Raj Mistry's world

Me,my stories and world around….


Leave a comment

BAPS રવિસભા-૧/૧૦/૨૦૧૭

“..સંતો હરિભક્તો અક્ષરધામ નું સ્વરૂપ છે……જો તેનો અભાવ આવે તો અભાવ લેનારો અક્ષરધામ માં જઈ શકતો નથી…..તેની સહાય બધા સંતો કરે….હરિભક્તો કરે તોય તેને ધામ મળતું નથી…..અભાવ નો દોષ બધા દોષ થી અધિક છે…….હરિભક્ત નો અભાવ લેતા જે દોષ લાગે છે તેવો તો કામ,ક્રોધ,લોભ માં પણ દોષ નથી…માટે ભક્ત માં અવગુણ ન પરઠવો ને દોષ દેખાઈ જાય તો તત્કાળ શમાવી દેવો ..જેથી અભાવ નું બીજ હૃદય માં ક્યારેય પ્રગટે નહિ…….

સંતો હરિભક્તો અલૌકિક છે…..તેમનો દૈહિક દોષ દેખી ને અભાવ ન લેવો….અભાવ લે છે તેને તેટલું ફળ ભોગવવું પડે છે….તે તો બ્રહ્મઅગ્નિ જેવા છે….લીલું,સુકું જે તેનો સ્પર્શ કરે તે બળી જાય એવો એમનો સહજ સ્વભાવ છે….તેની રક્ષા ભગવાન પણ કરી શકતા નથી…..સત્સંગ ના પાંચે નિયમ દ્રઢ કરી ને રાખે તેને સંત-હરિભક્ત જાણવા…….


ભગવાન શ્રી સ્વામિનારાયણ…..શ્રીહરિ ચરીત્રામૃત સાગર-૫ અને ૮ સ્કંધ

શ્રીજી ના અદ્ભુત વચનો……આપણા ગુરુહરિ મહંત સ્વામી મહારાજ ને અતિ પ્રિય -રાજીપા ની વાત…….સત્સંગી માટે તો અભાવ-અવગુણ એ ઝેર છે…..જેનામાં એ ઘુસ્યા તેનું પતન નક્કી..! આ જ વાત મહંત સ્વામી મહારાજ – અત્યારે અમેરિકા અને યુરોપ ના વિચરણ માં છે ત્યાં બધા ને વારંવાર કહી રહ્યા છે. તેમની સાથે વિચરણ માં ૧ માસ ગુજારી ને આવેલા પુ. ઈશ્વર ચરણ સ્વામી એ સભામાં આ વાત કરી.

તો આજની સમગ્ર સભા આ વાત પર હતી…..નવરાત્રી નું ભક્તિ પર્વ ગઈકાલે જ પૂરું થયું પણ ભક્તિ અહી નિરંતર -અવિરત ક્રિયા છે….આથી આજની સભામાં – હરિભક્તો નો માનવ મહેરામણ ઉભરાતો હતો……સર્વ પ્રથમ- શ્રીજી ના દર્શન…..એકાદશી ના દર્શન……

This slideshow requires JavaScript.

સભામાં સ્થાન ગ્રહણ કર્યું એ સમયે – યુવક મિત્રો દ્વારા ધુન્ય થઇ રહી હતી…..ત્યારબાદ જૈમીન વૈદ્ય દ્વારા ” મંદિરે પધારો પિયા …શ્યામ સોહાગી..” બ્રહ્માનંદ સ્વામી ની રચના રજુ થયું…….અદ્ભુત કીર્તન..!!! ત્યારબાદ સદ્ગુરુ જગદીશાનંદ રચિત કીર્તન..” અહોનિશ દર્શન દેજો રે……” યુવક મિત્ર દ્વારા જ રજુ થયું. પુ.કૃષ્ણ સ્વરૂપ સ્વામી ના કંઠે ..” હે મનમાની મોહન તારી મૂર્તિ રે…….” રજુ થયું જેના રચયિતા બ્રહ્માનંદ સ્વામી હતા…….

ત્યારબાદ પુ.વિવેક શીલ સ્વામી જેવા પ્રખર વક્તા ને મુખે” પ્રમુખ સ્વામી મહારાજ અને મહંત સ્વામી મહારાજ ની પરા ભક્તિ” પર પ્રસંગો થી ભરપુર – વક્તવ્ય રજુ થયું …જોઈએ સારાંશ….

  • બધા સદગુણો માં ભગવાન ની ભક્તિ શિરમોર છે…અને નિષ્કુળાનંદ સ્વામી કહે છે તેમ- ભક્તિ વિના બાકી ના સર્વે ગુણ- ક્રિયાઓ-કર્મ વ્યર્થ છે……
  • અને એમાયે આત્મનિવેદી ભક્તિ તો ગુણાતીત પુરુષો ની માલિકી ની ભક્તિ છે…….પ્રમુખ સ્વામી મહારાજ ને જુઓ તો સમજાય કે એમના જીવન ની એક પણ ક્ષણ – ભગવાન – વિનાની ન હતી….
  • દરેક ક્રિયામાં – એક ભગવાન જ આગળ…..એ જ કર્તાહર્તા…….એમનું જ ધાર્યું થાય…એવો દ્રઢ ભાવ……
  • મહંત સ્વામી મહારાજ તો કહે છે કે- એક ભગવાન ને લીધે આપણે છીએ……માટે ભગવાન ને સદાયે આગળ રાખવા……
  • કોઈ ક્રિયામાં અહં પણું નહિ……હું કરું છું- એવો ભાવ જ નહિ……અને એવા આ ગુણાતીત પુરુષ – અક્ષરબ્રહ્મ પુરુષ એ ભગવાન અને ભક્ત ને જોડતો એક સેતુ છે…….તે સદાયે ભગવાન સાથે જોડાયેલા રહે છે….અને શરણે આવેલા જીવ ને – ભગવાન ના માર્ગે લઇ જાય છે…જોડે છે……

અદ્ભુત વાત…! એ પછી ગુરુહરિ મહંત સ્વામી મહારાજ ના લંડન મંદિર ખાતે ના ૨૫ સપ્ટેમ્બર -૨૦૧૭ ના વિચરણ નો વિડીયો દર્શન નો લાભ મળ્યો……..જે નીચે ની લીંક દ્વારા જોઈ શકાશે…..

ત્યારબાદ- ગુરુહરિ સાથે ૧ માસ ના અમેરિકા અને યુરોપ ના વિચરણ નો લાભ લઇ પધારેલા પુ.ઈશ્વર ચરણ સ્વામી એ – અમેરિકા અને યુરોપ ના સત્સંગ ની માહિતી આપી અને મહંત સ્વામી મહારાજ ની રાજીપા ની વાત – અભાવ -અવગુણ પર શ્રીહરિચરિત્રામૃતસાગર ગ્રંથ ને આધારે અદ્ભુત પ્રવચન આપ્યું…..જોઈ સારાંશ….

  • અમેરિકા અને યુરોપ ( યુકે) માં સત્સંગ – સર્વોપરી કક્ષા એ છે…..અમેરિકા માં સંતો-હરિભક્તો ના દાખડા ને આધારે આજે લગભગ ૯૮ મંદિર છે…….જેમાં ૬ તો શિખરબદ્ધ મંદિરો છે…અક્ષરધામ તૈયાર થઇ રહ્યું છે…….એ ન્યુ જર્સી માં જ નાના મોટા ૧૯ મંદિરો છે…….
  • અને સત્સંગ માટે – ત્યાના હરિભક્તો નો ખપ જુઓ તો……મહંત સ્વામી મહારાજ -નવું ચરિત્ર કરી ને ત્યાં આગળ સવારે ૫-૩૦ પૂજા કરે છે……તેના દર્શન માં ભક્તો દુર દુર થી વહેલા વહેલા આવી જાય છે…સ્વયમ સેવકો તો સવારે ૩-૩૦ થી રાત્રે છેક  ૧૧ વાગ્યા સુધી પાર્કિંગ-ડેકોરેશન કે રસોડા ની સેવા જેવી વિવિધ સેવાઓ માં હોંશે હોંશે ઉભા હોય છે….! અદ્ભુત….! વાહ……….
  • પુ.પરમ તત્વ સ્વામી લિખિત ગ્રંથ – An Introduction to Swaminarayan Hindu Theology – કે જે Cambridge University press દ્વારા પ્રગટ થઇ છે…..એનું વિમોચન વિશ્વ વિખ્યાત પ્રોફેસર્સ ની હાજરી માં – મહંત સ્વામી મહારાજ ના હસ્તે- અમેરિકા અને લંડન માં વિમોચન થયું…….અને એના સર્વે નિષ્ણાત દ્વારા એટલા બધા વખાણ થયા કે-શું વાત કરવી..! ભવિષ્ય માં આ ગ્રંથ ઉપર થી ત્યાના વિદ્યાર્થી પીએચડી કરશે……..

ISHT_booklaunch_webbanner20170906_Robbinsville_booklaunch__3_

  • પુ.ભદ્રેશ સ્વામી એ – પ્રસ્થાનત્રયી પર રચિત પોતાના ગ્રંથ ને આધારે – અતિ ગહન કહી શકાય તેવો “વાદ ગ્રંથ” રચ્યો છે……જે સર્વે વિદ્વાનો- અભ્યાસુ-મુમુક્ષુઓ ના સંશય ને દુર કરી જ્ઞાન રેલાવશે…..તેનું પણ વિમોચન મહંત  સ્વામી મહારાજે કર્યું…..જેને હાજર રહેલા વિદ્વાનો એ ખુબ વખાણ્યું…!!! અને અમેરિકા માં ખુબ મોટો પ્રસંગ થયો…ઉત્સવ થયો…..! ચારેબાજુ ડંકા વાગી ગયા………એમ કહી શકીએ….
  • લંડન માં – સાઉથ લંડન માં આપણું નવું મંદિર બન્યું છે……અને ઇસ્ટ લંડન માં પણ નવું મંદિર નું પ્રતિષ્ઠા- કાર્ય મહંત સ્વામી મહારાજ ના આશીર્વાદ થી થશે……….એ પછી મહંત સ્વામી મહારાજ પેરીસ જશે……ત્યાંથી દિલ્હી….અને ત્યાંથી ગાંધીનગર અક્ષરધામ ના ૨૫ વર્ષ પુરા થઇ રહ્યા છે..તેના રજત ઉત્સવ માં અહી પધારશે……

અદ્ભુત…અદ્ભુત………!!! મહંત સ્વામી મહારાજ નો આટલી ઉમરે દાખડો જુઓ તો સમજાય કે- જીવ માત્ર ના કલ્યાણ માટે ગુણાતીત પુરુષો એ પોતાનો દેહ કૃષ્ણાર્પણ જ કરી દીધો છે……ન કોઈ ઊંઘ ની કે આરામ ની ચિંતા……..ન કોઈ આહાર ની ચિંતા……! બસ સત્સંગ ની જ વાત……!!!

ત્યારબાદ પુ.ઈશ્વર ચરણ સ્વામી એ – મહંત સ્વામી મહારાજ ની રાજીપા ની વાત – અભાવ -અવગુણ પર શ્રીહરિચરિત્રામૃતસાગર ગ્રંથ ને આધારે અદ્ભુત પ્રવચન આપ્યું…અને સ્વામી શ્રીજીને પ્રાર્થના કરી કે તમામ હરિભક્તો અને સંતો માં સદાયે અલૌકિક ભાવ રહે………

સભાને અંતે અમુક જાહેરાત થઇ…….

  • આજે સત્સંગ જ્ઞાનામૃતમ પર યુવકો માટે સ્પર્ધા હતી..તેના વિજેતા ઓ નું સન્માન થયું….
  • સત્સંગ શિક્ષણ પરીક્ષા નું પરિણામ પ્રગટ થયું છે…જેના ઉતીર્ણ -તારલા ઓ નું સન્માન થયું…અમદાવાદ નું રીઝલ્ટ ૫૦% ની આસપાસ રહ્યું છે…પણ ૭ ગોલ્ડ મેડાલીસ્ટ અહી થી છે…….
  • નવીન ઓડીઓ કીર્તન સીડી – જોઈ મનોહર મૂર્તિ તારી – પ્રગટ થઇ છે…..અમૃત હર્બલ કેર દ્વારા – દિવાળી ગીફ્ટ પેક રજુ થયા છે…………

તો આજની સભા અદ્ભુત હતી……..સત્સંગ માં કેમ રહેવાય…કેમ પ્રગતિ થાય…….અને સત્સંગ નો શું મહિમા છે….- એ સર્વે પ્રશ્નો નો ઉત્તર અહી મળ્યો…! સાત સમંદર દુર – અમેરિકા અને યુરોપ માં જો આપણા હરિભક્તો આવો સર્વોપરી સત્સંગ કરી શકતા હોય તો- આપણે બધા કેમ નહિ…???

સત્સંગ માં આ જ વિચારવા નું છે……………….

જય સ્વામિનારાયણ………..રાજી રહેજો…!!!

રાજ

Advertisements


Leave a comment

BAPS રવિસભા-૨૮/૦૮/૨૦૧૬

ભગવાનના સ્વરૂપને જે તત્ત્વે કરીને સમજતો હોય તે તો ભગવાનને અખંડ અવિનાશી જેવા છે તેવા જ સમજે………… જેમ શ્રીકૃષ્ણ ભગવાને દેહ મૂક્યો ત્યારે એ ભગવાનની પત્નીઓ જે રુક્મિણી આદિક હતી, તે એ ભગવાનના દેહને લઈને બળી મરી; ત્યારે અજ્ઞાની હતા તેણે તો એમ જાણ્યું જે, ‘હવે એ નાશ થઈ ગયા.’ અને જે જ્ઞાની હતા તેણે તો એમ જાણ્યું જે, ‘અહીંથી અંતર્ધાન થઈને બીજે ઠેકાણે જણાણા છે.’ એમ ભગવાનને અખંડ સમજે……….


ભગવાન શ્રી સ્વામિનારાયણ-પંચાળા-૭

બ્રહ્મસ્વરૂપ પ્રમુખ સ્વામી મહારાજ ને અક્ષરધામ ગમન ને ૧૫ દિવસ થયા પણ એમની સ્મૃતિ જીવમાં થી સહેજે દુર થતી નથી…….શોક કે વિષાદ નથી પણ એક ખાલીપો જરૂર છે…….જીવ જાણે છે કે- સત્પુરુષ આ પૃથ્વી પર થી ક્યારેય જતા જ નથી…અને  એ જ “પ્રમુખ ગુણાતીત તત્વ” આજે પ્રગટ અક્ષરબ્રહ્મ મહંત સ્વામી સ્વરૂપે પ્રત્યક્ષ વિચરી રહ્યું છે……..છતાં પ્રમુખ સ્વામી મહારાજે જે સુખ આપ્યું હતું તેની સ્મૃતિ જ એ ખાલીપા નો ભાવ ભરી શકે એમ છે……આથી આ સભા -સ્વામી બાપા ની એ અદ્ભુત સ્મૃતિ પર જ હતી……

તો મંદિરે સમયસર પહોંચી ગયા…..એકાદશી ના દિવસ ના અદ્ભુત દર્શન કરવામાં આવ્યા…..

14064049_1750125448608620_7569462358082319596_n

સભાની શરૂઆત યુવકો દ્વારા ધુન્ય -પ્રાર્થના થી થઇ……..યુવક મિત્ર નીરવ વૈદ્ય દ્વારા પ્રેમાનંદ સ્વામી રચિત “બિહારી થારી અંખિયાં, અજબ જાદુગારી…” કીર્તન રજુ થયું…….અદ્ભુત…..અદ્ભુત……..!!! સભાનો માહોલ ..હરિમય થઇ ગયો………! ત્યારબાદ પુ.શુભ કીર્તન સ્વામી ના ઘાટીલા અવાજ માં ” કોડે કોડે એકાદશી કીજીએ રે…’ બ્રહ્માનંદ સ્વામી રચિત એકાદશી ઉત્સવ ના મહિમા આધારિત પદ રજુ થયું……

ત્યારબાદ શ્રાવણ માસ ની પારાયણ ચાલુ છે તે નિમિત્તે પુ.ધર્મ તિલક સ્વામી દ્વારા યથાયોગ્ય પૂજા વિધિ -યજમાનો વડે કરાવવા માં આવી……આજની પારાયણ ના વક્તા વિદ્વાન…ખુબ સારા વક્તા પુ.અક્ષર વત્સલ સ્વામી હતા……..ચાલો જોઈએ સારાંશ…..

  • નવધા ભક્તિ ( કથાશ્રવણ, ગુણકીર્તન, નામસ્મરણ, પાદ-સેવન, અર્ચન (ચંદન વગેરેથી પૂજન), વંદન, દાસ્ય (દાસપણે – ગુલામભાવે વર્તવું), સખ્ય (મિત્રભાવ) અને આત્મનિવેદન (સર્વસ્વ અર્પણ કરવું, દરેક ક્રિયામાં ભગવાનને આગળ રાખવા)…..થી ભગવાન અને મોટા પુરુષ રાજી થાય…….
  • અને એ નવધા ભક્તિ જેના જીવન માં રગેરગ માં સમાયેલી હતી….એ મોટા પુરુષ કે જેના ગુણ ભગવાન સમાન જ હતા…..તેવા પુરુષ ના જીવન કાળ દરમિયાન આપણો જન્મ થયો એ જ આપણા મોટા ભાગ્ય છે………
  • સત્પુરુષને પામીએ ..એમનો સમાગમ કરીએ…પણ જો એમની સ્મૃતિ મન માંથી નીકળી જાય તો થયેલી પ્રાપ્તિ નિષ્ફળ થઇ જાય…….જીવના દુષ્કાળ…ખાલીપા ને ટાળવા નો એક જ ઉપાય છે…..એ સ્મૃતિઓ ને પલેપલ વાગોળવી…….
  • આ તો અમૃત ની બુંદો છે…જેને મેળવવી અઘરી અને મેળવ્યા પછી સાચવવી એના કરતા પણ અઘરી…….!
  • નિષ્કુળાનંદ સ્વામી પ્રથમ વ્યક્તિ હતા જેને શ્રીજી ના સર્વોપરી સ્વરૂપ નો નિશ્ચય થયો……અને એ જ સદ્ગુરુ એ શ્રીજી ના સર્વોપરી સ્વરૂપ ના પદ ની સાથે સાથે આવા સત્પુરુષ ના ગુણ પણ યથાર્થ ગાયા છે…….
  • ગઢડા પ્રથમ-૫૮..૬૭ વગેરે માં શ્રીજી એ પણ આવા પુરુષ ના ગુણ વિષે કહ્યું છે……જેવા એ પુરુષ ને સમજીએ ..એવો આપણો સ્વભાવ થાય……આપણા ગુણ થાય….
  • પુ.ઈશ્વર ચરણ સ્વામી કહે છે કે- બાપા એ અનેક સર્વોપરી કાર્યો કર્યા…પણ જો સૌથી મોટું કાર્ય કર્યું હોય તો તે- અક્ષર પુરુષોત્તમ સિધ્ધાંત ના ડંકા આખી દુનિયામાં વગાડી દીધા…..
  • સ્વામીશ્રી ની આભા..પ્રભાવ એવો હતો કે એમના અંતિમ દર્શન વખતે આવતા બિન સત્સંગી મીડિયા વાળા પણ સત્સંગી થઇ ગયા…..તરુણ વિજય જેવા પ્રખર રાજનીતિજ્ઞ ને તો દરેક હરિભક્ત માં સ્વામીશ્રી ના દર્શન થયા……..
  • સ્વામીશ્રી ભાગવત માં વર્ણવેલા સંત ના બધા લક્ષણ ધરાવતા હતા…છતાં એમની સરળતા..અહં શૂન્યતા….જગ જાહેર છે……
  • અમદાવાદમાં નાટક સંવાદ સમયે સંતો ની સુચના મુજબ પાછલા દરવાજે થી સ્ટેજ પર એન્ટ્રી લેવાનો પ્રસંગ હોય કે પાર્ષદો દ્વારા સ્ટેજ પર ખેંચવા નો નિષ્ફળ પ્રયાસ વાળો પ્રસંગ હોય………સ્વામીશ્રી સંતો ને રાજી કરવા એમની સુચના મુજબ વર્ત્યા છે…એમની ભૂલો માફ કરી છે……..
  • પ્રખ્યાત પત્રકાર હરિકિશન મહેતા એ પૂછ્યું કે- સ્વામીશ્રી તમારી આટલી બધી ટીકા-અપમાન થાય તો તમને કેવું લાગે છે?? સ્વામીશ્રી એ સ્વસ્થતા થી ઉત્તર આપ્યો કે -બધું ભગવાન ની સાક્ષી એ કરીએ -એટલે માન-અપમાન કશું નડે નહિ…….
  • ભલભલી વિકટ સમસ્યાઓ…વ્યવહારિક પ્રશ્નો…..અક્ષરધામ દિલ્હી નિર્માણ સંબંધી પ્રશ્નો હોય પણ સ્વામીશ્રી સ્વસ્થ રહી ને..નચિંત રહી ને વર્ત્યા છે…..અલમસ્ત થઇ ને સ્થિતપ્રજ્ઞ તા થી વર્ત્યા છે……
  • જીવમાત્ર નું કલ્યાણ થાય…….અક્ષરધામ ની પ્રાપ્તિ થાય તે માટે બાપા પોતાના દેહ ની પરવા કર્યા વગર ૪૫ વર્ષ દોડ્યા છે….તો આપણી એમના પ્રત્યે કોઈ ફરજ નથી??? આપણે સ્વામીશ્રી ની સ્મૃતિ માટે કોઈ સંકલ્પ ન કરી શકીએ???
  • ચાલો આપણે સ્વામીશ્રી ના રાજીપા માટે સંકલ્પ કરીએ કે- આપણે પંચ વર્તમાન….નિયમ ધર્મ માં દ્રઢ રહીએ…….સત્સંગમાં નિયમિત રહીએ……અન્ય ને પણ સ્વામી ના મહિમા ની વાત કરીએ…સત્સંગ કરાવીએ……….

અદ્ભુત……અદ્ભુત…….!! આટલું પણ જીવન માં દ્રઢ થાય તો સ્વામીશ્રી પ્રત્યે આપણી સાચી શ્રદ્ધાંજલિ કહેવાશે………! ત્યારબાદ શિકાગો યુનીવર્સીટી ના વિદ્વાન પ્રોફેસર વિલિયમ્સ ( હિન્દી વિભાગ ના હેડ છે) જે પ્રોફ. યોગી ત્રિવેદી સાથે ભારત મુલાકાતે છે તેમનું જાહેર સન્માન થયું……..આટલા મોટા પ્રોફેસર- પુ.ઈશ્વર સ્વામી અને પુ.અક્ષરવત્સલ સ્વામી ને પગે પડ્યા…અને શુદ્ધ હિન્દી માં જય સ્વામિનારાયણ સાથે પોતાના પ્રવચન ની શરૂઆત કરી…!!! અદ્ભુત…..અદ્ભુત……….પ્રોફ. વિલિયમ્સ દ્વારા શુદ્ધ હિન્દી માં થયેલા પ્રવચન માં એમણે કબીર ની સાખી ઓ દ્વારા કહ્યું કે- ભક્તિ એ  પ્રેમ નો જ ભાગ છે……..અઢી અક્ષર નો પ્રેમ- મનુષ્ય ને પંડિત બનાવી શકે છે…….સ્વામિનારાયણ સંપ્રદાય નું અભૂતપૂર્વ યોગદાન ભક્તિ સંપ્રદાય માં રહ્યું છે…….અને આજે બેપ્સ ના સંતો- ભારતીય અને પશ્ચિમી સંસ્કૃતિ ને જોડી રહ્યા છે…તે ભવિષ્ય માં વધુ મજબુત થશે…..!!!! અદ્ભુત……અદ્ભુત…!!! સમગ્ર સભા તાળીઓ ના ગડગડાટ થી ગુંજી ઉઠી…! પશ્ચિમી સભ્યતા ના વ્યક્તિ ને  આપણી સંસ્કૃતિ વિષે અહોભાવ છે…..અને આપણા લોકો ને જ એનો મહિમાં નથી….!!!

સભાને અંતે જાહેરાત થઇ કે આવતીકાલે આપણા ગુરુહરિ પ્રગટ અક્ષરબ્રહ્મ મહંત સ્વામી મહારાજ અમદાવાદ પધારી રહ્યા છે………….તેમનું સ્વાસ્થ્ય …..આપણી સંસ્થા-હરિભક્તો ની વિશાળતા ને લીધે સર્વ હરિભક્તો ને રૂબરૂ મળવું એમના માટે મુશ્કેલ છે છતાં -એ પોતે દેહ ની મર્યાદા ઓ ને બાજુમાં મૂકી- ભક્તો ને અઢળક લાભ આપી રહ્યા છે………….પણ આપણે એમનું ધ્યાન રાખી ને વર્તવા નું છે……! ગુણાતીત પુરુષો આપણો અમુલ્ય ખજાનો છે…….એમનો રાજીપો એ જ આપણું સર્વસ્વ……..મમત માં એમને નુકસાન ન થાય તે જોવાની જવાબદારી આપણી છે……

તો- ચાલો સત્પુરુષ કે જે ચિરંજીવી છે……તેના મહિમા ને સમજીએ……..એમનામાં સદાયે દિવ્યભાવ રાખીએ…..એમના ચરિત્ર -સ્મૃતિ ને જીવમાં દ્રઢ કરીએ……..આખરે એ પ્રગટ અક્ષરબ્રહ્મ ને સંગ જ બ્રહ્મરૂપ થવાશે…………..અને શ્રીજી મળશે……..!!!

એટલે જ સત્પુરુષ એ જ સર્વસ્વ……………….!

જય સ્વામિનારાયણ……………

રાજ


Leave a comment

BAPS રવિસભા-૨૨/૧૧/૧૫

“સત્પુરુષને વિષે દ્રઢ પ્રીતિ એ જ આત્મદર્શનનું સાધન છે અને સત્પુરુષનો મહિમા જાણ્યાનું પણ એ જ સાધન છે અને પરમેશ્વરનું સાક્ષાત્ દર્શન થવાનું પણ એ જ સાધન છે.”

——————————–

ભગવાન શ્રી સ્વામિનારાયણ- વચનામૃતમ-વરતાલ-૧૧

આજે વિક્રમ સંવંત ૨૦૭૨ ની પહેલી એકાદશી હતી…અને ચાતુર્માસ ની અંતિમ એકાદશી…..અને એ પણ પ્રબોધિની એકાદશી…..એ પણ રવિસભા ને દિવસે……પછી હરિભક્તો ને બંને હાથ માં લાડુ કેમ ન હોય??? સત્સંગ ની આ અસ્ખલિત ..અનરાધાર વર્ષા માં બસ આમ જ ભીંજાતા રહીએ…એ જ શ્રીજી ના ચરણો માં …સત્પુરુષ ના ચરણો માં પ્રાર્થના…!

સભામાં જરાક મોડો પહોંચ્યો આથી દર્શન સભા બાદ થયા……પણ દર્શન થયા અને તન-મન-જીવ સંતૃપ્ત થઇ ગયા……હરિકૃષ્ણ ની હાટડી-માં વિવિધ શાકભાજી એટલી અદ્ભુત રીતે ગોઠવાયા હતા કે પળભર તો થયું કે બધા જ શાકભાજી ખરીદી લઈએ…..!!! જુઓ-તમે પણ કરો આ અદ્ભુત દર્શન…

12246790_1732579513638051_419942516743260774_n

11148714_1732579550304714_8383875001767056943_n

સભાની શરૂઆત- પુ.વિવેક્મુની સ્વામી દ્વારા ધુન્ય-કીર્તન થી થઇ….નિર્જળા ઉપવાસ અને સતત પ્રવૃત્તિ વચ્ચે પણ સંતો ની તાજગી-ઉત્સાહ જોવા લાયક હતા…..”અનુપમ આજ પ્રબોધિની આઈ…” મુક્તાનંદ સ્વામી રચિત કીર્તન અદ્ભુત હતું…..ત્યારબાદ પ્રસિદ્ધ ગવૈયા સંત- પુ.પ્રેમવદન સ્વામી ના પ્રબળ સ્વરે ” આજ મનોહર દેવ દિવાળી ..શ્રી હરિકૃષ્ણ બન્યા છે વ્યાપારી ” રજુ થયું અને સમગ્ર સભા જાણે કે પ્રબોધિની એકાદશી અને દેવદિવાળી ના ઉત્સવ માં એકાકાર થઇ ગઈ………..અને શ્રી હરિકૃષ્ણ મહારાજ ની હાટડી તો સર્વોપરી હતી….અને એમના જેવી વ્યાપારી બુદ્ધિ આગળ તો ભલભલા પાણી ભરે…!!!  અદ્ભુત..!

ત્યારબાદ- પ.પુ.પ્રમુખ સ્વામી મહારાજ દ્વારા ૨૦૧૨-૧૩ દરમિયાન સારંગપુર અને અમદાવાદ માં ઉજવાયેલી પ્રબોધિની એકાદશી ઉત્સવો નો વિડીયો દર્શન થયા અને પછી પુ.ઈશ્વરચરણ સ્વામી દ્વારા – વરતાલ-૧૧ ના વચનામૃત પર આધારિત- સત્પુરુષ માં દ્રઢ પ્રીતિ પર અદ્ભુત પ્રવચન થયું……જોઈએ એના સારાંશ…..

  • અધ્યાત્મ માર્ગ માં સત્પુરુષ ની અનિવાર્યતા- વચનામૃત ના પાને-પાને શ્રીજી એ કહી છે…….વરતાલ- ૧૧ માં વચનામૃત માં કહ્યા મુજબ- સત્પુરુષ માં દ્રઢ પ્રીતિ એ જ આત્મ દર્શન…..સત્પુરુષ નો મહિમા જાણ્યા નું……શ્રીજી નો સાક્ષાત્કાર કર્યા નું…….સાધન છે…..! જેને આત્મસાત કર્યે જ છૂટકો…..
  • સમગ્ર સત્સંગ નો હેતુ જ આ છે…….
  • સત્પુરુષ નો મહિમા સમજાય..એમનામાં અવગુણ ન દીસે…..મનુષ્યભાવ ન આવે તો જ- સત્પુરુષ માં શ્રીજી એ કહી એવી દ્રઢ પ્રીતિ થાય…..અને એમ કર્યા સિવાય છૂટકો જ નથી…..
  • વચનામૃત-સારંગપુર-૨- માં શ્રીજી એ કહ્યું છે એમ સત્પુરુષ ની આજ્ઞા તત્કાલ પાળવી..સંશય ન કરવો……તો જ દ્રઢ પ્રીતિ થાય…..સાથે સાથે સતત ભજન નો ગુણ, દેહ નો અનાદર, સંતો-ભક્તો ની સેવા ની લગની, એકાગ્રતા અને મોટા પુરુષ ની-શ્રીજી ની અનુવૃતી સમજી એ તો કલ્યાણ નો માર્ગ સહજ થાય………સત્પુરુષ રાજી થાય….
  • આપણા ગુણાતીત પુરુષો માં આ ગુણ સ્પષ્ટ દેખાય છે………..અને ભક્તિ નો એમણે જે દાખલો બેસાડ્યો છે એ અજોડ છે…….સામે- એમના ભક્તો આજે પણ પોતાનું સર્વસ્વ ન્યોછાવર કરવા તૈયાર રહે છે……શ્રીજી-સત્પુરુષ-મંદિરો ની સેવા માટે તો એ પોતાનું સર્વસ્વ અર્પણ કરી દે છે ત્યારે આવા ભવ્ય મંદિરો બને છે……
  • પ્રેમી જનને વશ પાતળિયો, શ્યામ સુંદર સુખકારી રે;
    જાતિ વરણ ને રૂપે ન રીઝે, પ્રભુજીને ભક્તિ પ્યારી રે...
    પ્રેમ ન નીપજે દેશ વિદેશે, પ્રેમ ન હાટે વેચાય રે;
    પ્રેમીના પાસંગમાં જે શીશ સોંપે, તે જન પ્રેમી થાય રે...
    વ્રજ વનિતાના પ્રેમની આગે, ઉડ્યા કોટિ કબીરા રે;
    મુક્તાનંદ એ પ્રેમનો મારગ, સમજે તે સંત સુધીરા રે..
  • ઉપરોક્ત પંક્તિ ઓ ગઈ ને સ્વામીએ કહ્યું કે- આ પ્રીતિ ને જે સમજે- એને બીજું કશું સમજવું પડતું નથી……આ સત્સંગ-મંદિરો-તપ-જપ-વ્રત બધાનો સાર આ દ્રઢ પ્રીતિ માં છે……..શ્રીજી-સ્વામી -બાપા ને પ્રાર્થના કરીએ કે- નવા વર્ષમાં આપણે પણ આવી દ્રઢ પ્રીતિ સત્પુરુષ-શ્રીજી માં દ્રઢ થાય…..

અદ્ભુત…અદ્ભુત……..ત્યારબાદ- અમદાવાદ ખાતે ઉજવાયેલા અન્નકૂટ ઉત્સવ નો વિડીયો રજુ થયો…….સંતો-હરિભક્તો નું આયોજન-મહેનત અવર્ણનીય હતી…….અને મને ગર્વ છે કે- હું પણ આ સેવા નો એક નાનકડો હિસ્સો બની શક્યો…..! ત્યારબાદ અમુક જાહેરાતો અને સન્માન થયા….અન્નકૂટ ઉત્સવ ના સ્વયમ સેવકો કે જેમણે ઉત્તમ સેવા કરી હતી એમનું સન્માન થયું….

તો આજની સભા સત્પુરુષ માં દ્રઢ પ્રીતિ-એનો મહિમા સમજવાની હતી……પ્રેમ ની આ ભાષા જે સમજે- તે ભવસાગર તરે…………!

જય સ્વામિનારાયણ……

રાજ


Leave a comment

BAPS ગુરુ પૂર્ણિમા પ્રતિક રવિસભા- ૨૬/૦૭/૨૦૧૫

” જેને પંચ વર્તમાનમાં કોઈ વાતે ખોટ્ય ન હોય અને ગમે તેવા વચનના ભીડામાં લઈએ અને એનું ગમતું મુકાવીને અમારા ગમતામાં રાખીએ તો પણ કોઈ રીતે દેહ પર્યંત મૂંઝાય નહીં, એવો હોય તે પાકો સત્સંગી છે. અને એવા હરિભક્ત ઉપર અમારે વગર કર્યું સહજે જ હેત થાય છે…………અને એવા ગુણ ન હોય તો હેત કરવા જાઈએ તોય પણ હેત થાય નહીં. અને અમારી તો એ જ પ્રકૃતિ છે જે, જેના હૃદયમાં ભગવાનની એવી પરિપૂર્ણ ભક્તિ હોય તે ઉપર જ હેત થાય છે.”

——————–

ભગવાન શ્રી સ્વામિનારાયણ-વચનામૃતમ-ગઢડા પ્રથમ-૭૬

સત્સંગ નો અર્થ જ એ છે કે- સત્પુરુષ અને શ્રીજી ના રાજીપમાં …મનગમતા માં રહેવું…….! પોતાનું મનગમતું મુકાય અને સ્વભાવ છૂટે તો જ સત્સંગ થાય…..અને એટલા માટે જ આ માર્ગ અઘરો છે…..અને જો આ થાય તો એના જેવો સહજ માર્ગ એકેય નહિ..! આ અદ્ભુત..પાયા નું વચનામૃત એટલા માટે કે- આપણા ગુણાતીત ગુરુઓ એ – પોતાના ગુરુ અને ઇષ્ટદેવ ને રાજી કરવા -પોતાના દેહ કે એની એષણાઓ સામે એક વાર પણ જોયું નથી…..યોગીબાપા સિત્તેર વર્ષ ની ઉમરે કહેતા કે -હરિભક્તો ને રાજી કરવા -શાસ્ત્રીજી મહારાજ આજ્ઞા કરે તો રોજ ના દસ ગામ ફરું..!  જુઓ આપણા ગુરુ પ્રમુખ સ્વામી મહારાજ ….૯૪ વર્ષ ની ઉમરે એક માત્ર હરિભક્તો ને રાજી કરવા દિવસ માં બે-બે ત્રણ-ત્રણ વાર દર્શન આપવા પધારે છે……! અને આપણે પણ આવા પાકા સત્સંગી થવાનું છે….આ ગુરુપૂર્ણિમા એ ગુરુ અને શ્રીજી ને રાજી કરવા માટે આ જ કરવાનું છે….એમના ગમતા માં  જ રહેવાનું છે..! એ દિન કહે તો દિન…અને રાત કહે તો રાત…..મન ની ગાંઠો મેલી હવે..બસ એના ચાંદે ચાંદ..!

તો આજની સભા- ગુરુ પૂર્ણિમા કે જે ૩૧ મી જુલાઈ એ- બોચાસણ માં- પુ.સદગુરુ સંતો સાથે ઉજવવા ની છે…એની પ્રતિક સભા રૂપે હતી….વરસાદ ની જોરદાર હેલી વચ્ચે ભક્તિ ની હેલી……અદ્ભુત હતી…અમદાવાદ વરસાદ થી તરબોળ હતું પણ હતોત્સાહી નહોતું…..સભામાં નોંધપાત્ર ભીડ હતી…..અને હું તો છેક પૂર્વ છોર થી પશ્ચિમ છોર સુધી..મારા હરિ ને ઊંઘતો મૂકી ને શ્રીહરિ ને મળવા આવ્યો હતો…………….તો ચાલો તમે પણ લાભ લો..!

20150726_165027

સભાની શરૂઆત- પુ.શુભ કીર્તન સ્વામી ના પહાડી અવાજે ગવાતી જોશભરી સ્વામિનારાયણ ધુન્ય થી થઇ….સભા અને વરસાદ બંને ગુંજી ઉઠ્યા…..અને ત્યારબાદ કીર્તન..” ગુરુ મળ્યા ગુણવાળા……” અને ” ગુરુ ના ગુણ ગાવો રે ગાવો રે…’ રજુ થયા…વચ્ચે થોડીક ટેકનીકલ ખામી ને લીધે સાઉન્ડ સીસ્ટમ  બંધ થઇ ગઈ….પણ હરિભક્તો નો જોમ અસ્ખલિત જ રહ્યો…સભા ગુંજતી રહી..! વાહ…..સત્સંગ..!

ત્યારબાદ- આપણા ગુરુ પ.પુ.પ્રમુખ સ્વામી મહારાજ ના વિવિધ દિવ્ય ચરિત્ર નું પાન કરાવતો અદ્ભુત વિડીયો “દિવ્ય સાનિધ્ય” રજુ થયો………ભક્તો-સંતો-સદગુરુ સંતો ની ગુરુ હરિ વિષે ની કથની….સ્વામીશ્રી ની વિવિધ મુદ્રાઓ…..અદ્ભુત હતી….

ત્યારબાદ- ચાતુર્માસ ના નિયમો અંગે ની જાહેરાત થઇ…..આવતીકાલે નિયમ ની નિર્જળા એકાદશી છે……સર્વે એ યાદ રાખવી..બળ રાખી યથાશક્તિ -નિયમ નું પાલન કરવું…..

New Doc 27_1

ત્યારબાદ પુ.ઈશ્વરચરણ સ્વામી એ પ્રસંગોચિત આશીર્વચન નો લાભ આપતાં કહ્યું કે….

  • આવતીકાલે નિયમ ની એકાદશી છે……બ્રહ્મસ્વરૂપ યોગીબાપા તો બધા હરિભક્તો ને પત્ર લખી જણાવતા અને બળ આપતાં….તો આપણે પણ ખટકો રાખી એ નિયમ પાળવા ના છે….
  • શ્રીજી મહારાજે સંયમ ની વાત કરી છે……સ્વધર્મ અને મહિમા થી ભક્તિ થતી હોય તો વિઘ્ન ન આવે…..
  • શ્રીજી મહારાજે વચનામૃત ના ગઢડા પ્રથમ-૭૬ માં કહ્યું કે આપણું મનગમતું મુકવું અને એક એમના મનગમતા માં રહેવું…..અને જે તેમાં ટકી રહે તે જ પાકો સત્સંગી…
  • આપણા સ્વભાવ આપણે છોડવાના છે……જીવનમાં અનેક પ્રશ્નો આવશે પણ ગુરુ અને ભગવાન માં લેશ માત્ર સંશય કરવાનો નથી…કે એમનામાં સહેજ પણ મનુષ્યભાવ લાવવા નો નથી……
  • માટે ચાતુર્માસ ના નીયમ લેવાના છે…..જીવ શુદ્ધ થશે….કોઈનો અભાવગુણ લેશ માત્ર ન લેવો…….
  • આ પ્રાપ્તિ દુર્લભ છે…….તેનો મહિમા સમજવો…..
  • મોટા પુરુષ સર્વે જુએ છે…જાણે છે…..આપણા અંતર નું જાણે છે…..એમ સમજી ને -નિયમ ધર્મ માં દ્રઢ રહેવું…..એમના રાજીપમાં રહેવું…
  • ગુણાતીત સદાયે પ્રગટ છે……ચિરંજીવી છે…….એમણે રાજી કરવા એ જ આપણી ભક્તિ……
  • પ્રમુખ સ્વામી મહારાજે -પોતાના ગુરુઓ ની આજ્ઞા પાળવા…હરિભક્તો ને રાજી કરવા જે ભીડા વેઠ્યા છે…તે તો કોઈ ભાગ્યે જ કરી શકે…..એમ એમનો મહિમા સમજવો…અને અન્ય ને સમજાવવો…..
  • ગુરુપૂર્ણિમા નિમિત્તે ગુરુ પૂજન એટલે એમના માં દિવ્ય ભાવ…….નિર્દોષ ભાવ……..પણ આપણું મન અવળચંડુ છે..જો અભાવગુણ ઘુસ્યો તો ગુરુ માં પણ મનુષ્યભાવ આવશે…….અને સત્સંગ ચૂંથાઈ જશે…..
  • માટે જ સત્સંગ માં કદી મોળી વાત કરવી નહિ….કોઈનો પણ અભાવગુણ લેવો નહિ……બધાનો મહિમા સમજવો અને સતત જાણપણું રાખવું……એનું અનુસંધાન રાખવું………

ત્યારબાદ યુવકો દ્વારા….”વંદન..કરીએ કરોડો કરોડો…..પ્રમુખ સ્વામી ચરણો માં..” કીર્તન પર અદ્ભુત નૃત્ય થયું……..

20150726_190022

અને ત્યારબાદ અમુક જાહેરાતો……

  • ગુરુપૂર્ણિમા ઉત્સવ બોચાસણ છે…..અને તેનો ઉત્સવ સદગુરુ સંતો ની નિશ્રા માં થવાનો છે…..સારંગપુર કોઈ ઉત્સવ નથી…અને ૩૦-૩૧ બે દિવસ-ઉતારા ની કોઈ સગવડ નથી….સર્વે હરિભક્તો એ વિશેષ ધ્યાન આપવું………સ્વામીશ્રી રોજીંદા કાર્યક્રમ મુજબ જ દર્શન નો લાભ આપી શકે છે………….
  • સંત પ્રવચન માળા-૯ એમપીથ્રી પ્રગટ થઇ છે..જેમાં પુ.આનંદસ્વરૂપ સ્વામી ના “પરાવિધ્યા” પર ના પ્રવચનો છે…….મેં ખરીદી છે……અને તમારે પણ ખરીદવા જેવી છે….
  • બાળ  સંસ્કાર અને ઘડતર પર ના સંવાદ રજુ કરતી બે ડીવીડી પ્રગટ થઇ છે…..
  • નોની જ્યુસ પર આધારિત હેલ્થ સીરપ બહાર પડ્યું છે……………

અંતે- ગુરુ પૂર્ણિમા ની પ્રતિક સભામાં- ગુરુહરિ ને મંત્ર પુષ્પાંજલિ અર્પિત કરવામાં આવી…………….અને મન-રદય-જીવ ગુરુ ના મહિમા થી ભરાઈ ગયો…!

અંતે સમજવાનું તો- ગઢડા પ્રથમ-૭૬ માં વર્ણવ્યું એ જ છે………મનગમતું મુકવું…એ જેમ રાખે તેમ રહેવું……એમની મરજી પ્રમાણે જીવવું……એમના રાજીપા માં જ જીવન માનવું…………અને એ એજ સાચી ગુરુ પૂર્ણિમા…..!

શોભો સાધુ ગુણે સદા સરળ ને ..જક્તે અનાસક્ત છો,
શાસ્ત્રીજી ગુરુ યોગીજી ઉભયની, કૃપાતણું પાત્ર છો;
ધારી ધર્મધુરા સમુદ્ર સરખા, ગંભીર જ્ઞાને જ છો,
નારાયણસ્વરૂપદાસ ગુણીને, સ્નેહે જ વંદું અહો………….

બસ આપણા ધન્ય ભાગ્ય કે આવા સર્વોપરી ગુરુ મળ્યા…સર્વોપરી સિધ્ધાંત..સર્વોપરી સત્સંગ…સર્વોપરી શ્રીજી મળ્યા..!

જય સ્વામિનારાયણ….

રાજ


3 Comments

BAPS રવિસભા-૧૫/૦૨/૨૦૧૫

“…..ભગવાનના સ્વરૂપમાં મનની અખંડ વૃત્તિ રાખવી તેથી કોઈ સાધન કઠણ નથી. અને જે મનુષ્યના મનની વૃત્તિ ભગવાનના સ્વરૂપમાં અખંડ રહે છે તેને તેથી બીજી અધિક પ્રાપ્તિ શાસ્ત્રમાં કહી નથી. કાં જે, ભગવાની મૂર્તિ છે તે તો ચિંતામણી તુલ્ય છે……….”

—————————————————-

ભગવાન શ્રી સ્વામિનારાયણ- વચનામૃત-ગઢડા પ્રથમ-૧

આજે અમદાવાદ ને આંગણે પુ.ડોક્ટર સ્વામી જેવા સદગુરુ સંત પધારેલા હતા અને એમના તેજસ્વી પ્રવચન નો લાભ સભા ને મળ્યો…..એનો સાર-“ભગવાન માં જ વૃતિ રાખવી” એ પર હતો. ખરેખર…ભગવાનમાં જ વૃતિ જોડવી અત્યંત કઠીન છે…..સંસાર ની પળોજણ એટલી છે કે- ભગવાન ની સ્મૃતિ તો એક અલ્પ-ઝલપ જેવી જ લાગે છે….બધું કરી ને જેને પામવાના છે- તેમાં જ જીવ નથી ચોંટતો  તો પછી બીજી શી વાત કરવી??? કેમ નથી ચોંટતો અને કઈ રીતે- જીવ ને એક ભગવાનમાં જોડી શકાય…..એ બધા પ્રશ્નો નો ઉત્તર -સ્વયમ શ્રીજી એ વચનામૃત ના પાને પાને લખ્યો છે……..જરૂર છે- તેને વાંચવા ની..સમજવાની..!

સભામાં સમય પહેલા પહોંચી ગયો…..આજે એકાદશી હતી અને પ્રેમવતી કેન્ટીન માં થી- ફરાળી આઈટમો- ઈડલી, હાંડવો, આલું ટીક્કી ( અદ્ભુત હતી…!) અને મોરૈયા ની ખીચડી- નો સ્વાદ માણવા માં આવ્યો…..ટૂંક માં આજની એકાદશી- “ભારે “હતી…  🙂  …. આ બધી દેહ ની એષણા ઓ પૂરી કરી…જીવ ને એક હરિ માં જોડવા માં આવ્યો……ચાલો તમે પણ જોડાઓ….

10403200_364933833694795_7797264097398616661_n

સભાની શરૂઆત વિદેશ પ્રવાસે થી પધારેલા સંત પુ.બ્રહ્મ કીર્તન સ્વામી ના- કર્ણપ્રિય સ્વર માં ગુંજતા સ્વામિનારાયણ ધુન્ય થી થઇ…..અદ્ભુત…અદ્ભુત……..! ત્યારબાદ….” ઘનશ્યામ પુરણ કામ…” કીર્તન પણ અદ્ભુત હતું…..! નાની ઉમર….આદિવાસી પૂર્વાશ્રમ ..છતાં સંગીત-કીર્તન માં એટલી મહારથ- બસ એક શ્રીજી ની દયા એ…સત્પુરુષ ના રાજીપા એ જ મળે….!

ત્યારબાદ બ્રહ્મ સ્વરૂપ યોગીજી મહારાજ ના જન્મસ્થાન- મહાતીર્થ ધારી માં- નિર્માણ પામેલા નવીન -વિશાળ મંદિર ના દર્શન- વિડીયો દ્વારા થયા…..અદ્ભુત કલાકૃતિ અને – આધુનિક એલ ઈ ડી લાઈટીંગ થી પ્રજ્વાલ્લિત આ મંદિર- યોગીજી મહારાજ ના બ્રહ્મ તેજ ની જેમ ઝળહળતું છે………..સમય મળ્યે- જરૂર- દર્શને જવામાં આવશે….!

ત્યારબાદ- પુ. ડોક્ટર સ્વામી જેવા વિદ્વાન..તેજસ્વી સદગુરુ ના પ્રવચન નો લાભ મળ્યો…ગઢડા પ્રથમ-૧ પર આધારિત આ ધુઆંધાર પ્રવચન માં – સ્વામી એ કહ્યું કે…

  • એક ભગવાન માં વૃતિ જોડવી- એના થી મોટું કાર્ય કોઈ નથી……તમારી ડીગ્રીઓ- પૈસા બધા આની આગળ ક્ષુલ્લક છે…..
  • ત્રણ પ્રકાર ની પ્રાપ્તિ છે…..૧) દેહ્ગમ્ય..૨) બુદ્ધિ ગમ્ય…૩) હૃદય ગમ્ય…….પણ યાદ રાખવું…હૃદય  ગમ્ય પ્રાપ્તિ છે- એ સર્વોત્તમ છે……
  • જીવનમાં બધા પ્રશ્નો નો હલ -આપણી અંદર જ છે….આપણું મન છે…..
  • રોજ વચનામૃત વાંચવું…..દ્રઢ નિયમ-ધર્મ સહીત ની પૂજા કરવી…..જે પણ કાર્ય કરો- ભગવાન ને સાથે રાખવું…..
  • સત્સંગ માં માત્ર સંચાલક,નિર્દેશક બની ગયા એટલે પૂરું નથી થઇ જતું…….પળેપળ -ચેક કરતા રહેવું કે- જીવ ક્યાં છે?? કોણી સાથે જોડાયેલો છે??? આપણે ક્યાં જવાનું છે….?
  • આપણા સંતો ની મહેનત-દાખડા અને વિદ્વતા નો જોટો જડે તેમ નથી……યોગીબાપા એ કરેલા બધા સંકલ્પો- પ્રમુખ સ્વામી મહારાજે પુરા કર્યા….અને એ સંકલ્પો સાચા થયા…..આજે અમેરિકા માં ૯૦ થી વધુ અક્ષર પુરુષોત્તમ મહારાજ ના મંદિરો છે….

અદ્ભુત…અદ્ભુત………! પુ.ડોક્ટર સ્વામી એકવાર બોલવાનું શરુ કરે- એટલે સામેવાળા શ્રોતા ઓ ના સંશયો જાણે કે બાષ્પીભૂત થઇ જાય…..!

ત્યારબાદ- “ઘનશ્યામ ચરિત્ર” એનીમેશન મુવી નો ત્રીજો ભાગ- રજુ થયો…….સ્વામિનારાયણ અક્ષરપીઠ એનીમેશન સ્ટુડીઓ દ્વારા દુનિયામાં પ્રથમ વાર જ – સ્વામિનારાયણ ભગવાન ના જીવન ચરિત્ર પર હાઈ ક્વોલીટી એનીમેશન ફિલ્મ સીરીઝ બની છે…..! એ પણ સ્વયમ સેવકો ની નાની એવી પણ  નિષ્ઠાવાન ટીમ દ્વારા…..! મારા દીકરા હરિ માટે જરૂર લેવામાં આવશે…! પુ.અક્ષર વત્સલ સ્વામી એ ઘણી ઊંડાણ પૂર્વક ની માહિતી આપી. જોઈએ ભાગ-૨ -એક ઉદાહરણ તરીકે….( સૌજન્ય-યુ ટ્યુબ)

 

એક કલાકાર દ્વારા -બ્રહ્મ સ્વરૂપ યોગીજી મહારાજ અને પ્રગટ બ્રહ્મ સ્વરૂપ પ્રમુખ સ્વામી મહારાજ ના હસ્ત નિર્મિત -અતિ સુંદર ચિત્રો પણ પ્રગટ થયા છે……વિવિધ મુદ્રાઓ- એકદમ પૂર્ણ ચહેરા ના હાવભાવ …બારીકી- અદ્ભુત હતી…….

ત્યારબાદ- શ્રી યોગીજી મહારાજ હોસ્પિટલ ના નિષ્ણાત ડોક્ટર્સ દ્વારા “સ્વાઈન ફ્લુ” વિષે વિશેષ માહિતી આપવામાં આવી…….જો તમને ખુબ તાવ હોય, ફ્લુ ની અસર હોય તો- ઉરાંત જ નિષ્ણાત ડોક્ટર્સ ને મળું- અથવા કોઈ મોટી હોસ્પિટલ માં તપાસ કરાવવી. આ સિવાય- ચેપ ન લાગે- એ માટે તકેદારી લેવી. નિરામય – આયુર્વેદિક વિભાગ દ્વારા તો- શરીર ની રોગપ્રતિકારક શક્તિ ને મજબુત કરતો ઉકાળો તૈયાર કરવામાં આવ્યો છે…એ માટે ની ફાકી- મંગળવાર થી સ્ટોર પર મળી શકશે….

સભાને અંતે- જાહેરાત થઇ કે -આવતા રવિવારે- “નિત્ય પૂજા” પર વિશેષ સભા કાર્યક્રમો છે……..તો અચૂક લાભ લેવો….

તો- ચાલો- એક હરિ માં જોડાઈએ……..અને આ જન્મારો સફળ કરીએ….

જય સ્વામિનારાયણ…

રાજ

 


Leave a comment

કેરાલા ડાયરી-૨

આમ તો કેરાલા થી પરત આવ્યે અમુક દિવસો વીતી ગયા છે પણ, કેરાલા-કુમારાકોમ-કોટ્ટયમ ની એ તંગ, ભીની ગલીઓ હજુ દિલોદિમાગ મા થી હટતી નથી. તો કેરાલા ડાયરી ના આ અંતિમ ભાગ મા શું જોઈશું???

  • કુમારાકોમ ના જલીય પ્રદેશ મા થી નીકળી લગભગ ૧૫ કિમી દુર એવા કોટ્ટયમ શહેર મા જવામાં આવ્યું કે જ્યાંથી અમદાવાદ માટે અમારી સીધી ટ્રેન ત્યાંથી હતી. કોટ્ટયમ મૂળ રીતે ટેકરા પર વસેલું શહેર છે અને સૌપ્રથમ શહેર છે- ભારત નું કે જ્યાં- ૧૯૮૬ મા જ ૧૦૦% સાક્ષરતા નો દર હાંસિલ કરવામાં આવ્યો હતો……આથી આ શહેર ને “સાક્ષર નગરી” પણ કહેવાય છે……મલયાલય મનોરમા ની હેડ ઓફીસ અહિયા છે……હવે એ ન પુછશો કે આ “મલયાલય મનોરમા” શું છે???? અહિયા ક્રિશ્ચયન સમાજ ઘણો મોટો છે અને ચર્ચ પણ ખુબ સારા છે…..જોવા લાયક છે…..તો આપણા હિન્દુઓ માટે- શબરીમાલા જેવું પ્રખ્યાત સ્થળ નજીક મા જ છે……
ગુડ શેફર્ડ ચર્ચ- કોટ્ટયમ

ગુડ શેફર્ડ ચર્ચ- કોટ્ટયમ

  • અહિયા પણ ગુગલ ભાઈ અમને કામ લાગ્યા…….પણ યાર એક વાત ની ખબર નથી પડતી….કે કેરાલા ની બજેટ હોટલ્સ મા- ટોવેલ અને બેડ શીટ કેમ આપવા મા નથી આવતી??? મારે તો રીતસર નો ઝઘડો કરી ને એ લેવી પડી………અજીબ લોકો છે આ તો….! તો- ગુગલ ભાઈ ની મદદ થી પ્યોર શાકાહારી હોટલ શોધવા મા આવી…..પણ ત્યાં પણ હલાળા…! એ લોકો ને અંગ્રેજી પણ ન આવડે ને હિન્દી પણ ન આવડે……હવે કઈ રીતે સમજાવવું કે- ભાઈ અમારે જમવામાં અમુક વસ્તુ જ જોઈએ છે? છેવટે કશું ન સુઝતાં ઢોસા( જેણે એ લોકો ઢોસાઈ….કહે છે) અને ઈડલી જ કામ મા આવી…..પણ હોટલ શોધતા  ચાલી ચાલી ને થાકી ગયા……
  • હોટ ચીપ્સ વાળા ઠેર ઠેર જોવા મળ્યા……પણ ભાવ તો આપણા અમદાવાદ કરતાં પણ વધારે…..આથી એ નશ્વર….કોપરા ના તેલ મા તળેલી વસ્તુ માટે ચિત્ત બગાડવા મા ન આવ્યું………
  • વળતી વખતે- ત્યાના રેલ્વે સ્ટેશને સારો અનુભવ થયો…..એની કેન્ટીન મા -અફલાતુન ઢોસાઈ….ઈડલી….વડાઈ……..વ્યાજબી ભાવે….આપણી અનુકુળતા મુજબ મળતાં હતા…..તે તેનો ભરપુર લાભ ઉઠાવવા મા આવ્યો…..સાથે સાથે ધોધમાર વરસાદ અને ગરમાગરમ કોફી…….! ( હા…કોફી…અહિયા સાર્વત્રિક મળે છે……..એ પણ સારી…)
  • બીજા દિવસે તો નિર્જળા એકાદશી હતી- આથી છે ક ઘર સુધી….પાણી કે અન્ય ખોરાક ની કોઈ માથાકૂટ ન હતી…….આભાર શ્રીજી….! જે હરીદયા થી હેમખેમ રીતે ઉજવાઈ….અને ઘરે પહોંચ્યા પછી તો સુખ જ સુખ…..જાણે કે બ્રહ્માંડ નું સુખ મારા દીકરા હરિ ના નિર્દોષ ખીલખીલાટ હાસ્ય મા જ સમાઈ ગયું…….હરિ જાણે કે પ્રગટ મળ્યા…..!

તો  હવે કેરાલા- વિથ ફેમીલી જવામાં આવશે…..પણ ટ્રેન મા આટલો બધો સમય બગાડવા મા નહી આવે…..અને આપણા અનુકુળ ભોજન મળી રહે એવો જ પ્રબંધ કરી ને જવામાં આવશે…….ત્યાં સુધી અલવિદા….કેરાલા….!

રાજ


Leave a comment

BAPS રવિસભા- તા ૦૨/૧૨/૨૦૧૨

“બ્રહ્માંડ આખું સ્વામિનારાયણ નું ભજન કરશે ત્યારે સત્સંગ થયો ,એમ જાણવું ,’ને ત્યાં સુધી થાવો છે . અને એક એક સાધુ ની કેડ્યે લાખ લાખ માણસ ફરશે , ત્યાં સુધી સત્સંગ થાવો છે…….”

( અક્ષરબ્રહ્મ ગુણાતીતાનંદ સ્વામી ની વાતો-પ્ર.૧-૯૦ )

ગહન વાત….! આપણા સંપ્રદાયમાં શ્રીજી મહારાજ ના સંકલ્પો હોય કે મોટા પુરુષો ના આવા સંકલ્પો હોય…..તે છેવટે તો જીવ ને અક્ષર કરી- પુરુષોત્તમ ની પ્રાપ્તિ હેતુ જ હોય છે. કરોડો મનવાર ભરાય એટલા જીવ નું કલ્યાણ એ જ પુરુષોત્તમ નો સંકલ્પ છે- અને આજે- એ વાત સત્ય થઇ રહી છે- જે વિદિત છે.

આ સંકલ્પ ની વાતો કરવાનો સાર એટલો જ હતો કે આજની રવિસભા- સંકલ્પ ની સભા હતી, જેમાં હું આજે જરાક મોડો પહોંચ્યો. જયારે પહોંચ્યો ત્યારે ઠાકોરજી થાળ આરોગતા હતા અને દ્વાર બંધ હતા, આથી દર્શન સભાના અંતે જ થયા…..તમે પણ કરો આજ ના દર્શન…( સૌજન્ય- baps.org)

આજ ના દર્શન......

આજ ના દર્શન……

સભામાં પહોંચ્યો ત્યારે સંતો ના સ્વરે વનમાળીદાસ રચિત એક કીર્તન ગવાઈ રહ્યું હતું…..”નમીએ નારાયણસ્વરૂપ …….” ગુરુભક્તિ નો જાણે એક મહીમ-પડઘો હતું…..ત્યારબાદ રજુ થયું, પૂ. વિવેકસાગર સ્વામી જેવા વિદ્વાન સંત નું તેજસ્વી અને ધારદાર પ્રવચન…..વિષય હતો- સંકલ્પ નું બળ…..એનો સાર ટૂંકમાં…..

  • સંકલ્પ એટલે કે મન નો નિર્ધાર….અને એનામાં ખુબ જ બળ હોય છે…..સંકલ્પ – કાલિદાસ ને વિશ્વવિખ્યાત કૃતિઓ રચવા માટે પ્રેરી શકે છે તો – એ જ સંકલ્પ એક આમ મનુષ્ય ને પ્રધાનમંત્રી ના પદ સુધી પહોચાડી શકે છે…..
  • હૃદય ના શુધ્ધ સંકલ્પ ની તો એટલી તાકાત હોય છે કે- એ ભગવાન ને કે સંત ને એના દ્વાર સુધી ખેંચી લાવે છે…….ધરમપુર ના કુશળકુંવર બા હોય કે ભાદરા ના હરબાઈ સુથાર- શ્રીજી મહારાજ એમનાં સંકલ્પ આગળ ખેંચાઈ જ આવ્યા છે…….અરે…ભગવાન મનુષ્ય દેહ પણ એક સંકલ્પ સાથે જ કરે છે…….કે જીવ માત્ર નું કલ્યાણ કરવું- બ્રહ્મરૂપ કરવા……
  • કોઈ પણ સંકલ્પ ને સિદ્ધ કરવા જરૂર પડે છે- ધ્યેય, ધૈર્ય, આયોજન ,અને પુરુષાર્થની…….જો હૃદય ના શુધ્ધ ભાવ થી- એકાંતિક પણે – સંકલ્પ કરવામાં આવ્યો હોય તો- એમાં ભગવાન પણ ભળે છે……..યોગીજી મહારાજ – કે જેમનું જીવન જ એક સંકલ્પ હતું- એમનાં સંકલ્પો ના પ્રતાપે- આજે દુનિયાભર મા સ્વામિનારાયણ ના ડંકા વાગે છે……..
  • પંચ વિષય ના સંકલ્પ થી હમેંશા અશાંતિ કે દુઃખ જ આવે છે……આથી સંકલ્પ કરવો તો- હરિ નો કરવો…..અક્ષરધામ નો કરવો……મનુષ્ય નો આ અમુલ્ય અવતાર ને – વેડફી ન નાખવો……
  • શુભ સંકલ્પો હમેંશા સુખ લાવે છે…..” ભગવાન સૌનું ભલું કરો….” એ આપણા સત્પુરુષોના…ગુરુઓ ના સંકલ્પો હતા….અને છે….જે આપણા હરિભક્તો ની સુખાકારી મા દેખાય છે. પૂ. પ્રમુખ સ્વામી મહારાજે- અક્ષરધામ હુમલા વખતે- આ જ ગુણ દર્શાવી ને- બધા મૃતકો ની સાથે સાથે- પેલાં બે હુમલાખોરો ના આત્મા માટે પણ પ્રાર્થના કરી હતી……….તો- યોગીજી મહારાજ અને શાસ્ત્રીજી મહારાજ તો એમનું અપમાન કરનાર ને- પણ આશીર્વાદ આપતા…….

અદભૂત…..અદભૂત………..વિવેકસાગર સ્વામી જયારે બોલતાં હોય ત્યારે- તેમના શબ્દો નો અસ્ખલિત પ્રવાહ જાણે કે હૈયા સોંસરવો નીકળી જાય છે…….ભલ-ભલા ના કલેવર બદલી નાખતો- આ રંગ- એ શ્રીજી ની- સ્વામીશ્રી ની મહેરબાની જ છે……

સભાના અંતે- પ્રબોધિની એકાદશી ને દિવસે- શાકભાજી અને ફળ-ફળાદી ની અમદાવાદ મંદિરે- ઠાકોરજી આગળ જે હાટડી મંડાઈ હતી- અને પ્રમુખ સ્વામી મહારાજે જે- દર્શન અને ભક્તિ સુખ હરિજનો ને આપ્યું હતું- તે વીડીઓ દ્વારા દર્શાવવા મા આવ્યું……..

તો- આજ ની સભા- એક સંકલ્પ સભા હતી આથી- આપણે ખટકો એ વાત નો રાખવો કે -ભૂલ થી પણ આપણા થી- કોઈ ભૂંડો કે તુચ્છ સંકલ્પ ન થઇ જાય- અને એની પાછળ જીવન ની એક પળ પણ વેડફાઈ ન જાય……..આખરે આપણે બધાએ અક્ષરધામ જ પ્રાપ્ત કરવાનું છે અને સ્વામી-શ્રીજી નો રાજીપો-કાયમ કરવા નો છે……

જય સ્વામિનારાયણ…..

રાજ