Raj Mistry's world

Me,my stories and world around….


Leave a comment

BAPS રવિસભા -૨૩/૦૭/૨૦૧૭

” અહી તો સાક્ષાત મહારાજ અને સ્વામી બિરાજે છે……….માટે જેને દુખ ટાળવું હોય તેણે (અક્ષર) દેરી ની માનતા કરવી…..”


અક્ષર દેરી -ગોંડલ ના મહિમા વિષે વાતો કરતા બ્રહ્મ સ્વરૂપ શાસ્ત્રીજી મહારાજ

આ વર્ષ અક્ષરદેરી સાર્ધ શતાબ્દી મહોત્સવ વર્ષ તરીકે ઉજવાઈ રહ્યું છે…….જે ૨૫/૧/૨૦૧૮ સુધી ઉજવાશે…..અને અક્ષરદેરી નો મહિમા – એના ગુણગાન જીવમાત્ર સુધી પહોચશે…….અને સર્વ ના કલ્યાણ નો માર્ગ સહજ થશે………! આજની સભા એ – સર્વોપરી માહાત્મ્ય ને સમજવાની…..માણવા ની હતી…….!

ગઈ રવિસભા માં નીલકંઠ વરણી ની અયોધ્યા થી બદ્રીનાથ સુધી ની યાત્રા ની ફિલ્મ દર્શાવવા માં આવી હતી જેથી અહી એના વિષે કોઈ વિશેષ પોસ્ટ ન મૂકી શકાઈ . આજની સભામાં તો સમયસર પહોંચી ગયા…મેઘરાજા પોતાના મિજાજ માં છે…….પણ હરિભક્તો એમ થોડા અટકે….!!! આજનો સભાખંડ સંપૂર્ણ પણે ભરેલો હતો……એ એની સાબિતી હતી. સર્વ પ્રથમ જગત ના નાથ ના દર્શન ( હરિયાળી અમાવાસ્યા)…..

20248214_1916557365298760_2562888236536064776_o

સભાની શરૂઆત પુ.પ્રેમવદન સ્વામી ના સુરીલા કંઠે – સ્વામિનારાયણ મહામંત્ર ની ધુન્ય થી થઇ……અને અત્યારે ચાલતા હિંડોળા ઉત્સવ ના પદો થી સંતો એ મનોચક્ષુ સમક્ષ એ અદ્ભુત હિંડોળા પ્રસંગો….એની અનેરી છટા ના આબેહુબ દર્શન કરાવ્યા……! જોઈએ એ પદ…

  • “ઝૂલણ કે દિન આયે……- રચયિતા- પ્રેમાનંદ સ્વામી…..સ્વર- પુ.પ્રેમવદન સ્વામી
  • “ઝુલાવું પ્યારા હિન્ડોરે……”- રચયિતા- પ્રેમાનંદ સ્વામી…..સ્વર- પુ.પ્રેમવદન સ્વામી
  • “આવો ઘનશ્યામ ….ઝુલાવું હિંડોરના મેં…..”- રચયિતા- બ્રહ્માનંદ સ્વામી….સ્વર- પુ. વિવેકમુની સ્વામી

અદ્ભુત…..અદ્ભુત……..!

ત્યારબાદ પુ. હરીચિંતન સ્વામી ના મુખે રસાળ શૈલી માં- પ્રગટ બ્રહ્મ સ્વરૂપ મહંત સ્વામી મહારાજ ના અતિ નિર્માની સ્વભાવ…દાસાનુદાસ ગુણ નો મહિમા- પ્રસંગો સાથે કહેવામાં આવ્યો……..અંત્ય ૩૯ ના વચનામૃત માં શ્રીજી એ કહ્યું છે કે …માયા અને અજ્ઞાન એટલે “હું અને મારું..” જ્યાં સુધી આ અહં મમત્વ ન છૂટે ત્યાં સુધી ..અજ્ઞાન ટળતું નથી……એ માટે દાસાનુદાસ ગુણ અનિવાર્ય છે……અને …મહંત સ્વામી મહારાજ ના આ ગુણ માં – યોગીબાપા નો જાણે કે સાક્ષાત અનુભવ થાય છે………સંતો ને દંડવત હોય કે અશક્ત સંત ની વ્હીલચેર ને દોરી લઇ જવાની વાત હોય…….કે તેમના પ્રવચનો માં – દાસાનુદાસ વર્તવા ની વાત નો નિરંતર ઉલ્લેખ હોય………..એ સર્વ નો સાર એક જ છે કે – સત્પુરુષ નો માલિકી નો આ ગુણ- દાસાનુદાસ વર્તવા નો ગુણ…..ખુબ જ બળીયો છે……જે ભલભલી તાકાત થી ન થઇ શકે એ કાર્યો આ દાસાનુદાસ વર્તવા થી થઇ શકે……!!! જીવન માં આ જ ઉતારવા નું છે………….

ત્યારબાદ સ્વામીશ્રી અત્યારે અમેરિકા-કેનેડા ની વિચરણ યાત્રા એ છે……એના અદ્ભુત વિડીયો દર્શન નો લાભ સર્વ ને મળ્યો…….જેના દર્શન આપણે સૌ નીચેની લીંક પર થી કરી શકીશું…….

આશીર્વાદ…….

http://www.baps.org/Vicharan/2017/09-July-2017-11720.aspx?CM_id=236250

ત્યારબાદ પુ.યજ્ઞ પ્રિય સ્વામી જેવા અનુભવી..વિદ્વાન સંત દ્વારા અક્ષર દેરી મહિમા-ઈતિહાસ”પર અદભુત પ્રવચન નો લાભ મળ્યો………….સમગ્ર ઈતિહાસ તો અહી વર્ણવી શકાય તેમ નથી ( એ માટે “શ્રી અક્ષર તીર્થ”….અથવા બ્રહ્મ સ્વરૂપ શાસ્ત્રીજી મહારાજ ના જીવન ચરિત્ર – પુસ્તક નો સહારો લઇ શકાય…) છતાંય ટૂંકમાં કહેવું હોય તો….

અક્ષરદેરી એટલે જ અનાદી મૂળ અક્ષર ગુણાતીતાનંદ સ્વામીની સમાધિ ….. જુનાગઢ મંદિર માં સતત ૪૦ વર્ષ..૪ માસ…૪ દિવસ મહંત તરીકે સેવા ઓ આપી ….સોરઠ માં અક્ષર પુરુષોત્તમ સિધ્ધાંત ના ડંકા વગાડી……અતિ નિષ્ઠાવાન સત્સંગ સમાજ તૈયાર કરી……..સવંત ૧૯૨૩ની આસો સુદ ૧૩ની રાત્રીના પોણા વાગ્યે સ્વામીશ્રીએ ગોંડલ માં જુના સ્વામિનારાયણ મંદિરે સ્વતંત્ર થકા દેહ ત્યાગ કરીને પોતાની દેહલીલા સંકેલી અને તેમના અંતિમ સંસ્કાર જે સ્થળે કરવામાં આવ્યા તે આ મહા તીર્થ સ્થાન જેવું……અક્ષર દેરી તીર્થ…!

૨૮ નવેમ્બર, ૧૮૬૭થી ગોંડલના મહારાણી મોંઘીબા અને ગણોંંદના મહારાજા અભયસિંહ દરબારની દેખરેખ નીચે અક્ષરદેરી બનાવાનું કામ શરુ થયું…….. ૨૯ જાન્યુઆરી,૧૮૬૮ના દિવસે કામ પૂર્ણ થયું…….. અક્ષરદેરીના માળખાની પ્રેરણા ગોંડલમાં આવેલ નવલખા પેલેસના ઝરૂખામાંથી લેવામાં આવી છે………. પછી વસંતપંચમીના દિવસે જૂનાગઢના બાલમુકુન્દ સ્વામીએ સ્વામીનારાયણના પવિત્ર પગલાની સ્થાપના કરી સાથે મોંઘીબા દ્વારા અક્ષર અને પુરુષોત્તમની છબી મુકવામાં આવી……………….

કહેવાય છે કે દેવપોઢી એકાદશીના દિવસે નારાયણજી નામના હરી ભગતને ગુણાતિતાનંદ સ્વામીએ સપનામાં આવીને કહ્યું કે અક્ષરદેરીએ ત્રણ શિખર બદ્ધ મંદિર બનાવો.જે એમણે એમના શિષ્યો- હરિભાઈ અમીન, શંકરભાઈ અમીન વગેરે દ્વારા શરુ કર્યું……ઘણા વિઘ્નો આવ્યા….છતાં ડગ્યા વિના  જમીન લેવા સંબંધી કાર્યવાહી હરિભાઈ અમીન કરી રહ્યા હતા…મહારાજ ના કારભારી ચંદુભાઈ વિધ્યાધીકારી અને વિરેન્દ્રભાઈ ના સહકાર થી..સમજુતી થી….હરિભાઈ અમીન ને  મહારાજા માત્ર ૨૫૦૦૦ રૂપિયામાં જમીન આપવા તૈયાર થયા……. આ સમાચાર આપતા તેમણે  શાસ્ત્રીજી મહારાજને કહ્યું: “ગોંડલના મહારાજા ભગવતસિંહજીએ ૧,૦૪૦૦૦  રૂપિયામાં તે જમીન આપવાનું કબૂલ કર્યું છે.” આ સાંભળી હસતાં હસતાં શાસ્ત્રીજી મહારાજ કહેઃ “એટલી રકમ ન હોય!” હરિભાઈ કહેઃ “સ્વામી! કેટલી રકમ વ્યાજબી કહેવાય?” ; “પચીસ હજાર.” શાસ્ત્રીજી મહારાજ બોલ્યા. હરિભાઈ તો આ સાંભળી સ્તબ્ધ બની ગયા. પરંતુ વિશેષ આશ્ચર્ય તો તેઓને ત્યારે થયું જ્યારે ગોંડલ મહારાજાએ દોઢ લાખ રૂપિયાની કિંમતે ખોજા નૂરમહંમદ શેઠને વેચેલી આ જમીન, તે વેચાણખત રદ કરીને પચીસ હજાર રૂપિયાની મામૂલી રકમમાં વેચવાનું નક્કી કર્યું………… પરંતુ ત્રણ શરત મૂકી—-  મંદિર ત્રણ વર્ષમાં પૂર્ણ થવું જોઈએ, અક્ષરદેરીની ઉપર મંદિર બનવું જોઈએ અને ઓછામાં ઓછો ૧૦ લાખ ખર્ચ થવો જોઈએ………………. રાજ્યના હિતમાં એક પાઈનું પણ નુકસાન સહન ન કરનાર ભગવત સિંહ મહારાજાએ આટલી સામાન્ય રકમમાં અક્ષરદેરીની જમીન આપી તે શાસ્ત્રીજી મહારાજની જ પ્રેરણા છે……….ગુણાતીત ની જ મરજી છે…શ્રીજી નો જ રાજીપો છે…….!

૧૮ જાન્યુઆરી, ૧૯૩૨ના રોજ શાસ્ત્રીજી મહારાજે ગોંડલ મહારાજની હાજરીમાં અક્ષર મંદિરનું ભૂમિ પૂજન કર્યું. અક્ષરસ્વરૂપદાસ સ્વામીની દેખરેખ તથા  સ્વામી જ્ઞાનજીવનદાસ અને બીજા સંતો સ્વયંસેવકોની મદદ થી મંદિરનું કામ શરુ થયું. ૨૪ મે, ૧૯૩૪માં મંદિરમાં શાસ્ત્રીજી મહારાજના હસ્તે અક્ષરપુરુષોત્તમની મૂર્તિની પ્રાણપ્રતિષ્ઠા કરવામાં આવી તથા જ્ઞાનજીવનદાસજી  સ્વામીને મહંત તરીકે નીમવામાં આવ્યા…………યોગીજી મહારાજે અનેક વર્ષ તે સેવા ને અતિ કષ્ટ વેઠી ને જીવ થી નિભાવી……અને મંદિર ને અદ્ભુત વિસ્તાર્યું………પરમ પૂજ્ય પ્રમુખ સ્વામી મહારાજ ની ભાગવતી દીક્ષા………મહંત સ્વામી મહારાજ અને ડોક્ટર સ્વામી જેવા સદ્ગુરુ સંતો ની પાર્ષદતરીકે ની દીક્ષા અહી જ થઈ છે……….

અને ઉપર કહ્યું તેમ……અહિયાં જીવમાત્ર ની શુભ મનોકામનાઓ..સંકલ્પો પુરા થાય છે…તે માટે આ સ્થાન નો મહિમા વિશેષ છે…………………

અદ્ભુત……અદ્ભુત……..! અક્ષર દેરી નો મહિમા તો જેટલો સમજીએ તેટલો ઓછો છે……………….એ માટે આ પોસ્ટ ની જગ્યા ઓછી પડે……!!!!!

સભાને અંતે અમુક જાહેરાત થઇ…………

  • આવતા રવિવારે- બાળ મંડળ માં થી યુવક મંડળ માં જનારા ( ધોરણ- ૯ માં પ્રવેશ પામનારા) નવયુવાનો માટે ની પ્રેરણા સભા છે…………સર્વે યુવકો એ- પરિવાર સહીત હાજર રહેવું….
  • આવતીકાલ થી શ્રાવણ માસ ની શરૂઆત થઇ રહી છે……….સંતો ની નિત્ય પારાયણ – શાહીબાગ મંદિરે શરુ થશે………..સમય- સવાર નો છે…………..આ સાથે નિયમ ના ઉપવાસ-વ્રત-તપ માટે પણ તૈયારી કરવી..ખટકો રાખવો…….

તો- આજની સભા – અક્ષર…અક્ષરદેરી…..અક્ષર પુરુષોત્તમ સિધ્ધાંત……ગુણાતીત પરંપરા ના મહિમા ને સમજવા ની…જીવ્સ્થ કરવા ની સભા હતી…………….એ મહિમા સમજ્યા વિના સત્સંગ માં પ્રગતિ શક્ય જ નથી…….મોસ્ખ તો દુર ની વાત છે…………માટે- ગુણાતીત નો મહિમા….સમજવા ગોંડલ- અચૂક જવું……અક્ષરદેરી નો મહિમા અચૂક અનુભવવો…!

જય જય અક્ષર પુરુષોત્તમ…….જય જય સ્વામિનારાયણ……

રાજ

Advertisements


Leave a comment

BAPS રવિસભા-૨૮/૦૮/૨૦૧૬

ભગવાનના સ્વરૂપને જે તત્ત્વે કરીને સમજતો હોય તે તો ભગવાનને અખંડ અવિનાશી જેવા છે તેવા જ સમજે………… જેમ શ્રીકૃષ્ણ ભગવાને દેહ મૂક્યો ત્યારે એ ભગવાનની પત્નીઓ જે રુક્મિણી આદિક હતી, તે એ ભગવાનના દેહને લઈને બળી મરી; ત્યારે અજ્ઞાની હતા તેણે તો એમ જાણ્યું જે, ‘હવે એ નાશ થઈ ગયા.’ અને જે જ્ઞાની હતા તેણે તો એમ જાણ્યું જે, ‘અહીંથી અંતર્ધાન થઈને બીજે ઠેકાણે જણાણા છે.’ એમ ભગવાનને અખંડ સમજે……….


ભગવાન શ્રી સ્વામિનારાયણ-પંચાળા-૭

બ્રહ્મસ્વરૂપ પ્રમુખ સ્વામી મહારાજ ને અક્ષરધામ ગમન ને ૧૫ દિવસ થયા પણ એમની સ્મૃતિ જીવમાં થી સહેજે દુર થતી નથી…….શોક કે વિષાદ નથી પણ એક ખાલીપો જરૂર છે…….જીવ જાણે છે કે- સત્પુરુષ આ પૃથ્વી પર થી ક્યારેય જતા જ નથી…અને  એ જ “પ્રમુખ ગુણાતીત તત્વ” આજે પ્રગટ અક્ષરબ્રહ્મ મહંત સ્વામી સ્વરૂપે પ્રત્યક્ષ વિચરી રહ્યું છે……..છતાં પ્રમુખ સ્વામી મહારાજે જે સુખ આપ્યું હતું તેની સ્મૃતિ જ એ ખાલીપા નો ભાવ ભરી શકે એમ છે……આથી આ સભા -સ્વામી બાપા ની એ અદ્ભુત સ્મૃતિ પર જ હતી……

તો મંદિરે સમયસર પહોંચી ગયા…..એકાદશી ના દિવસ ના અદ્ભુત દર્શન કરવામાં આવ્યા…..

14064049_1750125448608620_7569462358082319596_n

સભાની શરૂઆત યુવકો દ્વારા ધુન્ય -પ્રાર્થના થી થઇ……..યુવક મિત્ર નીરવ વૈદ્ય દ્વારા પ્રેમાનંદ સ્વામી રચિત “બિહારી થારી અંખિયાં, અજબ જાદુગારી…” કીર્તન રજુ થયું…….અદ્ભુત…..અદ્ભુત……..!!! સભાનો માહોલ ..હરિમય થઇ ગયો………! ત્યારબાદ પુ.શુભ કીર્તન સ્વામી ના ઘાટીલા અવાજ માં ” કોડે કોડે એકાદશી કીજીએ રે…’ બ્રહ્માનંદ સ્વામી રચિત એકાદશી ઉત્સવ ના મહિમા આધારિત પદ રજુ થયું……

ત્યારબાદ શ્રાવણ માસ ની પારાયણ ચાલુ છે તે નિમિત્તે પુ.ધર્મ તિલક સ્વામી દ્વારા યથાયોગ્ય પૂજા વિધિ -યજમાનો વડે કરાવવા માં આવી……આજની પારાયણ ના વક્તા વિદ્વાન…ખુબ સારા વક્તા પુ.અક્ષર વત્સલ સ્વામી હતા……..ચાલો જોઈએ સારાંશ…..

  • નવધા ભક્તિ ( કથાશ્રવણ, ગુણકીર્તન, નામસ્મરણ, પાદ-સેવન, અર્ચન (ચંદન વગેરેથી પૂજન), વંદન, દાસ્ય (દાસપણે – ગુલામભાવે વર્તવું), સખ્ય (મિત્રભાવ) અને આત્મનિવેદન (સર્વસ્વ અર્પણ કરવું, દરેક ક્રિયામાં ભગવાનને આગળ રાખવા)…..થી ભગવાન અને મોટા પુરુષ રાજી થાય…….
  • અને એ નવધા ભક્તિ જેના જીવન માં રગેરગ માં સમાયેલી હતી….એ મોટા પુરુષ કે જેના ગુણ ભગવાન સમાન જ હતા…..તેવા પુરુષ ના જીવન કાળ દરમિયાન આપણો જન્મ થયો એ જ આપણા મોટા ભાગ્ય છે………
  • સત્પુરુષને પામીએ ..એમનો સમાગમ કરીએ…પણ જો એમની સ્મૃતિ મન માંથી નીકળી જાય તો થયેલી પ્રાપ્તિ નિષ્ફળ થઇ જાય…….જીવના દુષ્કાળ…ખાલીપા ને ટાળવા નો એક જ ઉપાય છે…..એ સ્મૃતિઓ ને પલેપલ વાગોળવી…….
  • આ તો અમૃત ની બુંદો છે…જેને મેળવવી અઘરી અને મેળવ્યા પછી સાચવવી એના કરતા પણ અઘરી…….!
  • નિષ્કુળાનંદ સ્વામી પ્રથમ વ્યક્તિ હતા જેને શ્રીજી ના સર્વોપરી સ્વરૂપ નો નિશ્ચય થયો……અને એ જ સદ્ગુરુ એ શ્રીજી ના સર્વોપરી સ્વરૂપ ના પદ ની સાથે સાથે આવા સત્પુરુષ ના ગુણ પણ યથાર્થ ગાયા છે…….
  • ગઢડા પ્રથમ-૫૮..૬૭ વગેરે માં શ્રીજી એ પણ આવા પુરુષ ના ગુણ વિષે કહ્યું છે……જેવા એ પુરુષ ને સમજીએ ..એવો આપણો સ્વભાવ થાય……આપણા ગુણ થાય….
  • પુ.ઈશ્વર ચરણ સ્વામી કહે છે કે- બાપા એ અનેક સર્વોપરી કાર્યો કર્યા…પણ જો સૌથી મોટું કાર્ય કર્યું હોય તો તે- અક્ષર પુરુષોત્તમ સિધ્ધાંત ના ડંકા આખી દુનિયામાં વગાડી દીધા…..
  • સ્વામીશ્રી ની આભા..પ્રભાવ એવો હતો કે એમના અંતિમ દર્શન વખતે આવતા બિન સત્સંગી મીડિયા વાળા પણ સત્સંગી થઇ ગયા…..તરુણ વિજય જેવા પ્રખર રાજનીતિજ્ઞ ને તો દરેક હરિભક્ત માં સ્વામીશ્રી ના દર્શન થયા……..
  • સ્વામીશ્રી ભાગવત માં વર્ણવેલા સંત ના બધા લક્ષણ ધરાવતા હતા…છતાં એમની સરળતા..અહં શૂન્યતા….જગ જાહેર છે……
  • અમદાવાદમાં નાટક સંવાદ સમયે સંતો ની સુચના મુજબ પાછલા દરવાજે થી સ્ટેજ પર એન્ટ્રી લેવાનો પ્રસંગ હોય કે પાર્ષદો દ્વારા સ્ટેજ પર ખેંચવા નો નિષ્ફળ પ્રયાસ વાળો પ્રસંગ હોય………સ્વામીશ્રી સંતો ને રાજી કરવા એમની સુચના મુજબ વર્ત્યા છે…એમની ભૂલો માફ કરી છે……..
  • પ્રખ્યાત પત્રકાર હરિકિશન મહેતા એ પૂછ્યું કે- સ્વામીશ્રી તમારી આટલી બધી ટીકા-અપમાન થાય તો તમને કેવું લાગે છે?? સ્વામીશ્રી એ સ્વસ્થતા થી ઉત્તર આપ્યો કે -બધું ભગવાન ની સાક્ષી એ કરીએ -એટલે માન-અપમાન કશું નડે નહિ…….
  • ભલભલી વિકટ સમસ્યાઓ…વ્યવહારિક પ્રશ્નો…..અક્ષરધામ દિલ્હી નિર્માણ સંબંધી પ્રશ્નો હોય પણ સ્વામીશ્રી સ્વસ્થ રહી ને..નચિંત રહી ને વર્ત્યા છે…..અલમસ્ત થઇ ને સ્થિતપ્રજ્ઞ તા થી વર્ત્યા છે……
  • જીવમાત્ર નું કલ્યાણ થાય…….અક્ષરધામ ની પ્રાપ્તિ થાય તે માટે બાપા પોતાના દેહ ની પરવા કર્યા વગર ૪૫ વર્ષ દોડ્યા છે….તો આપણી એમના પ્રત્યે કોઈ ફરજ નથી??? આપણે સ્વામીશ્રી ની સ્મૃતિ માટે કોઈ સંકલ્પ ન કરી શકીએ???
  • ચાલો આપણે સ્વામીશ્રી ના રાજીપા માટે સંકલ્પ કરીએ કે- આપણે પંચ વર્તમાન….નિયમ ધર્મ માં દ્રઢ રહીએ…….સત્સંગમાં નિયમિત રહીએ……અન્ય ને પણ સ્વામી ના મહિમા ની વાત કરીએ…સત્સંગ કરાવીએ……….

અદ્ભુત……અદ્ભુત…….!! આટલું પણ જીવન માં દ્રઢ થાય તો સ્વામીશ્રી પ્રત્યે આપણી સાચી શ્રદ્ધાંજલિ કહેવાશે………! ત્યારબાદ શિકાગો યુનીવર્સીટી ના વિદ્વાન પ્રોફેસર વિલિયમ્સ ( હિન્દી વિભાગ ના હેડ છે) જે પ્રોફ. યોગી ત્રિવેદી સાથે ભારત મુલાકાતે છે તેમનું જાહેર સન્માન થયું……..આટલા મોટા પ્રોફેસર- પુ.ઈશ્વર સ્વામી અને પુ.અક્ષરવત્સલ સ્વામી ને પગે પડ્યા…અને શુદ્ધ હિન્દી માં જય સ્વામિનારાયણ સાથે પોતાના પ્રવચન ની શરૂઆત કરી…!!! અદ્ભુત…..અદ્ભુત……….પ્રોફ. વિલિયમ્સ દ્વારા શુદ્ધ હિન્દી માં થયેલા પ્રવચન માં એમણે કબીર ની સાખી ઓ દ્વારા કહ્યું કે- ભક્તિ એ  પ્રેમ નો જ ભાગ છે……..અઢી અક્ષર નો પ્રેમ- મનુષ્ય ને પંડિત બનાવી શકે છે…….સ્વામિનારાયણ સંપ્રદાય નું અભૂતપૂર્વ યોગદાન ભક્તિ સંપ્રદાય માં રહ્યું છે…….અને આજે બેપ્સ ના સંતો- ભારતીય અને પશ્ચિમી સંસ્કૃતિ ને જોડી રહ્યા છે…તે ભવિષ્ય માં વધુ મજબુત થશે…..!!!! અદ્ભુત……અદ્ભુત…!!! સમગ્ર સભા તાળીઓ ના ગડગડાટ થી ગુંજી ઉઠી…! પશ્ચિમી સભ્યતા ના વ્યક્તિ ને  આપણી સંસ્કૃતિ વિષે અહોભાવ છે…..અને આપણા લોકો ને જ એનો મહિમાં નથી….!!!

સભાને અંતે જાહેરાત થઇ કે આવતીકાલે આપણા ગુરુહરિ પ્રગટ અક્ષરબ્રહ્મ મહંત સ્વામી મહારાજ અમદાવાદ પધારી રહ્યા છે………….તેમનું સ્વાસ્થ્ય …..આપણી સંસ્થા-હરિભક્તો ની વિશાળતા ને લીધે સર્વ હરિભક્તો ને રૂબરૂ મળવું એમના માટે મુશ્કેલ છે છતાં -એ પોતે દેહ ની મર્યાદા ઓ ને બાજુમાં મૂકી- ભક્તો ને અઢળક લાભ આપી રહ્યા છે………….પણ આપણે એમનું ધ્યાન રાખી ને વર્તવા નું છે……! ગુણાતીત પુરુષો આપણો અમુલ્ય ખજાનો છે…….એમનો રાજીપો એ જ આપણું સર્વસ્વ……..મમત માં એમને નુકસાન ન થાય તે જોવાની જવાબદારી આપણી છે……

તો- ચાલો સત્પુરુષ કે જે ચિરંજીવી છે……તેના મહિમા ને સમજીએ……..એમનામાં સદાયે દિવ્યભાવ રાખીએ…..એમના ચરિત્ર -સ્મૃતિ ને જીવમાં દ્રઢ કરીએ……..આખરે એ પ્રગટ અક્ષરબ્રહ્મ ને સંગ જ બ્રહ્મરૂપ થવાશે…………..અને શ્રીજી મળશે……..!!!

એટલે જ સત્પુરુષ એ જ સર્વસ્વ……………….!

જય સ્વામિનારાયણ……………

રાજ


Leave a comment

BAPS રવિસભા-૨૩/૦૮/૨૦૧૫

“….પછી શ્રીજીમહારાજ બોલ્યા જે, “જેને ભગવાનની મૂર્તિ અંતરમાં અખંડ દેખાતી હોય તેણે પણ ભગવાને જે જે અવતારે કરીને જે જે સ્થાનકને વિષે જે જે લીલા કરી હોય તે સંભારી રાખવી. અને બ્રહ્મચારી, સાધુ તથા સત્સંગી તેની સાથે હેત રાખવું અને એ સર્વને સંભારી રાખવા………… તે શા સારુ જે, કદાપિ દેહ મૂક્યા સમે ભગવાનની મૂર્તિ ભૂલી જવાય તો પણ ભગવાને જે સ્થાનકને વિષે લીલા કરી હોય તે જો સાંભરી આવે અથવા સત્સંગી સાંભરી આવે અથવા બ્રહ્મચારી ને સાધુ સાંભરી આવે તો તેને યોગે કરીને ભગવાનની મૂર્તિ પણ સાંભરી આવે અને તે જીવ મોટી પદવીને પામે અને તેનું ઘણું રૂડું થાય…………. તે માટે અમે મોટા મોટા વિષ્ણુયાગ કરીએ છીએ તથા જન્માષ્ટમી અને એકાદશી આદિક વ્રતના વર્ષોવર્ષ ઉત્સવ કરીએ છીએ અને તેમાં બ્રહ્મચારી, સાધુ, સત્સંગીને ભેળા કરીએ છીએ. અને જો કોઈક પાપી જીવ હોય અને તેને પણ જો એમની અંતકાળે સ્મૃતિ થઈ આવે તો તેને ભગવાનના ધામની પ્રાપ્તિ થાય…….”

=========================

વચનામૃતમ-ગઢડા પ્રથમ-૩

૧૯ ડીસેમ્બર-૨૦૧૫ ના રોજ સારંગપુર મહાતીર્થ સ્થાને -અદ્ભુત ઉત્સવ આવી રહ્યો છે…..આપણા ગુરુહરિ પ.પૂ.પ્રમુખ સ્વામી મહારાજ નો જન્મજયંતી ઉત્સવ…….બ્રહ્મસ્વરૂપ યોગીજી મહારાજ ના શબ્દો મા……પ્રમુખ સ્વામી નો જન્મ જયંતી ઉત્સવ ફાસ્ફૂસ થી ન ઉજવવો…..ધામધૂમ થી ઉજવવો…..અને લગભગ ૮ વર્ષ પછી આપણા માટે ગુરુહરિ ને વધાવવા ની અમુલ્ય તક છે……તો ચાલો …જગત ની ચિંતા છોડી…સેવા માટે સારંગપુર નીકળો…….!!! આવો મોકો ફરી નહી મળે……..આ તો કલ્યાણ નો માર્ગ છે…..અક્ષરધામ પ્રાપ્તિ નું સાધન છે…….

તો આજ ની રવિસભા- શ્રાવણ માસ ની પારાયણ ની……..સત્પુરુષ ના મહિમા ને સમજવા ની…….શ્રીજી ના ચરિત્રો દ્વારા એમના મહિમા ને સમજવા ની હતી……..

સભાની શરૂઆત મા હમેંશા ની જેમ મારા વ્હાલા ના ….આપણા વ્હાલા ના હિંડોળે ઝૂલતા દર્શન……

11902402_458701644318013_6864987625213013490_n

શરૂઆત યુવકો દ્વારા સ્વામિનારાયણ ધુન્ય અને કીર્તન થી થઇ…….”ઝુલાવું પ્યારા હિંડોળે” પ્રેમાનંદ રચિત કીર્તન મિત્ર નીરજ વૈદ્ય ના કર્ણપ્રિય અવાજ મા અદ્ભુત હતું……..ત્યારબાદ પૂ.યજ્ઞપ્રિય સ્વામી દ્વારા શ્રીહરીલીલામૃતમ ( આચાર્ય શ્રી વિહારીલાલજી મહારાજ રચિત) ની પારાયણ ,યજમાનો દ્વારા પૂજા વિધિ-સંકલ્પ થી થઇ…….શ્રીજી મહારાજ ને -અમદાવાદ ના સુબા- વિઠોબા દ્વારા તેલ ના કુવા મા ફેંકી ને મારવા ના ષડયંત્ર ના પ્રકરણ નું પઠન કરતા સ્વામી એ કહ્યું કે……

  • જયારે જેતલપુર નો મહાયાગ શ્રીજી એ કર્યો -એ જોઈને વામ માર્ગી બાવા બળી ઉઠ્યા અને અમદાવાદ ના સુબા ને ઉશ્કેરી શ્રીજી ને મારી નાખવા નો પ્લાન કર્યો….પણ શ્રીજી તો સ્વયમ પૂર્ણ પુરુષોત્તમ- એમના આગળ સુબા ની બધી ચાલાકી ઓ નિષ્ફળ ગઈ……જ્યાં સુધી સુબો છે ત્યાં સુધી-શ્રીજી અમદાવાદ મા નહિ આવે- એવું કહી શ્રીજી ચાલી નીકળ્યા અને પછી નો ઇતિહાસ તો આપણે જાણીએ છીએ એમ- સુબા નું ટૂંક સમય મા પતન થયું અને અંગ્રેજો નું રાજ આવ્યું…..શ્રીજી એ ધામધૂમ થી અમદાવાદ મા પુનઃ પ્રવેશ કર્યો……
  • એમ શ્રીજી નું ધાર્યું થાય……..જગત ની કે આવા અસંખ્ય બ્રહ્માંડો ની પણ ભગવાન આગળ કોઈ વિસાત નથી……તો સુબો શું કરી શકે???
  • પણ ભગવાન નો અને સત્પુરુષ નો મહિમા- જગત ના સુખ મા મસ્ત….રચ્યા પચ્યા રહેતા જીવ ને સમજતો નથી…..
  • એક સત્પુરુષ જ જીવ  ને ભગવાન નો મહિમા જેવો છે એવો સમજાવી શકે…….
  • જેને ભગવાન નો દ્રઢ આશરો છે તે અંતર થી સદાયે નિર્ભય…..સુખી હોય છે……..ભલે ને ભગવાન કસની કરે……જીવ દ્રઢ ભાવે શ્રીજી નો આશ્રિત જ રહે છે…….એ જેમ કરે-એમાં જ સુખ સમજે છે…..

અદ્ભુત…….અદ્ભુત………………..! ત્યારબાદ આવનારી પારાયણ ની જાહેરાત થઈ…………અને સભા ને અંતે સ્વામી શ્રી ના વિચરણ નો વિડીયો દર્શન થયા…….

અદ્ભુત વાત બીજી એ હતી કે- પેરેલલ ચાલતી યુવક સભા મા આજે પ.ભ. કલ્પેશ ભાઈ ભટ્ટ નું પ્રવચન હતું………..જો કે અમને લાભ ન મળ્યો પણ -તેનું રેકોર્ડીંગ મળશે તો બધા સાથે ગુલાલ કરવા મા આવશે……જુઓ નીચેની લીંક…..!

(નીચેની લીંક છે- જે મોબાઈલ રેકોર્ડેડ હોવાથી ગુણવત્તા ઓછીવત્તી હોઈ શકે છે……)

http://chirb.it/nByh9r

રાજી રહેજો……..જય સ્વામિનારાયણ…….

રાજ


Leave a comment

આજકાલ- ૩૦/૦૭/૨૦૧૪

આજકાલ તો આઠોજામ- મેઘરાજા ની મહેર ચાલી રહી છે. ગઈકાલે રાત થી મેઘરાજા પધાર્યા છે તો હવે જપી ને બેસવા નું નામ લેતા નથી……અને આપણે પણ કઈ ઓછા નથી……છત્રીઓ- અને રેઈન કોટ ને કબાટ માં થી બહાર કાઢ્યા જ નથી…..બસ હવે તો ” ઉઘાડા માથા મેઘરામ…..તમતમારે ઝીંકે રાખો…..!

તો આવા “મેઘ-ઘેલા” વાતાવરણ માં શું ચાલે છે આજકાલ???

  • બસ- હરપળ ભીંજાવા ની ઈચ્છા થાય છે…….અને હરિ દયા એ પૂરી પણ થાય છે…..! સારી વાત એ છે કે- આટલું ભીંજાયા પછી પણ દેહ -થાકતો નથી……અને વળી-રહ્યું મનુષ્ય મન…..એ ક્યાં ધરાવા નું છે???
  • હરિ ને હવે પાંખો ફૂટી છે……અને એને પકડી રાખવો હવે મુશ્કેલ છે……! પણ એના નખરા એટલા અદ્ભુત છે કે…..લાગે છે-એ મોટો થઇ ને -મહાન કલાકાર થવાનો….! અત્યારે તો અમને બધા ને ભરપુર મનોરંજન આપી રહ્યો છે…….
  • અમદાવાદ માં કાર કે અન્ય સાધન ચલાવવું એક હવે પડકાર બનતો જાય છે……..અમારી સોસાયટી માં તો પાર્કિંગ એટલો મોટો મુદ્દો બનતો જાય છે કે – ગાડી ને યોગ્ય જગ્યા એ પાર્ક કરવા- પડાપડી થાય છે……..અને રોડ પર લઇ ને નીકળી એ તો હેમખેમ- ( અર્થાત ગાડી પર એક નાનો લીટો પડ્યા વગર…..ભૂવામાં પડ્યા વગર…) પાછા આવો તો- હરિ ની કૃપા જ સમજવાની…! અને જે જગ્યા એ પાર્કિંગ ની સગવડ ન હોય ત્યાં જવાનું જ નહિ…….એ વણકહ્યો નિયમ..!
  • અને આ “ભુવા” શબ્દ ની ઉત્પત્તિ ક્યાં થી થઇ? એ સમજાતી નથી………કદાચ ભૂ= જમીન અને વા= અર્થાત અથવા……એમ થઇ ને- ભુવા શબ્દ બન્યો હશે…….! અમારા અમદાવાદ માં ચોમાસું એટલે ભુવા ની મોસમ……..ભુવા+ ગાયો ના ટોળા= અમદાવાદ ના રાજમાર્ગો……….હવે વિચારી લો- કે તમારે અમદાવાદ માં કાર લઈને નીકળવું હોય તો- જોખમ કેટલું????
  • પહેલા ડુંગળી અને હવે ટામેટા- ભાવ વધી ગયા છે…….અને સરકાર પર પસ્તાળ પડી રહી છે…….હું એમ કહું છું કે- આ શાકભાજી ના ભાવ વધી જાય તો- બધાએ ભેગા થઇ એને વાપરવા નું જ બંધ કરી દેવાનું……..ડીમાંડ ઘટતા- આપમેળે જ એના ભાવ ઘટી જશે…..! પણ ખબર નથી પડતી કે- લોકો – આત્ આટલા ભાવ વધારા છતાં- એવા શાકભાજી ખાવાનું બંધ કેમ થતું નથી????? થોડાક દિવસ- આપણે ધીરજ ન  રાખી શકીએ???? અને અન્ય એક વાત- એક ચેનલ પર બતાવ્યું કે- હોલસેલ ભાવ શાકભાજી ના ઓછા છે- પણ આ લારી-દુકાન વાળા જ વધારે ભાવ લે છે………અને બિચારા ખેડૂતો ને શું મળતું હશે??? એ વિચારવા જેવું છે…..આના કરતા તો ખેડૂતો પોતે જ સીધી શાકભાજી વેચે તો??? ( ગુજરાત સરકારે કેરી બાબતે આવો પ્રયોગ કરેલો છે….)
  • અન્ય એક રસ્તો- જૈનો ની જેમ- ચોમાસા દરમ્યાન કઠોળ જ ખાવા નો આગ્રહ રાખવો……..કાંતો શ્રાવણ માસ- પવિત્ર માસ- ઉપવાસ ને વધુ પ્રાધાન્ય આપવું……..શરીર સારું રહેશે અને સાથે સાથે ખીસા પણ…..! અને ડુંગળી-લસણ- માટે એમ વિચારવું કે- તામસી આહાર છે- ન ખાવા અને ટામેટા ખાવા થી પથરી થાય- એમ વિચારી ને- આવા “મોંઘા” શાક નો ત્યાગ કરવો…….

તો- ચાલો મેઘરાજા અને મોંઘવારી સાથે -તાલ મિલાવીએ…….અને ભુવા+ગાયો થી બચતા રહીએ………..

રાજ


Leave a comment

BAPS રવિસભા- ૨૦/૦૭/૨૦૧૪

પછી સ્વયંપ્રકાશાનંદ સ્વામીએ પ્રશ્ન પૂછ્યો જે,……….

“કયે ઠેકાણે માન સારું છે ને કયે ઠેકાણે સારું નથી ? ને કયે ઠેકાણે નિર્માનીપણું સારું છે ને કયે ઠેકાણે સારું નથી ?”

પછી શ્રીજીમહારાજ બોલ્યા જે……….

“જે સત્સંગનો દ્રોહી હોય ને પરમેશ્વરનું ને મોટા સંતનું ઘસાતું બોલતો હોય, તેની આગળ તો માન રાખવું તે જ સારું છે અને તે ઘસાતું બોલે ત્યારે તેને તીખા બાણ જેવું વચન મારવું પણ વિમુખની આગળ નિર્માની થવું નહીં તે જ રૂડું છે……….. અને ભગવાન ને ભગવાનના સંતની આગળ તો જે માન રાખવું તે સારું નથી ને તેની આગળ તો માનને મૂકીને દાસાનુદાસ થઈને નિર્માનીપણે વર્તવું તે જ રૂડું છે.”

———–ઇતિ વચનામૃતમ- પંચાળા-૫———–

સત્સંગ માં – વિવેક અને સમજણ- એ બે અગત્ય ના- અનિવાર્ય સાધનો છે…જેના વગર સત્સંગી પોતાના ધ્યેય- પુરુષોત્તમ ને પામતો નથી. આજની સભા- આ “વિવેક” પર હતી. વચનામૃત ના ઘણા સુવર્ણ પૃષ્ઠો પર સ્વયમ શ્રીજી એ માની ને- માન વાળા ભક્ત ને – નિમ્ન ગણ્યો છે…..ગઢડા પ્રથમ-૪૧, ૫૬..૬૨….વગેરે વચનામૃતો માં “માની” ભક્ત ના પતન ની વાત- શ્રીજી એ કરી છે……તો આના થી ઉલટું – પંચાળા ના ઉપરોક્ત વચનામૃત માં શ્રીજી એ “માન” રાખવા નું કહ્યું છે……..પણ સવાલ છે …ક્યાં માન રાખવું? અને ક્યાં ન રાખવું? – એ યક્ષ પ્રશ્ન નો સુંદર જવાબ પણ ઉપરોક્ત વર્ણવ્યો છે. આમ, સત્સંગ માં જો “વિવેક- ( અર્થાત ક્યાં આગળ ..કઈ રીતે વર્તવું) ” હોય તો- પછી જોવું ન પડે…….! તો આજ ની સમગ્ર સભા- સત્સંગ માં- વિવેક, સમજણ અને પક્ષ પર હતી…….

આજે હું પરિવાર સાથે – સભામાં ગયો આથી સ્વાભાવિક છે એમ- મોડો પહોંચ્યો……..આથી દર્શન બંધ હતા પણ ઠાકોરજી ના મનભાવન દર્શન નો લાભ સભા પછી લેવામાં આવ્યો………અત્યારે હિંડોળા ચાલે છે…..તો ચાલો કરીએ એ અદ્ભુત દર્શન……

10526150_274516766069836_9192048306997770299_n

10409408_274517599403086_7135342247656914305_n

સભામાં ગોઠવાયા ત્યારે- પુ.શુક્મુની સ્વામી ના કંઠે- પ્.પુ.પ્રમુખ સ્વામી મહારાજ ના મહિમા નું કીર્તન “પ્યારું પ્રમુખ સ્વામી નામ……” પૂરું થયું હતું અને સભામાં- અક્ષર પુરુષોત્તમ સિધ્ધાંત નું સમૂહ ગાન થઇ રહ્યું હતું. સમૂહ ગાન – નો એક એક શ્લોક- અને શબ્દ- અગાધ છે…….જો સમજાઈ જાય- અને જીવાઈ જવાય- તો શ્રીજી ની પ્રાપ્તિ અને પ્રતીતિ પાકી…!

ત્યારબાદ- પુ.અક્ષર વત્સલ સ્વામી જેવા પ્રખર વક્તા- અને વિદ્વાન સંત ના મુખે- ઉપરોક્ત વર્ણવ્યા મુજબ- પંચાળા -૫ ના વચનામૃત પર રસપ્રદ -બળવત્તર પ્રવચન થયું. જોઈએ અમુક અંશ…….

  • સમગ્ર વચનામૃત માં- શ્રીજી એ “માની” ને નિમ્ન ગણ્યો છે……પણ આ વચનામૃત માં સ્વયમ શ્રીજી એ ” માન” રાખવા ની આજ્ઞા કરી છે……પણ ક્યાં? એ ના ઉત્તર માટે- એ વચનામૃત વાંચવું પડે……
  • ભગવાન , ભગવાન ના સંત અને ભક્ત- ના વિષે કોઈ ઘસાતું બોલે તો- સાંભળી ન લેવું……પણ તીખા શબ્દો નો પ્રયોગ કરી – માન રાખી ને- પણ -ભગવાન-સંત અને ભક્ત નો પક્ષ રાખવો………”રે શિર સાટે નટવર ને વરીએ….” ની જેમ……!
  • પક્ષ માટે- માથું પડે તો એ પીછે હઠ ન કરવી…..એમાં જ ભગવાન રાજી છે…..
  • પણ સત્સંગ માં- માન- અભિમાન-શ્રીજી ને સ્વીકાર્ય નથી જ……ભક્ત ના માન નું ખંડન થાય- એવું જ શ્રીજી કરે છે….પુ.મહંત સ્વામી કહે છે એમ- આપણે ભગવાન આગળ – લૌકિક સુખો ની માંગણી કરીએ છીએ- પણ સત્સંગ માં “માન ક્યાં મળે છે” એમ શોધતા ફરીએ છીએ…..
  • ભગવાન ની માપ પટ્ટી- અલગ છે………તમે ગમે તેટલું દાન કરો- નિયમ ધરમનું પાલન કરો – તપ કરો કે વ્રત કરો…..પણ અંતર શુદ્ધ ન હોય તો- શ્રીજી એને સત્સંગ માં મોટેરો ગણતા નથી……જયરે પર્વતભાઈ જેવા સાવ ગરીબ પણ અંતર ના શુદ્ધ ભક્ત ને મુક્તાનંદ સ્વામી જેવા મુક્ત ગણ્યા છે…..
  • ગઢડા મધ્ય ૬૦- ૬૧ પ્રમાણે- પોતાના ગુરુ-સત્સંગી અને ભગવાન ( ઇષ્ટદેવ) નો હમેંશા પક્ષ રાખવો…….શ્રીજી એ પક્ષ રાખનાર પર રાજી રહે છે…..
  • પોતાના સગા-વ્હાલા માં જેવું હેત છે- એવું ભગવાન અને ભગવાન ના સંત માં રાખે- તો પોતાને આત્મ સત્તા રૂપ મનાય- અને પક્ષ નું બળ મજબુત બને……અને જીવ નું કલ્યાણ થાય…….
  • ભગવાન, સંત અને ભક્ત- નો પક્ષ રાખે- એને તો બ્રહ્મ હત્યા ના પાપ માં થી મુક્તિ મળે……..બીજા બધા સાધન- આ એક પક્ષ માં આવી જાય……અને જે પક્ષ ન રાખે- એ કાયર છે…..એમ શ્રીજી કહે છે…..
  • આપણે- પક્ષ નથી રાખી શકતા કારણ કે- આપણા ઇષ્ટદેવ-સત્પુરુષ અને સત્સંગ વિષે- આપણો અભ્યાસ ઓછો છે……ઈસ્વીસન ની ૧૮૨૩ ની એશિયાટીક જર્નલ કહે છે કે- ભગવાન શ્રી સ્વામિનારાયણ જો ગુજરાત માં ન વિચર્યા હોત તો- ગુજરાત નો સામાજિક વિકાસ ન થયો હોત…….એવું એમનું માહાત્મ્ય ઇતિહાસ કહે છે…..આમ ઇતિહાસ – ની સાક્ષી એ માહાત્મ્ય જાણવું- અને નિષ્ઠા દ્રઢ કરવી- પક્ષ નું અંગ મજબુત કરવું.
  • આપણ ને મળેલો- સત્સંગ-સત્પુરુષ અને શ્રીજી- સર્વોપરી છે……એ અનુભવ ને આધારે- છાતી ઠોકી ને કહી શકો છો……..પ્રગટ પુરાવા નજર સમક્ષ છે……
  • માટે- સત્સંગ માં તો- નિયમ,નિશ્ચય અને પક્ષ- એ જ સર્વોપરી- અને પક્ષ રાખે એ જ સાચો સત્સંગી……..

અદ્ભુત……અદ્ભુત………! એટલા  માટે જ જેમ બને તેટલો- વધારે અભ્યાસ કરતા રહો- સંશોધન કરો- સંતો- શાસ્ત્રો ના સંપર્ક માં અખંડ રહો- તો સમજાય કે આપણ ને જે મળ્યું છે- તે કેવું છે? પુ.ઈશ્વરચરણ  સ્વામી એ પણ આ વાત ને આગળ ધપાવી- અને સત્સંગ ની -પક્ષ ની સર્વોપરિતા ની વાત કરી……….એમણે કહ્યું કે- ગુરુ ની આજ્ઞા પળાય……..એમની દરેક ક્રિયા માં નિર્દોષ ભાવ રહે- તો સમજવું- કે હવે આપણે આત્મ સત્તા રૂપ થયા છીએ……..અને પક્ષ નું અંગ દ્રઢ થયું છે….

એ પહેલા- સારંગપુર મહાતીર્થ સ્થાને બિરાજમાન- પ્.પુ.પ્રમુખ સ્વામી મહારાજ ની વિચરણ લીલા ઓ નો વિડીયો રજુ થયો……..બાપા ના મુખ પર તેજ અને તરવરાટ જ એ વાત નું દ્યોતક છે કે- સાધુતા…દિવ્યતા…..શ્રીજી નું પ્રગટ પ્રમાણ અહી જ છે…….અહી જ છે…..! વળી- “વડતાલ ગામ ફૂલવાડી રે …” વિડીયો સાથે- સમગ્ર સભા ઝૂમી ઉઠી………

ત્યારબાદ સભા ને અંતે અમુક જાહેરાતો થઇ…….

  • આવતા રવિવાર- ૨૭/૭ થી શ્રાવણ માસ ની શુભ શરૂઆત થઇ રહી છે……અને એજ દિવસ થી સંત ના મુખે પારાયણ પણ….! વિસ્તાર-વિસ્તાર પ્રમાણે અલગ અલગ- સંત અને સમય છે…….
  • પુ.ડોક્ટર સ્વામી સ્વયમ- શાહીબાગ મંદિરે- તા-૭/૮ થી ૧૪/૮- એમ સતત ૮ દિવસ- પ્રાતઃસભા માં સત્સંગ પ્રવચન નો લાભ આપવા ના છે…….આનંદો..અમદવાદીઓ…..આનંદો…!
  • ૨૭/૭ ના રોજ- બાલિકા મંડળ ની પારાયણ ની પણ શરૂઆત થઇ રહી છે……સ્થળ – શાહીબાગ મંદિર- સમય- ૧૨ થી ૪
  • સિધ્ધાંત પોથી- ભરાઈ ગયા બાદ ક્યાં જમા કરાવવી?- તો એની જાહેરાત અમુક સમય બાદ કરવા માં આવશે- ત્યાં સુધી એને પોતાની પાસે જ સાચવી ને રાખવી……
  • આવતીકાલે- પુ.ઈશ્વર ચરણ સ્વામી અને અન્ય બે સંતો- અમેરિકા જઈ રહ્યા છે……..અક્ષરધામ ના નુતન મંદિર ની પ્રતિષ્ઠા નિમિત્તે

તો- આજની સભા- સત્સંગ- માં- સમજણ-વિવેક અને પક્ષ ની હતી……..યાદ રાખવું- “જે ભગવાન નો પક્ષ રાખે……એનો પક્ષ ભગવાન હમેંશા રાખે છે……”

ચાલો ત્યારે સત્સંગ માં- આ સાધનો દ્રઢ કરી રાખજો…….જય સ્વામિનારાયણ…..

રાજ

 


Leave a comment

BAPS રવિસભા- ૦૬/૦૭/૧૪

10338690_700607279977243_2661902203969918293_n

સર્વોપરી અક્ષર પુરુષોત્તમ સિધ્ધાંત ના બ્રહ્માંડ પ્રવર્તન માટે- બ્રહ્મ સ્વરૂપ શાસ્ત્રીજી મહારાજે જે – અપમાનો, ભીડા વેઠ્યા એના આગળ તો આપણા દુખો ની કોઈ વિસાત નથી. એક સિધ્ધાંત ખાતિર આવા બ્રહ્મ નિષ્ઠ પુરુષ ને – ગામેગામ- ભૂખ્યા ભટકવું પડ્યું……છતાં પોતાનું ધ્યેય છોડ્યું નહિ……અને અનંત જીવો ના કલ્યાણ માટે નો એક સહજ માર્ગ બતાવ્યો….આજ ની સભા આ સત્પુરુષ અને એમના સિધ્ધાંત માટે હતી…..

આજે સમયસર સભામાં પહોંચી ગયો..શરુ શરુ માં ભીડ ઓછી લાગી…કારણ? ગરમી….પણ ધીરે ધીરે સભા ભરચક થઇ ગઈ…..તો ચાલો- તન-મન-જીવ ને શાતા આપતાં -જગત ના નાથ ના દર્શન કરીએ….

10527755_270505283137651_2403712839906070958_n

સભાની શરૂઆત- પુ.કૃષ્ણ સ્વરૂપ સ્વામી ના મધુર કંઠે ગવાતા સ્વામિનારાયણ ધુન્ય અને પ્રાર્થના થી થઇ…..એમના દ્વારા જ બે કીર્તન રજુ થયા અને બંને ના રચયિતા – ભક્ત કવિ રસિક દાસ હતા…..”વાદલડી ઉતરજે ઘેલા ને તીર …..” અદ્ભુત હતું……અત્યારે વરસાદ ખેંચાયો છે અને શ્રીજી ની કૃપા ની વિશેષ જરૂર છે, ત્યારે આવું કીર્તન હૃદય ના તાર ને ઝણઝણાવી જાય એમાં શું શંકા????  અન્ય કીર્તન- “અક્ષરધામ થી મહા એકાંતિક અવની ઉપર આવ્યા…” પણ અદ્ભુત હતું.

ત્યારબાદ હમેંશ ની જેમ- અક્ષર પુરુષોત્તમ સિધ્ધાંત નું સમૂહ ગાન થયું……પણ આ સમયે કોરસ માં શ્રોતાઓ એ પોતાનો સુર પુરાવવા નો હતો…..પ્રયોગ સારો હતો. ત્યારબાદ પુ. શ્રીહરિ સ્વામી જેવા વિધવાન સંત ના મુખે – બ્રહ્મ સ્વરૂપ શાસ્ત્રીજી મહારાજ ના “સર્વોપરી અક્ષર પુરુષોત્તમ સિધ્ધાંત ની નિષ્ઠા અને પ્રવર્તન” વિષય પર ઊંડાણ પૂર્વક નું સંશોધિત પ્રવચન થયું…..જોઈએ અમુક અંશ…

  • કહેવાય છે કે- શાસ્ત્રીજી મહારાજ નો જન્મ જ મંદિર કરવા સારું થયેલો……એમના બાળપણ ના પ્રસંગો એ વાત ના દ્યોતક છે અને જયારે કિશોર વયે એમણે ત્યાગાશ્રમ સ્વીકાર્યો ત્યારે શ્રીજી ના મળેલા સંત વિજ્ઞાનાનંદ સ્વામી ને ગુરુ કર્યા
  • સુરત માં ઘનશ્યામ મહારાજ ની મૂર્તિ ની પ્રતિષ્ઠા સમયે- બ્રહ્મ સ્વરૂપ ભગતજી મહારાજ સાથે પ્રથમ મિલન થયું- કે જેણે શાસ્ત્રીજી મહારાજ નું જીવન બદલી નાખ્યું અને અક્ષર પુરુષોત્તમ સિધ્ધાંત ના પાયા નાખ્યા…..
  • શાસ્ત્રીજી મહારાજે એમના જીવન માં ત્રણ વાત દ્રઢ કરી- ૧) સહજાનંદ સ્વામી- સર્વોપરી, સર્વાવતારી પુરુષોત્તમ- સ્વામિનારાયણ ભગવાન છે….૨) ગુણાતીતાનંદ સ્વામી જ મૂળ અક્ષરબ્રહ્મ છે ૩) શ્રીજી- સદાયે પ્રગટ રહે છે……પોતાના સંત દ્વારા ….- અને આ ત્રણ વાત- એમણે અનેક પરીક્ષણો – અનુભવો- જાત ચકાસણી થી સાબિત કરી છે…..
  • વઢવાણ માં- અક્ષર પુરુષોત્તમ મહારાજ બેઠા – પછી શાસ્ત્રીજી મહારાજ પ્રત્યે- વડતાલ માં વિરોધ વધ્યો…..એમના અપમાનો થયા….મારી નાખવા સુદ્ધા ના પ્રયાસો થયા અને છેવટે -કૃષ્ણજી અદા ની આજ્ઞા થી પાંચ સંતો સાથે વડતાલ છોડ્યું અને એના એક જ વર્ષ માં તો બોચાસણ માં – મધ્ય ખંડ માં અક્ષર પુરુષોત્તમ મહારાજ બેઠા……અને સમગ્ર પૃથ્વી પર અક્ષર પુરુષોત્તમ મહારાજ નો ડંકો વાગ્યો…..અક્ષર પુરુષોત્તમ સિધ્ધાંત નો ડંકો વાગ્યો…….જેના પરિણામે આજે ૧૨૦૦ થી વધુ મંદિરો અને ૯૩૦ થી વધુ સંતો- પૃથ્વી પર વિચરી ને આ સિધ્ધાંત નું પ્રવર્તન કરી રહ્યા છે……
  • આજે પ.પુ.પ્રમુખ સ્વામી મહારાજ દ્વારા શ્રીજી પ્રગટ પ્રમાણ છે……અને આ સિધ્ધાંત ગુંજતો રહેશે……

ત્યારબાદ- એક વિડીયો રજુ થયો જેમાં સ્વયમ પ્રમુખ સ્વામી મહારાજે- શાસ્ત્રીજી મહારાજ ના અ સર્વોપરી કાર્ય- અને સિધ્ધાંત વિષે જણાવ્યું. ત્યારબાદ- બાળમંડળ દ્વારા – આ જ અક્ષર પુરુષોત્તમ સિધ્ધાંત ના માહાત્મ્ય વિષે ગાન રજુ થયા……

994456_700566173314687_4349462479366895449_n

ત્યારબાદ- ઉદ્ઘોષક દ્વારા વાત થઇ કે- યોગીબાપા ના સંકલ્પ હતા એમાં એક એવો સંકલ્પ હતો કે અનાર્ય દેશો માં પણ – સ્વામિનારાયણ મંદિર બને…..અને તાજેતર માં હોંગકોંગ માં- આપણું મંદિર બન્યું…..પુ.ઈશ્વરચરણ સ્વામી દ્વારા ત્યાં મૂર્તિ પ્રતિષ્ઠા થઇ- ખુબ જ આનંદ ની વાત છે કે- આપણી કલ્પના ન હોય ત્યાં આગળ પણ- આપણો સંપ્રદાય- આપણો સિધ્ધાંત જઈ રહ્યો છે……..મોટા પુરુષો ના વચનો મિથ્યા નથી હોતા એનું આ એક પ્રમાણ છે….

પુ.ઈશ્વર ચરણ સ્વામી એ – તારીખ- ૯/૭ -બુધવાર થી શરુ થતા ચાતુર્માસ માં લેવા ના વિશેષ નિયમો વિષે બળ ભરી વાત કરી……જોઈએ સારાંશ…

  • શાસ્ત્રીજી મહારાજ અને યોગીબાપા ને તપ- વ્રત ખુબ જ પસંદ હતા- યોગીબાપા તો યુવકો ને ધારણા-પારણા ના વ્રત આપતાં……શ્રીજી ને પણ તપ-ખુબ જ વ્હાલું…..
  • આથી- નિયમ ના પાંચ નિર્જળ ઉપવાસ ( ૯ જુલાઈ – ના રોજ દેવ પોઢી અગિયારસ છે….નિર્જળા ઉપવાસ જરૂર કરવો) અને ચાતુર્માસ ના વિશેષ ઉપવાસ કરવા
  • જુવાનો એ- સમગ્ર શ્રાવણ માસ દરમિયાન ધારણા પારણા ( એક દિવસ ઉપવાસ- એક દિવસ જમવાનું) જરૂર કરવા અને વડીલો- એ એકટાણા જરૂર કરવા……! જોઈએ આપણા થી શું થાય છે????
  • આ સિવાય- ચાતુર્માસ ના વિશેષ નિયમો જરૂર લેવા( વધારા ની માળા, સત્સંગ, વાંચન વગેરે)

આ સિવાય પણ અમુક જાહેરાતો થઇ…..

  • અક્ષર પીઠ દ્વારા – યુવા અધિવેશન ની ડીવીડી બહાર પડી છે…..
  • ૧૨-જુલાઈ -એ ગુરુ પૂર્ણિમા છે- અને મોટા સંતો ની આજ્ઞા મુજબ- આ મહા ઉત્સવ- હમેંશ ની જેમ બોચાસણ જ ઉજવાશે….કોઈએ સારંગપુર જવું નહિ…સ્વામીશ્રી ની નાદુરસ્ત તબિયત અને આરામ ને ધ્યાનમાં રાખી ને ત્યાં આગળ ઉત્સવ ની કોઈ વ્યવસ્થા રાખેલ નથી- તેની વિશેષ નોંધ  લેવી….
  • આવતા રવિવારે સભા- એ ગુરુ પૂર્ણિમા ની વિશેષ સભા છે……..અચૂક લાભ લેવો…પુ.ડોક્ટર સ્વામી પણ વિશેષ લાભ આપવા ના છે…..
  • આ સિવાય- સત્સંગ પરીક્ષા ને લગતી અમુક જાહેરાતો થઇ…..

આજના દિવસે- પ.પુ.પ્રમુખ સ્વામી મહારાજ ના હૃદય ની સર્જરી ને ૨૦ વર્ષ પુરા થયા…..અને વરસાદ ખેંચાયો છે – આથી સર્વ જન હિત માટે – સ્વામીશ્રી ના સારા સ્વાસ્થ્ય માટે- સ્વામિનારાયણ મહામંત્ર ની ધુન્ય મિત્ર- નીરજ વૈદ્ય ના સુમધુર સ્વર માં થઇ…..! ચાલો આપણે પણ એમાં જોડાઈએ…..

સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ….સ્વામિનારાયણ………

રાજી રહેશો

જય સ્વામિનારાયણ….

રાજ


1 Comment

BAPS રવિસભા-તા ૦૪/૦૮/૧૩

..પછી સ્વયંપ્રકાશાનંદ સ્વામી એ પ્રશ્ન પૂછ્યો જે…” હે મહારાજ..! જેણે કરીને ભગવાન અતિશય રાજી થાય એવું સાધન કયું છે? પછી શ્રીજી મહારાજ બોલ્યા જે…”જયારે ઘરમાં એક મણ અન્ન મળતું હોય ને ત્યારે જેવી સંત ની ઉપર પ્રીતિ હોય ને જેવું દીનપણું હોય, અને પછી તેને એક ગામ નું રાજ્ય આવે અથવા પાંચ ગામ નું રાજ્ય આવે અથવા પચાસ ગામ નું રાજ્ય આવે અથવા સો ગામ નું રાજ્ય આવે અથવા સર્વે પૃથ્વી નું રાજ્ય આવે તોપણ સંત ની આગળ જેવો કંગાળ હતો ને દિન આધીન રહેતો  તેવો ને તેવો જ પ્રીતિ યુક્ત થકો દિન આધીન રહે ;તેમજ  ઇન્દ્રલોક તથા બ્રહ્મલોક નું રાજ્ય પામે તો પણ સંત ની આગળ  tતેવો ને તેવો જ દિન આધીન રહે . અને ત્યાગી હોય ને જેવો પ્રથમ ગરીબ હોય અને જેમ સૌ સંત ની ટેલ-ચાકરી કરતો હોય , તેવ ને તેવી જ પોતામાં ભગવાન જેવા  એશ્વર્ય આવે તોપણ કરતો રહે પણ સાધુ સાથે પિતરાઈ દાવો બાંધે નહિ ને બરોબરિયા પણું કરે નહિ……એવા જેના લક્ષણ હોય તેની ઉપર ભગવાન અતિ પ્રસન્ન થાય છે…….”

————————- વચનામૃતમ -ગઢડા મધ્ય ૨૫ ———————

એક ગહન પ્રશ્ન……….સત્સંગ માં મોટેરો કોને કહેવાય?  જવાબ સ્વયમ શ્રીજી એ આપ્યો છે…ગઢડા પ્રથમ ના ૨૮, ૫૮ ,૭૬ માં શ્રીજી એ કહ્યું છે કે – જે સત્સંગ માં દાસાનુદાસ , અતિ નિર્માની પણે વર્તે છે….એ જ મોટેરો છે…….તો આજની રવિસભા આ બ્રહ્મ સાર પર જ હતી……આ દિવ્ય સત્સંગ છે…અક્ષર સત્સંગ છે- જ્યાં માન -મોટયપ -કપટ કે વિષય વાસના ને સ્થાન જ નથી……તો- બસ આ જ સાર ને જીવન માં પકડી રાખવો…..તો જ સત્સંગ માં ટકી રહેવાય…

તો આજે …હરિકૃપા થી આકાશ ચોખ્ખું હતું અને સુરજ ના ઝળહળતા દર્શન થયા…..અને મંદિરે પહોંચ્યા બાદ હિંડોળા માં ઝુલતા મારા વ્હાલા ના દર્શન……વિસ્ફારિત….નેત્રે કરવામાં આવ્યા……

હિંડોળે ઝૂલે મારો નાથ.....

હિંડોળે ઝૂલે મારો નાથ…..

સભામાં સ્થાન ગ્રહણ કર્યું ત્યારે સ્વામિનારાયણ મહામંત્ર ની ધુન્ય-કીર્તન સંતો ને મુખે થઇ રહ્યા હતા…..”તમે મારા થયા..હું તમારો થયો…….આવો આવો સહજાનંદ સ્વામી…” શરણાગતિ નો અદ્ભુત ભાવ દર્શાવતું કીર્તન મેં પ્રથમ વાર જ સાંભળ્યું અને ગમ્યું……

ત્યારબાદ- જેમ બધા ને જ્ઞાત છે તેમ- રવિસભા એ જ્ઞાન સભા છે…તો પછી તન ની જાળવણી નું જ્ઞાન પણ કેમ ન હોય?  પ્રખ્યાત વૈદ્ય -મહેન્દ્ર વ્યાસ કે- જે શ્રી યોગીજી મહારાજ હોસ્પિટલ -અમદાવાદ- ના આયુર્વેદિક ડીપાર્ટમેન્ટ “નિરામય” સાથે સંકળાયેલા છે- તેમણે – ગ્રીષ્મ( જેઠ,અષાઢ) અને વર્ષા( શ્રાવણ, ભાદરવો)  ઋતુઓ માં- શું ખાવું-પીવું…..શું ધ્યાન રાખવું એના પર સ્લાઈડ્સ દ્વારા પ્રસ્તુતિ કરી……ઘણા બધા સંશયો દુર થઇ ગયા…દાખલા તરીકે….તમે જાણો છો કે- પાકું પપૈયું – ખાવા માં ઠંડુ હોય? દીવેલ…ગરમ હોય? ……ત્યારબાદ- આજકાલ આધુનિક પેઢી ને નડતા સર્વ સામાન્ય પણ જીવલેણ રોગો…બીપી, ડાયાબીટીસ અને હાઈ કોલેસ્ટ્રોલ પર એમણે છણાવટ કરી…….એન્ટી ડાયાબીટીક ગોળીઓ લઈને- મીઠાઈ ઓ ઝાપટતા હરિભક્તો..ચેતો…ચેતો…!

ત્યારબાદ સંતો ના મુકે અન્ય એક કીર્તન સાંભળવા મળ્યું……” આવ્યો શ્રાવણ માસ અનુપ …હિંડોળો માંન્ચ્યો રે…..”..પ્રેમસખી દ્વારા રચિત આ કીર્તન- શ્રાવણ માસ કે જે બુધવાર થી શરુ થઇ રહ્યો છે – એના સ્વાગત માટે જ સર્જાયું-ગવાયું હોય એમ લાગ્યું…….બાકી હરિ ને હિંડોળે ઝુલતા જોવા- એ એક મહા ઉત્સવ થી વિશેષ કઈ નથી…..!

ત્યારબાદ સત્સંગ મધ્યસ્થ કાર્યાલય માં યુવા પ્રવૃત્તિ ની જવાબદારી સંભાળતા પુ.વિવેક મુની સ્વામી એ – ઉપરોક્ત વર્ણવ્યા મુજબ- વચનામૃત ના ગઢડા મધ્ય -૨૫ ………પર આધારિત પ્રવચન દ્વારા સમજાવ્યું કે…..

  • સત્સંગ માં મોટેરો એટલે કે- દાસાનુદાસ વર્તે- અને જે અત્યંત નિર્માની હોય…..
  • સત્સંગ માં આપણો પ્રવેશ- શ્રીજી અને સત્પુરુષ ના રાજીપા અને પ્રસન્નતા માટે જ થયો છે……આથી એમની આજ્ઞા ને વશ રહેવું….વર્તવું…
  • મુક્તાનંદ સ્વામી કહે છે એમ- આ જીવ ને “હું” ભાવ ટળે એટલે હરિ નિકટ જ છે……
  • પાકા સત્સંગી નું લક્ષણ- એટલે કે દાસાનુદાસ પણું……દાસ પણું -એ સત્સંગ નું માધ્યમ છે…જે હોય તો જ આગળ વધાય……
  • દાસ ભાવ હોય તો નમ્રતા આવે- અને સત્સંગ માં મોટેરા- એમની નમ્રતા થી ઓળખાય……આપની ગુણાતીત પરંપરા ને જોઇલો……યોગીજી મહારાજ કે આજે પ્રમુખ સ્વામી મહારાજ…….અતિ વિનમ્ર હમેંશા રહ્યા છે…..દાસ ભાવે- સર્વ હરિજનો ની સેવા પણ સ્વયમ કરેલી છે…..સાષ્ટાંગ દંડવત કરેલ છે….

ત્યારબાદ- સભા એના અંત તરફ આગળ વધી અને અમુક જાહેરાતો થઇ…..

  • બેપ્સ હર્બલ્સ દ્વારા નીમ અને ફ્લેક્ષ -ઓઈલ ની કેપ્સૂલ્સ લોન્ચ થઇ છે…..
  • આવતા બુધવાર થી- શ્રાવણ માસ ચાલુ થઇ રહ્યો છે…..અમદાવાદ શાહીબાગ મંદિરે રોજ સવારે- ૮-૯.૧૫ -કથાવાર્તા નો લાભ રોજ મળશે……
  • બાળ પારાયણ -પણ ધર્મ સદન ના પ્રથમ માળે શરુ થવાની છે…..તો બાલિકા પારાયણ- ૧૧-ઓગસ્ટ ના રોજ- બપોરે ૧૨ વાગ્યે શરુ થશે……સ્થળ- નીચેનો પ્રમુખ સ્વામી મહારાજ ઓડીટોરીયમ -સભા ગૃહ…..

તો- આજ ની આ બ્રહ્મ સભા- જ્ઞાન સભા…..તન-મન-જીવ ના કલ્યાણ ની સભા હતી…….શ્રીજી મહારાજ ના વચનો ને જો શિર મોર માનતા હોય તો- સત્સંગ માં દાસાનુદાસ રહેવું…….અત્યંત નિર્માની પણે…નમ્ર ભાવે વર્તવું…….યાદ રાખો- આપણે તો એક શ્રીજી ને રાજી કરવા છે……સત્પુરુષ ને રાજી કરવા છે…..

જય સ્વામિનારાયણ………સર્વ સત્સંગીઓ ને- સાષ્ટાંગ દંડવત સાથે……………

રાજ