Raj Mistry's world

Me,my stories and world around….


Leave a comment

BAPS રવિસભા-૩/૦૩/૨૦૧૯

પછી શ્રીજીમહારાજે પ્રશ્ન પૂછ્યો જે,

“જગતને નાશવંત દેખે છે અને દેહને મૂકીને ચૈતન્ય જુદો થઈ જાય છે તેને પણ દેખે છે, તો પણ આ જીવને જગતનું પ્રધાનપણું હૃદયમાંથી મટતું નથી. અને પરમેશ્વરને સર્વ પ્રકારે સુખના સિંધુ જાણે છે તો પણ પરમેશ્વરમાં જીવનું ચિત્ત ચોંટતું નથી, તેમ સત્સંગ પણ એના હૃદયમાં મુખ્ય થતો નથી અને ધન, સ્ત્રીઆદિક જે સાંસારિક પદાર્થ તેમાંથી પ્રીતિ મટતી નથી. તેનું શું કારણ હશે?”

પછી મુક્તાનંદ સ્વામીએ કહ્યું જે,

“જીવના હૃદયમાં વૈરાગ્ય નથી તેણે કરીને જગતનું પ્રધાનપણું મટતું નથી ને ભગવાનમાં પ્રીતિ થતી નથી.”

પછી શ્રીજીમહારાજ બોલ્યા જે,

“વૈરાગ્યની ન્યૂનતા છે એ તો વાત સાચી; પણ અમને તો એમ ભાસે છે જે, જેને સત્સંગ થાતાં જેવું અંગ બંધાય જાય છે તેવું ને તેવું જ સદાય રહે છે પણ તે વિના બીજુ થતુ નથી…….તે વિભ્રાંતમાં જેવું અંગ બંધાય તેવું અંગ રહે છે. માટે જે સમજુ હોય તેને પોતાનું જે અંગ હોય તેને ઓળખી રાખ્યું જોઈએ; ….

શ્રીકૃષ્ણ ભગવાને ઉદ્ધવ પ્રત્યે એકાદશ સ્કંધમાં કહ્યું છે જે,

‘અષ્ટાંગયોગ તથા સાંખ્યવિચાર તથા શાસ્ત્રપઠન તથા તપ, ત્યાગ, યોગ, યજ્ઞ અને વ્રતાદિકે કરીને હું તેવો વશ થતો નથી જેવો સત્સંગે કરીને વશ થાઉં છું.’

પૂર્વજન્મનો સંસ્કાર હશે તે પણ સત્પુરુષને યોગે કરીને થયો હશે અને આજ પણ જેને સંસ્કાર થાય છે તે સત્પુરુષને યોગે કરીને જ થાય છે. માટે એવા સત્પુરુષનો સંગ પ્રાપ્ત થયો છે તો પણ જેને જેમ છે તેમ સમજાતું નથી તેને અતિશય મંદ-બુદ્ધિવાળો જાણવો.……..

બ્રહ્માદિકને પણ દુર્લભ એવો જે આ સત્સંગ તેમાં આવીને પરમેશ્વર વિના જેને બીજા પદાર્થમાં હેત રહે છે તેનું કારણ એ છે જે, જેવી એ જીવને પરોક્ષને વિષે પ્રતીતિ છે તેવી પ્રત્યક્ષને વિષે દ્રઢપણે પ્રતીતિ થતી નથી. તે શ્રુતિમાં કહ્યું છે જે,

‘જેવી પરોક્ષ દેવને વિષે જીવને પ્રતીતિ છે તેવી જો પ્રત્યક્ષ ગુરુરૂપ હરિને વિષે આવે, તો જેટલા અર્થ પ્રાપ્ત થવાના કહ્યા છે તેટલા સર્વે અર્થ તેને પ્રાપ્ત થાય છે. અને જ્યારે આવો સંત-સમાગમ પ્રાપ્ત થયો ત્યારે દેહ મૂકીને જેને પામવા હતા તે તો દેહ છતાં જ મળ્યા છે; માટે જેને પરમ પદ કહીએ, મોક્ષ કહીએ તેને છતે દેહે જ પામ્યો છે

—————————-

વચનામૃત ગઢડા અંત્ય ૨

દેહ અને આત્મા ને અલગ સમજવા….જગત અને તેનાં પદાર્થ નાશવંત છે…એમ સમજીએ તો જ સત્સંગ જીવ પર ચઢે છે…..અને સત્સંગ માં આવી ને આ જ કરવા નું છે……આજની સભા આ જ વચનામૃત પર હતી….

વસંત પંચમી પછી હજુ પણ ઉનાળા નાં પગરવ સંભળાયા નથી…… શિયાળા અને ઉનાળા ની વચ્ચે કમોસમી માવઠા વચ્ચે ફસાયેલા અમદાવાદ માં આજની સભા અધ્યાત્મિક જોશ થી ભરપૂર હતી….

સર્વ પ્રથમ મારા વ્હાલા નાં દર્શન….અંતર નાં ઉમંગ સહીત….

સભાની શરૂઆત- યુવક મિત્રો દ્રારા સ્વામિનારાયણ ધૂન ની રમઝટ થી થઈ….. અંતર નાં તાર એક હરિ માં સહેજે જોડાઇ ગયા….અને એ જ અંતર ના પુકાર સાથે એક યુવકે આચાર્ય મહારાજ શ્રી વિહારીલાલજી રચિત…’ હે હરિ હરિ…પ્રભુ કરુણા કરી…” કીર્તન રજુ કર્યું….ત્યારબાદ એક યુવકે ભૂમાનંદ સ્વામી રચિત” રસિયા વર સુંદર શ્યામ હસી ને બોલાવો રે…” કીર્તન રજુ કર્યું….! અદ્ભૂત કીર્તન…..!!! ત્યારબાદ પુ.દિવ્ય કિશોર સ્વામી નાં ઘૂંટાયેલ સ્વરે ” સાચે સાચું કહેશું રે…હરિ રાખે એમ રહેશું રે….”સદગુરૂ નિષ્કુળાનંદ સ્વામી રચિત કીર્તન રજુ થયુ…..સતપુરૂશ નાં મહિમા થકી અંતર માં હરી ને પામવા ની ઝંખના જાણે કે શબ્દ સ્વરે સભા માં છવાઈ ગઇ….!!!

ત્યારબાદ પુ. સ્વામીશ્રી નાં સાંકરી ખાતે નાં તા-૨૫-૨૬ ફેબ્રુઆરી નાં રોજ નાં દિવ્ય વિચરણ ના વિડીયો દર્શન નો લાભ મળ્યો…..જે નીચે ની લિંક પર થી આપણે જોઇ શકીશું…

અદ્ભૂત દર્શન……સાથીડા… મેરો નેહ નિભાવણા… બેકગ્રાઉન્ડ માં વાગતા પ્રેમ સખી નાં આ હૃદય ભીના કીર્તને ચક્ષુ નાં ખૂણા અશ્રુ ઓ થી ભરી દીધાં….!!!

આજે સભા માં , ખૂબ જ અનુભવી, વિદ્વાન, પ્રખર વક્તા અને સતત 40 વર્ષ સુધી બ્રહ્મ સ્વરુપ પ્રમુખ સ્વામી મહારાજ સાથે કપરું વિચરણ કર્યું છે…તેવા સદ. વિવેક સાગર સ્વામી હાજર હતાં …તેમણે ગ.અંત્ય ૨ વચનામૃત પર આધારિત અદ્ભૂત પ્રવચન કર્યું….જેનો માત્ર સારાંશ જ અહી જોશું..

  • બ્રહ્મ સ્વરુપ યોગીજી મહારાજ વચનામૃત નાં ભોમિયા હતાં….તેને સાક્ષાત જીવ્યા હતાં…એ સમયે એમણે સંતો ને સમગ્ર વચનામૃત નો મુખ પાઠ કરાવતા….
  • યૉગી બાપા ને ગ.અંત્ય 2, ભગતજી મહારાજ ને વરતલ-૧૬, શાસ્ત્રીજી મહારાજ ને ગ.મધ્ય ૭, પ્રમુખ સ્વામી ને અંત્ય-૭, મહંત સ્વામી ને અંત્ય ૫ નું વચનામૃત અતિ પ્રિય છે…
  • અંત્ય-૨ નાં વચનામૃત, માં જગત નાં નાશવંત પણા નો ઉલ્લેખ કર્યો છે….જેને ગુણાતીત પુરુષો સાક્ષાત જીવ્યા છે….આપણે આ બ્રહ્મ સત્ય ને સમજીએ તો જીવ જગત માં બંધાય જ નહીં…..સહજ જ વૈરાગ્ય અંતર માં જાગી ઉઠે…
  • જગત ની …એનાં સુખ ની આસક્તિ છોડવી અઘરી છે…..અને સર્વે દુખ એમા થી જ આવે છે…માટે જ ભગવાન ને સર્વે સુખ નાં સિંધુ જાણવા જેથી જગત માં થી આસક્તિ છૂટી એક ભગવાન માં થાય….
  • જીવ ને જગત નાં નાશવંત પણા નું જ્ઞાન હોવાં છતા એ મોક્ષ માર્ગે આગળ વધતો નથી…જગત નું પ્રધાન પણું ટળતુ નથી…. કાંરણ કે ..જીવ ને સત્સંગ માં કોઈ અંગ બંધાઈ જાય છે જે છેક સુધી રહી જાય છે…જીવ વિભ્રાંત થઈ જાય છે….પણ આત્મ વિચાર રહે તો તેમા થી બહાર નીકળી શકાય….એમ સત્સંગ માં આનું અંગ કેળવવું…..સમજણ રાખવી…
  • સતપુરૂશ ને સત્સંગ માં પ્રધાન રાખવા…..એમનાં થકી જ સત્સંગ નું અંગ સુદ્રઢ થાય છે….સત્સંગ માં આગળ વધાય છે…..કલ્યાણ નો માર્ગ ખુલે છે…..એમનો યોગ બ્રહ્મરૂપ કરે છે…
  • સતપુરૂશ નો યોગ તો દેવ પણ ઇચ્છે છે….માટે જ સર્વે અર્થ સિદ્ધ કરવા પ્રત્યક્ષ ગુરુ રુપ હરિ ને ઓળખી…એમનો યથાર્થ સમાગમ કરી લેવો….પણ પ્રત્યક્ષ ની પ્રતીતિ આવવી અઘરી છે….જે નિત્ય અભ્યાસ, સતપુરૂશ માં દૃઢ હેત અને વિશ્વાસ, રાજીપા થી જ આવે…..મોક્ષ તો પ્રત્યક્ષ થી જ થાય….એ સિવાય ન થાય…!
  • આજે મહંત સ્વામી રૂપે શ્રીજી પ્રગટ છે….એમ દૃઢ …પરિપૂર્ણ સમજાય તો કશુ બાકી ન રહે…જીવ ને કેફ ચઢી જાય….જગત માં થી વૃત્તિ નીકળી એક ભગવાન માં સ્થિર થઈ જાય…
  • આ મોક્ષ ની વાત છે…..કલ્યાણ ની વાત છે…..જેને સમજ્યા સિવાય છૂટકો જ નથી…..

અદ્ભૂત….અદ્ભૂત…..!! જીવ ને આટલી પ્રતીતિ આવે તો મોક્ષ પ્રત્યક્ષ જ છે……બસ શ્રીજી સ્વામી ને પ્રાર્થના કે આ મુદ્દા ની વાત જીવમાં દૃઢ થાય…..

આજે સભા માં પ્રસિધ્ધ ઇતિહાસ વિદ મકરંદ મેહતા હાજર હતાં….તેમનુ સન્માન થયુ…..

સભા માં અંતે સારંગપુર ખાતે ના ફૂલદૌલ ઉત્સવ ની જાહેરાત થઈ….

મહિલા દિન 16/3 નાં રોજ શાહીબાગ મંદિરે ઉજવાશે…..સમય માટે મંદીર નો સંપર્ક કરવો….

તો આજની સભા મોક્ષ માટે ની હતી…..પ્રત્યક્ષ ગુરુ રુપ હરિ માં દૃઢ પ્રતીતિ માં જ બધુ આવી ગયું….

થોડા માં ઘણુ સમજો….

જય સ્વામિનારાયણ…

રાજ


1 Comment

BAPS રવિસભા-૧૦/૦૨/૨૦૧૯

” આપણે તો અક્ષર પુરુષોત્તમ નાં બળદિયા છીએ…”

“અમે મૂંડાવ્યુ છે એ તો અક્ષર પુરુષોત્તમ માટે મૂંડાવ્યુ છે…”

————————————

બ્રહ્મ સ્વરુપ શ્રી શાસ્ત્રીજી મહારાજ

આજની સભા વિશિષ્ટ હતી…..કારણ કે આજનો દિવસ સ્વામિનારાયણ સંપ્રદાય માં સુવર્ણ અક્ષરે અંકિત દિન છે….વસંત પંચમી નાં આ શુભ દિને, શ્રીજી એ વડતાલ માં, સંવત ૧૮૮૨ માં સર્વ જીવ હિતાવહ એવી શિક્ષાપત્રી ની રચના કરી હતી….આજની જ શુભ તિથિ એ સદ્ગુરુ બ્રહ્માનંદ સ્વામી…નિષ્કુળાનંદ સ્વામી નું પ્રાગટ્ય થયુ હતુ….તો સર્વોપરી અક્ષર પુરુષોત્તમ સિદ્ધાંત ને બ્રહ્માંડ માં ગજવનાર…બ્રહ્મ સ્વરુપ શાસ્ત્રીજી મહારાજ નું પ્રાગટ્ય પણ આજે થયુ હતુ…..આજની સભા તેમનાં પાવન ચરણો માં ભેટ રુપ હતી…..એમનો મહિમા ગાવા ની હતી….

લગ્ન ગાળો હોવાં છતા હૈયે હૈયું દળાય એટલી ભીડ આજની સભા માં હતી…..એ જ દર્શાવે છે કે હરિભક્તો ની નિષ્ઠા કેટલી દૃઢ છે……!!!!

સર્વ પ્રથમ ફૂલો થી આચ્છાદિત શ્રીજી નાં મનમોહક દર્શન…..

સભા ની શરૂઆત પુ. દિવ્ય કિશોર સ્વામી નાં મુખે સ્વામિનારાયણ ધૂન થી થઈ….. ત્યારબાદ એમનાં જ મુખે…” જયજય યજ્ઞપુરુષ સુખ કારી..” રજુ થયુ……આવા આપણા આદ્ય ગુરુ નાં ચરણો માં જીવન અર્પી એ તો યે ઓછું છે…..!! ત્યારબાદ પુ. કૃષ્ણ સ્વરુપ સ્વામી નાં ગહન સ્વરે બ્રહ્મ સ્વરુપ શાસ્ત્રીજી મહારાજ નાં મહિમા નું…સામર્થ્ય નું ગાન કરતું પ્રસિદ્ધ કીર્તન….” સ્વામીજી તો મહા પ્રતાપી….એમનું ધાર્યું થાય…” રજુ થયુ….૩૩-૩૩ વર્ષ ગઢપુર માં મંદીર માટે રાહ જોઇ ને…સત્તા પલટો કરાવી ને પણ ….શ્રીજી નાં સંકલ્પ મુજબ ભવ્ય આરસ નું મંદીર, ટેકરા પર બનાવ્યું……ગગન ચુંબી પાંચ મંદિરોની રચના.. ….એ જ બતાવે છે કે એમનો પ્રતાપ કેવો હતો….. ત્યારબાદ પુ. વિવેક મુનિ સ્વામી નાં પ્રબળ સ્વર માં….” શાસ્ત્રીજી મહારાજ નો સંગ…મુને ભાગ્યે મળ્યો છે…”….રજુ થયુ….બ્રહ્મ સત્ય…!!! આપણા અનંત જન્મો નાં પુણ્ય કે શ્રીજી સાક્ષાત પ્રગટ હોય તેવા ગુણાતીત પુરુષ ..ગુરુ રૂપે પ્રગટ મળ્યા છે…!!!

પુ. વિવેક શીલ સ્વામી એ બ્રહ્મસ્વરૂપ શાસ્ત્રીજી મહારાજ નો મહિમા ગાતા કહ્યુ કે…..તેમની પ્રતિભા અતુલ્ય હતી….તેં જ પ્રતિભા નો અનુભવ નાના ડુંગર ભક્ત ને જોઇ ગામ નાં રાવજી પટેલ ને થયો….આચાર્ય શ્રી વિહારી લાલજી મહારાજ ને થયો…કોઠારી ગોરધન ભાઈ…કોઠારી બેચર ભગત ને થયો…ગોંડલ નાં વિદ્યાધીકારી ચંદુલાલ ને થયો….વૃદ્ધ સાધુ મુરલીધર દાસ ને થયો….જે જે એમનાં યોગ માં આવ્યાં તેં અક્ષર પુરુષોત્તમ સિદ્ધાંત થી રંગાઈ ગયા….

લીમડી ઠાકોર ને અક્ષર મંદીર નાં નિર્માણ સમયે બ્રહ્મ સ્વરુપ શાસ્ત્રીજી મહારાજે છડેચોક સંભળાવ્યું કે…” મધ્ય ખંડ માં તો અક્ષર પુરુષોત્તમ જ બેસશે….આ એમનાં માટે જ મૂંડાવ્યુ છે…..” એ સંવાદ સ્વરૂપે યુવક મિત્રો દ્રારા રજુ થયો….! અદ્ભૂત પ્રસંગ…

ત્યારબાદ પુ. ધર્મ તિલક સ્વામી એ પોતાના પ્રવચન માં કહ્યુ કે….શાસ્ત્રીજી મહારાજે કરેલા કલ્પનાતિત…અસહ્ય ભીડા વાળું વિચરણ….હરિભક્તો ની ઉપાસના ની શુદ્ધિ માટે નો અસહ્ય દાખડો….સદાયે અતુલ્ય રહેશે…૮૬ વર્ષ નું જીવન આ સિદ્ધાંત કાજે કૃષ્ણારપણ કરી દીધું….વિપરીત દેશ કાળ વચ્ચે પણ એ અટક્યા નથી….પોતાના દેહ ને આ સિદ્ધાંત માટે ઘસી નાખ્યો છે…સખત વા… ટૂંકી સગવડો વચ્ચે પણ એમનું વિચરણ અટક્યું નથી….એ તો કહેતાં કે ” ખાટલે પડીંશુ તયારે આ વિચરણ બંધ થશે…”

ત્યારબાદ રજુ થયેલા એક સંવાદ માં આ જ અદ્ભૂત વિચરણ….શાસ્ત્રીજી મહારાજ નો સર્વોપરી સિદ્ધાંત માટે નો..હરિભક્તો નાં કલ્યાણ માટે નો દાખડો રજુ થયો….સખત વા…. એ પણ એમનું વિચરણ અટક્યું નથી…..છેક છેલ્લાં શ્વાસ સુધી એમનો આ યજ્ઞ ચાલુ જ રહ્યો…

વિડીયો દર્શન દ્રારા પણ એ જ ભીડા નાં…કલ્યાણ યાત્રા નાં દર્શન થયાં…અંધારી રાત્રિ માં..ભોગાવૉ નદી નાં અતિશય પૂર વચ્ચે પણ શાસ્ત્રીજી મહારાજ નું વિચરણ અટક્યું નથી…..ચલાય એમ ન હોય તો હરિભક્ત નાં ખભે બેસી ને વિચરણ કર્યું છે….એ પ્રસંગ રજુ થયો…

ત્યારબાદ યુવક મિત્રો દ્રારા સર્વોપરી અક્ષર પુરુષોત્તમ સિદ્ધાંત નાં મહિમા નું ગાન કરતા એક નૃત્ય ની રજુઆત થઈ….. જય હો..જય હો…અક્ષર પુરુષોત્તમ ની….!!…આજે શ્રી અક્ષર પુરુષોત્તમ મહારાજ નાં વિજયધ્વજ બ્રહ્માંડ માં ફરકે છે….

પુ.ઇશ્વર ચરણ સ્વામી એ નૃત્ય વચ્ચે , બ્રહ્મ સ્વરુપ શાસ્ત્રીજી મહારાજ ની મૂર્તિ ને ગુલાબ નો હાર પહેરાવ્યો…અને સમગ્ર સભા તાળીઓ નાં ગડગડાટ થી ગુંજી ઉઠ્યો…..

ત્યારબાદ પુ.ઇશ્વર ચરણ સ્વામી એ, કે જેમને શાસ્ત્રીજી મહારાજ નો પ્રત્યક્ષ લાભ લીધો છે…તેમણે એક પ્રશ્ન ઉત્તર રૂપી સંવાદ માં કહ્યુ કે…..( આપણે અહી એનાં સાર..અંશ માત્ર જોઈશું) ..

  • મુંબઇ..નંદા સાહેબ ને બંગલે…૧૯૫૦માંશાસ્ત્રીજી મહારાજ આરામ કરવા આવેલા…૧૦ વરસ ની ઉંમરે ત્યાં લગભગ ૧૦-૧૨ વાર જવાનો લાભ મળેલો…સ્વામી આડા પડી ને માળા જ ફેરવતા હોય…મારી ટચલી આંગળી નીચે નાં તલ ને વખાણતા…. સ્વામી નાં પગ દબાવતા…પગ એકદમ કોમળ…કેરી અને થૂલું જમતા…એ ઇદંમ આજે પણ સાંભળે છે…સ્વામી અંતર થી પુષ્પ જેવા કોમળ પણ મન થી વજ્ર જેવા મજબૂત હતાં….આફ્રિકા નાં મગન ભાઈ આરતી સમયે અતિશય ભાવ વેશ માં આવી જતા…એ યાદ છે…ચંદન ની અરચા કરવા નો લાભ મળેલો…જે રૂમાલ માં સંઘરેલો..
  • નિર્ગુણ સ્વામી અને શાસ્ત્રીજી મહારાજ નો છેલ્લો મિલાપ ત્યાં જોયેલો…જાગા સ્વામી યે લખેલું…અક્ષર વાતો નુ ત્રીજું પ્રકરણ ખૂબ ગમતું…સુર્ય નારાયણ વાડી માં એની સાત દિવસ ની પારાયણ કરાવેલી…
  • અટલાદરા માં શાસ્ત્રીજી મહારાજ ની હાથી પર સવારી નીકળી હતી….સુવર્ણ તુલા થઈ હતી એનો લાભ મળેલો….સ્વામીએ તુલા સામે નજર પણ નહોતી કરી…..હજારો હરિભક્તો ભેગા થયેલા….સભા માં સુતા સુતા કથા કરે…માળા ફેરવે….શંકર ભગત નાં પ્રબળ અવાજ માં રાત્રીએ ભજન થાતાં….
  • સ્વામીએ મારો હાથ એકવાર પકડ્યો હતો તેં સતત ૭ દિવસ સુધી એટલાં ભાગ માં થી સુખડ ની સુગંધ આવતી હતી…….! ગઢડા…સલાડ…ઠીકરિયા ગામ માં લાભ મળેલો….સલાડ વાલા મણીભાઈ એ શાસ્ત્રીજી મહારાજ ની હાથી પર સ્વાગત યાત્રા કાઢેલી…હાથી એ સૂંઢથી ગુલાબ નો હાર પહેરાવેલો….એ હાથી એ નૃત્ય પણ કરેલું…એ યાદ છે
  • કોઇના પ્રત્યે દ્વેષ નહીં….અવગુણ અભાવ નહીં…બસ પોતાની લીટી જોવી…..પુરુષાર્થ કરવો…એ સ્વામી નો સ્વભાવ હતો…
  • આપણે આજે એ જ ગુણાતીત દિવ્ય પુરુષ સાક્ષાત મળ્યા છે…તેનો આનંદ લેવો..મહિમા સમજવો…જીવ માં દૃઢ કરવો…
  • સદ્ગુરુ ખેલે વસંત….વાળો પ્રસંગ….ભગતજી મહારાજે , ગુણાતીત સ્વામી ની કરેલી સાંગોપાંગ સેવા ની વાતો સ્વામી વારે વારે કરતા….
  • શાસ્ત્રીજી મહારાજે અમદાવાદ માં સમાધિ પ્રકરણ ચલાવેંલું…. એ પ્રત્યક્ષ જોયેલું….સમાધિ વાળા બહેનો નાં મુખ માં થી દૂધ નીકળતું જોયેલું….પણ સ્વામી તો અલમસ્ત ભાવે વર્તતા…..નંદાજી…મોરિંસ ફ્રેડમેન…એ વિવિધ પરીક્ષણ દ્રારા આ સમાધિ પ્રકરણ ની સાતત્યતા ચકાસેલી……જાહેર માં સમાધિ પ્રકરણ થતુ, પણ સ્વામી ને આવા પરચા માં બહુ રસ નહીં…..પછી એમની ઇચ્છા થી બંધ થયેલા….
  • ૪ વર્ષ ની ઉંમરે મને ….શાસ્ત્રીજી મહારાજે ભાવનગર થી બોટાદ જતા પેન્ડો જમાડેલો….એનો ઉલ્લેખ યોગીજી મહારાજે પોતાના પત્ર માં કરેલો…..
  • પુ. અક્ષર વત્સલ સ્વામીએ જણાવ્યું કે કરાચી માં ૧૯૪૭ માં કરેલી પારાયણ નો પત્ર સદ્ગુરુ નિર્ગુણ સ્વામીએ ….પુ. ઇશ્વર ચરણ સ્વામી( એ સમયે અરુણ ) ને લખેલો….એ સાક્ષી છે કે સ્વામી ને ઇશ્વર સ્વામી પ્રત્યે કેવો ભાવ હતો….

અદ્ભૂત સ્મૃતિ…….પ્રત્યક્ષ સાક્ષી નાં મુખે આ સાંભળવા નો લ્હાવો…અવિસ્મરણીય રહેશે….

ત્યારબાદ જાહેરાત થઈ….

  • હર્બલ Moisture નું લોન્ચિંગ થયુ….
  • આવતાં રવિવારે પુર્વ અમદાવાદ માટે બ્રહ્મ સત્ર છે…વધું માહીતી માટે જે તેં વિસ્તાર નાં કાર્યકર નો/સંસ્કાર ધામ નો સંપર્ક કરવો…..

તો આજની સભા અદ્ભૂત હતી…..કેવા મોટા પુરુષ…ગુણાતીત સાક્ષાત આપણ ને મળ્યા છે, એનાં મહિમા ને સમજવા ની હતી…..

એ જ પ્રત્યક્ષ ગુણાતીત માં જીવ સાંગોપાંગ જોડાશે …દૃઢ હેત થાશે તો જીવ જરૂર બ્રહ્મ રુપ થાશે….એમા કોઈ શક નથી….

જય સ્વામિનારાયણ

રાજ


Leave a comment

BAPS રવિસભા-૨૯/૦૧/૨૦૧૭

પછી શ્રીજીમહારાજ બોલ્યા જે,

ભગવાન જીવના કલ્યાણને અર્થે જ્યારે મૂર્તિ ધારણ કરે ત્યારે પોતાનું જે અક્ષરધામ અને ચૈતન્યમૂર્તિ એવા જે પાર્ષદ અને પોતાનાં જે સર્વે ઐશ્વર્ય તે સહિત જ પધારે છે, પણ એ બીજાના દેખ્યામાં આવે નહીં…………..

ભગવાનના ભક્તને ભગવાનનું સ્વરૂપ અક્ષરધામ સહિત પૃથ્વી ઉપર વિરાજમાન છે એમ સમજવું અને બીજા આગળ પણ એવી રીતે વાર્તા કરવી.”


વચનામૃતમ-ગઢડા પ્રથમ-૭૧

વસંતપંચમી ને આડે હવે બે-ત્રણ  દિવસ છે…….અને એ જ દિવસે સ્વામિનારાયણ સંપ્રદાય ના  અનેક અભૂતપૂર્વ પ્રસંગ કે જે પ્રત્યક્ષ…કે પરોક્ષ રીતે સંપ્રદાય અને સમગ્ર આધ્યત્મિક જગત ની ક્રાંતિ મા કારણ બન્યા………અને એવો જ એક પ્રસંગ વસંત પંચમી ના દિવસે ઉજવાય છે…..- શ્રી બોચાસણ વાસી અક્ષર પુરુષોત્તમ સ્વામી નારાયણ સંસ્થા ના આદ્ય સ્થાપક ….સર્વોપરી અક્ષર પુરુષોતમ સિધ્ધાંત ના પ્રવર્તક – બ્રહ્મસ્વરૂપ શાસ્ત્રીજી મહારાજ નો જન્મ જયંતિ મહોત્સવ…….! આજની સભા એની પ્રતિક ઉત્સવ ની સભા હતી…….સર્વોપરી અક્ષર પુરુષોત્તમ સિધ્ધાંત ને ઉજવવા ની સભા હતી……..!

ઘણી રવિસભા ઓ છૂટી ગઈ…..કાંતો હાજર હતો છતાં એનો “ગુલાલ” તમારી સાથે ન કરી શક્યો………! ગયા અઠવાડિયા મા -BAPS સંસ્થા ના ઉદભવ સ્થાન એવા- પુરુષોત્તમ પુરા લાટ-ના અધ્યાત્મિક પ્રવાસે જઈ આવ્યા….એની પોસ્ટ ફરી કોઈક વાર…….! તો- ચાલો આગળ વધીએ આજની સભામાં……પ્રથમ…..જે સદાયે પ્રથમ છે ..જેના માટે આં બધું છે..તેવા શ્રીજી ના દર્શન……..

16387228_660161867505322_5175475940189948993_n

સભાની શરૂઆત યુવકો દ્વારા ધુન્ય-કીર્તન થી થઇ…..”નમન કરું શીરનામી રે……..જય જય યજ્ઞપુરુષ સુખકારી….” અને ત્યારબાદ પૂ.કૃષ્ણસ્વરૂપ સ્વામી દ્વારા કીર્તન રજુ થયું….”રહેજો રહેજો રે….તમે સદાયે સાથે રહેજો રે..” ..અને સાચું વિચારી એ તો આં જ કરવા નું છે………શ્રીજી ને સદાયે સાથે ..જીવમાં રાખવા ના છે……….!

ત્યારબાદ બ્રહ્મસ્વરૂપ શાસ્ત્રીજી મહારાજ ના દિવ્ય જીવન……એમના શિષ્ય-સંતો મા દ્રઢ નિષ્ઠા નું દર્શન કરાવતા વિડીયો નું દર્શન થયું…..”આજ્ઞા ” ની મહત્તા..દ્રઢતા નું દર્શન કરાવતા પ્રસંગ મા -આપણા ભૂતપૂર્વ વડા પ્રધાન અને શાસ્ત્રીજી મહારાજ ના અતિ કૃપા પાત્ર શિષ્ય….શ્રી ગુલઝારી લાલ નંદાજી ના જીવન  પ્રસંગ ના દર્શન થયા….નંદાજી ને સ્વામીશ્રી એ આજ્ઞા કરી હતી તે પ્રમાણે રોજ -પૂજા -નિયમ ધર્મ દ્રઢતા થી કરતા હતા……એક પ્રસંગ મા- એમણે વચનામૃત નું પઠન કર્યા સિવાય -અન્ન નો દાણો પણ મોઢા મા ન મુક્યો…..જીનીવા મા અત્યંત બીમાર હોવા છતાં..ડોક્ટર ની સલાહ અનુસાર – બ્રાન્ડી લેવાની સ્પષ્ટ ના પાડી દીધી……….અને ગઢડા મંદિર નિર્માણ સમયે -સ્વામીશ્રી ને આર્થિક મદદ કરવા પોતાની નવીન કાર પણ વેચી દીધી…..!!!

અદભુત…..છતાં બ્રહ્મસ્વરૂપ શાસ્ત્રીજી મહારાજે નંદાજી ના એક પ્રશ્ન ના ઉત્તર મા કહ્યું હતું કે..” તમારો સત્સંગ તો એક પાશેરા મા પુણી જેટલો જ છે…..” ..હવે વિચારો….સત્સંગ મા આપણે ક્યાં છીએ????

ત્યરબાદ પૂ.નિર્મલ ચરિત સ્વામી એ “આજ્ઞા” નો મહિમા સમજાવતા કહ્યું કે….

  • ગ.પ્ર.૧૫ ના વચનામૃત મુજબ -સત્પુરુષ ની આજ્ઞા….વચન  મુજબ જ વર્તવા થી એકાંતિક થવાય…..
  • ૮ વર્ષ ની ઉમરે શાસ્ત્રીજી મહારાજે એકાદશી કરી હતી અને એ જ દ્રઢતા ૮૩-વર્ષ ની ઉમરે ટ્રેન મા ગીર્દી ને લીધે કરેલા ઉપવાસ મા જોવા મળે છે…..આમ, શ્રીજી ની આજ્ઞા ને સર્વોપરી ગણી ને જીવ્યા….
  • પરોક્ષ ની કરોડ આજ્ઞા કરતા પ્રત્યક્ષ ની એક આજ્ઞા મા વધુ સુખ રહેલું છે……..અને શાસ્ત્રીજી મહારાજ પોતાના ગુરુ ભગતજી મહારાજ ના વચને અનેક વિઘ્નો-અપમાનો વચ્ચે અડીખમ રહ્યા હતા…….
  • પોતાના ગુરુ શાસ્ત્રીજી મહારાજ ની એક આજ્ઞા થી પ્રમુખ સ્વામી મહારાજે -હરિભક્તો -સંતો આગળ આજીવન હાથ જોડી ને રાખ્યા હતા……….યોગીબાપા એ દરેક યાત્રા-મુસાફરી દરમિયાન પાણી નું એક ટીપું પણ ગ્રહણ  કર્યું ન હતું…..

ઉપાસના- એ શાસ્ત્રીજી મહારાજ ના જીવન ની બીજી પાંખ હતી……વિડીયો દર્શન દ્વારા -સમગ્ર અક્ષર પુરુષોત્તમ સિધ્ધાંત ની સ્પષ્ટતા થઇ…….શાસ્ત્રીજી મહારાજ દ્વારા જે સિધ્ધાંત નું પ્રવર્તન થયું…..જે દાખડા થયા -એ સર્વ વિદિત છે…..તેનું અદભુત દર્શન થયું……ગ.પ્ર.૭૧….ગ.મ.૨૧…..લોયા-૧૨……ગ.મ.૩૧…….જેવા વચનામૃત ના ઉલ્લેખ દ્વારા….સમજાયું કે- અક્ષર પુરુષોત્તમ સિધ્ધાંત – શ્રીજી નો હૃદયગત સિધ્ધાંત હતો…….ગુણાતીતાનંદ સ્વામી એ જ મૂળ અક્ષર છે….એ સત્ય સ્વયમ શ્રીજી …નંદ સંતો….શ્રીજી ને મળેલા હરિભક્તો…..અનેક મૂર્તિમંત પુરાવા દ્વારા શાસ્ત્રીજી મહારાજે સિદ્ધ કર્યું હતું…………

અને એ જ વિડીયો દર્શન ને અનુરૂપ વક્તવ્ય પૂ.વિવેક મુની સ્વામી દ્વારા થયું…….! શાસ્ત્રીજી મહારાજ વડતાલ છોડી ને નીકળ્યા એની પાછળ કોઈ વ્યક્તિગત સ્વાર્થ ન હતો……પણ એક સર્વોપરી સિધ્ધાંત હતો………ગુણાતીત એ જ અક્ષર-સહજાનંદ જ એક પરબ્રહ્મ પુરુષોત્તમ- એ સિધ્ધાંત …ગ.મ.૨૧ ની -પ્રત્યક્ષ ગુરુ મા પ્રીતિ ની વાત…..વરતાલ-૧૧ ની એ જ મોક્ષ ની વાત……એ માટે જવાબદાર હતી……..અને એ સિધ્ધાંત ને શાસ્ત્રીજી મહારાજે મૂર્તિમંત કર્યો……..લોક-ભેખ-વિરોધીઓ ની ટીકા ની પરવા વગર સમગ્ર જગત મા આપણા ગુણાતીત ગુરુઓ એ આં સિધ્ધાંત ગજવ્યો……..અને એ ચાલુ રહેશે…….

ત્યારબાદ બ્રહ્મસ્વરૂપ પ્રમુખ સ્વામી મહારાજ ના આશીર્વચન ના વિડીયો દર્શન નો લાભ મળ્યો…એમણે એ જ સિધ્ધાંત ની …..શાસ્ત્રીજી મહારાજ ના એ જ દાખડા ની….દ્રઢતા ની વાત કરી….અને સર્વ ભક્તો ને આં સિધ્ધાંત જીવન મા દ્રઢ કરી ….આં જ્ઞાન જગતના ખુણે ખૂણે પહોંચાડવા ની વાત કરી…! છેવટે તો ગ.પ્ર.૭૧ ના વચનામૃત મુજબ એ જ વાત કરવા ની છે….

ત્યારબાદ લોસ એન્જલસ ના મંદિર ના કોઠારી પૂ.સર્વદર્શન સ્વામી ના પ્રવચન નો લાભ મળ્યો…..એમણે વાત કરી કે જેમ અનેક અપમાનો…..વિઘ્નો થી ડગ્યા વગર…૩૩ વર્ષ ની રાહ જોઈ…..ગઢડા મા મંદિર કરવ નો સંકલ્પ – શાસ્ત્રીજી મહારાજે સિદ્ધ કર્યો…….તેમ લોસ એન્જલસ ના મંદિર મા હજારો વિઘ્ન આવ્યા…..શહેર ની સમગ્ર વસ્તી-મંદિર બને એના વિરોધ મા હતી….પણ પ્રમુખ સ્વમી સહેજે ડગ્યા નહોતા…..ઉલટા નું સતત બળ આપતા રહેતા …..સતત ૭ વર્ષ ના પ્રયત્ન પછી…જાણે કે શ્રીજી એ શહેર ના લોકો મા પ્રવેશ કર્યો હોય તેમ…..મંદિર ને મંજૂરી મળી…..તમામ લોકો સમર્થક બન્યા……અને જે વિરોધ કરતા હતા…તેમને મંદિર મા આવ્યા બાદ- ભગવાન ની દિવ્ય હાજરી નો અનુભવ થયો………! આજે દર મહિને લગભગ ૨૫૦૦૦ લોકો -મંદિર મા દર્શને આવે છે…….!!!!

આમ, આતો ભગવાન નું….સત્પુરુષ નું કાર્ય છે…..જો પૂરી શ્રદ્ધા….વિશ્વાસ થી…લગન થી કાર્ય કરવા મા આવે તો -ભગવાન…સત્પુરુષ એ કાર્ય મા ભળે છે……અને એ શુભ સંકલ્પ પરિપૂર્ણ થાય છે….!!!

બ્રહ્મ સ્વરૂપ શાસ્ત્રીજી મહારાજ ના જીવન મા થી આજ્ઞા…ઉપાસના….પક્ષ…..નિયમ-ધર્મ ..જેવા પાયા ના ગુણ -જીવ મા સાર્થક કરવા ના છે………..જો એ થશે તો- ભગવાન અને સત્પુરુષ ક્યાય છેટે નથી…..સદાયે આપણી સાથે જ છે……તેનો અનુભવ થશે…..! એ માટે બળ..બુદ્ધિ…સમજણ…દ્રઢતા મળે -એ માટે પ્રગટ અક્ષરબ્રહ્મ મહંત સ્વામી મહારાજ ના ચરણો મા…..શ્રીજી ના ચરણો મા પ્રાર્થના…..!

જય સ્વામિનારાયણ….

રાજ