Raj Mistry's world

Me,my stories and world around….


1 Comment

BAPS રવિસભા-૧૦/૧૨/૨૦૧૭

“…..જે બ્રહ્મરૂપ થયો તેને જ પુરુષોત્તમની ભક્તિનો અધિકાર છે…………

…….બ્રહ્મરૂપ થઈને જે પરબ્રહ્મની ભક્તિ ન કરે તો તે પણ આત્યંતિક કલ્યાણને ન પામ્યો કહેવાય……..”

 …….અષ્ટાવરણે યુક્ત એવાં જે કોટિ કોટિ બ્રહ્માંડ તે જે અક્ષરને વિષે અણુની પેઠે જણાય છે, એવું જે પુરુષોત્તમ નારાયણનું ધામરૂપ અક્ષર તે રૂપે…… પોતે રહ્યો થકો…….. પુરુષોત્તમની ઉપાસના કરે, તેને ઉત્તમ નિર્વિકલ્પ નિશ્ચયવાળો કહીએ…..”


ભગવાન શ્રી સ્વામિનારાયણ- વચનામૃતમ- લોયા-૭ ..૧૨

આજની સભા વિશિષ્ટ હતી..કારણ કે- સમગ્ર સ્વામિનારાયણ સંપ્રદાય…સમગ્ર હિંદુ સંસ્કૃતિ ને ગૌરવ થાય તેવા મહામહોપાધ્યાય પુ. ભદ્રેશદાસસ્વામી રચિત- શ્રી અક્ષર પુરુષોત્તમ દર્શનમ -એના પર આધારિત પ્રસ્થાન ત્રયી ભાષ્ય અને વાદ ગ્રંથ નો મહિમા- અતિ વિદ્વાન -સંસ્કૃત મહા પંડિત- પ્રોફ. ડો. ગજેન્દ્ર પાંડા ના મુખે – સભામાં ગવાયો……પ્રસ્થાન ત્રયી એટલે શું?? હિંદુ સંસ્કૃતિ ના છેક ૮ મી સદી થી લઇ ૨૧ મી સદી સુધી ના વિવિધ- ૬ તત્વજ્ઞાન દર્શન ..એમના રચયિતા..એનો મહિમા શું?? વગેરે ની માહિતી મળી…..અને ગર્વ થયો કે- ભગવાન સ્વામિનારાયણ દ્વારા સકળ શાસ્ત્રો નો સાર સરળ ભાષા માં વચનામૃત માં ગ્રંથસ્થ થયો અને આજે એ જ શાસ્ત્રો નું ભાષ્ય..અને શ્રીજી નો હૃદયગત સિધ્ધાંત – ૭ માં દર્શન રૂપે – પુ.ભદ્રેશ દાસ સ્વામી એ ગ્રંથસ્થ કર્યો…..સંસ્કૃતિ નું મન વધાર્યું..!

તો સભા ની શરૂઆત – મારા વ્હાલા ના દર્શન થી……

WhatsApp Image 2017-12-10 at 9.27.31 PM

યુવકો એ સ્વામિનારાયણ ધુન્ય થી શરૂઆત કરી….ત્યારબાદ યુવકો એ કર્ણપ્રિય સ્વર-સુર માં વિવિધ કીર્તન રજુ કર્યા….

  • તારી મૂર્તિ છે જો નેણું નો શણગાર….રચયિતા- બ્રહ્માનંદ સ્વામી
  • શોભે શોભે રસિક વર છેલ રે…..- કૃષ્ણાનંદ સ્વામી
  • ભજી લે ભગવાન સાચા સંત ને મળી……- દેવાનંદ સ્વામી
  • વ્હાલું લાગે મોહન મુખ તારું……બ્રહ્માનંદ સ્વામી…

ત્યારબાદ- અગાઉ વાત કરી તેમ- પુ.ભદ્રેશ સ્વામી ની – અપ્રતિમ..અતુલ્ય રચના બદલ તેમનું- બરોડા ની શ્રી સયાજીરાવ યુનીવર્સીટી દ્વારા આયોજિત કાર્યક્રમ માં – ૨૭..હા..૨૭ જેટલી યુનીવર્સીટી ઓ દ્વારા જાહેર માં ભવ્ય સન્માન થયું…તેના વિડીયો દર્શન નો લાભ મળ્યો…..

‘ઉપકાર…..ઉપકાર..” ઓસમાણ મીર દ્વારા સ્વરિત કીર્તન- નો બ્રહ્મ સ્વરૂપ પ્રમુખ સ્વામી મહારાજ પર નો વિડીયો રજુ થયો……બાપા નું એ જ મનમોહક સ્મિત….તેજસ્વી આંખો….હરિભક્તો-સંતો નો ઉમંગ..અને એ જ સારંગપુર લીલા ના અદ્ભુત દર્શન થયા…..

ત્યારબાદ ભારત સરકાર ના કેન્દ્રીય મંત્રી શ્રી મેઘવાલ જી સભામાં પધાર્યા ..તેમનું ઉચિત સન્માન થયું…..અને તેમણે તેમના ટૂંકા વક્તવ્ય માં કહ્યું કે- જે કાર્ય બેપ્સ કરે છે….તેવું બીજા કોઈ દ્વારા શક્ય જ નથી….જીવન ની દોડધામ થી ડીસ્ચાર્જ થઇ ગયેલી મારી બેટરી- અહી સંતો ના સમાગમ થી- ચાર્જ થઇ ગઈ…!!! અદ્ભુત…..ખરેખર…..રવિસભા અને સંતો ના મુખે કથા વાર્તા – આપણા તન-મન-હૃદય-જીવ ને રીચાર્જ કરે છે………આખા અઠવાડિયા નો ચડેલો સંસાર -પળવાર માં ઓગળી જાય છે……!!!

ત્યારબાદ જેની રાહ જોવાતી હતી- તેવા અતિ વિદ્વાન..સમર્પિત- અમદાવાદ ની એલ-ડી આર્ટસ કોલેજ ના – સંસ્કૃત વિભાગ ના વડા- સારંગપુર સંત તાલીમ કેન્દ્ર માં પ્રાધ્યાપક રહી ચુકેલા- ૬ ગોલ્ડ મેડાલીસ્ટ વિજેતા- ડો.ગજેન્દ્ર પાંડા – નું અક્ષર પુરુષોત્તમ દર્શનમ – પર અદ્ભુત પ્રવચન થયું……ડો.પાંડા નો સંકલ્પ છે કે- એક લાખ લોકો ને સંસ્કૃત બોલતા કરવા ( અત્યાર સુધી માં ૭૨૦૦૦ લોકો ને- શીખવાડી ચુક્યા છે…) ..અને બાપા ની આજ્ઞા થી સારંગપુર સંતો ને સંસ્કૃત ની તાલીમ આપી…લગભગ ૬૦૦ સંતો ને તાલીમ આપી ચુક્યા છે..આજે એમના સુપુત્ર કૃષ્ણ- આ કાર્ય સારંગપુર માં કરી રહ્યા છે…જે- એક એન્જીનીયર હોવા છતાં- પુ.ભદ્રેશ દાસ સ્વામી ના માર્ગદર્શન હેઠળ વિશ્વ માં પ્રથમ વાર જ – અક્ષર પુરુષોત્તમ દર્શનમ પર સંસ્કૃત માં  ડોકટરેટ કરી રહ્યા છે…………..!!!!

એ જ્યારે અમારી પરા સભામાં આવ્યા હતા ત્યારે એમણે જાહેરાત કરી હતી કે- સારંગપુર માં – અક્ષર પુરુષોત્તમ દર્શનમ ને લગતા વિવિધ અભ્યાસ ક્રમ – જે યુનીવર્સીટી ની ડીગ્રી સંલગ્ન છે તે…..સંસ્કૃત માં ચાલે છે..ત્યાં આગળ રહેવા-જમવાનું-ભણવા નો સર્વ ખર્ચ આપણી સંસ્થા ઉઠાવે છે……જેને રસ હોય તે – આપણા મંદિર નો સંપર્ક કરી શકે છે…..

આ પ્રવચન એટલું ગહન હતું….જોશીલું હતું…બળવત્તર હતું કે….કે તમે રૂબરૂ સાંભળો તો જ મજા આવે…..અહી લખાણ- તમને પોથી માં ના રીંગણ જેવું જ લાગશે…..અસલી મજા તો રૂબરૂ સાંભળવા નો જ છે…….છતાં – એના અંશ જોઈએ….

  • હિંદુ સંસ્કૃતિ..એના તત્વજ્ઞાન અતિ પ્રાચીન છે….પણ એના પુનર્જીવન ની વાત કરીએ તો- આદિ શંકરાચાર્ય દ્વારા પુનર્જીવિત થયેલી આપણી સંસ્કૃતિ-એનું વેદ-ઉપનિષદ-બ્રહ્મ સૂત્ર- આધારિત તત્વજ્ઞાન -કે જે દર્શન તરીકે ઓળખાય છે..તે છેક ૮ મી સદી થી લઇ -૧૮ મી સદી સુધી પ્રસરેલી છે…….
  • આપણી સંસ્કૃતિ માં – ભગવાન, મંદિર, સંત, અને શાસ્ત્ર – એમ ૪ આધાર સ્તંભ છે……અને એને સમજ્યા સિવાય- હિંદુ સંસ્કૃતિ ને સમજી ન શકાય…..
  • ૨૦૧૫ માં- થાઈલેન્ડ ખાતે- આંતર રાષ્ટ્રીય સંસ્કૃત પરિષદ યોજાઈ..હજારો – સંસ્કૃત વિદ્વાનો એ એમાં હિસ્સો લીધો અને- પ્રસ્થાન ત્રયી ભાષ્યમ રચવા બદલ – પુ.ભદ્રેશ દાસ સ્વામી નું ત્યાં સર્વોપરી બહુમાન થયું……
  • પ્રસ્થાન એટલે- માર્ગ પર આગળ વધવું…..અને તત્વજ્ઞાન માં આગળ વધવા- આ પ્રસ્થાન ત્રયી ( ત્રયી એટલે ત્રણ) -કે જેના ત્રણ ભાગ છે….પ્રકાર છે- શ્રુતિ પ્રસ્થાન, સ્મૃતિ પ્રસ્થાન અને તર્ક પ્રસ્થાન – એને સમજ્યા સિવાય છૂટકો નથી….આદિ શંકરાચાર્ય થી લઇ ને- ચૈતન્ય મહાપ્રભુ સુધી બધાએ – આ પ્રસ્થાન ત્રયી ના વિવિધ પ્રકાર પર પોતાના ભાષ્ય રચ્યા..દર્શન રચ્યા…પોતાનો તત્વ-વાદ બતાવ્યો….
  • શ્રુતિ પ્રસ્થાન એટલે- વેદ…ઉપનિષદ ..સ્મૃતિ પ્રસ્થાન માં- ગીતા…ભાગવત…યાજ્ઞવલ્કય સ્મૃતિ  જેવા ગ્રંથ….અને તર્ક પ્રસ્થાન માં- ૫૫૫ સુત્રો થી બનેલા – બ્રહ્મ સૂત્ર કે- જેના એક સૂત્ર પર વિશાળ ગ્રંથ બની શકે…….!
  • આ તમામ પ્રસ્થાન માં- અક્ષર અને પુરુષોત્તમ – ની વ્યાખ્યા..સમજુતી…સ્વરૂપ અને કાર્ય-મહિમા નું અઢળક વર્ણન કરેલું છે….અત્યાર સુધી માં- આદિ શંકરાચાર્ય થી લઇ – છેક ચૈતન્ય મહા પ્રભુ સુધી બધા એ એક યા બે પ્રસ્થાન પર આધારિત- વાદ આપ્યા…ત્રણેય પ્રસ્થાન નો અભ્યાસ કરી ને શ્રી શંકરાચાર્ય ને બાદ કરતા કોઈ એ ભાષ્ય નથી રચ્યા……એટલા અઘરા છે….માટે જ જે ૬ આચાર્ય થઇ ગયા..એમણે ૬ વાદ આપ્યા…..અને ૧૮ મી સદી પછી કોઈ નવું દર્શન બન્યું નહિ- કારણ કે- ૭ મુ દર્શન રચવું હોય તો- રચનાકારે- ત્રણેય પ્રસ્થાન- અને એના આધારિત ઉપરોક્ત ૬ દર્શન નો તલસ્પર્શી અભ્યાસ કરવો પડે…એ માટે અતિ હોશિયાર -અતિ વિધવાન વ્યક્તિ ને પણ ઓછા માં ઓછા ૭૨ વર્ષ લાગે ( એક દર્શન પાછળ ઓછામાં ઓછા ૧૨ વર્ષ) ..જે શક્ય જ નથી…..પણ પુ.ભદ્રેશ સ્વામી- કેવળ- બ્રહ્મ સ્વરૂપ પ્રમુખ સ્વામી મહારાજ ની કૃપા, પ્રેરણા…પ્રવેશ થી એ અશક્ય કાર્ય ને માત્ર ૧૨ વર્ષ માં શક્ય બનાવ્યું- અને ૭ મુ દર્શન- અક્ષર પુરુષોત્તમ દર્શનમ….રચ્યું..અને એ પણ કોઈ ઉપરોક્ત દર્શન નું ખંડન કર્યા વગર…!!!! એ ચમત્કાર જ કહેવાય…!!
  • અને આ ચમત્કાર – એ કઈ સામાન્ય નથી……આખા ભારત નું ભ્રમણ કર્યા બાદ પુ.ભદ્રેશ સ્વામી એ – ૨૫૦૦ પાના નો હસ્ત લિખિત ગ્રંથ અતિ મહેનત થી તૈયાર કેર્યો…..અને સારંગપુર માં આવેલા પુર માં એ – સર્વે નાશ પામ્યું……છતાં – ગુરુ ની આજ્ઞા થી માત્ર ૫ માસ માં – રાત દિવસ મહેનત કરી- એ ગ્રંથ પુનઃ રચ્યો…….અને ઈતિહાસ સર્જી દીધો……!! પુ.ભદ્રેશ દાસ સ્વામી કહે છે કે- હું આ ગ્રંથ લખવા બેસું તો- શબ્દો આપોઆપ ગોઠવાતા જાય….અને પ્રમુખ સ્વામી મહારાજ જ જાણે બધું લખાવતા હોય તેમ- આપોઆપ બધું રચાતું જાય…તેના લીધે જ આ શક્ય બન્યું છે……!!
  • જે તત્વજ્ઞાન- સ્વયમ શ્રીજી એ -સામાન્ય મનુષ્ય ને સમજાય તે માટે- સરળ ભાષા માં વચનામૃત માં નાખ્યું……ગુણાતીતાનંદ સ્વામી એ પોતાની અક્ષર વાતો માં -રેડ્યું…..બ્રહ્મ સ્વરૂપ શાસ્ત્રીજી મહારાજે- મૂર્તિમંત કર્યું……એ જ તત્વજ્ઞાન ને – શાસ્ત્રીય રીતે- સંપૂર્ણ માહિતી સાથે – એક ભાષ્ય રૂપે- પુ.ભદ્રેશ દાસ સ્વામી દ્વારા- પરમ પૂજ્ય પ્રમુખ સ્વામી મહારાજે ગ્રંથસ્થ કર્યું…!!! જેના પર સમગ્ર દેશ ની સંસ્કૃત યુનીવર્સીટી ઓ- સંસ્કૃત- તત્વજ્ઞાન ના આચાર્ય, વિદેશ ના સંસ્કૃત ના નિષ્ણાત…કાશી વિદ્વત પરિષદ દ્વારા સ્વીકૃતિ ની મહોર મારવા માં આવી….આજે આ ભાષ્ય ગ્રંથ- હિંદુ સંસ્કૃતિ ના ૭ માં દર્શન તરીકે ઓળખાતા તત્વજ્ઞાન ને – દેશ વિદેશ ની યુનીવર્સીટી ઓ માં – પાઠ્ય ક્રમ માં ભણાવવા વપરાય છે……!!!
  • આપણા સંપ્રદાય માં “રાજીપો” શબ્દ સર્વોપરી છે…..ગુરુ ની આજ્ઞા પાલન માં દ્રઢતા….તત્પરતા..કેવળ એમના રાજીપા માટે જ જીવવા નું તો એક બેપ્સ ના સાધુઓ- હરિભક્તો માં જ જોવા મળે……..અને એના કારણે જ આજે- દુનિયાભર માં બેપ્સ ના ડંકા વાગે છે……

( ત્તાજેતર માં જ અમદાવાદ ના વાડજ વિસ્તાર માં- ડો.પાંડા ની આ જ વિષય પર સભા યોજાઈ હતી- તે પ્રવચન નીચે ની લીંક પર થી સાંભળી શકાશે…)

https://drive.google.com/open?id=1UZQS8eLkCWja1D5xwDXlHOJjSpVflFCB

અદ્ભુત…અદ્ભુત…….!!! આદિ શંકરાચાર્ય થી લઇ ને ચૈતન્ય મહાપ્રભુ સુધી ૬ આચાર્ય થયા..એમાં ૭ માં આચાર્ય તરીકે- પુ.ભદ્રેશ સ્વામી નું નામ ઉમેરાઈ ગયું છે…..સ્વામિનારાયણ તત્વજ્ઞાન આગવું છે..અલગ જ છે….જે અક્ષર પુરુષોત્તમ દર્શનમ તરીકે આજે સ્થાપિત થયું…….!

પુ. ઈશ્વર ચરણ સ્વામી એ પણ આ જ વાત કરી….અને પુ.ભદ્રેશ સ્વામી એ – સ્વામિનારાયણ સમ્પ્રદ્ય અને સમગ્ર હિંદુ ધર્મ નું જે ગૌરવ વધાર્યું છે એ માટે અભિનંદન આપ્યા….અને કહ્યું કે- મૂળ અમેરિકા ના એવા આપણા નવજુવાન સંત પુ.અક્ષરાનંદ સ્વામી એ પણ હાલ માં – યુકે માં- વેદાંત વિષય પર ડોકટરેટ ની પદવી હાંસિલ કરી છે….અને આવા અતિ વિદ્વાન..સંસ્કૃત ના મહા પંડિત- સંતો આપણે ત્યાં તૈયાર થઇ રહ્યા છે..યોગીબાપા એ દાદર મંદિર માં સ્થાપેલી સંસ્કૃત તાલીમ શાળા આજે- સારંગપુર માં વટ વૃક્ષ બની ચુકી છે…….એમના સંકલ્પ પુરા થઇ રહ્યા છે……!! આપણા સંતો ખુબ ભણે અને આપણું તત્વજ્ઞાન બધે પહોંચાડે તે જરૂરી છે કારણ કે- સાબિત કરવા નું છે કે- આપણે કોઈ Cult નથી….કોઈ ગાડરિયો પ્રવાહ નથી પણ- સ્વામિનારાયણ સંપ્રદાય એક શાસ્ત્રોક્ત….વેદાંત….આધારિત સર્વોપરી સંપ્રદાય છે..જ્યાં શુદ્ધ તત્વજ્ઞાન ના ડંકા વાગે છે…..!! બેન્ગાલુરું ના આચાર્ય હરિદાસ ભટ્ટ તો આ ગ્રંથ જોઈ ને બોલી ઉઠ્યા કે- સાધુ ભદ્રેશ દાસ તો મારા શિષ્ય હતા પણ આ ગ્રન્થ રચ્યા બાદ હવે એ મારા ગુરુ છે…!!!!

હાલમાં જ બરોડા ખાતે આ મહાન ગ્રંથો ની હાથી પર શોભાયાત્રા નીકળી…….પુ.ભદ્રેશ દાસ સ્વામી નું જાહેર માં સન્માન થયું….!

This slideshow requires JavaScript.

પુ. બ્રહ્મવિહારી સ્વામી અને પુ.ઈશ્વરચરણ સ્વામી એ- ગુજરાત માં હાલ ચાલી રહેલી ચુંટણી વિષે વાત કરતા આજ્ઞા કરી કે- બધા એ- પ્રમુખ સ્વામી મહારાજ અને મહંત સ્વામી મહારાજ ની આજ્ઞા અનુસાર ૧૦૦ % મતદાન કરવા નું છે..એમાં બંધ છોડ ન ચાલે…..! પોતાની નજર સમક્ષ- આપણી સંસ્કૃતિ..આપણો ધર્મ…આપણો દેશ..તેની સલામતી ધ્યાન માં રાખી ને જ મત આપવો…….! કોઈ બાકી ન રહી જાય તેનું ધ્યાન રાખવું..!

સભામાં છેલ્લે- જાહેરાત થઇ કે- બેપ્સ યોગીજી મહારાજ હોસ્પિટલ માં તારીખ ૧ થી ૩૧ ડીસેમ્બર સુધી વિવિધ વિભાગ માં- રાહત દરે કેમ્પ ચાલી રહ્યા છે..તેનો સર્વે એ લાભ લેવો…!!

પુ.ઈશ્વર ચરણ સ્વામી એ જાહેરાત કરી કે- આપણા સંનિષ્ઠ હરિભક્ત- ઉપેન્દ્ર ભાઈ નું અવસાન થયું છે…….

તો- બસ- આપણે આપણા સર્વોપરી સંપ્રદાય..તેના પોતાના – અક્ષર પુરુષોતમ સ્વામિનારાયણ દર્શનમ ને જીવસ્થ કરવા નું છે…….ભવિષ્ય માં જયારે પુ.ભદ્રેશ સ્વામી એ રચેલા – મહાન સંસ્કૃત ગ્રંથો નું ગુજરાતી ભાષાંતર આવે -ત્યારે તેને ઘરે ઘરે વસાવી- તેને દ્રઢ નિષ્ઠા માં ફેરવવા નો છે…..! આપણા શ્રીજી…મંદિર…શાસ્ત્રો-તત્વજ્ઞાન અને સંતો- સર્વોપરી જ છે…..તે સમજવા નું છે…..તેનો મહિમા દ્રઢ કરવા નો છે…!!..અને આ કાર્ય માં- શ્રીજી ‘ને સ્વામી -બંને અચૂક ભળશે…..બસ આપણે તો પુરુષ પ્રયત્ન કરવા નો છે…….

જય જય અક્ષર પુરુષોત્તમ…..જય જય સ્વામિનારાયણ….

રાજ

 

 

Advertisements


Leave a comment

BAPS ગુરુપૂર્ણિમા રવિસભા- ૯/૭/૨૦૧૭

.…..એવી નિષ્ઠાવાળા જે સંત છે તેના પગની રજને તો અમે પણ માથે ચઢાવીએ છીએ, અને તેને દુખવતા થકા મનમાં બીએ છીએ, અને એનાં દર્શનને પણ ઇચ્છીએ છીએ. …………

……….અને જે એવા યથાર્થ ભગવાનના ભક્ત છે તેનું દર્શન તો ભગવાનના દર્શન તુલ્ય છે, અને એના દર્શને કરીને અનંત પતિત જીવનો ઉદ્ધાર થાય છે એવા એ મોટા છે.” 


ભગવાન શ્રી સ્વામિનારાયણ-ગઢડા પ્રથમ-૩૭

આજે ગુરુ પૂર્ણિમા………જે અજ્ઞાન ના અંધકાર માં થી જ્ઞાન ના ઉજાસ તરફ લઇ જાય તે ગુરુ……….! મોક્ષ કરે એ ગુરુ……અને એ ગુરુ ના ઋણ ને ચુકવવા માટે નો પ્રસંગ એટલે કે ગુરૂ પૂર્ણિમા ……..! આપણા સંપ્રદાય માં તો ગુરુ નો મહિમા સ્વયમ શ્રીજી એ છડેચોક ગાયો છે…અને ગુણાતીત ગુરુ પરંપરા એ તો શ્રીજી પ્રાપ્તિ ના માર્ગ ને સામાન્ય જીવો માટે સદાયે સહજ કર્યો છે………એમનું આ ઋણ તો કદાચ ક્યએર્ય નહિ ચૂકવી શકાય પણ – જો એમના રાજીપા માં રહેવાય તો- એ આ અતુલ્ય ઋણ ને અદા કરવા નો ઓછોવત્તો પ્રયત્ન જરૂર કહી શકાશે…! આજે બોચાસણ માં આ ઉત્સવ – સદ્ગુરુ સંતો ની હાજરી માં ઉજવાયો……આપણા ગુરુહરિ તો અમેરિકા વિચરણ માં છે…..છતાં એમની દિવ્ય હાજરી સર્વત્ર અનુભવી શકાય છે. …..અમદાવાદ ની આજની સભા એ મહિમા ને સમજવા અર્થે જ હતી…….

સભા ની શરૂઆત પહેલા આજની પૂર્ણિમા ના પૂર્ણ ચંદ્ર શ્રીજી ના અદ્ભુત દર્શન……..

collage (1)

સભાની શરૂઆત યુવક મિત્રો દ્વારા ધુન્ય કીર્તન થી થઇ……”પ્રમુખ સ્વામી રે ..તમારું નવખંડ માં નામ…” ; “ગુરુદેવ તુમહારે ચરણ કમળ મેં…” અને ત્યારબાદ પુ.કૃષ્ણ સ્વરૂપ સ્વામી દ્વારા …”ગુર મળ્યા ગુણવાળા…” રજુ થયું……………અને નજર સમક્ષ ગુરુહરિ નો ચહેરો…..પ્રમુખ સ્વામી મહારાજ નો ચહેરો છવાઈ ગયો……………! અદ્ભુત….!

ત્યારબાદ પુ.ગુરુસ્મરણ સ્વામી દ્વારા આપણા ગુણાતીત ગુરુઓ ની ઉપકાર વર્ષા પર અદ્ભુત વિવરણ થયું…….જોઈએ સારાંશ….

  • આપણા મોટા ભાગ્ય કે આપણ ને આવા ગુરુ સામે થી મળ્યા છે……આજ નદી સામે થી તરસ્યા ની પાસે આવી છે…..એટલા માટે જ આપણા ગુરુ અને સત્સંગ નો મહિમા અતુલ્ય છે…..
  • સત્પુરુષ તો અલમસ્ત છે…એને કોઈ બંધન નથી…….મર્યાદા ઓ નથી…એ તો પોતાના ભક્તો ને સુખ આપવા માટે પોતાના દેહ ની ..સ્થિતિ ની પરવા વગર વર્ત્યા છે……..
  • છેક બ્રહ્મ સ્વરૂપ શાસ્ત્રીજી મહારાજ થી લઈને આજે મહંત સ્વામી મહારાજ સુધી બધા ગુણાતીત પુરુષો ના જીવન કથન જોઈએ તો સમજાય કે- હરિભક્તો ના સંકલ્પ પુરા કરવા…રાજી કરવા…..એમણે કેવો કેવો દાખડો સહન કર્યો છે……!

અદ્ભુત પ્રસંગો……..એક એક પ્રસંગ તમે સાંભળો તો થાય કે આપણા ગુરુઓ એ આપણા સુખ માટે શું શું વેઠયું છે????

ત્યારબાદ બ્રહ્મ સ્વરૂપ પ્રમુખ સ્વામી મહારાજ ના મહિમા ના ચિત્રાંકિત કરતો એક વિડીયો ” ગુરુદેવ તુમહારે…” રજુ થયો…….પ્રમુખ સ્વામી મહારાજ ના નેત્રો માં થી વરસતી કરુણા ગંગા અને એમના ગામેગામ…..વિચરણ ના અદ્ભુત…….દર્શન નો લાભ મળ્યો…….

ત્યારબાદ પુ.વિવેકજીવન સ્વામી જેવા વિધવાન સંત દ્વારા – ગુરુ ઋણ અને એનો મહિમા…..વિષય પર અદ્ભુત પ્રવચન થયું…જોઈએ સારાંશ….

  • જીવના કલ્યાણ માટે જરૂરી છે કે – જીવ – સત્પુરુષ ની આજ્ઞા સાથે…એમના કાર્ય સાથે…એમના રાજીપા સાથે “એકસુત્રતા…..અનુસંધાન” કહેતા કે Alignment માં રહેવું…અને એ માટે બે સાધન છે…….

૧) ભગવાન અને અને સત્પુરુષ ની આજ્ઞા મુજબ જીવન બનાવવું….

૨) ભગવાન અને સત્પુરુષ ના સ્વરૂપ ને યથાર્થ ઓળખવું……

  • ઉપનિષદ નો અર્થ જ “ગુરુ ની પાસે બેસવું…અર્થાત ગુરુ ના રાજીપા પ્રમાણે વર્તવું એમ થાય છે…..એનો અર્થ એ કે- શાસ્ત્રો પણ એ જ કહે છે કે- ગુરુ આજ્ઞા માં જે રહે…તેનો બેડો પાર થાય…
  • ગુરુ એ સર્વોપરી આદર્શ છે…અને સાચા શિષ્ય એ તેનું અનુસંધાન રાખી – ગુરુ ના પગલે ચાલવા નું છે…..
  • ગુરુ પ્રભાવી હોય તો ગમે તેવો શિષ્ય હોય….જો એ યથાર્થ જોડાયો હોય તો તેનું કલ્યાણ થયા વગર છૂટે નહિ…..
  • અને એ જ સમર્થ ગુરુ – પોતાના શિષ્ય ને તારે છે…………..પણ એ માટે જરૂરી છે…શિષ્ય એ – ગુરુ સાથે ચાલવું પડે……

અદ્ભુત…….અદ્ભુત………Transcendence પુસ્તક ના પબ્લિશર હાર્પર-કોલીન્સ કંપની ના – શાન્તનું ચોધરી અને સુકુમાર ને થયેલા અનુભવો…….એ જ વાત ની સાક્ષી પૂરતા હતા…….એમણે સ્વામીશ્રી ના સ્વરૂપ ને જાણ્યું અને પ્રભાવિત થયા…….

સભાને અંતે પ્રમુખ સ્વામી મહારાજ અને મહંત સ્વામી મહારાજ ના આશીર્વચન નો વિડીયો દર્શન નો લાભ મળ્યો………અમુક જાહેરાત પણ થઇ…જેવી કે- આવતા રવિવારે – સત્સંગ શિક્ષણ પરીક્ષા છે…….સંતો ની પધરામણી શરુ થઇ રહી છે…….આવતી રવિસભામાં – નીલકંઠ વરણી ની બદ્રીનાથ સુધી ની યાત્રા ( ભાગ-૪) ની ડીવીડી મોટા સ્ક્રીન પર બતાવવા માં આવશે…….અને અમેરિકા ના બાળકો દ્વારા કીર્તન આરાધના થયેલી જેની સીડી નું ઉદ્ઘાટન થયું…..!

તો આજની સભા એ ગુરુ ના મહિમા પર હતી કે જેણે આપણો હાથ પકડ્યો છે……અને આપણ ને શ્રીજી ના સ્વરૂપ ની યથાર્થ ઓળખાણ કરાવી એમનામાં જોડશે…..આપણું આત્યંતિક કલ્યાણ કરશે….! અને એ માટે તો આપણા અનંત જન્મ કુરબાન થાય તો એ ઓછા છે…..બસ એ માટે આપણે હરપળ એમની અનુવૃતી પ્રમાણે જીવવા નું છે…એમના રાજીપા નો વિચાર હરપળ કરવા નો છે……..!~

જય સ્વામિનારાયણ………

રાજ


Leave a comment

BAPS રવિસભા-૧૯/૦૩/૨૦૧૭

ब्रह्मविद् आप्नोति परम्’ (તૈત્તિરીય આનંદવલ્લી, ૧)

અર્થાત- જે અક્ષરબ્રહ્મને જાણે છે તે પરબ્રહ્મને પ્રાપ્ત કરે છે.’

‘आविः..एजत्‌ प्राणन्निमिषत्व्च यदेतज्जानथ…वरेण्यं परं विज्ञानाद्‌ वरिष्ठं प्रजानाम्‌। …तदेतद्‌ अक्षरं ब्रह्म।’ (મુંડક ઉપનિષદ ૨/૨/૧,૨). ‘आविः’ કહેતાં તે અક્ષરબ્રહ્મ આવિર્ભૂત થાય છે. અનેક આત્માઓના ઉદ્ધાર માટે તે તે બ્રહ્માંડોમાં મનુષ્યરૂપ ધારી પ્રગટ થાય છે.

‘यस्य देवे पराभक्तिर्यथा देवे तथा गुरौ। तस्यैते कथिता ह्यर्थाः प्रकाशन्ते महात्मनः॥’ (શ્વેતાશ્વતર ઉપનિષદ, ૬/૨૩)

અર્થાત-જેવી પરોક્ષ દેવને વિષે જીવને પ્રતીતિ છે તેવી જો પ્રત્યક્ષ ગુરુરૂપ હરિને વિષે આવે તો જેટલા અર્થ પ્રાપ્ત થવાના કહ્યા છે તેટલા સર્વે અર્થ તેને પ્રાપ્ત થાય છે.’ (વચનામૃત ગઢડા અંત્ય પ્રકરણ, ૨)


અનાદિ મૂળ અક્ષર ગુણાતીતાનંદ સ્વામી એ – ભક્તજનો ના કલ્યાણ માટે વર આપ્યું કે “હું તો ચિરંજીવી છું” અને ગુણાતીત પરંપરા આપણ ને ભેટ આપી….શ્રીજી  એ વચનામૃત- વરતાલ-૧૯ માં કહ્યું તેમ…પોતાના એ ગુણાતીત સંત દ્વારા પ્રગટ રહેવા નું વચન આપ્યું……માટે જે સત્સંગ સુખ ના  હિલોળા શ્રીજી ના સમય માં -ભક્તો ને મળ્યા ..એવા જ સુખ ના હિલોળા આજે પણ પ્રગટ અક્ષરબ્રહ્મ સત્પુરુષ- મહંત સ્વામી મહારાજ ના સાનિધ્ય માં આપણ ને મળી રહ્યા છે….શ્રીજી નું પ્રગટ પ્રમાણ આજે પણ અનુભવાય છે……..તો આજ ની સભા એ આનંદ ને યથાર્થ માણવા ની હતી….સત્પુરુષ ને સમજવા ની હતી…..કારણ કે પ્રગટ અક્ષર ને સમજીશું તો જ શ્રીજી ઓળખાશે…..અને એ જ અક્ષર ને વિષે જો આત્મબુદ્ધિ થશે તો જ શ્રીજી ની પ્રાપ્તિ થશે…….(વરતાલ-૧૧)

સભામાં સમયસર પહોંચી ગયા અને સર્વ પ્રથમ શ્રીજી ના શ્વેત વસન માં દિવ્ય દર્શન નો લાભ પ્રાપ્ત થયો…..

collage_20170319174224668_20170319174332162.jpg

સભાની શરૂઆત પુ.વિવેક્મુની સ્વામી દ્વારા “ભજમન સ્વામિનારાયણ…” ધુન્ય થી થઇ અને પછી યુવક મિત્ર દ્વારા મુક્તાનંદ સ્વામી રચિત કીર્તન- “સુખસાગર હરિવર સંગે સુખ માય જો…” અને પુ.વિવેક્મુની સ્વામી દ્વારા “વંદન વારંવાર યોગીજી ને..” રજુ થયા……

ત્યારબાદ પ્રગટ અક્ષરબ્રહ્મ  મહંત સ્વામી મહારાજ નો ન્યુ પીંડવારા અને માઉન્ટ આબુ ગુરુકુળ ખાતે ના વિચરણ ના વિડીયો દર્શન નો લાભ મળ્યો…….જે નીચેની લિંક પર થી જોઈ શકાશે…

ત્યારબાદ નવસારી મંદિર ના મહંત પુ. આચાર્ય સ્વામી એ તેમની ખુબ જ રસાળ..રસપ્રદ અને રમુજી શૈલી માં -ઉપરોક્ત ઉપનિષદો એ ગયેલા- અક્ષરબ્રહ્મ ના મહિમા નું વર્ણન કરતા…..જીવ ને એક પ્રગટ અક્ષર બ્રહ્મ સત્પુરુષ માં જોડવા વિષે ઊંડાણ પૂર્વક વાત કરી…..જોઈએ સારાંશ…..

  • કથા વાર્તા….કીર્તન….ધ્યાન એ સર્વે ભગવાન ને રાજી કરવા ના ઉપાય છે…..નિર્દોષ બુદ્ધિ …..એ પણ ભગવાન ને -સંત ને રાજી કરવા નો એક શ્રેષ્ઠ ઉપાય છે..જેના વગર સત્સંગ માં આગળ વધાતું જ નથી….
  • સત્પુરુષ ના પ્રત્યેક શબ્દ એ જો જીવ માં ઉતરે તો કશું બાકી ન રહે…..જેના મનન..નિદિધ્યાસ થી જીવ એ અક્ષરબ્રહ્મ સંગે અક્ષર રૂપ થાય છે….
  • પણ અક્ષરબ્રહ્મ પુરુષ ને ઓળખવા કઈ રીતે??? એ માટે એ પુરુષ ને પારખવા પડે…..તેમના ગુણ….ગુરુ પરમ્પરા ને જોવી પડે……એમના નિત્ય સમાગમ માં રહેવા થી જ એ ઓળખાય…અને સમજાય કે મૂળ અક્ષર તો એક જ હોય…..એ પુરુષ મળે તો આપણા ભાગ્ય નો પાર ન રહે…..એમના માં હેત આપોઆપ થાય…જગત ના બંધનો છૂટી પડે……અને જીવ બ્રહ્મરૂપ થવા માટે આગળ વધે…..!
  • માટે જ સત્સંગ માં- જીવ ની સૌથી નજીક ભગવાન હોય છે અને દેહભાવ સૌથી દુર……બસ આ દેહભાવ..અહં ભાવ ટળે એટલે જ ભગવાન મળે……”હું ટલે હરિ ઢૂંકડા” જેવી વાત છે…..
  • માટે જ સત્સંગ માં આવીએ – એટલે સત્પુરુષ ઓળખાયા…..એમનો મહિમા જાણવો….તેનું નિરંતર મનન કરવું……તેમનામાં સહેજે હેત કરવું….આત્મ બુદ્ધિ દ્રઢ કરી..દીવ્યભાવે જોડાવું…તો સહેજે નિર્વાસનિક થવાશે…કારણ શરીર ટળશે…….
  • સત્પુરુષ ને રાજી કરી લેવા…એ માટે આજ્ઞા..ઉપાસના…સંપ..સુહાર્દ ભાવ..એકતા ..પક્ષ જેવા ગુણ કેળવવા….મહંત સ્વામી મહારાજ કહે છે તેમ- સર્વે હરિભક્ત માં દિવ્ય ભાવ રાખવો…..સત્સંગ માં કોઈનો અવગુણ ન લેવો…સંપ રાખવો……
  • તો જ અંતર માં ટાઢું રહેશે…..ભગવાન નું ભજન આપોઆપ થશે…..પ્રત્યેક ક્રિયામાં ભગવાન આગળ રહેશે…..અને ભજન કરતા કરતા ક્રિયા થશે…..અડચણ નહિ આવે….
  • છેલ્લે- સત્સંગ…સમજણ અને વિવેક વગર નકામો……..! એ નિરતંર યાદ રાખવું….અને એ સાથે સત્પુરુષ માં દિવ્યભાવ રાખી દ્રઢ પણે જોડાવું…………

અદભુત…..અદભુત….! આ તો સાર માત્ર અહી લખ્યો છે….બાકી- પુ.આચાર્ય સ્વામી ને રૂબરૂ સાંભળવા નો લ્હાવો લો તો ખબર પડે કે- મહિમા…બળ…નિષ્ઠા નો કેફ કોને કહેવાય??? અત્યંત સરળ પણ રસપ્રદ શૈલી માં સર્વ મહિમા પ્રસંગો ને વચનામૃત- સ્વામી ની વાતો ને આધારે એકબીજા સાથે ગુંથી ને જે અતુલ્ય પ્રવચન બને છે……તે સાંભળી ભલભલા ના હૈયા ડોલી ઉઠે…!!!

છેવટે – સભાને અંતે….અમુક જાહેરાતો થઇ…

  • યોગી દેરી એ ખેલે…..નામનું પુસ્તક પ્રગટ થયું છે….
  • અમદાવાદ માં બ્રહ્મસત્ર નો પ્રથમ ભાગ- આવતા રવિવારે છે…..પૂ.અપૂર્વમુનિ લાભ આપવાના છે…….
  • ગાંધીનગર અક્ષરધામ નો વોટર શો- વાર્ષિક મેન્ટેનન્સ માટે 20 માર્ચ થી 4 એપ્રિલ સુધી બંધ રહેશે।….

અદ્ભૂત। .અદભુત…….! બ્રહ્મજ્ઞાન ની વાતો….એ પણ સહજ શૈલી માં તો અહી જ શીખવા મળે….! વિચારવા જેવું છે કે- જો એક રવિસભા ચુકી જવાય તો આ જીવ ને કલ્યાણ માં કેટલું છેટું પડી જાય??? એ માટે જ બ્રહ્મસ્વરૂપ યોગીજી મહારાજ કહેતા કે….પચીસ હજાર નો નફો જતો કરી ને પણ રવિસભા નો લાભ લેવો,….

જય સ્વામિનારાયણ…….

રાજ


Leave a comment

BAPS રવિસભા- ૦૫/૦૭/૨૦૧૫

“……….અને અષ્ટાવરણે યુક્ત એવાં જે કોટિ કોટિ બ્રહ્માંડ તે જે અક્ષરને વિષે અણુની પેઠે જણાય છે, એવું જે પુરુષોત્તમ નારાયણનું ધામરૂપ અક્ષર તે રૂપે પોતે રહ્યો થકો પુરુષોત્તમની ઉપાસના કરે, તેને ઉત્તમ નિર્વિકલ્પ નિશ્ચયવાળો કહીએ………….”

—————————————

ભગવાન શ્રી સ્વામિનારાયણ- વચનામૃતમ-લોયા-૧૨

સર્વોપરી અક્ષર પુરુષોત્તમ સિધ્ધાંત કે જે વેદોક્ત છે……હજારો-લાખો વર્ષ થી વેદો દ્વારા પ્રસ્તુત…સ્વયમ પુરુષોત્તમ દ્વારા…..ગુણાતીત પુરુષો દ્વારા ઉદગારેલ સિધ્ધાંત છે…..અને આ સિધ્ધાંત ને આધારે બ્રહ્મ સ્વરૂપ શાસ્ત્રીજી મહારાજે -કપરા સમય માં પણ પાંચ ગગનચુંબી મંદિરો સ્થાપ્યા..- અક્ષર પુરુષોત્તમ મહારાજ ને મધ્ય ખંડ માં સ્થાપિત કરી એ સિધ્ધાંત ને..શ્રીજી-સ્વામી ના હૃદયગત સિધ્ધાંત ને મૂર્તિમંત કર્યો…….અને પરિણામ??? આજે ૧૫૦૦ થી વધુ મંદિરો…..૯૫૦ થી વધુ અતિ વિદ્વાન સંતો – લાખો નિષ્ઠાવાન હરિભક્તો….દુનિયા ના ખૂણે ખૂણે….પ્રગટ બ્રહ્મ સ્વરૂપ પ્રમુખ સ્વામી મહારાજ ની નિશ્રામાં – એક સુરે આ સિધ્ધાંત નું ગાન કરી રહ્યા છે……”येनाक्षरम पुरुष वेदं……सत्यम प्रोवाच,,..तामं तत्वतो ब्रह्मविघ्याम.’ !

આજની સભામાં – આ સિધ્ધાંત ને વરેલા -સંસ્થા ના અતિ વિધવાન સંત- વેદો માં ડી.લીટ. અને અક્ષર પુરુષોત્તમ ભાષ્ય ના રચયિતા પુ.ભદ્રેશ સ્વામી- વર્લ્ડ સંસ્કૃત કોન્ફરન્સ -થાઈલેન્ડ માં – આ સિધ્ધાંત ના- સંસ્થા ના- સત્પુરુષ અને શ્રીજી ના ડંકા વગાડી ને આવ્યા હતા….એમને ત્યાં આગળ અભૂતપૂર્વ સન્માન પ્રાપ્ત થયું……વેદાંત માર્તંડ ની ઉપાધિ મળી…..એમને રચેલા અક્ષર પુરુષોત્તમ ભાષ્ય ના ગ્રંથો બેંગકોક ની પ્રતિષ્ઠિત યુનીવર્સીટી માં સ્થાન પામ્યા……!!! અને દુનિયા આખી માં – સ્વામિનારાયણ સંપ્રદાય નો પોતાનો…”તત્વ વાદ” મળ્યો……જે ” બ્રહ્મ-પરબ્રહ્મ દર્શન” અથવા “સ્વામિનારાયણ દર્શન” તરીકે દુનિયામાં સ્પષ્ટ થયું…..! તો આજની સભા આ સિધ્ધાંત ને…આ વિદ્વાન પુરુષ ને…ગુણાતીત પુરુષો ના મહિમા ને સમર્પિત હતી….

શરૂઆત- શ્રીજી ના અદ્ભુત દર્શન થી…………

11703038_441233176064860_3064997417090149059_n

યુવકો દ્વારા ધુન્ય થી શરૂઆત થઇ……ત્યારબાદ- તેમના દ્વારા જ બે કીર્તન રજુ થયા…..”મન વસિયો રે મારે..મન વસિયો…” અને “વ્હાલા તારી મૂર્તિ અતિ રસરૂપ…..” પ્રેમાનંદ સ્વામી રચિત રજુ થયું……….અને ત્યાર બાદ જેની ઉત્કંઠા થી રાહ જોવાતી હતી- એ પુ.ભદ્રેશ સ્વામી નું પ્રવચન શરુ થયું………પુ.ભદ્રેશ સ્વામી,પુ.અક્ષર વત્સલ સ્વામી અને અન્ય એક સંત તથા ચારેક હરિભક્તો – બેંગકોક- આંતરાષ્ટ્રીય સંસ્કૃત પરિષદ માં- અક્ષર પુરુષોત્તમ સિધ્ધાંત ના વાવટા ફરકાવી ને- ચાર દિવસ ના પ્રવાસે થી પાછા આવ્યા છે……..જોઈએ એનો સારાંશ….

10409357_865175886853714_4740774473844568335_n

  • અક્ષર પુરુષોત્તમ સિધ્ધાંત ની પ્રાપ્તિ અજોડ..અતુલ્ય છે……
  • આ સિધ્ધાંત સનાતન એટલે કે નિત્ય છે…વેદોક્ત છે…..કોઈ ખુણીયુ જ્ઞાન નથી……કે શાસ્ત્રીજી મહારાજે પોતે નીપજાવેલું જ્ઞાન નથી…..
  • અક્ષર પુરુષોત્તમ સિધ્ધાંત ને વરેલી આપણી સંસ્થા……એ સ્વયમ શ્રીજી ના સિધ્ધાંત ને વરેલી સંસ્થા છે…..વચનામૃત ને પાને પાને- આ સિધ્ધાંત છે…………વેદો-ઉપનિષદ, ગીતા, બ્રહ્મ સૂત્ર માં પણ આ સિધ્ધાંત પ્રસરેલો છે…….અને એનો સાર શ્રીજી એ કાઢ્યો- અને વચનામૃત માં સહજ ભાષા માં રેડયો…..
  • ૧૦૮ થી વધુ ઉપનિષદ છે પણ મુખ્ય ૧૦ ઉપનીષદો માં- આ સિધ્ધાંત મૂળ તત્વ તરીકે છે……..પ્રસ્થાન ત્રયી( ઉપનિષદ+ગીતા+બ્રહ્મ સૂત્ર) માં આ વર્ણવેલો છે…………..
  • મૂંડક ઉપનિષદ માં બ્રહ્મ વિદ્યા એટલે- અક્ષર અને પુરુષોત્તમ ને જાણવા ની વિદ્યા ની સ્પષ્ટ વ્યાખ્યા છે….
  • લોયા-૧૨, લોયા-૬ ,ગઢડા મધ્ય-૩, ૧૩, પ્રથમ-૨૮, ૭૧ વગેરે અનેક વચનામૃતો માં અક્ષર બ્રહ્મ તત્વ નો મહિમા -સ્વરૂપ શ્રીજી એ કહ્યું છે…….
  • ગીતા ના અધ્યાય ૧૫ માં- ૧૬ થી ૧૮ શ્લોક માં – અક્ષર અને પુરુષોત્તમ ની વ્યાખ્યા- કૃષ્ણ ભગવાને કરી છે……
  • એ જ રીતે ૧૮ માં અધ્યાય માં -૫૪ માં શ્લોક માં – સ્પષ્ટ કહ્યું છે કે- જે બ્રહ્મ રૂપ થાય છે તેને જ પરબ્રહ્મ ની ભક્તિ નો અધિકાર છે…..
  • તૈતરીય ઉપનિષદ ના ત્રણ ભાગ છે- એમાં મધ્ય નો ભાગ- આનંદ વલ્લી તરીકે ઓળખાય છે…..તેના પ્રથમ શ્લોક માં જ -અક્ષર અને પુરુષોત્તમ ની વ્યાખ્યા છે….
  • ગીતા ની શરૂઆત જ અર્જુન ના વિષાદ ને દુર કરવા માં થી થાય છે….અર્જુન ને ત્રણ દુખ છે….દુખ, માયા અને અશ્રુ……અને ભગવાન – અર્જુન ને મોહ-માયા માં થી મુક્ત કરી પોતાના માં સ્થિર કરવા જે સંદેશ કરે છે- તે જ ગીતા…….આમ, જે મોહ માં થી મુક્ત થઇ- એક ભગવાન માં સ્થિર થાય તે જ સ્થિતપ્રજ્ઞ…તે જ બ્રહ્મ……અને આમ, આખી ગીતા – બ્રહ્મ -પરબ્રહ્મ કહેતા કે અક્ષર પુરુષોત્તમ સિધ્ધાંત પર જ છે…..
  • અને આવા જ બ્રહ્મ રૂપ..સ્થિતપ્રજ્ઞ પુરુષ આજે પ્રમુખ સ્વામી મહારાજ છે………….તેમને જાણવા થી જ આપણે પણ બ્રહ્મ રૂપ થઇ શકીએ……ગીતાનો અધ્યાય ૨ -આ જ કહે છે……….અને પરિણામે- પ્રમુખ સ્વામી મહારાજ આજે સવાયું કામ કરી રહ્યા છે……….કરતા રહેશે……
  • આમ, આ સિધ્ધાંત એ જીવવા નો સિધ્ધાંત છે…..મૂર્તિમંત છે…..અને પ્રમુખ સ્વામી રૂપે સ્પષ્ટ જોઈ શકાય છે…………..બ્રહ્મ રૂપે એ સ્વયમ પુરુષોત્તમ ને પ્રગટ પ્રમાણ ધારી રહ્યા છે…………..

અદ્ભુત………અદ્ભુત…..અદ્ભુત…..! અગાધ જ્ઞાન……અદ્ભુત છણાવટ………………!!! પુ.ભદ્રેશ સ્વામી ના ચરણો માં કોટી વંદન……….

નીચેની ઓડીઓ લીંક થી આ પ્રવચન ( મોબાઈલ રેકોર્ડેડ) સાંભળી શકાશે…….

પુ.ભદ્રેશ સ્વામી પ્રવચન- રવિસભા-અમદાવાદ

ત્યારબાદ પુ.અક્ષર વત્સલ સ્વામી એ થાઈલેન્ડ યાત્રા ની માહિતી આપી…..

  • થાઈલેન્ડ ની બેંગકોક ની  યુનીવર્સીટી માં સંસ્કૃત નો વિશિષ્ટ વિભાગ છે…..થાઈલેન્ડ ના રાજકુમારી પણ સંસ્કૃત માં ડોકટરેટ ની ડીગ્રી ધરાવે છે……અને પરિણામે- આંતર રાષ્ટ્રીય સંસ્કૃત પરિષદ નું -ચાર દિવસ નું આયોજન અહી થયું કે જેમાં- જુદા જુદા દેશ ના ૬૫૦ થી વધુ નિષ્ણાતો એ ભાગ લીધો……
  • પુ.ભદ્રેશ સ્વામી ને ઉદ્ઘાટન ના દિવસે જ પ્રવચન નો લાભ મળ્યો……એમના ભાષ્ય ના ગ્રંથો ને ઉદ્ઘાટન ના દિવસે જ- રાજકુમારી ને હાથે પરિષદ માં સન્માન મળ્યું…..યુનીવર્સીટી માં સ્થાન મળ્યું……બધા મહાનુભાવો ની પ્રશસ્તિ મળી..સન્માન મળ્યા અને સ્વામિનારાયણ ભગવાન, એમના આ સિધ્ધાંત અને આપણા ગુરુ હરિ ની જય જય કાર થઇ…………..
  • ત્યારબાદ વિડીઓ સ્લાઈદ્ઝ દ્વારા પણ એનું દર્શન સમગ્ર સભા ને થયું ………અદ્ભુત..!
  • ત્યાના આપણા ભારતીય રાજદૂત દ્વારા સંતો ને જે સન્માન મળ્યું તે પણ અદ્ભુત હતા…….ડો.અબ્દુલ કલામ દ્વારા લિખિત બુક – Transcendence નું પણ સન્માન થયું…………..

અને સભા ને અંતે- પુ.ઈશ્વર ચરણ સ્વામી દ્વારા – પુ.ભદ્રેશ સ્વામી નું જાહેર માં સન્માન થયું…’ વેદાંત માર્તંડ ” ની ડીગ્રી ફરીથી એનાયત થઇ……….અને સમગ્ર સભા તાળીઓ ના શોર થી ગુંજી ઉઠી…………..સતત પાંચ મિનીટ થી વધુ સમય સુધી એકધારી તાળીઓ પડતી રહી………

આવતા ૧૧ તારીખે- સાંજે- ગાંધીનગર અક્ષર ધામ – AARSH માં- પુ ભદ્રેશ સ્વામી નું ઊંડાણ પૂર્વક પ્રવચન છે……….જરૂર લાભ લેવો………. આ સિવાય- બે નવી બુક- અંગ્રેજી માં- Impressions( શ્રીજી ચરિત વિહાર પર આધારિત) અને  Hinduism  પ્રગટ થયા…….એ સિવાય બે ડીવીડી- “કફન” અને બાળ વિકાસ પર આધારિત – પ્રગટ થયા એનું અનાવરણ થયું………….

તો આજની સભા- અદ્ભુત હતી…………મુદ્દા ની હતી……..પાયા ની હતી………અવિસ્મરણીય હતી…………..

સર્વોપરી અક્ષર પુરુષોત્તમ સિધ્ધાંત ને સમજતા રહેજો…………..જીવતા રહો……….એ સમજ્યા-જાણ્યા-જીવ્યા સિવાય છૂટકો જ નથી……….

गुणातीतो अक्षरम ब्रह्म भगवान् पुरुषोत्तम

जनोजानम नीदं सत्यम मुच्यते भव बंधनात

જય સ્વામિનારાયણ…………..અક્ષર પુરુષોત્તમ મહારાજ ની જય હો…….

રાજ


Leave a comment

BAPS રવિસભા-૦૨/૦૩/૨૦૧૪

“..અને જેવું પરોક્ષ ભગવાનના રામ-કૃષ્ણાદિક અવતારનું માહાત્મ્ય જાણે છે તથા નારદ, સનકાદિક, શુકજી, જડભરત, હનુમાન, ઉદ્ધવ ઇત્યાદિક જે પરોક્ષ સાધુ તેનું જેવું માહાત્મ્ય જાણે છે તેવું જ પ્રત્યક્ષ એવા જે ભગવાન તથા તે ભગવાનના ભક્ત સાધુ તેનું માહાત્મ્ય સમજે તેને કલ્યાણના માર્ગમાં કાંઈયે સમજવું બાકી રહ્યું નહીં…….તે આ વાર્તા એક વાર કહ્યે સમજો અથવા લાખ વાર કહ્યે સમજો, આજ સમજો અથવા લાખ વર્ષ કેડે સમજો પણ એ વાત સમજ્યે જ છૂટકો છે…”

———-ભગવાન શ્રી સ્વામિનારાયણ-વચનામૃતમ-ગઢડા મધ્ય-૨૧ —–

“વંદન કરું શિરનામી  રે….જય જય યજ્ઞપુરુષ સુખકારી…”…બ્રહ્મ સ્વરૂપ શાસ્ત્રીજી મહારાજ સાર્ધ શતાબ્દી મહોત્સવ- નું આ વર્ષ હવે ધીરે ધીરે રંગ પકડી રહ્યું છે…..અને સાથે સાથે ભક્તો-મુમુક્ષો ની નિષ્ઠા પણ…..! સર્વોપરી અક્ષર પુરુષોત્તમ સિધ્ધાંત ના વાવટા- ચો દિશા માં ફરકી રહ્યા છે અને આ જ્ઞાન – હવે મુમુક્ષો ના મન માં- મગજ માં- હૃદય માં- આત્મા માં પણ દ્રઢ નિષ્ઠા અને સમજણ ના બીજ વાવી રહ્યું છે…….શાસ્ત્રીજી મહારાજ નો – ગુણાતીત પુરુષો- અનેક અક્ષર પુરુષોત્તમ સિધ્ધાંત ના લડવૈયા ઓ નો – દાખડો સફળ થઇ રહ્યો છે…….! તો- આજ ની સભા આ નિષ્ઠા પર જ હતી.

આજે સભામાં સમયસર પહોંચી ગયો……અને પહોંચ્યા બાદ- હમેંશ ની જેમ મારા વ્હાલા ના-જગત ના ધણી ના- ધામ-ધામી-મુકતો ના દર્શન કરવામાં આવ્યા…….એમના ચરણો માં પ્રાણ પાથરવા માં આવ્યા…….તમે પણ આ અદ્ભુત દર્શન કરો…..

1911955_234854950036018_897134546_n

સભા માં સ્થાન ગ્રહણ કર્યું ત્યારે- સંતો-યુવકો દ્વારા…..”જય અક્ષર પતિ પુરુષોત્તમ…..જય જય સ્વામી સહજાનંદ….” ની ધૂન  થઇ રહી હતી……..”ગુણાતીતાનંદ સ્વામી એ જ મૂળ અક્ષર અને સહજાનંદ સ્વામી એ જ પૂર્ણ પુરુષોત્તમ..” એમાં વળી વિચારવા નું શું? આ બ્રહ્મ સત્ય પર તો આજે સમગ્ર સ્વામિનારાયણ સંપ્રદાય ના વાવટા- બ્રહ્માંડ માં ફરકી રહ્યા છે……અને સ્વામી- શ્રીજી નું આ નામ- આજે ધરતી ના દરેક ખંડ માં ગુંજી રહ્યું છે……! ત્યારબાદ- પુ. સંત દ્વારા સદગુરુ પ્રેમાનંદ સ્વામી રચિત એક પદ….”યેહી પાવન પદરજ પ્રતાપ સે…પાયો મહાસુખ…” રજુ થયું……..અદ્ભુત લાગ્યું……! ભગવાન ના પુનીત ચરણ ની રજ માત્ર થી જન્મ-જન્માંન્તરો ના પાપ-દોષ બળી ને ભષ્મ થઇ જાય છે….અને જીવ “શિવ” ને પામે છે……..

ત્યારબાદ- બ્રહ્મ સ્વરૂપ શાસ્ત્રીજી મહારાજ ના મૂળ ના અંગ…….- આજ્ઞા, ઉપાસના, સદભાવ અને પક્ષ…….એ ચાર ગુણધર્મ પર બાળ વક્તા થી શરુ કરી ને યુવા વક્તા ઓ એ સુંદર નિરૂપણ કર્યું…….સાથે સાથે શાસ્ત્રીજી મહારાજ ની અસલ અવાજ માં ઓડીઓ ક્લીપ- અને વિડીયો ક્લીપ દ્વારા સંદેશ પણ માણવા મળ્યા……જોઈએ અમુક અંશ….

  • આજ્ઞા- બાળ વક્તા- પાર્થ મોદી એ – અદ્ભુત નિરૂપણ કર્યું……શાસ્ત્રીજી મહારાજ  -શ્રીજી ના આપેલા -ત્યાગી ના નિયમ ધર્મ માં- એટલા તો દ્રઢ હતા કે- એમની શાખ- વડતાલ ના કોઠારી ગોરધન ભાઈ પૂરતા…….ગોરધન કોઠારી ના મતે- એ સમય ના વડતાલ ના ૨૦૦૦ સાધુઓ માં- શાસ્ત્રીજી મહારાજ ના સમાન કોઈ સાધુ ન હતો……એ અજોડ હતા…….લાખો ના મંદિરો બનતા છતાં- પોતાના ખીસા માં – રેલ્વે ની ટીકીટ કઢાવવા ના ચાર આના પણ ન મળે…..! અને એમના વચન માં એટલી સત્યતા કે- એ છડેચોક કહેતા કે- એમને જીવનમાં પસ્તાવા જેવું કોઈ કાર્ય કે નિર્ણય નથી કર્યો…..! અદ્ભુત અદ્ભુત…..
  • ઉપાસના- વિડીયો અને શાસ્ત્રીજી મહારાજ ની અસલ અવાજ ધરાવતા ઓડિયો દ્વારા માલજી સોની નો પ્રસંગ રજુ થયો…..કે જેમાં સ્વયમ ગોપાળાનંદ સ્વામી એ- ગુણાતીતાનંદ સ્વામી એ જ મૂળ અક્ષર- એની ઓળખાણ કરાવેલી- એ સાંભળવા મળ્યો…..અદ્ભુત અવાજ હતો- શાસ્ત્રીજી મહારાજ  નો…! વળી- યુવાન વક્તા- યોગેશ પટેલે જણાવ્યું કે……વિવિધ વચનામૃત- ગ.મ.૨૧,ગ.પ્ર.૨૧,૭૧…૫૬..લોયા ૧૨…..અંત્ય-૩૮…..વગેરે પર થી શાસ્ત્રીજી મહારાજે પોતાની ઉપાસના અને સિધ્ધાંત ને હજારો સુધી ડંકા ની ચોટ પર પહોંચાડ્યા……! જુનાગઢ ના સદગુરુ સંત સ્વામી બાલમુકુન્દ દાસે ૪૦ થી વધુ મંદિરો માં- એ સમય માં -ગુણાતીત સ્વામી ની મૂળ અક્ષર -એમ લખેલી પ્રતિમા ઓ ધરાવેલી. એટલે -ગુણાતીત જ મૂળ અક્ષર – એ વાત એ સમયે જુનાગઢ માં ઠેર ઠેર- પ્રચલિત હતી……આમ અક્ષર પુરુષોત્તમ ઉપાસના – એ સાબિત થયેલી જ છે…..અને એજ સિધ્ધાંત પર જ શાસ્ત્રીજી મહારાજે વડતાલ છોડ્યું હતું….
  • સદભાવ- શાસ્ત્રીજી મહારાજ ના નિષ્ઠાવાન ભક્તો- મોતીભાઈ અને આશાભાઈ પર એક વિડીયો-નિરૂપણ  રજુ થયો…..ભગવાન, એમના મુકતો-સંતો અને એકાંતિક ભક્તો માં દિવ્યભાવ થી વર્તવું – એટલે જ સદભાવ….અને આ જ સત્ય ને- મોતીભાઈ અને આશાભાઈ એ જીવન માં સાંગોપાંગ ઉતાર્યું હતું…..મોતીભાઈ ના માથે તો -માથા ના વાળ જેટલું દેવું….અત્યંત ભીડો છતાં- શાસ્ત્રીજી મહારાજ એમને ભીડા માં રાખતા….પણ એ ભક્તરાજ ની ખુમારી એવી કે- સ્વામી ની મરજી એ જ આપનું પ્રારબ્ધ- એમ વિચારી ને અયાચક પ્રમાણે વર્તતા…..એટલી ઉચ્ચ નિષ્ઠા એમના માં હતી…….!
  • પક્ષ- યુવા વક્તા- નીલેશ બ્રહ્મભટ્ટે- શાસ્ત્રીજી મહારાજ ના જીવન ના વિવિધ પ્રસંગો- જેવા કે- સારંગપુર મંદિર માં મધ્ય ખંડ માં – લીંબડી દરબાર સામે થઇ ને અક્ષર પુરુષોત્તમ પધરાવ્યા…..એનું વર્ણન કર્યું…..સામાન્ય રીતે ભગવાન નો પક્ષ રાખવો સહેલો હોય છે-પણ એમના ભક્ત નો પક્ષ રાખવો કઠીન હોય છે……અને શાસ્ત્રીજી મહારાજે એ જ કઠીન કાર્ય ડંકા ની ચોટ પર કર્યું…..

ત્યારબાદ- અક્ષર શું છે? સત્પુરુષ નો મહિમા…ભગવાન નો મહિમા શું છે? ગુરુ નો મહિમા શું છે? એ ઉપનિષદ ના શ્લોકો દ્વારા રજુ થયું…….શ્રીમદ ભાગવત અને ઉપનિષદ( મુંડક, કઠોપનિષદ વગેરે……) માં અક્ષર પુરુષોત્તમ સિધ્ધાંત નું ગાન સ્પષ્ટ રીતે થયેલું છે…..

ત્યારબાદ- પ્રસંગોચિત- પ્રવચન માં- પુ.ઈશ્વરચરણ સ્વામી એ – બ્રહ્મ સ્વરૂપ શાસ્ત્રીજી મહારાજ ના જીવન ના આ ચાર પક્ષ – પ્.પુ.પ્રમુખ સ્વામી મહારાજ ના વિવિધ પ્રસંગો દ્વારા વર્ણવ્યા…….પ્રમુખ સ્વામી મહારાજે- આજીવન- ….શાસ્ત્રીજી મહારાજ ને આપેલા વચન નું પાલન કર્યું છે……યોગીજી મહારાજ ના રાજીપા ને જ પ્રાથમિકતા આપી છે…..અને અક્ષર પુરુષોત્તમ સિધ્ધાંત માટે ૧૧૦૦ થી વધુ મંદિરો- ૯૦૦ થી વધુ સાધુઓ અને લાખો-કરોડો હરિભક્તો તૈયાર કર્યા છે. એમાં  ઘનશ્યામ પટેલ( મૂળ અમેરિકા ના…હાલ દિલ્હી અક્ષરધામ માં છે…) જેવા અતિ નિષ્ઠાવાન ભક્તો તો સ્વામીશ્રી ને રાજી કરવા એમના એક વચને – પાંચ પાંચ વર્ષ સુધી રસોડા ના સાંકડા રેક  માં સુઈ ને કાઢ્યા હતા…….એવા પણ છે…..!

અદ્ભુત…અદ્ભુત……આ બધી દિવ્યતા…અહી જ છે…….! સ્વામી-શ્રીજી અહી જ પ્રગટ છે….એમાં રતીભાર પણ સંશય નથી…….

ત્યારબાદ- સભા ને અંતે- અમુક જાહેરાતો થઇ……

  • સ્વામિનારાયણ ધુન્ય-૪ – ઓડીઓ સીડી પ્રગટ થઇ છે……
  • આવતા રવિવારે- અગાઉ જણાવ્યા મુજબ- પુ.બ્રહ્મદર્શન સ્વામી દ્વારા જ્ઞાન-સત્ર – અમદાવાદ ના અમુક વિસ્તાર ના હરિભક્તો અને શહેર ના બધા કાર્યકર્તા ઓ માટે છે…….સમય- સવારે- ૮ થી સાંજે ૬.૩૦ સુધી……રવિસભા- માત્ર નિયમ ધરાવતા હરિભક્તો માટે જ- ૪ થી ૬.૩૦ દરમિયાન- આ સાથે જ હશે……..અને રજીસ્ટ્રેશન પણ ત્યાં જ થશે……….હું જવાનો છું….તમે????? આ અદ્ભુત મોકો ચૂકવા જેવો નથી……..

તો આજની સભા- સર્વોપરી હતી- સર્વોપરી સિધ્ધાંત માટે હતી……સર્વોપરી ગુરુ…સર્વોપરી ભગવાન માટે હતી…….! જે સમજ્યે જ છુટકો છે બાકી- કોઈ કાળે છુટકો જ નથી………

થોડા માં ઘણું બધું સમજો……કારણ કે આ સત્સંગ છે……ભક્તિ છે……કોઈ મનોરંજન નથી.

જય સ્વામિનારાયણ….જય જય અક્ષર પુરુષોત્તમ……..

રાજ


Leave a comment

BAPS રવિસભા- તા ૩૦/૦૬/૨૦૧૩

                                          “યુવકો તો મારું હૃદય છે……………………………………………………………….”

—- બ્રહ્મસ્વરૂપ યોગીજી મહારાજ—–

જેમ ગઈ રવિસભા માં જાહેરાત થઇ હતી એમ -આજ ની રવિસભા એ નવયુવાનો ને સમર્પિત હતી કે જે આજે- બાળ/કિશોર મંડળ માંથી યુવક મંડળ માં પ્રવેશ કરી રહ્યા હતા……ધોરણ- ૮ માં થી ધોરણ ૯ માં પ્રવેશ કરી રહેલા આ નવયુવાનો – આપની ગુણાતીત પરંપરા ના સંસ્કારો છે….આદર્શો છે…..કે જે સમજણ નો એક ઓર સીમાડો સર કરવા જઈ રહ્યા છે…..

આજે રવિસભામાં જરા મોડો પહોંચ્યો…..મેઘરાજા અમદાવાદ માં જરા રિસાઈ ગયા છે , આથી ગરમી હજુ પણ યથાવત છે …એસી ની ધ્રુજારી હજુ પણ સંભળાય છે…..મંદિરે સર્વ પ્રથમ મારા વ્હાલા ના દર્શન હૃદય ભરી ને કરવામાં આવ્યા…..છતાં સંતૃપ્તિ થતી જ નથી…ઈચ્છા થાય છે કે- દર્શન બસ કર્યા જ કરીએ…….પુ.શાસ્ત્રીજી મહારાજ અને પુ.યોગીજી મહારાજ ની મૂર્તિઓ રીનોવેશન ના કારણે વિસ્થાપિત કરવામાં આવી છે……જે ટૂંક સમય માં પુનઃ સ્થાપિત કરવામાં આવશે……તમે પણ કરો આજના દર્શન…..

આજ ના દર્શન....

આજ ના દર્શન….

સભામાં બેઠા ત્યારે- સંતો અને યુવકો દ્વારા ધુન્ય અને કીર્તન થઇ રહ્યા હતા -પુ.યોગીપ્રેમ સ્વામી ના સ્વરે કીર્તન..” પ્રાણી સ્વામિનારાયણ ગઈ એ રે…..” ચાલી રહ્યું  હતું…..અને માહોલ હરિમય બની રહ્યો હતો . ત્યારબાદ- યુવક મંડળ ના એક યુવક -વ્રજ શાહે- આપણી ગુણાતીત પરંપરા ના યુવકો પ્રત્યે ના સ્નેહ-પ્રેમ ના અનેક ઉદાહરણો-પ્રસંગો સભા ને સંભળાવ્યા….યોગીજી મહારાજ અને પ્રમુખ સ્વામી મહારાજ માટે તો યુવકો જ એમનું હૃદય છે…એવા અનેક કિસ્સા અઆપને સાંભળ્યા છે- અનુભવ્યા છે. યોગીજી મહારાજ હોય કે પ્રમુખ સ્વામી મહારાજ- એમણે યુવકો ને પોતાના નિર્માની, નીસ્વાદ, નિર્મોહી અને નિષ્કામી , નિર્લોભી સ્વભાવ થી – પોતાની સાધુતા થી આકર્ષ્યા અને હરિ માં જોડ્યા…….પોતાના ભીડા અને તકલીફો સામે એમણે જોયું જ નથી……બસ એમણે યુવકો ને કલ્યાણ માટે નો સેતુ બનાવ્યા અને કલ્યાણ ના…શ્રીજી ના રાજીપા ના અધિકારી બનાવ્યા……..ઈતિહાસ આ પ્રસંગો નો સાક્ષી હમેંશા રહેશે………..

ત્યારબાદ તૈતરીય ઉપનિષદ પર આધારિત -યુવાની ની વ્યાખ્યા ને સુસંગત- એક નાટક પ્રસ્તુત થયું……વાસુદેવ ટાંક દ્વારા લેખિત- અદ્ભુત નાટિકા- “યુવાનો નો હાથ…પ્રમુખ નો સાથ” રજુ થયું……બાળમંડળ માંથી યુવક મંડળ માં પ્રવેશ કરી રહેલા એક કિશોર ને “સમય પુરુષ” એક અદ્ભુત ઉપદેશ આપે છે ..માર્ગ દર્શન આપે છે કે- યુવાની નો મતલબ શું? યુવાની નો ધ્યેય શું? ……જોઈએ એના અમુક અંશ…..

  • જીવન માં ૮ – “પ” અગત્ય ના છે……જે યુવાની નો એક અભિન્ન હિસ્સો છે- જે નક્કી કરે છે કે- યુવાની માં જીવન નો ઢાળ..કેવો હશે?  એ છે- ૧) પરિવર્તન- અર્થાત જુવાની માં..નવી સમજણ માં…સત્સંગ માં પરિવર્તન ૨)પ્રાપ્તિ- જીવન ના કયા પગલે- કયા પુરુષ ની પ્રાપ્તિ થઇ છે….. ૩)પ્રવેશ- અર્થાત- સત્સંગ પ્રવેશ…જીવન માં નવા વિચારો નો પ્રવેશ…. ૪) પુરુષાર્થ  ૫)પોષણ- હૃદય માટે…આત્મા માટે……૬) પ્રેમ- આપણા ગુરુઓ નો……અઢળક પ્રેમ જીવન ને ડગલે ને પગલે મળતો જ રહે છે……૭) પ્રસન્નતા- જીવન માં એક શ્રીજી અને સત્પુરુષ ની પ્રસન્નતા નો વિચાર જીવાય- એટલે કશું બાકી ન રહે……૮)પ્રચાર- પોતાને જે મળ્યું છે એને દુનિયામાં વહેંચવું….અર્થાત- આપણ ને મળેલું અક્ષર પુરુષોત્તમ નું અદ્ભુત સર્વોપરી જ્ઞાન- દુનિયાભર માં ફેલાવવા નું છે…એ જ પ્રતિજ્ઞા ડભાણ ખાતે- પ્રમુખ સ્વામી મહારાજે લેવડાવી હતી અને એ જ વાત શ્રીજી મહારાજે ગઢડા   ના વચનામૃતો માં ઘણી જગ્યા એ કહી છે…….
  • યુવાની ની પળો ને જો- યોગ્ય દિશા મળે…..પ્રવાહ મળે – તો એ પળો આત્મા ના કલ્યાણ માટે……જનકલ્યાણ માટે નું સાધન બને છે……

ત્યારબાદ- મારું પ્રિય ભજન- “સ્વામિનારાયણ….સ્વામીનારાયણ………” પર એક નૃત્ય યુવકો દ્વારા રજુ થયું……બાળ મંડળ  અને યુવકો  દ્વારા રજુ થયેલા આ નૃત્ય થી સમગ્ર સભા ડોલી ઉઠી………એક વાર તો મને પણ ઈચ્છા થઇ ગઈ કે- ચાલો આપને પણ સ્ટેજ પર જઈએ……અને આ અનંત યાત્રા નો- ભક્તિ નો એક હિસ્સો બની જઈએ……

ત્યારબાદ- પુ.ઈશ્વર ચરણ સ્વામી એ -પ્રસંગોચિત ઉદબોધન કર્યું……..મૂળ શાસ્ત્રીજી મહારાજ દ્વારા શરુ થયેલો- યુવા પ્રવૃત્તિ નો એક વિચાર( આફ્રિકા વાલા મગનભાઈ ના સુપુત્ર- હરિકૃષ્ણ ભાઈ એ એક વાર સભામાં આ કહ્યું હતું……આંબલીવાળી પોલ એનું સાક્ષી છે) – યોગીજી મહારાજે અમલ માં મુક્યો અને એમણે ખુબ દાખડો  લઇ ને આ યુવા પ્રવૃત્તિ શરુ કરાવી………શરુ શરુ માં ઘણા ભીડા પડ્યા પણ યોગીજી મહારાજ ની સાધુતા અને પ્રેમ ની આગળ વશ થઇ- યુવાનો એ પોતાનું સર્વસ્વ એમને અર્પણ કર્યું…….આજે સંસ્થા માં ૯૨૦ થી વધુ સાધુઓ- આં પ્રેમ-સ્નેહ ના જ સાક્ષી છે…….! આ ગુરુઓ ને પોતાનો કોઈ અંગત સ્વાર્થ ન હતો- એમણે તો આ યુવાનો નું ભલું જ વિચાર્યું હતું……..આથી બાળપણ થી જ સત્સંગ ને જોડી રાખવો…… આજે આપણો યુવાન- એક આદર્શ કહેવાય છે……એના નૈતિક મુલ્યો બધા સ્વીકારે છે…….એ જ આ વાત નો સાક્ષી છે કે- યુવા પ્રવૃત્તિ સફળ છે…..આથી આપની કારકિર્દી ની સાથે સાથે સત્સંગ ને પણ જીવન માં અતુલ્ય સ્થાન આપવું…….

ત્યારબાદ- પુ.ઈશ્વરચરણ સ્વામી એ- એક ઓડીઓ સીડી- સંત વ્યાખ્યાન-૩ ને લોન્ચ કરી…..ઉદ્ઘાટન કર્યું……સાથે સાથે એમણે એ પણ વિનંતી કરી કે- આવતા રવિવારે સત્સંગ શિક્ષણ ની પરીક્ષા છે- તો બધા એ ખુબ તૈયારી કરી ને આવવું…….મહારાજ સ્વામી અને ગુરુ ને રાજી કરવા……

એક અન્ય જાહેરાત માં……

  • અમદાવાદ માં આજે- ૨૨૫ થી વધારે બાળ મંડળ ચાલે છે- એમાંથી ૧૦૦૦ જેટલા બાળકો- વિવિધ સત્સંગ પરીક્ષાઓ માં જોડાયા હતા…અને એમાં થી ૨૭૦ જેટલા બાળકો ઉતીર્ણ થયા……તો એમનું સન્માન આજે થયું હતું……એ બાળકો આવતા રવિવારે સત્સંગ-કીર્તન નો કાર્યક્રમ આપવા ના છે…..( આની સત્યતા ચકાસી લેવી…મંદિર માં સંપર્ક કરવો…)

તો- આજ ની સભા- જીવમાત્ર ના કલ્યાણ ની હતી……..યુવાની ના પગરવ ને અધ્યાત્મિક કાનો દ્વારા સાંભળવા ની હતી…….બસ – આપણે યુવાનો આમ જ સર્વોપરી અક્ષર પુરુષોત્તમ ઉપાસના અને સિધ્ધાંત માટે પોતાના જીવન ને આ પ્રવાહ માં જોડી દઈએ- એટલે શ્રીજી- સ્વામી અને આપણા ગુરુ રાજી થાય…..

સાથે રહેજો…….જય સ્વામિનારાયણ…

રાજ


Leave a comment

BAPS પ્રમુખ સ્વામી દર્શન રવિસભા- તા ૨૪/૦૨/૨૦૧૩

“……ભગવાન અને ભગવાન ના સંત ને કુરાજી કરે ને તેણે જો સ્વર્ગ મા ગયા જેવું કર્મ કર્યું હોય તોપણ તેનો નાશ થઇ જાય ને નરક મા પડવું પડે ;અને ભગવાન અને ભગવાન ના સંત રાજી થાય એવું કર્મ કર્યું હોય ને તેને જો નરક મા જવાનું પ્રારબ્ધ હોય તોપણ તે ભૂંડા કર્મ નો નાશ થઇ જાય ને પરમ પદ ને પામે……….”

—————————————-

વચનામૃતમ- ગઢડા પ્રથમ -૪૫

    બસ આજની રવિસભા -માટે વિશેષ કશું જ નથી કહેવું…….સંસાર ની માયાજાળ ને કારણે- આજે રવિસભા નો અંત ભાગ જ મને માણવા મળ્યો….- પણ જેના માટે આ સભા હતી…જે  એનું તાત્પર્ય હતું…..જેના માટે આ સમગ્ર સત્સંગ છે….જેના માટે આ કંઠી, તિલક, માથું મૂંડાવ્યું છે……..અને એ જ  આ જીવ નો સાર છે- તેના દર્શન થયા…….! હું વાત કરી રહ્યો છું…..સત્પુરુષ ની….એવા સંત ની કે જેના વર્ણન વેદ-ઉપનિષદ-ભાગવત-ગીતા અને વચનામૃતમ મા કર્યાં છે……હવે એ તાદ્રશ્ય ,પ્રગટ આપણી સામે જ હોય તો- પછી બીજું શું વર્ણવવા નું……! બસ- આ જ સમજવા નું છે……..એને જ રાજી કરવા ના છે……

તો- આજ ની રવિસભા મારા માટે તો…- પ્રગટ ગુરુ હરિ પ.પૂ.પ્રમુખ સ્વામી મહારાજ ના દર્શન માટે જ હતી- અને એ જ પૂર્ણ સભા હતી. હું મંદિરે મોડો પહોંચ્યો( કારણ…..સંસાર…) અને મનભરી ને ઠાકોરજી ના દર્શન…..દંડવત કર્યાં…કારણ કે એમનાં થી વિશેષ હવે કશું જ નથી. હૃદય- એમનાં થી વધુ કશું જ ઇચ્છતું જ નથી………..તો-“હરિ તો હરખ ની વાત સખી…….” ની જેમ- હરખાઈ ને આ આનંદ ના દર્શન ને- સહજાનંદ ના દર્શન ને વિસ્ફારિત નેત્રે માણીએ……..અને ગમતા નો ગુલાલ કરતા રહીએ…..

આજ ના દર્શન...

આજ ના દર્શન…

ત્યારબાદ- પૂ. સ્વામીશ્રી ની સભામાં પધરામણી થવાની હતી આથી- સભાગૃહ બહાર હરિભક્તો ની સાથે બેસી ને એમની રાહ જોવામાં આવી- સાથે સાથે સહજ જ સ્વામિનારાયણ મોક્ષ મંત્ર ની માળા પણ થતી ગઈ……એક વસ્તુ તમે માર્ક કરી- ચાલુ દિવસ હોય કે રજા……સવાર હોય- બપોર હોય કે મોડી રાત્રી- પણ હરખ ઘેલા -ભાવભીના બાળ-અબાલ -વૃદ્ધ-સ્ત્રી-પુરુષ હરિભક્તો નો સ્વામીશ્રી ના દર્શન માટે નો ઇશક તો ઘટતો જ નથી……અરે….લોકો ઝાળી-ઝાંપા -કે છાજલી ઓ પર ચડી ને સ્વામી ના દર્શન કરવા કલાકો બેસી રહે છે…એ પણ પોતાના કામધંધા છોડી ને……..! આટલો બધો ઇશક-મિજાજ તો મે ક્યાંય નથી જોયો…….અને આ પર થી જ સત્પુરુષ ના મહિમા ની પ્રતીતિ થાય છે…….અદભૂત….અદભૂત…..આ નેત્ર કે જેને સદેહે – આ માહોલ….આ ભક્તિ…આવા સત્પુરુષ જોવા મળ્યા…..!

ત્યારબાદ સ્વામીશ્રી પધાર્યા અને નેણ ભરી ને દર્શન કરવામાં આવ્યા….એ સભા મા બિરાજ્યા ત્યારે કિશોરો એ નૃત્યગાન-કીર્તન થી સભા ને રંગીન બનાવી દીધી- અને મહેશ ભાઈ વૈદ્ય ના હાસ્ય-તત્વ-નાટકે તો સ્વામીશ્રી ને પણ તરબોળ કરી દીધા……અને સ્વામી ના એ જ  રાજીપા એ જ આજે સમગ્ર સભા ને- અક્ષરધામ નું વરદાન જાણે કે સહજ જ…લટકા મા આપી દીધું…………!

હૃદય ખુશ…ખુશ થઇ ગયું…સભા જાણે કે પૂર્ણ પણે સફળ થઇ…..પણ સાથે સાથે- એ પણ જ્ઞાત છે કે- મહારાજ-સ્વામીશ્રી તો આપણ ને અક્ષરધામ નું સુખ સહજ આપવા જ બેઠા છે……પણ આપણી પાત્રતા છે?????? આપણે કેટલા અંશે- એના માટે તૈયાર છીએ????

પૂછો…..પોતાના અંતરાત્મા ને પૂછો…….! બાકી- શ્રીજી અને સ્વામી એ આપણ ને સ્વીકાર્યા છે – એ જ ઘણું છે.

જય સ્વામિનારાયણ…..

રાજ