Raj Mistry's world

Me,my stories and world around….


Leave a comment

આજકાલ -૬/૩/૨૦૧૭

જીવન વહેતું જાય છે…….અને એ વહેતું રહે એ સારું જ છે. પાણી હોય કે જીવન…જો બંધિયાર બની જાય તો ગંધાઈ ઉઠે. ….જો જીવન વહેતું ન હોત…સમય એક જ જગ્યા એ સ્થિર થઇ જાત તો શું થાત??? એકધારા જીવન થી…એની બીબાઢાળ લઢણ થી સુખ-દુખ નો રોમાંચ જ ખતમ થઇ જાત…………! માટે જ જગત ના નાથે જે ચક્ર બનાવ્યું છે…..એ સારું જ છે…….કે કમસેકમ જીવન ના પ્રત્યેક રંગ અનુભવવા તો મળે છે……..

તો શું ચાલે છે આજકાલ???

  • બસ। .વો હી રફતાર…….જીવન ના ત્રિભેટે ઉભા રહી દોડતા રહેવા નું….! જીવન ની દરેક આગલી ક્ષણ કયો મારગ પકડશે…અહી કઈ જ ખબર નથી……! બસ સારથી તરીકે શ્રીજી છે…અને મારે તો બસ યુદ્ધ જ લડવા નું છે……! તો- આગળ..એની મરજી…! અને એ જ મારું પ્રારબ્ધ..!
  • પપ્પા ને દેહ છોડ્યે પાંચ માસ થવા આવ્યા છે………અને જેમ જેમ સમય જાય છે તેમ તેમ તેમનો ખાલીપો વજનદાર બનતો જાય છે……! દિવસ માં રોજ બે વાર ફોન પર વાત કરવા ની…..તેમના દ્વારા અલક મલક વાતો ..મમ્મી ના પરાક્રમ….જરૂરી બિન જરૂરી સલાહ સૂચનો સાંભળવા નુ હવે નથી….! એ જ વાત ભારે લાગે છે. કદાચ જીવન ની આ જ કહાની છે……..સમય ની સાથે બધું રાખ થતું જાય છે…..અને યાદો ધુમ્મિલ…..!
  • હરિ પણ સમય ની સાથે વધતો જાય છે…અને એના પરાક્રમ એના થી પણ વધુ ગતિ એ વધતા જાય છે…..! જીભ તો અદ્દલ મારી જેમ ધારદાર છે…..જેની મીઠી મધુરી દલીલો હૃદય ને તરબતર કરતી જાય છે…….! પોતાના સંતાન ને મોટા થતા જોવા એટલે…પોતાના બાળપણ ને નજર સમક્ષ પસાર થતું જોવું…! અને હરિ ને જોઈ ને- હું અને રીના – આ જ અનુભવી એ છીએ……
  • ગઈકાલે હરિ મને કહે……”પાપા…મારે ડાયનોસોર લાવવું છે….”…..હું..: ???????? અહી તો કુતરા થી પણ બીક લાગે છે  ‘ને આ ડાયનોસોર ની વાત કરે છે….!!! સારું છે કે – ઉત્ક્રાંતિ માં ડાયનોસોર અને એનો વેલો ખોવાઈ ગયો………..નહીતર આજે શું થાત???
  • ઉત્તર પ્રદેશ ની ચૂંટણી ના સમાચાર આજકાલ બધી ચેનલ્સ પર ભરપુર ચાલે છે………મોદી ..મતદારો પાછળ અને બાકી બધા પક્ષ મોદી પાછળ…?? હહાહા……ભરપુર મનોરંજન થાય છે……….અને જયારે પણ મૂડ ખરાબ હોય ત્યારે માનનીય “પપ્પુભાઈ” ના મનોરંજક પ્રવચન ની કલીપ ને જોઈએ લઈએ..સાંભળી લઈએ…..એટલે ફરીથી તાજામાજા..!
  • ગુજરાત માં ચૂંટણી આવતીસાલ આવે છે………….અને કોંગ્રેસ..એના પ્યાદા જેવો હાર્દિક જે નાટક- ત્રાગા કરી રહ્યા છે…….એ પણ મનોરંજક જ છે…..અને સાથે સાથે અફસોસ એ વાત નો છે કે -ભણેલા ગણેલા લોકો એમની વાત માં આવી જાય છે…..!! અલ્યા ..થોડું તો વિચારો…..

તો……..બસ……ચાલતા રહીએ…………જીવન સાથે…સમય સાથે………कर्मण्ये वाधिकारस्ते महा फ़लेषु कदाचन …….અનુસાર ચાલવા નું છે…કર્મયોગ ને જીવવા નું છે………સત્પુરુષ અને શ્રીજી ને રાજી કરવા ના છે……….!

રાજ


Leave a comment

વિચરણ કાળ-૧

એક ગુજરાતી કહેવત છે કે- ” સાધુ તો ચાલતો જ ભલો”……સાચી વાત છે. જીવન એ પાણી જેવું છે, જો એક જ જગ્યા એ સ્થિર થઇ જાય તો ગંધાઈ ઉઠે છે…એનો અસલ મિજાજ ગુમાવી દે છે……આથી પળેપળ બદલાતા રહેવું…..ફરતા રહેવું- એજ જીવન છે. સાથે એ પણ સત્ય છે કે , આપણું જીવન એક સીધી રેખા મા નથી ચાલતું….એની ધરી પર ક્યારેક વર્તુળાકારે તો ક્યારેક ઉતર-ચઢાવ ના આભાસી રેખાચિત્રો મા ઘેરાયેલું રહે છે….!

આમ તો હું જન્માક્ષર મા સહેલાઈ થી નથી માનતો, પણ આ વિજ્ઞાન અદભૂત છે, અને મને ખુદ નો એનો અનુભવ છે. ઘણા લોકો ના જન્માક્ષર કે કુંડળીઓ ( જો એકદમ સચોટ હોય તો) તમે એના જીવન ના પ્રવાહ વિષે કહી શકો છો. મારા જન્માક્ષર મહદ અંશે સત્ય ઠર્યા છે. મારું વિચરણ કે મુસાફરી નો યોગ કે મારું ભણતર કે મારા વ્યસાય વિષે ની વાતો સાચી પડી છે. જે હોય તે……તમે સ્વીકારો કે ન સ્વીકારો- પણ જીવન અને સમય- બ્રહ્માંડ ના એક સ્પષ્ટ રૂપરેખા મુજબ જ ચાલે છે…..દુનિયા કે જીવન ના બદલાવો- કદાચ એક ડીઝાઈન ના ભાગ હોઈ શકે છે. આ મત-મતાંતરો થી ભરેલી વાતો છે….નાસ્તિકો આને તદ્દન બક્વાસ ગણે છે…..તો અમારા જેવા આસ્તિકો- હરિ ની દયા કે મરજી જાણી ને જીવી જાય છે……! પહેલા , મે જીવન મા પોતાની જાતે જ પોતાનું નસીબ ઘડવા નો ઘણો પ્રયત્ન કર્યો…..ઉંધે માથે પછડાયો તો ક્યારેક સફળ પણ થયો…..પણ છેવટે – મે એક હરિ નું શરણું જ સ્વીકાર્યું, અને ગીતા ના કર્મયોગ ની જેમ- પોતાના કર્મો- છોડ્યા નહી…..કર્મ તો કરવા જ પડે….સ્વયં શ્રીજી એ કર્મ કરવાની આજ્ઞા કરી છે……અને પ્રત્યેક જીવે કર્મ તો કરવા જ પડે…..અને મે કર્યાં જ છે…એ પણ છેક સુધી…પણ જે ફળ મળ્યું, એ સહર્ષ ( ક્યારેક દુઃખી થઇ ને…..સંપૂર્ણ સ્થિતપ્રજ્ઞતા માટે હજુ હું લાયક નથી થયો) સ્વીકાર્ય છે…..! આનો એક ફાયદો એવો થયો છે કે – કોઈ પણ કાર્ય કરતાં પહેલા થતી- એના પરિણામ વિષે ની નકારાત્મકતા – હવે મારા માટે ઘણી ઓછી થઇ ગઈ છે.

ચાલો જે હોય તે- પણ આપણો- વિચરણ કાળ અત્યારે પુર જોશ મા ચાલે છે. ગયે અઠવાડિયે- હું મુંબઈ હતો- ટીકીટો ના ઝંઝાળ અત્યારે ખુબ જ છે- ટ્રેનો બધી ફૂલ છે….ફ્લાઈટો ડબલ ભાડા લે છે……તો બસો વાળા પણ જેમ ફાવે એમ લુંટી રહ્યા છે…..કારણ? લગ્ન ની સીઝન છે ..ભાઈ…..૨૦૧૨ મા તો પ્રલય આવવા નો છે… 🙂 આથી જલસા કરી લો ને ભાઈ…..! જીવ અવગતીયો ન જાય……..! તો મુંબઈ થી જયપુર જવાનો પ્રોગ્રામ હતો, પણ જેમ જીવન અનિશ્ચિત છે તેમ, અચાનક જ મારે- હરીદયા થી એ કેન્સલ કરી સૌરાષ્ટ્ર ના પ્રવાસે જવાનું થયું….! દાદર મંદિરે દર્શન કરી, સંતો ને મળી….મુંબઈ થી જેમતેમ કરી બસ મા કુટાતો….અમદાવાદ પહોંચ્યો ત્યારે- અહીં તો ભયાનક ઠંડી હતી…..પછી ખરેખર મે -મારા વ્હાલા શ્રીજી મહારાજ ને “થેન્ક્સ” કહ્યું….કારણ કે જો હું જયપુર ગયો હોત- તો મારા હાલ શું થાત? વળી, મારી પાસે સ્વેટર પણ ન હતું………!

Darshan-Mumbai-7/2/12

ઘરે આખો દિવસ – ઘરમાં પૂરી ને- બીજે દિવસે સૌરાષ્ટ્ર ના પ્રવાસે ઉપડી ગયો….એ પણ યોગ્ય ઠંડી-રોધક સગવડ સાથે…..!  અને રાજકોટ થી જ અગત્ય ના કામે જામનગર જઈ આવ્યો……! હજુ તો પ્રવાસ ચાલુ જ છે……જોતા રહો- આ વિચરણ કાળ મને ક્યાં ક્યાં લઇ જાય છે…..???

પણ આજે ઘણું જ સારું અને અવિસ્મરણીય કામ થયું. લૌકિક કામ તો થાય છે- પણ આજે હું, રાજકોટ – કાલાવડ રોડ ના સ્વામિનારાયણ મંદિરે દર્શને ગયો અને ત્યાં જ મને પૂ. મહંત સ્વામી જેવા સદગુરુ સંત ના ચરણસ્પર્શ અને દર્શન નો અદભૂત લાભ મળ્યો. એકદમ સાદું જીવન, સાદી વાણી અને ઉચ્ચ અધ્યાત્મિક વિચારો – પૂ. મહંત સ્વામી ના દર્શન – એક લ્હાવો છે. BAPS ના સદગુરુ સંતો- આજે હજારો-લાખો મુમુક્ષો ને અધ્યાત્મ મા જોડી રહ્યા છે….પૂ.પ્રમુખ સ્વામી મહારાજ ના આ સંતો- સમગ્ર સ્વામિનારાયણ સંપ્રદાય માટે એક ઉદાહરણ છે…..

Darshan- Rajkot- 9/2/12

તો વિચરણ કાલ ક્યારેક મારા માટે હર્ષ લાવે છે તો ક્યારેક ગમગીની અને એકલતા……પોતાના લોકો થી દુર રહેવા ની ગમગીની…..! પણ છેવટે તો એ જ સત્ય છે…..એકલતા- પોતાની જાત ને સમજવામાં મદદ કરે છે….વિચરણ કે સફર- નવા નવા વ્યક્તિઓ ને સમજવામાં મદદ કરે છે તો…..સાથે સાથે જીવન ના અનેક રંગો મા – મારો રંગ કયો? એ જાણવામાં પણ મદદ કરે છે.

આથી સફર કે વિચરણ જરૂરી છે……એક જગ્યા એ સ્થિર રહી ને – પાળિયા કે પીલ્લર બનવાની કોઈ ઈચ્છા નથી. કર્મ સંપૂર્ણ કરવા ના છે….પણ ગાડી ની પાછલી સીટ પર બેસી ને – મારા સારથી( મારો હરિ) મને ક્યાં લઇ જાય છે?…એ એમના પર છોડ્યું છે. એ જે કરશે એ સર્વ શ્રેષ્ઠ જ હશે- બસ મારે એને સ્વીકારવાનું છે…..અને એ જ મારા માટે એક પડકાર હશે….!

જય સ્વામિનારાયણ….

રાજ


1 Comment

વચન..

જીવન શું છે?…..કોઈ ફિલસૂફે સાચું જ કહ્યું છે કે ” જીવન એટલે સંજોગો નો સરવાળો”…..તમે ડગલે અને પગલે આ હકીકત અનુભવતા હશો જ. મનુષ્ય માત્ર કે સજીવ માત્ર, સંજોગો ના આધારે જીવે છે અને આ સંજોગો….હમેંશા અનિશ્ચિત હોય છે. આપણે વિચારીએ કંઇક ને થાય કંઇક…..!તો કરવું શું?…..અનિશ્ચિતતા થી ઘેરાયેલા સંજોગો ના એક પાતળા તંતુ ને આધારે જીવન ને પસાર કરી દેવું કે….બધું એક હરિ પર છોડી- સ્થિતપ્રજ્ઞતા થી જીવન હોંશે હોંશે ગુજારી દેવું????

પણ…..પણ…..સ્થિતપ્રજ્ઞ બનવું….સુખ-દુઃખમાં સમભાવ રાખવો એ આપણા માટે શક્ય છે?….નથી….કારણ કે આપણે – મન-હૃદય ધરાવીએ છીએ….લાગણીઓ થી બંધાયેલા છીએ….! ક્યારેક એમ લાગે કે દુનિયા આપણા માટે નથી…..તો ક્યારેક એવું લાગે કે સમગ્ર દુનિયા જાણે કે મારા માટે જ સર્જાઈ છે….! મન ની આ સ્થિતિ છે. હું મારો પોતાનો અનુભવ કહું તો- પહેલા હું માનતો હતો કે આપણે ધારીએ એમ જ થાય….પણ ક્રમશઃ લાગ્યું કે , આપણે એક પામર જીવ થી વિશેષ કઈ નથી. આપણા હાથમાં કશું જ નથી…….જીવનમાં ઘણા ઉતાર ચઢાવ જોવા મળ્યા…અને પછી તો મે કંટાળી ને જ “ડ્રાઈવર” ની સીટ છોડી દીધી..અને હરિને કહ્યું કે – હવે તો તું જ્યાં લઇ જાય ત્યાં આપણે જવું….! પોતાનું કરી જોયું…પણ કઈ કામ ન લાગ્યું…..અને આજે હવે લાગે છે કે  મે ડ્રાઈવર  ની સીટ છોડવા નો જે નિર્ણય લીધેલો એ સાચો હતો…..! હવે આજે જો સીધા ગાડીમાં થી રસ્તા પર આવી જવાય તો દુઃખ જરૂર થાય પણ એટલું બધું નહી…..! તો કહેવા નું શુ……….કે…..

શ્રીહરિના વચન પર વિશ્વાસ….! મને સ્વામિનારાયણ સંપ્રદાય નો જો કોઈ એક પ્રસંગ વિશેષ ગમતો હોય તો એ છે…..સહજાનંદ સ્વામી દ્વારા પૂ. રામાનંદ સ્વામી પાસે – સંપ્રદાય ની ધુરા સંભાળતી વખતે માંગવામાં આવેલા વચન………!

મારા વ્હાલા નું વચન.....

ઈસવીસન ૧૮૦૧  માં , જેતપુર ખાતે માત્ર ૨૦-૨૧ વર્ષના અત્યંત તેજસ્વી એવા સહજાનંદ સ્વામીને -સમગ્ર સંપ્રદાય સોંપ્યો….એ વખતે, ઋણાનુભાવે શ્રીહરિએ પોતાના ગુરુ પાસે બે વચન માંગ્યા….કે જે લાખો કરોડો મુમુક્ષો ની જિંદગી નો ઉદ્ધાર કરવા ના હતા……..

  1. જો કોઈ તમારા સત્સંગીને એક વીંછીના ડંખ નું દુઃખ થવાનું હોય તો..એના બદલે એ દુઃખ અમને રુંવાડે રુંવાડે લાખો ડંખ નું દુઃખ થાજો પણ , એ ભક્ત ને ન થાય…..
  2. જો તમારા સત્સંગી ના નસીબમાં રામપાતર લખેલું હોય તો એ રામ પાતર અમને આવે પણ તમારો એ સત્સંગી- અન્ન-વસ્ત્રે કરી ને ક્યારેય દુઃખી ન થાય….

……..શું કહું??? આ વચન વાંચી ને મારું હૃદય ભરાઈ આવે છે…..પોતાના ભક્તો ના હિત-સુખ ખાતર પોતે દુઃખ ભોગવે- એ ભગવાન કેવો????  પોતે પોતાના ભક્ત ના દુઃખ માંગી લીધા……! તમે આજે પણ જુઓ….કોઈ સ્વામિનારાયણ સત્સંગી કે જે સંપ્રદાય ના બધા નિયમ-ધર્મ નું પાલન કરે છે- એ ક્યારેય દુઃખી થતો નથી…..! તો , આ એક હરીવચન ને આધારે આપણે આજે સુખમાં છીએ…..! સ્વયં શ્રીકૃષ્ણ ભગવાને પણ ગીતામાં કહ્યું છે કે….” જે ભક્તો મારા માટે ઘસાય છે….કષ્ટ વેઠે છે..એમના યોગ-ક્ષેમ નું વહન હું કરું છું….” !!! …..ભુજ ની લીલાઓ કે ૧૮૦૫-૧૦  ની શ્રીહરિ ની લીલાઓ તમે વાંચો તો ખબર પડે કે – સ્વામિનારાયણ ભગવાન એમના ભક્તો ના કલ્યાણ માટે ક્યાં ક્યાં – ઉઘાડા પગે….બળબળતા રણમાં…ભૂખ્યા તરસ્યા ફર્યા છે???? ..

તો જીવનમાં સુખ દુઃખ તો રહેવાના જ……કૃષ્ણ ભગવાન નો પોતાનો જન્મ જ કારાગૃહ માં થયો હતો…અને આખી જિંદગી એમને રઝળપાટ કરી હતી….! સ્વામિનારાયણ ભગવાન..ક…….શ્રીરામ …તમે કોઈ પણ ના ચરિત્ર જુઓ….દુઃખ તો એમણે ભોગવ્યા જ છે….! તો આપણે , એક સામાન્ય મનુષ્ય થઇ ને દુઃખમાં કેમ તૂટી જઈ એ છીએ…..??? ……કારણ કે આપણ ને હરિના વચન પર વિશ્વાસ નથી…..કે નથી પોતાના પર વિશ્વાસ…( વાંચો ગીતાનો કર્મયોગ)..!

બસ ..યાદ રાખો…….

  • સુખ દુઃખ એ અટલ છે….અનિવાર્ય છે…..આવવા ના જ છે…….તો ભાગો નહી…લડો…હરીવચન પર વિશ્વાસ રાખો….
  • સામાન્ય માણસ ને બે કારણે દુઃખ આવે….૧) સંચિત કર્મો ને કારણે- કે પૂર્વ-જન્મ ના કર્મો ને લીધે… ૨) આ જન્મ ના કર્મો ને લીધે..
  • અને હરિભકત ને ત્રણ કારણે દુઃખ આવે..કારણ કે હરિ ને એના પર વિશેષ પ્રેમ છે….૧) સંચિત કર્મો…૨) આ જન્મ ના કર્મો ..નિયમ ધર્મ નું ઉલ્લંઘન..૩) શ્રીહરિ ની કસોટી…..— અને જે આ કસોટીમાં સ્થિર રહી જાય..હરીવચન પર વિશ્વાસ ન ડગે….તેને જ અક્ષરધામ મળે છે…..હરિચરણમાં સ્થાન મળે છે અને સુખ-દુખના ભવ-ફેરા બંધ થાય છે…..
  • ક્યારેક સુખ કરતાં- દુઃખ સારું….કારણ કે….૧) દુઃખમાં પોતાની અડગતા -શક્તિ ખબર પડે..૨) પોતાનું કોણ..પારકું કોણ એ ખબર પડે…૩) હરિ ભક્તિમાં વધારે ભાવ આવે……
  • ” હરિ ને ભજતા હજુ કોઈ ની લાજ ..જતા નથી જાણી રે……” યાદ છે ને…નરસૈયા ના બોલ અને એનું જીવન…!

તો બસ…..જીવન આ જ છે……એક હરિના વચન પર વિશ્વાસ…..એનો રાજીપો….તમને સ્થિતપ્રજ્ઞ બનાવી શકે છે…….તો એના પર વિશ્વાસ…હૃદય થી મૂકી તો જુઓ…..પછી તમે જુઓ…તમે કેવા હળવા ફૂલ થઇ જાઓ છો..! ચિંતા કરવા વાળો આપણો “ધણી” ..અમર “ધણી” બેઠો છે…..!

સાથે રહેજો

જય સ્વામિનારાયણ….

રાજ