Raj Mistry's world

Me,my stories and world around….


BAPS રવિસભા-08/03/2020

પછી શ્રીજીમહારાજ બોલ્યા જે, “અમે એક પ્રશ્ન પૂછીએ છીએ.” પછી મુનિ બોલ્યા જે, “પૂછો, મહારાજ!”

પછી શ્રીજીમહારાજે પૂછ્યું જે,

“ભગવાન જીવના કલ્યાણને અર્થે પૃથ્વી ઉપર અવતાર ધરે છે, તે અવતાર ધર્યા વિના પોતાના ધામમાં રહ્યા થકા શું કલ્યાણ કરવાને સમર્થ નથી? અને કલ્યાણ તો ભગવાન જેમ ધારે તેમ કરે. ત્યારે અવતાર ધર્યાનું શું પ્રયોજન છે? અને જો અવતાર ધરે ત્યારે જ ભગવાનમાં કલ્યાણ કરવાની સામર્થી હોય અને અવતાર ધર્યા વિના જીવનાં કલ્યાણ ન કરી શકતા હોય તો ભગવાનને વિષે પણ એટલું અસમર્થપણું આવે. માટે ભગવાન તો અવતાર ધરીને પણ કલ્યાણ કરે અને અવતાર ન ધરે તો પણ જીવનાં કલ્યાણ કરવા સમર્થ છે. માટે એવા જે ભગવાન તેને અવતાર ધર્યાનું શું પ્રયોજન છે? એ પ્રશ્ન છે.” પછી મોટા મોટા સંત હતા તેમણે જેની જેવી બુદ્ધિ તેણે તેવો ઉત્તર કર્યો, પણ શ્રીજીમહારાજના પ્રશ્નનું કોઈથી સમાધાન ન થયું અને શ્રીજીમહારાજે આશંકા કરી તે સર્વેના ઉત્તર ખોટા થઈ ગયા. પછી મુનિ સર્વે હાથ જોડીને બોલ્યા જે, “હે મહારાજ! એ પ્રશ્નનો ઉત્તર તો તમે જ કરો તો થાય.”

પછી શ્રીજીમહારાજ બોલ્યા જે, “ભગવાનને અવતાર ધર્યાનું એ જ પ્રયોજન છે જે,

…….ભગવાનને વિષે અતિશય પ્રીતિવાળા જે ભક્ત હોય તેની ભક્તિને આધિન થઈને તે ભક્તને સુખ દેવાને અર્થે જેવી ભક્તની ઇચ્છા હોય તેવા રૂપનું ધારણ કરે છે. પછી જેવા જેવા પોતાના ભક્તના મનોરથ હોય તે સર્વે પૂરા કરે છે……. અને તે ભક્ત હોય તે સ્થૂળભાવે યુક્ત છે અને દેહધારી છે, માટે ભગવાન પણ સ્થૂળભાવને ધારણ કરીને દેહધારી જેવા થાય છે અને તે પોતાના ભક્તને લાડ લડાવે છે; અને પોતાની સામર્થીને છપાડીને તે ભક્ત સંગાથે પુત્રભાવે વર્તે છે અથવા સખાભાવે વર્તે છે અથવા મિત્રભાવે વર્તે છે અથવા સગાંસંબંધીને ભાવે વર્તે છે, તેણે કરીને એ ભક્તને ભગવાનની ઝાઝી મર્યાદા રહેતી નથી……. પછી જેવી એ ભક્તને ઇચ્છા હોય તેવી રીતે લાડ લડાવે છે. માટે પોતાના જે પ્રેમી ભક્ત તેના મનોરથ પૂરા કરવા એ જ ભગવાનને અવતાર ધર્યા નું પ્રયોજન છે …..

…….અને તે ભેળું અસંખ્ય જીવનું કલ્યાણ પણ કરે છે ને ધર્મનું સ્થાપન પણ કરે છે

——————————

વચનામૃત-કારીયાણી 5

ગઈ 3 રવિસભા ઓ નો લાભ હું સંસાર ની વ્યસ્તતા વચ્ચે ન લઈ શક્યો…..જીવ નો જાણે કે એક ભાગ કોરો પડી ગયો….કારણ કે હવે તો સત્સંગ એ જ જીવ નું પોષણ છે અને જો એનાથી દૂર રહેવાય તો, એની અસર તો દેખાવા ની જ…!! અહીં તો હરપળ હરિ….હરક્ષણ હરિ…જેવું જીવન જીવવા ની ખેવના છે…..પછી બાકી કેમ રહે??

આજે સમયસર સભામાં પહોંચી ગયા અને ફાગણ ને રંગે જાણે કે રંગાયેલો મારો નાથ….એના ધામ..મુકતો ના દર્શન જીવ ને સંતૃપ્ત કરી ગયા….ચાલો તમે પણ તૃપ્ત થાઓ…

સભાની શરૂઆત યુવકો દ્વારા સ્વામિનારાયણ ધૂન અને પ્રાર્થના થી થઈ….એક યુવક મિત્ર દ્વારા બ્રહ્માનંદ સ્વામી રચિત” મારા મંદિરે પધારો માવા રે….” પદ રજૂ થયું…..દરેક જીવ નો ઉમળકો હોય છે કે જીવને અખંડ શાંતિ સુખ મળે…અને એ તો કેવળ શ્રીજી મહારાજ ને જીવ માં સ્થાપવા થી જ મળે…..પણ પ્રશ્ન એ કે શ્રીજી જીવ માં / જીવરૂપી મંદિર માં ક્યારે અખંડ બિરાજે?? ઉત્તર છે…જીવ પંચવિષય થી શુદ્ધ થઈ….નિર્વિકલ્પ થઈ..બ્રહ્મરૂપ થઈ એક શ્રીજી માં જોડાય તો જ આ થાય…!! અદભુત પદ….!

ત્યારબાદ એક યુવક દ્વારા ભક્તરાજ ખોડા ભગત દ્વારા રચિત ” માંગો માંગો ભગતજી આજ….” પદ રજૂ થયું……અનાદિ અક્ષર બ્રહ્મ ગુણાતીત સ્વામી એ દેહ ને ચુરા કરી નાખે એવી અતુલ્ય સેવા થી પ્રસન્ન થઈ ભગતજી મહારાજ ને વર માંગવા કહ્યું….એ પ્રસંગ નું પદ્ય સ્વરૂપ અહીં રજૂ થયું….અને ભગતજી એ જે માંગ્યું એ સત્સંગ ઇતિહાસ માં સુવર્ણ અક્ષરે કોતરાઈ ગયું….” મારો જીવ સત્સંગી થાય…” એ જ વર આપણે પણ માંગવા નું છે….દુનિયા ના સુખ તો આવશે ને જશે…બસ જીવ નું સુખ સદાયે સાથે રહેશે…!! અને એ પછી એક યુવક દ્વારા આવતા બે દિવસ માં આવનાર ફુલદોલ ઉત્સવ ના પ્રતીક રૂપે…પ્રેમાનંદ સ્વામી રચિત….” રંગ કી ધૂમ મચાઈ રંગ ભીને સાવરે….” પદ રજૂ થયું અને ગઢડા ની ગલી ઓ માં સંતો હરિભક્તો પર રંગો ની વર્ષા કરતા એ રંગભીના કેસરિયા વર ની છબી મનો ચક્ષુ સમક્ષ પ્રગટ થઈ ગઈ…..!! ત્યારબાદ એક યુવક દ્વારા વનમાળી દાસ રચિત ” મેડી એ ડંકા વાગે ભગતજી ની…..” એ ચડતા રાગ માં ગવાતું પદ રજૂ થયું….

ત્યારબાદ આવનારા રંગોત્સવ ઉપલક્ષ માં પ્રેમસખી દ્વારા રચિત પ્રેમભીનું પદ ” હોળી આઈ રે…આઈ રે…..” રજૂ થયું….અને ફાગણ રંગ બની ને હૃદય પર છવાઈ ગયો….!! વિચારો કે શ્રીજી ના સમય માં રંગોત્સવ નો શો આનંદ…શી મોજ હશે???

ત્યારબાદ પ્રગટ ચરીત્રામૃત પ્રસંગ કથન હેઠળ પૂ.સરલ ચિત્ત સ્વામી એ પ્રગટ ગુણાતીત પુરુષ મહંત સ્વામી મહારાજ ના પ્રસંગો વર્ણવ્યા……એમણે કહ્યું કે- સત્પુરુષ ના પ્રસંગો ના પાન થકી જીવ નું કલ્યાણ થાય છે…ઠાકોરજીની સેવા ની સ્મૃતિ હોય કે..સદાયે ઠાકોરજી ને આગળ રાખી વર્તવાનું હોય….જન્માષ્ટમી ના નિર્જળા ઉપવાસ હોવા છતાં 71-71 દંડવત કર્યા હોય…કે પોતાના ગુરુ ની જય પ્રથમ બોલવા ની હોય…સ્વામીશ્રી પળેપળ એક સ્વામી શ્રીજી માટે જ જીવ્યા છે……! સૌને ભગવાન ભજવા ની જ વાત કરી છે….! આવા સર્વોપરી ગુરુ આપણ ને મળ્યા છે…એનો કેફ રાખીએ…..!

ત્યારબાદ આણંદ ખાતે 1 માર્ચ ના રોજ સ્વામીશ્રી ની સાકર તુલા થઈ હતી એના દિવ્ય વિડીયો દર્શન નો લાભ મળ્યો…..

અદભુત…..અદભુત…..!!

ત્યારબાદ પૂ.બ્રહ્મ મુનિ સ્વામી ના મુખે વચનામૃત-કારીયાણી 5 પર આધારિત પ્રવચન થયું….જોઈએ એનો સારાંશ માત્ર…..

  • ભગવાન ની કૃપા અપરંપાર છે…..વાતો, દર્શન,મળવું અને પ્રસાદ- આ ચાર પ્રકારે ભગવાન પોતાના ભક્તો પર કૃપા વરસાવે છે…..બસ ભગવાન ની આ કૃપા ને ઓળખતા આવડવું જોઈએ…શ્રીજી મહારાજ ના વિવિધ ચરિત્ર, શારીરિક લક્ષણો જોઈએ ને પળભર માં અનેકો વિદ્વાનો ત્યાગશ્રમ સ્વીકારી સાધુ બન્યા…..
  • પોતાના ભક્તો ના મનોરથ…સંકલ્પ પુરા કરવા શ્રીજી મહારાજે મનુષ્ય ચરિત્ર કરી સર્વ ને અઢળક સુખ આપ્યું……તેમના જેવા થઈ…એમની વચ્ચે રહી એમના સર્વ મનોરથ પૂર્ણ કર્યા……એ જ રીતે એમના આધ્યાત્મિક અનુગામી ગુણાતીત પુરુષો એ પોતાના ભક્તો ને રાજી કરવા …એમના સંકલ્પ પુરા કરવા….પોતાના દેહ સામે…ભીડા સામે જોયું નથી…..
  • ભગતજી મહારાજનો ભાદરોડ નો પ્રસંગ હોય….કે શાસ્ત્રીજી મહારાજ નો જીવા ભગત પ્રત્યે નો પુણ્યપ્રકોપ હોય…..નિર્ગુણ સ્વામી સાથે ના મીઠા ઝગડા હોય…..યોગીબાપા નો યુવકો પ્રત્યે પ્રેમ હોય…..કે પ્રમુખ સ્વામી ના નાના માં નાના હરિભક્તો ની કાળજી રાખવા ની ટેવ હોય….He has the heart where whole world can live…..એવું એમના વિશે કહેવાતું…..!! અને આજે મહંત સ્વામી મહારાજ નું નિર્માની પણુ જુઓ……અતુલ્ય નિર્માની પણુ….એમની બધી જ ક્રિયા કેવળ અને કેવળ હરિભક્તો ને રાજીપા અર્થે જ …!
  • હવે આપણે સામે- એમને રાજી કરવા ની પાત્રતા કેળવવા ની છે….એમની આજ્ઞા મુજબ શતાબ્દી ની સેવામાં સાંગોપાંગ જોડાઈ જવું…..

સભાને અંતે જાહેરાત થઈ કે…..

  • આવતા મંગળવારે ગઢડા માં વચનામૃત દ્વિશતાબ્દી ઉત્સવ કેવળ ત્યાંના હરિભક્તો માટે જ છે…પણ એ પ્રસંગ નું live webcast આપણી સંસ્થા ની live.baps.org પર થી જોઈ શકીશું…..
  • સંસ્થા ના બીમાર સંતો માટે ધૂન થઈ….

આજની સભા નો એક જ સાર- જો ભગવાન અને એના સંત આપણા સુખ માટે ….આપણા મનોરથ પુરા કરવા …પોતે મનુષ્ય રૂપે , અનેક કષ્ટો વેઠી ને જીવ્યા….તો સામે આપણે શું કરી શકીએ?? બસ, એમની આજ્ઞા માં સારધાર રહેવું……જીવન ના પ્રત્યેક પળ કે ક્રિયામાં એમના રાજીપા નો જ વિચાર કરવો…!!

જીવ ને સત્સંગી કરવો…..એમના સાચા ભક્ત થવું….!!

તૈયાર છો ને??

સદાયે પ્રથમ શ્રીહરિ ને રે……!

જય સ્વામિનારાયણ

રાજ


BAPS રવિસભા- 26/01/2020

“…….જીવને જેવી દેહને વિષે આત્મબુદ્ધિ છે તેવી ભગવાન તથા ભગવાનના ભક્તને વિષે આત્મબુદ્ધિ હોય તો તેને કોઈ રીતનું વિઘ્ન લાગે નહીં. અને ગમે તેવાં દેશકાળાદિક ભૂંડાં આવે તેણે કરીને એ ભગવાન ને ભગવાનના ભક્ત થકી વિમુખ થાય નહીં.”

પછી વળી શ્રીજીમહારાજે પરમહંસ પ્રત્યે પ્રશ્ન પૂછ્યો જે,

“જાનકીજીને રામચંદ્રજીએ વનવાસ દીધો ત્યારે જાનકીજીએ અતિશય વિલાપ કરવા માંડ્યો. ત્યારે લક્ષ્મણજી પણ અતિશય દિલગીર થયા. પછી સીતાજી લક્ષ્મણજી પ્રત્યે બોલ્યાં જે, ‘હું મારા દુઃખ સારુ નથી રોતી, હું તો રામચંદ્રજીના દુઃખ સારુ રોઉં છું. શા માટે જે, રઘુનાથજી અતિ કૃપાળુ છે. તે લોકાપવાદ સારુ મને વનમાં મૂકી, પણ હવે એમ વિચારતા હશે જે, સીતાને મેં વગર વાંકે વનમાં મૂકી છે. એમ જાણીને કૃપાળુ છે તે મનમાં બહુ દુઃખ પામતા હશે. માટે રામચંદ્રજીને કહેજ્યો જે, સીતાને તો કાંઈ દુઃખ નથી ને વાલ્મીક ઋષિના આશ્રમમાં જઈને સુખે તમારું ભજન કરશે. માટે તમે સીતાને દુઃખે કરીને કાંઈ દુઃખ પામશો મા.’ એમ સીતાજીએ લક્ષ્મણજી સંગાથે કહી મોકલ્યું પણ કોઈ રીતે રામચંદ્રજીનો અવગુણ લીધો નહીં.

એવી રીતે જે ભગવાન ને ભગવાનના ભક્તનો કોઈ રીતે અવગુણ લે નહીં અને વૈરાગ્ય ને ધર્મ તે તો સામાન્યપણે હોય; એક હરિભક્ત તો એવો છે……

અને બીજો હરિભક્ત છે તેને તો વૈરાગ્ય ને ધર્મ તો અતિ આકરા છે પણ સીતાજીના જેવી સમજણ નથી. એ બે પ્રકારના હરિભક્ત છે, તેમાં કયા સંગાથે અતિશય પ્રીતિ રાખીને સોબત કરવી?”

પછી ચૈતન્યાનંદ સ્વામીએ કહ્યું જે,

“ધર્મ ને વૈરાગ્ય જો સામાન્યપણે હોય તો પણ જેની જાનકીજીના જેવી સમજણ હોય તેનો જ અતિશય પ્રીતિ કરીને સમાગમ કરવો, પણ અતિશય વૈરાગ્ય ને ધર્મવાળો હોય ને ભગવાન ને ભગવાનના ભક્તનો અવગુણ લેતો હોય તો તેનો સંગ કરવો નહીં.”

પછી શ્રીજીમહારાજે કહ્યું જે, “યથાર્થ ઉત્તર થયો.”
———————— —
ભગવાન સ્વામિનારાયણ- વચનામૃત-ગઢડા અંત્ય-11



ગયા રવિવારે શિબિર હતી અને આજે પણ અમદાવાદ પૂર્વ ની શિબિર હતી…..પૂ.જ્ઞાન વત્સલ સ્વામી ભરપૂર વરસ્યા….પ્રમુખ સ્વામી મહારાજ ના આપણા સૌ માટે ના અતુલ્ય …અભૂતપૂર્વ …કલ્પનાતીત દાખડા ને સુસ્પષ્ટ કર્યો….હવે વારો આપણો છે કે આપણા ગુરુ નો…ઇષ્ટદેવ નો રાજીપો કઈ રીતે મેળવી શકીએ?? એમની જન્મ શતાબ્દી ઉત્સવ માં કઈ રીતે યા હોમ થઈ…ગુરુ ઋણ અદા કરી શકીએ?? વધારે નહિ તો કેવળ ગુરુ આજ્ઞા અનુસાર વર્તીશું…તોપણ એ રાજી થશે….!!

સૌપ્રથમ…આજે ગણતંત્ર દિન….આપણો દેશ જગદગુરુ બને….સર્વે નું કલ્યાણ અને શાંતિ થાય…એ પ્રાર્થના સાથે શ્રીજી ના મનમોહક દર્શન…..


સભા ની શરૂઆત માં યુવક મિત્રો દ્વારા સર્વદા કલ્યાણકારી મહામંત્ર સ્વામિનારાયણ ની ધૂન કરવામાં આવી….! ત્યારબાદ એક યુવક દ્વારા ” સજની ટાણું આવ્યું રે ભવજળ તરવા નું…” નારાયણ દાસ દ્વારા રચિત આ પદ રજૂ થયું…..લખ ચોરાસી માં મળેલા અમૂલ્ય મનુષ્ય અવતાર ને એળે ન જાવા દેવાય…..લાખ કામ પડતા મૂકી ને પણ હરિ ને ભજી લેવા…!! અન્ય એક યુવક દ્વારા ” પ્યારો મને લાગે છે કમર કટાર……” પ્રેમસખી દ્વારા રચિત કીર્તન રજૂ થયું….અને શ્રીજી ની એ મનમોહક મૂર્તિ મનોચક્ષુ સમક્ષ ઉભરી આવી….!! શી શોભા હશે શ્રીહરિ ની….!! એ પછી એક યુવક દ્વારા બ્રહ્માનંદ સ્વામી રચિત” ઓરા આવો મારા લેહરખડા લહેરી….” રજૂ થયું… અદભુત કીર્તન….!! એક ભગવાન માટે શું ન થાય?? બધું જ થાય…બસ જીવમાં દ્રઢ સંકલ્પ જોઈએ…..!

ત્યારબાદ વિડીયો ના માધ્યમ થી પ.પૂ.મહંતસ્વામી મહારાજ ના સુરત ખાતે ના દિવ્ય વિચરણ દર્શન નો લાભ મળ્યો…..

https://youtu.be/hLpdUFNrXCM?t=6

અદભુત….!

ત્યારબાદ પૂ. ધર્મજ્ઞ સ્વામીએ આજનું પ્રવચન વચનામૃત અંત્ય 11પર આધારિત કર્યું….જોઈએ એના અંશ માત્ર….

  • ભગવાન સ્વામિનારાયણે પોતાનો સંકલ્પ કહ્યો છે કે…ધર્મ ના છિદ્રો પુરવા હું અક્ષરધામ થી આવ્યો છું…..એમ કવિ ન્હાનલાલે લખ્યું છે…..સનાતન ધર્મ નું…શાસ્ત્રો નું…નિષ્કામ ધર્મનું ભરપૂર સમર્થન કર્યું છે…..શ્રીમદ ભાગવત,ગીતા, રામાયણ અને ઉપનિષદો નો અનેકવાર ઉલ્લેખ શ્રીજી એ પોતાના વચનામૃત માં કર્યો છે…..
  • શાસ્ત્રોમાં વર્ણવિત આદર્શ ભક્તો નો પણ અનેકો વાર વચનામૃત માં ઉલ્લેખ કર્યો છે….આપણે સીતાજી,ઉદ્ધવજી,ગોપીઓ જેવી ભક્તિ કરવી…..
  • સીતાજી ના જેવી સમજણ રાખે તો સાચો ભક્ત….ભક્તિ કરતા દુઃખ આવે તો તૂટી ન જાય…પોતાના દુઃખ માટે ન રડે….
  • ભગવાન ની કોર્ટ અલગ છે……એમાં તો જેમ ભગવાન રાજી તે જ ન્યાય….તે જ ચુકાદો…ગ.અંત્ય 13 માં કહ્યું છે તેમ….ભગવાન ની મરજી એ જ ભક્ત નું પ્રારબ્ધ……!!
  • સત્સંગમાં આવ્યા પછી બુદ્ધિ ને તાળા મારવા….ગુરુ આજ્ઞા માં સારધાર રહેવું….કારણ કે ગુરુ પૂર્વાપર નું જુએ છે…..માટે ગુરુ આજ્ઞામાં દ્રઢ રહી જીવવું….એ જ ભક્ત નું લક્ષણ…!
  • આત્મદ્રષ્ટિ કરવી એ ભક્ત નું લક્ષણ છે…..પણ એમ કરવું અઘરું છે……પણ પ્રયત્ન ચાલુ રાખો તો આત્મદ્રષ્ટિ થશે…પોતાનો અવગુણ દેખાશે….
  • સમજણ સકારાત્મક હોય તો જ સત્સંગ હોય કે સંસાર- તેમાં ટકાય…..ગુણાતીત પુરુષો એ આ જ કર્યું છે…ગુરુ રાજી થાય એમ જ વર્ત્યા છે…..
  • યોગીબાપા તો કહેતા કે…..સીતાજી ને જેમ જ્ઞાન ની સમજણ હતી તેમ આપણે પણ સત્સંગમાં રાખી એ તો કઈ બાકી રહે નહીં…..
અદભુત….અદભુત….!! પૂ. ધર્મજ્ઞ સ્વામી ની સહજ શૈલી માં આ વચનામૃત નું નિરૂપણ સાંભળવું ખરેખર અદભુત હતું…..

ત્યારબાદ નીચે મુજબ આવતી રવિસભા માટે જાહેરાત થઈ….


ત્યારબાદ પૂ.ઈશ્વર ચરણ સ્વામીએ પોતાના આશીર્વાચનમાં કહ્યું કે….સીતાજી ની જેમ નિર્દોષ બુદ્ધિ રાખવી……કોઈનો અવગુણ ન લેવો….ભગવાન નો મહિમા સમજી આજ્ઞા માં રહેવું…! આપણે તો સાક્ષાત અક્ષરધામ માં જ બેઠા છીએ કારણ કે પ્રગટ સત્પુરુષ નું સાનિધ્ય છે….પણ એમનામાં નિર્દોષ બુદ્ધિ…દિવ્યભાવ રાખીએ તો જ તેનું યથાર્થ સુખ આવે…! ભગતજી મહારાજ, ગુણાતીતાનંદ સ્વામી નું સ્વરૂપ..મહિમા સમજ્યા અને અનેક અપમાનો સહન કરી ને પણ સ્વામી નો મહિમા પ્રસરાવતા રહ્યા…..એનું કારણ ભગતજી ને સ્વામીમાં નિર્દોષ ભાવ હતો…..દિવ્યભાવ હતો….!આપણે પણ આ જ કરવાનું છે…જો એમ થશે તો આપણ ને પ્રાપ્તિ નો મહિમા સમજાશે….આઠો જામ આનંદ રહેશે……!!!👍

સભાના અંતમાં પૂ.ઈશ્વર ચરણ સ્વામી એ જાહેરાત કરી કે, અમદાવાદ મંદિર ના પૂર્વ કોઠારી પૂ.સત્સંગી જીવન સ્વામી ની તબિયત નાજુક છે….સદગુરુ પૂ.ત્યાગ વલ્લભ સ્વામી પણ બીમાર છે…..તો સૌ કોઈ એમના સારા સ્વાસ્થ્ય માટે ધૂન માં જોડાય…….! સમગ્ર સભા ધૂન માં સહજ જોડાઈ ગઈ….

આજની સભા નો સાર એટલો જ કે…..નિર્દોષભાવ એ જ ભક્તિ…..એ જ મોક્ષ નો માર્ગ….એજ બ્રહ્મરૂપ થવા નો માર્ગ…….!!

ચાલો…..અંતરદ્રષ્ટિ કરી ને શરૂઆત તો કરીએ…..સ્વામી શ્રીજી આપણી સાથે જ છે…સદાય……બસ એમનો લંબાવેલો હાથ પકડવાનો છે……..

તૈયાર છો ને??…..છેલ્લી બસ છે….જો જો ચુકી ન જવાય……!

સદાયે….પ્રથમ શ્રીહરિ ને રે…….!

રાજી રહેજો….

જય સ્વામિનારાયણ….

રાજ


BAPS રવિસભા- 22/12/2019

પછી શ્રીજીમહારાજ બોલ્યા જે, “કોઈ પ્રશ્ન પૂછો.”…

ત્યારે મુક્તાનંદ સ્વામીએ પૂછ્યું જે, “કોઈક તો સત્સંગમાં રહીને દિવસ દિવસ પ્રત્યે વૃદ્ધિને પામતો જાય છે અને કોઈક તો સત્સંગમાં રહીને દિવસ દિવસ પ્રત્યે ઘટતો જાય છે તેનું શું કારણ છે?”

પછી શ્રીજીમહારાજ બોલ્યા જે,

મોટા જે સાધુ તેનો જે અવગુણ લે છે તે ઘટતો જાય છે અને તે સાધુનો જે ગુણ લે છે તેનું અંગ વૃદ્ધિ પામતું જાય છે ને તેને ભગવાનને વિષે ભક્તિ પણ વૃદ્ધિ પામે છે.

માટે તે સાધુનો અવગુણ ન લેવો ને ગુણ જ લેવો…..

અને અવગુણ તો ત્યારે લેવો જ્યારે પરમેશ્વરની બાંધેલ જે પંચ વર્તમાનની મર્યાદા તેમાંથી કોઈક વર્તમાનનો તે સાધુ ભંગ કરે ત્યારે તેનો અવગુણ લેવો, પણ કોઈ વર્તમાનમાં તો ફેર ન હોય ને તેની સ્વાભાવિક પ્રકૃતિ ઠીક ન જણાતી હોય તેને જોઈને ને તે સાધુમાં બીજા ઘણાક ગુણ હોય તેનો ત્યાગ કરીને જો એકલા અવગુણને જ ગ્રહણ કરે તો તેના જ્ઞાન, વૈરાગ્યાદિક જે શુભ ગુણ તે ઘટી જાય છે….
….. માટે વર્તમાનમાં ફેર હોય તો જ અવગુણ લેવો પણ અમથો ભગવાનના ભક્તનો અવગુણ લેવો નહીં…… અને જો અવગુણ લે નહીં તો તેને શુભ ગુણની દિવસ દિવસ પ્રત્યે વૃદ્ધિ થતી જાય છે.”

—————————–
વચનામૃત-ગઢડા પ્રથમ 53



આજે માર્ગશીર્ષ માસ ની કૃષ્ણ એકાદશી…..અર્થાત જીવમાત્ર નું કલ્યાણ કરતો…શ્રીજી ના હૃદયગત સિદ્ધાંત નો દ્યોતક એવા સ્વામિનારાયણ મહામંત્ર નો પ્રાગટય દિન…….”સ્વામી” અને “નારાયણ” એમ બે ભિન્ન તત્વ ..કહેતા કે સ્વામી એટલે અક્ષર..કે જેના જેવા બની ને નારાયણ… કહેતા કે પુરુષોત્તમ ની સેવા માં રહેવા નું છે……..અને એ જ મોક્ષ નો માર્ગ છે….આત્યંતિક કલ્યાણ નો માર્ગ છે…જે અક્ષર પુરુષોત્તમ સિદ્ધાંત ને એક મંત્ર થકી સ્વયં શ્રીજી એ જીવમાત્ર ને સુલભ કર્યો…..પોતાના આધ્યાત્મિક અનુગામી તરીકે ગુણાતીત પરંપરા આપી ….કલ્યાણ ના વાવટા સર્વ માટે ચીરકાલીન માટે ફરકતા રાખ્યા….!! ચાલો….આ મંત્ર ને જીવ થી વધાવીએ….ફણેણી ના એ મહાન પ્રસંગ…શ્રીજી ના ગગનભેદી આહલેક ને પળેપળ જીવી જઈએ…
તેનું નિરંતર મનન..ચિંતન…રટણ… કરીએ….

સૌપ્રથમ મારા વ્હાલા ના અદભુત દર્શન…..ઘનશ્યામ મહારાજે તો આજે સૂકા મેવા ના વાઘા ધારણ કર્યા હતા….જુઓ શોભા…
સભા ની શરૂઆત પૂ. દિવ્ય કિશોર સ્વામી અને યુવકો દ્વારા ” પ્રેમે પ્રેમ થી બોલો સ્વામિનારાયણ ભગવાન….” ધૂન થી થઈ…..ત્યારબાદ એ જ સંત ના મુખે વૈરાગ્ય મૂર્તિ નિષ્કુળાનંદ સ્વામી રચિત…” શીદ ને રહીએ રે કંગાળ રે સંતો…” પદ રજૂ થયું….! ખરેખર …આવા સર્વોપરી સત્પુરુષ અને સર્વોપરી ભગવાન મળ્યા હોય પછી જીવ કંગાળ શી રીતે રહે?? આ સર્વોપરી પ્રાપ્તિ નો કેફ જ કંઈક ઓર છે….એ તો કેસરભીના શ્યામ નું કેસર જેને લાગે તેને સમજાય કે…..ભક્તિ શુ છે…એનો રંગ શુ છે……!! એ પછી પૂ. સંત (અમૃત વિજય સ્વામી.!?) દ્વારા બ્રહ્માનંદ સ્વામી રચિત…” તમે અલબેલા જી આવા ને આવા…..મંદિરે પધારો માવા રે…. ” પદ રજૂ થયું…! અદભુત પદ……! એ પછી પૂ. કૃષ્ણ સ્વરૂપ સ્વામી દ્વારા પ્રેમાનંદ સ્વામી રચિત ” પ્રાણી.. સ્વામિનારાયણ ગાઈ એ…” પદ રજૂ થયું……! ચાહે સુખ આવે કે દુઃખ….સહજ સમય હોય કે વિપરીત…પણ હરિનામ સ્મરણ…સ્વામિનારાયણ મહામંત્ર નું રટણ…એક પળ પણ વિસરાવું ન જોઈએ……મારો હરિ એક પળ દૂર જવો ન જોઈએ…! અખંડ સ્વામિનારાયણ નું ભજન …એ જ બ્રહ્મરૂપતા નું લક્ષણ…!!

ત્યારબાદ પ.પૂ. મહંત સ્વામી મહારાજ ના 10 થી-12 ડિસેમ્બર, ના મુંબઇ ખાતે ના દિવ્ય વિચરણના  વિડીયો દર્શનનો લાભ મળ્યો…..

https://youtu.be/Aw0QHd9jpkg

અદભુત વિડીયો….! ખરેખર સત્પુરુષ જ જીવ નું સદાયનું  દરદ …જન્મ મરણ નું દુઃખ ટાળી શકે છે….!

ત્યારબાદ પ્રખર વક્તા એવા પૂ. પ્રિય સ્વરૂપ સ્વામી ના મુખે વચનામૃત ગઢડા પ્રથમ 53 નો લાભ મળ્યો….જોઈએ અહીંયા એનો સારાંશ માત્ર….

  • સત્સંગ માં આગળ વધવું કે એમાં થી પડી જવું….એની પાછળ નું કારણ શ્રીજી એ અહીં કહ્યું છે…જે બધાએ વિચારવા નું છે…જીવવા નું છે…
  • માટે જ સત્સંગ માં જો આગળ વધવું હોય તો સત્સંગ માં સર્વે ના ગુણ માત્ર જ જોવા…કોઈના અભાવ અવગુણ ની વાત કરવી નહીં…સાંભળવી નહિ….ગુણાતીતાનંદ સ્વામી એ તો નિંદા કરવી…અવગુણ લેવા ને અસેવા કહી છે….ગુણાતીત પુરુષો એ એને ઝેર કહ્યું છે…માટે જ જો મોક્ષ પ્રાપ્ત કરવો હોય તો સત્પુરુષ ને..ભગવાન ને જે ન ગમે એ ન કરવું….
  • મોટા પુરુષો ના અઢળક પ્રસંગો છે…જેમાં એમણે નિંદા..અભાવ અવગુણ ની વાત…એ વાત કરનાર પ્રત્યે ભારોભાર અણગમો દર્શાવ્યો છે…..બીજા ના સ્વભાવ જોવા જ નહીં…..બીજા ના સ્વભાવ જોવા ને તો પ્રમુખ સ્વામી મહારાજ…..સો ટન નું રોલર ફેરવવા જેવું કહેતા…!
  • બીજા ના સ્વભાવ જોતા જોતા…ધીરે ધીરે ગુરુ અને ભગવાન માં પણ ખામી દેખાવા લાગે….! બુઢા ધાધલે દાદા ખાચર ના સેવક નો અવગુણ લીધો તે એ અવગુણ બુઢા ને ભગવાન સ્વામિનારાયણ ને નુકસાન કરવા સુધી લઇ ગયો…!! ગ.પ્ર.28, 31 માં પણ આ જ વાત શ્રીજી એ કહી છે….અવગુણ લેવા વાળા ને શ્રીજી એ અર્ધ બળેલા કાષ્ટ જેવો કહ્યો છે…..ગ.અંત્ય 11, 12 માં એને પાપ કહ્યું છે..
  • જો અંતર ની શાંતિ જોઈતી હોય તો બીજા ના અવગુણ જોવા ના ટાળવા….બીજા ના દોષ જોવાની ટેવ હોય તો ભગવાન નો સાક્ષાત્કાર ન થાય……માટે સત્સંગ હોય કે સંસાર…..બીજા ના અવગુણ જોવા બેસો તો પ્રગતિ જ ન થાય…
  • આ દોષ ની શરૂઆત માં…પ્રથમ કોઈ વિશે નકારાત્મક વિચારો આવે…પછી એ વિચારો શબ્દ બની બહાર નીકળે……આવા વિચારો ને દૂર કઈ રીતે કરવા?? જીવ ના કલ્યાણ નો ધ્યેય સ્પષ્ટ રાખવો……દેહાભિમાન ટાળવું….મોટા પુરુષ અને ભગવાન નો મહિમા સમજવો….એમનું સર્વ કર્તાહર્તા પણુ સમજવું….કુસંગ થી દુર રહેવું….ગુણ ગ્રાહક દ્રષ્ટિ જ રાખવી…..
  • અદભુત વાત…..! બસ, સત્સંગ હોય કે સંસાર….આપણે એ જ કરવા નું છે….અને એમ કરવા માં જ ફાયદો છે….શાંતિ થી વિચારજો…!
  • ત્યારબાદ એક યુવકે શાહીબાગ મંદિરે, ગોલક માં પત્ર લખી ને નાખ્યો હતો..તેનું દર્શન શ્રાવણ થયું…..એ યુવકે પોતાના પીઝા પાછળ ની લત અને ખોટા ખર્ચ ને બંધ કરી ..જે બચત કરી તેનો ધર્માદો ઠાકોરજી ની સેવામાં આપ્યો….! 👍👍 અદભુત પત્ર…!! નિષ્કપટ ભાવે લખાયેલ આ પત્ર દરેકે જીવન માં ઉતારવા જેવો છે….! બસ મનજી કાકા ( મન ને) ને કાબુ માં રાખવા ના છે….! 😊

ત્યારબાદ સભામાં ઉપસ્થિત પ.પૂ. ડોક્ટર સ્વામી ના આશીર્વચન નો સૌને લાભ મળ્યો….તેમણે કહ્યું કે આ બધી સભાઓ….2021 માં થનાર બાપા ના શતાબ્દી ઉત્સવ નો જ ભાગ છે….શુ કરવા નું છે?? એ સમજાતું નથી….ભગવાન માં …એમના સ્વરૂપમાં જ વૃત્તિ રાખવા ની છે- એ કરવા નું છે….જો એમ થશે તો શતાબ્દી ઉત્સવ કૈક ઓર જ થશે….રોજ મંદિરે જવું…સભામાં હાજર રહેવું….કથાવાર્તા ની ટેવ પાડવી….આવું નાનું “બીજ” વવાશે તો એક દિવસ એનો વડ જરૂર થશે…જુઓ આજે પેરિસ માં ઓફિશિયલી આપણ ને મંદિર માટે જમીન મળી ગઈ છે…ભવ્ય મંદિર ત્યાં બનશે ..!!

સભાને અંતે કેટલીક જાહેરાત થઈ…..

  • સૂર્ય ગ્રહણ….25 થી 26 ડિસેમ્બર..
    • બ્રહ્મ ઉત્સવ



    અને એમાં ઉપરોક્ત પુસ્તક આધારિત કવિઝ પણ થશે….
    • સત્સંગ શિબિર



    આજની સભા જીવ ને કઈ રીતે બ્રહ્મરૂપ કરવો….મોટા પુરુષ અને ભગવાન નો રાજીપો શાના ઉપર છે….એ સર્વે મુદ્દા ની વાત પર હતી. જો જીવ આવી રીતે જીવન નું વહન કરશે તો તે અચૂક બ્રહ્મરૂપ થશે…એમાં રતિમાત્ર પણ શંકા નથી……

    આખરે એનો રાજીપો છે તો છતે દેહે જ અક્ષર સુખ છે……

    એટલા માટે જ ….સદાયે પ્રથમ શ્રી હરિ ને રે…..રાજી કરી લેવા..!!!

    જય સ્વામિનારાયણ

    રાજ


    Leave a comment

    BAPS રવિસભા-૨૯/૦૯/૨૦૧૯

    છેલ્લી બે ત્રણ સભા હું સંસાર ની દોડાદોડ વચ્ચે ચુકી ગયો….એની ખોટ તો ભરપાઈ થાય તેમ નથી કારણ કે એ સમય મારા નાથ..મારા ધણી માટે હતો અને એને ચૂકવો એટલે એની ખોટ એક એક પળ લાખ ની હોય અને એને ચુક્યા ની જે ખોટ થાય…તેટલી છે….!!!! જે હોય તે ..હરિ ઈચ્છા…!

    તો આજે સવારે જ નિશ્ચય કર્યો કે સમય પહેલા જ સભા માં પહોંચી જાઉં…..અને મારા નાથ ના આજના પ્રથમ નોરતા ના અદભુત દર્શન કરવા…..!

    ચાલો તેનો ગુલાલ કરીએ….હરિ તો વહેંચવા થી વધે છે…..એ જ તો એનો જાદુ છે….

    સભા ની શરૂઆત ધૂન અને પ્રાર્થના પુ.સંતો અને યુવકો દ્વારા થઈ…..ત્યારબાદ પુ. કૃષ્ણ સ્વરૂપ સ્વામી એ ” વૈષ્ણવ નથી થયો …શીદ ગુમાન માં ઘૂમે”…કીર્તન રજૂ કર્યું અને આજથી 500 વર્ષ પહેલાં નરસૈંયા એ રચેલું ” વૈષ્ણવ જન તો તેને કહીએ…” પદ અંતર સમક્ષ છવાઈ ગયું….આપણે ખરેખર આ પ્રશ્ન આપણી જાત ને પૂછવા નો છે કે આપણે સાચા વૈષ્ણવ….સાચા હરિભક્ત થયા છીએ??? સત્સંગ દેહ નો છે કે જીવ નો?? સત્સંગ માં આવ્યા પછી સ્વભાવ બદલાયા છે??

    ત્યાર બાદ એક યુવકે આજના પ્રથમ નોરતા ને અનુરૂપ ” મન મોહન માની તારી મૂર્તિ રે….” બ્રહ્માનંદ સ્વામી રચિત કીર્તન રજુ કર્યુ અને સમગ્ર સભા ગરબા મોડ માં આવી ગઇ…..અને સોનામાં સુગંધ ભળે તેમ પુ. શુભ કીર્તન સ્વામી ના બુલંદ અવાજ માં પછી રાસ ની રમઝટ જામી…..” જુઓ જુઓ ને સાહેલી આજ રસિયો રાસ રમે…..” “તારો ચટક રંગીલો છેડલો અલબેલા રે…..” “મોહન ફુલ ની માળા…..” “મને પ્યારી લાગે મુરતિ તમારી……” સ્વામી ગુણાતીતાનંદ આજ આવી ને અઢળ ઢળ્યા…..” “વાતલડી….પુછો ને વ્હાલા એક વાતલડી…” “એ શ્રીજી તારી લીલા અતિ ન્યારી….” ……” આ અવનીમાં …..”….અહો..અહો….!!

    અદ્ભુત……!! બહાર વરસાદ……અને અંદર આવા જોશીલા પદો થી તરબોળ થતા હરિભકતો….!! માહોલ ખરેખર અદભુત હતો….!!

    ત્યારબાદ પ્રગટ અક્ષરબ્રહ્મ મહંત સ્વામી મહારાજ ના આફ્રિકા ખાતે ના ૨૦-૨૨ તારીખ ના દિવ્ય વિચરણ ના વિડીયો દર્શન નો લાભ મળ્યો….

    આટલી ઉંમરે…કેવળ હરિભકતો ના સુખાકારી માટે આટઆટલો ભીડા વેઠતા સત્પુરુષ ને માટે આપણા થી શુ ન થાય?? એક એમની આજ્ઞા…અનુવૃતિ માં સારધાર રહીએ એટલે આ જન્મારો સફળ…!!!

    હાલમાં જ પુલહાશ્રમ ની યાત્રા…નીલકંઠ યાત્રા નો લાભ લઇ ને પરત ફરેલા સંતો એ પોતાના અનુભવ કહ્યા…..વર્ણવ્યા…! તારીખ ૧૧ થી ૨૭ સપ્ટેમ્બર વચ્ચે અમદાવાદ…ઉત્તર ગુજરાત ના 68 સંતો છપૈયા…પુલહાશ્રમ વગેરે મહાતીર્થ સ્થાનો ની પવિત્ર યાત્રા કરી આવ્યા…..પુ. ભગવત સેતુ સ્વામી, પુ.શ્રીજી ચરણ સ્વામી..પુ.વિવેક જીવન સ્વામી..પુ નિર્મલ ચરિત સ્વામી….એ તમામ પ્રસાદી ના સ્થાન અને એનો મહિમા જણાવ્યો….7 વર્ષ ની વન વિચરણ ની યાત્રા માં નીલકંઠ વરણી મહારાજ લગભગ અઢી વર્ષ નેપાળ માં રહી ને સર્વે સ્થાનો ને તીર્થત્વ બક્ષ્યું છે…! પુ.વિવેકજીવન સ્વામી એ આ તીર્થ યાત્રા દરમ્યાન મળેલ વિવિધ ગુણભાવી, મુમુક્ષુ ઓ…હરિજન સાથે થયેલા અનુભવ વહેંચ્યા….. આપણા સંતો , ગુરુઓ ની સાધુતા નો દિવ્ય અનુભવ એ સૌને થયો….પુ.નિર્મલ ચરિત સ્વામી એ કહ્યુ કે આ કોઈ પ્રવાસ નહોતો…પણ મહિમા સભર તિર્થ યાત્રા હતી….યાત્રા પહેલા જ શ્રીજી મહારાજ…બ્રહ્મ સ્વરૂપ પ્રમુખ સ્વામી મહારાજ ના પુલ્હાશ્રમ યાત્રા ની સ્મૃતિ ઓ નું લિસ્ટ બનાવી તે પ્રમાણે સ્થળ સાથે સ્મૃતિ ને સાંકળી મહિમા સહિત યાત્રા કરવા માં આવી…અમુક સંતો બીમાર થઈ ગયા …અમુક સંતો ની અવસ્થા હતી છતાં ત્યાંના ઠંડા..ભેજ વાળા વરસાદી વાતાવરણ ની પરવા કર્યા વગર સૌએ ભક્તિ…મહિમા સાથે યાત્રા નો લાભ લીઘો….સૌએ એકબીજા નો મહિમા પણ જાણ્યો……સંપ સાથે સ્થળોનો મહિમા સમજ્યા…આ એક સંપ યાત્રા…ભક્તિ યાત્રા….મહીમા યાત્રા હતી….

    અદ્ભૂત……!! સમગ્ર સભા ને સાક્ષાત પુલ્હાશ્રમ યાત્રા નો …એનો મહિમા…કેવી રીતે યાત્રા કરવી…એનો અનુભવ થયો….

    છેલ્લે સર્વે સંતો પૈકી..એમના વતી વડીલ સંતો જે આ યાત્રા નો લાભ લઈ ને આવ્યા હતા તેમનું પુ.ઈશ્વર ચરણ સ્વામી દ્વારા સ્વાગત સન્માન થયું…

    ત્યાર બાદ પુ. ઈશ્વર ચરણ સ્વામી એ પોતાના આશીરવચન માં કહ્યું કે આ બધા પ્રસાદી ના સ્થાન ની અચુક યાત્રા કરવી…મહિમા સાથે કરવી…જોગી બાપા એ પણ આ રીતે અનેક કષ્ટો વેઠી ને યાત્રા ઓ કરી છે …આંબલી વાળી પોળ નું અત્યારે નવીની કરણ ચાલી રહ્યું છે…તેની યાત્રા પણ એક નવધા ભક્તિ જ છે….માટે જીવ ભગવાન માં આ સ્થિર રહે….તેમ એમની સ્મૃતિ સાથે…. મહિમા સાથે કરવી…..

    સભા ને અંતે હાલ માં જ જાહેર થયેલા સત્સંગ શિક્ષણ પરીક્ષા ના પરિણામ માં અમદાવાદ ના તેજસ્વી તારલા ઓ નું જાહેર માં સન્માન થયું…અમદાવાદ નું 55% રિઝલ્ટ આવ્યું છે….!!

    તો આજની સભા જીવન ને સત્સંગ…ભગવદ સ્મૃતિ..મહિમા ની યાત્રા સાથે સફળ બનાવીએ….છેવટે જીવ ની અનંત યાત્રા નું ધ્યેય…ગંતવ્ય….ફળ આ જ છે…! હરિ સાથે જ છે…

    જય સ્વામિનારાયણ….. રાજી રહેજો…

    રાજ


    1 Comment

    BAPS રવિસભા-18/08/2019

    બ્રહ્મરૂપ થઈ ને પરબ્રહ્મ ને ભજવા એ જ સત્સંગ…..એ જ આત્યંતિક કલ્યાણ નો માર્ગ…..!!!!

    શ્રાવણ માસ ધીરે ધીરે તેનાં અંત તરફ આગળ વધી રહ્યો છે, અને સાથે સાથે ભક્તિ…સત્સંગ પણ તેની સર્વોપરી કક્ષા તરફ ઉર્ધ્વ ગમન કરી રહ્યો છે….મેઘરાજા એ આ વખતે સર્વ ની પ્રાર્થના સાંભળી છે અને જીવ માત્ર ને હૈયા માં ટાઢક થઈ છે….જેની અસર આજકાલ સત્સંગ સભા ઓ માં દેખાય છે…..હરિભક્તો નો ઉત્સાહ સર્વોપરી છે….જેનો રંગ સદાયે ચડતો ને ચડતો રહે તેવી શ્રીજી સ્વામી ને પ્રાર્થના……

    સૌપ્રથમ મારા વ્હાલા નાં મનમોહક દર્શન……!! 👌👌

    સભા ની શરૂઆત યુવક મિત્રો દ્રારા ધૂન પ્રાર્થના થી થઈ…..

    • ત્યારબાદ એક યુવક દ્રારા ” સ્વામી સહજાનંદ મહારાજ…મારે હૃદયે રહેજો રે…” પદ રજુ કર્યું….જે આપણાં સૌના હૃદય નો જ એક રાગ છે……કે શ્રીજી આપણાં અંતર માં અખંડ રહે….અને એ જ બ્રહ્મરૂપતા નું લક્ષણ…!!!
    • એ પછી પુ. કૃષ્ણ સ્વરુપ સ્વામી એ બ્રહ્માનંદ સ્વામી નું અદ્ભૂત પદ “સત્સંગ વિના જન્મ મરણ ભ્રમ જાળ મટે નહીં જંત નાં…” રજુ કર્યું….ખરેખર, જીવ ને અનંત જન્મો થી વળગેલી માયા માં થી છૂટવા નો એક જ માર્ગ છે…સત્સંગ….!! એનો મહિમા જીવ માં દૃઢ થાય તો બાકી શુ રહે…?? સત્સંગ કરતાં ચાહે ગમે તેટલી વિપત આવે પણ સત્સંગ છૂટવો ન જોઈએ….!
    • એ પછી એક યુવક દ્રારા બ્રહ્માનંદ સ્વામી રચિત હિંડોળા નું પદ ” ઝુલત પ્યારે નવલ કિશોર ઘનશ્યામ….” ગવાયું….આ અદ્ભૂત ચરિત્ર પદ અને સ્ટેજ પર હિંડોળે ઝુલતા શ્રીજી સ્વામી ….વાહ…! અદ્ભૂત નજારો હતો….! આ છબી આઠો જામ અંતર માં રહે ….એટલે સહજ આનંદ હમેંશા રહે….
    • એવું જ એક પ્રેમાનંદ સ્વામી રચિત હિંડોળા નું પદ , એક યુવક દ્રારા ” ઝુલોં હિંડોળે વ્હાલા…નટવર…ધર્મ તણા લાલા..” રજુ કર્યું…! જોશીલું પદ….! …અદ્ભૂત…!

    સારંગપુર યુવા અધિવેશન માં મુંબઇ નાં યુવકો દ્રારા બનાવેલી વચનામૃત આધારિત શોર્ટ ફિલ્મ ” સંસ્કાર” રજુ થઈ…..જગત નાં ચમક દમક વાળા વિષયો માં લોભ પામી સંસ્કારી યુવકો પણ ક્યારેક લપસી જાય છે….એ ન થાય એ માટે વચનામૃત, નિત્ય કથા વાર્તા ,સંત સમાગમ જીવન માં અનિવાર્ય છે….કુસંગ થી સદાયે દુર રહેવાય..એ માટે શ્રીજી ને પ્રાર્થના….! પુ. ગુરુ સ્મરણ સ્વામી એ આવી શોર્ટ ફિલ્મ જેવી ફિલ્મ બનાવવા યુવકો યુવતીઓ માટે વિશિષ્ટ વર્ક શોપ “ફોક્સ” અમદાવાદ માં યોજાયો હતો એનાં વિશે વિશેષ માહીતી આપી……તેમાં પ્રસિધ્ધ વિડીયો-ફિલ્મ ડાયરેક્ટર અરવિંદ બબલ પણ પધાર્યા હતાં તેમનુ આજે જાહેર માં સન્માન થયુ….એ સાથે એમનાં સહયોગી નું પણ સન્માન થયુ…. ! અરવિંદ બબલે પોતાના અનુભવ સભામાં વહેંચતા કહ્યુ કે…પોતે સત્સંગ માં આવતાં પહેલા ખૂબ જ સિગારેટ પીતા હતાં….કુટુંબ માં ખૂબ જ પ્રશ્ન હતા… પિતા સાથે બનતું ન હતુ ..અને જીવન માં સફળતા આવી તયારે એમનાં પિતા નો દેહાંત થઈ ચુક્યો હતો…પણ મહંત સ્વામી નાં દર્શન માત્ર થી આ દુખ પળ માં ભુલાઈ ગયું… સિગારેટ છૂટી ગઇ…સર્વ હૃદય નો ભાર છૂટી ગયો…! અદ્ભૂત….!!

    ત્યારબાદ પુ. શ્રીહરિ સ્વામી એ પોતાના પ્રવચન માં “સત્સંગ નું સ્વરુપ અને મહિમા” વિશે જે વચન કહ્યા તેનો સારાંશ માત્ર અહીજોઈએ…

    • શ્રીજી નાં સમય માં સદ્ગુરુ પરમ ચૈતન્યાનંદ સ્વામી એ ગોપાળાનંદ સ્વામી નાં વચન થી પોતાનુ માન મૂક્યું…અને બોલ્યા કે…12 વર્ષ સદ્ગુરુ રહ્યો…12 વર્ષ ગુરુ રહ્યો…પણ સત્સંગી તો આજે થયો…..
    • પરમ ભક્તરાજ શિવલાલ શેઠ કે જેની પૂજા માં સાક્ષાત શ્રીજી પધારતા તેને ગઢડા આચાર્ય મહારાજ ની પધરામણી પછી ગુણાતીતાનંદ સ્વામી એ કહ્યુ કે …તારા જીવ સામે જોવું છું તો અડધો સત્સંગ દેખાય છે….
    • બ્રહ્માનંદ સ્વામી પૂર્વાશ્રમમાં લાડુ દાન ગઢવી તરીકે અનેક પ્રકાર નો માન મરતબૉ, ધન સંપત્તિ સેવકો છોડી ને ત્યાગાશ્રમ સ્વીકાર્યો….છતા શ્રીજી એ કહ્યુ કે….તમે ગુણ ભાવી છો….સાચા સત્સંગી તો પરવતભાઈ અને ગોરધન ભાઈ છે….
    • ભગતજી મહારાજે, સ્વામી પાસે માંગ્યું કે….મારો જીવ સત્સંગી થાય…..! આપણે વિચારીએ કે….આપણે શુ માંગી એ છીએ??
    • સત્સંગ ચાર/આઠ/બાર/સોળ આની હોઇ શકે….પંચ વર્તમાન માં દ્રઢતા ને શ્રીજી ચાર આની સત્સંગ કહે છે….આપણી ઇન્દ્રિયો આપણાં કાબુ માં આવે એને આઠ આની સત્સંગ કહેવાય…ઇન્દ્રિયો ને બાહ્ય જગત માં થી ખેંચી….એક ભગવાન માં જોડવા ની છે (ગ.પ્ર.8,18…) ઇન્દ્રિયો નો આહાર શુદ્ધ થાય તો અંતકરણ શુદ્ધ થાય…..અને એ પછી ગ્રંથિ ઓ ઓગળવા ની શરૂઆત થાય…માટે જ સંગ શુદ્ધિ જરુરી છે….
    • આપણો ધ્યેય સ્પષ્ટ જોઈએ….બ્રહ્મ રુપ થવું અને પુરુષોત્તમ ને ભજવા છે….મન,બુદ્ધિ,અહંકાર અને ચિત્ત- અંતઃકરણ નો સત્સંગ એ બાર આની સત્સંગ છે…..! જે પ્રાપ્તિ જીવ ને થઈ છે, તેનો દૃઢ ભાવ અને મનન નીદિ ધ્યાંસ આના માટે જરુરી છે…
    • સોળ આની સત્સંગ એટ્લે કે- અહં મમત્વ…દેહાભિમાન નો ત્યાગ…લોયા-૧૨ નાં વચનામૃત મુજબ બ્રહ્મરૂપ થઈ ને પરબ્રહ્મ ની ઉપાસના કરવી….એ જ સોળ આની સત્સંગ..!ગુણાતીત ને આપણે આપણું સ્વરુપ માની એ…આત્મા માની એ તો આત્મ નિષ્ઠા સહેજે દૃઢ થાય…. એમનાં ગુણ આપણાં માં આવે…બ્રહ્મ રુપ થવાય….
    • એ જ રીતે સત્સંગ નાં ઉપરોક્ત લેવલ ને આધારે ચાર પ્રકાર નાં હરિભક્ત છે- કાચ જેવા, માટી નાં વાસણ જેવા, તાંબા પિત્તળ નાં વાસણ જેવા….અને સોના નાં વાસણ જેવા…!!

    જોરદાર પ્રવચન…!! આપણે હવે વિચારવા નું છે કે, આપણો સત્સંગ કયો છે?? ચાર આની કે આઠ આની…બાર આની કે સોળ આની?? એનાં પર થી આપણો સત્સંગ પુર્ણ થાય….સોળ આની થાય…એ માટે ખટકો રાખી મંડી પડવા નું છે…..આજ્ઞા, ઉપાસના માં શુદ્ધ…સાર ધાર રહેવા નું છે….ગુણાતીત ને આપણો આત્મા માની એમને મન કર્મ વચને રાજી કરી લેવા નાં છે……એટલું થાય તો સત્સંગ સફળ…સુફ્ળ…!!

    સભા ને અંતે જાહેરાત થઈ કે…

    • 24 ઓગષ્ટ , જન્માષ્ટમી નો મહોત્સવ છે…..શ્રી કૃષ્ણ અને માનવીય સંબંધો પર અદ્ભૂત ઉજવણી થાશે…..રાત્રે 8.30 થી શરૂ થાશે…..આજ્ઞા મુજબ નિર્જળા ઉપવાસ ( ધારણા પારણાં વ્રત વાળા એ પણ કરવા નો છે) કરવા નો છે….
    • બાળકો માટે સ્વાધ્યાય પોથી પ્રગટ થઈ છે….

    અદ્ભૂત સભા….!! જો એક એક શબ્દ જીવ માં ઊતરે તો જીવ જરુર બ્રહ્મરૂપ થાય….

    સર્વને સાષ્ટાંગ દંડવત સહીત જય સ્વામિનારાયણ….

    સદાયે પ્રથમ શ્રીહરિ…..

    રાજ


    1 Comment

    BAPS રવિસભા-04/08/2019

    જીવન નાં પ્રત્યેક પ્રશ્ન નું સમાધાન વચનામૃત માં છે……તેનો નિયમિત અભ્યાસ કરવા થી જીવન માં સુખ શાંતિ સહેજે થાશે….

    —————–

    પ્રગટ બ્રહ્મ સ્વરુપ મહંત સ્વામી મહારાજ

    જીવન માં અખંડ શાંતિ ની વાત આજની સભા માં હતી…..વચનામૃત ખરેખર અમૃત છે, જેમ જેમ એનો અભ્યાસ વધશે તેમ તેમ જીવન નાં સંશય….પ્રશ્ન…અશાંતિ…દુખ ઘટતા જશે….બસ અખંડ સુખ રહેશે…!!તો મેઘરાજા નું આગમન થઈ ચુક્યું છે….શ્રીજી મન મુકી ને ભક્તો નાં સંકલ્પ પુર્ણ કરી રહ્યાં છે….સર્વત્ર મેઘરાજા નું આગમન તો, ગાંધીનગર માં સતપુરૂશ નું આગમન થઈ ચુક્યું છે, જેની અસર આજે અમદાવાદ સભા માં દેખાતી હતી…અને કેમ ન દેખાય?….સતપુરૂશ અને શ્રીજી થકી જ આ બધુ છે…એમનાં માટે જ આ બધુ છે….જયાં ચમક નો પર્વત પોતે હોય પછી જીવ માત્ર ત્યાં ખેંચાય જ ને…!!

    સભા ની શરૂઆત માં મારા વ્હાલા નાં દર્શન…..

    યુવક મિત્રો અને પુ.કૃષ્ણ સ્વરુપ સ્વામી એ ધૂન થી સભા ની શરૂઆત કરી…એ પછી, પુ.પ્રેમ વદન સ્વામી દ્રારા હિંડોળા ઉત્સવ પ્રસંગે પ્રેમ સખી રચિત “…ઝુલન કે દિન આયે હિન્ડોરે….” પદ રજુ કર્યું અને સમગ્ર સભા સાવન નાં હિંડોળા ની શોભા…એનાં પર બિરાજ માન મનમોહન નાં રુપ માં ગુલ્તાન થઈ ગઇ….! શ્રીજી ની છટા શી હશે? કલ્પના માત્ર થી મન રોમાંચિત થઈ ઉઠે છે..ત્યારબાદ બાળ ગાયક દેવ મિસ્ત્રી એ પુનઃ પ્રેમાનંદ સ્વામી રચિત ” ઝુલાવૂ પ્યારા હિંડોળે ઝુલાવૂ પ્યારા….” પદ રજુ કર્યું….અદ્ભૂત કર્ણ પ્રિય અવાજ…..!! ત્યારબાદ એક યુવકે બ્રહ્માનંદ સ્વામી દ્રારા રચેલું” હિન્ડોળૉ ઘનશ્યામ હરિ નો અતિ રૂપાળો લાગે રે….” પદ રજુ કર્યું…..એક એક શબ્દ નો અભ્યાસ કરો તો સમજાય કે આ પદ કેટલા મહિમા સાથે રચાયું હશે…!! …એ પછી પુ.વિવેક મુનિ સ્વામી એ એમનાં બુલંદ સ્વર માં “..હે દાદા ખાચર ને દરબાર…ઉભા અક્ષર બ્રહ્મ ભીંજાવા….” રજુ કર્યું…..શ્રીજી નાં એક નીમિષ માત્ર નાં દર્શન …વીજળી ને ચમકારે કરવા, એમનું ધામ …ગુણાતીતાનંદ સ્વામી વરસતા વરસાદ માં નેવા નીચે ઉભા રહ્યાં હતાં…..એ સુવર્ણ પ્રસંગ અહી તાદ્રશ્ય થયો…! ભક્તિ જો આવા ખપ સાથે થાય તો… જગત નો નાથ કેમ ન રીઝે…!!! એટલાં માટે જ અક્ષર સાથે અક્ષર રુપ થાવા નું છે….એમનાં જેવી ભક્તિ કરવા ની છે…..અને એ જ આપણો સિદ્ધાંત છે…એનાં માટે જ આ સમગ્ર સંસ્થા…સમગ્ર સત્સંગ છે…!

    ત્યારબાદ પરમ પૂજ્ય સ્વામીશ્રી નાં 25 થી 27 જુલાઈ દરમિયાન ,અટલાદરા ખાતે થયેલા દિવ્ય વિચરણ નાં વિડીયો દર્શન નો લાભ સૌને મળ્યો…..

    ત્યારબાદ સારંગપુર યુવા અધિવેશન યોજાયું હતુ, એમા શોર્ટ ફિલ્મ કેટેગરી નાં વિજેતા ફિલ્મ ” આજે તો લડી લઈશું” ને અહી બતાવવા માં આવી…..યુવકોં મન સાથે લડી ને પણ નિયમ ધર્મ માં જે દ્રઢતા રાખે છે….વિપરીત સંજોગો સામે લડી ને જે રીતે, વચનામૃત ને આધારે ટકી રહે છે…..તેં જોવું અદ્ભૂત, પ્રેરણા દાયક હતુ. ગ.પ્ર.70 નાં વચનામૃત પર આધારિત આ સંવાદ ખરેખર જીવન માં ઉતારવા જેવો છે……ગુરુ અને ભગવાન ને રાજી કરવા શુ ન થાય…!!ત્યારબાદ પુ. કૃષ્ણ સ્વરુપ સ્વામી એ પ્રેમાનંદ સ્વામી રચિત” આયો શ્રાવણ માસ અનુપ….હિન્ડોળૉ માચ્યોં રે….” પદ રજુ કર્યું…..અદ્ભૂત પદ…!!ત્યારબાદ પુ. વિવેક મુનિ સ્વામી એ વચનામૃત પર આધારિત એનાં મહિમા વિશે સુંદર પ્રવચન કર્યું…જોઈએ સારાંશ માત્ર…

    • વચનામૃત…એનો નિયમિત અભ્યાસ, વાંચન એ ગુણાતીત ગુરુઓ નાં રાજીપા ની વાત છે……જીવન નાં પ્રત્યેક પ્રશ્ન નું સમાધાન શ્રીજી એ વચનામૃત માં આપેલું છે….
    • સંસાર છે…દુખ તો આવવા નાં જ….પણ એમની સામે ટકી રહેવા માટે વચનામૃત થી મોટુ સાધન કોઈ નથી….
    • વચનામૃત આપણને અંતર દ્રષ્ટિ કરાવે…..આપણાં ગુણ અવગુણ બતાવે…એને સુધારવા નો માર્ગ બતાવે…હિમત, બળ આપે….અંદર થી મજબૂત કરે
    • પ્રમુખ સ્વામી મહારાજ કહેતાં એમ….વચનામૃત નો નિયમિત અભ્યાસ કરે તો વચનામૃત આપ મેળે સમજાય……માટે જ નિત્ય વાચન કરવું….અભ્યાસ કરવો…..જીવન નાં દરેક પ્રશ્ન નો હલ એમા થી મળશે….
    • વચનામૃત આપણાં મન ને સ્થિર કરે છે…જીવન ને સંયમિત કરે છે…..
    • વચનામૃત આપણ ને કુસંગ થી બચાવે છે…..જગત નાં દુષણો થી બચાવે છે…..જીવ ને મજબૂત કરે છે….સ્થિતપ્રજ્ઞ બનાવે છે….
    • વચનામૃત આપણાં સ્વભાવ ઓળખાવે છે….અને એ ટાળવા નો ઉપાય પણ કહે છે…..ઉપાય કઈ રીતે કરવા એ માર્ગ, સાધન,રીત પણ કહે છે….
    • પ્રગટ બ્રહ્મ સ્વરુપ મહંત સ્વામી મહારાજ કહે છે કે વચનામૃત માં થી ….ભગવાન અને સંત રાજી કઈ રીતે થાય…એ સમજાય તો બાકી નાં બધા સાધનો સહજ થઈ જાય…..!!

    તો ચાલો નિયમ લઈ એ કે વચનામૃત નો નિયમિત અભ્યાસ રહે…..એનાં પ્રત્યે દૃઢ લગાવ રહે….ત્યારબાદ એક વિડીયો દ્રારા વચનામૃત મુખ પાઠ દ્રારા યુવકો ને શુ ફાયદો થાય છે? એનાં સ્વાનુભવ , એમનાં મુખે જ સાંભળવા મળ્યો…..અદ્ભૂત વિડીયો…!

    સભા ને અંતે જાહેરાત થઈ કે પુ.મુકુંદ ચરણ સ્વામી દ્રારા અંગ્રેજી માં, શ્રીજી મહારાજ નાં વિવિધ પોશાક, શણગાર ની માહીતી આપતી પુસ્તિકા પ્રગટ થઈ છે…

    તો આજની સભા વચનામૃત ને આધારે જીવન ને બ્રહ્મ રુપ કરવા ની હતી….બ્રહ્મ રુપ થાવા ની હતી……છેવટે બ્રહ્મરૂપ થવું એ જ જીવ નો અંતિમ ધ્યેય છે…..

    સદાયે એક શ્રીજી જ સર્વ પ્રથમ….

    એનો જ રાજીપો સર્વસ્વ…

    જય સ્વામિનારાયણ

    રાજ


    1 Comment

    BAPS રવિસભા-21/07/2019

    “…જીવને ભગવાનને રાજી કર્યાનો ઉપાય તો મન-કર્મ-વચને ભગવાનના ભક્તની સેવા કરવી એ જ છે, અને ભગવાનના ભક્તનો દ્રોહ કરવો એ જ ભગવાનને કુરાજી કરવાનો ઉપાય છે.…”

    ————————–

    ભગવાન શ્રી સ્વામિનારાયણ વચનામૃત ગઢડા મધ્ય ૨૮

    એક ભગવાન નો રાજીપો જ જીવ નાં મોક્ષ નું કારણ છે…એ સમજાશે તો , કલ્યાણ નાં આ માર્ગ માં કોઈ વિઘન નહીં આવે…..

    તો અમદાવાદી ઓ…..really a bad news…!! ઉનાળો હજુ ગયો જ નથી….!! અને મેઘરાજા ક્યારે પધારશે…? એ જાણે કે કોઈને ખબર નથી….just keep your fingers crossed…! હવે તો એક હરિ જ આધાર છે…..બસ એનાં ચરણો માં અંતઃકરણ પૂર્વક પ્રાર્થના કરવી છે કે…હે મહારાજ ..! વરસો… ખૂબ વરસો…!!!

    આજની સભા ની શરૂઆત શ્રીજી નાં અદ્ભૂત દર્શન થી….. હિંડોળા દર્શન નો અદ્ભૂત લાભ મળ્યો….

    સભા ની શરૂઆત યુવકો દ્રારા ધૂન થી થઈ…. ત્યારબાદ એક યુવક દ્રારા હિંડોળા ઉત્સવ પ્રસંગે બ્રહ્માનંદ સ્વામી રચિત અદ્ભૂત પદ ” આવો ઘનશ્યામ …ઝુલાવૂ રી હિન્ડોરના મે….” રજુ થયુ…! શ્રીજી ને અંતર નાં હિંડોળા માં ઝુલાવી… જીવ ને એક એમનાં માં જ સ્થિર કરવા નો છે….એ ભાવ સાથે આ અદ્ભૂત ઉત્સવ રંગેચંગે ઉજવાય છે….એ પછી પુ. વિવેક મુનિ સ્વામી એ પ્રેમાનંદ સ્વામી રચિત….પ્રેમ ભીનું….ખૂબ જ પ્રસિધ્ધ કીર્તન ” મારો નવલ સનેહી ઝૂલે નાથ રે….નૌતમ હિંડોળે …” રજુ કર્યું….ખરેખર….આજથી 200 વરસ પહેલા કેવો માહોલ હશે…..?? શ્રીજી કેવા કેવા હિંડોળે ઝુલતા હશે??? વિચાર માત્ર થી જ સમાધિ થઈ જાય છે…..!!

    વરસાદ ખેંચાયો છે….અને સર્વે જીવ માત્ર ની પ્રાર્થના ને વાચા આપતું પદ ..દાસ રસિક દ્રારા રચિત ” વાદળી ઉતરજે ઘેલા ને તીર….” પુ. કૃષ્ણ સ્વરુપ સ્વામી એ દર્દ ભર્યા સુરે રજુ કર્યું….! ઇતિહાસ સાક્ષી છે કે બ્રહ્મ સ્વરુપ શાસ્ત્રીજી નાં સમય માં આ જ કીર્તન દ્રારા શ્રીજી ને હરિભક્તો એ પ્રાર્થના કરી હતી અને ધોધમાર વરસાદ થકી, સ્વામી શ્રીજી એ સર્વનો સંકલ્પ પૂરો કર્યો હતો…..! ચાલો , આપણે પણ એ માટે શ્રીજી સ્વામી ને પ્રાર્થના કરીએ….!! ત્યારબાદ એક યુવક દ્રારા દેવા નંદ સ્વામી રચિત ” સહજાનંદ સુજાણ દેખી ભ્રમણા ભાંગી રે….” રજુ કર્યું……

    ત્યારબાદ 14-15 જુલાઈ નાં સ્વામીશ્રી નાં બોચાસણ ખાતે નાં દિવ્ય વિચરણ દર્શન નો વિડીયો લાભ મળ્યો….

    ત્યારબાદ ગુણાતીત ને રાજી કરવા વિપરીત પરિસ્થિતિ ઓ માં પણ જે નિષ્ઠાવાન હરિભક્તો એ સત્સંગ શિક્ષણ પરીક્ષા આપી….એમનાં પ્રસંગો વિશે પ.ભ. જયેશ ભાઈ માંડણકા એ લાભ આપ્યો. તેમણે કહ્યુ કે…

    • ગુણાતીત ગુરુઓ એ હમેંશા જ સત્સંગ શિક્ષણ પરીક્ષા માટે આગ્રહ કર્યો છે….
    • કેટલાંક હરિભક્તો એ વિપરીત પરિસ્થિતિ માં પણ કેવળ ગુરુ ને રાજી કરવા પરીક્ષા આપી….કોઈકે નોકરી માં રજા મુકી…કોઈકે ધંધા માં રજા પાડી…તો કોઈકે નોકરી ચાલુ રાખી…ઉજાગરા કરી ને….કોઈકે કેનેડા ની ટિકિટ રદ કરી….કોઈકે નવજાત સંતાન સાથે પરીક્ષા આપી….કોઇક નાં નિકટ નાં સ્વજન ધામ માં ગયા હોય…કોઈકે વિપરીત દૈહિક સ્થિતી માં પરીક્ષા આપી….!! આપણ સૌને આવુ બળ મળે એ માટે પ્રાર્થના….

    ત્યારબાદ વચનામૃત નો મહિમા સમજાવતા વિડીયો સંવાદ ” કદી ન આથમતો સુરજ…” રજુ થયુ….! ખરેખર જીવન નાં પ્રત્યેક સમસ્યા નો ઇલાજ, એક વચનામૃત માં આપેલો છે…..!! વચનામૃત જો શબ્દે શબ્દ જીવાય તો જીવ બ્રહ્મરૂપ થયાં વગર રહે નહીં…..જગત નાં …દેહ નાં સુખ દુખ નડે જ નહીં…..

    ત્યારબાદ પુ. વિવેક જીવન સ્વામી એ “ભગવાન અને મોટા પુરુષ નાં રાજીપા નો વિચાર” પર વિવિધ રસપ્રદ પ્રસંગો સાથે અદ્ભૂત પ્રવચન કર્યું……જોઈએ એનો સારાંશ માત્ર….

    • મનુષ્ય નાં જીવન માં એક ઉચ્ચ ..દૃઢ વિચાર હોવો જ જોઈએ…..
    • વચનામૃત માં 6 પ્રકાર નાં વિચારની વાત થઈ છે…૧) પ્રાપ્તિ નો વિચાર ૨) રાજીપા નો વિચાર ૩) સાંખ્ય નો વિચાર…૪) આત્મનિષ્ઠા નો વિચાર ૫) મહિમા જ્ઞાન નો વિચાર ૬) વૈરાગ્ય નો વિચાર
    • રાજીપા નો વિચાર- સૌથી અગત્ય નો ….લોક ને રાજી કરવા નાં વિચાર કરતા ભગવાન ને…સંત ને રાજી કરવા નું વિચારીએ તો… જીવન સફળ થાય…
    • રાજીપો એટ્લે શુ?? મધ્ય ૨૮ નાં વચનામૃત માં આની વ્યાખ્યા કહી છે…..ગ.અંત્ય 20 માં આ જ વાત કરી છે…..અંત્ય-૨૫ નાં વચનામૃત માં આ જ વાત છે……ભગવાન નો રાજીપો એ જ આત્યંતિક કલ્યાણ નો માર્ગ છે….
    • ભગવાન ને રાજી કરવા થતી ક્રિયા એ નિર્ગુણ ક્રિયા છે…..એમ પ્રમુખ સ્વામી મહારાજ કહેતાં…( ગ.અ.25, ગ.પ્ર.58..ગ.પ્ર.78..કા.10…) .માટે જ મોટા પુરુષ આગળ કપટ રહિત થાવું…નિર્માની થાવું…….એ કહે તેમ કરવું…..અને તેથી મોટા પુરુષ રાજી થઈ જીવ નું કલ્યાણ કરશે….
    • ભગવાન ની.. મોટા પુરુષ ની આજ્ઞા માં દૃઢ પણે વર્તી એ …તો એ રાજી થાય….પ્રસન્ન થાય….ભગતજી મહારાજે , ગુણાતીત સ્વામી ને અજોડ સેવા થી રાજી કરી લીધાં….
    • મોટા પુરુષ નો રાજીપો કૈક અલગ વાત છે…..એમનાં રાજીપા માટે જગત નાં સુખ છોડવા પડે…..એમની આજ્ઞા માં ટૂક ટૂક વર્તવું પડે…..એમની અનુવૃતિ પ્રમાણે જીવવું …વર્તવું પડે….એમની કસોટી માં ઉત્તીર્ણ થાવું પડે…
    • મન કર્મ વચને ..ગુરુ માં જોડાવું પડે તો ગુરુ રાજી થાય. સત્સંગ લાંબી પ્રક્રિયા છે….ઘડતર થાય તયારે જીવ સત્સંગી થાય છે…

    અદ્ભૂત….અદ્ભૂત…..!! આપણે શ્રીજી સ્વામી ને આવા જ રાજીપા માટે પ્રાર્થના કરવા ની છે…..

    સભા ને અંતે ધર્માદા દાન અંગે જાહેરાત થઈ…. બ્રહ્મ સ્વરુપ પ્રમુખ સ્વામી મહારાજ નાં જીવન ચરિત્ર નો બીજો ભાગ પ્રકાશિત થયો છે…..મહંત સ્વામી મહારાજ નાં મહિમા નું પુસ્તક પણ પ્રગટ થયુ છે……વચનામૃત આધારિત 5 પુસ્તક , પણ પ્રગટ થયાં છે….

    આજની સભા , શ્રીજી સ્વામી ને કઇ રીતે રાજી કરી શકાય એ પર હતી…..

    છેવટે એમનો રાજીપો એ જ આપણું જીવન…એ જ ભક્તિ….એ જ સત્સંગ….એ જ કલ્યાણ…

    જય સ્વામિનારાયણ

    રાજ


    1 Comment

    BAPS રવિસભા- ૨૬/૦૫/૨૦૧૯

    સ્વામિનારાયણ હરે…..સ્વામીએ વાત કરી જે…

    “….કોઈ કૂવે પડવા જાતો હોય તેને આડાં હજારો માણસ ફરે તો પડવા દે નહિ, તેમ સત્પુરુષ ને સત્શાસ્ત્રના બહુ શબ્દ સાંભળ્યા હોય તો વિષયમાર્ગથી રક્ષા કરે…….

    …… અને ગમે એવું અવળું માણસ હોય તેને પણ વશ કરીએ, એ તો આવડ્યું જોઈએ; તેને નમી દઈએ, તેનું રાખીએ, તેને પૂછીએ, એ અનુસારે વશ કરીએ એ તો કઠણ નથી; જો આપણે એના થઈ જાઈએ તો તે આપણા થઈ જાય…”

    ————————–

    અક્ષર વાતો-૨/૫૫

    સત્સંગ માં પ્રગતિ ની ઉપરોક્ત વાત સાથે બાહ્ય જગતમાં ગ્રીષ્મ નું જોર યથાવત છે……તો સત્સંગ પણ હંમેશની જેમ યથાવત….કેસર ભીનો છે…..! આજની સભા માં એ કેસરિયો રંગ ભક્તિ બની છવાયો હતો….

    અને જેનાં રાજીપા અર્થે આ બધુ છે…તેં જગતના નાથ નાં તમે દર્શન જુઓ તો સમજાય કે….એ સાંવરા ગુમાની ની છટા શુ છે…?? સારંગપુર ૧ નાં વચનામૃત માં કહ્યુ છે…તેમ આજના શ્રીજી નાં નીમિષ માત્ર નાં દર્શન માં અનંત બ્રહ્માંડ નું સુખ સમાઈ જાય તેવું હતુ…!!!

    સભા ની શરૂઆત વિશિષ્ટ યજમાન…પ્રસિધ્ધ વૈષ્ણવ ગાયક….શાસ્ત્રીય ગાયક એવા પંડિતશ્રી નીરજ ભાઈ પરીખ જેવા વિદ્વાન ગાયક અને યુવક મિત્રો દ્રારા સ્વામિનારાયણ ધૂન થી થયુ…..

    ત્યારબાદ પંડિતશ્રી નીરજ ભાઈ પરીખ નાં અત્યંત કર્ણપ્રિય ..ઘૂંટેલા સ્વર માં…શાસ્ત્રીય સુંરાવલી સાથે..કબીર જી નું પદ.” સબસે ઉંચી પ્રેમ સગાઈ…” રજુ થયુ…..!! અદ્ભૂત…..અદ્ભૂત…!! સગાઈ તો એક હરિ ની જ સાચી…..કે જયાં જીવ હરિ નો જ થઈ જાય છે….!!!

    ત્યારબાદ એમનાં જ સુરીલા કંઠે , બ્રહ્મ કવિ બ્રહ્માનંદ સ્વામી નું પ્રસિધ્ધ પદ…” રે શિર સાટે નટવર ને ભજીએ…” રજુ થયુ……! ખરેખર માથું તો એક હરિ માટે જ મુકવા જેવું છે….અને જેમણે આ કર્યું છે, તેં જ જીવન ને સાર્થક કરી ગયા છે….! ભક્તિ માર્ગ નું સાધન…સાધ્ય…અને માર્ગ આ જ છે…!

    ત્યારબાદ તેમણે બિલવ મંગળ આચાર્ય રચિત પ્રસિધ્ધ સ્તોત્ર…” શ્રી કૃષ્ણ ગોવિંદ દામોદર માધવેતિ…” રજુ કર્યો…..!! સરગમ ની સુંરાવલી માં શ્રીજી ને ગૂંથી ને જે અમૃત તૈયાર થાય છે…..તેનુ બ્રહ્મ સુખ આજે સૌને આ પદ દ્રારા મળ્યું….! હરપળ હરિ….સદાયે…!!

    પંડિત શ્રી નીરજ ભાઈ પરીખ નાં પિતાશ્રી પંડિત શ્રી કૃષ્ણકાંત પરીખ, યોગીજી મહારાજ નાં અત્યંત કૃપા પાત્ર હતાં…..અને આ ભક્તિ વારસો આજે પ્રત્યક્ષ દેખાય છે……

    ત્યારબાદ શ્રીજી નાં ચંદન નાં વાઘા નાં મનમોહક દર્શન નો વિડીયો લાભ મળ્યો…..

    ત્યારબાદ પુ. અક્ષર વત્સલ સ્વામી જેવા પ્રખર વક્તા દ્રારા વચનામૃત અને સ્વામીની વાતો (૨/૫૫) પર આધારિત અદ્ભૂત પ્રવચન નો લાભ મળ્યો….જેનો સારાંશ માત્ર આપણે અહી જોઈશું….

    • કલ્યાણ નો માર્ગ શ્રીજી એ વચનામૃત માં આપ્યો છે…..ગુણાતીત સ્વામીએ પોતાની અક્ષર વાતો માં પણ એ જ કહ્યુ છે…..સ્વભાવ, દોષ…રોજબરોજ નાં સંસાર નાં પ્રશ્નો…મોક્ષ માર્ગ નાં સાધનો ઇત્યાદિ સર્વે ને શ્રીજી એ વચનામૃત માં કહી છે….
    • જીવન માં એકબીજા સાથે અનુકુળ થાતાં આવડે….એકબીજા ને વશ થઈએ…નમીએ તો ઘણા બધા પ્રશ્નો હલ થઈ જાય…….
    • વ્યક્તિ નાં સ્વભાવ ઓળખી રાખવા….અને તેને સ્વીકારી …અનુકુળ થાવું…એકબીજા નું સન્માન જાળવવું….કોઈનું ઘસાતું ન બોલવું….અવગુણો ન ગાવા….
    • દરેક ને એક હરિભક્ત ની દ્રષ્ટિ એ જુઓ….મહિમા સમજો…..આપણા ગુણાતીત ગુરુઓ એ સમગ્ર જીવન આ જ કર્યું છે….
    • આપણે સામા વાળા નાં થશુ તો… એ આપણાં થઈ જશે……પ્રમુખ સ્વામી મહારાજ અને મહંત સ્વામી મહારાજ સૌના થઈ ને રહ્યાં છે…માટે જ જીવ માત્ર એમનાં થઈ ને રહ્યાં છે…..ગુણાતીત પુરુષો એ કોઇના અવગુણ જોયા જ નથી….
    • મહંત સ્વામી મહારાજ ને જુઓ…..સદાયે દાસ ભાવે વર્તે છે….સૌના ગુણ જ જુએ છે….સૌનો મહિમા જ ગાય છે…એ ભાવે જ જુએ છે….આપણે પણ એમ જ કરવા નું છે….!!

    અદ્ભૂત….અદ્ભૂત….! આ જો જીવન માં થાય તો જરૂર કલ્યાણ થાય….!

    ( ઉપરોક્ત પ્રવચન નું મોબાઇલ રેકોર્ડિંગ નીચેની લિંક પર ઉપલબ્ધ છે……ગુણવત્તા ઓછીવધું હોઇ શકે છે)

    https://drive.google.com/file/d/1-0Rf5NhEy52WQ5WtkIMunSvrNipV5H-n/view?usp=drivesdk

    • 27/5 સારંગપુર બાળ અધિવેશન છે…ઉતારાની…. સ્વામીશ્રી નાં દર્શન ની વ્યવસ્થા થાશે નહીં..
    • રાયસન વિદ્યામંદિર માં હાયર સેકન્ડરી માં એડ્મીસન માટે સંપર્ક કરવો….
    • આવતાં રવિવારે ભવ્ય કીર્તન આરાધના નું આયોજન છે….અચુક લાભ લેવો…

    તો, આજની સભા અદ્ભૂત હતી……સંસાર હોય કે મોક્ષ ની વાત……જીવન કઈ રીતે જીવવું…એ આજની સભામાં થી શીખવા મળ્યું…..! એટલું આવડ્શે તો યે બ્રહ્મ માર્ગે આગળ વધાશે…એમા કોઈ શંકા નથી…!

    અંતે સુરત માં અકાળે મૃત્યુ પામેલા વિદ્યાર્થી ઓ ની સ્મૃતિ માં સ્વામિનારાયણ ધૂન થઈ…….પરમ પૂજ્ય મહંત સ્વામી મહારાજ નાં આશ્વાસન…આશીર્વચન વિડીયો સંદેશ નો લાભ મળ્યો….સર્વે નાં સુખ શાંતિ માટે સ્વામીએ પ્રાર્થના કરી… સર્વે નું કલ્યાણ થાય….સર્વે ને શાંતિ મળે એ માટે શ્રીજી સ્વામી ને પ્રાર્થના…!!

    સદાયે હરિ ને આગળ રાખો…..એ છે તો બધુ જ છે…એ જ સર્વસ્વ છે….

    જય સ્વામિનારાયણ

    રાજ


    2 Comments

    BAPS રવિસભા-05/05/2019

    પુનઃ આજે પણ સુરજ દાદા ની એ જ ધોમ ધખતિ મેરેથોન……!! અમદાવાદ માં ગરમી પ્રેરિત સ્વયંભૂ જ કરફ્યૂ હતો, પણ રવિસભા નો સમય થાતાં જ હરિભક્તો તૌત્તેર મણ નો ઘર નો “ઉંબરો” ઓળંગી….સુરજ ને વટાવી ને …કેવળ એક સતપુરૂશ અને શ્રીજી ની આજ્ઞા ને વશ થઈ, મંદિરે ઉમટી પડ્યા….નાના બાળકો તો સવાર થી જ જાણે અધિવેશન ને બહાને સત્સંગ પ્રવાહ માં જ હતા…! ગુણાતીત કહે છે તેમ , જીવ નાં મોક્ષ સારુ, સત્સંગ થી મોટુ સાધન કોઈ જ નથી…. અને પરિણામે આજની સત્સંગ સભા આવા જ મોક્ષાર્થિ સત્સંગી ઓ થી શોભતી હતી…..

    સર્વ પ્રથમ, મારા વ્હાલા નાં અદ્ભૂત દર્શન….!! ” ફુલ ની બાંધી રે પહોંચી ..ફુલ ની બાંધી….”…મોગરા નાં મઘમઘતા પુષ્પો થી આચ્છાદિત શામળિયા ની શોભા ની તો વાત જ થાય તેમ નથી….. જુઓ….

    મન હૃદય તરબતર થઈ ગયા…..!! સભા ની શરૂઆત માં યુવક મિત્રો એ સ્વામિનારાયણ ધૂન દ્રારા હૃદય નાં તાર ને શ્રીજી માં જોડી દીધાં…..ત્યારબાદ એક યુવકે બ્રહ્માનંદ સ્વામી રચિત એક પદ…”રંગ રેલ પિયા ગિરધારી…..” રજુ કર્યું…..અને એ શ્યામ રંગ સર્વે નાં જીવને રંગી ગયો….! ત્યારબાદ એક અન્ય યુવકે પ્રેમાનંદ સ્વામી રચિત પ્રેમ ભીનું પદ” શ્યામ સનેહી ઘેર આવ્યાં…..” રજુ કર્યું….!

    આજે બાળ અધિવેશન હતુ અને કીર્તન સ્પર્ધા માં ઉત્તીર્ણ થયેલા બે બાળકો પૈકી યજ્ઞ મેહતા એ બ્રહ્માનંદ સ્વામી રચિત” નિશ દિન સંત સમાગમ કીજે….” અને દેવ મિસ્ત્રી એ મુક્તાનંદ સ્વામી રચિત ” મોહે તો તુમ પ્રભુ એક આધારા …” કીર્તન સ્વરાનઁકિત કર્યા….! અદ્ભૂત પ્રસ્તુતિ….નાની ઉમર માં સુર લય સાથે ભક્તિ પદ , એ પણ યથાર્થ ભાવ સાથે રજુ કરવા અઘરા છે….! પણ BAPS ની બાળ સેના ને જુઓ તો સમજાય કે..આપણા ગુણાતીત ગુરુઓ એ સત્સંગ નાં પાયા કેટલા ઊંડા …અને કેવા મજબૂત પાથર્યા છે…!!!

    ત્યારબાદ એ જ ગુણાતીત સતપુરૂશ નાં અબુ ધાબિ ખાતે નાં 22-24 એપ્રિલ દરમિયાન નાં દિવ્ય વિચરણ નાં વિડીયો દર્શન નો લાભ મળ્યો….

    ત્યારબાદ પુ. વિવેક જીવન સ્વામી કે જે સ્વામીશ્રી સાથે અબુ ધાબિ મંદીર નાં શિલાન્યાસ પ્રસંગ માં ઉપસ્થિત હતાં તેમણે, તેં ભવ્ય સ્મૃતિ ની વાત કરતા કહ્યુ કે….

    • શ્રીજી એ સ્વયં અક્ષર પુરુષોત્તમ સિદ્ધાંત નું પ્રતિપાદન કર્યું અને એમનાં જ અનુગામી ગુણાતીત પુરુષો એ આ સર્વોપરી સિદ્ધાંત ને મૂર્તિમંત કરતાં મંદિરો સ્થાપ્યા…
    • 1997 માં બ્રહ્મ સ્વરુપ પ્રમુખ સ્વામી મહારાજે શારજાહ વિચરણ સમયે અનેક સંકલ્પ કર્યા, જેમાં અબુ ધાબિ માં મંદીર કરવા નો સંકલ્પ આજે 22 વર્ષ પછી સાકાર થયો….
    • અબુ ધાબિ ની 97 લાખની વસ્તી માં 33 લાખ ભારતીય છે….ભારત સરકાર, ત્યાંની સરકાર નાં સહયોગ થી આ મંદીર સાકાર થઈ રહ્યુ છે…..છેક 50 વરસ થી વિવિધ હિન્દૂ સંગઠન મંદીર માટે પ્રયત્ન કરતા હતાં, પણ સતપુરૂશ નાં સંકલ્પ બળે, એ લાભ આપણ ને મળ્યો…..કુલ 27 એકર જમીન માં આકાર લેનાર ભવ્ય મંદીર નો શિલાન્યાસ, 2300 થી વધું યજમાન ની હાજરી માં યોજાયો….હજારો લોકો (લગભગ ૧૭૦૦૦) પધાર્યા…સર્વે ને આપણાં સ્વયંસેવક, ઇસ્કોન નાં સ્વયં સેવકોં ની મદદ થી અદ્ભૂત મહા પ્રસાદ નો લાભ મળ્યો…..3 મંત્રીઓ હાજર રહ્યાં…ત્યાંના સર્વે સમાચાર પત્રો માં આ છપાયું…
    • સ્વામીશ્રી ની હાજરી માં રોજ સવાર સાંજ પૂજા-કથા વાર્તા કીર્તન નું આયોજન થતુ….એવરેજ 2-2.5 હજાર ભક્તો મુમુક્ષુ ઓ તેનો લાભ લેતા હતા…..માત્ર 150 જેટલા સ્વયં સેવકો …બાળકો…હરિભક્તો એ પોતાનો સઘળો સમય કૃષ્ણારપઁણ કરી સમગ્ર પ્રસંગ ને પાર પાડ્યો….ત્યાંના મોટા મોટા માણસો,અધિકારીઓ એ આ પ્રસંગ ને બિરદાવ્યો….મંદીર માં પોતાની સંપુર્ણ સેવા નાં સંકલ્પ રજુ કર્યા….અરે… સાઉદી અરેબિયા નાં 40 જેટલા હરિભક્ત મેથી નાં દાણા અને તલ નો હાર( સતત 3 માસની મહેનત કરી) બનાવી, સ્વામી શ્રી ને અર્પણ કર્યો….

    અદ્ભૂત…..અદ્ભૂત….! ત્યારબાદ 26 એપ્રિલ નાં રોજ સ્વામીશ્રી એ પોતાનો રાજીપો આશીર્વચન રૂપે આપ્યો તેનાં વિડીયો દર્શન નો લાભ મળ્યો…

    સ્વામી એ પોતાનો અઢળક રાજીપો દર્શાવ્યો…..!!સંપની અદ્ભૂત વ્યાખ્યા સ્વામીએ અહી કહી છે….એ વ્યાખ્યા આપણે જીવવા ની છે….

    ત્યારબાદ જેની કાગડોળે રાહ જોવાતી હતી…જેની સેવા મહેનત અબુ ધાબિ મંદીર નાં પાયા માં છે, તેવા પુ. બ્રહ્મ વિહારી સ્વામી એ , અબુ ધાબિ મંદીર નો વિશેષ અહેવાલ રજુ કર્યો…..જેનો સારાંશ માત્ર આપણે અહી જોશું….

    • પ્રગટ અક્ષરબ્રહ્મ મહંત સ્વામી મહારાજ તો , આ મંદીર ને ઐશ્વર્ય થી ભરપૂર જણાવ્યું….સમગ્ર દુબઇ નાં ટુકડા કરો તો યે આ મંદીર નું ઐશ્વર્ય બધે જણાશે….સર્વે નાં અંતર આ મંદીર ની જેમ શુદ્ધ થાશે..એવી ભાવના પ્રગટ કરી…
    • આ મંદીર તો ચમત્કાર જ છે….બાપા નો સંકલ્પ છે, તેથી આ રચાયું છે…કોઈને કલ્પના ન થાય એવું આ કાર્ય થયુ છે……This is the story of impossibles…. incredibles…
    • ભલ ભલા વિદ્વાનો પણ આ મંદીર ની રચના ને ચમત્કાર ગણે છે…..અને કહે છે કે પ્રમુખ સ્વામી ક્યાંય ગયા જ નથી……શ્રી શ્રી રવિશંકર મંદીર નું મોડલ જોઇ બોલી ઉઠ્યા કે….બીજા કરે એ નાશ પામશે…પણ પ્રમુખ સ્વામી એ આ જે કર્યું છે તેં સદાયે રહેશે…..!!! સમગ્ર સ્વામિનારાયણ સંપ્રદાય પોતાના અંદર નાં મતમતાંતર ભૂલી એક અવાજે આ મંદીર ને વખાણે છે…..!! ત્યાંની સરકારે તો આ મંદીર માટે જ નવો સરકારી વિભાગ બનાવ્યો…મંદીર ને ધ્યાન માં લઈ કાયદા બનાવ્યા…..!!😊😊 પુ. મોરારી બાપુ એ પણ આ મંદીર ના વખાણ કર્યા
    • ત્યાંના રાજ પરિવાર તરફ થી, મજલિસ માં પ્રખ્યાત ઉદ્યોગ પતી મુકેશભાઈ અંબાણી ને આ મંદીર ની અદ્ભૂત રચના વિશે જણાવવા માટે પુ. બ્રહ્મ વિહારી સ્વામી ને વિનંતિ કરવા માં આવી….!! સમગ્ર મંદીર પરિસર ની જમીન રાજ પરિવાર દ્રારા દાન માં મળી છે….અને એની સલામતી પણ એ જ પરિવારે પોતાના શિરે લીધી છે……આપણાં પ્રધાનમંત્રી નરેન્દ્ર મોદી એ પણ આ મંદીર ની રચના માં પાયા નો ભાગ ભજવ્યો છે…..
    • મહંત સ્વામી મહારાજ નાં વચન ને આધારે, પુ.બ્રહ્મ વિહારી સ્વામી, યુવરાજ નાં ભાઈ ને મળ્યા અને પાર્કિંગ ની જમીન સહજ મળી ગઇ….!!
    • UAE માં કોઈ ધાર્મિક કામ માટે ફાળો ઉઘરાવી ન શકો એવો નિયમ છે, પણ આપણા માટે ખાસ કાયદો બન્યો….અને આપણ ને ફાળો ઉઘરાવવા નો પરવાનો આપ્યો…..આપણા ગુરુ મહંત સ્વામી પ્રથમ વ્યક્તિ છે જેને ત્યાંની સરકાર દ્રારા રાજકીય અતિથિ રૂપે સન્માન થયુ….સાથે સાથે જોડે નાં બધા સંતો હરિભક્તો ને તેં સગવડ નો લાભ મળ્યો…….શેખ અને બધા અધિકારી , મહંત સ્વામી નું સ્વાગત કરવા એરપોર્ટ પધાર્યા….શેખ ઉત્સાહ થી 10-15 મિનીટ રાહ જોઇ ઉભા રહ્યાં….બાપા ને ભેટ્યા…સતત હાથ પકડી ને રાખ્યો….પોતાની ગાડી માં બેસાડી, પોતે ચલાવી ગ્રાન્ડ મસ્જિદ અને પોતાના ઘરે લઈ ગયા…..!!! ત્યાંની સરકારે, રાજ પરિવાર તરફ થી 17 થી વધું રાષ્ટ્ર પતી નાં બોડીગાર્ડસ મહંત સ્વામી ની સુરક્ષા માં આપ્યાં….અને સ્વામી શ્રી નાં પ્રભાવ થી એ સુરક્ષા સૈનિકો ને સ્વામી નો ગુણ આવ્યો…. સ્વામી ને ભેટવા માટે પ્રાર્થના કરી…!!!!
    • અરે…. આ મંદીર હજુ તો બને છે, પણ પરિવર્તન નો વાયરો એવો ચાલ્યો છે કે….ત્યાંના તમામ ભારતીય જ નહીં પણ અન્ય ધર્મ નાં લોકો પણ આ મંદીર ની સેવા માં આગળ આવ્યાં છે….કેનેડા નાં પુર્વ પ્રધાનમંત્રી સ્ટીફન હારપર પણ સ્વામીશ્રી નાં દર્શને આવ્યાં…..

    અદ્ભૂત…અદ્ભૂત…!! તેની ઓડિયો લિંક નીચે છે…જેનાં પર થી આપ સાંભળી શકશો….

    https://drive.google.com/file/d/1-HxqG8Ho26hywejc3OHIwR3vXha3ixOv/view?usp=drivesdk

    ત્યારબાદ અમુક જાહેરાત થઈ…..

    • આવતાં શનિવારે શાહીબાગ મંદીર નો પાટોત્સવ છે…..સવારે 6 વાગ્યા થી સર્વે ને લાભ મળશે…

    સતપુરૂશ નાં સંકલ્પ કેવા બળવાન હોય છે…તેનાં દર્શન આજની સભા માં થયાં….. શ્રીજી , સતપુરૂશ દ્રારા પ્રગટ પ્રમાણ છે, તેની આ નિશાની છે…..

    ગુણાતીત નાં કાર્યો અનંત છે….કારણ કે સંકલ્પ અનંત છે…..બસ જોતાં રહો આ લીલા ને….

    પ્રથમ શ્રી હરિ ને રે….

    જય સ્વામિનારાયણ

    રાજ


    Leave a comment

    BAPS રવિસભા-૩૧/૦૩/૨૦૧૯

    “જેવું ઘડતર 60 વર્ષ માં થાય, તેં જ ઘડતર માત્ર 6 મહિના માં અહી થાશે…..”

    ————————–

    પ્રગટ અક્ષર બ્રહ્મ મહંત સ્વામી મહારાજ- સારંગપુર યુવક તાલીમ કેન્દ્ર નાં મહિમા વિશે આશિર્વાદ આપતાં..

    આજે અમદાવાદ 41 ડીગ્રી ગરમી માં શેકાઈ રહ્યુ હતુ પણ જીવ ને શીતળતા નો અનુભવ સત્સંગ માં થઈ રહ્યો હતો…..કારણ કે સત્સંગ માં જ બધા જ ઉકળાટ નું સમાધાન છે…..

    એવા જ તન મન હૃદય…જીવ ને ટાઢક આપતાં મારા વ્હાલા નાં દર્શન…..મોગરા નાં પુષ્પ સ્વામિનારાયણ ભગવાન ને વ્હાલા હતાં અને એમના કંઠ માં મોગરા ની માળા શોભી રહી હતી….

    યુવક મિત્રો દ્રારા સભા ની શરૂઆત ધૂન થી થઈ… પછી યુવકો દ્રારા જ ” આવો આવો શ્રીજી સ્વામી આવો….” કીર્તન રજુ થયુ….ત્યારબાદ એક નાના બાળક દેવ મિસ્ત્રી દ્રારા એનાં સુંદર અવાજ માં, બ્રહ્માનંદ સ્વામી રચિત..” માવા તારી મૂર્તિ માં મોહી મોહી રે…” રજુ થયુ…..મોહ કરવો હોય તો અખંડ ધણી નો જ કરવો કે જયાં થી પસ્તાવું ન પડે…!!! ત્યારબાદ પુ. પ્રેમ વદન સ્વામી નાં બુલંદ સ્વરે..” અનુભવી આનંદ માં… બ્રહ્મરસ નાં ભોગી રે…” મુક્તાનંદ સ્વામી રચિત કીર્તન રજુ થયુ…….એવા જ જોગી આજે પણ મહંત સ્વામી જેવા સ્થિતપ્રજ્ઞ સાધુ રૂપે આજે આપણ ને સાક્ષાત મળ્યા છે….!!

    ત્યારબાદ સ્વામીશ્રી નાં 22-24-માર્ચ નાં સારંગપુર ,ખાતે નાં દિવ્ય વિચરણ નાં વિડીયો દર્શન નો સૌને લાભ મળ્યો….જે નીચે ની લિંક પર થી જોઇ શકાશે….

    અદ્ભૂત વિડીયો દર્શન….!!!

    ત્યારબાદ બ્રહ્મ સ્વરુપ પ્રમુખ સ્વામી મહારાજ દ્રારા 2007 માં સ્થાપિત YTK અર્થાત યુવક તાલીમ કેન્દ્ર , સારંગપુર ની વિશેષ માહીતી આપતો અદ્ભૂત વિડીયો રજુ થયો….ભણ્યા પછી, જીવન નાં 6 માસ આ કેન્દ્ર માં આપશું તો પ.પૂજ્ય મહંત સ્વામી કહે છે તેમ…60 વર્ષ નું સુખ..શીખ….માત્ર 6 મહિના નાં આ ઘડતર માં મળશે….આપણે અહી એક અન્ય લિંક થી તેનો પરિચય મેળવશુ…

    ત્યારબાદ પુ. યજ્ઞ પ્રિય સ્વામી એ YTK નો વિશેષ પરિચય, ઇતિહાસ, મહિમા ની વાત કરી….. જેનો આપણે અહી સારાંશ માત્ર જ જોઈશું…

    • અહી પથ્થર જેવા યુવાનો ગુલાબ નાં પુષ્પ ની જેમ અદ્ભૂત ઘડતર પામે છે….
    • જીવન ની સાચી દિશા…જીવન વિશે વિવેક..મહત્તા.. અહી જાણવા મળે છે….
    • જીવન માં યુવકો ને આડા માર્ગે જતા રોકવા સત્સંગ અનિવાર્ય છે…સતપુરૂશ નો સંગ…દૃઢ પ્રીતિ, મહિમા અનિવાર્ય છે, જે સારંગપુર જેવા નૈમિષારણ્ય ક્ષેત્ર માં મળે છે….
    • અહી સત્સંગ નો પાયો…ઉપાસના નું જ્ઞાન… સેવા નો મહિમા….સતપુઋષ નો રાજીપો…જીવન માં વિપરીત સ્થિતી માં સ્થિર રહેવા ની સમજણ…પારિવારિક સંબંધો નું મહત્વ…સંસ્કાર ની દ્રઢતા….જીવન માં સમય નો સદુપયોગ…આત્મ વિશ્વાસ ની દ્રઢતા….વિગેરે જીવન માં સ્પષ્ટ થાય છે…..
    • ગુણાતીત ગુરુઓ નો અઢળક રાજીપો અહી આ કેન્દ્ર પર છે…
    • દર વર્ષે લગભગ 300 જેટલા ઉત્સાહી યુવકો અહી જીવન ની તાલીમ લે છે….માટે આપણાં પરિવાર નાં યુવકો ને પણ અહી તાલીમ માં મોકલવા નો આગ્રહ રાખવો..

    ત્યારબાદ અન્ય એક વિડીયો દ્રારા આ તાલીમ કેન્દ્ર નો મહિમા, યુવકો નાં પિતા શ્રી ઓ નો …યુવકો નો પોતાનો અનુભવ વગેરે નું દર્શન થયુ…..

    ત્યારબાદ વિડીયો નાં માધ્યમ થી પ.પૂજ્ય મહંત સ્વામી મહારાજે આ યુવક તાલીમ કેન્દ્ર વિશે આશીર્વચન આપતાં કહ્યુ કે….ભગવાન નું…સ્વામી નું સ્વરુપ…આપણાં જીવન નું ધ્યેય …જીવ માં દૃઢ થાય છે…આ ટ્રેનિંગ માં સો સો માથા આપતાં પ્રવેશ મળે તો યે ઓછું છે….!!! ધીરજ રાખી ને જે યુવક અહી ટ્રેનિંગ લેશે…તેં પથ્થર માં થી ગુલાબ થઈ જશે….60 વર્ષ નું ઘડતર 6 માસ માં થઈ જશે…!!

    જાહેરાત

    ————-

    YTK નાં ફોર્મ આજ થી જ શાહીબાગ મંદીર માં થી મળશે….યુવતી તાલીમ કેન્દ્ર, રાંદેસણ માટે નાં ફોર્મ પણ અહી મળશે….

    જેવા મે નીરખ્યા રે- લેખક સ્વયં પ્રગટ અક્ષર બ્રહ્મ મહંત સ્વામી મહારાજ દ્રારા પોતાના ગુરુ પ્રમુખ સ્વામી સાથે ની સ્મૃતિઓ લખાઈ છે….આ અદ્ભૂત પુસ્તક અચુક વસાવવું…..

    ત્યારબાદ પુ. બ્રહ્મ વિહારી સ્વામી એ અગત્ય ની જાહેરાત કરતા જણાવ્યું કે….આવનારા ત્રણ અઠવાડિયા સુધી રવિસભા જે તેં વિસ્તાર નાં સંસ્કાર ધામ, મંદીર માં જ થાશે…..શ્રીહરિ જયંતિ ઉત્સવની વ્યવસ્થા પણ જે તેં વિસ્તાર નાં મંદીર માં જ થાશે……કારણ- સર્વે ની સલામતી નો છે…..ખાસ ધ્યાન રાખવું….

    પુ. અક્ષર વત્સલ સ્વામી એ જાહેરાત કરતા કહ્યુ કે- ૨૩ એપ્રિલ નાં રોજ ગુજરાત માં લોકસભા ની ચૂંટણી છે…..માટે ગુરુ આજ્ઞા છે કે- મતદાન અવશ્ય કરવું…..પૂજા કરી ને પ્રથમ કાર્ય આ કરવું….પવિત્ર મત- દેશ ને સર્વોપરી બનાવે તેવી સરકાર ને આપવો….રાષ્ટ્ર જગદગુરુ બને એ માટે વોટિંગ કરવું…

    પુ. ધર્મજ્ઞ સ્વામી એ કહ્યુ કે રવિસભા અલગ થી નહીં થાય પણ, જે તેં વિસ્તાર ની પરસભા એ જ રવિસભા ગણાશે…..

    અંતે, પુ. ઇશ્વર ચરણ સ્વામી એ પણ YTK માં યુવકો ને અવશ્ય જાવા પર આગ્રહ કરતા કહ્યુ કે…ગુણાતીત ગુરુ ઓ નો રાજીપો આ જ છે…યુવકો સન્માર્ગે ચાલશે તો તેનુ જીવન…પરિવાર નું ભવિષ્ય… દેશ નું ભવિષ્ય સુદ્રઢ થાશે……મતદાન રાષ્ટ્ર ને મજબૂત કરવા અચુક કરવું…જે પક્ષ ધર્મ ની રક્ષા કરે…દેશ નું સારુ કરે, તેને જ આપવો….

    આમ આજની સભા જીવન નાં ઘડતર માટે ની….રાષ્ટ્ર નાં ઘડતર માટે ની હતી…સત્સંગ ની કેડી એ ભગવાન અને સંત નો રાજીપો શામાં છે…એ જાણવા માટે હતી….

    જાગતા રહો……જીવ માટે…રાષ્ટ્ર માટે….

    જય સ્વામિનારાયણ

    રાજ