Raj Mistry's world

Me,my stories and world around….


1 Comment

BAPS રવિસભા-03/02/2019

પછી શ્રીજીમહારાજ બોલ્યા જે,

“અમે એક પ્રશ્ન પૂછીએ જે, ઇન્દ્રિયો ને મન એ બેને જીત્યાનું એક સાધન છે? કે ઇન્દ્રિયોને જીત્યાનું જુદું સાધન છે ને મનને જીત્યાનું જુદું સાધન છે? એ પ્રશ્ન છે.”

પછી મોટા મોટા પરમહંસ હતા તેમણે જેવું જેને ભાસ્યું તેવું તેમણે કહ્યું પણ શ્રીજીમહારાજના પ્રશ્નનું સમાધાન થયું નહીં. પછી શ્રીજીમહારાજ બોલ્યા જે,

“એનો ઉત્તર તો એમ છે જે,

વૈરાગ્ય, સ્વધર્મ, તપ અને નિયમ એ ચાર સાધને કરીને ઇન્દ્રિયો જિતાય છે અને ભગવાનની માહાત્મ્ય સહિત જે નવધા ભક્તિ તેણે કરીને મન જિતાય છે.”
પછી મુક્તાનંદ સ્વામીએ પૂછ્યું જે,

“જેવી નિર્વિકલ્પ સમાધિને વિષે ભગવાનના ભક્તને શાંતિ રહે છે, તેવી એ સમાધિ વિના પણ શાંતિ રહે એવો શો ઉપાય છે?”

પછી શ્રીજીમહારાજે કહ્યું જે,

“જેવી પોતાના દેહને વિષે આત્મબુદ્ધિ ને દ્રઢ પ્રીતિ રહે છે તેવી જ ભગવાન તથા ભગવાનના ભક્તને વિષે આત્મબુદ્ધિ ને દ્રઢ પ્રીતિ રહે,….. તો જેવી નિર્વિકલ્પ સમાધિમાં શાંતિ રહે છે તેવી શાંતિ એ સમાધિ વિના પણ સદાય રહ્યા કરે; એ જ એનો ઉત્તર છે.”

જીવને જેવી દેહને વિષે આત્મબુદ્ધિ છે તેવી ભગવાન તથા ભગવાનના ભક્તને વિષે આત્મબુદ્ધિ હોય તો તેને કોઈ રીતનું વિઘ્ન લાગે નહીં. અને ગમે તેવાં દેશકાળાદિક ભૂંડાં આવે તેણે કરીને એ ભગવાન ને ભગવાનના ભક્ત થકી વિમુખ થાય નહીં.”

(શ્રીજી મહારાજે પછી સીતાજી નાં ત્યાગ નો પ્રસંગ નો આધાર લઇ પ્રશ્ન પૂછ્યો….જે)

…….જે ભગવાન ને ભગવાનના ભક્તનો કોઈ રીતે અવગુણ લે નહીં અને વૈરાગ્ય ને ધર્મ તે તો સામાન્યપણે હોય; એક હરિભક્ત તો એવો છે. અને બીજો હરિભક્ત છે તેને તો વૈરાગ્ય ને ધર્મ તો અતિ આકરા છે પણ સીતાજીના જેવી સમજણ નથી….. એ બે પ્રકારના હરિભક્ત છે, તેમાં કયા સંગાથે અતિશય પ્રીતિ રાખીને સોબત કરવી?”

પછી ચૈતન્યાનંદ સ્વામીએ કહ્યું જે,

ધર્મ ને વૈરાગ્ય જો સામાન્યપણે હોય તો પણ જેની જાનકીજીના જેવી સમજણ હોય તેનો જ અતિશય પ્રીતિ કરીને સમાગમ કરવો,…… પણ અતિશય વૈરાગ્ય ને ધર્મવાળો હોય ને ભગવાન ને ભગવાનના ભક્તનો અવગુણ લેતો હોય તો તેનો સંગ કરવો નહીં.”

પછી શ્રીજીમહારાજે કહ્યું જે, “યથાર્થ ઉત્તર થયો.”


વચનામૃત ગઢડા અંત્ય-૧૧

ગયા રવિવારે બ્રહ્મ ઉત્સવ સોલા ભાગવત ખાતે હતો અને આજની સભા નિયમિત હતી…..ઠંડી નું જોર ઘટ્યું છે પણ હરિભક્તો નું જોર..જોશ….અકબંધ હતાં……રવિ – સત્સંગ સભાનું બળ એવું પ્રબળ છે કે અઠવાડીયા નો જગત ની માયા રૂપી મેલ જે જીવ પર ચડ્યો છે ..એ પળ વાર માં ખરી પડે છે…….! માટે જ આપણાં ગુણાતીત ગુરુઓ ની આજ્ઞા નિયમિત રવીસભા ની છે…….

તો સર્વ પ્રથમ….મારા કેસર ભીના વ્હાલા નાં દર્શન….

સભાની શરૂઆત યુવક મિત્રો દ્રારા સ્વામિનારાયણ મહામંત્ર ની ધૂન થી થઈ…. ત્યારબાદ યુવક મિત્ર જૈમિન વૈદ્ય દ્રારા મુક્તાનંદ સ્વામી રચિત ” મોહે તો તુમ પ્રભુ એક આધારા…” રજુ થયુ…..બ્રહ્મ સત્ય…! આ ખારા દોર જગત વચ્ચે મીઠાશ નો દરિયો…કોઈ હોય તો….આપણો એકમાત્ર આધાર હોય તો… એ શ્રીજી જ છે…એનાથી જ આપણે “જીવંત” છીએ…! ત્યારબાદ…” જોગી એ ગોંડલ ને ગોકુળ બનાવીયું…” રજુ થયુ….મહાતીર્થ સ્થાન ગોંડલ અક્ષર મંદીર નાં મહિમા ને જગત ભર માં, જોગીબાપા એ પોતાની સાધુતા અને સ્નેહ થી પ્રસરાવ્યો….ત્યારબાદ બુલંદ અવાજ માં બ્રહ્માનંદ સ્વામી રચિત” વ્હાલા લાગો છો વિશ્વ આધાર રે….સગપણ તમ સાથે..” કીર્તન રજુ થયુ…ખરેખર સગપણ તો હરિવર અને એમનાં સંત નું જ સાચું….બાકી બીજે ક્યાંય બંધાયા તો ઊંધે માથે લટકવા નું જ છે….

ત્યારબાદ સ્વામીશ્રી નાં મુંબઇ ખાતે નાં 12-13 જાન્યુઆરી નાં દિવ્ય વિચરણ નાં વિડીયો દર્શન નો લાભ મળ્યો…..જેનાં દર્શન આપણે નીચે ની લિંક પર થી કરી શકીશું…

ત્યારબાદ પુ. વિવેક જીવન સ્વામી એ વચનામૃત ગઢડા અંત્ય ૧૧ પર આધારિત અદ્ભૂત પ્રવચન કર્યું….જેનો સારાંશ માત્ર આપણે અહી જોશું….

  • ઇન્દ્રિય અને અંતઃકરણ વચ્ચે નો ભેદ સમજવો અને એમનાં કાર્ય…એનાં થી મળતું પરિણામ સમજવું જરુરી છે
  • ઇન્દ્રિયો ને જીતવી…અઘરી છે, પણ એ કર્યા વગર સુખી નહીં થવાય….સત્સંગ નું સાચું સુખ નહીં આવે……પ્રાગજી પુરાણી કઢી માં… તો પ્રેમાનંદ સ્વામી લોક નાં સુર લય માં ખેંચાયા….માટે ઇન્દ્રિય ને જીતી લીધી જ છે…એવો આત્મ વિશ્વાસ રાખવો નહીં…..
  • દૃઢ નિયમ ધર્મ રાખશું તો ઇન્દ્રિય ને કાળક્રમે નિયંત્રિત કરી શકશુ…… અને મન ને જીતવા તો નવધા ભક્તિ ..એ પણ માહાત્મ્ય સહીત…સિવાય કોઈ જ આરો નથી….એનાથી મન સ્થિર થાય છે અને એક ભગવાન માં જોડાશે..
  • મન નો કદાપિ વિશ્વાસ ન કરવો….અને સદાયે ભગવદ બળ રાખવું…..અને એ બળ..સત્સંગ થકી જ મળે…બ્રહ્મસ્વરૂપ પ્રમુખ સ્વામી મહારાજ કહેતાં કે…મન અસ્થિર છે…એક ભગવાન જ સ્થિર છે…માટે જો મન એક ભગવાન અને એનાં સંત માં જોડાશે તો તેં આપોઆપ સ્થિર થશે…
  • માટે જ જો પ્રત્યક્ષ સતપુરૂશ માં આત્મ બુદ્ધિ થશે ..દૃઢ જોડાણ થશે તો આપોઆપ નિર્વિકલ્પ સમાધિ જેવી અંતર માં શાંતિ થશે…
  • જગત માં છીએ…વ્યવહાર કરવા પડે… પણ જેવી જગત અને સ્નેહી માં પ્રીતિ છે….તેથી અધિક જો ભગવાન અને સંત માં કરીએ તો…. અંતર માં શાંતિ થાય….
  • ભગવાન અને સંત પોતાના ભક્ત ની આકરી કસોટી કરે તો પણ જો, એમનાં માં આત્મબુદ્ધિ દૃઢ હોય તો…. ભગવાન અને સંત નાં આ ચરિત્ર માં…સત્સંગ માં અભાવ…અવગુણ ન આવે…….ભાયલિ નાં જીવા ભાઈ અને તેમનાં પર શાસ્ત્રીજી મહારાજ નાં ગુસ્સા નું ચરિત્ર આ આત્મ બુદ્ધિ નું દ્યોતક છે…કેનેડા નાં ઉપેન્દ્ર ભાઈ ઓઝા અને ભગવાન ભાઈ માંડવીયા જેવા અનેક હરિભક્ત આજે પણ સત્સંગ માં આના જીવંત ઉદાહરણ છે….
  • અંતર માં…. સત્સંગ માં સમજણ હોય તો આત્મબુદ્ધિ દૃઢ રહે….

અદ્ભૂત પ્રસંગો……અદ્ભૂત પ્રવચન…!! જીવન માં જો આટલું સિદ્ધ થાય તો જીવ જરુર બ્રહ્મરૂપ થાય…!

ત્યારબાદ પુ. ઇશ્વરચરણ સ્વામીએ પણ ઉપરોક્ત પ્રવચન ને લગતા જ પ્રવચન નો લાભ આપતાં કહ્યુ કે….સતપુરૂશ નું સ્વરુપ …એમનો મહિમા ઓળખાશે તો આપોઆપ આત્મબુદ્ધિ થશે….ભગતજી મહારાજ નું જીવન ચરિત્ર આનો પુરાવો છે…..સત્સંગ માં મોટા પુરુષ અને ભગવાન…બીજા માં રહી ને આપણી કસોટી કરવા નાં જ….!! માટે તેની તૈયારી રાખવી જ…..

ત્યાંરબાદ સભા માં જાહેરાત થઈ કે…

  • આવતાં રવિવારે વસંત પાંચમી છે…..બ્રહ્મસ્વરૂપ શાસ્ત્રીજી મહારાજ નો પ્રતીક જન્મોત્સવ ધામધૂમ થી ઉજવાશે…..
  • જ્ઞાન સત્ર નો લાભ પુ. આદર્શ જીવન સ્વામી આપવા નાં છે….તારીખ 17 અને 24 ફેબ્રુઆરી…રજિસ્ટ્રેશન હજુ ચાલુ છે….જે તેં વિસ્તાર નાં કાર્યકરો નો સંપર્ક કરવો….

જો આજની સભા નો એક એક શબ્દ જીવ માં દૃઢ થાય તો કશુ બાકી ન રહે…….બસ સત્સંગ માં જીવ દૃઢ રાખવો…..સમજણ રાખવી…………સમજણ અને મહિમા થી જ આ સત્સંગ જીવ માં દ્રઢ થશે…જીવ બ્રહમરૂપ થશે અને પરમપદ ને પામશે….અક્ષર સુખ- શાંતિ નો અનુભવ થશે.

જય સ્વામિનારાયણ…… જાગતા રહેજો….

રાજ


Leave a comment

BAPS રવિસભા – ૨૯/૦૭/૨૦૧૮

“…યુવકો મારું હૃદય છે……..”- બ્રહ્મ સ્વરૂપ યોગીજી મહારાજ

“..બાળ મંડળ માં મળેલા સંસ્કારધન ને જાળવી રાખવા માટે યુવક સભામાં જવું જરૂરી છે……..જો એ નહિ થાય તો જીવન અવળે પાટે ચડી જશે……”.- પ્રગટ અક્ષરબ્રહ્મ મહંત સ્વામી મહારાજ


ઝવેરચંદ મેઘાણી પોતાના એક પદ માં કહે છે કે…યૌવન વીંઝે પાંખ……..સત્સંગ માં બાળ મંડળ દ્વારા સંસ્કાર ના પાયા મજબુત કરી ને આગળ વધતા બાળકો જયારે ૯ માં ધોરણ માં પહોંચે છે ત્યારે તેમના સત્સંગ ના પડઘા યુવક મંડળ તરફ ગતિ કરે છે…….અને જો સત્સંગ -અવિરત ગતિ થી આગળ વધે તો આ સંસ્કાર ના પાયા પર યુવક સભા દ્વારા ચરિત્ર ની મજબુત ઈમારત નું ઘડતર થાય છે……અને જીવ દ્રઢ સત્સંગ ને સથવારે સમાજ…અધ્યાત્મ પથ પર પ્રતિષ્ઠિત થઇ અંતે બ્રહ્મરૂપ થાય છે……!

માટે જ- બાળ મંડળ થી શરુ થયેલો આ સર્વોપરી સત્સંગ જીવનભર ચઢતો ને ચઢતો રહે તે માટે બાળક ૧૫ વર્ષ નો થાય ત્યારે તેનું સહજ જીવાંતરણ યુવક મંડળ માં થાય તેની વિશિષ્ટ પ્રેરણા સભા આ હતી…..! આજની સભા હોલ જુઓ તો ઉભા રહેવા ની પણ જગ્યા ન હતી….!!! તો- સર્વ પ્રથમ દિન- હિંડોળા ની શરૂઆત નો…..હિંડોળા માં ઝુલતા મારા ઠાકર ના દર્શન નો……!

pixlr_20180729210528907

સભાની શરૂઆત યુવકો દ્વારા ધુન્ય થી થઇ……..ત્યારબાદ યુવક મિત્ર દ્વારા પરમ ભક્ત મોતીભાઈ  રચિત ” અમે સૌ સ્વામી ના બાળક ..” રજુ થયું…..અને અન્ય એક યુવક દ્વારા ” મારા ગુરુજી નો પરવાનો…….પરવાના ને દુનિયા શું જાણે..” રજુ થયા…! ત્યારબાદ અગાઉ જણાવ્યું તેમ યુવક પ્રેરણા ની આ વિશિષ્ટ સભા હતી…માટે શરૂઆત તે મુજબ જ થઇ…..

૬૦-૬૫ વર્ષ પહેલા યોગીબાપા  એ શરુ કરેલા બાળ મંડળ આજે એક વટવૃક્ષ બની ને સમગ્ર જગત માં પ્રસરી ચુક્યું છે…તેનો મહિમા – કાર્ય ની ઝલક આપતો વિડીયો રજુ થયો……!

ઉચ્ચ સંસ્કાર ના પાઠ ની સાથે સાથે -નિયમ ધર્મ ની દ્રઢતા….સત્સંગ કથા વાર્તા…..કીર્તન  નો ઈશક…..અને સમાજ માં થી વ્યસન ની બદી ની નાબુદી માટે બાળકો નો દાખડો…અજોડ હતો……! ભણવા માં પણ અવ્વલ અને અધ્યાત્મ માં પણ અવ્વલ…..પછી બાકી શું રહે??? પણ જો બાળ મંડળ માં મળેલા આ સંસ્કારો – આગળ યુવક મંડળ માં ન જાય તો??? બાળક અધ વચ્ચે જ સત્સંગ છોડી- યુવક મંડળ માં ન જાય તો ?? શું થાય…એના ઉત્તર- અને ઉકેલ – આગળ ના સંવાદ..” પુર્ણાહુતી કે પ્રારંભ”  માં મળ્યો…..

જય-વિજય ના સંવાદ માં  – સત્સંગ ને આગળ ધપાવી ને પ્રગતિ કરવી કે- સત્સંગ છોડી કુસંગ માં ભળી ને – પતન ના માર્ગે જવું……એ સાર ઉપર અદ્ભુત પ્રદર્શન થયું……! જીવન માં જો શિક્ષણ સાથે સંસ્કાર- સત્સંગ હશે તો- બાળક નો જન્મારો સુધરી જશે…કુસંગ નો ચેપ નહિ લાગે…!

ત્યારબાદ “યુવા પ્રવૃત્તિ – એક વિશિષ્ટ મંચ” પર સાગર પટેલ નામના યુવકે પોતાના અનુભવ રજુ કર્યા…… કહ્યું કે- યુવા પ્રવૃત્તિ સત્સંગ થકી  જીવન માં ધ્યેય ..માર્ગ સ્પષ્ટ થાય..કુસંગ ન લાગે..સેવા સમર્પણ દ્રઢ થાય અને સત્પુરુષ નો રાજીપો મળે……..! ત્યારબાદ હેત પટેલ નામના એક પોતાના અનુભવ રજુ કરતા કહ્યું કે…..બાળમંડળ ના સભ્ય એવા આ યુવક નો સત્સંગ- બાળ મંડળ માં થી છૂટ્યા બાદ છૂટી ગયો..અને પછી જીવન ના અમુલ્ય વર્ષ કુસંગ માં બગડ્યા…પણ યુવા પ્રવૃત્તિ સત્સંગ માં પાછો આવ્યો – પછી એવો સત્સંગ થયો કે આજે – આપણી સંસ્થા ના ૧૦૦૦ થી વધુ સંતો ના નામ મોઢે છે….સભામાં – ગુજરાત ના ૧૫ મોટા શિખરબદ્ધ મંદિર ના કોઠારી સ્વામી ના નામ- અટક્યા વગર બોલી બતાવ્યા…..!! તો નૃજલ શર્મા નામના યુવકે- યુવા પ્રવૃત્તિ નો મહિમા કહેતા કહ્યું કે- સત્સંગ ને જીવન માં દ્રઢ કરવા- બાળ મંડળ માં થી યુવક મંડળ માં જવું અનિવાર્ય છે…….

ત્યારબાદ- બ્રહ્મસ્વરૂપ યોગીજી મહારાજે સ્થાપેલા યુવક મંડળ ની જગ વિખ્યાત પ્રવૃત્તિ ઓ – યુવાનો નું ચારિત્ર્ય ઘડતર….કળા કુશળતા ના વિકાસ…..ધ્યેય -સેવા-પુરુષાર્થ-સંસ્કાર ની સ્પષ્ટતા વિષે વધુ સ્પષ્ટતા કરતા વિડીયો ની રજૂઆત થઇ……!

-યુવક-યુવતી ના મંડળ- એમની પ્રવૃત્તિ ઓ ખરેખર અતુલ્ય છે…….બ્રહ્મવિદ્યા ની આ કોલેજો છે જેમાં- આ યુવક-યુંવતી ઓ નું એવું ઘડતર થાય છે કે- અહી આવ્યા પછી જીવન માં એ ક્યારેય..કોઈ પણ જગ્યા એ પાછા ન પડે…..!!!

ત્યારબાદ- આવા જ દ્રઢ નિષ્ઠ યુવક ની નિષ્ઠા ના દર્શન કરાવતો- એક વિડીયો સંવાદ રજુ થયો……..” જલ ફરે …વાદળ ફરે પણ બેપ્સ યુવક મંડળ નો યુવક નિયમ ધર્મ માં થી ન ફરે…” એ સાર સાર્થક રીતે અહી દેખાયો……! મોટા પુરુષ ને- ભગવાન ને રાજી કરવા નું તાન હોય તો શું ન થાય??? આવા યુવકો- જ આપણું ઝળહળતું ભવિષ્ય છે…..!

ત્યારબાદ કોઠારી પુ.આત્મ કીર્તિ સ્વામી એ આ પ્રેરણા સભા વિષે કહ્યું કે- આજની વિશિષ્ટ સભા નો હેતુ જ એ છે કે- બાળ મંડળ માં થી ૧૦૦ % બાળકો- યુંવક મંડળ માં અચૂક જાય……અને એમ થાય એ માટે માતા પિતા એ જાગૃત થવું પડશે…ખટકો રાખી- પોતાના બાળકો ને પ્રેરણા આપવી પડશે કે- યુવા સભા ના ફાયદા શું છે??? શિક્ષણ સાથે સત્સંગ – શિક્ષણ ને મજબુત કરે છે…જે ભણતા ૬ થી ૮ કલાક લાગે તે- સત્સંગ ના કારણે સ્થિર થયેલી બુદ્ધિ થી ઘણા ઓછા સમય માં ભણી શકાશે…..જેથી બાળક- ભણવા માં આગળ થશે….સંસ્કાર..ચારિત્ર્ય દ્રઢ થશે…..સામાજિક પ્રગતિ થશે…!

સભાને અંતે પુ. ઈશ્વર ચરણ સ્વામી અને ગુરુહરિ પરમ પૂજ્ય મહંત સ્વામી મહારાજે આશીર્વચન આપતા કહ્યું કે- યોગીબાપા ની આ પ્રવૃત્તિ નો હેતુ- યુવકો ને કુસંગ થી બચાવી- ઉચ્ચ ચારિત્ર્ય નું ઘડતર કરવાનો છે…….બળ મંડળ માં મળેલા સત્સંગ- સંસ્કાર ધન ને સમગ્ર જીવન માં કાયમ રાખવા- જરૂરી છે કે- બાળક યોગ્ય સમયે- યુવક મંડળ માં જતું થાય…..થોડુક અતડું લાગશે પણ બધું થઇ રહેશે…….મોટા પુરુષ નો રાજીપો થશે તો અશક્ય પણ શક્ય થશે…..! યોગીબાપા અને પ્રમુખ સ્વામી મહારાજ નો રાજીપો આમાં છે..!

અદ્ભુત વાત…! છેવટે તો – આ સત્પુરુષ ના રાજીપા ની જ વાત છે કે- બાળપણ માં મળેલા સત્સંગ ના સંસ્કાર સમગ્ર જીવન માં ચડતા ને ચડતા જ રહે…નવપલ્લિત રહે….! માટે- જીવન માં ગમે તે થાય પણ સત્સંગ ન છોડવો……!

અંતે અમુક જાહેરાત થઇ……

  • An ideal child ….. પુસ્તક માનુષી પંડ્યા દ્વારા ટ્રાન્સલેટ થઇ ને પ્રગટ થયું છે જેનું વિમોચન સભામાં ઉપસ્થિત પુ. વિવેકસાગર સ્વામી દ્વારા થયું……
  • Introduction to mandir- પુસ્તક પુ. અમૃત વિજય સ્વામી દ્વારા લેખિત છે તેનું પણ વિમોચન- પુ.વિવેકસાગર સ્વામી દ્વારા થયું….
  • મહંત સ્વામી મહારાજ ની અમૃત વાણી- પ્રમુખ સ્વામી મહારાજ ની અમૃત વાણી ની સીડી/પેન ડ્રાઈવ નું પણ વિમોચન થયું…….

તો- જો આપણું ભવિષ્ય સફળ- સલામત કરવું હોય તો- આપણા બાળકો ને પ્રેરણા આપવી પડશે કે- બાળ મંડળ માં દ્રઢ સંસ્કાર પામી અટકવા નું નથી પણ યુવક મંડળ માં જોડાઈ- એ સંસ્કારો- સત્સંગ ને વધુ દ્રઢ કરવા નો છે…….

જય સ્વામિનારાયણ……

રાજ


Leave a comment

BAPS રવિસભા-૧૦/૦૬/૨૦૧૮

પછી શ્રીજીમહારાજ બોલ્યા જે, “આ સત્સંગમાં હરિભક્તને ક્યારે મૃત્યુનો ભય ટળી જાય ને દેહ છતે જ પોતાનું કલ્યાણ મનાઈ જાય?”

પછી મુક્તાનંદ સ્વામીએ જેવો આવડ્યો એવો ઉત્તર કર્યો પણ શ્રીજીમહારાજના પ્રશ્નનું સમાધાન થયું નહીં. પછી બીજા પરમહંસ બોલ્યા જે, “હે મહારાજ! એ પ્રશ્નનો ઉત્તર તો તમે જ કરો.” પછી શ્રીજીમહારાજ બોલ્યા જે,

“તમે જ્યાં સુધી કીર્તન બોલ્યા ત્યાં સુધી અમે એનો વિચાર કર્યો છે, તે અમારી નજરમાં તો એમ આવ્યું છે જે, ચાર પ્રકારના હરિભક્ત હોય તેને મૃત્યુનો ભય નાશ પામે છે અને કૃતાર્થપણું મનાય છે……. તે ચાર પ્રકારના હરિભક્તની વિક્તિ – એક તો વિશ્વાસી, બીજો જ્ઞાની, ત્રીજો શૂરવીર, ચોથો પ્રીતિવાળો, એ ચાર પ્રકારના જે ભક્ત તેને તો મૃત્યુનો ભય નથી રહેતો અને દેહ છતે કૃતાર્થપણું મનાય છે.

હવે એ ચાર પ્રકારના ભક્તનાં લક્ષણ કહીએ છીએ. તેમાં જે વિશ્વાસી હોય તે તો પ્રત્યક્ષ ભગવાન ને તેના સાધુ તેના વચનને વિષે અતિશય વિશ્વાસને પામ્યો છે; માટે તે ભગવાનના નિશ્ચયના બળ વડે કરીને મૃત્યુનો ભય રાખે નહીં અને એમ જાણે જે, ‘મને પ્રત્યક્ષ પુરુષોત્તમ ભગવાન મળ્યા છે માટે હું કૃતાર્થ છું.’ ……અને જ્ઞાનીને તો આત્મજ્ઞાનનું બળ હોય, તે એમ માને જે, ‘હું તો બ્રહ્મસ્વરૂપ એવો ભગવાનનો ભક્ત છું;’ માટે એને પણ મૃત્યુનો ભય હોય નહીં…….. અને શૂરવીર હોય તે થકી તો ઇન્દ્રિયો તથા અંતઃકરણ એ સર્વે થરથર કંપતાં રહે અને બીજા કોઈથી પણ ડરે નહીં,……. માટે એને કોઈ રીતે પરમેશ્વરની આજ્ઞામાં ભંગ થાય નહીં…….. માટે પોતાને કૃતાર્થપણું માને અને મૃત્યુનો ત્રાસ તેના મનમાં લેશમાત્ર પણ હોય નહીં……… અને ચોથો જે પ્રીતિવાળો તેને તો પતિવ્રતાનું અંગ છે……… જેમ પતિવ્રતા સ્ત્રી હોય તેને પોતાના પતિ વિના બીજે ઠેકાણે વૃત્તિ ડોલે નહીં ને એક પોતાના પતિને વિષે જ પ્રીતિ રાખે, તેમ તે ભગવાનનો ભક્ત તે પતિવ્રતાની પેઠે પોતાના પતિ એવા જે ભગવાન તેને વિષે જ પ્રીતિ રાખે……..

માટે પોતાને કૃતાર્થપણું માને અને તેને મૃત્યુનો ભય પણ લેશમાત્ર હોય નહીં. અને એ ચાર અંગ માંહેલું એક પ્રધાન હોય ને બીજાં ત્રણ ગૌણ હોય તો પણ જન્મ-મૃત્યુના ભય થકી તરે છે અને ચાર માંહેલું એક પણ ન હોય તેને તો મૃત્યુનો ભય ટળે નહીં.”


વચનામૃતમ- લોયા- ૨

સત્સંગ માં કેવા ભક્ત થવું??? એનો ઉત્તર ઉપરોક્ત વચનામૃત માં થી મળે છે . આજની સભા આ વચનામૃત પર હતી…..ગ્રીષ્મ હજુ ધગધગે છે…કાલ થી શાળા-કોલેજો નું વેકેશન પૂર્ણ થઇ નવા વર્ષ ની શરૂઆત થાય છે અને આ ઉકળાટ વચ્ચે – સત્સંગ સભા જ એક એવું સ્થાન છે જ્યાં જીવ ને સ્થિર થવાનો..શાંત થવાનો મોકો મળે છે. ..તો હરિ ના વેકેશન ની છેલ્લી સભામાં અમે સમયસર પહોંચી ગયા… 🙂

સભાની શરૂઆત માં – શીતળતા ના સ્ત્રોત એવા શ્રીજી ના દર્શન…….

pixlr_20180610171437800

સભાની શરૂઆત યુવક મિત્રો દ્વારા ધુન્ય પ્રાર્થના થી થઇ….અદ્ભુત કીર્તનો ની રમઝટ ચાલી જેમાં….

  • આવો શ્રીજી સ્વામી આવો…..મારે મંદિરીયે પધારો…..
  • પુ. શુભ કીર્તન સ્વામી દ્વારા સ્વરાંકિત….” મોગરા ના ફૂલ સખી…..”
  • બ્રહ્માનંદ સ્વામી રચિત- ” હો રાજ મારે મંદિરીયે રહો..રહો…..
  • બ્રહ્માનંદ સ્વામી રચિત…” આજ મને સામે મળ્યો છે અલબેલો…..”

રજુ થયા……એકાદશી અને અદ્ભુત કીર્તન ની ઝડી માં- અતિશય ઉકળાટ શમી ગયો અને ઠંડક પ્રસરી ગઈ…..

ત્યારબાદ પુ. દિવ્ય કિશોર સ્વામી દ્વારા – પ્રમુખ સ્વામી મહારાજ ના દિવ્ય- ગુણો પૈકી ” આત્મનિષ્ઠા ” ના ગુણ પર અદ્ભુત પ્રસંગો દ્વારા રસપ્રદ પ્રવચન થયું…..જોઈ એ સારાંશ…

  • સારંગપુર-૧૨ ના વચનામૃત માં શ્રીજી કહે છે કે- સાધુ ના ગુણ અખંડ રહે તે માટે ત્રણ ગુણ સાધુ માં હોવા જોઈએ- આત્મ નિષ્ઠા ….સ્વધર્મ અને ભગવાન ના સ્વરૂપ નો નિશ્ચય……એમાં આત્મનિષ્ઠા એટલે બ્રહ્મરૂપ થવું….જે પ્રમુખ સ્વામી મહારાજ જેવા અક્ષરબ્રહ્મ ગુણાતીત પુરુષ માં હતું…..
  • યોગીબાપા એ આત્મનિષ્ઠા ની વિવિધ વ્યાખ્યાઓ કરી જેમાં- એ કહેતા કે- આત્મનિષ્ઠા એટલે કે “શબ્દ સહન કરવા” અને આ શબ્દ સહન કરવામાં તો- પ્રમુખ સ્વામી મહારાજ ની તોલે કોઈ ન આવે..અઢળક અપમાનો….જાહેર માં અપમાનો છતાં સ્વામીશ્રી લેશ માત્ર ડગ્યા ન હતા…
  • યોગીબાપા બીજી વ્યાખ્યા માં કહે છે કે- આત્મનિષ્ઠા એટલે- સુખ દુખ માં ન લેવાવું……..અને આપણે બધાએ જોયું છે કે- સ્વામી ના એટલા બધા અપમાન થયા છે…દેહ ના દુખ આવ્યા છે…… તો સામે ૫૫ થી વધુ દેશો માં – અકલ્પનીય સન્માન પણ થયા છે…છતાં સુખ દુખ માં સ્વામીશ્રી નો સમભાવ આપણે અનુભવ્યો છે…..
  • યોગીબાપા એ ત્રીજી વ્યાખ્યા કરતા કહ્યું કે- આત્મનિષ્ઠા એટલે- ગુણાતીત માં આપોપુંપણું……અને આપોપું પણું..એટલે સત્પુરુષ ને પોતાનું સ્વરૂપ માનવું……અને પ્રમુખ સ્વામી મહારાજ જેવા આદર્શ શિષ્ય કોણ બની શકે?? પોતાના ગુરુઓ ના વચન માં જ રમમાણ રહેવું….એમની જ આજ્ઞા માં- સંકલ્પ માં સમગ્ર જીવન ફના કરી દેવું……સદાયે એમના જ રાજીપા અર્થે જીવવું- એ તો પ્રમુખ સ્વામી મહારાજ ના જીવન માં સહેજે જ જોવા મળે છે…..

ચાલો આપણે પણ પ્રાર્થના કરીએ કે- આપણા ગુરુ જેવા આત્મ નિષ્ઠા ના ગુણ આપણા માં પણ આવે……!

ત્યારબાદ- પ્રગટ અક્ષરબ્રહ્મ મહંત સ્વામી મહારાજ ના ૩-૪ જુન -૨૦૧૮ ના લીંબડી મંદિર ખાતે ના વિચરણ નો દર્શન લાભ વિડીયો ના માધ્યમ થી મળ્યો…….જે નીચેની લીંક દ્વારા જોઈ શકાશે….

ત્યારબાદ- પુ. કોઠારી શ્રી આત્મકીર્તિ સ્વામી દ્વારા લોયા-૨ ના વચનામૃત પર આધારિત – અદ્ભુત પ્રસંગો સાથે – રસપ્રદ પ્રવચન થયું……જોઈએ માત્ર સારાંશ….

  • આ સત્સંગ માં આવ્યા પછી જેનું જેવું ભક્તિ નું અંગ હોય તેવી પ્રાપ્તિ થાય છે……અને કેવી પ્રાપ્તિ થશે – એની વાત આ વચનામૃત માં કરી છે….માટે જ પોતાનું અંગ- ઓળખી રાખવું….અને છતે દેહે કૃતાર્થ થવું હોય તો સારંગપુર-૧૧ માં શ્રીજી કહે છે તેમ- ભગવાન માં દ્રઢ પ્રીતિ થી જોડાવું….
  • મૃત્યુ એ કઠીન સત્ય છે તેનો ભય ટાળવો સહજ નથી પણ આપણા સર્વોપરી સત્સંગ માં છેક શ્રીજી થી લઈને આજ સુધી એવા હરિભક્તો થયા છે કે જેમણે મૃત્યુ ને એક ઉત્સવ ગણ્યો છે…..અને જીવી ગયા છે…..અને આ બધું – એક માત્ર શ્રીજી ની સર્વોપરિતા અને – સદાયે પ્રગટ રહેવા ના કોલ ને લીધે શક્ય બન્યું છે….
  • માટે જ ભક્તિ માં – પોતાનું અંગ ઓળખી રાખવું અને તે મુજબ ભક્તિ કરવી..બીજા નું અંગ જોઈ- લોભાવું નહિ….ચલિત ન થાવું…
  • અહી વિશ્વાસ ની વાત કરી છે…..તે વિશ્વાસ એટલે- સત્પુરુષ અને શ્રીજી માં દ્રઢ વિશ્વાસ..એમના વચનમાં- આજ્ઞામાં દ્રઢ વિશ્વાસ..જો એ હોય તો જ જ્ઞાન કહેવાય…માટે જ સત્પુરુષ જે મળ્યા છે…તેમને મન કર્મ વચને રાજી કરી લેવા…..
  • માત્ર સાધને કરી ને કલ્યાણ ન થાય…..પણ સત્પુરુષ માં દ્રઢ વિશ્વાસ હોય…એમનું વચન સત્ય મનાય…તે પ્રમાણે શુરવીર થઇ વર્તાય…તો મોટા પુરુષ રાજી થાય…..જીવ માં એમના ગુણ આવે અને જીવ પણ એમની સાથે બ્રહ્મરૂપ થઇ…કલ્યાણ ને પામે…..
  • પણ એ સાથે- આપણા પર પણ સત્પુરુષ ને વિશ્વાસ આવે- તે ખુબ અગત્ય નું છે……..સત્પુઋષ ને મનાવું જોઈએ કે- આ ભક્ત મારો છે…..હું કહીશ તેમ વર્તશે- તો જ એમના ગુણ આપણા માં આવે…..અને એ માટે આપણું વર્તન…આપણું કાર્ય વિચાર આપણે સુધારવા પડશે…..એ સિવાય છૂટકો જ નથી……
  • આપણે ત્યાં અનેક હરિભક્ત આવા છે કે- જેમણે પોતાના ગુરુ ના એક વચને- પોતાનું સર્વસ્વ ત્યાગી દીધું હોય અને પોતાનું વર્તન એવું ઉજળું કર્યું હોય કે- ગુરુ અઢળક રાજી થયા હોય…આપણે પણ – આપણા કોઈ કાર્ય થી- વર્તન થી આપણા ગુરુ ની – શ્રીજી ની લાજ ન જાય…આપણો સત્સંગ ન વગોવાય- એવી રીતે જીવવા નું છે……તો જ સ્વામી- શ્રીજી રાજી થશે…..

સભાને અંતે – અમુક જાહેરાત થઇ……

  • આવતી રવિસભા- એ પ્રમુખ વરણી દિન નો મહોત્સવ – છે..ખુબ ધામધૂમ અને અદ્ભુત પ્રસંગ કથન-દ્વારા તેને ઉજવવા નો છે..બધા અચૂક હાજર રહે……સાથે સાથે તે દિવસે- દરેક હરિભક્તે – આંબલી વાળી પોળ ના એ ઐતિહાસિક પ્રસાદી સ્થાન ને દર્શને જવાનું છે……
  • એ જ દિવસે- પ્રમુખ સ્વામી મહારાજ ની આજ્ઞા અનુસાર- “ઘર ઘર ઘરસભા” અર્થાત- સવારે ૯ થી ૧૨ વચ્ચે – સમગ્ર કુટુંબ પરિવારે ભેગા થઇ ઘરસભા કરવા ની છે…જેની વિશેષ માહિતી – જે તે વિસ્તાર ના કાર્યકર દ્વારા પેમ્ફલેટ વિતરણ માં મળી જશે……..! ઘરસભા ભૂલશો નહિ…..
  • આવતા અઠવાડિયે- સેટેલાઈટ અને હીરાવાડી માં સંત પારાયણ નું આયોજન છે…….વધુ માહિતી તે વિસ્તાર ના સંસ્કારધામ માં થી મળી શકશે…..

અદ્ભુત……..અદ્ભુત……..!!! રવિસભા એ ખાલી સત્સંગ સભા જ નથી પણ- જીવ ના કલ્યાણ ની…શ્રીજી ના એ સંકલ્પ કે- કરોડ મનવાર ભરાય એટલા જીવ નું કલ્યાણ કરવું છે – તે મહા કાર્ય ને પૂરું કરવાનું એક અદ્ભુત સાધન છે…..! આપણે  રવિસભા માં મળતા જ્ઞાન નો જો ખાલી ૧૦ મો ભાગ જ ….જીવન માં યથાર્થ ઉતારીએ તો એ ભવસાગર તરી જઈએ..એટલી તાકાત છે….અને અહી તો- બધું જ્ઞાન આત્મસાત કરવા નું છે…!!!

ચાલો ત્યારે..સૌને જય સ્વામીનારાયણ…………સદાયે…..” પ્રથમ શ્રીહરિ ને રે…….”

રાજ

 


Leave a comment

આજકાલ- ૨૪/૧૧/૨૦૧૭

ઠંડી વધી છે પણ “ગરમી” વધતી જાય છે…….જે આવતી ૧૮ ડીસેમ્બર ના રોજ એની ચરમસીમા એ પહોંચશે……! પણ ત્યાં સુધી ગુજરાત ના લોકો લોહી ઉકાળા માં જ બફાતા રહેવા ના…!

તો શું ચાલે છે આજકાલ??

  • ૧૨/૧૧ -રવિવાર ના રોજ અમારા સત્સંગ મિત્ર બંધુઓ – સપ્તેશ્વર મહાદેવ ના દર્શન-પીકનીક પર જઈ આવ્યા….અમદાવાદ થી લગભગ ૮૬ કિમી દુર- મહુડી -વિજાપુર-જેપુર નજીક સાબરમતી નદી ને કિનારે આ અદ્ભુત મંદિર આવેલું છે……એનો ઈતિહાસ કદાચ ખુબ પુરાણો છે..પણ મને સ્થળ…નદી….માહોલ ખુબ જ ગમ્યો…….સ્વચ્છ નદી…..ખુબ ઊંડું નહિ…ખુબ છીછરું નહિ તેવું પાણી….કપડા બદલવા ની વ્યવસ્થા…જમવા ની વ્યવસ્થા…..ખરેખર સારી હતી. આ જગ્યા એ પિતૃ તર્પણ ની વિધિ પણ થાય છે…..અને મને ન ગમી એ બાબત કે-  તર્પણ ના પૂજાપા ને નદી માં પધરાવવા માટે અલગ આરો-કિનારો-ઘાટ હોવો જોઈએ……બધા સ્નાન કરતા હોય અને નજીક માં જ પૂજાપો પધરાવવા નું…કદાચ અજુગતું લાગે..!!!

Screenshot_2017-11-24-21-27-37-067_com.google.android.apps.maps

  • અમારી જમવાની વ્યવસ્થા ત્યાં આગળ અગાઉ થી જ નક્કી કરી રાખી હતી…..જવાનું બસ માં હતું પણ શ્રીજી ની દયા એ – મંદિર ની બહાર નીકળતા જ બસ “હેલીકોપ્ટર” બની ગઈ…..અમને ડરાવતી હોય તેવા અવાજ સાથે -રિસાઈ ને રોડ સાથે ચોંટી ગઈ….હહાહાહા……!!….પછી તો અમે બધા જીદ પર આવી ગયા…પોતપોતાની ગાડીઓ લઇ આવ્યા અને સંઘ ઉપડ્યો સપ્તેશ્વર…..! ત્યાં આગળ જમવાનું તૈયાર હતું..જમી ને સીધા નદી માં……હરિ ને તો જલસા પડી ગયા……પાણી માં થી બહાર નીકળે એ બીજો…!! હહાહા…….પછી તો બધા ગેમ રમ્યા……છેક ચેક ડેમ સુધી ગયા અને પાણી માં જ- શ્રીજી મહારાજે નદી માં કરેલી વિવિધ ચરિત્ર-ચેષ્ટા ઓ નું મનન-ચિંતન-ગોષ્ઠી કરી……..જનમંગલ ના પાઠ કર્યા…..સ્વામિનારાયણ ધુન્ય સાથે શ્રીજી સ્વામી ને પ્રાર્થના કરી કે- આ પાણી માં જે જે જીવ સ્નાન કરે તેનું રૂડું થાય……!!!! હરિ તો એટલું ન્હાયો કે – ભાઈ ને ટાઢ ચડી ગઈ……પાર્ટી વાઈબ્રેટર મોડ પર આવી ગઈ..છેવટે મારે એને લપેટી લઇ…..શાંત કરવો પડ્યો…!!!
  • બપોર પછી – સપ્તેશ્વર થી ૨૮ કિમી દુર આવેલા હિમતનગર જવામાં આવ્યું……….ત્યાં આગળ રવિસભા નો લાભ લીધો…..પ્રસાદી નો લાભ લઇ રાત્રે પરત આવ્યા……..હિમતનગર નું મંદિર- હૈયું ઠરી જાય તેવું છે…..અને રવિસભા પણ ખીચોખીચ ભરેલી……શાંતિ થી બેસવા માટે બગીચો પણ ખરો….અને નાસ્તા માટે પ્રેમવતી પણ હાજર…! પછી બાકી શું રહે…..!
  • ટૂંકમાં- જીવન માં જ્યાં “જગા” મળે ત્યાં …જીવ ની તૃપ્તિ નો લાભ લઇ લેવો……….જીવનમાં – સત્સંગ ભળેલો હશે તો -બધી પળ ઉત્સવ થઇ જશે…….!
  • ચુંટણી- એની પંચાત અહી કરવી નથી………..બધી રાજરમતો ચાલે છે…સમાજ ના નામે પથરા તરે છે….લોકો રોજ બેવકૂફ બને છે…..વચનો ની લ્હાણી થાય છે……અને વાણી નો વિલાસ તો ચરમસીમા એ છે…..બની બેઠેલા નેતાઓ શું બોલે છે…….કેવું વર્તે છે…..એનું ભાન ક્યાં છે?? વર મરો…કન્યા મરો..પણ ગોર નું તરભાણું ભરો…! જેવું છે……! પાટીદારો પણ જાણે છે કે – અનામત મળવા ની નથી પણ ….એના વણ નોતર્યા ….બની બેઠેલા  બેશરમ મુરતિયા હથેળી માં ચાંદ બતાવી…..ખુલ્લેઆમ ગુંડાગર્દી કરી…….પોતાના ખીસા  …પથારીઓ…ગરમ કરી રહ્યા છે…..!! છોડો વાત……અરે..હા…..તમારે ત્યાં ઠંડી કેવી છે????
  • બ્રહ્મસ્વરૂપ પ્રમુખ સ્વામી મહારાજ ની જન્મજયંતિ ૨૭/૧૧ ના રોજ – આ વખતે આણંદ માં છે……મારે તો કદાચ રૂબરૂ જવાનો મેળ નહિ પડે……પણ આસ્થા ચેનલ પર સાંજે લાઈવ ટેલીકાસ્ટ છે…તેનો આનંદ લેવામાં આવશે……! ગુરુ…અને એમનું પ્રત્યક્ષ સ્વરૂપ- ગુરુહરિ મહંત સ્વામી મહારાજ નું સાનિધ્ય હરપળ અનુભવાય છે…………..”બિન ગુરુ જ્ઞાન નહિ…” એનો અનુભવ હરપળ થાય છે……….

IMG-20171106-WA0005

  • હરિ – ને ભણવા નું..સ્કુલ માં જવાનું..હોમવર્ક કરવા નું…અને લખવા નું…ઝેર જેવું લાગે છે…….! હહાહાહા…..ભાઈ ને સવારે ઉઠાડી સ્કુલ માં મોકલવો એટલે અમારા માટે એક તપ જેવું છે…..ભાઈ સ્કુલ માં માંડ માંડ જાય….મૂળ હોય તો ટીચર લખાવે એ લખે..નહીતર સ્વચ્છતા નો આગ્રહ રાખે…!!!! ઘરે આવી ને તો હોમવર્ક નું નામ નહિ…….સામ-દામ-દંડ અપનાવી એ -એટલે કુંવર બેસે…..અને થોડીક શરત સાથે હોમવર્ક પૂરું કરે..ત્યારે આપણ ને હાશ થાય..! ઘણીવાર – હરિ જે ભણે છે..અને જે રીતે શિક્ષકો ભણાવે છે…શિક્ષણ વ્યવસ્થા છે..તે જોઈ ને તો લાગે છે કે- ખરેખર – આ વ્યવસ્થા થી તો “ગધેડા” જ વધવા ના…!! આપણી શિક્ષણ વ્યવસ્થા જ બોગસ છે…..! આટલા નાના બાળકો ને સ્પેલિંગ ગોખાવવા ના…પ્રેક્ટીકલ ને નામે તો મીંડું…!! નકરી ગોખણ પટ્ટી..!!! અને ફી તો- માથા ના વાળ ઊંચા થઇ જાય એટલી……………!!! સરકારે આમાં  સુધારો લાવવા ની જરૂર છે…….નહીતર – આવડત વગર ના – ભણેલા સમાજ માં અનામત માંગતા ફરશે……!!!!!

બસ- આટલું જ…………….

રાજી રહેજો…………

રાજ


Leave a comment

BAPS રવિસભા-૧/૧૦/૨૦૧૭

“..સંતો હરિભક્તો અક્ષરધામ નું સ્વરૂપ છે……જો તેનો અભાવ આવે તો અભાવ લેનારો અક્ષરધામ માં જઈ શકતો નથી…..તેની સહાય બધા સંતો કરે….હરિભક્તો કરે તોય તેને ધામ મળતું નથી…..અભાવ નો દોષ બધા દોષ થી અધિક છે…….હરિભક્ત નો અભાવ લેતા જે દોષ લાગે છે તેવો તો કામ,ક્રોધ,લોભ માં પણ દોષ નથી…માટે ભક્ત માં અવગુણ ન પરઠવો ને દોષ દેખાઈ જાય તો તત્કાળ શમાવી દેવો ..જેથી અભાવ નું બીજ હૃદય માં ક્યારેય પ્રગટે નહિ…….

સંતો હરિભક્તો અલૌકિક છે…..તેમનો દૈહિક દોષ દેખી ને અભાવ ન લેવો….અભાવ લે છે તેને તેટલું ફળ ભોગવવું પડે છે….તે તો બ્રહ્મઅગ્નિ જેવા છે….લીલું,સુકું જે તેનો સ્પર્શ કરે તે બળી જાય એવો એમનો સહજ સ્વભાવ છે….તેની રક્ષા ભગવાન પણ કરી શકતા નથી…..સત્સંગ ના પાંચે નિયમ દ્રઢ કરી ને રાખે તેને સંત-હરિભક્ત જાણવા…….


ભગવાન શ્રી સ્વામિનારાયણ…..શ્રીહરિ ચરીત્રામૃત સાગર-૫ અને ૮ સ્કંધ

શ્રીજી ના અદ્ભુત વચનો……આપણા ગુરુહરિ મહંત સ્વામી મહારાજ ને અતિ પ્રિય -રાજીપા ની વાત…….સત્સંગી માટે તો અભાવ-અવગુણ એ ઝેર છે…..જેનામાં એ ઘુસ્યા તેનું પતન નક્કી..! આ જ વાત મહંત સ્વામી મહારાજ – અત્યારે અમેરિકા અને યુરોપ ના વિચરણ માં છે ત્યાં બધા ને વારંવાર કહી રહ્યા છે. તેમની સાથે વિચરણ માં ૧ માસ ગુજારી ને આવેલા પુ. ઈશ્વર ચરણ સ્વામી એ સભામાં આ વાત કરી.

તો આજની સમગ્ર સભા આ વાત પર હતી…..નવરાત્રી નું ભક્તિ પર્વ ગઈકાલે જ પૂરું થયું પણ ભક્તિ અહી નિરંતર -અવિરત ક્રિયા છે….આથી આજની સભામાં – હરિભક્તો નો માનવ મહેરામણ ઉભરાતો હતો……સર્વ પ્રથમ- શ્રીજી ના દર્શન…..એકાદશી ના દર્શન……

This slideshow requires JavaScript.

સભામાં સ્થાન ગ્રહણ કર્યું એ સમયે – યુવક મિત્રો દ્વારા ધુન્ય થઇ રહી હતી…..ત્યારબાદ જૈમીન વૈદ્ય દ્વારા ” મંદિરે પધારો પિયા …શ્યામ સોહાગી..” બ્રહ્માનંદ સ્વામી ની રચના રજુ થયું…….અદ્ભુત કીર્તન..!!! ત્યારબાદ સદ્ગુરુ જગદીશાનંદ રચિત કીર્તન..” અહોનિશ દર્શન દેજો રે……” યુવક મિત્ર દ્વારા જ રજુ થયું. પુ.કૃષ્ણ સ્વરૂપ સ્વામી ના કંઠે ..” હે મનમાની મોહન તારી મૂર્તિ રે…….” રજુ થયું જેના રચયિતા બ્રહ્માનંદ સ્વામી હતા…….

ત્યારબાદ પુ.વિવેક શીલ સ્વામી જેવા પ્રખર વક્તા ને મુખે” પ્રમુખ સ્વામી મહારાજ અને મહંત સ્વામી મહારાજ ની પરા ભક્તિ” પર પ્રસંગો થી ભરપુર – વક્તવ્ય રજુ થયું …જોઈએ સારાંશ….

  • બધા સદગુણો માં ભગવાન ની ભક્તિ શિરમોર છે…અને નિષ્કુળાનંદ સ્વામી કહે છે તેમ- ભક્તિ વિના બાકી ના સર્વે ગુણ- ક્રિયાઓ-કર્મ વ્યર્થ છે……
  • અને એમાયે આત્મનિવેદી ભક્તિ તો ગુણાતીત પુરુષો ની માલિકી ની ભક્તિ છે…….પ્રમુખ સ્વામી મહારાજ ને જુઓ તો સમજાય કે એમના જીવન ની એક પણ ક્ષણ – ભગવાન – વિનાની ન હતી….
  • દરેક ક્રિયામાં – એક ભગવાન જ આગળ…..એ જ કર્તાહર્તા…….એમનું જ ધાર્યું થાય…એવો દ્રઢ ભાવ……
  • મહંત સ્વામી મહારાજ તો કહે છે કે- એક ભગવાન ને લીધે આપણે છીએ……માટે ભગવાન ને સદાયે આગળ રાખવા……
  • કોઈ ક્રિયામાં અહં પણું નહિ……હું કરું છું- એવો ભાવ જ નહિ……અને એવા આ ગુણાતીત પુરુષ – અક્ષરબ્રહ્મ પુરુષ એ ભગવાન અને ભક્ત ને જોડતો એક સેતુ છે…….તે સદાયે ભગવાન સાથે જોડાયેલા રહે છે….અને શરણે આવેલા જીવ ને – ભગવાન ના માર્ગે લઇ જાય છે…જોડે છે……

અદ્ભુત વાત…! એ પછી ગુરુહરિ મહંત સ્વામી મહારાજ ના લંડન મંદિર ખાતે ના ૨૫ સપ્ટેમ્બર -૨૦૧૭ ના વિચરણ નો વિડીયો દર્શન નો લાભ મળ્યો……..જે નીચે ની લીંક દ્વારા જોઈ શકાશે…..

ત્યારબાદ- ગુરુહરિ સાથે ૧ માસ ના અમેરિકા અને યુરોપ ના વિચરણ નો લાભ લઇ પધારેલા પુ.ઈશ્વર ચરણ સ્વામી એ – અમેરિકા અને યુરોપ ના સત્સંગ ની માહિતી આપી અને મહંત સ્વામી મહારાજ ની રાજીપા ની વાત – અભાવ -અવગુણ પર શ્રીહરિચરિત્રામૃતસાગર ગ્રંથ ને આધારે અદ્ભુત પ્રવચન આપ્યું…..જોઈ સારાંશ….

  • અમેરિકા અને યુરોપ ( યુકે) માં સત્સંગ – સર્વોપરી કક્ષા એ છે…..અમેરિકા માં સંતો-હરિભક્તો ના દાખડા ને આધારે આજે લગભગ ૯૮ મંદિર છે…….જેમાં ૬ તો શિખરબદ્ધ મંદિરો છે…અક્ષરધામ તૈયાર થઇ રહ્યું છે…….એ ન્યુ જર્સી માં જ નાના મોટા ૧૯ મંદિરો છે…….
  • અને સત્સંગ માટે – ત્યાના હરિભક્તો નો ખપ જુઓ તો……મહંત સ્વામી મહારાજ -નવું ચરિત્ર કરી ને ત્યાં આગળ સવારે ૫-૩૦ પૂજા કરે છે……તેના દર્શન માં ભક્તો દુર દુર થી વહેલા વહેલા આવી જાય છે…સ્વયમ સેવકો તો સવારે ૩-૩૦ થી રાત્રે છેક  ૧૧ વાગ્યા સુધી પાર્કિંગ-ડેકોરેશન કે રસોડા ની સેવા જેવી વિવિધ સેવાઓ માં હોંશે હોંશે ઉભા હોય છે….! અદ્ભુત….! વાહ……….
  • પુ.પરમ તત્વ સ્વામી લિખિત ગ્રંથ – An Introduction to Swaminarayan Hindu Theology – કે જે Cambridge University press દ્વારા પ્રગટ થઇ છે…..એનું વિમોચન વિશ્વ વિખ્યાત પ્રોફેસર્સ ની હાજરી માં – મહંત સ્વામી મહારાજ ના હસ્તે- અમેરિકા અને લંડન માં વિમોચન થયું…….અને એના સર્વે નિષ્ણાત દ્વારા એટલા બધા વખાણ થયા કે-શું વાત કરવી..! ભવિષ્ય માં આ ગ્રંથ ઉપર થી ત્યાના વિદ્યાર્થી પીએચડી કરશે……..

ISHT_booklaunch_webbanner20170906_Robbinsville_booklaunch__3_

  • પુ.ભદ્રેશ સ્વામી એ – પ્રસ્થાનત્રયી પર રચિત પોતાના ગ્રંથ ને આધારે – અતિ ગહન કહી શકાય તેવો “વાદ ગ્રંથ” રચ્યો છે……જે સર્વે વિદ્વાનો- અભ્યાસુ-મુમુક્ષુઓ ના સંશય ને દુર કરી જ્ઞાન રેલાવશે…..તેનું પણ વિમોચન મહંત  સ્વામી મહારાજે કર્યું…..જેને હાજર રહેલા વિદ્વાનો એ ખુબ વખાણ્યું…!!! અને અમેરિકા માં ખુબ મોટો પ્રસંગ થયો…ઉત્સવ થયો…..! ચારેબાજુ ડંકા વાગી ગયા………એમ કહી શકીએ….
  • લંડન માં – સાઉથ લંડન માં આપણું નવું મંદિર બન્યું છે……અને ઇસ્ટ લંડન માં પણ નવું મંદિર નું પ્રતિષ્ઠા- કાર્ય મહંત સ્વામી મહારાજ ના આશીર્વાદ થી થશે……….એ પછી મહંત સ્વામી મહારાજ પેરીસ જશે……ત્યાંથી દિલ્હી….અને ત્યાંથી ગાંધીનગર અક્ષરધામ ના ૨૫ વર્ષ પુરા થઇ રહ્યા છે..તેના રજત ઉત્સવ માં અહી પધારશે……

અદ્ભુત…અદ્ભુત………!!! મહંત સ્વામી મહારાજ નો આટલી ઉમરે દાખડો જુઓ તો સમજાય કે- જીવ માત્ર ના કલ્યાણ માટે ગુણાતીત પુરુષો એ પોતાનો દેહ કૃષ્ણાર્પણ જ કરી દીધો છે……ન કોઈ ઊંઘ ની કે આરામ ની ચિંતા……..ન કોઈ આહાર ની ચિંતા……! બસ સત્સંગ ની જ વાત……!!!

ત્યારબાદ પુ.ઈશ્વર ચરણ સ્વામી એ – મહંત સ્વામી મહારાજ ની રાજીપા ની વાત – અભાવ -અવગુણ પર શ્રીહરિચરિત્રામૃતસાગર ગ્રંથ ને આધારે અદ્ભુત પ્રવચન આપ્યું…અને સ્વામી શ્રીજીને પ્રાર્થના કરી કે તમામ હરિભક્તો અને સંતો માં સદાયે અલૌકિક ભાવ રહે………

સભાને અંતે અમુક જાહેરાત થઇ…….

  • આજે સત્સંગ જ્ઞાનામૃતમ પર યુવકો માટે સ્પર્ધા હતી..તેના વિજેતા ઓ નું સન્માન થયું….
  • સત્સંગ શિક્ષણ પરીક્ષા નું પરિણામ પ્રગટ થયું છે…જેના ઉતીર્ણ -તારલા ઓ નું સન્માન થયું…અમદાવાદ નું રીઝલ્ટ ૫૦% ની આસપાસ રહ્યું છે…પણ ૭ ગોલ્ડ મેડાલીસ્ટ અહી થી છે…….
  • નવીન ઓડીઓ કીર્તન સીડી – જોઈ મનોહર મૂર્તિ તારી – પ્રગટ થઇ છે…..અમૃત હર્બલ કેર દ્વારા – દિવાળી ગીફ્ટ પેક રજુ થયા છે…………

તો આજની સભા અદ્ભુત હતી……..સત્સંગ માં કેમ રહેવાય…કેમ પ્રગતિ થાય…….અને સત્સંગ નો શું મહિમા છે….- એ સર્વે પ્રશ્નો નો ઉત્તર અહી મળ્યો…! સાત સમંદર દુર – અમેરિકા અને યુરોપ માં જો આપણા હરિભક્તો આવો સર્વોપરી સત્સંગ કરી શકતા હોય તો- આપણે બધા કેમ નહિ…???

સત્સંગ માં આ જ વિચારવા નું છે……………….

જય સ્વામિનારાયણ………..રાજી રહેજો…!!!

રાજ


Leave a comment

BAPS રવિસભા-૦૩/૦૯/૨૦૧૭

“….આપણે સત્સંગ માં રહેવું હશે તો ઝેર પી ને પણ સંપ રાખવો પડશે…..”


બ્રહ્મ સ્વરૂપ પ્રમુખ સ્વામી મહારાજ

સંપ, સુહર્દભાવ અને એકતા- યોગીજી મહારાજ ના જીવન સૂત્ર હતા……અને આજે એમના જ શિષ્ય પ્રગટ અક્ષરબ્રહ્મ મહંત સ્વામી મહારાજ ના પણ એ જ રાજીપા ના સૂત્ર છે. મહંત સ્વામી મહારાજ તો કહે છે કે – સંપ હશે તો બધું જ થઇ રહેશે……..એના વગર કશું જ નહિ થાય..! અને આજે જે જગ્યા એ એ વિચરણ માં હોય ત્યાં – સંપ,સુહર્દભાવ અને એકતા ના સૂત્ર સર્વે ને જરૂર ગોખાવે છે. છેવટે તો- સત્પુરુષ નો રાજીપો હોય તો જ જીવ બ્રહ્મરૂપ થાય…….અને એ માટે – એમના રાજીપા ના આ સૂત્ર જીવમાં….ઝેર પી ને પણ…..ગમ ખાઈ ને પણ …ખોટ ખાઈ ને પણ દ્રઢ કરવા ના છે……….! એ રાજી તો શ્રીજી રાજી…!! અને એ થશે તો છતે દેહે અક્ષરધામ નું સુખ આહી બેઠા આવશે…એની ગેરંટી..!

ગઈ રવિસભા નો પણ લાભ લઇ ન શકાયો……..આજે સભામાં થોડાક મોડા પહોંચ્યા. શ્રી ગણેશ વિસર્જન ના નામે રોડ પર થતા ધજાગરા…..દુખ દાયક છે..પણ શું થાય?? સભામાં પહોંચ્યા પહેલા શ્રીજી ના મન ભરી ને દર્શન કરવામાં આવ્યા……

21231016_1440321399339157_8210796592232093184_n

સભામાં સ્થાન ગ્રહણ કર્યું એ સમયે પૂજ્ય કૃષ્ણ સ્વરૂપ સ્વામી ના કંઠે એક કીર્તન પૂરું થઇ રહ્યું હતું. ત્યારબાદ પુ.વિવેક મુની સ્વામી એ ” વ્હાલા અક્ષરધામ ના વાસી ..મારે હૈયે કરજો નિવાસ…” અને યુવક મિત્ર જૈમીન વૈદ્ય દ્વારા સદ્ગુરુ મંજુકેષાનંદ રચિત  ..” મોહે પ્યારી રે નટવર નાથ..મૂર્તિ તારી રે..” રજુ થયું…! અદ્ભુત…….ધારો કે કીર્તન ન હોત તો કદાચ સત્સંગ માં સુર જ ન હોત…એમ હું માનું છું…!

ત્યારબાદ જાહેરાત થઇ કે -આજની સભામાં પુ.બ્રહ્મવિહારી સ્વામી – પ્રવચન નો લાભ આપવા ના હતા પણ આપણા માનનીય રાષ્ટ્રપતિ અત્યારે ગુજરાત ની મુલાકાતે છે અને તેમની સાથે અગત્ય ની મીટીંગ હોવાથી એ આવી ન શક્યા……તેથી સમગ્ર પ્રોગ્રામ બદલાયો. એટલે પુ. અમૃતકીર્તિ સ્વામી કે જેમણે પૂજ્ય ડોક્ટર સ્વામી ના સેવક સંત તરીકે લાંબો સમય સેવા આપી છે તેમના મુખે- બ્રહ્મ સ્વરૂપ પ્રમુખ સ્વામી મહારાજ ના પ્રેરણા દાયી જીવન પ્રસંગો નું પાન કરવા નો મોકો મળ્યો…….: પ્રમુખ સ્વામી મહારાજ ના જીવન માં પ્રાર્થના નો મહિમા..” એ વિષય પર એમણે ખુબ જ રસપ્રદ પ્રસંગો ની વાત કરી….આપણે જોઈએ માત્ર સારાંશ…..

  • બ્રહ્મ સ્વરૂપ પ્રમુખ સ્વામી મહારાજ ના જીવન માં કદાચ કોઈ પલ એવી નહિ હોય કે જેમાં પ્રાર્થના નો અંશ ન હોય……સતત બીજા નું ભલું ઇચ્છવું……સંતો-હરિભક્તો-સમાજ-દેશ -જીવ માત્ર ના સુખાકારી માટે પ્રાર્થના કરવી અને કરાવવી એ એમના જીવન નો પાયા નો ભાગ હતો….
  • એ કહેતા કે- ભગવાન જ સર્વ કર્તાહર્તા છે……..એની મરજી હશે તેમ જ થશે…પણ આપણે પ્રાર્થના કરતા રહેવું…….એ શૂળી નો ઘા સોય થી ટાળી ને પણ આપણી રક્ષા કરશે…….એમ સદાયે બળ રાખવું…..પ્રાર્થના ન ફળે તો હિમત ન હારવી…….એ તો શ્રીજી ને આપણું સારું કરવું હશે -તે જ કરશે……
  • આમ, પ્રાર્થના દ્રઢતા થી…પૂર્ણ વિશ્વાસ થી કરવી…….જે કઈ થાય છે..તે એક શ્રીજી જ કરે છે એમ માનવું….એમ માનવા થી દુખ-સુખ ન લાગે અને સ્થિર રહેવાય.

અદ્ભુત……અદ્ભુત..! ગુણાતીત પુરુષ ના જીવન માં થી શીખવા નું આ જ છે. એમના જીવન ની પ્રત્યેક ક્ષણ – એ મોક્ષ દાયક હોય છે……એ અહી સ્પષ્ટ દેખાય છે.

ત્યારબાદ પ્રગટ અક્ષરબ્રહ્મ મહંત સ્વામી મહારાજ -અત્યારે અમેરિકા- રોબીન્સ્વીલે અક્ષરધામ માં વિચરણ-દર્શન-સુખ આપી રહ્યા છે……તેમના એ દિવ્ય વિચરણ ના વિડીયો દર્શન નો લાભ સર્વ ને મળ્યો. જે નીચેની લીંક પર થી આપણે કરી શકશું……

તારીખ ૨૬/૮/૧૭ અને તારીખ ૨૭/૮/૧૭ ના દર્શન અહી થી કરી શકીશું.

ત્યારબાદ પુ. વિવેક મુની સ્વામી એ “સંપ, સુહર્દભાવ અને એકતા..” ના વિષય હેઠળ- વચનામૃત, ગુણાતીત પુરુષો ના જીવન ચરિત્ર ને આધારે -અદ્ભુત પ્રવચન નો લાભ આપ્યો…….આપણે ફક્ત સારાંશ જોઈશું…..

  • અનાદિ મૂળ અક્ષર ગુણાતીતાનંદ સ્વામી એ પોતાની અક્ષર વાતો (૩/૧૭) માં કહ્યું છે કે…..

“…..ચાર વાતું છે તે તો જીવનું જીવન છે. તે શું? તો એક તો મહારાજની ઉપાસના ને બીજી મહારાજની આજ્ઞા ને ત્રીજી મોટા એકાંતિક સાધુ સાથે પ્રીતિ ને ચોથું ભગવદી સાથે સુહૃદપણું…………, એ ચાર વાતું તો જીવનું જીવન છે, તેને તો મૂકવી જ નહિ. ………………..”

  • એમાં એ યોગીબાપા કહેતા કે – સુહ્ર્દભાવ કહેતા કે ભગવાન ના ભક્ત સાથે સુહર્દભાવ હોય તો આગળ ના ત્રણ સાધન- આજ્ઞા,ઉપાસના અને મોટા એકાંતિક સાધુ સાથે પ્રીતિ- એ સહેજે સિદ્ધ થાય છે….
  • દેહ ના કલ્યાણ ના ચાર સાધન – આહાર,નિંદ્રા,શ્રમ અને ધર્મ જેમ જરૂરી છે તેમ જીવ ના આ ચાર સાધન સિદ્ધ કર્યા વગર -જીવ નું કલ્યાણ થતું નથી.
  • મહંત સ્વામી મહારાજે પણ સંપ,સુહર્દભાવ અને એકતા પર ખુબ જ ભાર મુક્યો છે. માર્ચ-૨૦૧૭ માં થયેલા -એમના આફ્રિકા વિચરણ માં -સ્વામીશ્રી એ -સંપ- સુહ્ર્દભાવ પર પોતાનો અઢળક રાજીપો બતાવ્યો. ..એ કહે છે કે- નાના માં નાના હરિભક્ત સાથે સંપ એટલે જ સાચી આત્મબુદ્ધિ……!!
  • સત્પુરુષ નો -શ્રીજી નો રાજીપો- સમયાંતરે બદલાય છે…..શ્રીજી ના સમય માં -મહારાજ નો રાજીપો- પોતાનું સ્વરૂપ ઓળખાવવા માં હતો…તો શાસ્ત્રીજી મહારાજ ના સમય માં તેમનો રાજીપો- અક્ષર પુરુષોત્તમ મહારાજ નું સ્વરૂપ મૂર્તિમંત કરતા મંદિરો બાંધવા માં હતો…….યોગીજી મહારાજ નો રાજીપો- સંપ,સુહર્દભાવ ..એકતા ને દ્રઢ કરાવવા માં હતો તો..આજે વર્તમાન કાલે – મહંત સ્વામી મહારાજ નો રાજીપો- એ જ યોગીજી મહારાજ ના રાજીપા ને સત્સંગ માં દ્રઢ કરાવવા માં છે………
  • પ્રમુખ સ્વામી મહારાજ તો કહેતા કે- સંપ, સુહર્દભાવ અને એકતા જો સત્સંગ માં દ્રઢ કરવા હોય તો- આપણે ચાર વાત સિદ્ધ કરવી પડશે…….. ૧) મન ધાર્યું મુકવું…૨ ) ખમવું…૩) ઘસાવું…….૪) અનુકુળ થાવું…..જો આ ચાર ગુણ સિદ્ધ થશે તો- સર્વ હરિભક્તો પ્રત્યે સંપ-સુહ્ર્દભાવ આપોઆપ આવશે…….આત્મ બુદ્ધિ સહેજે દ્રઢ થશે…….અને બ્રહ્મરૂપ થવાશે…..
  • મહંત સ્વામી મહારાજ કહે છે કે- સંતો-હરિભક્તો એ પરસ્પર મહિમા સમજવો…સર્વે અક્ષરમુક્ત છે…..તેમ સમજી વર્તવું……અને જો એમ નહિ થાય તો અક્ષરધામ નહિ જવાય …..
  • માટે જો અક્ષરધામ નું સુખ છતે દેહે લેવું હોય તો- સત્સંગ માં સર્વે નો મહિમા સમજવો જ પડશે…….સંપ…સુહર્દભાવ…એકતા રાખ્યા સિવાય છૂટકો જ નથી….!!!

અદ્ભુત….અદ્ભુત……! અઢળક પ્રસંગો સાથે- સત્સંગ ની પાયા ની વાત – પુ.વિવેક મુની સ્વામી એ કહી…જો એ જીવ માં દ્રઢ થાય તો- જીવન માં કોઈ નો એ અભાવ-અવગુણ ન આવે……દ્રોહ ન થાય……બ્રહ્મરૂપ થવાય અને શ્રીજી નું સુખ છતે દેહે મળે…!

સભાને અંતે અમુક જાહેરાત થઇ……

  • આવતી રવિસભા એ વિશેષ સભા છે- યુવકો દ્વારા વિશેષ પ્રોગ્રામ થશે…..અચૂક લાભ લેવો. અને એના પછી ની રવિસભા – ૧૭/૯ – એ અક્ષર દેરી પ્રેરણા સભા તરીકે યોજાશે.
  • “જમો ને જમાડું” સત્સંગ -સેવા પ્રોજેક્ટ માં સર્વે કાર્યકરો સાથે સાથે હરિભક્તો એ પણ ભાગ લઇ- સત્સંગ ને ….શ્રીજી ની સેવા ને જન જન સુધી પહોંચાડવા ની છે…..
  • અમૃત હર્બલ કેર તરફ થી – એપલ સીડાર વિનેગર લીક્વીડ – પ્રસ્તુત થઇ છે…….

તો આજની સભા નો એક જ સાર……….સત્સંગ નુ બીજું નામ જ સંપ……અને જ્યાં સંપ હોય ત્યાં જ સત્પુરુષ અને શ્રીજી નો રાજીપો હોય……….! કુટુંબ હોય કે સત્સંગ પરિવાર- સંપ રાખ્યે જ કલ્યાણ છે………

જય સ્વામિનારાયણ……………

રાજ


Leave a comment

BAPS YTK-પ્રેરણા રવિસભા -૩/૦૪/૨૦૧૬

“યુવકો મારું  હૃદય છે………”

————————-

બ્રહ્મસ્વરૂપ યોગીજી મહારાજ

૨૦૦૭ નું  શુભ વર્ષ……પોતાના  ગુરુ બ્રહ્મસ્વરૂપ યોગીજી મહારાજ નો – યુવકો પ્રત્યે નો દ્રઢ વિશ્વાસ….દ્રઢ સ્નેહ  ને  એક આગવું સ્થાન  આપવા પ્રગટ બ્રહ્મસ્વરૂપ પ્રમુખ  સ્વામી  મહારાજે  YTK એટલે કે  યુવક તાલીમ કેન્દ્ર -ની સ્થાપના -સારંગપુર ખાતે કરી…….અને  યોગીજી મહારાજ ના  હૃદય…અર્થાત યુવકો ને  પોતાના જીવન ને  સર્વોચ્ચ  બનાવવા નું સહજ સાધન પૂરું પાડ્યું…..! આજની  સભા -યુવક તાલીમ કેન્દ્ર -પ્રેરણા  સભા હતી……જુન -૨૦૧૬ થી નવું સત્ર શરુ થઇ રહ્યું છે..અને  સારંગપુર અને સત્પુરુષ- યુવકો નું સ્વાગત કરવા તત્પર  છે…………

સભામાં સમયસર પહોંચી ગયો…..અને સદાય ની જેમ- મારા વ્હાલા ના  દર્શન મનભરી ને કરવામાં આવ્યા…….ચાલો તેનો ગુલાલ કરીએ……

12961671_532298166958360_2607324471293706007_n

સભા ની શરૂઆત-અત્યંત મનોનીય…કર્ણપ્રિય સ્વર માં  ગવાતી સ્વામીનારાયણ ધુન્ય થી થઇ….હૃદય એકતાર થઇ ગયું…..લાગ્યું કે બસ આને સાંભળતો જ રહું..!!! ત્યારબાદ યુવક મિત્ર જૈમીન વૈદ્ય દ્વારા સદ્ગુરુ સંત મંજુકેશાનંદ દ્વારા રચિત  કીર્તન “તારી મૂર્તિ લાગે છે મુને પ્યારી …શ્રી ઘનશ્યામ હરિ…” રજુ થયું…….! અદ્ભુત સ્વરાંકન…….!! અને  એજ  યુવક  દ્વારા “જોગીડા નો જાદુ  મારે રુદયે રમે…..” રજુ  થયું……! યોગીબાપા નો એ  સ્નેહાળ ચહેરો……” બોલો  ગુરુ…” શબ્દ નો  રણકો……નજર  સમક્ષ પ્રગટ થઇ ગયો…..! યોગીબાપા ના એ અક્ષર સ્નેહ થી અનેક -અતિ શિક્ષિત યુવકો -સંસાર ના  સુખ છોડી -ત્યાગાશ્રમ ના કપરા માર્ગે ચાલી નીકળ્યા…………..અને  આજે  એ જ  ગુણાતીત નો જાદુ સુસ્પષ્ટ દેખાય  છે………..!!!

યુવક તાલીમ કેન્દ્ર (YTK) નો વિશેષ પરિચય કરાવતો…..વિડીયો રજુ થયો અને મન ના બધા સંશયો-સવાલો-પ્રશ્નો ઉકેલાઈ ગયા……ગ્રજ્યુએશન -પોસ્ટ ગ્રેજ્યુએશન પૂરું કર્યા બાદ…અથવા અભ્યાસ પૂર્ણ કર્યા બાદ -જીવન ના  ૬ માસ -ની યુવક તાલીમ કેન્દ્ર માં ઇન્વેસ્ટમેન્ટ- એક નફા નો સોદો છે…..ખોટ  છે  જ  નહિ…..સંસ્કાર, સત્પુરુષ…સત્સંગ અને શ્રીજી નો સીધો સ્પર્શ થાય એટલે  ૬૦ વર્ષમાં જે જ્ઞાન ન મળે….જે ઘડતર ન થાય  તે ઘડતર માત્ર ૬ માસ માં મળે છે…….એમ પરમ પૂજ્ય મહંત સ્વામી કહે છે……!!! જે અહી શીખવા મળે છે…..તે બીજે ક્યાય નહિ મળે….કારણ કે આ બ્રહ્મવિદ્યા ની કોલેજ છે……અને શિક્ષક -સત્પુરુષ પોતે છે……….!

ત્યરબાદ પુ.પ્રિય સ્વરૂપ સ્વામી એ  ” જીવન માં  ઘડતર નું મહત્વ” પર રસપ્રદ વિવરણ કર્યું…..જોઈએ સારાંશ….

  • લિઓ ટોલ્સટોય નું નામ- તત્વજ્ઞાન ની દુનિયામાં અગ્રેસર ગણાય છે..એમના એક પ્રસંગ માં એમણે કહ્યું કે- લોખંડ નો એક સામાન્ય ટુકડો એના સ્વરૂપ માં ભંગાર માં જાય……પણ એ જ લોખંડ ને આકાર આપી – ઘડિયાળ ના પાર્ટ્સ બનાવવા માં આવે તો હજારો રૂપિયા માં જાય…..!!! તેમ જન્મ થી જ  મનુષ્ય પશુ જેવો હોય પણ માતા-પિતા-શિક્ષક-સમાજ-સત્પુરુષ દ્વારા એનું ઘડતર થાય તો એ જ્ઞાની પુરુષ થાય છે…..પરમ પદ ને પામે છે…
  • જીવ પર જન્મોજન્મ થી માયા ની ધૂળ ચઢેલી હોય…..સત્પુરુસ એ ધૂળ ને જ્ઞાન દ્વારા દુર કરે છે અને જીવ ચમકી ઉઠે છે……અમુલ્ય થઇ જાય છે…….માઈકલ એન્જેલો -દુનિયાનો સર્વ શ્રેષ્ઠ શિલ્પકાર કહેતો કે દરેક પથ્થર માં કલાકૃતિ પહેલે થી જ હોય છે…..બસ હું એ બિન જરૂરી પથ્થર દુર કરું છું અને એમાં છુપાયેલી કલાકૃતિ પ્રગટ થઇ ઉઠે છે…..! સત્પુરુષ નું કાર્ય આ જ છે….
  • જે ઇન્દ્રિયો ભગવાન સાથે જોડાયેલી ન હોય તે નકામી છે…..એમ રામચરિત માનસ કહે છે….માટે જીવન માં હરપળ ભગવાન ને સાથે રાખવાનું શીખવું જરૂરી છે…..! જગત ના વ્યવહાર માં પણ ભગવાન ને સાથે રાખવાની કળા – યુવક તાલીમ કેન્દ્ર આપે છે……
  • જીવન ના  માત્ર ૬ મહિના ની તાલીમ….૬૦ વર્ષ ને સુધારી દે છે………………..માટે દરેક યુવકે આ તક નો અવશ્ય લાભ લેવો……….સત્પુરુષ ના રાજીપા ને સમજવો….શ્રીજી ના રાજીપા ને સમજવો..એ જીવન નું સૌથી મોટું કાર્ય છે….

ત્યારબાદ ” Absolute right or Absolute wrong” વિષય પર ડીબેટ નો વિડીયો થયો……..૬ મહિના ના -યુવક તાલીમ પ્રોગ્રામ વિષે લોકો માં  મતમતાંતર રહે છે…..શા માટે જીવન ના ૬ મહિના આવા તાલીમ પ્રોગ્રામ માં રોકવા જોઈએ??? એના કરતા નોકરી ચાલુ કરી દીધી હોય તો??? આ પ્રોગ્રામ ના ફાયદા શું???? વગેર વગેરે પ્રશ્નો ના રસપ્રદ રીતે ઉત્તર આપતો ડીબેટ વિડીયો – માહિતી પ્રદ હતો……એકવાત તો સુસ્પષ્ટ જ  છે કે- આ ૬ માસ ની તાલીમ એ કોઈ ફાલતું સમય બગાડ નથી…..પણ દેહ-જીવ ના  સ્વભાવ માં  સકારાત્મક પરિવર્તન લાવતું એક અનંત નફો કરાવતું “સમય રોકાણ” છે……!!! એ આ યુવક તાલીમ કેન્દ્ર માં તાલીમ લઇ ચુકેલા -યુવકો-એમના મા-બાપ ના અનુભવ સાંભળી એ તો સમજાય…….એવા જ  યુવક ડો.કંદર્પ પટેલે વાત કરી કે -જીવનમાં કૈંક નવું શીખવા મળે……આપણા સંસ્કાર દ્રઢ થાય અને સાથે સાથે અન્ય ના જીવન માં પણ આવો બદલાવ લાવવા આપણે પાત્ર થઇ એ……!! તો આ યુવકો ના પિતા ઓનું કહેવું હતું કે- ૬ માસ ની તાલીમ થી દીકરામાં નિયમ-ધર્મ-શિસ્ત-સંસ્કાર ના ગુણ આવ્યા…..દ્રઢ થયા…….અશકય લાગતા પરિવર્તનો અનુભવાયા……જીવન માં ધ્યેય સ્પષ્ટ થયા……!!!

અદ્ભુત અનુભવ……………!!!  ત્યારબાદ જાહેરાત થઇ કે- આજથી જ  આ તાલીમ માં ભાગ લેવા ઈચ્છતા યુવકો માટે ફોર્મ ભરવાનું શરુ થઇ ગયું છે….તે માટે નજીક ના યુવક મંડળ નો સંપર્ક કરવો..અથવા નજીક ના આપણા મંદિર નો સંપર્ક કરવો…..

પુ.વિવેક્મુની સ્વામી એ પણ આ યુવક તાલીમ કેન્દ્ર ની વિશેષતા વર્ણવતા કહ્યું કે …માતા પિતા ના મનમાં મુખ્ય બે પ્રશ્ન આ તાલીમ વિષે હોય છે…૧) ૬ માસ ની નોકરી..કમાણી….નું નુકસાન થાય…૨) યુવક  સાધુતા ના  માર્ગે ચડી જાય….પણ ઉત્તર સ્પષ્ટ છે….

  • આ તાલીમ નો એક જ હેતુ છે…….યુવક ના જીવન નું યોગ્ય ઘડતર કરવું…એના જીવન ને આદર્શ..સર્વોચ્ચ બનવું કે જેથી સમાજ ને પ્રેરણા મળે અને અન્ય યુવકો પણ સન્માર્ગ તરફ આગળ વધે…..
  • સાધુ થવું- એ સત્પુરુષ ના રાજીપા ની…નસીબ ની વાત છે…….આ તાલીમ કેન્દ્ર માં ન આવતા યુવક પણ સાધુ થઇ જાય છે…….અને તાલીમ કેન્દ્ર માં થી તાલીમ લઈને યુવકો જગત માં સફળ-સુફલ થાય છે…એના અનેક ઉદાહરણ છે…..સુરત નો એક યુવક-તાલીમ કેન્દ્ર માં થી બહાર પડ્યો…..અને એણે શીખેલા નિષ્ઠા-શિસ્ત-સંસ્કાર ના ગુણ ને લીધે એ આજે એક ડાયમંડ કંપની નો મુખ્ય મેનેજર છે…….!!
  • જયારે આજે દુનિયામાં અન્ય ધર્મો નો ઝનુન પૂર્વક પ્રચાર થઇ રહ્યો છે…ત્યારે આપણે આવા વિપરીત કાળ માં પણ પોતાના ધર્મ ની અસ્મિતા સંભાળી શકીએ…જાળવી શકીએ એ માટે – યુવક તાલીમ કેન્દ્ર ની જરૂર છે…….
  • સત્પુરુષ નો રાજીપો….શ્રીજી નો રાજીપો- જીવનમાં સદાયે રહે…….જગત ના વ્યવહાર વચ્ચે પણ આધ્યાત્મિકતા ની જ્યોત ઝળહળતી રહે એ માટે – યુવક તાલીમ કેન્દ્ર નો પાયા નો રોલ છે…………

આટલું સમજાય તો એ – આ બ્રહ્મ વિદ્યા ની કોલેજ નો મહિમા સમજાય …….!!!

ત્યારબાદ -YTK  ના યુવકો દ્વારા ( અમદાવાદ ના અત્યાર સુધી ૯૧ યુવકો – તાલીમ લઇ ચુક્યા છે….) “હમારી ગુરુ વચન પહેચાન….હમારા સંકલ્પ હૈ મહાન..” પર નૃત્ય રજુ થયું…………….જે આ યુવકો ના ઉચ્ચ ચારિત્ર્ય..સંકલ્પ …નિષ્ઠા નો પડઘો હતો……!

44471_990604240977544_5207995810702220906_n

સભાને અંતે પુ.ધર્મજ્ઞ સ્વામી એ જાહેરાત કરતા કહ્યું કે….

  • યુવક તાલીમ કેન્દ્ર માં એડમીશન લેવાના ફોર્મ -મંદિરમાં થી…અથવા યુવક મંડળ માં થી મળી શકશે….
  • આવતા રવિવારે વિશિષ્ટ રવિસભા છે…….ગઈસાલ -અક્ષરધામ-દિલ્હી ખાતે યોજાયેલ- વિધ્વાનો ના “સ્વામીનારાયણ તત્વજ્ઞાન” પર પરિસંવાદ પર એક પુસ્તક પ્રગટ થયું છે…તેનું ઉદ્ઘાટન -લગભગ ૨૫૦ થી વધુ વિદ્વાનો ની હાજરી માં- આવતા રવિવારે કરવામાં આવશે……આથી સામાન્ય બેઠક વ્યવસ્થા કૈક અલગ હશે……
  • ૧૫/૪ ના રોજ સ્વામિનારાયણ જયંતિ છે……રામનવમી છે…તેના ઉપલક્ષ માં વિશેષ કાર્યક્રમ થવાના છે……તેની જાહેરાત થઇ….

12933152_990604237644211_1387333405076753538_n

અદ્ભુત….અદ્ભુત…..!! સમાજ ને  આવા ઉચ્ચ ચારિત્ર્ય ઘડતર ધરાવતા યુવકો ની જરૂર છે……અને ભવિષ્ય માં આવા તાલીમ કેન્દ્ર માત્ર યુવકો માટે જ નહિ..પણ બધા લોકો માટે હોય તો- યોગીજી મહારાજ નો સંકલ્પ…પ્રમુખ સ્વામી મહારાજ નો સંકલ્પ કે- ઉચ્ચ ચારિત્ર્ય ધરાવતો સમાજ તૈયાર કરવો છે…….એ જરૂર સફળ થાય…….!!

સત્પુરુષ ના વચન કદાપી મિથ્યા નથી હોતા……!!!!!

જય સ્વામિનારાયણ………………

રાજ

 


Leave a comment

અમૃત વચનો………..!

ચાલો આજે માણીએ..સ્વયમ પુરુષોત્તમ નારાયણ ભગવાન શ્રી સ્વામિનારાયણ ના મુખે કહેવાયેલા અમૃત વચનો ને……….એક એક શબ્દ વાંચો…..સમજો………અને જીવ માં દ્રઢ કરો……….

————————————–

“જેને ભગવાન વિના બીજી કોઈ વાસના ન હોય અને પોતાને બ્રહ્મરૂપ માનીને ભગવાનની ભક્તિ કરતો હોય તે એકાંતિક ભક્ત કહેવાય.”………………ગઢડા પ્ર.૧૧

આત્મનિષ્ઠા, પ્રીતિ અને વૈરાગ્ય એ ત્રણ હોય તો પણ જો સ્વધર્મ ન હોય તો એ ત્રણેની સિદ્ધિ થાતી નથી. એવી રીતે આત્મનિષ્ઠા આદિક જે ચાર ગુણ તેમને એક-બીજાની અપેક્ષા છે. તે માટે ભગવાનના એકાંતિક ભક્તનો સમાગમ કરીને જે ભક્તને એ ચારે ગુણ અતિશય દ્રઢપણે વર્તે છે તે ભક્તને સર્વ સાધન સંપૂર્ણ થયાં અને એને જ એકાંતિક ભક્ત જાણવો. તે માટે જે ભક્તને ચારે ગુણમાંથી જે ગુણની ન્યૂનતા હોય તો ભગવાનના એકાંતિક ભક્તની સેવા, સમાગમે કરીને તે ન્યૂનતાને ટાળવી.”……………ગઢડા પ્ર.૧૯

કોઈ ગમે તેવાં શાસ્ત્ર વંચાતાં હોય અને તેમાં ભગવાનનું નિર્ગુણપણે કરીને પ્રતિપાદન આવે તે ઠેકાણે એમ જાણવું જે, એ ભગવાનની મૂર્તિનો મહિમા કહ્યો છે, પણ ભગવાન તો સદા મૂર્તિમાન જ છે. એવી રીતે જે સમજે તેને એકાંતિક ભક્ત કહીએ.”….ગઢડા પ્ર.૬૬

જ્ઞાન, ભક્તિ, વૈરાગ્યાદિક જે અનંત શુભ ગુણ તેણે યુક્ત જે ભક્ત હોય તેના હૃદયમાં ભગવાન નિવાસ કરે છે. પછી તે ભક્ત જે તે ભગવાનને પ્રતાપે કરીને અનંત પ્રકારનાં ઐશ્વર્યને પામે છે ને અનંત જીવના ઉદ્ધારને કરે છે. અને એવી સામર્થીએ યુક્ત થકો પણ અન્ય જીવનાં માન-અપમાનને સહન કરે છે એ પણ મોટી સામર્થી છે; કાં જે, સમર્થ થકા જરણા કરવી તે કોઈથી થાય નહીં, એવી રીતે જરણા કરે તેને અતિ મોટા જાણવા. અને એ સમર્થ તો કેવો જે, એનાં નેત્રમાં ભગવાન જોનારા છે તે માટે બ્રહ્માંડમાં જેટલાં જીવપ્રાણી છે તેનાં નેત્રને પ્રકાશ કરવાને સમર્થ થાય છે, અને એના પગમાં ચાલનારા ભગવાન છે તે માટે બ્રહ્માંડમાં સર્વ જીવના પગને વિષે ચાલવાની શક્તિને પોષણ કરવાને એ સમર્થ થાય છે; એમ એ સંતની સર્વે ઇન્દ્રિયોમાં ભગવાન રહ્યા છે, તે માટે એ સંત તો બ્રહ્માંડમાં સર્વે જીવોનાં ઇન્દ્રિયોને પ્રકાશ કરવાને સમર્થ થાય છે. માટે એ સંત તો સર્વ જગતના આધારરૂપ છે, તે તુચ્છ જીવનું અપમાન સહે તે એમની એ અતિશય મોટ્યપ છે. અને એવી રીતની ક્ષમાવાળા છે તે જ અતિ મોટા છે………ગઢડા પ્ર.૨૭

“સ્વધર્મ, જ્ઞાન, વૈરાગ્ય અને માહાત્મ્યજ્ઞાન તેણે સહિત જે ભગવાનની ભક્તિ તેણે યુક્ત એવા જે ભગવાનના એકાંતિક સાધુ તેના પ્રસંગ થકી ભાગવત ધર્મનું પોષણ થાય છે અને વળી જીવને મોક્ષનું જે દ્વાર તે પણ એવા સાધુના પ્રસંગ થકી ઉઘાડું થાય છે……ગઢડા પ્ર.૫૪

ભગવાન જ્યારે પૃથ્વીને વિષે પ્રત્યક્ષ ન હોય ત્યારે તે ભગવાનને મળેલા જે સાધુ તેનો આશ્રય કરવો, તો તે થકી પણ જીવનું કલ્યાણ થાય છે…………વરતાલ-૧૦

આ જીવને જ્યારે ભરતખંડને વિષે મનુષ્ય દેહ આવે છે ત્યારે ભગવાનના અવતાર કાં ભગવાનના સાધુ………… એ જરૂર પૃથ્વી ઉપર વિચરતા હોય; તેની જો એ જીવને ઓળખાણ થાય તો એ જીવ ભગવાનનો ભક્ત થાય છે……….વરતાલ-૧૯

પોતાના જીવાત્માને સ્થૂળ, સૂક્ષ્મ અને કારણ એ ત્રણ શરીર થકી પૃથક્ માને અને તેને વિષે અખંડ ભગવાન વિરાજમાન છે એમ જે સમજે, તો તે સંત થકી ભગવાન અથવા ભગવાનનાં ધામ તે અણુમાત્ર છેટે નથી. અને એવી રીતનો જે સંત હોય તે તો જેવો શ્વેતદ્વીપમાં મુક્ત છે તે સરખો છે. અને એવા સંતનું દર્શન થયું ત્યારે એમ જાણવું જે, ‘મને સાક્ષાત્કાર ભગવાનનું દર્શન થયું…..’  ….સારંગપુર-૧૦

સત્પુરુષને વિષે દ્રઢ પ્રીતિ એ જ આત્મદર્શનનું સાધન છે અને સત્પુરુષનો મહિમા જાણ્યાનું પણ એ જ સાધન છે અને પરમેશ્વરનું સાક્ષાત્ દર્શન થવાનું પણ એ જ સાધન છે.”………. વરતાલ-૧૧

………આવી ભગવત્સ્વરૂપ સંબંધી જે વાર્તા તે તો શાસ્ત્રમાંથી પણ પોતાની મેળે સમજાય નહીં. અને સદ્‌ગ્રંથોમાં આવી વાર્તા તો હોય પણ જ્યારે સત્પુરુષ પ્રગટ થાય છે ત્યારે તેમના મુખ થકી જ વાત સમજ્યામાં આવે છે, પણ પોતાની બુદ્ધિબળે કરીને સદ્‌ગ્રંથોમાંથી પણ સમજાતી નથી. ……ગઢડા મ.૧૩

2014_10_11_010_Sarangpur_fતો સમજવા નું આટલું જ છે કે -આપણ ને જે સત્પુરુષ મળ્યા છે…તે જ શ્રીજી ને પામવા નું શ્રેષ્ઠ માધ્યમ છે…………આમ વ્યક્તિ પૂજા ની વાત નથી પણ એમ સમજવાની વાત છે કે- એ સત્પુરુષ ના અંતર માં શ્રીજી અખંડ રહ્યા છે…….અને એટલા માટે જ એ પૂજનીય છે……..એ શ્રીજી રૂપી ધ્યેય ને પામવા નું માધ્યમ છે…એટલે જ મૂર્તિમાન થાય છે…એમની પૂજા થાય છે……..જેમ આરસ ની મૂર્તિ માં પ્રાણ પ્રતિષ્ઠા થાય છે…અને ભગવાન એમાં સાક્ષાત બિરાજે છે……..એમ શ્રીજી- આ જીવંત સત્પુરુષ ના હૃદય માં વસ્યા છે……..એટલે એ પૂજનીય છે………પણ ઉપાસના તો એક શ્રીજી ની જ….ધ્યેય તો એક શ્રીજી નું જ…!
સમજતા રહેજો……..અધ્યાત્મ રહસ્ય માર્ગ છે……………અને ગુરુ બિન જ્ઞાન નહિ……અને જ્ઞાન બિન- આ રહસ્ય નો ઉકેલ નહિ…….! એટલે જ ગીતામાં શ્રીકૃષ્ણ ભગવાન કહે છે કે- સર્વે ભક્તો માં મને જ્ઞાની ભક્ત વધારે પ્રિય છે…………….
જય સ્વામિનારાયણ……………..પ્રગટ અક્ષર બ્રહ્મ પ્રમુખ સ્વામી મહારાજ ની જય…………
રાજ


Leave a comment

BAPS યોગીજયંતિ રવિસભા-૧૦/૦૫/૨૦૧૫

સ્વામીની સેનામાં આવજો રે, તમે આવજો રે,એના યોગીજી શૂરા સરદાર……..;
ભરતીમાં નામ નોંધાવજો રે, તમે આવજો રે,એના યોગીજી શૂરા સરદાર… ૦
ધારી ધીરજની ઢાલ વા’લે, ત્યાગ તણી તલવાર,કાળ ને માયા થરથર કંપે, ભક્તિ ભાલાથી અપાર,
કેસરિયાં કરવાને આવજો રે,એના યોગીજી શૂરા સરદાર… ૦ સ્વામીની
કંસ સરીખો ક્રોધને માર્યો, રાવણ સરીખો રાગ,માન ઇર્ષ્યાનું કીધું કચુંબર, લગાડી લોભને આગ,
થઈને મરજીવા તમે આવજો રે,એના યોગીજી શૂરા સરદાર… ૦સ્વામીની 

——————————————————————-

23 મી મેં -૧૮૯૨ અર્થાત વિક્રમ સંવંત -૧૯૪૮ ની વૈશાખ વદ બારસ ના દિવસે- બ્રહ્મ સ્વરૂપ યોગીજી મહારાજ નો જન્મ – ધારી ગામ માં થયો…..યોગીજી મહારાજ ની જન્મજયંતી ની પ્રતિક સભા- આજે હતી….એ પણ કીર્તન આરાધના ના અદ્ભુત માધ્યમ થી……! સ્નેહ ની મૂર્તિ સમાન -યોગીજી મહારાજ એક એવા ગુણાતીત પુરુષ હતા કે જેમના સંકલ્પો ને બળે-પ્રગટ બ્રહ્મ સ્વરૂપ પ્રમુખ સ્વામી મહારાજ -આજે બ્રહ્માંડ માં -અક્ષર પુરુષોત્તમ સિધ્ધાંત ના ડંકા ગુંજાવી રહ્યા છે…….અને ગુંજવતા રહેશે….! તો આજ ની સભા- કીર્તન આરાધના આ ગુણાતીત પુરુષ ને સમર્પિત હતી..એના મહિમા ને સમર્પિત હતી….

સૂરજદેવ ના પરછમ આજકાલ આકરા તપી રહ્યા છે…..પણ સત્સંગ માં ક્યાંય ઓટ વર્તાતી નથી……હરીદયા એ આજે સમયસર સભામાં પહોંચી ગયા…..અને જોયું તો હરિભક્તો મોટી સંખ્યા માં પધાર્યા હતા…..સૌપ્રથમ મારા વ્હાલા ના દર્શન……હમેંશ ની જેમ…

10985919_397769600411218_9048550998636564071_n

સભામાં સ્થાન ગ્રહણ કર્યું ત્યારે કીર્તન આરાધના માટે સંતો- પુ. પ્રેમ વદન સ્વામી, પુ.શુભ કીર્તન સ્વામી, પુ.કૃષ્ણ સ્વરૂપ સ્વામી, પુ.વિવેક્મુની સ્વામી અને પુ.દિવ્ય કિશોર સ્વામી- યુવકો-બાળ મંડળ સાથે મંચસ્થ હતા અને “સ્વામિનારાયણ” મહામંત્ર ની ધુન્ય થી સભા ગુંજી રહી હતી…..ત્યારબાદ શરુ થયા- અસ્ખલિત કીર્તનો…..બાળ મંડળ, યુવક મંડળ..સંતો દ્વારા અને વચ્ચે વચ્ચે બ્રહ્મ સ્વરૂપ યોગીજી મહારાજ ના જીવન પ્રસંગો દ્વારા -એમના મહિમા નું વર્ણન સંતો દ્વારા ( પુ.વિવેકશીલ સ્વામી…પુ.પ્રિય સ્વરૂપ સ્વામી વગેરે) ..અને વિડીયો-ઓડિયો સ્લાઈદ્ઝ દ્વારા થયું…..ચાલો જોઈએ….કીર્તન શબ્દો -ગાયક માહિતી….

  • યોગીબાપા તમે મારી રક્ષા કરો- બાળમંડળ
  • ખોળો બાપા નો અમે ખુંદતા રે લોલ….- બાળ મંડળ
  • યોગીબાપા ના પ્રેમ માં પાગલ જે થઇ ગયા…- યુવક મંડળ
  • ધન્ય જેને મળીયો યોગીજી નો સંગ….- યુવક મંડળ…
  • સ્વામી ની સેના માં આવજો રે…જેના યોગીજી શુરા સરદાર- પુ.દિવ્ય કિશોર સ્વામી
  • જોગીડા ના જાદુ..અમારે હૃદયે રમે- પુ.પ્રેમ વદન સ્વામી
  • તારી વાણી માં વાંસળી વાગી- પુ. કૃષ્ણ સ્વરૂપ સ્વામી
  • ભગવાન સૌનું ભલું કરો…..- પુ.પ્રેમ વદન સ્વામી
  • યોગી પ્રગટ વિચરે સત્સંગ માં રે..જોગી ને જોયા નારાયણ સ્વરૂપ માં રે- પુ.શુભ કીર્તન સ્વામી

એ સિવાય વચ્ચે વચ્ચે ઓડિયો-વિડીયો દ્વારા બ્રહ્મ સ્વરૂપ યોગીજી મહારાજ ના મહિમા નું ગાન થયું….

  • હાંજી ભલા સાધુ- યોગીજી મહારાજ નું પ્રિય કીર્તન- એમના અવાજ માં જ રજુ થયું….
  • હે ગોંડલ ના યોગી સ્વામી- દ્વારા એમની દિનચર્યા ના અદ્ભુત દર્શન થયા….
  • પ.પુ.પ્રમુખ સ્વામી મહારાજ દ્વારા યોગીજી મહારાજ નો મહિમા રજુ થયો….( ગોંડલ માં અમૃત મહોત્સવ નો સમૈયો ઉજવાયો તેનો)
  • અને યોગીબાપા દ્વારા- પ્રમુખ સ્વામી મહારાજ નો મહિમા- એમના ૪૮ માં જન્મ જયંતી ઉત્સવ સમયે કરેલો- તેના વિડીયો નો લાભ મળ્યો….

અને આ બધા બાદ – જેમણે યોગીબાપા ને નજીક થી નિહાળ્યા છે- એમની સેવા કરી છે તેવા પુ.ઈશ્વરચરણ સ્વામી એ – બ્રહ્મ સ્વરૂપ યોગીજી મહારાજ ના જીવન વિષે વાત કરતા કહ્યું કે….( જોઈએ સારાંશ)

  • સત્પુરુષ ની આજ્ઞા અને વચન માં જ મોટું સુખ છે…..એમ દ્રઢ પણે સમજવું….
  • સત્સંગ-સત્પુરુષ માં  માં નિર્દોષ બુદ્ધિ અને દિવ્ય ભાવ હોય તો- જ સત્સંગ માં કેસર કેરી જેવું મીઠું મધ સુખ આવે..
  • સત્સંગમાં ટકવું  હોય તો- સંપ- સુહાર્દ ભાવ- રાખ્યા સિવાય છૂટકો નથી….
  • નાના માં નાના હરિભક્ત નો અભાવ ન લેવો……બધા ને બ્રહ્મ ની મૂર્તિ માની એ તો જ દેહાભિમાન છૂટે….બ્રહ્મ રૂપ થવાય…

ત્યારબાદ સભા ને અંતે અમુક જાહેરાતો થઇ…..

  • આવનારી રવિસભા- પ.પુ.પ્રમુખ સ્વામી મહારાજ ના જીવન પ્રસંગો-મહિમા સભર હશે…..તેનો અવશ્ય લાભ લેવો…..જેમાં પુ.બ્રહ્મ વિહારી સ્વામી- પ.પુ. સ્વામીશ્રી ના પ્રેમાળ વ્યક્તિત્વ નો અદ્ભુત પરિચય કરાવશે….
  • આજથી તા-૧૫ મેં સુધી- યોગી પર્વ ઉજવાશે- આથી દરેક હરિભક્તો એ સંકલ્પ કરવા નો કે- કોઈ ભક્ત નો અભાવ ગુણ નહિ લે…બધા પ્રત્યે સંપ-સુહર્દ ભાવ- એકતા થી વર્તશે…..
  • પુ.બ્રહ્મ દર્શન સ્વામી રચિત- બ્રહ્મ વિદ્યા જ્ઞાન – ને આપણા સંનિષ્ઠ બાઈ હરિભક્તો એ અંગ્રેજી માં ટ્રાન્સલેશન કરી- પુસ્તક પ્રગટ કર્યું છે…….સાથે સાથે પુ.વિવેક જીવન સ્વામી એ- હિંદુ ધર્મ ના – રીત રીવાજો- પર પણ અંગ્રેજી માં પુસ્તક લખ્યું છે…..- એ બંને નું ઉદ્ઘાટન થયું….

તો- આજની રવિસભા- એ યોગીપર્વ ની સભા હતી……બ્રહ્મ સ્વરૂપ યોગીજી મહારાજ ના અતુલ્ય સ્નેહ માં તરબોળ થઈને- બ્રહ્મ વિદ્યા ને પામવા ની સભા હતી……

જય સ્વામિનારાયણ……..

રાજ


Leave a comment

BAPS બ્રહ્મસ્વરૂપ શાસ્ત્રીજી મહારાજ સાર્ધ શતાબ્દી પ્રતિક રવિસભા-૨૫/૦૧/૨૦૧૫

ધર્મકુંવર હરિકૃષ્ણજી તમે ભક્તપતિ ભગવાન….. એ વર માગું છું;
દયાનિધિ તમે દાસને, નિત આપો છો એ દાન…૦ એ વર
નિર્વિકલ્પ ઉત્તમ અતિ, એવો નિશ્ચે થાય તમારો;
અલબેલા તમ આગળે, હું અરજ કરું એ સારુ… ૦એ વર
માહાત્મ્ય જ્ઞાન સહિત હરિ, એવી એકાંતિકી ભક્તિ;
પ્રીત રહે તવ ચરણમાં, બીજે રહે સદા વિરક્તિ… 0એ વર
હું માં તમારું ભક્તપણું હરિ, એમાં કોઈ પ્રકાર;
દોષ ન રહે કોઈ જાતનો, એ આપો ધર્મકુમાર… ૦એ વર
તમારા કોઈ ભક્તનો મારે, દ્રોહ ક્યારે નવ થાય;
સંગ એકાંતિક ભક્તનો, મને નિત આપો મુનિરાય… ૦એ વર
દાસ તમારા દાસનો, મને રાખો નાથ હજૂર;
પ્રેમાનંદની વિનંતી, સાંભળજો શ્યામ જરૂર… ૦એ વર

——————————————————–

આ અદ્ભુત કીર્તન થી સભા ની શરૂઆત થઇ……એનો એક એક શબ્દ – એ પ્રશ્ન  નો ઉત્તર  છે કે- આપણા સર્વોપરી સંપ્રદાય નો સાર શું છે???? જે સાર માટે આપણા ગુણાતીત પુરુષો જીવી ગયા..અસહ્ય દુખો સહન કર્યા…..દુનિયા ના ખૂણે ખૂણે….મંદિરો કર્યા…..ગરીબ ની ઝુંપડી થી લઈને રાજા ના મહેલો સુધી સ્વામિનારાયણ મંત્ર ની…અક્ષર પુરુષોત્તમ સિધ્ધાંત ની અહાલેક જગાવી….એનો સાર ઉપરોક્ત કીર્તન માં છે…..અક્ષર રૂપ થવું અને એક પુરુષોત્તમ માં જોડાવું-  એ આ કીર્તનમાં ગુંજે છે. બ્રહ્મ સ્વરૂપ શાસ્ત્રીજી મહારાજ આ જ સિધ્ધાંત લઈને નીકળ્યા હતા અને આજે એમનું આ કર્તવ્ય ચાલુ જ છે અને હમેંશા ચાલુ રહેશે…એ બ્રહ્મસત્ય નો પડઘો …..એ આ સાર્ધ શતાબ્દી ની પ્રતિક સભા માં હતો .

ગઈકાલે વડોદરા માં સાર્ધ શતાબ્દી મહોત્સવ લગભગ ૨ લાખ હરિભક્તો ની હાજરી માં ધામધૂમ થી ઉજવાયો…અને એના પ્રતિક રૂપે આજની સભા વિશિષ્ટ હતી આથી સમય પહેલા જ પહોંચી જવામાં આવ્યું અને સદાયે ની જેમ શ્રીજી ના મનોનીય દર્શન નો લાભ લેવામાં આવ્યો….

1779090_357655747755937_9060565787771900190_n

સભાની શરૂઆત- યુવકો દ્વારા ધુન્ય -કીર્તન થી થઇ.. કીર્તન” ધર્મકુંવર હરિકૃષ્ણજી તમે..”   રજુ થયું અને એક અક્ષર-માહોલ ઉભો થયો. ….અને ભક્તિ ના આ રસ માં સભા તણાતી જ ગઈ….” જે દુખ થવું હોય તે થાજો રે…” કીર્તને એમાં ગુણાતીત પુરુષો નો મહિમા અને ભક્તો ની નિષ્ઠાનું પ્રગટ વર્ણન કર્યું……! કેવો હશે એ ગુણાતીત પુરુષો નો મહિમા..એમનું કાર્ય..કે ભક્તો ને એમના માં સાક્ષાત શ્રીજી ના દર્શન થાય છે અને એમના માટે બધું જ ન્યોછાવર કરી દે છે….!

ત્યારબાદ- પ્રગટ બ્રહ્મ સ્વરૂપ પ્રમુખ સ્વામી મહારાજ ના સારંગપુર ખાતે ના -મકરસક્રાંતિ ના વિચરણ નો અદ્ભુત વિડીયો અને ત્યારબાદ- સર્વોપરી અક્ષર પુરુષોત્તમ સિધ્ધાંત ગાન રજુ થયા……અને ત્યારબાદ સભા નું સંચાલન- આપણું ભવિષ્ય- એવા બાળ મંડળ ના સુરક્ષિત -મજબુત હાથો માં આપવામાં આવ્યું……પછી જે- એમણે સભામાં રજુ કર્યું- એ હજુ સુધી મારા અંતર માં થી હટતું નથી…….જોઈએ એના અમુક અંશ…

10945577_797632690274701_3460848150856840153_n

  • બ્રહ્મ સ્વરૂપ શાસ્ત્રીજી મહારાજ નું બાળપણ નું નામ- ડુંગર ભક્ત- અને બાળપણ માં એ – નિયમ ધર્મ માં અત્યંત દ્રઢ હતા……વિકટ પરિસ્થિતિ ઓમાં પણ સ્થિર રહે તેવા- નીડર અને હિંમતવાન હતા….એ- સંવાદ અને નૃત્ય દ્વારા રજુ થયું…..
  • સંવાદ માં- એકાદશી નો મહિમા( કે જેમાં- ડુંગર ભક્તે બાળપણ માં એકાદશી નો ઉપવાસ કરી લગ્ન ના યજમાનો ને વિચારતા કરી દીધા) અને ભૂત -પ્રેત ના ઉપદ્રવ માં નીડર રહેવા ની શક્તિ( કે જેમાં ડુંગર ભક્ત અત્યંત નીડર પણે- પ્રેત-ભૂત નો ભય દુર કરી શક્યા….જે યુ.વી લાઈટ શો હતો)
  • તો નૃત્ય- અદ્ભુત- જોમ ભરી દે તેવું હતું…” આજ યજ્ઞપુરુષ ને દ્વાર નોબત વાગે રે લોલ”  બાળ મંડળે જુસ્સા થી રજુ કર્યું…….
  • પ્રદર્શન એટલા અદ્ભુત અને જોમ વાળા હતા કે- તાળી  ઓ ના ગુંજ થી સભા ઘણા સમય સુધી ગુંજતી રહી……પુ.મુનીચરણ સ્વામી અને સાથી સંતો- બાળકો-કાર્યકરો ને કોટી કોટી વંદન કે- એમની મહેનત રંગ લાવી…દાખડો સફળ થયો…..
  • સાથે સાથે ક્રિકેટ કપ- વકતૃત્વ સ્પર્ધા -ના ઇનામો જાહેર થયા…જેમાં વિજેતા બાળકો નું સન્માન કરવામાં આવ્યું…
  • અને ડુંગર ભક્ત જેવા થવાનો સંકલ્પ કરવામાં આવ્યો……..એક ભગવાન -અખંડ સાથે છે એમ મનાય તો – આવા ગુણો- આપણા માં પણ આવી શકે…..

ત્યારબાદ પુ.વિવેકજીવન સ્વામી એ – એ જ શ્રુંખલા ને આગળ ધપાવતા- બ્રહ્મ સ્વરૂપ શાસ્ત્રીજી મહારાજ ના આવા અદ્ભુત ગુણો નું દર્શન કરાવતા અનેક પ્રસંગો નું વર્ણન કર્યું……જેમાં- મહેળાવ ના રાવજીભાઈ નો ડુંગર ભક્ત ને અંગ્રેજી ભણાવવા ના સંકલ્પ નો પ્રસંગ હોય, બેચર ભગત ને ડુંગર ભક્તે જે જવાબ આપ્યો તે પ્રસંગ હોય…હરિદાસ બાવા નો પ્રસંગ હોય કે …વિઠ્ઠલ બ્રહ્મભટ્ટ  નો પ્રસંગ હોય…..બધું અદ્ભુત હતું……..ટૂંક માં સાર એ હતો કે….

  • જીવન માં હરપળ- વ્યવહાર ની સાથે સાથે આધ્યાત્મિકતા નો સાથ રહેવો જોઈએ……જો એ હોય તો- નિયમ ધર્મ અને આજ્ઞા પાલન માં સ્થિરતા- નીડરતા આવે છે…..
  • મોટા પુરુષો ના જીવન ચરિત્ર નું પઠન સતત થવું જોઈએ…..જેથી એમના ગુણો આપણા જીવન માં ઉતરે…..અક્ષર  રૂપ થવાય…..
  • પ.પુ.પ્રમુખ સ્વામી મહારાજ દ્વારા ભૂકંપ ગ્રસ્ત -ભુજ ના ગામ માં – સ્કુલ બનાવવા ની સેવા માં જે વિઘ્ન આવ્યા -એને પ્રમુખ સ્વામી મહારાજે જે રીતે દુર કર્યા -એ પ્રસંગ પણ એ વાત નો દ્યોતક છે કે- જીવન ના કાર્યો માં જો- અધ્યાત્મ-ભગવાન ભળે તો બધું જ સારું થાય….

અદ્ભુત…..અદ્ભુત……!!! અંતર – બ્રહ્મ સ્વરૂપ શાસ્ત્રીજી મહારાજ ના અદ્રિતીય ગુણો થી ગદગદ થઇ ગયું……કોટી કોટી સાષ્ટાંગ દંડવત -આ ગુણાતીત પુરુષ ના ચરણો માં…!

સભાને અંતે અમુક જાહેરાતો થઇ….

  • આવતીકાલે- સાંજે- ૩ થી ૪:૩૦ – શાહીબાગ મંદિરે પ.ઈશ્વર ચરણ સ્વામી ની નિશ્રામાં -સમગ્ર યુવક-યુવતી મંડળ -કાર્યકરો ની મીટીંગ છે……જેને જાણકારી ન હોય – તે પણ અવશ્ય હાજર રહે……
  • આવતા રવિવારે- ૧ ફેબ્રુઆરી- સાંજે ૫ થી ૭- યુવક મંડળ દ્વારા અદ્ભુત સભા છે…ધોરણ ૧૦ -માં અભ્યાસ કરતા સત્સંગી ઓ માટે -પ્રાર્થના-મહાપૂજા નો પ્રસંગ પણ છે…વધુ માહિતી- સમય-સુચના  માટે મંદિર નો સંપર્ક કરવો.

તો આજની સભા- મહાપુરુષ ના મહિમા ની હતી…….સત્પુરુષ ના જીવન ને આધારે આપણા જીવન માં નિયમ-ધર્મ-આજ્ઞા વગેરે ગુણો ને દ્રઢ કરવા ની હતી…..અને બ્રહ્મ સ્વરૂપ શાસ્ત્રીજી મહારાજ કહી ગયા છે એમ- એમનું કર્તવ્ય ચાલુ જ રહશે …અને સત્પુરુષ આ પૃથ્વી પર થી ક્યારેય જતા જ નથી……એનો દ્રઢ વિશ્વાસ અંતર માં ધારણ કરવા ની સભા હતી….

જય સ્વામિનારાયણ…

રાજ