સમયાંતરે બદલાય છે…..શ્રીજી ના સમય માં -મહારાજ નો રાજીપો- પોતાનું સ્વરૂપ ઓળખાવવા માં હતો…તો શાસ્ત્રીજી મહારાજ ના સમય માં તેમનો રાજીપો- અક્ષર પુરુષોત્તમ મહારાજ નું સ્વરૂપ મૂર્તિમંત કરતા મંદિરો બાંધવા માં હતો…….યોગીજી મહારાજ નો રાજીપો- સંપ,સુહર્દભાવ ..એકતા ને દ્રઢ કરાવવા માં હતો તો..આજે વર્તમાન કાલે – મહંત સ્વામી મહારાજ નો રાજીપો- એ જ યોગીજી મહારાજ ના રાજીપા ને સત્સંગ માં દ્રઢ કરાવવા માં છે………
  • પ્રમુખ સ્વામી મહારાજ તો કહેતા કે- સંપ, સુહર્દભાવ અને એકતા જો સત્સંગ માં દ્રઢ કરવા હોય તો- આપણે ચાર વાત સિદ્ધ કરવી પડશે…….. ૧) મન ધાર્યું મુકવું…૨ ) ખમવું…૩) ઘસાવું…….૪) અનુકુળ થાવું…..જો આ ચાર ગુણ સિદ્ધ થશે તો- સર્વ હરિભક્તો પ્રત્યે સંપ-સુહ્ર્દભાવ આપોઆપ આવશે…….આત્મ બુદ્ધિ સહેજે દ્રઢ થશે…….અને બ્રહ્મરૂપ થવાશે…..
  • મહંત સ્વામી મહારાજ કહે છે કે- સંતો-હરિભક્તો એ પરસ્પર મહિમા સમજવો…સર્વે અક્ષરમુક્ત છે…..તેમ સમજી વર્તવું……અને જો એમ નહિ થાય તો અક્ષરધામ નહિ જવાય …..
  • માટે જો અક્ષરધામ નું સુખ છતે દેહે લેવું હોય તો- સત્સંગ માં સર્વે નો મહિમા સમજવો જ પડશે…….સંપ…સુહર્દભાવ…એકતા રાખ્યા સિવાય છૂટકો જ નથી….!!!

અદ્ભુત….અદ્ભુત……! અઢળક પ્રસંગો સાથે- સત્સંગ ની પાયા ની વાત – પુ.વિવેક મુની સ્વામી એ કહી…જો એ જીવ માં દ્રઢ થાય તો- જીવન માં કોઈ નો એ અભાવ-અવગુણ ન આવે……દ્રોહ ન થાય……બ્રહ્મરૂપ થવાય અને શ્રીજી નું સુખ છતે દેહે મળે…!

સભાને અંતે અમુક જાહેરાત થઇ……

  • આવતી રવિસભા એ વિશેષ સભા છે- યુવકો દ્વારા વિશેષ પ્રોગ્રામ થશે…..અચૂક લાભ લેવો. અને એના પછી ની રવિસભા – ૧૭/૯ – એ અક્ષર દેરી પ્રેરણા સભા તરીકે યોજાશે.
  • “જમો ને જમાડું” સત્સંગ -સેવા પ્રોજેક્ટ માં સર્વે કાર્યકરો સાથે સાથે હરિભક્તો એ પણ ભાગ લઇ- સત્સંગ ને ….શ્રીજી ની સેવા ને જન જન સુધી પહોંચાડવા ની છે…..
  • અમૃત હર્બલ કેર તરફ થી – એપલ સીડાર વિનેગર લીક્વીડ – પ્રસ્તુત થઇ છે…….

તો આજની સભા નો એક જ સાર……….સત્સંગ નુ બીજું નામ જ સંપ……અને જ્યાં સંપ હોય ત્યાં જ સત્પુરુષ અને શ્રીજી નો રાજીપો હોય……….! કુટુંબ હોય કે સત્સંગ પરિવાર- સંપ રાખ્યે જ કલ્યાણ છે………

જય સ્વામિનારાયણ……………

રાજ


Leave a comment

BAPS રવિસભા-૧૯/૦૩/૨૦૧૭

ब्रह्मविद् आप्नोति परम्’ (તૈત્તિરીય આનંદવલ્લી, ૧)

અર્થાત- જે અક્ષરબ્રહ્મને જાણે છે તે પરબ્રહ્મને પ્રાપ્ત કરે છે.’

‘आविः..एजत्‌ प्राणन्निमिषत्व्च यदेतज्जानथ…वरेण्यं परं विज्ञानाद्‌ वरिष्ठं प्रजानाम्‌। …तदेतद्‌ अक्षरं ब्रह्म।’ (મુંડક ઉપનિષદ ૨/૨/૧,૨). ‘आविः’ કહેતાં તે અક્ષરબ્રહ્મ આવિર્ભૂત થાય છે. અનેક આત્માઓના ઉદ્ધાર માટે તે તે બ્રહ્માંડોમાં મનુષ્યરૂપ ધારી પ્રગટ થાય છે.

‘यस्य देवे पराभक्तिर्यथा देवे तथा गुरौ। तस्यैते कथिता ह्यर्थाः प्रकाशन्ते महात्मनः॥’ (શ્વેતાશ્વતર ઉપનિષદ, ૬/૨૩)

અર્થાત-જેવી પરોક્ષ દેવને વિષે જીવને પ્રતીતિ છે તેવી જો પ્રત્યક્ષ ગુરુરૂપ હરિને વિષે આવે તો જેટલા અર્થ પ્રાપ્ત થવાના કહ્યા છે તેટલા સર્વે અર્થ તેને પ્રાપ્ત થાય છે.’ (વચનામૃત ગઢડા અંત્ય પ્રકરણ, ૨)


અનાદિ મૂળ અક્ષર ગુણાતીતાનંદ સ્વામી એ – ભક્તજનો ના કલ્યાણ માટે વર આપ્યું કે “હું તો ચિરંજીવી છું” અને ગુણાતીત પરંપરા આપણ ને ભેટ આપી….શ્રીજી  એ વચનામૃત- વરતાલ-૧૯ માં કહ્યું તેમ…પોતાના એ ગુણાતીત સંત દ્વારા પ્રગટ રહેવા નું વચન આપ્યું……માટે જે સત્સંગ સુખ ના  હિલોળા શ્રીજી ના સમય માં -ભક્તો ને મળ્યા ..એવા જ સુખ ના હિલોળા આજે પણ પ્રગટ અક્ષરબ્રહ્મ સત્પુરુષ- મહંત સ્વામી મહારાજ ના સાનિધ્ય માં આપણ ને મળી રહ્યા છે….શ્રીજી નું પ્રગટ પ્રમાણ આજે પણ અનુભવાય છે……..તો આજ ની સભા એ આનંદ ને યથાર્થ માણવા ની હતી….સત્પુરુષ ને સમજવા ની હતી…..કારણ કે પ્રગટ અક્ષર ને સમજીશું તો જ શ્રીજી ઓળખાશે…..અને એ જ અક્ષર ને વિષે જો આત્મબુદ્ધિ થશે તો જ શ્રીજી ની પ્રાપ્તિ થશે…….(વરતાલ-૧૧)

સભામાં સમયસર પહોંચી ગયા અને સર્વ પ્રથમ શ્રીજી ના શ્વેત વસન માં દિવ્ય દર્શન નો લાભ પ્રાપ્ત થયો…..

collage_20170319174224668_20170319174332162.jpg

સભાની શરૂઆત પુ.વિવેક્મુની સ્વામી દ્વારા “ભજમન સ્વામિનારાયણ…” ધુન્ય થી થઇ અને પછી યુવક મિત્ર દ્વારા મુક્તાનંદ સ્વામી રચિત કીર્તન- “સુખસાગર હરિવર સંગે સુખ માય જો…” અને પુ.વિવેક્મુની સ્વામી દ્વારા “વંદન વારંવાર યોગીજી ને..” રજુ થયા……

ત્યારબાદ પ્રગટ અક્ષરબ્રહ્મ  મહંત સ્વામી મહારાજ નો ન્યુ પીંડવારા અને માઉન્ટ આબુ ગુરુકુળ ખાતે ના વિચરણ ના વિડીયો દર્શન નો લાભ મળ્યો…….જે નીચેની લિંક પર થી જોઈ શકાશે…

ત્યારબાદ નવસારી મંદિર ના મહંત પુ. આચાર્ય સ્વામી એ તેમની ખુબ જ રસાળ..રસપ્રદ અને રમુજી શૈલી માં -ઉપરોક્ત ઉપનિષદો એ ગયેલા- અક્ષરબ્રહ્મ ના મહિમા નું વર્ણન કરતા…..જીવ ને એક પ્રગટ અક્ષર બ્રહ્મ સત્પુરુષ માં જોડવા વિષે ઊંડાણ પૂર્વક વાત કરી…..જોઈએ સારાંશ…..

  • કથા વાર્તા….કીર્તન….ધ્યાન એ સર્વે ભગવાન ને રાજી કરવા ના ઉપાય છે…..નિર્દોષ બુદ્ધિ …..એ પણ ભગવાન ને -સંત ને રાજી કરવા નો એક શ્રેષ્ઠ ઉપાય છે..જેના વગર સત્સંગ માં આગળ વધાતું જ નથી….
  • સત્પુરુષ ના પ્રત્યેક શબ્દ એ જો જીવ માં ઉતરે તો કશું બાકી ન રહે…..જેના મનન..નિદિધ્યાસ થી જીવ એ અક્ષરબ્રહ્મ સંગે અક્ષર રૂપ થાય છે….
  • પણ અક્ષરબ્રહ્મ પુરુષ ને ઓળખવા કઈ રીતે??? એ માટે એ પુરુષ ને પારખવા પડે…..તેમના ગુણ….ગુરુ પરમ્પરા ને જોવી પડે……એમના નિત્ય સમાગમ માં રહેવા થી જ એ ઓળખાય…અને સમજાય કે મૂળ અક્ષર તો એક જ હોય…..એ પુરુષ મળે તો આપણા ભાગ્ય નો પાર ન રહે…..એમના માં હેત આપોઆપ થાય…જગત ના બંધનો છૂટી પડે……અને જીવ બ્રહ્મરૂપ થવા માટે આગળ વધે…..!
  • માટે જ સત્સંગ માં- જીવ ની સૌથી નજીક ભગવાન હોય છે અને દેહભાવ સૌથી દુર……બસ આ દેહભાવ..અહં ભાવ ટળે એટલે જ ભગવાન મળે……”હું ટલે હરિ ઢૂંકડા” જેવી વાત છે…..
  • માટે જ સત્સંગ માં આવીએ – એટલે સત્પુરુષ ઓળખાયા…..એમનો મહિમા જાણવો….તેનું નિરંતર મનન કરવું……તેમનામાં સહેજે હેત કરવું….આત્મ બુદ્ધિ દ્રઢ કરી..દીવ્યભાવે જોડાવું…તો સહેજે નિર્વાસનિક થવાશે…કારણ શરીર ટળશે…….
  • સત્પુરુષ ને રાજી કરી લેવા…એ માટે આજ્ઞા..ઉપાસના…સંપ..સુહાર્દ ભાવ..એકતા ..પક્ષ જેવા ગુણ કેળવવા….મહંત સ્વામી મહારાજ કહે છે તેમ- સર્વે હરિભક્ત માં દિવ્ય ભાવ રાખવો…..સત્સંગ માં કોઈનો અવગુણ ન લેવો…સંપ રાખવો……
  • તો જ અંતર માં ટાઢું રહેશે…..ભગવાન નું ભજન આપોઆપ થશે…..પ્રત્યેક ક્રિયામાં ભગવાન આગળ રહેશે…..અને ભજન કરતા કરતા ક્રિયા થશે…..અડચણ નહિ આવે….
  • છેલ્લે- સત્સંગ…સમજણ અને વિવેક વગર નકામો……..! એ નિરતંર યાદ રાખવું….અને એ સાથે સત્પુરુષ માં દિવ્યભાવ રાખી દ્રઢ પણે જોડાવું…………

અદભુત…..અદભુત….! આ તો સાર માત્ર અહી લખ્યો છે….બાકી- પુ.આચાર્ય સ્વામી ને રૂબરૂ સાંભળવા નો લ્હાવો લો તો ખબર પડે કે- મહિમા…બળ…નિષ્ઠા નો કેફ કોને કહેવાય??? અત્યંત સરળ પણ રસપ્રદ શૈલી માં સર્વ મહિમા પ્રસંગો ને વચનામૃત- સ્વામી ની વાતો ને આધારે એકબીજા સાથે ગુંથી ને જે અતુલ્ય પ્રવચન બને છે……તે સાંભળી ભલભલા ના હૈયા ડોલી ઉઠે…!!!

છેવટે – સભાને અંતે….અમુક જાહેરાતો થઇ…

  • યોગી દેરી એ ખેલે…..નામનું પુસ્તક પ્રગટ થયું છે….
  • અમદાવાદ માં બ્રહ્મસત્ર નો પ્રથમ ભાગ- આવતા રવિવારે છે…..પૂ.અપૂર્વમુનિ લાભ આપવાના છે…….
  • ગાંધીનગર અક્ષરધામ નો વોટર શો- વાર્ષિક મેન્ટેનન્સ માટે 20 માર્ચ થી 4 એપ્રિલ સુધી બંધ રહેશે।….

અદ્ભૂત। .અદભુત…….! બ્રહ્મજ્ઞાન ની વાતો….એ પણ સહજ શૈલી માં તો અહી જ શીખવા મળે….! વિચારવા જેવું છે કે- જો એક રવિસભા ચુકી જવાય તો આ જીવ ને કલ્યાણ માં કેટલું છેટું પડી જાય??? એ માટે જ બ્રહ્મસ્વરૂપ યોગીજી મહારાજ કહેતા કે….પચીસ હજાર નો નફો જતો કરી ને પણ રવિસભા નો લાભ લેવો,….

જય સ્વામિનારાયણ…….

રાજ


Leave a comment

BAPS રવિસભા -૫/૪/૨૦૧૭

 

“….પછી શ્રીજીમહારાજે એમ વાર્તા કરી જે,

“જેના હૈયામાં ભગવાનની ભક્તિ હોય તેને એવી વૃત્તિ રહે જે, ‘ભગવાન તથા સંત તે મને જે જે વચન કહેશે તેમ જ મારે કરવું છે;’ એમ તેના હૈયામાં હિંમત્ય રહે………. અને, ‘આટલું વચન મારાથી મનાશે અને આટલું નહીં મનાય,’ એવું વચન તો ભૂલ્યે પણ ન કહે……….. અને વળી ભગવાનની મૂર્તિને હૈયામાં ધારવી તેમાં શૂરવીરપણું રહે……….. અને મૂર્તિ ધારતાં ધારતાં જો ન ધરાય તો પણ કાયર ન થાય અને નિત્ય નવી શ્રદ્ધા રાખે. અને મૂર્તિ ધારતાં જ્યારે ભૂંડા ઘાટ-સંકલ્પ થાય અને તે હઠાવ્યા હઠે નહીં, તો ભગવાનનો મોટો મહિમા સમજીને પોતાને પૂર્ણકામ માનીને તે સંકલ્પને ખોટા કરતો રહે અને ભગવાનના સ્વરૂપને હૈયામાં ધારતો રહે…………… તે ધારતાં ધારતાં દસ વર્ષ થાય અથવા વીસ વર્ષ થાય અથવા પચીસ વર્ષ થાય અથવા સો વર્ષ થાય તો પણ કાયર થઈને ભગવાનના સ્વરૂપને ધારવું તે મૂકી દે નહીં; કેમ જે, શ્રીકૃષ્ણ ભગવાને ગીતામાં કહ્યું છે જે, ‘અનેકજન્મસંસિદ્ધસ્તતો યાતિ પરાં ગતિમ્ ।’ તે માટે એમ ને એમ ભગવાનને ધારતો રહે………….. એવું જેને વર્તતું હોય તેને એકાંતિક ભક્ત કહીએ.”’ તે માટે એમ ને એમ ભગવાનને ધારતો રહે. એવું જેને વર્તતું હોય તેને એકાંતિક ભક્ત કહીએ……..”

——————————–

વચનામૃત-ગઢડા પ્રથમ-૧૫

ભગવાન ને હૃદયમાં ધારવા ..એના થી મોટી પ્રાપ્તિ બીજી કોઈ નથી…એવું શાસ્ત્રો કહે છે….ગુણાતીત પુરુષો કહે છે અને સ્વયમ શ્રીજી કહે છે…..પણ ભગવાન ની મૂર્તિ ને અખંડ અંતર માં ધારવી….એ સહજ તો નથી જ….તો કઈ રીતે આ શક્ય બને??? તેનો ઉત્તર આજની રવિસભામાં હતો……! સત્પુરુષ ની આ નિત્ય …સતત ક્રિયા ને સમજી ને તેને આપણે કઈ રીતે આપણા જીવન માં ઉતારી શકીએ એ પર આજની સભા હતી.

હમેંશ ની જેમ સમયસર સભામાં પહોંચી ગયા….સર્વ પ્રથમ શ્રીજી ના અદભુત દર્શન હૃદય માં ..એ મનમોહક મૂર્તિ ને ધારી ને કરવામાં આવ્યા……

collage_20170305172720209.jpg

સભાની શરૂઆત પુ.પ્રેમવદન સ્વામી ના કર્ણપ્રિય સ્વર માં “ સ્વામિનારાયણ ..ભજમન સ્વામિનારાયણ નામ..” ધુન્ય દ્વારા થઇ …અને ત્યારબાદ તદ્દન નવા જ ( પણ પ્રેમાનંદ …મુક્તાનંદ જેવા નંદ સંતો રચિત ) કીર્તન સાંભળવા મળ્યા…..” આવો મારા મીઠડા બોલા રે….” અને “હરિગુણ ગાતા ..દુરીજનીયા નો ધડક મનમાં ન ધારીએ..” ..કીર્તન ના શબ્દો ગહન હતા……..! ભગવાન નો મારગ પકડ્યા પછી પાછું ન વળવા નું હોય…….ભલે ને લાખ વિઘ્ન આવે…

ત્યારબાદ પુ. વૈરાગ્યનિધિ સ્વામી એ બ્રાહ્મ સ્વરૂપ પ્રમુખ સ્વામી મહારાજ ના જીવન પ્રસંગ પર આધારિત “ સત્સંગ માં દિવ્યભાવ….નિર્દોષ ભક્તિ અને મહિમા” વિષય પર પ્રવચન કર્યું……! એમણે વિવિધ પ્રસંગો ની વાત કરતા કહ્યું કે…..સત્સંગી માત્ર પર દિવ્યભાવ ..નિર્દોષભાવ….મહિમા સભર દ્રષ્ટિ એ સ્વામીશ્રી નું અંગ હતા…..એમણે સદાયે ભગવાન અને પોતાના ગુરુઓ નો મહિમા લેશ માત્ર પણ ઓછો થવા દીધો નથી….! કોઈ પણ કાર્ય હોય કે સિદ્ધિ હોય…પણ એનો સઘળો યશ એ ભગવાન અને ગુરુ ને જ આપતા….! જીવન ની કોઈ પણ ક્રિયા હોય…….ભગવાન સદાયે આગળ હોય……પોતાને કારણે કોઈ કાર્ય થયું છે…એવું તો સહેજે માનતા જ નહોતા…! ..અને ભગવાન કે મોટા પુરુષ નું કોઈ પણ ચરિત્ર હોય…તે સદાયે દિવ્ય જ હોય…..એમ સમજતા…અને સમજાવતા……! આપણે પણ એ જ કરવા નું છે……આપણે તો માત્ર નિમિત્ત બની- ગુરુ અને ભગવાન ના સંકલ્પ ને પૂર્ણ કરવામાં સાધન રૂપ થવાનું છે…….!

ત્યારબાદ પ્રગટ અક્ષરબ્રહ્મ ગુરુહરિ મહંત સ્વામી મહારાજ ના પુણે મંદિર મૂર્તિ પ્રતિષ્ઠા મહોત્સવ – ના વિચરણ-વિડીયો દર્શન નો લાભ મળ્યો…..જે નીચેની લિંક દ્વારા જોઈ શકાશે…..

 

ત્યારબાદ ગઢડા પ્રથમ-૧૫ ના વચનામૃત પર આધારિત પ્રવચન નો લાભ કોઠારી પુ.આત્મ કીર્તિ સ્વામી દ્વારા સભાને મળ્યો……જોઈએ એના અમુક અંશ….

  • આ વચનામૃત…કઈ રીતે આદર્શ ભક્ત બનાય…કઈ રીતે ઉત્તમ ભક્તિ કરાય?? એના ઉત્તરો પ્રસ્તુત કરે છે…..
  • જેના અંતર માં ભગવાન સદાયે બિરાજમાન હોય તે…એક રતીભર પણ ભગવાન ની આજ્ઞા નો લોપ ન કરે…….નિયમ-ધર્મ નો ભંગ ન કરે…..
  • ભગવાન ને હૈયામાં…અંતરમાં…હૃદય માં ધારી ને ભક્તિ કરવા નો ગુણ ગુણાતીત પુરુષો માં જોવામાં મળે છે…..અને એટલે જ મહારાજ – ગુણાતીત પુરુષ ને વશ વર્તે છે….જેનો અનુભવ આપણે બધાએ અનેક પ્રસંગો એ કર્યો છે…..અને એવા જ અનુભવ આજે પ.પુ.મહંત સ્વામી મહારાજ દ્વારા પણ જોવા મળે છે……રીવરફ્રન્ટ ,અમદાવાદ પર યોજાયેલા પ્રસંગ માં ઠંડા વાતાવરણ ના ચમકારા …તેજ હવાઓ મહંત સ્વામી મહારાજ ના સંકલ્પ બળ થી જ ..અસ્ત પામી હતી….પ્રસંગ ને કઈ પણ વિઘ્ન પહોંચાડી શકી ન હતી…..
  • મહંત સ્વામી મહારાજ એક વાત –અનેક વાર કહી ચુક્યા છે કે – જેમ પ્રમુખ સ્વામી મહારાજે – શ્રીજી ને અંતર માં અખંડ ધાર્યા હતા…તેમ જ આપણે પણ શ્રીજી ને હૃદય માં અખંડ ધરવા ના છે……અને જો એમ થશે તો- દરેક માં ભગવાન દેખાશે…..દરેક હરિભક્ત – એક બ્રહ્મ ની મૂર્તિ સમાન લાગશે…..કોઈ નો પણ અભાવ-અવગુણ નહિ….
  • યોગીબાપા તો કહેતા કે- ભગવાન ને હૃદય માં ધારવા..એના થી મોટી સેવા બીજી કોઈ નથી……..પણ શ્રીજી ને હૃદય માં ધારવા કઈ રીતે??? હૃદય ને શુદ્ધ કર્યું છે?? એ નિરંતર પાછું વળી ને જોવું…..
  • સારંગપુર-૧૧ ના વચનામૃત માં શ્રીજી એ જ કહે છે કે……

“જો ખબડદાર થઈને મંડે તો આ ને આ દેહે જ સર્વે કસર મટી જાય. અથવા દેહ પર્યંત કસર ન મટી હોય અને અંત સમે જ નિર્વાસનિક થાય ને ભગવાનને વિષે અતિશય પ્રીતિ થાય તો અંતકાળે પણ ભગવાનની કૃપા થાય ને ભગવાનના ધામને પામે. માટે એક દેહે અથવા અનંત દેહે અથવા અંત સમે એક ઘડી મૃત્યુ આડી રહી હોય ત્યારે પણ જો અતિશય ભગવાનને વિષે વૃત્તિ જોડાઈ જાય તો તે ભક્તને કોઈ જાતની કસર રહેતી નથી.”…..

  • સારંગપુર-૨ માં કુશળકુંવર બા નું ઉદાહરણ આપતા શ્રીજી કહે છે કે –જો એકવાર ભગવાન યથાર્થ ઓળખાય પછી એકદ્રષ્ટિએ કરીને મૂર્તિને જોતે જવું અને દ્રષ્ટિ પલટીને અંતરમાં તેવી ને તેવી તે મૂર્તિને ઉતારવી…….તો છતે દેહે ભગવાન ની મૂર્તિ નું સુખ મળે…..
  • હૃદય માં જગત ને ન રાખવું….પણ ભગવાન ને રાખવા……અને જે પુરુષ માં આવી ક્રિયા જોવા મળે તેનો સંગ કરવા થી –એવા જ ગુણ આપણા માં પણ આવે….( વચનામૃત-ગઢડા અંત્ય-૧૪) અને જીવ બ્રહ્મ રૂપ થાય….
  • પણ હૃદય માં ભગવાન ને જયારે અંદર ઉતારવા નું શરુ કરી એ ત્યારે અનંત જન્મ નો ચોંટેલો “વિષય રૂપી…ભૂંડા ઘાટ રૂપી કચરો” ઉખડી ને બહાર આવે છે,…પણ તેનાથી ડગી ન જવું…મંડ્યા રહેવું……આજે નહિ તો કાલે…..કાલે નહિ તો અનંત જન્મે પણ હૃદય માં ભગવાન બિરાજમાન થશે અને જીવ બ્રહ્મ રૂપ થઇ પરબ્રહ્મ ને પામશે…..
  • બ્રહ્મસ્વરૂપ ભગતજી મહારાજ ની જેમ સર્વ ભક્ત-સંત ને બ્રહ્મ ની મૂર્તિ જ સમજવી…..પ્રમુખ સ્વામી મહારાજ કહેતા એમ-અંતર માં સદાયે સત્પુરુષ ને રાખવા…ભગવાન ને રાખવા…..તો સહેજે ડગમગ થાય નહિ…….અને એકાંતિક ભક્તિ થાય….

અદભુત……અદભુત………….! જાણે કે સર્વ સત્સંગ નો સાર અહી આવી ગયો…! શ્રીજી ને અખંડ અંતર માં ધારવા છે……એ જ ધ્યેય રાખવો…!

ત્યારબાદ સભાને અંતે અમુક જાહેરાતો થઇ….

  • બ્રહ્મસત્ર આવે છે…….સંપર્ક કાર્યકરો તમારે ઘરે આવશે…..અચૂક રજીસ્ટ્રેશન કરાવવું…….આવો મોકો ફરી થી મળશે નહિ….
  • આંતર રાષ્ટ્રીય મહિલા દિન નિમિત્તે ૮ થી ૨૫ –માર્ચ- બેપ્સ યોગીજી મહારાજ હોસ્પિટલ દ્વારા મહિલા ઓ માટે ખાસ રાહત દરે સ્ત્રી રોગ-કેમ્પ નું આયોજન કર્યું છે…..
  • પ.પુ.મહંત સ્વામી મહારાજ- પુનઃ અમદાવાદ ના હરિભક્તો ને લાભ આપવા ૧૪-થી-૧૭-માર્ચ પધારી રહ્યા છે……સવારે એમના દર્શન નો લાભ મળશે……..

તો-આજ ની સભા અદભુત હતી……..એકાંતિક ભક્ત કઈ રીતે થવાય……શ્રીજી ને હૃદય માં કઈ રીતે અખંડ રખાય……બ્રહ્મરૂપ કઈ રીતે થવાય …એના પર હતી……!

જય સ્વામિનારાયણ

રાજ


1 Comment

BAPS રવિસભા-૧૧/૦૯/૨૦૧૬

પછી શ્રીજીમહારાજ બોલ્યા જે,

જે શ્રદ્ધાવાન પુરુષ હોય અને તેને જો સાચા સંતનો સંગ મળે…………… અને તે સંતના વચનને વિષે શ્રદ્ધાવાન થાય, તો એના હૃદયને વિષે સ્વધર્મ, વૈરાગ્ય, વિવેક, જ્ઞાન, ભક્તિ આદિક જે કલ્યાણકારી ગુણ તે સર્વે પ્રકટ થઈ આવે છે અને કામ-ક્રોધાદિક જે વિકાર તે બળી જાય છે……..”


વચનામૃતમ-સારંગપુર-૧૮

ગઈ સભા માં પ્રગટ અક્ષરબ્રહ્મ મહંત સ્વામી મહારાજ ની હાજરી રવિસભા માં હતી અને અમારે સેવા નો અમુલ્ય લાભ હતો……આથી એ સભા નો શબ્દ ચિતાર હું ન મૂકી શક્યો……પણ આજ ની સભા એવી જ અદ્ભુત અને દિવ્ય હતી……સત્પુરુષ વિષે દ્રઢ વિશ્વાસ અને નિષ્ઠા હોય તો એમની હાજરી સર્વત્ર અનુભવાતી જ હોય છે……..!! આજે એ અનુભવ નો જાણે કે સાક્ષાત્કાર થયો……….શ્રદ્ધા ..એ પણ સત્પુરુષ માં અને શ્રીજી માં શા માટે અનિવાર્ય છે…એનો મહિમા સમજાયો…..

સભામાં સર્વ પ્રથમ શ્રીજી ના અદ્ભુત દર્શન…

collage_20160911173343405_20160911173439144 (1).jpg

સભામાં ગોઠવાયા ત્યારે મિત્ર નીરવ વૈદ્ય ના સુમધુર કંઠે સ્વામિનારાયણ મહામંત્ર ની ધુન્ય થઇ રહી હતી…અદ્ભુત માહોલ..અને હરિભક્તો નું શિસ્ત બદ્ધ આગમન……! ત્યારબાદ બ્રહ્માનંદ સ્વામી રચિત ” મનમોહન મનમાની તારી મૂર્તિ રે….” એમના જ કંઠે રજુ થયું………અને કવિ હરીન્દ્ર દવે રચિત એમના  શુદ્ધ હૃદય ભાવ ના પુરાવા સમાન પ્રસિદ્ધ વૈરાગ્ય કીર્તન…..” તારી ઉતરેલી પાઘ મુને આપ મારા સ્વામી ” રજુ થયું અને વૈરાગ્ય ને માર્ગે -જગત ના સર્વ સુખ ન્યોછાવર કરી ચાલી નીકળેલા જુવાનીયા ઓ ના ગર્વીલા ચહેરા…એની ખુમારી …..શ્રીજી -સ્વામી નું તેજ…..મનો-હૃદય પર છવાઈ ગયું……!!! પલભર લાગ્યું કે આપણા ભાગ્ય ક્યારે ફળશે …કે સત્પુરુષ ની એ કેસરી પાઘ નો રંગ જીવ પર ચડશે અને આ જીવન શ્રીજી માટે …સત્પુરુષ માટે ન્યોછાવર થઇ જશે….!! અદ્ભુત……

ત્યારબાદ પુ. કૃષ્ણ સ્વરૂપ સ્વામી એ  બ્રહ્મ સ્વરૂપ યોગીજી મહારાજ ના મહિમા નું પદ ( રચયિતા- રસિક દાસ) ” એની જ્યોતિ ઝગમગ થાય…” રજુ થયું…………એ પણ અદ્ભુત હતું…!

ત્યારબાદ પુ.વિવેક્મુની સ્વામી દ્વારા બ્રહ્મ સ્વરૂપ પ્રમુખ સ્વામી મહારાજ ના ચરિત્ર નું સ્મૃતિ વિષે મનોનીય પ્રવચન થયું….જોઈએ સારાંશ….

  • પ્રમુખ સ્વામી મહારાજ નો જીવન મંત્ર હતો….બીજાના ભલા માં જ આપણું ભલું છે……..અને એનો સકારાત્મક..દિવ્ય પ્રભાવ અનંત જીવ પર પડ્યો…અને એમનામાં જે પરિવર્તન થયું..તે નોંધવા લાયક હતું….!
  • સ્વામીશ્રી એ દેહત્યાગ કર્યો ત્યારે ભક્તો ની જે નિષ્ઠા…જે બાપા પ્રત્યે પ્રેમ હતો..તેના ઉદાહરણો ધીરે ધીરે બહાર આવતા જાય છે……..જે સાંભળી ને અનુભવ થાય છે કે- આટલો પ્રેમ તો કેવળ સાક્ષાત શ્રીજી પ્રત્યે જ થઇ શકે……..અને એ જ દિવ્ય..સર્વોપરી તત્વ આજે પણ પ્રગટ છે….
  • દાખલા તરીકે મુંબઈ ના ચાર યુવક- બાઈક પર- રસ્તામાં માત્ર બે વાર સ્ટોપ કરી સારંગપુર..સ્વામીશ્રી ના દર્શન કાજે પહોંચ્યા હતા……! ૧૦૮ ફ્રી એમ્બ્યુલન્સ સર્વિસ ના સ્ટાફ દ્વારા પોતાના નોકરી ના કલાક પુરા થઇ ગયા બાદ પણ – સારંગપુર ખાતે ખડેપગે રહી……આરામ ની પરવા કર્યા વગર સેવા પૂરી પાડી હતી….
  • સ્વામીશ્રી એ કેવા નિષ્ઠાવાન ભક્તો-કાર્યકરો તૈયાર કર્યા હતા કે- સ્વામી ધામ માં ગયા એના સમાચાર મળ્યા કે સર્વ કાર્ય-જવાબદારી છોડી સારંગપુર સેવા માં હાજર થઇ ગયા હતા……અને સામે- સ્વામીશ્રી એ -દિવ્ય દેહે એમના યોગક્ષેમ નું વહન કર્યું હતું…તેના ઉદાહરણ પણ મળ્યા……!!!!! અદ્ભુત….
  • મીડિયા હોય કે ઇલેક્ટ્રિક ની સેવા કે ટ્રેન ની સેવા…સર્વ વિભાગો દ્વારા સ્વામીશ્રી ના અંતિમ દર્શન માટે જે નિશ્વાર્થ ભાવે સેવા પૂરી પાડવા માં આવી…..તે અવિસ્મરણીય હતી…….! મીડિયા વાળા ઓ ને પણ સત્સંગ થયો…….જે બિન સત્સંગી હતા તેમના સ્વામીશ્રી ના દેહ ના દર્શન માત્ર થી વ્યસન છૂટી ગયા…….જીવન માં સકારાત્મક બદલાવ આવ્યો…….!
  • રાજકોટ ના એક ટ્રાન્સપોર્ટર ..ગુણભાવી ભક્તે પોતાની બધી બસો ને વિના મુલ્યે -દર્શનાર્થી ઓ ને સારંગપુર લાવવા લઇ જવા -સેવા માં જોડી દીધી…….૪૭૦૦ જેટલા ભક્તો ને દર્શન કરાવ્યા………

અદ્ભુત……અદ્ભુત….! સત્પુરુષ ની આ જ આભા હોય છે………! તેમના સમાગમ માં જે જીવ યથાર્થ પણે …કલ્યાણ ના ભાવ સાથે આવે તેનું કલ્યાણ અવશ્ય થાય છે……! બસ શ્રદ્ધા જોઈએ….! એ જ વિષય પર વિદ્વાન સંત વિવેકજીવન સ્વામી દ્વારા ” અધ્યાત્મ માં શ્રદ્ધા નું મહત્વ” વિષય પર વિસ્તૃત ચર્ચા થઇ…….જોઈએ એનો પણ સારાંશ….

  • સારંગપુર-૧૮ ના વચનામૃત માં કહ્યા મુજબ – જો જીવ શ્રધ્ધાવાન હોય અને સત્પુરુષ માં દ્રઢ શ્રદ્ધા થી જોડાય તો- સર્વ કલ્યાણ કારી ગુણ આવે…..એના સર્વ દોષ ટળી જાય………
  • પણ જગત ના પ્રપંચ થી આવૃત આ જીવ – શ્રદ્ધા માં યે કાચો પડે છે…..જેના મુખ્ય ચાર  કારણ છે….૧) પ્રાકૃત બુદ્ધિ- મન માં તર્ક-કુતર્ક થયા કરે…૨) આધુનિક -ફાસ્ટ લાઈફ…..જગત ના વ્યવહાર સાચવવા માં -ભગવાન છૂટી જાય છે…. ૩) વિષયો નું જોર વધ્યું છે……..૪) દેશકાળ નડે છે……..
  • શ્રદ્ધા દ્રઢ કરવા – ધીરજ રાખવી…..સતત સત્સંગ કરવો…….વળગી રહેવું……..સત્પુરુષ ના ચરિત્ર નો અભ્યાસ કરવો….મહિમા સમજવો…દ્રઢ કરવો…….
  • વળી બાળકો ને નાનપણ થી જ નિયમ ધર્મ- માં દ્રઢ કરવા……….સત્સંગ-સત્પુરુષમાં જોડવા……..
  • ઘણીવાર -જે વાત શાસ્ત્ર થી કે..કોઈ રીતે ન દ્રઢ થતી હોય તે- સત્પુરુષ દ્વારા જીવ ને સહજ માં દ્રઢ થઇ જાય……આમ, સત્પુરુષ ના સતત સંપર્ક માં રહેવું……..જ્ઞાન સહીત ભક્તિ કરવી……જ્ઞાન વગર ની ભક્તિ નકામી છે……..જોરા ભગત ની જેમ……! ગુણાતીતાનંદ સ્વામી નો ગુણ હતો પણ એમની વાતોમાં નિષ્ઠા નહોતી આવતી…!
  • ભક્તિ-ઉપાસના-જ્ઞાન-નિયમ ધર્મ સાથે સાંખ્ય ને પણ સિદ્ધ કરીએ…….સાંખ્ય વિના…આત્મા–પરમાત્મા ને સમજ્યા વગર ઉપાસના અધુરી રહે છે…..
  • સત્પુરુષ નો મહિમા જીવન માં દ્રઢ કરવો………સ્વામીશ્રી વિષે એક યુરોપિયન મહિલા એ પોતાના બ્લોગ પર -પોતાના અનુભવ વર્ણવતા લખ્યું છે કે- સ્વામીશ્રી અને શ્રીજી મહારાજ પર દ્રઢ વિશ્વાસ ને લીધે -એમના પિતાજી નું બ્લડ કેન્સર મટી ગયું…….સ્વામીશ્રી માં ભગવાન હોવાનો અનુભવ થયો…..!!

અદ્ભુત…..અદ્ભુત………….આમ, સત્પુરુષ ના ચરિત્ર -પ્રસંગો જીવન માં દ્રઢ કરીએ તોપણ એમના પ્રત્યે દ્રઢ હેત-પ્રીત થાય….શ્રદ્ધા દ્રઢ થાય…..અને આપણા સર્વ દોષ નાશ પામે…

સભાને અંતે અમુક જાહેરાત થઇ……..

  • ૧૩ સપ્ટેમ્બર ના રોજ જળ ઝીલણી એકાદશી છે……….આજ્ઞા મુજબ નિર્જળા ઉપવાસ યથાશક્તિ -અવશ્ય કરવો…….
  • તે દિવસ ની સભા- શાહીબાગ મંદિરે- સવારે શણગાર આરતી પછી તરત જ શરુ થશે…….અવશ્ય લાભ લેવો….
  • જમો ને જમાડું- અન્નકૂટ ઉત્સવ નો કાર્યક્રમ -એનો મહિમા-સેવા જનજન સુધી પહોંચે તેનો પ્રયત્ન કરવો…..
  • બ્રહ્મ સ્વરૂપ પ્રમુખ સ્વામી મહારાજ શતાબ્દી ઉત્સવ – સુરત યોજાવા નો છે…તેમાં ૧૦-૧૫ દિવસ ની સેવા માં લાભ લેવા માંગતા હરિભક્તો એ પોતાનું નામ નજીક ના મંડળ માં અવશ્ય નોંધાવવું……
  • બેપ્સ યોગીજી મહારાજ હોસ્પિટલ માં ૧ સપ્ટેમ્બર થી ૭ ડીસેમ્બર સુધી- બપોર પછી ની ઓપીડી માં ૫૦% ડિસ્કાઉન્ટ ની ઓફર છે….સાથે સાથે મહિલાઓ માટે બ્રેસ્ટ કેન્સર-સારવાર  માટે પણ ડિસ્કાઉન્ટ ની ઓફર પેકેજ છે……હોસ્પિટલ નો વધુ માહિતી માટે સંપર્ક કરવો……

સભાને અંતે પ્રગટ અક્ષરબ્રહ્મ મહંત સ્વામી મહારાજ ના ૨૭ થી ૩૧ ઓગસ્ટ -ના અમદાવાદ ખાતે ના વિચરણ નો વિડીયો દર્શન નો લાભ મળ્યો…….

તો આજની સભા- શ્રદ્ધા…દ્રઢ નિષ્ઠા……સત્પુરુષ અને શ્રીજી માં સદાયે રહે……એમના કલ્યાણ કારી ગુણ આપણા માં આવે….આપણા દોષ નો નાશ થાય- એના જ્ઞાન પર હતી…! શ્રીજી ને નિરંતર પ્રાર્થના કે – આપણા જીવ ને બળ મળે……જગત છૂટે……ભગવાન જોડાય……..!

જય સ્વામિનારાયણ…..

સૌનું ભલું હો……..

રાજ


Leave a comment

BAPS રવિસભા-૨૮/૦૮/૨૦૧૬

ભગવાનના સ્વરૂપને જે તત્ત્વે કરીને સમજતો હોય તે તો ભગવાનને અખંડ અવિનાશી જેવા છે તેવા જ સમજે………… જેમ શ્રીકૃષ્ણ ભગવાને દેહ મૂક્યો ત્યારે એ ભગવાનની પત્નીઓ જે રુક્મિણી આદિક હતી, તે એ ભગવાનના દેહને લઈને બળી મરી; ત્યારે અજ્ઞાની હતા તેણે તો એમ જાણ્યું જે, ‘હવે એ નાશ થઈ ગયા.’ અને જે જ્ઞાની હતા તેણે તો એમ જાણ્યું જે, ‘અહીંથી અંતર્ધાન થઈને બીજે ઠેકાણે જણાણા છે.’ એમ ભગવાનને અખંડ સમજે……….


ભગવાન શ્રી સ્વામિનારાયણ-પંચાળા-૭

બ્રહ્મસ્વરૂપ પ્રમુખ સ્વામી મહારાજ ને અક્ષરધામ ગમન ને ૧૫ દિવસ થયા પણ એમની સ્મૃતિ જીવમાં થી સહેજે દુર થતી નથી…….શોક કે વિષાદ નથી પણ એક ખાલીપો જરૂર છે…….જીવ જાણે છે કે- સત્પુરુષ આ પૃથ્વી પર થી ક્યારેય જતા જ નથી…અને  એ જ “પ્રમુખ ગુણાતીત તત્વ” આજે પ્રગટ અક્ષરબ્રહ્મ મહંત સ્વામી સ્વરૂપે પ્રત્યક્ષ વિચરી રહ્યું છે……..છતાં પ્રમુખ સ્વામી મહારાજે જે સુખ આપ્યું હતું તેની સ્મૃતિ જ એ ખાલીપા નો ભાવ ભરી શકે એમ છે……આથી આ સભા -સ્વામી બાપા ની એ અદ્ભુત સ્મૃતિ પર જ હતી……

તો મંદિરે સમયસર પહોંચી ગયા…..એકાદશી ના દિવસ ના અદ્ભુત દર્શન કરવામાં આવ્યા…..

14064049_1750125448608620_7569462358082319596_n

સભાની શરૂઆત યુવકો દ્વારા ધુન્ય -પ્રાર્થના થી થઇ……..યુવક મિત્ર નીરવ વૈદ્ય દ્વારા પ્રેમાનંદ સ્વામી રચિત “બિહારી થારી અંખિયાં, અજબ જાદુગારી…” કીર્તન રજુ થયું…….અદ્ભુત…..અદ્ભુત……..!!! સભાનો માહોલ ..હરિમય થઇ ગયો………! ત્યારબાદ પુ.શુભ કીર્તન સ્વામી ના ઘાટીલા અવાજ માં ” કોડે કોડે એકાદશી કીજીએ રે…’ બ્રહ્માનંદ સ્વામી રચિત એકાદશી ઉત્સવ ના મહિમા આધારિત પદ રજુ થયું……

ત્યારબાદ શ્રાવણ માસ ની પારાયણ ચાલુ છે તે નિમિત્તે પુ.ધર્મ તિલક સ્વામી દ્વારા યથાયોગ્ય પૂજા વિધિ -યજમાનો વડે કરાવવા માં આવી……આજની પારાયણ ના વક્તા વિદ્વાન…ખુબ સારા વક્તા પુ.અક્ષર વત્સલ સ્વામી હતા……..ચાલો જોઈએ સારાંશ…..

  • નવધા ભક્તિ ( કથાશ્રવણ, ગુણકીર્તન, નામસ્મરણ, પાદ-સેવન, અર્ચન (ચંદન વગેરેથી પૂજન), વંદન, દાસ્ય (દાસપણે – ગુલામભાવે વર્તવું), સખ્ય (મિત્રભાવ) અને આત્મનિવેદન (સર્વસ્વ અર્પણ કરવું, દરેક ક્રિયામાં ભગવાનને આગળ રાખવા)…..થી ભગવાન અને મોટા પુરુષ રાજી થાય…….
  • અને એ નવધા ભક્તિ જેના જીવન માં રગેરગ માં સમાયેલી હતી….એ મોટા પુરુષ કે જેના ગુણ ભગવાન સમાન જ હતા…..તેવા પુરુષ ના જીવન કાળ દરમિયાન આપણો જન્મ થયો એ જ આપણા મોટા ભાગ્ય છે………
  • સત્પુરુષને પામીએ ..એમનો સમાગમ કરીએ…પણ જો એમની સ્મૃતિ મન માંથી નીકળી જાય તો થયેલી પ્રાપ્તિ નિષ્ફળ થઇ જાય…….જીવના દુષ્કાળ…ખાલીપા ને ટાળવા નો એક જ ઉપાય છે…..એ સ્મૃતિઓ ને પલેપલ વાગોળવી…….
  • આ તો અમૃત ની બુંદો છે…જેને મેળવવી અઘરી અને મેળવ્યા પછી સાચવવી એના કરતા પણ અઘરી…….!
  • નિષ્કુળાનંદ સ્વામી પ્રથમ વ્યક્તિ હતા જેને શ્રીજી ના સર્વોપરી સ્વરૂપ નો નિશ્ચય થયો……અને એ જ સદ્ગુરુ એ શ્રીજી ના સર્વોપરી સ્વરૂપ ના પદ ની સાથે સાથે આવા સત્પુરુષ ના ગુણ પણ યથાર્થ ગાયા છે…….
  • ગઢડા પ્રથમ-૫૮..૬૭ વગેરે માં શ્રીજી એ પણ આવા પુરુષ ના ગુણ વિષે કહ્યું છે……જેવા એ પુરુષ ને સમજીએ ..એવો આપણો સ્વભાવ થાય……આપણા ગુણ થાય….
  • પુ.ઈશ્વર ચરણ સ્વામી કહે છે કે- બાપા એ અનેક સર્વોપરી કાર્યો કર્યા…પણ જો સૌથી મોટું કાર્ય કર્યું હોય તો તે- અક્ષર પુરુષોત્તમ સિધ્ધાંત ના ડંકા આખી દુનિયામાં વગાડી દીધા…..
  • સ્વામીશ્રી ની આભા..પ્રભાવ એવો હતો કે એમના અંતિમ દર્શન વખતે આવતા બિન સત્સંગી મીડિયા વાળા પણ સત્સંગી થઇ ગયા…..તરુણ વિજય જેવા પ્રખર રાજનીતિજ્ઞ ને તો દરેક હરિભક્ત માં સ્વામીશ્રી ના દર્શન થયા……..
  • સ્વામીશ્રી ભાગવત માં વર્ણવેલા સંત ના બધા લક્ષણ ધરાવતા હતા…છતાં એમની સરળતા..અહં શૂન્યતા….જગ જાહેર છે……
  • અમદાવાદમાં નાટક સંવાદ સમયે સંતો ની સુચના મુજબ પાછલા દરવાજે થી સ્ટેજ પર એન્ટ્રી લેવાનો પ્રસંગ હોય કે પાર્ષદો દ્વારા સ્ટેજ પર ખેંચવા નો નિષ્ફળ પ્રયાસ વાળો પ્રસંગ હોય………સ્વામીશ્રી સંતો ને રાજી કરવા એમની સુચના મુજબ વર્ત્યા છે…એમની ભૂલો માફ કરી છે……..
  • પ્રખ્યાત પત્રકાર હરિકિશન મહેતા એ પૂછ્યું કે- સ્વામીશ્રી તમારી આટલી બધી ટીકા-અપમાન થાય તો તમને કેવું લાગે છે?? સ્વામીશ્રી એ સ્વસ્થતા થી ઉત્તર આપ્યો કે -બધું ભગવાન ની સાક્ષી એ કરીએ -એટલે માન-અપમાન કશું નડે નહિ…….
  • ભલભલી વિકટ સમસ્યાઓ…વ્યવહારિક પ્રશ્નો…..અક્ષરધામ દિલ્હી નિર્માણ સંબંધી પ્રશ્નો હોય પણ સ્વામીશ્રી સ્વસ્થ રહી ને..નચિંત રહી ને વર્ત્યા છે…..અલમસ્ત થઇ ને સ્થિતપ્રજ્ઞ તા થી વર્ત્યા છે……
  • જીવમાત્ર નું કલ્યાણ થાય…….અક્ષરધામ ની પ્રાપ્તિ થાય તે માટે બાપા પોતાના દેહ ની પરવા કર્યા વગર ૪૫ વર્ષ દોડ્યા છે….તો આપણી એમના પ્રત્યે કોઈ ફરજ નથી??? આપણે સ્વામીશ્રી ની સ્મૃતિ માટે કોઈ સંકલ્પ ન કરી શકીએ???
  • ચાલો આપણે સ્વામીશ્રી ના રાજીપા માટે સંકલ્પ કરીએ કે- આપણે પંચ વર્તમાન….નિયમ ધર્મ માં દ્રઢ રહીએ…….સત્સંગમાં નિયમિત રહીએ……અન્ય ને પણ સ્વામી ના મહિમા ની વાત કરીએ…સત્સંગ કરાવીએ……….

અદ્ભુત……અદ્ભુત…….!! આટલું પણ જીવન માં દ્રઢ થાય તો સ્વામીશ્રી પ્રત્યે આપણી સાચી શ્રદ્ધાંજલિ કહેવાશે………! ત્યારબાદ શિકાગો યુનીવર્સીટી ના વિદ્વાન પ્રોફેસર વિલિયમ્સ ( હિન્દી વિભાગ ના હેડ છે) જે પ્રોફ. યોગી ત્રિવેદી સાથે ભારત મુલાકાતે છે તેમનું જાહેર સન્માન થયું……..આટલા મોટા પ્રોફેસર- પુ.ઈશ્વર સ્વામી અને પુ.અક્ષરવત્સલ સ્વામી ને પગે પડ્યા…અને શુદ્ધ હિન્દી માં જય સ્વામિનારાયણ સાથે પોતાના પ્રવચન ની શરૂઆત કરી…!!! અદ્ભુત…..અદ્ભુત……….પ્રોફ. વિલિયમ્સ દ્વારા શુદ્ધ હિન્દી માં થયેલા પ્રવચન માં એમણે કબીર ની સાખી ઓ દ્વારા કહ્યું કે- ભક્તિ એ  પ્રેમ નો જ ભાગ છે……..અઢી અક્ષર નો પ્રેમ- મનુષ્ય ને પંડિત બનાવી શકે છે…….સ્વામિનારાયણ સંપ્રદાય નું અભૂતપૂર્વ યોગદાન ભક્તિ સંપ્રદાય માં રહ્યું છે…….અને આજે બેપ્સ ના સંતો- ભારતીય અને પશ્ચિમી સંસ્કૃતિ ને જોડી રહ્યા છે…તે ભવિષ્ય માં વધુ મજબુત થશે…..!!!! અદ્ભુત……અદ્ભુત…!!! સમગ્ર સભા તાળીઓ ના ગડગડાટ થી ગુંજી ઉઠી…! પશ્ચિમી સભ્યતા ના વ્યક્તિ ને  આપણી સંસ્કૃતિ વિષે અહોભાવ છે…..અને આપણા લોકો ને જ એનો મહિમાં નથી….!!!

સભાને અંતે જાહેરાત થઇ કે આવતીકાલે આપણા ગુરુહરિ પ્રગટ અક્ષરબ્રહ્મ મહંત સ્વામી મહારાજ અમદાવાદ પધારી રહ્યા છે………….તેમનું સ્વાસ્થ્ય …..આપણી સંસ્થા-હરિભક્તો ની વિશાળતા ને લીધે સર્વ હરિભક્તો ને રૂબરૂ મળવું એમના માટે મુશ્કેલ છે છતાં -એ પોતે દેહ ની મર્યાદા ઓ ને બાજુમાં મૂકી- ભક્તો ને અઢળક લાભ આપી રહ્યા છે………….પણ આપણે એમનું ધ્યાન રાખી ને વર્તવા નું છે……! ગુણાતીત પુરુષો આપણો અમુલ્ય ખજાનો છે…….એમનો રાજીપો એ જ આપણું સર્વસ્વ……..મમત માં એમને નુકસાન ન થાય તે જોવાની જવાબદારી આપણી છે……

તો- ચાલો સત્પુરુષ કે જે ચિરંજીવી છે……તેના મહિમા ને સમજીએ……..એમનામાં સદાયે દિવ્યભાવ રાખીએ…..એમના ચરિત્ર -સ્મૃતિ ને જીવમાં દ્રઢ કરીએ……..આખરે એ પ્રગટ અક્ષરબ્રહ્મ ને સંગ જ બ્રહ્મરૂપ થવાશે…………..અને શ્રીજી મળશે……..!!!

એટલે જ સત્પુરુષ એ જ સર્વસ્વ……………….!

જય સ્વામિનારાયણ……………

રાજ


3 Comments

BAPS સ્મૃતિ રવિસભા-૨૧/૦૮/૨૦૧૬

“….એનાં નેત્રમાં ભગવાન જોનારા છે તે માટે બ્રહ્માંડમાં જેટલાં જીવપ્રાણી છે તેનાં નેત્રને પ્રકાશ કરવાને સમર્થ થાય છે………, અને એના પગમાં ચાલનારા ભગવાન છે તે માટે બ્રહ્માંડમાં સર્વ જીવના પગને વિષે ચાલવાની શક્તિને પોષણ કરવાને એ સમર્થ થાય છે…………; એમ એ સંતની સર્વે ઇન્દ્રિયોમાં ભગવાન રહ્યા છે, તે માટે એ સંત તો બ્રહ્માંડમાં સર્વે જીવોનાં ઇન્દ્રિયોને પ્રકાશ કરવાને સમર્થ થાય છે……….માટે એ સંત તો સર્વ જગતના આધારરૂપ છે………..


ભગવાન શ્રી સ્વામિનારાયણ -વચનામૃત-ગઢડા પ્રથમ-૨૭

“હું તો ચિરંજીવી છું”


અનાદી મૂળ અક્ષર ગુણાતીતાનંદ સ્વામી

“સત્પુરુષ આ પૃથ્વી પર થી ક્યારેય જતા જ નથી…..સદાયે પ્રગટ રહે છે…..”


બ્રહ્મસ્વરૂપ શાસ્ત્રીજી મહારાજ

૧૩ ઓગસ્ટ,૨૦૧૬, સમય-સાંજ-૬ ; સ્થળ- સર્વસ્વ, સારંગપુર નૈમિષારણ્ય ક્ષેત્ર – આ અવની પર થી પ્રગટ અક્ષરબ્રહ્મ પ્રમુખ સ્વામી મહારાજે પોતાનો દેહ સંકેલ્યો ..તેને આજે બરોબર એક અઠવાડિયું થયું…….અક્ષરબ્રહ્મ એ દેહ બદલ્યો…..જીવમાત્ર ના કલ્યાણ નો માર્ગ ખુલ્લો રહે એ માટે નવા પાત્ર ની..નવા સમર્થ દેહ ની પસંદગી કરી……..અને એ જ ગુણાતીત..ચિરંજીવી…શ્રીજી એ  વર્ણવેલા સમર્થ સંત….સત્પુરુષ પ્રગટ અક્ષરબ્રહ્મ મહંત સ્વામી મહારાજ તરીકે આજે આપણી સમક્ષ પ્રગટ બિરાજી રહ્યા છે….! તો- મહા સમર્થ -અક્ષરબ્રહ્મ પ્રમુખ સ્વામી મહારાજે જે અકલ્પનીય કાર્યો..ચરિત્રો….કર્યા તેની સ્મૃતિ ની આ સભા હતી….હરિભક્તો નું લૌકિક શોક -દુખ દુર કરવાની…..ચિરંજીવી ગુણાતીત તત્વ ના મહિમા ને સમજવાની સભા હતી…!

ગયા રવિવારે તો સારંગપુર – સ્વામીશ્રી ના દિવ્ય વિગ્રહ ના દર્શન માં હતા…આથી ધુન્ય-રવિસભા માં હાજર ન રહેવાયું…..પણ આજની સભા મેઘ ભર્યા વાતાવરણ માં પણ કરવામાં આવી…..ઠાકોરજી ના દર્શન મનભરી ને કરવા માં આવ્યા…….

13932743_583304155191094_2773333572547166760_n

સભામાં આજે ખુબ જ ભીડ હતી…..સભાગૃહ છલોછલ ભરેલું હતું…કેટલાક હરિભક્તો ને તો મંદિર ના પ્રાંગણ માં જ સભા નો શ્રવણ લાભ લેવો પડ્યો…..અને કેમ ન હોય??? ગુરુહરિ ની વસમી વિદાય પછી ની આ પ્રથમ શ્રદ્ધાંજલિ -સ્મૃતિ સભા હતી……! સભાની શરૂઆત ધુન્ય-પ્રાર્થના થી થઇ…….પુ.પ્રેમવદન સ્વામી  દ્વારા ” ગુરુજી નહિ ભૂલું તમને…” અને  ” એક જ આશા છે જીવતર ની…..પ્રમુખ સ્વામી માં ખોવાવું…” રજુ  થયા અને પ્રમુખ સ્વામી મહારાજ નો દિવ્ય ચહેરો નજરો સમક્ષ છવાઈ ગયો……!

ત્યારબાદ વિધવાન સંતો ના મુખે – અક્ષરબ્રહ્મ પ્રમુખ સ્વામી મહારાજ ના દિવ્ય પ્રસંગો ની સ્મૃતિ કરવામાં આવી….જોઈએ વિગતવાર સારાંશ…..

પુ.વિવેક જીવન સ્વામી


  • ૧૯૮૪ માં યુકે માં સ્વામીશ્રી ની પોપ સાથે મુલાકાત થઇ અને સ્વામિનારાયણ સંપ્રદાય ની ઓળખાણ આપવામાં આવી. અક્ષર મૂર્તિ ગુણાતીતાનંદ સ્વામી ની સહજ ઓળખાણ આપતા સ્વામીશ્રી  એ વિવેક જીવન સ્વામી દ્વારા પોપ ને વર્ણવ્યું કે જેમ – જીસસ ને ૧૨ શિષ્ય હતા અને એમાં પીટર સર્વ શ્રેષ્ઠ શિષ્ય હતા તેમ ગુણાતીતાનંદ સ્વામી -ભગવાન સ્વામિનારાયણ ના શિરમોર શિષ્ય હતા……
  • એ જ સમયે પોપ ના કડક ધડક કપડા ની વાત નીકળી તો સ્વામી એ સકારાત્મક ઉત્તર આપતા કહ્યું કે- પોપ એમની પ્રણાલિકા પ્રમાણે કપડા પહેરે છે અને આપણે આપણા ઇષ્ટદેવ ની આજ્ઞા મુજબ કપડા પહેરીએ છીએ…તેનો ગર્વ થવો જોઈએ….!
  • લંડન થી આવેલા એક ડોક્ટર ને ભગવાન ને સદાયે આગળ રાખવાનું કહેતા સ્વામી એ કહ્યું કે- ભગવાન ને સદાયે આગળ રાખવાથી બળ,સ્થિરતા અને શાંતિ મળે……..
  • ગુણાતીત પુરુષ સદાયે પ્રગટ રહે છે……બસ એક એમનામાં જોડાવા નું છે…..મહંત સ્વામી મહારાજ માં જોડાવા નું છે…

પુ.અક્ષર વત્સલ સ્વામી


  • સ્વામીશ્રી ના દેહ ત્યાગ થી સર્વે-ભક્ત-બિન ભક્ત અશ્રુભીના હતા……
  • જેમ ભગવાન અને ભક્ત વચ્ચે ના સંબંધ ના ભાગ ન પડે…તેમ બાપા અને સત્સંગ વચ્ચે ના સંબંધ નો ભાગ ન  પડે….
  • બાપા ની અમેરિકા માં બાયપાસ સર્જરી પછી ડોકટરે તેમને પોતાનું રોજિંદુ સત્સંગ કાર્ય કરવા પર બ્રેક લગાવવા ની વાત કરી….પણ માને એ બાપા શાના??? 🙂 સ્વામીશ્રી એ પોતાના દેહ ની મર્યાદા ને અવગણી રોજિંદુ સત્સંગ કાર્ય ચાલુ રાખ્યું…..ઉલટાનું વધાર્યું…! દેહ ના ચૂરેચૂરા ..એ પણ સત્સંગ માટે તો ગુણાતીત જ કરી શકે….!!!
  • એવી તો અનેક ડોકટરી સલાહો ને અવગણી…અઢળક શારીરિક દુખ ને બાજુ કરી……હરિભક્તો ના રાજીપા ખાતિર દેહ ને પતરાળા જેવો કરી નાખ્યો………
  • બાપા સદાયે હસમુખા રહ્યા છે…..દેહાતીત રહ્યા છે…શ્રીજી સાથે એકરૂપ રહી..ભક્તિ કાર્ય માં એકાગ્ર રહ્યા છે……..છતાં શ્રીજી એ કહ્યું છે કે જ્ઞાની ને અનંત લોચન હોય છે ..તેમ ભગવાન માં એકાગ્ર રહ્યા છતાં સત્સંગ ની ઝીણી ઝીણી વાતો પણ એમની નજર થી બહાર રહેતી નથી…..એ અનેક વખત જોવા મળ્યું છે…..
  • અમદાવાદ યુવક-યુવતી મંડળ દ્વારા છેલ્લા ૧૬ વર્ષ થી ઉપવાસ -વારા ( રોજ બે યુવક નિર્જળા ઉપવાસ કરે) , જનમંગલ નામાવલી…માળા નું તપ ચાલતું હતું……તેની વાત કરતા કહ્યું કે- સ્વામીશ્રી એ યુવકો ના રદયમાં કેવી જગ્યા બનાવી હશે….!

અદ્ભુત……અદ્ભુત……..! ત્યારબાદ પુ. વિવેક મુની સ્વામી એ – સ્વામીશ્રી ના વિદાય ને ..વિરહ ને વર્ણવતા ,પુ.અક્ષરજીવન સ્વામી રચિત નવીન કીર્તન…”મૂર્તિ તમારી પ્રમુખ સ્વામી ની ..આવે છે મુજ ને યાદ…” રજુ કર્યું……

પુ.બ્રહ્મવિહારી સ્વામી


  • સ્વામીશ્રી ની વસમી વિદાય થી સઘળા લોકો…અબાલ-વૃદ્ધ સર્વ દુખી છે……..
  • આપણો સંપ્રદાય પ્રેમે ..હેતે જોડાયેલો છે……અને પ્રમુખ સ્વામી એ સર્વ ભક્તો ને – અંગત પ્રેમ આપ્યો છે…..પર્સનલાઇઝડ પ્રેમ આપ્યો છે…તેથી જ એ સર્વ ને પોતીકા લાગ્યા છે…
  • સ્વામીશ્રી ના અગ્નિ સંસ્કાર પછી રાત્રે પ્રધાનમંત્રી મોદી સાહેબ નો ફોન આવ્યો અને ગળગળા અવાજે કહ્યું કે- સ્વામી ની યાદ હૃદય માં થી જતી નથી……તો તમારા ત્યાં શું હાલ હશે??? શોક ની આ ઘડી માં સમગ્ર દેશ તમારી સાથે છે……
  • જગવિખ્યાત કાર્ડિઆક સર્જન ડો.તેજસ પટેલ ને આમ સત્સંગ ઓછો પણ સ્વામી ના સમાચાર મળ્યા એટલે એટલા દુખી થયા કે – એમણે કહ્યું કે -એમનામાં સ્વામી ના દેહ ના દર્શન કરવા ની હિમત નથી….અને સંતો ની વિનંતી પછી આવ્યા તો – દેહ ના દર્શન કરી બોલ્યા કે – ત્રણ ત્રણ દિવસ પછી પણ સ્વામીશ્રી ના દેહ -મુખ પર એટલું બધું તેજ લાગે છે કે જે- કલ્પના..વિજ્ઞાન ના નિયમ બહાર છે…..!!!! નરી દિવ્યતા છે…..
  • પુ.મોરારી બાપુ ને અદ્ભુત અનુભવ થયો કે ત્રણ ત્રણ વર્ષ થી લૌકિક રીતે મૌન…નગણ્ય ક્રિયા કરવા છતાં કોઈ મહાત્મા આટલું વિશાલ કાર્ય કરે….લાખો હરિભક્તો અશ્રુભીના થઇ જાય…દર્શને આવે..!!!
  • આપણો સમજણ નો સત્સંગ છે…..સત્પુરુષ ના ચરિત્ર ની સ્મૃતિ કરવાથી દુખ હણાય છે…દુર થાય છે……
  • ૧૯૮૩ માં સ્વામી શ્રી ને ગંભીર હાર્ટએટેક આવ્યો એ સમયે પુ.બ્રહ્મવિહારી સ્વામી પાર્ષદ માં હતા અને એમણે-અન્ય પાર્ષદો એ બનાવેલા શુભકામના કાર્ડ જોઇને સ્વામીશ્રી એ કહ્યું કે- એક બીજાને યાદ કરીએ એટલે એકબીજા ના રદયમાં રહેવાય…હૃદય થી હૃદય ની વાત થાય….!
  • પૂર્વ રાષ્ટ્રપતિ કલામ સાહેબે કહ્યું છે તેમ…સ્વામીશ્રી ની સ્મૃતિ કરીએ તેમ -એ અચૂક હાજર થાય છે……એ આજે પણ આપણી વચ્ચે છે…..
  • સત્પુરુષ ની દ્રષ્ટિ નિરાવરણ હોય છે…..તે સઘળું જુએ છે…….જાણે છે…..અને એમના દર્શન થવા એ અનેક વેદ-ઉપનિષદ ..કુંભ મેળા કરતા પણ વધારે પુણ્ય શાળી છે…મોક્ષ દાતા છે….
  • If you love him……live him……!
  • પુ.ચિન્મયાનંદ સ્વામી એ પ્રમુખ સ્વામી મહારાજ ના દર્શન માટે પાછળ દોડતા યુવકો ને કહ્યું કે…..Don’t run behind your Guru……run for Guru…learn from Guru…!
  • બેપ્સ શતાબ્દી ઉત્સવ સમયે એક અખંડ જ્યોત સ્વામીએ પ્રગટાવી ને આજ્ઞા કરી હતી કે આ જ્યોત દ્વિ-શતાબ્દી સુધી અખંડ રાખજો…એ પછી નવી જ્યોત પ્રગટાવજો…!!!! અર્થાત આ સંસ્થા અક્ષર છે…..સત્પુરુષ સદાયે પ્રગટ છે…….જે આજે પરમ પૂજ્ય મહંત સ્વામી મહારાજ રૂપે બિરાજમાન છે….! એમનામાં મન-કર્મ વચને જોડાવા નું છે…..

ત્યારબાદ વિડીયો દર્શન સ્મૃતિ નો લાભ મળ્યો…..વિવિધ આગેવાન -મોટા લોકો -સામાન્ય હરિભક્તો વગેરે નો સ્વામીશ્રી વિશેનો અનુભવ..પ્રતિભાવ રજુ થયો…….એમાં એક યુવકે વાત કરતા કહ્યું કે- એ પોતે એકવાર સ્વામીશ્રી ના દર્શને ગયો તો સંકલ્પ કર્યો કે..સ્વામીશ્રી માં ભગવાન હોય તો મારો હાથ પકડે…..પણ જયારે દર્શન કર્યા..પુરા કર્યા ..બહાર નીકળ્યો છતાં સ્વામી એ કઈ ન કહ્યું…..પણ અચાનક એને યાદ આવ્યું કે એની કોઈ વસ્તુ- ત્યાં સ્વામીશ્રી પાસે ટેબલ પર જ રહી ગઈ છે…એ પરત લેવા ગયો તો સ્વામીશ્રી એ તરત તેનો હાથ પકડી કહ્યું કે….આવા સંકલ્પ ન કરવા..!!! અને એના શરીર માં થી એક ઝણઝણાટી ભર્યો પ્રવાહ પસાર થઇ ગયો…!!!! અદ્ભુત…! સત્પુરુષ ના પારખા કરવા ની આપણા પામર જીવ ની શું વિસાત????

અને પુ.ઈશ્વર ચરણ સ્વામી એ સભાને અંતે એ જ વાત કરતા કહ્યું કે…….આપણ ને જે મળ્યું છે તે સર્વોપરી છે…….ચિરંજીવી છે…..અને એની સ્મૃતિ જ સુખ આપે છે….! બ્રહ્મ સ્વરૂપ પ્રમુખ સ્વામી મહારાજે કહ્યું હતું કે ત્રણ સૂત્ર સદાયે જીવન માં દ્રઢ કરવા……દાસ ના દાસ થવું, સેવક થવું…..સહન કરવું….! સંપ,સુહાર્દભાવ અને એકતા હમેંશા દ્રઢ કરવા……હરિભક્ત નો અવગુણ ક્યારેય ન લેવો……ગુણગ્રાહક બનવું..! આપણું વર્તન એવું ઉચ્ચ રાખવું કે જગત આખું સ્વામિનારાયણ સત્સંગી ને નમે…..! ગુણાતીત પુરુષ ક્યારેય આ પ્રુથ્વી પર થી જતા જ નથી…….સદાયે પ્રગટ રહે છે……માટે જ પ્રગટ ગુરુહરિ મહંત સ્વામી મહારાજ માં જીવ-મન-કર્મ-વચને જોડાઈ જવું…! એકાંતિક કલ્યાણ તો સત્પુરુષ જ કરી શકે…….બીજા કોઈનું કામ નહિ…..!

સભાને અંતે જાહેરાત થઇ કે….

  • ૨૫ મિ ઓગસ્ટ રોજ -જન્માષ્ટમી નો ઉત્સવ ધામધૂમ થી ઉજવાશે  ….
  • ગુજરાત સરકારે – બરોડા માં નવનિર્મિત ..સૌથી લાંબા ફ્લાય ઓવર નું નામ પ્રમુખ સ્વામી મહારાજ પર ર્કાહ્યું છે….આ સિવાય રાજકોટ માં અત્યાધુનિક હોલ…જૂનાગઢમાં નવીન માર્ગ- સર્કલ નું નામ પણ સ્વામીશ્રી ની સ્મૃતિ માં રાખવા માં આવ્યું છે…..
  • મીડિયામાં પણ -અક્ષરબ્રહ્મ પ્રમુખ સ્વામી મહારાજ તરીકે વર્ણન થયું જે દર્શાવે છે કે – બિન સત્સંગી લોકો પણ સ્વામી શ્રીને અક્ષરબ્રહ્મ તરીકે સમજતા થયા છે…..

અદ્ભુત…..અદ્ભુત….! સત્પુરુષ ના ચરિત્ર…..આજ્ઞા-ઉપદેશ ..ક્રિયાઓ સંભારી રાખવા થી..મનન કરવાથી….એમના સંગે આપણે પણ બ્રહ્મરૂપ થઇ જઈએ…..પરમપદ ને પામીએ….( ભગવાન સ્વામિનારાયણ- વચનામૃત- ગઢડા પ્રથમ-૩, મધ્ય-૩૧, અક્ષર વાતો-૩/૧૨)

બસ એટલું દ્રઢ કરવાનું છે કે – સત્પુરુષ આપણી વચ્ચે સદાયે રહે છે……ગુણાતીત તત્વ ચિરંજીવી છે……માટે મન-કર્મ-વચને-જીવે કરીને એક એમનામાં જોડાવા નું છે………એમનામાં મનુષ્ય ભાવ લાવવા નો નથી ..સદાયે દિવ્યભાવ લાવવા નો છે……!

 

આખરે આપણો મોક્ષ આપણા હાથમાં છે………!!! બાકી સત્પુરુષ તો બધાનું કલ્યાણ કરવા બેઠા છે…

જય સ્વામિનારાયણ

રાજ