Raj Mistry's world

Me,my stories and world around….


Leave a comment

એક યાત્રા- લોયા

વચનામૃત એ સર્વોપરી સ્વામિનારાયણ ભગવાન ના અમૃત વચનો છે …..જે અલગ અલગ સમયે..અલગ અલગ સ્થાને..અલગ અલગ ભૌગોલિક સ્થિતિ માં …..શ્રીજી દ્વારા કહેવાયા……જેને એમના અગ્રગણ્ય નંદ સંતો એ શબ્દો માં ઢાળી ને જીવ ના કલ્યાણ હેતુ ગ્રંથસ્થ કર્યા……કુલ ૨૭૩ વચનામૃત માં – મોટાભાગ ના વચનામૃત ગઢડા માં રચાયા…..તો બાકી ના સારંગપુર, લોયા, કારીયાણી, જેતલપુર,અમદાવાદ જેવા તીર્થ સ્થાનો એ રચાયા……લોયા તીર્થ સ્થાન એટલે કે….એક ખોબા જેવડું વાગડ પ્રદેશ…( ધંધુકા,રાણપુર..સુરેન્દ્રનગર નો પટ્ટો)અને પાંચાળ પ્રદેશ  માં આવેલું ગામ, કે જ્યાં શ્રીજી એ ૧૮ વચનામૃત ની રચના કરી…અને વચનામૃત એવા કે -તેને સંપ્રદાય માં “લોઢા” ના જેવા મજબુત ..ગહન….અગત્ય ના વચનામૃત કહેવાય છે………

લોયા ગામ અને બાજુમાં એવું જ નાનકડું ગામ નાગડકા  – ગામધણી સુરા ખાચર ના શાસન માં હતું…..સુરા ખાચર ..પત્ની શાન્તુબા..અને પુત્ર વાલુજી સાથે લોયા માં રહેતા..શ્રીજી સાથે સંપર્ક માં આવ્યા ..અને એમનું જીવન સ્થિર થઇ ગયું….પોતાના રમુજી સ્વભાવ …અત્યંત દ્રઢ નિષ્ઠા ને લીધે શ્રીજી સાથે સખા ભાવે એ ..શ્રીજી ના અગ્રગણ્ય હરિભક્તો માં આગવું સ્થાન ધરાવતા. ઈતિહાસ કહે છે કે – સંવંત ૧૮૭૭ ની સાલે – શ્રીજી એ લગભગ ..બે મહિના સુધી અહી રહી….શાકોત્સવ નો મહા ઉત્સવ કરેલો…….૬૦ મણ રીંગણ નો ૪૦ મણ ઘી માં – સ્વયમ પોતે વઘાર કરી…સંતો-હરિભક્તો ને જમાડેલા…….! એ જ સાલે- સૌપ્રથમ વાર – સંઘા પટેલ ની ડેલી માં- શ્રીજી નો પોતાના ભાઈ ( ઈચ્છારામજી ) સાથે -ગૃહત્યાગ પછી સંપર્ક થયેલો…અને ધર્મકુળ નું આગમન થયેલું……..

હવે આટલું પવિત્ર સ્થાન……અતિ પ્રસાદી નું સ્થાન …પણ દુખ સાથે કહેવું પડે છે કે…હરિભક્તો…..સરકારી ઉપેક્ષા ..ઉદાસીનતા ને લીધે આજે પણ એ ગામ જાણે કે- શ્રીજી ના સમય માં -જેવું હતું તેવું ભાસે છે..અર્થાત વિકાસ નામ માત્ર નો છે……ગામ સાથે જોડાણ માટે રસ્તા નો જાણે કે સદંતર અભાવ…..પાણી નું ખુબ જ તંગી…..ટાંચા આવક ના સાધન …ખુબ ઓછી વસ્તી ને લીધે, આ ગામ નો જેટલો જોઈએ તેટલો વિકાસ થયો નથી…..! પણ એક આશાસ્પદ સમાચાર એવા છે કે..અહી વડતાલ દેશ -ના આચાર્ય શ્રી રાકેશપ્રસાદ જી મહારાજ અને નિષ્ઠાવાન સંતો ના દાખડા થી….૧૦,૦૦૦ ઘનફૂટ પથ્થરો ના ઉપયોગ થી એક ભવ્ય મંદિર નું નિર્માણ ચાલી રહ્યું છે…..૨૦૨૦-૨૦૨૧ સુધીમાં -પૂરું થાય તેવી સંભાવના છે…….પણ આગળ કહ્યું તેમ….પડકાર ઘણા છે…..!

તો- અમે – ૧૫ ઓગસ્ટ, રવિવાર….અક્ષરબ્રહ્મ પ્રમુખ સ્વામી મહારાજ ની પ્રથમ વાર્ષિક પુણ્ય સ્મૃતિ પ્રસંગ ને દિવસે- લોયા અને ત્યાંથી લગભગ ૩૦ કિમી દુર..મહાતીર્થ સ્થાન સારંગપુર નો પ્રવાસ બનાવ્યો. લોયા જવાની તીવ્ર ઈચ્છા વર્ષો થી હતી અને આ દિવસે મોકો મળ્યો. અમદાવાદ થી લગભગ ૧૭૫-૧૯૦ કિમી દુર આ તીર્થ માટે અમે સૌ વહેલી સવારે નીકળી પડ્યા…..ગુગલ ભાઈ નો સહારો લીધો…..સાથે સાથે લોયા તીર્થ માં સેવા આપતા પુ.ઉત્તમ સ્વામી ના માર્ગદર્શન થી અમે નીકળી પડ્યા…..લોયા માટે બે માર્ગ છે…..૧) ધંધુકા, રાણપુર થઇ ને જવાનો…..૨) સાયલા-સુદામડા-નાગડકા થઈને જવાનો……લીમડી થી પણ રાણપુર જવાય છે…

20882829_1420938604610770_1407346377740115996_n

અમે ધંધુકા ..રાણપુર નો માર્ગ અપનાવ્યો….અને ફસાઈ ગયા…!! કેમ??? કારણ કે…રાણપુર સુધી નો માર્ગ સારો હતો પણ ..ત્યાંથી લોયા જવા માટે..અમારે ખરેખર  લોઢા ના ચણા ચાવવા પડ્યા…..ભાદર નદી ને કિનારે કિનારે આગળ વધ્યા તો ત્યાંથી લોયા જવાનો રસ્તો જ ગાયબ….રસ્તો પૂરો થતો હતો ત્યાંથી લોયા ગામ દેખાય પણ રસ્તો જ નહિ…!!! હહાહા…….છેવટે એક ભરવાડ ( જાણે કે સ્વયમ શ્રીજી એ જ મોકલ્યા હતા..) તેમણે અમને જમીન પર ડાંગ વડે રસ્તો દોરી …લોયા સુધી પહોચાડ્યા…….પણ રસ્તો એવો કે- એને રસ્તો જ ન કહેવાય…સાવ ખડકાળ……કાર તો નીચે અડી જ જાય….તેવા મોટા મોટા પથ્થર…..! તમને લાગે કે- તમે રૂપકડી કાર લઈને મંગળ ના ગ્રહ પર ફરવા નીકળ્યા છો……!!! છેવટે જેમ તેમ કરી ..પોતાના લોયા આવવા ના નિર્ણય ને વિષે શંકા-કુશંકા ઓ કરતા …વટેમાર્ગુઓ ને પૂછતાં પૂછતાં લોયા પહોંચ્યા અને હાશકારો થયો…!!! ત્યાં જી સંતો ને મળ્યા..થોડાક ફ્રેશ થયા….અને પછી સુરા ખાચર ના દરબાર ( જેનું અત્યારે નવીનીકરણ ચાલી રહ્યું છે..ત્યાં મંદિર પણ છે….) માં દર્શનાર્થે પહોંચ્યા……મનભરી ને દર્શન કર્યા…..દરબાર માં આવેલા ઓરડા…લીમડા ના વૃક્ષ ના દર્શન કર્યા…….આજુબાજુ ના પ્રસાદી ના સ્થાનો એ દર્શન કર્યા……અને હરિ નો રાજીપો તો જુઓ….ત્યાં આગળ નવીનીકરણ ચાલે છે તેમાં ઇંટો પહોંચાડવા ની સેવા પણ હાથોહાથ મળી…!!!! અદ્ભુત…અદ્ભુત…!! ચોમાસા ને લીધે વાતાવરણ આહ્લાદક હતું……સંતો એ ભોજન ની વ્યવસ્થા કરી હતી….અને ઉતારા ની પણ વ્યવસ્થા હતી….આથી કલાક એક આરામ કરી …નવા રસ્તે( નાગનેશ…મોટી ધારવાડ….પાળીયાદ…રાણપુર…..બોટાદ..સારંગપુર) ..કે થોડોક લાંબો હતો પણ ઘણો સારો હતો( અત્યારે તે રસ્તે પણ ભાદર નદી પર નો પુલ તૂટી ગયો છે…..કાચો ..કામચલાઉ પુલીયું બનાવ્યું છે….તેના પર થી જવું પડે..) તે પર થી અમે સારંગપુર પહોંચી ગયા……અને સારંગપુર તો શું વાત થાય??? બધું જ વ્યવસ્થિત ..આયોજિત……પછી બાકી શું રહે??? મંદિર…બાપા ના  સ્મૃતિ મંદિર ….યજ્ઞપુરુષ સ્મૃતિ  મંદિર….ચીકુવાડી ….સર્વસ્વ……અને છેવટે અદ્ભુત સભા નો લાભ લઇ રાત્રે ૧૨ વાગ્યે અમદાવાદ પરત ફર્યા…!!

This slideshow requires JavaScript.

તો- લોયા યાત્રા અદ્ભુત…અવિસ્મરણીય હતી……..છતાં શું ધ્યાન રાખવું??? મારા માટે…

  • લોયા જવા માટે જાણકાર માણસ ને સાથે રાખવો…….ગુગલ પણ ચાલે……ધંધુકા..રાણપુર ..સાયલા…જેવા સ્થાનો એ પહોંચ્યા પછી રસ્તા ના માર્ગદર્શન માટે પૂછતાં રહેવું……ગાડી- SUV  જેવી જ લેવી…જેથી ભરાઈ ન પડાય…..
  • રસ્તા માં નાસ્તો ભરપુર રાખવો…પાણી સાથે રાખવું…..લોયા તીર્થ માં સંતો ઘણા સારા છે…અગાઉ થી ફોન કરી ને જાઓ તો ભોજન ની વ્યવસ્થા પણ થઇ જાય છે. ત્યાં ઉતારા સારા છે…પણ યાત્રીઓ ઓછા આવે છે તેથી સાફસૂફી એટલી થતી નથી…….
  • લોયા..એનો મહિમા…..શ્રીજી ના ત્યાં આગળ કરેલા ચરિત્ર વિષે જાણકારી લઈને જશો તો- યાત્રા નો આનંદ – અધિક આવશે……
  • ત્યાં આગળ નવું મંદિર બને છે…….તો યથાશક્તિ તેમાં આર્થિક સહયોગ કરી શકાય……..

તો- બસ- શ્રીજી ના સબંધ વાળી……પ્રાસાદિક વસ્તુઓ-ગામ-મંદિરો નો મહિમા સમજાય…એમના દર્શન થાય…અને સત્સંગ….નિષ્ઠા વધુ દ્રઢ થાય……અને જીવ માં જડાઈ જાય તો- આપણો ભવ સુધરી જાય………!!!!

તો- બસ યાત્રા કરતા રહો…..

જય સ્વામિનારાયણ…….

રાજ

 


Leave a comment

BAPS ગુરુપૂર્ણિમા રવિસભા- ૯/૭/૨૦૧૭

.…..એવી નિષ્ઠાવાળા જે સંત છે તેના પગની રજને તો અમે પણ માથે ચઢાવીએ છીએ, અને તેને દુખવતા થકા મનમાં બીએ છીએ, અને એનાં દર્શનને પણ ઇચ્છીએ છીએ. …………

……….અને જે એવા યથાર્થ ભગવાનના ભક્ત છે તેનું દર્શન તો ભગવાનના દર્શન તુલ્ય છે, અને એના દર્શને કરીને અનંત પતિત જીવનો ઉદ્ધાર થાય છે એવા એ મોટા છે.” 


ભગવાન શ્રી સ્વામિનારાયણ-ગઢડા પ્રથમ-૩૭

આજે ગુરુ પૂર્ણિમા………જે અજ્ઞાન ના અંધકાર માં થી જ્ઞાન ના ઉજાસ તરફ લઇ જાય તે ગુરુ……….! મોક્ષ કરે એ ગુરુ……અને એ ગુરુ ના ઋણ ને ચુકવવા માટે નો પ્રસંગ એટલે કે ગુરૂ પૂર્ણિમા ……..! આપણા સંપ્રદાય માં તો ગુરુ નો મહિમા સ્વયમ શ્રીજી એ છડેચોક ગાયો છે…અને ગુણાતીત ગુરુ પરંપરા એ તો શ્રીજી પ્રાપ્તિ ના માર્ગ ને સામાન્ય જીવો માટે સદાયે સહજ કર્યો છે………એમનું આ ઋણ તો કદાચ ક્યએર્ય નહિ ચૂકવી શકાય પણ – જો એમના રાજીપા માં રહેવાય તો- એ આ અતુલ્ય ઋણ ને અદા કરવા નો ઓછોવત્તો પ્રયત્ન જરૂર કહી શકાશે…! આજે બોચાસણ માં આ ઉત્સવ – સદ્ગુરુ સંતો ની હાજરી માં ઉજવાયો……આપણા ગુરુહરિ તો અમેરિકા વિચરણ માં છે…..છતાં એમની દિવ્ય હાજરી સર્વત્ર અનુભવી શકાય છે. …..અમદાવાદ ની આજની સભા એ મહિમા ને સમજવા અર્થે જ હતી…….

સભા ની શરૂઆત પહેલા આજની પૂર્ણિમા ના પૂર્ણ ચંદ્ર શ્રીજી ના અદ્ભુત દર્શન……..

collage (1)

સભાની શરૂઆત યુવક મિત્રો દ્વારા ધુન્ય કીર્તન થી થઇ……”પ્રમુખ સ્વામી રે ..તમારું નવખંડ માં નામ…” ; “ગુરુદેવ તુમહારે ચરણ કમળ મેં…” અને ત્યારબાદ પુ.કૃષ્ણ સ્વરૂપ સ્વામી દ્વારા …”ગુર મળ્યા ગુણવાળા…” રજુ થયું……………અને નજર સમક્ષ ગુરુહરિ નો ચહેરો…..પ્રમુખ સ્વામી મહારાજ નો ચહેરો છવાઈ ગયો……………! અદ્ભુત….!

ત્યારબાદ પુ.ગુરુસ્મરણ સ્વામી દ્વારા આપણા ગુણાતીત ગુરુઓ ની ઉપકાર વર્ષા પર અદ્ભુત વિવરણ થયું…….જોઈએ સારાંશ….

  • આપણા મોટા ભાગ્ય કે આપણ ને આવા ગુરુ સામે થી મળ્યા છે……આજ નદી સામે થી તરસ્યા ની પાસે આવી છે…..એટલા માટે જ આપણા ગુરુ અને સત્સંગ નો મહિમા અતુલ્ય છે…..
  • સત્પુરુષ તો અલમસ્ત છે…એને કોઈ બંધન નથી…….મર્યાદા ઓ નથી…એ તો પોતાના ભક્તો ને સુખ આપવા માટે પોતાના દેહ ની ..સ્થિતિ ની પરવા વગર વર્ત્યા છે……..
  • છેક બ્રહ્મ સ્વરૂપ શાસ્ત્રીજી મહારાજ થી લઈને આજે મહંત સ્વામી મહારાજ સુધી બધા ગુણાતીત પુરુષો ના જીવન કથન જોઈએ તો સમજાય કે- હરિભક્તો ના સંકલ્પ પુરા કરવા…રાજી કરવા…..એમણે કેવો કેવો દાખડો સહન કર્યો છે……!

અદ્ભુત પ્રસંગો……..એક એક પ્રસંગ તમે સાંભળો તો થાય કે આપણા ગુરુઓ એ આપણા સુખ માટે શું શું વેઠયું છે????

ત્યારબાદ બ્રહ્મ સ્વરૂપ પ્રમુખ સ્વામી મહારાજ ના મહિમા ના ચિત્રાંકિત કરતો એક વિડીયો ” ગુરુદેવ તુમહારે…” રજુ થયો…….પ્રમુખ સ્વામી મહારાજ ના નેત્રો માં થી વરસતી કરુણા ગંગા અને એમના ગામેગામ…..વિચરણ ના અદ્ભુત…….દર્શન નો લાભ મળ્યો…….

ત્યારબાદ પુ.વિવેકજીવન સ્વામી જેવા વિધવાન સંત દ્વારા – ગુરુ ઋણ અને એનો મહિમા…..વિષય પર અદ્ભુત પ્રવચન થયું…જોઈએ સારાંશ….

  • જીવના કલ્યાણ માટે જરૂરી છે કે – જીવ – સત્પુરુષ ની આજ્ઞા સાથે…એમના કાર્ય સાથે…એમના રાજીપા સાથે “એકસુત્રતા…..અનુસંધાન” કહેતા કે Alignment માં રહેવું…અને એ માટે બે સાધન છે…….

૧) ભગવાન અને અને સત્પુરુષ ની આજ્ઞા મુજબ જીવન બનાવવું….

૨) ભગવાન અને સત્પુરુષ ના સ્વરૂપ ને યથાર્થ ઓળખવું……

  • ઉપનિષદ નો અર્થ જ “ગુરુ ની પાસે બેસવું…અર્થાત ગુરુ ના રાજીપા પ્રમાણે વર્તવું એમ થાય છે…..એનો અર્થ એ કે- શાસ્ત્રો પણ એ જ કહે છે કે- ગુરુ આજ્ઞા માં જે રહે…તેનો બેડો પાર થાય…
  • ગુરુ એ સર્વોપરી આદર્શ છે…અને સાચા શિષ્ય એ તેનું અનુસંધાન રાખી – ગુરુ ના પગલે ચાલવા નું છે…..
  • ગુરુ પ્રભાવી હોય તો ગમે તેવો શિષ્ય હોય….જો એ યથાર્થ જોડાયો હોય તો તેનું કલ્યાણ થયા વગર છૂટે નહિ…..
  • અને એ જ સમર્થ ગુરુ – પોતાના શિષ્ય ને તારે છે…………..પણ એ માટે જરૂરી છે…શિષ્ય એ – ગુરુ સાથે ચાલવું પડે……

અદ્ભુત…….અદ્ભુત………Transcendence પુસ્તક ના પબ્લિશર હાર્પર-કોલીન્સ કંપની ના – શાન્તનું ચોધરી અને સુકુમાર ને થયેલા અનુભવો…….એ જ વાત ની સાક્ષી પૂરતા હતા…….એમણે સ્વામીશ્રી ના સ્વરૂપ ને જાણ્યું અને પ્રભાવિત થયા…….

સભાને અંતે પ્રમુખ સ્વામી મહારાજ અને મહંત સ્વામી મહારાજ ના આશીર્વચન નો વિડીયો દર્શન નો લાભ મળ્યો………અમુક જાહેરાત પણ થઇ…જેવી કે- આવતા રવિવારે – સત્સંગ શિક્ષણ પરીક્ષા છે…….સંતો ની પધરામણી શરુ થઇ રહી છે…….આવતી રવિસભામાં – નીલકંઠ વરણી ની બદ્રીનાથ સુધી ની યાત્રા ( ભાગ-૪) ની ડીવીડી મોટા સ્ક્રીન પર બતાવવા માં આવશે…….અને અમેરિકા ના બાળકો દ્વારા કીર્તન આરાધના થયેલી જેની સીડી નું ઉદ્ઘાટન થયું…..!

તો આજની સભા એ ગુરુ ના મહિમા પર હતી કે જેણે આપણો હાથ પકડ્યો છે……અને આપણ ને શ્રીજી ના સ્વરૂપ ની યથાર્થ ઓળખાણ કરાવી એમનામાં જોડશે…..આપણું આત્યંતિક કલ્યાણ કરશે….! અને એ માટે તો આપણા અનંત જન્મ કુરબાન થાય તો એ ઓછા છે…..બસ એ માટે આપણે હરપળ એમની અનુવૃતી પ્રમાણે જીવવા નું છે…એમના રાજીપા નો વિચાર હરપળ કરવા નો છે……..!~

જય સ્વામિનારાયણ………

રાજ


Leave a comment

BAPS રવિસભા-૦૨/૦૭/૨૦૧૭

અતિશય જે મોટાપુરુષ હોય તેનો જે ઉપર રાજીપો થાય તેના ગમે તેવા મલિન સંસ્કાર હોય તો નાશ પામે અને મોટાપુરુષનો રાજીપો થયો હોય તો રાંક હોય તે રાજા થાય અને ગમે તેવાં ભૂંડાં પ્રારબ્ધ હોય તો રૂડાં થાય અને ગમે તેવું તેને માથે વિઘ્ન આવનારું હોય તે નાશ થઈ જાય.

મોટા સંત સાથે નિષ્કપટપણે વર્તે અને કામ, ક્રોધ, લોભ, મોહ, મદ, મત્સર, આશા, તૃષ્ણા, અહંકાર અને ઈર્ષ્યા એ સર્વનો ત્યાગ કરે અને સંતનો ગુલામ થઈને રહે ને અંતરમાં માન ટળેભાવે રહે પણ દેહે કરીને સર્વેને નમતો રહે, તો એની ઉપર મોટા સંત રાજી થાય છે.”

જો મોટાપુરુષને અતિશય નિષ્કામી, નિર્લોભી, નિઃસ્વાદી, નિર્માની, નિઃસ્નેહી સમજે તો પોતે પણ એ સર્વ વિકારથી રહિત થઈ જાય અને પાકો હરિભક્ત થાય. તે પાકા હરિભક્તનું શું લક્ષણ છે? તો સારા જે શબ્દ, સ્પર્શ, રૂપ, રસ અને ગંધ એ પંચવિષય તેનો જેમ દુઃખદાયક વસ્તુનો સહજે અભાવ રહે છે તેમ જેને સહજે અભાવ રહે છે અને એક પરમેશ્વરના સ્વરૂપને વિષે અચળ નિષ્ઠા વર્તે છે, તેને પાકો હરિભક્ત જાણવો. …………તે એવો પાકો હરિભક્ત થયાનો તો એ જ ઉપાય છે જે, પરમેશ્વરના દાસનો ગુલામ થઈને રહે અને એમ જાણે જે, ‘એ સર્વ ભક્ત મોટા છે ને હું તો સર્વથી ન્યૂન છું,’ એમ જાણીને હરિભક્તનો દાસાનુદાસ થઈ રહે. અને એવી રીતે જે વર્તે તેના સર્વ વિકાર નાશ પામે અને તેને દિવસે દિવસે જ્ઞાન, વૈરાગ્ય, ભક્તિ આદિક જે શુભ ગુણ તે વૃદ્ધિ પામતા જાય છે.


ભગવાન શ્રી સ્વામિનારાયણ- વચનામૃતમ-ગઢડા પ્રથમ-૫૮

સત્સંગ માં આવ્યા પછી શું કરવા નું છે……શાનું પ્રાધાન્ય હોવું જોઈએ……??? એ સર્વે ના ઉત્તર શ્રીજી એ અહી આપ્યા છે…….અને સર્વ ના કેન્દ્ર માં છે…….સત્પુરુષ ને સમજવા…..એમનામાં નિર્દોષ બુદ્ધિ રાખવી……સત્સંગ માં દાસાનુદાસ વર્તવું………! સત્પુરુષ ના ગુણ લે તો ગુણ આવે…..અને જો અવગુણ લે તો જીવ માં અવગુણ આવે છે……માટે જીવ માટે તો પોતાનું કલ્યાણ પોતાના હાથમાં..! આ અદ્ભુત વચનામૃત પર આજની સભા હતી……

મેઘરાજા એ આજકાલ સમગ્ર ગુજરાત પર મહેર કરી છે……અને એના આ આશીર્વાદ માં ભીંજાતા ભીંજાતા સર્વે હરિભક્તો નો મહાસાગર સભામાં સમયસર આવી ગયો…..અમે પણ સમય પર પહોંચી ગયા….અને સર્વ પ્રથમ શ્રીજી ના દર્શન…….

19657254_736029403251901_935266552897038082_n

સભાની શરૂઆત યુવક મિત્રો દ્વારા ધુન્ય અને કીર્તન થી થઇ…..ત્યારબાદ યુવકો દ્વારા પ્રેમાનંદ સ્વામી રચિત બે કીર્તન….” એરી એરી આજ રંગ મહારાજ…” અને …” રૂડા લાગે છે મોહનલાલ…..લટકા તારા રે……” રજુ થયા……અદ્ભુત કીર્તન હતા. ત્યારબાદ સારંગપુર અભ્યાસ પૂર્ણ કરી ને પધારેલા અને ઓસ્ટ્રેલિયા સેવા માં મુકાયેલા પુ. બ્રહ્મ્સ્મરણ સ્વામી એ વનમાળી દાસ રચિત કીર્તન  …”લાગો છો પ્યારા ..પ્યારા પ્રમુખ સ્વામી ..” રજુ થયું…….અને પ્રમુખ સ્વામી મહારાજ ની દિવ્ય મુખાકૃતિ મનોચક્ષુ સમક્ષ છવાઈ ગઈ…!

ત્યારબાદ સારંગપુર થી અભ્યાસ પૂર્ણ કરી પધારેલા સાધુ પરમકીર્તિદાસ ( કે જે પૂર્વાશ્રમ માં વેટેનરી ડોક્ટર હતા) ના મુખે બ્રહ્મ સ્વરૂપ પ્રમુખ સ્વામી મહારાજ ની – સારંગપુર ખાતે ની દિવ્ય સ્મૃતિ ઓ નો આસ્વાદ મળ્યો……પ્રમુખ સ્વામી મહારાજ તેમની અંતિમ દેહવસ્થા માં સારંગપુર માં બિરાજમાન હતા …અને તેમની વ્હીલચેર – ગ્રસ્ત દેહ જોઇને ઘણા ને લાગતું કે સ્વામીશ્રી હવે નિષ્ક્રિય થઇ ગયા છે…પણ સ્વામીશ્રી નું કાર્ય તો ચાલુ જ હતું…૧૮૭ થી વધુ મંદિરો…૧૦૦ થી વધુ સંતો નું નિર્માણ ત્યાં બેઠે બેઠે જ થયું……સ્વામીશ્રી નો દીવ્ય્પ્રભાવ જોઇને ભલભલા નાસ્તિક પણ આસ્તિક થઇ ગયા…….અનેક ના જીવન બદલાઈ ગયા……..! આ બધું જ સર્વોપરી કાર્ય સ્વામીશ્રી એ કર્યું…..અને સામે સંતો એ સ્વામીશ્રી ના અ દિવ્ય ચરિત્ર ની એક એક પળ ની નોંધ રાખી……..અરે..સ્વામીશ્રી દર્શન આપવા આવે ત્યારે કેટલા બગાસા ખાધા…કેટલી વાર છડી હલાવી…આ બધું જ નોંધ કર્યું…!!!!! અદ્ભુત…! પરમકીર્તિ સ્વામી ની તેજ-અસ્ખલિત વાણી ના પ્રવાહ નો સર્વે ને અમૃત લાભ મળ્યો…!

ત્યારબાદ પ્રગટ બ્રહ્મસ્વરૂપ મહંત સ્વામી મહારાજ ના તારીખ- ૨૨,૨૩ જુન ,૨૦૧૭ ના એટલાન્ટા ,અમેરિકા ખાતે ના દિવ્ય વિચરણ નો વિડીયો દર્શન નો લાભ મળ્યો…..જે નીચેની લીંક દ્વારા માણી શકાશે…..

ત્યારબાદ પુ.અક્ષરવત્સલ સ્વામી જેવા અતિ વિધવાન ..તેજસ્વી વક્તા સંત દ્વારા – ગઢડા પ્રથમ ૫૮ ના અદ્ભુત વચનામૃત પર ઊંડાણ પૂર્વક….સંલગ્ન પ્રસંગો ના માધ્યમ થી નિરૂપણ થયું…….જોઈ સારાંશ….

  • મુક્તાનંદ ..આનંદાનંદ….મહાભુવાનંદ સ્વામી ના પ્રશ્નો અને શ્રીજી ના ઉત્તરો પર રચાયેલું આ વચનામૃત – જીવ ને અખંડ સુખ કઈ રીતે આવે…એનું મન કઈ રીતે સ્થિર થાય……સત્સંગ માં કઈ રીતે પ્રગતિ થાય એના ઉત્તર આપે છે…..
  • આ વચનામૃત ને આધારે શ્રીજી જે રીતે જીવ્યા છે……અને આપણા ગુણાતીત પુરુષો જે રીતે જીવ્યા છે તેનો તાદ્રશ્ય ચિતાર મળે છે…….એટલા માટે જ શ્રીજી ની મૂર્તિ નું જે સુખ આપણા ગુણાતીત પુરુષો ને આવે છે…તેવું સુખ આપણ ને નથી આવતું………….
  • આપણો સંપ્રદાય- દાસત્વ ભક્તિ પર છે………સાધુઓ ના નામ ની પાછળ દાસ લખાય છે…….અને દાસ ના દાસ….દાસ ના ગુલામ થઇ ને જે જીવે તે જ આ સત્સંગ ને પચાવી શકે છે…..એમાં પ્રગતિ કરી શકે છે……
  • સ્વયમ શ્રીજી નું જીવન જુઓ……..પોતે ભગવાન હોવા છતાં પોતાના પરમહંસો ને તેમણે દંડવત કર્યા છે…એ જ રીતે આપણા ગુણાતીત પુરુષો એ તો ડગલે ને પગલે દાસત્વ ભાવ બતાવ્યો છે……યોગીબાપા તો હરિભક્તો ના સામાન ને પણ દંડવત કરતા ……..અને આજે મહંત સ્વામી મહારાજ ને જુઓ….દરેક સંત-હરિભક્ત નો મહિમા એ જાણે છે…..અને એ પ્રમાણે વર્તે છે…..બધા હરિભક્તો અને સંતો માં એમને- એમના ગુરુના દર્શન થાય છે…….
  • વળી, ગુરુ આજ્ઞા નું પાલન કરવા માં એમનો ખટકો જુઓ………એમનું સમગ્ર જીવન જ ગુરુ આજ્ઞા પર જીવાયું હોય છે…….ચાતુર્માસ આવી રહ્યો છે અને ૪ થી જુલાઈ એ – દેવ પોઢી એકાદશી છે……અને બ્રહ્મ સ્વરૂપ શાસ્ત્રીજી મહારાજ ની આજ્ઞા મુજબ નો નિર્જળા ઉપવાસ છે….જોઈએ કેટલા હરિભક્તો એમની આજ્ઞા પ્રમાણે વર્તે છે…? આપણા ગુણાતીત ગુરુઓ તો દેહ ની વિપરીત પરિસ્થિતિ હોય કે ગંભીર બીમારી- પણ ગુરુ આજ્ઞા પ્રમાણે જ વર્ત્યા છે……
  • માટે જ – આપણે પણ સત્સંગ માં આવ્યા બાદ…મોટા પુરુષ…સંતો અને હરિભક્તો નો મહિમા સમજીએ…….મોટા પુરુષ નો રાજીપો શેમાં છે…એ દ્રઢ પણ સમજીએ…..એ પ્રમાણે એમની આજ્ઞા માં વર્તી – મોટા પુરુષ ને રાજી કરી લઈએ……..દાસત્વ નો ગુણ આપણા જીવન માં દ્રઢ થાય…….એમ વર્તી એ…!

અદ્ભુત …અદ્ભુત,………! જીવનમાં આટલું પણ જો સમજાય અને જીવાય તો કશું બાકી ન રહે………! મોટા પુરુષ રાજી થાય અને આપણા ફેરા ટળે………..!

સભાને અંતે ચાતુર્માસ અંગે જાહેરાત થઇ………….જેના માટે – વિશેષ નિયમ- નીચેની લીંક દ્વારા જાણી શકાશે…….

ચાતુર્માસ નિયમ

જય સ્વામિનારાયણ………….રાજી રહેજો..!

રાજ


Leave a comment

BAPS રવિસભા- ૨૧/૦૫/૨૦૧૭

ભગવાન સૌનું ભલું કરો…..ભગવાન ભજી લેવા…….

યોગીજી નો જીવન મંત્ર આ…થઈએ યોગી જેવા……


પુ. અક્ષરજીવન સ્વામી રચિત પદ…..

આજે ૨૧ મેં ,૨૦૧૭……આજથી બરોબર ૬૭ વર્ષ પહેલા એટલે કે ૨૧ મેં-૧૯૫૦ ના રોજ બ્રહ્મસ્વરૂપ શાસ્ત્રીજી મહારાજે – અમદાવાદ ની આંબલીવાળી પોળ માં મુઠ્ઠીભર સંતો-હરિભક્તો ની હાજરી માં – ૨૮ વર્ષ ના તેજસ્વી યુવાન સાધુ નારાયણસ્વરૂપ દાસ ને પોતાના સ્થાને સંસ્થાના “પ્રમુખ” પદે સ્થાપ્યા અને યોગીજી મહારાજ ને કહ્યું કે…” જોગી…..આશીર્વાદ આપો કે એમનામાં તમારા જેવા ગુણ આવે…..” અને નવાસવા પ્રમુખ સ્વામી ને આજ્ઞા કરી કે…”યોગી ની આજ્ઞા માં રહેજો….” ! અને ઈતિહાસ ના એ પછી ના પૃષ્ઠો જુઓ………યોગીજી મહારાજે -પ્રમુખ સ્વામી મહારાજ ને એક ઐતિહાસિક સત્સંગ નો પાયો સ્થાપી આપ્યો…..તેજસ્વી માર્ગદર્શક બની ને પોતાના શિષ્ય ને પડખે ઉભા રહ્યા…તો સામે પ્રમુખ સ્વામી મહારાજે આજીવન…યોગીબાપા ની આજ્ઞા..એમના સંકલ્પો મુજબ જ વર્તી….આ સર્વોપરી સંસ્થા ને ગગનચુંબી શિખર પર લાવી દીધી..!

આજની રવિસભા – બ્રહ્મસ્વરૂપ યોગીજી મહારાજ ની સદાયે ડોલતી એ દિવ્ય મૂર્તિ ની પ્રતિક જન્મજયંતી ની સભા હતી……..હરિભક્તો ને જીવ થી શાંત કરતી આ સભાની સાથે – મેઘરાજા એ પણ સાથ પુરાવ્યો અને ઠંડી ઝડી ઓ સાથે …વાતાવરણ આહ્લાદક બની ગયું……….અને એમાં પણ પ્રગટ સત્પુરુષ ના પ્રત્યક્ષ દર્શન નો લાભ..અમદાવાદીઓ માટે…’સસ્તું..નમતું…મફત…વધારે…” જેવા મનગમતા શબ્દો થી પણ વધુ મોહી ગયું……..!!!

સાથે સાથે સર્વપ્રથમ…….હમેંશા પ્રથમ જ…એવા ઠાકોરજી ના તન-મન-હૃદય-જીવ ને સંતૃપ્ત….શીતળ કરતા દર્શન……….

collage_20170521180533472_20170521180620469

સભાની શરૂઆત- સંતો-યુવકો દ્વારા યોગીબાપા ના મહિમા નું ગાન કરતી કીર્તન આરાધના થી થઇ…………..જોઈએ કિર્તનાવલી…..ગાયક સંત અને કીર્તન ના શબ્દ….

  • પુ.કૃષ્ણસ્વરૂપ સ્વામી- યોગી યુગે યુગે પધારો…….
  • પુ.દીવ્યકીશોર સ્વામી- યોગી તારી યાદ આવે છે…..
  • પુ.યજ્ઞેશ્વર સ્વામી( તેમનો અલગ જ અવાજ…..અત્યંત કર્ણપ્રિય…જીવ ને ઝંઝોળી નાખે તેવો છે…) – એની જ્યોતિ ઝગમગ થાય……યોગી દેરી એ ખેલે….
  • પુ.આત્મવિજય સ્વામી- મેતો ગ્રહી લીધું શરણું તમારું યોગી….
  • પુ.વિવેક મુની સ્વામી- જોગીડો..દેતો દેતો ને દેતો…..
  • પુ.શુભ્કીર્તન સ્વામી- મુને વ્હાલું જોગીડા તારું મુખડું રે……..( રચયિતા….પદ્મશ્રી કવિ દુલા ભાયા કાગ)
  • પુ. પ્રેમવદન સ્વામી- ભગવાન સૌનું ભલું કરો…..ભગવાન ભજી લેવા…….યોગીજી નો જીવન મંત્ર આ ….થઇ એ યોગી જેવા…..( રચયિતા- પુ.અક્ષર જીવન સ્વામી)

અદ્ભુત……અદ્ભુત………….સતત એક કલાક સુધી સુરો માં વહેતો યોગીજી મહારાજ નો મહિમા…એ સુર-છબી અંતર માં સ્થિર થતી ગઈ….!!!

ત્યારબાદ પુ.અક્ષર વત્સલ સ્વામી એ અગત્ય ની જાહેરાત કરી….

  • એનીમેશન ડીવીડી- નીલકંઠ યાત્રા નું એડવાન્સ બુકિંગ શરુ થઇ ગયું છે…….જે આવનારી ૧૦ તારીખ પછી બધાને મળશે…પણ અહી ૨૫ મેં ના રોજ પરમ પૂજ્યં મહંત સ્વામીનીહાજરીમાં સાંજે ૬-૮ સભા માં એનું વિમોચન થશે……
  • ૨૩/૫ ના રોજ યોગી જયંતી ની વિશિષ્ટ સભા…વિશિષ્ટ સમયે – સવારે ..હા..સવારે ૬ થી ૮ દરમિયાન- પરમ પૂજ્ય મહાનત સ્વામી મહારાજ ની નિશ્રામાં યોજાશે,…સર્વે એ લાભ લેવો…..

ત્યારબાદ- પુ.આત્મસ્વરૂપ સ્વામી જેવા વિધવાન…અનુભવી સંત દ્વારા બ્રહ્મસ્વરૂપ યોગીજી મહારાજ ના જીવન પ્રસંગો પર આધારિત વક્તવ્ય રજુ થયું….જેને શબ્દો માં આલેખવું…એના કરતા રૂબરૂ સાંભળવું -એ વધારે અસરકારક છે…….છતાં હું ટૂંક માં પ્રયત્ન કરું છું…………

  • યોગીબાપા એમના વર્તન થી સાવ ભલાભોળા લાગતા પણ વાસ્તવ માં એમનું સામર્થ્ય ભગવાન જેવું હતું……એ તો આપણા ધનભાગ કે એમણે કૃપા કરી આપણ ને શિષ્ય તરીકે સ્વીકાર્યા…..
  • આફ્રિકા ના સી.ટી.પટેલ ને ત્યાં લીમડા ની ડાળ ને મીઠી કરી…..લંડન માં ચર્ચ ને મંદિર બનાવ્યું……સર્વપ્રથમ ભણેલા ગણેલા આધુનિક યુવાનો ને સાધુ બનાવ્યા……રવિસભા…બાલસભા ની શરૂઆત કરી……..અંધારિયા ના કુબેર ને જીવતો કર્યો……..કે રંક ને રાજા કર્યા…એવા તો અનેક -સાવ સત્ય….પ્રત્યક્ષ ઐશ્વર્ય એમણે બતાવ્યા હોય છતાં…એ સાવ સદા ભોળા લાગતા…રહેતા…અને બસ- પોતાની મજા મસ્તી માં સદાયે ડોલતા રહેતા………
  • એમની સૌથી મોટી ભેટ તો મહંત સ્વામી મહારાજ છે કે- જેમને મહંત પદે સ્થાપી….અનેક અતિ વિધવાન…..સાધુતા માં સર્વોપરી એવા સદ્ગુરુ સંતો ની ભેટ આપણી સંસ્થા…સત્સંગ સમાજ ને આપી…….
  • એમણે એવા સર્વોપરી સંકલ્પ કર્યા છે કે- પ્રમુખ સ્વામી મહારાજ કહેતા કે- આપણે તો કોઈ નવો સંકલ્પ કરવા નો જ નથી…..જોગીબપા કરી ગયા છે તે પુરા કરશું તો એ ઘણું છે…….
  • યોગીબાપા કહેતા કે- મહંત સ્વામી મહારાજ જેના પર સિક્કો મારે એને અક્ષરધામ માં પ્રવેશ મળે…..એમ એમનો મહિમા કહેતા…..અને આજે ગુરુપદે આવ્યા પછી મહંત સ્વામી મહારાજે ૧૦૦ થી વધુ હરિભક્તો ના સંકલ્પ મુજબ અક્ષર સુખ આપી -અક્ષરધામ નું સુખ આપ્યું છે………..એના પ્રત્યક્ષ પુરાવા છે….

અદ્ભુત…..અદ્ભુત….!!!!

સભાને અંતે વિડીયો ના માધ્યમ થી -નવી એનીમેશન ડીવીડી અને પ્રગટ અક્ષરબ્રહ્મ મહંત સ્વામી મહારાજ ના આશીર્વચન નો લાભ મળ્યો…પણ જ્યાં સત્પુરુષ સાક્ષાત -ઝરુખે દર્શન આપતા હોય ત્યાં સભા…સભાગૃહ માં બંધાઈ રહે…..??? સર્વે હરિભક્તો- ઝરૂખા આગળ દર્શન કરવા ગોઠવાઈ ગયા અને મેઘરાજા પણ દર્શન કરવા પધાર્યા હોય તેમ અમી છાંટણા કરી વરસી પડ્યા…!!!

તો- આજની સભા….યોગીજી મહારાજ ના મહિમા…એમના શિષ્યો ના મહિમા ને સમજવા ની….હૃદયસ્થ કરવા ની હતી………….અને એ કર્યા સિવાય છૂટકો જ નથી…..

જય સ્વામિનારાયણ…………

રાજ


Leave a comment

BAPS YTK વિશિષ્ટ રવિસભા- ૯/૪/૨૦૧૭

” અહિયા ૬૦ વર્ષ નું કામ …૬ માસ માં થાય છે…”


પ્રગટ અક્ષરબ્રહ્મ મહંત સ્વામી મહારાજ- સારંગપુર ના યુવક તાલીમ કેન્દ્ર ના ૬ માસ ના તાલીમ કોર્સ વિષે મહિમા ની વાત કરતા…..

બેપ્સ સંસ્થા ની મહાનતા એના સત્પુરુષ..સિદ્ધાંત …સાધુ …..અને કાર્ય દ્વારા પરખાય છે…..! અને કાર્ય..એના આયોજન ની સુવાસ તો સર્વત્ર એવી પ્રસરે છે કે……” અનુભવનારા ઝડપાયા..” ! પાંદડે પાંદડે સ્વામિનારાયણ નું નામ થાય…..કલ્યાણ નો માર્ગ જીવ માત્ર માટે ખુલ્લો રહે તે માટે – સત્પુરુષ દ્વારા આવનારી પેઢી માટે – બાલ મંડળ…કિશોર મંડળ……યુવક મંડળ…..વગેરે વિચારો કે જે આજે પ્રત્યક્ષ વટવૃક્ષ બન્યા છે….તેની ભેટ મળી. અને એમાં સારંગપુર ખાતે યુવક તાલીમ કેન્દ્ર-અને એનો પ્રસિદ્ધ ૬ માસ નો કોર્સ- બ્રહ્મસ્વરૂપ પ્રમુખ સ્વામી મહારાજ ની આજ્ઞા થી ૨૦૦૭ માં શરુ થયો…..અને આજે ૧૦૦૦ થી વધુ યુવાનો…..તેમાં તાલીમ લઇ – દુનિયા ના છેક છેવાડા સુધી – સ્વામિનારાયણ નું નામ અને સર્વોપરી અક્ષર પુરુષોત્તમ સિદ્ધાંત ના ડંકા ગજવી રહ્યા છે…! અને હવે તો એ તાલીમ કેન્દ્ર માં જગ્યા ઓછી પડે છે…!!!!!  યુવકો…..આ મોકો ચૂકવા જેવો નથી..!

તો ઉનાળો ચાલુ થઇ ગયો છે….પણ ઠંડા પવન સાથે..! અને ઠાકોરજી ના આજ ના દર્શન જોઇને તો ગાવા નું મન થાય… ” ફૂલ ની બાંધી રે ..પોંચી ફૂલ ની બાંધી……..ઓલા નટવરજી ને હાથે પોંચી ફૂલ ને બાંધી…”..તો તમે પણ આજ ના અદભુત દર્શન કરો…..

collage_20170409173207937_20170409173239523.jpg

ત્યારબાદ -પુ.શુભકીર્તન સ્વામી અને યુવકો દ્વારા સ્વામિનારાયણ ધુન્ય થઇ…..અને બ્રહ્માનંદ સ્વામી રચિત કીર્તન…” મનમાની…મોહન તારી મૂર્તિ રે……” રજુ થયું……….

એ પછી…..YTK ( યુવક તાલીમ કેન્દ્ર)  નો પરિચય આપતો વિડીયો રજુ થયો…..જેનો લગતો વિડીયો નીચેની લિંક દ્વારા જોઈ શકાશે…..

ત્યારબાદ પુ.વિવેક્મુની સ્વામી એ -૨૦૦૭ માં સત્પુરુષ ની આજ્ઞા થી શરુ થયેલા આ કેન્દ્ર વિષે…તેના વિકાસ….સદગુરુ ઓ ના મંતવ્ય…..મહંત સ્વામી મહારાજ ના આશીર્વાદ ….ત્યાં આગળ કેવી તાલીમ અપાય છે……એનો મહિમા શું છે…તે વિષે ઊંડાણ પૂર્વક માહિતી મળી……અને એ જ અનુભવ…YTK માં તાલીમ લઇ ચુકેલા યુવકો ની ગોષ્ઠી દ્વારા …..તેમના વાલી ઓ ના મંતવ્ય દ્વારા મળ્યા….! જેનો સારાંશ હતો…….

  • આ તાલીમ કેન્દ્ર થી થયેલું જીવન પરિવર્તન……તાલીમ કેન્દ્ર માં આવ્યા પહેલા – યુવકો ના વર્તન-ગુણ- સત્સંગ માં દ્રઢતા….ઉપાસના-સિદ્ધાંત-સત્પુરુષ વિષે ની અજ્ઞાનતા હતી તે અહી આવ્યા પછી દુર થઇ….
  • સત્પુરુષ ની કરુણા નો તાદ્રશ્ય અહી અનુભવ થયો…..હરપળ પ્રમુખ સ્વામી મહારાજ ના આશીર્વાદ….મહંત સ્વામી મહારાજ ના આશીર્વાદ નીઓ..માર્ગ દર્શન નો….મોટેરા સંતો ના માર્ગ દર્શન નો લાભ મળ્યો….
  • સંપ….સુહર્દભાવ…..ટીમ વર્ક……માં કઈ રીતે કામ કરાય…; બીજા ના ભલા માં આપણું ભલું…..અન્ય ના ભલા માટે કઈ રીતે જીવવું….અનેક વિઘ્નો વચ્ચે કઈ રીતે સ્થિર રહેવું……..એ સર્વે અહી શીખવા મળ્યું…….
  • પ્રગટ અક્ષરબ્રહ્મ મહંત સ્વામી મહારાજ કહે છે એમ- ૬૦ વર્ષે …કોટી કષ્ટ વેઠ્યા પછી જે પ્રાપ્તિ જીવ ને થાય…એ પ્રાપ્તિ અહી…માત્ર ૬ માસ માં થાય છે…..!

ત્યારબાદ જેમણે યુવકો ની સત્સંગ કેળવણી માં જેણે ખુબ નજીક થી ફાળો આપ્યો છે એવા પુ. યજ્ઞપ્રિય સ્વામી એ પણ YTK વિષે પોતાનું પ્રાસંગિક પ્રવચન આપતા કહ્યું કે…..

  • યુવાની માં જો “ગતિ” ને કોઈ યોગ્ય “દિશા” ન મળે તો તેનું જીવન ભટકી જાય છે…….જીવન અર્થહીન બની જાય છે……
  • સારંગપુર જેવા અતિ પવિત્ર..દિવ્ય વાતાવરણ માં યુવકો અહી રહી જે તાલીમ મેળવે છે….તે પોતાની નજરે તાદ્રશ્ય અનુભવ કરી ને સમજે છે કે – જીવન માં આમૂલ પરિવર્તન કઈ રીતે આવે…..
  • ૬ માસ ની આ ટ્રેનીંગ માં- યુવક નું જીવન – સકારાત્મક થઇ જાય છે…..જીવન ના ધ્યેય…સત્સંગ ના ધ્યેય……ભક્તિ- જ્ઞાન ની મહત્તા ..સત્પુરુષ શ્રીજી નો મહિમા સમજાય છે…દ્રઢ થાય છે……જેના થી એ યુવક ભલે દુનિયામાં કોઈ પણ ખૂણે પહોંચે – એ સત્સંગ-નિયમ-ધર્મ માં થી પાછો નથી પડતો…….
  • ૬ માસ તો આપણા જીવન નો ૧% થી પણ ઓછો સમય છે…..પણ આ ૧% નો સમય જો યુવક તાલીમ કેન્દ્ર માં યુવકો આપે તો- બાકી ના ૯૯% જીવન સુધરી જાય છે……

અદભુત…..અદભુત……..! યુવક તાલીમ કેન્દ્ર નો આ મોકો- ગુમાવવા જેવો નથી જ…!

સભા ને અંતે અમુક જાહેરાત થઇ……

  • યુવક તાલીમ કેન્દ્ર માં પ્રવેશ માટે ના ફોર્મ્સ મળવા ના-સ્વીકારવા ના શરુ થઇ ગયા છે……આવતા રવિવાર સુધી માં આ કામ ખટકો રાખી કરી લેવું….વધુ માહિતી માટે મંદિર નો સંપર્ક કરવો…..સંતો ને મળવું….
  • આનંદો અમદાવાદીઓ…આનંદો….!  પ્રગટ બ્રહ્મસ્વરૂપ મહંત સ્વામી મહારાજ નો રાજીપો અમદાવાદ પર વિશેષ છે…….કેમ??? જુઓ નીચેના ફોટોઝ……ઉત્તર મળી જાશે….

20170409_191719

20170409_191810

તો- યુવકો……..આ સુવર્ણ મોકો રમત માં ગુમાવવા જેવો નથી…….! યુવક તાલીમ કેન્દ્ર – તમારા ભવિષ્ય માટે એક ઉજ્જવળ માર્ગ લઇ ને આવ્યું છે……..જો બુદ્ધિ થી વિચારી એ કે- શ્રદ્ધા થી….પણ આ માર્ગ જ તમાર માટે સર્વોત્તમ છે….એ સમજી રાખજો..!

જય સ્વામિનારાયણ…..

રાજ


Leave a comment

BAPS રવિસભા -૨૬/૩/૨૦૧૭

બામણગામના વિચરણની વાત છે. વૈશાખ મહિનાના સખત તાપમાં સ્વામીશ્રી બપોરે ત્રણ વાગે પધરામણીઓ કરી રહ્યા હતા. વિચરણમાં હું સાથે હતો. એ ગામ ઊંચાણ-નીચાણના ઢોળાવોવાળું છે. પધરામણીઓમાં ઢોળાવો ચઢવા-ઊતરવામાં કસ નીકળી જતો. સ્વામીશ્રી એક ટેકરો ચઢી રહ્યા હતા. હાંફ ચડ્યો હતો. પગની પિંડીઓમાં કળતર થતું હોય તેવું મને લાગ્યું. એટલે મને તેમને માટે દયા આવી, આટલો ભીડો આ ઉંમરે શા માટે ?? હવે એમણે આરામ કરવો જોઈએ…
ત્યાં તો તરત સ્વામીશ્રીએ મારી સામું જોયું ને જરા હસ્યા……… મને થયું, આ કાંઈ હસવાની વાત છે? આપના દેહના ચૂરેચૂરા થઈ રહ્યા છે, અને આપ હસો છો? મને થયું કે હમણાં સ્વામીશ્રી આ ચઢવામાં કઠિન ટેકરાઓની વાત કરશે પરંતુ એવામાં સ્વામીશ્રી કહે, ‘અહીં બધે યોગીબાપાએ પધરામણી કરેલી છે!!’
અરે! પોતાનું લેશ પણ અનુસંધાન નહીં! ગુરુ સામે જ એમની નજર છે……… એમને રાજી કરી લેવાનો જ એમનો વિચાર છે. પોતાના-દેહની કોઈ દયા જ નથી ! નોકરની જેમ કસ કાઢે છે……… આવી રીતે દેહથી પર થઈને આખા સત્સંગ સમુદાયમાં દરેકની સેવા કરી છૂટ્યા છે, એ મારો પોતાનો પ્રત્યક્ષ અનુભવ છે……..


પ્રગટ અક્ષરબ્રહ્મ મહંત સ્વામી મહારાજ -પોતાના ગુરુ પ્રમુખ સ્વામી મહારાજ વિષે..

આજે અમદાવાદ ને આંગણે -અમદાવાદ પૂર્વ વિસ્તાર ના હરિભક્તો માટે -બ્રહ્મસત્ર નો અદભુત લ્હાવો-પુ.અપૂર્વમુની સ્વામી જેવા તેજસ્વી સંત ને મુખે મળ્યો……સતત ૬ કલાક નું પ્રવચન અને પછી નો એક કલાક – રવિસભા માટે એમણે ફાળવ્યો….અને બ્રહ્મસ્વરૂપ પ્રમુખ સ્વામી મહારાજ ના સદગુણો ની ગાથા જેમ જેમ રેલાતી ગઈ તેમ તેમ ગુણાતીત ની સુગંધ સર્વ હરિભક્તો ને તરબતર કરતી ગઈ…! ઉપરોક્ત પ્રસંગ…એક ગુણાતીત ગુરુ દ્વારા પોતાના ગુણાતીત ગુરુ ના ગુણો નું વર્ણન….જીવ ના કલ્યાણ નો માર્ગ…મહિમા સૂચવે છે….! જેમ જેમ ગુણાતીત પુરુષ ના ગુણો આપણ ને સમજાતા જાય …જીવ માં દ્રઢ થતા જાય તેમ તેમ..જીવ પણ એ માર્ગે બ્રહ્મરૂપ થતો જાય…!

..ઉનાળો હવે દસ્તક દઈ રહ્યો છે……પણ સત્સંગ વધતો જ રહેશે……સમયસર સભામાં પહોંચી જ જઈશું…..અને જીવ ને ભક્તિ માં તરબોળ કરી દઈશું….! તો ચાલો કરીએ આજ ના દર્શન….

collage_20170326172518913_20170326172647478

સભાની શરૂઆત યુવકો દ્વારા સ્વામિનારાયણ ધુન્ય થી થઇ…..પછી યુવક મિત્રો દ્વારા કીર્તન નો લાભ મળ્યો……બ્રહ્માનંદ સ્વામી રચિત કીર્તન..”મનમોહન તારી મૂર્તિ મનમાની રે..” રજુ થયું…પુ.કૃષ્ણ સ્વરૂપ સ્વામી દ્વારા નિષ્કુળાનંદ સ્વામી રચિત..”સાચે સાચું કહેશું…..” અને યુવકો દ્વારા પુનઃ એક કીર્તન..”વ્હાલું લાગે મોહન મુખ તારું…”(રચયિતા બ્રહ્માનંદ ) રજુ થયું………અને પછી એ જ કીર્તન નું પ્રગટ પ્રમાણ સ્વરૂપ એટલે ગુણાતીત સત્પુરુષ- મહંત સ્વામી મહારાજ ના હાલ ના આફ્રિકા ખાતે ના વિચરણ નો અદભુત વિડીયો રજુ થયો…..જે નીચેની લિંક દ્વારા જોઈ શકાશે…..

ત્યારબાદ જેની રાહ જોવાતી હતી -તે પુ.અપૂર્વમુની સ્વામી જેવા વિધવાન ..તેજસ્વી વક્તા સંત દ્વારા “બ્રહ્મ સ્વરૂપ પ્રમુખ સ્વામી મહારાજ ના સદગુણો” પર અદભુત પ્રસંગો ના વિવરણ સાથે રસપ્રદ પ્રવચન થયું…..! જોઈએ સારાંશ….

  • આપણી સંસ્થા નો મૂળભૂત ….પાયા નો પ્રેરણાત્મક (motivational) શબ્દ હોય તો તે છે ..રાજીપો…….- રાજીપો શ્રીજી નો…રાજીપો….સત્પુરુષ નો…..રાજીપો સંતો નો..રાજીપો હરિભક્તો નો..! પ્રત્યેક ક્રિયામાં…પ્રત્યેક કાર્ય માં ભગવાન ના રાજીપા નો વિચાર જ સર્વ કાર્ય ને સફળ બનાવે છે…..
  • પણ સામાન્ય જીવ ને આ રાજીપા નો વિચાર સમજાતો નથી…એ જેટલા સુખી થવા નો પ્રયત્ન કરે છે…તેટલા જ દુખ ના પરિબળ વધતા જાય છે….
  • સામાન્ય જીવ નું વર્તન….સુખ દુખ ની વ્યાખ્યા ઓ દેશકાળ પ્રમાણે બદલાય…જયારે- સત્પુરુષ એ દરેક સ્થિતિ માં…દેશકાળ માં એક રંગ રહે છે…સમ રહે છે…સ્થિર રહે છે…….પ્રમુખ સ્વામી મહારાજ સમગ્ર જીવન- માn-અપમાન …અત્યંત વિષમ સ્થિતિ હોય કે સુખ..બધામાં સ્થિર રહ્યા હતા….
  • જીવ ને પૂર્વગ્રહ નડે….સ્વભાવ નડે……અપેક્ષાઓ નડે…..પ્રતિષ્ઠા માટે ના કાવાદાવા નડે…..મન નું ધાર્યું કરવા શ્રીજી- સત્પુરુષ ની આજ્ઞા નો થતો લોપ નડે…….અને પરિણામે એને દુખ આવે છે…
  • જયારે સત્પુરુષ નું સમગ્ર જીવન જ- બીજા ના સુખ માં આપણું સુખ….ભગવાન અને ગુરુ ના રાજીપા માં જ પોતાનો રાજીપો- એમ સમજાય…….પોતાના મન નું તો એ કરતા જ નથી…..જીવ ના અવગુણ સામે જોતા જ નથી…અને ધીરજ રાખી…..જીવ ને સુધરવા ના અનેક તક આપે છે…..
  • સામાન્ય રીતે જીવ ત્રણ પ્રકાર ના હોય છે……૧) બ્લોટિંગ પેપર જેવા…જે નાનકડી સમસ્યાઓ ને પણ મોટું સ્વરૂપ આપી રડ્યા કરે છે……૨) ડ્રોઈંગ પેપર જેવા- જે શરુ શરુ માં મુશ્કેલીઓ સામે ટકી રહે છે….પણ જેમ જેમ મુશ્કેલીઓ વધે તેમ તેમ પોતાનું બગડેલું સ્વરૂપ દેખાડે છે….. ૩) પ્લાસ્ટિક પેપર જેવા…કે જેને કોઈ રંગ..કોઈ પાણી …કોઈ ડાઘ બગાડી શકતો નથી……
  • માટે જ સત્પુરુષ જે માર્ગે ચાલ્યા છે..તે માર્ગે આપણે ચાલીએ…તેમના ગુણ આપણા જીવન માં ઉતારીએ…..જીવન જીવવા ની પધ્ધતિ બદલીએ…..અને જે મહિમા આપણ ને સમજાયો છે…તે અન્ય ને પણ સમજાવીએ…..

અદભુત…..અદભુત…! આ તો સારાંશ માત્ર લખ્યો છે…પણ સાચી મજા તો અપૂર્વમુની સ્વામી ને લાઈવ સાંભળવા માં છે……..! આવતા રવિવારે પણ અમદાવાદ પશ્ચિમ વિસ્તાર ના હરિભક્તો માટે બ્રહ્મ સત્ર છે……આજે લગભગ ૯૦૦૦+ હરિભક્તો એ લાભ લીધો હતો અને આવતા રવિવારે કદાચ આનાથી પણ વધુ હરિભક્તો રહેશે….! પાસ હજુ મળે છે……જે સત્વરે લઇ લેવા….અને હા….આ મોકો ચૂકવા જેવો નથી જ…!

વળી- ૨૯/૩- મહિલા દિન ની ઉજવણી છે…….અને રવિવાર- ૨ જી એપ્રિલ -રવિસભા – શ્રીહરિ જયંતી ની પ્રતિક સભા તરીકે ઉજવાશે…પુ.અપૂર્વમુની સ્વામી લાભ આપવા ના છે..!

તો- બસ- શ્રીજી- સત્પુરુષ ના રાજીપા નો વિચાર હરપળ રાખવો…..જો એ હશે તો- સત્સંગ તો આપોઆપ થશે..!

જય સ્વામિનારાયણ….

રાજ


Leave a comment

BAPS રવિસભા -૫/૪/૨૦૧૭

 

“….પછી શ્રીજીમહારાજે એમ વાર્તા કરી જે,

“જેના હૈયામાં ભગવાનની ભક્તિ હોય તેને એવી વૃત્તિ રહે જે, ‘ભગવાન તથા સંત તે મને જે જે વચન કહેશે તેમ જ મારે કરવું છે;’ એમ તેના હૈયામાં હિંમત્ય રહે………. અને, ‘આટલું વચન મારાથી મનાશે અને આટલું નહીં મનાય,’ એવું વચન તો ભૂલ્યે પણ ન કહે……….. અને વળી ભગવાનની મૂર્તિને હૈયામાં ધારવી તેમાં શૂરવીરપણું રહે……….. અને મૂર્તિ ધારતાં ધારતાં જો ન ધરાય તો પણ કાયર ન થાય અને નિત્ય નવી શ્રદ્ધા રાખે. અને મૂર્તિ ધારતાં જ્યારે ભૂંડા ઘાટ-સંકલ્પ થાય અને તે હઠાવ્યા હઠે નહીં, તો ભગવાનનો મોટો મહિમા સમજીને પોતાને પૂર્ણકામ માનીને તે સંકલ્પને ખોટા કરતો રહે અને ભગવાનના સ્વરૂપને હૈયામાં ધારતો રહે…………… તે ધારતાં ધારતાં દસ વર્ષ થાય અથવા વીસ વર્ષ થાય અથવા પચીસ વર્ષ થાય અથવા સો વર્ષ થાય તો પણ કાયર થઈને ભગવાનના સ્વરૂપને ધારવું તે મૂકી દે નહીં; કેમ જે, શ્રીકૃષ્ણ ભગવાને ગીતામાં કહ્યું છે જે, ‘અનેકજન્મસંસિદ્ધસ્તતો યાતિ પરાં ગતિમ્ ।’ તે માટે એમ ને એમ ભગવાનને ધારતો રહે………….. એવું જેને વર્તતું હોય તેને એકાંતિક ભક્ત કહીએ.”’ તે માટે એમ ને એમ ભગવાનને ધારતો રહે. એવું જેને વર્તતું હોય તેને એકાંતિક ભક્ત કહીએ……..”

——————————–

વચનામૃત-ગઢડા પ્રથમ-૧૫

ભગવાન ને હૃદયમાં ધારવા ..એના થી મોટી પ્રાપ્તિ બીજી કોઈ નથી…એવું શાસ્ત્રો કહે છે….ગુણાતીત પુરુષો કહે છે અને સ્વયમ શ્રીજી કહે છે…..પણ ભગવાન ની મૂર્તિ ને અખંડ અંતર માં ધારવી….એ સહજ તો નથી જ….તો કઈ રીતે આ શક્ય બને??? તેનો ઉત્તર આજની રવિસભામાં હતો……! સત્પુરુષ ની આ નિત્ય …સતત ક્રિયા ને સમજી ને તેને આપણે કઈ રીતે આપણા જીવન માં ઉતારી શકીએ એ પર આજની સભા હતી.

હમેંશ ની જેમ સમયસર સભામાં પહોંચી ગયા….સર્વ પ્રથમ શ્રીજી ના અદભુત દર્શન હૃદય માં ..એ મનમોહક મૂર્તિ ને ધારી ને કરવામાં આવ્યા……

collage_20170305172720209.jpg

સભાની શરૂઆત પુ.પ્રેમવદન સ્વામી ના કર્ણપ્રિય સ્વર માં “ સ્વામિનારાયણ ..ભજમન સ્વામિનારાયણ નામ..” ધુન્ય દ્વારા થઇ …અને ત્યારબાદ તદ્દન નવા જ ( પણ પ્રેમાનંદ …મુક્તાનંદ જેવા નંદ સંતો રચિત ) કીર્તન સાંભળવા મળ્યા…..” આવો મારા મીઠડા બોલા રે….” અને “હરિગુણ ગાતા ..દુરીજનીયા નો ધડક મનમાં ન ધારીએ..” ..કીર્તન ના શબ્દો ગહન હતા……..! ભગવાન નો મારગ પકડ્યા પછી પાછું ન વળવા નું હોય…….ભલે ને લાખ વિઘ્ન આવે…

ત્યારબાદ પુ. વૈરાગ્યનિધિ સ્વામી એ બ્રાહ્મ સ્વરૂપ પ્રમુખ સ્વામી મહારાજ ના જીવન પ્રસંગ પર આધારિત “ સત્સંગ માં દિવ્યભાવ….નિર્દોષ ભક્તિ અને મહિમા” વિષય પર પ્રવચન કર્યું……! એમણે વિવિધ પ્રસંગો ની વાત કરતા કહ્યું કે…..સત્સંગી માત્ર પર દિવ્યભાવ ..નિર્દોષભાવ….મહિમા સભર દ્રષ્ટિ એ સ્વામીશ્રી નું અંગ હતા…..એમણે સદાયે ભગવાન અને પોતાના ગુરુઓ નો મહિમા લેશ માત્ર પણ ઓછો થવા દીધો નથી….! કોઈ પણ કાર્ય હોય કે સિદ્ધિ હોય…પણ એનો સઘળો યશ એ ભગવાન અને ગુરુ ને જ આપતા….! જીવન ની કોઈ પણ ક્રિયા હોય…….ભગવાન સદાયે આગળ હોય……પોતાને કારણે કોઈ કાર્ય થયું છે…એવું તો સહેજે માનતા જ નહોતા…! ..અને ભગવાન કે મોટા પુરુષ નું કોઈ પણ ચરિત્ર હોય…તે સદાયે દિવ્ય જ હોય…..એમ સમજતા…અને સમજાવતા……! આપણે પણ એ જ કરવા નું છે……આપણે તો માત્ર નિમિત્ત બની- ગુરુ અને ભગવાન ના સંકલ્પ ને પૂર્ણ કરવામાં સાધન રૂપ થવાનું છે…….!

ત્યારબાદ પ્રગટ અક્ષરબ્રહ્મ ગુરુહરિ મહંત સ્વામી મહારાજ ના પુણે મંદિર મૂર્તિ પ્રતિષ્ઠા મહોત્સવ – ના વિચરણ-વિડીયો દર્શન નો લાભ મળ્યો…..જે નીચેની લિંક દ્વારા જોઈ શકાશે…..

 

ત્યારબાદ ગઢડા પ્રથમ-૧૫ ના વચનામૃત પર આધારિત પ્રવચન નો લાભ કોઠારી પુ.આત્મ કીર્તિ સ્વામી દ્વારા સભાને મળ્યો……જોઈએ એના અમુક અંશ….

  • આ વચનામૃત…કઈ રીતે આદર્શ ભક્ત બનાય…કઈ રીતે ઉત્તમ ભક્તિ કરાય?? એના ઉત્તરો પ્રસ્તુત કરે છે…..
  • જેના અંતર માં ભગવાન સદાયે બિરાજમાન હોય તે…એક રતીભર પણ ભગવાન ની આજ્ઞા નો લોપ ન કરે…….નિયમ-ધર્મ નો ભંગ ન કરે…..
  • ભગવાન ને હૈયામાં…અંતરમાં…હૃદય માં ધારી ને ભક્તિ કરવા નો ગુણ ગુણાતીત પુરુષો માં જોવામાં મળે છે…..અને એટલે જ મહારાજ – ગુણાતીત પુરુષ ને વશ વર્તે છે….જેનો અનુભવ આપણે બધાએ અનેક પ્રસંગો એ કર્યો છે…..અને એવા જ અનુભવ આજે પ.પુ.મહંત સ્વામી મહારાજ દ્વારા પણ જોવા મળે છે……રીવરફ્રન્ટ ,અમદાવાદ પર યોજાયેલા પ્રસંગ માં ઠંડા વાતાવરણ ના ચમકારા …તેજ હવાઓ મહંત સ્વામી મહારાજ ના સંકલ્પ બળ થી જ ..અસ્ત પામી હતી….પ્રસંગ ને કઈ પણ વિઘ્ન પહોંચાડી શકી ન હતી…..
  • મહંત સ્વામી મહારાજ એક વાત –અનેક વાર કહી ચુક્યા છે કે – જેમ પ્રમુખ સ્વામી મહારાજે – શ્રીજી ને અંતર માં અખંડ ધાર્યા હતા…તેમ જ આપણે પણ શ્રીજી ને હૃદય માં અખંડ ધરવા ના છે……અને જો એમ થશે તો- દરેક માં ભગવાન દેખાશે…..દરેક હરિભક્ત – એક બ્રહ્મ ની મૂર્તિ સમાન લાગશે…..કોઈ નો પણ અભાવ-અવગુણ નહિ….
  • યોગીબાપા તો કહેતા કે- ભગવાન ને હૃદય માં ધારવા..એના થી મોટી સેવા બીજી કોઈ નથી……..પણ શ્રીજી ને હૃદય માં ધારવા કઈ રીતે??? હૃદય ને શુદ્ધ કર્યું છે?? એ નિરંતર પાછું વળી ને જોવું…..
  • સારંગપુર-૧૧ ના વચનામૃત માં શ્રીજી એ જ કહે છે કે……

“જો ખબડદાર થઈને મંડે તો આ ને આ દેહે જ સર્વે કસર મટી જાય. અથવા દેહ પર્યંત કસર ન મટી હોય અને અંત સમે જ નિર્વાસનિક થાય ને ભગવાનને વિષે અતિશય પ્રીતિ થાય તો અંતકાળે પણ ભગવાનની કૃપા થાય ને ભગવાનના ધામને પામે. માટે એક દેહે અથવા અનંત દેહે અથવા અંત સમે એક ઘડી મૃત્યુ આડી રહી હોય ત્યારે પણ જો અતિશય ભગવાનને વિષે વૃત્તિ જોડાઈ જાય તો તે ભક્તને કોઈ જાતની કસર રહેતી નથી.”…..

  • સારંગપુર-૨ માં કુશળકુંવર બા નું ઉદાહરણ આપતા શ્રીજી કહે છે કે –જો એકવાર ભગવાન યથાર્થ ઓળખાય પછી એકદ્રષ્ટિએ કરીને મૂર્તિને જોતે જવું અને દ્રષ્ટિ પલટીને અંતરમાં તેવી ને તેવી તે મૂર્તિને ઉતારવી…….તો છતે દેહે ભગવાન ની મૂર્તિ નું સુખ મળે…..
  • હૃદય માં જગત ને ન રાખવું….પણ ભગવાન ને રાખવા……અને જે પુરુષ માં આવી ક્રિયા જોવા મળે તેનો સંગ કરવા થી –એવા જ ગુણ આપણા માં પણ આવે….( વચનામૃત-ગઢડા અંત્ય-૧૪) અને જીવ બ્રહ્મ રૂપ થાય….
  • પણ હૃદય માં ભગવાન ને જયારે અંદર ઉતારવા નું શરુ કરી એ ત્યારે અનંત જન્મ નો ચોંટેલો “વિષય રૂપી…ભૂંડા ઘાટ રૂપી કચરો” ઉખડી ને બહાર આવે છે,…પણ તેનાથી ડગી ન જવું…મંડ્યા રહેવું……આજે નહિ તો કાલે…..કાલે નહિ તો અનંત જન્મે પણ હૃદય માં ભગવાન બિરાજમાન થશે અને જીવ બ્રહ્મ રૂપ થઇ પરબ્રહ્મ ને પામશે…..
  • બ્રહ્મસ્વરૂપ ભગતજી મહારાજ ની જેમ સર્વ ભક્ત-સંત ને બ્રહ્મ ની મૂર્તિ જ સમજવી…..પ્રમુખ સ્વામી મહારાજ કહેતા એમ-અંતર માં સદાયે સત્પુરુષ ને રાખવા…ભગવાન ને રાખવા…..તો સહેજે ડગમગ થાય નહિ…….અને એકાંતિક ભક્તિ થાય….

અદભુત……અદભુત………….! જાણે કે સર્વ સત્સંગ નો સાર અહી આવી ગયો…! શ્રીજી ને અખંડ અંતર માં ધારવા છે……એ જ ધ્યેય રાખવો…!

ત્યારબાદ સભાને અંતે અમુક જાહેરાતો થઇ….

  • બ્રહ્મસત્ર આવે છે…….સંપર્ક કાર્યકરો તમારે ઘરે આવશે…..અચૂક રજીસ્ટ્રેશન કરાવવું…….આવો મોકો ફરી થી મળશે નહિ….
  • આંતર રાષ્ટ્રીય મહિલા દિન નિમિત્તે ૮ થી ૨૫ –માર્ચ- બેપ્સ યોગીજી મહારાજ હોસ્પિટલ દ્વારા મહિલા ઓ માટે ખાસ રાહત દરે સ્ત્રી રોગ-કેમ્પ નું આયોજન કર્યું છે…..
  • પ.પુ.મહંત સ્વામી મહારાજ- પુનઃ અમદાવાદ ના હરિભક્તો ને લાભ આપવા ૧૪-થી-૧૭-માર્ચ પધારી રહ્યા છે……સવારે એમના દર્શન નો લાભ મળશે……..

તો-આજ ની સભા અદભુત હતી……..એકાંતિક ભક્ત કઈ રીતે થવાય……શ્રીજી ને હૃદય માં કઈ રીતે અખંડ રખાય……બ્રહ્મરૂપ કઈ રીતે થવાય …એના પર હતી……!

જય સ્વામિનારાયણ

રાજ