Raj Mistry's world

Me,my stories and world around….


Leave a comment

BAPS રવિસભા -૨૪/૦૯/૨૦૧૭

અહો…….આ અક્ષરદેરી તો સ્વામી નું સાક્ષાત સ્થાન……..! એ તો કલ્પવૃક્ષ છે…..જે કઈ શુભ સંકલ્પ કરો એ બધા પુરા કરે તેવી છે…….


બ્રહ્મસ્વરૂપ યોગીજી મહારાજ

જાન્યુઆરી-૨૩ ,૨૦૧૮ ના રોજ આપણા સંપ્રદાય ના મહાતીર્થ સ્થાન……શ્રી બોચાસણવાસી અક્ષર પુરુષોત્તમ સ્વામીનારાયણ સંસ્થા ના પાયા નું સ્થાન…નાભિ કેન્દ્ર……અક્ષર પુરુષોત્તમ ઉપાસના ના મૂર્તિમંત સ્થાન એવા અક્ષરદેરી…ગોંડલ ને ૧૫૦ વર્ષ પૂર્ણ થઇ રહ્યા છે…અને આવા મહિમાવંત સ્થાન ની ઉજવણી અર્થે – પ્રગટ અક્ષરબ્રહ્મ મહંત સ્વામી મહારાજ ની આજ્ઞા અને પ્રેરણા થી ૧૦ દિવસ નો ભવ્ય પ્રોગ્રામ – તારીખ- ૨૦ થી ૩૦ જાન્યુઆરી ,૨૦૧૮ માં થઇ રહ્યો છે. કાર્યક્રમ ભવ્ય હોય તો પછી આયોજન માં હજારો સ્વયમ સેવક ની જરૂર પડે…અને એ માટે જ આજની સભા – અક્ષરદેરી સાર્ધ શતાબ્દી મહોત્સવ – સ્વયમ સેવક પ્રેરણા સભા તરીકે હતી……! આપણી સંસ્થા જ સેવા ના ગુણ પર રચાયેલી છે…સ્વયમ શ્રીજી થી લઈને- ગુણાતીત પરંપરા સુધી…સર્વે સંતો-હરિભક્તો સુધી – અહી નિસ્વાર્થ..નિષ્કામ સેવા ના મહિમા પર જ – સમગ્ર તંત્ર સફળ-સુફળ રીતે ચાલી રહ્યું છે…….!

તો- વિશિષ્ટ સભા હતી ..માટે આયોજન પણ વિશિષ્ટ હતું. ઠાકોરજી ના દર્શન બાદ સર્વે સભામાં ગોઠવાઈ ગયા…….

This slideshow requires JavaScript.

સભાની શરૂઆત પુ.કૃષ્ણ સ્વરૂપ સ્વામી ના સુરીલા કંઠે ગવાતા -સ્વામિનારાયણ મહામંત્ર ની ધુન્ય થી થઇ…..ત્યારબાદ એમના જ સ્વરે ” એની જ્યોતિ ઝગમગ થાય…યોગી દેરી એ ખેલે…” અને “સ્વામી ગુણાતીત આજ આવી ને અઢળ ઢળ્યા……..” રજુ થયા…….! સાક્ષાત અક્ષરબ્રહ્મ નો મહિમા ગાવો…એટલે કે અક્ષર પુરુષોત્તમ સિધ્ધાંત નું ગાન કરવું…એના જેવું છે…! અદ્ભુત…!

પછી પુ.પ્રિય સ્વરૂપ સ્વામી જેવા પ્રખર વક્તા સંત દ્વારા ” સત્સંગ નું નાભિ કેન્દ્ર- અક્ષર દેરી” પર મહિમા સભર પ્રવચન થયું. એમણે કહ્યું કે — અક્ષર પુરુષોત્તમ સિધ્ધાંત નું મૂર્તિમંત સ્વરૂપ એટલે અક્ષર દેરી…..અને વચનામૃત ગઢડા મધ્ય-૩ માં શ્રીજી એ કહ્યા મુજબ – એ અક્ષરબ્રહ્મ નું સ્વરૂપ એટલે કે અક્ષર દેરી. ….પ્રમુખ સ્વામી મહારાજ કહેતા કે- એક અક્ષરદેરી માં સર્વે તીર્થો આવી ગયા………! અને આપની સંસ્થા નો ઉદઘોષ એ જ અક્ષરદેરી…! આટલો મહિમા સમજાય તોયે સમજાય કે- અક્ષરદેરી નું માહાત્મ્ય શું છે……..!

ત્યારબાદ અક્ષરદેરી નો મહિમા દર્શન કરાવતો વિડીયો નો લાભ સૌને મળ્યો.

પછી સતસંગ મધ્યસ્થ કાર્યાલય માં થી પુ.યજ્ઞ પ્રિય સ્વામી એ -અક્ષરદેરી અને આવનારા સરધ શતાબ્દી મહોત્સવ ની ઊંડાણ પૂર્વક જાણકારી આપતા જણાવ્યું કે……

  • આ ઉત્સવ – ગુરુહરિ ની આજ્ઞા મુજબ ૧૦ દિવસ નો ભવ્ય કાર્યક્રમ હશે..જેમાં ભવ્ય ગુણાતીત નગર બનશે જેમાં સુરત જન્મોત્સવ ની જેમ વિવિધ – ભવ્ય પ્રદર્શનીઓ હશે જેમાં- સામાજિક-અધ્યાત્મિક સંદેશ સર્વ ને મળી શકે તેનું આયોજન થશે. ..જેનો લાભ લાખો લોકો લેશે.
  • ૨૦ જાન્યુઆરી થી સર્વ કાર્યક્રમ ની શરૂઆત થશે -જેમાં નગર નું ઉદ્ઘાટન..યોગી સ્મૃતિ મંદિર નો મહોત્સવ એમ અઢળક પ્રોગ્રામ થવા ના છે…અને સર્વે આયોજન માં હજારો સ્વયમ સેવકો ની જરૂર પડશે…….
  • આપણે ત્યાં તો સેવા નો ખુબ અનેરો મહિમા છે …એવા અઢળક પ્રસંગો છે કે જેમાં સેવકો એ પોતાનો નફો-નુકસાન-સામાજિક સ્થિતિ જોયા વગર -એક કેવળ મોટા પુરુષ ને રાજી કરવા સેવા માં પોતાની જાત ને હોમી દીધી હોય…!
  • આ વખતે ઓછામાં ઓછા ૧૨ દિવસ ની સેવા છે……..તો સર્વે એ અચૂક લાભ લેવો….આ તક વારેઘડીએ આવતી નથી………
  • સેવા કરવા થી દેહાભિમાન કપાય છે……મોટા પુરુષ રાજી થાય છે……જીવ બ્રહ્મરૂપ થાય છે………અને આ ઉત્સવ – મહંત સ્વામી મહારાજ ની અનુવૃતી મુજબ નો- ૧૦ દિવસ નો ભવ્ય ઉત્સવ આયોજિત કરેલો છે……..

અદ્ભુત…! સત્ય વચન…….પુ.પ્રિય સ્વરૂપ સ્વામી એ કહ્યું તેમ…અક્ષરદેરી ની સ્થાપના સમયે કે- અક્ષર મંદિર ના નિર્માણ સમયે આપણે હાજર નહોતા…….પણ આ ૧૫૦ વર્ષ ની ઉજવણી માં આપણે હાજર છીએ અને આ મોકો ગુમાવવા જેવો નથી. ગમે તેમ કરી…સમય નું યોગ્ય આયોજન કરી…જગત ને થોડુક ગૌણ કરી- આ સેવા નો લાભ અચૂક લઇ લેવો…….એના જ અનુસંધાન માં “સેવા ના વ્રતધારી અમે તો…સેવા ના…” કીર્તન સાથે નો વિડીયો દર્શન નો લાભ મળ્યો…જેમાં આપણા કાર્યકરો – એમની સેવા ના દર્શન થયા……

ત્યારબાદ કોઠારી પુ.આત્મકીર્તી સ્વામી એ – સેવા ની આ ઉચ્ચ ભાવના ને બળ આપતા કહ્યું કે…..સેવા થી આંતરિક શુદ્ધિ થાય છે……મોટા પુરુષ રાજી થાય છે……..અને ભગવાન ના નામ ની સાથે સાથે – ભગવાન નું કામ પણ થાય છે…જે સાચા અર્થ માં લેખે લાગે છે……..

ત્યારબાદ સભાને અંતે- પુ.ઈશ્વર ચરણ સ્વામી અને પરમ પૂજ્ય મહંત  સ્વામી મહારાજે વિડીયો ના માધ્યમ થી આશીર્વચન આપતા આ જ વાત કરી. અક્ષરદેરી તો કલ્પવૃક્ષ સમાન છે….જે કઈ સાચા મન થી સંકલ્પ કરો એ અહી અચૂક સિદ્ધ થાય છે…….યોગીજી મહારાજ નું પ્રિય સ્થાન……શાસ્ત્રીજી મહારાજ ની અટલ શ્રદ્ધા ના આ સ્થાન ના ૧૫૦ વર્ષ ની ઉજવણી – ભવ્ય રીતે થાય એમાં બધા રાજી છે…..સ્વામી-શ્રીજી રાજી છે……અને આ મોકો- ન ભૂતો..ન ભવિષ્યતિ ..એમ વિચારી જોડાઈ જવાનું છે…….આ મોકો ચૂકવા નો નથી……….! ગમે તેમ કરી- અહી સેવા માં જોડાવા નું છે……..જેમાં સ્વામી-શ્રીજી જરૂર રાજી થશે…!

અદ્ભુત…અદ્ભુત…….! સભાને અંતે સર્વે હરિભક્તો એ – સેવા માટે ના ફોર્મ ભર્યા અને પોતાની સેવા-સમર્પણ ની ભાવના દ્રઢ કરી….!

ખરેખર…………જેમાં આપણું કલ્યાણ છે…….મોટા પુરુષ અને સ્વયમ શ્રીજી ના રાજીપા નું સ્થાન છે…….જેમાં થી જગત ના જીવો નું સહજ માં કલ્યાણ કરે- એવા સિધ્ધાંત નું મૂર્તિમંત પ્રાગટ્ય છે…એવા મહાતીર્થ સ્થાન ને ૧૫૦ વર્ષ પુરા થતા હોય..અને એ ઉજવણી માં આપણ ને સેવા ની તક મળતી હોય તો- ગુમાવવા જેવી નથી જ…! તીર્થ તો કાયમ રહેવા ના…પણ આપણે કાયમ નથી…આ દેહ માં જ્યાં સુધી શક્તિ છે……ત્યાં સુધી સેવા ની આવી તક નો લાભ શક્ય હોય તેટલો લઇ લેવો…! છેવટે આ દેહ પણ કૃષ્ણાર્પણ જ છે ને….!!!!

જય સ્વામિનારાયણ…….

રાજ

Advertisements


Leave a comment

BAPS રવિસભા -૨૩/૦૭/૨૦૧૭

” અહી તો સાક્ષાત મહારાજ અને સ્વામી બિરાજે છે……….માટે જેને દુખ ટાળવું હોય તેણે (અક્ષર) દેરી ની માનતા કરવી…..”


અક્ષર દેરી -ગોંડલ ના મહિમા વિષે વાતો કરતા બ્રહ્મ સ્વરૂપ શાસ્ત્રીજી મહારાજ

આ વર્ષ અક્ષરદેરી સાર્ધ શતાબ્દી મહોત્સવ વર્ષ તરીકે ઉજવાઈ રહ્યું છે…….જે ૨૫/૧/૨૦૧૮ સુધી ઉજવાશે…..અને અક્ષરદેરી નો મહિમા – એના ગુણગાન જીવમાત્ર સુધી પહોચશે…….અને સર્વ ના કલ્યાણ નો માર્ગ સહજ થશે………! આજની સભા એ – સર્વોપરી માહાત્મ્ય ને સમજવાની…..માણવા ની હતી…….!

ગઈ રવિસભા માં નીલકંઠ વરણી ની અયોધ્યા થી બદ્રીનાથ સુધી ની યાત્રા ની ફિલ્મ દર્શાવવા માં આવી હતી જેથી અહી એના વિષે કોઈ વિશેષ પોસ્ટ ન મૂકી શકાઈ . આજની સભામાં તો સમયસર પહોંચી ગયા…મેઘરાજા પોતાના મિજાજ માં છે…….પણ હરિભક્તો એમ થોડા અટકે….!!! આજનો સભાખંડ સંપૂર્ણ પણે ભરેલો હતો……એ એની સાબિતી હતી. સર્વ પ્રથમ જગત ના નાથ ના દર્શન ( હરિયાળી અમાવાસ્યા)…..

20248214_1916557365298760_2562888236536064776_o

સભાની શરૂઆત પુ.પ્રેમવદન સ્વામી ના સુરીલા કંઠે – સ્વામિનારાયણ મહામંત્ર ની ધુન્ય થી થઇ……અને અત્યારે ચાલતા હિંડોળા ઉત્સવ ના પદો થી સંતો એ મનોચક્ષુ સમક્ષ એ અદ્ભુત હિંડોળા પ્રસંગો….એની અનેરી છટા ના આબેહુબ દર્શન કરાવ્યા……! જોઈએ એ પદ…

  • “ઝૂલણ કે દિન આયે……- રચયિતા- પ્રેમાનંદ સ્વામી…..સ્વર- પુ.પ્રેમવદન સ્વામી
  • “ઝુલાવું પ્યારા હિન્ડોરે……”- રચયિતા- પ્રેમાનંદ સ્વામી…..સ્વર- પુ.પ્રેમવદન સ્વામી
  • “આવો ઘનશ્યામ ….ઝુલાવું હિંડોરના મેં…..”- રચયિતા- બ્રહ્માનંદ સ્વામી….સ્વર- પુ. વિવેકમુની સ્વામી

અદ્ભુત…..અદ્ભુત……..!

ત્યારબાદ પુ. હરીચિંતન સ્વામી ના મુખે રસાળ શૈલી માં- પ્રગટ બ્રહ્મ સ્વરૂપ મહંત સ્વામી મહારાજ ના અતિ નિર્માની સ્વભાવ…દાસાનુદાસ ગુણ નો મહિમા- પ્રસંગો સાથે કહેવામાં આવ્યો……..અંત્ય ૩૯ ના વચનામૃત માં શ્રીજી એ કહ્યું છે કે …માયા અને અજ્ઞાન એટલે “હું અને મારું..” જ્યાં સુધી આ અહં મમત્વ ન છૂટે ત્યાં સુધી ..અજ્ઞાન ટળતું નથી……એ માટે દાસાનુદાસ ગુણ અનિવાર્ય છે……અને …મહંત સ્વામી મહારાજ ના આ ગુણ માં – યોગીબાપા નો જાણે કે સાક્ષાત અનુભવ થાય છે………સંતો ને દંડવત હોય કે અશક્ત સંત ની વ્હીલચેર ને દોરી લઇ જવાની વાત હોય…….કે તેમના પ્રવચનો માં – દાસાનુદાસ વર્તવા ની વાત નો નિરંતર ઉલ્લેખ હોય………..એ સર્વ નો સાર એક જ છે કે – સત્પુરુષ નો માલિકી નો આ ગુણ- દાસાનુદાસ વર્તવા નો ગુણ…..ખુબ જ બળીયો છે……જે ભલભલી તાકાત થી ન થઇ શકે એ કાર્યો આ દાસાનુદાસ વર્તવા થી થઇ શકે……!!! જીવન માં આ જ ઉતારવા નું છે………….

ત્યારબાદ સ્વામીશ્રી અત્યારે અમેરિકા-કેનેડા ની વિચરણ યાત્રા એ છે……એના અદ્ભુત વિડીયો દર્શન નો લાભ સર્વ ને મળ્યો…….જેના દર્શન આપણે સૌ નીચેની લીંક પર થી કરી શકીશું…….

આશીર્વાદ…….

http://www.baps.org/Vicharan/2017/09-July-2017-11720.aspx?CM_id=236250

ત્યારબાદ પુ.યજ્ઞ પ્રિય સ્વામી જેવા અનુભવી..વિદ્વાન સંત દ્વારા અક્ષર દેરી મહિમા-ઈતિહાસ”પર અદભુત પ્રવચન નો લાભ મળ્યો………….સમગ્ર ઈતિહાસ તો અહી વર્ણવી શકાય તેમ નથી ( એ માટે “શ્રી અક્ષર તીર્થ”….અથવા બ્રહ્મ સ્વરૂપ શાસ્ત્રીજી મહારાજ ના જીવન ચરિત્ર – પુસ્તક નો સહારો લઇ શકાય…) છતાંય ટૂંકમાં કહેવું હોય તો….

અક્ષરદેરી એટલે જ અનાદી મૂળ અક્ષર ગુણાતીતાનંદ સ્વામીની સમાધિ ….. જુનાગઢ મંદિર માં સતત ૪૦ વર્ષ..૪ માસ…૪ દિવસ મહંત તરીકે સેવા ઓ આપી ….સોરઠ માં અક્ષર પુરુષોત્તમ સિધ્ધાંત ના ડંકા વગાડી……અતિ નિષ્ઠાવાન સત્સંગ સમાજ તૈયાર કરી……..સવંત ૧૯૨૩ની આસો સુદ ૧૩ની રાત્રીના પોણા વાગ્યે સ્વામીશ્રીએ ગોંડલ માં જુના સ્વામિનારાયણ મંદિરે સ્વતંત્ર થકા દેહ ત્યાગ કરીને પોતાની દેહલીલા સંકેલી અને તેમના અંતિમ સંસ્કાર જે સ્થળે કરવામાં આવ્યા તે આ મહા તીર્થ સ્થાન જેવું……અક્ષર દેરી તીર્થ…!

૨૮ નવેમ્બર, ૧૮૬૭થી ગોંડલના મહારાણી મોંઘીબા અને ગણોંંદના મહારાજા અભયસિંહ દરબારની દેખરેખ નીચે અક્ષરદેરી બનાવાનું કામ શરુ થયું…….. ૨૯ જાન્યુઆરી,૧૮૬૮ના દિવસે કામ પૂર્ણ થયું…….. અક્ષરદેરીના માળખાની પ્રેરણા ગોંડલમાં આવેલ નવલખા પેલેસના ઝરૂખામાંથી લેવામાં આવી છે………. પછી વસંતપંચમીના દિવસે જૂનાગઢના બાલમુકુન્દ સ્વામીએ સ્વામીનારાયણના પવિત્ર પગલાની સ્થાપના કરી સાથે મોંઘીબા દ્વારા અક્ષર અને પુરુષોત્તમની છબી મુકવામાં આવી……………….

કહેવાય છે કે દેવપોઢી એકાદશીના દિવસે નારાયણજી નામના હરી ભગતને ગુણાતિતાનંદ સ્વામીએ સપનામાં આવીને કહ્યું કે અક્ષરદેરીએ ત્રણ શિખર બદ્ધ મંદિર બનાવો.જે એમણે એમના શિષ્યો- હરિભાઈ અમીન, શંકરભાઈ અમીન વગેરે દ્વારા શરુ કર્યું……ઘણા વિઘ્નો આવ્યા….છતાં ડગ્યા વિના  જમીન લેવા સંબંધી કાર્યવાહી હરિભાઈ અમીન કરી રહ્યા હતા…મહારાજ ના કારભારી ચંદુભાઈ વિધ્યાધીકારી અને વિરેન્દ્રભાઈ ના સહકાર થી..સમજુતી થી….હરિભાઈ અમીન ને  મહારાજા માત્ર ૨૫૦૦૦ રૂપિયામાં જમીન આપવા તૈયાર થયા……. આ સમાચાર આપતા તેમણે  શાસ્ત્રીજી મહારાજને કહ્યું: “ગોંડલના મહારાજા ભગવતસિંહજીએ ૧,૦૪૦૦૦  રૂપિયામાં તે જમીન આપવાનું કબૂલ કર્યું છે.” આ સાંભળી હસતાં હસતાં શાસ્ત્રીજી મહારાજ કહેઃ “એટલી રકમ ન હોય!” હરિભાઈ કહેઃ “સ્વામી! કેટલી રકમ વ્યાજબી કહેવાય?” ; “પચીસ હજાર.” શાસ્ત્રીજી મહારાજ બોલ્યા. હરિભાઈ તો આ સાંભળી સ્તબ્ધ બની ગયા. પરંતુ વિશેષ આશ્ચર્ય તો તેઓને ત્યારે થયું જ્યારે ગોંડલ મહારાજાએ દોઢ લાખ રૂપિયાની કિંમતે ખોજા નૂરમહંમદ શેઠને વેચેલી આ જમીન, તે વેચાણખત રદ કરીને પચીસ હજાર રૂપિયાની મામૂલી રકમમાં વેચવાનું નક્કી કર્યું………… પરંતુ ત્રણ શરત મૂકી—-  મંદિર ત્રણ વર્ષમાં પૂર્ણ થવું જોઈએ, અક્ષરદેરીની ઉપર મંદિર બનવું જોઈએ અને ઓછામાં ઓછો ૧૦ લાખ ખર્ચ થવો જોઈએ………………. રાજ્યના હિતમાં એક પાઈનું પણ નુકસાન સહન ન કરનાર ભગવત સિંહ મહારાજાએ આટલી સામાન્ય રકમમાં અક્ષરદેરીની જમીન આપી તે શાસ્ત્રીજી મહારાજની જ પ્રેરણા છે……….ગુણાતીત ની જ મરજી છે…શ્રીજી નો જ રાજીપો છે…….!

૧૮ જાન્યુઆરી, ૧૯૩૨ના રોજ શાસ્ત્રીજી મહારાજે ગોંડલ મહારાજની હાજરીમાં અક્ષર મંદિરનું ભૂમિ પૂજન કર્યું. અક્ષરસ્વરૂપદાસ સ્વામીની દેખરેખ તથા  સ્વામી જ્ઞાનજીવનદાસ અને બીજા સંતો સ્વયંસેવકોની મદદ થી મંદિરનું કામ શરુ થયું. ૨૪ મે, ૧૯૩૪માં મંદિરમાં શાસ્ત્રીજી મહારાજના હસ્તે અક્ષરપુરુષોત્તમની મૂર્તિની પ્રાણપ્રતિષ્ઠા કરવામાં આવી તથા જ્ઞાનજીવનદાસજી  સ્વામીને મહંત તરીકે નીમવામાં આવ્યા…………યોગીજી મહારાજે અનેક વર્ષ તે સેવા ને અતિ કષ્ટ વેઠી ને જીવ થી નિભાવી……અને મંદિર ને અદ્ભુત વિસ્તાર્યું………પરમ પૂજ્ય પ્રમુખ સ્વામી મહારાજ ની ભાગવતી દીક્ષા………મહંત સ્વામી મહારાજ અને ડોક્ટર સ્વામી જેવા સદ્ગુરુ સંતો ની પાર્ષદતરીકે ની દીક્ષા અહી જ થઈ છે……….

અને ઉપર કહ્યું તેમ……અહિયાં જીવમાત્ર ની શુભ મનોકામનાઓ..સંકલ્પો પુરા થાય છે…તે માટે આ સ્થાન નો મહિમા વિશેષ છે…………………

અદ્ભુત……અદ્ભુત……..! અક્ષર દેરી નો મહિમા તો જેટલો સમજીએ તેટલો ઓછો છે……………….એ માટે આ પોસ્ટ ની જગ્યા ઓછી પડે……!!!!!

સભાને અંતે અમુક જાહેરાત થઇ…………

  • આવતા રવિવારે- બાળ મંડળ માં થી યુવક મંડળ માં જનારા ( ધોરણ- ૯ માં પ્રવેશ પામનારા) નવયુવાનો માટે ની પ્રેરણા સભા છે…………સર્વે યુવકો એ- પરિવાર સહીત હાજર રહેવું….
  • આવતીકાલ થી શ્રાવણ માસ ની શરૂઆત થઇ રહી છે……….સંતો ની નિત્ય પારાયણ – શાહીબાગ મંદિરે શરુ થશે………..સમય- સવાર નો છે…………..આ સાથે નિયમ ના ઉપવાસ-વ્રત-તપ માટે પણ તૈયારી કરવી..ખટકો રાખવો…….

તો- આજની સભા – અક્ષર…અક્ષરદેરી…..અક્ષર પુરુષોત્તમ સિધ્ધાંત……ગુણાતીત પરંપરા ના મહિમા ને સમજવા ની…જીવ્સ્થ કરવા ની સભા હતી…………….એ મહિમા સમજ્યા વિના સત્સંગ માં પ્રગતિ શક્ય જ નથી…….મોસ્ખ તો દુર ની વાત છે…………માટે- ગુણાતીત નો મહિમા….સમજવા ગોંડલ- અચૂક જવું……અક્ષરદેરી નો મહિમા અચૂક અનુભવવો…!

જય જય અક્ષર પુરુષોત્તમ…….જય જય સ્વામિનારાયણ……

રાજ


Leave a comment

BAPS YTK વિશિષ્ટ રવિસભા- ૯/૪/૨૦૧૭

” અહિયા ૬૦ વર્ષ નું કામ …૬ માસ માં થાય છે…”


પ્રગટ અક્ષરબ્રહ્મ મહંત સ્વામી મહારાજ- સારંગપુર ના યુવક તાલીમ કેન્દ્ર ના ૬ માસ ના તાલીમ કોર્સ વિષે મહિમા ની વાત કરતા…..

બેપ્સ સંસ્થા ની મહાનતા એના સત્પુરુષ..સિદ્ધાંત …સાધુ …..અને કાર્ય દ્વારા પરખાય છે…..! અને કાર્ય..એના આયોજન ની સુવાસ તો સર્વત્ર એવી પ્રસરે છે કે……” અનુભવનારા ઝડપાયા..” ! પાંદડે પાંદડે સ્વામિનારાયણ નું નામ થાય…..કલ્યાણ નો માર્ગ જીવ માત્ર માટે ખુલ્લો રહે તે માટે – સત્પુરુષ દ્વારા આવનારી પેઢી માટે – બાલ મંડળ…કિશોર મંડળ……યુવક મંડળ…..વગેરે વિચારો કે જે આજે પ્રત્યક્ષ વટવૃક્ષ બન્યા છે….તેની ભેટ મળી. અને એમાં સારંગપુર ખાતે યુવક તાલીમ કેન્દ્ર-અને એનો પ્રસિદ્ધ ૬ માસ નો કોર્સ- બ્રહ્મસ્વરૂપ પ્રમુખ સ્વામી મહારાજ ની આજ્ઞા થી ૨૦૦૭ માં શરુ થયો…..અને આજે ૧૦૦૦ થી વધુ યુવાનો…..તેમાં તાલીમ લઇ – દુનિયા ના છેક છેવાડા સુધી – સ્વામિનારાયણ નું નામ અને સર્વોપરી અક્ષર પુરુષોત્તમ સિદ્ધાંત ના ડંકા ગજવી રહ્યા છે…! અને હવે તો એ તાલીમ કેન્દ્ર માં જગ્યા ઓછી પડે છે…!!!!!  યુવકો…..આ મોકો ચૂકવા જેવો નથી..!

તો ઉનાળો ચાલુ થઇ ગયો છે….પણ ઠંડા પવન સાથે..! અને ઠાકોરજી ના આજ ના દર્શન જોઇને તો ગાવા નું મન થાય… ” ફૂલ ની બાંધી રે ..પોંચી ફૂલ ની બાંધી……..ઓલા નટવરજી ને હાથે પોંચી ફૂલ ને બાંધી…”..તો તમે પણ આજ ના અદભુત દર્શન કરો…..

collage_20170409173207937_20170409173239523.jpg

ત્યારબાદ -પુ.શુભકીર્તન સ્વામી અને યુવકો દ્વારા સ્વામિનારાયણ ધુન્ય થઇ…..અને બ્રહ્માનંદ સ્વામી રચિત કીર્તન…” મનમાની…મોહન તારી મૂર્તિ રે……” રજુ થયું……….

એ પછી…..YTK ( યુવક તાલીમ કેન્દ્ર)  નો પરિચય આપતો વિડીયો રજુ થયો…..જેનો લગતો વિડીયો નીચેની લિંક દ્વારા જોઈ શકાશે…..

ત્યારબાદ પુ.વિવેક્મુની સ્વામી એ -૨૦૦૭ માં સત્પુરુષ ની આજ્ઞા થી શરુ થયેલા આ કેન્દ્ર વિષે…તેના વિકાસ….સદગુરુ ઓ ના મંતવ્ય…..મહંત સ્વામી મહારાજ ના આશીર્વાદ ….ત્યાં આગળ કેવી તાલીમ અપાય છે……એનો મહિમા શું છે…તે વિષે ઊંડાણ પૂર્વક માહિતી મળી……અને એ જ અનુભવ…YTK માં તાલીમ લઇ ચુકેલા યુવકો ની ગોષ્ઠી દ્વારા …..તેમના વાલી ઓ ના મંતવ્ય દ્વારા મળ્યા….! જેનો સારાંશ હતો…….

  • આ તાલીમ કેન્દ્ર થી થયેલું જીવન પરિવર્તન……તાલીમ કેન્દ્ર માં આવ્યા પહેલા – યુવકો ના વર્તન-ગુણ- સત્સંગ માં દ્રઢતા….ઉપાસના-સિદ્ધાંત-સત્પુરુષ વિષે ની અજ્ઞાનતા હતી તે અહી આવ્યા પછી દુર થઇ….
  • સત્પુરુષ ની કરુણા નો તાદ્રશ્ય અહી અનુભવ થયો…..હરપળ પ્રમુખ સ્વામી મહારાજ ના આશીર્વાદ….મહંત સ્વામી મહારાજ ના આશીર્વાદ નીઓ..માર્ગ દર્શન નો….મોટેરા સંતો ના માર્ગ દર્શન નો લાભ મળ્યો….
  • સંપ….સુહર્દભાવ…..ટીમ વર્ક……માં કઈ રીતે કામ કરાય…; બીજા ના ભલા માં આપણું ભલું…..અન્ય ના ભલા માટે કઈ રીતે જીવવું….અનેક વિઘ્નો વચ્ચે કઈ રીતે સ્થિર રહેવું……..એ સર્વે અહી શીખવા મળ્યું…….
  • પ્રગટ અક્ષરબ્રહ્મ મહંત સ્વામી મહારાજ કહે છે એમ- ૬૦ વર્ષે …કોટી કષ્ટ વેઠ્યા પછી જે પ્રાપ્તિ જીવ ને થાય…એ પ્રાપ્તિ અહી…માત્ર ૬ માસ માં થાય છે…..!

ત્યારબાદ જેમણે યુવકો ની સત્સંગ કેળવણી માં જેણે ખુબ નજીક થી ફાળો આપ્યો છે એવા પુ. યજ્ઞપ્રિય સ્વામી એ પણ YTK વિષે પોતાનું પ્રાસંગિક પ્રવચન આપતા કહ્યું કે…..

  • યુવાની માં જો “ગતિ” ને કોઈ યોગ્ય “દિશા” ન મળે તો તેનું જીવન ભટકી જાય છે…….જીવન અર્થહીન બની જાય છે……
  • સારંગપુર જેવા અતિ પવિત્ર..દિવ્ય વાતાવરણ માં યુવકો અહી રહી જે તાલીમ મેળવે છે….તે પોતાની નજરે તાદ્રશ્ય અનુભવ કરી ને સમજે છે કે – જીવન માં આમૂલ પરિવર્તન કઈ રીતે આવે…..
  • ૬ માસ ની આ ટ્રેનીંગ માં- યુવક નું જીવન – સકારાત્મક થઇ જાય છે…..જીવન ના ધ્યેય…સત્સંગ ના ધ્યેય……ભક્તિ- જ્ઞાન ની મહત્તા ..સત્પુરુષ શ્રીજી નો મહિમા સમજાય છે…દ્રઢ થાય છે……જેના થી એ યુવક ભલે દુનિયામાં કોઈ પણ ખૂણે પહોંચે – એ સત્સંગ-નિયમ-ધર્મ માં થી પાછો નથી પડતો…….
  • ૬ માસ તો આપણા જીવન નો ૧% થી પણ ઓછો સમય છે…..પણ આ ૧% નો સમય જો યુવક તાલીમ કેન્દ્ર માં યુવકો આપે તો- બાકી ના ૯૯% જીવન સુધરી જાય છે……

અદભુત…..અદભુત……..! યુવક તાલીમ કેન્દ્ર નો આ મોકો- ગુમાવવા જેવો નથી જ…!

સભા ને અંતે અમુક જાહેરાત થઇ……

  • યુવક તાલીમ કેન્દ્ર માં પ્રવેશ માટે ના ફોર્મ્સ મળવા ના-સ્વીકારવા ના શરુ થઇ ગયા છે……આવતા રવિવાર સુધી માં આ કામ ખટકો રાખી કરી લેવું….વધુ માહિતી માટે મંદિર નો સંપર્ક કરવો…..સંતો ને મળવું….
  • આનંદો અમદાવાદીઓ…આનંદો….!  પ્રગટ બ્રહ્મસ્વરૂપ મહંત સ્વામી મહારાજ નો રાજીપો અમદાવાદ પર વિશેષ છે…….કેમ??? જુઓ નીચેના ફોટોઝ……ઉત્તર મળી જાશે….

20170409_191719

20170409_191810

તો- યુવકો……..આ સુવર્ણ મોકો રમત માં ગુમાવવા જેવો નથી…….! યુવક તાલીમ કેન્દ્ર – તમારા ભવિષ્ય માટે એક ઉજ્જવળ માર્ગ લઇ ને આવ્યું છે……..જો બુદ્ધિ થી વિચારી એ કે- શ્રદ્ધા થી….પણ આ માર્ગ જ તમાર માટે સર્વોત્તમ છે….એ સમજી રાખજો..!

જય સ્વામિનારાયણ…..

રાજ


1 Comment

BAPS-૧૯/૦૨/૨૦૧૭

“……જેને પંચ વર્તમાનમાં કોઈ વાતે ખોટ્ય ન હોય અને ગમે તેવા વચનના ભીડામાં લઈએ અને એનું ગમતું મુકાવીને અમારા ગમતામાં રાખીએ તો ………..પણ કોઈ રીતે દેહ પર્યંત મૂંઝાય નહીં, એવો હોય તે પાકો સત્સંગી છે…………. અને એવા હરિભક્ત ઉપર અમારે વગર કર્યું સહજે જ હેત થાય છે. અને એવા ગુણ ન હોય તો હેત કરવા જાઈએ તોય પણ હેત થાય નહીં…………….. અને અમારી તો એ જ પ્રકૃતિ છે જે, જેના હૃદયમાં ભગવાનની એવી પરિપૂર્ણ ભક્તિ હોય તે ઉપર જ હેત થાય છે………….”

———————————-

ભગવાન શ્રી સ્વામિનારાયણ- ગઢડા પ્રથમ-૭૬

સત્સંગી…અને એ યે પાકો સત્સંગી એટલે શું?? પાકો સત્સંગી કોણ? એનો ઉત્તર ઉપર શ્રીજી કહે છે એમ છે. ભક્તિ કરતા સુખ અને દુખ ની દુન્યવી વ્યાખ્યાઓ સહેજે ટળી જાય છે અને એક શાશ્વત..અખંડ સુખ નો અનુભવ થાય છે. પણ એ માટે સત્સંગ જીવમાં દ્રઢ કરવો પડે….એમ સમજવું પડે કે- સુખ આવે કે દુખ….”દાસ ના દુશ્મન હરિ કોઈ દી હોય નહિ…..અને એ જે કરતા હશે તે સારું જ કરતા હશે..” એમ સર્વ કર્તાહર્તા નો ભાવ દ્રઢ થાય તો જીવ મૂંઝાય નહિ…જીવ પોતાનું મનગમતું મૂકી ને- સત્પુરુષ-શ્રીજી ના રાજીપા પ્રમાણે જ જીવે…….અને એવા જીવ ને સાચો સત્સંગી કહેવાય ..પાકો સત્સંગી કહેવાય અને એના પર જ જગત નો નાથ રીઝે…!!! તો આજની સભા આ બ્રહ્મસત્ય પર હતી……સ્થિતપ્રજ્ઞતા પર હતી…!

સભામાં સ્થાન ગ્રહણ કર્યું એ પહેલા હમેંશ ની જેમ શ્રીજી ના મનમોહક દર્શન હૃદયભરી ને કરવા માં આવ્યા…..એમાં યે ઘનશ્યામ મહારાજ ના ગળા માં ઝૂલતી કાજુ-બદામ ની આકર્ષક માળા એ ચિત્ત ચોરી લીધું..!

16806870_670298743158301_6972863743150136919_n.jpg

સભામાં શરૂઆત- પુ.વિવેક મુની સ્વામી અને યુવકો દ્વારા સ્વામિનારાયણ મહામંત્ર ની ધુન્ય થી થઇ..ત્યારબાદ એ જ સંત ના મુખે બે કીર્તન સાંભળવા નો મોકો મળ્યો…..

  • તારી મૂર્તિ છે જો ..નેણું નો શણગાર………રચયિતા-બ્રહ્માનંદ સ્વામી
  • આજની ઘડી રે ધન્ય આજની ઘડી…..રચયિતા- લાડુ દાન ગઢવી( બ્રહ્માનંદ સ્વામી)

ત્યારબાદ- પ્રગટ અક્ષરબ્રહ્મ મહંત સ્વામી મહારાજ ના બીજી ફેબ્રુઆરી ના રોજ- ગઢડા-પાળીયાદ ના વિચરણ ના વિડીયો દર્શન નો લાભ મળ્યો……સ્વામીશ્રી નું નિર્માની પણું..અતુલ્ય સાધુતા નું તેજ ઝળહળતું દેખાય છે. નીચેની લિંક પર થી એના દર્શન આપણે કરી શકશું……

 

ત્યારબાદ- આપણી સંસ્થા ના વિદ્વાન સંત પુ.યજ્ઞપ્રિય સ્વામી ના મુખે- ગઢડા પ્રથમ-૭૬ ના સાર પર આધારિત અદભુત પ્રવચન નો લાભ મળ્યો……જોઈએ સારાંશ…..

  • શ્રીજી મહારાજ ના પરમહંસ સંતો એક એક અવતાર જેટલું સામર્થ્ય..ઐશ્વર્ય ધરાવતા હતા છતાં એમણે શ્રીજી ની આકરી કસોટીઓ માં પણ પોતાની જાત ને હોમી- અનેક અસહ્ય કષ્ટ..અપમાન સહન કર્યા છતાં શ્રીજી ને છોડ્યા નહિ……કારણ?? ભગવાન માં દ્રઢ હેત..શ્રીજી ના રાજીપા નો…પોતાના જીવ ના કલ્યાણ નો ખપ…! સદ્ગુરુ મુક્તાનંદ સ્વામી ને શ્રીજી એ દર્શન ન આપ્યા ત્યારે ગાઈ ઉઠ્યા…..” બાલ સનેહી રે મોહન મુજ ને ગમતા..” ..તો બ્રહ્માનંદ સ્વામી ને દર્શન નો લાભ ન મળ્યો તો શ્રીજી ને રીઝવવા કીર્તન રચ્યું….”સુનો ચતુર સુજાન…..”…જેનો એક એક શબ્દ એ વાત નો દ્યોતક છે કે…આવા મહા સમર્થ ..વિધવાન સદ્ગુરુઓ ઓ ને પોતાના નાથમાં કેવો દ્રઢ ભાવ છે..!
  • જેટલા લૌકિક સુખ માટે જીવ ઉદ્યમ કરે છે…તેટલો ઉદ્યમ જો પોતાના જીવ ને ભગવાન માં જોડવા માટે કરે….તેના કલ્યાણ માટે કરે તો બાકી શું રહે???
  • ભક્તરાજ દાદા ખાચર જેવી ભક્તિ..નિષ્ઠા….શ્રીજી પર હેત…..જો આપણા મા પણ હોય તો- કલ્યાણ માં ખોટ ન આવે….પણ અહી મોક્ષ માંગે છે કોણ??
  • સત્સંગ માં પોતાના પાયા સ્થિર રાખવા…..દાસાનુદાસ રહેવું…..એકબીજામાં સદભાવ….સંપ….સુહાર્દ ભાવ રાખવા…..મનગમતું મૂકી…શ્રીજી અને સત્પુરુષ કહે તેમ કરવું……!

એટલા માટે તો નિષ્કુળાનંદ સ્વામી કહે છે કે…. સખી મેલી દે મનના મરોડને,

એવો આમળો રે, કરે કેને જો કાજ કે…….! જો એમ થાય તો સમજવું કે શ્રીજી ને રાજી કરવાનો માર્ગ મળી ગયો છે…..

અદભુત……!

ત્યારબાદ પુ. મુકુંદ્ચરણ સ્વામી જેવા અત્યંત તેજસ્વી અને પૂર્વાશ્રમ ના ડોક્ટર સંત ની કલમેં રચાયેલું પુસ્તક “શાકાહાર” વિષે વક્તા દ્વારા અદભુત માહિતી મળી. માત્ર ૧૫ રૂપિયા ના આ પુસ્તક માં – શું ખાવું? કેમ ખાવું?….અને આહાર ના વિજ્ઞાન અને અધ્યાત્મ સાથે ના સંબંધ વિષે ની રસપ્રદ માહિતી મળી શકે. આપણી યોગીજી મહારાજ હોસ્પિટલ ના નિષ્ણાત બાળકો ના ડોક્ટર શ્રી હિરેન ભાઈ મોદી એ નાના બાળકો ના આહાર પર ખુબ જ રસપ્રદ માહિતી આપી. લગભગ બે વર્ષ સુધી- માતા નું દૂધ આપવા ના નિયમ થી બાળકો માં શું સકારાત્મક પરિણામ મળે છે…..બહાર ના ખાણીપીણી કરતા ઘર ના પૌષ્ટિક આહાર થી બાળકો ના વિકાસ માં કેટલી મદદ મળે છે…તેના પર રસપ્રદ પ્રવચન થયું…..! ખરેખર આટલું સમજાય તો એ..આપણા બાળકો..આપણું ભવિષ્ય સલામત અને સ્વસ્થ..તંદુરસ્ત રહે…..! બ્રહ્મસ્વરૂપ પ્રમુખ સ્વામી મહારાજ ખરેખર સાચું જ કહેતા કે ૪ “ભ” હમેંશા આપણે પોતાના જ રાખવા….”- ભાષા…ભૂષા…ભોજન અને ભજન….” !

ત્યારબાદ પ.ભ. કલ્પેશભાઈ ભટ્ટ કે જે- હાલ હાર્વર્ડ યુનીવર્સીટી અને કેનેડા ની ટોરેન્ટો યુનીવર્સીટી માં ચાલતા ડોકટરલ સ્ટડી “ સત્સંગ સમજણ અને તેની પ્રભાવાત્મક અસર” પર ખુબ બહોળો અને ઊંડો અભ્યાસ કરી રહ્યા છે –તેમણે આવતા રવિવારે રવિસભામાં કરાવનારા અધ્યાત્મિક સર્વે પર ખુબ રસપ્રદ માહિતી આપી….! આવતા રવિવારે અચૂક રવિસભામાં હાજર રહેવું……અને સાથે બ્લેક શાહી વાળી પેન-પેડ લઇ ને આવવું….જેથી ભારત ભર ના ૨૦ જેટલા સેન્ટર પર થનારા આ ઐતિહાસિક અભ્યાસ નો હિસ્સો બનવા નો મોકો મળે…..!

સભાને અંતે નાદુરસ્ત સ્વાસ્થ્ય ને લીધે નો લાભ આપતા કહ્યું કે –આ સંસાર સો કરોડ મણ સુતર ની આંટી જેવો છે…..અને એ ગુચ માં બહાર  નીકળવા નો ઉપાય એક ભગવાન જ છે….અને ભગવાન ને રાજી  કર્યા નો ઉપાય છે……સંપ..નિત્ય સત્સંગ….દાસાનુદાસ…ગુણગ્રાહક દ્રષ્ટિ…..અને દ્રઢ નિયમ ધર્મ……! ત્યારબાદ પુ. ડોક્ટર સ્વામી એ માહિતી આપતા કહ્યું કે- અમદાવાદ ખાતે પુ. હરિવત્સલ સ્વામી ધામ માં ગયા . યોગીબાપા એ ગઢડા ખાતે ૫૧ સંતો ને દીક્ષા આપી-એમાં ના એક સાધુ હતા…જે પૂર્વાશ્રમ માં મુંબઈ – ગોદરેજ કંપની માં નોકરી કરતા હતા….અને સાધુ થયા બાદ ભારતભર માં તેમણે વિવિધ મંદિરો માં સેવા આપી હતી……વચનામૃત ને મરાઠી માં ભાષાંતર કરવામાં પણ એમનો સિંહ ફાળો હતો…………તેમના આત્મા ને શ્રીજી પોતાનું સુખ આપે…..તેમના જેવી જ નિષ્ઠા આપણા માં પણ આવે એ માટે શ્રીજી ને પ્રાર્થના…!

તો આજની સભા સાચા..પાકા સત્સંગી બનવા પર હતી…અને જે જે એ માર્ગ પર ચાલ્યા છે…તેમને વધાવવા ની…તેમનામાં થી કૈંક શીખવા ની હતી……..!

જીવન માં આખરે – મન ના મરોડ ને છોડી ને એક શ્રીજી ને રાજી કરવા નું જ ધ્યેય રાખવું………..અંતે તો સુખ …સાચું સુખ…અખંડ સુખ તો ત્યાં જ છે……….!

જય સ્વામિનારાયણ……..

રાજ


1 Comment

BAPS ગુરુહરિ જન્મોત્સવ સભા- ૨૪/૯/૨૦૧૬

 

શોભે સૌમ્ય મુખારવિંદ હસતું, નેણે અમી વર્ષતા ,

વાણી છે મહિમાભરી મૃદુ વળી, હૈયે હરિ ધારતા….

યોગીરાજ ..પ્રમુખજી હૃદય થી જેના ગુણે રીઝતા ,

વંદુ સંત મહંત સ્વામી ગુરુ ને કલ્યાણકારી સદા……

ઉપરોક્ત હૃદયસ્પર્શી સ્તુતિ , પુ.કોઠારી ભક્તિપ્રિય સ્વામી એ ૨૦૧૨ માં લખેલી અને પોતાની ગૌમુખી માં સાચવી રાખેલી. પ.પુ.પ્રમુખ સ્વામી મહારાજ ના સ્વધામ ગમન બાદ, સારંગપુર માં પુ.નારાયણ મુની સ્વામી ને આ સ્તુતિ આપી ને મહિમા વર્ણવ્યો..! અદ્ભુત….સદાયે ધીર ગંભીર…તેજસ્વી પણ સૌમ્ય મુખારવિંદ ધરાવતા પ્રગટ અક્ષરબ્રહ્મ મહંત સ્વામી મહારાજ નો- ગુરુ પદે આવ્યા પછીનો આજે પ્રથમ જન્મોત્સવ આપણા દરેક મંદિરે..સાદગી અને મહિમા સાથે …પ્રમુખ સ્મૃતિ ના અમૃત સાથે ઉજવવામાં આવ્યો. આજે સવારે જ બોચાસણ ખાતે લગભગ ૩૦ હજાર જેટલા હરિભક્તો ની હાજરી માં ..મહંત સ્વામી મહારાજે પોતાનો જન્મોત્સવ ઉજવ્યો….તો સાંજે શાહીબાગ મંદિરે લગભગ ૧૨-૧૫ હજાર હરિભક્તો ની હાજરી માં આ ઉત્સવ ઉજવાયો……!! સ્વામીશ્રી ની આજ્ઞા મુજબ- સાદગી સાથે –પ્રમુખ સ્વામી મહારાજ ની વિશેષ સ્મૃતિ સાથે આ ઉત્સવ ઉજવવાનો હતો…..અને એ પ્રમાણે જ ઉજવાયો….જોઈએ સારાંશ..

સભાનો સમય ૭-૩૦ સાંજ નો હતો પણ હરિભક્તો ૬ વાગ્યા ના જ સભામાં ગોઠવાઈ ગયા…ઉપર નો- નીચે નો બંને સભા ગૃહ ખીચોખીચ ભરેલા હતા……આથી સભા ૭-૩૦ ને બદલે ૭-૧૫ જ શરુ થઇ ગઈ…..

14390675_1101849806519653_4861298919010455395_n

પુ.શુભકીર્તન સ્વામી ના મજબુત અવાજ માં સ્વામિનારાયણ મહામંત્ર ની ધુન્ય માં સૌ કોઈ જોડાયા….ત્યારબાદ તેમના જ સ્વરે..” આનંદ વધામણા હો…સ્વામી ને હર્ષે વધાવીએ..’ રજુ થયું….વિવેક્મુની સ્વામી એ “ પ્રમુખ સ્વામી રે તમારું..નવખંડ માં નામ ઘરેઘર ગવાય છે…” રજુ થયું……! અદ્ભુત…..અદ્ભુત…! ત્યારબાદ સભા નું સંચાલન કરતા પ્રવક્તા ભાઈ એ –આપણા ગુણાતીત ગુરુઓ ની એકતા નો પુરાવો આપતા પોતાનો જ અનુભવ કહ્યો. બેંક માં નોકરી કરતા હતા એ સમયે એમની ટ્રાન્સફર નાસિક પાસે-આદિવાસી પછાત વિસ્તાર વિક્રમ ગઢ માં થઇ…ત્યાં જવાની એમની ઈચ્છા હતી નહિ કારણ કે માત્ર બે વર્ષ એમની નિવૃત્તિ માં બાકી હતા…છતાં તેમણે નિર્ણય લેતા પહેલા પુ.મહંત સ્વામી ને એ સમયે પત્ર લખ્યો તો ઉત્તર માં સ્વામીશ્રી એ કહ્યું કે- વિક્રમગઢ જવું….સત્સંગ ફેલાવવો……અને પરિણામ….બે વરસ પછી એ વિક્રમગઢ થી પરત આવ્યા ત્યારે ત્યાં લગભગ ૩૫ જેટલા પરિવાર સત્સંગી થયા…….!! જેવી પ્રમુખ સ્વામી મહારાજ ની સત્સંગ વધારવા ની ખેવના હતી…તેવી ને તેવી જ મહંત સ્વામી મહારાજ માં દેખાય છે..!!! અદ્ભુત એકતા…!

ત્યારબાદ સ્વયમ મહંત સ્વામી મહારાજ ના મુખે- પ્રમુખ સ્વામી મહારાજ ના દિવ્ય ગુણ ને વર્ણવતો એક વિડીયો રજુ થયો…૧૯૭૪ માં બાપા પ્રથમ વાર આફ્રિકા ગયા અને “લીલા તોરણે” પાછા આવ્યા…અને પછી બાપા એ ગઢડા પ્રથમ-૭૪ ને આધારે જે –ચરિત્ર- ભગવાન ના સર્વ કર્તાહર્તા પણા નું દર્શાવ્યું…..તે અદ્ભુત હતું….તેની વાત મહંત સ્વામી મહારાજે કહી..! ભગવાન ને સર્વ કર્તાહર્તા કહી દેવા અઘરા છે..પણ એ પ્રમાણે માની ને જીવવું-અતિશય કઠીન…..! પ્રમુખ સ્વામી મહારાજે આ કરી દેખાડ્યું…!

ત્યારબાદ પુ.ધર્મતિલક સ્વામી ના મુખે..” પ્રમુખ સ્વામી મહારાજ ની ભગવાન ના સર્વ કર્તાહર્તા ની ભાવના” પર અદ્ભુત ઉદાહરણ( સુરત માં સ્વામી ને પેસમેકર મુકવા નો પ્રસંગ..વગેરે) દ્વારા સમજ્વ્યું કે- સ્વામી ને મન- એક ભગવાન નું ધાર્યું જ થાય છે…..હમેંશા સાક્ષી ભવ..નિમિત્ત ભાવ રાખવો….જે પણ કઈ સારું થાય છે..એ ભગવાન ની મરજી..ગુરુ ની કૃપા..સંકલ્પ થી જ થાય છે..એ ગુણ સદાયે સ્વામીશ્રી ના જીવન માં રહ્યા છે…

પછી પ્રમુખ સ્વામી મહારાજ ની ઉપકાર વર્ષા – દર્શાવતો અદ્ભુત વિડીયો રજુ થયો…….!! અને પછી પ્રગટ ગુરુહરિ મહંત સ્વામી ના મુખે- સ્વામીશ્રી ના દિવ્ય ગુણ પર – વિડીયો દર્શન નો લાભ મળ્યો…..મહંત સ્વામી એ કહ્યું કે એ જયારે યુવક માં હતા અને અમદાવાદ –આંબલીવાળી પોળ માં બાપા સાથે રોકાયા હતા….બાપા પોતે રસોઈ બનાવે….પોતાના ભાગ ની રોટલી પણ મહંત સ્વામી ને આપી દેતા…પોતે જે વધે એ ખાઈ ને ચલાવતા……..! અદ્ભુત ગુણ…..! પોતાના શિષ્ય નો હાથ પકડી..પોતાના થી આગળ કરે એ જ સદ્ગુરુ..!!…

ત્યારબાદ પુ.દિવ્યકિશોર સ્વામી એ “ પ્રમુખ સ્વામી મહારાજ નું વાત્સલ્ય” પર મનોનીય પ્રવચન આપતા કહ્યું કે….વાત્સલ્ય એ પ્રવચન નો વિષય નથી પણ લાખો ની અનુભૂતિ નો સાક્ષાત્કાર છે. જે બધાએ અનુભવ્યું છે….

  • ગોંડલ માં ,૧૯૮૪ ની સાલ માં સંતો ને –સ્વામીએ કહ્યું કે- તમે બધા ભગવાન માટે પોતાનું ઘરબાર છોડી ને આવ્યા છો..તો અમને મન માં એક વિચાર સદાયે રહે છે..કે તમને કેમ આગળ કરું…!
  • દિલ્હી અક્ષરધામ ની સેવામાં આવેલા ગરીબ હરિભક્તો માટે સંતો ને સુચના આપતા કહ્યું કે- એમની સગવડ..આવવા-જવાનું…આજુબાજુ ના યાત્રાધામ દર્શન નું સાચવવું….એમની સેવા સફળ થવી જોઈએ…
  • તો ઉકાઈ ના આદિવાસી બાળકો માટે શુદ્ધ..તાજા દૂધ ની વ્યવસ્થા સ્વામી એ કરાવી….અરે..એમના ગરમ ધાબળા બાળકો ની કોમલ ત્વચા ને છોલી ન નાખે..એ માટે એને બદલવાનું પણ સ્વામીશ્રી એ સુચન કર્યું…..
  • એટલા માટે જ પ્રધાનમંત્રી નરેન્દ્ર મોદી- સ્વામીશ્રી ને શ્રદ્ધાંજલિ આપતા બોલી ઉઠ્યા કે મેં મારા પિતા ગુમાવ્યા નો શોક અનુભવાય છે…….!! કેટલું બધું વાત્સલ્ય…..ઝીણવટતા…..!
  • આમ, સત્પુરુષ માં હેત ની અભિવ્યક્તિ ..સ્વરૂપ મુજબ બદલાતી રહે..પણ હેત તો તેનું તે જ રહે…એમ..એ જ હેત- આજે મહંત સ્વામી મહારાજ માં સ્પષ્ટ દેખાય છે…..!

ત્યારબાદ પરમ પૂજ્ય મહંત સ્વામી મહારાજે પોતાના વિડીયો પ્રવચન માં કહ્યું કે- પ્રમુખ સ્વામી મહારાજે જે ભીડો વેઠ્યો છે..એ કદાચ કોઈ વેઠી શકશે નહિ….! એક પ્રસંગ માં- બામણગામ માં..ઊંચા ટેકરાઓ…તે પણ ખરી ગરમી માં – ખુંદતા અને વિચરણ કરતા સ્વામી ને જોઈ- મહંત સ્વામી ને પ્રશ્ન થયો કે- સ્વામી આટલો બધો ભીડો કેમ વેઠે છે??? અંતર્યામી પણે પ્રમુખ સ્વામી મહારાજે આ પારખી લીધું અને હસતા હસતા બોલ્યા કે- અહી ઘરેઘર આપણા ગુરુ યોગીજી મહારાજે પધરામણી ઓ કરી છે…..બધા ઘર પ્રસાદી ના છે… ! અદ્ભુત….ગુરુ ના મહિમા માટે આટલો બધો ભીડો…!!!!

પછી- એ જ ભીડા ના ગુણ પર- વિડીયો કીર્તન….”ભલું કરવા હમેંશા બીજા નું..” રજુ થયો……અદ્ભુત વિડીયો….!!!!

પુ.યજ્ઞપ્રિય સ્વામી એ “સ્વામી શ્રી એ વેઠેલો દૈહિક..માનસિક ભીડો” વિષય પર સભાને –સ્વામીશ્રી ના વિવિધ પ્રસંગો દ્વારા અદ્ભુત સ્મૃતિ કરાવી…….જોઈએ સારાંશ….

  • બ્રહ્મસ્વરૂપ શાસ્ત્રીજી મહારાજ ને પ્રમુખ વરણી દિન ને દિવસ આપેલું વચન કે- સંસ્થા ના વિકાસ માં મારા દેહ ને પણ ગણીશ નહિ..- એ શબ્દસહ સ્વામી એ નિભાવ્યું છે…..
  • લીમડી-પાસે ખારવા ગામ અને અન્ય નજીક ના પથરાળ ગામો માં – સ્વામીશ્રી એ ટ્રેક્ટર ની ટ્રોલી માં બેસી ને ૪૫ કિમી સુધી નું વિચરણ કર્યું છે…! કેટલો ભયંકર ભીડો…કે જેની કલ્પના માત્ર થી પીચોટી ખસી જાય…શરીર ના સાંધા ઢીલા પડી જાય એવા પથરાળ માર્ગો પર..એ પણ કુદકા મારતી ટ્રેક્ટર ટ્રોલીમાં…!!…..અકલ્પનીય…..ભીડો..!
  • એ જ ગામડા ઓ માં- સ્વામીશ્રી ને પગે ગુમડું થયું હતું…ચાલવામાં મુશ્કેલી હતી..છતાં એક જ દિવસ માં ૬૦-૬૦ પધરામણી ઓ એવી અવસ્થામાં કરેલી…! કોના માટે?? કેવળ હરિભક્તો ને રાજી કરવા…
  • વાસદ માં ૧૦૨ ડીગ્રી તાવ…નિર્જળા ઉપવાસ..વૈશાખ નો બળબળતો તાપ…જેમાં આપણે ઘર ની બહાર પગ મુકવાનું ન વિચારીએ –એવી સ્થિતિ માં સ્વામી એ ૧૧૨ જેટલી પધરામણીઓ કરેલી….! કોઈ દિવસ..પોતાના દેહ ના સુખનું…કે સગવડ નું સ્વામી એ વિચાર્યું નથી……અરે..સામે થી કેવળ ભક્તો ને રાજી કરવા –અગવડ પણ માંગી લીધી છે……..જેવુતેવું ચલાવી લીધું છે…..

અદ્ભુત…અદ્ભુત……! આવા ગુણાતીત ગુરુ..કે જેમાં ભગવાન સાક્ષાત છે…સર્વ સમર્થ છે…છતાં કેવળ અને કેવળ આપણા સુખ માટે આવો અસહ્ય ભીડો વેઠે…….એના માટે શું ન થાય??? આજે પુ.મહંત સ્વામી મહારાજ નો ભીડો…દેહ…વિચરણ….જુઓ…! આપણા ગુણાતીત ગુરુઓ ની સ્થિતિ સમજાશે…!

ત્યારબાદ પ્રમુખ સ્વામી મહારાજ ના સ્વધામ ગમન બાદ- સારંગપુર ખાતે –ભરી સભામાં પુ.ડોક્ટર સ્વામી અને પુ.ઈશ્વર ચરણ સ્વામી દ્વારા- પ્રમુખ સ્વામી એ પોતાના ઉત્તરાધિકારી તરીકે પરમ પૂજ્ય મહંત સ્વામી ની નિમણુક કરી..એ વિડીયો દર્શન નો લાભ સભા ને મળ્યો…! ગુણાતીત જ ગુણાતીત ની ઓળખાણ કરાવી શકે……..અને એટલે જ મહંત સ્વામી રૂપે જ પ્રમુખ સ્વામી મહારાજ આપણ ને પુન: મળ્યા છે……!

14494818_1101849789852988_623184772986922798_n

ગુણાતીત ની નમ્રતા….બોચાસણ આજે…..

ત્યારબાદ- સભાને અંતે- પ્રમુખ સ્વામી મહારાજ ની દિવ્ય વાણી નો લાભ સભાને મળ્યો…..એક ભગવાન જ સર્વ કર્તાહર્તા છે…એમની મરજી વિના કોઇથી એક સુકું પાંદડું પણ હાલી શકતું નથી……બસ આપણે અહં છોડી- ભગવાન ની શકતી..મહિમા ને જાણવા નો છે..સમજવાનો છે…….! અને પરમ પૂજ્ય મહંત સ્વામી મહારાજે ૧૩/૯ ના રોજ મુંબઈ માં આપેલા પ્રવચન ના દર્શન થયા…….એમણે કહ્યું કે- ગુરુ તો સદાયે આગળ જ છે..આગળ જ રહેવાના…..એ જ આપણું કલ્યાણ કરશે…બધું એમના પર છોડી હળવા ફૂલ થઇ જવું…! સત્સંગમાં બીજાના ગુણ જુએ…પોતાના દોષ જુએ..એ જ દાસ….અને જે દાસાનુદાસ થાય તેને જ સત્સંગ નું સુખ આવે……..! આપણે તો એમને ગમે તે જ કરવું..!

અદ્ભુત…..અદ્ભુત….! સભાને અંતે જાહેરાત થઇ….

  • આવતીકાલ ની રવિસભા નથી….
  • પ.પુ.મહંત સ્વામી મહારાજ ના ફોટા…નીત્યપૂજા ની મૂર્તિઓ આવી ગઈ છે…….
  • પુરુષોત્તમ બોલ્યા પ્રીતે- હવે પેનડ્રાઈવ….મેમરી કાર્ડ સ્વરૂપે ઉપલબ્ધ છે………..

પુષ્પાંજલિ બાદ સભામાં હાજર તમામ હરિભક્તો ને નિયમ મુજબ – ગરમાગરમ ખીચડી ના ડબ્બા…છાસ ની બોટલ- પ્રસાદી માં આપવામાં આવી………!

આપણે તો આજની જન્મજયંતી-સ્મૃતિ સભામાં થી એટલું જ શીખવાનું કે……..ગુણાતીત પુરુષ સદાયે પ્રગટ છે…..એમના જે ગુણે સ્વયમ ગિરધારી રીઝે છે..એ જ ગુણ આપણા જીવનમાં આવે…..એ જેમ રાજી થાય એમ જ આપણે જીવીએ…….એ જ આ જીવન ની સફળતા……!  આખરે સત્પુરુષ ..એ જ આપણા મોક્ષદાતા છે………! એમના ચરણો માં આવા અનંત જન્મો અર્પણ કરીએ તો એ ઓછા છે……..

રાજી રહેજો…

જય સ્વામિનારાયણ…….

રાજ


1 Comment

BAPS રવિસભા – ૨૬/૦૬/૨૦૧૬

જે ભગવાનના ભક્તને સત્-અસત્‌નો વિવેક હોય તે તો જે જે અવગુણ પોતામાં હોય તેને જાણે અને વિચારીને તેનો ત્યાગ કરી દે…...…. અને સંતમાં અથવા કોઈ સત્સંગીમાં કાંઈક અવગુણ પોતાને ભાસતો હોય તો તેને ત્યાગ કરી દે અને તેના જે ગુણ તેનું જ ગ્રહણ કરે……….. અને પરમેશ્વરને વિષે તો તેને કોઈ અવગુણ ભાસે જ નહીં………

…………..અને ભગવાન અને સંત તે જે જે વચન કહે તેને પરમ સત્ય કરીને માને, પણ તે વચનને વિશે સંશય કરે નહીં. અને સંત કહે જે, ‘તું દેહ, ઇન્દ્રિય, મન, પ્રાણથી જુદો છું અને સત્ય છું અને એનો જાણનારો છું, અને દેહાદિક સર્વે અસત્ય છે,’ એમ વચન કહે તેને સત્ય માનીને તે સર્વથી જુદો આત્મારૂપે વર્તે………… પણ મનના ઘાટ ભેળો ભળી જાય નહીં. અને જેણે કરીને પોતાને બંધન થાય અને પોતાને એકાંતિક ધર્મમાં ખોટ્ય આવે એવા જે પદાર્થ તથા કુસંગ તેને ઓળખી રાખે…..………. અને તેથી છેટે જ રહે અને તેના બંધનમાં આવે નહીં. અને સવળો વિચાર હોય તેને ગ્રહણ કરે……….. અને અવળો વિચાર હોય તેનો ત્યાગ કરે………………. એવી રીતે જે વર્તતો હોય ત્યારે જાણીએ જે, તેને વિવેક છે.”


ભગવાન શ્રી સ્વામિનારાયણ-વચનામૃતમ-ગઢડા પ્રથમ-૧૬

સત્સંગમાં  સત-અસત …સારું  શું..ખોટું  શું….એનો  વિવેક અનિવાર્ય  છે. જો એ  ન હોય તો જીવ પોતાના સ્વભાવ પ્રમાણે  જ વર્તે છે અને સત્સંગમાં થી પડી જાય છે…..એ માટે શ્રીજી કહે છે એમ- દ્રઢ ઉપાસના,આજ્ઞા,ધર્મ,સાંખ્ય ગુણ ગ્રાહક દ્રષ્ટિ ..સકારાત્મક વલણ -સત્સંગમાં આગળ વધવા માટે અનિવાર્ય છે….આજની સભા આ વાત પર હતી…..

મેઘરાજા સંતાકુકડી રમી રહ્યા છે અને અમદાવાદીઓ તીખી નજરે આકાશ સામે જોઈ નિસાસા નાખી રહ્યા છે..પણ સત્સંગમાં ઓછપ આવી નથી…અમે સભામાં પહોંચ્યા ત્યારે ભીડ હમેંશ ની જેમ યથાવત હતી…..સર્વપ્રથમ મનમોહન ની અતિ મનમોહક મૂર્તિ….ના મનભરી ને દર્શન….

13439168_564363973751779_378600078767369986_n

સભામાં શરૂઆત અમેરિકાથી આવેલા પાર્થ પ્રણવ પરીખ નામના યુવાન ના સ્વર થી થઇ….સેન્ટ લુઇસ માં રહેતા આ યુવાન પોતાના રૂટીન અભ્યાસ ની સાથોસાથ ભારતીય સંગીત નો પણ અભ્યાસ કરી રહ્યા છે જેનો ભક્તિસભર લાભ આજની સભાને એમના બે કીર્તન- ” જોઇને નેણા લોભાણા …જોઇને મૂર્તિ મનોહર શ્યામ….” બ્રહ્માનંદ સ્વામી ની આ રચના એક સોફ્ટ ..સહજ સ્વરમાં રેલાતી ગઈ….અને ત્યારબાદ  “સ્વામી જીવન મંગલ થાજો…..” એ જ મુલાયમ..ઘૂંટાયેલા સ્વર માં સભાને સ્થિર કરતુ ગયું…….!

ત્યારબાદ સ્વામીશ્રી ના ૨૦૧૨ ના ઓગસ્ટ માસ- ના અમદાવાદ ખાતે ના વિચરણ ના  વિડીયો દર્શન થયા…….ઝરમર વરસતા મેહુલા વચ્ચે સ્વામી ની કરુણા જે અપરંપાર વરસી રહી હતી…..તે અદ્ભુત હતી…..

ત્યારબાદ પુ.યજ્ઞપ્રિય સ્વામી જેવા વિદ્વાન…અનુભવી સંત દ્વારા ગઢડા પ્રથમ-૧૬-વિવેકનું- વચનામૃત પર રસપ્રદ ઉદાહરણ સાથે અદ્ભુત છણાવટ થઇ……જોઈએ સારાંશ….

  • બ્રહ્મસ્વરૂપ યોગીબાપા આ વચનામૃત વિષે કહેતા કે- આ એક વચનામૃત સમજાય તો બાકી ના બધા ૨૭૧ વચનામૃત સમજાઈ જાય……
  • મનુષ્ય ના ગુણ માં વિવેક ને ૧૦ મો નિધિ કહ્યો છે……
  • લૌકિક જગત માં તો વિવેક જરૂરી જ છે પણ અધ્યાત્મ માર્ગમાં – સત-અસત નો વિવેક હોય તો જ આગળ વધાય…..
  • કામ,ક્રોધ,લોભ,મોહ વગેરે દોષ સ્વભાવ સાથે જ વણાયેલા હોય છે….તેમને ઓળખી રાખવા…સતત જાણપણું રાખવું……..અને આ જાણ પણું રાખી ને વર્તવું- એટલે જ વિવેક…..
  • અવગુણ એવી ચીજ છે…જેને કેટલાક મનુષ્ય પોતાના માં હોય છતાં જાણતા નથી…કેટલાક જાણે છે તો એને  દુર કરી શકતા નથી….અને માત્ર અમુક જ એવા હોય છે…જે અવગુણ ને ઓળખીને ..તેને દુર કરવાના સતત પ્રયત્ન કરે છે…..
  • અવગુણ-સ્વભાવ -દોષ ટાળવા એ મોટું કાર્ય છે..અને એ માટે મોટા પ્રયત્ન ની જરૂર પડે…….શ્રીજી ના સમયના પરમ ચૈતન્યા નંદ સ્વામી નો દોષ માન હતો..એમને ખબર હતી પણ જાતે એ દુર ન કરી શક્યા  છેવટે ગઢડા માં  એમનું માન નું ખંડન થયું અને  એ માન નો ગુણ તો ગોપાળાનંદ સ્વામી ની વાત થી દુર થયો……..
  • સત્સંગમાં એક જ સોનેરી નિયમ- અવગુણ જોવા હોય તો પોતાના જોવા…અને ગુણ જોવા હોય તો અન્ય ના જોવા…..આપણા ગુણાતીત ગુરુઓ એ સમગ્ર જીવન આ જ કર્યું છે….
  • જે વ્યક્તિ અન્યમાં બસ અવગુણ જ જોયા કરે છે..એ પંચ મહાપાપી છે..એમ શ્રીજી એ કહ્યું છે……કારણ કે જો જીવ અન્યમાં અવગુણ જુએ તો એ અવગુણ એનામાં આવી ને વસે છે…….અને પોતે એવો જ મલીન થાય છે…
  • અને કોઈના અવગુણ ને “અવગુણ” સમજવામાં ઉતાવળ ન કરવી…….કારણ  કે  પ્રથમ નજરે અવગુણ લાગતા ગુણ કદાચ કોઈના ભલા માટે…સારા હેતુ માટે પણ હોઈ શકે……….દાખલા તરીકે- એકવાર યોગીજી મહારાજ ની હાજરી માં મહાપૂજા નો કાર્યક્રમ હતો..ગોર મહારાજ વિધિ કરાવતા હતા અને જયારે કોઈ પૂજા કરીને  એમને પગે લાગવા જાય એટલે એ બમણી દક્ષિણા મુકાવે….અમુક લોકો ને લાગ્યું કે ગોર લોભિયા છે…પણ જયારે બધું પૂરું થયું ત્યારે એ ગોર મહારાજે -બધી દક્ષિણા મંદિરમાં દાન કરી દીધી…!!!!!! હવે જો એમને લોભિયા સમજીને લોકો એ એમનું અપમાન કર્યું હોત તો..???? આમ, વ્યક્તિને ગુણ ને આધારે ઓળખવામાં ઉતાવળ ન કરવી…….
  • સત્સંગમાં – કુસંગ ને ઓળખી રાખવો…….અને કુસંગને ઓળખવામાં સત-અસત ના વિવેક ની જરૂર પડે…….સામેવાળા ના અવગુણ પોતાના માં ન પ્રવેશી જાય અને એનો કુ સંગ આપણ ને ન લાગી જાય -એ ધ્યાન સાથે વર્તવું……
  • આમ, વાણી-વર્તન-વિચાર-સમજણ  ના વિવેક ની સાથે સાથે સત-અસત નો વિવેક જો દ્રઢ થાય તો સત્સંગમાં આગળ વધતા કોઈ રોકી ન શકે….

અદ્ભુત……અદ્ભુત……!!!

ત્યારબાદ આપણા ભારત ના કેન્દ્રીય મંત્રી ( minister at Ministry of Science and Technology and Ministry of Earth Sciences) ડો. હર્ષ  વર્ધન એમની ધર્મપત્ની સાથે સારંગપુર સ્વામીશ્રી ના દર્શન જઈ  આવ્યા બાદ સભામાં અચાનક પધાર્યા…સાવ સાદગી પૂર્ણ રીતે એમણે સભાનો લાભ લીધો….પુ.ઈશ્વર ચરણ સ્વામી દ્વારા તેમનું જાહેરમાં સન્માન થયું .

પુ.ઈશ્વર ચરણ સ્વામી એ- સત્સંગમાં સત-અસત ના વિવેક ની વાત કરતા કહ્યું કે- વિવેક નો અર્થ જ આ થાય છે…સત અસત નો વિવેક…સત્સંગમાં સતત જાણ પણું…….નિરંતર પાછા વળી જોવું કે આપણે સત્સંગમાં શું કરવા આવ્યા હતા અને શું કરીએ છીએ??? સત્સંગ સાચો થયો છે કે નહિ?? એ નક્કી કરવાની નિશાની આ જ છે…….કારણ કે સત્સંગ માં સતત જાણ પણું હોય તો જ આગળ વધાય…ગુણગ્રાહક દ્રષ્ટિ એ માટે અનિવાર્ય છે……! સત્સંગમાં અન્યમાં દોષ હોઈ શકે…આપણા માં પણ હોય….કારણ કે આ સાધના ના માર્ગ છે……બ્રહ્મરૂપ ન થઇ એ ત્યાં સુધી દોષ તો રહેવાના જ….પણ એને ટાળવા નો સતત પ્રયત્ન કરવો…અન્ય ના દોષ જોવા નહિ…કહેવા નહિ….એ તો મહારાજ ધીરે ધીરે બધા દોષ ટાળી દેશે……

ખરેખર……ઉપરોક્ત વાતો નો એક એક શબ્દ દ્રઢ પણે મનાય અને જીવાય તો- અચૂક બ્રહ્મરૂપ થવાય એમાં કોઈ શક નથી……

સભામાં અંતે- બાળ મંડળ દ્વારા એક અદ્ભુત જાહેરાત થઇ…..આવનારા રવિવારે- ૩ જી જુલાઈ એ – વિશિષ્ટ બાળ દિન ઉજવવા માં આવશે- બાળકો દ્વારા નૃત્ય-સંવાદ -મનોરંજક-જ્ઞાન સભર પ્રોગ્રામ રજુ થશે…….સમય- રવીસભાનો જ છે……સર્વે એ અચૂક લાભ લેવો………….અમારો હરિ તો અત્યાર થી જ ઉત્સાહિત છે…!!!!! 🙂

તો આજની સભા સત્સંગમાં સતઅસત ના વિવેક ની…સતત જાણ પણા ની હતી…….જો આટલું થાય તો પણ જીવ પોતાના ગંતવ્ય…ને સ્પષ્ટ સમજે……એક હરિના રાજીપા અર્થે જ જીવે…..

સત્સંગ સમજવાની…જીવવા ની વાત છે…………

જય સ્વામિનારાયણ……”પ્રથમ શ્રીહરિ ને……” ચેષ્ટા ના પદ સાથે આજના દિવસ માટે નિવૃત થઈએ…..

રાજ

 


Leave a comment

BAPS રવિસભા-૨૩/૦૮/૨૦૧૫

“….પછી શ્રીજીમહારાજ બોલ્યા જે, “જેને ભગવાનની મૂર્તિ અંતરમાં અખંડ દેખાતી હોય તેણે પણ ભગવાને જે જે અવતારે કરીને જે જે સ્થાનકને વિષે જે જે લીલા કરી હોય તે સંભારી રાખવી. અને બ્રહ્મચારી, સાધુ તથા સત્સંગી તેની સાથે હેત રાખવું અને એ સર્વને સંભારી રાખવા………… તે શા સારુ જે, કદાપિ દેહ મૂક્યા સમે ભગવાનની મૂર્તિ ભૂલી જવાય તો પણ ભગવાને જે સ્થાનકને વિષે લીલા કરી હોય તે જો સાંભરી આવે અથવા સત્સંગી સાંભરી આવે અથવા બ્રહ્મચારી ને સાધુ સાંભરી આવે તો તેને યોગે કરીને ભગવાનની મૂર્તિ પણ સાંભરી આવે અને તે જીવ મોટી પદવીને પામે અને તેનું ઘણું રૂડું થાય…………. તે માટે અમે મોટા મોટા વિષ્ણુયાગ કરીએ છીએ તથા જન્માષ્ટમી અને એકાદશી આદિક વ્રતના વર્ષોવર્ષ ઉત્સવ કરીએ છીએ અને તેમાં બ્રહ્મચારી, સાધુ, સત્સંગીને ભેળા કરીએ છીએ. અને જો કોઈક પાપી જીવ હોય અને તેને પણ જો એમની અંતકાળે સ્મૃતિ થઈ આવે તો તેને ભગવાનના ધામની પ્રાપ્તિ થાય…….”

=========================

વચનામૃતમ-ગઢડા પ્રથમ-૩

૧૯ ડીસેમ્બર-૨૦૧૫ ના રોજ સારંગપુર મહાતીર્થ સ્થાને -અદ્ભુત ઉત્સવ આવી રહ્યો છે…..આપણા ગુરુહરિ પ.પૂ.પ્રમુખ સ્વામી મહારાજ નો જન્મજયંતી ઉત્સવ…….બ્રહ્મસ્વરૂપ યોગીજી મહારાજ ના શબ્દો મા……પ્રમુખ સ્વામી નો જન્મ જયંતી ઉત્સવ ફાસ્ફૂસ થી ન ઉજવવો…..ધામધૂમ થી ઉજવવો…..અને લગભગ ૮ વર્ષ પછી આપણા માટે ગુરુહરિ ને વધાવવા ની અમુલ્ય તક છે……તો ચાલો …જગત ની ચિંતા છોડી…સેવા માટે સારંગપુર નીકળો…….!!! આવો મોકો ફરી નહી મળે……..આ તો કલ્યાણ નો માર્ગ છે…..અક્ષરધામ પ્રાપ્તિ નું સાધન છે…….

તો આજ ની રવિસભા- શ્રાવણ માસ ની પારાયણ ની……..સત્પુરુષ ના મહિમા ને સમજવા ની…….શ્રીજી ના ચરિત્રો દ્વારા એમના મહિમા ને સમજવા ની હતી……..

સભાની શરૂઆત મા હમેંશા ની જેમ મારા વ્હાલા ના ….આપણા વ્હાલા ના હિંડોળે ઝૂલતા દર્શન……

11902402_458701644318013_6864987625213013490_n

શરૂઆત યુવકો દ્વારા સ્વામિનારાયણ ધુન્ય અને કીર્તન થી થઇ…….”ઝુલાવું પ્યારા હિંડોળે” પ્રેમાનંદ રચિત કીર્તન મિત્ર નીરજ વૈદ્ય ના કર્ણપ્રિય અવાજ મા અદ્ભુત હતું……..ત્યારબાદ પૂ.યજ્ઞપ્રિય સ્વામી દ્વારા શ્રીહરીલીલામૃતમ ( આચાર્ય શ્રી વિહારીલાલજી મહારાજ રચિત) ની પારાયણ ,યજમાનો દ્વારા પૂજા વિધિ-સંકલ્પ થી થઇ…….શ્રીજી મહારાજ ને -અમદાવાદ ના સુબા- વિઠોબા દ્વારા તેલ ના કુવા મા ફેંકી ને મારવા ના ષડયંત્ર ના પ્રકરણ નું પઠન કરતા સ્વામી એ કહ્યું કે……

  • જયારે જેતલપુર નો મહાયાગ શ્રીજી એ કર્યો -એ જોઈને વામ માર્ગી બાવા બળી ઉઠ્યા અને અમદાવાદ ના સુબા ને ઉશ્કેરી શ્રીજી ને મારી નાખવા નો પ્લાન કર્યો….પણ શ્રીજી તો સ્વયમ પૂર્ણ પુરુષોત્તમ- એમના આગળ સુબા ની બધી ચાલાકી ઓ નિષ્ફળ ગઈ……જ્યાં સુધી સુબો છે ત્યાં સુધી-શ્રીજી અમદાવાદ મા નહિ આવે- એવું કહી શ્રીજી ચાલી નીકળ્યા અને પછી નો ઇતિહાસ તો આપણે જાણીએ છીએ એમ- સુબા નું ટૂંક સમય મા પતન થયું અને અંગ્રેજો નું રાજ આવ્યું…..શ્રીજી એ ધામધૂમ થી અમદાવાદ મા પુનઃ પ્રવેશ કર્યો……
  • એમ શ્રીજી નું ધાર્યું થાય……..જગત ની કે આવા અસંખ્ય બ્રહ્માંડો ની પણ ભગવાન આગળ કોઈ વિસાત નથી……તો સુબો શું કરી શકે???
  • પણ ભગવાન નો અને સત્પુરુષ નો મહિમા- જગત ના સુખ મા મસ્ત….રચ્યા પચ્યા રહેતા જીવ ને સમજતો નથી…..
  • એક સત્પુરુષ જ જીવ  ને ભગવાન નો મહિમા જેવો છે એવો સમજાવી શકે…….
  • જેને ભગવાન નો દ્રઢ આશરો છે તે અંતર થી સદાયે નિર્ભય…..સુખી હોય છે……..ભલે ને ભગવાન કસની કરે……જીવ દ્રઢ ભાવે શ્રીજી નો આશ્રિત જ રહે છે…….એ જેમ કરે-એમાં જ સુખ સમજે છે…..

અદ્ભુત…….અદ્ભુત………………..! ત્યારબાદ આવનારી પારાયણ ની જાહેરાત થઈ…………અને સભા ને અંતે સ્વામી શ્રી ના વિચરણ નો વિડીયો દર્શન થયા…….

અદ્ભુત વાત બીજી એ હતી કે- પેરેલલ ચાલતી યુવક સભા મા આજે પ.ભ. કલ્પેશ ભાઈ ભટ્ટ નું પ્રવચન હતું………..જો કે અમને લાભ ન મળ્યો પણ -તેનું રેકોર્ડીંગ મળશે તો બધા સાથે ગુલાલ કરવા મા આવશે……જુઓ નીચેની લીંક…..!

(નીચેની લીંક છે- જે મોબાઈલ રેકોર્ડેડ હોવાથી ગુણવત્તા ઓછીવત્તી હોઈ શકે છે……)

http://chirb.it/nByh9r

રાજી રહેજો……..જય સ્વામિનારાયણ…….

રાજ