Raj Mistry's world

Me,my stories and world around….


Leave a comment

BAPS રવિસભા – ૦૬/૦૫/૨૦૧૮

…….ગુણનો સંગ જ્યાં સુધી રહે ત્યાં સુધી કોઈ જીવ સુખિયો રહે નહીં અને જ્યારે આત્મસત્તારૂપે રહે ત્યારે જ સુખી રહે છે.”

સત્પુરુષની આજ્ઞા પ્રમાણે જે રહે છે, તે જ રૂડાં દેશકાળાદિકને વિષે રહ્યો છે……. અને જે સત્પુરુષની આજ્ઞાથી બહાર પડ્યો તે જ તેને ભૂંડાં દેશકાળાદિકનો યોગ થયો છે………… માટે સત્પુરુષની આજ્ઞાને વિષે વર્તે છે તે જ આત્મસત્તારૂપે વર્તે છે.”


ભગવાન શ્રી સ્વામિનારાયણ- વચનામૃતમ-ગઢડા મધ્ય-૫૧

છેલ્લા રવિવારે અમદાવાદ માં હોવા છતાં રવિસભા છૂટી ગઈ……પુ.બ્રહ્મવિહારી સ્વામી નું પ્રવચન ચુકી જવાયું…..તેનો અફસોસ છે …આથી જ આ રવિવારે -સમય પહેલા જ હું મંદિરે પહોંચી ગયો…વૈશાખી વાયરા ઓ વચ્ચે અમદાવાદ જાણે કે ભડકે બળે છે, છતાં પણ આજની સભામાં નોંધપાત્ર સંખ્યા હતી…….સત્સંગ ની ઠંડક નો મહિમા બધાને છે….કારણ કે આ સત્પુરુષ ની આજ્ઞા..એમનો રાજીપો છે, અને એમના ગમતા માં વર્તવું એટલે જ આત્મસત્તા નું સુખ ભોગવવું…!

સૌપ્રથમ- આંખો ણે- મન-હૃદય અને જીવને ઠંડક આપતા મારા વ્હાલા ના દર્શન ……..

IMG_20180506_164805

IMG_20180506_164903

IMG_20180506_165020

સભાની શરૂઆત યુવકો દ્વારા ધુન્ય અને પ્રાર્થના થી થઇ …ત્યારબાદ એક યુવકે…” મન કરો ઉસીકી પ્રાર્થના ..” ( જેના રચનાકાર ની જાણકારી નથી) કીર્તન રજુ કર્યું…ત્યારબાદ પ્રેમાનંદ સ્વામી ની રચનાઓ- ” પ્રાણી સ્વામિનારાયણ …સ્વામિનારાયણ..” અને ..” હુમ તો એક સહજાનંદ …” કૈક અલગ જ રાગ માં , પુ. કૃષ્ણસ્વરૂપ સ્વામી દ્વારા રજુ થયું .

ત્યારબાદ પુ.ધર્મજ્ઞ સ્વામી હમણાં પરમ પૂજ્ય ડોક્ટર સ્વામી સાથે દુબઈ,બહેરીન જેવા મિડલ ઇસ્ટજેવા દેશો માં વિચરણ નો લાભ લઇ આવ્યા છે તેમણે , ત્યાના હરિભક્તો ની ભક્તિ, નિષ્ઠા અને મહિમા ની વાત કરી…..જોઈએ સારાંશ …..

  • મોટા પુરુષ ના કાર્ય તો જુઓ…..જેમ ગઢડા પ્રથમ-૩૧ માં વૃતિ દ્વારા ઈંડા ણે સેવતા પક્ષી ની વાત છે તેમ સત્પુરુષ પોતાના સંકલ્પ દ્વારા જ અનાર્ય દેશ માં પણ ભક્તિ ના બીજ વાવી શકે છે…..
  • દુબઈ ના રોહિત પટેલ નો બહોળો ધંધો અને મોટો પરિવાર છે છતાં વર્ષ માં લગભગ ૧૨૦ થી વધુ સંતો ણે પોતાના ઘરે ઉતારો આપે છે….સંતો ણે સ્વયમ જ લેવા જાય-છોડવા જાય…..અને સંતો ની સેવા માં ખડેપગે ઉભા રહે છે…..રવીન્દ્ર કદમ ..જયેશ ભાઈ અને અનેક બાળકો એ સ્વેચ્છા એ ટીવી ..બહાર ના ભોજન નો સદંતર ત્યાગ કર્યો છે…..અને અમુક બાળકો તો તિલક ચાંદલા સહીત સ્કુલ માં જાય છે…….
  • તો બહેરીન માં- પુરુષોત્તમ સાપરિયા સતત ૧૩ વર્ષ થી નિત્ય પૂજા -ચેષ્ટા ના નિયમ દ્રઢતા થી પાળે છે…અને જે દિવસે ચેષ્ટા બોલવાની રહી જાય તો બીજે દિવસે ઉપવાસ કરવા નો- નિયમ એમણે રાખ્યો છે…તો રસિકભાઈ પટેલ , જે ૭૦ વરસ ના છે- તે છેલ્લા ૧૮ વર્ષ થી બધી જ એકાદશી નિર્જળા કરે છે……તો પરમ ભગવદીય- જસબીર સિંહ ( IIT Roorkie -civil engr) એ તો પોતાના ઘરે પ્રમુખ સ્વામી પધાર્યા હતા – એ રૂમ- વસ્તુઓ ણે પ્રસાદી ગણી યથાવત રાખી મૂકી છે…..દ્રઢ નિયમ ધર્મ…અતિશય મહિમા અને વળી , પોતાની ઓફીસ ની વચ્ચે વચ પ્રમુખ સ્વામી મહારાજે સ્પર્શેલા વૃક્ષ ને અકબંધ રાખી સઘળું ઓફીસ મેનેજ કરે છે……! કેવો મહિમા??? ભાર ની કોઈ વસ્તુ ખાવા ની નહિ……રોજ ભગવાન નો થાળ કરી ને જ જમવાનું..! અદ્ભુત…અદ્ભુત…!!!
  • તો સામે સદ્ગુરુ તરીકે ડોક્ટર સ્વામી ની કરકસર જુઓ……ત્યાં આગળ પાણી નો પ્રશ્ન છે…પણ રોજ ની જેમ વર્ષો થી ડોક્ટર સ્વામી – પોતાના ન્હાવા ના પાણી નું છેક છેલ્લું ટીપું પણ ઉપયોગ માં લે છે……!!! બાથરૂમ નો નળ ફક્ત સવારે જ ખોલવાનો……પછી ન્હાયા બાદ એકત્રિત કરેલ પાણી નો જ ટોઇલેટ માં ઉપયોગ કરવા નો…!!!

અદ્ભુત….સંતો- હરિભક્તો ની નિષ્ઠા-કાર્ય-વર્તન તો જુઓ…..! સત્પુરુષ ના રાજીપા ને એ લોકો પલેપલ જીવે છે…..!

ત્યારબાદ હિમાચલ પ્રદેશ માં- સીમલા જેવા પર્યટન સ્થળ માં નુતન મંદિર મૂર્તિ પ્રતિસ્થા – હમણા જ પરમ પૂજ્ય મહંત સ્વામી મહારાજ ના કરકમળો દ્વારા સંપન્ન થઇ છે , તેના વિડીયો દર્શન નો લાભ સર્વે ને મળ્યો……! જેના દર્શન તમે પણ નીચેની લીનક પર થી કરી શકશો……

ત્યારબાદ પૂજ્ય શ્રીહરિ સ્વામી દ્વારા ગઢડા મધ્ય-૫૧ ના વચનામૃત આધારિત સુંદર પ્રવચન નો લાભ સર્વે ને મળ્યો…..જોઈએ સારાંશ….

  • આ વચનામૃત યોગીબાપા નું પ્રિય વચનમૃત હતું…અને સર્વે યુવકો ણે શરૂઆત માં આ જ વચનામૃત મોઢે કરાવતા …..યોગીબાપા ણે મુખપાઠ નો મોટો મહિમા- એમણે પોતે -સ્વામી ની વાતો ના બધા પ્રકરણ….૮૦૦ થી ૧૦૦૦ જેટલા કીર્તન …વચનામૃત બધુ જ મોઢે હતું,……
  • સત્સંગ માં આવ્યા પછી અમુક સ્વભાવ ટલે’ છે પણ જીવ સાથે જોડાયેલા સ્વભાવ- કહેતા કે વાસના…કારણ શરીર ટળતા નથી……અને એ ટાળવા માટે તો સત્પુરુષ નો સમાગમ કરવો પડે……એમની આજ્ઞા- રાજીપમાં રહેવું પડે ત્યારે એ સ્વભાવ ટલે છે……
  • જે ભગવાન અને સત્પુરુષ નો રાજીપો સમજે છે..અને એ મુજબ વર્તે છે…જીવે છે તે સુખિયો થાય છે…..અંતરમાં શાંતિ રહે છે…..ઊંઘ-સુષુપ્તિ માં પણ શાંતિ રહે છે…સત્વ ગુણ વધે છે…….ભગવાન રક્ષા કરે છે…….અને બ્રહ્મરૂપ થાય છે…..
  • આત્મસત્તા રૂપ થવા થી સુખ આવે પણ સાચું સુખ તો ગુરુ અજ્ઞા એ વર્તી આત્મસત્તા રૂપ થઇ વર્તવા માં છે…..યોગીબાપા નો..સર્વે ગુણાતીત ગુરુઓ નો એક જ સુર હતો કે- આજ્ઞા મુજબ વર્તે તો જ સુખ આવે…શ્રીજી તો કહે છે કે- જે અમારી આજ્ઞા માં રહી વર્તે છે તેને અમારી મૂર્તિ આપી દઈએ…..
  • આમ, કેવળ આત્મસત્તા રૂપે જ નથી વર્તવા નું પણ સત્પુરુષ ણે રાજી કરી લેવા ના છે…..એમની આજ્ઞા ણે સારધાર પાળવાની છે……સત્પુરુષ ને પોતાનો આત્મા સમજી…..એમની આજ્ઞા મુજબ – સત્સંગ સભા….ઘરસભા ણે દ્રઢતા પૂર્વક કરવાની છે…..

અદ્ભુત…!! જીવને આટલું સમજાય તો એ જરૂર – સત્પુરુષ ણે રાજી કરી બ્રહ્મરૂપ થાય……! છેવટે કરવાનું તો આ જ છે ને…!

સભાને અંતે કેટલીક જાહેરાત થઇ…..

  • આવતા રવિવારે- ૧૩/૦૬- સત્સંગ પરીક્ષાર્થી સંમેલન છે- શાહીબાગ મંદિરે સવારે ૯ થી ૧૧ – સંમેલન માં અચૂક ભાગ લેવો….
  • વળી આવતા શનિવારે- ૧૨/૦૬ યોગીબાપા નો પ્રાકટ્યોત્સવ આવી રહ્યો છે- તો ૧૩/૦૬ ની રવિસભામાં સંતો દ્વારા અદ્ભુત કીર્તન આરાધના નો લાભ મળશે….
  • એ પછી ના બે રવિવાર- ૧૯/૦૬ અને ૨૬/૦૬- પુ. બ્રહ્મદર્શન સ્વામી – અક્ષરમ અહં પુરુષોત્તમ દાસોસ્મી- પર અદ્ભુત પ્રવચન નો લાભ મળશે……
  • ગ્રીષ્મ પારાયણ ની શરૂઆત થઇ રહી છે…..અમદાવાદ ના વિવિધ વિસ્તારો માં આ પારાયણ- સસ્ન્થા ના વિધવાન સંતો કરશે…..વધુ માહિતી- જે તે મંદિરે થી મળશે……

IMG_20180506_165157

તો- બસ- ચારેબાજુ સત્સંગ ની ઠંડક છે…જે આવી ગરમી માં- હૈયાહોળી સામે ઝઝૂમી રહી છે……! સત્પુરુષ ની આજ્ઞા…રાજીપા માં રહેવાય તો – આપણો જીવ સો ટકા બ્રહ્મરૂપ થાય….!

તો ચાલો- શરૂઆત હજુ સુધી ન કરી હોય તો કરીએ……..! કલ્યાણ માટે મુહુર્ત ન જોવાનું હોય..!

જય સ્વામિનારાયણ……

રાજ


Leave a comment

BAPS રવિસભા-૦૮/૧૦/૨૦૧૭

“….સંપ,સુહ્રદભાવ અને એકતા…..એ જ અંતર્દ્રષ્ટિ…….એ હોય તો જ સત્સંગ માં રહેવાય…..”


બ્રહ્મસ્વરૂપ યોગીજી મહારાજ

પ્રગટ અક્ષરબ્રહ્મ મહંત સ્વામી ગુરુપદે બિરાજમાન થયા અને સત્સંગ ના સંપોષણ….સંવર્ધન માટે અસ્ખલિત …અતિ કઠીન વિચરણ યાત્રા શરુ કરી ત્યાર થી એમના મુખ પર એક જ વાત રમે છે…સંપ…સંપ…!!! સંપ નું આટલું બધું મહત્વ શા માટે??? જે સંપ નો મહિમા જાણે તે સમજે……કે સંપ…..- સંસાર હોય કે સત્સંગ…એનો શું મહિમા છે??? પુ.બ્રહ્મ વિહાર્રી સ્વામી કે જે- અમેરિકા માં પ્રગટ અક્ષરબ્રહ્મ ના વિચરણ માં જઈ ને આવ્યા છે..તેમણે પોતાના અનુભવ કહ્યા ..અને સમગ્ર સભાને જણાવ્યું કે – ગુણાતીત ચિરંજીવી છે…..એમના કાર્યો…એમના દાખડા….એમનો રાજીપો જ એમનું સ્વરૂપ છે……જે યોગીજી મહારાજ ને પ્રિય હતું…..જે પ્રમુખ સ્વામી મહારાજ ને વહાલું હતું..એ જ આજે મહંત સ્વામી મહારાજ માટે છે…..માત્ર રૂપ બદલાયું છે……કાર્ય પધ્ધતિ બદલાઈ છે…પણ સ્વરૂપ તો એ જ છે…! એટલા માટે જ સત્સંગ આજે પણ એટલો અઢળક છે..અને રહેશે…!

આજની સભાની શરૂઆત…………જગત ના નાથ ના દર્શન થી……..

This slideshow requires JavaScript.

સભાની શરૂઆત- પુ.પ્રેમવદન સ્વામી અને યુવકો દ્વારા ધુન્ય અને કીર્તન થી થઇ….બ્રહ્માનંદ સ્વામી રચિત…..” હરિવર હીરલો રે…..” કૈક અલગ જ રાગ માં રજુ કર્યું….અદ્ભુત…!!! ત્યારબાદ પ્રેમાનંદ સ્વામી રચિત કીર્તન…” મન વસિયો રે મારે મન વસિયો……” અને મુક્તાનંદ સ્વામી રચિત અદ્ભુત કીર્તન…..” અનુભવી આનંદ માં ..બ્રહ્મરસ ના ભોગી…..રે..” રજુ કર્યું…..

પછી તાજેતર માં જ – પ્રગટ અક્ષરબ્રહ્મ મહંત સ્વામી મહારાજ ની આજ્ઞા થી- સદ્ગુરુ સંતો – પુ. ત્યાગવલ્લભ સ્વામી અને પુ. કોઠારી ભક્તિપ્રિય સ્વામી ની નિશ્રામાં આપણા સંતો ના બે ગ્રુપ વારાફરતી -ચારધામ ની યાત્રા કરી આવ્યા……નીલકંઠ વરણી રૂપે શ્રીજી મહારાજે જે અતિ કઠીન વિચરણ એ ચાર ધામ તીર્થો માં કર્યું હતું..તેની યાત્રા-દર્શન સંતો કરી આવ્યા…..એના સંસ્મરણ -સભા સાથે વહેંચતા પુ.વિવેક મુની સ્વામી એ – ફોટોગ્રાફસ ની મદદ થી દરેક તીર્થ ધામ અને એના મહિમા વિષે જણાવ્યું…!!! અદ્ભુત……અદ્ભુત…! પૂર્વ પ્રધાનમંત્રી શ્રી ગુલઝારીલાલ નંદા એ પોતાના ગુરુ બ્રહ્મ સ્વરૂપ શાસ્ત્રીજી મહારાજ નો મહિમા – છેક ઉત્તરાખંડ સુધી પહોચાડ્યો……કાત્યાની દેવી( પાંડવો ની કુળદેવી) ના પ્રાચીન મંદિર માં પણ શાસ્ત્રીજી મહારાજ ની અને અક્ષર પુરુષોત્તમ મહારાજ ની પાંચ મૂર્તિ ની સ્થાપના એમણે કરી હતી…એના દર્શન સૌ કોઈએ કર્યા…! ૧૯૮૭ માં ૩૦૦ થી વધુ સંતો ને લઈને પ્રમુખ સ્વામી મહારાજ -ચારધામ યાત્રા એ ગયેલા…..એની સ્મૃતિ અને બાપા ની હાજરી -એમનો મહિમા-નો અનુભવ બધા સંતો ને આ યાત્રા માં થયો…!

ત્યારબાદ – પ.પુ.મહંત સ્વામી મહારાજ ના લંડન -નીસ્દન મંદિર ખાતે ના વિચરણ ( ૨૩/૦૯/૨૦૧૭) દર્શન ના વિડીયો નો લાભ સૌને મળ્યો…….સવારે ૫-૩૦ વાગ્યે કડકડતી ઠંડી માં – વિશાલ સભાખંડ ખીચોખીચ ભરેલો હોય…..નાના નાના બાળકો પણ એ પ્રાત: પૂજા ની સભામાં આવતા હોય તેનાથી – મોટી નિષ્ઠા ની પ્રતીતિ …સત્પુરુષ ના ખેંચાણ ની પ્રતીતિ કઈ હોઈ શકે???

ત્યારબાદ પુ.બ્રહ્મ વિહારી સ્વામી કે જે – હાલ માં જ અમેરિકા અને લંડન ખાતે ના – સ્વામીશ્રી ના આ અદ્ભુત વિચરણ નો લાભ લઈને પરત ફર્યા છે..તેમની ધારદાર વાણી માં- એ અનુભવામૃત નો લાભ સર્વે ને મળ્યો…વિષય હતો…” સંપ..સુહ્રદ ભાવ અને એકતા નો મહિમા” …અદ્ભુત પ્રવચન……જોઈ એ સારાંશ….

  • મહંત સ્વામી મહારાજે – ગુણાતીત પરંપરા ની જેમ પોતાના દેહ ની પરવા કર્યા વગર અતિ કઠીન વિચરણ ચાલુ જ રાખ્યું છે……જેનો હેતુ…હરિભક્તો માં – પ.પુ.પ્રમુખ સ્વામી મહારાજ ની સ્મૃતિ ને ઓર મજબુત કરવા નો છે…….સદાયે તાજી રાખવા નો છે…
  • આપણો સંપ્રદાય..આપણી સંસ્થા પ્રગટ ની છે…….શ્રીજી એ પણ કહ્યું છે કે- એ સદાયે પ્રગટ રહે છે……માટે સમજણ અગત્ય ની છે..આ વાત ની પ્રતીતિ અગત્ય ની છે….કોઈ પૂછે તો કહેવાય કે- પ્રમુખ સ્વામી મહારાજ ની સાચી સિદ્ધિ કઈ…તો કહેવાય કે- એક પત્ર માત્ર થી લાખો હરિભક્તો -સંતો સહજ માં મહંત સ્વામી મહારાજ માં જોડાઈ જાય…….
  • આપણા ગુરુમુખી સંપ્રદાય માં….ખાસિયત એ છે કે- અહી એક વિચાર…એક ગુરુ…એક રૂચી છે…….જે ભક્તો નું ખેંચાણ પ્રમુખ સ્વામી મહારાજ પ્રત્યે હતું…એવું જ આજે મહંત સ્વામી મહારાજ માં છે..એની સર્વે ને પ્રતીતિ ડગલે ને પગલે થાય છે…..અમેરિકા અને લંડન જેવા પ્રદેશો માં – સવારે ૫-૩૦ ઉઠી હજારો હરિભક્તો રોજ પ્રાત:પૂજામાં હાજર થઇ જાય અને એ પણ નાના નાના બાળકો સાથે……..!! એ શું કહેવાય…!!! એ લોકો ગાંડા નથી….પણ સમજે છે કે- ગુણાતીત ના દર્શન નો મહિમા શું છે??
  • બાપા એ આપણ ને કહ્યું કે- હું સદાયે તમારી સાથે રહીશ……..જે આજે આપણ ને મહંત સ્વામી મહારાજ માં દેખાય છે……! બાપા એ – હરિભક્તો ને આપેલું વચન કદાપી ઉથાપ્યું નથી…..તો આ વચન ઉથાપે???
  • આપણો સંપ્રદાય …આપણી સંસ્થા સત્ય આધારિત છે……..જેમાં જે બોલાય છે તે થાય છે…તેનો અનુભવ બધાને પ્રત્યક્ષ છે…..કારણ કે – સત્પુરુષ જ્યાં સાક્ષાત બિરાજમાન હોય ત્યાં બધું જ હોય…એમના આધારે જ આ બધું ચાલે છે…બાકી- મંદિરો..જ્ઞાન ની વાતો….મેનેજમેન્ટ…સંપ..એ બધું તો Add on છે……એમના લીધે છે…..
  • અને એ જ સત્પુરુષ મહંત સ્વામી મહારાજ નો રાજીપો- સંપ માં છે…..આપણે ટોળા નથી પણ એક પરિવાર છીએ…..એમ સ્વામી વિચારે છે…અને આટલો બધો ભાર -સંપ પર એટલા માટે કે- એમના ગુરુ યોગીજી મહારાજે – ગોંડલ માં કહ્યું હતું કે- સુહ્ર્દભાવ થી ગુણાતીત બાગ ને એક કરી દેવો છે……..અને એટલા માટે જ મહંત સ્વામી મહારાજ આજે – સંપ પર એટલો ભાર મુકે છે…જે – દાસભાવ….સુહાર્દભાવ…..અને તમામ હરિભક્તો-સંતો માં દિવ્ય ભાવ હશે તો જ આવશે…….! જીવ ના પોષણ માટે પણ સંપ જરૂરી છે….
  • આજનું આધુનિક સમાજ વિજ્ઞાન કહે છે કે – અસ્તિત્વ માટે સંપ અને સુહ્ર્દભાવ જરૂરી છે………વિજ્ઞાને સાબિત કર્યું છે કે- જેમ બધા વૃક્ષ એકબીજા સાથે અંદર થી જોડાયેલા છે…વાતચીત કરે છે……તેમ આપણે પણ સદાયે જોડાયેલા રહેવા નું છે……
  • સંસાર હોય કે- સત્સંગ…સુખ જોઈ તો સંપ રાખવો જ પડશે………પારિવારિક પ્રશ્નો માં સંપ નો- સુહ્ર્દભાવ નો અભાવ જ રહેલો છે……રીસર્ચ કહે છેકે- ભણતર અને પૈસા થી માત્ર ૭% જ સુખ નો ભાવ પ્રાપ્ત થાય છે જયારે ૮૦% થી વધુ તો- માણસ ના – અંગત સંબંધો…એના સમીકરણો …એની સમજણ…..પર જ સુખ નો આધાર છે…..
  • કહેવાય છેકે- જો સ્વાર્થ સમાન હોય…તો પૈસા માટે પણ લોકો સંપ રાખે છે……તો આ તો જીવ ના કલ્યાણ માટે નો સત્સંગ છે……..એના માટે સંપ કેમ ન રખાય??? યોગીબાપા ના રાજીપા નો વિચાર કરી ને પણ સંપ કેમ ન રખાય??????
  • મહંત સ્વામી મહારાજ તો એટલે સુધી કહે છે કે……સંપ…સુહ્ર્દભાવ…. વગર બ્રહ્મરૂપ થવાય જ નહિ……..અને પ્રમુખ સ્વામી મહારાજ તો કહેતા કે….ઝેર ખાઈ ને પણ સત્સંગ માં સંપ રાખવો પડશે……..!!!

તો- ચાલો સ્વામી- શ્રીજી ને…ગુરુહરિ ને પ્રાર્થના કરીએ કે- આપણે આપણા ઘરમાં…પરિવારમાં…..ગામ માં…સત્સંગમાં – સંપ..સુહ્ર્દભાવ અને એકતા રાખી શકીએ……! અદ્ભુત…અદ્ભુત….!!! પુ.બ્રહ્મવિહારી સ્વામી ને સાંભળવા એક લ્હાવો છે…….જેમના શબ્દે શબ્દે બળ ટપકે છે………!

સભાને અંતે અમુક જાહેરાત થઇ…..

  • જમો ને જમાડું- અન્નકૂટ સેવા અભિયાન – આજથી બંધ થયું છે….કારણ કે દિવાળી નજીક છે…પૂર્વ તૈયારી નો સમય થઇ ગયો છે….
  • યુવા અધિવેશન ( સત્સંગ જ્ઞાનામૃતમ) ની આજે સ્પર્ધા હતી..જેના વિજેતા ઓ નું આજે જાહેર માં સન્માન થયું…..

તો આજની સભા – નો એક એક શબ્દ જો જીવ માં દ્રઢ થાય તો………”કેશવ ક્યાય છેટો નથી….” સદાયે સાથે જ છે……….

સમજતા રહો…………….જય સ્વામિનારાયણ…………

રાજ

 


Leave a comment

BAPS શ્રી મહંત સ્વામી મહારાજ દર્શન રવિસભા-૧૬/૦૪/૨૦૧૭

….ગાન કે ધ્યાન તમે શીખો પણ ધર્મ, જ્ઞાન, વૈરાગ્ય ને ભક્તિ -એ ચાર ને હૃદય માં ધારવા એ ગુણ ભારે છે…..આ સાધન સૌથી મોટું છે….ભગવાન ની પ્રસન્નતા નું દ્રઢ મૂળ આ જ છે…..ગાન વિદ્યા જેવા બીજા અનેક ગુણો ધારણ કરે, પણ એકાંતિક ધર્મ ની તોલે એ ન આવે…..એકાંતિક ધર્મ એ મૂળ છે…..


ભગવાન શ્રી સ્વામિનારાયણ- શ્રીહરિ ચરીત્રામૃત સાગર-૪/૪૮/૧૧-૧૨

શ્રીજી મહારાજ નો  સંકલ્પ- સર્વે જીવ ને એકાંતિક ધર્મ સિદ્ધ કરાવી પોતાના ધામ માં લઇ જવા એ હતો….અને એ જ સંકલ્પ આજે પણ શ્રીજી ના અખંડ ધારક ગુણાતીત પુરુષ ની આજ્ઞા …કાર્ય માં દેખાય છે…..! પ્રગટ અક્ષરબ્રહ્મ મહંત સ્વામી મહારાજ આજકાલ અમદાવાદ ને આંગણે છે અને સર્વે ને સત્સંગ નું અતુલ્ય સુખ આપી રહ્યા છે. આજ ની સભા એ યુવકો દ્વારા – પોતાના ગુરુ ના ચરણો માં એક અર્ચના સમાન હતી.

ગુરુહરિ નિજ મંદિર માં હોય પછી અમદાવાદી ઓ પાછા પડે??? સભાના બંને હોલ સમય પહેલા જ ભરાઈ ગયા …..સંતો-હરિભક્તો-કાર્યકરો નો થનગનાટ દેખાતો હતો….અમે પણ શ્રીજી ના અદભુત દર્શન નો લાભ લઇ..જ્યાં સ્થાન મળ્યું ત્યાં ગોઠવાઈ ગયા…..

collage_20170417000122501

સભાની શરૂઆત યુવક મિત્રો દ્વારા સ્વામિનારાયણ ધુન્ય થી થઇ…….ત્યારબાદ બ્રહ્માનંદ સ્વામી રચિત કીર્તન પદ….”સર્વે માન તજી…….સંતન કે મુખ સે..” રજુ થયું……ત્યારબાદ લંડન થી પધારેલ એક કિશોર- રાહુલ દ્વારા વાયોલીન પર બે અદભુત કીર્તન રજુ થયા…..” પધારો ને સહજાનંદજી…….” અને “તું રંગાઈ જાને રંગમાં……” ..વાયોલીન પર અદભુત કાબુ……સહેજ પણ સુર કે લય નો ડગમગાટ નહિ…….! આજે સવારે જ પ્રાત: પૂજામાં મહંત સ્વામી મહારાજે આ કિશોર પર ખુબ રાજીપો જણાવેલો….!

ત્યારબાદ પારાયણ નિમિત્તે યજમાનો દ્વારા પોથી અને સંત વક્તા ના પૂજન ની વિધિ થઇ…..પુ.આત્મ સ્વરૂપ સ્વામી જેવા અતિ વિધવાન અને અનુભવી સંત ના મુખે- સ્વામીશ્રી ના કેન્યા અને સાઉથ આફ્રિકા ના સત્સંગ વિચરણ- ત્યાના હરિભક્તો ની નિષ્ઠા…..સત્સંગ સમજણ અને ઈતિહાસ ની અદભુત માહિતી મળી…..જોઈએ સારાંશ….

  • આફ્રિકા માં ૯૦ વર્ષ જુનો સત્સંગ છે…….લગભગ ૧૦ વર્ષ ના અંતરાલ પછી સત્પુરુષ અહી ની ધરતી પર પધાર્યા છે…છતાં ત્યાં સત્સંગ સદાયે ની જેમ નવપલ્લિત જ છે…….બળવત્તર છે…..કારણ કે- ત્યાના હરિભક્તો ની નિષ્ઠા…સમર્પણ…..સમજણ..!
  • કેન્યા ના મહેશભાઈ હોય કે ભરતભાઈ…કનુભાઈ હોય કે જીતુભાઈ પ્લમ્બર…….સર્વે હરિભક્તો એ સત્સંગ માટે પોતાનું કઈ પણ વિચાર્યા વગર સર્વસ્વ અર્પણ કરી દીધું છે…….પોતાનું નિકટ નું સ્વજન ગુમાવ્યું હોય છતાં – સત્સંગ ની સમજણ ને લીધે સ્થિર રહ્યા છે………
  • ભક્તેશ જેવો ૯ વર્ષ નો બાળક હોય કે જે- સેવામાં એકલા હાથે ૭૫-૭૫ યજમાનો ની સેવા લઇ આવતો હોય કે- ત્યાના હબસી- મોઈસ અને જ્યોર્જ જેવા હરિભક્ત હોય કે- જે ભાષા…ધર્મ ની મર્યાદા ને લાંઘી……પોતાના સમાજ ના લોકો ના હાથે અપમાનો સહન કરી – આપણા સત્સંગ માં સહેજે જોડાઈ ગયા હોય……! આફ્રિકા મંડળ હમેંશ ની જેમ અદભુત છે……..મહંત સ્વામી મહારાજ ખુબ જ પ્રસન્ન થયા…..
  • સાઉથ આફ્રિકા ના બાલ-યુવક મંડળો ની પણ નિષ્ઠા…સંપ અદભુત હતો………વિવિધ કીર્તન…સ્તોત્ર……ની રમઝટ સાથે સત્સંગ પરીક્ષા ના વિવિધ પ્રકરણ નો હાર બનાવી સ્વામી ને પહેરાવ્યો……અને સ્વામી ને અત્યંત રાજી કર્યા….અને “સંપ” ને મધ્યવર્તી વિચાર રાખી ને સંતો-ભક્તો એ કરેલા વિવિધ હાર અને પ્રોગ્રામ ને સ્વામીશ્રી એ વખાણ્યા…..

અદભુત……અદભુત…….! મને હરમાનભાઈ…મગનભાઈ જેવા જુના હરિભક્તો ની યાદ આવી ગઈ..!!!!

ત્યારબાદ- દિલ્હી અક્ષરધામ ખાતે બનેલી અભૂતપૂર્વ ઘટના – કે જેમાં આપણા પ્રધાન મંત્રી શ્રી નરેન્દ્ર મોદી -પોતાની અંગત ઈચ્છા ને આધારે – ભારત ની ભવ્યતા-સાંસ્કૃતિક પ્રદાન ને જગત ને બતાવવા- ઓસ્ટ્રેલિયન પ્રધાનમંત્રી માલ્કમ ટર્નબુલ ને -દિલ્હી નું અક્ષરધામ બતવવા લઇ આવ્યા…..લગભગ કલાક સુધી ચાલેલા આ દર્શન-નો લાભ બંને એ લીધો…અને તેના સાક્ષી રહેલા પુ.બ્રહ્મવિહારી સ્વામી એ અદભુત વાતો કરી….! ઓસ્ટ્રેલીયા ના પ્રધાનમંત્રી એટલા પ્રભાવિત થયા કે- તેમણે સિડની ના મંદિર ની મુલાકાત લેવાનું નક્કી કર્યું છે….અને મોદી સાહેબ તો હમેંશ ની જેમ બોલી ઉઠ્યા કે…..ભારત ની આ તો ખાસિયત છે……!!!! મોદી સાહેબે પોતે- આ મંદિર ની..પ્રમુખ સ્વામી મહારાજ ની…સંતો ના મહિમા ની વાતો અઢળક કરી…….પોતે સમગ્ર માહિતી ઓસ્ટ્રેલીયન પ્રધાન મંત્રી ને આપી..! વિડીયો નીચેની લિંક દ્વારા જોઈ શકાશે….

અદભુત…!

ત્યારબાદ જેની ઘડી ઉત્કંઠા થી જોવાતી હતી…તે આવી ગઈ…..! પ્રગટ બ્રહ્મસ્વરૂપ મહંત સ્વામી મહારાજ નું આગમન થયું……અને સમગ્ર સભા માં જયજયકાર છવાઈ ગયો…….પુ.ઈશ્વરચરણ સ્વામી અને સંતોએ – ચંદન ચર્ચી…હારતોરા કરી એમનું સ્વાગત કર્યું……..યુવક મંડળ ના વૃંદે સ્વામી ને આવકાર્યા……મોટા ટીવી સ્ક્રીન પર અમદાવાદ ના સર્વ યુવક મંડળો પર સ્વામી એ દ્રષ્ટિ આશિષ વરસાવ્યા……યુવકો ને આશીર્વાદ આપ્યા…આરતી કરી….યુવતી મંડળ દ્વારા બનાવેલા થાળ ને શ્રી હરિકૃષ્ણ મહારાજ ને ધરાવ્યો……છેલ્લે જળ ગ્રહણ કરી ને સર્વે ને રાજી કર્યા…….યુવકો એ વિવિધ સંવાદ દ્વારા દર્શાવ્યું કે- કઈ રીતે ઈન્ટરનેટ અને સોશિયલ સાઈટ્સ ના વળગણ થી શું નુકશાન થાય છે???…એમાં થી શી રીતે છૂટી શકાય છે??….સત્સંગ અને સદવાચન તેમાં કઈ રીતે મદદરૂપ બની શકે છે???

ત્યારબાદ અન્ય એક સંવાદ માં- મનુષ્યભાવ રાખવા થી…અવગુણ જોવા થી કેવા કેવા દોષ આપણ ને નડે છે…અને દિવ્યભાવ રાખવા થી શું શું લાભ થાય છે…….એ સર્વે ની રજૂઆત થઇ……! અને અંતે સર્વે યુવકો એ…..હરિભક્તો એ સત્પુરુષ અને હરિકૃષ્ણ મહારાજ ના ચરણો માં….”મહા બળવંત માયા તમારી…..જેને આવરીયા નર નારી….” રજુ કરી …પોતાના અંતર ના ભાવ પ્રગટ કર્યા……!

છેલ્લે- મહંત સ્વામી મહારાજે -શ્રીહરિ ચરીત્રા મૃત સાગર ગ્રંથ આધારિત -એકાંતિક ધર્મ ની વાત કરતા કહ્યું કે…..ગુણાતીત ગુરુ મળ્યા એટલે બધું મળી ગયું છે…બસ હવે સ્વભાવ ટાળવા ના છે….એની સાથે કુશ્તી કરવા ની છે…….! સ્વભાવ રાતોરાત નહિ છૂટે……પણ પ્રયત્ન કરવા થી એક એક કરી ને છૂટશે………..અને એકાંતિક થવાશે….

સ્વભાવ છૂટશે એટલે – જીવ ને છતે દેહે અક્ષરધામ મળ્યું છે તેની પ્રતીતિ થશે…….કોટી જન્મ તપ કરે તેના કરતા પ્રગટ ની આજ્ઞા માં રહે તે મોટું સુખ છે………પ્રગટ ની એક આજ્ઞા અન્ય આજ્ઞા ઓ કરતા કરોડ ગણી વધારે છે………..માટે તેમાં રહી…એકાંતિક થવું છે..તેવું નિશાન રાખવું…….એક ભગવાન નું ધ્યેય રાખવું..!

અદભુત…અદભુત…! સ્વામીશ્રી થોડાક થાકેલા લાગે છે…પણ એમની વાણી માં બળ અતુલ્ય છે………….

ત્યારબાદ સભાને અંતે જાહેરાત થઇ…..

  • આવતીકાલે- “ગ્રામ્ય સભા” છે…….અમદાવાદ ની આસપાસ ના ૧૦૦ જેટલા ગામ ના હરિભક્તો દ્વારા કાલે અદભુત પ્રોગ્રામ થશે……સમય સાંજે ૬ વાગ્યે…..
  • આવતા શુક્રવારે – મહંત સ્વામી મહારાજ દ્વારા – પ્રખ્યાત ચિત્રકાર શ્રી વાસુદેવ કામત દ્વારા શ્રીજી મહારાજ ના ૪૯ વર્ષ ના આયુ …જીવન ગાથા પર ચિત્રાંકિત ૪૯ – અદભુત….અતુલ્ય…અમુલ્ય ચિત્રો કે જે છેલ્લા ૨૨૦ વર્ષ ના ઈતિહાસ માં કોઈ એ રચ્યા નથી…..તેવા ચિત્રો પ્રકાશિત થવા ના છે……ખુબ મોટી સભા છે કે જેમાં મોટેરા મહેમાનો….અગ્રગણ્ય લોકો આવવા ના છે…………..
  • મહંત સ્વામી મહારાજ દરરોજ  -સવારે ૭ વાગ્યે અને સાંજે ૬ વાગ્યે – સભામાં દર્શન નો લાભ આપશે………….

તો- આજની સભા…..શ્રીજી ના સંકલ્પ ને સમજવાની…ગુણાતીત ના કાર્ય…પ્રગટ પ્રમાણ ને માણવા ની હતી……..જે આ સત્પુરુષ ને ઓળખે છે….સમજે છે…..એમના માં હેતે કરી…તને..મને…જીવે કરી જોડાય છે……તે છતે દેહે અક્ષરધામ નો અધિકારી બને છે…………….એમાં રતીભાર પણ શંકા નથી..!

જય સ્વામિનારાયણ

રાજ


Leave a comment

BAPS રવિસભા-૧૮/૦૯/૧૬

પછી શ્રીજીમહારાજે મુનિમંડળને પ્રશ્ન પૂછ્યો જે,

“ભગવાનનો ભક્ત હોય તેને એવો કયો ઉપાય છે જે, જેણે કરીને સદા સુખી રહેવાય?”

પછી મોટા મોટા સાધુ હતા તેણે જેવું જેને સમજાયું તેવો તેણે ઉત્તર કર્યો. પછી શ્રીજીમહારાજ બોલ્યા જે,

“એનો ઉત્તર તો એમ છે જે, જે ભગવાનના ભક્તને એક તો દ્રઢ વૈરાગ્ય હોય, અને બીજો અતિશય દ્રઢ સ્વધર્મ હોય, અને જેણે એ બે સાધને કરીને સર્વે ઇન્દ્રિયોને જીતીને પોતાને વશ કર્યાં હો; અને જેને ભગવાન ને ભગવાનના ભક્તને વિષે અતિશય પ્રીતિ હોય; અને જેને ભગવાન ને ભગવાનના ભક્તને વિષે અતિશય મિત્રભાવ વર્તતો હોય; અને જે કોઈ દિવસ ભગવાન કે ભગવાનના ભક્ત થકી ઉદાસ થાય નહીં; અને જે ભગવાન ને ભગવાનના ભક્તને સંગે જ રાજી રહે પણ કોઈ વિમુખ જીવની સોબત ગમે નહીં; એવાં જે હરિભક્તનાં લક્ષણ હોય તે આ લોકને વિષે તથા પરલોકને વિષે સદાય સુખિયો રહે છે…….


વચનામૃતમ-ગઢડા અંત્ય-૮

આજ ની સભા અદ્ભુત હતી……ભક્તો ને સદાયે સુખી કેમ રહેવાય …..એના રહસ્ય પર હતી….!!..મેઘરાજા બે દિવસ થી અમદાવાદ ને માથે ચડી ને બેઠા છે…અને આજે રીઝ્યા……બફારા થી રાહત મળી….અને સત્સંગ નું શીતળ સુખ મળ્યું……..સભામાં ગોઠવાયા એ પહેલા હીરાજડિત હાર થી શોભતા શ્રીજી અને એમના મંડળ ના અદ્ભુત દર્શન થયા…..

14316788_597377197117123_1013562231122253168_n

સભામાં ગોઠવાયા ત્યારે શરૂઆત યુવક મંડળ દ્વારા સ્વામિનારાયણ મંત્ર ધુન્ય થી થઇ…..ત્યારબાદ યુવક જૈમીન વૈદ્ય દ્વારા ,બ્રહ્માનંદ સ્વામી રચિત “માવા તારી મૂર્તિમાં ..” કીર્તન રજુ થયું…….અદ્ભુત…!! ત્યારબાદ આમંત્રિત યુવક મિત્ર ( નામ-અજ્ઞાત) દ્વારા અદ્ભુત શાસ્ત્રીય રાગ મા  પ્રેમાનંદ સ્વામી રચિત “ રૂડા લાગો છો રાજેન્દ્ર ….” રજુ થયું………હાઈ –લો પીચ વચ્ચે અદ્ભુત સંતુલન ..રાગ ની ગૂંથણી થી શોભિત આ કીર્તન બધા ને ડોલાવી ગયું……..! ત્યારબાદ નીરવ દ્વારા બ્રહ્માનંદ રચિત “ હરિવર હીરલો રે……” રજુ થયું…..અને સમગ્ર સભા ઉત્સાહ ના મોડ મા આવી ગઈ…………! કીર્તન ભક્તિ જીવ ને શ્રીજીમાં એકતાર કરી દે…છે……. નાસ્તિક જીવ પણ આસ્તિક થઇ જાય….એવી મોહિની કીર્તન ના સુર માં છે….

ત્યારબાદ પૂ.ધર્મજ્ઞ સ્વામી દ્વારા અક્ષરબ્રહ્મ પ્રમુખ સ્વામી મહારાજ ના ધામ ગમન પછી ના અદ્ભુત પ્રસંગો નું વર્ણન થયું……જોઈએ સારાંશ….

  • પંચાળા -૭ ના વચનામૃત મા –જેમ નટ ની લીલા ની વાત શ્રીજી એ કરી છે……તેવી જ મોટા પુરુષ અને શ્રીજી ની લીલા હોય છે……એ ક્યાય જતા નથી….બસ સ્વરૂપ…બદલાય છે…..કાર્ય એ જ રહે છે…….
  • એ જ વાત સ્વામી ની વાતો મા –સ્વામી એ કહ્યું છે કે….હું ચિરંજીવી છું…..(૫/૬૭)
  • લંડન મા એ જ વાત પ્રમુખ સ્વામી મહારાજે એક હરિભક્ત ને કહ્યું હતું…..કે અમે ચિરંજીવી છીએ…..
  • બાપા ના ધામ મા ગયા પછી પણ એમની દિવ્યતા નો અનુભવ સત્સંગી-બિન સત્સંગી બધા ને થયો છે….અમદાવાદ ના સત્સંગી દિલીપ ભૂપતાણીના ભાઈ વિક્રમભાઈ સત્સંગી નહોતા ….પણ જયારે બાપા ની અન્તેષ્ઠિ વિધિ થઇ રહી હતી ત્યારે એમણે…એમના સ્નેહી સ્વજનો…પડોશીઓ..એ ….. એમના ઘરે ટીવી મા લાઈવ ટેલીકાસ્ટ જોતા સમયે સુખડ-ચંદન ની સુવાસ નો અનુભવ લગભગ અડધા કલાક સુધી કર્યો…..!! એમની બહેન ને પણ પોતાના ઘરે એ સુવાસ નો અનુભવ થયો…..અને એ બધા આસ્તિક થઇ ગયા…..સત્સંગી થઇ ગયા…..
  • લંડન મા નીરજ નામના યુવક ના પ્રશ્ન મા સ્વામીશ્રી એ કહ્યું હતું કે- સત્પુરુષ સદાયે રહે છે……એક જશે તો બીજા આવશે અને એવું ને એવુ જ સુખ આપશે………..
  • ઘનશ્યામ ભાઈ નામના અમદાવાદ ના હરિભક્ત ને સ્વપ્ન મા સ્વામીશ્રી એ દર્શન આપી ને કહ્યું કે –હું મહંત સ્વામી મા અખંડ રહ્યો છું……
  • અમદાવાદ મંદિરે હાલ રોજ દર્શન કરવા આવતા હરિભક્ત ને –પ્રગટ અક્ષરબ્રહ્મ મહંત સ્વામી મહારાજ (,હમણાં અમદાવાદ હતા તે સમયે) …તેમણે આશીર્વાદ આપ્યા ને એ ભાઈ નું બ્લડ કેન્સરના રીપોર્ટ આશ્ચર્યજનક રીતે સ્થિતિમાં તીવ્ર સુધારો દર્શાવવા લાગ્યા….!!! અને આ પ્રસંગ એ ભાઈએ –પોતે ધર્મજ્ઞ સ્વામી ને કહ્યો…….!

ત્યારબાદ ગઢડા અંત્ય-૮ ના વચનામૃત પર આધારિત પ્રવચન કરતા –અમદાવાદ મંદિર કોઠારી પૂ.આત્મકીર્તિ સ્વામી એ કહ્યું કે……

  • સત્સંગ એ સુખ નો સાગર છે…..છતાં એ સુખ ની સાથે સાથે ક્યારેક દુખ નો પણ અનુભવ થાય છે કારણ કે ભગવાન ભજ્યા મા એટલી કસર રહે છે…જેને લીધે શ્રીજી દુખ આપી ને પણ ભક્ત ની એ કસર ટાળી સુખિયો કરે છે…..(જેતલપુર-૫)
  • સદાયે સુખિયા રહેવા માટે જીવે શ્રીજી એ કહેલા મારગે ચાલવુ પડે……સત્પુરુષના ગુણ મા જેટલી પ્રીતિ હોય તેટલું સુખ આવે…….અને જેટલી આજ્ઞા પળશે તેટલી સત્પુરુષ સાથે નિકટતા વધશે ………
  • વૈરાગ્ય નો ગુણ જીવ ને જગત માંથી છોડાવી ભગવાન મા જોડે છે…..એ દ્રઢ કરવો પડે………નિષ્કુળાનંદ સ્વામી ને વૈરાગ્ય એવો લાગ્યો કે …એમના ગુણે એમના પુત્ર માધવજી એ ત્યાગાશ્રમ સ્વીકાર્યો……..બ્રહ્માનંદ સ્વામી…લાડુદાન ગઢવી તરીકે  પૂર્વાશ્રમ મા –શ્રીજી ના વચને લાડુબા-જીવુબા ને સંસાર ના સુખ સમજાવવા ગયા અને પોતે એમના જીવન અને વૈરાગ્ય જોઈને સાધુ થઇ ગયા…..!!!
  • પ્રમુખ સ્વામી મહારાજ ના જીવન મા આવી અનાસક્તિ દેખાય છે…………વૈરાગ્ય એમના જીવન મા વણાયેલું હતું……..એટલે જ એ સ્થિર હતા…..
  • સ્વધર્મ નો એવો જ મહિમા પણ સ્વામીશ્રી ના જીવન મા જોવા મળતો……….નિયમ ધર્મ મા સહેજ પણ ચૂક નહિ……..સ્વધર્મ વગર નો સત્સંગ એટલે માથા પર પાણો મૂકી દરિયો પાર કરવા જેવું છે ..એમ શ્રીજી –ગઢડા મધ્ય ૩૫ મા કહે છે…..
  • પ.પૂ. મહંત સ્વામી મહારાજ કહે છે કે- સ્વધર્મ મા રહીએ….ગુણ લઈએ…..તો મોટા પુરુષ ને ગમીએ……….

અદ્ભુત……અદ્ભુત……..!!…..ત્યારબાદ સ્વામીશ્રી ના ધામ ગમન બાદ દુનિયાભર મા થયેલી શ્રદ્ધાંજલિ સભાઓ નો ચિતાર-અનુભવ-પ્રસંગ ની વાત કરતા પૂ.બ્રહ્મવિહારી સ્વામી એ એમની રસપ્રદ શૈલી મા કહ્યું કે…..

  • સ્વામીશ્રી ની દિવ્યતા એવી હતી કે એમના દર્શન માત્ર થી નાસ્તિક ..આસ્તિક થઇ ગયા…….બધા બાપા મા હેત થી જોડાયા હતા….
  • ચેન્નાઈ મા અમુક દિવસ પહેલા શ્રદ્ધાંજલિ સભા હતી…..રામકૃષ્ણ મિશન ના –બેલ્લુર મઠ ના નીર્મલાનંદ સ્વામી એ સ્વામીશ્રી ને રૂબરૂ ન મળી શક્યા નો અફસોસ જાહેર કર્યો….અને જાહેરમાં સ્વામીશ્રી નો મહિમા ગાયો……
  • ત્યાના સત્સંગી અને પ્રખ્યાત ઉદ્યોગપતી ભરતભાઈ કામટે એ કહ્યું કે – હું માતાજી નો ભક્ત છું..પણ છેલ્લા ૧૩ વર્ષ થી માતાજી ની પૂજામાં સ્વામીશ્રી ના દર્શન કરું છું…….એ વાત એમણે જાહેરમા કહી….
  • દિલ્હીમાં રાજનેતા અમરસિંહ…….બેંગલોર મા રાજ્યપાલ વજુભાઈ વાળા એ સ્વામીશ્રી ના મહિમા ના જાત અનુભવો કહ્યા………..પ્રમુખ સ્વામી ની દિવ્યતા એક જ પ્રસંગ માં દુનિયા ને દેખાઇ…કે સ્વામીશ્રી એ લખેલા ૪ લીટી ના પત્ર થી લાખો હરિભક્ત…હજારો સંતો..પાર્ષદો મહંત સ્વામી મહારાજ માં એવા જ હેત થી….કોઇ પ્રશ્ર્ન વગર …જોડાઇ ગયા…….!
  • દુબઈ મા અરબ દેશ ના રાજા ના પૌત્ર ને અમદાવાદ મા બાપા ના દર્શન થયા હતા……અને એમના જીવમાં જાણે કે ચેતના નો સંચાર થયો હતો….એવી વાત એમણે કરી…….અને દુબઈ સભામાં એમણે અને અન્ય આરબ નેતાઓ એ જાહેરાત કરી કે- આરબ દેશો મા પ્રથમ હિંદુ મંદિર –એ બેપ્સ નું સ્વામિનારાયણ મંદિર હશે…!!! આનંદો હરિભક્તો……આનંદો……!
  • મુંબઈ મા- પૂ.મહંત સ્વામી મહારાજ ની નિશ્રામાં થયેલી શ્રદ્ધાંજલિ સભામાં વિવિધ અગ્રણી ઓ ની સાથે અભિનેતા-રાજનેતા-પરેશ રાવલે –પોતાના અનુભવ ની વાત કરતા કહ્યું કે…….હું અમુક કારણોસર સ્વામીશ્રી ને રૂબરૂ દર્શન ન કરી શક્યો જેનો વસવસો આખી જીંદગી રહેશે…..પણ એમના ગુણ સાંભળી ને એમની દિવ્યતા ની ખબર પડી…..એમના જેવા સંત મળવા મુશ્કેલ છે……..એ જ વાત નો ઓડિયો સભામાં રજુ થયો……

ત્યરબાદ મુંબઈ મા બિરાજમાન પ.પૂ.મહંત સ્વામી મહારાજ ના વિડીયો પ્રવચન-દર્શન નો લાભ મળ્યો………સ્વામીશ્રી એ “જમો ને જમાડું” ઉત્સવ વિષે કહ્યું કે……અન્નકૂટ મા સૌ કોઈ ને સેવા નો…પુણ્ય નો લાભ મળે એ માટે સ્વામી એ આ ગોઠવ્યું છે……….! શ્રીજી મહારાજે દશાંશ-વિશાશ ની વાત કરી અને સર્વ લોકો વ્યવહારે સુખિયા થાય..રહે એ માટે નો માર્ગ બતાવ્યો……આપણે પણ એ માટે સર્વને- અન્નકૂટ ની સેવા મા જોડવા ના છે……..કોઈ એક રૂપિયો પણ ભગવાન માટે આપશે તો એનું કલ્યાણ થાશે……..! ભગવાન ને- બધા ભક્ત લોક વ્યવહારે સુખી થાય એ માટે પ્રાર્થના કરીએ છીએ……..! વળી ,મુંબઈ ના કોઠારી સ્વામી એ ૫૧૦૦૦ ભક્તો ને અન્નકૂટ ના સેવા-દર્શન નો લાભ મળે એ માટે સંકલ્પ કર્યો છે…એ પણ પુરો થાશે એના આશીર્વાદ છે…….!

અદ્ભુત……અદ્ભુત…! સત્પુરુષ ના વચન ક્યારેય મિથ્યા હોતા નથી…………! અને એમની કરુણતા ..કૃપા જુઓ……! અમદાવાદ મા પણ પૂ.ઈશ્વરચરણ સ્વામી એ ૫૦૦૦૦ ભક્તો અન્નકૂટ ના સેવા-દર્શને આવે એ માટે નો સંકલ્પ કર્યો છે………….!

સભાને અંતે જાહેરાત થઇ કે…….

  • જમો ને જમાડું રે…..મા સર્વ હરિભક્તો-કાર્યકરો ભાગ લઇ શકે છે……બધાને સેવા-દર્શન નો લાભ મળે એ માટે વિશેષ માહિતી આપવામાં આવી……….લાભ લેનાર સર્વ ગુણભાવી ઓને પ્રસાદ અને કેલેન્ડર અચૂક મળશે……
  • ૨૪/૯/૨૦૧૬ ના રોજ પ.પૂ.મહંત સ્વામી મહારાજ ની ૮૩  મી જન્મતિથી નો ઉત્સવ દરેક મંદિર મા ધામધૂમ થી ઉજવાશે……અમદાવાદ મા શનિવાર ના રોજ –આ ઉત્સવ ની સભા -૭ થી ૧૦
  • –સાંજે થાશે…….બોચાસણ મા સવારે દર્શન-સભાનો લાભ મળશે ( વધુ માહિતી મંદિર મા થી મળશે) ……મહા પ્રસાદ –સાંજે શાહીબાગ મંદિરે થી મળશે………રવિવાર ની સભા થાશે નહિ…….

14369897_1097235343647766_7574817595745133938_n

  • સત્સંગ પરીક્ષા ના પરિણામ જાહેર કરવામાં આવ્યા…………સત્સંગીઓ નો અભૂતપૂર્વ ઉત્સાહ ..ધગશ ..શ્રીજી-સ્વામી ને રાજી કરે એવી હતી……

અદ્ભુત……અદ્ભુત……!

આપણે તો આજની રવિસભા મા થી એટલું જ સમજવાનું કે…..સત્પુરુષ ચિરંજીવી છે….સદાયે પ્રગટ છે……એમના રાજીપા નો વિચાર હરપળ કરવો…..જેથી હરિ રાજી થાય……! એમના વચન….એમના સંકલ્પ…..એમની કૃપા સર્વોપરી હોય છે…..જે માત્ર શબ્દે જ નહિ…..અનુભવે સમજાય છે…!

જય સ્વામિનારાયણ…..

રાજ

 


3 Comments

BAPS સ્મૃતિ રવિસભા-૨૧/૦૮/૨૦૧૬

“….એનાં નેત્રમાં ભગવાન જોનારા છે તે માટે બ્રહ્માંડમાં જેટલાં જીવપ્રાણી છે તેનાં નેત્રને પ્રકાશ કરવાને સમર્થ થાય છે………, અને એના પગમાં ચાલનારા ભગવાન છે તે માટે બ્રહ્માંડમાં સર્વ જીવના પગને વિષે ચાલવાની શક્તિને પોષણ કરવાને એ સમર્થ થાય છે…………; એમ એ સંતની સર્વે ઇન્દ્રિયોમાં ભગવાન રહ્યા છે, તે માટે એ સંત તો બ્રહ્માંડમાં સર્વે જીવોનાં ઇન્દ્રિયોને પ્રકાશ કરવાને સમર્થ થાય છે……….માટે એ સંત તો સર્વ જગતના આધારરૂપ છે………..


ભગવાન શ્રી સ્વામિનારાયણ -વચનામૃત-ગઢડા પ્રથમ-૨૭

“હું તો ચિરંજીવી છું”


અનાદી મૂળ અક્ષર ગુણાતીતાનંદ સ્વામી

“સત્પુરુષ આ પૃથ્વી પર થી ક્યારેય જતા જ નથી…..સદાયે પ્રગટ રહે છે…..”


બ્રહ્મસ્વરૂપ શાસ્ત્રીજી મહારાજ

૧૩ ઓગસ્ટ,૨૦૧૬, સમય-સાંજ-૬ ; સ્થળ- સર્વસ્વ, સારંગપુર નૈમિષારણ્ય ક્ષેત્ર – આ અવની પર થી પ્રગટ અક્ષરબ્રહ્મ પ્રમુખ સ્વામી મહારાજે પોતાનો દેહ સંકેલ્યો ..તેને આજે બરોબર એક અઠવાડિયું થયું…….અક્ષરબ્રહ્મ એ દેહ બદલ્યો…..જીવમાત્ર ના કલ્યાણ નો માર્ગ ખુલ્લો રહે એ માટે નવા પાત્ર ની..નવા સમર્થ દેહ ની પસંદગી કરી……..અને એ જ ગુણાતીત..ચિરંજીવી…શ્રીજી એ  વર્ણવેલા સમર્થ સંત….સત્પુરુષ પ્રગટ અક્ષરબ્રહ્મ મહંત સ્વામી મહારાજ તરીકે આજે આપણી સમક્ષ પ્રગટ બિરાજી રહ્યા છે….! તો- મહા સમર્થ -અક્ષરબ્રહ્મ પ્રમુખ સ્વામી મહારાજે જે અકલ્પનીય કાર્યો..ચરિત્રો….કર્યા તેની સ્મૃતિ ની આ સભા હતી….હરિભક્તો નું લૌકિક શોક -દુખ દુર કરવાની…..ચિરંજીવી ગુણાતીત તત્વ ના મહિમા ને સમજવાની સભા હતી…!

ગયા રવિવારે તો સારંગપુર – સ્વામીશ્રી ના દિવ્ય વિગ્રહ ના દર્શન માં હતા…આથી ધુન્ય-રવિસભા માં હાજર ન રહેવાયું…..પણ આજની સભા મેઘ ભર્યા વાતાવરણ માં પણ કરવામાં આવી…..ઠાકોરજી ના દર્શન મનભરી ને કરવા માં આવ્યા…….

13932743_583304155191094_2773333572547166760_n

સભામાં આજે ખુબ જ ભીડ હતી…..સભાગૃહ છલોછલ ભરેલું હતું…કેટલાક હરિભક્તો ને તો મંદિર ના પ્રાંગણ માં જ સભા નો શ્રવણ લાભ લેવો પડ્યો…..અને કેમ ન હોય??? ગુરુહરિ ની વસમી વિદાય પછી ની આ પ્રથમ શ્રદ્ધાંજલિ -સ્મૃતિ સભા હતી……! સભાની શરૂઆત ધુન્ય-પ્રાર્થના થી થઇ…….પુ.પ્રેમવદન સ્વામી  દ્વારા ” ગુરુજી નહિ ભૂલું તમને…” અને  ” એક જ આશા છે જીવતર ની…..પ્રમુખ સ્વામી માં ખોવાવું…” રજુ  થયા અને પ્રમુખ સ્વામી મહારાજ નો દિવ્ય ચહેરો નજરો સમક્ષ છવાઈ ગયો……!

ત્યારબાદ વિધવાન સંતો ના મુખે – અક્ષરબ્રહ્મ પ્રમુખ સ્વામી મહારાજ ના દિવ્ય પ્રસંગો ની સ્મૃતિ કરવામાં આવી….જોઈએ વિગતવાર સારાંશ…..

પુ.વિવેક જીવન સ્વામી


  • ૧૯૮૪ માં યુકે માં સ્વામીશ્રી ની પોપ સાથે મુલાકાત થઇ અને સ્વામિનારાયણ સંપ્રદાય ની ઓળખાણ આપવામાં આવી. અક્ષર મૂર્તિ ગુણાતીતાનંદ સ્વામી ની સહજ ઓળખાણ આપતા સ્વામીશ્રી  એ વિવેક જીવન સ્વામી દ્વારા પોપ ને વર્ણવ્યું કે જેમ – જીસસ ને ૧૨ શિષ્ય હતા અને એમાં પીટર સર્વ શ્રેષ્ઠ શિષ્ય હતા તેમ ગુણાતીતાનંદ સ્વામી -ભગવાન સ્વામિનારાયણ ના શિરમોર શિષ્ય હતા……
  • એ જ સમયે પોપ ના કડક ધડક કપડા ની વાત નીકળી તો સ્વામી એ સકારાત્મક ઉત્તર આપતા કહ્યું કે- પોપ એમની પ્રણાલિકા પ્રમાણે કપડા પહેરે છે અને આપણે આપણા ઇષ્ટદેવ ની આજ્ઞા મુજબ કપડા પહેરીએ છીએ…તેનો ગર્વ થવો જોઈએ….!
  • લંડન થી આવેલા એક ડોક્ટર ને ભગવાન ને સદાયે આગળ રાખવાનું કહેતા સ્વામી એ કહ્યું કે- ભગવાન ને સદાયે આગળ રાખવાથી બળ,સ્થિરતા અને શાંતિ મળે……..
  • ગુણાતીત પુરુષ સદાયે પ્રગટ રહે છે……બસ એક એમનામાં જોડાવા નું છે…..મહંત સ્વામી મહારાજ માં જોડાવા નું છે…

પુ.અક્ષર વત્સલ સ્વામી


  • સ્વામીશ્રી ના દેહ ત્યાગ થી સર્વે-ભક્ત-બિન ભક્ત અશ્રુભીના હતા……
  • જેમ ભગવાન અને ભક્ત વચ્ચે ના સંબંધ ના ભાગ ન પડે…તેમ બાપા અને સત્સંગ વચ્ચે ના સંબંધ નો ભાગ ન  પડે….
  • બાપા ની અમેરિકા માં બાયપાસ સર્જરી પછી ડોકટરે તેમને પોતાનું રોજિંદુ સત્સંગ કાર્ય કરવા પર બ્રેક લગાવવા ની વાત કરી….પણ માને એ બાપા શાના??? 🙂 સ્વામીશ્રી એ પોતાના દેહ ની મર્યાદા ને અવગણી રોજિંદુ સત્સંગ કાર્ય ચાલુ રાખ્યું…..ઉલટાનું વધાર્યું…! દેહ ના ચૂરેચૂરા ..એ પણ સત્સંગ માટે તો ગુણાતીત જ કરી શકે….!!!
  • એવી તો અનેક ડોકટરી સલાહો ને અવગણી…અઢળક શારીરિક દુખ ને બાજુ કરી……હરિભક્તો ના રાજીપા ખાતિર દેહ ને પતરાળા જેવો કરી નાખ્યો………
  • બાપા સદાયે હસમુખા રહ્યા છે…..દેહાતીત રહ્યા છે…શ્રીજી સાથે એકરૂપ રહી..ભક્તિ કાર્ય માં એકાગ્ર રહ્યા છે……..છતાં શ્રીજી એ કહ્યું છે કે જ્ઞાની ને અનંત લોચન હોય છે ..તેમ ભગવાન માં એકાગ્ર રહ્યા છતાં સત્સંગ ની ઝીણી ઝીણી વાતો પણ એમની નજર થી બહાર રહેતી નથી…..એ અનેક વખત જોવા મળ્યું છે…..
  • અમદાવાદ યુવક-યુવતી મંડળ દ્વારા છેલ્લા ૧૬ વર્ષ થી ઉપવાસ -વારા ( રોજ બે યુવક નિર્જળા ઉપવાસ કરે) , જનમંગલ નામાવલી…માળા નું તપ ચાલતું હતું……તેની વાત કરતા કહ્યું કે- સ્વામીશ્રી એ યુવકો ના રદયમાં કેવી જગ્યા બનાવી હશે….!

અદ્ભુત……અદ્ભુત……..! ત્યારબાદ પુ. વિવેક મુની સ્વામી એ – સ્વામીશ્રી ના વિદાય ને ..વિરહ ને વર્ણવતા ,પુ.અક્ષરજીવન સ્વામી રચિત નવીન કીર્તન…”મૂર્તિ તમારી પ્રમુખ સ્વામી ની ..આવે છે મુજ ને યાદ…” રજુ કર્યું……

પુ.બ્રહ્મવિહારી સ્વામી


  • સ્વામીશ્રી ની વસમી વિદાય થી સઘળા લોકો…અબાલ-વૃદ્ધ સર્વ દુખી છે……..
  • આપણો સંપ્રદાય પ્રેમે ..હેતે જોડાયેલો છે……અને પ્રમુખ સ્વામી એ સર્વ ભક્તો ને – અંગત પ્રેમ આપ્યો છે…..પર્સનલાઇઝડ પ્રેમ આપ્યો છે…તેથી જ એ સર્વ ને પોતીકા લાગ્યા છે…
  • સ્વામીશ્રી ના અગ્નિ સંસ્કાર પછી રાત્રે પ્રધાનમંત્રી મોદી સાહેબ નો ફોન આવ્યો અને ગળગળા અવાજે કહ્યું કે- સ્વામી ની યાદ હૃદય માં થી જતી નથી……તો તમારા ત્યાં શું હાલ હશે??? શોક ની આ ઘડી માં સમગ્ર દેશ તમારી સાથે છે……
  • જગવિખ્યાત કાર્ડિઆક સર્જન ડો.તેજસ પટેલ ને આમ સત્સંગ ઓછો પણ સ્વામી ના સમાચાર મળ્યા એટલે એટલા દુખી થયા કે – એમણે કહ્યું કે -એમનામાં સ્વામી ના દેહ ના દર્શન કરવા ની હિમત નથી….અને સંતો ની વિનંતી પછી આવ્યા તો – દેહ ના દર્શન કરી બોલ્યા કે – ત્રણ ત્રણ દિવસ પછી પણ સ્વામીશ્રી ના દેહ -મુખ પર એટલું બધું તેજ લાગે છે કે જે- કલ્પના..વિજ્ઞાન ના નિયમ બહાર છે…..!!!! નરી દિવ્યતા છે…..
  • પુ.મોરારી બાપુ ને અદ્ભુત અનુભવ થયો કે ત્રણ ત્રણ વર્ષ થી લૌકિક રીતે મૌન…નગણ્ય ક્રિયા કરવા છતાં કોઈ મહાત્મા આટલું વિશાલ કાર્ય કરે….લાખો હરિભક્તો અશ્રુભીના થઇ જાય…દર્શને આવે..!!!
  • આપણો સમજણ નો સત્સંગ છે…..સત્પુરુષ ના ચરિત્ર ની સ્મૃતિ કરવાથી દુખ હણાય છે…દુર થાય છે……
  • ૧૯૮૩ માં સ્વામી શ્રી ને ગંભીર હાર્ટએટેક આવ્યો એ સમયે પુ.બ્રહ્મવિહારી સ્વામી પાર્ષદ માં હતા અને એમણે-અન્ય પાર્ષદો એ બનાવેલા શુભકામના કાર્ડ જોઇને સ્વામીશ્રી એ કહ્યું કે- એક બીજાને યાદ કરીએ એટલે એકબીજા ના રદયમાં રહેવાય…હૃદય થી હૃદય ની વાત થાય….!
  • પૂર્વ રાષ્ટ્રપતિ કલામ સાહેબે કહ્યું છે તેમ…સ્વામીશ્રી ની સ્મૃતિ કરીએ તેમ -એ અચૂક હાજર થાય છે……એ આજે પણ આપણી વચ્ચે છે…..
  • સત્પુરુષ ની દ્રષ્ટિ નિરાવરણ હોય છે…..તે સઘળું જુએ છે…….જાણે છે…..અને એમના દર્શન થવા એ અનેક વેદ-ઉપનિષદ ..કુંભ મેળા કરતા પણ વધારે પુણ્ય શાળી છે…મોક્ષ દાતા છે….
  • If you love him……live him……!
  • પુ.ચિન્મયાનંદ સ્વામી એ પ્રમુખ સ્વામી મહારાજ ના દર્શન માટે પાછળ દોડતા યુવકો ને કહ્યું કે…..Don’t run behind your Guru……run for Guru…learn from Guru…!
  • બેપ્સ શતાબ્દી ઉત્સવ સમયે એક અખંડ જ્યોત સ્વામીએ પ્રગટાવી ને આજ્ઞા કરી હતી કે આ જ્યોત દ્વિ-શતાબ્દી સુધી અખંડ રાખજો…એ પછી નવી જ્યોત પ્રગટાવજો…!!!! અર્થાત આ સંસ્થા અક્ષર છે…..સત્પુરુષ સદાયે પ્રગટ છે…….જે આજે પરમ પૂજ્ય મહંત સ્વામી મહારાજ રૂપે બિરાજમાન છે….! એમનામાં મન-કર્મ વચને જોડાવા નું છે…..

ત્યારબાદ વિડીયો દર્શન સ્મૃતિ નો લાભ મળ્યો…..વિવિધ આગેવાન -મોટા લોકો -સામાન્ય હરિભક્તો વગેરે નો સ્વામીશ્રી વિશેનો અનુભવ..પ્રતિભાવ રજુ થયો…….એમાં એક યુવકે વાત કરતા કહ્યું કે- એ પોતે એકવાર સ્વામીશ્રી ના દર્શને ગયો તો સંકલ્પ કર્યો કે..સ્વામીશ્રી માં ભગવાન હોય તો મારો હાથ પકડે…..પણ જયારે દર્શન કર્યા..પુરા કર્યા ..બહાર નીકળ્યો છતાં સ્વામી એ કઈ ન કહ્યું…..પણ અચાનક એને યાદ આવ્યું કે એની કોઈ વસ્તુ- ત્યાં સ્વામીશ્રી પાસે ટેબલ પર જ રહી ગઈ છે…એ પરત લેવા ગયો તો સ્વામીશ્રી એ તરત તેનો હાથ પકડી કહ્યું કે….આવા સંકલ્પ ન કરવા..!!! અને એના શરીર માં થી એક ઝણઝણાટી ભર્યો પ્રવાહ પસાર થઇ ગયો…!!!! અદ્ભુત…! સત્પુરુષ ના પારખા કરવા ની આપણા પામર જીવ ની શું વિસાત????

અને પુ.ઈશ્વર ચરણ સ્વામી એ સભાને અંતે એ જ વાત કરતા કહ્યું કે…….આપણ ને જે મળ્યું છે તે સર્વોપરી છે…….ચિરંજીવી છે…..અને એની સ્મૃતિ જ સુખ આપે છે….! બ્રહ્મ સ્વરૂપ પ્રમુખ સ્વામી મહારાજે કહ્યું હતું કે ત્રણ સૂત્ર સદાયે જીવન માં દ્રઢ કરવા……દાસ ના દાસ થવું, સેવક થવું…..સહન કરવું….! સંપ,સુહાર્દભાવ અને એકતા હમેંશા દ્રઢ કરવા……હરિભક્ત નો અવગુણ ક્યારેય ન લેવો……ગુણગ્રાહક બનવું..! આપણું વર્તન એવું ઉચ્ચ રાખવું કે જગત આખું સ્વામિનારાયણ સત્સંગી ને નમે…..! ગુણાતીત પુરુષ ક્યારેય આ પ્રુથ્વી પર થી જતા જ નથી…….સદાયે પ્રગટ રહે છે……માટે જ પ્રગટ ગુરુહરિ મહંત સ્વામી મહારાજ માં જીવ-મન-કર્મ-વચને જોડાઈ જવું…! એકાંતિક કલ્યાણ તો સત્પુરુષ જ કરી શકે…….બીજા કોઈનું કામ નહિ…..!

સભાને અંતે જાહેરાત થઇ કે….

  • ૨૫ મિ ઓગસ્ટ રોજ -જન્માષ્ટમી નો ઉત્સવ ધામધૂમ થી ઉજવાશે  ….
  • ગુજરાત સરકારે – બરોડા માં નવનિર્મિત ..સૌથી લાંબા ફ્લાય ઓવર નું નામ પ્રમુખ સ્વામી મહારાજ પર ર્કાહ્યું છે….આ સિવાય રાજકોટ માં અત્યાધુનિક હોલ…જૂનાગઢમાં નવીન માર્ગ- સર્કલ નું નામ પણ સ્વામીશ્રી ની સ્મૃતિ માં રાખવા માં આવ્યું છે…..
  • મીડિયામાં પણ -અક્ષરબ્રહ્મ પ્રમુખ સ્વામી મહારાજ તરીકે વર્ણન થયું જે દર્શાવે છે કે – બિન સત્સંગી લોકો પણ સ્વામી શ્રીને અક્ષરબ્રહ્મ તરીકે સમજતા થયા છે…..

અદ્ભુત…..અદ્ભુત….! સત્પુરુષ ના ચરિત્ર…..આજ્ઞા-ઉપદેશ ..ક્રિયાઓ સંભારી રાખવા થી..મનન કરવાથી….એમના સંગે આપણે પણ બ્રહ્મરૂપ થઇ જઈએ…..પરમપદ ને પામીએ….( ભગવાન સ્વામિનારાયણ- વચનામૃત- ગઢડા પ્રથમ-૩, મધ્ય-૩૧, અક્ષર વાતો-૩/૧૨)

બસ એટલું દ્રઢ કરવાનું છે કે – સત્પુરુષ આપણી વચ્ચે સદાયે રહે છે……ગુણાતીત તત્વ ચિરંજીવી છે……માટે મન-કર્મ-વચને-જીવે કરીને એક એમનામાં જોડાવા નું છે………એમનામાં મનુષ્ય ભાવ લાવવા નો નથી ..સદાયે દિવ્યભાવ લાવવા નો છે……!

 

આખરે આપણો મોક્ષ આપણા હાથમાં છે………!!! બાકી સત્પુરુષ તો બધાનું કલ્યાણ કરવા બેઠા છે…

જય સ્વામિનારાયણ

રાજ


Leave a comment

BAPS રવિસભા-૧૫/૫/૨૦૧૬

ભગવાન ને ભગવાનના જે સંત તેને વિષે જેને પ્રીતિ હોય, ને તેની સેવાને વિષે અતિશય શ્રદ્ધા હોય, ને ભગવાનની નવધા ભક્તિએ યુક્ત હોય, તેના જીવને તો તત્કાળ અતિશય બળ આવે છે. માટે જીવને બળ પામવાને અર્થે ભગવાન ને ભગવાનના ભક્તની સેવા બરોબર બીજો કોઈ ઉપાય નથી………………

જ્યારે જીવને અંત સમો આવે છે ત્યારે અનંત જાતની આધિ ને વ્યાધિ પ્રકટ થાય છે. પછી ભગવાન કે ભગવાનના સંતનું જ્યારે દર્શન થાય છે ત્યારે સર્વે દુઃખનો નાશ થઈ જાય છે. એવો ભગવાનનો ને ભગવાનના ભક્તનો મહિમા મોટો છે. અને ભગવાનના ભક્ત છે તે તો કેવળ બ્રહ્મની જ મૂર્તિઓ છે, એને વિષે તો મનુષ્યભાવ લાવવો જ નહીં.…………..

ભગવાનના ભક્તની જે સેવા કરવી તે બરોબર કોઈ પુણ્ય નથી ને ભગવાનના ભક્તનો દ્રોહ કરવો તે બરોબર કોઈ પાપ પણ નથી. માટે જેને પોતાના જીવને બળવાન કરવો હોય તેને તો ભગવાન કે ભગવાનના ભક્તને મન-કર્મ-વચને શુદ્ધભાવે કરીને સેવવા…………..”


ભગવાન શ્રી સ્વામિનારાયણ-ગઢડા મધ્ય-૬૩

ગુણગ્રાહક દ્રષ્ટિ  જ  સત્સંગમાં  આગળ વધવાની ચાવી છે……જો ભગવાનના  ભક્તનો  સહેજ પણ અવગુણ આવ્યો…મનુષ્યભાવ પરઠાયો તો સત્સંગમાં થી  પતન પાકું..! બ્રહ્મસ્વરૂપ ભગતજી મહારાજ ના  અનેક અપમાનો થયા…અતિશય તિરસ્કારો થયા પણ એમના મુખ પર  અખંડ આનંદ અને શાંતિ ના શેરડા જોઈ વડતાલ ના આદિ કોઠારી ગોરધનભાઈ પૂછી બેઠા …કે આટઆટલા અપમાન પછી પણ આટલો આનંદ કેમ રહે છે??? ઉત્તર માં  ભગતજી બોલ્યા….ભગવાનના પ્રત્યેક ભક્ત ને હું બ્રહ્મની મૂર્તિ જ સમજુ છું……..એટલે જ આવો આનંદ રહે છે..!! તો આજની સભા- આવી નિષ્ઠા….આવા મહિમા વંત ગુણાતીત પુરુષો ની ગાથા પર હતી…..

અમદાવાદ શાહીબાગ મંદિર આજે એનો ૫૪મો પાટોત્સવ ઉજવી રહ્યું છે…અને ભક્તોના ઉત્સાહ ને ૪૫ ડીગ્રી ની જલદ ગરમી પણ રોકી ન શકી…..આખો સભા ખંડ હરિભક્તો થી ઉભરાઈ રહ્યો હતો…..અને શ્રીજીના દર્શન તો અદ્ભૂત હતા….

This slideshow requires JavaScript.

સભાની શરૂઆત યુવકો અને સંતો દ્વારા ધુન્ય અને કીર્તન દ્વારા થઇ….”તોરી મોરી પ્રીત ના છૂટે રે….” રચયિતા પ્રેમાનંદ સ્વામી……”આજ મને સામો મળ્યો રે…..” રચિયતા બ્રહ્માનંદ સ્વામી ..અને પુ.વિવેક્મુની સ્વામી દ્વારા સ્વરિત અને બ્રહ્માનંદ સ્વામી રચિત “હરિવર હીરલો રે…” રજુ થયા…….ગરમીમાં -અંતરની શીતળતા નો અનુભવ કરાવતા કીર્તન થી સભા શાંત-સ્થિર  થઇ ગઈ……! અદ્ભુત….

ત્યારબાદ -૧૩ મિ તારીખે -સારંગપુર મંદિર શતાબ્દી ઉત્સવ ના ભવ્ય દર્શન નો લાભ વિડીયો દ્વારા મળ્યો……અદ્ભુત…અદ્ભુત……! આવો ઉત્સવ તો આપણી સંસ્થા જ કરી શકે……સત્પુરુષ ની હાજરી માત્ર થી અશક્ય લાગતા કાર્યો……સહજતા થી પાર પડે છે એનું આ પ્રગટ પ્રમાણ છે……જુઓ વિડીયો લીંક…..

ત્યારબાદ- દિલ્હી અક્ષરધામ ના કોઠારી તરીકે સેવા આપી ચુકેલા -આપણી સંસ્થા ના વરિષ્ઠ સંત- પુ.આત્મસ્વરૂપ સ્વામી ના – અમદાવાદ શાહીબાગ મંદિર ના પાટોત્સવ પ્રસંગે પ્રવચન નો લાભ મળ્યો……પુ. આત્મસ્વરૂપ સ્વામી -આપણી સંસ્થા ના પ્રથમ IIT એન્જીનીયર સાધુ  છે ..૨૦ વર્ષ અમદાવાદ મંદિરમાં સેવા -૧૦ વર્ષ લંડન ના નીસ્ડન મંદિર માં કોઠારી તરીકે સેવા…..૧૦ વર્ષ દિલ્હી અક્ષરધામ ના કોઠારી તરીકે સેવા આપી ને હવે વરિષ્ઠ સંત તરીકે અમદાવાદ મંદિરમાં સેવા આપવાના છે……એમણે પોતાના પ્રવચનમાં કહ્યું કે….

(પૂ. આત્મસ્વરૂપ સ્વામી નું આ મોબાઈલ રેકોર્ડેડ પ્રવચન અહી ક્લિક કરવાથી સાંભળી શકાશે..)

  • ૫૪ વર્ષ પહેલા ગુણાતીતાનંદ સ્વામી ના મૂળ અક્ષર પણા ને મૂર્તિમંત કરવા બ્રહ્મ સ્વરૂપ શાસ્ત્રીજી મહારાજે આ મંદિર નું ખાતમુહુર્ત કર્યું અને યોગીબાપા ના હસ્તે મૂર્તિ પ્રતિષ્ઠા પામેલું આ પ્રથમ મંદિર છે…..વિશેષ માં સમગ્ર સંસ્થાનું આ પ્રથમ મંદિર છે…જ્યાં મધ્ય ખંડ ની ઠાકોરજી ની મૂર્તિઓ આરસ ની છે…..
  • બેપ્સ નું આંતરરાષ્ટ્રીય વડું મથક છે…..સત્સંગનું મધ્યસ્થ કાર્યાલય અહી છે…….
  • પ.પુ.પ્રમુખ સ્વામી મહારાજ ઘણીવાર કહે છે કે -ભગવાનને મંદિર માં બેસાડ્યા પણ હવે હૃદય માં બેસાડવા…..પણ કઈ રીતે……ઉત્તર છે…- હરિભક્તો નો પરસ્પર મહિમા સમજવો….દોશ્ભાવ ટાળવો….નિર્દોષ બુદ્ધિ રાખવી…સત્પુરુષ ની આજ્ઞા માં રહેવું…અને ભગવાન ના સ્વરૂપ નો મહિમા સમજવો….
  • ભક્ત માત્ર ને બ્રહ્મ ની મૂર્તિ સમજવા……
  • અમદાવાદ માં આંબલીવાળી પોલ માં શાસ્ત્રીજી મહારાજ ઉતરતા….ખીસામાં ચાર આના પણ ન હોય અને લાખો ના મંદિરો કરતા……ખેંગારજી ચૌહાણ, ચંપકલાલ બેન્કર..પ્રોફ.જેઠાલાલ સ્વામિનારાયણ…..બાબુભાઈ કોઠારી….રસિકભાઈ વગેરે હરિભક્તો એ પોતાનું સર્વસ્વ શાસ્ત્રીજી મહારાજ ને અર્પણ કરી દીધું અને પરિણામે અમદાવાદ મંદિર સ્થપાયું..સર્વોપરી બન્યું…….! આ હરિભક્તો ના પ્રસંગો ની ગંગા- આત્મસ્વરૂપ સ્વામી ના મુખે એવી રીતે વહેતી હતી કે જાણે બધા એમાં તણાતા જ ગયા…..! અદ્ભુત…..
  • આજે અમદાવાદમાં ૩૭ થી વધુ સંસ્કાર કેન્દ્ર છે…..પ્રવૃતિઓ અઢળક ચાલે છે…..નિષ્ઠાવાન હરિભક્તો ની એક આખી પેઢી તૈયાર થઇ છે……
  • સત્સંગનો મહિમા આ જ છે……સત્સંગમાં આગળ વધવું હોય તો- હઠ,માન..ઈર્ષ્યા છોડવા…..એ છૂટે તો સત્સંગમાં આગળ વધાય…..અને જેમ જેમ આગળ વધીએ તેમ તેમ- નમ્ર થવાય…….પુ.મહંત સ્વામી કહે છે..એમ …આપણા સંપ્રદાયમાં જે દાસ થાય તે જ મોટો…..

અદ્ભુત…..અદ્ભુત………ત્યારબાદ પ.પુ.મહંત સ્વામી એ શ્રીહરીચરીત્રામૃત સાગર માં થી- સત્સંગમાં અભાવ-અવગુણ-હરીભાક્તમાં દિવ્યભાવ પર અદ્ભુત પ્રવચન કર્યું….જોઈએ સારાંશ….

  • અવગુણ ની વાત કદી ન કરવી…..મહિમા ની વાતો જ કરવી….જે મહિમાની વાત કરે છે તેની પાસે ભગવાન રહે છે…
  • નારી-સુવર્ણ નો ત્યાગ કઠીન નથી પણ ભક્તમાં દિવ્યભાવ લાવવો એ અતિ કઠીન છે…..મનુષ્યભાવ લાવે તેનો મોક્ષ નથી..અને આપને બધા મોક્ષ માટે જ આ સત્સંગમાં આવ્યા છીએ…..તો સમજવું શું??? સ્પષ્ટ છે…
  • ભગવાન ના ભક્તમાં ગુણ-અવગુણ આવે ત્યાં સુધી પાકો સત્સંગી કહેવાય જ નહિ…..તો પાકા સત્સંગી કઈ રીતે થવું??? સત્પુરુષ ની કૃપા થાય તો બધું સહજ થાય…..
  • યોગીબાપા કહેતા કે – સર્વમાં નિર્દોષ બુદ્ધિ થાય એ જ સેવા……અને આ ન થાય ત્યાં સુધી સત્પુરુષ ની કૃપા થતી નથી…..
  • શાક લેવા જઈએ ત્યારે બગડેલા..ગંદા શાકભાજી લઈએ છીએ???? તો પછી સત્સંગમાં કેમ ખરાબ ગુણ લેવાય છે??? ખોટ કેમ ખવાય છે??
  • બ્રહ્મવિદ્યા ની વ્યાખ્યા એટલે જ- દરેક માં દિવ્યભાવ……

અદ્ભુત…અદ્ભુત……અદ્ભુત..! પુ.મહંત સ્વામી નો એક એક શબ્દ બ્રહ્મજ્ઞાન નો દ્યોતક હોય છે…..બસ સમજવું પડે…..

ત્યારબાદ પુ.અક્ષર વત્સલ સ્વામી એ પુ.આત્મસ્વરૂપ સ્વામી અને પુ.ત્યાગ સ્વરૂપ સ્વામી નો વિશેષ પરિચય આપતા કહ્યું કે….

  • પુ.આત્મ સ્વરૂપ સ્વામી આપણી સંસ્થા ના પ્રથમ IIT એન્જીનીયર સાધુ છે….અતિ વિદ્વાન..પ્રમુખ સ્વામી મહારાજ ના અતિ મહિમા ના અંગ વાળા….આજ્ઞા ને સર્વોપરી ગણી- એમણે ૨૦ વર્ષ અમદાવાદમાં…૧૦ વર્ષ લંડન માં..૧૦ વર્ષ દિલ્હી અક્ષરધામ ના સંચાલનમાં નિર્ણાયક ભૂમિકા ભજવી છે…..અને હવે અમદાવાદમાં વરિષ્ઠ સંત તરીકે -સેવાઓ આપશે…..
  • એ જ રીતે પુ.ત્યાગ સ્વરૂપ સ્વામી- લંડન ની કાર્ડિફ યુનીવર્સીટી ના ઈલેક્ટ્રોનિક એન્જીનીયર થયેલા છે..અને વિવિધ પ્રોજેક્ટસ માં મહત્વ ની ભૂમિકા ભજવી છે…..તે પણ અમદાવાદ માં સેવા આપશે…
  • સિંગાપોર ખાતે આજે મૂર્તિ પ્રતિષ્ઠા થઇ છે….અને હવે પૂર્વ એશિયા પેસિફિક દેશોમાં પ્રમુખ સ્વામી મહારાજ ની પ્રેરણા થી અક્ષર પુરુષોત્તમ મહારાજ મૂર્તિમંત થયા……
  • Swaminarayan Hinduism જેવી અદ્ભુત પુસ્તક લખનાર પ્રોફ.રેમન્ડ વિલીઅમ્સ અને પ્રોફ. યોગી ત્રિવેદી ની સાથે એક ચેપ્ટર માં  યોગદાન આપનાર કોલમ્બિયા યુનીવર્સીટી ના નવયુવાન પ્રોફેસર (Indian languages..)  દલપત રાજપુરોહિત  કે જેમણે  બ્રહ્માનંદ  સ્વામી પર  અઢળક રીસર્ચ કર્યું  છે તેમનું પણ  સન્માન પુ.મહંત સ્વામી દ્વારા થયું…..એ મૂળ રાજસ્થાન ના છે…….

આ જાહેરાત થી સમગ્ર સભા તાળીઓ ના ગડગડાટ થી ગુંજી ઉઠી……..આટલા અતિ વિદ્વાન..અનુભવી સંતો પુનઃ અમદાવાદ ને આંગણે હોય પછી બાકી શું રહે??? સત્પુરુષ ની આજ્ઞા ને સર્વોપરી માની – એક ક્ષણ માં પોતાને નવા રોલ..નવી જવાબદારી માં – ગોઠવી દેતા આવા મહાન સંતો થી આપણી સંસ્થા દીપી રહી છે…….! અહી તો આજ્ઞા એ જ જીવન……

ત્યરબાદ અમુક જાહેરાતો થઇ……

  • અતિ વિદ્વાન અને પ્રસિદ્ધ વક્તા બ્રહ્મવિહારી સ્વામી દ્વારા – અમદાવાદ એક્ષિબિશન હોલ-મેમનગર ખાતે તા-૧૯ થી ૨૧- સાંજે ૭ થી ૧૦- Lessons of life-from Pramukh swami maharaj’s life….વિષય પર પ્રવચન છે….ચુક્યા વગર લાભ લેવો….
  • ૨૬-૨૮ મેં- પ્રમુખ વાટિકા માં ‘પારિવારિક સંબંધો” પર પુ.આદર્શજીવન સ્વામી ( ડબલ પીએચડી) નું પ્રવચન છે…૨૯ તારીખે-રવિસભા તરીકે ત્યાં જ – એજ સ્વામી ની હાજરીમાં- પ્રમુખ સ્વામી મહારાજ ના જીવન પર અદ્ભુત- માહિતી પ્રદ કાર્યક્રમ છે…….સમય-સાંજે-૭ થી ૧૦

તો- આજ્ની સભા અદ્ભુત હતી….અવિસ્મરણીય હતી…….હરિભક્તો ના મહિમા..નિષ્ઠા સમજવાની હતી……સત્પુરુષ ની એક આજ્ઞા ને વશ થઇ…પોતાનું સર્વસ્વ ન્યોછાવર કરી દેનાર ભક્તો સંતો ને કારણે આજે શ્રીજી આ સંસ્થા પર રાજી છે……અને બધા પર રાજી છે…….

ગર્વ છે..કે આપણ ને આવો સર્વોપરી સત્સંગ મળ્યો છે…..સર્વોપરી સત્પુરુષ મળ્યા છે…..શ્રીજી પ્રગટ પ્રમાણ મળ્યા છે…….બસ- હવે ભક્તોમાં દિવ્યભાવ આવે એવિ પ્રાર્થના શ્રીજી ને કરવાની છે….

જય સ્વામિનારાયણ……

રાજ

 

 


Leave a comment

BAPS રવિસભા-૮/૫/૨૦૧૬

પછી શ્રીજીમહારાજે મુનિ પ્રત્યે પ્રશ્ન પૂછ્યો જે,

“એકાદશ સ્કંધના બારમા અધ્યાયમાં શ્રીકૃષ્ણ ભગવાને ઉદ્ધવ પ્રત્યે કહ્યું છે જે, ‘અષ્ટાંગયોગ, સાંખ્ય, તપ, ત્યાગ, તીર્થ, વ્રત, યજ્ઞ અને દાનાદિક એણે કરીને હું તેવો વશ થતો નથી, જેવો સત્સંગે કરીને વશ થઉ છું;’ એમ ભગવાને કહ્યું છે. માટે સર્વ સાધન કરતાં સત્સંગ અધિક થયો. તે જેને સર્વ સાધન થકી સત્સંગ અધિક જણાતો હોય તે પુરુષનાં કેવાં લક્ષણ હોય?”

પછી જેને જેવું સમજાયું તેવું તેણે કહ્યું, પણ યથાર્થ ઉત્તર થયો નહીં……….. પછી શ્રીજીમહારાજ બોલ્યા જે,

“જેને ભગવાનના સંતને વિષે જ આત્મબુદ્ધિ છે. ………..જેમ કોઈક રાજા હોય ને તે વાંઝિયો હોય ને પછી તેને ઘડપણમાં દીકરો આવે, પછી તે છોકરો તેને ગાળો દે ને મૂછો તાણે તો પણ અભાવ આવે નહીં અને કોઈકના છોકરાને મારે તથા ગામમાં અનીતિ કરી આવે તો પણ કોઈ રીતે તેનો અવગુણ આવે જ નહીં; શા માટે જે, એ રાજાને પોતાના દીકરાને વિષે આત્મબુદ્ધિ થઈ ગઈ છે. એવી જેને ભગવાનના ભક્તને વિષે આત્મબુદ્ધિ થાય છે …………તેણે જ સર્વ સાધન થકી અધિક કલ્યાણકારી સત્સંગને જાણ્યો છે…………


વચનામૃતમ-ગઢડા મધ્ય-૫૪

ભગવાન ને  રાજી કરવાનો  ઉપાય….એ  પણ  સહજ  ઉપાય એટલે- ભગવાન ના  ભક્ત નો  મહિમા સમજવો…..એનામાં આત્મબુદ્ધિ રાખવી……એનામાં અભાવ ગુણ ન લેવો….! એટલે  સાચો સત્સંગ થાય શ્રીજી -સહજમાં વશ થાય…..! સત્સંગ સભાની વિશેષતા જ આ છે……જો  એ સમજાય તો જીવ આઘોપાછો ન થાય….જીવન માં  સત્સંગ પ્રધાન થઇ જાય…બાકી બધું ગૌણ થઇ જાય..! ભગતજી મહારાજ ની જેમ -બધા હરિભક્તો બ્રહ્મ ની મૂર્તિઓ જ લાગે……!તો આજની સભા આ -બ્રહ્મસ્વરૂપ યોગીજી મહારાજ ના આ પ્રિય વચનામૃત પર હતી…..ભગવાન ના ભક્ત ના મહિમા પર હતી….

કાળઝાળ ગરમી વચ્ચે પણ સત્સંગ ની શીતળતા સ્પર્શી ગઈ…….સભામાં હરિભક્તો ની મોટી હાજરી હતી….અને એ  શીતળતા નો સ્ત્રોત..ધ્યેય…સાર- શ્રીજી તો જીવને હમેંશ ની જેમ લોભી રહ્યો હતો…..ચાલો દર્શન કરીએ…..

13119125_1702405863380579_7143907381880532680_n

સભાની શરૂઆત સંતો-યુવકો દ્વારા ” સ્વામીનારાયણ નામ…..ભજમન સ્વામિનારાયણ……” ધુન્ય દ્વારા થઇ…..અને ભક્તિ નો એક માહોલ બંધાઈ ગયો……ત્યારબાદ અતિ કુશળ…કલાકાર ..શિકાગો યુનીવર્સીટી માં પ્રોફેસર -એવા મિત્ર શ્રી યોગી ત્રિવેદી ના મધુર સ્વર માં પ્રેમાનંદ સ્વામી રચિત કીર્તન…” ગુણ સાગર ઘનશ્યામ….સુખસાગર જેનું નામ..” રજુ થયું…….એના ઘૂંટાયેલા સ્વર જેમ જેમ વહેતા ગયા તેમ તેમ…શ્યામ સુંદર ની  એ મનોહર છબી મનોપટલ પર ઉભરતી ગઈ…….! કીર્તન ના શબ્દ-સ્વર કોઈ પણ જીવને ભક્તિ ના મહાસાગર માં ડુબાડી શકે છે ..એ આનું ઉદાહરણ છે….

Ch7wxO0UoAEbt2a

ત્યારબાદ વૈરાગ્યનિધિ સ્વામી દ્વારા ૧૯૮૫ થી ૨૦૦૯ સુધી ના સમયકાળ દરમિયાન પુ.સ્વામીશ્રી ના જીવન ચરિત્ર પ્રસંગો નું વર્ણન થયું…..સાર એક જ હતો- ભગવાન ને સદાયે આગળ રાખવા….અખંડ રાખવા….બધું એમના રાજીપા અર્થે જ કરવું……એમના દાસાનુદાસ થવાનું સુખ જ લેવું….! જે અણસમજુ ..મૂરખ લોકો એમ કહે છે કે- શ્રી બોચાસણ વાસી અક્ષર પુરુષોત્તમ સ્વામીનારાયણ સંસ્થા માં વ્યક્તિ પૂજા થાય છે…..ભગવાન ને કોરાણે મૂકી દીધા છે……એ બધા આ સંસ્થા-એના સિધ્ધાંત-ગુણાતીત પુરુષો અને સંતો ને જાણતા જ નથી…..સમજતા જ નથી…! અહી તો જે દાસ થાય એ મોટો…….એક ભગવાન ને કેન્દ્ર માં રાખી ને જ સર્વ કાર્યો થાય…….!

ત્યારબાદ પુ.શ્રીહરિ સ્વામી જેવા વિધવાન સંત દ્વારા ગઢડા મધ્ય-૫૪ -વચનામૃત પર મનોનીય પ્રવચન થયું…..જોઈએ સારાંશ….

  • આ વચનામૃત સમજાય તો બાકી કઈ સમજવાનું બાકી ન રહે……! બ્રહ્મસ્વરૂપ યોગીજી મહારાજ કહેતા કે- જે કલ્યાણ અષ્ટાંગ યોગ સિદ્ધ કરવા થી થાય…તે કલ્યાણ – ભગવાન ના ભક્ત માં આત્મબુદ્ધિ રાખવા થી થાય…..
  • અધ્યાત્મ માર્ગમાં ભગવાન ની ભક્તિ વગર કશું સિદ્ધ થતું નથી…અને સત્પુરુષ વગર કશું સમજાતું નથી..સિદ્ધ થતું નથી….માટે જ સત્પુરુષ એકડો છે……અને બાકી બધું મીંડા..!
  • સત્પુરુષ નો મહિમા સમજવો…એનો મન-કર્મ-વચને સંગ કરવો એનું નામ જ સત્સંગ…..
  • એક એનામાં ….આત્મબુદ્ધિ થાય તો ભગવાન ના પ્રત્યેક ભક્ત માં સહજ આત્મબુદ્ધિ થાય……
  • આત્મબુદ્ધિ થવી-એની નિશાની એટલે…..
  1. એક ભગવાનમાં…સત્પુરુષમાં…એના ભક્તમાં દ્રઢ પ્રીતિ થવી…….ભગવાન અને મોટા પુરુષ કેમ રાજી થશે -એનો વિચાર હરપળ રહે…એ પ્રમાણે વર્તાય…
  2. ભક્ત માત્ર -માટે ભીડો ખમાય
  3. ભગવાન ના સાચા ભક્ત ની કોઈ ક્રિયામાં અભાવ ન આવે…….એના અભાવગુણ ન લેવાય….વાંચો  અંત્ય-૩૯; મધ્ય-૧૯, અંત્ય-૮….ગઢડા મધ્ય-૫૭ નું વચનામૃત વાંચો…..
  4. સત્પુરુષ ની વાત માં કોઈ સંશય ન થાય……એની અનુવૃતી માં સહજ રહેવાય…..
  5. પોતાને આત્મસત્તા રૂપ….બ્રહ્મરૂપ મનાય……વાંચો વચનામૃત- મધ્ય-૮ અને મધ્ય-૨૧

અદ્ભુત….અદ્ભુત……! પુ.શ્રીહરિ સ્વામી નું ઊંડું જ્ઞાન……રસપ્રદ પ્રસંગો ની ગૂંથણી…….અને સિધ્ધાંત નો ડંકો……સર્વે ને  પ્રભાવિત કરી ગયો…….!! ત્યારબાદ અમુક જાહેરાતો થઇ…

  • ૧૩ મેં-૨૦૧૬- સારંગપુર નૈમિષારણ ક્ષેત્ર માં- બ્રહ્મસ્વરૂપ શાસ્ત્રીજી મહારાજે બાંધેલા ત્રિ મંજિલ -ગગનચુંબી મંદિર નો શતાબ્દી ઉત્સવ છે…..સમય-સાંજે-૭ થી ૧૦ છે….સર્વને ભવ ભર્યું આમંત્રણ છે….
  • ૧૫ મેં-૨૦૧૬ -અમદાવાદ શાહીબાગ મંદિર નો ૫૪ મો પાટોત્સવ છે……સવાર થી જ અભિષેક ઉત્સવ સાથે ના પ્રોગ્રામ છે….
  • ૧૯-૨૦-૨૧ મેં- સમજે- ૮ થી ૧૧- સ્થળ-ગુજરાત કન્વેન્શન સેન્ટર -વક્તા- પુ.બ્રહ્મવિહારી સ્વામી- સ્વામીશ્રી ના જીવનમાં ૯ ગુણ ….પર પ્રવચન છે…..અવશ્ય લાભ લેવો…
  • ૨૬-૨૭-૨૮- મેં- પુ.આદર્શજીવન સ્વામી જેવા અતિ વિધ્વ્વાન- ડબલ પીએચડી -સંત દ્વારા – “પારિવારિક સંબંધો” પર પ્રવચન છે….સ્થળ- પ્રમુખ વાટિકા-શાહીબાગ

ત્યારબાદ પુ.ઈશ્વર ચરણ સ્વામી દ્વારા પ્રસંગોચિત પ્રવચન થયું………પુ.શ્રીહરિ સ્વામી ના વખાણ કરતા સ્વામી એ કહ્યું કે- શ્રીહરિ સ્વામી ને યોગીબાપા કહેતા કે તમે મારા હૃદય માં છો…..! સારંગપુર મંદિર નો ઈતિહાસ અજોડ છે….જે જમાનામાં -આપણા સંતો ના અપમાન થતા…..બંડિયા કહી ને તિરસ્કાર થતો..એક એક પાઈ ના ફાફા હતા ત્યારે શાસ્ત્રીજી મહારાજે – આવા ગગનચુંબી મંદિરો બાંધ્યા…વિરોધીઓ ના મોઢા બંધ કરી દીધા…..અક્ષર પુરુષોત્તમ મહારાજ નો જય જયકાર કરી દીધો……..! આજે- ડોક્ટર-એન્જીનીયર-સીએ થયેલા અતિ શિક્ષિત યુવાનો -ત્યાગી થઇ જાય છે……..એ દિવ્ય ચમત્કાર જ છે……૧૦૦૦ સંતો થઇ જાશે……અને વધતા જ રહેશે……!!!

સભાને અંતે અમુક ઓડીઓ પ્રકાશન નું વિમોચન થયું…….આવતા રવિવારે પુ.આત્મસ્વરૂપ સ્વામી -રવિસભામાં લાભ આપશે…….એની જાહેરાત થઇ….

તો- શ્રીજી ના  ભક્ત…સત્પુરુષ અને સત્સંગ નો મહિમા સમજતા રહેવું…….એનામાં આત્મબુદ્ધિ રાખવી…તો ભગવાન જરૂર વશ થશે….

 

જય સ્વામિનારાયણ………………….

 

રાજ