Raj Mistry's world

Me,my stories and world around….


Leave a comment

BAPS નુતન આરતી રવિસભા- 02/12/2018

” હવે આ આરતી ,મહાપૂજા અને નામાવલી હજારો વર્ષ ચાલશે , અને હજારો વર્ષ સુધી ભક્તો ને પરમ સુખ આપશે…….”


પ્રગટ બ્રહ્મ સ્વરૂપ મહંત સ્વામિ મહારાજ – નુતન અક્ષર પુરુષોત્તમ મહારાજ ની આરતી ની રચના સમયે સૌને પત્ર દ્વારા આશીર્વાદ આપતી વખતે……….

સમય બદલાય છે તેમ તેમ સંપ્રદાય નો…શ્રીજી નો સિદ્ધાંત વધું સ્પષ્ટ થતો જાય છે….જેમ સ્પષ્ટતા વધે તેમ તેમ ભગવાન નું સર્વોપરી સ્વરુપ …એમનાં અવતરણ નો હેતુ…..કાર્ય અને મહિમા જીવ માત્ર સુધી પહોંચે તેવા પ્રયત્ન થાવા જોઈએ…..મુક્તાનંદ સ્વામી એ કાલવાણી માં જે આરતી રચી…..જય સદ્ગુરુ સ્વામી….એ આજે 200 વર્ષ થી સંપ્રદાય માં પ્રસિધ્ધ છે…..સર્વોપરી ભગવાન ને એમણે સદગુરુ કહ્યા…પણ જેમ જેમ સમય વીત્યો…ગુણાતીત ગુરુઓ એ શાસ્ત્રો માં રહેલી વાત….શ્રીજી નો હૃદય ગત સિદ્ધાંત સુસ્પષ્ટ કર્યો……બ્રહ્મસ્વરૂપ શાસ્ત્રીજી મહારાજે એ સિદ્ધાંત..સ્વરુપ ને મૂર્તિમંત કર્યું……અક્ષર અને પુરુષોત્તમ નાં સ્વરુપ મધ્ય મંદીર માં સ્થાપી શુદ્ધ ઉપાસના નાં ડંકા વગ઼ાડયા …..બ્રહ્મસ્વરૂપ પ્રમુખ સ્વામી મહારાજે પુ. ભદ્રેશ સ્વામી ને આજ્ઞા કરી, જે કાર્ય સદીઓ માં થાય…તેં અક્ષર પુરુષોત્તમ દર્શન સિદ્ધાંત …તેનુ ભાષ્ય….અને સિદ્ધાંત સુધા રચ્યાં…જેને જગતે સ્વીકાર્યા……અને પરિણામે પ્રગટ બ્રહ્મસ્વરૂપ મહંત સ્વામી મહારાજે આ શુદ્ધ સ્વરુપ…શુદ્ધ સિદ્ધાંત જગત માં પ્રસ્થાપિત કરવા…..શ્રીજી ને તેમનાં મૂળ સ્વરુપ માં રજુ કરવા….આ નવીન આરતી ની રચના માટે પુ.ભદ્રેશ સ્વામી ને આજ્ઞા કરી જેનાં એક એક શબ્દ….શ્રીજી નાં સર્વોપરી સ્વરુપ…..સર્વોપરી સિદ્ધાંત નાં દ્યોતક છે……

માટે નવી આરતી તો શ્રીજી નાં જ સર્વોપરી સ્વરુપ ને વધું સ્પષ્ટ કરવા નો પ્રયાસ છે……જે સત્ય છે તેં સ્પષ્ટ થાય…જીવ માત્ર માં દૃઢ થાય તેમાં જ સુખ છે…..

અને આજની સમગ્ર સભા આ નુતન આરતી ના મહિમા , ભાવાર્થ પર જ હતી…………..સૌપ્રથમ અક્ષર પુરુષોત્તમ મહારાજ ના દર્શન…….

સભાની શરૂઆત યુવકો દ્વારા ધૂન  અને પ્રાર્થના થી થઈ ..ત્યારબાદ શરૂ થયો કીર્તન નો દોર …યુવકો એ પ્રેમાનંદ સ્વામિ રચિત ” તમારી મુર્તિ વિના મારા નાથ રે…..” ; બ્રહ્માનંદ સ્વામિ રચિત ” મારે તવ થી લાગી પ્રીત…” અને ” વ્હાલું લાગે મોહન તારું મુખડું રે…..” જેવ અદ્ભુત કીર્તન રજૂ થયા…..અને સમગ્ર માહોલ કીર્તન મય થઈ ગયો……!!

ત્યારબાદ – તમારો આહાર તમારા સ્વાસ્થ્ય અને તમારા જીવન પર શી અસર કરે છે??? તે વિષયે- વ્યયસાયે વૈજ્ઞાનિક એવા ગૌતમ કુમાર દાસ( કેનેડા માં Hindu plant based diet વિષય પર 7 વર્ષ સુધી સંશોધન કર્યું છે)  અને ધ્રુવીલભાઈ દ્વારા – એસિડિક અને બેસિક ( આલ્કલાઇન) ફૂડ અને તેની અસરો પર અદ્ભુત રજૂઆત થઈ…..જુઓ નીચેના ફોટો……! ટૂંકમાં શરીર ના pH ને અનુકૂળ હોય તેવો આહાર લેવા થી જ શરીર સારું ..તંદુરસ્ત રહે છે……!

મને એક વાત રસપ્રદ લાગી……ઘઉં ( જે રોજ ખવાય છે)…રિફાઈન્ડ તેલ….R.O. નું પાણી ..બટાકા….ખાંડ….મેંદો વગેરે શરીર માં ઍસિડ નું પ્રમાણ વધારે છે અને પરિણામે કેન્સર..રુદય રોગ નું પ્રમાણ વધતું જાય છે……! તો પછી ખાવું શું??? અઘરો પ્રશ્ન છે…ગુગલભાઇ નો મદદ લો……જવાબ મળશે…..નહિતર…છોડો ફિકર જલ્સા થી જીવો..બીજું શું… 🙂 !!!

ત્યારબાદ શ્રી અક્ષર પુરુષોત્તમ મહારાજ ની નવીન આરતી ની રચના – પ્રગટ બ્રહ્મ સ્વરૂપ મહંત સ્વામી મહારાજ ની આજ્ઞા થી પૂ. ભદ્રેશ સ્વામી એ કરી છે …..તેના વિષે વધુ માહિતી ……વિડીયો દ્વારા- પૂ. અક્ષર વત્સલ સ્વામી એ – આરતી નો ઇતિહાસ …મહિમા …પૂ.ભદ્રેશ સ્વામી એ – આ નુતન આરતી કઈ રીતે રચાઇ ..તેનો મહિમા…..વગેરે પર ઊંડાણ પૂર્વક કહ્યું……અમુક મુદ્દા હું અહી રજૂ કરું છુ……જે રસપ્રદ છે…..

https://youtu.be/qUOh3VckVSM

  • આજથી લગભગ 200 વર્ષ પહેલા મુક્તાનંદ સ્વામીએ રચેલી ” જય સદગુરુ સ્વામી ” આરતી એ એક જ આરતી સંપ્રદાય માં નથી પણ લગભગ 66 જેટલી આરતી ઑ – જુદા જુદા નંદ સંતો એ રચી ..આજની તારીખે પણ મુળી અને ભુજ ના મંદિરો માં બ્રહ્માનંદ સ્વામી રચિત આરતી ગવાય છે…….આચાર્ય મહારાજ શ્રી આનંદ પ્રસાદ જી અને તેજેન્દ્ર પ્રસાદજી મહારાજ દ્વારા આવી આરતી ઑ ના સંગ્રહ નું પ્રકાશન થયું છે……
  • આ નવીન આરતી ની રચના પાછળ – મહંત સ્વામી મહારાજ નો સંકલ્પ હતો કે- શ્રી અક્ષર પુરુષોત્તમ મહારાજ નો મહિમા…સિધ્ધાંત…..મહારાજ અને સ્વામી નું સ્વરૂપ …બ્રહ્મ સ્વરૂપ શાસ્ત્રીજી મહારાજ નો દાખડો અને શુધ્ધ ઉપાસના નું આ અમૃત જીવમાત્ર સુધી પહોંચે અને પરિણામે જ- નવીન આરતી…..નવીન મહાપૂજા અને સહજાનંદ નામાવલી ની રચના મહામહોપાધ્યાય પૂ. ભદ્રેશ સ્વામી એ કરી છે…..
  • મહંત સ્વામી મહારાજ નો આ આરતી ની રચના પાછળ એટલો બધો દાખડો હતો કે- તેમણે રાત દિવસ ..સતત …ચર્ચા..માર્ગ દર્શન…..સૂચન દ્વારા પૂ. ભદ્રેશ સ્વામી ને આ માટે પ્રેરિત કર્યા…પોતે રાતો જાગી ને નવી આરતી નો મુખ પાઠ કર્યો……સંતો ને પત્ર લખી..રૂબરૂ મળી ને આ આરતી ના મહિમા..તેના સર્વોપરી ફળ અંગે જણાવ્યુ…….

અદ્ભુત………ત્યારબાદ પૂ. પ્રિય સ્વરૂપ એ સ્લાઇડ્સ ની મદદ થી સમગ્ર આરતી ના શબ્દો નો અર્થ…..તેની પાછળ નો ભાવ….મહિમા ની સમજૂતી આપી…..! અદ્ભુત…અદ્ભુત……અને અંતે તો આરતી – કે જે કાર્તિક વદ પડવા ના દિવસે- જે દિવસે- બ્રહ્મ સ્વરૂપ શાસ્ત્રીજી મહારાજ વડતાલ નો ત્યાગ કરી નીકળ્યા હતા – તે તિથી એ- આ આરતી , મહાપૂજા અને સહજાનંદ નામાવલી નો લાભ- મહંત સ્વામી મહારાજ દ્વારા બોચાસણ મંદિર માં સૌને મળ્યો- તેના વિડીયો દર્શન નો લાભ મળ્યો……..જે નીચેની લિન્ક પર થી સૌ લાભ લઈ શકશે….

ત્યારબાદ પૂ. ઈશ્વર ચરણ સ્વામી એ પણ – આ નવીન આરતી ની રચના…એની પાછળ – શુધ્ધ ઉપાસના નો હેતુ…..બ્રહ્મ સ્વરૂપ શાસ્ત્રીજી મહારાજ નો રાજીપો……અને મહંત સ્વામી મહારાજ નો દાખડો…વગેરે ની અદ્ભુત વાત કરી…….શાસ્ત્રીજી મહારાજે કહ્યું છે તેમ- આપણે સૌએ અક્ષર પુરુષોત્તમ મહારાજ માટે મૂંડાવ્યું છે…માટે મહારાજ -સ્વામી નો મહિમા સર્વે છડેચોક ગાવો જ જોઈએ……..! આ આરતી ની રચના પાછળ પૂ. ઈશ્વર ચરણ સ્વામી નો પણ અઢળક દાખડો રહેલો છે…….

સભાને અંતે પૂ. પ્રિય સ્વરૂપ સ્વામી એ જાહેરાત કરી કે – આ આરતી ની  – 15 મી ડિસેમ્બર ના રોજ- રાજકોટ માં બ્રહ્મ સ્વરૂપ પ્રમુખ સ્વામી મહારાજ જન્મ જયંતિ ની ભવ્ય ઉજવણી બાદ સર્વે હરિભક્તો દ્વારા અતિ ભવ્ય રીતે શરૂઆત કરવા માં આવશે …ત્યાં સુધી સર્વે એ એને કંઠસ્થ કરી લેવા ની છે……16 મી થી સર્વે સ્થાને- ઘરમંદિરે…સંસ્થા ના બધા નાના મોટા મંદિરો એ- બધા સમયે આ જ આરતી ગવાશે…….! પૂ પ્રિય સ્વરૂપ સ્વામી એ – સ્વામીશ્રી નો આશીર્વાદ પત્ર વાંચી ને સંભળાવ્યો……..! વિશેષ માહિતી માટે જુઓ નીચે ની લિન્ક ….

નવીન આરતી અંગે 

અદ્ભુત…અદ્ભુત…….!! …..

સભાને અંતે જાહેરાત થઈ કે અમદાવાદ મ્યુનિસિપાલિટી દ્વારા આવતી કાલ થી- સૂકા અને ભીના કચરા ને અલગ અલગ કલર ની કચરા પેટી માં ફરજિયાત નાખવો પડશે…….

તો- આજની સભા ઐતિહાસિક હતી…….અક્ષર પુરુષોત્તમ મહારાજ ના ડંકા જગત માં ગુંજે….. તેની હતી…..શુધ્ધ ઉપાસના….સર્વોપરી ઉપાસના….સર્વોપરી સિધ્ધાંત જીવમાત્ર સુધી પહોંચે એ માટે ની હતી…….ગુણાતીત પુરુષો ના અતુલ્ય કૃપા યત્ન ની હતી…..

જ્યાં સુધી સુરજ ચંદ્ર રહેશે ત્યાં સુધી અક્ષર પુરુષોત્તમ મહારાજ ..એમના શુધ્ધ સિધ્ધાંત નો પ્રચાર-પ્રસાર ચાલુ રહેશે……બ્રહમરૂપ થવાનો માર્ગ પ્રશસ્ત રહેશે……ગુણાતીત ચિરંજીવી રહેશે…!

જય જય અક્ષર પુરુષોત્તમ…જય જય સ્વામિનારાયણ……

રાજ 


Leave a comment

BAPS રવિસભા-૦૩/૦૬/૨૦૧૮

તે સમે મુક્તાનંદ સ્વામીએ પ્રશ્ન પૂછ્યો જે, “ભગવાનને પ્રસન્ન કરવાનાં સાધન અનંત પ્રકારનાં શાસ્ત્રમાં કહ્યાં છે, પણ તે મધ્યે એવું એક સાધન કયું બળવાન છે જે સમગ્ર સાધન કર્યે જેવા ભગવાન પ્રસન્ન થાય તેવા એક સાધને કરી ભગવાન રાજી થાય? તે એવો એક ઉપાય કહો.”

ત્યારે શ્રીજીમહારાજ બોલ્યા જે,

“એક જ સાધને કરીને ભગવાન રાજી થાય તે કહીએ તે સાંભળો જે, ભગવાનનો જે દ્રઢ આશરો એ જ એક સર્વ સાધનમાં મોટું સાધન છે, તેણે કરીને ભગવાન રાજી થાય છે. અને તે આશરો અતિ દ્રઢ જોઈએ, જેને વિષે કાંઈ પોલ રહે નહીં. તે આશરામાં ત્રણ ભેદ છે. ……

એક મૂઢપણે કરીને ભગવાનનો આશ્રય થાય છે, તે અતિ મૂઢ હોય તેને બ્રહ્મા જેવો હોય તે આશ્રયમાં ડોલાવે તોય પણ ડોલે નહીં………..

અને બીજો પ્રકાર એ છે જે, ભગવાનમાં જે પ્રીતિ તેણે કરીને ભગવાનનો દ્રઢ આશરો થાય છે, તે જેને દ્રઢ પ્રીતિ હોય તે પરમેશ્વરને મૂકીને બીજા પદાર્થમાં જોરાવરી પ્રીતિ કરે તોય પણ થતી નથી; એવી રીતે દ્રઢ પ્રીતિએ કરીને ભગવાનનો દ્રઢ આશરો કહેવાય છે………

અને ત્રીજો પ્રકાર એ છે જે, જેને બુદ્ધિ વિશાળ હોય તે ભગવાનનું સગુણ-નિર્ગુણપણું તથા અન્વય-વ્યતિરેકપણું તેને સમજતો હોય અને ભગવાનની માયા થકી જે જે સર્ગ થયો છે તેને સમજતો હોય અને ભગવાનના જે પૃથ્વીને વિષે અવતાર થાય છે તેની રીતને સમજતો હોય અને જગતની ઉત્પત્તિકાળે ભગવાન જે પ્રકારે અક્ષરરૂપે વર્તે છે તથા પુરુષપ્રકૃતિરૂપે વર્તે છે….. તથા વિરાટપુરુષરૂપે વર્તે છે……. તથા બ્રહ્માદિક પ્રજાપતિરૂપે વર્તે છે તથા જીવના કલ્યાણને અર્થે નારદ-સનકાદિકરૂપે વર્તે છે એ સર્વ રીતને સમજી જાણે; અને પુરુષોત્તમ ભગવાનને સર્વથી પર ને નિર્વિકાર સમજતો હોય…………..

…………….એવી રીતે જેની દ્રષ્ટિ પહોંચતી હોય તેને બુદ્ધિએ કરીને ભગવાનનો દ્રઢ આશરો છે, તે બીજાનો ટાળ્યો ટળે નહીં ને પોતાનો પણ ટાળ્યો ટળે નહીં. અને ભગવાન મનુષ્ય દેહને ગ્રહણ કરીને સમર્થપણે અથવા અસમર્થપણે વર્તતા હોય તો તેને દેખીને તેની બુદ્ધિને વિષે ભ્રાંતિ થાય નહીં………..”


ઇતિ વચનામૃતમ- ગઢડા પ્રથમ-૩૩

છેલ્લા ઘણા સમય થી એક યા બીજા કારણે જીવ સત્સંગ સભા થી દુર હતો અને તેની અસર થોડી તો થોડી પણ જરૂર થઇ…..આથી ઉત્કંઠા હતી કે કયારે રવિસભા આવે અને ક્યારે એનો લાભ મળે…..જગત ની ભ્રાન્તિઓ માં જીવ જે સોરાઇ ગયો હતો તેને શાતા મળે તે માટે રવીસભાનું અમૃત અનિવાર્ય હતું…..આથી આજે સમય પહેલા સભામાં પહોંચી જવામાં આવ્યું.

સર્વપ્રથમ શ્રીહરિ ના- જીવ ને શીતળતા બક્ષતા અદ્ભુત દર્શન નો લાભ લેવામાં આવ્યો……ચાલો તમે પણ લો…..

pixlr_20180603172150606

સભાની શરૂઆત- યુવક મિત્રો દ્વારા સ્વામિનારાયણ ધુન્ય દ્વારા થઇ અને ત્યારબાદ અદ્ભુત કીર્તનો ની રમઝટ શરુ થઇ…સમગ્ર સભા ડોલી ઉઠી…….એ કીર્તન હતા……

  • સ્વામિનારાયણ નામ…વ્હાલું લાગે……નિષ્કુળાનંદ સ્વામી
  • મારે લગની લાગી છે ઘનશ્યામ ની રે…….પ્રેમાનંદ સ્વામી
  • અલબેલાજી મારે ઓરડે રે ….બ્રહ્માનંદ સ્વામી
  • થઇ રહ્યો છે જય જયકાર………અખંડાનંદ સ્વામી

અદ્ભુત કીર્તન……! યુવકો નો કર્ણપ્રિય અવાજ…કીર્તન ના હૃદયસ્પર્શી શબ્દો હજુ મારા મન માં ગુંજે છે……! ત્યારબાદ – પ્રગટ અક્ષરબ્રહ્મ મહંત સ્વામી મહારાજ ના ૨૭/૦૫/૨૦૧૮ ના -રાજકોટ ખાતે ના વિચરણ ના અદ્ભુત વિડીયો દર્શન નો લાભ મળ્યો…સાથે સાથે આપણા મુખ્યમંત્રી શ્રી વિજય રૂપાની અને ગુરુહરિ મહંત સ્વામી ની હાજરી માં યોજાયેલા માનવ ઉત્કર્ષ સમારોહ- સભાના દર્શન નો પણ લાભ મળ્યો….જે નીચેની લીંક પર થી જોઈ શકાશે……..

ત્યારબાદ પુ.વિવેકજીવન સ્વામી જેવા વિધવાન સંત દ્વારા -વચનામૃત ના ગઢડા પ્રથમ ૩૩ પર આધારિત અદ્ભુત પ્રવચન થયું………જોઈએ સારાંશ………

  • ભગવાન ના દ્રઢ આશરા માં બધા જ સાધન આવી જાય છે…….અને આ દ્રઢ આશરો- મૂઢ પણું અર્થાત વિજાપુર ના વજીબા ની જેમ અતિ દ્રઢ શ્રદ્ધા ભાવે ભગવાન માં જોડાઈને; પ્રીતિ એ કરીને- ગોપીઓ ને શ્રીકૃષ્ણ ભગવાન માં પ્રીતિ હતી તેમ; અને સમજણ ભાવે અર્થાત- મુક્તાનંદ સ્વામીને શ્રીજી મહારાજ માં સ્વરૂપ નિષ્ઠા ની સમજણ હતી તેમ- ત્રણ પ્રકારે થાય…..
  • આપણ ને આવો દ્રઢ આશરો થતો નથી કારણ કે આપણો જીવ જગત ના વિષયોમાં બંધાયેલો  છે……અને આપણે કેવા સત્સંગી છીએ -એ વચનામૃત વાંચીએ તો સમજાય……..અને જ્યાં સુધી મનધારી અપેક્ષાઓ રહેશે ત્યાં સુધી સંશય હટશે નહિ……દ્રઢ આશરો થશે નહિ……
  • પરમહંસો ને શ્રીજી એ ૧૦૮ અતિ કઠીન પ્રકરણ માં થી પસાર કર્યા છતાં એ ડગ્યા નહિ……આપણે પણ આવી જ દ્રઢ નિષ્ઠા…આશરો કેળવવા નો છે……..દ્રઢ આશરો ન હોય તે સાચો સત્સંગી કહેવાય જ નહિ…..સાચા ભક્ત ની નિશાની- એ ભગવાન માં દ્રઢ આશરો જ છે……..
  • જીવનમાં alignment ની જરૂર છે…..સ્થિરતા…મનમેળ ની જરૂર છે………એ હશે તો દ્રઢ આશરો કરવામાં મુશ્કેલી નહિ પડે………આજ્ઞા અને ઉપાસના એ બે મુખ્ય alignment છે………ભગવાન અને સંત  સ્વરૂપ યથાર્થ ઓળખાય એ મોટુ alignment છે………..
  • જો આ થશે તો જ ભગવાન માં દ્રઢ આશરો થશે…..જીવ આડે અવળે નહિ જોડાય…….માન અપમાન માં – વિપરીત દેશકાળ માં પણ સ્થિર રહેશે………નિયમ ધર્મ સહેજે પળાશે………યોગીબાપા તો  નિયમ ધર્મ ના દ્રઢ પાલન ને જ -ભગવાન નો આશરો કહેતા…….

અદ્ભુત…..અદ્ભુત….! જો ભગવાન નો આશરો દ્રઢ હશે તો અન્ય સાધનો ની ખોટ વચ્ચે પણ ભગવાનને પ્રાપ્ત કરી શકાશે……….!

અને એ જ વિષય પર પુ. ઈશ્વર ચરણ સ્વામી એ પોતાના ટૂંકા આશીર્વચન માં કહ્યું કે- વચનામૃત એ સાક્ષાત શ્રીજી નું સ્વરૂપ છે…..અને આપણા જીવન ના સઘળા પ્રશ્નો ના ઉત્તર પણ તેમાં થી મળે છે…….દ્રઢ આશરો એટલે કે દ્રઢ નિશ્ચય…….નિયમ ધર્મ ની દ્રઢતા અને સમજણ નો સત્સંગ એટલે કે- સ્વયમ ગુણાતીતાનંદ સ્વામી એ કરેલો સત્સંગ…કારણ કે- એ એક જ હતા કે- જેમણે શ્રીજી ના સ્વરૂપ ને યથાર્થ ઓળખ્યું……એનો મહિમા છડેચોક ગાયો અને જીવમાત્ર સુધી એ સર્વોપરી જ્ઞાન પહોંચાડ્યું….! પ્રગટ સત્પુરુષ નું બળ…..એમના વચન માં દ્રઢ વિશ્વાસ- આપણો આશરો દ્રઢ કરે છે અને સાથે સાથે આપણા સદગ્રંથો નું વાંચન પણ એમાં મદદ કરે છે…….! માટે મન કર્મ વચને સત્પુરુષ ને રાજી કરી લેવા…..એમનો દ્રઢ આશ્રય કરી લેવો……

ખરેખર જીવન માં જો આટલું યે દ્રઢ થાય તો પણ કશું કરવાનું બાકી ન રહે……..

સભાને અંતે- સાબરમતી વિસ્તાર માં પુ.વિવેક્મુની સ્વામી દ્વારા થનારી ગ્રીષ્મ પારાયણ વિષે જાહેરાત થઇ…..વધુ માહિતી માટે- ડી કેબીન માં આવેલા સંસ્કારધામ નો સંપર્ક કરવો…….

તો- આજની સભા- સર્વે કલ્યાણ ના સાધન નું એક જ સાધન એવા- ભગવાન અને મોટા પુરુષ ના દ્રઢ આશરા – પર હતી…….આપણા તો મોટા ભાગ્ય કે- માથે અખંડ ધણી બેઠા છે……..બસ એક એમનો આશરો – કોઈ પણ દેશકાળ માં વિચલિત કે- લોભાયા વગર કરવા નો છે………! એ જે કરશે એ સારા માટે જ હશે….! એમ વિચારી નિર્ભય થાવું…….

જય સ્વામિનારાયણ……………સદાયે…”પ્રથમ શ્રી હરિ ને રે……”

રાજ


Leave a comment

BAPS રવિસભા-૨૮/૦૮/૨૦૧૬

ભગવાનના સ્વરૂપને જે તત્ત્વે કરીને સમજતો હોય તે તો ભગવાનને અખંડ અવિનાશી જેવા છે તેવા જ સમજે………… જેમ શ્રીકૃષ્ણ ભગવાને દેહ મૂક્યો ત્યારે એ ભગવાનની પત્નીઓ જે રુક્મિણી આદિક હતી, તે એ ભગવાનના દેહને લઈને બળી મરી; ત્યારે અજ્ઞાની હતા તેણે તો એમ જાણ્યું જે, ‘હવે એ નાશ થઈ ગયા.’ અને જે જ્ઞાની હતા તેણે તો એમ જાણ્યું જે, ‘અહીંથી અંતર્ધાન થઈને બીજે ઠેકાણે જણાણા છે.’ એમ ભગવાનને અખંડ સમજે……….


ભગવાન શ્રી સ્વામિનારાયણ-પંચાળા-૭

બ્રહ્મસ્વરૂપ પ્રમુખ સ્વામી મહારાજ ને અક્ષરધામ ગમન ને ૧૫ દિવસ થયા પણ એમની સ્મૃતિ જીવમાં થી સહેજે દુર થતી નથી…….શોક કે વિષાદ નથી પણ એક ખાલીપો જરૂર છે…….જીવ જાણે છે કે- સત્પુરુષ આ પૃથ્વી પર થી ક્યારેય જતા જ નથી…અને  એ જ “પ્રમુખ ગુણાતીત તત્વ” આજે પ્રગટ અક્ષરબ્રહ્મ મહંત સ્વામી સ્વરૂપે પ્રત્યક્ષ વિચરી રહ્યું છે……..છતાં પ્રમુખ સ્વામી મહારાજે જે સુખ આપ્યું હતું તેની સ્મૃતિ જ એ ખાલીપા નો ભાવ ભરી શકે એમ છે……આથી આ સભા -સ્વામી બાપા ની એ અદ્ભુત સ્મૃતિ પર જ હતી……

તો મંદિરે સમયસર પહોંચી ગયા…..એકાદશી ના દિવસ ના અદ્ભુત દર્શન કરવામાં આવ્યા…..

14064049_1750125448608620_7569462358082319596_n

સભાની શરૂઆત યુવકો દ્વારા ધુન્ય -પ્રાર્થના થી થઇ……..યુવક મિત્ર નીરવ વૈદ્ય દ્વારા પ્રેમાનંદ સ્વામી રચિત “બિહારી થારી અંખિયાં, અજબ જાદુગારી…” કીર્તન રજુ થયું…….અદ્ભુત…..અદ્ભુત……..!!! સભાનો માહોલ ..હરિમય થઇ ગયો………! ત્યારબાદ પુ.શુભ કીર્તન સ્વામી ના ઘાટીલા અવાજ માં ” કોડે કોડે એકાદશી કીજીએ રે…’ બ્રહ્માનંદ સ્વામી રચિત એકાદશી ઉત્સવ ના મહિમા આધારિત પદ રજુ થયું……

ત્યારબાદ શ્રાવણ માસ ની પારાયણ ચાલુ છે તે નિમિત્તે પુ.ધર્મ તિલક સ્વામી દ્વારા યથાયોગ્ય પૂજા વિધિ -યજમાનો વડે કરાવવા માં આવી……આજની પારાયણ ના વક્તા વિદ્વાન…ખુબ સારા વક્તા પુ.અક્ષર વત્સલ સ્વામી હતા……..ચાલો જોઈએ સારાંશ…..

  • નવધા ભક્તિ ( કથાશ્રવણ, ગુણકીર્તન, નામસ્મરણ, પાદ-સેવન, અર્ચન (ચંદન વગેરેથી પૂજન), વંદન, દાસ્ય (દાસપણે – ગુલામભાવે વર્તવું), સખ્ય (મિત્રભાવ) અને આત્મનિવેદન (સર્વસ્વ અર્પણ કરવું, દરેક ક્રિયામાં ભગવાનને આગળ રાખવા)…..થી ભગવાન અને મોટા પુરુષ રાજી થાય…….
  • અને એ નવધા ભક્તિ જેના જીવન માં રગેરગ માં સમાયેલી હતી….એ મોટા પુરુષ કે જેના ગુણ ભગવાન સમાન જ હતા…..તેવા પુરુષ ના જીવન કાળ દરમિયાન આપણો જન્મ થયો એ જ આપણા મોટા ભાગ્ય છે………
  • સત્પુરુષને પામીએ ..એમનો સમાગમ કરીએ…પણ જો એમની સ્મૃતિ મન માંથી નીકળી જાય તો થયેલી પ્રાપ્તિ નિષ્ફળ થઇ જાય…….જીવના દુષ્કાળ…ખાલીપા ને ટાળવા નો એક જ ઉપાય છે…..એ સ્મૃતિઓ ને પલેપલ વાગોળવી…….
  • આ તો અમૃત ની બુંદો છે…જેને મેળવવી અઘરી અને મેળવ્યા પછી સાચવવી એના કરતા પણ અઘરી…….!
  • નિષ્કુળાનંદ સ્વામી પ્રથમ વ્યક્તિ હતા જેને શ્રીજી ના સર્વોપરી સ્વરૂપ નો નિશ્ચય થયો……અને એ જ સદ્ગુરુ એ શ્રીજી ના સર્વોપરી સ્વરૂપ ના પદ ની સાથે સાથે આવા સત્પુરુષ ના ગુણ પણ યથાર્થ ગાયા છે…….
  • ગઢડા પ્રથમ-૫૮..૬૭ વગેરે માં શ્રીજી એ પણ આવા પુરુષ ના ગુણ વિષે કહ્યું છે……જેવા એ પુરુષ ને સમજીએ ..એવો આપણો સ્વભાવ થાય……આપણા ગુણ થાય….
  • પુ.ઈશ્વર ચરણ સ્વામી કહે છે કે- બાપા એ અનેક સર્વોપરી કાર્યો કર્યા…પણ જો સૌથી મોટું કાર્ય કર્યું હોય તો તે- અક્ષર પુરુષોત્તમ સિધ્ધાંત ના ડંકા આખી દુનિયામાં વગાડી દીધા…..
  • સ્વામીશ્રી ની આભા..પ્રભાવ એવો હતો કે એમના અંતિમ દર્શન વખતે આવતા બિન સત્સંગી મીડિયા વાળા પણ સત્સંગી થઇ ગયા…..તરુણ વિજય જેવા પ્રખર રાજનીતિજ્ઞ ને તો દરેક હરિભક્ત માં સ્વામીશ્રી ના દર્શન થયા……..
  • સ્વામીશ્રી ભાગવત માં વર્ણવેલા સંત ના બધા લક્ષણ ધરાવતા હતા…છતાં એમની સરળતા..અહં શૂન્યતા….જગ જાહેર છે……
  • અમદાવાદમાં નાટક સંવાદ સમયે સંતો ની સુચના મુજબ પાછલા દરવાજે થી સ્ટેજ પર એન્ટ્રી લેવાનો પ્રસંગ હોય કે પાર્ષદો દ્વારા સ્ટેજ પર ખેંચવા નો નિષ્ફળ પ્રયાસ વાળો પ્રસંગ હોય………સ્વામીશ્રી સંતો ને રાજી કરવા એમની સુચના મુજબ વર્ત્યા છે…એમની ભૂલો માફ કરી છે……..
  • પ્રખ્યાત પત્રકાર હરિકિશન મહેતા એ પૂછ્યું કે- સ્વામીશ્રી તમારી આટલી બધી ટીકા-અપમાન થાય તો તમને કેવું લાગે છે?? સ્વામીશ્રી એ સ્વસ્થતા થી ઉત્તર આપ્યો કે -બધું ભગવાન ની સાક્ષી એ કરીએ -એટલે માન-અપમાન કશું નડે નહિ…….
  • ભલભલી વિકટ સમસ્યાઓ…વ્યવહારિક પ્રશ્નો…..અક્ષરધામ દિલ્હી નિર્માણ સંબંધી પ્રશ્નો હોય પણ સ્વામીશ્રી સ્વસ્થ રહી ને..નચિંત રહી ને વર્ત્યા છે…..અલમસ્ત થઇ ને સ્થિતપ્રજ્ઞ તા થી વર્ત્યા છે……
  • જીવમાત્ર નું કલ્યાણ થાય…….અક્ષરધામ ની પ્રાપ્તિ થાય તે માટે બાપા પોતાના દેહ ની પરવા કર્યા વગર ૪૫ વર્ષ દોડ્યા છે….તો આપણી એમના પ્રત્યે કોઈ ફરજ નથી??? આપણે સ્વામીશ્રી ની સ્મૃતિ માટે કોઈ સંકલ્પ ન કરી શકીએ???
  • ચાલો આપણે સ્વામીશ્રી ના રાજીપા માટે સંકલ્પ કરીએ કે- આપણે પંચ વર્તમાન….નિયમ ધર્મ માં દ્રઢ રહીએ…….સત્સંગમાં નિયમિત રહીએ……અન્ય ને પણ સ્વામી ના મહિમા ની વાત કરીએ…સત્સંગ કરાવીએ……….

અદ્ભુત……અદ્ભુત…….!! આટલું પણ જીવન માં દ્રઢ થાય તો સ્વામીશ્રી પ્રત્યે આપણી સાચી શ્રદ્ધાંજલિ કહેવાશે………! ત્યારબાદ શિકાગો યુનીવર્સીટી ના વિદ્વાન પ્રોફેસર વિલિયમ્સ ( હિન્દી વિભાગ ના હેડ છે) જે પ્રોફ. યોગી ત્રિવેદી સાથે ભારત મુલાકાતે છે તેમનું જાહેર સન્માન થયું……..આટલા મોટા પ્રોફેસર- પુ.ઈશ્વર સ્વામી અને પુ.અક્ષરવત્સલ સ્વામી ને પગે પડ્યા…અને શુદ્ધ હિન્દી માં જય સ્વામિનારાયણ સાથે પોતાના પ્રવચન ની શરૂઆત કરી…!!! અદ્ભુત…..અદ્ભુત……….પ્રોફ. વિલિયમ્સ દ્વારા શુદ્ધ હિન્દી માં થયેલા પ્રવચન માં એમણે કબીર ની સાખી ઓ દ્વારા કહ્યું કે- ભક્તિ એ  પ્રેમ નો જ ભાગ છે……..અઢી અક્ષર નો પ્રેમ- મનુષ્ય ને પંડિત બનાવી શકે છે…….સ્વામિનારાયણ સંપ્રદાય નું અભૂતપૂર્વ યોગદાન ભક્તિ સંપ્રદાય માં રહ્યું છે…….અને આજે બેપ્સ ના સંતો- ભારતીય અને પશ્ચિમી સંસ્કૃતિ ને જોડી રહ્યા છે…તે ભવિષ્ય માં વધુ મજબુત થશે…..!!!! અદ્ભુત……અદ્ભુત…!!! સમગ્ર સભા તાળીઓ ના ગડગડાટ થી ગુંજી ઉઠી…! પશ્ચિમી સભ્યતા ના વ્યક્તિ ને  આપણી સંસ્કૃતિ વિષે અહોભાવ છે…..અને આપણા લોકો ને જ એનો મહિમાં નથી….!!!

સભાને અંતે જાહેરાત થઇ કે આવતીકાલે આપણા ગુરુહરિ પ્રગટ અક્ષરબ્રહ્મ મહંત સ્વામી મહારાજ અમદાવાદ પધારી રહ્યા છે………….તેમનું સ્વાસ્થ્ય …..આપણી સંસ્થા-હરિભક્તો ની વિશાળતા ને લીધે સર્વ હરિભક્તો ને રૂબરૂ મળવું એમના માટે મુશ્કેલ છે છતાં -એ પોતે દેહ ની મર્યાદા ઓ ને બાજુમાં મૂકી- ભક્તો ને અઢળક લાભ આપી રહ્યા છે………….પણ આપણે એમનું ધ્યાન રાખી ને વર્તવા નું છે……! ગુણાતીત પુરુષો આપણો અમુલ્ય ખજાનો છે…….એમનો રાજીપો એ જ આપણું સર્વસ્વ……..મમત માં એમને નુકસાન ન થાય તે જોવાની જવાબદારી આપણી છે……

તો- ચાલો સત્પુરુષ કે જે ચિરંજીવી છે……તેના મહિમા ને સમજીએ……..એમનામાં સદાયે દિવ્યભાવ રાખીએ…..એમના ચરિત્ર -સ્મૃતિ ને જીવમાં દ્રઢ કરીએ……..આખરે એ પ્રગટ અક્ષરબ્રહ્મ ને સંગ જ બ્રહ્મરૂપ થવાશે…………..અને શ્રીજી મળશે……..!!!

એટલે જ સત્પુરુષ એ જ સર્વસ્વ……………….!

જય સ્વામિનારાયણ……………

રાજ


Leave a comment

BAPS જન્મોત્સવ રવિસભા-૧૨/૦૬/૨૦૧૬

“…….જ્ઞાન, ભક્તિ, વૈરાગ્યાદિક જે અનંત શુભ ગુણ તેણે યુક્ત જે ભક્ત હોય તેના હૃદયમાં ભગવાન નિવાસ કરે છે……. પછી તે ભક્ત જે તે ભગવાનને પ્રતાપે કરીને અનંત પ્રકારનાં ઐશ્વર્યને પામે છે ને અનંત જીવના ઉદ્ધારને કરે છે…….. અને એવી સામર્થીએ યુક્ત થકો પણ અન્ય જીવનાં માન-અપમાનને સહન કરે છે એ પણ મોટી સામર્થી છે; કાં જે, સમર્થ થકા જરણા કરવી તે કોઈથી થાય નહીં, એવી રીતે જરણા કરે તેને અતિ મોટા જાણવા.……….. અને એ સમર્થ તો કેવો જે, એનાં નેત્રમાં ભગવાન જોનારા છે તે માટે બ્રહ્માંડમાં જેટલાં જીવપ્રાણી છે તેનાં નેત્રને પ્રકાશ કરવાને સમર્થ થાય છે…………, અને એના પગમાં ચાલનારા ભગવાન છે તે માટે બ્રહ્માંડમાં સર્વ જીવના પગને વિષે ચાલવાની શક્તિને પોષણ કરવાને એ સમર્થ થાય છે…………; એમ એ સંતની સર્વે ઇન્દ્રિયોમાં ભગવાન રહ્યા છે, તે માટે એ સંત તો બ્રહ્માંડમાં સર્વે જીવોનાં ઇન્દ્રિયોને પ્રકાશ કરવાને સમર્થ થાય છે. ………….માટે એ સંત તો સર્વ જગતના આધારરૂપ છે, તે તુચ્છ જીવનું અપમાન સહે તે એમની એ અતિશય મોટ્યપ છે…………. અને એવી રીતની ક્ષમાવાળા છે તે જ અતિ મોટા છે……….


ભગવાન શ્રી સ્વામિનારાયણ-વચનામૃતમ-ગઢડા પ્રથમ-૨૭

આજે શુક્લ પક્ષ ની આઠમ- અને નિર્ધારિત સંકલ્પ મુજબ આજે  આપણા ગુરુહરિ પ્રમુખ સ્વામી મહારાજ ના  મહિમા ને જીવસ્થ કરવાના ભાગ રૂપે “ઘેર ઘેર જન્મોત્સવ” નો ઉત્સવ દરેક હરિભક્ત ના ઘરે ઉજવવાનો હતો….અને દરેકે ભવ્ય રીતે-નિયમ મુજબ ઉજવ્યો પણ ખરો……પ્રાપ્તિ ના આ અનેરા મહિમા ને વધાવવા નો મોકો કોણ જતો કરે??? કારણ કે  જે મળ્યા છે…તે તો પ્રગટ અક્ષરબ્રહ્મ સાક્ષાત છે…..સર્વ જગત ના આધાર રૂપ છે…..વેદ-ઉપનિષદ-ગીતા માં જેના ગુણગાન ગાયેલા છે એ સત્પુરુષ સાક્ષાત છે………અને એમની પ્રાપ્તિ નો કેફ આપણ ને ન હોય તો કોને હોય??? તો આજની સભા એ ઉત્સવને વધાવવાની હતી…..

સર્વ પ્રથમ શ્રીજી ના દર્શન ..એ પણ મન-હૃદય-જીવની સંતૃપ્તિ થાય ત્યાં સુધી……..

collage_20160612221812950_20160612221934024.jpg

સભામાં સ્થાન ગ્રહણ કર્યું ત્યારે પુ.પ્રેમ વદન સ્વામી ના સુરીલા કંઠે સ્વામિનારાયણ મંત્ર ની ધુન્ય થઇ રહી હતી…….અને ત્યારબાદ સમગ્ર સભાનું મન મોહી લે તેવું જોશીલું કીર્તન….” ચદરિયા ઝીણી રે…ઝીણી…..સહજાનંદ રસભીની ..” રજુ થયું….અને સુરાવલીઓ સાથે સમગ્ર સભા જાણે કે વહેતી જ ગઈ…….ત્યારબાદ યુવક જૈમીન  વૈદ્ય દ્વારા…સદ્ગુરુ પ્રેમાનંદ સ્વામી રચિત “હારે જેને ગુણે રીઝ્યા ગિરધારી રે…” રજુ થયું અને  શાસ્ત્રોમાં વર્ણવ્યા મુજબ ૩૦ ગુણ યુક્ત પ્રગટ સત્પુરુષ પ્રમુખ સ્વામી મહારાજ નું ચિત્ર મનોપટ પર છવાઈ ગયું…….

ત્યારબાદ ગીતામાં શ્રીકૃષ્ણ ભગવાને “एषा ब्राह्मी स्थिति ..पार्थ” કહી વર્ણવેલા સ્થિતપ્રજ્ઞ પુરુષ ના તાદ્રશ્ય દર્શન કરાવતા વિડીયો દ્વારા પ્રમુખ સ્વામી મહારાજ ના વિવિધ ચરિત્ર -પ્રસંગ નું દર્શન થયું…………સત્પુરુષ ની નિકટ રહે…..તેને મન-કર્મ-વચને સેવે એ જ સમજી શકે કે સત્પુરુષ અને એની સ્થિતપ્રજ્ઞતા શું ચીજ છે??? અદ્ભુત વિડીયો……..!

ત્યારબાદ પુ. ઈશ્વર ચરણ સ્વામી દ્વારા સ્વામીશ્રી ની સ્થિત પ્રગ્નતા ના પ્રસંગ વર્ણવતું પ્રવચન થયું……જોઈએ સારાંશ…

  • ઘેર ઘેર જન્મોત્સવ નો વિચાર- હિમાચલ પ્રદેશ -શિમલા ના આપણા હરિભક્ત બહેનો ની સ્વામીશ્રી પ્રત્યેની નિષ્ઠા…એમના જન્મદિવસે એમના દ્વારા ઘરેઘર -અંદરોઅંદર થતા વિવિધ પ્રોગ્રામ દ્વારા  આવ્યો……અને આજે એ વૈશ્વિક ઉત્સવ બની ગયો……

13423863_558481531006690_4929794686473868180_n

  • ગીતામાં જે પુરુષ ને બ્રહ્મરૂપ કહેવાયા છે…..ગઢડા પ્રથમ-૨૭, મધ્ય-૩૦ માં સ્વયમ શ્રીજી એ જેનો મહિમા વર્ણવ્યો છે તેવા પુરુષ આ -પ્રમુખ સ્વામી મહારાજ છે…..કે જે શ્રીજી ના પંચવર્તમાન ના નિયમ જીવ્યા છે…..અષ્ટ પ્રકારે સ્ત્રી-ધન ના ત્યાગી છે….
  • એમના સામર્થ્ય-દિવ્યતા ને આખું જગત માને છે…છતાં તે એકદમ નિર્માની….સાધારણ મનુષ્ય રૂપે વર્તે….ઇન્દ્રિયો -અંતઃકરણ ને દાબી ને વર્તે એવા પુરુષ છે…….અને ગુણાતીત હોય-એ પુરુષ થી જ આ થઇ શકે…..બીજા કોઈનું કામ નહિ….
  • એ જીવમાત્ર ને એક શ્રીજીમાં જોડે છે……દરેકમાં ભગવાન ને જુએ છે…..અને દરેક સ્થિતિ માં આનંદ મય – સહજ રહે છે…સ્થિર રહે છે……વિશ્વ વિખ્યાત કાર્ડીઓલોજીસ્ટ ડોક્ટર તેજસ પટેલે જયારે સ્વામીશ્રી ના હૃદય માં પેસ મેકર મુક્યું ત્યારે તેમને સમજાયું કે “સ્થિતપ્રજ્ઞ પુરુષ” એ સત્ય વાત છે…..બ્રાહ્મી સ્થિતિ એ સત્ય વાત છે….એમણે ખુદ વીડિયોના માધ્યમ થી આ કહ્યું……અમેરિકા ના પ્રખ્યાત ડો. સુબ્રમણ્યમ હોય કે શિરીષ થાનવાળા બધાને આ અનુભવ થયો છે……..
  • પ્રખ્યાત ગુજરાતી મેગેઝીન ચિત્રલેખા ના તત્કાલીન તંત્રી હરિકિશન મેહતા એ લીધેલા એક ઈન્ટરવ્યું માં સ્વામીશ્રી એ પોતાના અંતર ના આ સુર ને શબ્દદેહ આપતા કહ્યું કે- તેમને કોઈની ટીકા-નિંદા ની પરવા નથી……જે માન-અપમાન છે તે આ દેહ ને છે…….બસ બધાને ભગવાન ભજવવા છે……

ત્યારબાદ- ખાસ બોચાસણ થી પધારેલા સદ્ગુરુ સંત પુ.ત્યાગવલ્લભ સ્વામી એ આ જ વાત કરતા કહ્યું કે….

  • શ્રીજી નો સંકલ્પ કે- સો કરોડ મનવાર ભરાય એટલા જીવનું કલ્યાણ કરવું છે……અને પોતે સત્પુરુષ થકી પ્રગટ રહ્યા થકા આ કાર્ય આજે કરી રહ્યા છે…..તે સ્પષ્ટ દેખાય છે…
  • વચનામૃત વરતાલ-૪ માં સ્વયમ શ્રીજી કહે છે કે …..”…“ત્રીસ લક્ષણે યુક્ત એવા જે સંત તેનો જે સંગ તે મન-કર્મ-વચને રાખે, તો જેટલાં કલ્યાણને અર્થે સાધન છે તેટલાં સર્વે તેના સંગમાં આવી જાય છે.”
  • અને મન-કર્મ-વચને સત્પુરુષ નો સંગ કરવો…એટલે મન ની ગાંઠો સત્પુરુષ આગળ મૂકી દેવી…..એમના ચરિત્ર ને રદય્સ્થ કરવા……સંભારવા…….એવું કાર્ય કરવું કે- જેમાં સત્પુરુષ કેમ રાજી થાય…એનો વિચાર હોય…..અને એક એમની આજ્ઞામાં..વચનમાં …. સાંગોપાંગ  વર્તવું…….નિર્દોષ બુદ્ધિ રાખવી……દ્રઢ નિષ્ઠા રાખવી…..
  • આજે ૧૨૦૦ થી વધુ મંદિરો…..૯૦૦ થી વધુ અતિ વિદ્વાન ..જ્ઞાની સંતો આ વાત ની સાક્ષી પૂરે છે કે- સત્પુરુષ ક્યાં પ્રગટ છે…અને એમનો મહિમા શું છે……
  • આપણે પણ સત્પુરુષ ને મન-કર્મ-વચને રાજી કરવા…..એમનો મહિમા સમજવો..અને અન્ય ને સમજાવવો…..

ત્યારબાદ અમદાવાદ ના બે હરિભક્તો એ – આજના “ઘેર ઘેર જન્મોત્સવ” ની ઉજવણી પોતાના ઘરે કરી એનો ચિતાર આપ્યો…….અદ્ભુત…અદ્ભુત…….!!!! હરિભક્તો ની નિષ્ઠા…ઉત્સાહ જુઓ તો સમજાય કે મૂળ અક્ષર ગુણાતીતાનંદ સ્વામી એ આખી ખેંગાર વાવ- હરિભક્તો ના માથા થી ભરવાની જે વાત કરી હતી…….એવી દ્રઢ નિષ્ઠા આજના હરિભક્તોમાં છલકાય છે…!!! પ્રગટ ગુણાતીત પુરુષ નું આ તો લક્ષણ છે કે- લક્ષાવધી મનુષ્યો ને પોતાના માં સહજ આકર્ષિત કરે છે…પોતાના કહ્યા માં વર્તાવે છે……….કારણ કે એ પુરુષમાં સ્વયમ શ્રીજી પ્રગટ પ્રમાણ બેઠા છે…..!!

સભાને અંતે સ્વામીશ્રી ના આશીર્વચન નો વિડીયો દ્વારા લાભ મળ્યો……પ્રમુખ સ્વામી મહારાજ નું સમગ્ર જીવન…શબ્દ સાંભળો તો – શ્રીજી- શાસ્ત્રીજી મહારાજ-યોગીજી મહારાજ -એમના સંકલ્પો-એમનો રાજીપો સિવાય કશું સાંભળવા ન મળે……..! હરપળ હરિ—- તે આનું નામ..!

ખરેખર આજની સભા વિશિષ્ટ હતી…ઘેર ઘેર જન્મોત્સવ – દ્વારા સત્પુરુષ મળ્યા છે- એની પ્રાપ્તિ નો મહિમા સમજવાની  હતી………જો આપણ મળેલા સત્પુરુષ યથાર્થ ઓળખાય…એમને કેમ રાજી કરી શકાય -એનો વિચાર નિરંતર જીવમાં રહે તો આપણી હરપળ એક ઉત્સવ થઇ જાય….!!!!

સત્સંગમાં સમજતા રહેજો…..

રાજી રહેજો………જય સ્વામિનારાયણ….

 

રાજ

 


Leave a comment

BAPS રવિસભા -૧૪/૦૨/૨૦૧૬

વળી જેને પરમેશ્વરને વિષે પ્રીતિ હોય, તેને તો પરમેશ્વર વિના બીજા કોઈ પદાર્થમાં પ્રીતિ ન હોય. અને પરમેશ્વર વિના બીજું જે જે પદાર્થ અધિક જણાય તેનો જે અતિશય ત્યાગ કરે તે ત્યાગ ખરો છે; અને તે પદાર્થ નાનું હોય અથવા મોટું હોય, પણ તેનો જે ત્યાગ કરવો તેનું જ નામ ત્યાગ કહેવાય. અને જે પદાર્થ ભગવાનના ભજનમાં આડું આવતું હોય તેને તો ન તજી શકે ને બીજો ઉપરથી તો ઘણો ત્યાગ કરે પણ તેનો તે ત્યાગ વૃથા છે………………અને જે યથાર્થ ભગવાનનો ભક્ત હોય તેને તો ભગવાનથી બીજું કોઈ પદાર્થ અધિક હોય જ નહીં……………..

અને જ્ઞાન, વૈરાગ્ય, ભક્તિ અને ધર્મ તેણે યુક્ત એવો જે તે ભગવાનનો ભક્ત તે તો એમ જાણે જે, ‘શૂરવીર હોય તે લડવા સમે શત્રુ સન્મુખ ચાલે પણ બીએ નહીં તે શૂરવીર સાચો…….. અને શૂરવીર હોય ને લડાઈમાં કામ ન આવ્યો અને ગાંઠે ધન હોય ને તે ખરચ્યા-વાવર્યામાં કામ ન આવ્યું તે વૃથા છે. તેમ મને ભગવાન મળ્યા છે, તે જે જીવ મારો સંગ કરે તેને આગળ હું કલ્યાણની વાત ન કરું ત્યારે મારું જ્ઞાન તે શા કામમાં આવ્યું ?’ એમ વિચારીને ઉપદેશ કર્યા નિમિત્ત કાંઈક થોડી-ઘણી ઉપાધિ રહે તો પણ પરમેશ્વરની વાત કર્યામાં કાયરપણું રાખે નહીં………”

———————————

ભગવાન શ્રી  સ્વામિનારાયણ-વચનામૃતમ-ગઢડા મધ્ય-૫૭

જે યથાર્થ ભગવાનનો ભક્ત હોય તેને તો ભગવાનથી બીજું કોઈ પદાર્થ અધિક હોય જ નહીં…….. અને  …મને ભગવાન મળ્યા છે, તે જે જીવ મારો સંગ કરે તેને આગળ હું કલ્યાણની વાત ન કરું ત્યારે મારું જ્ઞાન તે શા કામમાં આવ્યું ???? …. એક એક શબ્દ જાણે કે  સ્વયમ શ્રીજી ની આજ્ઞા બની -જીવ-અંતરમાં પડઘાઈ રહ્યો છે..!! એક ભગવાનમાં જે સુખ છે..તેવું બીજે ક્યાંથી હોય?? અને આવી પ્રાપ્તિ થઇ હોય તો ચુપ રહેવાય?? ન રહેવાય……આજની સભામાં  પુ.ઈશ્વરચરણ સ્વામી એ  આજ  વાત કરી ને  જીવ સાથે ચોંટેલા જગતના મેલ દુર કરી દીધા….પુનઃ જીવ બળિયો થઇ બ્રહ્મસત્ય ને પામી રહ્યો..!

ગયા રવિવાર ની સભા અંગત કારણોસર ચુકી ગયો અને એથી જ આજની સભા હું કોઈ સંજોગોમાં ચૂકવા માંગતો ન હતો….સમયસર પહોંચી ગયો…અને જોયું તો સંખ્યા રોજ કરતા આજે ઓછી હતી..કારણ લગ્ન ગાળો…..! સભામાં સ્થાન ગ્રહણ કરતા પહેલા મારા વ્હાલા ના અદ્ભુત દર્શન…..અમારે તો શ્રીજી છે તો રોજેરોજ  વેલેન્ટાઈન ડે હોય છે…..એમાં કહેવાનું શું???

12742826_1666837550270744_1862411986022862563_n

સભા ની શરૂઆત- યુવકો-સંતો દ્વારા ધુન્ય અને કીર્તન થી થઇ……..

  • યુવકો દ્વારા “ધર્મ કુંવર હરિકૃષ્ણજી …..” પ્રેમાનંદ સ્વામી રચિત કીર્તન…..
  • પુ.વિવેક્મુની સ્વામી દ્વારા ” મારે સ્વામિનારાયણ ભજવા રે..” પ્રેમાનંદ સ્વામી રચિત કીર્તન રજુ થયા….

ત્યારબાદ પુ. નિર્મલચરિત સ્વામી દ્વારા ૨૦૦૭ થી ૨૦૧૧ સાલ સુધીના -પ.પુ.પ્રમુખ સ્વામી મહારાજ ના વિચરણ પ્રસંગોનું પઠન-વિવરણ થયું…..જોઈએ સારાંશ….

  • વચનામૃત -કારીયાણી-૬ માં શ્રીજી કહે છે એમ- આપણા ગુરુ પ્રમુખ સ્વામી મહારાજે- શ્રીજી ની જેમ જ પોતાનો દેહ -ભક્તો ના રાજીપા -સુખાકારી અર્થે કૃષ્ણાર્પણ કરી રાખ્યો છે…….ભલે ને  એ ભરૂચ માં આવેલો હાર્ટ એટેક હોય કે ૧૦૨ ડીગ્રી તાવ હોય…….પણ સ્વામીશ્રી નું ભક્તો ને રાજી કરવાનું કાર્ય અટક્યું નથી…
  • માત્ર ભક્તો જ નહિ પણ મુમુક્ષો-ગુણભાવી મનુષ્યો માટે પણ સ્વામીશ્રી સદાયે મદદ-પ્રાર્થના -આશીર્વાદ આપતાં રહ્યા છે……
  • એક પ્રશ્ન ના ઉત્તર માં સ્વામીશ્રી એ  સમાજ સુધાર માટે કહ્યું કે- બાળકો ને  -શરૂઆત થી જ બાળમંડળ માં મોકલો -તો ભવિષ્ય માં કોઈ વૃધ્ધાશ્રમ ની જરૂર નહિ પડે…! અદ્ભુત વાત..!

ત્યારબાદ- સ્વામીશ્રી એ ૭ ફેબ્રુઆરી-૨૦૧૬ ના રોજ- સારંગપુર માં -પોતાના સ્થિર રોકાણ ના -૧૦૦૮ દિવસ પુરા કર્યા ..એની સ્મૃતિ અને દર્શન કરાવતો વિડીયો – દર્શન થયું….તમે પણ નીચેની લીંક પરથી એ દર્શન કરી શકો છો….

 

ત્યારબાદ- મુંબઈ થી પધારેલા પુ.અક્ષરકીર્તન સ્વામી એ  પોતાના સુમધુર સ્વર દ્વારા..” હરિ ભજતા સહુ મોટ્યપ પામે..” કીર્તન રજુ કર્યું……..

ત્યારબાદ- પુ.ઈશ્વરચરણ સ્વામી એ  પોતાના તેજસ્વી અંદાજમાં વચનામૃત ના વિવરણો ને આધારે અક્ષર પુરુષોત્તમ સિધ્ધાંત અને  એના મહિમા-પ્રસાર માટે બ્રહ્મ સ્વરૂપ શાસ્ત્રીજી મહારાજ ના દાખડા -કાર્યો અંગે પ્રવચન કરતા કહ્યું કે…

  • આપણા ગુણાતીત પુરુષો ના આપણા પર અનંત ઉપકાર છે….જે પોતાના સર્વોપરી-જ્ઞાન અને સિધ્ધાંત માટે સ્વયમ શ્રીજીએ અનેક વચનામૃતો માં થોડોક સંકોચ રાખી ને વાત કરી છે…..એ જ વાત- શ્રીજી ના સર્વોપરી પણા ની વાત -શાસ્ત્રીજી મહારાજે – અક્ષર પુરુષોત્તમ સિધ્ધાંત ને આધારે છડેચોક કરી…..ડંકાની ચોટે-કોઈની શેહ શરમ રાખ્યા વગર કરી…..અનેક અપમાનો-ઉપાધિઓ-ભીડા વેઠી ને કરી….
  • એમાયે શ્રીજી સ્વયમ જયારે મનુષ્ય ચરિત્ર કરે ત્યારે ભલભલા જીવ છેતરાઈ જાય છે અને ભટકી જાય છે…….એ મનુષ્ય ચરિત્ર માં થી જ દિવ્ય ચરિત્ર સમજવા માટે -સત્પુરુષ ની જરૂર પડે છે…..
  • અને એ સત્પુરુષ થકી જે થોડું ઘણું સ્વરૂપ નિષ્ઠા નું જ્ઞાન આવે છે…એ પણ શ્રીજી ની જ કૃપા થી જ આવે છે………..
  • ગઢડા મધ્ય-૫૭ ના વચનામૃત પ્રમાણે- ભગવાન ના સાચા ભક્ત થવું અને પોતાને જે સ્વરૂપ મળ્યું છે..તેની વાત- કોઈ શરમ-સંકોચ રાખ્યા વગર શુરવીરતા થી કરવી…..
  • અને આમ કરવાથી વિઘ્નો જરૂર આવશે…..પણ ગભરાવવું નહિ….બ્રહ્મ સ્વરૂપ શાસ્ત્રીજી મહારાજ નું જીવન જુઓ……એક બ્રહ્મ સત્ય- સર્વોપરી સિધ્ધાંત કાજે – અપમાનો-હુમલાઓ સહન કરી- વડતાલ છોડી- અનેક કષ્ટો વેઠી ગગનચુંબી મંદિરો બનાવ્યા……..નિષ્કુળાનંદ સ્વામી કહે છે એમ- સાચી વાત કરવામાં બીવું નહિ…એ સાબિત કર્યું….
  • ૩૩ વર્ષ સુધી ધીરજ રાખી- અનેક દાખડા ઓ  કર્યા- રાજપલટો કરાવી ને પણ- શ્રીજી ના સંકલ્પ સિદ્ધ કરવા- બ્રહ્મ સ્વરૂપ શાસ્ત્રીજી મહારાજે – ગઢડા માં શુદ્ધ આરસપહાણ નું મંદિર- ટેકરા પર બનાવ્યું…….કલેકટર ગોવિંદસિંહ ચુડાસમા ને ૬ કલાક સુધી- આ સિધ્ધાંત-મંદિર સ્થાપવાનો મહિમા-એની પાછળ નું રહસ્ય સમજાવી- શ્રીજી ના આ સંકલ્પ ને સિદ્ધ કર્યો……
  • એ જ રીતે – નડીયાદ ના સાક્ષર- અને વડતાલ ગાદી ના ટ્રસ્ટ બોર્ડ ના સભ્ય – દોલતશંકર કૃપાશંકર પંડ્યા ને – પોતાની વડતાલ છોડવા નું કારણ….અક્ષર પુરુષોત્તમ સિધ્ધાંત નો મહિમા…..વચનામૃત- વરતાલ-૫,લોયા-૧૨, ગઢડા મધ્ય-૩, મધ્ય-૨૧ ના આધારે સમજાવ્યો…….અને પંડ્યા સાહેબ એટલા પ્રભાવિત થઇ ગયા કે- બોલી ઉઠ્યા કે- જે સર્વોપરી જ્ઞાન પ્રસરાવવા શ્રીજી ને ફરી વખત આવવું પડે..એ તમે કર્યું છે………!!!
  • આમ, બ્રહ્મ સ્વરૂપ ભગતજી મહારાજ દ્વારા અક્ષર પુરુષોત્તમ નું જ્ઞાન પામ્યા પછી- શાસ્ત્રીજી મહારાજ અટક્યા નથી…..એમણે  આ જ્ઞાન ને છડેચોક- બધે જ ફેલાવ્યું છે……આમ, શુરવીર બનવું…………!

અદ્ભુત…અદ્ભુત……!! જો આ સમજાય- તો જીવ બળિયો બને..શ્રીજી ના -સ્વામી ના આ સર્વોપરી જ્ઞાન ના ડંકા બ્રહ્માંડ માં ગુંજે..!!

સભાને અંતે અમુક જાહેરાતો થઇ……

  • તીર્થ જ્યોતિ- ઓડીઓ-વિઝ્યુઅલ શ્રેણી -ના બેનર હેઠળ આજે આ સીરીઝ માં ત્રીજો ભાગ પ્રગટ થયો છે….જેમાં શ્રીજી દ્વારા નિર્મિત મંદિરો-પ્રસાદી ના સ્થાનો નો મહિમા- વિડીયો- પ્રવચન દ્વારા રજુ કરવામાં આવ્યો છે…….અચૂક વસાવવી…..મેં ખરીદી છે…તમે???

12705532_959887674049201_5671871889730188835_n

  • બ્રહ્મ સત્ર – પ્રવચન હેઠળ- તારીખ ૨૮/૨ અને ૧૩/૩ પુ.નારાયણમુની સ્વામી દ્વારા પ.પુ.પ્રમુખ સ્વામી મહારાજ ના જીવન પ્રસંગો નું રસપાન થવાનું છે…..સર્વે હરિભક્તો એ અવશ્ય લાભ લેવો…….

12744228_959887760715859_2061960018954683992_n

તો આજની સભા વિશિષ્ટ હતી………….સાચા…યથાર્થ…શુરવીર ભક્ત બની ને – આ સર્વોપરી સિધ્ધાંત-સર્વોપરી જ્ઞાન ને જીવમાત્ર સુધી પહોંચાડવાની હતી…..! વિઘ્નો-મુશ્કેલીઓ ભલે આવે……….પણ આ સર્વોપરી શ્રીજી ના રાજીપા ની યાત્રા અટકવાની નથી…એ વાત સ્પષ્ટ..અને ચોક્કસ છે…!!

જય જય અક્ષર પુરુષોત્તમ મહારાજ………જય જય સ્વામિનારાયણ………..

રાજ

 


Leave a comment

BAPS રવિસભા- ૧૩/૦૯/૨૦૧૫

એ સંત ની પાસે હું અખંડ રહું છું કારણ કે એ સંત ને મારા સિવાય બીજા કોઈની આશા મન માં નથી,એવા સંત ના ગુણો નો કોઈ અંત લઇ શકે તેમ નથી. અમે પરમ એકાંતિક સંત થી કોઈને પર જાણતા નથી…જીવો ને એ પરમપદ ની પ્રાપ્તિ કરાવવા માટે હવે હું સંત થયો છું……….”
________________
ભગવાન શ્રી સ્વામિનારાયણ…શ્રીહરીચરીત્રામૃત સાગર -૩/૪૯/૪૪-૪૮

તો આજની સભા પુ.ઈશ્વરચરણ સ્વામી ના મુખે આપણી સંસ્થા ના વિકાસ ની ગાથા….સત્પુરુષ ના દિવ્ય પ્રતાપ અને મહિમા ની ગાથા હતી…………..જ્યાં ગુણાતીત દ્વારા શ્રીજી સદાયે પ્રગટ પ્રમાણ હોય ત્યાં …..ખોટ શાની હોય????

સંસાર ની પળોજણ માં અટવાયેલો હું-આજે સભામાં જરાક મોડો પહોંચ્યો…….સભાની શરૂઆત થઇ ચુકી હતી અને હું હમેંશ ની જેમ શ્રીજી ના-સ્વામી ના દર્શને પહોંચી ગયો…..આજે શ્રાવણ માસ નો અંતિમ દિવસ ..અમાવાસ્યા…….અને રવિસભા નો દિવસ……પછી શ્રીજી ની મૂર્તિ વધારે માધુરી કેમ ન લાગે??? એમની શોભા જુઓ તો તમને સમજાય કે જીવ માત્ર એમનામાં સ્થિર કેમ થઇ જાય છે……તો ચાલો “સ્થિર” થઈએ….

ravisabha-130915

સભાની શરૂઆત- ધનુય થી થઇ હશે..અને હું સભામાં પહોંચ્યો ત્યારે પુ. કૃષ્ણ સ્વરૂપ સ્વામી દ્વારા ગવાતા કીર્તન..’ આવો આવો સહજાનંદ સ્વામી…” પૂરું થઇ ચુક્યું હતું અને આજની અંતિમ દિવસ ની શ્રાવણ પારાયણ ની યજમાન પૂજા વિધિ ચાલતી હતી……પુ.ઈશ્વર ચરણ સ્વામી પોતે આજે પારાયણ ના વક્તા હતા…….એમના સ્વાસ્થ્ય પર ભીડા ની અસર દેખાય છે……..બધા સદગુરુ સંતો -આટલી મોટી વયે પણ સત્સંગ માટે જે દાખડા કરે છે…એ કોઈ નજીક થી…બારીકાઇ થી જુએ તો એમના ચરણો માં જ ઝુકી જાય……! એ લંડન માં વિચરણ કરી ને પધાર્યા હતા અને “પુરુષોત્તમ બોલ્યા પ્રીતે” પુસ્તક ( સદ.આધારાનંદ દ્વારા રચિત શ્રી હરિ ચરિત્રા મૃત સાગર ગ્રંથ ની ફલશ્રુતિ ગ્રંથ છે..) પર તેમનું પ્રવચન હતું…..જોઈએ અમુક અંશ…

  • આફ્રિકા ના યુગાન્ડા માં આપણા ગુણાતીત પુરુષો ના દાખડા થી ત્રણ મંદિરો હતા પણ ઈદી અમીન ના ત્રાસ થી આપણા લોકો એ છોડી ને બ્રિટન માં વસ્યા પણ સાથે સત્સંગ લઈને ગયા……અને અતુલ્ય દાખડા કરી…..બ્રહ્મ સ્વરૂપ પ્રમુખ સ્વામી મહારાજ ની પ્રેરણા થી નીસ્ડન માં ભવ્ય મંદિર બન્યું..અને આજે ત્રણ થી વધુ મંદિર લંડન માં છે……………..
  • પ.પુ.પ્રમુખ સ્વામી મહારાજ ની દિવ્યતા જુઓ……આજે ઓકલેન્ડ-ન્યુઝીલેન્ડ માં ઠાકોરજી ની મંગળા થતી હોય ત્યારે એ જ સમયે દુનિયા ના બીજે ખૂણે લોસ એન્જલસ માં ઠાકોરજી ની શયન આરતી થતી હોય….!!!! આમ, દુનિયા ના ખૂણે ખૂણે આપણો સત્સંગ પહોંચ્યો છે…..
  • અરે..ફ્રાંસ જેવા ધર્મ ની બાબત માં અતિ કડક કહેવાતા દેશ માં – કાલીભાઈ નામના અતિ સંનિષ્ઠ અને આગળ પડતા સત્સંગી બંધુ -દ્વારા યુવાનો- હોલ ભાડે કરી ને દર રવિવારે સભા કરે છે………અને મંદિર માટે પણ પ્રયત્નો ચાલુ છે………શ્રીજી સારું જ કરશે…..
  • પુરુષોત્તમ બોલ્યા પ્રીતે- ગ્રંથ માં જે ભક્તિ શ્રીજી એ વર્ણવી છે…એના વિષે યોગીબાપા -નિર્દોષ ભક્તિ તરીકે વર્ણવતા…..
  • જે આત્મા રૂપ છે તે વજ્ર ના કોટ ( કિલ્લા) માં રહે છે………જે આત્મારૂપ નથી વર્તતા તે ઉઘાડા પડ્યા સિવાય રહેતા નથી…….
  • સત્સંગ માં માની ની ભક્તિ આસુરી ભક્તિ છે……અને શ્રીજી એ માન નું ખંડન કરાવવા પ્રસંગ જરૂર ઉભા કરી છે……અને સત્સંગ માં અપમાન લાગે તો સત્સંગ થયો જ નથી……..એમ સમજવું…
  • એક દીવાસ આ બધું જ છોડવા નું છે…તો અત્યાર થી જ સત્પુરુષ ના વચન પ્રમાણે -ભગવાન માં જ જીવ કેમ ન જોડીએ..???
  • ભગવાન અને સત્પુરુષ ના ચરિત્રો માં મનુષ્ય ભાવ ન આવવો જોઈએ…..એ જ સત્સંગ છે………..
  • આ સભા.. આ સત્સંગ એ દિવ્ય છે…અલૌકિક છે………પણ એ મનાતું નથી….પણ કોઈ એને માને…..સમજે ..અને વિચારે તો- એમાં એ મગ્ન થઇ જાય….અને જગ જીતી જાય…….આઠે પહોર આનંદ રહે છે………..
  • સત્પુરુષ…અને એમના દિવ્ય ચારૂતર ને ઓળખવા એ જ સત્સંગ નો સાર છે…………….

અદ્ભુત અદ્ભુત………………………આ બધું જો સમજાય અને જીવ માં ઉતરે તો આપણો આ જગ માં ફેરો સફળ થાય………………

સંસારિક જવાબદારીઓ ને લીધે મારે સભા છોડી ને જવું પડ્યું…..આથી આગળ શું થયું- એ વિષે જણાવવા અસમર્થ છું………પણ ખરેખર અઠવાડિયા ની આ સભા તન-મન-હૃદય અને જીવ ને રીચાર્જ કરનારી હોય છે….એમાં કોઈ શંકા નથી…….છેવટે તો કરવા નું આ જ છે………તો આજે કેમ નહિ???

જય સ્વામિનારાયણ…………….રાજી રહેજો…..

રાજ


Leave a comment

BAPS રવિસભા- ૨૮/૦૯/૨૦૧૪

વંદુ સહજાનંદ રસરૂપ, અનુપમ સારને રે લોલ;
જેને ભજતાં છૂટે ફંદ, કરે ભવ પારને રે લોલ…..૦
સમરું પ્રગટ રૂપ સુખધામ, અનુપમ નામને રે લોલ;
જેને ભવ બ્રહ્માદિક દેવ, ભજે તજી કામને રે લોલ… ૦
જે હરિ અક્ષરબ્રહ્મ આધાર, પાર કોઈ નવ લહે રે લોલ;
જેને શેષ સહસ્રમુખ ગાય, નિગમ નેતિ કહે રે લોલ…૦
વર્ણવું સુંદર રૂપ અનુપ, જુગલ ચરણે નમી રે લોલ;
નખશિખ પ્રેમસખીના નાથ, રહો ઉરમાં રમી રે લોલ…૦

આ સ્વામિનારાયણ સંપ્રદાય ના સુવર્ણ ઈતિહાસ નું  એક સુવર્ણ….શીઘ્ર રચાયેલું પદ છે….અને વચનામૃત ના ગઢડા મધ્ય ૪૮ માં એનો ઉલ્લેખ છે……આ પદ- સ્વયમ પ્રેમાનંદ સ્વામી ના સ્વરે સાંભળી શ્રીજી મહારાજ પોતે બોલી ઉઠ્યા….”

“..બહુ સારાં કીર્તન ગાયાં. આ કીર્તનને સાંભળીને તો અમારા મનમાં એમ વિચાર થયો જે, ‘આવી રીતે એને ભગવાનની મૂર્તિનું ચિંતવન છે, માટે એ સાધુને તો ઊઠીને સાષ્ટાંગ દંડવત્ પ્રણામ કરીએ..”

…અદ્ભુત..અદ્ભુત…..એના શબ્દેશબ્દ માં એક હરિ નો મહિમા તાદ્રશ્ય દેખાય છે..અને આ કીર્તન આજની સભા માં સંતો ના મુખે ગવાયું..અને એક ઈતિહાસ…શ્રીજી ની એ મૂર્તિ… નજર સામે તરવરી ઉઠી ..!….આજની સભા -એક પરમ ભક્ત થવા પર હતી….સત્સંગ માં સમજણ નું માહાત્મ્ય એ પર હતી…..સમજી રાખો..જો સત્સંગ સમજણ વિનાનો હશે તો -ફોગટ ના ફેરા કહેવાશે…..

તો આજે ઘણા સમય બાદ જગત ની ઝંઝાળ છોડી ને હરિ ના કાજે …જીવ ના કલ્યાણ કાજે સત્સંગ ની આ  મહા સભા માં હતો…..આથી સમય પહેલા પહોંચી ગયો…..અને મનભરી ને શ્રીજી- ધામ-ધામી ના મનભરી ને દર્શન કરવામાં આવ્યા….તમે પણ સાથે જોડાઓ….

10414400_311079569080222_3192040336766514001_n

સભામાં ગોઠવાયા ત્યારે શરૂઆત સંતો-યુવકો દ્વારા સ્વામિનારાયણ મહામંત્ર ની ધુન્ય દ્વારા થઇ….ત્યારબાદ-પ્રેમસખી નું આ કીર્તન..” વંદુ સહજાનંદ ..” રજુ થયું…..અને ત્યારબાદ આચાર્ય મહારાજ વિહારી લાલજી મહારાજ દ્વારા રચાયેલું રાસ પદ- “જુઓ જુઓને સાહેલીઓ આજ, રસિયો રાસ રમે..” અને સમગ્ર સભા જાણે કે પંચાળા માં થયેલા એ રાસ માં -સાક્ષાત હોય એમ અનુભવી ઉઠી…! નવરાત્રી નું પવિત્ર પર્વ અને સત્સંગ નો આવો માહોલ..પછી બાકી શું રહે??

ત્યારબાદ- સંસ્થા ના વિધવાન સંત- પુ.વિવેકજીવન સ્વામી દ્વારા “સત્સંગ માં સમજણ” પર અદ્ભુત વક્તવ્ય આપ્યું….જોઈએ સારાંશ….

  • સત્સંગ હોય કે જીવન- લોકો ચાર પ્રકાર ના હોય છે…૧. જે સમજણ ધરાવે છે… ૨. જેમની સમજણ માં ફેર રહે છે… ૩. જેમની સમજવા ની શક્તિ મર્યાદિત છે  ૪. જે સમજવા માંગતા જ નથી…
  • આમ જુઓ તો- મનુષ્ય ને કોઈ નથી નડતું….એનો સ્વભાવ જ નડે છે…..માન, મત્સર,કામ,ક્રોધ, ઈર્ષ્યા ,કપટ વગેરે દોષો એને નડે છે….
  • જે સમજવા માંગે છે ..એને બધું સમજાય છે. પણ શાસ્ત્રો ની બધી વાતો -પોતાની બુદ્ધિ એ સમજાતી નથી…એ તો સત્પુરુષ એને સમજાવે ત્યારે જ સમજાય છે…શુકમુની પોતે વિધવાન અને મધ્ય નું ૯ મુ વચનામૃત પોતે જ લખેલું….છતાં મહારાજ ની એ વાત- ગુણાતીતાનંદ સ્વામી એ સમજાવી ત્યારે જ એમને સમજાઈ….
  • જગત નો વ્યવહાર – સાચો સત્સંગ કરવા માં નડે છે…..દંભ, આડંબર…મન ની કુટિલતા..બુદ્ધિ નો ડોળ- આના માટે જવાબદાર છે….
  • જ્યાં સુધી- પંચવિષય નો રાગ, આજ્ઞા નો લોપ….અજ્ઞાન છે ત્યાં સુધી- સત્સંગ નું  સાચું સુખ આવતું નથી….
  • ભગવાન અને સત્પુરુષ ની રૂચી માં રહેવાય..એમના રાજીપા માં રહેવાય તો જીવ સાથે જોડાયેલા દોષ દુર થાય …જીવ સવળા માર્ગે ચાલે અને સત્સંગ નું સાચું..સુખ આવે…
  • સાચું Art of living આ જ છે…કે જેને ગુણાતીત પુરુષો જીવી ગયા છે……અને આપણી નજર સમક્ષ પ્રગટ બ્રહ્મ સ્વરૂપ પ્રમુખ સ્વામી મહારાજ જીવી રહ્યા છે…….

અદ્ભુત છણાવટ……! નિષ્કુળાનંદ સ્વામી કહે છે કે…” સખી સમજણ માં ઘણું સુખ છે…….” ..અને આજે એ જ વાત હતી.

ત્યારબાદ અમુક જાહેરાતો થઇ….કે અમદાવાદ સેટેલાઈટ વિસ્તાર ની ( તા- ૩,૪,૫) અને મણીનગર ની પારાયણ( તા- ૨,૩,૪)  ૨ થી ૫ ઓક્ટોબર વચ્ચે છે…..સમય સાંજ નો છે- ૮ થી ૧૦ વાગ્યા નો..! અને મણીનગર ના હરિભક્તો માટે આનંદ ની વાત એ છે કે- પુ. અક્ષર વત્સલ સ્વામી -આ પારાયણ નો લાભ આપવા ના છે….

ત્યારબાદ- અક્ષર પુરુષોત્તમ સિધ્ધાંત નું ગાન થયું…..એના પ્રત્યેક શ્લોક નો અર્થ જો સમજાઈ જાય તો પછી સમજવાનું કશું બાકી ન રહે….

એ પછી ના પ્રવચન માં પુ.ઈશ્વર ચરણ સ્વામી શ્રીહરિ ચરિત્રામૃત સાગર ના આધારે  કહ્યું કે…

  • શ્રીજી મહારાજ કહે છે કે -જે સવળો વિચાર કરે તે ધર્મી અને જે અવલો વિચાર કરે તે અધર્મી….
  • આ જગત માં થી જીવ ને છોડાવવો અને એક ભગવાન માં..પોતાના માં જોડવો એ જ શ્રીજી ની રૂચી છે……અને એજ ધર્મી છે…
  • સત્સંગ માં- ભક્ત ના ..સંત ના દોષ ન જોવા…..હમેંશા પોતાના દોષ જોવા…..હરિભક્તો ના ગુણ લેવા …
  • સત્સંગ માં કદાપી મોળી વાત ન કરવી……..અહિયાં તો બળભરી વાતો જ જીવ ના કલ્યાણ માટે થાય છે….
  • નિયમ ધર્મ – સત્પુરુષ અને ભગવાન ની આજ્ઞા -નું પાલન – એ જ આપણી શોભા છે….નવરાત્રી માં ધર્મ નિયમ ન સચવાય તો ન જવાય…..આપણા મંદિરો માં અત્યારે ભક્તિ પર્વ ચાલે છે…..એમાં જઈ વિશેષ નિયમ દ્વારા – નવરાત્રી ના મહાપર્વ નો આનંદ ઉઠાવી શકાય…..

અંતે- પ.પુ.પ્રમુખ સ્વામી મહારાજ ના અમદાવાદ વિચરણ વખતે  સંતો સાથે કરેલી રાસ લીલા ના દર્શન વિડીયો ના માધ્યમ થી થયા…..

તો- આજની સભા ‘સત્સંગ માં સમજણ ” ની હતી…..શ્રીજી ના રાજીપા ની હતી…..

જય સ્વામિનારાયણ….

રાજ