Raj Mistry's world

Me,my stories and world around….


Leave a comment

BAPS રવિસભા- 30/09/2018

પછી શ્રીજીમહારાજ બોલ્યા જે, “આ સત્સંગમાં હરિભક્તને ક્યારે મૃત્યુનો ભય ટળી જાય ને દેહ છતે જ પોતાનું કલ્યાણ મનાઈ જાય?”

પછી શ્રીજીમહારાજ બોલ્યા જે………..

ચાર પ્રકારના હરિભક્ત હોય તેને મૃત્યુનો ભય નાશ પામે છે અને કૃતાર્થપણું મનાય છે. તે ચાર પ્રકારના હરિભક્તની વિક્તિ – એક તો વિશ્વાસી, બીજો જ્ઞાની, ત્રીજો શૂરવીર, ચોથો પ્રીતિવાળો, એ ચાર પ્રકારના જે ભક્ત તેને તો મૃત્યુનો ભય નથી રહેતો અને દેહ છતે કૃતાર્થપણું મનાય છે. હવે એ ચાર પ્રકારના ભક્તનાં લક્ષણ કહીએ છીએ. તેમાં

——–જે વિશ્વાસી હોય તે તો પ્રત્યક્ષ ભગવાન ને તેના સાધુ તેના વચનને વિષે અતિશય વિશ્વાસને પામ્યો છે; માટે તે ભગવાનના નિશ્ચયના બળ વડે કરીને મૃત્યુનો ભય રાખે નહીં અને એમ જાણે જે, ‘મને પ્રત્યક્ષ પુરુષોત્તમ ભગવાન મળ્યા છે માટે હું કૃતાર્થ છું.’ અને

——-જ્ઞાનીને તો આત્મજ્ઞાનનું બળ હોય, તે એમ માને જે, ‘હું તો બ્રહ્મસ્વરૂપ એવો ભગવાનનો ભક્ત છું;’ માટે એને પણ મૃત્યુનો ભય હોય નહીં. અને

—–શૂરવીર હોય તે થકી તો ઇન્દ્રિયો તથા અંતઃકરણ એ સર્વે થરથર કંપતાં રહે અને બીજા કોઈથી પણ ડરે નહીં, માટે એને કોઈ રીતે પરમેશ્વરની આજ્ઞામાં ભંગ થાય નહીં. માટે પોતાને કૃતાર્થપણું માને અને મૃત્યુનો ત્રાસ તેના મનમાં લેશમાત્ર પણ હોય નહીં. અને ચોથો જે

——પ્રીતિવાળો તેને તો પતિવ્રતાનું અંગ છે. જેમ પતિવ્રતા સ્ત્રી હોય તેને પોતાના પતિ વિના બીજે ઠેકાણે વૃત્તિ ડોલે નહીં ને એક પોતાના પતિને વિષે જ પ્રીતિ રાખે, તેમ તે ભગવાનનો ભક્ત તે પતિવ્રતાની પેઠે પોતાના પતિ એવા જે ભગવાન તેને વિષે જ પ્રીતિ રાખે. માટે પોતાને કૃતાર્થપણું માને અને તેને મૃત્યુનો ભય પણ લેશમાત્ર હોય નહીં.

…. અને એ ચાર અંગ માંહેલું એક પ્રધાન હોય ને બીજાં ત્રણ ગૌણ હોય તો પણ જન્મ-મૃત્યુના ભય થકી તરે છે અને ચાર માંહેલું એક પણ ન હોય તેને તો મૃત્યુનો ભય ટળે નહીં.”


વચનામૃત- લોયા-૨

આજની સભા- એવા હરિભક્તો માટે હતી કે જે ભક્તિ માં પોતાનું અંગ જાણે છે…..પોતે -વિશ્વાસી…જ્ઞાની ..શૂરવીર કે ભગવાન માં પ્રીતિ વાળા છે કે નહીં?? તે જાણે છે અને તે મુજબ વર્તે છે…….જો આપણે એમાં થી એકેય ન હોઈએ તો- આપણે એવા ગુણ કેળવવા ના છે અને આ જન્મે જ ભક્તિ ને સફળ કરવા ની છે …..

ગયા રવિવારે ગુરુ મહંત સ્વામિ મહારાજ અમદાવાદ થી વિદાય થયા હતા અને એ પછી નો આ પ્રથમ રવિવાર હતો…..પણ મંદિર માં હજુ પણ બંધાયેલી હાલત માં રહેલા શમિયાણા અને હરિભક્તો નો ઉત્સાહ જોઈને તો એમ જ લાગે છે કે સ્વામીશ્રી અહી જ હાજર છે……! તો આજની સભામાં પહોંચ્યા અને સર્વ પ્રથમ મારા વ્હાલા ના દર્શન કરવા માં આવ્યા…….ચાલો કરીએ ગુલાલ…..

ભાની શરૂઆત યુવકો દ્વારા સ્વામિનારાયણ ધૂન થી થઈ પછી પ્રેમાનંદ સ્વામિ રચિત કીર્તન..” તેરી સાવરી સુરત પર હો વારિયા ..” બ્રહ્માનંદ સ્વામિ રચિત ..” રંગ રેલ પિયા ગિરધારી”…..; અને પ્રેમાનંદ સ્વામિ રચિત એક આની કીર્તન ” ધર્મકુંવર હરી મુર્તિ તમારી ….” જોશીલા અંદાજ માં રજૂ થયું…….!

ત્યારબાદ સ્વામીશ્રી નો અમદાવાદ માં ઉજવાયેલો તારીખ મુજબ નો જન્મોત્સવ ( ૧૩/૦૯) ની વિડીયો દર્શન દ્વારા સ્મૃતિ કરવા માં આવી..જે નીચે ની લિંક દ્વારા આપ પણ કરી શકશો………

ત્યારબાદ – સભામાં ભારત ના ખૂબ જ પ્રખ્યાત …અતિ વિધવાન …ભારત નું ગૌરવ કહી શકાય તેવા પ્રોફ.ડો. સત્યવ્રત શાસ્ત્રીજી પધાર્યા હતા….પૂ. શ્રીહરિ સ્વામિ એ અને પૂ.અક્ષરવત્સલ સ્વામિ એ તેમને આવકાર્યા…!…સંસ્કૃત ના વિશ્વ માં- ભારત થી લઈને છેક ઇંડોનેશિયા સુધી – શીર્ષસ્થ એવા પ્રોફેસર ૮૯ વર્ષ ની ઉમરે પણ અતિ કઠિન એવું સંશોધન કરી રહ્યા છે …વિશાળ એવા ગ્રંથ ની રચના કરી રહ્યા છે અને એમણે વાત કરતાં કહ્યું કે- જીવન માં એમને ઘણા સન્માન મળ્યા છે પણ પરમ પૂજ્ય પ્રમુખ સ્વામિ મહારાજ દ્વારા મળેલા આશીર્વાદ એ- સૌથી વિશેષ છે…….અને ગઇકાલે સારંગપુર ખાતે – મહંત સ્વામિ મહારાજ દ્વારા એમનું સન્માન થયું અને એ ગદગદ થઈ ગયા……અને કહ્યું કે- એમના જીવન માં માત્ર બે વાત નું વ્યસન રહ્યું છે……૧) વિધ્યા અભ્યાસ…૨) હરિ સ્મરણ …અને ભગવાન ને પ્રાર્થના કરતાં કહ્યું કે -જીવન ના છેલ્લા શ્વાસ સુધી બસ આ જ કરતો રહું……!!! અને સ્વામીશ્રી એ એમને શતાયુ થવા ના આશીર્વાદ આપેલા છે………!!! અદ્ભુત……સાવ એકવડિયું શરીર પણ તેજ જુઓ….હિમ્મત જુઓ તો સમજાય કે – જ્ઞાન કોને કહેવાય…!!

ત્યારબાદ કોઠારી પૂ.આત્મ કિર્તિ સ્વામી એ લોયા-૨ ના વચનામૃત પર આધારિત અદ્ભુત પ્રવચન કર્યું……આપણે અહી તેના સાર રૂપ અંશ માત્ર જોઈશું…..

  • આપણે બધા વિશ્વાસ થી ભગવાન સાથે જોડાયેલા છીએ પણ જો દેશકાળ આવે તો તેમાં વિઘ્ન આવે પણ જો સત્સંગ મજબૂત હોય …જ્ઞાન જીવ માં દ્રઢ હોય તો વાંધો ન આવે …..
  • અને એ જ્ઞાન એટ્લે આત્મા પરમાત્મા નું જ્ઞાન….સંપ્રદાય ના પાયા નું જ્ઞાન ..જો એ દ્રઢ હોય તો જીવ વિપરીત દેશકાળ વચ્ચે પણ અડગ રહે…..
  • અનાદિ મૂળ અક્ષર ગુણાતીતાનંદ સ્વામી એ કહ્યું છે કે – સત્સંગ દ્રઢ રહે તેના માટે આત્મા પરમાત્મા નું જ્ઞાન…..સાંખ્ય વિચાર સતત રહે એ જરૂરી છે …..અને એ માટે જ્ઞાન આપે એવા સત્પુરુષ ની જરૂર પડે છે…..અને સત્પુરુષ એટ્લે એ જ્ઞાન કહે એટલું જ નહીં પણ એમના વર્તન માં પણ એ જ્ઞાન આત્મસાત કર્યું હોય એવું જોઈએ…..! એવા જ સત્પુરુષ મહંત સ્વામી મહારાજ ને જ્ઞાન ની ગોષ્ઠી બહુ જ પસંદ છે ……એમનો એના પર ખૂબ રાજીપો છે .
  • આપણું જ્ઞાન સબીજ છે…….અને એ જ્ઞાન જીવ માં ઘૂસે અને દ્રઢ થાય તો જ્ઞાની બ્રહમરૂપ વર્તી શકે અને જો એમ થાય તો એને ભગવાન સિવાય બીજી કોઈ કામના ન રહે……..દેહભાવ ટળી જાય
  • એ માટે મોટા પુરુષ નો સતત સમાગમ કરવો…એમનો મહિમા દ્રઢ કરવો…..એમના ગુણ નો સતત વિચાર..મનન કરવું જેથી એ જીવ માં દ્રઢ થાય અને બ્રહ્મજ્ઞાન થાય….
  • આવા ભક્ત થવાય તો મૃત્યુ નો ભય સહજ માં ટળે છે…….

અદ્ભુત…અદ્ભુત…….! સત્સંગ માં આ જ શીખવા નું છે…….મૃત્યુ નો ડર સૌથી મોટો હોય છે…અને સત્પુરુષ ના સંગે બ્રહ્મજ્ઞાન જીવ માં દ્રઢ થાય તો આ લૌકિક ડર સહેજ માં છૂટી જાય છે અને સહજ નિર્ભય પણું આવે છે…….અને કદાચ એ જ બ્રહ્મ માર્ગ ની ફળશ્રુતિ છે……

તો બસ સત્સંગ કરતાં રહો………..સત્પુરુષ અને સિધ્ધાંત ને ..સતત આત્મસાત કરી ..બ્રહ્મ જ્ઞાન ને જીવસ્થ કરતાં રહો……!

જય સ્વામિનારાયણ….

રાજ


Leave a comment

BAPS સત્પુરુષ સ્વાગત રવિસભા-૦૨/૦૯/૨૦૧૮

ભગવાનની પેઠે સેવા કરવા યોગ્ય એવા જે સંત તે કેવા હોય?

તો

  • ઇન્દ્રિયો, અંતઃકરણ આદિક જે માયાના ગુણ તેની જે ક્રિયા તેને પોતે દાબીને વર્તે પણ એની ક્રિયાએ કરીને પોતે દબાય નહીં; ……..
  • ને ભગવાન સંબંધી ક્રિયાને જ કરે;……..
  • ને પંચ વર્તમાનમાં દ્રઢ રહેતા હોય;…..
  • ને પોતાને બ્રહ્મરૂપ માને ને પુરુષોત્તમ ભગવાનની ઉપાસના કરે…….

એવા જે સંત તેને મનુષ્ય જેવા ન જાણવા ને દેવ જેવા પણ ન જાણવા;…… કેમ જે, એવી ક્રિયા દેવ-મનુષ્યને વિષે હોય નહીં……… અને એવા સંત મનુષ્ય છે તો પણ ભગવાનની પેઠે સેવા કરવા યોગ્ય છે……

……..માટે જેને કલ્યાણનો ખપ હોય એવા જે પુરુષ તેને એવા સંતની સેવા કરવી.


ભગવાન શ્રી સ્વામિનારાયણ – વચનામૃત- ગઢડા અંત્ય-૨૬

ગઢડા પ્રથમ 27 માં શ્રીજી મહારાજ કહે છે કે એકાંતિક સત્પુરુષ ના અંગે અંગ માં ભગવાન રહેલા છે ..અને એથી જ એવા એકાંતિક સત્પુરુષ ને મન કર્મ વચને કરી સેવવા એટ્લે કે સાક્ષાત ભગવાન ને સેવવા…….અને આવા એકાંતિક પુરુષ માં જો દ્રઢ પ્રીતિ થાય તો જીવ ને સાક્ષાત ભગવાન ની પ્રાપ્તિ થાય છે અને જીવ પરમપદ ને પ્રાપ્ત કરે છે……પણ પ્રશ્ન એ કે આવા એકાંતિક સત્પુરુષ કે જે સદાયે ચિરંજીવી છે…..એમને ઓળખવા કઈ રીતે??? ઉત્તર છે…એમના ગુણ દ્વારા…….અને એ ગુણ ક્યા?? તો ઉપરોક્ત વચનામૃત માં શ્રીજી એ વર્ણવ્યા છે તેવા……!! ……

તો…આજે એવા જ એકાંતિક સંત….પ્રગટ અક્ષરબ્રહ્મ અમદાવાદ ના હરિભક્તો ના હૈયા ને ઠારવા માટે….બ્રહ્મ નો આનંદ આપવા આજે અટલાદરા થી શાહીબાગ મંદિરે પધારવા ના હતા…અને હૈયા ના આ ઉમળકા થી..એ સત્પુરુષ નું સ્વાગત કરવા – સમગ્ર શાહીબાગ મંદિર પરિસર- સભા ગૃહો…..હરિભક્તો ના અસ્ખલિત પ્રવાહ થી છલોછલ ભરાઈ ગયા હતા ……! એનું દ્રશ્ય કોઈ પણ જુએ તો સમજાય કે- અક્ષરબ્રહ્મ એટ્લે કે ચમક નો પહાડ……એમાં શ્રીજી પ્રગટ પ્રમાણ રહ્યા છે..જેથી જીવમાત્ર સહેજે ખેંચાઇ આવે…..એમાં લેશ માત્ર સંશય નથી….!

સાંજે 4-30 પછી મંદિર ના દર્શન – વ્યવસ્થા ના ભાગ રૂપે બંધ હતા આથી ઠાકોરજી ના દર્શન – પડદા પર જ કરી સંતૃપ્ત થવું પડ્યું…….સભાની શરૂઆત – યુવકો દ્વારા ધૂન …… અને કીર્તન થી થઈ……જે કીર્તન રજૂ કર્યા તે નીચે મુજબ હતા…..

  • આજ સખી આનંદ ની હેલી…..રચયિતા- જેરામ બ્રહ્મચારી…જે આજના સ્વાગત સમારોહ માં હરિભક્તો ના ઉત્સાહ..ઉમંગ નું યથાર્થ નિરૂપણ હતું….
  • આવો આવો શ્રીજી સ્વામિ આવો……
  • શ્યામ સનેહી ઘેર આવ્યા……..રચયિતા- પ્રેમાનંદ સ્વામિ
  • અલબેલા જી મારે ઓરડે રે……- બ્રહ્માનંદ સ્વામિ…..અને સમગ્ર સભા જાણે કે સંગીત -કીર્તન ના આ પ્રવાહ માં એકાકાર ….. થઈ ગઈ…..અને બધા ની નજર -એ સત્પુરુષ ના આગમન માં વિહવળ બની સ્થિર થઈ ગઈ….

ત્યારબાદ પૂ. યગ્ન પ્રિય સ્વામિ એ – અનાદિ મૂળ અક્ષર ગુણાતીતાનંદ સ્વામી ની અક્ષર વાતો-1/1 અને વચનામૃત ગઢડા અંત્ય-૨૬ અને અનેક ઉદાહરણો -પ્રસંગો દ્વારા બ્રહ્મ સ્વરૂપ પ્રમુખ સ્વામી મહારાજ અને પ્રગટ અક્ષરબ્રહ્મ મહંત સ્વામી મહારાજ ના ગુણાતીત ગુણ…એની સામ્યતા નું અદ્ભુત નિરૂપણ કર્યું……એ ગુણ માં…..

  • ગુરુ ના સ્વરૂપ..વચન માં અડગ નિષ્ઠા
  • નિયમ ધર્મ -પંચ વર્તમાન માં દ્રઢતા
  • કથા વાર્તા માં ઇશક
  • સત્સંગ માટે દેહ ને કૃષ્ણાર્પણ કરવો…
  • દાસાનુદાસ
  • ગુરુ ની રુચિ એ જ જીવન
  • અત્યંત સરળ સ્વભાવ
  • બધો જશ ગુરુ ને
  • નિસ્વાદીપણું
  • એક ભક્તિ ને જ સર્વ ક્રિયા માં પ્રાધાન્ય
  • ભગવાન નો અતિ મહિમા
  • જીવ માત્ર પર પોતાની હાજરી નો દિવ્ય પ્રભાવ
  • ઐશ્વર્ય

આવા એકાંતિક પુરુષ આપણ ને સાક્ષાત મળ્યા ચ્હે તો તેમને રાજી કરી લઈએ એટ્લે બધુ ભયો…ભયો……!!

ત્યારબાદ સભા – સ્વામીશ્રી ની કાગડોળે રાહ જોઈ રહી હતી- તેની શાતા માટે – સ્વામીશ્રી ના અટલાદરા દિવ્ય વિચરણ ના અદ્ભુત વિડીયો દર્શન નો લાભ મળ્યો અને સ્વામીશ્રી ના આગમન બાદ- અમદાવાદ ખાતે વિવિધ ઉત્સવ – દિન ના આયોજન…પાર્કિંગ વ્યવસ્થા વિષે અગત્ય ની જાહેરાત થઈ…..

છેક સાડા સાત – પોણા આઠ વાગ્યે સત્પુરુષ ની ધોધમાર વરસાદ વચ્ચે ભવ્ય પધરામણી થઈ…….આરતી બાદ પૂ.ઈશ્વર ચરણ સ્વામી એ સત્પુરુષ ના મહિમા વિષે અદ્ભુત પ્રવચન થયું અને સ્વામીશ્રી મંદિર માં ઠાકોરજી ના દર્શન કરી – નીચેના સભા ગૃહ માં અને ત્યારબાદ ઉપર ના સભા ગૃહ માં પધાર્યા…….સભાગૃહ જ્યજ્યકાર ના નાદ સાથે ગુંજી ઉઠ્યું…..સ્વામીશ્રી ના ચરણો માં હજારો શીશ નમી પડ્યા…….! સ્વામીશ્રી એ – મનોહર હિંડોળા પર હરિકૃશ્ન મહારાજ ને બિરાજ માન કરી ઝુલાવ્યા અને ત્યારબાદ સંતો ની પ્રાર્થના ને માન આપી સ્વામીશ્રી પોતે હિંડોળે બિરાજયા અને બાળ મંડળ દ્વારા ” સ્વાગતમ મહંત સ્વામી …” નૃત્ય દ્વારા સ્વામીશ્રી નું સ્વાગત કર્યું…….કોઠારી આત્મ્કીર્તિ સ્વામી એ – સ્વામીશ્રી મંદિર પરિસર માં પધાર્યા ત્યારે ગુલાબ ના હાર થી સ્વાગત કર્યું હતું તો- અહિયાં સભા ગૃહ માં – મોટેરા સાધુ ઑ દ્વારા મોતી અને ઈલાયચી ના હાર દ્વારા સ્વાગત થયું…….!

અદ્ભુત દર્શન……..!!! હવે કાલ – જન્માષ્ટમી ના ઉત્સવ સાથે અમદાવાદ મંદિર- વિવિધ ઉત્સવ દિનો ની શરૂઆત થશે……તો સર્વે હરિભક્તો- મુમુક્ષો ને – સત્પુરુષ નું આ અતુલ્ય સુખ લૂંટવા હાર્દિક નિમંત્રણ મોટેરા સંતો આપવા માં આવ્યું છે……તો અચૂક પધારવું…આવો મોકો ફરીથી નહીં મળે…….જીવી જાઉં…!

જય સ્વામિનારાયણ

રાજ


Leave a comment

BAPS રવિસભા- ૧૦/૦૯/૨૦૧૭

“…..આજ્ઞામાં રહે ને છેટે છે તો પણ અમારા ઢોલિયાની પાસે છે….. ને આજ્ઞા નથી પાળતો તે પાસે છે તો પણ છેટો છે……… તે ગમે તેવો જ્ઞાની હશે, હેતવાળો હશે ને મોટેરો હશે પણ આજ્ઞા લોપે તો સત્સંગમાં ન રહેવાય………. ત્યાં દ્રષ્ટાંત દીધું જે, પતંગ ઉડાડવાથી છેટો ગયો છે પણ દોરી હાથમાં છે તો સમીપમાં જ છે. તેમ આજ્ઞારૂપી દોરી હાથમાં છે તો મહારાજની પાસે જ છે…….”


અનાદિ મૂળ અક્ષર ગુણાતીતાનંદ સ્વામી ની અક્ષર વાતો-૫/૫૭૧

સત્સંગ હોય કે સંસાર……એમાં શાસ્ત્રો…મોટા પુરુષ કે સ્વયમ ભગવાને બાંધેલી મર્યાદા ઓ…નિયમ ધર્મ ..એમની આજ્ઞા …..એનું ઉલ્લંઘન આપણે કરી એ તો છેવટે દુખ જ આવે…….! આપણ ને ક્ષણિક ભાસ થાય કે- શાસ્ત્રો હોય કે સાધુ …એ તો બોલ્યા કરે…એમને થોડી વાસ્તવિકતા ની ખબર છે….?? પણ આપણે એ નથી જાણતા કે – એ તો પૂર્વાપર નું જાણે છે…….અનુભવે સિદ્ધ જ્ઞાન ધરાવે છે…અને એમની બાંધેલી મર્યાદા ઓ – દેશ-કાળ-ક્રિયા થી ઉપર હોય છે……! નવરાત્રી આવી રહી છે અને સદી ઓ પુરાણી શક્તિ આરાધના આજકાલ “ડિસ્કો-દાંડિયા” માં …પલટાઈ ગઈ છે..જ્યાં પૈસા-ધંધા-વ્યભિચાર-આછકલાઈ-વ્યસન ની છોળો ઉછળે છે…અને યુવાધન એમાં બરબાદ થતું  જાય છે…..!

એ યુવાનો માટે- બધા માટે- આવનારી નવરાત્રી- સાચા અર્થ માં શક્તિ નું પર્વ..ભક્તિ નું પર્વ……નિયમ-ધર્મ નું પર્વ બની રહે…..ધર્મ-નિયમ સચવાઈ ને આ ઉત્સવ ઉજવી શકીએ એ માટે ની આજની સભા હતી….!

અમે આજે અમુક કારણોસર સભામાં મોડા પહોંચ્યા……સૌપ્રથમ શ્રીજી ના દર્શન……

This slideshow requires JavaScript.

સભા આજે નીચે ના નવીનીકરણ પામેલા હોલ માં હતી……આથી હરિભક્તો ની ભીડ વધારે હતી…….સ્થાન ગ્રહણ કર્યું ત્યારે યુવાનો ને મુખે પ્રેમાનંદ સ્વમી રચિત કીર્તન….”ઓરા આવો…જોઉં છોગલું તમારું…” રજુ થયું……

ત્યારબાદ- સમગ્ર સભા ને કેન્દ્ર માં રાખી ને એક સંવાદ પ્રસ્તુત થયો. યુવકો નું એક મંડળ વકીલો નું બન્યું તો એક મંડળ સત્સંગી યુવાઓ નું બન્યું……! કોર્ટ રૂમ માં જજસાહેબ ની સમક્ષ દલીલો- “નવરાત્રી માં યુવાનો  એ જવું કે નહિ” તે પર થયો…….બંને પક્ષે પોતાના દાવા પ્રસ્તુત કર્યા અને સમગ્ર નોરતા નો મહિમા…એની પાછળ ની -શાસ્ત્રો-સંસ્કૃતિ ની ભાવના…ઉજાગર થતી ગઈ….ધર્મ-નિયમ સાથે રાખી ને …સ્ત્રી-પુરુષ ની મર્યાદા નો ખ્યાલ રાખી ને પણ – નોરતા નો ઉત્સવ ઉજવી શકાય…એને સાચા અર્થ માં ભક્તિ પર્વ તરીકે ઉજવી શકાય – એ રજુ થયું…..અને સમગ્ર સભા એ એને વધાવી લીધું……! જુનાગઢ ના નિષ્ઠાવાન પોલીસ અધિકારી રાણા સાહેબ – નો ધર્મ નિયમ સાચવવા નો…ગુરુ વચન–ગુરુઆજ્ઞા ને શિર સાટે ઝીલી લેવાનું ચરિત્ર પણ રજુ થયું…….અને પંચાળા માં શ્રીજી એ રચેલો અદ્ભુત રાસ – પણ યુવકો એ રજુ કર્યો- અને સમગ્ર સભા આનંદિત થઇ ઉઠી…….!!!

21616034_1447510418620255_7108921225761973624_n

સભામાં હાજર- પુ.વિવેકસાગર સ્વામી જેવા અતિ વિદ્વાન અનુભવી સંતે પણ નવરાત્રી- માં નિયમ ધર્મ સાથે ના ભક્તિ પર્વ ની વાત કરતા કહ્યું કે…..

  • આ ઉત્સવ…એના પાછળ ના મહિમા ના આપણે વિરોધી નથી…પણ એના નામ પર આજકાલ જે નાટક થઇ રહ્યા છે…….પાપ થઇ રહ્યા છે તેનો વિરોધ છે……માટે યુવકો એ – આવા કાર્યક્રમ માં જવું નહિ……પણ નવરાત્રી ના ઉત્સવ ને- ભક્તિ પર્વ તરીકે ઉજવવું….
  • નવરાત્રી  પાછળ ની- મહિષાસુર વધ ની કથા……સ્ત્રી શક્તિ- દુર્ગા સ્વરૂપ આપણ ને દુષણો સામે- સંયમ અને ધર્મ ની શક્તિ રાખવા નું સૂચવે છે……નિયમ ધર્મ ની શક્તિ- એનું બળ આપણા માં હશે તો – જીવન માં ગમે તેટલા દુષણ આવશે…..આધી-વ્યાધી-ઉપાધી આવશે પણ જીવ બળવાન બની તેની સામે ટકી રહેહ્શે……
  • આપણા ગુણાતીત પુરુષો એ- આવા ઉત્સવ- સાચા મહિમા સાથે…સાચા ભક્તિ-કર્મ સાથે કઈ રીતે ઉજવાય એ શીખવ્યું છે..અને આપણે એ જ કરવા નું છે……..અહી ભક્તિ કરવા ની છે…યુક્તિ નથી કરવા ની…!!
  • આજ્ઞા માં રહેવાશે તો જ સુખ થશે………

અદ્ભુત…..અદ્ભુત…! છેવટે બ્રહ્મ સ્વરૂપ પ્રમુખ સ્વામી મહારાજે અને પ્રગટ અક્ષરબ્રહ્મ મહંત સ્વામી મહારાજે – નવરાત્રી -ભક્તિ પર્વ નિમિત્તે પોતાના આશીર્વચનો ના વિડીયો દર્શન નો લાભ આપ્યો……

સભાને અંતે અમુક જાહેરાત થઇ……

  • આવતી રવિસભા – મહંત સ્વામી મહારાજ ના ૮૫ માં પ્રતિક જન્મોત્સવ ની સભા તરીકે ઉજવાશે…..સાથે સાથે અક્ષરદેરી પ્રેરણા સભા નો લાભ આગામી સભામાં મળશે….
  • અમેરિકન હરિભક્ત- પ્રનીતી પરીખ દ્વારા ભાષાંતર કરેલ પુસ્તક… Hindu Funeral rites – અંત્યેષ્ઠી સંસ્કાર પ્રકાશિત થયું…….
  • “જમો ને જમાડું” સેવા પ્રોજેક્ટ માં સર્વે હરિભક્તો એ ઉત્સાહ થી જોડાઈ જવું…..

તો- સમગ્ર સભાનો સાર એટલો જ કે- આપણે સર્વે એ- આવનરી પેઢીઓ એ – આપણી સંસ્કૃતિ…આપણા ઉત્સવો નો સાચો અર્થ- મહિમા સમજવો જોઈએ……..અને શાસ્ત્રો- મોટા પુરુષ- અને સ્વયમ ભગવાને બાંધેલી મર્યાદાઓ- નિયમ ધર્મ…અને આજ્ઞા ઓ મુજબ જ ઉત્સવ ની ઉજવણી કરવી જોઈએ……! કારણ કે સુખ- આજ્ઞા અને નિયમ ધર્મ માં જ છે…..સ્વછંદી પણે વર્તવા થી આપણું …આપણી સંસ્કૃતિ અને આવનારી પેઢીઓ…સમાજ સર્વે નું પતન નિશ્ચિત છે……

જેટલા વહેલા જાગશું…એટલું જ કલ્યાણ…!!!

જય સ્વામિનારાયણ…..

રાજ

 


Leave a comment

BAPS રવિસભા-૦૩/૦૯/૨૦૧૭

“….આપણે સત્સંગ માં રહેવું હશે તો ઝેર પી ને પણ સંપ રાખવો પડશે…..”


બ્રહ્મ સ્વરૂપ પ્રમુખ સ્વામી મહારાજ

સંપ, સુહર્દભાવ અને એકતા- યોગીજી મહારાજ ના જીવન સૂત્ર હતા……અને આજે એમના જ શિષ્ય પ્રગટ અક્ષરબ્રહ્મ મહંત સ્વામી મહારાજ ના પણ એ જ રાજીપા ના સૂત્ર છે. મહંત સ્વામી મહારાજ તો કહે છે કે – સંપ હશે તો બધું જ થઇ રહેશે……..એના વગર કશું જ નહિ થાય..! અને આજે જે જગ્યા એ એ વિચરણ માં હોય ત્યાં – સંપ,સુહર્દભાવ અને એકતા ના સૂત્ર સર્વે ને જરૂર ગોખાવે છે. છેવટે તો- સત્પુરુષ નો રાજીપો હોય તો જ જીવ બ્રહ્મરૂપ થાય…….અને એ માટે – એમના રાજીપા ના આ સૂત્ર જીવમાં….ઝેર પી ને પણ…..ગમ ખાઈ ને પણ …ખોટ ખાઈ ને પણ દ્રઢ કરવા ના છે……….! એ રાજી તો શ્રીજી રાજી…!! અને એ થશે તો છતે દેહે અક્ષરધામ નું સુખ આહી બેઠા આવશે…એની ગેરંટી..!

ગઈ રવિસભા નો પણ લાભ લઇ ન શકાયો……..આજે સભામાં થોડાક મોડા પહોંચ્યા. શ્રી ગણેશ વિસર્જન ના નામે રોડ પર થતા ધજાગરા…..દુખ દાયક છે..પણ શું થાય?? સભામાં પહોંચ્યા પહેલા શ્રીજી ના મન ભરી ને દર્શન કરવામાં આવ્યા……

21231016_1440321399339157_8210796592232093184_n

સભામાં સ્થાન ગ્રહણ કર્યું એ સમયે પૂજ્ય કૃષ્ણ સ્વરૂપ સ્વામી ના કંઠે એક કીર્તન પૂરું થઇ રહ્યું હતું. ત્યારબાદ પુ.વિવેક મુની સ્વામી એ ” વ્હાલા અક્ષરધામ ના વાસી ..મારે હૈયે કરજો નિવાસ…” અને યુવક મિત્ર જૈમીન વૈદ્ય દ્વારા સદ્ગુરુ મંજુકેષાનંદ રચિત  ..” મોહે પ્યારી રે નટવર નાથ..મૂર્તિ તારી રે..” રજુ થયું…! અદ્ભુત…….ધારો કે કીર્તન ન હોત તો કદાચ સત્સંગ માં સુર જ ન હોત…એમ હું માનું છું…!

ત્યારબાદ જાહેરાત થઇ કે -આજની સભામાં પુ.બ્રહ્મવિહારી સ્વામી – પ્રવચન નો લાભ આપવા ના હતા પણ આપણા માનનીય રાષ્ટ્રપતિ અત્યારે ગુજરાત ની મુલાકાતે છે અને તેમની સાથે અગત્ય ની મીટીંગ હોવાથી એ આવી ન શક્યા……તેથી સમગ્ર પ્રોગ્રામ બદલાયો. એટલે પુ. અમૃતકીર્તિ સ્વામી કે જેમણે પૂજ્ય ડોક્ટર સ્વામી ના સેવક સંત તરીકે લાંબો સમય સેવા આપી છે તેમના મુખે- બ્રહ્મ સ્વરૂપ પ્રમુખ સ્વામી મહારાજ ના પ્રેરણા દાયી જીવન પ્રસંગો નું પાન કરવા નો મોકો મળ્યો…….: પ્રમુખ સ્વામી મહારાજ ના જીવન માં પ્રાર્થના નો મહિમા..” એ વિષય પર એમણે ખુબ જ રસપ્રદ પ્રસંગો ની વાત કરી….આપણે જોઈએ માત્ર સારાંશ…..

  • બ્રહ્મ સ્વરૂપ પ્રમુખ સ્વામી મહારાજ ના જીવન માં કદાચ કોઈ પલ એવી નહિ હોય કે જેમાં પ્રાર્થના નો અંશ ન હોય……સતત બીજા નું ભલું ઇચ્છવું……સંતો-હરિભક્તો-સમાજ-દેશ -જીવ માત્ર ના સુખાકારી માટે પ્રાર્થના કરવી અને કરાવવી એ એમના જીવન નો પાયા નો ભાગ હતો….
  • એ કહેતા કે- ભગવાન જ સર્વ કર્તાહર્તા છે……..એની મરજી હશે તેમ જ થશે…પણ આપણે પ્રાર્થના કરતા રહેવું…….એ શૂળી નો ઘા સોય થી ટાળી ને પણ આપણી રક્ષા કરશે…….એમ સદાયે બળ રાખવું…..પ્રાર્થના ન ફળે તો હિમત ન હારવી…….એ તો શ્રીજી ને આપણું સારું કરવું હશે -તે જ કરશે……
  • આમ, પ્રાર્થના દ્રઢતા થી…પૂર્ણ વિશ્વાસ થી કરવી…….જે કઈ થાય છે..તે એક શ્રીજી જ કરે છે એમ માનવું….એમ માનવા થી દુખ-સુખ ન લાગે અને સ્થિર રહેવાય.

અદ્ભુત……અદ્ભુત..! ગુણાતીત પુરુષ ના જીવન માં થી શીખવા નું આ જ છે. એમના જીવન ની પ્રત્યેક ક્ષણ – એ મોક્ષ દાયક હોય છે……એ અહી સ્પષ્ટ દેખાય છે.

ત્યારબાદ પ્રગટ અક્ષરબ્રહ્મ મહંત સ્વામી મહારાજ -અત્યારે અમેરિકા- રોબીન્સ્વીલે અક્ષરધામ માં વિચરણ-દર્શન-સુખ આપી રહ્યા છે……તેમના એ દિવ્ય વિચરણ ના વિડીયો દર્શન નો લાભ સર્વ ને મળ્યો. જે નીચેની લીંક પર થી આપણે કરી શકશું……

તારીખ ૨૬/૮/૧૭ અને તારીખ ૨૭/૮/૧૭ ના દર્શન અહી થી કરી શકીશું.

ત્યારબાદ પુ. વિવેક મુની સ્વામી એ “સંપ, સુહર્દભાવ અને એકતા..” ના વિષય હેઠળ- વચનામૃત, ગુણાતીત પુરુષો ના જીવન ચરિત્ર ને આધારે -અદ્ભુત પ્રવચન નો લાભ આપ્યો…….આપણે ફક્ત સારાંશ જોઈશું…..

  • અનાદિ મૂળ અક્ષર ગુણાતીતાનંદ સ્વામી એ પોતાની અક્ષર વાતો (૩/૧૭) માં કહ્યું છે કે…..

“…..ચાર વાતું છે તે તો જીવનું જીવન છે. તે શું? તો એક તો મહારાજની ઉપાસના ને બીજી મહારાજની આજ્ઞા ને ત્રીજી મોટા એકાંતિક સાધુ સાથે પ્રીતિ ને ચોથું ભગવદી સાથે સુહૃદપણું…………, એ ચાર વાતું તો જીવનું જીવન છે, તેને તો મૂકવી જ નહિ. ………………..”

  • એમાં એ યોગીબાપા કહેતા કે – સુહ્ર્દભાવ કહેતા કે ભગવાન ના ભક્ત સાથે સુહર્દભાવ હોય તો આગળ ના ત્રણ સાધન- આજ્ઞા,ઉપાસના અને મોટા એકાંતિક સાધુ સાથે પ્રીતિ- એ સહેજે સિદ્ધ થાય છે….
  • દેહ ના કલ્યાણ ના ચાર સાધન – આહાર,નિંદ્રા,શ્રમ અને ધર્મ જેમ જરૂરી છે તેમ જીવ ના આ ચાર સાધન સિદ્ધ કર્યા વગર -જીવ નું કલ્યાણ થતું નથી.
  • મહંત સ્વામી મહારાજે પણ સંપ,સુહર્દભાવ અને એકતા પર ખુબ જ ભાર મુક્યો છે. માર્ચ-૨૦૧૭ માં થયેલા -એમના આફ્રિકા વિચરણ માં -સ્વામીશ્રી એ -સંપ- સુહ્ર્દભાવ પર પોતાનો અઢળક રાજીપો બતાવ્યો. ..એ કહે છે કે- નાના માં નાના હરિભક્ત સાથે સંપ એટલે જ સાચી આત્મબુદ્ધિ……!!
  • સત્પુરુષ નો -શ્રીજી નો રાજીપો- સમયાંતરે બદલાય છે…..શ્રીજી ના સમય માં -મહારાજ નો રાજીપો- પોતાનું સ્વરૂપ ઓળખાવવા માં હતો…તો શાસ્ત્રીજી મહારાજ ના સમય માં તેમનો રાજીપો- અક્ષર પુરુષોત્તમ મહારાજ નું સ્વરૂપ મૂર્તિમંત કરતા મંદિરો બાંધવા માં હતો…….યોગીજી મહારાજ નો રાજીપો- સંપ,સુહર્દભાવ ..એકતા ને દ્રઢ કરાવવા માં હતો તો..આજે વર્તમાન કાલે – મહંત સ્વામી મહારાજ નો રાજીપો- એ જ યોગીજી મહારાજ ના રાજીપા ને સત્સંગ માં દ્રઢ કરાવવા માં છે………
  • પ્રમુખ સ્વામી મહારાજ તો કહેતા કે- સંપ, સુહર્દભાવ અને એકતા જો સત્સંગ માં દ્રઢ કરવા હોય તો- આપણે ચાર વાત સિદ્ધ કરવી પડશે…….. ૧) મન ધાર્યું મુકવું…૨ ) ખમવું…૩) ઘસાવું…….૪) અનુકુળ થાવું…..જો આ ચાર ગુણ સિદ્ધ થશે તો- સર્વ હરિભક્તો પ્રત્યે સંપ-સુહ્ર્દભાવ આપોઆપ આવશે…….આત્મ બુદ્ધિ સહેજે દ્રઢ થશે…….અને બ્રહ્મરૂપ થવાશે…..
  • મહંત સ્વામી મહારાજ કહે છે કે- સંતો-હરિભક્તો એ પરસ્પર મહિમા સમજવો…સર્વે અક્ષરમુક્ત છે…..તેમ સમજી વર્તવું……અને જો એમ નહિ થાય તો અક્ષરધામ નહિ જવાય …..
  • માટે જો અક્ષરધામ નું સુખ છતે દેહે લેવું હોય તો- સત્સંગ માં સર્વે નો મહિમા સમજવો જ પડશે…….સંપ…સુહર્દભાવ…એકતા રાખ્યા સિવાય છૂટકો જ નથી….!!!

અદ્ભુત….અદ્ભુત……! અઢળક પ્રસંગો સાથે- સત્સંગ ની પાયા ની વાત – પુ.વિવેક મુની સ્વામી એ કહી…જો એ જીવ માં દ્રઢ થાય તો- જીવન માં કોઈ નો એ અભાવ-અવગુણ ન આવે……દ્રોહ ન થાય……બ્રહ્મરૂપ થવાય અને શ્રીજી નું સુખ છતે દેહે મળે…!

સભાને અંતે અમુક જાહેરાત થઇ……

  • આવતી રવિસભા એ વિશેષ સભા છે- યુવકો દ્વારા વિશેષ પ્રોગ્રામ થશે…..અચૂક લાભ લેવો. અને એના પછી ની રવિસભા – ૧૭/૯ – એ અક્ષર દેરી પ્રેરણા સભા તરીકે યોજાશે.
  • “જમો ને જમાડું” સત્સંગ -સેવા પ્રોજેક્ટ માં સર્વે કાર્યકરો સાથે સાથે હરિભક્તો એ પણ ભાગ લઇ- સત્સંગ ને ….શ્રીજી ની સેવા ને જન જન સુધી પહોંચાડવા ની છે…..
  • અમૃત હર્બલ કેર તરફ થી – એપલ સીડાર વિનેગર લીક્વીડ – પ્રસ્તુત થઇ છે…….

તો આજની સભા નો એક જ સાર……….સત્સંગ નુ બીજું નામ જ સંપ……અને જ્યાં સંપ હોય ત્યાં જ સત્પુરુષ અને શ્રીજી નો રાજીપો હોય……….! કુટુંબ હોય કે સત્સંગ પરિવાર- સંપ રાખ્યે જ કલ્યાણ છે………

જય સ્વામિનારાયણ……………

રાજ


Leave a comment

BAPS રવિસભા -૨૩/૦૭/૨૦૧૭

” અહી તો સાક્ષાત મહારાજ અને સ્વામી બિરાજે છે……….માટે જેને દુખ ટાળવું હોય તેણે (અક્ષર) દેરી ની માનતા કરવી…..”


અક્ષર દેરી -ગોંડલ ના મહિમા વિષે વાતો કરતા બ્રહ્મ સ્વરૂપ શાસ્ત્રીજી મહારાજ

આ વર્ષ અક્ષરદેરી સાર્ધ શતાબ્દી મહોત્સવ વર્ષ તરીકે ઉજવાઈ રહ્યું છે…….જે ૨૫/૧/૨૦૧૮ સુધી ઉજવાશે…..અને અક્ષરદેરી નો મહિમા – એના ગુણગાન જીવમાત્ર સુધી પહોચશે…….અને સર્વ ના કલ્યાણ નો માર્ગ સહજ થશે………! આજની સભા એ – સર્વોપરી માહાત્મ્ય ને સમજવાની…..માણવા ની હતી…….!

ગઈ રવિસભા માં નીલકંઠ વરણી ની અયોધ્યા થી બદ્રીનાથ સુધી ની યાત્રા ની ફિલ્મ દર્શાવવા માં આવી હતી જેથી અહી એના વિષે કોઈ વિશેષ પોસ્ટ ન મૂકી શકાઈ . આજની સભામાં તો સમયસર પહોંચી ગયા…મેઘરાજા પોતાના મિજાજ માં છે…….પણ હરિભક્તો એમ થોડા અટકે….!!! આજનો સભાખંડ સંપૂર્ણ પણે ભરેલો હતો……એ એની સાબિતી હતી. સર્વ પ્રથમ જગત ના નાથ ના દર્શન ( હરિયાળી અમાવાસ્યા)…..

20248214_1916557365298760_2562888236536064776_o

સભાની શરૂઆત પુ.પ્રેમવદન સ્વામી ના સુરીલા કંઠે – સ્વામિનારાયણ મહામંત્ર ની ધુન્ય થી થઇ……અને અત્યારે ચાલતા હિંડોળા ઉત્સવ ના પદો થી સંતો એ મનોચક્ષુ સમક્ષ એ અદ્ભુત હિંડોળા પ્રસંગો….એની અનેરી છટા ના આબેહુબ દર્શન કરાવ્યા……! જોઈએ એ પદ…

  • “ઝૂલણ કે દિન આયે……- રચયિતા- પ્રેમાનંદ સ્વામી…..સ્વર- પુ.પ્રેમવદન સ્વામી
  • “ઝુલાવું પ્યારા હિન્ડોરે……”- રચયિતા- પ્રેમાનંદ સ્વામી…..સ્વર- પુ.પ્રેમવદન સ્વામી
  • “આવો ઘનશ્યામ ….ઝુલાવું હિંડોરના મેં…..”- રચયિતા- બ્રહ્માનંદ સ્વામી….સ્વર- પુ. વિવેકમુની સ્વામી

અદ્ભુત…..અદ્ભુત……..!

ત્યારબાદ પુ. હરીચિંતન સ્વામી ના મુખે રસાળ શૈલી માં- પ્રગટ બ્રહ્મ સ્વરૂપ મહંત સ્વામી મહારાજ ના અતિ નિર્માની સ્વભાવ…દાસાનુદાસ ગુણ નો મહિમા- પ્રસંગો સાથે કહેવામાં આવ્યો……..અંત્ય ૩૯ ના વચનામૃત માં શ્રીજી એ કહ્યું છે કે …માયા અને અજ્ઞાન એટલે “હું અને મારું..” જ્યાં સુધી આ અહં મમત્વ ન છૂટે ત્યાં સુધી ..અજ્ઞાન ટળતું નથી……એ માટે દાસાનુદાસ ગુણ અનિવાર્ય છે……અને …મહંત સ્વામી મહારાજ ના આ ગુણ માં – યોગીબાપા નો જાણે કે સાક્ષાત અનુભવ થાય છે………સંતો ને દંડવત હોય કે અશક્ત સંત ની વ્હીલચેર ને દોરી લઇ જવાની વાત હોય…….કે તેમના પ્રવચનો માં – દાસાનુદાસ વર્તવા ની વાત નો નિરંતર ઉલ્લેખ હોય………..એ સર્વ નો સાર એક જ છે કે – સત્પુરુષ નો માલિકી નો આ ગુણ- દાસાનુદાસ વર્તવા નો ગુણ…..ખુબ જ બળીયો છે……જે ભલભલી તાકાત થી ન થઇ શકે એ કાર્યો આ દાસાનુદાસ વર્તવા થી થઇ શકે……!!! જીવન માં આ જ ઉતારવા નું છે………….

ત્યારબાદ સ્વામીશ્રી અત્યારે અમેરિકા-કેનેડા ની વિચરણ યાત્રા એ છે……એના અદ્ભુત વિડીયો દર્શન નો લાભ સર્વ ને મળ્યો…….જેના દર્શન આપણે સૌ નીચેની લીંક પર થી કરી શકીશું…….

આશીર્વાદ…….

http://www.baps.org/Vicharan/2017/09-July-2017-11720.aspx?CM_id=236250

ત્યારબાદ પુ.યજ્ઞ પ્રિય સ્વામી જેવા અનુભવી..વિદ્વાન સંત દ્વારા અક્ષર દેરી મહિમા-ઈતિહાસ”પર અદભુત પ્રવચન નો લાભ મળ્યો………….સમગ્ર ઈતિહાસ તો અહી વર્ણવી શકાય તેમ નથી ( એ માટે “શ્રી અક્ષર તીર્થ”….અથવા બ્રહ્મ સ્વરૂપ શાસ્ત્રીજી મહારાજ ના જીવન ચરિત્ર – પુસ્તક નો સહારો લઇ શકાય…) છતાંય ટૂંકમાં કહેવું હોય તો….

અક્ષરદેરી એટલે જ અનાદી મૂળ અક્ષર ગુણાતીતાનંદ સ્વામીની સમાધિ ….. જુનાગઢ મંદિર માં સતત ૪૦ વર્ષ..૪ માસ…૪ દિવસ મહંત તરીકે સેવા ઓ આપી ….સોરઠ માં અક્ષર પુરુષોત્તમ સિધ્ધાંત ના ડંકા વગાડી……અતિ નિષ્ઠાવાન સત્સંગ સમાજ તૈયાર કરી……..સવંત ૧૯૨૩ની આસો સુદ ૧૩ની રાત્રીના પોણા વાગ્યે સ્વામીશ્રીએ ગોંડલ માં જુના સ્વામિનારાયણ મંદિરે સ્વતંત્ર થકા દેહ ત્યાગ કરીને પોતાની દેહલીલા સંકેલી અને તેમના અંતિમ સંસ્કાર જે સ્થળે કરવામાં આવ્યા તે આ મહા તીર્થ સ્થાન જેવું……અક્ષર દેરી તીર્થ…!

૨૮ નવેમ્બર, ૧૮૬૭થી ગોંડલના મહારાણી મોંઘીબા અને ગણોંંદના મહારાજા અભયસિંહ દરબારની દેખરેખ નીચે અક્ષરદેરી બનાવાનું કામ શરુ થયું…….. ૨૯ જાન્યુઆરી,૧૮૬૮ના દિવસે કામ પૂર્ણ થયું…….. અક્ષરદેરીના માળખાની પ્રેરણા ગોંડલમાં આવેલ નવલખા પેલેસના ઝરૂખામાંથી લેવામાં આવી છે………. પછી વસંતપંચમીના દિવસે જૂનાગઢના બાલમુકુન્દ સ્વામીએ સ્વામીનારાયણના પવિત્ર પગલાની સ્થાપના કરી સાથે મોંઘીબા દ્વારા અક્ષર અને પુરુષોત્તમની છબી મુકવામાં આવી……………….

કહેવાય છે કે દેવપોઢી એકાદશીના દિવસે નારાયણજી નામના હરી ભગતને ગુણાતિતાનંદ સ્વામીએ સપનામાં આવીને કહ્યું કે અક્ષરદેરીએ ત્રણ શિખર બદ્ધ મંદિર બનાવો.જે એમણે એમના શિષ્યો- હરિભાઈ અમીન, શંકરભાઈ અમીન વગેરે દ્વારા શરુ કર્યું……ઘણા વિઘ્નો આવ્યા….છતાં ડગ્યા વિના  જમીન લેવા સંબંધી કાર્યવાહી હરિભાઈ અમીન કરી રહ્યા હતા…મહારાજ ના કારભારી ચંદુભાઈ વિધ્યાધીકારી અને વિરેન્દ્રભાઈ ના સહકાર થી..સમજુતી થી….હરિભાઈ અમીન ને  મહારાજા માત્ર ૨૫૦૦૦ રૂપિયામાં જમીન આપવા તૈયાર થયા……. આ સમાચાર આપતા તેમણે  શાસ્ત્રીજી મહારાજને કહ્યું: “ગોંડલના મહારાજા ભગવતસિંહજીએ ૧,૦૪૦૦૦  રૂપિયામાં તે જમીન આપવાનું કબૂલ કર્યું છે.” આ સાંભળી હસતાં હસતાં શાસ્ત્રીજી મહારાજ કહેઃ “એટલી રકમ ન હોય!” હરિભાઈ કહેઃ “સ્વામી! કેટલી રકમ વ્યાજબી કહેવાય?” ; “પચીસ હજાર.” શાસ્ત્રીજી મહારાજ બોલ્યા. હરિભાઈ તો આ સાંભળી સ્તબ્ધ બની ગયા. પરંતુ વિશેષ આશ્ચર્ય તો તેઓને ત્યારે થયું જ્યારે ગોંડલ મહારાજાએ દોઢ લાખ રૂપિયાની કિંમતે ખોજા નૂરમહંમદ શેઠને વેચેલી આ જમીન, તે વેચાણખત રદ કરીને પચીસ હજાર રૂપિયાની મામૂલી રકમમાં વેચવાનું નક્કી કર્યું………… પરંતુ ત્રણ શરત મૂકી—-  મંદિર ત્રણ વર્ષમાં પૂર્ણ થવું જોઈએ, અક્ષરદેરીની ઉપર મંદિર બનવું જોઈએ અને ઓછામાં ઓછો ૧૦ લાખ ખર્ચ થવો જોઈએ………………. રાજ્યના હિતમાં એક પાઈનું પણ નુકસાન સહન ન કરનાર ભગવત સિંહ મહારાજાએ આટલી સામાન્ય રકમમાં અક્ષરદેરીની જમીન આપી તે શાસ્ત્રીજી મહારાજની જ પ્રેરણા છે……….ગુણાતીત ની જ મરજી છે…શ્રીજી નો જ રાજીપો છે…….!

૧૮ જાન્યુઆરી, ૧૯૩૨ના રોજ શાસ્ત્રીજી મહારાજે ગોંડલ મહારાજની હાજરીમાં અક્ષર મંદિરનું ભૂમિ પૂજન કર્યું. અક્ષરસ્વરૂપદાસ સ્વામીની દેખરેખ તથા  સ્વામી જ્ઞાનજીવનદાસ અને બીજા સંતો સ્વયંસેવકોની મદદ થી મંદિરનું કામ શરુ થયું. ૨૪ મે, ૧૯૩૪માં મંદિરમાં શાસ્ત્રીજી મહારાજના હસ્તે અક્ષરપુરુષોત્તમની મૂર્તિની પ્રાણપ્રતિષ્ઠા કરવામાં આવી તથા જ્ઞાનજીવનદાસજી  સ્વામીને મહંત તરીકે નીમવામાં આવ્યા…………યોગીજી મહારાજે અનેક વર્ષ તે સેવા ને અતિ કષ્ટ વેઠી ને જીવ થી નિભાવી……અને મંદિર ને અદ્ભુત વિસ્તાર્યું………પરમ પૂજ્ય પ્રમુખ સ્વામી મહારાજ ની ભાગવતી દીક્ષા………મહંત સ્વામી મહારાજ અને ડોક્ટર સ્વામી જેવા સદ્ગુરુ સંતો ની પાર્ષદતરીકે ની દીક્ષા અહી જ થઈ છે……….

અને ઉપર કહ્યું તેમ……અહિયાં જીવમાત્ર ની શુભ મનોકામનાઓ..સંકલ્પો પુરા થાય છે…તે માટે આ સ્થાન નો મહિમા વિશેષ છે…………………

અદ્ભુત……અદ્ભુત……..! અક્ષર દેરી નો મહિમા તો જેટલો સમજીએ તેટલો ઓછો છે……………….એ માટે આ પોસ્ટ ની જગ્યા ઓછી પડે……!!!!!

સભાને અંતે અમુક જાહેરાત થઇ…………

  • આવતા રવિવારે- બાળ મંડળ માં થી યુવક મંડળ માં જનારા ( ધોરણ- ૯ માં પ્રવેશ પામનારા) નવયુવાનો માટે ની પ્રેરણા સભા છે…………સર્વે યુવકો એ- પરિવાર સહીત હાજર રહેવું….
  • આવતીકાલ થી શ્રાવણ માસ ની શરૂઆત થઇ રહી છે……….સંતો ની નિત્ય પારાયણ – શાહીબાગ મંદિરે શરુ થશે………..સમય- સવાર નો છે…………..આ સાથે નિયમ ના ઉપવાસ-વ્રત-તપ માટે પણ તૈયારી કરવી..ખટકો રાખવો…….

તો- આજની સભા – અક્ષર…અક્ષરદેરી…..અક્ષર પુરુષોત્તમ સિધ્ધાંત……ગુણાતીત પરંપરા ના મહિમા ને સમજવા ની…જીવ્સ્થ કરવા ની સભા હતી…………….એ મહિમા સમજ્યા વિના સત્સંગ માં પ્રગતિ શક્ય જ નથી…….મોસ્ખ તો દુર ની વાત છે…………માટે- ગુણાતીત નો મહિમા….સમજવા ગોંડલ- અચૂક જવું……અક્ષરદેરી નો મહિમા અચૂક અનુભવવો…!

જય જય અક્ષર પુરુષોત્તમ…….જય જય સ્વામિનારાયણ……

રાજ


Leave a comment

સૌરાષ્ટ્ર પંચતીર્થી યાત્રા

જીવન એ સતત ચાલતા રહેવા નું…વહેતા રહેવાનું  નામ છે………..હૃદય ની જેમ…સમય ની જેમ……કારણ કે જીવન એ સમય ના પટ પર અંકિત એક અલ્પવિરામ જ છે……..! માટે જ જીવન કેટલું લાંબુ હોય તેના કરતા “કેવું” હોય તે વધારે મહત્વ નું છે…..અંતે તો કષાય નિર્માણ જ જીવ સાથે જડાઈ રહે છે….એક જન્મ થી બીજા જન્મ માં….સાથે જ રહે છે. માટે જ જગત ના ધણી એ પોતાના અમૃત વચનો ( ગઢડા પ્રથમ -૩ ) માં કહ્યું છે કે- ભગવાન ના લીલા ચરિત્રો..કાર્યો…મહિમા સંભારી રાખવા જેથી જીવ આ દેહ છોડે ત્યારે એ સ્મૃતિ-એ ચરિત્રો ને આધારે પણ પોતાની અધ્યાત્મિક યાત્રા સાથે જન્માંતરે પણ જોડાયેલો રહે…….અને કોઈક જન્મે એ અલ્પવિરામ…પૂર્ણવિરામ ને પામે…!!! એટલા માટે જ મનુષ્ય જીવન માં અધ્યાત્મિક યાત્રા ઓ નું અનેરું મહત્વ છે……

માટે જ- અમારા વાડજ મંડળે નક્કી કર્યું કે- શ્રીજી ના જીવન ચરિત્ર સાથે સંકળાયેલા ઐતિહાસિક – પ્રસાદી સ્થાનો ની પ્રત્યક્ષતા નો અનુભવ કરવો….મહિમા નો સાક્ષાત્કાર કરવો…..સ્મૃતિ માં જડી દેવા…….જેથી જીવ તેની સાથે સદાયે જોડાઈ રહે……! તો શરૂઆત કરી..સૌથી અઘરા ગણાતા -સૌરાષ્ટ્ર પંચતીર્થી યાત્રા થી…..પંચ તીર્થી એટલે કે- પાંચ તીર્થ ની યાત્રા……! સૌરાષ્ટ્ર માં આ પંચતીર્થી ની શરૂઆત- જુનાગઢથી થઇ…….લોએજ….પંચાળા….પીપલાણા….કાલવાણી( જેને ઘણા પંચતીર્થી નો ભાગ નથી ગણતા) ..જેતપુર સુધી લંબાય છે. જુનાગઢ એટલા માટે કે – મોટું શહેર…..કે જ્યાં સાક્ષાત અક્ષરબ્રહ્મ -કે જેના થકી પુરુષોત્તમ ઓળખાય છે- તેણે ૪૦-૪૦ વર્ષ સુધી સર્વોપરી અક્ષર વાતો કરી….સત્સંગ ની સર્વોપરી સેવા કરી છે…..તેનું સ્થાન છે…..અને અક્ષર ને જાણ્યા સિવાય તો પુરુષોત્તમ  ને પમાય જ કઈ રીતે??? તો- શરૂઆત જુનાગઢ થી જ થાય..!

અને પંચતીર્થી એક-બે કે એનાથી વધુ દિવસ માં – તમારી સમય ની અનુકુળતા અનુસાર થઇ શકે…..લગભગ ૭૦ કિલોમીટર ની ત્રિજ્યા માં સર્વે મહાતીર્થ સ્થાન….સાથે સાથે એની સાથે જોડાયેલા અનેક ઐતિહાસિક પ્રસાદી ના સ્થાન- જેવા કે..માંગરોળ….માણાવદર…ફનેની….અગત્રાઈ …..વંથલી…..જેવા સ્થાન પણ દર્શન યાત્રા માં લઇ શકાય…! પણ શરત એ કે- સર્વ પ્રથમ- આ સ્થળો નો મહિમા….ઊંડાણ થી સમજી લેવો…..એના વગર આ બધી યાત્રા -એક પીકનીક જેવી જ લાગશે…..એમાં “યાત્રા પણું” નહિ આવે…કલ્યાણ કારક નહિ થાય..! તો જોઈએ….મારા અનુભવ ટૂંક માં…….આ પંચતીર્થી વિષે….

19511607_10213424156140608_5878629435853901558_n

  • અમારી યાત્રા બે દિવસ ની હતી…..શનિવારે રાત્રે મોડા નીકળ્યા…..અને સવાર ના મંગળા-શણગાર આરતી ના દર્શન અક્ષર સ્થાન- ગોંડલ માં કર્યા……ત્યાંથી ઉકાળા પાણી કરી…..જુનાગઢ માટે રવાના થયા……અમદાવાદ થી જુનાગઢ લગભગ ૩૩૦ કિલોમીટર જેટલું દુર છે…..આથી હાઇવે પર ૬ થી ૭ કલાક ની ગણતરી રાખવી…..! જુનાગઢ જતા રસ્તા માં – ફણેણી તીર્થ સ્થાન ના દર્શન નો લાભ લીધો….ફણેણી માં – શ્રીજી ના ગુરુ રામાનંદ સ્વામી એ દેહ ત્યાગ કરેલો…..અને સ્વામિનારાયણ મહામંત્ર નો પ્રાદુર્ભાવ અહી કરેલો…..સ્મૃતિ સ્થાન માં છત્રી…..સુંદર ગુરુકુળ સ્થાપિત છે.
  • ત્યાંથી અમારો સંઘ ગયો- જુનાગઢ જુના મંદિરે કે જ્યાં અનાદી મૂળ અક્ષર ગુણાતીતાનંદ સ્વામી એ ૪૦-૪૦ વર્ષ સુધી અખંડ – અક્ષર વાતો- શ્રીજી ના સર્વોપરી પણા ની વાતો ની ધૂણી ધખાવી હતી…….એના અદ્ભુત દર્શન- આરતી નો લાભ લીધો…..ત્યાં આગળ પ્રસાદી ના અઢળક સ્થાનો ના દર્શન નો લાભ લીધો…..અને પછી ગયા- આપણા બેપ્સ ના વિશાલ….ખુબ જ સુંદર મંદિર માં – જ્યાં દર્શન-અભિષેક-સંતો ના આશીર્વાદ-સલાહ-સુચન નો  અને ભોજન-આરામ નો લાભ લીધો…..ધોધમાર વરસાદે પણ સખત ઉકળાટ ને શાંત કર્યો……
  • ત્યાંથી બે વિકલ્પ તમારી પાસે છે……૧) રાતવાસો આપણા મંદિર માં કરી- બે દિવસ માં બધા પંચ તીર્થ નો લાભ લઇ શકાય…. ૨) રાતવાસો લોએજ અથવા પંચાળા કે અન્ય જુના મંદિર માં થઇ શકે……
  • અમે બીજા વિકલ્પ નો લાભ લીધો કારણ કે – સમય નો અભાવ હતો અને પ્રસાદી ના સ્થાનો નો મહિમા ઊંડાણ પૂર્વક માણવો હતો…….આથી લોએજ રોકાણ નું નક્કી કરી લગભગ ૪ વાગ્યે અમે નીકળ્યા…..વરસાદ બહુ હતો આથી રસ્તામાં બસ માં બેઠે બેઠે જ વંથલી….અગત્રાઈ ના દર્શન કર્યા…માંગરોળ ગયા……અત્યંત પ્રસાદી નું સ્થાન…..તેમાં શ્રીજી એ ત્રણ નંદ સંતો- પ્રેમાનંદ, આનંદાનંદ અને અદ્રેતાનંદ સ્વામી ને દીક્ષા આપી હતી……ગંગાજળિયા વાવ….પ્રસાદી ની આંબલી ના દર્શન કર્યા…..સમય હતો તેથી માંગરોળ બીચ પર ગયા….પ્રમાણ માં ચોખ્ખો સમુદ્ર તટ…..જહાજ બાંધવા ના ઉદ્યોગ ના દર્શન કર્યા….ખુબ જ મજા આવી……
  • ત્યાંથી મહા તીર્થ સ્થાન લોએજ ગયા કે જ્યાં શ્રીજી ….નીલકંઠ વેશે અહિયાં રામાનંદ સ્વામી ના આશ્રમ માં પોતાના વિચરણ નો અંત કરી બિરાજ્યા હતા…..મુક્તાનંદ સ્વામી ને પુછેલા પ્રશ્ન…રામાનંદ ની રાહ જોઈ ત્યાં આગળ વરણી એ કરેલા ચરિત્ર -તપ- ધર્મ માં રહેલા છિદ્ર ની પુરણી- સમાધિ નો અનુભવ…..વગેરે અઢળક સ્થાન ના દર્શન અહી થાય છે. હજુ પણ લોએજ કદાચ એ જ સ્થિતિ માં છે……નાનકડું ગામ…..એ જ ઘટાદાર વડ…..સ્મૃતિ મંદિર( અદ્ભુત છે…..સમગ્ર નીલકંઠ વિચરણ ના દર્શન મૂર્તિ ઓ દ્વારા થાય છે…..) ..એની અંદર મુક્તિ વાવ ના દર્શન……એની સામે પ્રસાદી નું મંદિર કે જે- એ રામાનંદ સ્વામી ના આશ્રમ પર જ બન્યું છે……પ્રસાદી નો ગોખલો…..ખાંડણીયો……વગેરે ના દર્શન થયા……..! ધન્ય ધન્ય થઇ ગયા…….મૂર્તિઓ અદ્ભુત છે…….અને મહિમા ની તો શી વાત કરવી…??? રાત્રી રોકાણ અહી જ હતું આથી અમને સમય અઢળક મળ્યો…..!
  • સવારે આરતી નો લાભ લઇ અમે પુનઃ તીર્થ યાત્રા એ નીકળ્યા……સૌપ્રથમ કાલવાણી ( કે જ્યાં એક જ રાત માં શ્રીજી એ ૫૦૦ પરમહંસો ને દીક્ષા આપી હતી…..) ગયા ત્યાં આગળ જ સ્વામિનારાયણ સંપ્રદાય ની પ્રસિદ્ધ આરતી “જય સદ્ગુરુ સ્વામી..” ની રચના મુક્તાનંદ સ્વામી એ કરી હતી…તેના દર્શન કર્યા..આરતી કરી…..પછી પંચાળા ગયા – અદ્ભુત મંદિર…..દરબાર ઝીણાભાઈ નો ત્યાગ…મહિમા ના દર્શન કર્યા…..એમનો દરબાર હજુ યથાવત છે……પછી શ્રીજી જ્યાં અનેક રૂપ ધારણ કરી રાસ રમ્યા હતા તે સ્થાને ગયા…..ત્યાં જ મૂળ અક્ષર ગુણાતીતાનંદ સ્વામી ના ભાલ પર તિલક-ચાંદલો કરી- સ્વામિનારાયણ સંપ્રદાય ના આગવા તિલક ચિહ્ન ની શરૂઆત કરી હતી…..ત્યાં જ શ્રીજી રંગોત્સવ રમ્યા હતા….
  • ત્યાંથી પીપલાણા ગયા….લગભગ ૫૦ કિમી દુર હશે…..રસ્તો થોડોક ભંગાર છે…પણ પીપલાણા પહોંચો એટલે વિશાલ-નવીન મંદિર ના દર્શન કરી છક થઇ જાવ..! મંદિર-મૂર્તિઓ અદ્ભુત છે………અહી જ ગુરુ રામાનંદ સ્વામી અને શ્રીજી નું પ્રથમ મિલન- દીક્ષા થયા હતા…તે સ્થાન અત્યારે નવું બની રહ્યા છે……સાથે સાથે એ સમય ના હરિભક્ત નરસિંહ મેહતા ના પવિત્ર ઘર ના દર્શન કર્યા.
  • ત્યાંથી નીકળી સાંજે જેતપુર પહોંચ્યા…મોટા વાહનો જેતપુર શહેર ની સાંકડી ગલીઓ ને લીધે છેક મંદિર સુધી જી શકતા નથી…થોડુક ચાલવું પડે……પણ ત્યાં આગળ શ્રીજી ને ગુરુ રામાનંદ સ્વામી એ પોતાના સ્થાને- ગુરુપદે સ્થાપિત કર્યા હતા…અને શ્રીજી એ ધર્મધુરા સંભાળી હતી…પેલા બે -જગ પ્રખ્યાત વરદાન માંગી- પોતાના શરણાગતો ને અભય વર આપ્યું હતું…….! અદ્ભુત મંદિર……

20170626_184900

  • અહી આરતી નો લાભ લીધો અને ત્યારબાદ અમદાવાદ આવવા રવાના થયા……

તો- અમારી યાત્રા અદ્ભુત હતી………..સર્વ સ્વામિનારાયણ સત્સંગીઓ એ અચૂક કરવી જ જોઈએ……..તો શું ધ્યાન માં રાખવું…….મારું સુચન….

  • સમય પુરતો લેવો….જેથી દર્શન માં ભાગમ્ભાગી ન થાય……..આયોજન ખંત થી કરવું…અનુભવી સંતો ની સલાહ લઇ..સ્થળ દર્શન નો ક્રમ ગોઠવવો…….જેથી પુરતો લાભ મળે…..અને જે તે મંદિર માં રોકાવા ના હો…જમવાનું હોય..ત્યાં અગાઉ થી ફોન કરી જણાવી દેવું…..
  • ઢગલાબંધ નાસ્તો- પાણી બોટલ-ઉતારા નો સામાન  લઇ લેવા ……વાહન આરામદાયક..એસી હોય તેનું વિશેષ ધ્યાન રાખવું……અને GPS નો..જાણકાર ડ્રાઈવર નો સહારો લેવો……રસ્તો કોઈ ને પૂછવા માં શરમ ન અનુભવવી……પૂછતાં નર સદા સુખી…..!
  • અને હા…..સૌથી અગત્ય ની વાત ફરીથી………જે સ્થળ ની યાત્રા કરવા ના હો…તેનો મહિમા ઊંડાણ પૂર્વક અભ્યાસ કરી ને જ જવું…….તે વગર મજા નહિ આવે……! એક સારો કેમેરા..પાવર બેકઅપ પણ સાથે રાખવો…..
  • અનાદી મૂળ અક્ષર ગુણાતીતાનંદ સ્વામી ની- મૂળ અક્ષર તરીકે ની ઓળખાણ છેક શ્રીજી ના સમય થી હતી….જેના પુરાવા આ પ્રસાદી ના સ્થાનો એ…મંદિરો માં જોઈ શકો છો…….સારી વાત એ છે કે- જુના મંદિર વાળા હવે – ગુણાતીતાનંદ સ્વામી ને મૂળ અક્ષર તરીકે જાહેર માં સ્વીકારતા થયા છે…………!!!!

તો- ચાલો સૌને જય સ્વામિનારાયણ……

(ફોટા- અઢળક છે…મિત્રો માટે ફેસબુક પર છે)

રાજ


Leave a comment

BAPS રવિસભા -૭/૫/૨૦૧૭

“અધર્મ સર્ગ જબ કરત પ્રવેશા, સુર નર મુનિ મહિં નહિ સુખ લેશા.”
એમ કહીને બોલ્યા જે, “એવો અધર્મ સર્ગ શેણે (કેમ) થાય છે, તો જ્યારે એકબીજાનાં મન નોખાં પડે છે……., ત્યારે પ્રવેશ થાય છે….. ને એકબીજામાં સંપ હોય તો અધર્મ સર્ગ પેસવા આવે નહિ…….”

તે ઉપર મહારાજની કહેલી વાત કરી જે, “એક રાજાએ તીરનો ભાથો મંગાવ્યો ને બોલ્યા જે, ‘બળિયામાં બળિયો હોય તે આ તીરના ભાથાને ભાંગી નાખો.’ ત્યારે જે બળિયામાં બળિયો હતો તેથી પણ તીરનો ભાથો ભંગાણો નહિ………. પછી ભાથામાંથી એક તીર કાઢીને એક ફોશીમાં ફોશી (સૌથી નબળો) હતો તેને કહ્યું જે, ‘ભાંગી નાખ.’ ત્યારે તેણે તરત ભાંગી નાંખ્યો…….. પછી એ રાજાએ મોટા મોટા ઉમરાવને કહ્યું જે, ‘જો તમે આ તીરના ભાથાની પેઠે જૂથ(સંપ)  રાખશો તો ગમે તેવો શત્રુ હશે તોય તમારો પરાભવ નહિ કરે……….. ને રાજ આબાદ રહેશે.’”

એ દ્રષ્ટાંત દઈને બોલ્યા જે, “આ તમે સર્વે સાધુ, પાળા, બ્રહ્મચારી આમ ને આમ સંપ રાખશો …..તો ગમે તેવો તમારે અંતરશત્રુનો વધારો હશે તો પણ પરાભવ નહિ કરી શકે……… ને આમ નહિ રહો તો અલ્પ જેવો દોષ હશે તે પણ સત્સંગમાંથી બહાર કાઢી નાખશે……….” એમ કહીને બોલ્યા જે, “જુઓને, કેટલાકને તો જોડ જ નથી ને કોઈક તો પાકલ ગૂમડાં જેવા, તે કહેવાય તો નહિ…………. માટે દસ મંડળમાં જેમ જેને મળતું આવે તેમ સર્વ રહેજો.”


અનાદિ મૂળ અક્ષર ગુણાતીતાનંદ સ્વામી ની અક્ષર વાતો- ૩/૫૮

સત્સંગ હોય કે સંસાર…..જો સંપ ન હોય…મનમેળ ન હોય તો કોઈ કાર્ય સિદ્ધ થતું નથી…..અને આ બ્રહ્મસત્ય આજે પ્રગટ અક્ષરબ્રહ્મ મહંત સ્વામી મહારાજે -પોતાના ઝરોખા દર્શન માં કહ્યું……સભામાં પુ.વિવેકસાગર સ્વામી એ પણ આ જ વાત વિસ્તાર પૂર્વક કરી….સંપ-સુહ્રદ ભાવ અને એકતા જ્યાં હશે ત્યાં સત્પુરુષ અને શ્રીજી નો રાજીપો અવશ્ય હશે જ……અને આપણે એ જ કરવા નું છે…..

અમદાવાદ આજકાલ ૪૪-૪૫ ડીગ્રી ગરમી ના તવા માં શેકાઈ રહ્યું છે પણ હરિભક્તો નો ઉત્સાહ સહેજે મોળો પડ્યો નથી. ગુરુહરિ મહંત સ્વામી મહારાજ નાદુરસ્ત સ્વાસ્થ્ય ને લીધે અમદાવાદ માં આરામ કરી રહ્યા છે અને એમના દર્શન નો અલપઝલપ લાભ જો મળે તો ..એ લેવાનું અમદાવાદીઓ ચુકતા નથી…..અને આજે એ લાબ સર્વ ને અઢળક મળ્યો….! પણ સભા માં સ્થાન ગ્રહણ કર્યું એ પહેલા ઠાકોરજી ના – હૃદય ને શીતળતા બક્ષતા દર્શન કરવામાં આવ્યા…..

collage

સભાની શરૂઆત પુ.આત્મવિજય સ્વામી કે જે રાયસણ ખાતે સેવા આપી રહ્યા છે એમના દ્વારા સ્વામિનારાયણ ધુન્ય દ્વારા થઇ…સાથે સાથે એમના દ્વારા બ્રહ્માનંદ સ્વામી રચિત….” ઓરા આવો મારા લેરખડા લહેરી……” રજુ થયું…………

ત્યારબાદ પુ.વિવેકસાગર સ્વામી કે જે આજકાલ અમદાવાદ ને આંગણે -હરિભક્તો ને પોતાની જ્ઞાન વાણી નો અદભુત લાભ આપી રહ્યા છે ..એમણે પરમ પૂજ્ય મહંત સ્વામી મહારાજ કે જે પોતાના દિવ્ય પ્રવચનો માં જે પાંચ મુદ્દા…— ભગવાન નો નિશ્ચય,  નિયમ ધર્મ….ભગવાન માં અલૌકિક ભાવ….અવગુણ થી બચવું…..અને સંપ,સુહ્ર્દભાવ, એકતા –  નો ઉલ્લેખ કરે છે…એ મુદ્દા ઓ પૈકી સંપ,સુહ્ર્દભાવ અને એકતા પર ઊંડાણ પૂર્વક પ્રવચન કર્યું……જોઈએ સારાંશ….

  • યોગીબાપા વારેઘડીએ કહેતા કે…”સંપ..સુહ્રદ ભાવ અને એકતા રાખ્યા વિના છૂટકો જ નથી……”
  • સમૂહ માં રહેવું એ મનુષ્ય નો સ્વભાવ છે આપણ એ જ સ્વભાવ ને કારણે મતભેદ…મનભેદ થાય છે અને મનુષ્ય એકલો પડી જાય છે….એકલતા માણસ ને મારી નાખે છે…..એટલા માટે જ સંપ રાખવો પડશે…..સમૂહ માં રહેવું પડશે…
  • ગુણાતીત પુરુષો ના જીવન ના અનેક પ્રસંગો છે કે જેમાં “સંપ” નો મહિમા એમણે કહ્યો છે…દર્શાવ્યો છે…….૧૯૭૦ માં લંડન ખાતે – સંતો રસોડામાં જમવા બેઠા….પણ બે પાર્ષદ જગ્યા ન હોવા ને લીધે રહી ગયા…છેવટે બધાએ થોડું થોડું ભીડ-એડજસ્ટ કર્યું..અને એ બંને પાર્ષદ ( પુ.વિવેકસાગર સ્વામી અને પુ.ભગવતપ્રિય સ્વામી) રસોડા માં સમાઈ ગયા……યોગીબાપા ખુબ રાજી થયા….
  • સંપ થી બળ વધે..ઉત્સાહ વધે……અને કોઈ પણ કાર્ય સફળ થાય….પ્રમુખ સ્વામી મહારાજ કહેતા કે – સંપ નહિ હોય તો ઘર ના ગોળા નું પાણી પણ સુકાઈ જશે……આથી પરિવાર…મંડળ સર્વેમાં એકતા..સંપ…સુહ્ર્દભાવ રાખ્યા સિવાય છૂટકો જ નથી…..
  • સંપ એ દૈવી સંપત્તિ છે………એ હશે તો બધું જ હશે……પ્રમુખ સ્વામી મહારાજે એક પત્ર લખ્યો અને લાખો હરિભક્તો એ કોઈ પણ સવાલ-સંશય વગર મહંત સ્વામી મહારાજ ને પોતાના ગુરુ તરીકે સ્વીકારી લીધા……..એ જ દ્યોતક છે….સત્પુરુષ ના પ્રભાવ નો…બેપ્સ માં સંપ ….એકતા નો…..! એના કારણે જ આજે આપણી સંસ્થા ની આટલી પ્રગતિ થઇ છે…..
  • અને સંપ..સુહર્દભાવ…એકતા નો આ ભાવ…એ એક સબળ નેતૃત્વ…સત્પુરુષ ના પ્રભાવ……પ્રમુખ સ્વામી મહારાજ ના એશ્વર્ય થી આવ્યો છે…….એ પુરુષે એક મત રાખ્યો…..પોતાના પ્રભાવ થી સર્વ ને એક સૂત્ર માં બાંધી રાખી ને સંપ ..એકતા ના ભાવ ને મજબુત કર્યો છે…એટલા માટે જ આજે બેપ્સ એક પરિવાર -એમ કહેવાય છે…
  • આપણે આપણા પરિવાર….મંડળ…સત્સંગ માં એકતા..સંપ..સુહર્દભાવ રાખ્યા સિવાય છૂટકો જ નથી……

અદભુત…અદભુત……….! આજે મહંત સ્વામી મહારાજ બહાર ઝરૂખા માં દર્શન આપવા ના હોવા થી સભા વહેલી પૂરી થઇ…..સભાને અંતે જાહેરાત થઇ કે….

  • ૧૩-૧૬ મેં-૨૦૧૭- રાણીપ અને ન્યુ રાણીપ મંડળ દ્વારા – ન્યુ રાણીપ માં સંસ્કૃતિક પ્રોગ્રામ- સંત પારાયણ નું આયોજન થયું છે..જેમાં પુ.શ્રીરંગ સ્વામી લાભ આપવા ના છે……..વધુ માહિતી માટે મંદિર નો સંપર્ક કરવો ( ૧૩ તારીખે – સાંસ્કૃતિક પ્રોગ્રામ..બાકી ના ત્રણ દિવસ સંત પારાયણ…..)
  • હરિભક્ત- સંપર્ક કાર્યકર અધિવેશન ની આંતરિક સ્પર્ધા નું આયોજન કરવામાં આવ્યું છે..તારીખ છે- ૧૪ મેં…..વધુ માહિતી જે તે મંડળ/મંદિર માં થી મળી શકશે….

ત્યારબાદ સર્વે હરિભક્તો- સભાને છોડી- બહાર ઝરૂખા આગળ- ગરમી સહન કરતા કરતા પણ બેસી ગયા…….પ્રતીક્ષા હતી…પોતાના ગુરુહરિ મહંત સ્વામી મહારાજ ના દર્શન ની એક ઝલક પ્રાપ્ત કરવા ની……! હરિભક્તો નો મહેરામણ ભરચક હતો…..સંધ્યા આરતી પૂરી થયા બાદ- પ્રતીક્ષા પૂરી થઇ અને સ્વામીશ્રી ના દર્શન થયા…..એમનું સ્વાસ્થ્ય ખુબ જ નાજુક લાગ્યું….પણ તેજ- હરિભક્તો ને રાજી કરવા ની એષણા એટલી પ્રબળ હતી કે ધ્રુજતા શરીરે પણ એમણે સર્વે ને દર્શન આપ્યા…સંપ-સુહ્ર્દભાવ એકતા પર ખુબ જ ભાર મૂકી – એને મજબુત કરવા ની વાત કરી……!

2017_04_30_022_Ahmedabad

પ્રતિક ચિત્ર

બસ મહારાજ સ્વામી ને પ્રાર્થના કરીએ કે- સ્વામીશ્રી નું સ્વાસ્થ્ય ખુબ સારું રહે….એમના રાજીપા માટે જે પણ કઈ આપણે કરી શકીએ..એ અચૂક કરીએ……

તો- આજની સભા ..સત્પુરુષ ના દર્શને…એમની પરાવાણી ના અમૃતે સફળ થઇ……બસ- એમની આજ્ઞા…એમના રાજીપા ને અનુસરવા નું છે…..

જય સ્વામિનારાયણ…….

રાજ