Raj Mistry's world

Me,my stories and world around….


Leave a comment

BAPS રવિસભા-૨૪/૦૬/૨૦૧૮

પછી સ્વયંપ્રકાશાનંદ સ્વામીએ પ્રશ્ન પૂછ્યો જે, “ભગવાનના ભક્તને ભગવાનની મૂર્તિમાં અતિશય હેત કયે પ્રકારે થાય?……….

પછી શ્રીજીમહારાજે તેનો ઉત્તર કરવા માંડ્યો જે, “સ્નેહ તો રૂપે કરીને પણ થાય છે તથા કામે કરીને પણ થાય છે તથા લોભે કરીને પણ થાય છે તથા સ્વાર્થે કરીને પણ થાય છે તથા ગુણે કરીને પણ થાય છે. તેમાં રૂપે કરીને જે સ્નેહ થાય છે તે તો જ્યારે તેના દેહમાં પિત્ત નીસરે અથવા કોઢ નીસરે ત્યારે સ્નેહ થયો હોય તે નાશ પામે છે; તેમ જ લોભ, કામ અને સ્વાર્થે કરીને જે હેત થયું હોય તે પણ અંતે નાશ પામે છે અને જે ગુણે કરીને સ્નેહ થયો હોય તે તો અંતે રહે છે………”

ત્યારે શ્રીજીમહારાજ પ્રત્યે સોમલો ખાચર બોલ્યા જે, “એ તે ગુણ કયા?

….પછી શ્રીજીમહારાજે તેની વિસ્તારે કરીને વાર્તા કરવા માંડી જે………

૧) “વચને કરીને તો કોઈ જીવપ્રાણીમાત્રને દુખવવા નહીં……પરમેશ્વર તથા મોટા સંત તે પોતાને કોઈ વચન યોગ્ય કહે અથવા અયોગ્ય કહે, ત્યારે તે વચનને તત્કાળ સ્નેહે સહિત માનવું…………

 ૨) …( તપ) ચાંદ્રાયણ વ્રતે કરીને દેહને નિર્બળ કરી નાંખવું; પછી તેને દેખીને તેના દેહની મોટા સંત અથવા પરમેશ્વર ખબર રખાવે તો ભલે, પણ પોતાને જાણે દેહનું જતન કરવું નહીં. તથા દેહે કરીને ભગવાનની અને ભગવાનના ભક્તની ટેલ-ચાકરી કરવી……….

૩) ……………પરમેશ્વરનાં જ્યારે દર્શન કરવાં ત્યારે મને સહિત દ્રષ્ટિને એકાગ્ર રાખીને કરવાં……….પરમેશ્વરનાં દર્શન દ્રષ્ટિને નિયમમાં રાખીને કરે છે તેને એ દર્શન નવીનનાં નવીન રહે છે, અને પરમેશ્વરે જે જે વચન કહ્યાં હોય તે પણ તેને નવીનનાં નવીન રહે છે. ………

………….એવી રીતે જે વર્તે તેને ભગવાનની મૂર્તિમાં દિવસે દિવસે અધિક સ્નેહ થાય છે અને તે ભક્ત ઉપર પરમેશ્વર ને મોટા સાધુને સ્નેહ હોય તેથી પણ દિવસે દિવસે વધતો જાય છે……..”


ભગવાન શ્રી સ્વામિનારાયણ- વચનામૃત- સારંગપુર-૨

ભગવાન ની અને મોટા પુરુષ ની મરજી જાણી ને જે વર્તે છે….જીવે છે તેના પર ભગવાન નો અઢળક રાજીપો થાય છે અને આ રાજીપો જ સત્સંગ ની ..આ જીવન ની ફલશ્રુતિ છે, જો એ ન થાય તો સત્સંગ માં આવ્યા નો મતલબ શું?? માટે જ એવો સત્સંગ કરવો કે જેથી જીવ નું કલેવર બદલાય….રજકણો બદલાય અને જીવ બ્રહ્મરૂપ થાય. …આ માટે જ રવિ સત્સંગ સભા નો મહિમા વિશેષ છે….એમાં હાજરી- એ સત્પુરુષ નો રાજીપો છે…..

તો આખરે, અમદાવાદ માં મેઘરાજા ની ટૂંકી પણ મધુર પધરામણી થઇ ..અને ઉકળાટ થી થોડોક સમય તો બધા ને શાંતિ અને શીતળતા નો આસ્વાદ મળ્યો….આ આસ્વાદ સાથે અમે સમયસર સભામાં પહોંચી ગયા….સર્વ પ્રથમ પૂર્ણ પુરુષોત્તમ મહારાજ ના પૂર્ણ દર્શન…….

pixlr_20180624171412048

સભાની શરૂઆત યુવકો એ ધુન્ય અને પ્રાર્થના થી કરી….ત્યારબાદ એક યુવકે અતિ કર્ણપ્રિય સ્વર માં- જીવ ને સ્પર્શતું – કૃષ્ણાનંદ સ્વામી રચિત કીર્તન..” અમર ના સરદાર..હરી મારા નૈન તણા શણગાર..” રજુ કર્યું…હૈયું- શ્રીજી સાથે એકતાર થઇ ગયું…!! ત્યારબાદ બ્રહ્માનંદ સ્વામી રચિત..” ઓરા આવો મારા લેરખડા લહેરી…..” રજુ થયું….! એક વડીલે ગામઠી સુર માં પણ જીવ માં જોશ ભરતું કીર્તન…” હરી હરી પોકારે મારો જીવડો રે……” રજુ કર્યું અને બધામાં એક ઉમંગ ની લહેરખી છવાઈ ગઈ…….પુ. કૃષ્ણ સ્વરૂપ સ્વામી એ ” મીઠા મધુ ને ..મીઠા મેહુલા રે લોલ…..” રજુ કર્યું…!

ત્યારબાદ પુ. ઈશ્વર ચરણ સ્વામી જેવા સદગુરુ સંત દ્વારા સારંગપુર-૨ ના વચનામૃત નું અદ્ભુત વિવરણ થયું…..એમની પાસે દાયકાઓ નો સત્સંગ નો અનુભવ- અને ત્રણ ત્રણ ગુણાતીત પુરુષો ના સંપર્ક માં રહ્યા નો બહોળો ખજાનો છે…..આથી એમના મુખે જુના પ્રસંગો ને સાંભળવા એક અમુલ્ય લ્હાવા થી વિશેષ છે…..જોઈએ તેનો અતિ ટૂંકો સારાંશ…..

  • આ વચનામૃત માં – ભગવાન ની મૂર્તિ માં હેત કેમ થાય અને એ કેમ વધતું ને વધતું જાય…?? તેની ખુબ જ છણાવટ શ્રીજી એ સહજ રીતે કરી છે……
  • જગત માં જેમ દેખાય છે તેમ- સ્વાર્થ થી થતો હેત..પ્રેમ ..સ્નેહ એ ટૂંકા સમય માટે જ હોય છે…પણ ગુણ દ્વારા થતો સ્નેહ એ સદાયે રહે છે..અને એ ગુણ એટલે….૧) વચન- મોટા પુરુષ અને ભગવાન ના વચન માં રહેવું….વચન ને અધ્ધર ઝીલી જીવી જવું……જીવમાત્ર ને સમાસ થાય તેવું બોલવું..મીઠું બોલવું…..૨) તપ નો ઈશક- શ્રીજી ને તપ વિશેષ વ્હાલું હતું…..પોતાના નંદ સંતો ને ૧૧૪ જેવા અતિ કઠીન પ્રકરણ આપી શુધ્ધ કર્યા ..પોતાનો અઢળક રાજીપો વરસાવ્યો……..૩)ભગવાન ના દર્શન માંએકાગ્ર મન …રાખી વર્તીએ તો ભગવાન રાજી થાય…..ફાટેલ દ્રષ્ટિ અર્થાત- મન  ચંચળતા કે જે જીવ ને સત્સંગ માં ભટકાવી નાખે છે….એકાગ્ર થવા દેતી નથી…એ જીવ નું સત્સંગ માંથી પતન કરાવે છે…..
  • માટે જ જો જીવ ને સુખી કરવો હોય -આત્યંતિક કલ્યાણ પામવું હોય તો – જીવ ઉપરોક્ત ત્રણ ગુણ યથાર્થ સ્વીકારે….એ પ્રમાણે જીવે તો – મોટા પુરુષ અને ભગવાન નો તેના પર રાજીપો સદાયે રહે છે….જીવ સત્સંગ માં આગળ વધતો રહે છે…..બ્રહ્મરૂપ થાય છે……
  • કથાવાર્તા નો ઈશક રાખવો….અને એ પછી એના નીદી ધ્યાસ તો અવશ્ય કરવું….એ સિવાય..મનન કર્યા સિવાય જીવ સ્થિર ન થાય…કથા વાર્તા નો જેવો થવો જોઈએ એવો લાભ ન મળે……આમ કરવા થી મોટા પુરુષ નો મહિમા સમજાય છે..તેમના માં દ્રઢ હેત પ્રીત થાય છે…..અને ભગવાન ના સાક્ષાત્કાર નું કારણ બને છે……
  • માટે જ સત્સંગ માં સર્વ નો મહિમા રાખવો…..ભીડો ખમવો…..તો સર્વે દિવ્ય મનાય…..અને મન ના ઘાટ ટલે…..મન એ અમન થાય…….( મન સાથે વેરભાવ બંધાય..અને  મન કહે તેમ જીવ ચલિત ન થાય…) ..આપણે સ્વામી શ્રીજી ને એ જ પ્રાર્થના કરવા ની છે કે – આપણા માં આવા ગુણ આવે….!!!

અદ્ભુત………! જીવન માં આ દ્રઢ થાય તો – જીવ સંસાર હોય કે સત્સંગ- ક્યાય થી પાછો ન પડે……!

ત્યારબાદ- આપણા સત્સંગ માં ચમકતા તારલા એવા- ધોરણ ૧૦ અને ૧૨ ના – તેજસ્વી વિદ્યાર્થી /વિદ્યાર્થીની ઓ નું જાહેર માં ખુબ જ ઉત્સાહ થી સન્માન થયું……એમાં એક પ્રસંગ ખાસ નોંધવા જેવો છે- ધોરણ ૧૨ માં સમગ્ર રાજ્ય માં -પ્રથમ દસ માં આવેલા આપણા એક ભાવનગર ના એક સંનિષ્ઠ કાર્યકર નો સુપુત્ર- અધિષ – કે જેણે વગર ટ્યુશને…..નિત્ય પૂજા- સભા નો ત્યાગ કર્યા વગર ૩૦૦ માં થી ૨૯૬ માર્ક્સ મેળવી- સમગ્ર સત્સંગ સમાજ નું માન વધાર્યું છે…….તેનું ભવ્ય સન્માન થયું..! ટ્યુશન /કલાસીસ પાછળ દોડતા ..ઉંદર દોડ માં સામેલ માતા પિતા માટે – આ ઉદાહરણ એક પ્રેરણા સમાન છે…..

સમગ્ર સભાએ સર્વ તેજસ્વી વિદ્યાર્થીઓ ને વધાવ્યા…….સાથે સાથે આજે – સત્પુરુષ નો અઢળક રાજીપો છે તેવી સત્સંગ શિક્ષણ પરીક્ષા ના પ્રી ટેસ્ટ નું પણ આયોજન શહેર માં થયું હતું….હાજરી ૮૭% ની આસપાસ રહી….સર્વે સંતો ખુબ જ રાજી થયા…અરે…ઘણા સત્સંગ પરીક્ષાર્થી તો એવા હતા કે- જે છેક જામનગર થી..તો કોઈ..પોતાના અત્યંત બીમાર દીકરા ને હોસ્પિટલ માં છોડી…..તો કોઈ પોતાના બે માસ ના દીકરા ને લઇ ને પરીક્ષા આપવા આવ્યા હતા…..! આવા- પરીક્ષાર્થી ઓ ના ખટકા ને લીધે તો આપણો સત્સંગ ઉજળો છે…..નવપલ્લિત છે…!

સભાને અંતે

  • પૂ. ઈશ્વર ચરણ સ્વામી , પૂ.શ્રીજી ચરણ સ્વામી..પૂ. અક્ષરવત્સલ સ્વામી અને અન્ય સંતો- અમેરિકા રોબીન્સ્વીલે અક્ષરધામ ના કામ અર્થે અમેરિકા અને લંડન ના વિચરણ પર જી રહ્યા છે……પુ. સત્સંગી જીવન સ્વામી એ હાર પહેરાવી- ઈશ્વર સ્વામી ને ભાવભીની વિદાય આપી…શુભેછા પાઠવી….
  • એક મોટું સંત મંડળ- આફ્રિકા ખંડ ને સત્સંગ થી રંગવા- આફ્રિકા વિચરણ પ્રવાસે જઈ રહ્યું છે…તેમની  પણ વિદાય- શુભેચ્છા -અભિવાદન થયું…..
  • અમૃત હર્બલ કેર દ્વારા – ઉત્પાદિત વિવિધ નવીન ઉત્પાદનો નું લોકાર્પણ – પૂ.ઈશ્વર ચરણ સ્વામી ના હસ્તે થયું…..

તો- કહેવાનું એટલું જ છે કે- સત્સંગ માં આવ્યા પછી…..આપણું એક જ ધ્યેય હોવું જોઈએ- સત્પુરુષ અને શ્રીજી નો રાજીપો……..! એ કેમ રાજી થાય- એનો વિચાર જીવ માં સદાયે- નિરંતર રહેવો જોઈએ……આખરે- આ બ્રહ્મરૂપ થવાનો માર્ગ છે…….નિશાન ઊંચું જ હોય………મોળી વાત ન હોય…!

જય સ્વામિનારાયણ

રાજ


Leave a comment

BAPS રવિસભા – ૨૪/૧૨/૨૦૧૭

પચીસ હજાર રૂપિયા નો નફો જતો કરી રવિસભામાં અચૂક જવું…..


બ્રહ્મ સ્વરૂપ યોગીજી મહારાજ- ૨૪/૧૨/૧૯૬૭-મુંબઈ

રવિ સત્સંગ સભા ની શરૂઆત બ્રહ્મ સ્વરૂપ યોગીજી મહારાજે કરેલી અને સર્વે હરિભક્તો ને ડંકા ની ચોટે ..દરેક સભામાં આજ્ઞા કરેલી કે- રવિસભા અચૂક ભરવી…..પુ.ઈશ્વર ચરણ સ્વામી એ ઉપરોક્ત -યોગીબાપા ના વચન નો ઈતિહાસ કહેતા કહ્યું કે- યોગીબાપા એ  દાદર-મુંબઈ મંદિરે- રવિસભામાં – મોડા આવવા બદલ વજુભાઈ શેઠ ને કહેલું કે- “..પચીસ હજાર રૂપિયા નો નફો જતો કરી ને પણ રવિસભામાં અચૂક જવું…..” ..કેમ આટલો બધો મહિમા છે આ નિત્ય રવિ-સત્સંગ સભા નો?? એનો ઉતર તમે કાયમ રવિસભા માં આવતા હરિભક્તો ને પૂછો……સત્સંગ થી જીવ બળવત્તર બને છે…..શ્રીજી નું સ્વરૂપ -એની સર્વોપરિતા – સર્વાવતારી પણું જીવ માં દ્રઢ થાય છે…..જેના પરિણામે જીવ – પરમપદ ને પામી- આત્યંતિક કલ્યાણ ને પામે છે…..

આજની સભા માં આ જ વાત હતી….સભાની શરૂઆત માં શ્રીજી ના દર્શન…

26047259_1741077865930174_7530581732493049952_n


સભામાં શરૂઆત – યુવકો દ્વારા ધુન્ય-પ્રાર્થના થી થઇ….ત્યારબાદ યુવક- જૈમીન દ્વારા બ્રહ્માનંદ સ્વામી રચિત- “મોહન પધારો મોરે છેલ છબીલે…..” રજુ થયું. એ પછી મુક્તાનંદ સ્વામી રચિત….”સુખસાગર હરિવર સંગે સુખ માણજો….’ અને દાસ વલ્લભ રચિત    “…..પ્રમુખ સ્વામી રે તમારું  નવખંડ માં નામ “…પ્રસ્તુત થયું…….! અદ્ભુત…કીર્તન નો પ્રવાહ જીવ ને સત્સંગ માં એક રસ કરી દે છે……..!

ત્યારબાદ પ્રગટ અક્ષરબ્રહ્મ મહંત સ્વામી મહારાજ ના દિવ્ય વિડીયો વિચરણ દર્શન નો લાભ મળ્યો જે – નીચેની લિંક પર થી જોઈ શકાશે……

ત્યારબાદ પુ. શ્રીહરિ સ્વામી જેવા અનુભવી અને વિધવાન સંત દ્વારા વચનામૃત ને આધારે શ્રીજી મહારાજ ના સ્વરૂપ વિષે ના નિશ્ચય -તેના મહિમા વિષે અદ્ભુત પ્રવચન થયું…..જોઈએ સારાંશ…..

  • વચનામૃત ના પાને પાને શ્રીજી એ – ભગવાન ને જાણ્યા ને..સમજ્યા નો ઉપાય..મહિમા  લખ્યો છે….અને લોયા-૧૮..ગ.મ.૧૩ માં -હરિભક્તો ને આ વાત કર્યા નો સંકોચ થાય છે ….કરવી કે ન કરવી- એની મૂંઝવણ નો પણ ઉલ્લેખ કર્યો છે…..
  • ભગવાન ને સદાયે સાકાર…સર્વોપરી..સર્વાવતારી સમજવા નું – શ્રીજીએ અનેક વચનામૃત માં કહ્યું છે…..ભગવાન ને સર્વ કર્તાહર્તા સમજવા ને જ કલ્યાણ નું સાધન ગણ્યું છે…..
  • એક ભગવાન નો..એના સ્વરૂપ નો નિશ્ચય દ્રઢ થાય તો સર્વે સાધન સિદ્ધ થાય……જીવે ત્રણ વાત દ્રઢ કરવા ની છે…….૧) સહજાનંદ સ્વામી સર્વોપરી ભગવાન છે……૨) ગુણાતીતાનંદ સ્વામી – શ્રીજી ના રહેવા નું ધામ છે……૩) અને સત્પુરુષ દ્વારા શ્રીજી સદાયે પ્રગટ રહે છે ..જો આ ત્રણ વાત જીવન માં સિદ્ધ થાય તો બીજું કશું બાકી ન રહે….
  • કારીયાણી-૧૦ માં – શ્રીજી ને સર્વ કર્તાહર્તા સમજવા ને જ જીવ નું કલ્યાણ માન્યું છે….અને એ જ સર્વે શાસ્ત્રો નો સાર છે……ભગવાન ને સર્વ કર્તાહર્તા સમજો એટલે જીવ ધીરે ધીરે સ્થિતપ્રજ્ઞ થતો જાય…….છેક નિષ્કુળાનંદ સ્વામી થી લઈને -દેવજી ભગત સુધી ના – પ્રસંગો આપણે વાંચીએ તો સમજાય કે- એક શ્રીજી ને કર્તાહર્તા સમજવા થી – જીવ ને સુખ-દુખ સ્પર્શતા જ નથી…….ભલે ને ભક્તિ કરતા દુખ આવે પણ જીવ સહેજે ડગતો નથી….સ્થિર રહે છે…..એ તો એમ સમજે છે કે- ભગવાન જે કરતા હશે એ મારા સારા માટે જ હશે….અને એમ સમજી- પોતાના દેહ ના સુખ સારું કશું એ માંગતા નથી……
  • ભગવાન ના સ્વરૂપ ને સમજવું એટલે- એમની આજ્ઞા ..એમના રાજીપા ને દ્રઢ કરવો……એ જેમ છે તેમ- સમજવું……અને એ જ ભગવાન ને રાજી કરવા નો ઉપાય છે….
  • ગ.પ્ર.૭૪ માં શ્રીજી એ કહ્યા મુજબ- ભગવાન ની મરજી એ જ મારું પ્રારબ્ધ- એમ સમજે તે જ ભક્ત સાચો……ભગવાન -ભક્ત ની અઢળક કસણી કરે પણ એ ભક્ત ની નિષ્ઠા માં જો લેશ માત્ર પણ ફર્ક ન પડે તો સમજવું કે- એ ભક્ત સાચો..એ ભક્ત પાકો..! દાદા ખાચર નું ઉદાહરણ સર્વ ને ખબર છે…..તે જ રીતે આપણા ગુણાતીત ગુરુઓ એ પણ એમના ભક્તો ની કસોટી કરી છે…..અને ભક્તો એ કસોટી માં પાર ઉતર્યા છે……
  • સાચા ભક્ત ની નિશાની  એ કે- ગમે તેટલા કષ્ટ પડે પણ એ ભક્ત- એના ઇષ્ટદેવ ને છોડી ને ક્યાય ચોખા મુકવા- ભજવા જાય જ નહિ……અને એવા ભક્ત ની જ વહારે શ્રીજી આવે છે……
  • આપણા ગુણાતીત ગુરુઓ ની જિંદગી જુઓ તો સમજાય કે- એ જીવન ની પ્રત્યેક સ્થિતિ માં સમ વર્ત્યા છે……એમની નિષ્ઠા લેશ માત્ર ડગી નથી..અને આપણે પણ એમના જેવા ભક્ત બનવા નું છે…..

અદ્ભુત…અદ્ભુત…!! જીવન માં – આવી દ્રઢ સ્વરૂપ નિષ્ઠા આવે તો બીજું કશું કરવા નું બાકી રહે નહિ…..” દાસ ના દુશ્મન હરિ કોઈ દી હોય નહિ……..” એમ વિચારી ને જ ચાલવું..!!

ત્યારબાદ- તાજેતર માં જ – નવી દિલ્હી – અક્ષરધામ ખાતે છેક કોલકાતા થી લઇ પોરબંદર સુધી ના – પ્રતિભા શાળી બાળકો વચ્ચે – શ્રી સ્વામિનારાયણ ભાષ્યમ” પર યોજાયેલી “શલાકા” ( અર્થાત મુખ પાઠ) સ્પર્ધા વિષે પુ.ઈશ્વરચરણ સ્વામી એ પ્રાસંગિક પ્રવચન કરી- સભાને વિશેષ માહિતી આપી….જોઈ એ સારાંશ….

  • પુ.ભદ્રેશ સ્વામી દ્વારા રચિત શ્રી સ્વામિનારાયણ ભાષ્યમ અને એના વાદ ગ્રંથ- એ બ્રહ્મ સ્વરૂપ પ્રમુખ સ્વામી મહારાજ ની કૃપા જ છે…..કે જેમણે આપણા સિધ્ધાંત- આપણી ઉપાસના ને વધુ સ્પષ્ટ કર્યો……..પ્રોફેસર અને અતિ વિદ્વાન સંસ્કૃત આચાર્ય – શ્રી ડો. ગજેન્દ્ર પાંડા ના ભગીરથ પ્રયત્નો થી આ સ્પર્ધા નું આયોજન દેલ્હી માં થયું…૧૦૦૦ બાળકો માં થી – પ્રથમ સ્પર્ધા રાઉન્ડ બાદ -૧૩૮ ઉતીર્ણ બાળકો ને પસંદ કરવા માં આવ્યા…..
  • સ્પર્ધા ત્રણ દિવસ ચાલી….જેમાં અથો બ્રહ્મ જીજ્ઞાસા – પર પુ.ભદ્રેશ સ્વામી એ ૨૪ પાના ભરાય એટલું સાહિત્ય રચ્યું છે તેના પર વાદ-સંવાદ થયો…….જેના જજ તરીકે પુ.શ્રુતિ પ્રકાશ સ્વામી અને અન્ય વિદ્વાન સંતો..ડો.પાંડા હતા…….
  • ડો. પાન્ડા અને એમના ધર્મ પત્ની એ તો- ૧૩૮ સ્પર્ધકો ( કે જેમાં ૨૧ જેટલી વિદ્યાર્થીનીઓ  પણ હતી) ના પગ ધોઈ ને પૂજા કરી…….આ સ્પર્ધા નો….ભાષ્ય નો…. મહિમા પોતાના દ્વારા સર્વે ને સમજાવ્યો……અદ્ભુત..!! અને પોતાના સ્વ ખર્ચે- સર્વે સ્પર્ધકો ને ઇનામ પણ આપ્યા..!!
  • ડો.પાન્ડા નું સમગ્ર કુટુંબ- આ સિધ્ધાંત ને સમર્પિત થઇ ગયું છે……સ્વામિનારાયણ દર્શન ને સમગ્ર જગત માં પ્રસરાવવું – એ એમનો ધર્મ બની ચુક્યો છે…….એ જ આ ગ્રંથ- એની રચના ની ફલશ્રુતિ અને મહિમા દર્શાવે છે….

અંતે- આ સ્પર્ધા ની વિડીયો કલીપ ના દર્શન થયા…અદ્ભુત…નાના નાના બાળકો ( ૯ થી ૨૧ વર્ષ સુધી ના સ્પર્ધક હતા) ના મુખે- શ્રી સ્વામિનારાયણ ભાષ્યમ ના શ્લોક સાંભળી આપણ ને આશ્ચર્ય થાય કે- જે આપણા સત્સંગી નથી…..ભગવાન સ્વામિનારાયણ ને ઊંડાણ પૂર્વક સમજતા નથી- એ પણ – આ ગ્રંથ થકી- કેવા મહિમા- કેવા વાદ-સંવાદ ની વાત કરે છે..!!!!

અદ્ભુત..અદ્ભુત…!! આ બધા પાછળ  શ્રીજી -સ્વામી ની શક્તિ જ કામ કરી રહી છે…બાકી ૭૨ વર્ષ નું અતિ કઠીન કાર્ય કોઈ ૧૨ વર્ષ માં કેવી રીતે રચી શકે???

સભાને અંતે જાહેરાત થઇ કે….

  • ધર્માદો એ શ્રીજી ની આજ્ઞા છે…..સંકલ્પ મુજબ – અચૂક ધર્માદો ચૂકવવો…..જેને એક સાથે દાન કરવા ની ક્ષમતા ન હોય તે હવે ECS સીસ્ટમ નો ઉપયોગ કરી શકે છે……મંદિર નો સંપર્ક કરવો….
  • શ્રી પ્રમુખ સ્વામી મહારાજ જન્મ જયંતી ના સંકલ્પ મુજબ જે – અક્ષર પોથી નો લેખન -સેવા માં ઉપયોગ કરતા હોય તેમણે પોતાની પૂરી થઇ ગયેલી પોથીઓ – જે તે વિસ્તાર ના કાર્યકર ને આપી દેવી…….ગોંડલ- અક્ષર દેરી સાર્ધ શતાબ્દી ઉત્સવ માં – એ પોથી ઓ નો યજ્ઞ વેદી માં હોમ થશે…!
  • અમદાવાદ- નિર્ણયનગર મંદિર માં – આવતી કાલ થી ત્રિ દિવસીય – પારાયણ નો લાભ પુ. બ્રહ્મ દર્શન સ્વામી જેવા પ્રખર વક્તા દ્વારા મળશે…

25659416_1741165032588124_7162333872135879781_n

અદ્ભુત…અદ્ભુત…..

આજની સભાનો સાર એટલો જ છે કે- એક સત્સંગ માં જ સાર છે….સુખ છે…….અને એના દ્વારા જ જીવ – બ્રહ્મરૂપ થઇ – પરબ્રહ્મ પુરુષોત્તમ નારાયણ- શ્રીજી મહારાજ ને પ્રાપ્ત કરી શકે છે…….! છેવટે આત્યંતિક કલ્યાણ તો- આ થકી જ છે………….

જય સ્વામિનારાયણ

રાજ

 

 

 


Leave a comment

BAPS રવિસભા- ૦૩/૧૨/૨૦૧૭

ગયા રવિવાર ની સભાનો અંગત પ્રસંગ ને લીધે લાભ લઇ ન શકાયો……એનો રંજ આજે – રવિસભામાં – મધ ઝરતા સુર સાથે …જેના શબ્દેશબ્દે મહિમા નો કેસર ભીનો શ્યામ પ્રગટતો હતો એવા કીર્તન-આરાધના નો લાભ- સારંગપુર ના જુવાન સંતો ના મુખે મળ્યો…..એમાં દુર થઇ ગયો…! નવધા ભક્તિ માં કીર્તનમ…..એક એવી ભક્તિ છે..જેમાં શબ્દ ની સાથે હૃદય સહેજે ભળે છે…..નાસ્તિક પણ આસ્તિક થઇ જાય એવી તાકાત એના સુર માં હોય છે……! પછી બાકી શું રહે??? પુ.ઈશ્વરચરણ સ્વામી પણ ખુબ રાજી થયા………એ પણ આજની સભાની ફલશ્રુતિ હતી…..

તો- સભાની શરૂઆત – મારા વ્હાલા ના અદ્ભુત..મનમોહક દર્શન થી……

24294230_1719808671390427_2039045024833458426_n

ત્યારબાદ ૧૦-૧૧ સંતો – કે સારંગપુર થી ખાસ – પુ.મધુરવદન સ્વામી ની આગેવાની હેઠળ – કીર્તન આરાધના નો લાભ આપવા પધાર્યા હતા..તેમણે સભાની શરૂઆત – અદ્ભુત..શાસ્ત્રીય રાગ-આલાપ આધારિત સ્વામિનારાયણ ધુન્ય…ગુણાતીત પરંપરા ની વંદના થી થયું…..અને પછી શરુ થયું – અસ્ખલિત ..એકધારું…..કર્ણપ્રિય..હૃદયપ્રિય કીર્તનો નું મધુર વાવાઝોડું…….જોઈએ કયા કીર્તન નો લાભ અહી મળ્યો….

  • બ્રહ્મસ્વરૂપ પ્રમુખ સ્વામી મહારાજ અને પ્રગટ અક્ષરબ્રહ્મ મહંત સ્વામી મહારાજ ને આવકારતું સ્વાગત ગીત…..- પુ.મધુર વદન સ્વામી અને સંતો
  • છબી નૈનન બીચ રહો……..ગાયક- પુ.બ્રહ્મ કીર્તન સ્વામી
  • દાદા ખાચર ના લગ્ન- ભટવદર ના નાગપાલ વરુ ની દીકરી જ્સુબા સાથે થયા…જસુબા એ શ્રીજી મહારાજ ના આશીર્વાદ માંગતી વખતે જે પ્રાર્થના કરી…..તે પ્રાર્થના નું – પધ્ય સ્વરૂપ..એના ભાવ..એના શબ્દો…..” મારી ચૂડી નો ભંગ ન થાય એ માંગુ વર નાથજી…….” ..એની ગહનતા એટલી અદભુત હતી કે- હજુ એ મારા દિલોદિમાગ માં ગુંજે છે……ભવિષ્ય માં – જો એ પ્રાર્થના પુરેપુરી મળશે તો જરૂર ગુલાલ કરીશું…..એ પુ. સંતો દ્વારા રજુ થયું…
  • “ટેકીલો ટેક ન મેલે રે..” બ્રહ્માનંદ સ્વામી રચિત કીર્તન…
  • “તારી મૂર્તિ પ્યારી રે….” પ્રેમાનંદ સ્વામી રચિત કીર્તન..પુ.સારંગ કીર્તન સ્વામી ના મુખે સાંભળવા મળ્યું….
  • “વહેતું જીવન તમારું..ગંગા ની ધારા..’ પુ.પ્રેમવદન સ્વામી ના મધુર કંઠે ગવાયું…..! અદ્ભુત…..
  • “મોજમાં રે’વું…..મોજ માં….” …એટલું અદ્ભુત હતું કે- સમગ્ર સભા – “મોજ” માં આવી ગઈ..!! શ્રીજી -સત્પુરુષ મળ્યા ની પ્રાપ્તિ નો કેફ….! અવર્ણનીય હતો…………
  • BAPS એક પરિવાર- ના સૂત્ર ને ચરિતાર્થ કરતું કીર્તન……’ અમારો સમ્પીલો પરિવાર….” પુ.મધુર વદન સ્વામી દ્વારા રજુ થયું…….
  • ” સહજાનંદ સ્વામી..અંતરજામી..” નિષ્કુળાનંદ સ્વામી ના કીર્તન ને દોહા-છંદ ની છાંટ સાથે સંતો એ રજુ કર્યું…………અને સમગ્ર સભા – ઝૂમી ઉઠી……….! અદ્ભુત.અદ્ભુત………..કીર્તનો-દોહા-છંદ-સાથે કેસર ર્ભીનો શ્યામ – એનો રંગ- બધા ને રંગી ગયો…………!!!

અદ્ભુત..અદ્ભુત…!! આજની કીર્તન આરાધના ના વખાણ કરીએ એટલા ઓછા છે……! કીર્તનો ની અદ્ભુત ગૂંથણી…..સુર-તાલ નો લય- પુ.રાહુલ સ્વામી ની વાંસળી ..ઓકટોપેડ ના અદ્ભુત બીટ્સ…..વાદ્ય નો તાલ મિલાવતા સંતો ની જુગલબંદી……………………અદ્ભુત..અદ્ભુત…!!!

ત્યારબાદ પુ.ઈશ્વર ચરણ સ્વામી એ- સંતો ને આશીર્વાદ આપી પોતાનો રાજીપો પ્રગટ કર્યો………એમણે આશીર્વચન આપતા કહ્યું કે- આજની કીર્તન આરાધના પરમ ભક્ત પરિવાર- કિશોરભાઈ..બીરજુભાઇ ગઢિયા પરિવાર અને આફ્રિકા ના લાલ પરિવાર તરફ થી- શ્રી બીરજુભાઇ ના લગ્ન પ્રસંગે – સેવા રૂપે સમર્પિત હતી….! ગઢિયા પરિવાર- દેલ્હી માં સ્થાયી છે….અને છેક બ્રહ્મ સ્વરૂપ શાસ્ત્રીજી મહારાજ ના સમય થી સત્સંગ પ્રત્યે સંપૂર્ણ સમર્પિત રહ્યા છે….નવી દિલ્હી અક્ષરધામ નિર્માણ માં છેક શરૂઆત થી અંત સુધી અને હાલ પણ અદ્ભુત સેવા નો લાભ આપી રહેલા છે…સમગ્ર પરિવાર- હાલ- અક્ષરધામ ની સેવા માં સમર્પિત છે……તો સામે લાલ પરિવાર પણ દારે સલામ -આફ્રિકા માં- સત્સંગ ની અપ્રતિમ સેવા સમર્પણ માટે જાણીતો છે…..! આ બંને પરિવાર વછે લગ્ન થી – એક અનેરો સબંધ બંધાયો છે…..જે સત્સંગ ને બળ-વૃદ્ધિ આપશે….

સ્વામી એ કહ્યું કે- ગુણાતીત પુરુષો નો એક જ રાગ રહ્યો છે- સંપ….હે હશે તો સત્સંગ માં – સુહ્ર્દભાવ..એકતા…સમર્પણ….નમ્રતા સહેજે આવશે…….! સત્સંગ માં એકબીજા નો મહિમા જાણવો-સમજવો….યોગીબાપા તો કહેતા કે- એકબીજા ને દંડવત કરવા……કિશોરભાઈ ગઢિયા ની જેમ..સંતો ઘરે પધારે તો – કિશોરભાઈ નાચે-કુદે..દંડવત કરે……!! જો એટલું આવડે તો સત્સંગ માં મોજ જ છે…..!! બસ લાભ લેતા આવડવો જોઈએ..!

અદ્ભુત..!

સભાને અંતે અમુક જાહેરાત થઇ…

  • આવતા રવિવારે- ૧૦/૧૨ ના રોજ- શાહીબાગ મંદિર ખાતે- આંતર રાષ્ટ્રીય વિરાટ મહિલા સંમેલન- છે જે પ્રમુખ સ્વામી મહારાજ ની જન્મજયંતી ઉજવણી ના ભાગ રૂપે ઉજવાશે..તેમાં કેન્દ્રીય મ્ન્તે- સ્મૃતિ ઈરાની પણ ભાગ લેવા ના છે……..સમય છે- બપોરે- ૧ થી ૪
  • આવતા રવિવારે- એલ.ડી.આર્ટસ કોલેજ ના સંસ્કૃત ડીપાર્ટમેન્ટ ના હેડ- અને જગ વિખ્યાત -અતિ વિધવાન પ્રોફેસર ડો. ગજેન્દ્ર પાંડા -સાહેબ – પુ.ભદ્રેશ સ્વામી રચીતમ- શ્રી અક્ષર પુરુષોતમ દર્શનમ પર – પોતાના તેજસ્વી પ્રવચન નો લાભ આપશે…..પુ.ડોક્ટર સ્વામી પણ પોતાના આશીર્વાદ નો લાભ આપશે……રવિસભામાં- આનો અચૂક લાભ લેવો……….! અવિસ્મરણીય…..!
  • અમદાવાદ ના અમુક વિસ્તારો માં- સંસ્કાર ધામ ખાતે- રાત્રે- ૮-થી-૧૦ વચ્ચે વિશિષ્ટ ખીચડી ઉત્સવ નો લાભ મળશે….જે તે વિસ્તાર ના મંદિરો નો સંપર્ક કરવો………
  • પરાવાણી….અને બ્રહ્મ્સત્ર ના પ્રવચનો ની સીડી પ્રગટ થઇ છે…………અચૂક ખરીદવી..!

અદ્ભુત..અદ્ભુત……..! આજે તો બીજું કશું વિચારવું જ નથી………એ જ કીર્તનો…..એ જ જસુબા ની ભીની આંખો સાથે થતી પ્રાર્થના……….શ્રીજી ની એ જ મર્માળી..કેસર ભીની મૂર્તિ…………ને બસ- અંતર માં..જીવ માં વસાવી દેવી છે…………!!

પ્રથમ શ્રી હરી ને રે…………

જય સ્વામીનારાયણ…….

રાજ


Leave a comment

BAPS રવિસભા- ૦૫/૧૧/૨૦૧૭

“અમારા અંતરનો જે સિદ્ધાંત છે તે કહીએ છીએ જે, જેને પોતાનું કલ્યાણ ઇચ્છવું તેને તો ભગવાન ને ભગવાનના સાધુ એથી ઉપરાંત બીજું કાંઈ જગતમાં સુખદાયી નથી. માટે જેમ પોતાના શરીરને વિષે જીવને આત્મબુદ્ધિ વર્તે છે તેવી ભગવાન ને ભગવાનના સંતને વિષે આત્મબુદ્ધિ રાખી જોઈએ અને ભગવાનના ભક્તનો પક્ષ દ્રઢ કરીને રાખ્યો જોઈએ………………..

….. ભગવાનનો ભક્ત હોય તે તો ભગવાનના ધામને જ પામે પણ વચમાં ક્યાંય તેને ભગવાન રહેવા દે નહીં. અને એ ભક્તજન હોય તેને પણ પોતાનું જે મન છે તેને પરમેશ્વરના ચરણારવિંદને વિષે દ્રઢ કરીને રાખવું……… જેમ વજ્રની પૃથ્વી હોય તેમાં વજ્રની ખીલી ચોડી હોય તે કોઈ રીતે ઊખડે નહીં, તેમ ભગવાનનાં ચરણારવિંદને વિષે પોતાના મનને દ્રઢ રાખવું. અને એવી રીતે જે ભગવાનનાં ચરણારવિંદને વિષે પોતાના મનને રાખે તેને મરીને ભગવાનના ધામમાં જવું એમ નથી, એ તો છતી દેહે જ ભગવાનના ધામને પામી રહ્યો છે……..


ભગવાન શ્રી સ્વામિનારાયણ- વચનામૃતમ- ગઢડા અંત્ય-૭

છેલ્લા કેટલાક રવિવાર થી રવિસભામાં અલપ-ઝલપ આવવા નું થતું આથી એક યા બીજા કારણે રવિસભા નો ગુલાલ તમારી સાથે ન કરી શક્યો…..દિવાળી આવી અને ગઈ અને ઉત્સવ ની સુવાસ છોડતી ગઈ….પણ જીવ તો એમ જ કહે છે કે- આ ઉત્સવ અને એની સુવાસ તો ત્યારે જ કાયમી રહે કે જ્યારે આ જીવ- એક ભગવાન અને એના ધારક સંત માં વજ્ર ની ખીલી ની જેમ જોડાય…..!

આજની સભામાં પુ.ઈશ્વર ચરણ સ્વામી એ  એજ વાત કરી ……અને જીવ પુનઃ બળવત્તર થઇ ગયો…….રીચાર્જ થઇ ગયો……માયા ની દીવાલ -સત્સંગ ના એક કાંકરા થી ખડી પડી……!!! તો- આજે સભામાં સમયસર પહોંચી ગયા…..સર્વ પ્રથમ શ્રીજી ના દર્શન……

This slideshow requires JavaScript.

સભાની શરૂઆત – હરિભક્તો-યુવકો ના ધુન્ય પ્રાર્થના થી થઇ….ત્યારબાદ એક હરિભક્તે- બ્રહ્માનંદ સ્વામી રચિત કીર્તન “…સખી હૈડે હરખ ન માય….” રજુ કર્યું…..ત્યારબાદ એક યુવકે- કૃષ્ણાનંદ સ્વામી રચિત… અમર ના સરદાર હરિ મારા ..નૈન તણા શણગાર” રજુ કર્યું જે અદ્ભુત હતું. એનો રાગ-સુર અદ્ભુત હતો…..પછી પુ.વિવેક મુની સ્વામી એ પ્રેમાનંદ સ્વામી રચિત બે કીર્તન રજુ કર્યા….” મુને સહજાનંદ સ્વામી…..સચ્ચિદાનંદ ..અંતરજામી રે..” અને ..”વારે વારે સહજાનંદ જી ને વારને રે…” ….

ત્યારબાદ પ.પુ.મહંત સ્વામી મહારાજ ના ગાંધીનગર અક્ષરધામ ખાતે ના વિચરણ ના અદ્ભુત વિડીયો દર્શન નો લાભ મળ્યો. અક્ષરધામ ગર્ભ ગૃહમાં ગુણાતીત પરંપરા અને અવતારો ની નવીન આકર્ષક મૂર્તિઓ ની પ્રતિષ્ઠા લાભ પાંચમ ના શુભ દિવસે થઇ…..એની સ્મૃતિ દર્શન આજે થયા…..

પ.પુ.મહંત સ્વામી મહારાજ ના અદ્ભુત આશીર્વચન નો પણ લાભ મળ્યો…….અને અક્ષરધામ નો મહિમા પુનઃ બળવંત થયો……..( એ પછી તો અમે રૂબરૂ નવીન મૂર્તિઓ ના દર્શન કરી આવ્યા …..ખરેખર અદ્ભુત છે….મુખ પર ના ભાવ….બારીક કોતરણી….અતુલ્ય સિંહાસન….દર્શન કરતા સંતૃપ્ત ન થાઓ..તેવા છે..)

ત્યારબાદ ઉપરોક્ત વચનામૃત -ગઢડા અંત્ય-૭ પર પુ.ઈશ્વર ચરણ સ્વામી ના પ્રવચન નો લાભ મળ્યો……જોઈએ સારાંશ….

  • ગઢડા અંત્ય-૨ અને ૭ -ના વચનામૃત યોગીજી મહારાજ ને પ્રિય હતા…..એમાં પણ અંત્ય-૭ માં શ્રીજી એ પોતાના અંતર ની વાત કરી છે…..આપણે આ વચનામૃત વાંચીએ છીએ…..પણ સમજીએ છીએ થોડું અને જયારે વર્તવા નું આવે ત્યારે અટકી જઈએ છીએ…..માટે કરવા નું આ છે…..
  • અહિયાં આત્મબુદ્ધિ ની વાત શ્રીજી એ કરી છે…..યોગીબાપા ની વ્યાખ્યા માં – આત્મ બુદ્ધિ એટલે – ભગવાન અને મોટા પુરુષ ની આજ્ઞા પ્રમાણે ની સેવા…….એમનો રાજીપો એટલે જ આત્મ બુદ્ધિ- અને ભગવાન અને મોટા પુરુષ નો રાજીપો- સંપ,સુહ્ર્દભાવ અને એકતા જેવા ગુણ માં છે…..
  • ભગવાન ના ભક્ત માં – આત્મ બુદ્ધિ મુજબ વર્તાય એટલે – શ્રીજી રાજી થાય…..મોટા પુરુષ અને ભગવાન ને સમજવા માં આપણી બુદ્ધિ ટૂંકી પડે……પણ જો એકવાર એમનામાં આત્મ બુદ્ધિ થાય તો – જીવ એમના માં યથાર્થ જોડાય…..અને એમનો પક્ષ જીવ શિર ને સાટે રાખે…….સહજ પ્રીત થાય…..
  • શ્રીજી ના સમય માં – ઝીણાભાઈ દરબાર હોય કે વરસા ના રાજાભાઈ હોય..તેમણે ભગવાન ના ભક્ત માં – આત્મ બુદ્ધિ રાખી….પોતાનું માન-સન્માન ઓછું કરી……પોતાના સગા સાથે વેર બાંધી ને પણ – ભગવાન ના ભક્ત ની સેવા કરી…….એમના માટે પોતાનું સર્વસ્વ અર્પણ કર્યું…….અને શ્રીજી નો રાજીપો પ્રાપ્ત કર્યો…..
  • પક્ષ હોય તો કદાપી કોઈ નો અભાવ ન આવે…..અને અભાવ ન હોય તો સદાયે પક્ષ રહે……..તો આપણે કરવા નું આ છે…….ભગવાન અને સંત -માં જે સુખ છે એવું સુખ બીજે ક્યાય નથી એમ સમજી એમનામાં દ્રઢ પણે જોડાવા નું છે…..એક એમનામાં જ સુખ છે એમ સમજવા નું છે….
  • યોગીબાપા કહેતા કે- પરમેશ્વર ના ચરણારવિંદ એટલે ગુણાતીત સત્પુરુષ….અને એક એમનામાં જોડાવું એટલે- કે જીવ ને શ્રીજી ના ચરણારવિંદ માં વજ્ર ની જેમ જોડવો…….અને જો એમ થાય તો છતે દેહે જ અક્ષરધામ મળે છે….

અદ્ભુત…..અદ્ભુત….!!!! જીવન માં એટલું સમજાય તો એ – જીવન ધન્ય થઇ જાય………સંપ,સુહાર્દભાવ અને એકતા…….એ ગુણ જ – ભક્ત ને – અન્ય ભક્ત માં – પક્ષ અને આત્મબુદ્ધિ જેવા ગુણ કેળવતા શીખવે છે………

સભાને અંતે- પુ.ઈશ્વર ચરણ સ્વામી એ જાહેરાત કરી કે- અમદાવાદ ના પાયા ના સંનિષ્ઠ હરિભક્ત અંબાલાલ પટેલ ના પુત્ર- માણેકલાલ ( પુ.પ્રિયવ્રત સ્વામી-આફ્રિકા ના પૂર્વાશ્રમ ના પિતાશ્રી) નું બે દિવસ પહેલા અક્ષરધામ ગમન થયું છે……અને સમગ્ર સભાએ સ્વામિનારાયણ ધુન્ય કરી શ્રદ્ધાંજલિ આપી. સભાને અંતે- “જમો ને જમાડું” અન્નકૂટ-૨૦૧૭ માં – વિશેષ સેવા કરનાર કાર્યકર-હરિભક્તો નું જાહેર માં બહુમાન કરવા માં આવ્યું….

ખરેખર………છતે દેહે- અક્ષરધામ નું અખંડ સુખ મેળવવા નો માર્ગ આપણી સમક્ષ છે….મોટા પુરુષ વારેઘડીએ -હોંકારા-પડકારા કરી આપણ ને જણાવે છે….પણ કોણ જાણે કેમ આપણા પ્રયત્ન જ ઓછા પડે છે…….અને એ માટે શ્રીજી-સ્વામી અને ગુરુહરિ ના ચરણો માં પ્રાર્થના કરીએ કે- આપણ ને દરેક હરિભક્ત માં સદાયે આત્મ બુદ્ધિ રહે…….સંપ,સુહૃદભાવ..એકતા અને પક્ષ જેવા સદગુણ સદાયે રહે……..દરેક હરિભક્ત આપણ ને બ્રહ્મ ની મૂર્તિ લાગે….મોટા પુરુષ અને ભગવાન માં જ સુખ છે- એમ મનાય…એમ પ્રમાણે જીવાય……!

જય સ્વામિનારાયણ….

રાજ

 


Leave a comment

BAPS રવિસભા-૮/૫/૨૦૧૬

પછી શ્રીજીમહારાજે મુનિ પ્રત્યે પ્રશ્ન પૂછ્યો જે,

“એકાદશ સ્કંધના બારમા અધ્યાયમાં શ્રીકૃષ્ણ ભગવાને ઉદ્ધવ પ્રત્યે કહ્યું છે જે, ‘અષ્ટાંગયોગ, સાંખ્ય, તપ, ત્યાગ, તીર્થ, વ્રત, યજ્ઞ અને દાનાદિક એણે કરીને હું તેવો વશ થતો નથી, જેવો સત્સંગે કરીને વશ થઉ છું;’ એમ ભગવાને કહ્યું છે. માટે સર્વ સાધન કરતાં સત્સંગ અધિક થયો. તે જેને સર્વ સાધન થકી સત્સંગ અધિક જણાતો હોય તે પુરુષનાં કેવાં લક્ષણ હોય?”

પછી જેને જેવું સમજાયું તેવું તેણે કહ્યું, પણ યથાર્થ ઉત્તર થયો નહીં……….. પછી શ્રીજીમહારાજ બોલ્યા જે,

“જેને ભગવાનના સંતને વિષે જ આત્મબુદ્ધિ છે. ………..જેમ કોઈક રાજા હોય ને તે વાંઝિયો હોય ને પછી તેને ઘડપણમાં દીકરો આવે, પછી તે છોકરો તેને ગાળો દે ને મૂછો તાણે તો પણ અભાવ આવે નહીં અને કોઈકના છોકરાને મારે તથા ગામમાં અનીતિ કરી આવે તો પણ કોઈ રીતે તેનો અવગુણ આવે જ નહીં; શા માટે જે, એ રાજાને પોતાના દીકરાને વિષે આત્મબુદ્ધિ થઈ ગઈ છે. એવી જેને ભગવાનના ભક્તને વિષે આત્મબુદ્ધિ થાય છે …………તેણે જ સર્વ સાધન થકી અધિક કલ્યાણકારી સત્સંગને જાણ્યો છે…………


વચનામૃતમ-ગઢડા મધ્ય-૫૪

ભગવાન ને  રાજી કરવાનો  ઉપાય….એ  પણ  સહજ  ઉપાય એટલે- ભગવાન ના  ભક્ત નો  મહિમા સમજવો…..એનામાં આત્મબુદ્ધિ રાખવી……એનામાં અભાવ ગુણ ન લેવો….! એટલે  સાચો સત્સંગ થાય શ્રીજી -સહજમાં વશ થાય…..! સત્સંગ સભાની વિશેષતા જ આ છે……જો  એ સમજાય તો જીવ આઘોપાછો ન થાય….જીવન માં  સત્સંગ પ્રધાન થઇ જાય…બાકી બધું ગૌણ થઇ જાય..! ભગતજી મહારાજ ની જેમ -બધા હરિભક્તો બ્રહ્મ ની મૂર્તિઓ જ લાગે……!તો આજની સભા આ -બ્રહ્મસ્વરૂપ યોગીજી મહારાજ ના આ પ્રિય વચનામૃત પર હતી…..ભગવાન ના ભક્ત ના મહિમા પર હતી….

કાળઝાળ ગરમી વચ્ચે પણ સત્સંગ ની શીતળતા સ્પર્શી ગઈ…….સભામાં હરિભક્તો ની મોટી હાજરી હતી….અને એ  શીતળતા નો સ્ત્રોત..ધ્યેય…સાર- શ્રીજી તો જીવને હમેંશ ની જેમ લોભી રહ્યો હતો…..ચાલો દર્શન કરીએ…..

13119125_1702405863380579_7143907381880532680_n

સભાની શરૂઆત સંતો-યુવકો દ્વારા ” સ્વામીનારાયણ નામ…..ભજમન સ્વામિનારાયણ……” ધુન્ય દ્વારા થઇ…..અને ભક્તિ નો એક માહોલ બંધાઈ ગયો……ત્યારબાદ અતિ કુશળ…કલાકાર ..શિકાગો યુનીવર્સીટી માં પ્રોફેસર -એવા મિત્ર શ્રી યોગી ત્રિવેદી ના મધુર સ્વર માં પ્રેમાનંદ સ્વામી રચિત કીર્તન…” ગુણ સાગર ઘનશ્યામ….સુખસાગર જેનું નામ..” રજુ થયું…….એના ઘૂંટાયેલા સ્વર જેમ જેમ વહેતા ગયા તેમ તેમ…શ્યામ સુંદર ની  એ મનોહર છબી મનોપટલ પર ઉભરતી ગઈ…….! કીર્તન ના શબ્દ-સ્વર કોઈ પણ જીવને ભક્તિ ના મહાસાગર માં ડુબાડી શકે છે ..એ આનું ઉદાહરણ છે….

Ch7wxO0UoAEbt2a

ત્યારબાદ વૈરાગ્યનિધિ સ્વામી દ્વારા ૧૯૮૫ થી ૨૦૦૯ સુધી ના સમયકાળ દરમિયાન પુ.સ્વામીશ્રી ના જીવન ચરિત્ર પ્રસંગો નું વર્ણન થયું…..સાર એક જ હતો- ભગવાન ને સદાયે આગળ રાખવા….અખંડ રાખવા….બધું એમના રાજીપા અર્થે જ કરવું……એમના દાસાનુદાસ થવાનું સુખ જ લેવું….! જે અણસમજુ ..મૂરખ લોકો એમ કહે છે કે- શ્રી બોચાસણ વાસી અક્ષર પુરુષોત્તમ સ્વામીનારાયણ સંસ્થા માં વ્યક્તિ પૂજા થાય છે…..ભગવાન ને કોરાણે મૂકી દીધા છે……એ બધા આ સંસ્થા-એના સિધ્ધાંત-ગુણાતીત પુરુષો અને સંતો ને જાણતા જ નથી…..સમજતા જ નથી…! અહી તો જે દાસ થાય એ મોટો…….એક ભગવાન ને કેન્દ્ર માં રાખી ને જ સર્વ કાર્યો થાય…….!

ત્યારબાદ પુ.શ્રીહરિ સ્વામી જેવા વિધવાન સંત દ્વારા ગઢડા મધ્ય-૫૪ -વચનામૃત પર મનોનીય પ્રવચન થયું…..જોઈએ સારાંશ….

  • આ વચનામૃત સમજાય તો બાકી કઈ સમજવાનું બાકી ન રહે……! બ્રહ્મસ્વરૂપ યોગીજી મહારાજ કહેતા કે- જે કલ્યાણ અષ્ટાંગ યોગ સિદ્ધ કરવા થી થાય…તે કલ્યાણ – ભગવાન ના ભક્ત માં આત્મબુદ્ધિ રાખવા થી થાય…..
  • અધ્યાત્મ માર્ગમાં ભગવાન ની ભક્તિ વગર કશું સિદ્ધ થતું નથી…અને સત્પુરુષ વગર કશું સમજાતું નથી..સિદ્ધ થતું નથી….માટે જ સત્પુરુષ એકડો છે……અને બાકી બધું મીંડા..!
  • સત્પુરુષ નો મહિમા સમજવો…એનો મન-કર્મ-વચને સંગ કરવો એનું નામ જ સત્સંગ…..
  • એક એનામાં ….આત્મબુદ્ધિ થાય તો ભગવાન ના પ્રત્યેક ભક્ત માં સહજ આત્મબુદ્ધિ થાય……
  • આત્મબુદ્ધિ થવી-એની નિશાની એટલે…..
  1. એક ભગવાનમાં…સત્પુરુષમાં…એના ભક્તમાં દ્રઢ પ્રીતિ થવી…….ભગવાન અને મોટા પુરુષ કેમ રાજી થશે -એનો વિચાર હરપળ રહે…એ પ્રમાણે વર્તાય…
  2. ભક્ત માત્ર -માટે ભીડો ખમાય
  3. ભગવાન ના સાચા ભક્ત ની કોઈ ક્રિયામાં અભાવ ન આવે…….એના અભાવગુણ ન લેવાય….વાંચો  અંત્ય-૩૯; મધ્ય-૧૯, અંત્ય-૮….ગઢડા મધ્ય-૫૭ નું વચનામૃત વાંચો…..
  4. સત્પુરુષ ની વાત માં કોઈ સંશય ન થાય……એની અનુવૃતી માં સહજ રહેવાય…..
  5. પોતાને આત્મસત્તા રૂપ….બ્રહ્મરૂપ મનાય……વાંચો વચનામૃત- મધ્ય-૮ અને મધ્ય-૨૧

અદ્ભુત….અદ્ભુત……! પુ.શ્રીહરિ સ્વામી નું ઊંડું જ્ઞાન……રસપ્રદ પ્રસંગો ની ગૂંથણી…….અને સિધ્ધાંત નો ડંકો……સર્વે ને  પ્રભાવિત કરી ગયો…….!! ત્યારબાદ અમુક જાહેરાતો થઇ…

  • ૧૩ મેં-૨૦૧૬- સારંગપુર નૈમિષારણ ક્ષેત્ર માં- બ્રહ્મસ્વરૂપ શાસ્ત્રીજી મહારાજે બાંધેલા ત્રિ મંજિલ -ગગનચુંબી મંદિર નો શતાબ્દી ઉત્સવ છે…..સમય-સાંજે-૭ થી ૧૦ છે….સર્વને ભવ ભર્યું આમંત્રણ છે….
  • ૧૫ મેં-૨૦૧૬ -અમદાવાદ શાહીબાગ મંદિર નો ૫૪ મો પાટોત્સવ છે……સવાર થી જ અભિષેક ઉત્સવ સાથે ના પ્રોગ્રામ છે….
  • ૧૯-૨૦-૨૧ મેં- સમજે- ૮ થી ૧૧- સ્થળ-ગુજરાત કન્વેન્શન સેન્ટર -વક્તા- પુ.બ્રહ્મવિહારી સ્વામી- સ્વામીશ્રી ના જીવનમાં ૯ ગુણ ….પર પ્રવચન છે…..અવશ્ય લાભ લેવો…
  • ૨૬-૨૭-૨૮- મેં- પુ.આદર્શજીવન સ્વામી જેવા અતિ વિધ્વ્વાન- ડબલ પીએચડી -સંત દ્વારા – “પારિવારિક સંબંધો” પર પ્રવચન છે….સ્થળ- પ્રમુખ વાટિકા-શાહીબાગ

ત્યારબાદ પુ.ઈશ્વર ચરણ સ્વામી દ્વારા પ્રસંગોચિત પ્રવચન થયું………પુ.શ્રીહરિ સ્વામી ના વખાણ કરતા સ્વામી એ કહ્યું કે- શ્રીહરિ સ્વામી ને યોગીબાપા કહેતા કે તમે મારા હૃદય માં છો…..! સારંગપુર મંદિર નો ઈતિહાસ અજોડ છે….જે જમાનામાં -આપણા સંતો ના અપમાન થતા…..બંડિયા કહી ને તિરસ્કાર થતો..એક એક પાઈ ના ફાફા હતા ત્યારે શાસ્ત્રીજી મહારાજે – આવા ગગનચુંબી મંદિરો બાંધ્યા…વિરોધીઓ ના મોઢા બંધ કરી દીધા…..અક્ષર પુરુષોત્તમ મહારાજ નો જય જયકાર કરી દીધો……..! આજે- ડોક્ટર-એન્જીનીયર-સીએ થયેલા અતિ શિક્ષિત યુવાનો -ત્યાગી થઇ જાય છે……..એ દિવ્ય ચમત્કાર જ છે……૧૦૦૦ સંતો થઇ જાશે……અને વધતા જ રહેશે……!!!

સભાને અંતે અમુક ઓડીઓ પ્રકાશન નું વિમોચન થયું…….આવતા રવિવારે પુ.આત્મસ્વરૂપ સ્વામી -રવિસભામાં લાભ આપશે…….એની જાહેરાત થઇ….

તો- શ્રીજી ના  ભક્ત…સત્પુરુષ અને સત્સંગ નો મહિમા સમજતા રહેવું…….એનામાં આત્મબુદ્ધિ રાખવી…તો ભગવાન જરૂર વશ થશે….

 

જય સ્વામિનારાયણ………………….

 

રાજ


Leave a comment

BAPS રવિસભા- ૮/૧૧/૨૦૧૫

પછી શ્રીજીમહારાજે મુનિ પ્રત્યે પ્રશ્ન પૂછ્યો જે, “એકાદશ સ્કંધના બારમા અધ્યાયમાં શ્રીકૃષ્ણ ભગવાને ઉદ્ધવ પ્રત્યે કહ્યું છે જે, ‘અષ્ટાંગયોગ, સાંખ્ય, તપ, ત્યાગ, તીર્થ, વ્રત, યજ્ઞ અને દાનાદિક એણે કરીને હું તેવો વશ થતો નથી, જેવો સત્સંગે કરીને વશ થઉ છું;………’ એમ ભગવાને કહ્યું છે. માટે સર્વ સાધન કરતાં સત્સંગ અધિક થયો. તે જેને સર્વ સાધન થકી સત્સંગ અધિક જણાતો હોય તે પુરુષનાં કેવાં લક્ષણ હોય ?”

પછી જેને જેવું સમજાયું તેવું તેણે કહ્યું, પણ યથાર્થ ઉત્તર થયો નહીં.

પછી શ્રીજીમહારાજ બોલ્યા જે, “જેને ભગવાનના સંતને વિષે જ આત્મબુદ્ધિ છે. ……જેમ કોઈક રાજા હોય ને તે વાંઝિયો હોય ને પછી તેને ઘડપણમાં દીકરો આવે, પછી તે છોકરો તેને ગાળો દે ને મૂછો તાણે તો પણ અભાવ આવે નહીં અને કોઈકના છોકરાને મારે તથા ગામમાં અનીતિ કરી આવે તો પણ કોઈ રીતે તેનો અવગુણ આવે જ નહીં; શા માટે જે, એ રાજાને પોતાના દીકરાને વિષે આત્મબુદ્ધિ થઈ ગઈ છે. એવી જેને ભગવાનના ભક્તને વિષે આત્મબુદ્ધિ થાય છે ……..તેણે જ સર્વ સાધન થકી અધિક કલ્યાણકારી સત્સંગને જાણ્યો છે. એ વાર્તા ભાગવતમાં કહી છે જે,

‘યસ્યાત્મબુદ્ધિઃ કુણપે ત્રિધાતુકે સ્વધીઃ કલત્રાદિષુ ભૌમ ઇજ્યધીઃ ।
યત્તીર્થબુદ્ધિઃ સલિલે ન કર્હિચિજ્જનેષ્વભિજ્ઞેષુ સ એવ ગોખરઃ ॥’

(અર્થ : જે પુરુષને વાત, પિત્ત અને કફરૂપ ત્રણ ધાતુમય શરીરમાં આત્મબુદ્ધિ છે અને સ્ત્રી-પુત્રાદિકમાં મમત્વબુદ્ધિ છે અને ભૂમિના વિકારભૂત પ્રતિમાદિકમાં પૂજનીય દેવતાબુદ્ધિ છે અને જળમાં તીર્થબુદ્ધિ છે, તે પુરુષને જો આત્મબુદ્ધિ વગેરે ચારેય બુદ્ધિ ભગવાનના એકાંતિક જ્ઞાની ભક્તમાં ન હોય તો તેને પશુઓમાં પણ હલકો ગધેડો જાણવો)

એ શ્લોકને વિષે એ વાર્તા યથાર્થ કહી છે.”

——————————————-

વચનામૃત ગઢડા મધ્ય ૫૪

સત્સંગ નો મહિમા……સત્પુરુષ નો મહિમા……ભગવાન ના સંત-અને ભક્ત માં આત્મબુદ્ધિ સાથે નો મહિમા……..આ સર્વે સમજાય તો બીજું કશું સમજવું બાકી રહ્યું નથી..એવું શ્રીજી કહે છે…….અને જો આવું ન હોય તો- એને ભગવાને ગોખર અર્થાત- ગધેડા જેવો કહ્યો છે……! તો આજની સભા- સત્પુરુષ નો મહિમા સમજી..એમાં દ્રઢ ભાવે પ્રીતિ જોડવા ની હતી…..અને આજ અમદાવાદ ને આંગણે સારંગપુર થી વિદ્વાન સંતો – પુ.અક્ષર ચરણ સ્વામી અને પુ. મધુરવદન સ્વામી પધાર્યા હતા…..જેમના દ્વારા ઉપરોક્ત વચનામૃત નો લાભ – કીર્તન નો લાભ સભા ને મળ્યો…..

આજે વાક્બારસ….અર્થાત જ્ઞાન નો દિવસ…દિવાળી ની શરૂઆત…..અને અન્નકૂટ મહોત્સવ ની ભરપુર સેવાઓ ચાલી રહી છે….આથી એ સેવાનો લાભ લઇ તરત જ સભામાં પહોંચી ગયો…પણ હમેંશ ની જેમ શ્રીજી ના અદ્ભુત દર્શન…..

12208547_1635928666694966_5827435264395889066_n

સભામાં સ્થાન ગ્રહણ કર્યું ત્યારે યુવકો ને મુખે સ્વામિનારાયણ ધુન્ય ચાલી રહી હતી…ત્યારબાદ સારંગપુર થી પધારેલા – વિદ્વાન ગાયક સંત- પુ.મધુરવદન સ્વામી દ્વારા બે કીર્તન- શાસ્ત્રીય ગાન ની સુરાવલી ઓ સાથે અદ્ભુત રીતે રજુ થયા…..

  • બ્રહ્માનંદ સ્વામી દ્વારા રચિત..” મોહન પધારો મોરે…”
  • મુને શીખવો..આતમ સંગીત હે પ્રમુખ સ્વામી…..( રચિયતા-અજ્ઞાત)

મધુર-સુરીલો કંઠ અને રાગો નું અદ્ભુત જ્ઞાન-મન-હૃદય ને પ્રભાવિત કરી ગયું……ત્યારબાદ પ્રગટ અક્ષર બ્રહ્મ પ્રમુખ સ્વામી મહારાજ નું- ૫/૧૧/૨૦૧૫ ના રોજ નું -સારંગપુર ખાતે નું અદ્ભુત વિડીયો દર્શન રજુ કર્યું……નીચેની લીંક દ્વારા તમે પણ એ દર્શન જોઈ શકો છો….

http://www.baps.org/Vicharan/2015/05-November-2015-8712.aspx

ત્યારબાદ- સારંગપુર સંતો ની વિદ્યાપીઠ માં ગુરુજી તરીકે સેવા આપતાં અતિ વિદ્વાન સંત- પુ.અક્ષર ચરણ સ્વામી દ્વારા ગઢડા મધ્ય-૫૪ ના વચનામૃત પર આધારિત- સંતપુરુષ મહિમા પર રસપ્રદ પ્રવચન થયું………….જોઈએ એના સારાંશ….

  • સત્પુરુષ ને ઓળખવા-એમનો મહિમા સજ્વો અને એમનામાં દ્રઢ પ્રીતિ સહીત જોડાવું- એટલે જ સત્સંગ……
  • ગઢડા પ્રથમ-૩૮, સારંગપુર-૧૮ ના વચનામૃત નો સાર કહે છે કે- જેમ વણિક નામું માંડે-તેમ સત્સંગ માં આવ્યા પછી જીવે પાછા વળી- અર્થાત અંતર્દ્રષ્ટિ કરી જોવું……કે આપણે સત્સંગ માં કેટલે છીએ??? સત્પુરુષ માં કેટલા જોડાયા છીએ??
  • દીનાનાથ ભટ્ટ-મહા વિદ્વાન બ્રાહ્મણ હતા..જેમણે આખું ભાગવત-એના ૧૮૦૦૦ શ્લોક કંઠસ્થ હતા..તેમને શ્રીજી એ પૂછ્યું કે- આ બધા શ્લોક માં થી તમારા અંગ નો…મોક્ષ નો શ્લોક કયો??? ભટ્ટ જી જવાબ ન આપી શક્યા…..અને છેવટે શ્રીજી એ કહ્યું કે તમારો શ્લોક છે….

‘પ્રસંગમજરં પાશમાત્મનઃ કવયો વિદુઃ ।
સ એવ સાધુષુ કૃતો મોક્ષદ્વારમપાવૃતમ્ ॥’

( અર્થાત- જેવો એ જીવને પોતાના સંબંધીને વિષે દ્રઢ પ્રસંગ છે તેવો ને તેવો જ પ્રસંગ જો ભગવાનના એકાંતિક સાધુને વિષે થાય તો એ જીવને મોક્ષનું દ્વાર ઉઘાડું થાય છે.”)  -ભાગવત-૩/૨૫/૨૦ ;ગઢડા પ્રથમ-૫૪

  • આમ શ્રીજી પણ સ્પષ્ટ વાત કરતા -મોક્ષ નું દ્વાર એકાંતિક સંત ને કહે છે……અને સમગ્ર શાસ્ત્રો નો સાર પણ આ જ છે……
  • જો આ વાત દ્રઢ થાય તો- પ્રમુખ સ્વામી મહારાજ નો મહિમા સમજાય- એમનામાં ભગવાન અખંડ પ્રગટ છે…..એ સમજાય છે…….
  • અને પુ.મહંત સ્વામી કહે છે એમ- આપણ ને ૯૦% પ્રાપ્તિ તો થઇ ગઈ છે……હવે જે બાકી છે..એ સત્પુરુષ માં જોડાવા નું છે…….હવે પ્રશ્ન પૂછો-તમે કેટલું જોડાયા છો??? ઓદરખા ના રામસંગ બાપુ- વાલિયા માં થી વાલ્મીકી બન્યા એમ- પ્રમુખ સ્વામી ની કૃપા એ પરિવર્તન પામ્યા..અને એમણે આપેલા વચન મુજબ- એમના અંત સમયે શ્રીજી મહારાજ ગુલાબ નો હાર લઇ- રામસંગ ભાઈ ને તેડવા આવ્યા…!!!!
  • પણ સત્પુરુષ મળે- એ પણ એમની કૃપા હોય તો જ જીવ ને મળે છે……માટે અપને સત્સંગ માં આવ્યા છીએ- એ સત્પુરુષ ની કૃપા થી જ આવ્યા છીએ…….આથી એ સત્પુરુષ નો મહિમા દ્રઢ થવો જોઈએ…..
  • કરિયાણી-૧૧ વચનામૃત માં કહ્યા મુજબ જેમ ગોપીઓ શ્રીકૃષ્ણ માં જોડાઈ હતી…….એવી રીતે આપણે સત્પુરુષ અને શ્રીજી માં જોડાયા છીએ???? એવી દ્રઢ પ્રીતિ છે????
  • સત્પુરુષમાં- દ્રઢ પ્રીતિ,નિર્દોષ ભાવ, આજ્ઞામાં રહેવો નો ખપ…………..મોક્ષ નું કારણ બને છે……
  • સત્પુરુષ માં મનુષ્ય ભાવ-અભાવ ગુણ- એ પતન નું કારણ છે………એ આપણ ને સહેજે ન આવવું જોઈએ…..કારણ કે આપણે આ છેલ્લો જન્મ કરવો છે….

અદ્ભુત અદ્ભુત…………! જો આ સમજાય તો-બીજું કશું સમજવું ન પડે………..જીવ એમ જ અક્ષર રૂપ થઇ જાય………..એ જ વાત કરતા- વિક્રમ સંવંત ૨૦૭૧ ની આ છેલ્લી રવિસભા માં આશીર્વચન આપતાં પુ.ઈશ્વર ચરણ સ્વામી એ કહ્યું કે….

  • બ્રહ્મસ્વરૂપ યોગીબાપા આવા જ ચરિત્ર કરતા……હરિભક્તો ને વિવિધ સેવા આપી ને એમની કસોટી કરતા……માન-અપમાન -ધીરજ-કલ્યાણ નો ખપ- એ માપતા………
  • સત્સંગ માં- ભગવાન અને સંત થી મન નોખું પડી જાય એ જ મોટું વિઘ્ન…..
  • યોગીબાપા -સ્વામીની વાતું માં- ૩/૩૩-૩૪ વાતો હમેંશા વાંચવી ને બ્રહ્મરૂપ થવાની વાતો કરતા……અને કહેતા કે કલ્યાણ નો ખપ હોય તો જ સત્સંગમાં ટકાય………
  • મોટા પુરુષ થી અંતરાય ન રાખવો…એમનામાં- નિસ્વાર્થ, કપટ હીન, અંતરાય વગર નો ભાવ હોય તો જ હેત થાય……..
  • સત્પુરુષ ને નિર્દોષ,સર્વજ્ઞ…..નિષ્કપટ જાણવા…….જો એમ જાણી એ તો આપણે પણ એમના જેવા થઈએ….

અદ્ભુત………….અદ્ભુત………………..

સભાને અંતે- અન્નકૂટ-દિવાળી ઉત્સવો ની વિસ્તૃત જાહેરાત થઇ…………

તો આજની- વર્ષની અંતિમ સભા- રદયમાં એક નવી પ્રભાત…જ્ઞાન ની પ્રભાત લઈને આવે એવી હતી………….હવે આપણે વિચારવાનું છે કે- આ જ્ઞાન-પ્રભાત ને સ્વીકારવી છે કે નહિ…..???

જય સ્વામિનારાયણ…

રાજ


Leave a comment

BAPS ગુરુ પૂર્ણિમા પ્રતિક રવિસભા- ૨૬/૦૭/૨૦૧૫

” જેને પંચ વર્તમાનમાં કોઈ વાતે ખોટ્ય ન હોય અને ગમે તેવા વચનના ભીડામાં લઈએ અને એનું ગમતું મુકાવીને અમારા ગમતામાં રાખીએ તો પણ કોઈ રીતે દેહ પર્યંત મૂંઝાય નહીં, એવો હોય તે પાકો સત્સંગી છે. અને એવા હરિભક્ત ઉપર અમારે વગર કર્યું સહજે જ હેત થાય છે…………અને એવા ગુણ ન હોય તો હેત કરવા જાઈએ તોય પણ હેત થાય નહીં. અને અમારી તો એ જ પ્રકૃતિ છે જે, જેના હૃદયમાં ભગવાનની એવી પરિપૂર્ણ ભક્તિ હોય તે ઉપર જ હેત થાય છે.”

——————–

ભગવાન શ્રી સ્વામિનારાયણ-વચનામૃતમ-ગઢડા પ્રથમ-૭૬

સત્સંગ નો અર્થ જ એ છે કે- સત્પુરુષ અને શ્રીજી ના રાજીપમાં …મનગમતા માં રહેવું…….! પોતાનું મનગમતું મુકાય અને સ્વભાવ છૂટે તો જ સત્સંગ થાય…..અને એટલા માટે જ આ માર્ગ અઘરો છે…..અને જો આ થાય તો એના જેવો સહજ માર્ગ એકેય નહિ..! આ અદ્ભુત..પાયા નું વચનામૃત એટલા માટે કે- આપણા ગુણાતીત ગુરુઓ એ – પોતાના ગુરુ અને ઇષ્ટદેવ ને રાજી કરવા -પોતાના દેહ કે એની એષણાઓ સામે એક વાર પણ જોયું નથી…..યોગીબાપા સિત્તેર વર્ષ ની ઉમરે કહેતા કે -હરિભક્તો ને રાજી કરવા -શાસ્ત્રીજી મહારાજ આજ્ઞા કરે તો રોજ ના દસ ગામ ફરું..!  જુઓ આપણા ગુરુ પ્રમુખ સ્વામી મહારાજ ….૯૪ વર્ષ ની ઉમરે એક માત્ર હરિભક્તો ને રાજી કરવા દિવસ માં બે-બે ત્રણ-ત્રણ વાર દર્શન આપવા પધારે છે……! અને આપણે પણ આવા પાકા સત્સંગી થવાનું છે….આ ગુરુપૂર્ણિમા એ ગુરુ અને શ્રીજી ને રાજી કરવા માટે આ જ કરવાનું છે….એમના ગમતા માં  જ રહેવાનું છે..! એ દિન કહે તો દિન…અને રાત કહે તો રાત…..મન ની ગાંઠો મેલી હવે..બસ એના ચાંદે ચાંદ..!

તો આજની સભા- ગુરુ પૂર્ણિમા કે જે ૩૧ મી જુલાઈ એ- બોચાસણ માં- પુ.સદગુરુ સંતો સાથે ઉજવવા ની છે…એની પ્રતિક સભા રૂપે હતી….વરસાદ ની જોરદાર હેલી વચ્ચે ભક્તિ ની હેલી……અદ્ભુત હતી…અમદાવાદ વરસાદ થી તરબોળ હતું પણ હતોત્સાહી નહોતું…..સભામાં નોંધપાત્ર ભીડ હતી…..અને હું તો છેક પૂર્વ છોર થી પશ્ચિમ છોર સુધી..મારા હરિ ને ઊંઘતો મૂકી ને શ્રીહરિ ને મળવા આવ્યો હતો…………….તો ચાલો તમે પણ લાભ લો..!

20150726_165027

સભાની શરૂઆત- પુ.શુભ કીર્તન સ્વામી ના પહાડી અવાજે ગવાતી જોશભરી સ્વામિનારાયણ ધુન્ય થી થઇ….સભા અને વરસાદ બંને ગુંજી ઉઠ્યા…..અને ત્યારબાદ કીર્તન..” ગુરુ મળ્યા ગુણવાળા……” અને ” ગુરુ ના ગુણ ગાવો રે ગાવો રે…’ રજુ થયા…વચ્ચે થોડીક ટેકનીકલ ખામી ને લીધે સાઉન્ડ સીસ્ટમ  બંધ થઇ ગઈ….પણ હરિભક્તો નો જોમ અસ્ખલિત જ રહ્યો…સભા ગુંજતી રહી..! વાહ…..સત્સંગ..!

ત્યારબાદ- આપણા ગુરુ પ.પુ.પ્રમુખ સ્વામી મહારાજ ના વિવિધ દિવ્ય ચરિત્ર નું પાન કરાવતો અદ્ભુત વિડીયો “દિવ્ય સાનિધ્ય” રજુ થયો………ભક્તો-સંતો-સદગુરુ સંતો ની ગુરુ હરિ વિષે ની કથની….સ્વામીશ્રી ની વિવિધ મુદ્રાઓ…..અદ્ભુત હતી….

ત્યારબાદ- ચાતુર્માસ ના નિયમો અંગે ની જાહેરાત થઇ…..આવતીકાલે નિયમ ની નિર્જળા એકાદશી છે……સર્વે એ યાદ રાખવી..બળ રાખી યથાશક્તિ -નિયમ નું પાલન કરવું…..

New Doc 27_1

ત્યારબાદ પુ.ઈશ્વરચરણ સ્વામી એ પ્રસંગોચિત આશીર્વચન નો લાભ આપતાં કહ્યું કે….

  • આવતીકાલે નિયમ ની એકાદશી છે……બ્રહ્મસ્વરૂપ યોગીબાપા તો બધા હરિભક્તો ને પત્ર લખી જણાવતા અને બળ આપતાં….તો આપણે પણ ખટકો રાખી એ નિયમ પાળવા ના છે….
  • શ્રીજી મહારાજે સંયમ ની વાત કરી છે……સ્વધર્મ અને મહિમા થી ભક્તિ થતી હોય તો વિઘ્ન ન આવે…..
  • શ્રીજી મહારાજે વચનામૃત ના ગઢડા પ્રથમ-૭૬ માં કહ્યું કે આપણું મનગમતું મુકવું અને એક એમના મનગમતા માં રહેવું…..અને જે તેમાં ટકી રહે તે જ પાકો સત્સંગી…
  • આપણા સ્વભાવ આપણે છોડવાના છે……જીવનમાં અનેક પ્રશ્નો આવશે પણ ગુરુ અને ભગવાન માં લેશ માત્ર સંશય કરવાનો નથી…કે એમનામાં સહેજ પણ મનુષ્યભાવ લાવવા નો નથી……
  • માટે ચાતુર્માસ ના નીયમ લેવાના છે…..જીવ શુદ્ધ થશે….કોઈનો અભાવગુણ લેશ માત્ર ન લેવો…….
  • આ પ્રાપ્તિ દુર્લભ છે…….તેનો મહિમા સમજવો…..
  • મોટા પુરુષ સર્વે જુએ છે…જાણે છે…..આપણા અંતર નું જાણે છે…..એમ સમજી ને -નિયમ ધર્મ માં દ્રઢ રહેવું…..એમના રાજીપમાં રહેવું…
  • ગુણાતીત સદાયે પ્રગટ છે……ચિરંજીવી છે…….એમણે રાજી કરવા એ જ આપણી ભક્તિ……
  • પ્રમુખ સ્વામી મહારાજે -પોતાના ગુરુઓ ની આજ્ઞા પાળવા…હરિભક્તો ને રાજી કરવા જે ભીડા વેઠ્યા છે…તે તો કોઈ ભાગ્યે જ કરી શકે…..એમ એમનો મહિમા સમજવો…અને અન્ય ને સમજાવવો…..
  • ગુરુપૂર્ણિમા નિમિત્તે ગુરુ પૂજન એટલે એમના માં દિવ્ય ભાવ…….નિર્દોષ ભાવ……..પણ આપણું મન અવળચંડુ છે..જો અભાવગુણ ઘુસ્યો તો ગુરુ માં પણ મનુષ્યભાવ આવશે…….અને સત્સંગ ચૂંથાઈ જશે…..
  • માટે જ સત્સંગ માં કદી મોળી વાત કરવી નહિ….કોઈનો પણ અભાવગુણ લેવો નહિ……બધાનો મહિમા સમજવો અને સતત જાણપણું રાખવું……એનું અનુસંધાન રાખવું………

ત્યારબાદ યુવકો દ્વારા….”વંદન..કરીએ કરોડો કરોડો…..પ્રમુખ સ્વામી ચરણો માં..” કીર્તન પર અદ્ભુત નૃત્ય થયું……..

20150726_190022

અને ત્યારબાદ અમુક જાહેરાતો……

  • ગુરુપૂર્ણિમા ઉત્સવ બોચાસણ છે…..અને તેનો ઉત્સવ સદગુરુ સંતો ની નિશ્રા માં થવાનો છે…..સારંગપુર કોઈ ઉત્સવ નથી…અને ૩૦-૩૧ બે દિવસ-ઉતારા ની કોઈ સગવડ નથી….સર્વે હરિભક્તો એ વિશેષ ધ્યાન આપવું………સ્વામીશ્રી રોજીંદા કાર્યક્રમ મુજબ જ દર્શન નો લાભ આપી શકે છે………….
  • સંત પ્રવચન માળા-૯ એમપીથ્રી પ્રગટ થઇ છે..જેમાં પુ.આનંદસ્વરૂપ સ્વામી ના “પરાવિધ્યા” પર ના પ્રવચનો છે…….મેં ખરીદી છે……અને તમારે પણ ખરીદવા જેવી છે….
  • બાળ  સંસ્કાર અને ઘડતર પર ના સંવાદ રજુ કરતી બે ડીવીડી પ્રગટ થઇ છે…..
  • નોની જ્યુસ પર આધારિત હેલ્થ સીરપ બહાર પડ્યું છે……………

અંતે- ગુરુ પૂર્ણિમા ની પ્રતિક સભામાં- ગુરુહરિ ને મંત્ર પુષ્પાંજલિ અર્પિત કરવામાં આવી…………….અને મન-રદય-જીવ ગુરુ ના મહિમા થી ભરાઈ ગયો…!

અંતે સમજવાનું તો- ગઢડા પ્રથમ-૭૬ માં વર્ણવ્યું એ જ છે………મનગમતું મુકવું…એ જેમ રાખે તેમ રહેવું……એમની મરજી પ્રમાણે જીવવું……એમના રાજીપા માં જ જીવન માનવું…………અને એ એજ સાચી ગુરુ પૂર્ણિમા…..!

શોભો સાધુ ગુણે સદા સરળ ને ..જક્તે અનાસક્ત છો,
શાસ્ત્રીજી ગુરુ યોગીજી ઉભયની, કૃપાતણું પાત્ર છો;
ધારી ધર્મધુરા સમુદ્ર સરખા, ગંભીર જ્ઞાને જ છો,
નારાયણસ્વરૂપદાસ ગુણીને, સ્નેહે જ વંદું અહો………….

બસ આપણા ધન્ય ભાગ્ય કે આવા સર્વોપરી ગુરુ મળ્યા…સર્વોપરી સિધ્ધાંત..સર્વોપરી સત્સંગ…સર્વોપરી શ્રીજી મળ્યા..!

જય સ્વામિનારાયણ….

રાજ