Raj Mistry's world

Me,my stories and world around….


BAPS રવિસભા- 09/02/2020

“…..વાતું કરવાથી માખીમાંથી સૂર્ય થાય ને સૂર્યમાંથી માખી થાય, જો વાત કરતાં આવડે તો……. ‘વાતન કી વાત બડી કરામત હે.’ ….

…….આ સર્વે સત્સંગ વાતે કરીને કરાવ્યો છે, ને આ સર્વે વાતે કરીને છે બીજું કાંઈ નથી…..”

———————–

અનાદિ અક્ષરમૂર્તિ ગુણાતીતાનંદ સ્વામી ની અક્ષર વાતો-૫/૩૧૬

આજે પૂનમ હતી અને હૃદય ..મન સવાર થી જ શ્રીજી મહારાજ ના દર્શન ની તાલાવેલી એ તત્પર હતા……આથી સમય પહેલા જ સભામાં પહોંચી ગયો અને સૌપ્રથમ મારા વ્હાલા ના અતિ મનમોહક દર્શન…….” ચિતડું ચોરાણું એની શોભામાં….”…

ચાલો….એનો ગુલાલ કરીએ….

આજની સભા માં પ્રખર વક્તા….અતિ વિદ્વાન અને બાપા ના અત્યંત કૃપાપાત્ર એવા સદગુરુ પૂ.વિવેકસાગર સ્વામી નું ” પારિવારિક શાંતિ અભિયાન” પર પ્રવચન હતું….તેની પ્રતિક્ષા સાથે સભા ની શરૂઆત યુવકમિત્રો દ્વારા સ્વામિનારાયણ ધૂન થી થઈ…..ત્યારબાદ એક યુવક દ્વારા ” આજ શ્રીજી મહારાજ ભલે આવિયા રે…..” ભક્તરાજ નારાયણ દાસ દ્વારા રચિત અદભુત કીર્તન રજૂ થયું…..અને મનોચક્ષુ સમક્ષ કેસરભીનો જાણે કે સાક્ષાત પ્રગટ થઈ ગયો…..!

એ પછી એક યુવક દ્વારા ” હરિ વિના હિતકારી બીજું કોઈ તારું નથી…….” દેવાનંદ સ્વામી રચિત પદ રજૂ થયું. સાચી વાત….એક હરિ સિવાય બીજું કોઈ હિતકારી છે જ નહીં….!! જીવ આ બ્રહ્મસત્ય જેટલું જલ્દી સમજે ..એટલું જ જલ્દી કલ્યાણ થાય છે….!!! ત્યારબાદ એક યુવક મિત્ર દ્વારા , શાસ્ત્રીય ઢાળ પર આધારિત…” દેખી છબી સાંવરી…” પ્રેમાનંદ સ્વામી રચિત અવધી ભાષાનું પદ રજૂ થયું…….અને મારો સાંવરિયો… હૃદય માં …સર્વ શણગાર સહિત….એક હાથ માં રેશમી રૂમાલ…બીજા હાથમાં ગુલાબ ના પુષ્પ સાથે… હિંડોળે બિરાજી મંદ મંદ હસી રહ્યો હતો…..!!

ત્યારબાદ પરમ પૂજ્ય મહંત સ્વામી મહારાજ ના 29 જાન્યુઆરી, 2020, ના દિવ્ય વિચરણ નો વિડીયો દર્શનનો અદભુત લાભ મળ્યો…

અદભુત….અદભુત….!!

એ પછી સદ્દગુરુ પૂજ્ય વિવેકસાગર સ્વામીએ ” પારિવારિક શાંતિ અભિયાન” પર પ્રવચન કરતા કહ્યું કે….( જોઈએ સારાંશ માત્ર)

  • ભગવાને સમગ્ર સૃષ્ટિ ની રચના કરી….મનુષ્ય ની રચના કરી..કે જે વિચારી..સમજી ..વર્તી શકે….એને બધું આપ્યું….પણ પરમ શાંતિ, ભગવાને પોતાના ચરણારવિંદમાં રાખી……
  • એલેક્સઝાંડર, નેપોલિયન હોય કે મોટા મોટા મહારાજા હોય કે શાસકો….પણ પરમ શાંતિ એમને ક્યાંય મળી નહોતી….Life is nothing but a painful pleasure….!!
  • માટે જ સાચું સુખ તો ભગવાન ના ચરણ માં છે..કે સાચા સંત ના સમાગમ માં છે…..!! બસ…સાચા સંત ને ઓળખવા ના છે…એમનામાં યથાર્થ જોડાવા નું છે….
  • સાચા સંત ને ઓળખવા માટે ના ત્રણ લક્ષણ…૧) એમના ગુરૂ ને જાણવા..૨) એમના શિષ્ય કોણ..? એ જાણવું…૩) એ જે બોલે તે પ્રમાણે જીવે છે?? એ જાણવું…..!! અને આવા સંત આપણ ને મળ્યા….પ્રમુખ સ્વામી મહારાજ…!! આપણો હાથ દૂધપાક માં પડ્યો છે…..ઘેંસ માં નહિ…!! એનો કેફ રાખવો….
  • પોતાના દેહ ની પરવા કર્યા વગર સ્વામીએ લાખો ના જીવન પરિવર્તન કર્યા….લાખો પરિવારો માં શાંતિ આવી…..લાખો ના અંતરમાં અજવાળા કર્યા…..
  • શ્રીજી એ વચનામૃતમાં કહ્યું છે કે જે આપણ ને મળ્યું છે…એ બીજા ને ન આપીએ તો એ પ્રાપ્તિ શુ કામ ની?? માટે જ આવા પુરુષ ની પ્રાપ્તિ આપણ ને થઈ છે ..તેનો બીજા સાથે ગુલાલ કરવો….બીજા ને કરવી….અને એ જીવ ને બ્રહ્મ ને માર્ગે ચડાવવો તો બ્રહ્માંડ ઉગાર્યા નું પુણ્ય મળે…!! આપણા ગુણાતીત ગુરુઓ એ અપાર કષ્ટો સહન કરી ને પણ આ જ વાત જગત માં કરી છે…..અનંત જીવો ના કલ્યાણ કર્યા છે…..ચાલો…આપણે પણ એ જ કાર્ય ને આગળ ધપાવીએ…..
  • આપણે તો બસ….સ્વામી ના મહિમા ની જ વાત કરી જીવ ને સત્પુરુષ સમક્ષ મોકલવા નો છે….બાકી નું બધું તો એ સંભાળી લેશે….ચાર લીટી ની એક વાત થી …સાંકરી નું આજનું ભવ્ય શીખરબદ્ધ મંદિર રચાયું…..સત્સંગ વિશાળ થયો….!! આપણે માત્ર નિમિત્ત બનવા નું છે……કાર્ય તો મહારાજ સ્વામી કરશે…!!
  • ગભરાવવા નું નહિ…..આત્મવિશ્વાસ રાખવા નો….આવા ગુણાતીત પુરુષ ની પ્રાપ્તિ નો..મહિમાનો કેફ રાખવો……અને વાત કરવી…! સમય કાઢવા નો….આવી તક જીવન માં ફરીથી નહિ મળે…..લ્હાવો લૂંટી લેવો…!!આપણે અમદાવાદ વાળા યજમાન છીએ…..સમયદાન કરવું…..એ જ કરોડો ની સેવા છે…એ જ તન મન ધન ની સેવા છે..!! પાછા પડવું નહિ….મોળી વાત કરવી નહીં..અહીં ફાયદો ફાયદો જ છે….કોઈ ખોટ જ નથી…કોઈ અપમાન કરે તો આપણા ગુણાતીત ગુરુઓ નું જીવન જોઈ લેવું…..નિષ્ફળતા મળે કે સફળતા….ડગવા નું નહિ…!!!…લાભ અચૂક લેવો…
  • આવી સેવા ચાલુ થશે તો બધે જ આપોઆપ પારિવારિક શાંતિ સ્થપાઈ જશે….કારણ કે અહીં પ્રગટ સત્પુરુષ બિરાજે છે…….તે જ સર્વ કાર્ય આપણા માં રહી કાર્ય કરશે…..!! આ દુર્લભ તક છે..કારણ કે બાપા નો શતાબ્દી ઉત્સવ ફરીથી આવશે નહિ…..!! શ્રીજી સ્વામી નો આ જીવ માત્ર ને સત્સંગ કરાવવાનો સંકલ્પ છે……!! આ અભિયાન થી ચારેકોર શાંતિ સ્થપાશે…….

If you can not see this chirbit, listen to it here https://chirb.it/cF7CNp

Check this out on Chirbit

તો….તમે પારિવારિક શાંતિ અભિયાન માં જોડાવા તૈયાર છો ને??? આ સુવર્ણ મોકો ફરીથી નહિ આવે…..લાભ લઇ..જીવન સફળ કરી લેવું…!!

ત્યારબાદ પૂ.ઇશ્વરચરણ સ્વામી એ પણ પોતાના આશીર્વચન માં કહ્યું કે…..આપણો આ સર્વે સત્સંગ…વાતો થી જ થયો છે……આપણા ગુણાતીત પુરુષો એ દિન રાત જોયા વગર અક્ષર પુરુષોત્તમ ની વાતો જ કરી છે……અને જીવો ને સત્સંગ માં જોડી ને કલ્યાણ કર્યું છે….! આફ્રિકા નો વિશાળ સત્સંગ એ આનું એક ઉદાહરણ છે…..માટે જ વાત કરવામાં આપણે પાછા પડવું નહિ….! આપણ ને કોણ મળ્યા છે?? એ તો વિચારો….એનો મહિમા સમજાશે તો આપણો પોતાનો સત્સંગ દ્રઢ થશે……જીવ સત્સંગી થશે…..બીજા ને જીવના કલ્યાણ નો માર્ગ મળશે…! કથાવાર્તા થી જ જીવમાં રૂડા ગુણ આવશે…….કલ્યાણ થશે….તો ચાલો ..અંતર થી આ અભિયાન માં ભળીએ…..સર્વનું રૂડું થશે……પ્રમુખ સ્વામી નો મહિમા જગત માં ફેલાશે…..!!!

તો આજની સભા નો સાર હતો……વાતો…ગુણાતીત વાતો…..ગુરુ ના મહિમા ની વાતો….!! જીવ ને બળિયો કરવો હોય…..બાપા ને રાજી કરવા હોય તો આવો મોકો ફરીથી નહિ આવે…….!!

આખરે પોતાના જીવ ના કલ્યાણ ની વાત છે……..!! કોઈ મોળી વાત નહિ……..બસ મન મૂકી ને આ અભિયાન માં જોડાવા નું છે…….

તૈયાર છો ને…..!!

સર્વસ્વ…એક હરિ કાજે….એના ધારક સત્પુરુષ કાજે….!

જય સ્વામિનારાયણ……

સદાયે પ્રથમ શ્રીહરિ ને રે…….

રાજ


BAPS રવિસભા- 26/01/2020

“…….જીવને જેવી દેહને વિષે આત્મબુદ્ધિ છે તેવી ભગવાન તથા ભગવાનના ભક્તને વિષે આત્મબુદ્ધિ હોય તો તેને કોઈ રીતનું વિઘ્ન લાગે નહીં. અને ગમે તેવાં દેશકાળાદિક ભૂંડાં આવે તેણે કરીને એ ભગવાન ને ભગવાનના ભક્ત થકી વિમુખ થાય નહીં.”

પછી વળી શ્રીજીમહારાજે પરમહંસ પ્રત્યે પ્રશ્ન પૂછ્યો જે,

“જાનકીજીને રામચંદ્રજીએ વનવાસ દીધો ત્યારે જાનકીજીએ અતિશય વિલાપ કરવા માંડ્યો. ત્યારે લક્ષ્મણજી પણ અતિશય દિલગીર થયા. પછી સીતાજી લક્ષ્મણજી પ્રત્યે બોલ્યાં જે, ‘હું મારા દુઃખ સારુ નથી રોતી, હું તો રામચંદ્રજીના દુઃખ સારુ રોઉં છું. શા માટે જે, રઘુનાથજી અતિ કૃપાળુ છે. તે લોકાપવાદ સારુ મને વનમાં મૂકી, પણ હવે એમ વિચારતા હશે જે, સીતાને મેં વગર વાંકે વનમાં મૂકી છે. એમ જાણીને કૃપાળુ છે તે મનમાં બહુ દુઃખ પામતા હશે. માટે રામચંદ્રજીને કહેજ્યો જે, સીતાને તો કાંઈ દુઃખ નથી ને વાલ્મીક ઋષિના આશ્રમમાં જઈને સુખે તમારું ભજન કરશે. માટે તમે સીતાને દુઃખે કરીને કાંઈ દુઃખ પામશો મા.’ એમ સીતાજીએ લક્ષ્મણજી સંગાથે કહી મોકલ્યું પણ કોઈ રીતે રામચંદ્રજીનો અવગુણ લીધો નહીં.

એવી રીતે જે ભગવાન ને ભગવાનના ભક્તનો કોઈ રીતે અવગુણ લે નહીં અને વૈરાગ્ય ને ધર્મ તે તો સામાન્યપણે હોય; એક હરિભક્ત તો એવો છે……

અને બીજો હરિભક્ત છે તેને તો વૈરાગ્ય ને ધર્મ તો અતિ આકરા છે પણ સીતાજીના જેવી સમજણ નથી. એ બે પ્રકારના હરિભક્ત છે, તેમાં કયા સંગાથે અતિશય પ્રીતિ રાખીને સોબત કરવી?”

પછી ચૈતન્યાનંદ સ્વામીએ કહ્યું જે,

“ધર્મ ને વૈરાગ્ય જો સામાન્યપણે હોય તો પણ જેની જાનકીજીના જેવી સમજણ હોય તેનો જ અતિશય પ્રીતિ કરીને સમાગમ કરવો, પણ અતિશય વૈરાગ્ય ને ધર્મવાળો હોય ને ભગવાન ને ભગવાનના ભક્તનો અવગુણ લેતો હોય તો તેનો સંગ કરવો નહીં.”

પછી શ્રીજીમહારાજે કહ્યું જે, “યથાર્થ ઉત્તર થયો.”
———————— —
ભગવાન સ્વામિનારાયણ- વચનામૃત-ગઢડા અંત્ય-11



ગયા રવિવારે શિબિર હતી અને આજે પણ અમદાવાદ પૂર્વ ની શિબિર હતી…..પૂ.જ્ઞાન વત્સલ સ્વામી ભરપૂર વરસ્યા….પ્રમુખ સ્વામી મહારાજ ના આપણા સૌ માટે ના અતુલ્ય …અભૂતપૂર્વ …કલ્પનાતીત દાખડા ને સુસ્પષ્ટ કર્યો….હવે વારો આપણો છે કે આપણા ગુરુ નો…ઇષ્ટદેવ નો રાજીપો કઈ રીતે મેળવી શકીએ?? એમની જન્મ શતાબ્દી ઉત્સવ માં કઈ રીતે યા હોમ થઈ…ગુરુ ઋણ અદા કરી શકીએ?? વધારે નહિ તો કેવળ ગુરુ આજ્ઞા અનુસાર વર્તીશું…તોપણ એ રાજી થશે….!!

સૌપ્રથમ…આજે ગણતંત્ર દિન….આપણો દેશ જગદગુરુ બને….સર્વે નું કલ્યાણ અને શાંતિ થાય…એ પ્રાર્થના સાથે શ્રીજી ના મનમોહક દર્શન…..


સભા ની શરૂઆત માં યુવક મિત્રો દ્વારા સર્વદા કલ્યાણકારી મહામંત્ર સ્વામિનારાયણ ની ધૂન કરવામાં આવી….! ત્યારબાદ એક યુવક દ્વારા ” સજની ટાણું આવ્યું રે ભવજળ તરવા નું…” નારાયણ દાસ દ્વારા રચિત આ પદ રજૂ થયું…..લખ ચોરાસી માં મળેલા અમૂલ્ય મનુષ્ય અવતાર ને એળે ન જાવા દેવાય…..લાખ કામ પડતા મૂકી ને પણ હરિ ને ભજી લેવા…!! અન્ય એક યુવક દ્વારા ” પ્યારો મને લાગે છે કમર કટાર……” પ્રેમસખી દ્વારા રચિત કીર્તન રજૂ થયું….અને શ્રીજી ની એ મનમોહક મૂર્તિ મનોચક્ષુ સમક્ષ ઉભરી આવી….!! શી શોભા હશે શ્રીહરિ ની….!! એ પછી એક યુવક દ્વારા બ્રહ્માનંદ સ્વામી રચિત” ઓરા આવો મારા લેહરખડા લહેરી….” રજૂ થયું… અદભુત કીર્તન….!! એક ભગવાન માટે શું ન થાય?? બધું જ થાય…બસ જીવમાં દ્રઢ સંકલ્પ જોઈએ…..!

ત્યારબાદ વિડીયો ના માધ્યમ થી પ.પૂ.મહંતસ્વામી મહારાજ ના સુરત ખાતે ના દિવ્ય વિચરણ દર્શન નો લાભ મળ્યો…..

https://youtu.be/hLpdUFNrXCM?t=6

અદભુત….!

ત્યારબાદ પૂ. ધર્મજ્ઞ સ્વામીએ આજનું પ્રવચન વચનામૃત અંત્ય 11પર આધારિત કર્યું….જોઈએ એના અંશ માત્ર….

  • ભગવાન સ્વામિનારાયણે પોતાનો સંકલ્પ કહ્યો છે કે…ધર્મ ના છિદ્રો પુરવા હું અક્ષરધામ થી આવ્યો છું…..એમ કવિ ન્હાનલાલે લખ્યું છે…..સનાતન ધર્મ નું…શાસ્ત્રો નું…નિષ્કામ ધર્મનું ભરપૂર સમર્થન કર્યું છે…..શ્રીમદ ભાગવત,ગીતા, રામાયણ અને ઉપનિષદો નો અનેકવાર ઉલ્લેખ શ્રીજી એ પોતાના વચનામૃત માં કર્યો છે…..
  • શાસ્ત્રોમાં વર્ણવિત આદર્શ ભક્તો નો પણ અનેકો વાર વચનામૃત માં ઉલ્લેખ કર્યો છે….આપણે સીતાજી,ઉદ્ધવજી,ગોપીઓ જેવી ભક્તિ કરવી…..
  • સીતાજી ના જેવી સમજણ રાખે તો સાચો ભક્ત….ભક્તિ કરતા દુઃખ આવે તો તૂટી ન જાય…પોતાના દુઃખ માટે ન રડે….
  • ભગવાન ની કોર્ટ અલગ છે……એમાં તો જેમ ભગવાન રાજી તે જ ન્યાય….તે જ ચુકાદો…ગ.અંત્ય 13 માં કહ્યું છે તેમ….ભગવાન ની મરજી એ જ ભક્ત નું પ્રારબ્ધ……!!
  • સત્સંગમાં આવ્યા પછી બુદ્ધિ ને તાળા મારવા….ગુરુ આજ્ઞા માં સારધાર રહેવું….કારણ કે ગુરુ પૂર્વાપર નું જુએ છે…..માટે ગુરુ આજ્ઞામાં દ્રઢ રહી જીવવું….એ જ ભક્ત નું લક્ષણ…!
  • આત્મદ્રષ્ટિ કરવી એ ભક્ત નું લક્ષણ છે…..પણ એમ કરવું અઘરું છે……પણ પ્રયત્ન ચાલુ રાખો તો આત્મદ્રષ્ટિ થશે…પોતાનો અવગુણ દેખાશે….
  • સમજણ સકારાત્મક હોય તો જ સત્સંગ હોય કે સંસાર- તેમાં ટકાય…..ગુણાતીત પુરુષો એ આ જ કર્યું છે…ગુરુ રાજી થાય એમ જ વર્ત્યા છે…..
  • યોગીબાપા તો કહેતા કે…..સીતાજી ને જેમ જ્ઞાન ની સમજણ હતી તેમ આપણે પણ સત્સંગમાં રાખી એ તો કઈ બાકી રહે નહીં…..
અદભુત….અદભુત….!! પૂ. ધર્મજ્ઞ સ્વામી ની સહજ શૈલી માં આ વચનામૃત નું નિરૂપણ સાંભળવું ખરેખર અદભુત હતું…..

ત્યારબાદ નીચે મુજબ આવતી રવિસભા માટે જાહેરાત થઈ….


ત્યારબાદ પૂ.ઈશ્વર ચરણ સ્વામીએ પોતાના આશીર્વાચનમાં કહ્યું કે….સીતાજી ની જેમ નિર્દોષ બુદ્ધિ રાખવી……કોઈનો અવગુણ ન લેવો….ભગવાન નો મહિમા સમજી આજ્ઞા માં રહેવું…! આપણે તો સાક્ષાત અક્ષરધામ માં જ બેઠા છીએ કારણ કે પ્રગટ સત્પુરુષ નું સાનિધ્ય છે….પણ એમનામાં નિર્દોષ બુદ્ધિ…દિવ્યભાવ રાખીએ તો જ તેનું યથાર્થ સુખ આવે…! ભગતજી મહારાજ, ગુણાતીતાનંદ સ્વામી નું સ્વરૂપ..મહિમા સમજ્યા અને અનેક અપમાનો સહન કરી ને પણ સ્વામી નો મહિમા પ્રસરાવતા રહ્યા…..એનું કારણ ભગતજી ને સ્વામીમાં નિર્દોષ ભાવ હતો…..દિવ્યભાવ હતો….!આપણે પણ આ જ કરવાનું છે…જો એમ થશે તો આપણ ને પ્રાપ્તિ નો મહિમા સમજાશે….આઠો જામ આનંદ રહેશે……!!!👍

સભાના અંતમાં પૂ.ઈશ્વર ચરણ સ્વામી એ જાહેરાત કરી કે, અમદાવાદ મંદિર ના પૂર્વ કોઠારી પૂ.સત્સંગી જીવન સ્વામી ની તબિયત નાજુક છે….સદગુરુ પૂ.ત્યાગ વલ્લભ સ્વામી પણ બીમાર છે…..તો સૌ કોઈ એમના સારા સ્વાસ્થ્ય માટે ધૂન માં જોડાય…….! સમગ્ર સભા ધૂન માં સહજ જોડાઈ ગઈ….

આજની સભા નો સાર એટલો જ કે…..નિર્દોષભાવ એ જ ભક્તિ…..એ જ મોક્ષ નો માર્ગ….એજ બ્રહ્મરૂપ થવા નો માર્ગ…….!!

ચાલો…..અંતરદ્રષ્ટિ કરી ને શરૂઆત તો કરીએ…..સ્વામી શ્રીજી આપણી સાથે જ છે…સદાય……બસ એમનો લંબાવેલો હાથ પકડવાનો છે……..

તૈયાર છો ને??…..છેલ્લી બસ છે….જો જો ચુકી ન જવાય……!

સદાયે….પ્રથમ શ્રીહરિ ને રે…….!

રાજી રહેજો….

જય સ્વામિનારાયણ….

રાજ


BAPS રવિસભા- 22/12/2019

પછી શ્રીજીમહારાજ બોલ્યા જે, “કોઈ પ્રશ્ન પૂછો.”…

ત્યારે મુક્તાનંદ સ્વામીએ પૂછ્યું જે, “કોઈક તો સત્સંગમાં રહીને દિવસ દિવસ પ્રત્યે વૃદ્ધિને પામતો જાય છે અને કોઈક તો સત્સંગમાં રહીને દિવસ દિવસ પ્રત્યે ઘટતો જાય છે તેનું શું કારણ છે?”

પછી શ્રીજીમહારાજ બોલ્યા જે,

મોટા જે સાધુ તેનો જે અવગુણ લે છે તે ઘટતો જાય છે અને તે સાધુનો જે ગુણ લે છે તેનું અંગ વૃદ્ધિ પામતું જાય છે ને તેને ભગવાનને વિષે ભક્તિ પણ વૃદ્ધિ પામે છે.

માટે તે સાધુનો અવગુણ ન લેવો ને ગુણ જ લેવો…..

અને અવગુણ તો ત્યારે લેવો જ્યારે પરમેશ્વરની બાંધેલ જે પંચ વર્તમાનની મર્યાદા તેમાંથી કોઈક વર્તમાનનો તે સાધુ ભંગ કરે ત્યારે તેનો અવગુણ લેવો, પણ કોઈ વર્તમાનમાં તો ફેર ન હોય ને તેની સ્વાભાવિક પ્રકૃતિ ઠીક ન જણાતી હોય તેને જોઈને ને તે સાધુમાં બીજા ઘણાક ગુણ હોય તેનો ત્યાગ કરીને જો એકલા અવગુણને જ ગ્રહણ કરે તો તેના જ્ઞાન, વૈરાગ્યાદિક જે શુભ ગુણ તે ઘટી જાય છે….
….. માટે વર્તમાનમાં ફેર હોય તો જ અવગુણ લેવો પણ અમથો ભગવાનના ભક્તનો અવગુણ લેવો નહીં…… અને જો અવગુણ લે નહીં તો તેને શુભ ગુણની દિવસ દિવસ પ્રત્યે વૃદ્ધિ થતી જાય છે.”

—————————–
વચનામૃત-ગઢડા પ્રથમ 53



આજે માર્ગશીર્ષ માસ ની કૃષ્ણ એકાદશી…..અર્થાત જીવમાત્ર નું કલ્યાણ કરતો…શ્રીજી ના હૃદયગત સિદ્ધાંત નો દ્યોતક એવા સ્વામિનારાયણ મહામંત્ર નો પ્રાગટય દિન…….”સ્વામી” અને “નારાયણ” એમ બે ભિન્ન તત્વ ..કહેતા કે સ્વામી એટલે અક્ષર..કે જેના જેવા બની ને નારાયણ… કહેતા કે પુરુષોત્તમ ની સેવા માં રહેવા નું છે……..અને એ જ મોક્ષ નો માર્ગ છે….આત્યંતિક કલ્યાણ નો માર્ગ છે…જે અક્ષર પુરુષોત્તમ સિદ્ધાંત ને એક મંત્ર થકી સ્વયં શ્રીજી એ જીવમાત્ર ને સુલભ કર્યો…..પોતાના આધ્યાત્મિક અનુગામી તરીકે ગુણાતીત પરંપરા આપી ….કલ્યાણ ના વાવટા સર્વ માટે ચીરકાલીન માટે ફરકતા રાખ્યા….!! ચાલો….આ મંત્ર ને જીવ થી વધાવીએ….ફણેણી ના એ મહાન પ્રસંગ…શ્રીજી ના ગગનભેદી આહલેક ને પળેપળ જીવી જઈએ…
તેનું નિરંતર મનન..ચિંતન…રટણ… કરીએ….

સૌપ્રથમ મારા વ્હાલા ના અદભુત દર્શન…..ઘનશ્યામ મહારાજે તો આજે સૂકા મેવા ના વાઘા ધારણ કર્યા હતા….જુઓ શોભા…
સભા ની શરૂઆત પૂ. દિવ્ય કિશોર સ્વામી અને યુવકો દ્વારા ” પ્રેમે પ્રેમ થી બોલો સ્વામિનારાયણ ભગવાન….” ધૂન થી થઈ…..ત્યારબાદ એ જ સંત ના મુખે વૈરાગ્ય મૂર્તિ નિષ્કુળાનંદ સ્વામી રચિત…” શીદ ને રહીએ રે કંગાળ રે સંતો…” પદ રજૂ થયું….! ખરેખર …આવા સર્વોપરી સત્પુરુષ અને સર્વોપરી ભગવાન મળ્યા હોય પછી જીવ કંગાળ શી રીતે રહે?? આ સર્વોપરી પ્રાપ્તિ નો કેફ જ કંઈક ઓર છે….એ તો કેસરભીના શ્યામ નું કેસર જેને લાગે તેને સમજાય કે…..ભક્તિ શુ છે…એનો રંગ શુ છે……!! એ પછી પૂ. સંત (અમૃત વિજય સ્વામી.!?) દ્વારા બ્રહ્માનંદ સ્વામી રચિત…” તમે અલબેલા જી આવા ને આવા…..મંદિરે પધારો માવા રે…. ” પદ રજૂ થયું…! અદભુત પદ……! એ પછી પૂ. કૃષ્ણ સ્વરૂપ સ્વામી દ્વારા પ્રેમાનંદ સ્વામી રચિત ” પ્રાણી.. સ્વામિનારાયણ ગાઈ એ…” પદ રજૂ થયું……! ચાહે સુખ આવે કે દુઃખ….સહજ સમય હોય કે વિપરીત…પણ હરિનામ સ્મરણ…સ્વામિનારાયણ મહામંત્ર નું રટણ…એક પળ પણ વિસરાવું ન જોઈએ……મારો હરિ એક પળ દૂર જવો ન જોઈએ…! અખંડ સ્વામિનારાયણ નું ભજન …એ જ બ્રહ્મરૂપતા નું લક્ષણ…!!

ત્યારબાદ પ.પૂ. મહંત સ્વામી મહારાજ ના 10 થી-12 ડિસેમ્બર, ના મુંબઇ ખાતે ના દિવ્ય વિચરણના  વિડીયો દર્શનનો લાભ મળ્યો…..

https://youtu.be/Aw0QHd9jpkg

અદભુત વિડીયો….! ખરેખર સત્પુરુષ જ જીવ નું સદાયનું  દરદ …જન્મ મરણ નું દુઃખ ટાળી શકે છે….!

ત્યારબાદ પ્રખર વક્તા એવા પૂ. પ્રિય સ્વરૂપ સ્વામી ના મુખે વચનામૃત ગઢડા પ્રથમ 53 નો લાભ મળ્યો….જોઈએ અહીંયા એનો સારાંશ માત્ર….

  • સત્સંગ માં આગળ વધવું કે એમાં થી પડી જવું….એની પાછળ નું કારણ શ્રીજી એ અહીં કહ્યું છે…જે બધાએ વિચારવા નું છે…જીવવા નું છે…
  • માટે જ સત્સંગ માં જો આગળ વધવું હોય તો સત્સંગ માં સર્વે ના ગુણ માત્ર જ જોવા…કોઈના અભાવ અવગુણ ની વાત કરવી નહીં…સાંભળવી નહિ….ગુણાતીતાનંદ સ્વામી એ તો નિંદા કરવી…અવગુણ લેવા ને અસેવા કહી છે….ગુણાતીત પુરુષો એ એને ઝેર કહ્યું છે…માટે જ જો મોક્ષ પ્રાપ્ત કરવો હોય તો સત્પુરુષ ને..ભગવાન ને જે ન ગમે એ ન કરવું….
  • મોટા પુરુષો ના અઢળક પ્રસંગો છે…જેમાં એમણે નિંદા..અભાવ અવગુણ ની વાત…એ વાત કરનાર પ્રત્યે ભારોભાર અણગમો દર્શાવ્યો છે…..બીજા ના સ્વભાવ જોવા જ નહીં…..બીજા ના સ્વભાવ જોવા ને તો પ્રમુખ સ્વામી મહારાજ…..સો ટન નું રોલર ફેરવવા જેવું કહેતા…!
  • બીજા ના સ્વભાવ જોતા જોતા…ધીરે ધીરે ગુરુ અને ભગવાન માં પણ ખામી દેખાવા લાગે….! બુઢા ધાધલે દાદા ખાચર ના સેવક નો અવગુણ લીધો તે એ અવગુણ બુઢા ને ભગવાન સ્વામિનારાયણ ને નુકસાન કરવા સુધી લઇ ગયો…!! ગ.પ્ર.28, 31 માં પણ આ જ વાત શ્રીજી એ કહી છે….અવગુણ લેવા વાળા ને શ્રીજી એ અર્ધ બળેલા કાષ્ટ જેવો કહ્યો છે…..ગ.અંત્ય 11, 12 માં એને પાપ કહ્યું છે..
  • જો અંતર ની શાંતિ જોઈતી હોય તો બીજા ના અવગુણ જોવા ના ટાળવા….બીજા ના દોષ જોવાની ટેવ હોય તો ભગવાન નો સાક્ષાત્કાર ન થાય……માટે સત્સંગ હોય કે સંસાર…..બીજા ના અવગુણ જોવા બેસો તો પ્રગતિ જ ન થાય…
  • આ દોષ ની શરૂઆત માં…પ્રથમ કોઈ વિશે નકારાત્મક વિચારો આવે…પછી એ વિચારો શબ્દ બની બહાર નીકળે……આવા વિચારો ને દૂર કઈ રીતે કરવા?? જીવ ના કલ્યાણ નો ધ્યેય સ્પષ્ટ રાખવો……દેહાભિમાન ટાળવું….મોટા પુરુષ અને ભગવાન નો મહિમા સમજવો….એમનું સર્વ કર્તાહર્તા પણુ સમજવું….કુસંગ થી દુર રહેવું….ગુણ ગ્રાહક દ્રષ્ટિ જ રાખવી…..
  • અદભુત વાત…..! બસ, સત્સંગ હોય કે સંસાર….આપણે એ જ કરવા નું છે….અને એમ કરવા માં જ ફાયદો છે….શાંતિ થી વિચારજો…!
  • ત્યારબાદ એક યુવકે શાહીબાગ મંદિરે, ગોલક માં પત્ર લખી ને નાખ્યો હતો..તેનું દર્શન શ્રાવણ થયું…..એ યુવકે પોતાના પીઝા પાછળ ની લત અને ખોટા ખર્ચ ને બંધ કરી ..જે બચત કરી તેનો ધર્માદો ઠાકોરજી ની સેવામાં આપ્યો….! 👍👍 અદભુત પત્ર…!! નિષ્કપટ ભાવે લખાયેલ આ પત્ર દરેકે જીવન માં ઉતારવા જેવો છે….! બસ મનજી કાકા ( મન ને) ને કાબુ માં રાખવા ના છે….! 😊

ત્યારબાદ સભામાં ઉપસ્થિત પ.પૂ. ડોક્ટર સ્વામી ના આશીર્વચન નો સૌને લાભ મળ્યો….તેમણે કહ્યું કે આ બધી સભાઓ….2021 માં થનાર બાપા ના શતાબ્દી ઉત્સવ નો જ ભાગ છે….શુ કરવા નું છે?? એ સમજાતું નથી….ભગવાન માં …એમના સ્વરૂપમાં જ વૃત્તિ રાખવા ની છે- એ કરવા નું છે….જો એમ થશે તો શતાબ્દી ઉત્સવ કૈક ઓર જ થશે….રોજ મંદિરે જવું…સભામાં હાજર રહેવું….કથાવાર્તા ની ટેવ પાડવી….આવું નાનું “બીજ” વવાશે તો એક દિવસ એનો વડ જરૂર થશે…જુઓ આજે પેરિસ માં ઓફિશિયલી આપણ ને મંદિર માટે જમીન મળી ગઈ છે…ભવ્ય મંદિર ત્યાં બનશે ..!!

સભાને અંતે કેટલીક જાહેરાત થઈ…..

  • સૂર્ય ગ્રહણ….25 થી 26 ડિસેમ્બર..
    • બ્રહ્મ ઉત્સવ



    અને એમાં ઉપરોક્ત પુસ્તક આધારિત કવિઝ પણ થશે….
    • સત્સંગ શિબિર



    આજની સભા જીવ ને કઈ રીતે બ્રહ્મરૂપ કરવો….મોટા પુરુષ અને ભગવાન નો રાજીપો શાના ઉપર છે….એ સર્વે મુદ્દા ની વાત પર હતી. જો જીવ આવી રીતે જીવન નું વહન કરશે તો તે અચૂક બ્રહ્મરૂપ થશે…એમાં રતિમાત્ર પણ શંકા નથી……

    આખરે એનો રાજીપો છે તો છતે દેહે જ અક્ષર સુખ છે……

    એટલા માટે જ ….સદાયે પ્રથમ શ્રી હરિ ને રે…..રાજી કરી લેવા..!!!

    જય સ્વામિનારાયણ

    રાજ


    BAPS વિશિષ્ટ પ્રેરણા રવિસભા- 15/12/2019

    “ગુરુ ઋણ અદા કેમ કરીએ……જીવન પ્રાણ અમે પાથરીયે…..”

    શરદ ઋતુ ધીમે ધીમે ગતિ પકડી રહી છે અને ઠંડી હવા વધુ ગાઢી થઈ ને ફેફસાને જમાવી રહી છે….પણ સત્સંગ ની હૂંફ દેહ ને પ્રતિકૂળતા નો સામનો કરવા ની હામ આપી ને જીવ ના કલ્યાણ ના માર્ગ ને પ્રશસ્ત કરી રહી છે……આવતીકાલ થી ધનુર્માસ ની…પુરુષોત્તમ ભક્તિ માસ ની શરૂઆત….ધૂન કીર્તન કથા વાર્તા નો વિશેષ યોગ કરી ને હરિ ને જીવ માં જડી દેવા નો પ્રયાસ….!! તો આજની સભા આમ તો વિશેષ જ હતી…..જુઓ..

    સત્પુરુષ નું સમગ્ર જીવન જીવમાત્ર ને હરિ ભજાવવા જ કૃષ્ણાર્પણ થઈ જાય છે…તેના જીવંત પ્રસંગો ની વિશેષ સભા હતી….! જીવ ને બળ ભર્યો કરી સત્પુરુષ ના રાજીપા માટે ફના થઈ જવા ની વાત હતી……!!

    સર્વ પ્રથમ મારા વ્હાલા ના અતિ મનમોહક દર્શન….

    મૂર્તિ ની શોભા જુઓ તો સમજાય કે તે “કૃષ્ણ” કેમ છે?? સર્વ જગત માત્ર ને આકર્ષિત કેમ કરે છે?? અહો…. અહો….!!

    સભાની શરૂઆત યુવક મિત્રો દ્વારા ધૂન સ્તુતિ થી થઈ…પૂ.પ્રેમ વદન સ્વામી ના મધુર સ્વર દ્વારા સત્પુરુષ ના મહિમા નું ” પ્રમુખ સ્વામી તુમ્હારે ચરણ મેં….” રજૂ થયું. આપણે પામર જીવ મોટા પુરુષ ને શુ અર્પી શકીએ?? એમની આજ્ઞા માં સારધાર રહીએ તો યે ઘણું છે…! ત્યારબાદ પૂ.સ્વામી ના જ સ્વરે વનમાળી દાસ રચિત જોશીલું પદ ” લાગો છો પ્યારા પ્યારા પ્રમુખ સ્વામી”  રજૂ થયું….સર્વોપરી સાધુતા ના સર્વ ગુણ પ્રમુખ સ્વામી ના જીવન માં પ્રગટ પ્રમાણ હતા….એ પછી યુવકો દ્વારા ” પ્રમુખ સ્વામી નો જય હો….” પદ રજૂ થયું…..એમાં એક કડી આવી કે પ્રમુખ સ્વામી સમગ્ર વિશ્વ તમારા માટે એક પરિવાર હતો…અને તમે એના માટે એક પરિવાર જન થી વિશેષ હતા…!! અદભુત વાત…સ્વામી બાપા નું સમગ્ર જીવન જુઓ….કોઈ મનુષ્ય વચ્ચે ધર્મ,જાતિ કે રંગ નો ..ઉમર નો કોઈ ભેદ તેમણે જોયો નથી….બસ સર્વ નું ભલું કેમ થાય..એ જ એમના જીવન નો સંદેશ…એ જ જીવન..!! 

    ત્યારબાદ જેની ઉત્કંઠા થી રાહ જોવાતી હતી….તે વિદ્વાન..પ્રખર વક્તા સંત પૂ. અક્ષર વત્સલ સ્વામી દ્વારા “તન કુરબાન કર્યું અમ કાજે…” મહિમા પદ પર બ્રહ્મ સ્વરૂપ પ્રમુખ સ્વામી મહારાજ ના જીવન ના વિવિધ પ્રસંગો પર આધારિત અદભુત પ્રવચન થયું….જોઈએ એનો સારાંશ માત્ર..
    • આ ધન્ય ધરા ભગવાન અને સત્પુરુષો થી પાવન થયેલી છે….એમણે એક મોક્ષ ની પરમ્પરા આપી…એનો લાભ સર્વ ને મળ્યો પણ જૂજ જીવ આ મુક્તિ માર્ગમાં સફળ થયા….સત્પુરુષ ને પ્રસિદ્ધિ ની ઘેલછા નથી….પણ જે જીવ એમના થકી બ્રહ્મરૂપ થઈ પૂર્ણકામતા ને પામ્યા છે…એ આવા સત્પુરુષ ના ગુણ ગાવા માં પાછા કેમ પડે?? જીવમાત્ર ને એની ઓળખાણ થવી જોઈએ…
    • સત્પુરુષે જીવમાત્ર ને કલ્યાણ ની કૂંચી આપી સુખિયા કરવા પોતાનું સમગ્ર જીવન કૃષ્ણાર્પણ કર્યું છે..જીવ ને પોતાના ખભા પર ચડાવી “શિવ” કર્યો છે…..આ પરંપરા છેક ભગવાન સ્વામિનારાયણ થી ચાલતી આવી છે…..પ્રમુખ સ્વામી મહારાજ 17000 થી વધુ ગામો માં જઇ અસંખ્ય લોકો ના જીવન ને બ્રહ્મ નો રંગ આપ્યો છે….
    • આદિવાસી ઉત્કર્ષ હોય કે બાળ ઉત્કર્ષ…મંદિરો રૂપી બ્રહ્મવિદ્યા ની કોલેજો સ્થાપી હોય કે…અતિ વિકટ ગામો માં દિન રાત ની વિચરણ કર્યું હોય…ઉતારા ભોજન ની કોઈ વ્યવસ્થિત સગવડ ન હોય….છતાં કેવળ આપણા મનોરથ…હઠાગ્રહ .. પૂર્ણ કરવા પોતાના દેહ ની પરવા સુદ્ધા કરી નથી….!!
    • બાપા ના આવા તો અસંખ્ય પ્રસંગો છે….જેને શબ્દઅંકિત કરવા કદાચ શક્ય જ નથી….મનુષ્ય જીવન ના ઇતિહાસ માં આ ગાથા ઓ સુવર્ણ અક્ષરે લખાશે….હવે વારો આપણો છે….બાપા ની જન્મજયંતી એવી રીતે ઉજવીએ….એવી સેવા કરીએ કે આખી દુનિયા જાણે કે પ્રમુખ સ્વામી એ આવા અતુલ્ય કર્યો કર્યા હતા….!!! જીવમાત્ર ના કલ્યાણ માટે જીવ્યા હતા….!!!
    અદભુત….અદભુત….!!
    (નીચેની લિંક પર થી સાંભળી શકાશે….)
    https://www.chirbit.com/viewqrcode/v47Af2


    https://drive.google.com/file/d/1B3EbkOVuszO1C-du3sFfDwz70eenikDV/view?usp=drivesdk

    ત્યારબાદ એવા જ વિદ્વાન અને પ્રખર વક્તા પૂ. બ્રહ્મ વિહારી સ્વામી ના એ જ વિષય પર ના અદભુત પ્રવચન નો લાભ સર્વ ને મળ્યો….જોઈએ એનો સાર માત્ર..
    • બાપા એ પોતાના દેહ ની પરવા કર્યા વગર એકલે હાથે સત્સંગ નો મહિમા વિસ્તાર્યો… એ અતુલ્ય છે……આ સ્વામીશ્રી ના ભીડા ની કોઈ થર્ડ પાર્ટી તપાસ કરી ને સમજવા નો પ્રયત્ન કરે તો સમજાય કે કોઈ મનુષ્ય આ કાર્ય એક જન્મ માં ન કરી શકે…!!! કલ્પના બહાર ની વાત છે…
    • આ ભીડા પાછળ ની સ્વામી ની ભાવના એ હતી કે….જીવમાત્ર રાજી થાય…ભગવાન ને માર્ગે ચડે…કલ્યાણ ને પામે….
    • સ્વામી માટે ભીડો એ જ આરામ…..હરિભક્તો માટે અસહ્ય ઉજાગરા જ એમના માટે ભક્તિ સેવા હતી….હરિભક્તો કેમ રાજી થાય?? એ જ એમનો સતત નો વિચાર રહેતો….એના માટે પોતાના દેહ સામે જોયું જ નથી….એમના માટે તો એક એક હરિભક્ત નું ઘર એ જ એમની રાજધાની…! જીવન ના છેલ્લા શ્વાસ સુધી હરિભક્તો ના ઘરે પધરામણી કરી એમને રાજી કરવા ની ખેવના..!! હરિભક્તો ન મળે તો..બાપા ને મૂંઝારો થાય….એવી બાપા ની હરિભક્તો પ્રત્યે ભાવના..!
    • આજે આપણે જે ગર્વ થી સમાજ માં અધ્યાત્મ ની વાત કરીએ છીએ…એ ગર્વ પ્રમુખ સ્વામી મહારાજ ને લીધે છે….એમના લીધે જ ભારત નો સમગ્ર સાધુ સમાજ ગર્વ લે છે…..આવા પ્રમુખ સ્વામી મહારાજ નો જન્મ જયંતિ મહોત્સવ અમદાવાદ ને આંગણે છે….હવે આપણે બાપા ને ગર્વ થાય એવું કરવા નું છે….તન મન ધન થી સેવા કરીએ એટલે બાપા રાજી…!! કોઈ અન્ય વ્યક્તિ ને બાપા નો મહિમા કહી ને બળ આપીએ તો યે સેવા છે….સ્વામી માટે..હવે જે જે આયોજન આવે તેમાં યથાર્થ…પૂર્ણ રીતે જોડાવા નું છે….બાપા આપણી સાથે રહી ને સહાય કરશે….
    • આપણે જો બાપા નો ખરેખરો મહિમા જાણીએ…સમજીએ તો બાપા માટે શું ન થાય???? તમારે ગમે તેવો દેશ કાળ હોય…બીમારી હોય કે વિપરીત સ્થિતિ…..બાપા ના અવસર માટે આપણે યા.હોમ કરવા નું છે…..બીજું વિચારવા નું જ નહીં…મોળી વાત જ નહીં..!!!
    અદભુત….અદભુત……..બધા તૈયાર છો ને???
    (નીચેની લિંક પરથી સાંભળી શકાશે….)
    https://drive.google.com/file/d/1B20_1TmHz7CgBEIteANxqLi5JZAxqEbw/view?usp=drivesdk

    ત્યારબાદ આ વિશિષ્ટ સભા માં ખાસ પધારેલા પ.પૂ.ડોક્ટર સ્વામી એ નાદુરસ્ત સ્વાસ્થ્ય છતાં પોતાના આશીર્વચન માં કહ્યું કે- પ્રમુખ સ્વામી આપણી દ્રષ્ટિ એ સાવ સામાન્ય હતા…..પણ એ સર્વના હૃદય પર રાજ કરતા હતા..કારણ… એમનું અણી શુદ્ધ જીવન!! એનું કારણ એમની શ્રીજી અને ગુણાતીત ગુરુઓ પ્રત્યે ની અનન્ય નિષ્ઠા… હરિભક્તો માટે નો ઊંડો પ્રેમ…! આપણું જે કર્તવ્ય છે તેને સાચા હૃદય થી નિભાવી એ એટલે જ ઉત્સવ…બાપા ના મહિમા કહેવા માટે આપણે આ કરવા નું છે…જાગ્રત થવાનું છે….તો રોજ જયંતિ જ છે….બસ પ્રેરણા લઇ જીવન ને શુદ્ધ બનાવીએ… આદર્શ બનાવીએ…!!

    તો આજની સભા….સત્પુરુષ ના અગણિત ઋણ માટે આ જીવન ને એમના ચરણો માં અર્પવા ની હતી…..એમનો મહિમા જીવમાત્ર સુધી પહોંચે….એમના ઉપકારો જગત ને સમજાય…સર્વને એમના ગુણ આવે….સર્વ નું રૂડું થાય એ માટે હતી…!!

    બસ…આપણી પ્રાપ્તિ તો અણમોલ છે….હવે તેની પ્રતીતિ કરી….યા.. હોમ થઈ જાવા નું છે…!

    સદાયે પ્રથમ શ્રી હરિ ને રે……..

    જય સ્વામિનારાયણ…. સર્વનું ભલું હો….

    રાજ


    BAPS રવિસભા-01/12/2019

    આપણા ઉદ્ધવ સંપ્રદાયને વિષે જ્ઞાન, વૈરાગ્ય, ધર્મ અને ભગવાનની ભક્તિ એ ચાર વાનાં જેમાં હોય તે એકાંતિક ભક્ત કહેવાય; અને આપણા સત્સંગમાં મોટો કરવા યોગ્ય પણ તે જ છે….

    ….અતિશય માહાત્મ્ય સહિત ભક્તિ ભગવાનને વિષે હોય તો એક ભક્તિને વિષે ત્રણે આવી જાય અને સામાન્ય ભક્તિ હોય તો એકમાં ત્રણ ન આવે. માટે, ‘ચાર વાનાંએ સહિત જે ભક્તિ તે જેમાં હોય તે એકાંતિક ભક્ત કહેવાય…….

    ત્યારે બ્રહ્માનંદ સ્વામીએ પૂછ્યું જે, “એવી અસાધારણ ભક્તિ શે ઉપાયે કરીને આવે?”

    ત્યારે શ્રીજીમહારાજ બોલ્યા જે, “મોટાપુરુષની સેવા થકી આવે છે. તે મોટાપુરુષ પણ ચાર પ્રકારના છે: એક તો દીવા જેવા ને બીજા મશાલ જેવા ને ત્રીજા વીજળી જેવા ને ચોથા વડવાનળ અગ્નિ જેવા
    …….

    …..એવી રીતે એ ચાર પ્રકારના જે મોટાપુરુષ કહ્યા તેમાં જે વીજળીના અગ્નિ જેવા તથા સમુદ્રના અગ્નિ જેવા મોટાપુરુષ છે, તેમની સેવા જો પોતપોતાના ધર્મમાં રહીને મન-કર્મ-વચને કરે તો તે જીવના હૃદયમાં માહાત્મ્ય સહિત ભક્તિ આવે છે. તે વીજળીના અગ્નિ જેવા તો સાધનદશાવાળા ભગવાનના એકાંતિક સાધુ છે અને …..

    વડવાનળ અગ્નિ જેવા તો સિદ્ધદશાવાળા ભગવાનના પરમ એકાંતિક સાધુ છે…. એમ જાણવું.
    ———————–
    ભગવાન શ્રી સ્વામિનારાયણ- વચનામૃત-વરતાલ-3


    …..આજે પહેલી ડિસેમ્બર…..અને આવા વડવાનલ સમાન એકાંતિક સિદ્ધ પુરુષ……બ્રહ્મસ્વરૂપ પ્રમુખ સ્વામી મહારાજ ની 98 મી જન્મજયંતિ ઉત્સવ ની ભવ્ય ઉજવણી , નવી મુંબઇ ખાતે 4/12 ના રોજ થવાની છે…..એનું કાઉન્ટ ડાઉન શરૂ થઈ ગયું છે….પ્રગટ સત્પુરુષ મહંત સ્વામી મહારાજ ત્યાં બિરાજમાન છે…….યોગીબાપા કહેતા કે આવા સમૈયા ધામધૂમ થી કરવા …લાખો માણસ ભેગા થાય….એ સૌના દર્શન થાય…ભીડા ભક્તિ નો લાભ મળે….દેહ ના સ્વભાવ..વિષય ઘસાય…..સત્સંગ કથા વાર્તા ની છોળો ઉછળે…!!!! બસ, આ ઉત્સવ આટલા માટે જ છે….સત્પુરુષ જે આપણ ને પ્રાપ્ત થયા છે…તેનો મહિમા જો જીવ માં 1% એ ઘૂસશે તો ય જીવ નું રૂડું થશે….પછી આખેઆખી પ્રાપ્તિ ની વાત જ શી કરવી??

    તો આજની સભા એના પર હતી….સૌપ્રથમ મારા વ્હાલા ના દર્શન…..


    સભાની શરૂઆત પૂ. શુભકિર્તન સ્વામી ના બુલંદ સ્વરે ” જય અક્ષરપતિ પુરુષોત્તમ …..જય જય સ્વામી સહજાનંદ…” રજૂ થયું….ત્યારબાદ એમના જ સ્વરે….” આવો રે વ્હાલા…હું તો તમારા મોળીડા પર મોહી…..” પ્રેમાનંદ સ્વામી રચિત કીર્તન રજૂ થયું…..અદભુત કીર્તન…!! શ્રીજી નું રૂપ..એની મોહકતા….કેવી હશે?? એનો વિચાર કરો…..! ત્યારબાદ એક યુવક ના કંઠે ” થાય છે જય જયકાર….” રજૂ થયું…….! એ પછી, પૂ.કૃષ્ણ સ્વરૂપ સ્વામી એ જોશીલું પદ ” મૂર્તિ મનોહર તારી..સુંદરવર શામળિયા….” દાસ છગન રચિત રજૂ થયું…..શ્રીજી ના વિવિધ અંગો ના અતુલ્ય શણગાર….એ પણ … પદ્ય સ્વરૂપે…..પછી બાકી શુ રહે??

    ત્યારબાદ તા.22 થી 24 નવેમ્બર ના સ્વામીશ્રી ના દિવ્ય વિચરણ ના વિડીયો દર્શન નો સરસ લાભ મળ્યો…..

    https://youtu.be/rrj451dy1Dc

    અદભુત વિડીયો…..!!

    એ પછી, પૂ. દિવ્ય કિશોર સ્વામી એ પ્રગટ ગુરુહરી મહંત સ્વામી મહારાજ ના દિવ્ય ગુણો વિશે રસપ્રદ વિવેચન કર્યું…જોઈએ એનો સાર માત્ર…

    • ગ.પ્ર.67 માં શ્રીજી એ કહ્યું કે મોટા પુરુષ ને આ લોક ને વિશે પ્રીતિ ..વાસના જ નથી…એ તો માત્ર  એક ભગવાન માં જ લિન છે…મહંત સ્વામી મહારાજ માં આ જ દેખાય છે…
    • એક પળ પણ શ્રીજી ના વગર જતી નથી….ભલે નિર્જળા ઉપવાસ હોય કે મોટી ઉમર ને હિસાબે શારીરિક અશક્તિ….પણ શ્રીજી દર્શન વગર એક ક્ષણ ચાલતું નથી…
    • જેવી ભગવાન પ્રત્યે એમની તાલાવેલી છે…એવી જ પોતાના ગુરુ પ્રત્યે પણ છે….બાપા ના દર્શન સતત કરતા રહેતા….પોતાના ગુરુ ની જય પ્રથમ બોલાય…એ જ એમની અંતર ની આજ્ઞા…..પ્રાર્થના…! ગુરુ ના એક બોલે ..જીવન ના રસાસ્વાદ બદલી નાખ્યા….ગુરુ ને ગમે એ જ આપણ ને ગમે- એ જ મહંત સ્વામી ના જીવન ની ગુરુ ભક્તિ…દાસત્વ પણુ…!
    • આપણે પણ ગુરુ ના આ જ અક્ષર ગુણો ને આપણા જીવન માં ઉતારી બ્રહ્મરૂપ થવા નું છે…..

    ત્યારબાદ પૂ. શ્રીહરિ સ્વામી જેવા વિદ્વાન અને અનુભવી સંત દ્વારા વચનામૃત અને સ્વામી ની વાતો ને આધારે ભક્તિ રીત વિશે રસપ્રદ પ્રવચન થયું….જોઈએ એનો સારાંશ માત્ર…

    • આપણો સંપ્રદાય શુષ્ક નથી….અહીં ભક્તિ એટલે ભગવાન ની પ્રીતિ એ સહિત…નિયમ ધર્મ સહિત ભક્તિ….! કારણ શરીર…સ્વભાવ ટાળી ને થતી ભક્તિ…

    • શ્રીજી આ નિયમ ધર્મ પોતાની સાથે અક્ષરધામ થી લઈને આવ્યા છે….જ્યાં ધર્મ હોય ત્યાં ભક્તિ હોય….અને જ્યાં ધર્મ ભક્તિ બંને હોય ત્યાં જ ભગવાન હોય…..
    • નવધા ભક્તિ માં પ્રથમ ભક્તિ – શ્રવણ ભક્તિ છે….સ્વામી કહેતા કે આ વાતું થી બ્રહ્મરૂપ થવાશે…..માટે જ કથા વાર્તા નો ઇશક અવશ્ય રાખવો….માત્ર શ્રવણ જ નહીં….એકાગ્રતા..મહિમા થી….જિજ્ઞાસુ થઈ..પ્રીતિએ સહિત શ્રવણ કરવું….જે શ્રવણ કરીએ તેનો નિદીદ્યાસ.. મનન કરવું….એ પ્રમાણે જીવવું.
    • મહિમા એ સહિત ભક્તિ કરવા થી હૃદય માં વૈરાગ્ય સહેજે આવે છે….પતિવ્રતા જેવી દ્રઢતા આવે છે….એક શ્રીજી માં જ દ્રઢ પ્રીતિ થાય….એમના સિવાય બીજો મન ભટકે જ નહીં…ચોંટે જ નહીં…….ભગવાન ના કોઈ ચરિત્ર માં મનુષ્ય ભાવ આવે જ નહીં..બધું દિવ્ય જ લાગે…..વરતાલ-૩ ના..19 માં વચનામૃત માં આ જ વાત કહી છે…
    • મોટા પુરુષ ઓળખાય…એમનો મહિમા સમજાય….દ્રઢ પ્રીતિ થાય…એમના ભક્તો ના દાસના દાસ થઈ ને રહે……હરિભક્તો નો મહિમા સમજે… સર્વે દિવ્ય લાગે….તો ભક્તિ સફળ…
    • આપણ ને આવા મોટા પુરુષ ની પ્રાપ્તિ થઇ છે…બસ હવે તેની પ્રતીતિ કરવા ની છે…..આવી સર્વોપરી ભક્તિ યુકતે થઈ બ્રહ્મરૂપ થવા નું છે….
    અદભુત પ્રવચન………!! આવા હરીભક્ત થવાય તેવી શ્રીજી ને પ્રાર્થના……અંતે અમુક જાહેરાત થઈ……


    શાહીબાગ મંદિરે, પણ આનું લાઈવ ટેલિકાસ્ટ થશે…..આવતા રવિવારે તેનો પ્રતીક ઉત્સવ, આ જ સભામાં ઉજવાશે…..

    બસ, તો મળીએ મુંબઇ માં…….

    સદાયે પ્રથમ શ્રી હરિ ને રે……

    જય સ્વામિનારાયણ

    રાજ


    2 Comments

    BAPS રવિસભા- 10/11/2019

    પછી મુક્તાનંદ સ્વામીએ પ્રશ્ન પૂછ્યો જે,

    “વાસનાની નિવૃત્તિ થયાનો એવો શો જબરો ઉપાય છે જે એક ઉપાયને વિષે સર્વે સાધન આવી જાય?”

    પછી શ્રીજીમહારાજ બોલ્યા જે,“જેને

    –શ્રદ્ધા તથા

    –હરિ અને હરિજનનાં વચનને વિષે વિશ્વાસ તથા

    –ભગવાનને વિષે પ્રીતિ તથા

    —ભગવાનના સ્વરૂપનું માહાત્મ્ય

    એ ચાર વાનાં જેના હૃદયમાં હોય તેની વાસના નિવૃત્ત થઈ જાય છે……તેમાં પણ જો એક માહાત્મ્ય અતિશય દ્રઢ હોય, તો શ્રદ્ધા તથા વિશ્વાસ તથા પ્રીતિ એ ત્રણ દૂબળાં હોય તો પણ મહાબળવાન થાય છે….; અને માહાત્મ્ય વિનાની ભક્તિ જો ઝાઝી જણાતી હોય તો પણ અંતે નાશ થઈ જાય છે. જેમ દસ-બાર વર્ષની કન્યા હોય ને તેને ક્ષયરોગ થાય, પછી તે કન્યા યુવાન થયા મોર જ મરી જાય પણ યુવાન થાય નહીં; તેમ જેને માહાત્મ્ય વિનાની ભક્તિ હોય તે પણ પરિપક્વ થતી થતી નાશ થઈ જાય છે.અને જેના હૃદયમાં માહાત્મ્યે સહિત ભગવાનની ભક્તિ હોય તો બીજા કલ્યાણકારી ગુણ ન હોય તો પણ તેના હૃદયમાં સર્વે આવે છે….. અને જો માહાત્મ્યે સહિત ભક્તિ જેના હૃદયમાં નથી, તો શમ-દમાદિક જે કલ્યાણકારી રૂડા ગુણ તે તેના હૃદયમાં છે તોય પણ નહીં જેવા જ છે; કેમ જે, અંતે નાશ પામી જશે. માટે એક માહાત્મ્યે સહિત ભક્તિ હોય તો તેની વાસના પણ નિવૃત્ત થઈ જાય અને કલ્યાણકારી જે ગુણ તે સર્વે આવીને હૃદયને વિષે નિવાસ કરીને રહે…

    …..તે માટે …..માહાત્મ્યે સહિત ભગવાનની ભક્તિ એ જ વાસના ટાળ્યાનું મહામોટું અચળ સાધન છે.”

    ————————

    વચનામૃત- સારંગપુર-૫

    સર્વને સૌપ્રથમ તો વિક્રમ સંવત ૨૦૭૬ ના નવા વર્ષ ની અઢળક શુભેચ્છાઓ……! કારણ કે મારા માટે નવા વર્ષ ની પ્રથમ સભા આજે હતી…..અને એનો ઉત્સાહ પણ બેવડો હતો…..સત્સંગ સભા માં અનેક મિત્રો ને નવા વર્ષ માં પ્રથમવાર મળવા નો ઉત્સાહ….અને સભામાં જીવ ને સત્સંગ સાથે જોડવા નો ઉત્સાહ…..!આથી જ સમયસર સભામાં પહોંચી ને સૌપ્રથમ મારા વ્હાલા ના અદભુત દર્શન….!

    અદભુત દર્શન…..!સભાની શરૂઆત પૂ.કૃષ્ણ સ્વરૂપ સ્વામી ના મધુર કંઠે “સ્વામિનારાયણ સ્વામી…..” ધૂન થી થઈ…..બધા એકતાર થઈ ગયા….ત્યારબાદ એમના જ મુખે..પ્રેમાનંદ સ્વામી રચિત પ્રેમ ભર્યું પદ ..” શ્યામલળા ચાલો ધીરા….” રજૂ થયું…! ખરેખર, પ્રેમાનંદ સ્વામી ના એક એક પદ માં શ્રીજી માટે નો તેમનો અનન્ય પ્રેમ….અતુલ્ય સ્નેહ….અમૂલ્ય ભાવ ટપકે છે…..! આજે ભગતજી મહારાજ ની અંતર્ધ્યાન તિથિ છે તેથી સ્વામી ના જ સ્વરે…” માંગો માંગો ભગતજી આજ…જે માંગો તે દઈએ…” રજૂ થયું…..આ પદ માં ભગતજી મહારાજ ના વૃતાંત થી એ સમજવા નું છે કે….મોટા પુરુષ પાસે શુ માંગવા નું છે??? જીવ નું કલ્યાણ મોટું કે દેહ નું ??? ભગતજી એ અનાદિ અક્ષર ગુણાતીતાનંદ સ્વામી પાસે ત્રણ વર માંગ્યા….એમાં એક વર હતું….મારા જીવ ને સત્સંગી કરો…!! આપણે પણ જીવ માં એ સમજવા નું છે…દ્રઢ કરવા નું છે….સત્સંગ જીવ નો કરવા નો છે…! ત્યારબાદ રણછોડ ભક્ત રચિત અત્યંત બળ ભર્યું કીર્તન…” જે દુઃખ થાય તે થાજો રે…રૂડા સ્વામીને ભજતાં….” રજૂ થયું….! વચનામૃત માં સ્વયં શ્રીજી એ કહ્યું છે કે જે જીવ ને કલ્યાણ નો ખપ છે….એના થી શુ ન થાય?? બ્રહ્મસ્વરૂપ શાસ્ત્રીજી મહારાજ ના કઠિન સમય માં , કેવળ સ્વામી શ્રીજી ને રાજી કરવા અસંખ્ય હરિભક્તો એ પોતાનું સર્વસ્વ સ્વામી ના ચરણે અર્પી દીધું….અને કલ્યાણ ના અધિકારી થઈ ગયા…!!

    ત્યારબાદ પ્રગટ અક્ષરબ્રહ્મ મહંત સ્વામી મહારાજ ભાઈબીજ ના દિવસે રાજકોટ પધાર્યા તેના ભવ્ય દર્શન નો લાભ સર્વે ને મળ્યો…

    ત્યારબાદ પૂ. અધ્યાત્મ પ્રિય સ્વામી દ્વારા ” પ.પૂ.મહંત સ્વામી મહારાજે નૂતન વર્ષે આપેલી અણમોલ ભેટ…” વિષય પર વાત કરતા કહ્યું કે…એક અદભુત પત્ર ની ભેટ સ્વામીશ્રી સર્વ ને આપી છે…

    સ્વામીશ્રી એ અનેક વાર…વારંવાર…એક જ વાત સર્વે ને આજ્ઞા રૂપે કરી છે….એ છે સંપ….! સંપ તો ભગવાન નું દૈવત છે….સત્પુરુષ નો આરામ…..સ્વાસ્થ્ય…..રાજીપો છે….સંદેશ છે…! સંપ માટે તો સત્પુરુષ ત્રણ ત્રણ માળ ચડી ને હરિભક્તો પર રાજીપો વરસાવી શકે છે…!!! કોઈ અબોલા તોડી ભેગા થાય તો સત્પુરુષ સ્વયં તેને પગે લાગે છે….!! સંપ થી એ રીઝે છે…અને અક્ષરધામ આપે છે….! તો હવે આપણે વિચારવું કે..સત્પુરુષ ને રાજી કઈ રીતે કરવા??અદભુત પ્રવચન…!

    ત્યારબાદ કોઠારી પૂ. આત્મકીર્તિ સ્વામી એ સારંગપુર ૫ ના વચનામૃત પર અદભુત પ્રવચન કર્યું…જોઈએ એનો સારાંશ માત્ર…

    • આપણા માં અઢળક વાસના સ્વભાવો પડ્યા છે…પણ મહારાજ નો નીર્ધાર છે કે મારા ભક્ત માં તલમાત્ર કસર રાખવી નથી….સર્વ ને નિર્વાસનીક કરી પોતાના ધામ માં લઇ જાવા છે. જીવે બસ દાખડો કરવા નો છે…
    • ગ.પ્ર.18, ગ.મ.50, ગ.મ.45 વગેરે વચનામૃત માં આ જ વાત શ્રીજી કહે છે…અને જીવ કેમ સુખીયો થાય..એના માર્ગ વચનામૃત માં બતાવ્યા છે….
    • પ્રગટ સત્પુરુષ ને પોતાનો આત્મા માનવો એ દશમી ભક્તિ છે….એમ યોગી બાપા કહેતા…સત્પુરુષ જ નિર્વાસનીક થવા નો માર્ગ બતાવી શકે…ભગવાન નો યથાર્થ મહિમા કહી શકે……લોકોને લૌકિક પદાર્થો નો મહિમા સમજાય છે, પણ ભગવાન નો મહિમા નથી જણાતો……માટે જ જો આત્યંતિક કલ્યાણ નો ખપ હોય તો સત્પુરુષ થકી શ્રીજી નો સર્વોપરી મહિમા સમજી લેવો…..
    • સત્સંગ માં જેને ભગવાન નો…સંતો હરિભક્તો નો મહિમા જેટલો મોટો જણાય તેટલો તે મોટો…..એમ મહંત સ્વામી મહારાજ કહે છે…..અને એક વાર જો આવો મહિમા સમજાય પછી કશું બાકી ન રહે….
    • સત્પુરુષ નો મહિમા જ્ઞાને સહિત સમજાય પછી એમના માટે શું ન થાય?? અબ્દુલ કલામ સાહેબ પ્રમુખ સ્વામી મહારાજ નો મહિમા સમજ્યા તો લખ્યું કે….હવે મારે કશું કરવા નું બાકી નથી….!!
    • આજે ભગતજી મહારાજ ની અંતર્ધ્યાન તિથિ છે….એમના જીવન થી આપણે એ સમજવા નું છે કે….ભગતજી એ સ્વામી ને ઓળખ્યા…એમનો મહિમા જીવ માં દ્રઢ કર્યો…અને એમના વચને જીવ ને ..દેહ ને સ્વામી ને સમર્પિત કરી, સ્વામી ને રાજી કરી લીધા…..પરિણામે સ્વામી એ એમને બ્રહ્મત્વ બક્ષ્યું…એમના માં અખંડ રહ્યા….

    માટે જ મોટા પુરુષ ને રાજી કરી નિર્વાસનીક થઈએ….મહારાજ સ્વામી ને રાજી કરી લઈએ…

    ત્યારબાદ આજકાલ ખૂબ જ ગંભીર રીતે ફેલાતા ડેન્ગ્યુ – રોગ વિશે AMC માં સેવા આપતા ડો.મેહુલ આચાર્ય એ….આ રોગ ને ફેલાતો અટકાવવા ખૂબજ અગત્ય ની માહિતી બધા ને આપી….! થોડીક સાવધાની, જ્ઞાન, માહિતી અને સ્વચ્છતા રાખીએ તો ડેન્ગ્યુ ને મહાત કરી શકાય….અંતે અમુક જાહેરાત થઈ….

    • દેવદિવાળી ના રોજ અમદાવાદ ના વિવિધ વિસ્તારો માં ..સંસ્કારધામ માં…અન્નકૂટ યોજાશે…વધુ જાણકારી માટે જે તે મંદિર નો સંપર્ક કરવો..

    આમ આજની સભા….અદભુત જ્ઞાન થી સભર હતી…..જીવ જો સત્પુરુષ ના સંગે મહિમા સભર જ્ઞાન થી યુક્ત થાય તો જરૂર એ બ્રહ્મરૂપ થઈ શકે….શ્રીજી ને ભજવા લાયક થઈ શકે…અને આપણે જો જન્મ મરણ ના ચક્ર માં થી છુંટવું હોય…અખંડ સુખ શાંતિ જોઈતી હોય તો….આમ કર્યા સિવાય છૂટકો જ નથી……

    બ્રહ્મ નો આ રાજમાર્ગ આપણી સામે જ છે……એના પર ચાલવું કે ન ચાલવું? એ આપણે નક્કી કરવા નું છે….

    સદાયે…..પ્રથમ શ્રીહરિ ને રે….

    જય સ્વામિનારાયણ

    રાજ


    Leave a comment

    BAPS રવિસભા-૨૯/૦૯/૨૦૧૯

    છેલ્લી બે ત્રણ સભા હું સંસાર ની દોડાદોડ વચ્ચે ચુકી ગયો….એની ખોટ તો ભરપાઈ થાય તેમ નથી કારણ કે એ સમય મારા નાથ..મારા ધણી માટે હતો અને એને ચૂકવો એટલે એની ખોટ એક એક પળ લાખ ની હોય અને એને ચુક્યા ની જે ખોટ થાય…તેટલી છે….!!!! જે હોય તે ..હરિ ઈચ્છા…!

    તો આજે સવારે જ નિશ્ચય કર્યો કે સમય પહેલા જ સભા માં પહોંચી જાઉં…..અને મારા નાથ ના આજના પ્રથમ નોરતા ના અદભુત દર્શન કરવા…..!

    ચાલો તેનો ગુલાલ કરીએ….હરિ તો વહેંચવા થી વધે છે…..એ જ તો એનો જાદુ છે….

    સભા ની શરૂઆત ધૂન અને પ્રાર્થના પુ.સંતો અને યુવકો દ્વારા થઈ…..ત્યારબાદ પુ. કૃષ્ણ સ્વરૂપ સ્વામી એ ” વૈષ્ણવ નથી થયો …શીદ ગુમાન માં ઘૂમે”…કીર્તન રજૂ કર્યું અને આજથી 500 વર્ષ પહેલાં નરસૈંયા એ રચેલું ” વૈષ્ણવ જન તો તેને કહીએ…” પદ અંતર સમક્ષ છવાઈ ગયું….આપણે ખરેખર આ પ્રશ્ન આપણી જાત ને પૂછવા નો છે કે આપણે સાચા વૈષ્ણવ….સાચા હરિભક્ત થયા છીએ??? સત્સંગ દેહ નો છે કે જીવ નો?? સત્સંગ માં આવ્યા પછી સ્વભાવ બદલાયા છે??

    ત્યાર બાદ એક યુવકે આજના પ્રથમ નોરતા ને અનુરૂપ ” મન મોહન માની તારી મૂર્તિ રે….” બ્રહ્માનંદ સ્વામી રચિત કીર્તન રજુ કર્યુ અને સમગ્ર સભા ગરબા મોડ માં આવી ગઇ…..અને સોનામાં સુગંધ ભળે તેમ પુ. શુભ કીર્તન સ્વામી ના બુલંદ અવાજ માં પછી રાસ ની રમઝટ જામી…..” જુઓ જુઓ ને સાહેલી આજ રસિયો રાસ રમે…..” “તારો ચટક રંગીલો છેડલો અલબેલા રે…..” “મોહન ફુલ ની માળા…..” “મને પ્યારી લાગે મુરતિ તમારી……” સ્વામી ગુણાતીતાનંદ આજ આવી ને અઢળ ઢળ્યા…..” “વાતલડી….પુછો ને વ્હાલા એક વાતલડી…” “એ શ્રીજી તારી લીલા અતિ ન્યારી….” ……” આ અવનીમાં …..”….અહો..અહો….!!

    અદ્ભુત……!! બહાર વરસાદ……અને અંદર આવા જોશીલા પદો થી તરબોળ થતા હરિભકતો….!! માહોલ ખરેખર અદભુત હતો….!!

    ત્યારબાદ પ્રગટ અક્ષરબ્રહ્મ મહંત સ્વામી મહારાજ ના આફ્રિકા ખાતે ના ૨૦-૨૨ તારીખ ના દિવ્ય વિચરણ ના વિડીયો દર્શન નો લાભ મળ્યો….

    આટલી ઉંમરે…કેવળ હરિભકતો ના સુખાકારી માટે આટઆટલો ભીડા વેઠતા સત્પુરુષ ને માટે આપણા થી શુ ન થાય?? એક એમની આજ્ઞા…અનુવૃતિ માં સારધાર રહીએ એટલે આ જન્મારો સફળ…!!!

    હાલમાં જ પુલહાશ્રમ ની યાત્રા…નીલકંઠ યાત્રા નો લાભ લઇ ને પરત ફરેલા સંતો એ પોતાના અનુભવ કહ્યા…..વર્ણવ્યા…! તારીખ ૧૧ થી ૨૭ સપ્ટેમ્બર વચ્ચે અમદાવાદ…ઉત્તર ગુજરાત ના 68 સંતો છપૈયા…પુલહાશ્રમ વગેરે મહાતીર્થ સ્થાનો ની પવિત્ર યાત્રા કરી આવ્યા…..પુ. ભગવત સેતુ સ્વામી, પુ.શ્રીજી ચરણ સ્વામી..પુ.વિવેક જીવન સ્વામી..પુ નિર્મલ ચરિત સ્વામી….એ તમામ પ્રસાદી ના સ્થાન અને એનો મહિમા જણાવ્યો….7 વર્ષ ની વન વિચરણ ની યાત્રા માં નીલકંઠ વરણી મહારાજ લગભગ અઢી વર્ષ નેપાળ માં રહી ને સર્વે સ્થાનો ને તીર્થત્વ બક્ષ્યું છે…! પુ.વિવેકજીવન સ્વામી એ આ તીર્થ યાત્રા દરમ્યાન મળેલ વિવિધ ગુણભાવી, મુમુક્ષુ ઓ…હરિજન સાથે થયેલા અનુભવ વહેંચ્યા….. આપણા સંતો , ગુરુઓ ની સાધુતા નો દિવ્ય અનુભવ એ સૌને થયો….પુ.નિર્મલ ચરિત સ્વામી એ કહ્યુ કે આ કોઈ પ્રવાસ નહોતો…પણ મહિમા સભર તિર્થ યાત્રા હતી….યાત્રા પહેલા જ શ્રીજી મહારાજ…બ્રહ્મ સ્વરૂપ પ્રમુખ સ્વામી મહારાજ ના પુલ્હાશ્રમ યાત્રા ની સ્મૃતિ ઓ નું લિસ્ટ બનાવી તે પ્રમાણે સ્થળ સાથે સ્મૃતિ ને સાંકળી મહિમા સહિત યાત્રા કરવા માં આવી…અમુક સંતો બીમાર થઈ ગયા …અમુક સંતો ની અવસ્થા હતી છતાં ત્યાંના ઠંડા..ભેજ વાળા વરસાદી વાતાવરણ ની પરવા કર્યા વગર સૌએ ભક્તિ…મહિમા સાથે યાત્રા નો લાભ લીઘો….સૌએ એકબીજા નો મહિમા પણ જાણ્યો……સંપ સાથે સ્થળોનો મહિમા સમજ્યા…આ એક સંપ યાત્રા…ભક્તિ યાત્રા….મહીમા યાત્રા હતી….

    અદ્ભૂત……!! સમગ્ર સભા ને સાક્ષાત પુલ્હાશ્રમ યાત્રા નો …એનો મહિમા…કેવી રીતે યાત્રા કરવી…એનો અનુભવ થયો….

    છેલ્લે સર્વે સંતો પૈકી..એમના વતી વડીલ સંતો જે આ યાત્રા નો લાભ લઈ ને આવ્યા હતા તેમનું પુ.ઈશ્વર ચરણ સ્વામી દ્વારા સ્વાગત સન્માન થયું…

    ત્યાર બાદ પુ. ઈશ્વર ચરણ સ્વામી એ પોતાના આશીરવચન માં કહ્યું કે આ બધા પ્રસાદી ના સ્થાન ની અચુક યાત્રા કરવી…મહિમા સાથે કરવી…જોગી બાપા એ પણ આ રીતે અનેક કષ્ટો વેઠી ને યાત્રા ઓ કરી છે …આંબલી વાળી પોળ નું અત્યારે નવીની કરણ ચાલી રહ્યું છે…તેની યાત્રા પણ એક નવધા ભક્તિ જ છે….માટે જીવ ભગવાન માં આ સ્થિર રહે….તેમ એમની સ્મૃતિ સાથે…. મહિમા સાથે કરવી…..

    સભા ને અંતે હાલ માં જ જાહેર થયેલા સત્સંગ શિક્ષણ પરીક્ષા ના પરિણામ માં અમદાવાદ ના તેજસ્વી તારલા ઓ નું જાહેર માં સન્માન થયું…અમદાવાદ નું 55% રિઝલ્ટ આવ્યું છે….!!

    તો આજની સભા જીવન ને સત્સંગ…ભગવદ સ્મૃતિ..મહિમા ની યાત્રા સાથે સફળ બનાવીએ….છેવટે જીવ ની અનંત યાત્રા નું ધ્યેય…ગંતવ્ય….ફળ આ જ છે…! હરિ સાથે જ છે…

    જય સ્વામિનારાયણ….. રાજી રહેજો…

    રાજ


    1 Comment

    BAPS રવિસભા-18/08/2019

    બ્રહ્મરૂપ થઈ ને પરબ્રહ્મ ને ભજવા એ જ સત્સંગ…..એ જ આત્યંતિક કલ્યાણ નો માર્ગ…..!!!!

    શ્રાવણ માસ ધીરે ધીરે તેનાં અંત તરફ આગળ વધી રહ્યો છે, અને સાથે સાથે ભક્તિ…સત્સંગ પણ તેની સર્વોપરી કક્ષા તરફ ઉર્ધ્વ ગમન કરી રહ્યો છે….મેઘરાજા એ આ વખતે સર્વ ની પ્રાર્થના સાંભળી છે અને જીવ માત્ર ને હૈયા માં ટાઢક થઈ છે….જેની અસર આજકાલ સત્સંગ સભા ઓ માં દેખાય છે…..હરિભક્તો નો ઉત્સાહ સર્વોપરી છે….જેનો રંગ સદાયે ચડતો ને ચડતો રહે તેવી શ્રીજી સ્વામી ને પ્રાર્થના……

    સૌપ્રથમ મારા વ્હાલા નાં મનમોહક દર્શન……!! 👌👌

    સભા ની શરૂઆત યુવક મિત્રો દ્રારા ધૂન પ્રાર્થના થી થઈ…..

    • ત્યારબાદ એક યુવક દ્રારા ” સ્વામી સહજાનંદ મહારાજ…મારે હૃદયે રહેજો રે…” પદ રજુ કર્યું….જે આપણાં સૌના હૃદય નો જ એક રાગ છે……કે શ્રીજી આપણાં અંતર માં અખંડ રહે….અને એ જ બ્રહ્મરૂપતા નું લક્ષણ…!!!
    • એ પછી પુ. કૃષ્ણ સ્વરુપ સ્વામી એ બ્રહ્માનંદ સ્વામી નું અદ્ભૂત પદ “સત્સંગ વિના જન્મ મરણ ભ્રમ જાળ મટે નહીં જંત નાં…” રજુ કર્યું….ખરેખર, જીવ ને અનંત જન્મો થી વળગેલી માયા માં થી છૂટવા નો એક જ માર્ગ છે…સત્સંગ….!! એનો મહિમા જીવ માં દૃઢ થાય તો બાકી શુ રહે…?? સત્સંગ કરતાં ચાહે ગમે તેટલી વિપત આવે પણ સત્સંગ છૂટવો ન જોઈએ….!
    • એ પછી એક યુવક દ્રારા બ્રહ્માનંદ સ્વામી રચિત હિંડોળા નું પદ ” ઝુલત પ્યારે નવલ કિશોર ઘનશ્યામ….” ગવાયું….આ અદ્ભૂત ચરિત્ર પદ અને સ્ટેજ પર હિંડોળે ઝુલતા શ્રીજી સ્વામી ….વાહ…! અદ્ભૂત નજારો હતો….! આ છબી આઠો જામ અંતર માં રહે ….એટલે સહજ આનંદ હમેંશા રહે….
    • એવું જ એક પ્રેમાનંદ સ્વામી રચિત હિંડોળા નું પદ , એક યુવક દ્રારા ” ઝુલોં હિંડોળે વ્હાલા…નટવર…ધર્મ તણા લાલા..” રજુ કર્યું…! જોશીલું પદ….! …અદ્ભૂત…!

    સારંગપુર યુવા અધિવેશન માં મુંબઇ નાં યુવકો દ્રારા બનાવેલી વચનામૃત આધારિત શોર્ટ ફિલ્મ ” સંસ્કાર” રજુ થઈ…..જગત નાં ચમક દમક વાળા વિષયો માં લોભ પામી સંસ્કારી યુવકો પણ ક્યારેક લપસી જાય છે….એ ન થાય એ માટે વચનામૃત, નિત્ય કથા વાર્તા ,સંત સમાગમ જીવન માં અનિવાર્ય છે….કુસંગ થી સદાયે દુર રહેવાય..એ માટે શ્રીજી ને પ્રાર્થના….! પુ. ગુરુ સ્મરણ સ્વામી એ આવી શોર્ટ ફિલ્મ જેવી ફિલ્મ બનાવવા યુવકો યુવતીઓ માટે વિશિષ્ટ વર્ક શોપ “ફોક્સ” અમદાવાદ માં યોજાયો હતો એનાં વિશે વિશેષ માહીતી આપી……તેમાં પ્રસિધ્ધ વિડીયો-ફિલ્મ ડાયરેક્ટર અરવિંદ બબલ પણ પધાર્યા હતાં તેમનુ આજે જાહેર માં સન્માન થયુ….એ સાથે એમનાં સહયોગી નું પણ સન્માન થયુ…. ! અરવિંદ બબલે પોતાના અનુભવ સભામાં વહેંચતા કહ્યુ કે…પોતે સત્સંગ માં આવતાં પહેલા ખૂબ જ સિગારેટ પીતા હતાં….કુટુંબ માં ખૂબ જ પ્રશ્ન હતા… પિતા સાથે બનતું ન હતુ ..અને જીવન માં સફળતા આવી તયારે એમનાં પિતા નો દેહાંત થઈ ચુક્યો હતો…પણ મહંત સ્વામી નાં દર્શન માત્ર થી આ દુખ પળ માં ભુલાઈ ગયું… સિગારેટ છૂટી ગઇ…સર્વ હૃદય નો ભાર છૂટી ગયો…! અદ્ભૂત….!!

    ત્યારબાદ પુ. શ્રીહરિ સ્વામી એ પોતાના પ્રવચન માં “સત્સંગ નું સ્વરુપ અને મહિમા” વિશે જે વચન કહ્યા તેનો સારાંશ માત્ર અહીજોઈએ…

    • શ્રીજી નાં સમય માં સદ્ગુરુ પરમ ચૈતન્યાનંદ સ્વામી એ ગોપાળાનંદ સ્વામી નાં વચન થી પોતાનુ માન મૂક્યું…અને બોલ્યા કે…12 વર્ષ સદ્ગુરુ રહ્યો…12 વર્ષ ગુરુ રહ્યો…પણ સત્સંગી તો આજે થયો…..
    • પરમ ભક્તરાજ શિવલાલ શેઠ કે જેની પૂજા માં સાક્ષાત શ્રીજી પધારતા તેને ગઢડા આચાર્ય મહારાજ ની પધરામણી પછી ગુણાતીતાનંદ સ્વામી એ કહ્યુ કે …તારા જીવ સામે જોવું છું તો અડધો સત્સંગ દેખાય છે….
    • બ્રહ્માનંદ સ્વામી પૂર્વાશ્રમમાં લાડુ દાન ગઢવી તરીકે અનેક પ્રકાર નો માન મરતબૉ, ધન સંપત્તિ સેવકો છોડી ને ત્યાગાશ્રમ સ્વીકાર્યો….છતા શ્રીજી એ કહ્યુ કે….તમે ગુણ ભાવી છો….સાચા સત્સંગી તો પરવતભાઈ અને ગોરધન ભાઈ છે….
    • ભગતજી મહારાજે, સ્વામી પાસે માંગ્યું કે….મારો જીવ સત્સંગી થાય…..! આપણે વિચારીએ કે….આપણે શુ માંગી એ છીએ??
    • સત્સંગ ચાર/આઠ/બાર/સોળ આની હોઇ શકે….પંચ વર્તમાન માં દ્રઢતા ને શ્રીજી ચાર આની સત્સંગ કહે છે….આપણી ઇન્દ્રિયો આપણાં કાબુ માં આવે એને આઠ આની સત્સંગ કહેવાય…ઇન્દ્રિયો ને બાહ્ય જગત માં થી ખેંચી….એક ભગવાન માં જોડવા ની છે (ગ.પ્ર.8,18…) ઇન્દ્રિયો નો આહાર શુદ્ધ થાય તો અંતકરણ શુદ્ધ થાય…..અને એ પછી ગ્રંથિ ઓ ઓગળવા ની શરૂઆત થાય…માટે જ સંગ શુદ્ધિ જરુરી છે….
    • આપણો ધ્યેય સ્પષ્ટ જોઈએ….બ્રહ્મ રુપ થવું અને પુરુષોત્તમ ને ભજવા છે….મન,બુદ્ધિ,અહંકાર અને ચિત્ત- અંતઃકરણ નો સત્સંગ એ બાર આની સત્સંગ છે…..! જે પ્રાપ્તિ જીવ ને થઈ છે, તેનો દૃઢ ભાવ અને મનન નીદિ ધ્યાંસ આના માટે જરુરી છે…
    • સોળ આની સત્સંગ એટ્લે કે- અહં મમત્વ…દેહાભિમાન નો ત્યાગ…લોયા-૧૨ નાં વચનામૃત મુજબ બ્રહ્મરૂપ થઈ ને પરબ્રહ્મ ની ઉપાસના કરવી….એ જ સોળ આની સત્સંગ..!ગુણાતીત ને આપણે આપણું સ્વરુપ માની એ…આત્મા માની એ તો આત્મ નિષ્ઠા સહેજે દૃઢ થાય…. એમનાં ગુણ આપણાં માં આવે…બ્રહ્મ રુપ થવાય….
    • એ જ રીતે સત્સંગ નાં ઉપરોક્ત લેવલ ને આધારે ચાર પ્રકાર નાં હરિભક્ત છે- કાચ જેવા, માટી નાં વાસણ જેવા, તાંબા પિત્તળ નાં વાસણ જેવા….અને સોના નાં વાસણ જેવા…!!

    જોરદાર પ્રવચન…!! આપણે હવે વિચારવા નું છે કે, આપણો સત્સંગ કયો છે?? ચાર આની કે આઠ આની…બાર આની કે સોળ આની?? એનાં પર થી આપણો સત્સંગ પુર્ણ થાય….સોળ આની થાય…એ માટે ખટકો રાખી મંડી પડવા નું છે…..આજ્ઞા, ઉપાસના માં શુદ્ધ…સાર ધાર રહેવા નું છે….ગુણાતીત ને આપણો આત્મા માની એમને મન કર્મ વચને રાજી કરી લેવા નાં છે……એટલું થાય તો સત્સંગ સફળ…સુફ્ળ…!!

    સભા ને અંતે જાહેરાત થઈ કે…

    • 24 ઓગષ્ટ , જન્માષ્ટમી નો મહોત્સવ છે…..શ્રી કૃષ્ણ અને માનવીય સંબંધો પર અદ્ભૂત ઉજવણી થાશે…..રાત્રે 8.30 થી શરૂ થાશે…..આજ્ઞા મુજબ નિર્જળા ઉપવાસ ( ધારણા પારણાં વ્રત વાળા એ પણ કરવા નો છે) કરવા નો છે….
    • બાળકો માટે સ્વાધ્યાય પોથી પ્રગટ થઈ છે….

    અદ્ભૂત સભા….!! જો એક એક શબ્દ જીવ માં ઊતરે તો જીવ જરુર બ્રહ્મરૂપ થાય….

    સર્વને સાષ્ટાંગ દંડવત સહીત જય સ્વામિનારાયણ….

    સદાયે પ્રથમ શ્રીહરિ…..

    રાજ


    Leave a comment

    BAPS પ્રમુખ સ્વામી મહારાજ સ્મૃતિ રવિસભા-11/08/2019

    गुरुर्ब्रह्मा गुरु विष्णु गुरुदेवो महेश्वर,

    गुरु साक्षात् परब्रह्म , तत्समैश्री गुरुवे नम:

    ગુરુ જ પરબ્રહ્મ નું સ્વરુપ છે, તેં આપણે સાક્ષાત અનુભવ્યું છે…અનુભવી રહ્યાં છીએ ….કારણ કે આપણાં ગુણાતીત ગુરુ ઓ નું જીવન..કાર્ય…પ્રભાવ એવો છે…..સાક્ષાત અક્ષરબ્રહ્મ જ ગુરુ રૂપે મળ્યા હોય પછી પરબ્રહ્મ છેટા ક્યાં છે?? બ્રહ્મ સ્વરુપ પ્રમુખ સ્વામી મહારાજ ની સ્મૃતિ માં થયેલી આ સભા આ જ સાર પર હતી……!

    તો મેઘરાજા એ અમદાવાદ ની યાચના સાંભળી…છેલ્લાં અઠવાડિયા થી પોતાનુ ભરપૂર સુખ આપી આજે સહેજ પોરો ખાધો છે…અને વાતાવરણ ની સહજ ઠંડક વચ્ચે, આજની સભા પણ હમેંશ ની જેમ ભક્તિ ભાવ થી પરિપૂર્ણ હતી…

    તો સૌપ્રથમ મારા નાથ નાં પવિત્રા એકાદશી નાં અદ્ભૂત…સુવર્ણ શણગાર દર્શન….!!👌👌

    સભાની શરૂઆત યુવક મિત્રો દ્રારા સ્વામિનારાયણ મહામંત્ર ની ધૂન પ્રાર્થના થી થઈ….અદ્ભૂત માહોલ..!!

    • ત્યારબાદ દેવ મિસ્ત્રી દ્રારા હિંડોળા ઉત્સવ ઉપલક્ષ માં પ્રેમાનંદ સ્વામી રચિત એક અદ્ભૂત પદ ” ઝુલો ઝુલો હરિવર હિંડોળે….” રજુ થયુ…..! હરિવર જ્યારે હલક ડોલક થતા મન રૂપી હિંડોળે બેસે છે તયારે તેનાં બધા સંકલ્પ વિરામ પામી એક હરિ માં જ સ્થિર થઈ જાય છે….અને દસ ઇન્દ્રિય અને એક અંતકરણ એમ કુલ ૧૧ ઇન્દ્રિય હરિ માં સ્થિર થાય એટ્લે જ સફળ એકાદશી…!! આમ, સત્સંગ અહી ડગલે ને પગલે થાય છે…..!!
    • ત્યારબાદ, પુ.પ્રેમ વદન સ્વામી નાં મધુર કંઠે, બ્રહ્મ સ્વરુપ પ્રમુખ સ્વામી ની દિવ્ય સ્મૃતિ કરાવતું ” શ્રીજી ચરણ માં શીશ નમાવી ..ગાવું સ્વામી તમ ગીત….” રજુ થયુ….અદ્ભૂત કીર્તન…..જયાં સુધી આ ગગન ધરા રહેશે..ત્યાં સુધી પ્રમુખ સ્વામી નું નામ…એમનો મહિમા સદાયે પ્રજ્વલિત રહેશે….ગુણાતીત સદાયે પ્રગટ રહેશે…!!!
    • ત્યારબાદ એક યુવકે ” ધન્ય ધન્ય છો સ્વામી….ધન્ય ધન્ય તુજ અવતાર…” પદ રજુ કર્યું…પ્રમુખ સ્વામી મહારાજ ની ચપળતા…જોશ…કરુણા પુર્ણ આંખો ની ચમક…એ તેજ…અભય વર ની મુદ્રા… મનો ચક્ષુ સમક્ષ પથરાઈ ગઇ….!!
    • એ પછી, એક યુવકે ..” પ્રમુખ સ્વામી ની જીવન ભાવના…સૌનું હિત કરતી…” રજુ કર્યું….બ્રહ્મ સત્ય…!! સ્વામી એ જયાં સુધી પોતાનો દેહ રાખ્યો ત્યાં સુધી, એમની પ્રત્યેક ક્ષણ, જીવ માત્ર નાં કલ્યાણ માટે જ કૃષ્ણાર્પણ રહીં….. જીવ ને કેમ બ્રહ્મપદ આપી પરબ્રહ્મ નું સુખ આપવું….એ જ ભાવના રહી અને આજે એ જ તત્વ…એ જ અક્ષરસુખ ની વર્ષા મહંત સ્વામી મહારાજ દ્રારા પ્રગટ પ્રમાણ દેખાય છે….!
    • ત્યારબાદ યુવક મિત્ર દ્રારા ” કોટી વંદન કરીએ પ્રમુખ સ્વામી મહારાજ” પદ રજુ થયુ….! સ્વામી નો મહિમા ગાઈએ તેટલો ઓછો છે….
    • એ પછી એક યુવકે ” એનું નામ અમર થઈ જશે…ઇતિહાસ માં ગવાશે…” પદ ગાયું…ખરેખર ..ગુણાતીત પુરુષ જ જીવ ને ઉગારનાર નાવ સમાન હોય છે…..અક્ષરબ્રહ્મ નો મહિમા …એનાં કાર્ય સર્વોપરી જ હોય…..એમા કોઈ જ શંકા નથી…!!

    અમુક સમય પહેલા સારંગપુર યુવા અધિવેશન યોજાયું હતુ તેમાં પ્રથમ શ્રેણી માં ઉત્તીર્ણ થયેલા મુંબઇ નાં યુવક સાગર કાવા એ એ જ ” વચનામૃત મહિમા” પર આધારિત પ્રવચન નો લાભ આપ્યો…! ખરેખર યુવકો નો સાચો માર્ગ દર્શક એક વચનામૃત જ છે, જેમાં એનાં દરેક પ્રશ્નો નું સમાધાન છે….! અદ્ભૂત પ્રવચન….!! 👍

    ગઇકાલે શ્રાવણ સુદ દશમી હતી….પ્રમુખ સ્વામી મહારાજ આ જ તિથિ એ ( ૧૩/૦૮/૨૦૧૬) દેહ ત્યાગ કરી , ધામ ગમન કર્યું હતુ…તેની દિવ્ય સ્મૃતિ નો લાભ આપતાં પુ.બ્રહ્મ વિહારી સ્વામી જેવા તેજસ્વી, વિદ્વાન વક્તા એ સભા ને અદ્ભૂત લાભ આપ્યો….એનો સારાંશ માત્ર આપણે અહી જોશું….

    • ગઈકાલ ની તિથિ વિશે વિચારો કે…સ્વામી નાં ધામ ગમન સમયે તમે ક્યાં હતાં?? સ્મૃતિ ઓ હજુ હટતી જ નથી…..એનું દુખ હજુ છે..યાદો હજુ યે તાજી છે…પણ એનો અર્થ એ નથી કે તમે પ્રગટ માં જોડાયા નથી…ખુદ મહંત સ્વામી એ અટલાદરા માં કહ્યુ હતુ કે…પ્રમુખ સ્વામી મને હજુ એકપલ પણ ભૂલાયા નથી….એ જ ગુણાતીત પરંપરા ની વિશેષતા છે….છેક ગુણાતીતાનંદ સ્વામી થી લઇને આજે મહંત સ્વામી સુધી આ ઇદંમ દેખાય છે…ત્રણેય અવસ્થા માં આ સ્થિતી નો અનુભવ થાય છે..!!
    • ગુણાતીત ની આ સ્થિતી આપણે પણ જીવ માં દૃઢ કરવા ની છે…..આપણાં ગુરુઓ એ પોતાના ગુરુ ને ક્યારેય ગૌણ થવા દીધાં નથી….આપણે એ જ મહિમા સાથે જીવવા નું છે….
    • ગુરુ ની નાની એવી સ્મૃતિ પણ દુખ માં થી ઉગારનારી છે……ગુરુ પૂર્વા પર નું જુએ છે..હમેંશા જીવ નાં સુખ નું વિચારે છે…બાપા ધામ માં ગયા હતાં તેં પહેલાં એ પોતાના અંતિમ સંસ્કાર સ્થળ સુધ્ધાં નું આયોજન કરી ને ગયા હતાં…અરે… શનિવારે ધામ માં ગયા અને એ પછી બે દિવસ ની રજા પણ હતી….જાણે કે પોતાના હરિભક્તો ને અંતિમ દર્શન માં સહેજે તકલીફ ન પડે…!!!!
    • સ્વામી શ્રી ની સ્મૃતિ જ જ્ઞાન છે……છતેં દેહે બાપા એ જે સ્મૃતિ સર્વે ને આપી છે…તેવી જ સ્મૃતિ બાપા એ દેહ છોડ્યા પછી બધા ને આપી છે….લાખો લોકો …છેક પ્રધાન મંત્રી થી લઇને એક સામાન્ય હરિભક્ત સુધી સર્વે એ અંતિમ દર્શન કર્યા તેની સ્મૃતિ હજુ ભુલાતી નથી….!
    • સ્વામી દિવ્ય હતાં છતા આપણી વચ્ચે, આપણાં જેવા થઈ ને ભરપૂર સુખ આપ્યું છે….he was so human….among us..!! આપણે મન ધાર્યું કર્યું છે છતા બાપા એ એને સ્વીકાર્યું છે…..આપણી મરજી ને એમણે સાંભળી છે…..અને તેંવી જ સ્મૃતિ ઓ કયારેય ભુલાતી નથી…..
    • શ્રીજી એ વચનામૃત માં પોતાના લીલા ચરિત્ર સંભાળી રાખવા નું કહ્યુ…..એમ જ સ્વામી નાં ચરિત્ર સ્મૃતિ, મહિમા,અનુભવ અને એની સ્મૃતિઓ સદાયે સંભાળી રાખવી….જો એમ કરશું તો સ્વામી આપણાં થી ક્યાંયે દુર નથી…..આપણી પાસે જ છે…ડો.કલામ સાહેબ ને આ જ અનુભવ થયો હતો…બાપા ક્યાંયે ગયા નથી….

    ગુરુજી નહીં ભૂલું તમને…..!! એ જ પ્રમુખ સ્વામી મહારાજે આજે જેનાં માં પ્રગટ છે તેં પ્રગટ ગુરુ હરી મહંત સ્વામી મહારાજ નાં ચરણો માં આ જ પ્રાર્થના….!!

    આજ ની સભા બસ આવા જ સતપુરૂશ ની દિવ્ય સ્મૃતિ ઓ ને જીવ માં દૃઢ કરવા માટે હતી…..અક્ષરબ્રહ્મ ગુણાતીતાનંદ સ્વામી કહેતાં કે શ્રીજી મહારાજ ની સ્મૃતિ જો એક પળ પણ વિસરાય તો તાળવું ફાટી જાય તેવું દુખ થાય…..એવું જ દુખ આપણ ને પણ ગુણાતીત પુરુષ અને શ્રીજી ની વિસ્મૃતિ થી થાય…તેવી સ્થિતી માટે સ્વામી શ્રીજી ને પ્રાર્થના….

    સદાયે પ્રથમ શ્રીહરિ ને રે…..

    જય સ્વામિનારાયણ…..

    રાજ


    1 Comment

    BAPS રવિસભા-04/08/2019

    જીવન નાં પ્રત્યેક પ્રશ્ન નું સમાધાન વચનામૃત માં છે……તેનો નિયમિત અભ્યાસ કરવા થી જીવન માં સુખ શાંતિ સહેજે થાશે….

    —————–

    પ્રગટ બ્રહ્મ સ્વરુપ મહંત સ્વામી મહારાજ

    જીવન માં અખંડ શાંતિ ની વાત આજની સભા માં હતી…..વચનામૃત ખરેખર અમૃત છે, જેમ જેમ એનો અભ્યાસ વધશે તેમ તેમ જીવન નાં સંશય….પ્રશ્ન…અશાંતિ…દુખ ઘટતા જશે….બસ અખંડ સુખ રહેશે…!!તો મેઘરાજા નું આગમન થઈ ચુક્યું છે….શ્રીજી મન મુકી ને ભક્તો નાં સંકલ્પ પુર્ણ કરી રહ્યાં છે….સર્વત્ર મેઘરાજા નું આગમન તો, ગાંધીનગર માં સતપુરૂશ નું આગમન થઈ ચુક્યું છે, જેની અસર આજે અમદાવાદ સભા માં દેખાતી હતી…અને કેમ ન દેખાય?….સતપુરૂશ અને શ્રીજી થકી જ આ બધુ છે…એમનાં માટે જ આ બધુ છે….જયાં ચમક નો પર્વત પોતે હોય પછી જીવ માત્ર ત્યાં ખેંચાય જ ને…!!

    સભા ની શરૂઆત માં મારા વ્હાલા નાં દર્શન…..

    યુવક મિત્રો અને પુ.કૃષ્ણ સ્વરુપ સ્વામી એ ધૂન થી સભા ની શરૂઆત કરી…એ પછી, પુ.પ્રેમ વદન સ્વામી દ્રારા હિંડોળા ઉત્સવ પ્રસંગે પ્રેમ સખી રચિત “…ઝુલન કે દિન આયે હિન્ડોરે….” પદ રજુ કર્યું અને સમગ્ર સભા સાવન નાં હિંડોળા ની શોભા…એનાં પર બિરાજ માન મનમોહન નાં રુપ માં ગુલ્તાન થઈ ગઇ….! શ્રીજી ની છટા શી હશે? કલ્પના માત્ર થી મન રોમાંચિત થઈ ઉઠે છે..ત્યારબાદ બાળ ગાયક દેવ મિસ્ત્રી એ પુનઃ પ્રેમાનંદ સ્વામી રચિત ” ઝુલાવૂ પ્યારા હિંડોળે ઝુલાવૂ પ્યારા….” પદ રજુ કર્યું….અદ્ભૂત કર્ણ પ્રિય અવાજ…..!! ત્યારબાદ એક યુવકે બ્રહ્માનંદ સ્વામી દ્રારા રચેલું” હિન્ડોળૉ ઘનશ્યામ હરિ નો અતિ રૂપાળો લાગે રે….” પદ રજુ કર્યું…..એક એક શબ્દ નો અભ્યાસ કરો તો સમજાય કે આ પદ કેટલા મહિમા સાથે રચાયું હશે…!! …એ પછી પુ.વિવેક મુનિ સ્વામી એ એમનાં બુલંદ સ્વર માં “..હે દાદા ખાચર ને દરબાર…ઉભા અક્ષર બ્રહ્મ ભીંજાવા….” રજુ કર્યું…..શ્રીજી નાં એક નીમિષ માત્ર નાં દર્શન …વીજળી ને ચમકારે કરવા, એમનું ધામ …ગુણાતીતાનંદ સ્વામી વરસતા વરસાદ માં નેવા નીચે ઉભા રહ્યાં હતાં…..એ સુવર્ણ પ્રસંગ અહી તાદ્રશ્ય થયો…! ભક્તિ જો આવા ખપ સાથે થાય તો… જગત નો નાથ કેમ ન રીઝે…!!! એટલાં માટે જ અક્ષર સાથે અક્ષર રુપ થાવા નું છે….એમનાં જેવી ભક્તિ કરવા ની છે…..અને એ જ આપણો સિદ્ધાંત છે…એનાં માટે જ આ સમગ્ર સંસ્થા…સમગ્ર સત્સંગ છે…!

    ત્યારબાદ પરમ પૂજ્ય સ્વામીશ્રી નાં 25 થી 27 જુલાઈ દરમિયાન ,અટલાદરા ખાતે થયેલા દિવ્ય વિચરણ નાં વિડીયો દર્શન નો લાભ સૌને મળ્યો…..

    ત્યારબાદ સારંગપુર યુવા અધિવેશન યોજાયું હતુ, એમા શોર્ટ ફિલ્મ કેટેગરી નાં વિજેતા ફિલ્મ ” આજે તો લડી લઈશું” ને અહી બતાવવા માં આવી…..યુવકોં મન સાથે લડી ને પણ નિયમ ધર્મ માં જે દ્રઢતા રાખે છે….વિપરીત સંજોગો સામે લડી ને જે રીતે, વચનામૃત ને આધારે ટકી રહે છે…..તેં જોવું અદ્ભૂત, પ્રેરણા દાયક હતુ. ગ.પ્ર.70 નાં વચનામૃત પર આધારિત આ સંવાદ ખરેખર જીવન માં ઉતારવા જેવો છે……ગુરુ અને ભગવાન ને રાજી કરવા શુ ન થાય…!!ત્યારબાદ પુ. કૃષ્ણ સ્વરુપ સ્વામી એ પ્રેમાનંદ સ્વામી રચિત” આયો શ્રાવણ માસ અનુપ….હિન્ડોળૉ માચ્યોં રે….” પદ રજુ કર્યું…..અદ્ભૂત પદ…!!ત્યારબાદ પુ. વિવેક મુનિ સ્વામી એ વચનામૃત પર આધારિત એનાં મહિમા વિશે સુંદર પ્રવચન કર્યું…જોઈએ સારાંશ માત્ર…

    • વચનામૃત…એનો નિયમિત અભ્યાસ, વાંચન એ ગુણાતીત ગુરુઓ નાં રાજીપા ની વાત છે……જીવન નાં પ્રત્યેક પ્રશ્ન નું સમાધાન શ્રીજી એ વચનામૃત માં આપેલું છે….
    • સંસાર છે…દુખ તો આવવા નાં જ….પણ એમની સામે ટકી રહેવા માટે વચનામૃત થી મોટુ સાધન કોઈ નથી….
    • વચનામૃત આપણને અંતર દ્રષ્ટિ કરાવે…..આપણાં ગુણ અવગુણ બતાવે…એને સુધારવા નો માર્ગ બતાવે…હિમત, બળ આપે….અંદર થી મજબૂત કરે
    • પ્રમુખ સ્વામી મહારાજ કહેતાં એમ….વચનામૃત નો નિયમિત અભ્યાસ કરે તો વચનામૃત આપ મેળે સમજાય……માટે જ નિત્ય વાચન કરવું….અભ્યાસ કરવો…..જીવન નાં દરેક પ્રશ્ન નો હલ એમા થી મળશે….
    • વચનામૃત આપણાં મન ને સ્થિર કરે છે…જીવન ને સંયમિત કરે છે…..
    • વચનામૃત આપણ ને કુસંગ થી બચાવે છે…..જગત નાં દુષણો થી બચાવે છે…..જીવ ને મજબૂત કરે છે….સ્થિતપ્રજ્ઞ બનાવે છે….
    • વચનામૃત આપણાં સ્વભાવ ઓળખાવે છે….અને એ ટાળવા નો ઉપાય પણ કહે છે…..ઉપાય કઈ રીતે કરવા એ માર્ગ, સાધન,રીત પણ કહે છે….
    • પ્રગટ બ્રહ્મ સ્વરુપ મહંત સ્વામી મહારાજ કહે છે કે વચનામૃત માં થી ….ભગવાન અને સંત રાજી કઈ રીતે થાય…એ સમજાય તો બાકી નાં બધા સાધનો સહજ થઈ જાય…..!!

    તો ચાલો નિયમ લઈ એ કે વચનામૃત નો નિયમિત અભ્યાસ રહે…..એનાં પ્રત્યે દૃઢ લગાવ રહે….ત્યારબાદ એક વિડીયો દ્રારા વચનામૃત મુખ પાઠ દ્રારા યુવકો ને શુ ફાયદો થાય છે? એનાં સ્વાનુભવ , એમનાં મુખે જ સાંભળવા મળ્યો…..અદ્ભૂત વિડીયો…!

    સભા ને અંતે જાહેરાત થઈ કે પુ.મુકુંદ ચરણ સ્વામી દ્રારા અંગ્રેજી માં, શ્રીજી મહારાજ નાં વિવિધ પોશાક, શણગાર ની માહીતી આપતી પુસ્તિકા પ્રગટ થઈ છે…

    તો આજની સભા વચનામૃત ને આધારે જીવન ને બ્રહ્મ રુપ કરવા ની હતી….બ્રહ્મ રુપ થાવા ની હતી……છેવટે બ્રહ્મરૂપ થવું એ જ જીવ નો અંતિમ ધ્યેય છે…..

    સદાયે એક શ્રીજી જ સર્વ પ્રથમ….

    એનો જ રાજીપો સર્વસ્વ…

    જય સ્વામિનારાયણ

    રાજ