Raj Mistry's world

Me,my stories and world around….


Leave a comment

BAPS રવિસભા-૦૨/૦૭/૨૦૧૭

અતિશય જે મોટાપુરુષ હોય તેનો જે ઉપર રાજીપો થાય તેના ગમે તેવા મલિન સંસ્કાર હોય તો નાશ પામે અને મોટાપુરુષનો રાજીપો થયો હોય તો રાંક હોય તે રાજા થાય અને ગમે તેવાં ભૂંડાં પ્રારબ્ધ હોય તો રૂડાં થાય અને ગમે તેવું તેને માથે વિઘ્ન આવનારું હોય તે નાશ થઈ જાય.

મોટા સંત સાથે નિષ્કપટપણે વર્તે અને કામ, ક્રોધ, લોભ, મોહ, મદ, મત્સર, આશા, તૃષ્ણા, અહંકાર અને ઈર્ષ્યા એ સર્વનો ત્યાગ કરે અને સંતનો ગુલામ થઈને રહે ને અંતરમાં માન ટળેભાવે રહે પણ દેહે કરીને સર્વેને નમતો રહે, તો એની ઉપર મોટા સંત રાજી થાય છે.”

જો મોટાપુરુષને અતિશય નિષ્કામી, નિર્લોભી, નિઃસ્વાદી, નિર્માની, નિઃસ્નેહી સમજે તો પોતે પણ એ સર્વ વિકારથી રહિત થઈ જાય અને પાકો હરિભક્ત થાય. તે પાકા હરિભક્તનું શું લક્ષણ છે? તો સારા જે શબ્દ, સ્પર્શ, રૂપ, રસ અને ગંધ એ પંચવિષય તેનો જેમ દુઃખદાયક વસ્તુનો સહજે અભાવ રહે છે તેમ જેને સહજે અભાવ રહે છે અને એક પરમેશ્વરના સ્વરૂપને વિષે અચળ નિષ્ઠા વર્તે છે, તેને પાકો હરિભક્ત જાણવો. …………તે એવો પાકો હરિભક્ત થયાનો તો એ જ ઉપાય છે જે, પરમેશ્વરના દાસનો ગુલામ થઈને રહે અને એમ જાણે જે, ‘એ સર્વ ભક્ત મોટા છે ને હું તો સર્વથી ન્યૂન છું,’ એમ જાણીને હરિભક્તનો દાસાનુદાસ થઈ રહે. અને એવી રીતે જે વર્તે તેના સર્વ વિકાર નાશ પામે અને તેને દિવસે દિવસે જ્ઞાન, વૈરાગ્ય, ભક્તિ આદિક જે શુભ ગુણ તે વૃદ્ધિ પામતા જાય છે.


ભગવાન શ્રી સ્વામિનારાયણ- વચનામૃતમ-ગઢડા પ્રથમ-૫૮

સત્સંગ માં આવ્યા પછી શું કરવા નું છે……શાનું પ્રાધાન્ય હોવું જોઈએ……??? એ સર્વે ના ઉત્તર શ્રીજી એ અહી આપ્યા છે…….અને સર્વ ના કેન્દ્ર માં છે…….સત્પુરુષ ને સમજવા…..એમનામાં નિર્દોષ બુદ્ધિ રાખવી……સત્સંગ માં દાસાનુદાસ વર્તવું………! સત્પુરુષ ના ગુણ લે તો ગુણ આવે…..અને જો અવગુણ લે તો જીવ માં અવગુણ આવે છે……માટે જીવ માટે તો પોતાનું કલ્યાણ પોતાના હાથમાં..! આ અદ્ભુત વચનામૃત પર આજની સભા હતી……

મેઘરાજા એ આજકાલ સમગ્ર ગુજરાત પર મહેર કરી છે……અને એના આ આશીર્વાદ માં ભીંજાતા ભીંજાતા સર્વે હરિભક્તો નો મહાસાગર સભામાં સમયસર આવી ગયો…..અમે પણ સમય પર પહોંચી ગયા….અને સર્વ પ્રથમ શ્રીજી ના દર્શન…….

19657254_736029403251901_935266552897038082_n

સભાની શરૂઆત યુવક મિત્રો દ્વારા ધુન્ય અને કીર્તન થી થઇ…..ત્યારબાદ યુવકો દ્વારા પ્રેમાનંદ સ્વામી રચિત બે કીર્તન….” એરી એરી આજ રંગ મહારાજ…” અને …” રૂડા લાગે છે મોહનલાલ…..લટકા તારા રે……” રજુ થયા……અદ્ભુત કીર્તન હતા. ત્યારબાદ સારંગપુર અભ્યાસ પૂર્ણ કરી ને પધારેલા અને ઓસ્ટ્રેલિયા સેવા માં મુકાયેલા પુ. બ્રહ્મ્સ્મરણ સ્વામી એ વનમાળી દાસ રચિત કીર્તન  …”લાગો છો પ્યારા ..પ્યારા પ્રમુખ સ્વામી ..” રજુ થયું…….અને પ્રમુખ સ્વામી મહારાજ ની દિવ્ય મુખાકૃતિ મનોચક્ષુ સમક્ષ છવાઈ ગઈ…!

ત્યારબાદ સારંગપુર થી અભ્યાસ પૂર્ણ કરી પધારેલા સાધુ પરમકીર્તિદાસ ( કે જે પૂર્વાશ્રમ માં વેટેનરી ડોક્ટર હતા) ના મુખે બ્રહ્મ સ્વરૂપ પ્રમુખ સ્વામી મહારાજ ની – સારંગપુર ખાતે ની દિવ્ય સ્મૃતિ ઓ નો આસ્વાદ મળ્યો……પ્રમુખ સ્વામી મહારાજ તેમની અંતિમ દેહવસ્થા માં સારંગપુર માં બિરાજમાન હતા …અને તેમની વ્હીલચેર – ગ્રસ્ત દેહ જોઇને ઘણા ને લાગતું કે સ્વામીશ્રી હવે નિષ્ક્રિય થઇ ગયા છે…પણ સ્વામીશ્રી નું કાર્ય તો ચાલુ જ હતું…૧૮૭ થી વધુ મંદિરો…૧૦૦ થી વધુ સંતો નું નિર્માણ ત્યાં બેઠે બેઠે જ થયું……સ્વામીશ્રી નો દીવ્ય્પ્રભાવ જોઇને ભલભલા નાસ્તિક પણ આસ્તિક થઇ ગયા…….અનેક ના જીવન બદલાઈ ગયા……..! આ બધું જ સર્વોપરી કાર્ય સ્વામીશ્રી એ કર્યું…..અને સામે સંતો એ સ્વામીશ્રી ના અ દિવ્ય ચરિત્ર ની એક એક પળ ની નોંધ રાખી……..અરે..સ્વામીશ્રી દર્શન આપવા આવે ત્યારે કેટલા બગાસા ખાધા…કેટલી વાર છડી હલાવી…આ બધું જ નોંધ કર્યું…!!!!! અદ્ભુત…! પરમકીર્તિ સ્વામી ની તેજ-અસ્ખલિત વાણી ના પ્રવાહ નો સર્વે ને અમૃત લાભ મળ્યો…!

ત્યારબાદ પ્રગટ બ્રહ્મસ્વરૂપ મહંત સ્વામી મહારાજ ના તારીખ- ૨૨,૨૩ જુન ,૨૦૧૭ ના એટલાન્ટા ,અમેરિકા ખાતે ના દિવ્ય વિચરણ નો વિડીયો દર્શન નો લાભ મળ્યો…..જે નીચેની લીંક દ્વારા માણી શકાશે…..

ત્યારબાદ પુ.અક્ષરવત્સલ સ્વામી જેવા અતિ વિધવાન ..તેજસ્વી વક્તા સંત દ્વારા – ગઢડા પ્રથમ ૫૮ ના અદ્ભુત વચનામૃત પર ઊંડાણ પૂર્વક….સંલગ્ન પ્રસંગો ના માધ્યમ થી નિરૂપણ થયું…….જોઈ સારાંશ….

  • મુક્તાનંદ ..આનંદાનંદ….મહાભુવાનંદ સ્વામી ના પ્રશ્નો અને શ્રીજી ના ઉત્તરો પર રચાયેલું આ વચનામૃત – જીવ ને અખંડ સુખ કઈ રીતે આવે…એનું મન કઈ રીતે સ્થિર થાય……સત્સંગ માં કઈ રીતે પ્રગતિ થાય એના ઉત્તર આપે છે…..
  • આ વચનામૃત ને આધારે શ્રીજી જે રીતે જીવ્યા છે……અને આપણા ગુણાતીત પુરુષો જે રીતે જીવ્યા છે તેનો તાદ્રશ્ય ચિતાર મળે છે…….એટલા માટે જ શ્રીજી ની મૂર્તિ નું જે સુખ આપણા ગુણાતીત પુરુષો ને આવે છે…તેવું સુખ આપણ ને નથી આવતું………….
  • આપણો સંપ્રદાય- દાસત્વ ભક્તિ પર છે………સાધુઓ ના નામ ની પાછળ દાસ લખાય છે…….અને દાસ ના દાસ….દાસ ના ગુલામ થઇ ને જે જીવે તે જ આ સત્સંગ ને પચાવી શકે છે…..એમાં પ્રગતિ કરી શકે છે……
  • સ્વયમ શ્રીજી નું જીવન જુઓ……..પોતે ભગવાન હોવા છતાં પોતાના પરમહંસો ને તેમણે દંડવત કર્યા છે…એ જ રીતે આપણા ગુણાતીત પુરુષો એ તો ડગલે ને પગલે દાસત્વ ભાવ બતાવ્યો છે……યોગીબાપા તો હરિભક્તો ના સામાન ને પણ દંડવત કરતા ……..અને આજે મહંત સ્વામી મહારાજ ને જુઓ….દરેક સંત-હરિભક્ત નો મહિમા એ જાણે છે…..અને એ પ્રમાણે વર્તે છે…..બધા હરિભક્તો અને સંતો માં એમને- એમના ગુરુના દર્શન થાય છે…….
  • વળી, ગુરુ આજ્ઞા નું પાલન કરવા માં એમનો ખટકો જુઓ………એમનું સમગ્ર જીવન જ ગુરુ આજ્ઞા પર જીવાયું હોય છે…….ચાતુર્માસ આવી રહ્યો છે અને ૪ થી જુલાઈ એ – દેવ પોઢી એકાદશી છે……અને બ્રહ્મ સ્વરૂપ શાસ્ત્રીજી મહારાજ ની આજ્ઞા મુજબ નો નિર્જળા ઉપવાસ છે….જોઈએ કેટલા હરિભક્તો એમની આજ્ઞા પ્રમાણે વર્તે છે…? આપણા ગુણાતીત ગુરુઓ તો દેહ ની વિપરીત પરિસ્થિતિ હોય કે ગંભીર બીમારી- પણ ગુરુ આજ્ઞા પ્રમાણે જ વર્ત્યા છે……
  • માટે જ – આપણે પણ સત્સંગ માં આવ્યા બાદ…મોટા પુરુષ…સંતો અને હરિભક્તો નો મહિમા સમજીએ…….મોટા પુરુષ નો રાજીપો શેમાં છે…એ દ્રઢ પણ સમજીએ…..એ પ્રમાણે એમની આજ્ઞા માં વર્તી – મોટા પુરુષ ને રાજી કરી લઈએ……..દાસત્વ નો ગુણ આપણા જીવન માં દ્રઢ થાય…….એમ વર્તી એ…!

અદ્ભુત …અદ્ભુત,………! જીવનમાં આટલું પણ જો સમજાય અને જીવાય તો કશું બાકી ન રહે………! મોટા પુરુષ રાજી થાય અને આપણા ફેરા ટળે………..!

સભાને અંતે ચાતુર્માસ અંગે જાહેરાત થઇ………….જેના માટે – વિશેષ નિયમ- નીચેની લીંક દ્વારા જાણી શકાશે…….

ચાતુર્માસ નિયમ

જય સ્વામિનારાયણ………….રાજી રહેજો..!

રાજ

Advertisements


1 Comment

BAPS રવિસભા -૧૦/૦૭/૨૦૧૬

“પાકા સત્સંગીની ઓળખાણ એ છે કે …………
——સુખદુઃખમાં એક રંગ રહે…………….
—–સત્સંગ વિનાનું ગમે તેવું સુખ હોય તેને નકામું માને.
—–સત્સંગથી વિમુખ કરાવે એવી રિદ્ધિ-સિદ્ધિનો ત્યાગ કરે.
——દેહમાં દુઃખ આવે તોપણ સત્સંગ મોળો ન પડે.
——સત્સંગ થતાં પુત્ર કે ધનનો નાશ થાય કે માતા-પિતા દ્વેષ કરે, ઘર બળી જાય, કુળ-કુટુંબ રૂઠે તોપણ સત્સંગ મોળો ન પડે, પણ સત્સંગમાં વિરોધ કરનારાઓને તૃણ સમાન ગણે.
—–સત્સંગ કરતાં દીર્ઘ રોગ થાય, મૃત્યુ થાય – એમ ગમે તેવું વિઘ્ન આવે તોપણ સત્સંગની દૃઢતા ઘટે નહિ…….

તેવો હરિભક્ત સત્સંગિ-શિરોમણિ અને શૂરવીર છે. તેની વાત સાંભળીને પણ બીજા ભક્તો શૂરવીર બને છે. વિપત્તિમાં પણ પાકો સત્સંગ રાખે તે ભક્ત હરિશ્ચંદ્ર અને પ્રહ્‌લાદની પેઠે વિખ્યાત થાય છે………

સત્સંગને માટે દુઃખ સહે તેને ભગવાન સર્વોપરી સુખ આપે છે.’
—————————————————
ભગવાન શ્રી સ્વામિનારાયણ- મહામુની શ્રી આધારાનંદ સ્વામી રચિત- શ્રીહરિ ચરીત્રામૃત સાગર– (૧૦/૫૪/૧૭-૩૬)

સત્સંગ નો મહિમા …..સત્સંગી હોવું..એ  અમુલ્ય  તક છે. અનેક જન્મો ના પુણ્ય ભેગા થાય ત્યારે જીવને સત્પુરુષ નો ભેટો થાય ..સત્સંગ નો મહિમા સમજાય ….બ્રહ્મરૂપ થાય અને પુરુષોત્તમ ની પ્રાપ્તિ થાય અને આ જન્મ મરણ નો ફેરો ટળે છે…..પરમ પૂજ્ય મહંત સ્વામી જેવા સિદ્ધ પુરુષ અમદાવાદ ને આંગણે હોય પછી સત્સંગ માં બાકી શું રહે??? જીવને બસ આ અમુલ્ય તક નો ઉપયોગ પોતાના કલ્યાણ માટે કરતા આવડવો જોઈએ….

મેઘરાજા ની રોજ ની હાથતાળી વચ્ચે આજે અમે સમયસર મંદિર પહોંચી ગયા……શ્રીજી ના સર્વોપરી દર્શન વિસ્ફારિત નેત્રે કરવામાં આવ્યા….

13606825_569577863230390_3760823227311148278_n

સભામાં ગોઠવાયા ત્યારે સારંગપુર થી આવેલા સાધક દ્વારા સ્વામિનારાયણ મહામંત્ર ની ધુન્ય શાસ્ત્રીય રંગ સાથે ચાલુ હતી…..”છબી નૈનન બીચ બસો…..નટવર ધર્મ દુલારે કી……” પ્રેમાનંદ સ્વામી રચિત કીર્તન જે ઢબમાં ગવાયું તે અતિ અદ્ભુત હતું…..જાણે કે  એ મોહનવર  ની સોણલી  છબી નેણા ના રસ્તે અંતરમાં ઉતરી ગઈ….!!! ત્યારબાદ પુ.વિવેક મુની સ્વામી ના પહાડી અવાજમાં બ્રહ્માનંદ સ્વામી નું પદ….” એક નિમિશ ના મેલું મારા ઉરથી રે …..” રજુ થયું…….

પછી પ્રગટ અક્ષરબ્રહ્મ પ્રમુખ સ્વામી મહારાજ ના ૨૦ જુન થી ૬ જુલાઈ સુધી ના – સારંગપુર ખાતેના વિચરણ નો વિડીયો દર્શન નો લાભ મળ્યો…અત્યંત નાજુક સ્વાસ્થ્ય પણ ઠાકોરજી ના દર્શન ની તાલાવેલી એવી ને એવી નવીન…તાજી…….જોઇને અનુભવ થયો કે ગુણાતીત ની અદા જ કૈક ઓર હોય છે…આ તત્વ જ કૈક અલગ છે…..દેહની ક્ષણ ભંગુરતા  પણ એમને રોકી શકતી  નથી…….!!!

આવતા સપ્તાહ થી ચાતુર્માસ શરુ થાય છે….( ૧૫ જુલાઈ થી ૧૧ નવેમ્બર સુધી) તેના નિયમ ધર્મ-મહિમા પર પુ.ઈશ્વર ચરણ સ્વામી એ અદ્ભુત પ્રવચન કર્યું……ચાતુર્માસ ના વિશેષ નિયમ  આ લીંક દ્વારા પહોંચી શકાય…..સ્વામીના પ્રવચન નો સારાંશ જોઈએ….

  • શિક્ષાપત્રીમાં  માં શ્રીજી એ ચાતુર્માસ ના મહિમા સાથે એમાં વિશેષ નિયમ પાળવા ની આજ્ઞા કરી છે….
  • બલિરાજા એ પોતાનું સર્વસ્વ ભગવાન ને અર્પણ કર્યું અને ભગવાન ને વશ કર્યા…….આમ, ભગવાન ને વશ કરવા એ કઈ સામાન્ય વાત નથી……..અંત્ય-૭, પ્રથમ -૧૮ વગેરે વચનામૃત માં કહ્યા મુજબ ભગવાન ને વશ કરવા શું કરવું જોઈએ…એ શ્રીજી એ કહ્યું છે……..
  • બ્રહ્મસ્વરૂપ યોગીજી મહારાજ નો ચાતુર્માસ પ્રત્યે વિશેષ ઝુકાવ હતો…દરેક યુવક ને પોસ્ટકાર્ડ લખતા અને વિશેષ નિયમ- સ્નેહ સાથે આપતા….બળ આપતા….
  • ચાતુર્માસ ના વિશેષ તપ-ઉપવાસ થી માત્ર દેહ ની જ નહિ પણ જીવ ની પણ શુદ્ધિ થાય છે…..જીવ બળિયો થાય છે……..વિશેષ કથાવાર્તા થી ભગવાન ના ચરિત્ર માં પણ દ્રઢતા થાય છે….ભગવાન ની સ્મૃતિ અખંડ રહે છે……અને એ માટે નિરંતર વાંચન ની- શ્રવણ ની ટેવ પાડવી જોઈએ……સત્સંગ પરીક્ષા એ માટે જ છે…કે સ્વામિનારાયણ ભગવાન…..એમના ભક્ત….સંત…નું ચરિત્ર ..એમનો મહિમા શું છે…..એનું જ્ઞાન થાય…..અને પ્રેરણા મળે…..

અદ્ભુત…..અદ્ભુત……….!!!

ત્યારબાદ પરમ પૂજ્ય મહંત સ્વામી એ – ચાતુર્માસ ના વિશેષ નિયમ ને વધુ દ્રઢ કરવા……સત્સંગના મહિમા ને શ્રીહરિ ચરીત્રા મૃત સાગર ને આધારે વર્ણવ્યો…..

  • પાકા સત્સંગી ની ઓળખાણ જ એ છે કે સુખ હોય કે દુખ…..તે સદાયે એકરંગ રહે છે……સત્સંગ સિવાય ગમે તેટલું સુખ હોય તે તેને નકામુ માને…….
  • દુખ પડે ને તંત્ર-મંત્ર-દોરા-ધાગા માં પડે જ નહિ……..જીવન માં શ્રીજી ની મરજી થી જે મળે એ જ સુખ માને…….જીવન ૫-૨૫ વર્ષમાં ખતમ થઇ જશે……કશું સાથે નહિ આવે પણ એક સત્સંગમાં નિષ્ઠા પાકી હશે તો એ જ સાથે આવશે……….
  • એક સત્સંગ જ છે…જે જન્મોજન્મ જીવ સાથે રહે છે……..
  • એક ભગવાન સિવાય બીજે ક્યાય વૃતિ જોડાય તો એ પાપ જ છે…દુખ જ છે……..પણ જે ભક્ત નો જીવ ભગવાનમાં જ જોડાયેલો હોય તેને ગમે તેટલુ દુખ આવે પણ એ ડગતો નથી…….શાસ્ત્રીજી મહારાજ ના સમયે આશાભાઈ ની સઘળી સંપત્તિ આગમાં ભસ્મીભૂત થઇ ગઈ…ખાવા-પીવા માટે પણ કશું ન બચ્યું છતાં એમની નિષ્ઠા ભગવાન અને સત્પુરુષમાં થી સહેજે ડગી નહી …ઉલટા નું- એ સમયે શાસ્ત્રીજી મહારાજે એમને આર્થિક સેવા ની વાત કરી- કસોટી કરી તો- તરત જ સેવા કરી…..! અદ્ભુત નિષ્ઠા…અદ્ભુત સમર્પણ ભાવ…..
  • સાચો સત્સંગી તો એણે કહેવાય કે જ્યાં એનું માન-અપમાન થાય છતાં તેના સત્સંગમાં ફેર ન પડે…..નિષ્ઠા દ્રઢ જ રહે……
  • અને ભક્તિ કરતા ભલે વિપત આવે…..અઘરી કસોટી થાય છતાં ધીરજ રાખવી……ભગવાન પર પુરેપુરો વિશ્વાસ રાખવો…..”દાસ ના દુશ્મન હરિ કોઈ દી હોય નહિ……જે કરતા હશે એ સારૂ જ કરતા હશે..” એ ન્યાયે સત્સંગ માં ટકી રહેવું……
  • દાદા ખાચરના ઘરમાં તો ભગવાન પોતે રહેતા હતા…..છતાં દાદા ખાચર ને જગત ના દુખો નો પાર ન હતો……પણ દાદા ની નિષ્ઠા ડગી નથી…..કે લેશ માત્ર પણ શ્રીજીમાં શંકા થઇ નથી…..નિષ્કુળાનંદ સ્વામી ને અંત સમયે દેહમાં ઘણી પીડા હતી છતાં પીડામાં રાહત માટે એમણે શ્રીજી ને પ્રાર્થના કરી નથી……!!!!! આમ, ભગવાન ના સાચા ભક્ત હોય તે શુરવીર હોય….નિષ્ઠાવાન હોય…..પોતાના પર…પોતાના ઇષ્ટદેવ પર દ્રઢ વિશ્વાસ હોય……

અદ્ભુત……અદ્ભુત…….!!! સત્સંગ અને સત્સંગી- એ પણ સાચા થવું……એના થી મોટું કાર્ય બીજું કોઈ નથી………!!! આટલું પણ જીવ ને સમજાય તો એ જીવ ને ભગવાન વશ થઇ જાય….

છેવટે સભાને અંતે અમુક જાહેરાત થઇ…..

  • ચાતુર્માસ ના વિશેષ નિયમો નું દ્રઢતા પૂર્વક પાલન કરવું…..
  • 13626594_1047172671987367_3700690094465553933_n
  • શ્રાવણ માસ માં સંતો ની પધરામણી -ઘરેઘર થવાની છે…….જે માટે ની માહિતી -નિયમ- કાર્યકરો દરેક હરિભક્ત ને આપશે- સમજાવશે…….
  • આજની સત્સંગ પરીક્ષામાં અમદાવાદ માં ૯૧% હાજરી રહી ………૪ જેટલા કેન્દ્રમાં ૧૦૦% હાજરી રહી……
  • આવતા સપ્તાહ થી પુ.ડોક્ટર સ્વામી -અમદાવાદ ને આંગણે હશે …..

તો- બસ- શ્રીજી -સ્વામી અને સત્પુરુષ ને પ્રાર્થના કરતા રહી  એ કે- આપણે સાચા સત્સંગી બની શકીએ…..સુખ આવે કે દુખ- બસ એક રંગ …હરિ રંગ રહીએ…….!!

જય સ્વામિનારાયણ…..

રાજ


Leave a comment

BAPS રવિસભા-૨૨/૧૧/૧૫

“સત્પુરુષને વિષે દ્રઢ પ્રીતિ એ જ આત્મદર્શનનું સાધન છે અને સત્પુરુષનો મહિમા જાણ્યાનું પણ એ જ સાધન છે અને પરમેશ્વરનું સાક્ષાત્ દર્શન થવાનું પણ એ જ સાધન છે.”

——————————–

ભગવાન શ્રી સ્વામિનારાયણ- વચનામૃતમ-વરતાલ-૧૧

આજે વિક્રમ સંવંત ૨૦૭૨ ની પહેલી એકાદશી હતી…અને ચાતુર્માસ ની અંતિમ એકાદશી…..અને એ પણ પ્રબોધિની એકાદશી…..એ પણ રવિસભા ને દિવસે……પછી હરિભક્તો ને બંને હાથ માં લાડુ કેમ ન હોય??? સત્સંગ ની આ અસ્ખલિત ..અનરાધાર વર્ષા માં બસ આમ જ ભીંજાતા રહીએ…એ જ શ્રીજી ના ચરણો માં …સત્પુરુષ ના ચરણો માં પ્રાર્થના…!

સભામાં જરાક મોડો પહોંચ્યો આથી દર્શન સભા બાદ થયા……પણ દર્શન થયા અને તન-મન-જીવ સંતૃપ્ત થઇ ગયા……હરિકૃષ્ણ ની હાટડી-માં વિવિધ શાકભાજી એટલી અદ્ભુત રીતે ગોઠવાયા હતા કે પળભર તો થયું કે બધા જ શાકભાજી ખરીદી લઈએ…..!!! જુઓ-તમે પણ કરો આ અદ્ભુત દર્શન…

12246790_1732579513638051_419942516743260774_n

11148714_1732579550304714_8383875001767056943_n

સભાની શરૂઆત- પુ.વિવેક્મુની સ્વામી દ્વારા ધુન્ય-કીર્તન થી થઇ….નિર્જળા ઉપવાસ અને સતત પ્રવૃત્તિ વચ્ચે પણ સંતો ની તાજગી-ઉત્સાહ જોવા લાયક હતા…..”અનુપમ આજ પ્રબોધિની આઈ…” મુક્તાનંદ સ્વામી રચિત કીર્તન અદ્ભુત હતું…..ત્યારબાદ પ્રસિદ્ધ ગવૈયા સંત- પુ.પ્રેમવદન સ્વામી ના પ્રબળ સ્વરે ” આજ મનોહર દેવ દિવાળી ..શ્રી હરિકૃષ્ણ બન્યા છે વ્યાપારી ” રજુ થયું અને સમગ્ર સભા જાણે કે પ્રબોધિની એકાદશી અને દેવદિવાળી ના ઉત્સવ માં એકાકાર થઇ ગઈ………..અને શ્રી હરિકૃષ્ણ મહારાજ ની હાટડી તો સર્વોપરી હતી….અને એમના જેવી વ્યાપારી બુદ્ધિ આગળ તો ભલભલા પાણી ભરે…!!!  અદ્ભુત..!

ત્યારબાદ- પ.પુ.પ્રમુખ સ્વામી મહારાજ દ્વારા ૨૦૧૨-૧૩ દરમિયાન સારંગપુર અને અમદાવાદ માં ઉજવાયેલી પ્રબોધિની એકાદશી ઉત્સવો નો વિડીયો દર્શન થયા અને પછી પુ.ઈશ્વરચરણ સ્વામી દ્વારા – વરતાલ-૧૧ ના વચનામૃત પર આધારિત- સત્પુરુષ માં દ્રઢ પ્રીતિ પર અદ્ભુત પ્રવચન થયું……જોઈએ એના સારાંશ…..

  • અધ્યાત્મ માર્ગ માં સત્પુરુષ ની અનિવાર્યતા- વચનામૃત ના પાને-પાને શ્રીજી એ કહી છે…….વરતાલ- ૧૧ માં વચનામૃત માં કહ્યા મુજબ- સત્પુરુષ માં દ્રઢ પ્રીતિ એ જ આત્મ દર્શન…..સત્પુરુષ નો મહિમા જાણ્યા નું……શ્રીજી નો સાક્ષાત્કાર કર્યા નું…….સાધન છે…..! જેને આત્મસાત કર્યે જ છૂટકો…..
  • સમગ્ર સત્સંગ નો હેતુ જ આ છે…….
  • સત્પુરુષ નો મહિમા સમજાય..એમનામાં અવગુણ ન દીસે…..મનુષ્યભાવ ન આવે તો જ- સત્પુરુષ માં શ્રીજી એ કહી એવી દ્રઢ પ્રીતિ થાય…..અને એમ કર્યા સિવાય છૂટકો જ નથી…..
  • વચનામૃત-સારંગપુર-૨- માં શ્રીજી એ કહ્યું છે એમ સત્પુરુષ ની આજ્ઞા તત્કાલ પાળવી..સંશય ન કરવો……તો જ દ્રઢ પ્રીતિ થાય…..સાથે સાથે સતત ભજન નો ગુણ, દેહ નો અનાદર, સંતો-ભક્તો ની સેવા ની લગની, એકાગ્રતા અને મોટા પુરુષ ની-શ્રીજી ની અનુવૃતી સમજી એ તો કલ્યાણ નો માર્ગ સહજ થાય………સત્પુરુષ રાજી થાય….
  • આપણા ગુણાતીત પુરુષો માં આ ગુણ સ્પષ્ટ દેખાય છે………..અને ભક્તિ નો એમણે જે દાખલો બેસાડ્યો છે એ અજોડ છે…….સામે- એમના ભક્તો આજે પણ પોતાનું સર્વસ્વ ન્યોછાવર કરવા તૈયાર રહે છે……શ્રીજી-સત્પુરુષ-મંદિરો ની સેવા માટે તો એ પોતાનું સર્વસ્વ અર્પણ કરી દે છે ત્યારે આવા ભવ્ય મંદિરો બને છે……
  • પ્રેમી જનને વશ પાતળિયો, શ્યામ સુંદર સુખકારી રે;
    જાતિ વરણ ને રૂપે ન રીઝે, પ્રભુજીને ભક્તિ પ્યારી રે...
    પ્રેમ ન નીપજે દેશ વિદેશે, પ્રેમ ન હાટે વેચાય રે;
    પ્રેમીના પાસંગમાં જે શીશ સોંપે, તે જન પ્રેમી થાય રે...
    વ્રજ વનિતાના પ્રેમની આગે, ઉડ્યા કોટિ કબીરા રે;
    મુક્તાનંદ એ પ્રેમનો મારગ, સમજે તે સંત સુધીરા રે..
  • ઉપરોક્ત પંક્તિ ઓ ગઈ ને સ્વામીએ કહ્યું કે- આ પ્રીતિ ને જે સમજે- એને બીજું કશું સમજવું પડતું નથી……આ સત્સંગ-મંદિરો-તપ-જપ-વ્રત બધાનો સાર આ દ્રઢ પ્રીતિ માં છે……..શ્રીજી-સ્વામી -બાપા ને પ્રાર્થના કરીએ કે- નવા વર્ષમાં આપણે પણ આવી દ્રઢ પ્રીતિ સત્પુરુષ-શ્રીજી માં દ્રઢ થાય…..

અદ્ભુત…અદ્ભુત……..ત્યારબાદ- અમદાવાદ ખાતે ઉજવાયેલા અન્નકૂટ ઉત્સવ નો વિડીયો રજુ થયો…….સંતો-હરિભક્તો નું આયોજન-મહેનત અવર્ણનીય હતી…….અને મને ગર્વ છે કે- હું પણ આ સેવા નો એક નાનકડો હિસ્સો બની શક્યો…..! ત્યારબાદ અમુક જાહેરાતો અને સન્માન થયા….અન્નકૂટ ઉત્સવ ના સ્વયમ સેવકો કે જેમણે ઉત્તમ સેવા કરી હતી એમનું સન્માન થયું….

તો આજની સભા સત્પુરુષ માં દ્રઢ પ્રીતિ-એનો મહિમા સમજવાની હતી……પ્રેમ ની આ ભાષા જે સમજે- તે ભવસાગર તરે…………!

જય સ્વામિનારાયણ……

રાજ


Leave a comment

BAPS રવિસભા- ૦૬/૦૭/૧૪

10338690_700607279977243_2661902203969918293_n

સર્વોપરી અક્ષર પુરુષોત્તમ સિધ્ધાંત ના બ્રહ્માંડ પ્રવર્તન માટે- બ્રહ્મ સ્વરૂપ શાસ્ત્રીજી મહારાજે જે – અપમાનો, ભીડા વેઠ્યા એના આગળ તો આપણા દુખો ની કોઈ વિસાત નથી. એક સિધ્ધાંત ખાતિર આવા બ્રહ્મ નિષ્ઠ પુરુષ ને – ગામેગામ- ભૂખ્યા ભટકવું પડ્યું……છતાં પોતાનું ધ્યેય છોડ્યું નહિ……અને અનંત જીવો ના કલ્યાણ માટે નો એક સહજ માર્ગ બતાવ્યો….આજ ની સભા આ સત્પુરુષ અને એમના સિધ્ધાંત માટે હતી…..

આજે સમયસર સભામાં પહોંચી ગયો..શરુ શરુ માં ભીડ ઓછી લાગી…કારણ? ગરમી….પણ ધીરે ધીરે સભા ભરચક થઇ ગઈ…..તો ચાલો- તન-મન-જીવ ને શાતા આપતાં -જગત ના નાથ ના દર્શન કરીએ….

10527755_270505283137651_2403712839906070958_n

સભાની શરૂઆત- પુ.કૃષ્ણ સ્વરૂપ સ્વામી ના મધુર કંઠે ગવાતા સ્વામિનારાયણ ધુન્ય અને પ્રાર્થના થી થઇ…..એમના દ્વારા જ બે કીર્તન રજુ થયા અને બંને ના રચયિતા – ભક્ત કવિ રસિક દાસ હતા…..”વાદલડી ઉતરજે ઘેલા ને તીર …..” અદ્ભુત હતું……અત્યારે વરસાદ ખેંચાયો છે અને શ્રીજી ની કૃપા ની વિશેષ જરૂર છે, ત્યારે આવું કીર્તન હૃદય ના તાર ને ઝણઝણાવી જાય એમાં શું શંકા????  અન્ય કીર્તન- “અક્ષરધામ થી મહા એકાંતિક અવની ઉપર આવ્યા…” પણ અદ્ભુત હતું.

ત્યારબાદ હમેંશ ની જેમ- અક્ષર પુરુષોત્તમ સિધ્ધાંત નું સમૂહ ગાન થયું……પણ આ સમયે કોરસ માં શ્રોતાઓ એ પોતાનો સુર પુરાવવા નો હતો…..પ્રયોગ સારો હતો. ત્યારબાદ પુ. શ્રીહરિ સ્વામી જેવા વિધવાન સંત ના મુખે – બ્રહ્મ સ્વરૂપ શાસ્ત્રીજી મહારાજ ના “સર્વોપરી અક્ષર પુરુષોત્તમ સિધ્ધાંત ની નિષ્ઠા અને પ્રવર્તન” વિષય પર ઊંડાણ પૂર્વક નું સંશોધિત પ્રવચન થયું…..જોઈએ અમુક અંશ…

  • કહેવાય છે કે- શાસ્ત્રીજી મહારાજ નો જન્મ જ મંદિર કરવા સારું થયેલો……એમના બાળપણ ના પ્રસંગો એ વાત ના દ્યોતક છે અને જયારે કિશોર વયે એમણે ત્યાગાશ્રમ સ્વીકાર્યો ત્યારે શ્રીજી ના મળેલા સંત વિજ્ઞાનાનંદ સ્વામી ને ગુરુ કર્યા
  • સુરત માં ઘનશ્યામ મહારાજ ની મૂર્તિ ની પ્રતિષ્ઠા સમયે- બ્રહ્મ સ્વરૂપ ભગતજી મહારાજ સાથે પ્રથમ મિલન થયું- કે જેણે શાસ્ત્રીજી મહારાજ નું જીવન બદલી નાખ્યું અને અક્ષર પુરુષોત્તમ સિધ્ધાંત ના પાયા નાખ્યા…..
  • શાસ્ત્રીજી મહારાજે એમના જીવન માં ત્રણ વાત દ્રઢ કરી- ૧) સહજાનંદ સ્વામી- સર્વોપરી, સર્વાવતારી પુરુષોત્તમ- સ્વામિનારાયણ ભગવાન છે….૨) ગુણાતીતાનંદ સ્વામી જ મૂળ અક્ષરબ્રહ્મ છે ૩) શ્રીજી- સદાયે પ્રગટ રહે છે……પોતાના સંત દ્વારા ….- અને આ ત્રણ વાત- એમણે અનેક પરીક્ષણો – અનુભવો- જાત ચકાસણી થી સાબિત કરી છે…..
  • વઢવાણ માં- અક્ષર પુરુષોત્તમ મહારાજ બેઠા – પછી શાસ્ત્રીજી મહારાજ પ્રત્યે- વડતાલ માં વિરોધ વધ્યો…..એમના અપમાનો થયા….મારી નાખવા સુદ્ધા ના પ્રયાસો થયા અને છેવટે -કૃષ્ણજી અદા ની આજ્ઞા થી પાંચ સંતો સાથે વડતાલ છોડ્યું અને એના એક જ વર્ષ માં તો બોચાસણ માં – મધ્ય ખંડ માં અક્ષર પુરુષોત્તમ મહારાજ બેઠા……અને સમગ્ર પૃથ્વી પર અક્ષર પુરુષોત્તમ મહારાજ નો ડંકો વાગ્યો…..અક્ષર પુરુષોત્તમ સિધ્ધાંત નો ડંકો વાગ્યો…….જેના પરિણામે આજે ૧૨૦૦ થી વધુ મંદિરો અને ૯૩૦ થી વધુ સંતો- પૃથ્વી પર વિચરી ને આ સિધ્ધાંત નું પ્રવર્તન કરી રહ્યા છે……
  • આજે પ.પુ.પ્રમુખ સ્વામી મહારાજ દ્વારા શ્રીજી પ્રગટ પ્રમાણ છે……અને આ સિધ્ધાંત ગુંજતો રહેશે……

ત્યારબાદ- એક વિડીયો રજુ થયો જેમાં સ્વયમ પ્રમુખ સ્વામી મહારાજે- શાસ્ત્રીજી મહારાજ ના અ સર્વોપરી કાર્ય- અને સિધ્ધાંત વિષે જણાવ્યું. ત્યારબાદ- બાળમંડળ દ્વારા – આ જ અક્ષર પુરુષોત્તમ સિધ્ધાંત ના માહાત્મ્ય વિષે ગાન રજુ થયા……

994456_700566173314687_4349462479366895449_n

ત્યારબાદ- ઉદ્ઘોષક દ્વારા વાત થઇ કે- યોગીબાપા ના સંકલ્પ હતા એમાં એક એવો સંકલ્પ હતો કે અનાર્ય દેશો માં પણ – સ્વામિનારાયણ મંદિર બને…..અને તાજેતર માં હોંગકોંગ માં- આપણું મંદિર બન્યું…..પુ.ઈશ્વરચરણ સ્વામી દ્વારા ત્યાં મૂર્તિ પ્રતિષ્ઠા થઇ- ખુબ જ આનંદ ની વાત છે કે- આપણી કલ્પના ન હોય ત્યાં આગળ પણ- આપણો સંપ્રદાય- આપણો સિધ્ધાંત જઈ રહ્યો છે……..મોટા પુરુષો ના વચનો મિથ્યા નથી હોતા એનું આ એક પ્રમાણ છે….

પુ.ઈશ્વર ચરણ સ્વામી એ – તારીખ- ૯/૭ -બુધવાર થી શરુ થતા ચાતુર્માસ માં લેવા ના વિશેષ નિયમો વિષે બળ ભરી વાત કરી……જોઈએ સારાંશ…

  • શાસ્ત્રીજી મહારાજ અને યોગીબાપા ને તપ- વ્રત ખુબ જ પસંદ હતા- યોગીબાપા તો યુવકો ને ધારણા-પારણા ના વ્રત આપતાં……શ્રીજી ને પણ તપ-ખુબ જ વ્હાલું…..
  • આથી- નિયમ ના પાંચ નિર્જળ ઉપવાસ ( ૯ જુલાઈ – ના રોજ દેવ પોઢી અગિયારસ છે….નિર્જળા ઉપવાસ જરૂર કરવો) અને ચાતુર્માસ ના વિશેષ ઉપવાસ કરવા
  • જુવાનો એ- સમગ્ર શ્રાવણ માસ દરમિયાન ધારણા પારણા ( એક દિવસ ઉપવાસ- એક દિવસ જમવાનું) જરૂર કરવા અને વડીલો- એ એકટાણા જરૂર કરવા……! જોઈએ આપણા થી શું થાય છે????
  • આ સિવાય- ચાતુર્માસ ના વિશેષ નિયમો જરૂર લેવા( વધારા ની માળા, સત્સંગ, વાંચન વગેરે)

આ સિવાય પણ અમુક જાહેરાતો થઇ…..

  • અક્ષર પીઠ દ્વારા – યુવા અધિવેશન ની ડીવીડી બહાર પડી છે…..
  • ૧૨-જુલાઈ -એ ગુરુ પૂર્ણિમા છે- અને મોટા સંતો ની આજ્ઞા મુજબ- આ મહા ઉત્સવ- હમેંશ ની જેમ બોચાસણ જ ઉજવાશે….કોઈએ સારંગપુર જવું નહિ…સ્વામીશ્રી ની નાદુરસ્ત તબિયત અને આરામ ને ધ્યાનમાં રાખી ને ત્યાં આગળ ઉત્સવ ની કોઈ વ્યવસ્થા રાખેલ નથી- તેની વિશેષ નોંધ  લેવી….
  • આવતા રવિવારે સભા- એ ગુરુ પૂર્ણિમા ની વિશેષ સભા છે……..અચૂક લાભ લેવો…પુ.ડોક્ટર સ્વામી પણ વિશેષ લાભ આપવા ના છે…..
  • આ સિવાય- સત્સંગ પરીક્ષા ને લગતી અમુક જાહેરાતો થઇ…..

આજના દિવસે- પ.પુ.પ્રમુખ સ્વામી મહારાજ ના હૃદય ની સર્જરી ને ૨૦ વર્ષ પુરા થયા…..અને વરસાદ ખેંચાયો છે – આથી સર્વ જન હિત માટે – સ્વામીશ્રી ના સારા સ્વાસ્થ્ય માટે- સ્વામિનારાયણ મહામંત્ર ની ધુન્ય મિત્ર- નીરજ વૈદ્ય ના સુમધુર સ્વર માં થઇ…..! ચાલો આપણે પણ એમાં જોડાઈએ…..

સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ………

રાજી રહેશો

જય સ્વામિનારાયણ….

રાજ


Leave a comment

આજકાલ-૨૭/૦૭/૨૦૧૩

મેઘરાજા અત્યારે બુલંદ છે અને મેઘ મા થી વરસતા ફોરા ઓ જાણે કે હૃદય ની લાગણીઓ સાથે જ રેલાઈ જાય છે…….અને સંવેદનાઓ નું…વિચારો નું એક મેઘ ધનુષ્ય હરપળ આકાર લે છે ……..અને પળેપળ નિરાકાર થાતું જાય છે……શબ્દો બસ એમ જ સરકી પડે છે એક સહજ-આનંદ ની જેમ……!  જીવન આજકાલ હોટલો મા વધારે અને ઘર મા ઓછું વ્યતીત થાતું રહે છે…….એના ફાયદા-ગેરફાયદા અનેક છે……પણ જીવન ને હમેંશા સકારાત્મક જોવાની તેજાબી આદત ધરાવતા આ જીવ ને બસ એમ જ લાગે છે કે- વિચરણ જ સારું…….જો એક સ્થળે સ્થિર રહેલું પાણી પણ ગંધાઈ  ઊઠતું હોય તો- આપણા સતત સ્થિર અને એવોપરેટ થાતા જીવન નું શું કહેવું??? વિચરણ એ હરિ નો ઉપકાર છે- સતત યાત્રા દ્વારા એ સમજાવે છે કે- ચાલતા રહેવું જીવન છે અને અટકવું મોત……!

તો- આજકાલ જીવન મા શું ચાલી રહ્યું છે??

  • વરસાદી ધુમ્મસ આજકાલ ગુજરાત-મુંબઈ મા સર્વત્ર જોવા મળે છે……ચમકતા સુરજ ને જોયે દહાડા વીતી ગયા છે…….જોઈએ- મેઘાદાદા   જીતે છે કે- સુરજ દાદા……જે જીતે એ – સરવાળે ફાયદો પૌત્રો ને જ થવાનો છે……! 🙂
  • તો સાથે સાથે ભારત ના સૌથી મોટા સર્કસ- રાજકારણ મા જોકરો વધતા જાય છે…….મુક રાજા…..મુરખ સરકાર અને મૂઢ જનતા…….ખેલ અદભૂત ચાલે છે…….ખાઉધરી કોંગ્રેસ ના મોટા પેટ વાળા નેતાઓ ભસી રહ્યા છે કે- એક વ્યક્તિ માત્ર ૧ રૂપિયા થી લઈને ૧૨ રૂપિયા સુધી મા ભરપેટ જમી શકે છે…….! આપણે હસવું કે રડવું? ખબર નથી પડતી……..પણ જો આ નિકમ્મા નેતાઓ-અને એમની સરકારો લાંબો સમય રહી તો- આપણે માત્ર ૧ રૂપિયા જેટલું જ ખાવા લાયક રહેશું……….! જાગો સજ્જનો..સન્નારીઓ જાગો……….
  • ચોમાસું આવે ને- અમદાવાદ ની ગલી ગલી એ રોડ ધોવાઈ જાય છે……ભૂવાઓ- ખાડાઓ જાણે કે વર્લ્ડ રેકોર્ડ તોડવાના હોય એમ “ઉગી” નીકળે છે……..યાર- આ લોકો એવા તે કયા પ્રકાર ના રોડ બનાવે છે કે- એક વરસાદી ઝાપટા થી ધોવાઈ જાય…??? રોડ કોન્ટ્રક્ટરો…..અને મ્યુનિસિપલ એન્જીનીયરો ને જવાબદાર ગણી- એમને સજા કે પેનલ્ટી થવી જ જોઈએ…નહીતર પેલાં MNS ની “ગુંડાગર્દી” ની જેમ જનતા જ કાયદો હાથ મા લઇ લેશે………
  • આ બધા પ્રશ્નો સાથે મારા માટે ..અનેક લોકો માટે એક મુસ્કુરાહટ ભર્યું આશા નું કિરણ…..ચાતુર્માસ ચાલુ છે…….અને સત્સંગ આજકાલ ભરપુર થઇ રહ્યો છે……..જીવનું-મન નું-આ હૃદય નું શુદ્ધિકરણ માટે આ અનિવાર્ય છે……સાથે સાથે પ્રમુખ સ્વામી મહારાજ ના અદભૂત દર્શન……એમનાં સ્વાસ્થ્ય મા ચમત્કારી સુધારો……સત્સંગ મા અનેક ઘણો વધારો કરે છે…….શાસ્ત્રો કહે છે કે-” સત્પુરુષ ની હાજરી માત્ર ની મન-અંતઃકરણ ને શાતા મળે છે….”
  • મારો વ્હાલો દીકરો હરિકૃષ્ણ…….આજકાલ મેઘરાજા ની જેમ અનરાધાર વરસી રહ્યો છે……..એના તોફાનો -લીલાઓ અમારા માટે એક ચેલેન્જ બની ગઈ છે……અને પાછા એના માટે રમકડા ખરીદવા મા આવ્યા છે…..આથી અમે તો ઉલટા એની “ખુશી” મા “ફસાઈ” ગયા છીએ………! જો કે હું તો બહાર ને બહાર  જ ફરતો હોઉં છું…..આથી સેલ્યુટ ટુ રીના…..! રીના અદભૂત “મા” છે………હરિ ની પાછળ એ પળેપળ લાગેલી જ રહે છે……….અને મને સતત યાદ કરાવતી રહે છે કે…. ” મા હોઉં એટલે શું?”   ખરેખર “મા” ની તોલે કોઈ ન આવે……….ઘણીવાર તો એ જ મને હરિ નું સ્વરૂપ લાગે છે……..
હરિ.....હરિકૃષ્ણ ની લીલાઓ.....

હરિ…..હરિકૃષ્ણ ની લીલાઓ…..

બસ…….જીવન ની રફતાર આ જ છે……..થોડીક મસ્તી……થોડીક અલ્લડતા……ઘણોબધો સત્સંગ…….અને એક સંપૂર્ણ હરિ…….! એટલે જીવન નું આ ચક્ર સંપૂર્ણ કહેવાય………..

સાથે રહેજો……

રાજ


Leave a comment

BAPS રવિસભા તા-૨૪/૦૬/૨૦૧૨

(પોસ્ટ લખ્યા તા-૨૪/૬)

વંદુ શ્રીહરિ ને સદા હૃદય થી, ગુણાતીતાનંદ ને,

વંદુ શ્રી પ્રાગજી ભક્ત ને, વળી નમુ શાસ્ત્રીજી મહારાજ ને….

વંદુ શ્રી કરુણાનિધાન ગુરુ ને …યોગી મહારાજ ને…

વંદુ બ્રહ્મસ્વરૂપ શ્રી પ્રમુખ ને..કલ્યાણદાતા તમે……”

મંગલાચરણ ના આ પદો- ગઈ ને-સાંભળી ને મન હૃદય એકદમ શાંત થઇ જાય છે..નવું જોમ..જુસ્સો..એક નિર્ભયપણું ઉભરાય છે કે આપણી સાથે ,આપણા યોગ ક્ષેમ માટે કોઈ છે……..! આજની સભા- આ વાત પર જ હતી…..ભલે ને મેઘરાજા સંતાકુકડી રમતા પણ, અમદાવાદી ઓ ને સુરો થી ભીંજવવા ની આજે ઘડી હતી…..ગયા રવિવારે જેમ જાહેરાત થઇ હતી એમ- સારંગપુર ખાતે યોજાયેલ- અને ૧૯૬૨ માં જેની શુભ શરૂઆત યોગી બાપા દ્વારા થઇ હતી…..તે અખિલ ભારતીય યુવા અધિવેશન -માં કીર્તન આરાધના ની સ્પર્ધા હતી અને એમાં વિજેતા નીવડેલા યુવકો દ્વારા – આજે અમદાવાદ ને આંગણે- પુ.પ્રમુખ સ્વામી મહારાજ ની નિશ્રા માં- ભવ્ય કીર્તન આરાધના નો પ્રોગ્રામ હતો…..આથી સભામાં સમય પહેલા પહોંચવા નું બનતું જ હતું…….તો સમય ની લાજ રાખી…..મંદિરે પહોંચ્યા અને શ્રીજી ના અદભુત દર્શન…….

આજ ના દર્શન…..

સભામાં ગોઠવાયા ત્યારે – બસ ધૂન ની શરૂઆત હતી……અમદાવાદ,બોરસદ,વડોદરા અને વલ્લભ વિદ્યાનગર ના છાત્રાલય ના વિજેતા યુવકો….સભા મંચ ઉપર પોતાની ભક્તિ-પ્રતિભા નો લાભ આપી રહ્યા હતા…..! અને કિરતન ના અવિરત..અસ્ખલિત ..સહજ પ્રવાહ ની શરૂઆત- ધૂન,પ્રાર્થના થી થઇ……સમગ્ર માહોલ જાણે કે- કોઈ સુરો ના લય વચ્ચે વિલય થવા માંથી રહ્યો હોય એમ લાગતું હતું……! અને તમે નહિ માનો- આ યુવકો ને સાંભળ્યા અપ્છી લાગ્યું કે- આ સુર આગળ…ભક્તિ પદો આગળ સઘળા રાગ ફિક્કા છે……! જુઓ..કિરતન આરાધના માં શું થયું……સુરીલી શરણાઈ….સારંગી ના તાલ સાથે…..

  • શરૂઆત થઇ- અમદાવાદ- સેટેલાઇટ યુવક મંડળ ના યુવકો દ્વારા….’હમારે સત્સંગ કે ઉજિયારે…દેખો સહજાનંદ પ્રાણ પ્યારે  ” શાસ્ત્રીય રાગો આધારિત….પ્રેમાનંદ સ્વામી દ્વારા રચિત આ ભક્તિ પદ – સતત ૧૨ મીનીટ સુધી શ્રોતાઓ પર વરસતું રહ્યું….અદભુત..અદભુત……
  • ત્યારબાદ- પ્રેમાનંદ સ્વામી ની જ રચના….” દેખી છબી સાંવરી……..” પદ -બોરસદ ના યુવકો દ્વારા ગવાયું….
  • વલ્લભ વિદ્યાનગર છાત્રાલય ના યુવકો દ્વારા સંપ્રદાય ની પ્રસિદ્ધ રચના- ગૌડી – ” સંત પરમ હિતકારી…..” ની રજૂઆત થઇ…..
  • અમદાવાદ-બાપુનગર ના યુવકો દ્વારા- ” લાલ તેરી લટકન મે લલચાણી…..” રજુ થયું…..પ્રેમાનંદ સ્વામી દ્વારા રચિત આ પદ- મારું પ્રિય છે…પુ. કૃષ્ણપ્રિય સ્વામી ના સ્વરે..મંગલા આરતી માં- દાદર મંદિરે મે સાંભળ્યું હતું……
  • અંતે વડોદરા યુવક મંડળ દ્વારા’ “સંત સમાગમ કીજે….” એક નવા જ લય-સુર માં રજુ થયું…..

સતત એક કલાક સુધી આ ભક્તિ પદો….અદભુત સુરાવલીઓ માં – શ્રોતાઓ પર વરસતા રહ્યા અને શ્રોતાઓ બસ ભીંજાતા જ રહ્યા…….” કે આજ સખી આનંદ ની હેલી…..” જેવો ઘાટ બધાનો હતો….સ્વામીનારાયણ સંપ્રદાય ના મુખ્ય પાયા…૧. શ્રીજી સ્વયમ… ૨. સંત ૩. શાસ્ત્રો…૪. સાહિત્ય ..૫. સુર-કીર્તન-ભક્તિ પદ… ૬. નિયમ-ધર્મ  ..પૈકી નો આ એક પાયો – એટલો બધો આકર્ષક છે કે – ભલભલો નાસ્તિક પણ એક ક્ષણ માટે ખોવાઈ જાય..અને તેની મનોસૃષ્ટિ આગળ- શ્રીહરિ ની મૂર્તિ-ચરીત્રો જાણે કે તાદ્રશ્ય ઉભા થઇ જાય……! આવો અદભુત- અવિસ્મરણીય માહોલ ઉભો કરવા માટે – યુવકો ને શત શત વંદન…..

ત્યારબાદ સભામાં અમુક જાહેરાતો થઇ…..

  • ચાતુર્માસ આવે છે….આથી ભગવાન-ગુરુ ના રાજીપા માટે અમુક વિશિષ્ટ નિયમો લેવા ના છે…..કોઈ જબરજસ્તી નથી…પણ બધું તમારા પર છે….કારણ કે શાસ્ત્રો માં વર્ણવ્યું છે એક- શ્રીજી ને તપ-ભક્તિ -સેવા અતિશય પસંદ છે…..તો તમે કોઈ પણ -પાળી શકાય એવો નિયમ લઇ શકો….મે પણ વિચાર્યું છે….જોઈએ શું થાય છે????

ત્યારબાદ- પુ.ઈશ્વરચરણ સ્વામી એ – યુવકો પર પોતાનો રાજીપો જાહેર કર્યો અને ,પુ.યોગીજી મહારાજ ના યુવકો માટે ના દાખડા વર્ણવ્યા…..ચાતુર્માસ અને તપ વિષે- યોગીબાપા નો જે આગ્રહ હતો- એ પણ રજુ કર્યો….એમને એક ઉદાહરણ આપ્યું કે જે મારા મન ને સ્પર્શી ગયું……સાત સમુંદર પાર , અજાણ્યા દેશમાં- અમેરિકા-ન્યુજર્સી માં રહેતા અનિલભાઈ છેલ્લા ૧૩-૧૪ વર્ષ થી , પોતાના રોજીંદા કામ વચ્ચે પણ ધારણા પારણાનું વ્રત( એક દિવસ ઉપવાસ- એક દિવસ જમવાનું)  કરી રહ્યા છે……..પોતાની સંસ્કૃતિ- પોતાના નિયમ ધર્મ નો આટલો બધો કેફ??? આપણે પણ કંઇક શીખવું જોઈએ……તો શરૂઆત તો કરો…..!

ત્યારબાદ- ધોરણ ૧૦-૧૧-૧૨ માં ઉતીર્ણ થયેલા તેજસ્વી છાત્ર-છાત્રા ઓ નો સન્માન સમારંભ યોજાયો…..૮૦ થી ૯૭%  લાવવાવાળા તેજસ્વી છાત્રો નું સન્માન- અન્ય વિધાર્થી ઓ માટે પ્રેરણા રૂપ બની શકે છે…….

અને અંતે- રથયાત્રા -મનોરથયાત્રા નો વીડીઓ રજુ થયો……ઠાકોરજી નો અદભુત શણગાર- પુ.પ્રમુખ સ્વામી મહારાજ ના મુખ મંડળ ની આભા અને ઉત્સાહ…હરિભક્તો નો- સંતો નો ઉમળકો…..અદભુત હતો……..વીડીઓ તો હું- આ પહેલા ની પોસ્ટ માં મૂકી ચુક્યો છું……!

બસ…..શ્રીજી-સ્વામી- સંતો આમ જ રાજી રહે……હરિભક્તો પર ભક્તિ-સુખ ની…હરિ સુખ ની સરવાણી કરતા રહે…..એટલે જાણે કે ” ઘેર બેઠા જ અક્ષરધામ” ……..! શ્રી હરિ ને પ્રાર્થના કે – બસ આમ જ એમની મૂર્તિ-સેવા નો લાભ આપતા રહે…….

જય સ્વામીનારાયણ…..

સાથે રહેજો……

રાજ


1 Comment

BAPS રવિસભા- તા ૬/૧૧/૨૦૧૧

    गुणातीतो अक्षरम ब्रह्म, भगवान पुरुषोतम:

जनोंजानम इदं सत्यं मुच्यते भवबंधनात् ………

वंदे श्री पुरुषोत्तमम् च परमम्, धम्याक्षरम ग्नान्दम,

वंदे श्री प्रागजी भक्त में व् मनगं ब्रह्म्स्वरुं मुदा,

वंदे श्री यग्न्पुरुषदास चरणं, श्री योगिराज्म तःथा,

वंदे श्री प्रमुख्म गुनालयम् गुरु , मोक्षाय भक्त्या सदा……

તો આજે ઘણા સમય બાદ , મારા સદભાગ્યે, ૨૦૬૮ ની ,( મારા માટે ની) પ્રથમ રવિસભા રવિસભામાં હું હાજર હતો. આજે નવા વર્ષ ની પ્રથમ અગિયારસ હતી, એ પણ પ્રબોધિની એકાદશી…..દેવ ઉઠી અગિયારસ હતી. પૂ. શાસ્ત્રીજી મહારાજ ની આજ્ઞા મુજબ, આ અગિયારસ – એ નિર્જળા અગિયારસ હતી. મે પ્રયત્ન કર્યો, પણ છેવટે , શરીર સામે મન, હારી ગયું અને બપોરે જ મે પાણી પી લીધું. ભૂતકાળ મા , મે નિર્જળા એકાદશી કરેલી છે( એ પણ સાંજે ૭ વાગ્યા સુધી….આરતી થાય ત્યાં સુધી). મને ઉપવાસ નો મતલબ ઘણી વાર મગજ મા બેસતો નથી. ઇન્દ્રિયો નો નિગ્રહ- અને આહાર – એ સંકળાયેલા છે ,એ વાત સાચી, પણ જીવ- આહાર મા ફરતો હોય, અને ઉપવાસ- ખેંચી ખેંચી ને કરવો- એના કરતાં જમી લેવું સારું…..! બાકી- હરિ માટે કઈ પણ શક્ય છે…….મન મક્કમ કરી ને બધું થઇ શકે છે……એ સ્તર સુધી પહોચવા માટે મારે ઘણી લાંબી મજલ કાપવા ની છે……..!

       સભા મા સમયસર પહોંચી ગયા. ભીડ સારી એવી હતી, અને ઠાકોરજી ના નવા વર્ષમાં , પ્રથમ દર્શન મન મૂકી ને , મન ભરી ને કર્યાં……આજે પ્રબોધિની એકાદશી હતી આથી ચાતુર્માસ પુરો થયો અને ભગવાન ને વિવિધ શાકભાજી ઓ ખુબ જ ભાવ પૂર્વક ધરાવવા મા આવી હતી…..( હું ખુબ ખુશ હતો કારણ કે – હવે હું મારા મનપસંદ – ભરેલા રીંગણ જમી શકીશ…….!!) જુઓ નીચેના ફોટા……

આજ ના દર્શન....

ત્યારબાદ સભામાં ગોઠવાયા. કીર્તન ચાલુ હતા. ” કરીએ કરોડો વંદન…..” કીર્તન- યુવકો ના અવાજ મા મન ને ડોલાવી ગયું. લાગ્યું કે, મંદિર ના નીચેના હોલ મા નવી મ્યુઝીક સિસ્ટમ લગાડી છે……! ત્યારબાદ- પૂ. ભક્તીયોગી સ્વામી ( મંદિર મા નવા સંત છે) , દ્વારા, પૂ. પ્રમુખ સ્વામી ના વિચરણ અંગે પ્રસંગો નું પઠન થયું…..જે મુજબ…..સાર હતો….

  • પૂ. ગુણાતીતાનંદ સ્વામી ની વાતો મુજબ- જો સત્પુરુષ ની સ્નેહભરી દ્રષ્ટી કોઈ જીવ પર પડી જાય તો એ જીવ નું કલ્યાણ થઇ જાય છે….અને આપણી બધી ગ્રંથીઓ ઓગળી જાય…….
  • શ્રીજી મહારાજ ની આજ્ઞા મુજબ- ગમે તેટલી વિકટ સ્થિતિ હોય પણ આત્મઘાત કરવો નહી……
  • એક હરિ નો આશરો જ જીવ ને પરમ શાંતિ આપી શકે છે……..
  • ભગવાન ને સંબંધિત બધી વસ્તુઓ નો મહિમા જાણવો- સમજવો…..કારણ કે સર્વ ના કર્તા-હર્તા – એ એક જ છે…..આપણે બધા તો નિમિત્ત માત્ર છીએ……
ત્યારબાદ પુનઃ કીર્તન થયા. પૂ.પ્રેમાનંદ સ્વામી રચિત, ” જેના ગુણે રીઝ્યા ગિરધારી રે…એવા સંત ની બલિહારી રે…..”, અને પૂ. પ્રેમ્વાદન સ્વામી દ્વારા ગવાયેલ કીર્તન- ” સહજાનંદ સ્વામી…અંતર્યામી…..મૂર્તિ મનોહર શ્યામ ની…..” એ મારું મન ડોલાવી દીધું…..ભગવાન ના સ્વરૂપ ના…..એ સાંવરી મનોહર મુરત ના પદો- એ મારા પ્રિય પદો રહ્યા છે………
ત્યારબાદ- અમારા સદનસીબે- આજે અમદાવાદ મા નવા વરસે થયેલા – મહા અન્નકૂટ નો વીડીઓ બતાવવા મા આવ્યો- ૨૫૫૧ પ્રકાર ની વાનગીઓ – શુધ્ધ વાનગીઓ ના રસથાળ ને તૈયાર કરવામાં……એને ગોઠવવા મા……ભક્તો ના દર્શન માટે ની વ્યવસ્થા કરવા મા – જે સ્વયં સેવકો, ભક્તો,સંતો જોડાયેલા હતા……એમની એક ઝલક મન મા  એક વિચાર ઝબકાવી ગઈ કે- ભગવાન માટે- લોકો ની આસ્થા કેવી છે????? નવા વરસે – શ્રીહરિ ના રાજીપા માટે- હજારો લોકો છેલ્લા એક મહિના થી રાત દિવસ જોયા વગર તૈયારીમાં પડ્યા હતા.  આપણે ક્યાં હતા…..???? બસ , પોતાના ધંધા-નોકરીમાં ડૂબેલા હતા……!
આવું સમર્પણ જવલ્લે જ જોવા મળે…..! બેપ્સ આજે આગળ છે તો એનું કારણ એ જ છે……હરિ નો રાજીપો…..ગુરુ પરંપરા ના સર્વોચ્ચ સંકલ્પો અને દાખડા ઓ, હરિભક્તો ની નિષ્ઠા……..સંતો નું ઉત્તમ સમર્પણ…….સ્વયંસેવકો ની અકલ્પનીય સેવા………! બીજું શું જોઈએ……સર્વશ્રેષ્ઠ થવા…????
આ મહા અન્નકૂટ મા જે કોઈપણ ભક્તે, કે સંતે સેવા કરી હતી- એ બધા નો આભાર વિધિ પ્રસંગ કરવામાં આવ્યો…..આભાર વિધિ શા માટે જરૂરી છે? એ પૂ. બ્રહ્મવિહારી સ્વામી એ એમની લાક્ષણિક અદા મા જણાવ્યું……….કે પરસ્પર ના સહયોગ વગર જીવન શક્ય નથી ……સરકારી તંત્ર, પોલીસ તંત્ર, વિવિધ કંપનીઓ, સંસ્થાઓ, વિભાગો બધાનો આભાર વિધિ- પોણા કલાક સુધી ચાલ્યો અને સમગ્ર હોલ તાળીઓ થી ગુંજતો રહ્યો……..
બસ નવા વર્ષ ની શરૂઆત સારી થઇ છે………રવિસભા ને ગુમાવવા નો રંજ – એ સત્સંગ મા ક્ષણો ને ચુકી જવાના રંજ જેવો છે……શ્રીજી ને પ્રાર્થના કે – રવિસભા ક્યારેય ન છૂટે……
જય સ્વામિનારાયણ….
રાજ