Raj Mistry's world

Me,my stories and world around….


Leave a comment

BAPS રવિસભા-૦૮/૧૦/૨૦૧૭

“….સંપ,સુહ્રદભાવ અને એકતા…..એ જ અંતર્દ્રષ્ટિ…….એ હોય તો જ સત્સંગ માં રહેવાય…..”


બ્રહ્મસ્વરૂપ યોગીજી મહારાજ

પ્રગટ અક્ષરબ્રહ્મ મહંત સ્વામી ગુરુપદે બિરાજમાન થયા અને સત્સંગ ના સંપોષણ….સંવર્ધન માટે અસ્ખલિત …અતિ કઠીન વિચરણ યાત્રા શરુ કરી ત્યાર થી એમના મુખ પર એક જ વાત રમે છે…સંપ…સંપ…!!! સંપ નું આટલું બધું મહત્વ શા માટે??? જે સંપ નો મહિમા જાણે તે સમજે……કે સંપ…..- સંસાર હોય કે સત્સંગ…એનો શું મહિમા છે??? પુ.બ્રહ્મ વિહાર્રી સ્વામી કે જે- અમેરિકા માં પ્રગટ અક્ષરબ્રહ્મ ના વિચરણ માં જઈ ને આવ્યા છે..તેમણે પોતાના અનુભવ કહ્યા ..અને સમગ્ર સભાને જણાવ્યું કે – ગુણાતીત ચિરંજીવી છે…..એમના કાર્યો…એમના દાખડા….એમનો રાજીપો જ એમનું સ્વરૂપ છે……જે યોગીજી મહારાજ ને પ્રિય હતું…..જે પ્રમુખ સ્વામી મહારાજ ને વહાલું હતું..એ જ આજે મહંત સ્વામી મહારાજ માટે છે…..માત્ર રૂપ બદલાયું છે……કાર્ય પધ્ધતિ બદલાઈ છે…પણ સ્વરૂપ તો એ જ છે…! એટલા માટે જ સત્સંગ આજે પણ એટલો અઢળક છે..અને રહેશે…!

આજની સભાની શરૂઆત…………જગત ના નાથ ના દર્શન થી……..

This slideshow requires JavaScript.

સભાની શરૂઆત- પુ.પ્રેમવદન સ્વામી અને યુવકો દ્વારા ધુન્ય અને કીર્તન થી થઇ….બ્રહ્માનંદ સ્વામી રચિત…..” હરિવર હીરલો રે…..” કૈક અલગ જ રાગ માં રજુ કર્યું….અદ્ભુત…!!! ત્યારબાદ પ્રેમાનંદ સ્વામી રચિત કીર્તન…” મન વસિયો રે મારે મન વસિયો……” અને મુક્તાનંદ સ્વામી રચિત અદ્ભુત કીર્તન…..” અનુભવી આનંદ માં ..બ્રહ્મરસ ના ભોગી…..રે..” રજુ કર્યું…..

પછી તાજેતર માં જ – પ્રગટ અક્ષરબ્રહ્મ મહંત સ્વામી મહારાજ ની આજ્ઞા થી- સદ્ગુરુ સંતો – પુ. ત્યાગવલ્લભ સ્વામી અને પુ. કોઠારી ભક્તિપ્રિય સ્વામી ની નિશ્રામાં આપણા સંતો ના બે ગ્રુપ વારાફરતી -ચારધામ ની યાત્રા કરી આવ્યા……નીલકંઠ વરણી રૂપે શ્રીજી મહારાજે જે અતિ કઠીન વિચરણ એ ચાર ધામ તીર્થો માં કર્યું હતું..તેની યાત્રા-દર્શન સંતો કરી આવ્યા…..એના સંસ્મરણ -સભા સાથે વહેંચતા પુ.વિવેક મુની સ્વામી એ – ફોટોગ્રાફસ ની મદદ થી દરેક તીર્થ ધામ અને એના મહિમા વિષે જણાવ્યું…!!! અદ્ભુત……અદ્ભુત…! પૂર્વ પ્રધાનમંત્રી શ્રી ગુલઝારીલાલ નંદા એ પોતાના ગુરુ બ્રહ્મ સ્વરૂપ શાસ્ત્રીજી મહારાજ નો મહિમા – છેક ઉત્તરાખંડ સુધી પહોચાડ્યો……કાત્યાની દેવી( પાંડવો ની કુળદેવી) ના પ્રાચીન મંદિર માં પણ શાસ્ત્રીજી મહારાજ ની અને અક્ષર પુરુષોત્તમ મહારાજ ની પાંચ મૂર્તિ ની સ્થાપના એમણે કરી હતી…એના દર્શન સૌ કોઈએ કર્યા…! ૧૯૮૭ માં ૩૦૦ થી વધુ સંતો ને લઈને પ્રમુખ સ્વામી મહારાજ -ચારધામ યાત્રા એ ગયેલા…..એની સ્મૃતિ અને બાપા ની હાજરી -એમનો મહિમા-નો અનુભવ બધા સંતો ને આ યાત્રા માં થયો…!

ત્યારબાદ – પ.પુ.મહંત સ્વામી મહારાજ ના લંડન -નીસ્દન મંદિર ખાતે ના વિચરણ ( ૨૩/૦૯/૨૦૧૭) દર્શન ના વિડીયો નો લાભ સૌને મળ્યો…….સવારે ૫-૩૦ વાગ્યે કડકડતી ઠંડી માં – વિશાલ સભાખંડ ખીચોખીચ ભરેલો હોય…..નાના નાના બાળકો પણ એ પ્રાત: પૂજા ની સભામાં આવતા હોય તેનાથી – મોટી નિષ્ઠા ની પ્રતીતિ …સત્પુરુષ ના ખેંચાણ ની પ્રતીતિ કઈ હોઈ શકે???

ત્યારબાદ પુ.બ્રહ્મ વિહારી સ્વામી કે જે – હાલ માં જ અમેરિકા અને લંડન ખાતે ના – સ્વામીશ્રી ના આ અદ્ભુત વિચરણ નો લાભ લઈને પરત ફર્યા છે..તેમની ધારદાર વાણી માં- એ અનુભવામૃત નો લાભ સર્વે ને મળ્યો…વિષય હતો…” સંપ..સુહ્રદ ભાવ અને એકતા નો મહિમા” …અદ્ભુત પ્રવચન……જોઈ એ સારાંશ….

  • મહંત સ્વામી મહારાજે – ગુણાતીત પરંપરા ની જેમ પોતાના દેહ ની પરવા કર્યા વગર અતિ કઠીન વિચરણ ચાલુ જ રાખ્યું છે……જેનો હેતુ…હરિભક્તો માં – પ.પુ.પ્રમુખ સ્વામી મહારાજ ની સ્મૃતિ ને ઓર મજબુત કરવા નો છે…….સદાયે તાજી રાખવા નો છે…
  • આપણો સંપ્રદાય..આપણી સંસ્થા પ્રગટ ની છે…….શ્રીજી એ પણ કહ્યું છે કે- એ સદાયે પ્રગટ રહે છે……માટે સમજણ અગત્ય ની છે..આ વાત ની પ્રતીતિ અગત્ય ની છે….કોઈ પૂછે તો કહેવાય કે- પ્રમુખ સ્વામી મહારાજ ની સાચી સિદ્ધિ કઈ…તો કહેવાય કે- એક પત્ર માત્ર થી લાખો હરિભક્તો -સંતો સહજ માં મહંત સ્વામી મહારાજ માં જોડાઈ જાય…….
  • આપણા ગુરુમુખી સંપ્રદાય માં….ખાસિયત એ છે કે- અહી એક વિચાર…એક ગુરુ…એક રૂચી છે…….જે ભક્તો નું ખેંચાણ પ્રમુખ સ્વામી મહારાજ પ્રત્યે હતું…એવું જ આજે મહંત સ્વામી મહારાજ માં છે..એની સર્વે ને પ્રતીતિ ડગલે ને પગલે થાય છે…..અમેરિકા અને લંડન જેવા પ્રદેશો માં – સવારે ૫-૩૦ ઉઠી હજારો હરિભક્તો રોજ પ્રાત:પૂજામાં હાજર થઇ જાય અને એ પણ નાના નાના બાળકો સાથે……..!! એ શું કહેવાય…!!! એ લોકો ગાંડા નથી….પણ સમજે છે કે- ગુણાતીત ના દર્શન નો મહિમા શું છે??
  • બાપા એ આપણ ને કહ્યું કે- હું સદાયે તમારી સાથે રહીશ……..જે આજે આપણ ને મહંત સ્વામી મહારાજ માં દેખાય છે……! બાપા એ – હરિભક્તો ને આપેલું વચન કદાપી ઉથાપ્યું નથી…..તો આ વચન ઉથાપે???
  • આપણો સંપ્રદાય …આપણી સંસ્થા સત્ય આધારિત છે……..જેમાં જે બોલાય છે તે થાય છે…તેનો અનુભવ બધાને પ્રત્યક્ષ છે…..કારણ કે – સત્પુરુષ જ્યાં સાક્ષાત બિરાજમાન હોય ત્યાં બધું જ હોય…એમના આધારે જ આ બધું ચાલે છે…બાકી- મંદિરો..જ્ઞાન ની વાતો….મેનેજમેન્ટ…સંપ..એ બધું તો Add on છે……એમના લીધે છે…..
  • અને એ જ સત્પુરુષ મહંત સ્વામી મહારાજ નો રાજીપો- સંપ માં છે…..આપણે ટોળા નથી પણ એક પરિવાર છીએ…..એમ સ્વામી વિચારે છે…અને આટલો બધો ભાર -સંપ પર એટલા માટે કે- એમના ગુરુ યોગીજી મહારાજે – ગોંડલ માં કહ્યું હતું કે- સુહ્ર્દભાવ થી ગુણાતીત બાગ ને એક કરી દેવો છે……..અને એટલા માટે જ મહંત સ્વામી મહારાજ આજે – સંપ પર એટલો ભાર મુકે છે…જે – દાસભાવ….સુહાર્દભાવ…..અને તમામ હરિભક્તો-સંતો માં દિવ્ય ભાવ હશે તો જ આવશે…….! જીવ ના પોષણ માટે પણ સંપ જરૂરી છે….
  • આજનું આધુનિક સમાજ વિજ્ઞાન કહે છે કે – અસ્તિત્વ માટે સંપ અને સુહ્ર્દભાવ જરૂરી છે………વિજ્ઞાને સાબિત કર્યું છે કે- જેમ બધા વૃક્ષ એકબીજા સાથે અંદર થી જોડાયેલા છે…વાતચીત કરે છે……તેમ આપણે પણ સદાયે જોડાયેલા રહેવા નું છે……
  • સંસાર હોય કે- સત્સંગ…સુખ જોઈ તો સંપ રાખવો જ પડશે………પારિવારિક પ્રશ્નો માં સંપ નો- સુહ્ર્દભાવ નો અભાવ જ રહેલો છે……રીસર્ચ કહે છેકે- ભણતર અને પૈસા થી માત્ર ૭% જ સુખ નો ભાવ પ્રાપ્ત થાય છે જયારે ૮૦% થી વધુ તો- માણસ ના – અંગત સંબંધો…એના સમીકરણો …એની સમજણ…..પર જ સુખ નો આધાર છે…..
  • કહેવાય છેકે- જો સ્વાર્થ સમાન હોય…તો પૈસા માટે પણ લોકો સંપ રાખે છે……તો આ તો જીવ ના કલ્યાણ માટે નો સત્સંગ છે……..એના માટે સંપ કેમ ન રખાય??? યોગીબાપા ના રાજીપા નો વિચાર કરી ને પણ સંપ કેમ ન રખાય??????
  • મહંત સ્વામી મહારાજ તો એટલે સુધી કહે છે કે……સંપ…સુહ્ર્દભાવ…. વગર બ્રહ્મરૂપ થવાય જ નહિ……..અને પ્રમુખ સ્વામી મહારાજ તો કહેતા કે….ઝેર ખાઈ ને પણ સત્સંગ માં સંપ રાખવો પડશે……..!!!

તો- ચાલો સ્વામી- શ્રીજી ને…ગુરુહરિ ને પ્રાર્થના કરીએ કે- આપણે આપણા ઘરમાં…પરિવારમાં…..ગામ માં…સત્સંગમાં – સંપ..સુહ્ર્દભાવ અને એકતા રાખી શકીએ……! અદ્ભુત…અદ્ભુત….!!! પુ.બ્રહ્મવિહારી સ્વામી ને સાંભળવા એક લ્હાવો છે…….જેમના શબ્દે શબ્દે બળ ટપકે છે………!

સભાને અંતે અમુક જાહેરાત થઇ…..

  • જમો ને જમાડું- અન્નકૂટ સેવા અભિયાન – આજથી બંધ થયું છે….કારણ કે દિવાળી નજીક છે…પૂર્વ તૈયારી નો સમય થઇ ગયો છે….
  • યુવા અધિવેશન ( સત્સંગ જ્ઞાનામૃતમ) ની આજે સ્પર્ધા હતી..જેના વિજેતા ઓ નું આજે જાહેર માં સન્માન થયું…..

તો આજની સભા – નો એક એક શબ્દ જો જીવ માં દ્રઢ થાય તો………”કેશવ ક્યાય છેટો નથી….” સદાયે સાથે જ છે……….

સમજતા રહો…………….જય સ્વામિનારાયણ…………

રાજ

 

Advertisements


Leave a comment

BAPS રવિસભા -૫/૪/૨૦૧૭

 

“….પછી શ્રીજીમહારાજે એમ વાર્તા કરી જે,

“જેના હૈયામાં ભગવાનની ભક્તિ હોય તેને એવી વૃત્તિ રહે જે, ‘ભગવાન તથા સંત તે મને જે જે વચન કહેશે તેમ જ મારે કરવું છે;’ એમ તેના હૈયામાં હિંમત્ય રહે………. અને, ‘આટલું વચન મારાથી મનાશે અને આટલું નહીં મનાય,’ એવું વચન તો ભૂલ્યે પણ ન કહે……….. અને વળી ભગવાનની મૂર્તિને હૈયામાં ધારવી તેમાં શૂરવીરપણું રહે……….. અને મૂર્તિ ધારતાં ધારતાં જો ન ધરાય તો પણ કાયર ન થાય અને નિત્ય નવી શ્રદ્ધા રાખે. અને મૂર્તિ ધારતાં જ્યારે ભૂંડા ઘાટ-સંકલ્પ થાય અને તે હઠાવ્યા હઠે નહીં, તો ભગવાનનો મોટો મહિમા સમજીને પોતાને પૂર્ણકામ માનીને તે સંકલ્પને ખોટા કરતો રહે અને ભગવાનના સ્વરૂપને હૈયામાં ધારતો રહે…………… તે ધારતાં ધારતાં દસ વર્ષ થાય અથવા વીસ વર્ષ થાય અથવા પચીસ વર્ષ થાય અથવા સો વર્ષ થાય તો પણ કાયર થઈને ભગવાનના સ્વરૂપને ધારવું તે મૂકી દે નહીં; કેમ જે, શ્રીકૃષ્ણ ભગવાને ગીતામાં કહ્યું છે જે, ‘અનેકજન્મસંસિદ્ધસ્તતો યાતિ પરાં ગતિમ્ ।’ તે માટે એમ ને એમ ભગવાનને ધારતો રહે………….. એવું જેને વર્તતું હોય તેને એકાંતિક ભક્ત કહીએ.”’ તે માટે એમ ને એમ ભગવાનને ધારતો રહે. એવું જેને વર્તતું હોય તેને એકાંતિક ભક્ત કહીએ……..”

——————————–

વચનામૃત-ગઢડા પ્રથમ-૧૫

ભગવાન ને હૃદયમાં ધારવા ..એના થી મોટી પ્રાપ્તિ બીજી કોઈ નથી…એવું શાસ્ત્રો કહે છે….ગુણાતીત પુરુષો કહે છે અને સ્વયમ શ્રીજી કહે છે…..પણ ભગવાન ની મૂર્તિ ને અખંડ અંતર માં ધારવી….એ સહજ તો નથી જ….તો કઈ રીતે આ શક્ય બને??? તેનો ઉત્તર આજની રવિસભામાં હતો……! સત્પુરુષ ની આ નિત્ય …સતત ક્રિયા ને સમજી ને તેને આપણે કઈ રીતે આપણા જીવન માં ઉતારી શકીએ એ પર આજની સભા હતી.

હમેંશ ની જેમ સમયસર સભામાં પહોંચી ગયા….સર્વ પ્રથમ શ્રીજી ના અદભુત દર્શન હૃદય માં ..એ મનમોહક મૂર્તિ ને ધારી ને કરવામાં આવ્યા……

collage_20170305172720209.jpg

સભાની શરૂઆત પુ.પ્રેમવદન સ્વામી ના કર્ણપ્રિય સ્વર માં “ સ્વામિનારાયણ ..ભજમન સ્વામિનારાયણ નામ..” ધુન્ય દ્વારા થઇ …અને ત્યારબાદ તદ્દન નવા જ ( પણ પ્રેમાનંદ …મુક્તાનંદ જેવા નંદ સંતો રચિત ) કીર્તન સાંભળવા મળ્યા…..” આવો મારા મીઠડા બોલા રે….” અને “હરિગુણ ગાતા ..દુરીજનીયા નો ધડક મનમાં ન ધારીએ..” ..કીર્તન ના શબ્દો ગહન હતા……..! ભગવાન નો મારગ પકડ્યા પછી પાછું ન વળવા નું હોય…….ભલે ને લાખ વિઘ્ન આવે…

ત્યારબાદ પુ. વૈરાગ્યનિધિ સ્વામી એ બ્રાહ્મ સ્વરૂપ પ્રમુખ સ્વામી મહારાજ ના જીવન પ્રસંગ પર આધારિત “ સત્સંગ માં દિવ્યભાવ….નિર્દોષ ભક્તિ અને મહિમા” વિષય પર પ્રવચન કર્યું……! એમણે વિવિધ પ્રસંગો ની વાત કરતા કહ્યું કે…..સત્સંગી માત્ર પર દિવ્યભાવ ..નિર્દોષભાવ….મહિમા સભર દ્રષ્ટિ એ સ્વામીશ્રી નું અંગ હતા…..એમણે સદાયે ભગવાન અને પોતાના ગુરુઓ નો મહિમા લેશ માત્ર પણ ઓછો થવા દીધો નથી….! કોઈ પણ કાર્ય હોય કે સિદ્ધિ હોય…પણ એનો સઘળો યશ એ ભગવાન અને ગુરુ ને જ આપતા….! જીવન ની કોઈ પણ ક્રિયા હોય…….ભગવાન સદાયે આગળ હોય……પોતાને કારણે કોઈ કાર્ય થયું છે…એવું તો સહેજે માનતા જ નહોતા…! ..અને ભગવાન કે મોટા પુરુષ નું કોઈ પણ ચરિત્ર હોય…તે સદાયે દિવ્ય જ હોય…..એમ સમજતા…અને સમજાવતા……! આપણે પણ એ જ કરવા નું છે……આપણે તો માત્ર નિમિત્ત બની- ગુરુ અને ભગવાન ના સંકલ્પ ને પૂર્ણ કરવામાં સાધન રૂપ થવાનું છે…….!

ત્યારબાદ પ્રગટ અક્ષરબ્રહ્મ ગુરુહરિ મહંત સ્વામી મહારાજ ના પુણે મંદિર મૂર્તિ પ્રતિષ્ઠા મહોત્સવ – ના વિચરણ-વિડીયો દર્શન નો લાભ મળ્યો…..જે નીચેની લિંક દ્વારા જોઈ શકાશે…..

 

ત્યારબાદ ગઢડા પ્રથમ-૧૫ ના વચનામૃત પર આધારિત પ્રવચન નો લાભ કોઠારી પુ.આત્મ કીર્તિ સ્વામી દ્વારા સભાને મળ્યો……જોઈએ એના અમુક અંશ….

  • આ વચનામૃત…કઈ રીતે આદર્શ ભક્ત બનાય…કઈ રીતે ઉત્તમ ભક્તિ કરાય?? એના ઉત્તરો પ્રસ્તુત કરે છે…..
  • જેના અંતર માં ભગવાન સદાયે બિરાજમાન હોય તે…એક રતીભર પણ ભગવાન ની આજ્ઞા નો લોપ ન કરે…….નિયમ-ધર્મ નો ભંગ ન કરે…..
  • ભગવાન ને હૈયામાં…અંતરમાં…હૃદય માં ધારી ને ભક્તિ કરવા નો ગુણ ગુણાતીત પુરુષો માં જોવામાં મળે છે…..અને એટલે જ મહારાજ – ગુણાતીત પુરુષ ને વશ વર્તે છે….જેનો અનુભવ આપણે બધાએ અનેક પ્રસંગો એ કર્યો છે…..અને એવા જ અનુભવ આજે પ.પુ.મહંત સ્વામી મહારાજ દ્વારા પણ જોવા મળે છે……રીવરફ્રન્ટ ,અમદાવાદ પર યોજાયેલા પ્રસંગ માં ઠંડા વાતાવરણ ના ચમકારા …તેજ હવાઓ મહંત સ્વામી મહારાજ ના સંકલ્પ બળ થી જ ..અસ્ત પામી હતી….પ્રસંગ ને કઈ પણ વિઘ્ન પહોંચાડી શકી ન હતી…..
  • મહંત સ્વામી મહારાજ એક વાત –અનેક વાર કહી ચુક્યા છે કે – જેમ પ્રમુખ સ્વામી મહારાજે – શ્રીજી ને અંતર માં અખંડ ધાર્યા હતા…તેમ જ આપણે પણ શ્રીજી ને હૃદય માં અખંડ ધરવા ના છે……અને જો એમ થશે તો- દરેક માં ભગવાન દેખાશે…..દરેક હરિભક્ત – એક બ્રહ્મ ની મૂર્તિ સમાન લાગશે…..કોઈ નો પણ અભાવ-અવગુણ નહિ….
  • યોગીબાપા તો કહેતા કે- ભગવાન ને હૃદય માં ધારવા..એના થી મોટી સેવા બીજી કોઈ નથી……..પણ શ્રીજી ને હૃદય માં ધારવા કઈ રીતે??? હૃદય ને શુદ્ધ કર્યું છે?? એ નિરંતર પાછું વળી ને જોવું…..
  • સારંગપુર-૧૧ ના વચનામૃત માં શ્રીજી એ જ કહે છે કે……

“જો ખબડદાર થઈને મંડે તો આ ને આ દેહે જ સર્વે કસર મટી જાય. અથવા દેહ પર્યંત કસર ન મટી હોય અને અંત સમે જ નિર્વાસનિક થાય ને ભગવાનને વિષે અતિશય પ્રીતિ થાય તો અંતકાળે પણ ભગવાનની કૃપા થાય ને ભગવાનના ધામને પામે. માટે એક દેહે અથવા અનંત દેહે અથવા અંત સમે એક ઘડી મૃત્યુ આડી રહી હોય ત્યારે પણ જો અતિશય ભગવાનને વિષે વૃત્તિ જોડાઈ જાય તો તે ભક્તને કોઈ જાતની કસર રહેતી નથી.”…..

  • સારંગપુર-૨ માં કુશળકુંવર બા નું ઉદાહરણ આપતા શ્રીજી કહે છે કે –જો એકવાર ભગવાન યથાર્થ ઓળખાય પછી એકદ્રષ્ટિએ કરીને મૂર્તિને જોતે જવું અને દ્રષ્ટિ પલટીને અંતરમાં તેવી ને તેવી તે મૂર્તિને ઉતારવી…….તો છતે દેહે ભગવાન ની મૂર્તિ નું સુખ મળે…..
  • હૃદય માં જગત ને ન રાખવું….પણ ભગવાન ને રાખવા……અને જે પુરુષ માં આવી ક્રિયા જોવા મળે તેનો સંગ કરવા થી –એવા જ ગુણ આપણા માં પણ આવે….( વચનામૃત-ગઢડા અંત્ય-૧૪) અને જીવ બ્રહ્મ રૂપ થાય….
  • પણ હૃદય માં ભગવાન ને જયારે અંદર ઉતારવા નું શરુ કરી એ ત્યારે અનંત જન્મ નો ચોંટેલો “વિષય રૂપી…ભૂંડા ઘાટ રૂપી કચરો” ઉખડી ને બહાર આવે છે,…પણ તેનાથી ડગી ન જવું…મંડ્યા રહેવું……આજે નહિ તો કાલે…..કાલે નહિ તો અનંત જન્મે પણ હૃદય માં ભગવાન બિરાજમાન થશે અને જીવ બ્રહ્મ રૂપ થઇ પરબ્રહ્મ ને પામશે…..
  • બ્રહ્મસ્વરૂપ ભગતજી મહારાજ ની જેમ સર્વ ભક્ત-સંત ને બ્રહ્મ ની મૂર્તિ જ સમજવી…..પ્રમુખ સ્વામી મહારાજ કહેતા એમ-અંતર માં સદાયે સત્પુરુષ ને રાખવા…ભગવાન ને રાખવા…..તો સહેજે ડગમગ થાય નહિ…….અને એકાંતિક ભક્તિ થાય….

અદભુત……અદભુત………….! જાણે કે સર્વ સત્સંગ નો સાર અહી આવી ગયો…! શ્રીજી ને અખંડ અંતર માં ધારવા છે……એ જ ધ્યેય રાખવો…!

ત્યારબાદ સભાને અંતે અમુક જાહેરાતો થઇ….

  • બ્રહ્મસત્ર આવે છે…….સંપર્ક કાર્યકરો તમારે ઘરે આવશે…..અચૂક રજીસ્ટ્રેશન કરાવવું…….આવો મોકો ફરી થી મળશે નહિ….
  • આંતર રાષ્ટ્રીય મહિલા દિન નિમિત્તે ૮ થી ૨૫ –માર્ચ- બેપ્સ યોગીજી મહારાજ હોસ્પિટલ દ્વારા મહિલા ઓ માટે ખાસ રાહત દરે સ્ત્રી રોગ-કેમ્પ નું આયોજન કર્યું છે…..
  • પ.પુ.મહંત સ્વામી મહારાજ- પુનઃ અમદાવાદ ના હરિભક્તો ને લાભ આપવા ૧૪-થી-૧૭-માર્ચ પધારી રહ્યા છે……સવારે એમના દર્શન નો લાભ મળશે……..

તો-આજ ની સભા અદભુત હતી……..એકાંતિક ભક્ત કઈ રીતે થવાય……શ્રીજી ને હૃદય માં કઈ રીતે અખંડ રખાય……બ્રહ્મરૂપ કઈ રીતે થવાય …એના પર હતી……!

જય સ્વામિનારાયણ

રાજ


Leave a comment

BAPS રવિસભા-૨૦/૧૧/૨૦૧૬

શ્રીજીમહારાજ બોલ્યા જે,

“લ્યો, એ પ્રશ્નનો ઉત્તર અમે કરીએ જે, સંપ્રદાયની પુષ્ટિ તો એમ થાય છે જે, જે સંપ્રદાયના ઇષ્ટદેવ હોય તેનો જે હેતુ માટે પૃથ્વીને વિષે જન્મ થયો હોય અને જન્મ ધરીને તેણે જે જે ચરિત્ર કર્યાં હોય ……….અને જે જે આચરણ કર્યાં હોય, તે આચરણને વિષે ધર્મ પણ સહજે આવી જાય અને તે ઇષ્ટદેવનો મહિમા પણ આવી જાય………. માટે પોતાના ઇષ્ટદેવનાં જે જન્મથી કરીને દેહ મૂકવા પર્યંત ચરિત્ર તેનું જે શાસ્ત્ર તેણે કરીને સંપ્રદાયની પુષ્ટિ થાય છે……….. તે શાસ્ત્ર સંસ્કૃત હોય અથવા ભાષા હોય પણ તે જ ગ્રંથ સંપ્રદાયની પુષ્ટિ કરે, પણ તે વિના બીજો ગ્રંથ પોતાના સંપ્રદાયની પુષ્ટિ ન કરે………… જેમ રામચંદ્રના ઉપાસક હોય તેને વાલ્મીકિ-રામાયણે કરીને જ પોતાના સંપ્રદાયની પુષ્ટિ થાય; અને શ્રીકૃષ્ણ ભગવાનના જે ઉપાસક હોય તેને દશમ સ્કંધ અને એકાદશ સ્કંધ એ બે જે ભાગવતના સ્કંધ તેણે કરીને જ પોતાના સંપ્રદાયની પુષ્ટિ થાય; પણ રામચંદ્રના ઉપાસક તથા શ્રીકૃષ્ણના ઉપાસક તેને વેદે કરીને પોતાના સંપ્રદાયની પુષ્ટિ ન થાય…………………… માટે પોતાના સંપ્રદાયની રીતનું જે શાસ્ત્ર હોય તે જ પાછલે દહાડે પોતાના સંપ્રદાયને પુષ્ટ કરે છે.”


વચનામૃતમ-ગઢડા મધ્ય-૫૮

દિવાળી મા  ઘટેલી વિવિધ ઘટના ઓ ને લીધે હું નવા વરસ મા શરૂઆત ની બે સભાઓ મા હાજર ન રહી શક્યો……આજની સભા એટલા માટે જ મારા માટે અગત્ય ની હતી…….મારા માટે સાચા અર્થમાં નવા વરસ ની પ્રથમ સભા હતી……આથી સમયસર મંદિરે પહોંચી ગયો……..ઠાકોરજી ના દર્શન મનભરી ને કરવા મા આવ્યા…….જીવ સંતૃપ્ત થઇ ગયો………

15056365_1156112997760000_2269017574824011333_n

સભાની શરૂઆત પૂ.પ્રેમવદન સ્વામી અને યુવકો દ્વારા સ્વામિનારાયણ મહામંત્ર ની ધુન્ય દ્વારા થઈ…….કર્ણપ્રિય ધુન્ય ના સ્વર જીવ ને હરિ મા એકતાર કરતા ગયા……….અને એ પછી તો પ્રેમવદન સ્વામી ના મધુરા સ્વરે બે કીર્તન રજુ થયા……..

  • દિવ્યસભા પતિ રાય……જય જય…….( પ્રેમાનંદ સ્વામી રચિત)
  • અનુભવી….આનંદરસ ના ભોગી……….

પ.કૃષ્ણ સ્વરૂપ સ્વામી એ કંઇક જુદા રાગ  મા “હમ તો એક સહજાનંદ ….સહજાનંદ ગાવે…” ..પ્રેમાનંદ સ્વમી રચિત કીર્તન નો લાભ સભાને આપ્યો…..

ત્યારબાદ પ્રગટ અક્ષરબ્રહ્મ મહંત સ્વમી મહારાજ ના ૯-૧૧ નવેમ્બર ના રાજકોટ ખાતે ના વિચરણ ના – સ્વામીશ્રી ના આશીર્વચન નો વિડીયો-દર્શન નો લાભ સભાને મળ્યો……….નીચેની લીંક દ્વારા તેનો લાભ લઈ શકાશે……

http://www.baps.org/Vicharan/2016/05-11-November-2016-10679.aspx

ત્યારબાદ પૂ. શ્રીહરિ સ્વામી જેવા વિદ્વાન અને અનુભવી સંત દ્વારા ગઢડા મધ્ય-૫૮ “સંપ્રદાય ની પુષ્ટિ” ના વચનામૃત પર અદ્ભુત પ્રવચન થયું……..જોઈએ સારાંશ…..

  • વ્યાસજી હોય કે મુક્તાનંદ સ્વામી…..સર્વ ને ભગવાન ના લીલા ચરિત્ર ની પુષ્ટિ કરતા ગ્રન્થ ની રચના થી જ શાંતિ થઇ હતી……..આથી શ્રીજી ના વચનો મુજબ આત્યંતિક કલ્યાણ તો- પોતાના ઇષ્ટદેવ ના લીલા ચરિત્ર ના સતત મનન-પઠન-રચના થી જ થાય…….
  • ભગવાન સ્વામીનારાયણે કારીયાણી ગામે- મહામુક્ત ગોપાળાનંદ સ્વામી ને -પોતાના પૃથ્વી પર ના પ્રાગટ્ય માટે ના ૬ હેતુ કહેલા…..સદ.નિષ્કુળાનંદ સ્વામી એ એ બંધ રૂમ ના બારણા ની તિરાડ માં કાન ધરી ને એ સાંભળ્યા અને એને પ્રગટ કર્યા……જેના એક હેતુ પર થી પ્રખર વિધવાન બ્રહ્મચારી અચીત્યાનંદ વર્ણીએ “શ્રીહરીલીલાકલ્પતરુ” માં શ્રીજી નું સર્વોપરી પણું પ્રતિપાદિત કર્યું ….અને શ્રીજી ની આજ્ઞા થી સ્વયમ ગોપાળાનંદ સ્વામી એ -શ્રી હરિ ના “અવતારી-સર્વાવતારી પણા” ની સાક્ષી પૂરતા ૧૩ લક્ષણો -નડિયાદ ની ભરસભા માં કહ્યા….. એ શ્રીજી પ્રાગટ્ય ના ૬ હેતુ કયા….????

    1) પોતાના એકાંતિક ભકતને સુખ આપવા તથા તેમના મનોરથ પૂર્ણ કરવા અને તેમને લાડ લડાવવા

    2) અધર્મી તથા અસુરોથી કષ્ટ પામતાં એવા ભકિત- ધર્મ તેમનું રક્ષણ કરવું અને તેમની પૃથ્વીને વિષે પ્રવૃત્તિ કરવી

    3)પોતાનું સર્વોપરિ જ્ઞાન તથા સર્વોપરી ઊપાસના પ્રવર્તાવવી અને જીવોને પોતાના મુકત ભેળા ભેળવવા

    4)પોતાના અવતારોને તથા અવતારોના ભકતોને પૃથ્વીને વિષે મનુષ્યરૂપ ધરાવીને પોતાનું જ્ઞાન તથા ઊપાસના સમજાવીને તેમને પોતાના ધામમાં લઇ જવા

    5)એકાતક ધર્મને સ્થાપન કરવો તથા દુષ્ટ જનનો નાશ કરવો તથા સત્પુરુષનું રક્ષણ કરવું

    6)મુમુક્ષુને મુકત કરવા તથા પોતાના અને પોતાના મુકતોના દર્શન – સ્પર્શાદિક સંબંધે કરીને નવા મુમુક્ષુ કરીને તેમનો આત્યંતિક મોક્ષ કરવો

     

  • અને એ જ વાત શ્રીજી એ પોતાના રહસ્ય ગ્રંથ -વચનામૃત મા કહી……સદસ્ય ગ્રન્થ -શિક્ષાપત્રી દ્વારા પોતાના રહસ્ય નો વિસ્તાર અન્ય ગ્રંથ થકી સમજવો–એમ કહી….પોતાના સર્વોપરી પણા ની વાત- સત્પુરુષ થકી સમજવાની વાત કરી……
  • અને એ જ શ્રીજી નું સર્વોપરી પણું….કોઈ પણ સંકોચ વગર એમના ધામ- મૂળ અક્ષર ગુણાતીતાનંદ સ્વામી એ જગત મા ડંકા ની ચોટે પ્રસરાવ્યું…….અને એ જ કાર્ય આજે પણ ગુણાતીત ગુરુ ઓ દ્વારા ચાલુ છે……
  • એક ઉદ્ધવજી ને જ્ઞાન કરાવવા કૃષ્ણ ભગવાને કેટલો દાખડો કરવો પડેલો …..તો શ્રીજી ના એક પત્ર થી જ ૫૦૦ યુવાનો સાધુ થઇ ગયેલા……અને આંજે એ જ પરંપરા મા -હજારો સુશિક્ષિત….ગર્ભશ્રીમંત…એકના એક સંતાન એવા  નવજુવાનો- ગુણાતીત પુરુષ ને રાજી કરવા હસતા હસતા -ત્યાગાશ્રમ નો કાંટાળો માર્ગ સ્વીકારે છે………એ જ સર્વોપરીતા દર્શાવે છે……..
  • અને એ જ સર્વોપરી શ્રીજી ને પામવા -પ્રગટ બ્રહ્મરૂપ સત્પુરુષ સંગે બ્રહ્મરૂપ થયા સિવાય છુટકો જ નથી……એ સિવાય પુરુષોત્તમ ની પ્રાપ્તિ શક્ય જ નથી………( લોયા-૭…લોયા-૧૨…)
  • માટે જ બ્રહ્મરૂપ થવા……યોગીબાપા ના સિધ્ધાંત મુજબ- જીવન મા- નમવું…ખમવું…..કટ વળી જવું અને મનગમતું મુકવું……..એ સાર્થક કરવું જ પડશે….અને જો એ થશે તો- સત્પુરુષ સતત આપણી સાથે જ છે તેનો અનુભવ થાશે………..બધા હરિભક્તો -સત્સંગીઓ બ્રહ્મ ની મૂર્તિ જેવા લાગશે…..કોઈનો પણ અભાવ-અવગુણ નહિ આવે…….આ બધી સભાઓ -અક્ષરધામ ની સભા ઓ જેવી લાગશે……..

અદભુત……અદભુત……….! જો એટલું સમજાય તો બાકી શું રહે????? જીવન મા આ કર્યા સિવાય છુટકો જ નથી……ભગવાન ના લીલા ચરિત્ર થી જ જીવ બળીયો થાય…..અખંડ શાંતિ થાય……આત્યંતિક મુક્તિ થાય……

ત્યારબાદ – દુનિયા ના વિવિધ દેશો ની સંસદ…..આપણા દેશ ની સંસદ ના બંને ગૃહ મા પ.પૂ.પ્રમુખ સ્વામી મહારાજ ને શ્રદ્ધાંજલિ અપાઈ -એના વિડીયો ના દર્શન થયા……અદભુત મહિમા……!!

સભાને અંતે- ૭ ડીસેમ્બર ના રોજ -સુરત મા થનાર પ્રમુખ સ્વામી મહારાજ જન્મ જયંતિ મહોત્સવ અંગે અગત્ય ની જાહેરાત થઇ…..જેની વધુ માહિતી સમયાંતરે આપણી સંસ્થા ની વેબસાઈટ પર થી મળી શકશે…..

http://www.baps.org/Janma-Jayanti-Mahotsav%E2%80%932016-Accommodation.aspx

તો- આજની સભા શ્રીજી-સત્પુરુષ ના મહિમા ને સમજવાની…ચરિત્ર ને હૃદયસ્થ કરવા ની હતી…….અને એ દ્વારા અક્ષર ની ઊંચાઈ ને પ્રાપ્ત કરવા ની હતી………જે કર્યા સિવાય કોટી કલ્પે કલ્યાણ જ નથી………

સમજતા રહો………સત્સંગ એ સમજણ નો માર્ગ છે……

જય સ્વામિનારાયણ……..

રાજ

 


Leave a comment

BAPS ગુણાતીત રવિસભા -૧૬/૧૦/૨૦૧૬

સ્વામી ગુણાતીતાનંદ આજ, આવીને અઢળ ઢળ્યા;

જેને મળિયા તેનાં સરિયાં કાજ, અંતર તાપ ટળ્યા… ૧

એવા સ્વામી ને શ્રીહરિ દોય, મળી એક નામ થયું;

સ્વામિનારાયણ સુખરૂપ, એવું ભજન લ’યું… ૨

એવા સ્વામિનારાયણ રે, ભજે તેના કષ્ટ હરે;

એને ઇષ્ટ જે જાણે રે, તે તો સકુટુંબ તરે… ૩

એવા ગુણાતીતાનંદ આજ, પ્રગટ ગુરુરૂપ હરિ;

અખંડાનંદજી કહે એમ અંતર પ્રેમ ભરી… ૪


શ્રીજી ના હૃદયગત સિધ્ધાંત –સર્વોપરી અક્ષર પુરુષોત્તમ સિધ્ધાંત કહે છે…..”અક્ષર રૂપ થઇ ને પુરુષોત્તમ ની ભક્તિ કરવી” અને સ્વયમ શ્રીજી પોતાના વચનામૃત (લોયા-૭) મા કહે છે “ અક્ષર રૂપ થયા વગર પુરુષોત્તમ ની ભક્તિ ન થાય….”…વળી શાસ્ત્રો મા વર્ણવ્યું છે કે અક્ષર એ પુરુષોત્તમ ને રહેવા નું ધામ છે….શ્રીજી જયારે પૃથ્વી પર દેહ ધરે ત્યારે આ ધામ સાથે જ પધારે છે…….  તો પછી પ્રશ્ન એ કે –શ્રીજી અહી પધાર્યા એ સમયે અક્ષર કોણ?? અક્ષર ની ઓળખાણ ..સ્વરૂપ શું??? અક્ષર કઈ રીતે થવાય….??? ….આ બધા પ્રશ્નો ના ઉત્તર આજે સભામાં હતા……કારણ કે આજની સભા એ – શરદ પૂર્ણિમા એ પ્રગટેલા અનાદી મૂળ અક્ષર ગુણાતીતાનંદ સ્વામી ના પ્રાગટ્યોત્સવની સભા હતી……..! એક એમનું સ્વરૂપ….મહિમા…વાતો સમજાય….દ્રઢ થાય તો પુરુષોત્તમ ક્યાય છેટે નથી…….

સભામાં સ્થાન ગ્રહણ કર્યું એ પહેલા ઠાકોરજી ના પૂર્ણ ચંદ્ર દર્શન હૃદય ભરી ને કરવામાં આવ્યા……..અદ્ભુત દર્શન….!

14650313_1121393511231949_8219697805085585329_n

સભાની શરૂઆત સંતો-યુવકો દ્વારા ધુન્ય પ્રર્થના થી થઇ…..પૂ.કૃષ્ણ સ્વરૂપ સ્વામી તરફ થી ..અખંડાનંદ બ્રહ્મચારી રચિત પ્રખ્યાત કીર્તન…” સ્વામી ગુણાતીતાનંદ આજ આવી ને અઢળક ઢળ્યા..” રજુ થયું……..!

ત્યારબાદ બાળમંડળ દ્વારા ઠાકોરજી ની આરતી થઇ……………અને એમના દ્વારા જ –સ્વામી ના નાનપણ ના પ્રસંગો…..ઠાકોરજી ને દૂધ ધરાવ્યા નો પ્રસંગ….બાળપણ થી જ ભક્તિ કરવા નો ખપ….શ્રીજી સાથેની દ્રઢ એકરૂપતા વગેરે રજુ થયા……….અને એ જ પ્રસંગો…..વિડીયો દર્શન – બાળમંડળ નું નૃત્ય પ્રદર્શન “મુળજી ઓ મુળજી” દ્વારા રજુ થયા…….અદ્ભુત રચના હતી…..! ગુણાતીતાનંદ સ્વામી નું જીવન ચરિત્ર એટલું વિશાલ છે કે તેને શબ્દો કે સંવાદ મા બાંધવું મુશ્કેલ છે….છતાં પ્રયત્ન અદ્ભુત હતો.

ત્યરબાદ યુવકમંડળ દ્વારા ઠાકોરજી ની આરતી થઇ………અને પછી પૂ.પ્રેમવદન સ્વામી દ્વારા ગુણાતીત ના મહિમા ની યશગાથા :” સહજાનંદ જી શરણે તમારે રાખો રે…..ગુણાતીતાનંદ ભવ ના બંધન કાપો રે…”  રજુ થયું…..પધ્યની અમુક પંક્તિઓ  મા સ્વામી ના ચરિત્ર અને એ જ પધ્ય નું ગધ્ય સ્વરૂપે વિવિધ વક્તા ઓ દ્વારા ઊંડાણ પૂર્વક વર્ણન – એ રીત ની રજૂઆત સમગ્ર સભા ના અંત સુધી રહી……..જોઈએ સારાંશ………..

  • પંચાળા ના દરબાર ઝીણાભાઈ ને ત્યાં ગુણાતીતાનંદ સ્વામી ને સૌપ્રથમ વાર તિલક કરી હરીએ એમની ઓળખાણ આપી…..સારંગપુરમાં ફૂલદોલ ઉત્સવ મા રાઠોડ ધાધલ ને ત્યાં સ્વામી ની ઓળખાણ……વગેરે પ્રસંગો નું વર્ણન યુવક પ્રવચનકાર દ્વારા થયું……અને એ પછી ક્રમ મુજબ વડીલો દ્વારા ઠાકોરજી ની આરતી થઈ…….
  • એ પછી ની પંક્તિ મા પૂ.પ્રેમવદન સ્વામી એ જે સ્વામી ચરિત્ર વર્ણવ્યું ..એમાં ગધ્ય ના રંગ પૂરતા પૂ.વૈરાગ્ય નિધિ સ્વામી એ –મુંજો સુરુ અને વાલેરો વરૂ છાત્રસર ના પ્રતાપસિંહ…રામો હાટી જેવા અધમ મનુષ્ય કઈ રીતે….સ્વામી ના દિવ્ય પ્રતાપે મહાન ભક્ત બન્યા …એમનું જીવન પરિવર્તન થયું એની વાત કરી………! અને એ જ દિવ્યતા આજે પણ પ્રગટ ગુણાતીત પુરુષ દ્વારા ચાલુ છે….એ આફ્રિકા ના સુભાષ ભાઈ પટેલ અને અન્ય પ્રસંગો દ્વારા વર્ણવ્યું……
  • છેલ્લી પંક્તિઓ “કડ કડ બોલે કાંટા” ના ગધ્ય નિરૂપણ મા પૂ.ધર્મ તિલક સ્વામી એ કહ્યું કે- સ્વામી એ પોતાનું અક્ષર પણું…..શ્રીજી સાથે ની એકરૂપતા બાળપણ થી જ વિવિધ પ્રસંગો એ દર્શાવી હતી….અને સેવા ..વિચરણ…દર્શન નો ઇશક એવો કે એમના પગ પથ્થર જેવા થઇ ગયા હતા…..કાંટા પણ બટકાઈ જાય એવો ભીડો એમણે વેઠ્યો હતો……અને હરિભક્તો મા એવી નિષ્ઠા જગાવી હતી કે – સ્વામી રઘુવીરજી મહરાજ ને કહેતા કે હરિભક્તો એક આજ્ઞા એ અ ખેંગાર વાવ પોતાના માથા થી ભરી દે….!
  • પૂ. કોઠારી આત્મકીર્તિ સ્વામી એ પણ એ જ વાત કરતા કહ્યું કે……મોટા મોટા સંત હોય…હરિભક્ત હોય કે ખુદ આચાર્ય મહારાજ હોય….સર્વ પોતાના દોષ…ગ્રંથી ટાળવા જુનાગઢ સ્વામી પાસે જતા……આચાર્ય શ્રી રઘુવીરજી મહારાજે તો પોતાની ગ્રંથી ટાળવા સતત ત્રણ માસ સુધી એક તીર્થયાત્રી તરીકે સ્વામી નો સમાગમ કરેલો અને –સ્વામી મૂળ અક્ષર છે એ ગુણ એમને આવેલો….એ જ વાત ની પુષ્ટિ વડતાલ મંદિર ના આદિ કોઠારી ગોવર્ધન ભાઈ એ કરેલી…..! એ જ રીતે દાજીભાઈ નામના પ્રતિષ્ઠિત વ્યક્તિની કામ ગ્રંથી ટાળી હતી……નિર્વાસનિક કર્યા હતા………! આવા તો અનેક પ્રસંગો સ્વામિનારાયણ સંપ્રદાય ના સુવર્ણ ઇતિહાસ મા દર્જ છે………..એ જ દર્શાવે છે કે- આ તો એક અક્ષર જ કરી શકે……

અદ્ભુત…..અદ્ભુત…….સભાને અંતે બ્રહ્મસ્વરૂપ પ્રમુખ સ્વામી મહારાજ ના ગુણાતીત પ્રાગટ્યોત્સવ પ્રસંગે આશીર્વચન નો વિડીયો રજુ થયો………એ જ ગુણાતીત ચિરંજીવી પણે આજે પણ પ્રગટ છે…….અને ભવિષ્ય મા પણ સદાયે પ્રગટ રહેશે………

સભાને અંતે અમુક જાહેરાત થઇ……

  • આવતા રવિવારે ભવ્ય બાળ મેળો છે……સ્થળ- બેપ્સ યોગીજી મહારાજ હોસ્પિટલ મેદાન…..સમય- સાંજે ૫ થી ૭……….આનંદો હરિ..આનંદો……!
  • જમો ને જમાડું-અન્નકૂટ સેવા અભિયાન ને અભૂતપૂર્વ પ્રતિસાદ મળ્યો છે……સર્વ સેવા કરનાર ને પ્રાર્થના કે – અન્નકૂટ ના દર્શન કરવા અચૂક પધારે………..
  • આવતી પરા સભા ઓ ( જે તે વિસ્તાર ની અઠવાડિક સભાઓ) મા – સ્વામિનારાયણ પ્રકાશ નો વિશેષ અંક-(૧૬૦ પેજ નો…..પ્રમુખ ચરિતમ થી ભરપુર) રૂબરૂ સર્વ ગ્રાહક હરિભક્તો ને પ્રાપ્ત થશે…….સાથે સાથે દિવાળી ગ્રીટિંગ કાર્ડ ( કે જેમાં અન્નકૂટ પ્રસાદી કાર્ડ હશે) પ્રાપ્ત થાશે……..
  • સંત વ્યાખ્યાન માળા ના નવા અંક- એમ પી થ્રી રૂપે પ્રગટ થયા છે……સાથે સાથે પ્રમુખ સ્વામી મહારાજ અંતર્ધ્યાન થયા એ પછી સારંગપુર મા થયેલા ભક્ત ચિંતામણી પારાયણ ની MP3 પણ પ્રગટ થઇ છે…….

અને અંતે આરતી બાદ – સૌને દૂધ પૌંઆ નો મસ્ત મજાનો પ્રસાદ પ્રાપ્ત થયો……અક્ષર ના મહિમા સાથે ની શીતળ પૂર્ણિમા –જીવ અને દેહ બંને ને શાંત ..સંતૃપ્ત કરતી ગઈ….! ગુણાતીત ની આ તો લાક્ષણિકતા છે કે જ્યાં ભક્તિ-અધ્યાત્મિકતા ના ગહન રહસ્ય –જીવન ની રોજબરોજ ની ક્રિયા ઓ સાથે સહજ રીતે વણાઈ જાય છે……જીવન નો એક ભાગ બની જાય છે……..!

જય જય ગુણાતીત…..કે જેને સમજ્યા વગર શ્રીજી ઓળખાતા નથી…………જેને જાણ્યા વગર શ્રીજી પમાતા નથી……કે જેના સંગ વગર અક્ષર થવાતું નથી…..ભવ ના ફેરા ટળતા નથી……!

જય સ્વામિનારાયણ……

રાજ


3 Comments

BAPS સ્મૃતિ રવિસભા-૨૧/૦૮/૨૦૧૬

“….એનાં નેત્રમાં ભગવાન જોનારા છે તે માટે બ્રહ્માંડમાં જેટલાં જીવપ્રાણી છે તેનાં નેત્રને પ્રકાશ કરવાને સમર્થ થાય છે………, અને એના પગમાં ચાલનારા ભગવાન છે તે માટે બ્રહ્માંડમાં સર્વ જીવના પગને વિષે ચાલવાની શક્તિને પોષણ કરવાને એ સમર્થ થાય છે…………; એમ એ સંતની સર્વે ઇન્દ્રિયોમાં ભગવાન રહ્યા છે, તે માટે એ સંત તો બ્રહ્માંડમાં સર્વે જીવોનાં ઇન્દ્રિયોને પ્રકાશ કરવાને સમર્થ થાય છે……….માટે એ સંત તો સર્વ જગતના આધારરૂપ છે………..


ભગવાન શ્રી સ્વામિનારાયણ -વચનામૃત-ગઢડા પ્રથમ-૨૭

“હું તો ચિરંજીવી છું”


અનાદી મૂળ અક્ષર ગુણાતીતાનંદ સ્વામી

“સત્પુરુષ આ પૃથ્વી પર થી ક્યારેય જતા જ નથી…..સદાયે પ્રગટ રહે છે…..”


બ્રહ્મસ્વરૂપ શાસ્ત્રીજી મહારાજ

૧૩ ઓગસ્ટ,૨૦૧૬, સમય-સાંજ-૬ ; સ્થળ- સર્વસ્વ, સારંગપુર નૈમિષારણ્ય ક્ષેત્ર – આ અવની પર થી પ્રગટ અક્ષરબ્રહ્મ પ્રમુખ સ્વામી મહારાજે પોતાનો દેહ સંકેલ્યો ..તેને આજે બરોબર એક અઠવાડિયું થયું…….અક્ષરબ્રહ્મ એ દેહ બદલ્યો…..જીવમાત્ર ના કલ્યાણ નો માર્ગ ખુલ્લો રહે એ માટે નવા પાત્ર ની..નવા સમર્થ દેહ ની પસંદગી કરી……..અને એ જ ગુણાતીત..ચિરંજીવી…શ્રીજી એ  વર્ણવેલા સમર્થ સંત….સત્પુરુષ પ્રગટ અક્ષરબ્રહ્મ મહંત સ્વામી મહારાજ તરીકે આજે આપણી સમક્ષ પ્રગટ બિરાજી રહ્યા છે….! તો- મહા સમર્થ -અક્ષરબ્રહ્મ પ્રમુખ સ્વામી મહારાજે જે અકલ્પનીય કાર્યો..ચરિત્રો….કર્યા તેની સ્મૃતિ ની આ સભા હતી….હરિભક્તો નું લૌકિક શોક -દુખ દુર કરવાની…..ચિરંજીવી ગુણાતીત તત્વ ના મહિમા ને સમજવાની સભા હતી…!

ગયા રવિવારે તો સારંગપુર – સ્વામીશ્રી ના દિવ્ય વિગ્રહ ના દર્શન માં હતા…આથી ધુન્ય-રવિસભા માં હાજર ન રહેવાયું…..પણ આજની સભા મેઘ ભર્યા વાતાવરણ માં પણ કરવામાં આવી…..ઠાકોરજી ના દર્શન મનભરી ને કરવા માં આવ્યા…….

13932743_583304155191094_2773333572547166760_n

સભામાં આજે ખુબ જ ભીડ હતી…..સભાગૃહ છલોછલ ભરેલું હતું…કેટલાક હરિભક્તો ને તો મંદિર ના પ્રાંગણ માં જ સભા નો શ્રવણ લાભ લેવો પડ્યો…..અને કેમ ન હોય??? ગુરુહરિ ની વસમી વિદાય પછી ની આ પ્રથમ શ્રદ્ધાંજલિ -સ્મૃતિ સભા હતી……! સભાની શરૂઆત ધુન્ય-પ્રાર્થના થી થઇ…….પુ.પ્રેમવદન સ્વામી  દ્વારા ” ગુરુજી નહિ ભૂલું તમને…” અને  ” એક જ આશા છે જીવતર ની…..પ્રમુખ સ્વામી માં ખોવાવું…” રજુ  થયા અને પ્રમુખ સ્વામી મહારાજ નો દિવ્ય ચહેરો નજરો સમક્ષ છવાઈ ગયો……!

ત્યારબાદ વિધવાન સંતો ના મુખે – અક્ષરબ્રહ્મ પ્રમુખ સ્વામી મહારાજ ના દિવ્ય પ્રસંગો ની સ્મૃતિ કરવામાં આવી….જોઈએ વિગતવાર સારાંશ…..

પુ.વિવેક જીવન સ્વામી


  • ૧૯૮૪ માં યુકે માં સ્વામીશ્રી ની પોપ સાથે મુલાકાત થઇ અને સ્વામિનારાયણ સંપ્રદાય ની ઓળખાણ આપવામાં આવી. અક્ષર મૂર્તિ ગુણાતીતાનંદ સ્વામી ની સહજ ઓળખાણ આપતા સ્વામીશ્રી  એ વિવેક જીવન સ્વામી દ્વારા પોપ ને વર્ણવ્યું કે જેમ – જીસસ ને ૧૨ શિષ્ય હતા અને એમાં પીટર સર્વ શ્રેષ્ઠ શિષ્ય હતા તેમ ગુણાતીતાનંદ સ્વામી -ભગવાન સ્વામિનારાયણ ના શિરમોર શિષ્ય હતા……
  • એ જ સમયે પોપ ના કડક ધડક કપડા ની વાત નીકળી તો સ્વામી એ સકારાત્મક ઉત્તર આપતા કહ્યું કે- પોપ એમની પ્રણાલિકા પ્રમાણે કપડા પહેરે છે અને આપણે આપણા ઇષ્ટદેવ ની આજ્ઞા મુજબ કપડા પહેરીએ છીએ…તેનો ગર્વ થવો જોઈએ….!
  • લંડન થી આવેલા એક ડોક્ટર ને ભગવાન ને સદાયે આગળ રાખવાનું કહેતા સ્વામી એ કહ્યું કે- ભગવાન ને સદાયે આગળ રાખવાથી બળ,સ્થિરતા અને શાંતિ મળે……..
  • ગુણાતીત પુરુષ સદાયે પ્રગટ રહે છે……બસ એક એમનામાં જોડાવા નું છે…..મહંત સ્વામી મહારાજ માં જોડાવા નું છે…

પુ.અક્ષર વત્સલ સ્વામી


  • સ્વામીશ્રી ના દેહ ત્યાગ થી સર્વે-ભક્ત-બિન ભક્ત અશ્રુભીના હતા……
  • જેમ ભગવાન અને ભક્ત વચ્ચે ના સંબંધ ના ભાગ ન પડે…તેમ બાપા અને સત્સંગ વચ્ચે ના સંબંધ નો ભાગ ન  પડે….
  • બાપા ની અમેરિકા માં બાયપાસ સર્જરી પછી ડોકટરે તેમને પોતાનું રોજિંદુ સત્સંગ કાર્ય કરવા પર બ્રેક લગાવવા ની વાત કરી….પણ માને એ બાપા શાના??? 🙂 સ્વામીશ્રી એ પોતાના દેહ ની મર્યાદા ને અવગણી રોજિંદુ સત્સંગ કાર્ય ચાલુ રાખ્યું…..ઉલટાનું વધાર્યું…! દેહ ના ચૂરેચૂરા ..એ પણ સત્સંગ માટે તો ગુણાતીત જ કરી શકે….!!!
  • એવી તો અનેક ડોકટરી સલાહો ને અવગણી…અઢળક શારીરિક દુખ ને બાજુ કરી……હરિભક્તો ના રાજીપા ખાતિર દેહ ને પતરાળા જેવો કરી નાખ્યો………
  • બાપા સદાયે હસમુખા રહ્યા છે…..દેહાતીત રહ્યા છે…શ્રીજી સાથે એકરૂપ રહી..ભક્તિ કાર્ય માં એકાગ્ર રહ્યા છે……..છતાં શ્રીજી એ કહ્યું છે કે જ્ઞાની ને અનંત લોચન હોય છે ..તેમ ભગવાન માં એકાગ્ર રહ્યા છતાં સત્સંગ ની ઝીણી ઝીણી વાતો પણ એમની નજર થી બહાર રહેતી નથી…..એ અનેક વખત જોવા મળ્યું છે…..
  • અમદાવાદ યુવક-યુવતી મંડળ દ્વારા છેલ્લા ૧૬ વર્ષ થી ઉપવાસ -વારા ( રોજ બે યુવક નિર્જળા ઉપવાસ કરે) , જનમંગલ નામાવલી…માળા નું તપ ચાલતું હતું……તેની વાત કરતા કહ્યું કે- સ્વામીશ્રી એ યુવકો ના રદયમાં કેવી જગ્યા બનાવી હશે….!

અદ્ભુત……અદ્ભુત……..! ત્યારબાદ પુ. વિવેક મુની સ્વામી એ – સ્વામીશ્રી ના વિદાય ને ..વિરહ ને વર્ણવતા ,પુ.અક્ષરજીવન સ્વામી રચિત નવીન કીર્તન…”મૂર્તિ તમારી પ્રમુખ સ્વામી ની ..આવે છે મુજ ને યાદ…” રજુ કર્યું……

પુ.બ્રહ્મવિહારી સ્વામી


  • સ્વામીશ્રી ની વસમી વિદાય થી સઘળા લોકો…અબાલ-વૃદ્ધ સર્વ દુખી છે……..
  • આપણો સંપ્રદાય પ્રેમે ..હેતે જોડાયેલો છે……અને પ્રમુખ સ્વામી એ સર્વ ભક્તો ને – અંગત પ્રેમ આપ્યો છે…..પર્સનલાઇઝડ પ્રેમ આપ્યો છે…તેથી જ એ સર્વ ને પોતીકા લાગ્યા છે…
  • સ્વામીશ્રી ના અગ્નિ સંસ્કાર પછી રાત્રે પ્રધાનમંત્રી મોદી સાહેબ નો ફોન આવ્યો અને ગળગળા અવાજે કહ્યું કે- સ્વામી ની યાદ હૃદય માં થી જતી નથી……તો તમારા ત્યાં શું હાલ હશે??? શોક ની આ ઘડી માં સમગ્ર દેશ તમારી સાથે છે……
  • જગવિખ્યાત કાર્ડિઆક સર્જન ડો.તેજસ પટેલ ને આમ સત્સંગ ઓછો પણ સ્વામી ના સમાચાર મળ્યા એટલે એટલા દુખી થયા કે – એમણે કહ્યું કે -એમનામાં સ્વામી ના દેહ ના દર્શન કરવા ની હિમત નથી….અને સંતો ની વિનંતી પછી આવ્યા તો – દેહ ના દર્શન કરી બોલ્યા કે – ત્રણ ત્રણ દિવસ પછી પણ સ્વામીશ્રી ના દેહ -મુખ પર એટલું બધું તેજ લાગે છે કે જે- કલ્પના..વિજ્ઞાન ના નિયમ બહાર છે…..!!!! નરી દિવ્યતા છે…..
  • પુ.મોરારી બાપુ ને અદ્ભુત અનુભવ થયો કે ત્રણ ત્રણ વર્ષ થી લૌકિક રીતે મૌન…નગણ્ય ક્રિયા કરવા છતાં કોઈ મહાત્મા આટલું વિશાલ કાર્ય કરે….લાખો હરિભક્તો અશ્રુભીના થઇ જાય…દર્શને આવે..!!!
  • આપણો સમજણ નો સત્સંગ છે…..સત્પુરુષ ના ચરિત્ર ની સ્મૃતિ કરવાથી દુખ હણાય છે…દુર થાય છે……
  • ૧૯૮૩ માં સ્વામી શ્રી ને ગંભીર હાર્ટએટેક આવ્યો એ સમયે પુ.બ્રહ્મવિહારી સ્વામી પાર્ષદ માં હતા અને એમણે-અન્ય પાર્ષદો એ બનાવેલા શુભકામના કાર્ડ જોઇને સ્વામીશ્રી એ કહ્યું કે- એક બીજાને યાદ કરીએ એટલે એકબીજા ના રદયમાં રહેવાય…હૃદય થી હૃદય ની વાત થાય….!
  • પૂર્વ રાષ્ટ્રપતિ કલામ સાહેબે કહ્યું છે તેમ…સ્વામીશ્રી ની સ્મૃતિ કરીએ તેમ -એ અચૂક હાજર થાય છે……એ આજે પણ આપણી વચ્ચે છે…..
  • સત્પુરુષ ની દ્રષ્ટિ નિરાવરણ હોય છે…..તે સઘળું જુએ છે…….જાણે છે…..અને એમના દર્શન થવા એ અનેક વેદ-ઉપનિષદ ..કુંભ મેળા કરતા પણ વધારે પુણ્ય શાળી છે…મોક્ષ દાતા છે….
  • If you love him……live him……!
  • પુ.ચિન્મયાનંદ સ્વામી એ પ્રમુખ સ્વામી મહારાજ ના દર્શન માટે પાછળ દોડતા યુવકો ને કહ્યું કે…..Don’t run behind your Guru……run for Guru…learn from Guru…!
  • બેપ્સ શતાબ્દી ઉત્સવ સમયે એક અખંડ જ્યોત સ્વામીએ પ્રગટાવી ને આજ્ઞા કરી હતી કે આ જ્યોત દ્વિ-શતાબ્દી સુધી અખંડ રાખજો…એ પછી નવી જ્યોત પ્રગટાવજો…!!!! અર્થાત આ સંસ્થા અક્ષર છે…..સત્પુરુષ સદાયે પ્રગટ છે…….જે આજે પરમ પૂજ્ય મહંત સ્વામી મહારાજ રૂપે બિરાજમાન છે….! એમનામાં મન-કર્મ વચને જોડાવા નું છે…..

ત્યારબાદ વિડીયો દર્શન સ્મૃતિ નો લાભ મળ્યો…..વિવિધ આગેવાન -મોટા લોકો -સામાન્ય હરિભક્તો વગેરે નો સ્વામીશ્રી વિશેનો અનુભવ..પ્રતિભાવ રજુ થયો…….એમાં એક યુવકે વાત કરતા કહ્યું કે- એ પોતે એકવાર સ્વામીશ્રી ના દર્શને ગયો તો સંકલ્પ કર્યો કે..સ્વામીશ્રી માં ભગવાન હોય તો મારો હાથ પકડે…..પણ જયારે દર્શન કર્યા..પુરા કર્યા ..બહાર નીકળ્યો છતાં સ્વામી એ કઈ ન કહ્યું…..પણ અચાનક એને યાદ આવ્યું કે એની કોઈ વસ્તુ- ત્યાં સ્વામીશ્રી પાસે ટેબલ પર જ રહી ગઈ છે…એ પરત લેવા ગયો તો સ્વામીશ્રી એ તરત તેનો હાથ પકડી કહ્યું કે….આવા સંકલ્પ ન કરવા..!!! અને એના શરીર માં થી એક ઝણઝણાટી ભર્યો પ્રવાહ પસાર થઇ ગયો…!!!! અદ્ભુત…! સત્પુરુષ ના પારખા કરવા ની આપણા પામર જીવ ની શું વિસાત????

અને પુ.ઈશ્વર ચરણ સ્વામી એ સભાને અંતે એ જ વાત કરતા કહ્યું કે…….આપણ ને જે મળ્યું છે તે સર્વોપરી છે…….ચિરંજીવી છે…..અને એની સ્મૃતિ જ સુખ આપે છે….! બ્રહ્મ સ્વરૂપ પ્રમુખ સ્વામી મહારાજે કહ્યું હતું કે ત્રણ સૂત્ર સદાયે જીવન માં દ્રઢ કરવા……દાસ ના દાસ થવું, સેવક થવું…..સહન કરવું….! સંપ,સુહાર્દભાવ અને એકતા હમેંશા દ્રઢ કરવા……હરિભક્ત નો અવગુણ ક્યારેય ન લેવો……ગુણગ્રાહક બનવું..! આપણું વર્તન એવું ઉચ્ચ રાખવું કે જગત આખું સ્વામિનારાયણ સત્સંગી ને નમે…..! ગુણાતીત પુરુષ ક્યારેય આ પ્રુથ્વી પર થી જતા જ નથી…….સદાયે પ્રગટ રહે છે……માટે જ પ્રગટ ગુરુહરિ મહંત સ્વામી મહારાજ માં જીવ-મન-કર્મ-વચને જોડાઈ જવું…! એકાંતિક કલ્યાણ તો સત્પુરુષ જ કરી શકે…….બીજા કોઈનું કામ નહિ…..!

સભાને અંતે જાહેરાત થઇ કે….

  • ૨૫ મિ ઓગસ્ટ રોજ -જન્માષ્ટમી નો ઉત્સવ ધામધૂમ થી ઉજવાશે  ….
  • ગુજરાત સરકારે – બરોડા માં નવનિર્મિત ..સૌથી લાંબા ફ્લાય ઓવર નું નામ પ્રમુખ સ્વામી મહારાજ પર ર્કાહ્યું છે….આ સિવાય રાજકોટ માં અત્યાધુનિક હોલ…જૂનાગઢમાં નવીન માર્ગ- સર્કલ નું નામ પણ સ્વામીશ્રી ની સ્મૃતિ માં રાખવા માં આવ્યું છે…..
  • મીડિયામાં પણ -અક્ષરબ્રહ્મ પ્રમુખ સ્વામી મહારાજ તરીકે વર્ણન થયું જે દર્શાવે છે કે – બિન સત્સંગી લોકો પણ સ્વામી શ્રીને અક્ષરબ્રહ્મ તરીકે સમજતા થયા છે…..

અદ્ભુત…..અદ્ભુત….! સત્પુરુષ ના ચરિત્ર…..આજ્ઞા-ઉપદેશ ..ક્રિયાઓ સંભારી રાખવા થી..મનન કરવાથી….એમના સંગે આપણે પણ બ્રહ્મરૂપ થઇ જઈએ…..પરમપદ ને પામીએ….( ભગવાન સ્વામિનારાયણ- વચનામૃત- ગઢડા પ્રથમ-૩, મધ્ય-૩૧, અક્ષર વાતો-૩/૧૨)

બસ એટલું દ્રઢ કરવાનું છે કે – સત્પુરુષ આપણી વચ્ચે સદાયે રહે છે……ગુણાતીત તત્વ ચિરંજીવી છે……માટે મન-કર્મ-વચને-જીવે કરીને એક એમનામાં જોડાવા નું છે………એમનામાં મનુષ્ય ભાવ લાવવા નો નથી ..સદાયે દિવ્યભાવ લાવવા નો છે……!

 

આખરે આપણો મોક્ષ આપણા હાથમાં છે………!!! બાકી સત્પુરુષ તો બધાનું કલ્યાણ કરવા બેઠા છે…

જય સ્વામિનારાયણ

રાજ


Leave a comment

BAPS રવિસભા-૨૨/૧૧/૧૫

“સત્પુરુષને વિષે દ્રઢ પ્રીતિ એ જ આત્મદર્શનનું સાધન છે અને સત્પુરુષનો મહિમા જાણ્યાનું પણ એ જ સાધન છે અને પરમેશ્વરનું સાક્ષાત્ દર્શન થવાનું પણ એ જ સાધન છે.”

——————————–

ભગવાન શ્રી સ્વામિનારાયણ- વચનામૃતમ-વરતાલ-૧૧

આજે વિક્રમ સંવંત ૨૦૭૨ ની પહેલી એકાદશી હતી…અને ચાતુર્માસ ની અંતિમ એકાદશી…..અને એ પણ પ્રબોધિની એકાદશી…..એ પણ રવિસભા ને દિવસે……પછી હરિભક્તો ને બંને હાથ માં લાડુ કેમ ન હોય??? સત્સંગ ની આ અસ્ખલિત ..અનરાધાર વર્ષા માં બસ આમ જ ભીંજાતા રહીએ…એ જ શ્રીજી ના ચરણો માં …સત્પુરુષ ના ચરણો માં પ્રાર્થના…!

સભામાં જરાક મોડો પહોંચ્યો આથી દર્શન સભા બાદ થયા……પણ દર્શન થયા અને તન-મન-જીવ સંતૃપ્ત થઇ ગયા……હરિકૃષ્ણ ની હાટડી-માં વિવિધ શાકભાજી એટલી અદ્ભુત રીતે ગોઠવાયા હતા કે પળભર તો થયું કે બધા જ શાકભાજી ખરીદી લઈએ…..!!! જુઓ-તમે પણ કરો આ અદ્ભુત દર્શન…

12246790_1732579513638051_419942516743260774_n

11148714_1732579550304714_8383875001767056943_n

સભાની શરૂઆત- પુ.વિવેક્મુની સ્વામી દ્વારા ધુન્ય-કીર્તન થી થઇ….નિર્જળા ઉપવાસ અને સતત પ્રવૃત્તિ વચ્ચે પણ સંતો ની તાજગી-ઉત્સાહ જોવા લાયક હતા…..”અનુપમ આજ પ્રબોધિની આઈ…” મુક્તાનંદ સ્વામી રચિત કીર્તન અદ્ભુત હતું…..ત્યારબાદ પ્રસિદ્ધ ગવૈયા સંત- પુ.પ્રેમવદન સ્વામી ના પ્રબળ સ્વરે ” આજ મનોહર દેવ દિવાળી ..શ્રી હરિકૃષ્ણ બન્યા છે વ્યાપારી ” રજુ થયું અને સમગ્ર સભા જાણે કે પ્રબોધિની એકાદશી અને દેવદિવાળી ના ઉત્સવ માં એકાકાર થઇ ગઈ………..અને શ્રી હરિકૃષ્ણ મહારાજ ની હાટડી તો સર્વોપરી હતી….અને એમના જેવી વ્યાપારી બુદ્ધિ આગળ તો ભલભલા પાણી ભરે…!!!  અદ્ભુત..!

ત્યારબાદ- પ.પુ.પ્રમુખ સ્વામી મહારાજ દ્વારા ૨૦૧૨-૧૩ દરમિયાન સારંગપુર અને અમદાવાદ માં ઉજવાયેલી પ્રબોધિની એકાદશી ઉત્સવો નો વિડીયો દર્શન થયા અને પછી પુ.ઈશ્વરચરણ સ્વામી દ્વારા – વરતાલ-૧૧ ના વચનામૃત પર આધારિત- સત્પુરુષ માં દ્રઢ પ્રીતિ પર અદ્ભુત પ્રવચન થયું……જોઈએ એના સારાંશ…..

  • અધ્યાત્મ માર્ગ માં સત્પુરુષ ની અનિવાર્યતા- વચનામૃત ના પાને-પાને શ્રીજી એ કહી છે…….વરતાલ- ૧૧ માં વચનામૃત માં કહ્યા મુજબ- સત્પુરુષ માં દ્રઢ પ્રીતિ એ જ આત્મ દર્શન…..સત્પુરુષ નો મહિમા જાણ્યા નું……શ્રીજી નો સાક્ષાત્કાર કર્યા નું…….સાધન છે…..! જેને આત્મસાત કર્યે જ છૂટકો…..
  • સમગ્ર સત્સંગ નો હેતુ જ આ છે…….
  • સત્પુરુષ નો મહિમા સમજાય..એમનામાં અવગુણ ન દીસે…..મનુષ્યભાવ ન આવે તો જ- સત્પુરુષ માં શ્રીજી એ કહી એવી દ્રઢ પ્રીતિ થાય…..અને એમ કર્યા સિવાય છૂટકો જ નથી…..
  • વચનામૃત-સારંગપુર-૨- માં શ્રીજી એ કહ્યું છે એમ સત્પુરુષ ની આજ્ઞા તત્કાલ પાળવી..સંશય ન કરવો……તો જ દ્રઢ પ્રીતિ થાય…..સાથે સાથે સતત ભજન નો ગુણ, દેહ નો અનાદર, સંતો-ભક્તો ની સેવા ની લગની, એકાગ્રતા અને મોટા પુરુષ ની-શ્રીજી ની અનુવૃતી સમજી એ તો કલ્યાણ નો માર્ગ સહજ થાય………સત્પુરુષ રાજી થાય….
  • આપણા ગુણાતીત પુરુષો માં આ ગુણ સ્પષ્ટ દેખાય છે………..અને ભક્તિ નો એમણે જે દાખલો બેસાડ્યો છે એ અજોડ છે…….સામે- એમના ભક્તો આજે પણ પોતાનું સર્વસ્વ ન્યોછાવર કરવા તૈયાર રહે છે……શ્રીજી-સત્પુરુષ-મંદિરો ની સેવા માટે તો એ પોતાનું સર્વસ્વ અર્પણ કરી દે છે ત્યારે આવા ભવ્ય મંદિરો બને છે……
  • પ્રેમી જનને વશ પાતળિયો, શ્યામ સુંદર સુખકારી રે;
    જાતિ વરણ ને રૂપે ન રીઝે, પ્રભુજીને ભક્તિ પ્યારી રે...
    પ્રેમ ન નીપજે દેશ વિદેશે, પ્રેમ ન હાટે વેચાય રે;
    પ્રેમીના પાસંગમાં જે શીશ સોંપે, તે જન પ્રેમી થાય રે...
    વ્રજ વનિતાના પ્રેમની આગે, ઉડ્યા કોટિ કબીરા રે;
    મુક્તાનંદ એ પ્રેમનો મારગ, સમજે તે સંત સુધીરા રે..
  • ઉપરોક્ત પંક્તિ ઓ ગઈ ને સ્વામીએ કહ્યું કે- આ પ્રીતિ ને જે સમજે- એને બીજું કશું સમજવું પડતું નથી……આ સત્સંગ-મંદિરો-તપ-જપ-વ્રત બધાનો સાર આ દ્રઢ પ્રીતિ માં છે……..શ્રીજી-સ્વામી -બાપા ને પ્રાર્થના કરીએ કે- નવા વર્ષમાં આપણે પણ આવી દ્રઢ પ્રીતિ સત્પુરુષ-શ્રીજી માં દ્રઢ થાય…..

અદ્ભુત…અદ્ભુત……..ત્યારબાદ- અમદાવાદ ખાતે ઉજવાયેલા અન્નકૂટ ઉત્સવ નો વિડીયો રજુ થયો…….સંતો-હરિભક્તો નું આયોજન-મહેનત અવર્ણનીય હતી…….અને મને ગર્વ છે કે- હું પણ આ સેવા નો એક નાનકડો હિસ્સો બની શક્યો…..! ત્યારબાદ અમુક જાહેરાતો અને સન્માન થયા….અન્નકૂટ ઉત્સવ ના સ્વયમ સેવકો કે જેમણે ઉત્તમ સેવા કરી હતી એમનું સન્માન થયું….

તો આજની સભા સત્પુરુષ માં દ્રઢ પ્રીતિ-એનો મહિમા સમજવાની હતી……પ્રેમ ની આ ભાષા જે સમજે- તે ભવસાગર તરે…………!

જય સ્વામિનારાયણ……

રાજ


Leave a comment

BAPS રવિસભા -૦૯/૧૧/૨૦૧૪

“..પછી શ્રીજીમહારાજ બોલ્યા જે, “સંસારી જીવ છે તેને તો કોઈક ધન દેનારો મળે કે દીકરો દેનારો મળે તો ત્યાં તરત પ્રતીતિ આવે, અને ભગવાનના ભક્ત હોય તેને તો જંત્ર-મંત્ર, નાટક-ચેટકમાં ક્યાંય પ્રતીતિ આવે જ નહીં. અને જે હરિભક્ત હોય ને જંત્ર-મંત્રમાં પ્રતીતિ કરે તે સત્સંગી હોય તો પણ અર્ધો વિમુખ જાણવો….”

————————

ઇતિ વચનામૃતમ- ગઢડા મધ્ય-૩૮ 

સત્સંગ નું બીજું નામ છે- દ્રઢ નિષ્ઠા……જો નિષ્ઠા અધુરી હોય તો સમજવું કે સત્સંગ અડધો છે…..એકવાર શ્રીજી ને આ તન-મન-જીવ-હૃદય સોંપ્યા  અને સત્પુરુષ ને મન-કર્મ વચને સેવ્યા એટલે- બસ આ સર્વસ્વ એમનું જ થઇ ગયું….એ જ આપણા કર્તાહર્તા…અને એમની મરજી જ આપણું જીવન..એવી ભાવના દ્રઢ થવી જોઈએ….તો જ એને પતિવ્રતા ભક્તિ કહેવાય…..બ્રહ્મ રૂપ થઇ ભક્તિ કરવી -એમ કહેવાય…! તો આજ ની સભા એ પર જ હતી….અને એટલા માટે જ આ સત્સંગ સર્વોપરી છે.

સભામાં સમયસર પહોંચી ગયો અને હમેંશ ની જેમ મારા વ્હાલા ના મનભરી ને દર્શન કરવા માં આવ્યા……ચાલો જોડાઈએ….

10421543_327645484090297_4894410729456664406_n

ત્યારબાદ સભામાં ગોઠવાયા એ સમયે- પુ.પ્રેમવદન સ્વામી જેવા વિધવાન ગાયક સંત ના મુખે- સ્વામિનારાયણ મહામંત્ર ની ધુન્ય..”સ્વામિનારાયણ નામ..ભજમન સ્વામિનારાયણ…” ચાલુ હતી……હૃદય સ્થિર થઇ ગયું…..અને એક શ્રીજી ની મૂર્તિ મનોચક્ષુ સમક્ષ તરવરી ઉઠી…! ત્યારબાદ એમના મુખે જ એક કીર્તન રજુ થયું..”વ્હાલા અક્ષરધામ ના વાસી ,મારે હૈયે કરજો નિવાસ….” એ પણ અદ્ભુત હતું. ત્યારબાદ એક હરિભક્ત ના મુખે બે કીર્તન રજુ થયું…..અસલ પડછંદ ચારણી અવાજ…..અને શબ્દો હતા….”આવો હરીવરીયા મંદિરીયે મારે…” ( રચયિતા-બ્રહ્માનંદ સ્વામી)  અને ” સહજાનંદ સ્વામી અંતર્યામી, મૂર્તિ મનોહર મારા શ્યામ ની રે..” ( રચયિતા -નિષ્કુળાનંદ સ્વામી)  અને સમગ્ર સભા તાળી ઓ ના તાલ સાથે એમાં જોડાઈ ગઈ……

ત્યારબાદ પુ.શ્રીજીચરણ સ્વામી દ્વારા – બ્રહ્મ સ્વરૂપ શાસ્ત્રીજી મહારાજ ના સાથી સંતો વિષે માહિતી મળી….બે સંતો વિષે માહિતી મળી…જે મુજબ…

  • પુ.મહાપુરુષ દાસ- શાસ્ત્રીજી મહારાજ થી ૨૩ વર્ષ મોટા , લખતર ના બેચર ભગત -એકદમ વ્યવહાર કુશળ સંત હતા અને શાસ્ત્રીજી મહારાજ નો મહિમા સ્પષ્ટ પણે જાણતા હતા…અંત સમય ચાણસદ માં રહ્યા….
  • પુ.અક્ષર સ્વરૂપ સ્વામી- મોટા અક્ષર સ્વામી તરીકે ઓળખાતા…મૂળ-સારસા ના-ધોરીભાઇ તરીકે ઓળખાતા. પોતાના પડછંદ દેહ અને અત્યંત શક્તિશાળી હોવાને લીધે- બોચાસણ મંદિર માં-અતુલનીય સેવાયજ્ઞ કર્યો…..અને બ્રહ્મ સ્વરૂપ શાસ્ત્રીજી મહારાજ ના રાજીપા ને લીધે-આખું વચનામૃત -કંઠસ્થ હતું…..અંત સમયે આંખો ની જ્યોતિ ગુમાવી છતાં જ્ઞાન ની પુંજ ઝળહળતી રાખી અને બોચાસણ ખાતે જ ધામ માં ગયા…..

અદ્ભુત માહિતી…….જે અત્યંત કપરો સમય હતો એ સમયે- આ મહાપુરુષો એ- ગુણાતીત ગુરુઓ અને એક શ્રીજી-સ્વામી ને રાજી કરવા જે દાખડા કર્યા એ સદાયે અવિસ્મરણીય રહેશે…..શત શત વંદન એમના ચરણો માં…!

ત્યારબાદ વિદ્વાન સંત પુ. શ્રીહરિ સ્વામી દ્વારા -પતિવ્રતા ભક્તિ પર આધારિત – ગઢડા મધ્ય -૩૮ ના વચનામૃત પર અત્યંત રસપ્રદ નિરૂપણ કર્યું……જોઈએ એના અમુક અંશ…

  • ઉપરોક્ત પ્રમાણે- જેની નિષ્ઠા પૂર્ણ અને દ્રઢ-એનો સત્સંગ પૂર્ણ અને દ્રઢ……નહીતર- મહારાજ કહે છે એમ અડધો વિમુખ કહેવાય…..
  • એક ભગવાન અને સત્પુરુષ નો અનન્ય આશરો- એ જ આપણા માટે સર્વોપરી હોવો જોઈએ….
  • આ સત્સંગ માં આવ્યા પછી -ભલે ને દુખ આવે…..તકલીફ આવે-પણ ભગવાન ની મરજી માની સ્વીકારી લેવું……અને બીજે ભલે સુખ દેખાતું હોય- છતાં ત્યાં ન જવું…..
  • આપણા સંપ્રદાય માં- એવા દ્રઢ હરિભક્તો ના અસંખ્ય ઉદાહરણો છે……કે જેમણે સત્સંગ માં આવ્યા પછી અઢળક દુખ આવ્યા હોય છતાં સત્સંગ અને દ્રઢ આશરો નથી છોડ્યો…
  • જીવ ની એષણા ઓ નો કોઈ અંત નથી…….પણ એકવાર સત્સંગ-સત્પુરુષ અને ઇષ્ટદેવ-જે આપણ ને મળ્યા છે- એનો મહિમા સમજાય ત્યારે -આ એષણાઓ પર લગામ લાગે છે…..અને જે મળ્યું છે- એનો જ દ્રઢ આશરો- મનાય છે…..અને એમની જ મરજી સર્વોપરી લાગે છે…..
  • આપણે માથે ધણી હોય પછી ચિંતા શા માટે??? દુખ આવવા નું હશે તો- શ્રીજી શૂળી નો ઘા -સોય થી ટાળતા હશે …કાંતો કસણી કરતા હશે-એમ માનવું…..

અદ્ભુત…..અદ્ભુત……કદાચ આવી નિષ્ઠા હોય તો જ સાચી ભક્તિ કહેવાય..એમાં કોઈ સંશય નથી…!

ત્યારબાદ- દિલ્હી અક્ષરધામ માં ઉદ્ઘાટિત થયેલા નવીન- મ્યુઝીકલ ફુવારા નો વિડીયો જોવા મળ્યો…….કેનોપનિષદ પર આધારિત આ અદ્ભુત વોટર શો- જરૂર જોવામાં આવશે…..તમારું કેમનું છે???

સભાને અંતે જાહેરાતો થઇ……

———————-

  • ૨૩ મી નવેમ્બરે- અમદાવાદ ને આંગણે- શાહીબાગ મંદિર ની સામે- પ્રમુખ વાટિકા માં- પ્રગટ બ્રહ્મ સ્વરૂપ પ.પુ.પ્રમુખ સ્વામી મહારાજ ની પ્રતિક જન્મ જયંતી નો મહોત્સવ છે……ભવ્ય પ્રોગ્રામ થવાનો છે..સમય-૫ થી ૮……અચૂક લાભ લેવો….એ સાથે સાથે ૨૩ મી થી જ “પ્રમુખ સ્વામી જન્મજયંતી પર્વ” ઘરે બેઠા – છેક બાપા ની જન્મ જયંતી-૨૯ મી સુધી કરવાનો છે…..સ્વામીશ્રી ના દિવ્ય પ્રસંગો નું પાન- રોજ સવારે- આ સમયગાળા દરમિયાન- શાહીબાગ મંદિરે પણ થશે….
  • પુ.બ્રહ્મવિહારી સ્વામી એ- દિલ્હી ના નવા વોટર શો વિષે વિશેષ માહિતી આપી……એનો મહિમા કહ્યો…..અને સ્વામીશ્રી ના અદ્ભુત પ્રસંગો પણ કહ્યા……જન્મજયંતી મહોત્સવ ને સફળ બનવવા- હરિભક્તો એ શું કરવાનું છે- તેના વિષે પણ માહિતી આપી…..

તો- આજની સભા- આ સર્વોઅપરી સત્સંગ ને સમજવાની…..સત્પુરુષ અને શ્રીજી ને સમજવાની હતી……અને દ્રઢ નિષ્ઠા કોને કહેવાય??? પતિવ્રતા ભક્તિ કોને કહેવાય?? એ સમજવાની હતી…..એટલું સમજાય- તો પણ આ જીવ અક્ષર રૂપ થઇ જાય…..

જય સ્વામિનારાયણ…..

રાજ