Raj Mistry's world

Me,my stories and world around….


Leave a comment

BAPS રવિસભા-02/06/2019

શાસ્ત્રો…..સંતો…સતપુરૂશ અને સ્વયં શ્રીજી કહે છે કે અંતર માં અખંડ શાંતિ જોઈતી હોય તો…. જીવનની પ્રત્યેક ક્રિયામાં….પ્રત્યેક પળ માં એક હરિ ને….એનાં અખંડ સ્મરણ ને….સત્સંગ ને પ્રાધાન્ય આપવું….! અને બ્રહ્મસ્વરૂપ યોગીજી મહારાજ નું સમગ્ર જીવન આનું જીવંત ઉદાહરણ હતુ…..હરપળ હરિ…! બીજુ કશુંયે નહીં…..અને એટ્લે જ એમને આઠૉ જામ સહજ આનંદ ની છોળો ઉછળતી…!! આજે વિશિષ્ટ યોગી જન્મોત્સવ કીર્તન સભા માં , ગરમી થી ત્રસ્ત હરિભક્તો ને આનો જ સહજ આનંદ નો અનુભવ થયો…..!પુ. રાહુલ સ્વામી જેવા સર્વોપરી સંગીતજ્ઞ …તેજ તર્રાર સંત અને એમની ટીમ દ્રારા કૈક અલગ જ કીર્તન સભા એ અદ્ભૂત માહોલ ઉભો કર્યો…..!!

સર્વપ્રથમ જગત નાં ધણી નાં મનમોહક દર્શન……મનભર કરી લો…..એનાં જેવું સુખ ક્યાંયે નથી…..

સભા ની શરૂઆત શરણાઈ નાં માદક સૂરો વચ્ચે સ્વામિનારાયણ નામ ની સર્વોપરી ધૂન ” રે લગની લાગી મુને સ્વામિનારાયણ નામ ની…..” થી થઈ….

03 જૂન, 1892 નાં રોજ ધારી ગામ માં પ્રગટ થયેલા બ્રહ્મ સ્વરુપ યોગી બાપા નું જીવન….એ સમગ્ર સત્સંગ નાં ઇતિહાસ માં સુવર્ણ અક્ષરે લખાયેલું, સહજ આનંદ નું કવન છે…..આજે 127 વર્ષ બાદ પણ એ જ કેસર ભીની સુગંધ આજે પણ અનુભવાય છે….

ત્યારબાદ વયો વૃદ્ધ સંત પુ. યોગેશ્વર સ્વામી, કે જેમણે માત્ર 9 વર્ષ ની ઉંમરે યોગી બાપા ને પોતાનુ જીવન સમર્પિત કરેલું,અંગત સેવક તરીકે છેક સુધી સેવા કરેલી… તેમણે યોગી બાપા નો મહિમા વ્યકત કરતી પ્રાર્થના…” યોગી બાપા …અમારી તમે રક્ષા કરો…” રજુ કરી…! અદ્ભૂત….અદ્ભૂત…!!

ત્યારબાદ પુ.યોગીજી મહારાજ દ્રારા અંતિમ દીક્ષિત (પાર્ષદ દીક્ષા) સંત….પુ. અક્ષર પુરુષ સ્વામી( બ્રહ્મ સ્વરુપ પ્રમુખ સ્વામી દ્રારા ભાગવતી દીક્ષા પામેલા પ્રથમ સંત) દ્રારા….” આંખ થી યોગી બાપા ને મે જોયા…હૈયા મારા હળવા થયાં હો જી…”…રજુ થયુ…! ખરેખર જોગીડા નો જાદુ જ એવો હતો કે…જોનારા ઝડપાઇ જતા….!!!

અને એજ જાદુ ને ચરિતાર્થ કરતું એક અદ્ભૂત કીર્તન…વલ્લભ દાસ રચિત ” જોગીડા નો જાદુ મારા હૃદયે રમે….” પુ. કૃષ્ણ સ્વરુપ સ્વામી દ્રારા રજુ થયુ….! એ જ જાદુ ના સાક્ષી આજે સમગ્ર સંત સમાજ…. સત્સંગ અને સમગ્ર દુનિયા છે….!

એ પછી, પ્રખર વક્તા …વિદ્વાન એવા સંત પુ. અક્ષર વત્સલ સ્વામી એ …વલ્લભ દાસ રચિત….”હૈયું મારૂ યોગી ને જોઇ હરખાણુ…” રજુ કર્યું…..! જગત નું ભાન ભૂલી જવાય એવું જોગી નું દર્શન હતુ……..!

ત્યારબાદ, પુ.ઋષિ કેશ સ્વામી એ , શ્રીજી મહારાજ નાં ગઢડા ખાતે નાં લીલા ચરિત્ર નાં….દેહ સ્વરુપ….સ્વભાવ….ચીહન… ચિંતામણી નાં સુક્ષ્મ દર્શન સ્મૃતિ નું અદ્ભૂત પદ્ય સ્વરુપ- રાઘવ દાસ સલોકા રજુ કર્યું……! મૂળ તો યોગી બાપા ને ખૂબ પ્રિય અને પોતે તેને મહિમા સહીત ગાતા…..

( જે નીચેની લિંક પર થી જોઇ શકશો…અદ્ભૂત સ્મૃતિ…)

ખૂબ જ રસપ્રદ….વચ્ચે “હરે….હરે” નાં ઉદગાર…. અદ્ભૂત…અદ્ભૂત…!!

ત્યારબાદ સમગ્ર સભા એ એક સુર માં…. યોગી બાપા નું અષ્ટક….કે દરરોજ આરતી પછી બોલાય છે…” વાણી અમૃત થકી….” ગાયું….અને એ પછી યોગી બાપા નો એક જૂનો વિડીયો નાં દર્શન થયાં….! એ સદાયે ડોલતી રહેતી મૂર્તિ નાં દર્શન….એટ્લે સાક્ષાત અક્ષર નાં દર્શન…!!!( સભા માં બતાવેલ વિડીયો તો નથી મળ્યો…પણ એનાં જેવો જ અદ્ભૂત સ્મૃતિ વિડીયો અહી જોઈએ….)

ત્યારબાદ એક યુવકે…” વાણી માં વાંસળી વાગી…યોગી તારી વાણી માં વાંસળી વાગી…” રજુ કર્યું…! એ અક્ષર પુરુષોત્તમ ની વાંસળી નાં સુર હજુ પણ દુનિયા નાં ખૂણે ખૂણા માં ગુંજી રહી છે….ગુંજતા રહેશે…!

ત્યારબાદ બ્રહ્મ સ્વરુપ યોગીજી મહારાજ નાં જીવન નો સંદેશ…કે જેમને પુ. અક્ષર જીવન સ્વામી એ શબ્દ દેહ આપ્યો છે….તેને પુ. પ્રેમ વદન સ્વામી એ સ્વરબધ્ધ કર્યું….જેનાં શબ્દો હતાં….” ભગવાન સૌનું ભલું કરો….ભગવાન ભજી લેવા…” …જેનાં પર સમગ્ર સત્સંગ ટકેલો છે…..અને આપણે એ શબ્દો ને જીવન માં દૃઢ કરવા નાં છે…યોગી બાપા જેવા થાવા નું છે…જેમ બ્રહ્મ સંગાથે બ્રહ્મ….એમ જ…!! અદ્ભૂત માહોલ……સમગ્ર સભા તાળીઓ નાં ગડગડાટ થી ગુંજી ઉઠી….!!

ત્યારબાદ પુ. શુભ કીર્તન સ્વામી નાં પહાડી અવાજ માં…” યોગી આવો તેં રંગ મને શીદ લગાડ્યો….” રજુ થયુ……અદ્ભૂત…..મિનિટો સુધી સમગ્ર સભા એ કીર્તન માં… યોગી બાપા નાં મહિમા માં તરબોળ થતી રહી…ભીંજાતી રહી……!! બોલો જય બોલો….યૉગી રાજ ની જય બોલો…..!!!

ત્યારબાદ સદગુરુ સંત પુ. ઇશ્વર ચરણ સ્વામી એ સમગ્ર સભા પર પોતાના રાજીપા ને….યોગી બાપા નાં મહિમા નાં પદ રૂપે રજુ કર્યું…..એમનાં મુખે કીર્તન એ આશિર્વાદ થી કમ નથી….એમણે ગાયું કે…” સ્વામી શ્રીજી ને પળ ન વિસારુ રે…યોગી શરણ મે લીધુ તમારુ રે….” ! અદ્ભૂત કીર્તન…..! ઘણા એ કદાચ પ્રથમ વાર જ પુ. ઇશ્વર ચરણ સ્વામી ને ગાતા સાંભળ્યા …જોયા હશે….!

ત્યારબાદ વિડીયો નાં માધ્યમ થી યોગીજી મહારાજ નાં વિવિધ દર્શન નો લાભ સૌને મળ્યો….!!

1961 માં, ગઢડા માં , સમગ્ર સ્વામિનારાયણ સંપ્રદાય માં સૌ પ્રથમ વાર સુશિક્ષિત 51 સંતોને , જોગી સ્વામી એ દીક્ષા આપેલી…..એમા નાં એક માત્ર સદગુરુ સંત, પુ. ઇશ્વર ચરણ સ્વામી કે જેમણે ચાર ચાર ગુણાતીત ગુરુઓ ને સેવ્યા છે…એમનાં મુખે જોગી બાપા નાં મહિમા સાંભળવા નો મોકો મળ્યો….જોઈએ સારાંશ…

  • પુ. અક્ષર પુરુષ સ્વામી, યુવક તરીકે, યોગી બાપા આફ્રિકા પધારેલા, તયારે તબલા વગાડતા….અને યોગી બાપા ની દ્રષ્ટિ પડી ગઇ…અને એ સાધુ થયા…
  • બાપા બહુ નિર્માની…. સરળ..ખૂબ જ ગમ્મત કરતા કરતા સત્સંગ ની અઘરી વાતો સૌને સમજાવી દેતા…..કાગળ નાં પેક માં દૂધ જોઇ, બાપા એ કરેલી ગમ્મત નો પ્રસંગ સ્વામી એ કહ્યો..
  • સૌ બાળકો..યુવકો ને સાધુ થાવા નું પૂછતાં…!! આફ્રિકા માં સ્વામી એ ખૂબ વિચરણ કરેલું…16 થી 18 કિશોરો ને સાધુ કરેલા….કિશોરો ને કોઈ જ્ઞાન નહીં…પણ કેવળ સ્વામી નાં વચને બધા ત્યાગી થયેલા….આમ, બાપા નાં જીવન માં હરપળ હરી….એટ્લે 24 કલાક એક ભગવાન ભજવા ની જ વાત…!
  • જોગી બાપા કહેતાં કે અમે ભીંત માં માથું નથી અફળવતા…. જીવ ને જોઇ ને સાધુ કરીએ છીએ…

અદ્ભૂત સ્મૃતિ….!!

સભામાં આજે ભારત સરકાર નાં નવનિર્મિત મોદી સરકાર નાં મંત્રી શ્રી મનસુખ ભાઈ માંડવીયા હાજર હતાં….એમની સાદગી ને લીધે એ દેશ માં પ્રસિધ્ધ છે….એમણે કહ્યુ કે….પ્રમુખ સ્વામી મહારાજે સમાજ ને ધર્મ સાથે જોડ્યો…….BAPS એ સમગ્ર જગત માં ભારતની સંસ્કૃતિ ને જીવંત રાખી છે…..

અદ્ભૂત સભા…..!

જોગી સ્વામી નું જીવન જો આપણ ને સમજાય….એમનાં ગુણ આપણાં જીવ માં પણ આવે તો બાકી શુ રહૈ???

બસ શ્રીજી સ્વામી ને એ જ નિરંતર પ્રાર્થના કે , આપણે મન કર્મ વચન અને જીવ થી એક ભગવાન અને આવા ગુણાતીત સંત માં જોડાઇ શકીએ….!!

જય સ્વામિનારાયણ….સદાયે પ્રથમ શ્રીહરિ ને રે…!

રાજ


Leave a comment

BAPS રવિસભા-૩૧/૦૩/૨૦૧૯

“જેવું ઘડતર 60 વર્ષ માં થાય, તેં જ ઘડતર માત્ર 6 મહિના માં અહી થાશે…..”

————————–

પ્રગટ અક્ષર બ્રહ્મ મહંત સ્વામી મહારાજ- સારંગપુર યુવક તાલીમ કેન્દ્ર નાં મહિમા વિશે આશિર્વાદ આપતાં..

આજે અમદાવાદ 41 ડીગ્રી ગરમી માં શેકાઈ રહ્યુ હતુ પણ જીવ ને શીતળતા નો અનુભવ સત્સંગ માં થઈ રહ્યો હતો…..કારણ કે સત્સંગ માં જ બધા જ ઉકળાટ નું સમાધાન છે…..

એવા જ તન મન હૃદય…જીવ ને ટાઢક આપતાં મારા વ્હાલા નાં દર્શન…..મોગરા નાં પુષ્પ સ્વામિનારાયણ ભગવાન ને વ્હાલા હતાં અને એમના કંઠ માં મોગરા ની માળા શોભી રહી હતી….

યુવક મિત્રો દ્રારા સભા ની શરૂઆત ધૂન થી થઈ… પછી યુવકો દ્રારા જ ” આવો આવો શ્રીજી સ્વામી આવો….” કીર્તન રજુ થયુ….ત્યારબાદ એક નાના બાળક દેવ મિસ્ત્રી દ્રારા એનાં સુંદર અવાજ માં, બ્રહ્માનંદ સ્વામી રચિત..” માવા તારી મૂર્તિ માં મોહી મોહી રે…” રજુ થયુ…..મોહ કરવો હોય તો અખંડ ધણી નો જ કરવો કે જયાં થી પસ્તાવું ન પડે…!!! ત્યારબાદ પુ. પ્રેમ વદન સ્વામી નાં બુલંદ સ્વરે..” અનુભવી આનંદ માં… બ્રહ્મરસ નાં ભોગી રે…” મુક્તાનંદ સ્વામી રચિત કીર્તન રજુ થયુ…….એવા જ જોગી આજે પણ મહંત સ્વામી જેવા સ્થિતપ્રજ્ઞ સાધુ રૂપે આજે આપણ ને સાક્ષાત મળ્યા છે….!!

ત્યારબાદ સ્વામીશ્રી નાં 22-24-માર્ચ નાં સારંગપુર ,ખાતે નાં દિવ્ય વિચરણ નાં વિડીયો દર્શન નો સૌને લાભ મળ્યો….જે નીચે ની લિંક પર થી જોઇ શકાશે….

અદ્ભૂત વિડીયો દર્શન….!!!

ત્યારબાદ બ્રહ્મ સ્વરુપ પ્રમુખ સ્વામી મહારાજ દ્રારા 2007 માં સ્થાપિત YTK અર્થાત યુવક તાલીમ કેન્દ્ર , સારંગપુર ની વિશેષ માહીતી આપતો અદ્ભૂત વિડીયો રજુ થયો….ભણ્યા પછી, જીવન નાં 6 માસ આ કેન્દ્ર માં આપશું તો પ.પૂજ્ય મહંત સ્વામી કહે છે તેમ…60 વર્ષ નું સુખ..શીખ….માત્ર 6 મહિના નાં આ ઘડતર માં મળશે….આપણે અહી એક અન્ય લિંક થી તેનો પરિચય મેળવશુ…

ત્યારબાદ પુ. યજ્ઞ પ્રિય સ્વામી એ YTK નો વિશેષ પરિચય, ઇતિહાસ, મહિમા ની વાત કરી….. જેનો આપણે અહી સારાંશ માત્ર જ જોઈશું…

  • અહી પથ્થર જેવા યુવાનો ગુલાબ નાં પુષ્પ ની જેમ અદ્ભૂત ઘડતર પામે છે….
  • જીવન ની સાચી દિશા…જીવન વિશે વિવેક..મહત્તા.. અહી જાણવા મળે છે….
  • જીવન માં યુવકો ને આડા માર્ગે જતા રોકવા સત્સંગ અનિવાર્ય છે…સતપુરૂશ નો સંગ…દૃઢ પ્રીતિ, મહિમા અનિવાર્ય છે, જે સારંગપુર જેવા નૈમિષારણ્ય ક્ષેત્ર માં મળે છે….
  • અહી સત્સંગ નો પાયો…ઉપાસના નું જ્ઞાન… સેવા નો મહિમા….સતપુઋષ નો રાજીપો…જીવન માં વિપરીત સ્થિતી માં સ્થિર રહેવા ની સમજણ…પારિવારિક સંબંધો નું મહત્વ…સંસ્કાર ની દ્રઢતા….જીવન માં સમય નો સદુપયોગ…આત્મ વિશ્વાસ ની દ્રઢતા….વિગેરે જીવન માં સ્પષ્ટ થાય છે…..
  • ગુણાતીત ગુરુઓ નો અઢળક રાજીપો અહી આ કેન્દ્ર પર છે…
  • દર વર્ષે લગભગ 300 જેટલા ઉત્સાહી યુવકો અહી જીવન ની તાલીમ લે છે….માટે આપણાં પરિવાર નાં યુવકો ને પણ અહી તાલીમ માં મોકલવા નો આગ્રહ રાખવો..

ત્યારબાદ અન્ય એક વિડીયો દ્રારા આ તાલીમ કેન્દ્ર નો મહિમા, યુવકો નાં પિતા શ્રી ઓ નો …યુવકો નો પોતાનો અનુભવ વગેરે નું દર્શન થયુ…..

ત્યારબાદ વિડીયો નાં માધ્યમ થી પ.પૂજ્ય મહંત સ્વામી મહારાજે આ યુવક તાલીમ કેન્દ્ર વિશે આશીર્વચન આપતાં કહ્યુ કે….ભગવાન નું…સ્વામી નું સ્વરુપ…આપણાં જીવન નું ધ્યેય …જીવ માં દૃઢ થાય છે…આ ટ્રેનિંગ માં સો સો માથા આપતાં પ્રવેશ મળે તો યે ઓછું છે….!!! ધીરજ રાખી ને જે યુવક અહી ટ્રેનિંગ લેશે…તેં પથ્થર માં થી ગુલાબ થઈ જશે….60 વર્ષ નું ઘડતર 6 માસ માં થઈ જશે…!!

જાહેરાત

————-

YTK નાં ફોર્મ આજ થી જ શાહીબાગ મંદીર માં થી મળશે….યુવતી તાલીમ કેન્દ્ર, રાંદેસણ માટે નાં ફોર્મ પણ અહી મળશે….

જેવા મે નીરખ્યા રે- લેખક સ્વયં પ્રગટ અક્ષર બ્રહ્મ મહંત સ્વામી મહારાજ દ્રારા પોતાના ગુરુ પ્રમુખ સ્વામી સાથે ની સ્મૃતિઓ લખાઈ છે….આ અદ્ભૂત પુસ્તક અચુક વસાવવું…..

ત્યારબાદ પુ. બ્રહ્મ વિહારી સ્વામી એ અગત્ય ની જાહેરાત કરતા જણાવ્યું કે….આવનારા ત્રણ અઠવાડિયા સુધી રવિસભા જે તેં વિસ્તાર નાં સંસ્કાર ધામ, મંદીર માં જ થાશે…..શ્રીહરિ જયંતિ ઉત્સવની વ્યવસ્થા પણ જે તેં વિસ્તાર નાં મંદીર માં જ થાશે……કારણ- સર્વે ની સલામતી નો છે…..ખાસ ધ્યાન રાખવું….

પુ. અક્ષર વત્સલ સ્વામી એ જાહેરાત કરતા કહ્યુ કે- ૨૩ એપ્રિલ નાં રોજ ગુજરાત માં લોકસભા ની ચૂંટણી છે…..માટે ગુરુ આજ્ઞા છે કે- મતદાન અવશ્ય કરવું…..પૂજા કરી ને પ્રથમ કાર્ય આ કરવું….પવિત્ર મત- દેશ ને સર્વોપરી બનાવે તેવી સરકાર ને આપવો….રાષ્ટ્ર જગદગુરુ બને એ માટે વોટિંગ કરવું…

પુ. ધર્મજ્ઞ સ્વામી એ કહ્યુ કે રવિસભા અલગ થી નહીં થાય પણ, જે તેં વિસ્તાર ની પરસભા એ જ રવિસભા ગણાશે…..

અંતે, પુ. ઇશ્વર ચરણ સ્વામી એ પણ YTK માં યુવકો ને અવશ્ય જાવા પર આગ્રહ કરતા કહ્યુ કે…ગુણાતીત ગુરુ ઓ નો રાજીપો આ જ છે…યુવકો સન્માર્ગે ચાલશે તો તેનુ જીવન…પરિવાર નું ભવિષ્ય… દેશ નું ભવિષ્ય સુદ્રઢ થાશે……મતદાન રાષ્ટ્ર ને મજબૂત કરવા અચુક કરવું…જે પક્ષ ધર્મ ની રક્ષા કરે…દેશ નું સારુ કરે, તેને જ આપવો….

આમ આજની સભા જીવન નાં ઘડતર માટે ની….રાષ્ટ્ર નાં ઘડતર માટે ની હતી…સત્સંગ ની કેડી એ ભગવાન અને સંત નો રાજીપો શામાં છે…એ જાણવા માટે હતી….

જાગતા રહો……જીવ માટે…રાષ્ટ્ર માટે….

જય સ્વામિનારાયણ

રાજ


Leave a comment

BAPS રવિસભા-૦૬/૦૧/૨૦૧૯

પછી શ્રીજીમહારાજ બોલ્યા જે, “કીર્તન રહેવા દ્યો ને સર્વે સૂરત દઈને સાંભળો, એક વાર્તા કરીએ છીએ જે,

જેટલા કલ્યાણને અર્થે વ્યાસજીએ ગ્રંથ કર્યા છે તે સર્વે સૂરત રાખીને અમે સાંભળ્યા. તે સર્વે શાસ્ત્રમાં એ જ સિદ્ધાંત છે અને જીવના કલ્યાણને અર્થે પણ એટલી જ વાત છે જે, આ સર્વ જગત છે તેના કર્તાહર્તા એક ભગવાન છે. અને એ સર્વે શાસ્ત્રને વિષે ભગવાનનાં ચરિત્ર છે કાં ભગવાનના સંતનાં ચરિત્ર છે. અને વર્ણાશ્રમના ધર્મની જે વાર્તા છે અને તેનું ફળ જે ધર્મ, અર્થ અને કામ છે; તેણે કરીને કાંઈ કલ્યાણ થતું નથી અને કેવળ વર્ણાશ્રમના ધર્મ વતે તો સંસારમાં કીર્તિ થાય ને દેહે કરીને સુખિયો રહે એટલું જ ફળ છે. ….

અને કલ્યાણને અર્થે તો ભગવાનને સર્વકર્તાહર્તા જાણવા એ જ છે……

અને જેવું પરોક્ષ ભગવાનના રામ-કૃષ્ણાદિક અવતારનું માહાત્મ્ય જાણે છે તથા નારદ, સનકાદિક, શુકજી, જડભરત, હનુમાન, ઉદ્ધવ ઇત્યાદિક જે પરોક્ષ સાધુ તેનું જેવું માહાત્મ્ય જાણે છે …….

….તેવું જ પ્રત્યક્ષ એવા જે ભગવાન તથા તે ભગવાનના ભક્ત સાધુ તેનું માહાત્મ્ય સમજે………

………તેને કલ્યાણના માર્ગમાં કાંઈયે સમજવું બાકી રહ્યું નહીં. ….

તે આ વાર્તા એક વાર કહ્યે સમજો અથવા લાખ વાર કહ્યે સમજો, આજ સમજો અથવા લાખ વર્ષ કેડે સમજો પણ એ વાત સમજ્યે જ છૂટકો છે….


વચનામૃત -ગઢડા મધ્ય ૨૧

ઇસ્વીસન ૨૦૧૯ નાં વર્ષ ની આ પ્રથમ સભા સત્સંગ થી ભરપૂર હતી….સવારે કાર્યકર સત્સંગ શિબિર અને સાંજે સત્સંગ નાં ધસમસતા દરિયા સમાન રવિસભા……! નવા વર્ષ માં…. તન મન જીવ ને રિચાર્જ કરવા આના થી પ્રબળ સાધન ક્યુ હોઇ શકે??? મુદ્દા નાં વચનામૃત પર આધારિત આજની સભા અદ્ભૂત હતી….

નવા વર્ષ ની પ્રથમ સભા માં… સર્વ પ્રથમ જગત નાં નાથ નાં દર્શન…

 

સભા ની શરૂઆત યુવક મંડળ દ્રારા ધૂન થી થઈ….કીર્તન ની શરૂઆત…વનમાળી દાસ રચિત..”નમી એ નારાયણસ્વરુપ…” ગુરુ મહિમા નાં પદ થી થઈ….એ પછી એવું જ એક પદ ” થાય છે જય જય કાર….” રજુ થયુ. …ત્યાર બાદ પુ. અમૃત કીર્તન સ્વામી (લંડન મંદીર) એ “કેમ વિસારુ અંતર માં યે રે…પ્રમુખ સ્વામી પ્યારા રે…” ગરબી નાં ઢાળ માં રજુ કર્યું…..અને એજ ઢાળ માં, પુ.સ્વામી એ ” લાગો છો પ્યારા પ્યારા પ્રમુખ સ્વામી….” રજુ કર્યું….સમગ્ર સભા માં ગુરુ ભક્તિ નો જોશ આવી ગયો…!

પુ. અમૃત કીર્તન સ્વામી કે જે હાલ લંડન મંદીર માં સેવા આપી રહ્યાં છે…તેમણે ત્યાં નાં મંદીર વિશે જણાવતા કહ્યુ કે….લંડન મંદીર નાં વિચાર નો જન્મ આફ્રિકા મંડળ નાં યોગી બાપા ને કરેલી પ્રાર્થના માં થી થયો….હેરો માં મંદીર નો સંકલ્પ…નિષ્ફળતા…નીસડન માં 1985 માં મંદીર ની સ્થાપના….. અને એની પાછળ પ્રમુખ સ્વામી મહારાજ અને સંતો હરિભક્તો નો દાખડો અદ્ભૂત હતો…..એ મંદીર ને લીધે બાળકો માં પડેલા સંસ્કાર …સ્કુલ શિક્ષકો પર એમનાં લીધે પડેલો શુભ પ્રભાવ….આ મંદીર ની એક ફળષૃતિ ની ઝલક છે….અહી બાપા નાં શબ્દો માં…. મંદીર નાં પથ્થરો પણ સત્સંગ કરાવશે….એ સાબીત થયુ છે. અહી નાં અતિ નિષ્ઠાવાન હરિભક્તો નાં પ્રસંગો અદ્ભૂત છે….જેમાં શબ્દે શબ્દે સેવા છલકે છે….નીગ્રો હરિભક્ત ની નિષ્ઠા….અમર પારેખ દ્રારા ઉજ્જવળ કારકિર્દી છોડી…ભગતજી મહારાજ નાં જીવન ચરિત્ર નાં અંગ્રેજી ભાષાંતર માટે સંપુર્ણ સમર્પણ હૃદય ને સ્પર્શી ગયુ…. એવાં અનેક નિષ્ઠાવાન હરિભક્તો નાં પ્રસંગ સ્વામી એ કહ્યા…..

ત્યારબાદ તારીખ 30-31 ડિસેમ્બર નાં પુ. સ્વામીશ્રી નાં મુંબઇ ખાતે નાં દિવ્ય વિચરણ નાં વિડીયો દર્શન નો લાભ મળ્યો….જે નીચે ની લિંક પર થી જોઇ શકાશે…

આજે અદ્ભૂત દિન છે…પોષ સુદ પડવો…આજની તિથિ એ અક્ષર દેરી માં બ્રહ્મસ્વરૂપ શાસ્ત્રીજી મહારાજે , શાંતિ ભગત ને ભાગવતી દીક્ષા આપી નારાયણ સ્વરુપ દાસ નામ આપ્યું …ભગવા વસ્ત્રો ની જગત માં લાજ વધારી…..એની સ્મૃતિ સાથે પુ. અક્ષર વત્સલ સ્વામી એ ગ.મ.૨૧ પર અદ્ભૂત પ્રવચન કર્યું….અહી જોઈએ એનો સારાંશ માત્ર…

  • પ્રમુખ સ્વામી મહારાજ ની સર્વોપરી સાધુતા નું કારણ હતુ….એક ભગવાન નું સર્વોપરી પણું….સર્વ કર્તાહર્તા પણું સમજવું…..જે ગ.મધ્ય ૨૧ નાં આ મુદ્દા નાં વચનામૃત માં વર્ણિત છે.
  • જીવન હોય કે શાસ્ત્ર….કલ્યાણ નો મુદ્દો કે સાર પકડવો…એ જ ફળષૃતિ…. અને સ્વામિનારાયણ ભગવાને અહી આ વચનામૃત માં કહ્યુ છે….
  • ગ.પ્ર.74 માં..ભગવાન ને સર્વ કર્તાહર્તા સમજી એ તો ભગવાન રાજી થાય…શાંતિ નો અનુભવ થાય એમ કહ્યુ છે ….માટે આ સાધન કલ્યાણ માટે સર્વોપરી છે….ગુણાતીત સ્વામી એ પણ અંતર ધગી ન જાય તેનાં ઉપાય માં પણ ભગવાન ને સર્વ કર્તાહર્તા સમજવા નું કહ્યુ છે
  • ભગવાન, ભક્ત નાં અંતર માં રહી એની ધીરજ ની કસોટી કરે છે….સાચો ભક્ત આ સમજે છે અને સદાયે આનંદ માં રહે છે….
  • ગ.અંત્ય ૧૩ માં શ્રીજી કહે છે….ભગવાન નાં ભક્ત માટે , ભગવાન ની મરજી એ જ એનું પ્રારબ્ધ……માટે એ મુજબ રાજી થી જીવવું.
  • બધી સાધના ઓ થી પર …..માયા થી પાર એકમાત્ર સર્વ કર્તાહર્તા પણા ની સાધનાં છે……વાર્તાલ ૨, કારિયાણી ૧૦- માં તો ભગવાન ને સર્વ કર્તાહર્તા ન સમજવા ને અપરાધ…દ્રોહ…ભુલ કહી છે….
  • આપણા ગુણાતીત ગુરુઓ એ આ જ સાધના સિદ્ધ કરી છે અને આપણ ને આ જ કરવા ની આજ્ઞા કરી છે……માટે જ શ્રીજી જેવા જ સર્વોપરી, એમનાં જ ધારક સંત મહંત સ્વામી મહારાજ મળ્યા છે….માટે આપણી પ્રાપ્તિ નો કોઈ પાર ન કહેવાય….
  • આપણે બસ…એ જ ગુરુ ની આજ્ઞા માં દૃઢ રહેવાનું છે….એમનો મહિમા સમજવા નો છે….આ સર્વોપરી સંસ્થા…સર્વોપરી સિદ્ધાંત માટે પ્રમુખ સ્વામી મહારાજે …ગુણાતીત પુરુષો એ વેઠેલો ભીડો સમજવા નો છે….એની પાછળ શ્રીજી નું કર્તાહર્તા પણું સમજવા નું છે….દૃઢ કરવા નું છે….સંસાર માં પણ આ જ સત્ય જીવવા નું છે.

અદ્ભૂત…..ત્યારબાદ સભા ને અંતે જાહેરાત થઈ…

  • ઝોળી દાન ની સભા આ વખતે ૧૩/૧ રવિવાર નાં રોજ થવાનું છે…..14 તારીખે કોઈ પ્રોગ્રામ નથી…. સમય -૮ થી ૧૧ સવારે
  • આંબલી વાળી પોળ માં નવીનીકરણ ચાલે છે…માટે દર્શન માટે મંદીર દ્રારા અપાયેલી સુચના નું પાલન કરવું….

ટૂંક માં એક ભગવાન ને સર્વ કર્તાહર્તા સમજી ને પોતાના કર્મો કરતા રહીએ એટલે ભયો ભયો….સ્થિત પ્રગય્તા એમને એમ આવે…..

આખરે એની મરજી એ જ આપણુ જીવન….!!

જય સ્વામિનારાયણ

રાજ…


Leave a comment

BAPS રવિસભા- ૧૯/૧૧/૨૦૧૭

એ સંતની સર્વે ઇન્દ્રિયોમાં ભગવાન રહ્યા છે, તે માટે એ સંત તો બ્રહ્માંડમાં સર્વે જીવોનાં ઇન્દ્રિયોને પ્રકાશ કરવાને સમર્થ થાય છે. માટે એ સંત તો સર્વ જગતના આધારરૂપ છે………….

( ભગવાન શ્રી સ્વામિનારાયણ- વચનામૃત- ગઢડા પ્રથમ-૨૭)

અતિશય જે મોટાપુરુષ હોય તેનો જે ઉપર રાજીપો થાય તેના ગમે તેવા મલિન સંસ્કાર હોય તો નાશ પામે અને મોટાપુરુષનો રાજીપો થયો હોય……… તો રાંક હોય તે રાજા થાય અને ગમે તેવાં ભૂંડાં પ્રારબ્ધ હોય તો રૂડાં થાય …………અને ગમે તેવું તેને માથે વિઘ્ન આવનારું હોય તે નાશ થઈ જાય………..


વચનામૃત-ગઢડા પ્રથમ-૫૮

ગઈ રવિસભા હિમતનગર માં હતી આથી એ અહી પ્રગટ ન થઇ શકી ….પણ તન-મન-જીવ ને બળવત્તર કરતી આ સભા …આજનું પુ.અક્ષરવત્સલ સ્વામી નું તેજસ્વી પ્રવચન , એ વાત ને પુનઃ મજબુત કરતી ગઈ કે- આખું અઠવાડિયું લૌકિક કાર્ય ની પાછળ દોડાદોડી માં ગુજાર્યા પછી રવિસભા ના બે કલાક- એ સર્વ માયા ની ધૂળ ને પળ માં ખંખેરી નાખે છે અને પળેપળ એ વાત નું સંજ્ઞાન લેવડાવે છે કે- આપણો જન્મ તો બ્રહ્મ રૂપ થઇ એક પરબ્રહ્મ ને પામવા જ થયો છે…….બાકી બધું તો જવાબદારી માથે પડી છે તો કરવું પડે…..બાકી કરવા નું તો એ જ છે…!

સર્વ પ્રથમ- હમેંશ ની જેમ મારા વ્હાલા ના દર્શન…….

23658611_1689369987767629_3246512554414579745_n

સભાની શરૂઆત – યુવકો દ્વારા ધુન્ય અને પ્રાર્થના થી થઇ……ત્યારબાદ પ્રેમાનંદ સ્વામી રચિત અદ્ભુત કીર્તન નો આસ્વાદ મિત્ર જૈમીન વૈદ્ય ના સુરીલા કંઠે મળ્યો…..” સાથીડા મારો નેહ નીભાવના……..’ અદભુત કીર્તન…!! અદ્ભુત રાગ…..અને એક એક શબ્દ કે- જો એક હરિ સાથે સાચો સ્નેહ બંધાશે તો એ જરૂર એને નિભાવશે…….એની સાથે સ્નેહ બાંધી ને પસ્તાવું નહિ પડે…તેની ગેરંટી..!! ત્યારબાદ પુ.કૃષ્ણ સ્વરૂપ સ્વામી એ .એવા જ મનમોહક રાગ માં …” ઘનશ્યામ પુરણ કામ ભજમન…..” રજુ કર્યું…..અને સમગ્ર સભા તાળીઓ ના ગડગડાટ થી ગુંજી ઉઠી. ….! ત્યારબાદ લંડન અને અમેરિકા થી સારંગપુર સંસ્કૃત વિદ્યાલય માં અભ્યાસ માટે પધારેલા બે યુવક..કુંજ અને સન્ની એ- વાંસળી અને તબલા ના તાલમેલ થી અદ્ભુત રીતે ..સર્વે નું મનપસંદ કીર્તન ” આપ રીઝો એમ રાજી…” કીર્તન instrumental રીતે સંભળાવ્યું……! વિદેશ માં વસતા ભારતીય લોકો પોતાની સંસ્કૃતિ જાળવવા કેટલા સભાન છે……એ અહી જાણવા મળ્યું..!! આપણે ક્યારે જાગશું???

ત્યારબાદ પુ.ધર્મ તિલક સ્વામી એ – ગુણાતીત પુરુષો ની માલિકી ના ગુણ…..નિષ્કામી વર્તન- ને અક્ષરબ્રહ્મ પ્રમુખ સ્વામી મહારાજ અને પ્રગટ અક્ષરબ્રહ્મ મહંત સ્વામી મહારાજ ના જીવન પ્રસંગો ને આધારે સમજાવ્યું…….! કંચન કામિની નો ત્યાગ તો ભલભલા વૈરાગીઓ..દેવો ને પણ કઠણ પડ્યો છે…….પણ ગુણાતીત પુરુષો એ તો શ્રીજી ની આજ્ઞા અનુસાર તેને ત્રણેય અવસ્થામાં આ નિયમ ને સારધાર પાળ્યો છે……બોસ્ટન માં બાપા ના મોતિયાનું ઓપરેશન હોય…કે ગોંડલ માં નાનકડી બાળકી ને પોતાનું ગાતરિયું અડી ગયું છે તેવી શંકા માત્ર હોય……..પણ પોતાનો નિયમ ધર્મ- બાપા એ ડગવા દીધો નથી……..મૂર્ધન્ય સાહિત્યકાર ઈશ્વર પેટલીકર હોય કે- ડો.એચ.એમ.પટેલ હોય…કે કાંતિ ભટ્ટ હોય..સર્વ ને – સ્વામીશ્રી આ બાબત માં કેટલા અડગ છે તેનો અનુભવ સાક્ષાત થયો છે…………મહંત સ્વામી મહારાજ માં પણ એ જ ગુણ આજે પ્રત્યક્ષ દેખાય છે………..!

ત્યારબાદ પ્રગટ અક્ષરબ્રહ્મ મહંત સ્વામી મહારાજ ના મુંબઈ ખાતે ના તારીખ- ૧૧ અને ૧૨ નવેમ્બર – ના વિચરણ દર્શન નો લાભ વિડીયો ના માધ્યમ થી મળ્યો……..બાપા નું નિર્માની પણું- એક એક દ્રશ્ય માં છલકાય છે……..!

ત્યારબાદ પુ.અક્ષર વત્સલ સ્વામી જેવા અતિ વિધવાન….તેજસ્વી…..પ્રખર વક્તા નો ” સત્પુરુષ માં દ્રઢ વિશ્વાસ અને નિષ્ઠા” પર અદ્ભુત પ્રવચન નો લાભ મળ્યો……..અદ્ભુત પ્રસંગો….ઉદાહરણ અને એની અદ્ભુત સીમલેસ ગૂંથણી……………રૂબરૂ સંભાળીએ તો જ સમજાય કે- કથાવાર્તા નો રસ શું હોય છે…!! અહી આપણે કેવળ – તેનો સારાંશ માત્ર જોઈશું…..!

  • આ મનુષ્ય જન્મ એ કેવળ ભગવાન ની કૃપા જ છે…….પણ મનુષ્ય જીવન ની કરુણતા એ છે કે- જીવન ના પ્રશ્નો હટતા જ નથી…..પ્રશ્નો ના પ્રકાર બદલાય છે……પણ પ્રશ્નો તો રહે જ છે……..તેનું કારણ- બાહ્ય અને આંતરિક બંને છે……
  • આંતરિક કારણ – કામ ક્રોધ..મદ લોભ..મત્સર વગેરે છે કે જેના કારણે પ્રશ્નો ઉદ્ભવે છે અને એ પ્રશ્નો ની અસર લાંબી..ઊંડી હોય છે…….માટે જ આવા દોષ ( કામ ક્રોધાદિક) ને જીતવા મુશ્કેલ હોય છે….અને પરિણામે- એનો ઉકેલ પણ એટલો જ મુશ્કેલ હોય છે…..
  • જેમ જેમ પ્રશ્ન….દોષ..મુશ્કેલી બદલાય તેમ તેમ તેના ઉકેલ નો પ્રકાર પણ બદલાય છે……પણ કોઈ એક એવી ચાવી..એક એવો ઉકેલ ખરો કે- જેનાથી આ સર્વ પ્રશ્નો નું સમાધાન થાય??? વચનામૃત માં શ્રીજી આનો ઉત્તર આપે છે…….હા….સર્વે પ્રશ્નો નું સમાધાન એક- સત્પુરુષ છે…….કારણ?? વચનામૃત- ગઢડા પર.૨૭ મુજબ એવા સત્પુરુષ એ સ્વયમ શ્રીજી ના ધારક છે….સર્વ જગત ના આધાર રૂપ છે અને એમના શરણે ગયા થી- જીવ ના ભાગ્ય રૂડા થઇ જાય છે…………..( ગ.પ્ર.૫૮..) ….આ જ વાત- ગઢડા પ્ર.૬૨;૩૭…ગઢડા અંત્ય-૨૬ માં પણ શ્રીજી એ કહેલી છે………………
  • પ્રમુખ સ્વામી મહારાજ ના અનેક પ્રસંગો છે….જેના સાક્ષી..અનુભવી અનેક હરિભક્તો આજે પણ હયાત છે……કે- સ્વામીશ્રી ના વચન માત્ર થી એમના જીવન બદલાઈ ગયા હોય…….મૃત્યુ ની અરે પહોંચેલા હોય અને પાછા ફર્યા હોય……!! પણ સત્પુરુષ બોલે એટલે થઇ જાય એમ ન હોય…સામે નું પાત્ર એ વચન ને કેટલા વિશ્વાસ થી ઝીલે છે….એમના વચન માં કેટલો વિશ્વાસ છે ..એના પર પણ અવલંબે છે…..
  • કારણ કે- જે જીવ સત્પુરુષ ની આજ્ઞા ઝીલે- એ આત્મ સત્તા રૂપ થયા વગર રહે જ નહિ…………આપણે રવિસભામાં નિયમિત આવી એ છીએ- એ પણ એક આજ્ઞા નું પાલન જ છે એમ કહેવાય…….
  • માટે – આર્થિક-સામાજિક કે અધ્યાત્મિક પ્રાપ્તિ હોય….સત્પુરુષ ને મન-કર્મ-વચને રાજી કરનારો – જરૂર સફળ થાય છે……..માટે જ સત્પુરુષ ને તમે માસ્ટર કી કહી શકો…………..
  • સત્પુરુષ અને એમાં રહેલા પ્રગટ પ્રમાણ શ્રીજી મહારાજ- આજે આપણ ને સામે થી મહંત સ્વામી મહારાજ રૂપે મળ્યા છે…………એમને ઓળખવા..એમના મહિમા ને જીવ માં દ્રઢ કરવો……અને જો એમ થાય તો- આપણ ને જીવન માં કોઈ પ્રશ્ન નડે જ નહિ…………..! એનો પુરાવો એ છે કે- માત્ર એકલા અમેરિકા જેવા પશ્ચિમી દેશ માં જ આજે ૧૭૫ જેટલા અતિ શિક્ષિત યુવકો અને દુનિયાભર ના કુલ ૩૦૦ થી વધુ યુવકો – વૈરાગ્ય ના કાંટાળા પંથે – પ.પુ.મહંત સ્વામી મહારાજ ના રાજીપા અર્થે..ચાલવા તૈયાર છે… સાધુ થવા માટે થનગની રહ્યા છે……..!!! અદ્ભુત…..અદ્ભુત..!! આ તો ગુણાતીત જ કરી શકે…બીજા કોઈનું કામ નહિ…….!!!
  • (ઉપરોક્ત પ્રવચન મોબાઇલ રેકોર્ડિંગ કલીપ નાં માધ્યમ થી સાંભળી શકશો……નીચેની લિંક દ્રારા….

પુ.અક્ષર વત્સલ સ્વામી પ્રવચન

અદ્ભુત…..અદ્ભુત….!!! જીવન માં આ જ તો કરવા નું છે…………..આપણે જીવન માં- ભૌતિક-સામાજિક દ્રષ્ટિ એ ગમે તેટલા આગળ વધીએ પણ મન ની મૂંઝવણ નું સમાધાન તો એક સત્પુરુષ જ કરી શકે…….ગુરુ બિન જ્ઞાન નહિ…….ગુરુ બિન નહિ કલ્યાણ…!!!

સભાને અંતે જાહેરાત થઇ કે- આવતા રવિવારે- બ્રહ્મ સ્વરૂપ પ્રમુખ સ્વામી મહારાજ નો પ્રતિક જન્મોત્સવ – સભામાં ઉજવવા નો છે…..અને સોમવારે આણંદ ખાતે- મૂળ..ભવ્ય પ્રોગ્રામ યોજાશે……સર્વે હરિભક્તો ને- તેનો અમુલ્ય લાભ લેવા વિનંતી છે…..

જીવન માં આટલું સમજાય તો એ- મોટા પુરુષ નો મહિમા જીવ માં દ્રઢ થાય…………અને એજ પુરુષ આપણો આત્મા છે….એમના માં – સ્વયમ પુરુષોત્તમ નારાયણ પ્રગટ પ્રમાણ રહેલા છે..તેની પ્રતીતિ થાય………અને થયેલી આ પ્રાપ્તિ નો ઉત્સવ ઉજવાય..!

સત્સંગ માર્ગ માં જાગતા રહેજો…………….પિયા પાયા તો ફિર ક્યા સોના……!!!

જય સ્વામિનારાયણ………..

રાજ


3 Comments

BAPS સ્મૃતિ રવિસભા-૨૧/૦૮/૨૦૧૬

“….એનાં નેત્રમાં ભગવાન જોનારા છે તે માટે બ્રહ્માંડમાં જેટલાં જીવપ્રાણી છે તેનાં નેત્રને પ્રકાશ કરવાને સમર્થ થાય છે………, અને એના પગમાં ચાલનારા ભગવાન છે તે માટે બ્રહ્માંડમાં સર્વ જીવના પગને વિષે ચાલવાની શક્તિને પોષણ કરવાને એ સમર્થ થાય છે…………; એમ એ સંતની સર્વે ઇન્દ્રિયોમાં ભગવાન રહ્યા છે, તે માટે એ સંત તો બ્રહ્માંડમાં સર્વે જીવોનાં ઇન્દ્રિયોને પ્રકાશ કરવાને સમર્થ થાય છે……….માટે એ સંત તો સર્વ જગતના આધારરૂપ છે………..


ભગવાન શ્રી સ્વામિનારાયણ -વચનામૃત-ગઢડા પ્રથમ-૨૭

“હું તો ચિરંજીવી છું”


અનાદી મૂળ અક્ષર ગુણાતીતાનંદ સ્વામી

“સત્પુરુષ આ પૃથ્વી પર થી ક્યારેય જતા જ નથી…..સદાયે પ્રગટ રહે છે…..”


બ્રહ્મસ્વરૂપ શાસ્ત્રીજી મહારાજ

૧૩ ઓગસ્ટ,૨૦૧૬, સમય-સાંજ-૬ ; સ્થળ- સર્વસ્વ, સારંગપુર નૈમિષારણ્ય ક્ષેત્ર – આ અવની પર થી પ્રગટ અક્ષરબ્રહ્મ પ્રમુખ સ્વામી મહારાજે પોતાનો દેહ સંકેલ્યો ..તેને આજે બરોબર એક અઠવાડિયું થયું…….અક્ષરબ્રહ્મ એ દેહ બદલ્યો…..જીવમાત્ર ના કલ્યાણ નો માર્ગ ખુલ્લો રહે એ માટે નવા પાત્ર ની..નવા સમર્થ દેહ ની પસંદગી કરી……..અને એ જ ગુણાતીત..ચિરંજીવી…શ્રીજી એ  વર્ણવેલા સમર્થ સંત….સત્પુરુષ પ્રગટ અક્ષરબ્રહ્મ મહંત સ્વામી મહારાજ તરીકે આજે આપણી સમક્ષ પ્રગટ બિરાજી રહ્યા છે….! તો- મહા સમર્થ -અક્ષરબ્રહ્મ પ્રમુખ સ્વામી મહારાજે જે અકલ્પનીય કાર્યો..ચરિત્રો….કર્યા તેની સ્મૃતિ ની આ સભા હતી….હરિભક્તો નું લૌકિક શોક -દુખ દુર કરવાની…..ચિરંજીવી ગુણાતીત તત્વ ના મહિમા ને સમજવાની સભા હતી…!

ગયા રવિવારે તો સારંગપુર – સ્વામીશ્રી ના દિવ્ય વિગ્રહ ના દર્શન માં હતા…આથી ધુન્ય-રવિસભા માં હાજર ન રહેવાયું…..પણ આજની સભા મેઘ ભર્યા વાતાવરણ માં પણ કરવામાં આવી…..ઠાકોરજી ના દર્શન મનભરી ને કરવા માં આવ્યા…….

13932743_583304155191094_2773333572547166760_n

સભામાં આજે ખુબ જ ભીડ હતી…..સભાગૃહ છલોછલ ભરેલું હતું…કેટલાક હરિભક્તો ને તો મંદિર ના પ્રાંગણ માં જ સભા નો શ્રવણ લાભ લેવો પડ્યો…..અને કેમ ન હોય??? ગુરુહરિ ની વસમી વિદાય પછી ની આ પ્રથમ શ્રદ્ધાંજલિ -સ્મૃતિ સભા હતી……! સભાની શરૂઆત ધુન્ય-પ્રાર્થના થી થઇ…….પુ.પ્રેમવદન સ્વામી  દ્વારા ” ગુરુજી નહિ ભૂલું તમને…” અને  ” એક જ આશા છે જીવતર ની…..પ્રમુખ સ્વામી માં ખોવાવું…” રજુ  થયા અને પ્રમુખ સ્વામી મહારાજ નો દિવ્ય ચહેરો નજરો સમક્ષ છવાઈ ગયો……!

ત્યારબાદ વિધવાન સંતો ના મુખે – અક્ષરબ્રહ્મ પ્રમુખ સ્વામી મહારાજ ના દિવ્ય પ્રસંગો ની સ્મૃતિ કરવામાં આવી….જોઈએ વિગતવાર સારાંશ…..

પુ.વિવેક જીવન સ્વામી


  • ૧૯૮૪ માં યુકે માં સ્વામીશ્રી ની પોપ સાથે મુલાકાત થઇ અને સ્વામિનારાયણ સંપ્રદાય ની ઓળખાણ આપવામાં આવી. અક્ષર મૂર્તિ ગુણાતીતાનંદ સ્વામી ની સહજ ઓળખાણ આપતા સ્વામીશ્રી  એ વિવેક જીવન સ્વામી દ્વારા પોપ ને વર્ણવ્યું કે જેમ – જીસસ ને ૧૨ શિષ્ય હતા અને એમાં પીટર સર્વ શ્રેષ્ઠ શિષ્ય હતા તેમ ગુણાતીતાનંદ સ્વામી -ભગવાન સ્વામિનારાયણ ના શિરમોર શિષ્ય હતા……
  • એ જ સમયે પોપ ના કડક ધડક કપડા ની વાત નીકળી તો સ્વામી એ સકારાત્મક ઉત્તર આપતા કહ્યું કે- પોપ એમની પ્રણાલિકા પ્રમાણે કપડા પહેરે છે અને આપણે આપણા ઇષ્ટદેવ ની આજ્ઞા મુજબ કપડા પહેરીએ છીએ…તેનો ગર્વ થવો જોઈએ….!
  • લંડન થી આવેલા એક ડોક્ટર ને ભગવાન ને સદાયે આગળ રાખવાનું કહેતા સ્વામી એ કહ્યું કે- ભગવાન ને સદાયે આગળ રાખવાથી બળ,સ્થિરતા અને શાંતિ મળે……..
  • ગુણાતીત પુરુષ સદાયે પ્રગટ રહે છે……બસ એક એમનામાં જોડાવા નું છે…..મહંત સ્વામી મહારાજ માં જોડાવા નું છે…

પુ.અક્ષર વત્સલ સ્વામી


  • સ્વામીશ્રી ના દેહ ત્યાગ થી સર્વે-ભક્ત-બિન ભક્ત અશ્રુભીના હતા……
  • જેમ ભગવાન અને ભક્ત વચ્ચે ના સંબંધ ના ભાગ ન પડે…તેમ બાપા અને સત્સંગ વચ્ચે ના સંબંધ નો ભાગ ન  પડે….
  • બાપા ની અમેરિકા માં બાયપાસ સર્જરી પછી ડોકટરે તેમને પોતાનું રોજિંદુ સત્સંગ કાર્ય કરવા પર બ્રેક લગાવવા ની વાત કરી….પણ માને એ બાપા શાના??? 🙂 સ્વામીશ્રી એ પોતાના દેહ ની મર્યાદા ને અવગણી રોજિંદુ સત્સંગ કાર્ય ચાલુ રાખ્યું…..ઉલટાનું વધાર્યું…! દેહ ના ચૂરેચૂરા ..એ પણ સત્સંગ માટે તો ગુણાતીત જ કરી શકે….!!!
  • એવી તો અનેક ડોકટરી સલાહો ને અવગણી…અઢળક શારીરિક દુખ ને બાજુ કરી……હરિભક્તો ના રાજીપા ખાતિર દેહ ને પતરાળા જેવો કરી નાખ્યો………
  • બાપા સદાયે હસમુખા રહ્યા છે…..દેહાતીત રહ્યા છે…શ્રીજી સાથે એકરૂપ રહી..ભક્તિ કાર્ય માં એકાગ્ર રહ્યા છે……..છતાં શ્રીજી એ કહ્યું છે કે જ્ઞાની ને અનંત લોચન હોય છે ..તેમ ભગવાન માં એકાગ્ર રહ્યા છતાં સત્સંગ ની ઝીણી ઝીણી વાતો પણ એમની નજર થી બહાર રહેતી નથી…..એ અનેક વખત જોવા મળ્યું છે…..
  • અમદાવાદ યુવક-યુવતી મંડળ દ્વારા છેલ્લા ૧૬ વર્ષ થી ઉપવાસ -વારા ( રોજ બે યુવક નિર્જળા ઉપવાસ કરે) , જનમંગલ નામાવલી…માળા નું તપ ચાલતું હતું……તેની વાત કરતા કહ્યું કે- સ્વામીશ્રી એ યુવકો ના રદયમાં કેવી જગ્યા બનાવી હશે….!

અદ્ભુત……અદ્ભુત……..! ત્યારબાદ પુ. વિવેક મુની સ્વામી એ – સ્વામીશ્રી ના વિદાય ને ..વિરહ ને વર્ણવતા ,પુ.અક્ષરજીવન સ્વામી રચિત નવીન કીર્તન…”મૂર્તિ તમારી પ્રમુખ સ્વામી ની ..આવે છે મુજ ને યાદ…” રજુ કર્યું……

પુ.બ્રહ્મવિહારી સ્વામી


  • સ્વામીશ્રી ની વસમી વિદાય થી સઘળા લોકો…અબાલ-વૃદ્ધ સર્વ દુખી છે……..
  • આપણો સંપ્રદાય પ્રેમે ..હેતે જોડાયેલો છે……અને પ્રમુખ સ્વામી એ સર્વ ભક્તો ને – અંગત પ્રેમ આપ્યો છે…..પર્સનલાઇઝડ પ્રેમ આપ્યો છે…તેથી જ એ સર્વ ને પોતીકા લાગ્યા છે…
  • સ્વામીશ્રી ના અગ્નિ સંસ્કાર પછી રાત્રે પ્રધાનમંત્રી મોદી સાહેબ નો ફોન આવ્યો અને ગળગળા અવાજે કહ્યું કે- સ્વામી ની યાદ હૃદય માં થી જતી નથી……તો તમારા ત્યાં શું હાલ હશે??? શોક ની આ ઘડી માં સમગ્ર દેશ તમારી સાથે છે……
  • જગવિખ્યાત કાર્ડિઆક સર્જન ડો.તેજસ પટેલ ને આમ સત્સંગ ઓછો પણ સ્વામી ના સમાચાર મળ્યા એટલે એટલા દુખી થયા કે – એમણે કહ્યું કે -એમનામાં સ્વામી ના દેહ ના દર્શન કરવા ની હિમત નથી….અને સંતો ની વિનંતી પછી આવ્યા તો – દેહ ના દર્શન કરી બોલ્યા કે – ત્રણ ત્રણ દિવસ પછી પણ સ્વામીશ્રી ના દેહ -મુખ પર એટલું બધું તેજ લાગે છે કે જે- કલ્પના..વિજ્ઞાન ના નિયમ બહાર છે…..!!!! નરી દિવ્યતા છે…..
  • પુ.મોરારી બાપુ ને અદ્ભુત અનુભવ થયો કે ત્રણ ત્રણ વર્ષ થી લૌકિક રીતે મૌન…નગણ્ય ક્રિયા કરવા છતાં કોઈ મહાત્મા આટલું વિશાલ કાર્ય કરે….લાખો હરિભક્તો અશ્રુભીના થઇ જાય…દર્શને આવે..!!!
  • આપણો સમજણ નો સત્સંગ છે…..સત્પુરુષ ના ચરિત્ર ની સ્મૃતિ કરવાથી દુખ હણાય છે…દુર થાય છે……
  • ૧૯૮૩ માં સ્વામી શ્રી ને ગંભીર હાર્ટએટેક આવ્યો એ સમયે પુ.બ્રહ્મવિહારી સ્વામી પાર્ષદ માં હતા અને એમણે-અન્ય પાર્ષદો એ બનાવેલા શુભકામના કાર્ડ જોઇને સ્વામીશ્રી એ કહ્યું કે- એક બીજાને યાદ કરીએ એટલે એકબીજા ના રદયમાં રહેવાય…હૃદય થી હૃદય ની વાત થાય….!
  • પૂર્વ રાષ્ટ્રપતિ કલામ સાહેબે કહ્યું છે તેમ…સ્વામીશ્રી ની સ્મૃતિ કરીએ તેમ -એ અચૂક હાજર થાય છે……એ આજે પણ આપણી વચ્ચે છે…..
  • સત્પુરુષ ની દ્રષ્ટિ નિરાવરણ હોય છે…..તે સઘળું જુએ છે…….જાણે છે…..અને એમના દર્શન થવા એ અનેક વેદ-ઉપનિષદ ..કુંભ મેળા કરતા પણ વધારે પુણ્ય શાળી છે…મોક્ષ દાતા છે….
  • If you love him……live him……!
  • પુ.ચિન્મયાનંદ સ્વામી એ પ્રમુખ સ્વામી મહારાજ ના દર્શન માટે પાછળ દોડતા યુવકો ને કહ્યું કે…..Don’t run behind your Guru……run for Guru…learn from Guru…!
  • બેપ્સ શતાબ્દી ઉત્સવ સમયે એક અખંડ જ્યોત સ્વામીએ પ્રગટાવી ને આજ્ઞા કરી હતી કે આ જ્યોત દ્વિ-શતાબ્દી સુધી અખંડ રાખજો…એ પછી નવી જ્યોત પ્રગટાવજો…!!!! અર્થાત આ સંસ્થા અક્ષર છે…..સત્પુરુષ સદાયે પ્રગટ છે…….જે આજે પરમ પૂજ્ય મહંત સ્વામી મહારાજ રૂપે બિરાજમાન છે….! એમનામાં મન-કર્મ વચને જોડાવા નું છે…..

ત્યારબાદ વિડીયો દર્શન સ્મૃતિ નો લાભ મળ્યો…..વિવિધ આગેવાન -મોટા લોકો -સામાન્ય હરિભક્તો વગેરે નો સ્વામીશ્રી વિશેનો અનુભવ..પ્રતિભાવ રજુ થયો…….એમાં એક યુવકે વાત કરતા કહ્યું કે- એ પોતે એકવાર સ્વામીશ્રી ના દર્શને ગયો તો સંકલ્પ કર્યો કે..સ્વામીશ્રી માં ભગવાન હોય તો મારો હાથ પકડે…..પણ જયારે દર્શન કર્યા..પુરા કર્યા ..બહાર નીકળ્યો છતાં સ્વામી એ કઈ ન કહ્યું…..પણ અચાનક એને યાદ આવ્યું કે એની કોઈ વસ્તુ- ત્યાં સ્વામીશ્રી પાસે ટેબલ પર જ રહી ગઈ છે…એ પરત લેવા ગયો તો સ્વામીશ્રી એ તરત તેનો હાથ પકડી કહ્યું કે….આવા સંકલ્પ ન કરવા..!!! અને એના શરીર માં થી એક ઝણઝણાટી ભર્યો પ્રવાહ પસાર થઇ ગયો…!!!! અદ્ભુત…! સત્પુરુષ ના પારખા કરવા ની આપણા પામર જીવ ની શું વિસાત????

અને પુ.ઈશ્વર ચરણ સ્વામી એ સભાને અંતે એ જ વાત કરતા કહ્યું કે…….આપણ ને જે મળ્યું છે તે સર્વોપરી છે…….ચિરંજીવી છે…..અને એની સ્મૃતિ જ સુખ આપે છે….! બ્રહ્મ સ્વરૂપ પ્રમુખ સ્વામી મહારાજે કહ્યું હતું કે ત્રણ સૂત્ર સદાયે જીવન માં દ્રઢ કરવા……દાસ ના દાસ થવું, સેવક થવું…..સહન કરવું….! સંપ,સુહાર્દભાવ અને એકતા હમેંશા દ્રઢ કરવા……હરિભક્ત નો અવગુણ ક્યારેય ન લેવો……ગુણગ્રાહક બનવું..! આપણું વર્તન એવું ઉચ્ચ રાખવું કે જગત આખું સ્વામિનારાયણ સત્સંગી ને નમે…..! ગુણાતીત પુરુષ ક્યારેય આ પ્રુથ્વી પર થી જતા જ નથી…….સદાયે પ્રગટ રહે છે……માટે જ પ્રગટ ગુરુહરિ મહંત સ્વામી મહારાજ માં જીવ-મન-કર્મ-વચને જોડાઈ જવું…! એકાંતિક કલ્યાણ તો સત્પુરુષ જ કરી શકે…….બીજા કોઈનું કામ નહિ…..!

સભાને અંતે જાહેરાત થઇ કે….

  • ૨૫ મિ ઓગસ્ટ રોજ -જન્માષ્ટમી નો ઉત્સવ ધામધૂમ થી ઉજવાશે  ….
  • ગુજરાત સરકારે – બરોડા માં નવનિર્મિત ..સૌથી લાંબા ફ્લાય ઓવર નું નામ પ્રમુખ સ્વામી મહારાજ પર ર્કાહ્યું છે….આ સિવાય રાજકોટ માં અત્યાધુનિક હોલ…જૂનાગઢમાં નવીન માર્ગ- સર્કલ નું નામ પણ સ્વામીશ્રી ની સ્મૃતિ માં રાખવા માં આવ્યું છે…..
  • મીડિયામાં પણ -અક્ષરબ્રહ્મ પ્રમુખ સ્વામી મહારાજ તરીકે વર્ણન થયું જે દર્શાવે છે કે – બિન સત્સંગી લોકો પણ સ્વામી શ્રીને અક્ષરબ્રહ્મ તરીકે સમજતા થયા છે…..

અદ્ભુત…..અદ્ભુત….! સત્પુરુષ ના ચરિત્ર…..આજ્ઞા-ઉપદેશ ..ક્રિયાઓ સંભારી રાખવા થી..મનન કરવાથી….એમના સંગે આપણે પણ બ્રહ્મરૂપ થઇ જઈએ…..પરમપદ ને પામીએ….( ભગવાન સ્વામિનારાયણ- વચનામૃત- ગઢડા પ્રથમ-૩, મધ્ય-૩૧, અક્ષર વાતો-૩/૧૨)

બસ એટલું દ્રઢ કરવાનું છે કે – સત્પુરુષ આપણી વચ્ચે સદાયે રહે છે……ગુણાતીત તત્વ ચિરંજીવી છે……માટે મન-કર્મ-વચને-જીવે કરીને એક એમનામાં જોડાવા નું છે………એમનામાં મનુષ્ય ભાવ લાવવા નો નથી ..સદાયે દિવ્યભાવ લાવવા નો છે……!

 

આખરે આપણો મોક્ષ આપણા હાથમાં છે………!!! બાકી સત્પુરુષ તો બધાનું કલ્યાણ કરવા બેઠા છે…

જય સ્વામિનારાયણ

રાજ


1 Comment

BAPS રવિસભા-૦૩/૦૧/૨૦૧૬

“..પંચ ઇન્દ્રિયો દ્વારે જીવ જે આહાર કરે છે તે આહાર જો શુદ્ધ કરશે તો અંતઃકરણ શુદ્ધ થાશે, અને અંતઃકરણ શુદ્ધ થાશે તો અખંડ ભગવાનની સ્મૃતિ રહેશે. અને જો પંચ ઇન્દ્રિયોના આહારમાંથી એક ઇન્દ્રિયનો આહાર મલિન થાય છે તો અંતઃકરણ પણ મલિન થઈ જાય છે માટે ભગવાનના ભક્તને ભગવાનના ભજનને વિષે જે કોઈ વિક્ષેપ થઈ આવે છે તેનું કારણ તો પંચ ઇન્દ્રિયોના વિષય જ છે પણ અંતઃકરણ નથી……”

———————————–

ભગવાન શ્રી સ્વામિનારાયણ- વચનામૃતમ-ગઢડા પ્રથમ-૧૮

આજે નવા વર્ષ-૨૦૧૬ ની પ્રથમ રવિસભા હતી…..અને એ પણ તન-મન-જીવ ને સ્વસ્થ અને સ્વચ્છ કરી- જીવ ને સત્પુરુષ સંગ અક્ષર રૂપ કરવા પર હતી……એટલા માટે જ સ્વયમ શ્રીજી ઉપરોક્ત વચનામૃત માં કહે છે એમ- પાંચ ઇન્દ્રિયો નો આહાર શુદ્ધ કરવો અત્યંત જરૂરી છે…અધ્યાત્મ  માર્ગ માં ૧% પણ આઘુપાછું  ન ચાલે….કારણ અહી ૧૦૦% કલ્યાણ ની ગેરંટી  ની વાત છે…..!!

તો આજની સભા હમેંશ ની જેમ વિશેષ હતી….આથી સમયસર પહોંચી ગયો…..તો ચાલો શરૂઆત કરીએ- જગત ના નાથ ના મનોનીય દર્શન થી…

12360440_1652904098330756_7780360901485787831_n

સભાની શરૂઆત યુવકો દ્વારા ધુન્ય અને પ્રાર્થના થી થઇ…..” સહજાનંદ મહારાજ ..અમારે હૈયે રહેજો રે..” અને  ” સજની કોડે આનંદ ” મુક્તાનંદ સ્વામી દ્વારા રચિત કીર્તન રજુ થયું……સમગ્ર સભા એમાં સહજ જ જોડાઈ ગઈ……

ત્યારબાદ ૨૭ ડીસેમ્બર -૨૦૧૫ -ના રોજ -સ્વામીશ્રી ના સારંગપુર તીર્થ ખાતે ના દર્શન લાભ નો વિડીયો રજુ થયો…..અદ્ભુત….અદ્ભુત…!!! નીચેની લીંક દ્વારા તેના દર્શન આપણે કરી શકીશું….

http://www.baps.org/Vicharan/2015/27-December-2015-9197.aspx

ત્યારબાદ- સંસ્થા ના વિદ્વાન અને તેજસ્વી- વક્તા સંત- પુ.અક્ષર વત્સલ સ્વામી દ્વારા નવા વર્ષ ની શરૂઆત ને પગલે- ” Resharpening your Axe” અર્થાત- તન-મન-જીવ રૂપી કુહાડી ની ધાર તેજ કરવી- વિષય પર રસપ્રદ પ્રવચન કર્યું……જોઈએ એના અમુક અંશ….

  • સમય વીતતો જાય છે….તેમ તેમ આપણે આપણા ભવિષ્ય માટે સંઘર્ષ કરતા રહેવું જોઈએ…..કારણ કે સર્વ કર્તાહર્તા ભગવાન છે…પણ કર્મ તો આપણે  જ કરવાના છે…..એમાં કોઈ ઓપ્શન નથી…
  • કોઈ શાયરે કહ્યું છે કે….” દુખ નો દસ્તાવેજ…અને  સુખ નું સોગંધનામુ ..નીચે વળી જોયું તો દસ્તખત પોતાના જ હતા…” એ સર્વ ને લાગુ પડે છે……
  • એટલા માટે જ – અનિશ્ચિતતા સામે ટકી રહેવા- ભવિષ્ય સુદ્રઢ બનાવવા- તન-મન ને સ્વસ્થ-સ્વચ્છ કરતા રહેવું પડે- એ રૂપી કુહાડી ને ધાર કાઢતા રહેવું પડે…..
  • તો કઈ કઈ વસ્તુઓ ની ધાર કાઢતા રહેવા નું છે????
  1. શરીર-  શરીર સ્વસ્થ હશે તો બધા કાર્ય માં મન સહેજે જોડાશે- એનું સુખ આવશે…..એટલા માટે જ સેવા હોય કે સત્સંગ- શરીર સ્વસ્થ જોઈએ અને એટલા માટે જ સ્વયમ શ્રીજી બાળપણ માં મલ્લ ના અખાડા માં જતા…..યોગ શાસ્ત્ર પર વધારે ભાર મુકતા- સંતો ને શીખવતા……આજે પ્રમુખ સ્વામી મહારાજ પણ સંતો ને એ જ ઉદાહરણ આપે છે…..પણ શરીર કઈ રીતે સાચવવું..??? તેના માટે – ખોરાક- સાત્વિક,શુદ્ધ જોઈએ…..વ્યાયામ- રોજ કસરત કરવી- શરીર ને કસતા રહેવું….અને પુરતી ઊંઘ -એ પણ સ્વસ્થ …એ લેવી….અત્યંત જરૂરી છે….
  2. મન- મન ની ધાર  કાઢવા- સદવાચન-સત્સંગ-અને શાંત-સહજ- કીર્તન નો આધાર લઇ શકાય…
  3. ઇમોશનલ સ્ટેટ- અર્થાત લાગણી ઓ નું વિશ્વ- સ્થિર કરવું જરૂરી છે….જે માટે ઘરસભા કરવી…ઘર-પરિવાર સાથે પુરતો સમય કાઢવો….
  4. સંપ-સુહર્દ ભાવ- મિત્રો સાથે-સમાજ માં- પરિવાર માં- સ્વસ્થ સંબંધો અત્યંત જરૂરી છે……એ માટે પૂજ્ય ડોક્ટર સ્વામી કહે છેમ- નેટવર્ક સાથે સાથે હાર્ટ વર્ક નો ઉપયોગ કરો…પોતાનો ઈગો- અર્થાત અહં, જીદ-મમત્વ ,પક્ષપાતી પૂર્વગ્રહ યુક્ત વલણ છોડવું પડે…..
  5. અદ્યાત્મિક સ્વાસ્થ્ય- નિરંતર સત્સંગ,કથા વાર્તા, નિત્ય પૂજા કરવા થી અધ્યાત્મિક સ્વાસ્થ્ય વધે છે..મજબુત થાય છે….! અને પોતાના દ્વારા બીજા ને સત્સંગ માં જોડવા થી પણ આપણો સત્સંગ મજબુત થાય છે……શ્રીજી નું- સત્પુરુષ ના રાજીપા નું બળ મળે છે…..

અદ્ભુત….અદ્ભુત…………જો ઉપરોક્ત બધું જીવન માં ઉતરે તો તન-મન-જીવ મજબુત થાય અને બ્રહ્મરૂપ અચૂક થવાય……! હવે જરૂર છે માત્ર- આપણી તૈયારી ની…….આપણા પ્રયત્ન ની..!

ત્યારબાદ- નવા વર્ષ ના આશીર્વચન આપતાં સદગુરુ પુ. ઈશ્વર ચરણ સ્વામી એ પણ એ જ વાત કરી…..કે સત્સંગ  માં સતત રહેવું – નિયમિત રહેવું….અરે..દંડવત અને ચેષ્ટા જેવા સાધનો થી જીવમાં ભક્તિ તો દ્રઢ થાય છે પણ સાથે સાથે શરીર અને મન પણ સ્વસ્થ થાય છે…..બ્રહ્મ સ્વરૂપ યોગીજી મહારાજ- આ જ વાત કરતા…..! નવા વર્ષ- સૌ માટે સારું- શુભ નીવડે- એ આશીર્વાદ આપતાં એમણે કહ્યું કે- સત્પુરુષ અને શ્રીજી ના મહિમા ની વાત સતત કરવી- એનું બળ રાખવું…..સત્સંગમાં સદાયે ગુણ ગ્રાહક દ્રષ્ટી રાખવી……અને હરિભક્તો નો પણ મહિમા સમજતા રહેવું……….તો સર્વે નું કલ્યાણ થશે………

ત્યારબાદ સભા ને અંતે અમુક જાહેરાત થઇ….

  • ભક્ત ચિંતામણી- એ પણ ઓડીઓ એમપી થ્રી સ્વરૂપ માં ૬ ડિસ્ક રૂપે- આપણા સંગીતજ્ઞ સંતો ના સ્વરે – રેકોર્ડેડ સ્વરૂપ માં પ્રગટ થઇ છે…….મેં ખરીદી છે……અને મારો ફીડબેક છે- જરૂર ખરીદવી…….એક અમુલ્ય સંગ્રહ રહેશે…
  • સાથે સાથે- સ્વામીશ્રી ના સારંગપુર ખાતે ના વિચરણ નો- દર્શન લાભ- મેં-૨૦૧૩ થી મેં-૨૦૧૪ -સુધી ની ડીવીડી રૂપે પ્રગટ થયો છે……
  • પરાત્પર- ગુજરાતી સંસ્કરણ- પુસ્તક- અચૂક ખરીદવું…….

તો આજની સભા- તન-મન અને જીવ માં- એક અનેરું બળ ભરવા ની હતી……આપણા માથે તો શ્રીજી અને સત્પુરુષ નો આશરો છે…એમનું બળ છે…..આથી ૮૦% તો આપણે જીતી જ ગયા છીએ…..જે ૨૦% બાકી છે…એ આપણા પ્રયત્નો- આપણા કર્મો જ છે…જે આપણ ને બ્રહ્મરૂપ થતા રોકી રહ્યા છે…..યા…બ્રહ્મરૂપ કરવા દોરી રહ્યા છે…..! એટલે કે- જે કઈ બાકી છે..તે આપણા તરફ થી જ બાકી છે……….

આટલું સમજો તો એ ઘણું છે……….

જય સ્વામિનારાયણ……

રાજ


Leave a comment

BAPS રવિસભા- ૦૧/૧૧/૨૦૧૫

પછી શ્રીજીમહારાજ સર્વે હરિભક્ત પ્રત્યે બોલ્યા જે, “અમારા અંતરનો જે સિદ્ધાંત છે તે કહીએ છીએ જે, જેને પોતાનું કલ્યાણ ઇચ્છવું તેને તો ભગવાન ને ભગવાનના સાધુ એથી ઉપરાંત બીજું કાંઈ જગતમાં સુખદાયી નથી. …………………માટે જેમ પોતાના શરીરને વિષે જીવને આત્મબુદ્ધિ વર્તે છે તેવી ભગવાન ને ભગવાનના સંતને વિષે આત્મબુદ્ધિ રાખી જોઈએ અને ભગવાનના ભક્તનો પક્ષ દ્રઢ કરીને રાખ્યો જોઈએ……………

……..અને તે પક્ષ રાખતાં થકાં આબરૂ વધો અથવા ઘટો, અથવા માન થાઓ કે અપમાન થાઓ, અથવા દેહ જીવો કે મરો, પણ કોઈ રીતે ભગવાન ને ભગવાનના ભક્તનો પક્ષ મૂકવો નહીં ને એમનો અભાવ આવવા દેવો નહીં……….. અને ભગવાનના ભક્ત જેવાં દેહ ને દેહનાં સગાંસંબંધીને વહાલાં રાખવાં નહીં. એવી રીતે જે હરિભક્ત વર્તે તેને અતિ બળવાન એવા જે કામ, ક્રોધાદિક શત્રુ તે પણ પરાભવ કરી શકતા નથી….

—————————————————-

વચનામૃતમ-ગઢડા અંત્ય-૭

જગત નો નાથ જયારે -પોતાના ભક્ત અને પોતાના સાધુ ની વાત કરવા બેસે ત્યારે સર્વ ઇન્દ્રિયો એક એમની વાત માં જ સ્થિર થવી જોઈએ…..સંત ને વિશે આત્મબુદ્ધિ…ભક્ત ને વિષે પક્ષ ..દ્રઢ કરવો એથી મોટું સાધન બીજું કોઈ નથી…..! સત્સંગ એ જીવ ની -ભગવાન પ્રત્યે ની નિષ્ઠા- એમના પ્રત્યે દ્રઢ આશરા નો પાયો- મજબુત કરવાનું સર્વોપરી સાધન છે…..! આજની સભા- આ સત્સંગ-સંત-ભક્ત-અને શ્રીજી ના સર્વોપરી પણા ના મહિમા ની હતી….

હમેંશ ની જેમ સર્વ પ્રથમ શ્રીજી ના અદ્ભુત દર્શન….

12065545_1634166433537856_2182990393905608796_n

સભામાં સ્થાન ગ્રહણ કર્યું ત્યારે- બહાર-મંદિર ના પટાંગણ માં- બાળ-બાલિકા ઉત્સવ ચાલી રહ્યો હતો……..મને પહેલા ખબર ન હતી …..નહીતર આજે મારા દીકરા હરિકૃષ્ણ ને લઈને જ આવત……કારણ કે અવનવી રમતો સાથે સત્સંગ-રાઈડ્ઝ….અને ગીફ્ટ મેળો -અદ્ભુત હતા……! ચાલો …ફરી ક્યારેક…..! પુ.વિવેક્મુની સ્વામી ના કંઠે સ્વામિનારાયણ ધુન્ય ની મજા માણવા મળી…અને એમના જ સ્વરે બે કીર્તન નો લાભ મળ્યો…..

  • ભક્ત કવિ રસિક દાસ રચિત..” નમન હું કરું ઘનશ્યામને, કરગરી કહું ગુણાતીતને..”
  • નિષ્કુળાનંદ સ્વામી રચિત…’સાચેસાચું કહેશો હરિ…..રાખો એમ રહેશું રે….”

ત્યારબાદ- પ.પુ.સ્વામીશ્રી ના સારંગપુર ખાતેના -૨૮/૧૦/૨૦૧૫ ના દિન ના વિડીયો દર્શન નો લાભ મળ્યો…….નીચેની લીંક પરથી એ દર્શન તમે કરી શકશો…

http://www.baps.org/Vicharan/2015/28-October-2015-8685.aspx

અદ્ભુત દર્શન…! ત્યારબાદ પુ.શ્રીહરિ સ્વામી જેવા વિધવાન સંત દ્વારા ગઢડા અંત્ય-૭ પર આધારિત પ્રવચન થયું…જોઈએ એનો સારાંશ…..

  • ગઢડા અંત્ય-૭ નું વચનામૃત- વજ્ર ની ખીલ્લી નું…….પ.પુ.પ્રમુખ સ્વામી મહારાજ નું અત્યંત પ્રિય વચનામૃત છે….
  • એમાં શ્રીજી કહે છે કે જીવના કલ્યાણ માટે ૪ અંગ મુખ્ય છે…..૧ ) સત્સંગ….૨) આત્મબુદ્ધિ …૩) પક્ષ…..૪) પ્રત્યક્ષ પ્રમાણ શ્રીજી નો દ્રઢ આશરો
  • સત્સંગ-કથા વાર્તા નો મહિમા અદ્ભુત છે..તે સંસાર ના દુખ માટે પેઈન કીલર છે….તો અધ્યાત્મ માં કેટલા આગળ વધ્યા છીએ એ માપવા નો- માઈલ સ્ટોન છે……
  • જીવ મૂળ અજ્ઞાન-અહં અને મમત્વ બુદ્ધિ થી બદ્ધ છે…..અને એને એમાંથી જ ઉગારવા શ્રીજી જાતે પધાર્યા….જીવો ને બ્રહ્મરૂપ કરવા પધાર્યા……….
  • તેથી જ શ્રીજી -પોતાને શરણે આવેલા જીવ નું આત્યંતિક કલ્યાણ ઈચ્છે છે…..આત્યંતિક કલ્યાણ એટલે -અક્ષરધામ ની પ્રાપ્તિ ………કે જેમાંથી પાછા આવવું નથી પડતું…..જન્મ મરણ નું ચક્ર માંથી મુક્તિ મળે છે….
  • આ માટે-શ્રીજી એ સંતપુરુષ -સત્પુરુષ નો સહારો લીધો છે…એમના માધ્યમ થી શરણે આવેલા જીવ ને- શ્રીજી નો જે નિશ્ચય થાય છે..ટેવો બીજા કોઇથી થતો નથી..એટલે જ વચનામૃત ના પાને પાને- સંત નો મહિમા છે…………કલ્યાણ તો એક સંત થકી જ થાય છે…….એ શ્રીજી ડંકાની ચોટ પર કહે છે…..
  • જીવ ને એક સત્પુરુષ માં આત્મબુદ્ધિ થાય……દ્રઢ પ્રીતિ થાય તો- એના વચન સહજ રીતે પળાય……..એની આજ્ઞા માં સહેજે રહેવાય………..એમનો અભાવ સહેજ પણ ન આવે…….અને જીવ એમની સાથે જ એમના ગુણો ગ્રહણ કરી- પોતે પણ બ્રહ્મરૂપ થાય…..
  • સત્સંગમાં -ભક્ત નો પક્ષ ળે તે શ્રીજી ને ગમે છે………પાલીતાણા ના ત્રિકમ રાજ્યગુરુ થી માંડી ને…..કુંડળ ના પટગર ભાઈઓ હોય…….પોતાના જીવ ના જોખમે- સંતો-ભક્તો નો પક્ષ રાખ્યો…..
  • આજે સત્સંગમાં- શ્રીજી- પ્રમુખ સ્વામી મહારાજ માં પ્રગટ પ્રમાણ બિરાજમાન છે..એ વાત સમજાઈ જાય……અનુભવે દ્રઢ થાય……તો જીવ એમનામાં સહજ જોડાય…………
  • વચનામૃત માં શ્રીજી કહે છે કે- ભગવાન નો દ્રઢ આશરો હોય તો તે જીવ- અન્ય સાધનો માં નબળો હોવા છતાં- ભગવાન ને પામે છે………..માટે જ પ્રગટ પ્રમાણ ભગવાન નો દ્રઢ આશરો- જ કલ્યાણ નું સર્વ શ્રેષ્ઠ સાધન છે……….

અદ્ભુત…..અદ્ભુત……આટલું જીવ ને સમજાઈ જાય તો બીજું કશું સમજવાનું બાકી ન રહે…………..તો ચાલો- આ વચનામૃત અને તેના જ્ઞાન ને-આત્મસાત કરીએ…..

ત્યારબાદ સભામાં પુ.પ્રિય સ્વરૂપ સ્વામી અને પુ.અક્ષર વત્સલ સ્વામી દ્વારા અમુક જાહેરાત થઇ….

————————

  • આવતા રવિવારે સભા- પ્રમુખ સ્વામી ઓડીટોરીયમ માં છે…………….
  • અન્નકૂટ ઉત્સવ-ધામધૂમ થી ઉજવાશે…..આથી કાર્યકરો ની સુચના-આમંત્રણ મુજબજ- નિયત સમયે દર્શન કરવા આવવું-જેથી ભીડ થી બચી શકાય……………ચોપડાપૂજન-મહાપૂજા માટે મંદિર-કાર્યકરો નો સંપર્ક કરવો…..
  • ખુબ આનંદ ની વાત એ છે કે- અ.ની. પ.ભ. ડો.અબ્દુલ કલામ સાહેબ લિખિત પુસ્તક Transcendence દુનિયાભર માં લોન્ચ થઇ ચુક્યું છે…….એની માત્ર ત્રણ માસ માં- બે લાખ થી વધુ કોપીઓ વેચાઈ ચુકી છે…!!!!! અને હવે ચાર ભાષા માં ઉપલબ્ધ છે………હિન્દી,મલયાલમ,મરાઠી અને અંગ્રેજી..! ગુજરાતી ભાષાંતર કોપી- પ્રગટ થઇ રહી છે………હિન્દી કોપી…”आरोहण” નું આજે ઉદ્ઘાટન થયું………

12140648_399000546964865_3091239523402969492_n

2015_11_01_012_Sarangpur_f

  • ઉત્તરપ્રદેશ -લખનૌ શહેર ના ડાયરેકટર જનરલ-પોલીસ-વિક્રમસિંહ કે જે આપણા સત્સંગી નથી છતાં- એમણે Transcendence પુસ્તક બે વાર વાંચ્યું અને શહેર માં એના ઉદ્ઘાટન માં- પુ.સ્વામીશ્રી ના ગુણ જે એમણે આવ્યા- એનું વર્ણન એમણે ત્યાં સભામાં કર્યું હતું…..એની ઓડિયો કલીપ -સભા ને સંભળાવવા માં આવી…..! અદ્ભુત….એક અજાણ્યા વ્યક્તિ ને- આપણા સત્સંગ-ગુરુ નો આટલો બધો ગુણ..અને જ્ઞાન…!! અને એ પણ મહિમા સાથે……! આપણ ને છે???

તો આજની સભા…..આવા સત્પુરુષ ના-સત્સંગના- શ્રીજી ના દ્રઢ આશરા ના મહિમા ને સમર્પિત હતી…………………

જાગતા રહેજો…………..આખરે આ આરોહણ છે……અધ્યાત્મ તરફનું…અક્ષરધામ તરફનું……શ્રીજી માટે નું..!

રાજ