Raj Mistry's world

Me,my stories and world around….


2 Comments

BAPS રવિસભા- 10/11/2019

પછી મુક્તાનંદ સ્વામીએ પ્રશ્ન પૂછ્યો જે,

“વાસનાની નિવૃત્તિ થયાનો એવો શો જબરો ઉપાય છે જે એક ઉપાયને વિષે સર્વે સાધન આવી જાય?”

પછી શ્રીજીમહારાજ બોલ્યા જે,“જેને

–શ્રદ્ધા તથા

–હરિ અને હરિજનનાં વચનને વિષે વિશ્વાસ તથા

–ભગવાનને વિષે પ્રીતિ તથા

—ભગવાનના સ્વરૂપનું માહાત્મ્ય

એ ચાર વાનાં જેના હૃદયમાં હોય તેની વાસના નિવૃત્ત થઈ જાય છે……તેમાં પણ જો એક માહાત્મ્ય અતિશય દ્રઢ હોય, તો શ્રદ્ધા તથા વિશ્વાસ તથા પ્રીતિ એ ત્રણ દૂબળાં હોય તો પણ મહાબળવાન થાય છે….; અને માહાત્મ્ય વિનાની ભક્તિ જો ઝાઝી જણાતી હોય તો પણ અંતે નાશ થઈ જાય છે. જેમ દસ-બાર વર્ષની કન્યા હોય ને તેને ક્ષયરોગ થાય, પછી તે કન્યા યુવાન થયા મોર જ મરી જાય પણ યુવાન થાય નહીં; તેમ જેને માહાત્મ્ય વિનાની ભક્તિ હોય તે પણ પરિપક્વ થતી થતી નાશ થઈ જાય છે.અને જેના હૃદયમાં માહાત્મ્યે સહિત ભગવાનની ભક્તિ હોય તો બીજા કલ્યાણકારી ગુણ ન હોય તો પણ તેના હૃદયમાં સર્વે આવે છે….. અને જો માહાત્મ્યે સહિત ભક્તિ જેના હૃદયમાં નથી, તો શમ-દમાદિક જે કલ્યાણકારી રૂડા ગુણ તે તેના હૃદયમાં છે તોય પણ નહીં જેવા જ છે; કેમ જે, અંતે નાશ પામી જશે. માટે એક માહાત્મ્યે સહિત ભક્તિ હોય તો તેની વાસના પણ નિવૃત્ત થઈ જાય અને કલ્યાણકારી જે ગુણ તે સર્વે આવીને હૃદયને વિષે નિવાસ કરીને રહે…

…..તે માટે …..માહાત્મ્યે સહિત ભગવાનની ભક્તિ એ જ વાસના ટાળ્યાનું મહામોટું અચળ સાધન છે.”

————————

વચનામૃત- સારંગપુર-૫

સર્વને સૌપ્રથમ તો વિક્રમ સંવત ૨૦૭૬ ના નવા વર્ષ ની અઢળક શુભેચ્છાઓ……! કારણ કે મારા માટે નવા વર્ષ ની પ્રથમ સભા આજે હતી…..અને એનો ઉત્સાહ પણ બેવડો હતો…..સત્સંગ સભા માં અનેક મિત્રો ને નવા વર્ષ માં પ્રથમવાર મળવા નો ઉત્સાહ….અને સભામાં જીવ ને સત્સંગ સાથે જોડવા નો ઉત્સાહ…..!આથી જ સમયસર સભામાં પહોંચી ને સૌપ્રથમ મારા વ્હાલા ના અદભુત દર્શન….!

અદભુત દર્શન…..!સભાની શરૂઆત પૂ.કૃષ્ણ સ્વરૂપ સ્વામી ના મધુર કંઠે “સ્વામિનારાયણ સ્વામી…..” ધૂન થી થઈ…..બધા એકતાર થઈ ગયા….ત્યારબાદ એમના જ મુખે..પ્રેમાનંદ સ્વામી રચિત પ્રેમ ભર્યું પદ ..” શ્યામલળા ચાલો ધીરા….” રજૂ થયું…! ખરેખર, પ્રેમાનંદ સ્વામી ના એક એક પદ માં શ્રીજી માટે નો તેમનો અનન્ય પ્રેમ….અતુલ્ય સ્નેહ….અમૂલ્ય ભાવ ટપકે છે…..! આજે ભગતજી મહારાજ ની અંતર્ધ્યાન તિથિ છે તેથી સ્વામી ના જ સ્વરે…” માંગો માંગો ભગતજી આજ…જે માંગો તે દઈએ…” રજૂ થયું…..આ પદ માં ભગતજી મહારાજ ના વૃતાંત થી એ સમજવા નું છે કે….મોટા પુરુષ પાસે શુ માંગવા નું છે??? જીવ નું કલ્યાણ મોટું કે દેહ નું ??? ભગતજી એ અનાદિ અક્ષર ગુણાતીતાનંદ સ્વામી પાસે ત્રણ વર માંગ્યા….એમાં એક વર હતું….મારા જીવ ને સત્સંગી કરો…!! આપણે પણ જીવ માં એ સમજવા નું છે…દ્રઢ કરવા નું છે….સત્સંગ જીવ નો કરવા નો છે…! ત્યારબાદ રણછોડ ભક્ત રચિત અત્યંત બળ ભર્યું કીર્તન…” જે દુઃખ થાય તે થાજો રે…રૂડા સ્વામીને ભજતાં….” રજૂ થયું….! વચનામૃત માં સ્વયં શ્રીજી એ કહ્યું છે કે જે જીવ ને કલ્યાણ નો ખપ છે….એના થી શુ ન થાય?? બ્રહ્મસ્વરૂપ શાસ્ત્રીજી મહારાજ ના કઠિન સમય માં , કેવળ સ્વામી શ્રીજી ને રાજી કરવા અસંખ્ય હરિભક્તો એ પોતાનું સર્વસ્વ સ્વામી ના ચરણે અર્પી દીધું….અને કલ્યાણ ના અધિકારી થઈ ગયા…!!

ત્યારબાદ પ્રગટ અક્ષરબ્રહ્મ મહંત સ્વામી મહારાજ ભાઈબીજ ના દિવસે રાજકોટ પધાર્યા તેના ભવ્ય દર્શન નો લાભ સર્વે ને મળ્યો…

ત્યારબાદ પૂ. અધ્યાત્મ પ્રિય સ્વામી દ્વારા ” પ.પૂ.મહંત સ્વામી મહારાજે નૂતન વર્ષે આપેલી અણમોલ ભેટ…” વિષય પર વાત કરતા કહ્યું કે…એક અદભુત પત્ર ની ભેટ સ્વામીશ્રી સર્વ ને આપી છે…

સ્વામીશ્રી એ અનેક વાર…વારંવાર…એક જ વાત સર્વે ને આજ્ઞા રૂપે કરી છે….એ છે સંપ….! સંપ તો ભગવાન નું દૈવત છે….સત્પુરુષ નો આરામ…..સ્વાસ્થ્ય…..રાજીપો છે….સંદેશ છે…! સંપ માટે તો સત્પુરુષ ત્રણ ત્રણ માળ ચડી ને હરિભક્તો પર રાજીપો વરસાવી શકે છે…!!! કોઈ અબોલા તોડી ભેગા થાય તો સત્પુરુષ સ્વયં તેને પગે લાગે છે….!! સંપ થી એ રીઝે છે…અને અક્ષરધામ આપે છે….! તો હવે આપણે વિચારવું કે..સત્પુરુષ ને રાજી કઈ રીતે કરવા??અદભુત પ્રવચન…!

ત્યારબાદ કોઠારી પૂ. આત્મકીર્તિ સ્વામી એ સારંગપુર ૫ ના વચનામૃત પર અદભુત પ્રવચન કર્યું…જોઈએ એનો સારાંશ માત્ર…

  • આપણા માં અઢળક વાસના સ્વભાવો પડ્યા છે…પણ મહારાજ નો નીર્ધાર છે કે મારા ભક્ત માં તલમાત્ર કસર રાખવી નથી….સર્વ ને નિર્વાસનીક કરી પોતાના ધામ માં લઇ જાવા છે. જીવે બસ દાખડો કરવા નો છે…
  • ગ.પ્ર.18, ગ.મ.50, ગ.મ.45 વગેરે વચનામૃત માં આ જ વાત શ્રીજી કહે છે…અને જીવ કેમ સુખીયો થાય..એના માર્ગ વચનામૃત માં બતાવ્યા છે….
  • પ્રગટ સત્પુરુષ ને પોતાનો આત્મા માનવો એ દશમી ભક્તિ છે….એમ યોગી બાપા કહેતા…સત્પુરુષ જ નિર્વાસનીક થવા નો માર્ગ બતાવી શકે…ભગવાન નો યથાર્થ મહિમા કહી શકે……લોકોને લૌકિક પદાર્થો નો મહિમા સમજાય છે, પણ ભગવાન નો મહિમા નથી જણાતો……માટે જ જો આત્યંતિક કલ્યાણ નો ખપ હોય તો સત્પુરુષ થકી શ્રીજી નો સર્વોપરી મહિમા સમજી લેવો…..
  • સત્સંગ માં જેને ભગવાન નો…સંતો હરિભક્તો નો મહિમા જેટલો મોટો જણાય તેટલો તે મોટો…..એમ મહંત સ્વામી મહારાજ કહે છે…..અને એક વાર જો આવો મહિમા સમજાય પછી કશું બાકી ન રહે….
  • સત્પુરુષ નો મહિમા જ્ઞાને સહિત સમજાય પછી એમના માટે શું ન થાય?? અબ્દુલ કલામ સાહેબ પ્રમુખ સ્વામી મહારાજ નો મહિમા સમજ્યા તો લખ્યું કે….હવે મારે કશું કરવા નું બાકી નથી….!!
  • આજે ભગતજી મહારાજ ની અંતર્ધ્યાન તિથિ છે….એમના જીવન થી આપણે એ સમજવા નું છે કે….ભગતજી એ સ્વામી ને ઓળખ્યા…એમનો મહિમા જીવ માં દ્રઢ કર્યો…અને એમના વચને જીવ ને ..દેહ ને સ્વામી ને સમર્પિત કરી, સ્વામી ને રાજી કરી લીધા…..પરિણામે સ્વામી એ એમને બ્રહ્મત્વ બક્ષ્યું…એમના માં અખંડ રહ્યા….

માટે જ મોટા પુરુષ ને રાજી કરી નિર્વાસનીક થઈએ….મહારાજ સ્વામી ને રાજી કરી લઈએ…

ત્યારબાદ આજકાલ ખૂબ જ ગંભીર રીતે ફેલાતા ડેન્ગ્યુ – રોગ વિશે AMC માં સેવા આપતા ડો.મેહુલ આચાર્ય એ….આ રોગ ને ફેલાતો અટકાવવા ખૂબજ અગત્ય ની માહિતી બધા ને આપી….! થોડીક સાવધાની, જ્ઞાન, માહિતી અને સ્વચ્છતા રાખીએ તો ડેન્ગ્યુ ને મહાત કરી શકાય….અંતે અમુક જાહેરાત થઈ….

  • દેવદિવાળી ના રોજ અમદાવાદ ના વિવિધ વિસ્તારો માં ..સંસ્કારધામ માં…અન્નકૂટ યોજાશે…વધુ જાણકારી માટે જે તે મંદિર નો સંપર્ક કરવો..

આમ આજની સભા….અદભુત જ્ઞાન થી સભર હતી…..જીવ જો સત્પુરુષ ના સંગે મહિમા સભર જ્ઞાન થી યુક્ત થાય તો જરૂર એ બ્રહ્મરૂપ થઈ શકે….શ્રીજી ને ભજવા લાયક થઈ શકે…અને આપણે જો જન્મ મરણ ના ચક્ર માં થી છુંટવું હોય…અખંડ સુખ શાંતિ જોઈતી હોય તો….આમ કર્યા સિવાય છૂટકો જ નથી……

બ્રહ્મ નો આ રાજમાર્ગ આપણી સામે જ છે……એના પર ચાલવું કે ન ચાલવું? એ આપણે નક્કી કરવા નું છે….

સદાયે…..પ્રથમ શ્રીહરિ ને રે….

જય સ્વામિનારાયણ

રાજ


Leave a comment

BAPS રવિસભા-૨૪/૦૩/૨૦૧૯

પછી શ્રીજીમહારાજ સર્વ હરિભક્ત ઉપર કૃપાદ્રષ્ટિ કરીને બોલતા હવા જે,

“ભગવાનનો ભક્ત હોય ને ભગવાનની કથા, કીર્તન, શ્રવણાદિક જે નવધા ભક્તિ તેને જો હરિભક્ત ઉપર ઈર્ષ્યાએ કરીને કરે તો તે ભક્તિએ કરીને ભગવાન અતિશય રાજી થતા નથી ……અને ઈર્ષ્યાનો ત્યાગ કરીને કેવળ પોતાના કલ્યાણને અર્થે ભક્તિ કરે પણ લોકને દેખાડ્યા સારુ ન કરે, તો તે ભક્તિએ કરીને ભગવાન પ્રસન્ન થાય છે…….

માટે

જેને ભગવાનને રાજી કરવા હોય તેને તો લોક રિઝાવવાને અર્થે તથા કોઈકની ઈર્ષ્યાએ કરીને ભક્તિ ન કરવી, કેવળ પોતાના કલ્યાણને અર્થે જ કરવી……
અને ભગવાનની ભક્તિ કરતાં થકાં કાંઈક પોતાને અપરાધ થઈ જાય તેનો દોષ બીજાને માથે ધરવો નહીં. અને જીવમાત્રનો તો એવો સ્વભાવ છે જે, જ્યારે કાંઈક પોતામાં વાંક આવે ત્યારે એમ બોલે જે, ‘મને બીજે કોઈએ ભુલાવ્યો ત્યારે મારામાં ભૂલ્ય પડી, પણ મારામાં કાંઈ વાંક નથી.’ પણ એમ કહેનારો મહામૂરખો છે. કેમ જે, બીજો તો કોઈક કહેશે જે, ‘તું કૂવામાં પડ્ય,’ ત્યારે એને કહેવે કરીને શું કૂવામાં પડવું? માટે વાંક તો અવળું કરે તેનો જ છે ને બીજાને માથે દોષ દે છે. તેમ જ ઇન્દ્રિયો ને અંતઃકરણનો વાંક કાઢવો એ પણ જીવની મૂર્ખાઈ જ છે……. ને જીવ ને મન તો પરસ્પર અતિ મિત્ર છે; ……..જેમ દૂધને ને પાણીને મિત્રતા છે તેમ જીવને ને મનને મિત્રતા છે. તે જ્યારે દૂધને ને પાણીને ભેળાં કરીને અગ્નિ ઉપર મૂકે ત્યારે પાણી હોય તે દૂધને તળે બેસે ને પોતે બળે પણ દૂધને બળવા ન દે, ત્યારે દૂધ પણ પાણીને ઉગારવાને સારુ પોતે ઊભરાઈને અગ્નિને ઓલવી નાંખે છે…… એવી રીતે બેયને પરસ્પર મિત્રાચાર છે, તેમ જ જીવને ને મનને પરસ્પર મિત્રાચાર છે.….

…..અને જ્યારે કાંઈ મનને અયોગ્ય ઘાટ થઈ જાય ત્યારે જો જીવને મન ઉપર અતિશય રીસ ચઢતી હોય તો ફરીને મનમાં એવો ઘાટ થાય જ નહીં……. અને જ્યારે મનને સદાય અયોગ્ય ઘાટ થયા કરતા હોય ત્યારે એને પોતાના જીવનો જ વાંક સમજવો પણ એકલા મનનો વાંક સમજવો નહીં…….. એવી રીતે સમજીને ભગવાનની ભક્તિ કરે તો તેને કોઈ વિમુખ જીવનો તથા પોતાના મનનો જે કુસંગ તે લેશમાત્ર અડી શકે નહીં અને નિર્વિઘ્ન થકો ભગવાનનું ભજન કરે.”

——————————–

વચનામૃત ગઢડા અંત્ય-૬

ભક્તિ કરવી …સત્સંગ કરવો તો કેવળ પોતાના જીવ ને કલ્યાણ ને અર્થે જ કરવો…કારણ કે જીવ જે અનંત જન્મો થી જન્મ મરણ નાં ચક્ર માં ફરે છે તેનો મોક્ષ…મુક્તિ કેવળ સત્સંગ થી જ થાશે….અને આનાથી મોટી પ્રાપ્તિ કઈ હોઇ શકે?? જગત નાં કહેવાતા સુખો કેવળ દુખ જ…બંધન જ લાવે છે….માટે જ શ્રીજી અહી ડંકા ની ચોંટે મુક્તિ નો મારગ કહે છે…..આજની સભા એનાં પર જ હતી…

ધોમધખતા તડકા વચ્ચે પણ જો જીવ ને શીતળતા નો અનુભવ કરાવતું કોઈ હોય તો તેં સત્સંગ છે….તેં ભક્તિ છે…..

એવાં જ શીતળ …જીવ ને ઠંડક આપતાં દર્શન એટ્લે મારા વ્હાલા નાં દર્શન…….પુનઃ ઘનશ્યામ મહારાજ નાં દર્શન કરો તો આ આંખો ધન્ય થઈ જાય તેવો અદ્ભૂત શણગાર હતો…..

સભા ની શરૂઆત યુવકો દ્રારા ધૂન થી થઈ…. અદ્ભૂત ધૂન….! ત્યારબાદ પુ. ધર્મપ્રકાશ સ્વામી એ સ્વરચિત એક પદ- રાજસ્થાની ઢાળ માં, સારંગપુર મહાતીર્થ સ્થાને ઉજવયેલ ફૂલો ની હોળી પર ” સ્વામી હોળી ખેંલાવે…. સ્વામી હોળી ખેંલાવે…” કીર્તન રજુ કર્યું…..એ અદ્ભૂત ફૂલદૌલ નો માહોલ નજર સમક્ષ ખડો થઈ ગયો….!!! હૈયું….જાણે કે હજુ પણ યે જ ફૂલદૌલ ના રંગે રંગાયેલું છે…જે આજીવન રંગાયેલું જ રહેશે……કૈસરભિનો શ્યામ રંગ જીવ પર થી ઊતરે એમ નથી જ…! ત્યારબાદ એક યુવકે પ્રેમાનંદ સ્વામી નું પ્રેમ ભીનું ” રંગ કી ધૂમ મચાઇ રે…રંગ ભીને સાવરે….” પદ રજુ કર્યું અને હૈયા ની લાગણી ઉભરાઈ આવી….હૃદય માં કેસર છવાઈ ગયુ…! ત્યારબાદ એક અન્ય યુવકે પ્રેમાનંદ સ્વામી રચિત” હોરી આઇ શ્યામ બિહારી…..” રજુ કર્યું……એ જ રંગ…એ જ શ્રીજી…નજર સમક્ષ છવાઈ ગયા….! વિચારો…એ સમયે શુ માહોલ હશે…?? ઉત્તર…સારંગપુર નો …અક્ષરબ્રહ્મ ની હાજરી માં ઉજવાતો ફૂલદૌલ છે….સમય બદલાયો છે, પણ રંગ એ જ છે….શ્રીજી એ જ પ્રગટ પ્રમાણ છે…!!! જે જીવ માં થી એકપલ પણ વિસરાય તેમ નથી….

ત્યારબાદ સારંગપુર ખાતે સ્વામીશ્રી એ 18-20 માર્ચ દરમિયાન વિચરણ અને ઉજવેલ શ્રી ભગતજી મહારાજ જયંતિ ઉત્સવ નાં દિવ્ય વિડીયો દર્શન નો લાભ મળ્યો…..જેનો લાભ નીચે ની લિંક પર થી મળી શકશે….

અદ્ભૂત દર્શન…..!

ત્યારબાદ પુ. નિર્મલ ચરિત સ્વામી એ ગુણાતીત નાં ગુણ અને મહિમા પર અદ્ભૂત પ્રસંગ પ્રવચન કર્યું…જોઈએ સારાંશ માત્ર..

  • ગ.પ્ર.૭૫ વચનામૃત માં એકાંતિક ભક્ત ની વ્યાખ્યા કરી છે…એ જ એકાંતિક ભક્તિ…પરિપૂર્ણ નિશ્ચય…સ્થિતપ્રજ્ઞ નો ગુણ આપણાં ગુણાતીત ગુરુઓ માં દેખાય છે..
  • એમણે દેહ નો અનાદર….દેહ નું કૃષ્ણારપણ કર્યું છે…માટે જ એ સર્વ મંગલ છે…પોતાના ગુરુ શાસ્ત્રીજી મહારાજ ને આપેલું વચન, પ્રમુખ સ્વામી એ છેલ્લાં શ્વાસ સુધી નિભાવ્યું…
  • કેવળ હરિભક્તો ને રાજી કરવા, મોટી ઉંમરે પણ પ્રમુખ સ્વામી અને મહંત સ્વામીએ અતિ કઠીન વિચરણ કર્યું છે….જેનાં તોલે કદાચ કોઈ ન આવે….

સતપુરૂશ નો આ દાખડો…મહિમા સમજાય તો આપણો બેડો પાર થઈ જાય….ત્યારબાદ યુવકો એ ” મન માન કર્યું તેં તારું….તેં કામ બગાડ્યૂ તારું…” જગદીશાનંદ સ્વામી રચિત પદ રજુ કર્યું….

ત્યારબાદ ગઢડા અંત્ય ૬ પર આધારિત અદ્ભૂત પ્રવચન નો લાભ પુ. વિવેક જીવન સ્વામી જેવા વિદ્વાન સંતે આપ્યો…..જેનો સારાંશ માત્ર જ આપણે અહી જોઈશું…..

  • વચનામૃત શ્રીજી નું સ્વરુપ છે…મોક્ષનું કારણ છે…તેનો નિત્ય અભ્યાસ…અનિવાર્ય છે, જેથી આ પરા વિદ્યા અન્ય ને સરળ ભાષા માં કહી શકાય…
  • સ્વભાવ ટાળી ને સેવા કરવી…ભક્તિ કરવી…જો એમ ન થાય તો …પ્રમુખ સ્વામી મહારાજ કહે છે કે સ્વભાવ સાથે પણ સેવા ચાલુ રાખવી…કાળ ક્રમે અંતરદ્રષ્ટિ થાશે..સ્વભાવ છૂટશે અને ભક્તિ શુદ્ધ થાશે.
  • ઈર્ષા …ઝેર છે, અંતર માં એ હોય તો સંસાર હોય કે સત્સંગ….સુખ જ ન આવે…માટે આ સ્વભાવ દોષ ઓળખી રાખવો…શ્રીજી ને સતપુરૂશ ને આ સ્વભાવ ગમતો જ નથી…. જીવા ખાચર(ગઢડા) એ ઈર્ષા નું ઉદાહરણ છે….
  • જીવ અને મન ની મિત્રતા છે….જીવ સદગુણી હશે તો મન ને કાબુ માં કરી શકશે….માટે જ જીવ ને મન થી વધું બળવાન કરવું….સત્વઃગુણી કરવું..
  • જીવ ને બળવાન કરવા નો માર્ગ સત્સંગ છે….સતપુરૂશ નો દૃઢ આશરો છે…એમનાં આપેલા નિયમ ધર્મ નું દૃઢ પાલન છે….અને એનાં આધારે જીવ બળિયો થાશે તો મોક્ષ માર્ગે સહજ જ ચાલશે….

અદ્ભૂત…..અદ્ભૂત…!

સભાને અંતે પુ. બ્રહ્મ વિહારી સ્વામી એ અગત્ય ની સુચના આપતાં કહ્યુ કે આજકાલ ની સામાજિક , રાજકીય પરિસ્થિતિ ને ધ્યાન માં લેતા…પોલીસ અને સરકાર ની સુચના મુજબ દરેક મંદીર ની…અને ખાસ તો અમદાવાદ નાં દરેક મંદીર ની…શાહીબાગ મંદિરની સુરક્ષા અને સલામતી વ્યવસ્થા સુદ્રઢ કરવા માં આવી છે…..તમામ હરિભક્તો એ સહકાર અવશ્ય આપવો……ભીડ ન કરવી…અજાણી વસ્તુ… અજાણ્યા વ્યક્તિ પર નજર રાખવી….મંદીર ને જણાવવું…

તો આજની સભા…જીવ ને સત્વ ગુણી કરી, મન પર વિજય પ્રાપ્ત કરવા ની હતી…છેવટે જીવ નું કલ્યાણ આમાં જ છે….

સમજતા રહો…..

જય સ્વામિનારાયણ

રાજ


Leave a comment

BAPS રવિસભા-૩/૦૩/૨૦૧૯

પછી શ્રીજીમહારાજે પ્રશ્ન પૂછ્યો જે,

“જગતને નાશવંત દેખે છે અને દેહને મૂકીને ચૈતન્ય જુદો થઈ જાય છે તેને પણ દેખે છે, તો પણ આ જીવને જગતનું પ્રધાનપણું હૃદયમાંથી મટતું નથી. અને પરમેશ્વરને સર્વ પ્રકારે સુખના સિંધુ જાણે છે તો પણ પરમેશ્વરમાં જીવનું ચિત્ત ચોંટતું નથી, તેમ સત્સંગ પણ એના હૃદયમાં મુખ્ય થતો નથી અને ધન, સ્ત્રીઆદિક જે સાંસારિક પદાર્થ તેમાંથી પ્રીતિ મટતી નથી. તેનું શું કારણ હશે?”

પછી મુક્તાનંદ સ્વામીએ કહ્યું જે,

“જીવના હૃદયમાં વૈરાગ્ય નથી તેણે કરીને જગતનું પ્રધાનપણું મટતું નથી ને ભગવાનમાં પ્રીતિ થતી નથી.”

પછી શ્રીજીમહારાજ બોલ્યા જે,

“વૈરાગ્યની ન્યૂનતા છે એ તો વાત સાચી; પણ અમને તો એમ ભાસે છે જે, જેને સત્સંગ થાતાં જેવું અંગ બંધાય જાય છે તેવું ને તેવું જ સદાય રહે છે પણ તે વિના બીજુ થતુ નથી…….તે વિભ્રાંતમાં જેવું અંગ બંધાય તેવું અંગ રહે છે. માટે જે સમજુ હોય તેને પોતાનું જે અંગ હોય તેને ઓળખી રાખ્યું જોઈએ; ….

શ્રીકૃષ્ણ ભગવાને ઉદ્ધવ પ્રત્યે એકાદશ સ્કંધમાં કહ્યું છે જે,

‘અષ્ટાંગયોગ તથા સાંખ્યવિચાર તથા શાસ્ત્રપઠન તથા તપ, ત્યાગ, યોગ, યજ્ઞ અને વ્રતાદિકે કરીને હું તેવો વશ થતો નથી જેવો સત્સંગે કરીને વશ થાઉં છું.’

પૂર્વજન્મનો સંસ્કાર હશે તે પણ સત્પુરુષને યોગે કરીને થયો હશે અને આજ પણ જેને સંસ્કાર થાય છે તે સત્પુરુષને યોગે કરીને જ થાય છે. માટે એવા સત્પુરુષનો સંગ પ્રાપ્ત થયો છે તો પણ જેને જેમ છે તેમ સમજાતું નથી તેને અતિશય મંદ-બુદ્ધિવાળો જાણવો.……..

બ્રહ્માદિકને પણ દુર્લભ એવો જે આ સત્સંગ તેમાં આવીને પરમેશ્વર વિના જેને બીજા પદાર્થમાં હેત રહે છે તેનું કારણ એ છે જે, જેવી એ જીવને પરોક્ષને વિષે પ્રતીતિ છે તેવી પ્રત્યક્ષને વિષે દ્રઢપણે પ્રતીતિ થતી નથી. તે શ્રુતિમાં કહ્યું છે જે,

‘જેવી પરોક્ષ દેવને વિષે જીવને પ્રતીતિ છે તેવી જો પ્રત્યક્ષ ગુરુરૂપ હરિને વિષે આવે, તો જેટલા અર્થ પ્રાપ્ત થવાના કહ્યા છે તેટલા સર્વે અર્થ તેને પ્રાપ્ત થાય છે. અને જ્યારે આવો સંત-સમાગમ પ્રાપ્ત થયો ત્યારે દેહ મૂકીને જેને પામવા હતા તે તો દેહ છતાં જ મળ્યા છે; માટે જેને પરમ પદ કહીએ, મોક્ષ કહીએ તેને છતે દેહે જ પામ્યો છે

—————————-

વચનામૃત ગઢડા અંત્ય ૨

દેહ અને આત્મા ને અલગ સમજવા….જગત અને તેનાં પદાર્થ નાશવંત છે…એમ સમજીએ તો જ સત્સંગ જીવ પર ચઢે છે…..અને સત્સંગ માં આવી ને આ જ કરવા નું છે……આજની સભા આ જ વચનામૃત પર હતી….

વસંત પંચમી પછી હજુ પણ ઉનાળા નાં પગરવ સંભળાયા નથી…… શિયાળા અને ઉનાળા ની વચ્ચે કમોસમી માવઠા વચ્ચે ફસાયેલા અમદાવાદ માં આજની સભા અધ્યાત્મિક જોશ થી ભરપૂર હતી….

સર્વ પ્રથમ મારા વ્હાલા નાં દર્શન….અંતર નાં ઉમંગ સહીત….

સભાની શરૂઆત- યુવક મિત્રો દ્રારા સ્વામિનારાયણ ધૂન ની રમઝટ થી થઈ….. અંતર નાં તાર એક હરિ માં સહેજે જોડાઇ ગયા….અને એ જ અંતર ના પુકાર સાથે એક યુવકે આચાર્ય મહારાજ શ્રી વિહારીલાલજી રચિત…’ હે હરિ હરિ…પ્રભુ કરુણા કરી…” કીર્તન રજુ કર્યું….ત્યારબાદ એક યુવકે ભૂમાનંદ સ્વામી રચિત” રસિયા વર સુંદર શ્યામ હસી ને બોલાવો રે…” કીર્તન રજુ કર્યું….! અદ્ભૂત કીર્તન…..!!! ત્યારબાદ પુ.દિવ્ય કિશોર સ્વામી નાં ઘૂંટાયેલ સ્વરે ” સાચે સાચું કહેશું રે…હરિ રાખે એમ રહેશું રે….”સદગુરૂ નિષ્કુળાનંદ સ્વામી રચિત કીર્તન રજુ થયુ…..સતપુરૂશ નાં મહિમા થકી અંતર માં હરી ને પામવા ની ઝંખના જાણે કે શબ્દ સ્વરે સભા માં છવાઈ ગઇ….!!!

ત્યારબાદ પુ. સ્વામીશ્રી નાં સાંકરી ખાતે નાં તા-૨૫-૨૬ ફેબ્રુઆરી નાં રોજ નાં દિવ્ય વિચરણ ના વિડીયો દર્શન નો લાભ મળ્યો…..જે નીચે ની લિંક પર થી આપણે જોઇ શકીશું…

અદ્ભૂત દર્શન……સાથીડા… મેરો નેહ નિભાવણા… બેકગ્રાઉન્ડ માં વાગતા પ્રેમ સખી નાં આ હૃદય ભીના કીર્તને ચક્ષુ નાં ખૂણા અશ્રુ ઓ થી ભરી દીધાં….!!!

આજે સભા માં , ખૂબ જ અનુભવી, વિદ્વાન, પ્રખર વક્તા અને સતત 40 વર્ષ સુધી બ્રહ્મ સ્વરુપ પ્રમુખ સ્વામી મહારાજ સાથે કપરું વિચરણ કર્યું છે…તેવા સદ. વિવેક સાગર સ્વામી હાજર હતાં …તેમણે ગ.અંત્ય ૨ વચનામૃત પર આધારિત અદ્ભૂત પ્રવચન કર્યું….જેનો માત્ર સારાંશ જ અહી જોશું..

  • બ્રહ્મ સ્વરુપ યોગીજી મહારાજ વચનામૃત નાં ભોમિયા હતાં….તેને સાક્ષાત જીવ્યા હતાં…એ સમયે એમણે સંતો ને સમગ્ર વચનામૃત નો મુખ પાઠ કરાવતા….
  • યૉગી બાપા ને ગ.અંત્ય 2, ભગતજી મહારાજ ને વરતલ-૧૬, શાસ્ત્રીજી મહારાજ ને ગ.મધ્ય ૭, પ્રમુખ સ્વામી ને અંત્ય-૭, મહંત સ્વામી ને અંત્ય ૫ નું વચનામૃત અતિ પ્રિય છે…
  • અંત્ય-૨ નાં વચનામૃત, માં જગત નાં નાશવંત પણા નો ઉલ્લેખ કર્યો છે….જેને ગુણાતીત પુરુષો સાક્ષાત જીવ્યા છે….આપણે આ બ્રહ્મ સત્ય ને સમજીએ તો જીવ જગત માં બંધાય જ નહીં…..સહજ જ વૈરાગ્ય અંતર માં જાગી ઉઠે…
  • જગત ની …એનાં સુખ ની આસક્તિ છોડવી અઘરી છે…..અને સર્વે દુખ એમા થી જ આવે છે…માટે જ ભગવાન ને સર્વે સુખ નાં સિંધુ જાણવા જેથી જગત માં થી આસક્તિ છૂટી એક ભગવાન માં થાય….
  • જીવ ને જગત નાં નાશવંત પણા નું જ્ઞાન હોવાં છતા એ મોક્ષ માર્ગે આગળ વધતો નથી…જગત નું પ્રધાન પણું ટળતુ નથી…. કાંરણ કે ..જીવ ને સત્સંગ માં કોઈ અંગ બંધાઈ જાય છે જે છેક સુધી રહી જાય છે…જીવ વિભ્રાંત થઈ જાય છે….પણ આત્મ વિચાર રહે તો તેમા થી બહાર નીકળી શકાય….એમ સત્સંગ માં આનું અંગ કેળવવું…..સમજણ રાખવી…
  • સતપુરૂશ ને સત્સંગ માં પ્રધાન રાખવા…..એમનાં થકી જ સત્સંગ નું અંગ સુદ્રઢ થાય છે….સત્સંગ માં આગળ વધાય છે…..કલ્યાણ નો માર્ગ ખુલે છે…..એમનો યોગ બ્રહ્મરૂપ કરે છે…
  • સતપુરૂશ નો યોગ તો દેવ પણ ઇચ્છે છે….માટે જ સર્વે અર્થ સિદ્ધ કરવા પ્રત્યક્ષ ગુરુ રુપ હરિ ને ઓળખી…એમનો યથાર્થ સમાગમ કરી લેવો….પણ પ્રત્યક્ષ ની પ્રતીતિ આવવી અઘરી છે….જે નિત્ય અભ્યાસ, સતપુરૂશ માં દૃઢ હેત અને વિશ્વાસ, રાજીપા થી જ આવે…..મોક્ષ તો પ્રત્યક્ષ થી જ થાય….એ સિવાય ન થાય…!
  • આજે મહંત સ્વામી રૂપે શ્રીજી પ્રગટ છે….એમ દૃઢ …પરિપૂર્ણ સમજાય તો કશુ બાકી ન રહે…જીવ ને કેફ ચઢી જાય….જગત માં થી વૃત્તિ નીકળી એક ભગવાન માં સ્થિર થઈ જાય…
  • આ મોક્ષ ની વાત છે…..કલ્યાણ ની વાત છે…..જેને સમજ્યા સિવાય છૂટકો જ નથી…..

અદ્ભૂત….અદ્ભૂત…..!! જીવ ને આટલી પ્રતીતિ આવે તો મોક્ષ પ્રત્યક્ષ જ છે……બસ શ્રીજી સ્વામી ને પ્રાર્થના કે આ મુદ્દા ની વાત જીવમાં દૃઢ થાય…..

આજે સભા માં પ્રસિધ્ધ ઇતિહાસ વિદ મકરંદ મેહતા હાજર હતાં….તેમનુ સન્માન થયુ…..

સભા માં અંતે સારંગપુર ખાતે ના ફૂલદૌલ ઉત્સવ ની જાહેરાત થઈ….

મહિલા દિન 16/3 નાં રોજ શાહીબાગ મંદિરે ઉજવાશે…..સમય માટે મંદીર નો સંપર્ક કરવો….

તો આજની સભા મોક્ષ માટે ની હતી…..પ્રત્યક્ષ ગુરુ રુપ હરિ માં દૃઢ પ્રતીતિ માં જ બધુ આવી ગયું….

થોડા માં ઘણુ સમજો….

જય સ્વામિનારાયણ…

રાજ


1 Comment

યાત્રા-પુરુષોત્તમ પુરા

ગયા મહીને -જયારે દેશ ગણતંત્ર દિન ની ઉજવણી કરી રહ્યો હતો ત્યારે અમારી ગાડીઓ -ધોળકા નજીક ના નાયકા-રઢું-ગામ નજીક ના -સ્વામિનારાયણ સંપ્રદાય ના ઐતિહાસિક -પુરુષોત્તમ પુરા તરફ આગળ વધી રહી હતી……અમદાવાદ થી માત્ર ૪૦-૪૫ કિમી દુર આ પુરુષોત્તમ પુરા ગામ- વાસ્તવ માં કોઈ ગામ નથી…પણ એક જમાના માં સાવ ઉજ્જડ …..બાવળિયા ના ગીચ જંગલ  થી ઘેરાયેલી…..વેરાન -૧૦૦૦૦ એકર જમીન ને – બ્રહ્મ સ્વરૂપ શાસ્ત્રીજી મહારાજે – મુઠ્ઠીભર ..અતિ નિષ્ઠાવાન હરિભક્તો ને આધારે એક વૃંદાવન સમા પ્રાસાદિક સ્થાન માં પરિવર્તિત કરી દીધી…એનો એક જીવંત ઈતિહાસ છે…..! અતિ નિષ્ઠાવાન હરિભક્તો- આશાભાઈ ( પુ.મોટા સ્વામી) અને ઈશ્વરભાઈ ( દાજી) ..શાસ્ત્રીજી મહારાજ ના આ અતિ વિકટ કાર્ય માટે પોતાનું સર્વસ્વ અર્પણ કરી ફના થઇ ગયા….એનો આ પ્રત્યક્ષ પુરાવો છે……!

અમે જેમ જેમ પુરુષોત્તમ પુરા ની એ ધરતી ને….એની દિવ્ય હવા ને  શ્વાસ માં ભરતા રહ્યા તેમ તેમ……પ.ભ. ઈશ્વરભાઈ દાજી ના મોટા પુત્ર તુલસીભાઈ ઉર્ફે વકીલ ના દીકરા ( હાલ ત્યાં જ રહે છે….૬૫-૭૦ વર્ષ ની ઉમર) ભક્તરાજ ઘનશ્યામભાઈ ના મુખે વહેતો એ ઈતિહાસ……શ્રી બોચાસણ વાસી અક્ષર પુરુષોત્તમ સ્વામિનારાયણ સંસ્થા નો પ્રાદુર્ભાવ…..શાસ્ત્રીજી મહારાજ ના ભીડા…લીલા ચરિત્રો……ગુણાતીત પુરુષો ના અદભુત ચરિત્ર…..અને તેની સાથે ગૂંથાયેલો એક અણજાણ્યો ઈતિહાસ….પણ અમારા હૃદય…જીવ ને તરબતર કરતો ગયો………….!! એ ઈતિહાસ વિષે લખવા બેસીએ તો- કદાચ આ જન્મારો ઓછો પડે……..પણ તેના કરતા તેને ટૂંક માં સમજવો હોય તો- આપણા વિધવાન સંત પુ. અક્ષરવત્સલ સ્વામી ની કલમે – પરમ ભક્તરાજ આશાભાઈ…ઈશ્વરભાઈ,,,,,નો ઈતિહાસ નીચેની લિંક દ્વારા વાંચી શકાય છે…..

એક એક શબ્દ વાંચજો…..અને સમજજો…….કે આવા ભક્તરાજો ની સરખામણી માં આપણે ક્યાં છીએ???? જો આટલો વિચાર પણ આપણા મગજમાં..એક સેકંડ માટે પણ ઝબકી જાય તો પણ આપણ ને આપણું લેવલ ખબર પડી જાય …! આપણે તો બસ- તૈયાર થાળ પર બેસવાનું સુખ છે…..છતાં સત્સંગમાં આપણે પલમાત્ર નો..તલ માત્ર નો ભીડો….અપમાન…કોઈ હરિભક્ત- સાધુ ના કડક વેણ સહન નથી કરી શકતા…!!!

20170126_100140.jpg

20170126_100245

20170126_100125.jpg

બ્રહ્મસ્વરૂપ પ્રમુખ સ્વામી મહારાજે સ્થાપેલ ગુરુ મૂર્તિ ઓ

 

 

20170126_104443

પ.ભકત રાજ ઈશ્વરભાઈ દાજી ના વંશજ શ્રી ઘનશ્યામભાઈ…એમનું ઘરમંદિર-અને પ્રસાદી ની વસ્તુઓ…

હવે જોઈએ……મારા અનુભવ…..

  • અત્યારે તો દસ હજાર એકર જમીન નથી…પણ બ્રહ્મ સ્વરૂપ પ્રમુખ સ્વામી મહારાજે અહી વારંવાર પધારી…..જે સુખ- લીલા ઓ આપેલા…તેના પ્રતાપે- બ્રહ્મ સ્વરૂપ શાસ્ત્રીજી મહારાજ ના ચરિત્ર સ્મૃતિ ને ચિરંજીવ રાખવા – એક નાનું હરિમંદિર બન્યું છે……૫૦૦૦ વ્યક્તિઓ જમી શકે તેવી સગવડ ધરાવતું રસોડું છે……અને પ.ભ.ઘનશ્યામ ભાઈ જેવા – નિષ્ઠાવાન હરિભક્તો -એ દિવ્ય ગાથાઓ કહેવા…આ સ્મૃતિઓ- ખીજડા ના વૃક્ષ ને સાચવવા……અહી રહે છે…..તેમનો પરિવાર શહેરોમાં-વિદેશોમાં સ્થાયી થઇ ગયો છે……એમના પછી શું??? એ કોઈ ને ખબર નથી….પણ અહી મંદિર છે……બેપ્સ સંસ્થા….શાસ્ત્રીજી મહારાજ અને ગુણાતીત ગુરુઓ ની સ્મૃતિ છે…તેથી- તેની આ ઐતિહાસિક “જાહોજહાલી” સદાયે રહેવા ની…..!
  • આશાભાઈ એ અને ઈશ્વરભાઈ એ -પોતાનું સમગ્ર તન-મન-ધન શાસ્ત્રીજી મહારાજ…..આપણી સંસ્થા ને અર્પણ કર્યું……આશાભાઈ તો આટઆટલી સેવા પછી એ બાકી હોય તેમ…..પાછલી ઉમરે …પરિવાર-કુટુંબ..ધન વૈભવ સર્વ ત્યાગી ને  ત્યાગાશ્રમ માં જોડાયા…..સાધુ યજ્ઞપ્રિય સ્વામી ( મોટા સ્વામી) તરીકે ઓળખાતા…….અને અટલાદરા મંદિર માં સેવા કરી..છતાં આપણા મંદિર પ્રત્યે મમત્વ એટલું બધું કે…જો પુરુષોત્તમ પુરા નો ધર્માદો અટલાદરા મંદિર માં ન પહોંચે કે મોડો પડે…તો ત્યાગી ના નિયમ વિરુદ્ધ એ પોતે – પુરુષોત્તમ પુરા જઈ  ને લાકડી પછાડી બોલતા…” કઈ છે..એ ધર્માદો ન મોકલનારી???”……..અને એમની ખુમારી જોઇને….એમના વંશજો ની ખુમારી જોઇને આપણા ગુણાતીત ગુરુઓ- એમને શેઠ….બાદશાહ….સરકાર……વકીલ….મુખી….એવા હુલામણા નામે બોલાવતા……અને એ સમય સમગ્ર બાપ્સ( જો કે સંસ્થા ની સ્થાપના થઇ નહોતી) નો વહીવટ…કહો કે…શાસ્ત્રીજી મહારાજ નું કાયમ રોકાવા નું..વહીવટ કરવાનું સરનામું- પુરુષોત્તમ પુરા રહેતું……..
  • પ.ભ. ઘનશ્યામભાઈ જયારે નાના હતા ત્યારે તેમના દાદા – ઈશ્વરભાઈ દાજી સાથે બોચાસણ ગયેલા…..બ્રહ્મસ્વરૂપ યોગીબાપા ની હાજરી માં દાજી એ દેહ મુક્યો ત્યારે આ નાનકડા ઘનશ્યામ ભાઈ ને રડતા રોકવા- બ્રહ્મ સ્વરૂપ પ્રમુખ સ્વામી મહારાજ આખી રાત -તેમનું માથું પોતાના ખોળા માં લઇ બેઠા હતા….!!!
  • પ.ભ. ઘનશ્યામ ભાઈ ના મુખે – આપણી સંસ્થા…બ્રહ્મ સ્વરૂપ શાસ્ત્રીજી મહારાજ ની લીલાઓ ને- ચરોતરી મિજાજ માં સંભાળવી…એક અમુલ્ય લ્હાવો છે………….અમને એમના અંગત ઘર મંદિર માં- આપણી સંસ્થા ની પ્રથમ – શ્રી અક્ષર પુરુષોત્તમ મહારાજ ની મૂર્તિ……બ્રાહ્મ સ્વરૂપ ભગતજી મહારાજ નું પ્રાસાદિક કેડિયું……શ્રીજી ની પ્રાસાદિક રાખડી …ગુણાતીત ગુરુઓ ની પ્રાસાદિક અસ્થિ ફૂલ ના દર્શન કરાવ્યા…..!!! રદય…જીવ…તરબતર થઇ ગયો…..!
  • આપણા ૪૮૦ થી વધુ સંતો અને બ્રાહ્મ સ્વરૂપ પ્રમુખ સ્વામી મહારાજે જ્યાં સ્નાન કરેલું…તે સ્વામીંગ પુલ્સ ના દર્શન નો લાભ મળ્યો……..
  • બ્રહ્મસ્વરૂપ શાસ્ત્રીજી મહારાજ ની અદભુત લીલા…રિસામણા…મનામણા ..ની લીલા….સાંભળી ને …હસી-હસી ને થાકી ગયા…….અને અદભુત વાત એ કે–એક બાજુ તમારું ત્રણ માળ નું ઘર સળગતું હોય…જીવન ભર ની પુંજી આગમાં સ્વાહા થતી હોય….અને બીજી બાજુ..શાસ્ત્રીજી મહારાજ રિસામણા-મનામણા જેવા ચરિત્ર કરી….સારંગપુર મંદિર માટે આર્થિક મદદ માંગતા હોય…..તો આપણે શું વિચારીએ??? કરીએ???……પણ આપણી માન્યતા થી વિરુદ્ધ- પરમ ભક્તરાજ આશાભાઈ..ઈશ્વરભાઈ દાજી એ – ઘર ને બળતું રાખી….એ સમયે શાસ્ત્રીજી મહારાજ ને -વ્યાજે રૂપિયા આપી સેવા કરી હતી….!!! ગુણાતીત પુરુષ ના ચરિત્ર…..અને સામે એવા જ પરમ એકાંતિક ભક્તો નું સમર્પણ…તમે સાંભળો તો- તમારું હૃદય ભરાઈ આવે…!!! આવા તો અનેક પ્રસંગો ની આ ધરતી સાક્ષી છે…કે જ્યાં કેવળ ગુરુ ને રાજી કરવા હરિભક્તો એ પોતાનું શિર સુદ્ધા એમના ચરણ માં સમર્પિત કરી દીધું હોય…….!
  • આજે આપણા હરિભક્તો..સંતો અહી- દર્શન કરવા આવે છે…..શિબિર પણ અહી યોજાય છે……..
  • અમે લોકો એ – અહી આ ઈતિહાસ ના શ્રવણ પાન ની સાથે સાથે – સંતો સાથે ગોષ્ઠી….ની મજા પણ માણી……ક્રિકેટ રમી ને સમય ને વધુ આનંદિત બનાવ્યો……………
  • વળતી વખતે -નિર્માણઆધીન -ધોળકા મંદિર ના દર્શન કરી પુનઃ અમદાવાદ પરત આવ્યા……………

અદભુત મહિમાવંત યાત્રા……..!!! શ્રી બોચાસણ વાસી અક્ષર પુરુષોત્તમ સ્વામીનારાયણ સંસ્થા વિષે બ્રહ્મ સ્વરૂપ શાસ્ત્રીજી મહારાજ કહેતા કે….આ સ્વયમ શ્રીજી ની..એમના સર્વોપરી સિદ્ધાંત ની સંસ્થા છે……જેના પાયા ભૂતલે છે………જ્યાં શ્રીજી સદાય પોતાના ગુણાતીત પુરુષ દ્વારા પ્રગટ પ્રમાણ રહે છે………એ સત્ય આજે પ્રત્યક્ષ દેખાય છે……! જ્યાં આવા સર્વોપરી નિષ્ઠા વાળા હરિભક્તો હોય……શ્રીજી ના હૃદયગત સિદ્ધાંતો ના મૂર્તિમંત સ્વરૂપ એવા કર્મઠ સંતો હોય……..ગુણાતીત..પ્રગટ અક્ષરબ્રહ્મ સત્પુરુષ હોય…….ત્યાં પછી બાકી શું રહે???

આવા પ્રસાદી ના..ઐતિહાસિક સ્થાનો ની યાત્રા સૌએ કરવી જ જોઈએ….એની સાથે સંકળાયેલા હરિભક્તો-સંતો-ગુરુ ની ગાથા ઓ સમજવી જોઈએ….અને એ પ્રમાણે આપણું દાયિત્વ શું છે…..આપણ ને જે વારસો મળ્યો છે…તેની જાળવણી…તેનું સંવર્ધન કઈ રીતે સર્વોપરી થઇ શકે….એ આપણે વિચારવા નું છે….વર્તવા નું છે…..!

અને સત્પુરુષ…આપણી સાથે હરપળ છે……..જેની આજ્ઞા માં રહી…જેને રાજી કરી….આગળ વધતા રહીએ તો- જરૂર બ્રહ્મરૂપ થઇ….જેને પામવા ના છે…એ પુરુષોત્તમ નારાયણ ને અચૂક પ્રાપ્ત કરી શકશું..

જય સ્વામિનારાયણ…….


Leave a comment

BAPS રવિસભા-૨૯/૦૧/૨૦૧૭

પછી શ્રીજીમહારાજ બોલ્યા જે,

ભગવાન જીવના કલ્યાણને અર્થે જ્યારે મૂર્તિ ધારણ કરે ત્યારે પોતાનું જે અક્ષરધામ અને ચૈતન્યમૂર્તિ એવા જે પાર્ષદ અને પોતાનાં જે સર્વે ઐશ્વર્ય તે સહિત જ પધારે છે, પણ એ બીજાના દેખ્યામાં આવે નહીં…………..

ભગવાનના ભક્તને ભગવાનનું સ્વરૂપ અક્ષરધામ સહિત પૃથ્વી ઉપર વિરાજમાન છે એમ સમજવું અને બીજા આગળ પણ એવી રીતે વાર્તા કરવી.”


વચનામૃતમ-ગઢડા પ્રથમ-૭૧

વસંતપંચમી ને આડે હવે બે-ત્રણ  દિવસ છે…….અને એ જ દિવસે સ્વામિનારાયણ સંપ્રદાય ના  અનેક અભૂતપૂર્વ પ્રસંગ કે જે પ્રત્યક્ષ…કે પરોક્ષ રીતે સંપ્રદાય અને સમગ્ર આધ્યત્મિક જગત ની ક્રાંતિ મા કારણ બન્યા………અને એવો જ એક પ્રસંગ વસંત પંચમી ના દિવસે ઉજવાય છે…..- શ્રી બોચાસણ વાસી અક્ષર પુરુષોત્તમ સ્વામી નારાયણ સંસ્થા ના આદ્ય સ્થાપક ….સર્વોપરી અક્ષર પુરુષોતમ સિધ્ધાંત ના પ્રવર્તક – બ્રહ્મસ્વરૂપ શાસ્ત્રીજી મહારાજ નો જન્મ જયંતિ મહોત્સવ…….! આજની સભા એની પ્રતિક ઉત્સવ ની સભા હતી…….સર્વોપરી અક્ષર પુરુષોત્તમ સિધ્ધાંત ને ઉજવવા ની સભા હતી……..!

ઘણી રવિસભા ઓ છૂટી ગઈ…..કાંતો હાજર હતો છતાં એનો “ગુલાલ” તમારી સાથે ન કરી શક્યો………! ગયા અઠવાડિયા મા -BAPS સંસ્થા ના ઉદભવ સ્થાન એવા- પુરુષોત્તમ પુરા લાટ-ના અધ્યાત્મિક પ્રવાસે જઈ આવ્યા….એની પોસ્ટ ફરી કોઈક વાર…….! તો- ચાલો આગળ વધીએ આજની સભામાં……પ્રથમ…..જે સદાયે પ્રથમ છે ..જેના માટે આં બધું છે..તેવા શ્રીજી ના દર્શન……..

16387228_660161867505322_5175475940189948993_n

સભાની શરૂઆત યુવકો દ્વારા ધુન્ય-કીર્તન થી થઇ…..”નમન કરું શીરનામી રે……..જય જય યજ્ઞપુરુષ સુખકારી….” અને ત્યારબાદ પૂ.કૃષ્ણસ્વરૂપ સ્વામી દ્વારા કીર્તન રજુ થયું….”રહેજો રહેજો રે….તમે સદાયે સાથે રહેજો રે..” ..અને સાચું વિચારી એ તો આં જ કરવા નું છે………શ્રીજી ને સદાયે સાથે ..જીવમાં રાખવા ના છે……….!

ત્યારબાદ બ્રહ્મસ્વરૂપ શાસ્ત્રીજી મહારાજ ના દિવ્ય જીવન……એમના શિષ્ય-સંતો મા દ્રઢ નિષ્ઠા નું દર્શન કરાવતા વિડીયો નું દર્શન થયું…..”આજ્ઞા ” ની મહત્તા..દ્રઢતા નું દર્શન કરાવતા પ્રસંગ મા -આપણા ભૂતપૂર્વ વડા પ્રધાન અને શાસ્ત્રીજી મહારાજ ના અતિ કૃપા પાત્ર શિષ્ય….શ્રી ગુલઝારી લાલ નંદાજી ના જીવન  પ્રસંગ ના દર્શન થયા….નંદાજી ને સ્વામીશ્રી એ આજ્ઞા કરી હતી તે પ્રમાણે રોજ -પૂજા -નિયમ ધર્મ દ્રઢતા થી કરતા હતા……એક પ્રસંગ મા- એમણે વચનામૃત નું પઠન કર્યા સિવાય -અન્ન નો દાણો પણ મોઢા મા ન મુક્યો…..જીનીવા મા અત્યંત બીમાર હોવા છતાં..ડોક્ટર ની સલાહ અનુસાર – બ્રાન્ડી લેવાની સ્પષ્ટ ના પાડી દીધી……….અને ગઢડા મંદિર નિર્માણ સમયે -સ્વામીશ્રી ને આર્થિક મદદ કરવા પોતાની નવીન કાર પણ વેચી દીધી…..!!!

અદભુત…..છતાં બ્રહ્મસ્વરૂપ શાસ્ત્રીજી મહારાજે નંદાજી ના એક પ્રશ્ન ના ઉત્તર મા કહ્યું હતું કે..” તમારો સત્સંગ તો એક પાશેરા મા પુણી જેટલો જ છે…..” ..હવે વિચારો….સત્સંગ મા આપણે ક્યાં છીએ????

ત્યરબાદ પૂ.નિર્મલ ચરિત સ્વામી એ “આજ્ઞા” નો મહિમા સમજાવતા કહ્યું કે….

  • ગ.પ્ર.૧૫ ના વચનામૃત મુજબ -સત્પુરુષ ની આજ્ઞા….વચન  મુજબ જ વર્તવા થી એકાંતિક થવાય…..
  • ૮ વર્ષ ની ઉમરે શાસ્ત્રીજી મહારાજે એકાદશી કરી હતી અને એ જ દ્રઢતા ૮૩-વર્ષ ની ઉમરે ટ્રેન મા ગીર્દી ને લીધે કરેલા ઉપવાસ મા જોવા મળે છે…..આમ, શ્રીજી ની આજ્ઞા ને સર્વોપરી ગણી ને જીવ્યા….
  • પરોક્ષ ની કરોડ આજ્ઞા કરતા પ્રત્યક્ષ ની એક આજ્ઞા મા વધુ સુખ રહેલું છે……..અને શાસ્ત્રીજી મહારાજ પોતાના ગુરુ ભગતજી મહારાજ ના વચને અનેક વિઘ્નો-અપમાનો વચ્ચે અડીખમ રહ્યા હતા…….
  • પોતાના ગુરુ શાસ્ત્રીજી મહારાજ ની એક આજ્ઞા થી પ્રમુખ સ્વામી મહારાજે -હરિભક્તો -સંતો આગળ આજીવન હાથ જોડી ને રાખ્યા હતા……….યોગીબાપા એ દરેક યાત્રા-મુસાફરી દરમિયાન પાણી નું એક ટીપું પણ ગ્રહણ  કર્યું ન હતું…..

ઉપાસના- એ શાસ્ત્રીજી મહારાજ ના જીવન ની બીજી પાંખ હતી……વિડીયો દર્શન દ્વારા -સમગ્ર અક્ષર પુરુષોત્તમ સિધ્ધાંત ની સ્પષ્ટતા થઇ…….શાસ્ત્રીજી મહારાજ દ્વારા જે સિધ્ધાંત નું પ્રવર્તન થયું…..જે દાખડા થયા -એ સર્વ વિદિત છે…..તેનું અદભુત દર્શન થયું……ગ.પ્ર.૭૧….ગ.મ.૨૧…..લોયા-૧૨……ગ.મ.૩૧…….જેવા વચનામૃત ના ઉલ્લેખ દ્વારા….સમજાયું કે- અક્ષર પુરુષોત્તમ સિધ્ધાંત – શ્રીજી નો હૃદયગત સિધ્ધાંત હતો…….ગુણાતીતાનંદ સ્વામી એ જ મૂળ અક્ષર છે….એ સત્ય સ્વયમ શ્રીજી …નંદ સંતો….શ્રીજી ને મળેલા હરિભક્તો…..અનેક મૂર્તિમંત પુરાવા દ્વારા શાસ્ત્રીજી મહારાજે સિદ્ધ કર્યું હતું…………

અને એ જ વિડીયો દર્શન ને અનુરૂપ વક્તવ્ય પૂ.વિવેક મુની સ્વામી દ્વારા થયું…….! શાસ્ત્રીજી મહારાજ વડતાલ છોડી ને નીકળ્યા એની પાછળ કોઈ વ્યક્તિગત સ્વાર્થ ન હતો……પણ એક સર્વોપરી સિધ્ધાંત હતો………ગુણાતીત એ જ અક્ષર-સહજાનંદ જ એક પરબ્રહ્મ પુરુષોત્તમ- એ સિધ્ધાંત …ગ.મ.૨૧ ની -પ્રત્યક્ષ ગુરુ મા પ્રીતિ ની વાત…..વરતાલ-૧૧ ની એ જ મોક્ષ ની વાત……એ માટે જવાબદાર હતી……..અને એ સિધ્ધાંત ને શાસ્ત્રીજી મહારાજે મૂર્તિમંત કર્યો……..લોક-ભેખ-વિરોધીઓ ની ટીકા ની પરવા વગર સમગ્ર જગત મા આપણા ગુણાતીત ગુરુઓ એ આં સિધ્ધાંત ગજવ્યો……..અને એ ચાલુ રહેશે…….

ત્યારબાદ બ્રહ્મસ્વરૂપ પ્રમુખ સ્વામી મહારાજ ના આશીર્વચન ના વિડીયો દર્શન નો લાભ મળ્યો…એમણે એ જ સિધ્ધાંત ની …..શાસ્ત્રીજી મહારાજ ના એ જ દાખડા ની….દ્રઢતા ની વાત કરી….અને સર્વ ભક્તો ને આં સિધ્ધાંત જીવન મા દ્રઢ કરી ….આં જ્ઞાન જગતના ખુણે ખૂણે પહોંચાડવા ની વાત કરી…! છેવટે તો ગ.પ્ર.૭૧ ના વચનામૃત મુજબ એ જ વાત કરવા ની છે….

ત્યારબાદ લોસ એન્જલસ ના મંદિર ના કોઠારી પૂ.સર્વદર્શન સ્વામી ના પ્રવચન નો લાભ મળ્યો…..એમણે વાત કરી કે જેમ અનેક અપમાનો…..વિઘ્નો થી ડગ્યા વગર…૩૩ વર્ષ ની રાહ જોઈ…..ગઢડા મા મંદિર કરવ નો સંકલ્પ – શાસ્ત્રીજી મહારાજે સિદ્ધ કર્યો…….તેમ લોસ એન્જલસ ના મંદિર મા હજારો વિઘ્ન આવ્યા…..શહેર ની સમગ્ર વસ્તી-મંદિર બને એના વિરોધ મા હતી….પણ પ્રમુખ સ્વમી સહેજે ડગ્યા નહોતા…..ઉલટા નું સતત બળ આપતા રહેતા …..સતત ૭ વર્ષ ના પ્રયત્ન પછી…જાણે કે શ્રીજી એ શહેર ના લોકો મા પ્રવેશ કર્યો હોય તેમ…..મંદિર ને મંજૂરી મળી…..તમામ લોકો સમર્થક બન્યા……અને જે વિરોધ કરતા હતા…તેમને મંદિર મા આવ્યા બાદ- ભગવાન ની દિવ્ય હાજરી નો અનુભવ થયો………! આજે દર મહિને લગભગ ૨૫૦૦૦ લોકો -મંદિર મા દર્શને આવે છે…….!!!!

આમ, આતો ભગવાન નું….સત્પુરુષ નું કાર્ય છે…..જો પૂરી શ્રદ્ધા….વિશ્વાસ થી…લગન થી કાર્ય કરવા મા આવે તો -ભગવાન…સત્પુરુષ એ કાર્ય મા ભળે છે……અને એ શુભ સંકલ્પ પરિપૂર્ણ થાય છે….!!!

બ્રહ્મ સ્વરૂપ શાસ્ત્રીજી મહારાજ ના જીવન મા થી આજ્ઞા…ઉપાસના….પક્ષ…..નિયમ-ધર્મ ..જેવા પાયા ના ગુણ -જીવ મા સાર્થક કરવા ના છે………..જો એ થશે તો- ભગવાન અને સત્પુરુષ ક્યાય છેટે નથી…..સદાયે આપણી સાથે જ છે……તેનો અનુભવ થશે…..! એ માટે બળ..બુદ્ધિ…સમજણ…દ્રઢતા મળે -એ માટે પ્રગટ અક્ષરબ્રહ્મ મહંત સ્વામી મહારાજ ના ચરણો મા…..શ્રીજી ના ચરણો મા પ્રાર્થના…..!

જય સ્વામિનારાયણ….

રાજ


Leave a comment

BAPS રવિસભા-૨૦/૦૩/૨૦૧૬

“….પછી ઠાકોરજીની સંધ્યા આરતી થઈ રહી ત્યારે શ્રીજીમહારાજ બોલ્યા જે, “સાંભળો, ભગવાનની વાર્તા કરીએ છીએ જે, આ જીવને જ્યારે ભરતખંડને વિષે મનુષ્ય દેહ આવે છે ત્યારે ભગવાનના અવતાર કાં ભગવાનના સાધુ  એ જરૂર પૃથ્વી ઉપર વિચરતા હોય; તેની જો એ જીવને ઓળખાણ થાય તો એ જીવ ભગવાનનો ભક્ત થાય છે….”

—————————————-

ભગવાન શ્રી સ્વામિનારાયણ-વચનામૃતમ-વરતાલ-૧૯

જીવ માટે સૌથી મુશ્કેલ કાર્ય  કયું??? ઉત્તર આપતાં  શાસ્ત્રો  કહે છે કે  -જગતની  ઝંઝટો વચ્ચે સત્પુરુષ અને ભગવાન ની  યથાર્થ  ઓળખાણ થવી એ…!!! વડતાલ ના ચાર ચાર પેઢી ના  કોઠારી ગોરધનભાઈ ના  ભત્રીજા ગીરધરભાઈ એ વરતાલ-૧૯ ના  વચનામૃત પ્રમાણે સત્પુરુષ ને  શોધવા દાખડો-તપશ્ચર્યા કરી અને હરિકૃષ્ણ મહારાજે સ્વયમ પ્રગટ થઇ તે સમયના ગુણાતીત પુરુષ ભગતજી મહારાજ ની ઓળખાણ કરાવી …..અને ગીરધરભાઈ -વિજ્ઞાનદાસ સ્વામી તરીકે ત્યાગાશ્રમ સ્વીકારી એ ગુણાતીત પુરુષ ના ડંકા જગતમાં વગાડતા ગયા…..!!! બ્રહ્મસ્વરૂપ શાસ્ત્રીજી મહારાજે  સાધારણ ગૃહસ્થ ભગતજી મહારાજ ને ગુરુ તરીકે સ્વીકાર્યા …..અને અક્ષર પુરુષોત્તમ  સિધ્ધાંત ને મૂર્તિમંત કર્યો….આજે હજારો મંદિરો…. એ  સિધ્ધાંત ને , પ્રગટ સત્પુરુષ પ્રમુખ સ્વામી મહારાજ થકી જીવમાત્ર સુધી પ્રસરાવી રહ્યા છે….! “સત્પુરુષ આ પૃથ્વી પરથી જતા જ નથી” એ ગુણાતીત વચન આજે સ્પષ્ટ દેખાય છે….! આજની સભા ભગવાન સ્વામિનારાયણ ના દ્રિતીય અધ્યાત્મિક અનુગામી બ્રહ્મસ્વરૂપ ભગતજી મહારાજની જન્મજયંતી ( ફાગણ સુદ પૂનમ-હોળી) ની પ્રતિક સભા રૂપે હતી…….! તો ચાલો આગળ વધીએ અને શરૂઆત કરીએ- શ્રીજી ના અદ્ભુત દર્શન થી…..

10628153_524561111065399_1635553485123209427_n

સભાની શરૂઆત- પુ.સંતો- અને યુવકો દ્વારા ધુન્ય-પ્રાર્થના થી થઇ……પુ.શુભ કીર્તન સ્વામી, પુ. વિવેક્મુની સ્વામી ,પુ.ધર્મ પ્રકાશ સ્વામી ( માણ વાળા સ્વામી) અને યુવકો એ  રંગ રાખ્યો…..કીર્તનમાં

  • બાજે બાજે રે……કે આવી ગયો ફાગણિયો…..
  • દેરીએ ડંકા વાગ્યા ..ભગતજી ….(રચયિતા-વનમાળી દાસ)

રજુ થયા……અને જાણે કે  બ્રહ્મસ્વરૂપ ભગતજી મહારાજ ની શ્વેત વસ્ત્ર આચ્છાદિત છબી -હરિના રંગે રંગાઈ ગઈ…..અને હરિભક્તોના તન-મન એમાં વહી ગયા………!!!

04_London_Bhagatji_Maharaj_Jayanti_2014f

ત્યારબાદ- ભગતજી મહારાજ જન્મજયંતી મહોત્સવ પ્રસંગે- પુ.હરિચિંતન સ્વામી દ્વારા “ભાદરોડ ની લીલા” પ્રસંગનું રસપ્રદ વિવરણ થયું…..જોઈએ એના અમુક અંશ….

  • મહુવા નજીક ભાદરોડ ગામ છે..ત્યાં આગળ -બ્રહ્મસ્વરૂપ ભગતજી મહારાજ ના ઈશક માં  મરણીયા થયેલા સંતો -વિમુખ થઈને ભગતજી ના દર્શને-રોકાણા અને ભગતજી મહારાજે જે જ્ઞાન..સ્નેહ…પ્રેમ ના ખજાના ખુલ્લા મુક્યા તેનો પ્રસંગ છે……! સંતો કહેતા કે- જો આ પ્રસંગની સ્મૃતિ કોઈ કરે તો તેના કામ-દોષ સર્વે ટળી જાય..!
  • ભગતજી મહારાજ નું સ્વરૂપ સ્વામી વિગ્નાનદાસ, બ્રહ્મ સ્વરૂપ શાસ્ત્રીજી મહારાજ ,જેઠા ભગત,બેચર ભગત સર્વે એ જાણ્યું….સમજ્યું  અને  એવા તો એમનામાં જોડાયા કે- દ્રેષવાળા સાધુઓ એ અપમાન કર્યા…ધોળા પહેરાવ્યા…સંપ્રદાય બહારકર્યા છતાં કોઈની નિષ્ઠા ડગી નહિ……અરે,ખુદ ભગતજી એ ચરિત્ર કરી સર્વે ને કાઢ્યા…..પોતાના થી દુર કર્યા છતાં -આ ભક્તો અટક્યા નહિ….અને છેવટે ભગતજી એ રાજી થઇ- સંતો-ને પોતાના સ્વરૂપની-શ્રીજી ના સ્વરૂપની- ગુણાતીત જ્ઞાન ને અઢળક વાતો કરી….અડધો રોટલો માંડ ખાઈ શકનાર કૃશકાય સાધુઓ ને ત્રણ ત્રણ રોટલા-રીંગણ નું શાક ખવડાવ્યું અને બદલામાં સંતો ને ભગતજી ને ચંદન અર્ચા નો અમુલ્ય લાભ મળ્યો….!!!!!!!  શ્રીકૃષ્ણ ભગવાન ની મહારાસ લીલા માં  જેમ ગોપીઓ -ભગવાનમાં એક થઇ ગઈ..તેમ અહિયાં- ભગતજી મહારાજ ના સ્નેહ માં -ભક્તો-સંતો એક થઇ ગયા…………..!!!
  • આમ ,જીવ એકવાર સત્પુરુષ ને  ઓળખે…એનામાં રહેલા પ્રગટ પ્રમાણ પુરુષોત્તમ ને ઓળખે એટલે – બીજે ક્યાંય બંધાય જ નહિ……આ જ્ઞાન પોતે સમજે અને અન્યને પણ દ્રઢ કરાવે જેથી અન્યનું પણ કલ્યાણ થાય….

અદ્ભુત…..અદ્ભુત………! પુ.હરીચીન્તન સ્વામી ની સાહજિક અદા….અને રસપ્રદ નિરૂપણ થી સર્વને ભગતજી મહારાજે કરેલ દાખડો -રદયમાં ઉતાર્યો..સમજાયો…..!

ત્યારબાદ- પુ.વિવેક્મુની સ્વામી એ “માંગો માંગો ભગતજી…..” કીર્તન રજુ કર્યું……અને પછી પુ.શ્રીહરિ સ્વામી જેવા વિદ્વાન સંત દ્વારા “ભગતજી મહારાજ ના જીવન ચરિત્ર અને ગુણાતીત પણા” પર માહિતીપ્રદ પ્રવચન રજુ થયું…..જોઈએ એના અમુક અંશ…

  • પ્રાગજી ગોવિંદજી -મહુવાના સામાન્ય ગૃહસ્થ હતા અને સદગુરુ સ્વામી યોગાનંદજી નો યોગ થી સત્સંગમાં પ્રવેશ થયો….અક્ષર મુક્ત ગોપાળાનંદ સ્વામી ની સાથે ૧૩-૧૩ વર્ષ સુધી સેવા કરી અક્ષર ના અમૃત પીધા અને જયારે ગોપાળ સ્વામી ધામ માં ગયા ત્યારે પ્રાગજી ભક્ત ને જુનાગઢ જઈ- ગુણાતીતાનંદ સ્વામી નો યોગ કરવાનું કીધું……! એકવાર ગુણાતીતાનંદ સ્વામી સાથે મન-કર્મ-વચને જોડાયા…સ્વામી ના  મૂળ સ્વરૂપ- અક્ષર સ્વરૂપ ને ઓળખ્યું..સમજ્યા પછી- ભગતજી મહારાજ પાછા પડ્યા નથી……! ગુણાતીત માટે દેહ કુરબાન કરી દીધો…..સતત સાડા ત્રણ વર્ષ સુધી એકધારી -દેહ ના ચુરા કરી દેતી સેવા કરી અને મૂળ અક્ષર ગુણાતીતાનંદ સ્વામી એ – એક સામાન્ય -દરજી ગૃહસ્થ ને પોતાનું ગુણાતીત જ્ઞાન આપ્યું…બ્રહ્મરૂપ કર્યો…..અખંડ શ્રીજી આપ્યા…….અને આજ્ઞા કરીકે – સ્વામીનું અક્ષર પણા ની છડેચોક વાત કરવી…..!!
  • ભગતજી એ જે -આ વાત કરવામાં જેટલા અપમાનો સહન કર્યા છે તેટલા કદાચ સંપ્રદાય માં કોઈએ નહિ કર્યા હોય……વિમુખ થયા….હડધૂત થયા…માર પડ્યો….લાડવા માં ઝેર આપવામાં આવ્યું…..છતાં ભગતજી ડગ્યા નહિ….કોઈના પ્રત્યે લેશ માત્ર દ્રેષ-અણગમો નહિ…..અખંડ શાંતિ-સુખ એમના ચહેરા પર દેખાતા…..અને પરિણામે એ જ્યાં જાય ત્યાં લોકો-ભક્તો-સંતો-વિદ્વાનો ટોળે વળતા…….અતિ વિદ્વાન એવા શાસ્ત્રીજી મહારાજ એમના શિષ્ય થયા……….અને ભગતજી ની સેવા કરી અતિ રાજી કર્યા અને અક્ષર પુરુષોત્તમ સિધ્ધાંત ને મૂર્તિમંત કરવાનું બીડું ઝડપ્યું…….!!!
  • ભગતજી ભલે સીધા સાદા ગૃહસ્થ હતા……દરજી હતા પણ અનાદિ મૂળ અક્ષર ગુણાતીતાનંદ સ્વામી ને રાજી કર્યા અને બધા યોગ સિદ્ધ થયા …જ્ઞાન ની સરવાણી ઓ ફૂટી……મહા સમર્થ થયા…..બ્રહ્મરૂપ થયા…….! એ કહેતા કે જીવ જયારે સાંગોપાંગ ભગવાનમાં જોડાય ત્યારે ભગવાન એને વશ થઇ જાય છે…..અને એ ભગવાન સ્વામિનારાયણ ને પ્રતાપે એમનું ધાર્યું થાય છે……પીજ ના મોતીલાલ ભાઈ ને તેમના તપ ના ફળ સ્વરૂપ શ્રીજી મહારાજે દર્શન આપી કહ્યું કે ” વર્તમાન કાલે હું પ્રાગજી ભક્ત દ્વારે પ્રગટ છું…..તું તેમને ઉઘાડા કરીને સૌને ખબર કર…..મારી આજ્ઞા છે…”
  • એ જ ભગતજી મહારાજ- શાસ્ત્રીજી મહારાજ ને પોતાનો કોડીલો લાલ કહેતા અને શાસ્ત્રીજી મહારાજે -જે જુનાગઢ માં ભગતજી નું અપમાન થયું હતું ત્યાં જ -આચાર્ય મહારાજ ના જેવું જ..એમની સાથે જ….મહા સન્માન કરાવડાવ્યું…..ગુણાતીત જ્ઞાન ના  ડંકા ચારેકોર વગાડ્યા…..! અને ભગતજી ના ગુણાતીત જ્ઞાન ના અધ્યાત્મિક વારસ બન્યા…….!

અદ્ભુત…..અદ્ભુત……….સત્પુરુષ આ પૃથ્વી પર થી જતા જ નથી….એ ગુણાતીત વિધાન ને – શ્રીજી ના વિધાન ને બ્રહ્મસત્ય સાબિત કર્યું છે………..સાબિતી આપણી નજર સમક્ષ જ છે…..જુઓ પ્રમુખ સ્વામી મહારાજ..!!

ત્યારબાદ- આવી રહેલા ફૂલદોલ મહા ઉત્સવ અંગે અમુક જાહેરાતો થઇ……

  • તારીખ ૩૦/૩ થી સારંગપુર ખાતે સંત શિબિર શરુ થાય છે……આથી ત્યાં આગળ હરિભક્તો માટે ઉતારા બંધ છે….
  • ફૂલદોલ ઉત્સવ- અગાઉ જણાવ્યા મુજબ- કોઈ મોટા ઉત્સવ તરીકે સારંગપુર ખાતે નથી….આથી જે તે વિસ્તાર ના મંદિરોમાં નિયમ મુજબ જ ઉત્સવ ઉજવવાનો છે…..

ત્યારબાદ પ્રગટ અક્ષરબ્રહ્મ પ્રમુખ સ્વામી મહારાજ ની નિશ્રા માં-ઉજવાયેલા ફૂલદોલ ઉત્સવ ના દર્શન નો અમુલ્ય લાભ વિડીયો માધ્યમ થી મળ્યો…..સાથે સાથે સ્વામીશ્રી ના એ સમય ના આશીર્વચન નો પણ લાભ વિડીયો દર્શન થી મળ્યો…….!!! અદ્ભુત સ્મૃતિ…..દર્શન…….!જોઈએ એક એવો જ આશીર્વચન નો વિડીયો નીચેની લીંક દ્વારા…..

( સૌજન્ય-બેપ્સ ચેનલ્સ -યુટ્યુબ )

તો ચાલો- શ્રીજી ને- સ્વામી ને પ્રાર્થના કરીએ કે- ભગતજી મહારાજ જેવા સેવા,આજ્ઞા પાલન ના ગુણ આપણા માં પણ આવે…………! આ દેહે કરીને- મને કરીને-જીવે કરીને- સ્વામી-શ્રીજી ને રાજી કરી શકીએ એટલે – આ જન્મારો સફળ.!!!!

જય સ્વામિનારાયણ….

રાજ

 


Leave a comment

BAPS રવિસભા -૧૪/૦૨/૨૦૧૬

વળી જેને પરમેશ્વરને વિષે પ્રીતિ હોય, તેને તો પરમેશ્વર વિના બીજા કોઈ પદાર્થમાં પ્રીતિ ન હોય. અને પરમેશ્વર વિના બીજું જે જે પદાર્થ અધિક જણાય તેનો જે અતિશય ત્યાગ કરે તે ત્યાગ ખરો છે; અને તે પદાર્થ નાનું હોય અથવા મોટું હોય, પણ તેનો જે ત્યાગ કરવો તેનું જ નામ ત્યાગ કહેવાય. અને જે પદાર્થ ભગવાનના ભજનમાં આડું આવતું હોય તેને તો ન તજી શકે ને બીજો ઉપરથી તો ઘણો ત્યાગ કરે પણ તેનો તે ત્યાગ વૃથા છે………………અને જે યથાર્થ ભગવાનનો ભક્ત હોય તેને તો ભગવાનથી બીજું કોઈ પદાર્થ અધિક હોય જ નહીં……………..

અને જ્ઞાન, વૈરાગ્ય, ભક્તિ અને ધર્મ તેણે યુક્ત એવો જે તે ભગવાનનો ભક્ત તે તો એમ જાણે જે, ‘શૂરવીર હોય તે લડવા સમે શત્રુ સન્મુખ ચાલે પણ બીએ નહીં તે શૂરવીર સાચો…….. અને શૂરવીર હોય ને લડાઈમાં કામ ન આવ્યો અને ગાંઠે ધન હોય ને તે ખરચ્યા-વાવર્યામાં કામ ન આવ્યું તે વૃથા છે. તેમ મને ભગવાન મળ્યા છે, તે જે જીવ મારો સંગ કરે તેને આગળ હું કલ્યાણની વાત ન કરું ત્યારે મારું જ્ઞાન તે શા કામમાં આવ્યું ?’ એમ વિચારીને ઉપદેશ કર્યા નિમિત્ત કાંઈક થોડી-ઘણી ઉપાધિ રહે તો પણ પરમેશ્વરની વાત કર્યામાં કાયરપણું રાખે નહીં………”

———————————

ભગવાન શ્રી  સ્વામિનારાયણ-વચનામૃતમ-ગઢડા મધ્ય-૫૭

જે યથાર્થ ભગવાનનો ભક્ત હોય તેને તો ભગવાનથી બીજું કોઈ પદાર્થ અધિક હોય જ નહીં…….. અને  …મને ભગવાન મળ્યા છે, તે જે જીવ મારો સંગ કરે તેને આગળ હું કલ્યાણની વાત ન કરું ત્યારે મારું જ્ઞાન તે શા કામમાં આવ્યું ???? …. એક એક શબ્દ જાણે કે  સ્વયમ શ્રીજી ની આજ્ઞા બની -જીવ-અંતરમાં પડઘાઈ રહ્યો છે..!! એક ભગવાનમાં જે સુખ છે..તેવું બીજે ક્યાંથી હોય?? અને આવી પ્રાપ્તિ થઇ હોય તો ચુપ રહેવાય?? ન રહેવાય……આજની સભામાં  પુ.ઈશ્વરચરણ સ્વામી એ  આજ  વાત કરી ને  જીવ સાથે ચોંટેલા જગતના મેલ દુર કરી દીધા….પુનઃ જીવ બળિયો થઇ બ્રહ્મસત્ય ને પામી રહ્યો..!

ગયા રવિવાર ની સભા અંગત કારણોસર ચુકી ગયો અને એથી જ આજની સભા હું કોઈ સંજોગોમાં ચૂકવા માંગતો ન હતો….સમયસર પહોંચી ગયો…અને જોયું તો સંખ્યા રોજ કરતા આજે ઓછી હતી..કારણ લગ્ન ગાળો…..! સભામાં સ્થાન ગ્રહણ કરતા પહેલા મારા વ્હાલા ના અદ્ભુત દર્શન…..અમારે તો શ્રીજી છે તો રોજેરોજ  વેલેન્ટાઈન ડે હોય છે…..એમાં કહેવાનું શું???

12742826_1666837550270744_1862411986022862563_n

સભા ની શરૂઆત- યુવકો-સંતો દ્વારા ધુન્ય અને કીર્તન થી થઇ……..

  • યુવકો દ્વારા “ધર્મ કુંવર હરિકૃષ્ણજી …..” પ્રેમાનંદ સ્વામી રચિત કીર્તન…..
  • પુ.વિવેક્મુની સ્વામી દ્વારા ” મારે સ્વામિનારાયણ ભજવા રે..” પ્રેમાનંદ સ્વામી રચિત કીર્તન રજુ થયા….

ત્યારબાદ પુ. નિર્મલચરિત સ્વામી દ્વારા ૨૦૦૭ થી ૨૦૧૧ સાલ સુધીના -પ.પુ.પ્રમુખ સ્વામી મહારાજ ના વિચરણ પ્રસંગોનું પઠન-વિવરણ થયું…..જોઈએ સારાંશ….

  • વચનામૃત -કારીયાણી-૬ માં શ્રીજી કહે છે એમ- આપણા ગુરુ પ્રમુખ સ્વામી મહારાજે- શ્રીજી ની જેમ જ પોતાનો દેહ -ભક્તો ના રાજીપા -સુખાકારી અર્થે કૃષ્ણાર્પણ કરી રાખ્યો છે…….ભલે ને  એ ભરૂચ માં આવેલો હાર્ટ એટેક હોય કે ૧૦૨ ડીગ્રી તાવ હોય…….પણ સ્વામીશ્રી નું ભક્તો ને રાજી કરવાનું કાર્ય અટક્યું નથી…
  • માત્ર ભક્તો જ નહિ પણ મુમુક્ષો-ગુણભાવી મનુષ્યો માટે પણ સ્વામીશ્રી સદાયે મદદ-પ્રાર્થના -આશીર્વાદ આપતાં રહ્યા છે……
  • એક પ્રશ્ન ના ઉત્તર માં સ્વામીશ્રી એ  સમાજ સુધાર માટે કહ્યું કે- બાળકો ને  -શરૂઆત થી જ બાળમંડળ માં મોકલો -તો ભવિષ્ય માં કોઈ વૃધ્ધાશ્રમ ની જરૂર નહિ પડે…! અદ્ભુત વાત..!

ત્યારબાદ- સ્વામીશ્રી એ ૭ ફેબ્રુઆરી-૨૦૧૬ ના રોજ- સારંગપુર માં -પોતાના સ્થિર રોકાણ ના -૧૦૦૮ દિવસ પુરા કર્યા ..એની સ્મૃતિ અને દર્શન કરાવતો વિડીયો – દર્શન થયું….તમે પણ નીચેની લીંક પરથી એ દર્શન કરી શકો છો….

 

ત્યારબાદ- મુંબઈ થી પધારેલા પુ.અક્ષરકીર્તન સ્વામી એ  પોતાના સુમધુર સ્વર દ્વારા..” હરિ ભજતા સહુ મોટ્યપ પામે..” કીર્તન રજુ કર્યું……..

ત્યારબાદ- પુ.ઈશ્વરચરણ સ્વામી એ  પોતાના તેજસ્વી અંદાજમાં વચનામૃત ના વિવરણો ને આધારે અક્ષર પુરુષોત્તમ સિધ્ધાંત અને  એના મહિમા-પ્રસાર માટે બ્રહ્મ સ્વરૂપ શાસ્ત્રીજી મહારાજ ના દાખડા -કાર્યો અંગે પ્રવચન કરતા કહ્યું કે…

  • આપણા ગુણાતીત પુરુષો ના આપણા પર અનંત ઉપકાર છે….જે પોતાના સર્વોપરી-જ્ઞાન અને સિધ્ધાંત માટે સ્વયમ શ્રીજીએ અનેક વચનામૃતો માં થોડોક સંકોચ રાખી ને વાત કરી છે…..એ જ વાત- શ્રીજી ના સર્વોપરી પણા ની વાત -શાસ્ત્રીજી મહારાજે – અક્ષર પુરુષોત્તમ સિધ્ધાંત ને આધારે છડેચોક કરી…..ડંકાની ચોટે-કોઈની શેહ શરમ રાખ્યા વગર કરી…..અનેક અપમાનો-ઉપાધિઓ-ભીડા વેઠી ને કરી….
  • એમાયે શ્રીજી સ્વયમ જયારે મનુષ્ય ચરિત્ર કરે ત્યારે ભલભલા જીવ છેતરાઈ જાય છે અને ભટકી જાય છે…….એ મનુષ્ય ચરિત્ર માં થી જ દિવ્ય ચરિત્ર સમજવા માટે -સત્પુરુષ ની જરૂર પડે છે…..
  • અને એ સત્પુરુષ થકી જે થોડું ઘણું સ્વરૂપ નિષ્ઠા નું જ્ઞાન આવે છે…એ પણ શ્રીજી ની જ કૃપા થી જ આવે છે………..
  • ગઢડા મધ્ય-૫૭ ના વચનામૃત પ્રમાણે- ભગવાન ના સાચા ભક્ત થવું અને પોતાને જે સ્વરૂપ મળ્યું છે..તેની વાત- કોઈ શરમ-સંકોચ રાખ્યા વગર શુરવીરતા થી કરવી…..
  • અને આમ કરવાથી વિઘ્નો જરૂર આવશે…..પણ ગભરાવવું નહિ….બ્રહ્મ સ્વરૂપ શાસ્ત્રીજી મહારાજ નું જીવન જુઓ……એક બ્રહ્મ સત્ય- સર્વોપરી સિધ્ધાંત કાજે – અપમાનો-હુમલાઓ સહન કરી- વડતાલ છોડી- અનેક કષ્ટો વેઠી ગગનચુંબી મંદિરો બનાવ્યા……..નિષ્કુળાનંદ સ્વામી કહે છે એમ- સાચી વાત કરવામાં બીવું નહિ…એ સાબિત કર્યું….
  • ૩૩ વર્ષ સુધી ધીરજ રાખી- અનેક દાખડા ઓ  કર્યા- રાજપલટો કરાવી ને પણ- શ્રીજી ના સંકલ્પ સિદ્ધ કરવા- બ્રહ્મ સ્વરૂપ શાસ્ત્રીજી મહારાજે – ગઢડા માં શુદ્ધ આરસપહાણ નું મંદિર- ટેકરા પર બનાવ્યું…….કલેકટર ગોવિંદસિંહ ચુડાસમા ને ૬ કલાક સુધી- આ સિધ્ધાંત-મંદિર સ્થાપવાનો મહિમા-એની પાછળ નું રહસ્ય સમજાવી- શ્રીજી ના આ સંકલ્પ ને સિદ્ધ કર્યો……
  • એ જ રીતે – નડીયાદ ના સાક્ષર- અને વડતાલ ગાદી ના ટ્રસ્ટ બોર્ડ ના સભ્ય – દોલતશંકર કૃપાશંકર પંડ્યા ને – પોતાની વડતાલ છોડવા નું કારણ….અક્ષર પુરુષોત્તમ સિધ્ધાંત નો મહિમા…..વચનામૃત- વરતાલ-૫,લોયા-૧૨, ગઢડા મધ્ય-૩, મધ્ય-૨૧ ના આધારે સમજાવ્યો…….અને પંડ્યા સાહેબ એટલા પ્રભાવિત થઇ ગયા કે- બોલી ઉઠ્યા કે- જે સર્વોપરી જ્ઞાન પ્રસરાવવા શ્રીજી ને ફરી વખત આવવું પડે..એ તમે કર્યું છે………!!!
  • આમ, બ્રહ્મ સ્વરૂપ ભગતજી મહારાજ દ્વારા અક્ષર પુરુષોત્તમ નું જ્ઞાન પામ્યા પછી- શાસ્ત્રીજી મહારાજ અટક્યા નથી…..એમણે  આ જ્ઞાન ને છડેચોક- બધે જ ફેલાવ્યું છે……આમ, શુરવીર બનવું…………!

અદ્ભુત…અદ્ભુત……!! જો આ સમજાય- તો જીવ બળિયો બને..શ્રીજી ના -સ્વામી ના આ સર્વોપરી જ્ઞાન ના ડંકા બ્રહ્માંડ માં ગુંજે..!!

સભાને અંતે અમુક જાહેરાતો થઇ……

  • તીર્થ જ્યોતિ- ઓડીઓ-વિઝ્યુઅલ શ્રેણી -ના બેનર હેઠળ આજે આ સીરીઝ માં ત્રીજો ભાગ પ્રગટ થયો છે….જેમાં શ્રીજી દ્વારા નિર્મિત મંદિરો-પ્રસાદી ના સ્થાનો નો મહિમા- વિડીયો- પ્રવચન દ્વારા રજુ કરવામાં આવ્યો છે…….અચૂક વસાવવી…..મેં ખરીદી છે…તમે???

12705532_959887674049201_5671871889730188835_n

  • બ્રહ્મ સત્ર – પ્રવચન હેઠળ- તારીખ ૨૮/૨ અને ૧૩/૩ પુ.નારાયણમુની સ્વામી દ્વારા પ.પુ.પ્રમુખ સ્વામી મહારાજ ના જીવન પ્રસંગો નું રસપાન થવાનું છે…..સર્વે હરિભક્તો એ અવશ્ય લાભ લેવો…….

12744228_959887760715859_2061960018954683992_n

તો આજની સભા વિશિષ્ટ હતી………….સાચા…યથાર્થ…શુરવીર ભક્ત બની ને – આ સર્વોપરી સિધ્ધાંત-સર્વોપરી જ્ઞાન ને જીવમાત્ર સુધી પહોંચાડવાની હતી…..! વિઘ્નો-મુશ્કેલીઓ ભલે આવે……….પણ આ સર્વોપરી શ્રીજી ના રાજીપા ની યાત્રા અટકવાની નથી…એ વાત સ્પષ્ટ..અને ચોક્કસ છે…!!

જય જય અક્ષર પુરુષોત્તમ મહારાજ………જય જય સ્વામિનારાયણ………..

રાજ