Raj Mistry's world

Me,my stories and world around….


Leave a comment

એક યાત્રા- લોયા

વચનામૃત એ સર્વોપરી સ્વામિનારાયણ ભગવાન ના અમૃત વચનો છે …..જે અલગ અલગ સમયે..અલગ અલગ સ્થાને..અલગ અલગ ભૌગોલિક સ્થિતિ માં …..શ્રીજી દ્વારા કહેવાયા……જેને એમના અગ્રગણ્ય નંદ સંતો એ શબ્દો માં ઢાળી ને જીવ ના કલ્યાણ હેતુ ગ્રંથસ્થ કર્યા……કુલ ૨૭૩ વચનામૃત માં – મોટાભાગ ના વચનામૃત ગઢડા માં રચાયા…..તો બાકી ના સારંગપુર, લોયા, કારીયાણી, જેતલપુર,અમદાવાદ જેવા તીર્થ સ્થાનો એ રચાયા……લોયા તીર્થ સ્થાન એટલે કે….એક ખોબા જેવડું વાગડ પ્રદેશ…( ધંધુકા,રાણપુર..સુરેન્દ્રનગર નો પટ્ટો)અને પાંચાળ પ્રદેશ  માં આવેલું ગામ, કે જ્યાં શ્રીજી એ ૧૮ વચનામૃત ની રચના કરી…અને વચનામૃત એવા કે -તેને સંપ્રદાય માં “લોઢા” ના જેવા મજબુત ..ગહન….અગત્ય ના વચનામૃત કહેવાય છે………

લોયા ગામ અને બાજુમાં એવું જ નાનકડું ગામ નાગડકા  – ગામધણી સુરા ખાચર ના શાસન માં હતું…..સુરા ખાચર ..પત્ની શાન્તુબા..અને પુત્ર વાલુજી સાથે લોયા માં રહેતા..શ્રીજી સાથે સંપર્ક માં આવ્યા ..અને એમનું જીવન સ્થિર થઇ ગયું….પોતાના રમુજી સ્વભાવ …અત્યંત દ્રઢ નિષ્ઠા ને લીધે શ્રીજી સાથે સખા ભાવે એ ..શ્રીજી ના અગ્રગણ્ય હરિભક્તો માં આગવું સ્થાન ધરાવતા. ઈતિહાસ કહે છે કે – સંવંત ૧૮૭૭ ની સાલે – શ્રીજી એ લગભગ ..બે મહિના સુધી અહી રહી….શાકોત્સવ નો મહા ઉત્સવ કરેલો…….૬૦ મણ રીંગણ નો ૪૦ મણ ઘી માં – સ્વયમ પોતે વઘાર કરી…સંતો-હરિભક્તો ને જમાડેલા…….! એ જ સાલે- સૌપ્રથમ વાર – સંઘા પટેલ ની ડેલી માં- શ્રીજી નો પોતાના ભાઈ ( ઈચ્છારામજી ) સાથે -ગૃહત્યાગ પછી સંપર્ક થયેલો…અને ધર્મકુળ નું આગમન થયેલું……..

હવે આટલું પવિત્ર સ્થાન……અતિ પ્રસાદી નું સ્થાન …પણ દુખ સાથે કહેવું પડે છે કે…હરિભક્તો…..સરકારી ઉપેક્ષા ..ઉદાસીનતા ને લીધે આજે પણ એ ગામ જાણે કે- શ્રીજી ના સમય માં -જેવું હતું તેવું ભાસે છે..અર્થાત વિકાસ નામ માત્ર નો છે……ગામ સાથે જોડાણ માટે રસ્તા નો જાણે કે સદંતર અભાવ…..પાણી નું ખુબ જ તંગી…..ટાંચા આવક ના સાધન …ખુબ ઓછી વસ્તી ને લીધે, આ ગામ નો જેટલો જોઈએ તેટલો વિકાસ થયો નથી…..! પણ એક આશાસ્પદ સમાચાર એવા છે કે..અહી વડતાલ દેશ -ના આચાર્ય શ્રી રાકેશપ્રસાદ જી મહારાજ અને નિષ્ઠાવાન સંતો ના દાખડા થી….૧૦,૦૦૦ ઘનફૂટ પથ્થરો ના ઉપયોગ થી એક ભવ્ય મંદિર નું નિર્માણ ચાલી રહ્યું છે…..૨૦૨૦-૨૦૨૧ સુધીમાં -પૂરું થાય તેવી સંભાવના છે…….પણ આગળ કહ્યું તેમ….પડકાર ઘણા છે…..!

તો- અમે – ૧૫ ઓગસ્ટ, રવિવાર….અક્ષરબ્રહ્મ પ્રમુખ સ્વામી મહારાજ ની પ્રથમ વાર્ષિક પુણ્ય સ્મૃતિ પ્રસંગ ને દિવસે- લોયા અને ત્યાંથી લગભગ ૩૦ કિમી દુર..મહાતીર્થ સ્થાન સારંગપુર નો પ્રવાસ બનાવ્યો. લોયા જવાની તીવ્ર ઈચ્છા વર્ષો થી હતી અને આ દિવસે મોકો મળ્યો. અમદાવાદ થી લગભગ ૧૭૫-૧૯૦ કિમી દુર આ તીર્થ માટે અમે સૌ વહેલી સવારે નીકળી પડ્યા…..ગુગલ ભાઈ નો સહારો લીધો…..સાથે સાથે લોયા તીર્થ માં સેવા આપતા પુ.ઉત્તમ સ્વામી ના માર્ગદર્શન થી અમે નીકળી પડ્યા…..લોયા માટે બે માર્ગ છે…..૧) ધંધુકા, રાણપુર થઇ ને જવાનો…..૨) સાયલા-સુદામડા-નાગડકા થઈને જવાનો……લીમડી થી પણ રાણપુર જવાય છે…

20882829_1420938604610770_1407346377740115996_n

અમે ધંધુકા ..રાણપુર નો માર્ગ અપનાવ્યો….અને ફસાઈ ગયા…!! કેમ??? કારણ કે…રાણપુર સુધી નો માર્ગ સારો હતો પણ ..ત્યાંથી લોયા જવા માટે..અમારે ખરેખર  લોઢા ના ચણા ચાવવા પડ્યા…..ભાદર નદી ને કિનારે કિનારે આગળ વધ્યા તો ત્યાંથી લોયા જવાનો રસ્તો જ ગાયબ….રસ્તો પૂરો થતો હતો ત્યાંથી લોયા ગામ દેખાય પણ રસ્તો જ નહિ…!!! હહાહા…….છેવટે એક ભરવાડ ( જાણે કે સ્વયમ શ્રીજી એ જ મોકલ્યા હતા..) તેમણે અમને જમીન પર ડાંગ વડે રસ્તો દોરી …લોયા સુધી પહોચાડ્યા…….પણ રસ્તો એવો કે- એને રસ્તો જ ન કહેવાય…સાવ ખડકાળ……કાર તો નીચે અડી જ જાય….તેવા મોટા મોટા પથ્થર…..! તમને લાગે કે- તમે રૂપકડી કાર લઈને મંગળ ના ગ્રહ પર ફરવા નીકળ્યા છો……!!! છેવટે જેમ તેમ કરી ..પોતાના લોયા આવવા ના નિર્ણય ને વિષે શંકા-કુશંકા ઓ કરતા …વટેમાર્ગુઓ ને પૂછતાં પૂછતાં લોયા પહોંચ્યા અને હાશકારો થયો…!!! ત્યાં જી સંતો ને મળ્યા..થોડાક ફ્રેશ થયા….અને પછી સુરા ખાચર ના દરબાર ( જેનું અત્યારે નવીનીકરણ ચાલી રહ્યું છે..ત્યાં મંદિર પણ છે….) માં દર્શનાર્થે પહોંચ્યા……મનભરી ને દર્શન કર્યા…..દરબાર માં આવેલા ઓરડા…લીમડા ના વૃક્ષ ના દર્શન કર્યા…….આજુબાજુ ના પ્રસાદી ના સ્થાનો એ દર્શન કર્યા……અને હરિ નો રાજીપો તો જુઓ….ત્યાં આગળ નવીનીકરણ ચાલે છે તેમાં ઇંટો પહોંચાડવા ની સેવા પણ હાથોહાથ મળી…!!!! અદ્ભુત…અદ્ભુત…!! ચોમાસા ને લીધે વાતાવરણ આહ્લાદક હતું……સંતો એ ભોજન ની વ્યવસ્થા કરી હતી….અને ઉતારા ની પણ વ્યવસ્થા હતી….આથી કલાક એક આરામ કરી …નવા રસ્તે( નાગનેશ…મોટી ધારવાડ….પાળીયાદ…રાણપુર…..બોટાદ..સારંગપુર) ..કે થોડોક લાંબો હતો પણ ઘણો સારો હતો( અત્યારે તે રસ્તે પણ ભાદર નદી પર નો પુલ તૂટી ગયો છે…..કાચો ..કામચલાઉ પુલીયું બનાવ્યું છે….તેના પર થી જવું પડે..) તે પર થી અમે સારંગપુર પહોંચી ગયા……અને સારંગપુર તો શું વાત થાય??? બધું જ વ્યવસ્થિત ..આયોજિત……પછી બાકી શું રહે??? મંદિર…બાપા ના  સ્મૃતિ મંદિર ….યજ્ઞપુરુષ સ્મૃતિ  મંદિર….ચીકુવાડી ….સર્વસ્વ……અને છેવટે અદ્ભુત સભા નો લાભ લઇ રાત્રે ૧૨ વાગ્યે અમદાવાદ પરત ફર્યા…!!

This slideshow requires JavaScript.

તો- લોયા યાત્રા અદ્ભુત…અવિસ્મરણીય હતી……..છતાં શું ધ્યાન રાખવું??? મારા માટે…

  • લોયા જવા માટે જાણકાર માણસ ને સાથે રાખવો…….ગુગલ પણ ચાલે……ધંધુકા..રાણપુર ..સાયલા…જેવા સ્થાનો એ પહોંચ્યા પછી રસ્તા ના માર્ગદર્શન માટે પૂછતાં રહેવું……ગાડી- SUV  જેવી જ લેવી…જેથી ભરાઈ ન પડાય…..
  • રસ્તા માં નાસ્તો ભરપુર રાખવો…પાણી સાથે રાખવું…..લોયા તીર્થ માં સંતો ઘણા સારા છે…અગાઉ થી ફોન કરી ને જાઓ તો ભોજન ની વ્યવસ્થા પણ થઇ જાય છે. ત્યાં ઉતારા સારા છે…પણ યાત્રીઓ ઓછા આવે છે તેથી સાફસૂફી એટલી થતી નથી…….
  • લોયા..એનો મહિમા…..શ્રીજી ના ત્યાં આગળ કરેલા ચરિત્ર વિષે જાણકારી લઈને જશો તો- યાત્રા નો આનંદ – અધિક આવશે……
  • ત્યાં આગળ નવું મંદિર બને છે…….તો યથાશક્તિ તેમાં આર્થિક સહયોગ કરી શકાય……..

તો- બસ- શ્રીજી ના સબંધ વાળી……પ્રાસાદિક વસ્તુઓ-ગામ-મંદિરો નો મહિમા સમજાય…એમના દર્શન થાય…અને સત્સંગ….નિષ્ઠા વધુ દ્રઢ થાય……અને જીવ માં જડાઈ જાય તો- આપણો ભવ સુધરી જાય………!!!!

તો- બસ યાત્રા કરતા રહો…..

જય સ્વામિનારાયણ…….

રાજ

 


Leave a comment

BAPS રવિસભા-૧૮/૦૬/૨૦૧૭

સમયને વિષે મુક્તાનંદ સ્વામી તથા ગોપાળાનંદ સ્વામી આદિક સાધુને તેડાવ્યા અને શ્રીજીમહારાજ તે સર્વે પ્રત્યે બોલ્યા જે,

“આપણા સત્સંગમાં થોડોક કુસંગનો ભાગ રહ્યો જાય છે તે આજ કાઢવો છે………. અને આ પ્રકરણ એવું ચલાવવું છે જે, સર્વ પરમહંસ તથા સાંખ્યયોગી તથા કર્મયોગી સર્વ સત્સંગીમાં પ્રવર્તે…………

તે સત્સંગમાં કુસંગ તે શું છે? તો જે વાતના કરનારા હિંમત્ય વિનાની વાત કરે છે તે સત્સંગમાં કુસંગ છે……….

તે કેવી રીતે વાત કરે છે? તો એમ કહે છે જે, ‘ભગવાનનું જે વચન તેને યથાર્થ કોણ પાળી શકે છે? અને વર્તમાનધર્મ પણ યથાર્થ કોણ પાળી શકે છે? માટે જેટલું પળે તેટલું પાળીએ, અને ભગવાન તો અધમઉદ્ધારણ છે તે કલ્યાણ કરશે;’ અને વળી એમ વાત કરે છે જે, ‘ભગવાનનું સ્વરૂપ જે હૃદયમાં ધારવું તે કાંઈ આપણું ધાર્યું ધરાતું નથી, એ તો ભગવાન જેને દયા કરીને ધરાવે છે તેને ધરાય છે.’ એવી રીતની મોળી વાત કરીને ધર્મ, જ્ઞાન, વૈરાગ્ય ને ભક્તિ ઇત્યાદિ જે ભગવાનની પ્રસન્નતાનાં સાધન તેમાંથી બીજાને મોળા પાળે છે………. માટે હવે આજ દિનથી આપણા સત્સંગમાં કોઈ પણ એવી હિંમત્યરહિત વાત કરશો નહીં, સદા હિંમત્ય સહિત જ વાત કરજ્યો. અને જે એવી હિંમત્યરહિત વાત કરે તેને તો નપુંસક જાણવો……….. અને એવી હિંમત્ય વિનાની વાત જે દિવસ થઈ જાય તો તે દિવસ ઉપવાસ કરવો………..”


વચનામૃતમ- ગઢડા પ્રથમ-૧૭

સત્સંગ હોય કે સંસાર- હિમત વગર ની મોળી..ઢીલી પોચી…બળહીન વાત કરનાર નપુસંક જ છે……”રોતો રોતો જાય તે મુઆ ના સમાચાર લાવે….” એ એક ગુજરાતી કહેવત સાચી છે…! સત્સંગ માં તો મનુષ્યે સદાયે ભગવતમહિમા નું બળ રાખવું…..એક એમને જ કર્તાહર્તા સમજી સર્વે ક્રિયાઓ..કાર્ય થાય તો પછી નિર્બળતા શાની આવે??? આપણા ગુણાતીત ગુરુઓ નું જીવન જુઓ……અઢળક…હૃદય ફાટી જાય તેટલા વિઘ્નો આવ્યા છે..પણ કદાપી નાહિમત થયા જ નથી……..કારણ કે શ્રીજી સદાયે સાથે જ છે એવું દ્રઢ પણે માનતા હતા અને જીવતા હતા……! આજની સભા આ જ વાત પર હતી……

ભારત પાકિસ્તાન ની મેચ હતી…સમગ્ર દિવસ સત્સંગ પરીક્ષા નો પ્રી ટેસ્ટ હતો…છતાં સમગ્ર સભા ગૃહ હરિભક્તો થી ભરચક હતો…….એ જ વાત નો દ્યોતક હતો કે- શ્રીજી …એમનો રાજીપો…સત્પુરુષ ની આજ્ઞા…કલ્યાણ નો ખપ…..કથા વાર્તા નો ઈશક સર્વોપરી છે……

સભાની શરૂઆત માં ધમધોખાર તડકા માં મીઠી ..શીતલ વીરડી સમાન શ્રીજી ના દર્શન…….

collage_20170618211915666_20170618211943192.jpg

સભાની શરૂઆત યુવક મિત્રો દ્વારા ધુન્ય કીર્તન થી થઇ……ત્યારબાદ યુવક મિત્રો દ્વારા

  • સંતજન સોઈ સદા મોહે ભાવે……..રચયિતા- મુક્તાનંદ સ્વામી
  • લટકાળા લહેરી પધારો…….રચયિતા- પ્રેમાનંદ સ્વામી
  • મન વસીયો રે મારે મન વસિયો…….રચયિતા- બ્રહ્માનંદ સ્વામી
  • હરિ મારું ગાડું ક્યાં લઇ જાય……રચયિતા- અજ્ઞાત

છેલ્લા બે કીર્તન તો ભાવનગર થી આવેલા હરિભક્તે એમના કાઠીયાવાડી સુર માં ગાયા…અને સમગ્ર સભા એમાં ઝૂમી ઉઠી….એક પ્રશ્ન જરૂર થયો કે- શ્રીજી ના સમય માં આ પદ કયા રાગ..કયા સુર માં ગવાતા હશે??? જુના માં જુનું હોય તેવું સ્વામિનારાયણ સંત ના મુખે ગવાતું કોઈ રેકોર્ડીંગ હશે???

ત્યારબાદ પુ. ત્યાગવલ્લભ સ્વામી ની સાથે ઓસ્ટ્રેલિયા..ન્યુઝીલેન્ડ….સિંગાપોર ની અધ્યાત્મિક વિચરણ માં જી આવેલા વિદ્વાન સંત પુ.પ્રિય સ્વરૂપ સ્વામી ના મુખે – ત્યાના સત્સંગ વિષે અદ્ભુત માહિતી મળી……ન્યુઝીલેન્ડ ના હિમતભાઈ પટેલ હોય કે…સિંગાપોર ના સુરેશભાઈ પટેલ……..એ હરિભક્તો ની નિષ્ઠા એવી કે -સત્સંગ અને એના કાર્ય ને પોતાના કુટુંબ થી પણ અધિક માને…..અને પોતાનું સર્વસ્વ એના કાજે કૃષ્ણાર્પણ કરી રાખે…છતાં દાસાનુદાસ થઇ ને વર્તે…! હવે આનાથી મોટી વાત કઈ હોઈ શકે??? ઓસ્ટ્રેલિયા – સિડની માં સત્સંગ વધતા નવી જમીન લેવાઈ અને ત્યાં શિખરબદ્ધ મંદિર ની રચના માટે ત્યાના હરિભક્તો એ જે સમર્પણ બતાવ્યું છે..તેની વાત સાંભળી આપનું હૈયું ભરાઈ આવે…….! આવક નો ૩૩ થી ૧૦૦% ભાગ…..નવી ગાદી-ઘર માટે ની બચત મંદિર કાજે અર્પણ કરી દીધા…..અરે…લોન લઈને પણ મંદિર ની સેવા કરી………! મહંત સ્વામી મહારાજ આ સાંભળી ને ખુબ રાજી થયા હતા…..!! અને આ જ છે બેપ્સ ના સંસ્કાર..સત્સંગ…હરિભક્તો નું સમર્પણ……! શ્રીજી માટે વેચાઈ જવા ની તૈયારી કરતા ભક્તો નો સમુદાય આજે પણ આપણે ત્યાં છે..અને તેથી જ બેપ્સ ઈઝ બેસ્ટ..!!!

ત્યારબાદ સારંગપુર ખાતે- તારીખ ૭ થી ૧૦ જુન-૨૦૧૭ ના- ગુરુહરિ મહંત સ્વામી મહારાજ ના વિચરણ ના વિડીયો દર્શન નો લાભ મળ્યો…..જે નીચે ની લીંક પર થી જોઈ શકાશે……

પુ.બ્રહ્મમુની સ્વામી કે જે હાલ નડીયાદ ખાતે સેવા આપે છે અને હમણાં જ એમની બદલી ન્યુઝીલેન્ડ મંદિર માં થઇ છે તેમના દ્વારા ગઢડા પ્રથમ-૧૭ પર “વાણી ના મહિમા” પર વક્તવ્ય નો અદ્ભુત લાભ મળ્યો…..એમણે કહ્યું કે….

  • વાણી એક શક્તિ છે…..એનો સદુપયોગ થાય તો તરી જવાય અને જો દુર ઉપયોગ થાય તો મહાભારત પણ થઇ શકે છે……માણસ ના સંસ્કાર….વ્યક્તિત્વ સર્વે તેની વાણી પર થી પરખાઈ આવે છે………..
  • શ્રીજી એ નબળી વાણી…ખરાબ ..તોછડી વાણી પર પોતાની સપષ્ટ અરુચિ પ્રગટ કરી છે……….
  • માટે જ ભગવાન ને રાજી કરવા હોય…કલ્યાણ નો માર્ગ સફળ કરવો હોય તો વાણી પર નિયંત્રણ રાખવું…મુક્તાનંદ સ્વામી ની જેમ પ્રિયકર વાણી વાપરવી…પણ જરૂર પડ્યે તો પંચાળા-૭ ના વચનામૃત માં કહ્યા મુજબ તીખી વાણી પણ વાપરવી…..
  • આપણો આજનો વિશ્વવ્યાપી સત્સંગ એ – વાણી ના બળે જ બન્યો છે…સતત કથા વાર્તા નું અનુસંધાન..સકારાત્મક વાતો…યોગીબાપા ની હેત ભરી વાતો ને લીધે લાખો નો સતસંગ સમાજ બન્યો………માટે- જ સત્પુરુષ અને શ્રીજી ના રાજીપા માટે..પોતાના કલ્યાણ ને અર્થે – બળભરી …મહિમા સભર વાતો કરવી……સાંભળવી…….

સભાને અંતે જાહેરાત થઇ…..

  • આજે સત્સંગ પરીક્ષા ના પ્રી ટેસ્ટ માં ૮૪% હાજરી રહી……આવનારી ૧૬/૭ એ સત્સંગ પરીક્ષા છે..માટે અત્યાર થી જ તૈયારી માં લાગી જવું…
  • ૨૧ મી જુન સુધી અમદાવાદ ના GMDC મેદાન માં સવારે ૫ થી ૮ યોગ અભ્યાસ ની શિબિર -પતંજલિ યોગ વિદ્યાપીઠ- બાબા રામદેવ દ્વારા થઇ રહી છે…તેનો અચૂક લાભ લેવો…….

સભાને અંતે ધોરણ ૧૦ અને ૧૨ ના તેજસ્વી તારલા ઓ નું જાહેર માં સન્માન થયું………………….

માટે આજ ની સભા એ – બળ ભરી વાણી ની…એના મહિમા ની હતી……..શ્રીજી ની જો આટલી વાત પણ જીવન માં ઉતરશે તો જીવ જરૂર કલ્યાણ ને પામશે…..!

જય સ્વામિનારાયણ…..


Leave a comment

BAPS રવિસભા-૨૩/૦૪/૨૦૧૭

“….આપણને તો ભગવાને રાજી થઈને પોતાનું અક્ષરધામ બક્ષિસ આપ્યું છે ……….ને ભગવાન એવા ઉદાર છે જે, જેના ઉપર રાજી થાય છે તેને પોતાનું ધામ બક્ષિસ આપી દિયે છે…………. ને સત્સંગ તો પછવાડેથી દસ હજાર ગણો થાશે પણ આ સાધુ ને આ વાતું નહિ મળે; ને મહારાજ પ્રગટ થયા ત્યારે આ સાધુ દીઠા, નહિ તો આ સાધુ બીજે હોય નહિ…………..”


અનાદિ મૂળ અક્ષર ગુણાતીતાનંદ સ્વામી ની અક્ષર વાતો-૪/૫૧

વચનામૃત ના પાને પાને ….શ્રીજી એ પોતાનો હૃદયગત સિદ્ધાંત વર્ણવ્યો છે……કુલ ૨૭૩ વચનામૃત માં થી ૧૦૦ થી વધુ વચનામૃતો માં શ્રીજી એ પોતાના એકાંતિક સંત ની વાત ડંકા ની ચોટે કરી છે……એ એકાંતિક સત્પુરુષ એટલે જ ગુણાતીત પુરુષ…..અને એ જ અક્ષરબ્રહ્મ ….ગુણાતીતાનંદ સ્વામી , કે જેમણે ડંકા ની ચોટે કહ્યું કે….” મહારાજ ને પુરુષોત્તમ સમજ્યા સિવાય અક્ષરધામ માં ન જવાય…..”(અક્ષર વાતો-૩/૧૨)..અને એમણે પોતે જ શ્રીજી ના સર્વોપરી સ્વરૂપ ને કોઈ શેહ શરમ વગર જગત માં પ્રસરાવ્યું…..સાથે સાથે પોતાનું સ્વરૂપ ઓળખાવ્યું….( અક્ષર વાતો-૫/૩૯૯; ૩/૪૧;૩/૩૮;૩/૧૨;૩/૪;૩/૫; ૩/૭૨;૬/૨૫૪;૨/૧૬૯;૨/૧૦૭;૫/૧૯૭)

તો- સાલ-૨૦૧૮ ની વસંતપંચમી એ – સ્વયમ અક્ષર નું સ્થાન- અક્ષરદેરી-ગોંડલ ની સાર્ધ શતાબ્દી ઉત્સવ ઉજવાશે…..અને તેની ઉજવણી ના ભાગ રૂપે અત્યારે જે વિવિધ આયોજનો ચાલે છે….તેનો એક ભાગ છે..બ્રહ્મ્સત્ર…..! અને ઉપરોક્ત અક્ષર વાતો નો સાર આજે આપણા વિધવાન ..ખુબ સારા વક્તા ..સદગુરુ સંત પુ.વિવેકસાગર સ્વામી એ પોતાના પ્રવચન માં કર્યો..!

આજે સવારે જ આપણા ગુરુ હરિ પ્રગટ અક્ષરબ્રહ્મ મહંત સ્વામી મહારાજ અમદાવાદ થી કલકત્તા માટે વિદાય થયા…..અને એમના જ રાજીપા અર્થે…એમની જ અનુવૃતી અનુસાર- રવિસભા માં આજે પણ અઢળક ભીડ હતી…..ઠાકોરજી ના અદભુત મનમોહક દર્શન હૃદય ભરી ને કર્યા….અને હરિકૃષ્ણ મહારાજ તો અત્યાર થી જ ચંદન ના વાઘા માં જે શોભી રહ્યા હતા………તેનું તો વર્ણન થઇ શકે તેમ જ નથી….!

collage_20170423173024300

સભાની શરૂઆત યુવકો- સંતો દ્વારા ધુન્ય..”ભજો સ્વામિનારાયણ નામ રે….” રજુ થયું અને ત્યારબાદ કીર્તન…”શ્રીહરિ જય જ્યકારી…”……રજુ થયું….અને તે પછી પુ.શુભ કીર્તન સ્વામી દ્વારા પ્રેમાનંદ સ્વામી રચિત…” માણકી એ ચડ્યા રે મોહન વનમાળી” રજુ થયું……અને જાણે કે નજર સમક્ષ શ્રીજી અને માણકી ની એ અસવારી નો સમગ્ર સુવર્ણ …ઝળહળતો…હૃદય સ્પર્શી માહોલ ઉભો થઇ ગયો…!

ત્યારબાદ ગુરુહરિ પ.પુ. મહંત સ્વામી મહારાજ ના ૧૮ થી ૨૦ એપ્રિલ -૨૦૧૭ ના અમદાવાદ ખાતે ના વિચરણ ના વિડીયો દર્શન નો લાભ મળ્યો…….નીચેની લિંક દ્વારા તમે પણ એના દર્શન કરી શકશો…..! મહંત સ્વામી મહારાજ નો ધીર ગંભીર…શાંત…નિર્માની સ્વભાવ ભલભલા નાસ્તિક ના હૃદય ને પણ આસ્તિક બનાવી દે. તેવો છે……! ગુણાતીત ની આ તો લાક્ષણિકતા છે…….જેમ જેમ સમજાય તેમ તેમ અંતર માં એ મૂર્તિ ઉતરતી જાય…!

ત્યારબાદ પુ. વિવેકસાગર સ્વામી જેવા અતિ વિધવાન…..ખુબ સારા વક્તા..અનુભવી સદગુરુ સંતે – અક્ષરદેરી સાર્ધ શતાબ્દી મહોત્સવ પ્રસંગે- અક્ષરબ્રહ્મ નો મહિમા..અનિવાર્યતા…..વિષે અદભુત….પણ સહજ સમજાય તેવું પ્રવચન કર્યું……સ્વામી ને રૂબરૂ સાંભળવા માં જે સુખ છે તે તો અહી આવે એમ નથી….પણ સારાંશ અહી આપણે જોઈ શકીશું….

  • શ્રીજી એ મુક્તાનંદ આદિક સંતો ની પ્રાર્થના થી પોતાની ઉપાસના સદાયે રહે તે માટે ત્યાગ નો પક્ષ મોળો કરી મંદિરો રચ્યા …..અને વડતાલ માં પોતાની મૂર્તિ પણ દેવ મૂર્તિઓ ભેગી મૂકી…..તો શાસ્ત્રીજી મહારાજે – એ જ શ્રીજી ની શુદ્ધ ઉપાસના અર્થે પાંચ ગગનચુંબી મંદિરો રચ્યા અને અક્ષર પુરુષોત્તમ મહારાજ તરીકે શ્રીજી અને સ્વામી ના યુગલ સ્વરૂપ ને આધારે – શાસ્ત્રો ના સર્વોપરી સિદ્ધાંત ને મૂર્તિમંત કર્યો……જેના ફળ સ્વરૂપે આજે ૧૧૦૦ થી વધુ મંદિરો જગત ના ખૂણે ખૂણે – અક્ષર પુરુષોત્તમ મહારાજ નું નામ…સ્વામિનારાયણ નું નામ પ્રસરાવી રહ્યા છે….
  • મંદિરો અદભુત બન્યા પણ..શુદ્ધ હતા તો શ્રીજી એમાં બિરાજ્યા….તો જીવ નું હૃદય…ચિત્ત જયારે શુદ્ધ બને ત્યારે જ શ્રીજી એમાં બિરાજમાન થાય છે……
  • શાસ્ત્રો કહે છે એમ ધ્રુવે આકરું તપ કરી ભગવાન ને પ્રસન્ન કરી અચળ પદ મેળવ્યું પણ ભગવાન ને અંતર માં બિરાજમાન ન કરી શક્યા…કારણ..ચિત્ત ની શુધ્ધતા નો અભાવ..અજ્ઞાનતા..! લખું ચારણ પણ શ્રીજી મહારાજ ને પ્રસન્ન કરી શકી પણ માંગતા ન આવડ્યું અને પોતાની ભેંસો અને દીકરા નું લૌકિક સુખ માંગી બેથી…કારણ…હૃદય ની અશુદ્ધિ..! માટે હૃદય શુદ્ધ હોય તો – ભગવાન આપોઆપ જ અંતર માં બિરાજમાન થાય…..
  • પણ હૃદય શુદ્ધ કરવું એટલે શું??? ઉત્તર છે….બ્રહ્મરૂપ થવું…..અનેક જન્મ ના દોષ રૂપી આવરણ આ જીવ ને વળગેલા છે…..જે આપોઆપ છૂટતા નથી..એ તો જીવ બ્રાહ્મ સ્વરૂપ સત્પુરુષ નો સમાગમ કરે ત્યારે જ એ દોષ ટલે છે..અને જીવ બ્રહ્મરૂપ થાય છે…..
  • સત્પુરુષ પોતાની શરણે આવેલા જીવ ના માયા- દોષ ના બંધન તોડાવે છે……કસણી કરી જીવ ને શુદ્ધ કરે છે…પણ જીવ ની પાસે આ સમજવા નું જ્ઞાન…..ધીરજ હોવી જોઈએ…….આમાં ઉતાવળ ન ચાલે…..!
  • માટે જ શ્રીજી જયારે આ અવની પર પધાર્યા ત્યારે જીવ ને – પોતાનું સ્વરૂપ ઓળખાવા….જીવ ને શુદ્ધ કરવા અક્ષરધામ ને સાથે લઇ ને આવ્યા………શ્રીજી ની સાથે ૫૦૦ પરમહંસ હતા અને એક એક માં એક એક અવતાર જેટલું સામર્થ્ય હતું…..છતાં ગુણાતીતાનંદ સ્વામી એ – શ્રીજી નું સર્વોપરી પણું..અનેક વિઘ્ન…અનેક અપમાનો છતાં જેવી રીતે છડેચોક પ્રસરાવ્યું…એવું બીજા કોઈએ નથી પ્રસરાવ્યું…….એટલે જ એ સમય માં સોરઠ ના ૪૫૦ થી વધુ ગામો માં શ્રીજી ના હરિમંદિર થયા…..૨૦૦ થી વધુ એવા નિષ્ઠાવાન હરિભક્તો -સંતો તૈયાર થયા કે જેમણે સ્વામી ના આ બ્રહ્મજ્ઞાન ને યથાર્થ ગ્રહણ કર્યું…….અને એટલા માટે જ સ્વામી – મૂળ અક્ષર તરીકે ઓળખાયા…………
  • એ જ ગુણાતીતાનંદ સ્વામી એ ચિરંજીવી રહેવા નું વર આપ્યું…અને જે આજે પણ પોતાની ગુણાતીત પરંપરા ના સંત- મહંત સ્વામી મહારાજ રૂપે વિચરી રહ્યા છે…………
  • માટે જ આવા સંત ની આજ્ઞા…અનુવૃતી માં દ્રઢ પણે રહેવા નું છે…..પંચ વર્તમાન માં દ્રઢ રહેવા નું છે…………સત્સંગ માં દ્રઢ રહેવા નું છે……જેથી સત્પુરુષ માં હેતે જોડાવાય…..જીવ શુદ્ધ થાય અને પરમપદ ને પામે………..
  • યોગીબાપા કહેતા તેમ….આ જીવ ને ચૈતન્ય મંદિર બનાવવા નું છે……જો એમ થશે તો જ શ્રીજી એમાં બિરાજશે…….
  • અક્ષરદેરી સાર્ધ શતાબ્દી મહોત્સવ ની ફલશ્રુતિ આ જ છે કે- અક્ષર સંગાથે અક્ષરરૂપ થવાય……..અને પુરુષોત્તમ ની પ્રાપ્તિ થાય….

ઉપરોક્ત પ્રવચન નીચેની લિંક દ્વારા સાંભળી શકાશે……….

//chirb.it/wp/LBzfs4

Check this out on Chirbit

અદભુત…અદભુત……………! સભા માં આ પ્રવચન પછી ગુંજેલી તાળીઓ નો ગડગડાટ હજુ હૃદય માં પડઘાય છે……………!!! અદભુત જ્ઞાન……સહજ રીતે….!

ત્યારબાદ સભાને અંતે અમુક જાહેરાતો થઇ….

  • ૨૮/૪ થી અખાત્રીજ થી- શ્રીજી ને ચંદન ના વાઘા ધરાવવા નું શરુ થાય છે………..કોઈ પણ હરિભક્ત -મુમુક્ષુ ૩૦૦ રૂપિયા આપી આની સેવા કરી શકે છે…..મંગળા આરતી ૫-૪૫ સવારે થશે…..
  • આવતીકાલ થી સંધ્યા આરતી નો સમય- ૭:૧૫ અને સહાયન આરતી નો સમય ૮:૩૦ નો થશે….
  • આવતા રવિવારે -૩૦/૪ ના રોજ યુવા અધિવેશન છે…………..પુ.બ્રહ્મદર્શન સ્વામી એમાં લાભ આપવા ના છે….અને રવિસભામાં -તથા ૨/૫ સુધી પ્રાત:સભામાં પણ એમની વાણી નો લાભ મળશે…..
  • ૨/૫ ના રોજ અમદાવાદ શાહીબાગ મંદિર નો ૫૫ મો પાટોત્સવ છે….સેવા-દર્શન માટે મંદિર નો સંપર્ક કરવો….

અદભુત……અદભુત……! જો આજની સભા નો એક એક શબ્દ અંતરમાં ઉતરે….એ પ્રમાણે જીવાય તો- જીવ સો ટકા બ્રહ્મરૂપ થાય અને આ લખ ચોરાસી ના ફેર આ ફેરે જ ટળી જાય..! આ કાર્ય મુશ્કેલ છે પણ અશક્ય તો નથી જ…કારણ કે ગુણાતીત ગુરુ સાક્ષાત મળ્યા છે…………બસ એમનામાં મન કર્મ વચને…..જીવે કરી જોડાવા નું છે…!

જય સ્વામિનારાયણ………..

રાજ


Leave a comment

BAPS રવિસભા -૫/૪/૨૦૧૭

 

“….પછી શ્રીજીમહારાજે એમ વાર્તા કરી જે,

“જેના હૈયામાં ભગવાનની ભક્તિ હોય તેને એવી વૃત્તિ રહે જે, ‘ભગવાન તથા સંત તે મને જે જે વચન કહેશે તેમ જ મારે કરવું છે;’ એમ તેના હૈયામાં હિંમત્ય રહે………. અને, ‘આટલું વચન મારાથી મનાશે અને આટલું નહીં મનાય,’ એવું વચન તો ભૂલ્યે પણ ન કહે……….. અને વળી ભગવાનની મૂર્તિને હૈયામાં ધારવી તેમાં શૂરવીરપણું રહે……….. અને મૂર્તિ ધારતાં ધારતાં જો ન ધરાય તો પણ કાયર ન થાય અને નિત્ય નવી શ્રદ્ધા રાખે. અને મૂર્તિ ધારતાં જ્યારે ભૂંડા ઘાટ-સંકલ્પ થાય અને તે હઠાવ્યા હઠે નહીં, તો ભગવાનનો મોટો મહિમા સમજીને પોતાને પૂર્ણકામ માનીને તે સંકલ્પને ખોટા કરતો રહે અને ભગવાનના સ્વરૂપને હૈયામાં ધારતો રહે…………… તે ધારતાં ધારતાં દસ વર્ષ થાય અથવા વીસ વર્ષ થાય અથવા પચીસ વર્ષ થાય અથવા સો વર્ષ થાય તો પણ કાયર થઈને ભગવાનના સ્વરૂપને ધારવું તે મૂકી દે નહીં; કેમ જે, શ્રીકૃષ્ણ ભગવાને ગીતામાં કહ્યું છે જે, ‘અનેકજન્મસંસિદ્ધસ્તતો યાતિ પરાં ગતિમ્ ।’ તે માટે એમ ને એમ ભગવાનને ધારતો રહે………….. એવું જેને વર્તતું હોય તેને એકાંતિક ભક્ત કહીએ.”’ તે માટે એમ ને એમ ભગવાનને ધારતો રહે. એવું જેને વર્તતું હોય તેને એકાંતિક ભક્ત કહીએ……..”

——————————–

વચનામૃત-ગઢડા પ્રથમ-૧૫

ભગવાન ને હૃદયમાં ધારવા ..એના થી મોટી પ્રાપ્તિ બીજી કોઈ નથી…એવું શાસ્ત્રો કહે છે….ગુણાતીત પુરુષો કહે છે અને સ્વયમ શ્રીજી કહે છે…..પણ ભગવાન ની મૂર્તિ ને અખંડ અંતર માં ધારવી….એ સહજ તો નથી જ….તો કઈ રીતે આ શક્ય બને??? તેનો ઉત્તર આજની રવિસભામાં હતો……! સત્પુરુષ ની આ નિત્ય …સતત ક્રિયા ને સમજી ને તેને આપણે કઈ રીતે આપણા જીવન માં ઉતારી શકીએ એ પર આજની સભા હતી.

હમેંશ ની જેમ સમયસર સભામાં પહોંચી ગયા….સર્વ પ્રથમ શ્રીજી ના અદભુત દર્શન હૃદય માં ..એ મનમોહક મૂર્તિ ને ધારી ને કરવામાં આવ્યા……

collage_20170305172720209.jpg

સભાની શરૂઆત પુ.પ્રેમવદન સ્વામી ના કર્ણપ્રિય સ્વર માં “ સ્વામિનારાયણ ..ભજમન સ્વામિનારાયણ નામ..” ધુન્ય દ્વારા થઇ …અને ત્યારબાદ તદ્દન નવા જ ( પણ પ્રેમાનંદ …મુક્તાનંદ જેવા નંદ સંતો રચિત ) કીર્તન સાંભળવા મળ્યા…..” આવો મારા મીઠડા બોલા રે….” અને “હરિગુણ ગાતા ..દુરીજનીયા નો ધડક મનમાં ન ધારીએ..” ..કીર્તન ના શબ્દો ગહન હતા……..! ભગવાન નો મારગ પકડ્યા પછી પાછું ન વળવા નું હોય…….ભલે ને લાખ વિઘ્ન આવે…

ત્યારબાદ પુ. વૈરાગ્યનિધિ સ્વામી એ બ્રાહ્મ સ્વરૂપ પ્રમુખ સ્વામી મહારાજ ના જીવન પ્રસંગ પર આધારિત “ સત્સંગ માં દિવ્યભાવ….નિર્દોષ ભક્તિ અને મહિમા” વિષય પર પ્રવચન કર્યું……! એમણે વિવિધ પ્રસંગો ની વાત કરતા કહ્યું કે…..સત્સંગી માત્ર પર દિવ્યભાવ ..નિર્દોષભાવ….મહિમા સભર દ્રષ્ટિ એ સ્વામીશ્રી નું અંગ હતા…..એમણે સદાયે ભગવાન અને પોતાના ગુરુઓ નો મહિમા લેશ માત્ર પણ ઓછો થવા દીધો નથી….! કોઈ પણ કાર્ય હોય કે સિદ્ધિ હોય…પણ એનો સઘળો યશ એ ભગવાન અને ગુરુ ને જ આપતા….! જીવન ની કોઈ પણ ક્રિયા હોય…….ભગવાન સદાયે આગળ હોય……પોતાને કારણે કોઈ કાર્ય થયું છે…એવું તો સહેજે માનતા જ નહોતા…! ..અને ભગવાન કે મોટા પુરુષ નું કોઈ પણ ચરિત્ર હોય…તે સદાયે દિવ્ય જ હોય…..એમ સમજતા…અને સમજાવતા……! આપણે પણ એ જ કરવા નું છે……આપણે તો માત્ર નિમિત્ત બની- ગુરુ અને ભગવાન ના સંકલ્પ ને પૂર્ણ કરવામાં સાધન રૂપ થવાનું છે…….!

ત્યારબાદ પ્રગટ અક્ષરબ્રહ્મ ગુરુહરિ મહંત સ્વામી મહારાજ ના પુણે મંદિર મૂર્તિ પ્રતિષ્ઠા મહોત્સવ – ના વિચરણ-વિડીયો દર્શન નો લાભ મળ્યો…..જે નીચેની લિંક દ્વારા જોઈ શકાશે…..

 

ત્યારબાદ ગઢડા પ્રથમ-૧૫ ના વચનામૃત પર આધારિત પ્રવચન નો લાભ કોઠારી પુ.આત્મ કીર્તિ સ્વામી દ્વારા સભાને મળ્યો……જોઈએ એના અમુક અંશ….

  • આ વચનામૃત…કઈ રીતે આદર્શ ભક્ત બનાય…કઈ રીતે ઉત્તમ ભક્તિ કરાય?? એના ઉત્તરો પ્રસ્તુત કરે છે…..
  • જેના અંતર માં ભગવાન સદાયે બિરાજમાન હોય તે…એક રતીભર પણ ભગવાન ની આજ્ઞા નો લોપ ન કરે…….નિયમ-ધર્મ નો ભંગ ન કરે…..
  • ભગવાન ને હૈયામાં…અંતરમાં…હૃદય માં ધારી ને ભક્તિ કરવા નો ગુણ ગુણાતીત પુરુષો માં જોવામાં મળે છે…..અને એટલે જ મહારાજ – ગુણાતીત પુરુષ ને વશ વર્તે છે….જેનો અનુભવ આપણે બધાએ અનેક પ્રસંગો એ કર્યો છે…..અને એવા જ અનુભવ આજે પ.પુ.મહંત સ્વામી મહારાજ દ્વારા પણ જોવા મળે છે……રીવરફ્રન્ટ ,અમદાવાદ પર યોજાયેલા પ્રસંગ માં ઠંડા વાતાવરણ ના ચમકારા …તેજ હવાઓ મહંત સ્વામી મહારાજ ના સંકલ્પ બળ થી જ ..અસ્ત પામી હતી….પ્રસંગ ને કઈ પણ વિઘ્ન પહોંચાડી શકી ન હતી…..
  • મહંત સ્વામી મહારાજ એક વાત –અનેક વાર કહી ચુક્યા છે કે – જેમ પ્રમુખ સ્વામી મહારાજે – શ્રીજી ને અંતર માં અખંડ ધાર્યા હતા…તેમ જ આપણે પણ શ્રીજી ને હૃદય માં અખંડ ધરવા ના છે……અને જો એમ થશે તો- દરેક માં ભગવાન દેખાશે…..દરેક હરિભક્ત – એક બ્રહ્મ ની મૂર્તિ સમાન લાગશે…..કોઈ નો પણ અભાવ-અવગુણ નહિ….
  • યોગીબાપા તો કહેતા કે- ભગવાન ને હૃદય માં ધારવા..એના થી મોટી સેવા બીજી કોઈ નથી……..પણ શ્રીજી ને હૃદય માં ધારવા કઈ રીતે??? હૃદય ને શુદ્ધ કર્યું છે?? એ નિરંતર પાછું વળી ને જોવું…..
  • સારંગપુર-૧૧ ના વચનામૃત માં શ્રીજી એ જ કહે છે કે……

“જો ખબડદાર થઈને મંડે તો આ ને આ દેહે જ સર્વે કસર મટી જાય. અથવા દેહ પર્યંત કસર ન મટી હોય અને અંત સમે જ નિર્વાસનિક થાય ને ભગવાનને વિષે અતિશય પ્રીતિ થાય તો અંતકાળે પણ ભગવાનની કૃપા થાય ને ભગવાનના ધામને પામે. માટે એક દેહે અથવા અનંત દેહે અથવા અંત સમે એક ઘડી મૃત્યુ આડી રહી હોય ત્યારે પણ જો અતિશય ભગવાનને વિષે વૃત્તિ જોડાઈ જાય તો તે ભક્તને કોઈ જાતની કસર રહેતી નથી.”…..

  • સારંગપુર-૨ માં કુશળકુંવર બા નું ઉદાહરણ આપતા શ્રીજી કહે છે કે –જો એકવાર ભગવાન યથાર્થ ઓળખાય પછી એકદ્રષ્ટિએ કરીને મૂર્તિને જોતે જવું અને દ્રષ્ટિ પલટીને અંતરમાં તેવી ને તેવી તે મૂર્તિને ઉતારવી…….તો છતે દેહે ભગવાન ની મૂર્તિ નું સુખ મળે…..
  • હૃદય માં જગત ને ન રાખવું….પણ ભગવાન ને રાખવા……અને જે પુરુષ માં આવી ક્રિયા જોવા મળે તેનો સંગ કરવા થી –એવા જ ગુણ આપણા માં પણ આવે….( વચનામૃત-ગઢડા અંત્ય-૧૪) અને જીવ બ્રહ્મ રૂપ થાય….
  • પણ હૃદય માં ભગવાન ને જયારે અંદર ઉતારવા નું શરુ કરી એ ત્યારે અનંત જન્મ નો ચોંટેલો “વિષય રૂપી…ભૂંડા ઘાટ રૂપી કચરો” ઉખડી ને બહાર આવે છે,…પણ તેનાથી ડગી ન જવું…મંડ્યા રહેવું……આજે નહિ તો કાલે…..કાલે નહિ તો અનંત જન્મે પણ હૃદય માં ભગવાન બિરાજમાન થશે અને જીવ બ્રહ્મ રૂપ થઇ પરબ્રહ્મ ને પામશે…..
  • બ્રહ્મસ્વરૂપ ભગતજી મહારાજ ની જેમ સર્વ ભક્ત-સંત ને બ્રહ્મ ની મૂર્તિ જ સમજવી…..પ્રમુખ સ્વામી મહારાજ કહેતા એમ-અંતર માં સદાયે સત્પુરુષ ને રાખવા…ભગવાન ને રાખવા…..તો સહેજે ડગમગ થાય નહિ…….અને એકાંતિક ભક્તિ થાય….

અદભુત……અદભુત………….! જાણે કે સર્વ સત્સંગ નો સાર અહી આવી ગયો…! શ્રીજી ને અખંડ અંતર માં ધારવા છે……એ જ ધ્યેય રાખવો…!

ત્યારબાદ સભાને અંતે અમુક જાહેરાતો થઇ….

  • બ્રહ્મસત્ર આવે છે…….સંપર્ક કાર્યકરો તમારે ઘરે આવશે…..અચૂક રજીસ્ટ્રેશન કરાવવું…….આવો મોકો ફરી થી મળશે નહિ….
  • આંતર રાષ્ટ્રીય મહિલા દિન નિમિત્તે ૮ થી ૨૫ –માર્ચ- બેપ્સ યોગીજી મહારાજ હોસ્પિટલ દ્વારા મહિલા ઓ માટે ખાસ રાહત દરે સ્ત્રી રોગ-કેમ્પ નું આયોજન કર્યું છે…..
  • પ.પુ.મહંત સ્વામી મહારાજ- પુનઃ અમદાવાદ ના હરિભક્તો ને લાભ આપવા ૧૪-થી-૧૭-માર્ચ પધારી રહ્યા છે……સવારે એમના દર્શન નો લાભ મળશે……..

તો-આજ ની સભા અદભુત હતી……..એકાંતિક ભક્ત કઈ રીતે થવાય……શ્રીજી ને હૃદય માં કઈ રીતે અખંડ રખાય……બ્રહ્મરૂપ કઈ રીતે થવાય …એના પર હતી……!

જય સ્વામિનારાયણ

રાજ


Leave a comment

આજકાલ-૯/૧૨/૨૦૧૬

સમય દરિયાની રેત ની જેમ સરકતો જાય છે……પડછાયા ની જેમ…મૃગજળ ની જેમ …પવન ના લહરખા ની જેમ બસ એ વહેતો જ જાય છે……એ વહેણ માં જેટલું જીવી લેવાય એટલું જ આપણું……! બાકી ક્યાં અહી કોઈ કાયમી છે…???? ધણી નું તેડું આવશે એટલે એકપળ પણ..”ઉભા રહો….” એમ નહિ કહેવાય…..માલ-મિલકત-ધન-ધાન્ય-કુટુંબ પરિવાર ક્ષણ માં છૂટી જશે……! દેવાનંદ સ્વામી કહે છે કે…

” તારે માથે નગારા વાગે મોત ના રે….નથી એક ઘડી નો નિર્ધાર…..

તો એ જાણ્યા નહિ જગદીશ ને રે….”

એના જેવું છે…..અહી તો કારકિર્દી ..નોકરી-ધંધા ની લ્હાય માં ઘણુંયે એમનું એમ જ છૂટી જાય છે……કરવા જેવું કરાતું નથી અને બિનજરૂરી પંચાત જીવનમાં ઘુસી જાય છે….!..આપણા શાસ્ત્રો કહે છે એમ –જેમ તમારી આવક માં દશમો-વીસમો ભાગ શ્રીજી નો છે એમ આયુષ્ય નો દશમો –વીસમો ભાગ શ્રીજી નો છે…..એમ માની- જીવન ના ચકરડા વચ્ચે – ભગવાન ને સદાયે આગળ રાખવા…..એમના માટે- એમના રાજીપા અર્થે જીવવું…..વર્તવું..!

તો- શું ચાલે છે આજકાલ??? ચાલો સમય ના પગલા ને નિહાળીએ…..

  • પપ્પા ના ધામ ગમન બાદ –મન વધારે મજબુત….વિચારો વધુ સ્પષ્ટ અને શ્રીજી પર ની શ્રદ્ધા વધારે દ્રઢ બની છે……સંસાર ના કારખાના ઓ નો કોઈ અંત નથી…..એ તો ચાલુ જ રાખવા ના..રહેવા ના….પણ એમાં શ્રીજી ને ભેળવી દેવાના..! તો- એજ ઉપલક્ષ માં- સુરત ખાતે થયેલા મારા ગુરુ પ્રમુખ સ્વામી મહારાજ ના ૯૬ માં જન્મ જયંતિ મહોત્સવ માં ૧ થી ૭ તારીખ ની સેવા નો લાભ લેવામાં આવ્યો…..અને એ મુજબ મન-કર્મ-વચને –ધીમી ચાલતી દુકાન ને બંધ કરી…योगक्षेमंवहाम्यहम નું વચન યાદ કરી ..નિશ્ચિંત થઇ… સેવામાં ઉપડી ગયો….અને શ્રીજી ની દયા એ ધ્યેય સંતોષકારક રીતે પાર પડ્યો…..
  • અદ્ભુત મહોત્સવ……અદ્ભુત પ્રદર્શની….અદ્ભુત મુલાકાતીઓ…હરિભક્તો…..અદ્ભુત સંતો…અને અદ્ભુત સ્વયંસેવકો…….! ૪૦૦ એકર ના વિશાલ પરિસર માં ફેલાયેલા સ્વામિનારાયણ નગર માં લાખો મુલાકાતીઓ રોજ આવે…બધા આખો દિવસ પ્રદર્શની જુએ…..ફાઈબર નું બનેલું વિશાલ મંદિર( એકદમ આબેહુબ જ લાગે) માં દર્શન કરે…..બધા સવાર-સાંજ પ્રસાદી જમે…..અને રાત્રે અદ્ભુત લાઈટ એન્ડ સાઉન્ડ શો જોઈ ને છુટા પડે……….પણ કોઈના મોઢા પર થાક-કંટાળો નહિ……ઉલટાનું જીવન-હૃદય પરિવર્તન થઇ જાય…..એવો અમારો તાદ્રશ્ય –અનુભવ..! બેપ્સ હોય એટલે ઝીણી ઝીણી વાતો નું પણ અદ્ભુત મેનેજમેન્ટ થાય……સંતો….સ્વયંસેવકો….અને વિશેષ તો મહિલા સ્વયમ સેવકો..- ભૂખ્યા રહીને પણ રાત-દિન સેવામાં પ્રવૃત રહે….નાના માં નાના સ્વયંસેવક ને પણ સેવા નો મહિમા-અભરખો……! અદ્ભુત..અવિરત સેવા….સત્સંગ નો અસ્ખલિત પ્રવાહ ….એક સત્પુરુષ…એક ભગવાન ને રાજી કરવા ની જ તમન્ના ………આપણું તો આ જોઇને મસ્તક નમી જાય……! એકસાથે ૪૪ નવજુવાન પાર્ષદો ની ભાગવતી દીક્ષા થઇ…..અને તેમના મોઢા પર તમે આનંદ..તેજ….રોમાંચ જુઓ તો સમજાય કે- સાચો વૈરાગ્ય કોને કહેવાય..? શ્રીજી ના સમય નો- આવો વૈરાગ્ય નો અભરખો- ગુરુહરિ મહંત સ્વામી મહારાજ ના શરણ માં ..દેખાય છે……!!! અને મહંત સ્વામી તો સ્વયંભુ સાધુતા ની….નિર્માની પણા ની ગુણાતીત મૂર્તિ..! આટલી ઉમરે પણ રોજ સવારે ૩.૪૮ વાગ્યે ઊઠવાનું…અને રાત્રે ૧૨ તો સહજ વાગે….હજારો-લાખો પ્રશ્નો..પ્રવૃતિઓ… વચ્ચે પણ સદાયે સ્થિર-ગંભીર…..હસતા..! બુદ્ધિ..તર્ક શસ્ત્ર ને તાળા લગાવી –આ જાતે અનુભવવા જેવું વિજ્ઞાન છે…!
  • વળતી વખતે પરિવાર સાથે –મેં ગાડી જાતે ડ્રાઈવ કરી ….ભરૂચ મંદિર…વડતાલ…જેતલપુર આદિક મહા પ્રસાદી ના સ્થાનો ના દર્શન નો લાભ લેવામાં આવ્યો…….શ્રીહરિ નોમ નો ફેરો સફળ થયો……..બરોડા-અમદાવાદ વચ્ચે જુના હાઈવે નું નવીનીકરણ થયું છે……જે પરદેશ ના રોડ ને પણ ટક્કર મારે એવું કામ થયું છે……..એ જોયું……!
  • નોટબંધી ……….મને એટલી બધી નડી જ નથી…..કારણ કે હું વર્ષો થી મારું નાણાકીય કામકાજ ઓનલાઈન જ કરું છું…….લાઈટબીલ હોય કે મ્યુનીસીપલ ટેક્ષ બીલ…..પેટ્રોલ હોય કે કરિયાણું…..ટેક્ષી હોય કે બસ ટીકીટ…….બધું કાર્ડ કે ઓનલાઈન થી જ થાય છે……! જે લોકો – ખોટા કામ કરે છે…..કે જેને અજ્ઞાન ને લીધે ઓનલાઈન કામકાજ નથી આવડતું…..એ લોકો ને જ વધારે તકલીફ પડે છે…! જો કે કેશલેસ સીસ્ટમ ગામડે ગામડે પહોચી નથી…..પણ એની શરૂઆત થઇ ચુકી છે…..! ૩૦ દિવસ પછી પણ બેંકો માં- લાઈન કેમ ઘટતી નથી..એ હજુ મને સમજાતું નથી…! અરે….અમુક મંદિરો માં તો ઓનલાઇન દાન ની પણ શરૂઆત થઇ ચુકી છે…..પછી બાકી શું રહે..!
  • આ વચ્ચે અમારા હરિકૃષ્ણ મહારાજ ની લીલાઓ ચાલુ જ છે……સ્કુલ માં બહુ રજાઓ પડી ..એટલે ભાઈ ને સવારે સ્કુલ માટે ઉઠાડી એ એટલે તરત બહાનું કાઢતા બોલે…” પપ્પા ..આજે સ્કુલ માં છુટ્ટી છે……સાંજે સભામાં જવાનું છે…” ……!!!!! આગળ શું થશે?? એની ચિંતામાં રીના બિચારી અડધી થઇ ગઈ છે…….! અને એની જીભ દિન પ્રતિદિન તેજધાર થતી જાય છે……એના પ્રશ્નો ના ઉત્તર આપવાનું અમારા માટે દિન પ્રતિદિન મુશ્કેલ થતું જાય છે……મારી ડીગ્રીઓ-ભણતર બધું સાલું વ્યર્થ લાગતું જાય છે….! J
  • જયલલિતા ગયા………! જે થયું એ સારું થયું……ચાલો હરિ ને ગમે એ ખરું..! પણ મને એક પ્રશ્ન થાય છે…..કે પેલી હજારો સાડીઓ…હજારો જુતાઓ….અને પેલી “લકી” ખુરશી નું શું થશે????
  • ૨૦૧૭ માં –પેટ્રોલ ના ભાવ ૮૦ રૂપિયા થવાના છે……..અત્યાર થી જ અન્ડરગ્રાઉન્ડ ટાંકીઓ ભરી રાખીએ તો…??? J

તો- બસ …..સમય ચાલ્યા કરે…..આપણે પણ ચાલતા રહીએ……..જ્ઞાન ગંગા…..અનુભવ ગંગા….સલાહગંગા વહાવતા રહીએ………..ઠાકર જે કરશે એ સારું જ કરશે…!

રાજ


Leave a comment

BAPS રવિસભા-૨૦/૧૧/૨૦૧૬

શ્રીજીમહારાજ બોલ્યા જે,

“લ્યો, એ પ્રશ્નનો ઉત્તર અમે કરીએ જે, સંપ્રદાયની પુષ્ટિ તો એમ થાય છે જે, જે સંપ્રદાયના ઇષ્ટદેવ હોય તેનો જે હેતુ માટે પૃથ્વીને વિષે જન્મ થયો હોય અને જન્મ ધરીને તેણે જે જે ચરિત્ર કર્યાં હોય ……….અને જે જે આચરણ કર્યાં હોય, તે આચરણને વિષે ધર્મ પણ સહજે આવી જાય અને તે ઇષ્ટદેવનો મહિમા પણ આવી જાય………. માટે પોતાના ઇષ્ટદેવનાં જે જન્મથી કરીને દેહ મૂકવા પર્યંત ચરિત્ર તેનું જે શાસ્ત્ર તેણે કરીને સંપ્રદાયની પુષ્ટિ થાય છે……….. તે શાસ્ત્ર સંસ્કૃત હોય અથવા ભાષા હોય પણ તે જ ગ્રંથ સંપ્રદાયની પુષ્ટિ કરે, પણ તે વિના બીજો ગ્રંથ પોતાના સંપ્રદાયની પુષ્ટિ ન કરે………… જેમ રામચંદ્રના ઉપાસક હોય તેને વાલ્મીકિ-રામાયણે કરીને જ પોતાના સંપ્રદાયની પુષ્ટિ થાય; અને શ્રીકૃષ્ણ ભગવાનના જે ઉપાસક હોય તેને દશમ સ્કંધ અને એકાદશ સ્કંધ એ બે જે ભાગવતના સ્કંધ તેણે કરીને જ પોતાના સંપ્રદાયની પુષ્ટિ થાય; પણ રામચંદ્રના ઉપાસક તથા શ્રીકૃષ્ણના ઉપાસક તેને વેદે કરીને પોતાના સંપ્રદાયની પુષ્ટિ ન થાય…………………… માટે પોતાના સંપ્રદાયની રીતનું જે શાસ્ત્ર હોય તે જ પાછલે દહાડે પોતાના સંપ્રદાયને પુષ્ટ કરે છે.”


વચનામૃતમ-ગઢડા મધ્ય-૫૮

દિવાળી મા  ઘટેલી વિવિધ ઘટના ઓ ને લીધે હું નવા વરસ મા શરૂઆત ની બે સભાઓ મા હાજર ન રહી શક્યો……આજની સભા એટલા માટે જ મારા માટે અગત્ય ની હતી…….મારા માટે સાચા અર્થમાં નવા વરસ ની પ્રથમ સભા હતી……આથી સમયસર મંદિરે પહોંચી ગયો……..ઠાકોરજી ના દર્શન મનભરી ને કરવા મા આવ્યા…….જીવ સંતૃપ્ત થઇ ગયો………

15056365_1156112997760000_2269017574824011333_n

સભાની શરૂઆત પૂ.પ્રેમવદન સ્વામી અને યુવકો દ્વારા સ્વામિનારાયણ મહામંત્ર ની ધુન્ય દ્વારા થઈ…….કર્ણપ્રિય ધુન્ય ના સ્વર જીવ ને હરિ મા એકતાર કરતા ગયા……….અને એ પછી તો પ્રેમવદન સ્વામી ના મધુરા સ્વરે બે કીર્તન રજુ થયા……..

  • દિવ્યસભા પતિ રાય……જય જય…….( પ્રેમાનંદ સ્વામી રચિત)
  • અનુભવી….આનંદરસ ના ભોગી……….

પ.કૃષ્ણ સ્વરૂપ સ્વામી એ કંઇક જુદા રાગ  મા “હમ તો એક સહજાનંદ ….સહજાનંદ ગાવે…” ..પ્રેમાનંદ સ્વમી રચિત કીર્તન નો લાભ સભાને આપ્યો…..

ત્યારબાદ પ્રગટ અક્ષરબ્રહ્મ મહંત સ્વમી મહારાજ ના ૯-૧૧ નવેમ્બર ના રાજકોટ ખાતે ના વિચરણ ના – સ્વામીશ્રી ના આશીર્વચન નો વિડીયો-દર્શન નો લાભ સભાને મળ્યો……….નીચેની લીંક દ્વારા તેનો લાભ લઈ શકાશે……

http://www.baps.org/Vicharan/2016/05-11-November-2016-10679.aspx

ત્યારબાદ પૂ. શ્રીહરિ સ્વામી જેવા વિદ્વાન અને અનુભવી સંત દ્વારા ગઢડા મધ્ય-૫૮ “સંપ્રદાય ની પુષ્ટિ” ના વચનામૃત પર અદ્ભુત પ્રવચન થયું……..જોઈએ સારાંશ…..

  • વ્યાસજી હોય કે મુક્તાનંદ સ્વામી…..સર્વ ને ભગવાન ના લીલા ચરિત્ર ની પુષ્ટિ કરતા ગ્રન્થ ની રચના થી જ શાંતિ થઇ હતી……..આથી શ્રીજી ના વચનો મુજબ આત્યંતિક કલ્યાણ તો- પોતાના ઇષ્ટદેવ ના લીલા ચરિત્ર ના સતત મનન-પઠન-રચના થી જ થાય…….
  • ભગવાન સ્વામીનારાયણે કારીયાણી ગામે- મહામુક્ત ગોપાળાનંદ સ્વામી ને -પોતાના પૃથ્વી પર ના પ્રાગટ્ય માટે ના ૬ હેતુ કહેલા…..સદ.નિષ્કુળાનંદ સ્વામી એ એ બંધ રૂમ ના બારણા ની તિરાડ માં કાન ધરી ને એ સાંભળ્યા અને એને પ્રગટ કર્યા……જેના એક હેતુ પર થી પ્રખર વિધવાન બ્રહ્મચારી અચીત્યાનંદ વર્ણીએ “શ્રીહરીલીલાકલ્પતરુ” માં શ્રીજી નું સર્વોપરી પણું પ્રતિપાદિત કર્યું ….અને શ્રીજી ની આજ્ઞા થી સ્વયમ ગોપાળાનંદ સ્વામી એ -શ્રી હરિ ના “અવતારી-સર્વાવતારી પણા” ની સાક્ષી પૂરતા ૧૩ લક્ષણો -નડિયાદ ની ભરસભા માં કહ્યા….. એ શ્રીજી પ્રાગટ્ય ના ૬ હેતુ કયા….????

    1) પોતાના એકાંતિક ભકતને સુખ આપવા તથા તેમના મનોરથ પૂર્ણ કરવા અને તેમને લાડ લડાવવા

    2) અધર્મી તથા અસુરોથી કષ્ટ પામતાં એવા ભકિત- ધર્મ તેમનું રક્ષણ કરવું અને તેમની પૃથ્વીને વિષે પ્રવૃત્તિ કરવી

    3)પોતાનું સર્વોપરિ જ્ઞાન તથા સર્વોપરી ઊપાસના પ્રવર્તાવવી અને જીવોને પોતાના મુકત ભેળા ભેળવવા

    4)પોતાના અવતારોને તથા અવતારોના ભકતોને પૃથ્વીને વિષે મનુષ્યરૂપ ધરાવીને પોતાનું જ્ઞાન તથા ઊપાસના સમજાવીને તેમને પોતાના ધામમાં લઇ જવા

    5)એકાતક ધર્મને સ્થાપન કરવો તથા દુષ્ટ જનનો નાશ કરવો તથા સત્પુરુષનું રક્ષણ કરવું

    6)મુમુક્ષુને મુકત કરવા તથા પોતાના અને પોતાના મુકતોના દર્શન – સ્પર્શાદિક સંબંધે કરીને નવા મુમુક્ષુ કરીને તેમનો આત્યંતિક મોક્ષ કરવો

     

  • અને એ જ વાત શ્રીજી એ પોતાના રહસ્ય ગ્રંથ -વચનામૃત મા કહી……સદસ્ય ગ્રન્થ -શિક્ષાપત્રી દ્વારા પોતાના રહસ્ય નો વિસ્તાર અન્ય ગ્રંથ થકી સમજવો–એમ કહી….પોતાના સર્વોપરી પણા ની વાત- સત્પુરુષ થકી સમજવાની વાત કરી……
  • અને એ જ શ્રીજી નું સર્વોપરી પણું….કોઈ પણ સંકોચ વગર એમના ધામ- મૂળ અક્ષર ગુણાતીતાનંદ સ્વામી એ જગત મા ડંકા ની ચોટે પ્રસરાવ્યું…….અને એ જ કાર્ય આજે પણ ગુણાતીત ગુરુ ઓ દ્વારા ચાલુ છે……
  • એક ઉદ્ધવજી ને જ્ઞાન કરાવવા કૃષ્ણ ભગવાને કેટલો દાખડો કરવો પડેલો …..તો શ્રીજી ના એક પત્ર થી જ ૫૦૦ યુવાનો સાધુ થઇ ગયેલા……અને આંજે એ જ પરંપરા મા -હજારો સુશિક્ષિત….ગર્ભશ્રીમંત…એકના એક સંતાન એવા  નવજુવાનો- ગુણાતીત પુરુષ ને રાજી કરવા હસતા હસતા -ત્યાગાશ્રમ નો કાંટાળો માર્ગ સ્વીકારે છે………એ જ સર્વોપરીતા દર્શાવે છે……..
  • અને એ જ સર્વોપરી શ્રીજી ને પામવા -પ્રગટ બ્રહ્મરૂપ સત્પુરુષ સંગે બ્રહ્મરૂપ થયા સિવાય છુટકો જ નથી……એ સિવાય પુરુષોત્તમ ની પ્રાપ્તિ શક્ય જ નથી………( લોયા-૭…લોયા-૧૨…)
  • માટે જ બ્રહ્મરૂપ થવા……યોગીબાપા ના સિધ્ધાંત મુજબ- જીવન મા- નમવું…ખમવું…..કટ વળી જવું અને મનગમતું મુકવું……..એ સાર્થક કરવું જ પડશે….અને જો એ થશે તો- સત્પુરુષ સતત આપણી સાથે જ છે તેનો અનુભવ થાશે………..બધા હરિભક્તો -સત્સંગીઓ બ્રહ્મ ની મૂર્તિ જેવા લાગશે…..કોઈનો પણ અભાવ-અવગુણ નહિ આવે…….આ બધી સભાઓ -અક્ષરધામ ની સભા ઓ જેવી લાગશે……..

અદભુત……અદભુત……….! જો એટલું સમજાય તો બાકી શું રહે????? જીવન મા આ કર્યા સિવાય છુટકો જ નથી……ભગવાન ના લીલા ચરિત્ર થી જ જીવ બળીયો થાય…..અખંડ શાંતિ થાય……આત્યંતિક મુક્તિ થાય……

ત્યારબાદ – દુનિયા ના વિવિધ દેશો ની સંસદ…..આપણા દેશ ની સંસદ ના બંને ગૃહ મા પ.પૂ.પ્રમુખ સ્વામી મહારાજ ને શ્રદ્ધાંજલિ અપાઈ -એના વિડીયો ના દર્શન થયા……અદભુત મહિમા……!!

સભાને અંતે- ૭ ડીસેમ્બર ના રોજ -સુરત મા થનાર પ્રમુખ સ્વામી મહારાજ જન્મ જયંતિ મહોત્સવ અંગે અગત્ય ની જાહેરાત થઇ…..જેની વધુ માહિતી સમયાંતરે આપણી સંસ્થા ની વેબસાઈટ પર થી મળી શકશે…..

http://www.baps.org/Janma-Jayanti-Mahotsav%E2%80%932016-Accommodation.aspx

તો- આજની સભા શ્રીજી-સત્પુરુષ ના મહિમા ને સમજવાની…ચરિત્ર ને હૃદયસ્થ કરવા ની હતી…….અને એ દ્વારા અક્ષર ની ઊંચાઈ ને પ્રાપ્ત કરવા ની હતી………જે કર્યા સિવાય કોટી કલ્પે કલ્યાણ જ નથી………

સમજતા રહો………સત્સંગ એ સમજણ નો માર્ગ છે……

જય સ્વામિનારાયણ……..

રાજ

 


Leave a comment

BAPS રવિસભા-૨/૧૦/૨૦૧૬

પછી શ્રીજીમહારાજ સર્વે હરિભક્ત પ્રત્યે બોલ્યા જે, “અમારા અંતરનો જે સિદ્ધાંત છે તે કહીએ છીએ જે, જેને પોતાનું કલ્યાણ ઇચ્છવું તેને તો ભગવાન ને ભગવાનના સાધુ એથી ઉપરાંત બીજું કાંઈ જગતમાં સુખદાયી નથી. માટે જેમ પોતાના શરીરને વિષે જીવને આત્મબુદ્ધિ વર્તે છે તેવી ભગવાન ને ભગવાનના સંતને વિષે આત્મબુદ્ધિ રાખી જોઈએ અને ભગવાનના ભક્તનો પક્ષ દ્રઢ કરીને રાખ્યો જોઈએ……..

……જેમ વજ્રની પૃથ્વી હોય તેમાં વજ્રની ખીલી ચોડી હોય તે કોઈ રીતે ઊખડે નહીં, તેમ ભગવાનનાં ચરણારવિંદને વિષે પોતાના મનને દ્રઢ રાખવું. અને એવી રીતે જે ભગવાનનાં ચરણારવિંદને વિષે પોતાના મનને રાખે તેને મરીને ભગવાનના ધામમાં જવું એમ નથી, એ તો છતી દેહે જ ભગવાનના ધામને પામી રહ્યો છે.”……


વચનામૃત-ગઢડા અંત્ય-૭

જગત આખા ને મન મા ભર્યું હોય તો જીવ જગત ના સુખ દુખ થી કઈ રીતે બચી શકે?? શ્રીજી કહે છે કે જો મન દ્રઢ પણે વજ્ર ની ખીલી ની જેમ સત્પુરુષ અને ભગવાન રૂપી વજ્ર ભૂમિ મા દ્રઢ આત્મબુદ્ધિ થી જોડાયેલું હોય તો અખંડ સુખ ની પ્રાપ્તિ થાય……..છતે દેહે કલ્યાણ થાય……..! આટલું સમજાય તો યે અધ્યાત્મ માર્ગ મા સત્પુરુષ ના મહિમા ની અનિવાર્યતા ખબર પડે……..

નવરાત્રી ના નોરતા ચાલે છે……ગઈકાલે પ્રથમ નોરતા ની રાત્રીએ જ મેઘરાજા ભરપુર વરસ્યા ..અને આજે એના ફળ રૂપે બફારો અઢળક હતો…….પણ સામે હરિભક્તો નો ઉત્સાહ પણ એવો જ હતો……સમયસર પહોંચી ગયા …ઠાકોરજી ના દર્શન કરી જીવ ને સંતૃપ્ત કર્યો……

This slideshow requires JavaScript.

સભાની શરૂઆત યુવકો દ્વારા ધુન્ય પ્રાર્થના થી થઇ…….યુવકો દ્વારા રાસ કીર્તન રજુ થયા…..” તારો ચટક રંગીલો ..” બ્રહ્માનંદ સ્વામી રચિત અને “ વ્હાલા રુમઝુમ કરતા કાન મારે ઘેર “ મુક્તાનંદ સ્વામી રચિત કીર્તન રજુ થયા…..

ત્યારબાદ ગુરુહરિ પ.પૂ. મહંત સ્વામી મહારાજ ના મુંબઈ ખાતે ના વિચરણ ( ૧૮-૨૪ સપ્ટે) નો દર્શન વિડીયો રજુ થયો……એમના  એક એક ચરિત્ર દર્શન –ગુણાતીત લક્ષણ ના દ્યોતક હતા….ભગવાન ની મૂર્તિ ના દર્શન….પ્રાત:પૂજા મા એક લીનતા…..૮૪ વર્ષ ની ઉમરે મુખ પર તેજ…ચાલ મા ચપળતા અને નિર્માની પણું……! અદ્ભુત….અદ્ભુત……..અક્ષરબ્રહ્મ ને સાક્ષાત જોવા નો મોકો તો અહી જ મળે……..!!!

ત્યારબાદ પૂ.શ્રીહરિ સ્વામી જેવા વિદ્વાન…અનુભવી સંત દ્વારા પ્રમુખ સ્વામી મહારાજ અને ભગતજી મહારાજ ને અંત્યંત પ્રિય એવા વચનામૃત –ગઢડા અંત્ય ૭ પર અદ્ભુત પ્રવચન થયું…….જોઈએ સારાંશ….

  • બ્રહ્મ સ્વરૂપ શાસ્ત્રીજી મહારાજ ને ગઢડા મધ્ય-૭ નું વચનામૃત પ્રિય હતું તો યોગીબાપા ને ગઢડા અંત્ય-૨………! આમ તો બધા વચનામૃત અમૃત જ છે…પણ અમુક વચનામૃત અંગ ના કહેવાય….જેના પર સંત-હરિભક્તો નો ઝોક વધારે હોય……
  • શ્રીજી પોતાના અવતરણ નો હેતુ વર્ણવતા કહે છે કે – જીવમાત્ર ને બ્રહ્મરૂપ કરવા માટે એ પધાર્યા છે……અને આં વચનામૃત મા શ્રીજી કહે છે કે- છતે દેહે કલ્યાણ પ્રાપ્ત કરવા –સત્પુરુષ મા જોડાવવું જોઈએ….એમનામાં આત્મબુદ્ધિ દ્રઢ કરવી જોઈએ…….આ એમના અંતર નો સિધ્ધાંત છે…..અખંડ સુખ ની ફોર્મુલા છે…..
  • ગઢડા મધ્ય-૫૪…મધ્ય-૨૧…પ્રથમ-૨૭….વરતાલ-૧૯ ..વગેરે મા સંત નો મહિમા શ્રીજી એ કહ્યો છે અને સત્પુરુષને રાજી કરવા માટે- આજ્ઞા ..ઉપાસના….આત્મબુદ્ધિ ….પક્ષ રાખવા ની વાત કરી છે….સત્સંગી માત્ર ને બ્રહ્મ ની મૂર્તિ સમજવા…….
  • ભગવાન ને સમજવા માટે સત્પુરુષ ને સમજવા….રાજી કરવા જરૂરી છે……..સત્પુરુષ માતા છે અને પુરુષોત્તમ નારાયણ પિતા……..! જેમ માતા બાળક ને શુદ્ધ કરી –પિતાને આપે છે તેમ સત્પુરુષ જીવ ને શુદ્ધ કરી – શ્રીજી ની પ્રાપ્તિ કરાવે છે…..
  • આપણા સંપ્રદાય નો ઇતિહાસ કહે છે કે- સત્પુરુષ થકી જ અનંત જીવ અક્ષરધામ ને પામ્યા છે……….! જેવી ગોપીઓ ની આત્મબુદ્ધિ હતી…..તેવી જ આત્મબુદ્ધિ આપણી થાય………એવી શ્રીજી ને….મહંત સ્વામી મહારાજ ને પ્રાર્થના…….

અદ્ભુત…..અદ્ભુત…..આપણા સર્વ ની નિષ્ઠા વજ્ર ની ખીલી ની જેમ દ્રઢ થાય…….સત્પુરુષ અને શ્રીજી મા સદાયે દિવ્યભાવ રહે………એમની આજ્ઞા મા મન કર્મ વચને જોડાવાય……એમને રાજી કરી શકીએ એ જ આપણા જીવન નો ધ્યેય…..

“જમો ને જમાડું રે” અન્નકૂટ સેવા ઉત્સવ માટે અમદાવાદ ના કાર્યકરો-હરિભક્તો એ કમર કસી છે……દરેક ગુણભાવી ને નવા વર્ષમાં –ઠાકોરજી ને થાળ જમાડવા ની તક મળે…….ભવ્ય અન્નકૂટ દર્શન નો લાભ મળે…એ માટે પૂ.ઈશ્વર ચરણ સ્વામી એ – ગુરુહરિ પરમ પૂજ્ય મહંત સ્વામી મહારાજે ભવ્ય સંકલ્પ કર્યો છે…….અને કેટલાક ભક્તો એ –પોતાના અનુભવ સભામાં કહ્યા એટલે એ વાત ની પ્રતીતિ થઇ…..

  • સાયન્સ સીટી ના પંકજભાઈ એ ૨૦૦ ફોર્મ ભર્યા છે…..અને હજુ ૫૦ નો વધુ સંકલ્પ કર્યો છે…
  • શાહીબાગ મા ગેરેજ ધરવતા રમણભાઈ પટેલે જણાવ્યું કે- અન્નકૂટ સેવા ની વાત સાંભળી –લોકો સામે થી સેવા લખાવવા આવે છે……..બાપા નો મહિમા સાંભળી બધા ને ગુણ આવ્યો છે…
  • સોફ્ટવેર એન્જીનીયર માનસ ભટ્ટ અને એમની ફીસીયોથેરાપીસ્ટ પત્ની એ – એમના સંપર્ક મા આવતા લોકો ને સ્વામીશ્રી ના મહિમા ની વાત કરી – અને અન્નકૂટ ની આ સેવા ને સફળ બનાવી…….
  • એ જ રીતે મીલીટરી મા સર્વિસ કરતા –જીતુંભાઈ એ પોતાના કેમ્પ મા જોબ કરતા લોકો ને સ્વામીશ્રી…સંપ્રદાય…શ્રીજી ના મહિમા ની વાત કરી લગભગ ૧૫૦ જેટલી અન્નકૂટ સેવા સહાયક ની નોંધણી કરી છે………

અંતે પૂ. ધર્મજ્ઞ સ્વામી એ કહ્યું કે- આ પ્રોજેક્ટ નો હેતુ એટલો જ છે કે- બધા લોકો મંદિરે દર્શન કરવા આવે…..સત્પુરુષ નો..શ્રીજી નો મહિમા સમજે….જાણે…….અને ભગવાન ની સેવા નો મોકો મળે…….

 

ત્યારબાદ સભાને અંતે અમુક જાહેરાત થઇ…..

  • સત્સંગ પરીક્ષા ૨૦૧૬ ના પરિણામ આવ્યા …અમદાવાદ ૫૪% સાથે ઉતીર્ણ થયું છે……..ઉતીર્ણ થયેલા હરિભક્તો નું સન્માન થયું……
  • બેપ્સ અમૃત દ્વારા ત્રિફલા ટેબ્લેટ્સ બહાર પડી છે………
  • ૮/૧૦ ના રોજ- ગાંધીનગર આર્ષ મા પૂ.નારાયણ મુની નું પ્રવચન છે………

અદ્ભુત…..અદ્ભુત……….! તો આજની સભા –સત્પુરુષ મા આત્મબુદ્ધિ….દ્રઢ પ્રીતિ કેળવવા ની હતી……અધ્યાત્મ માર્ગ મા મોટા પુરુષ ની અનિવાર્યતા સમજવા ની હતી……..! છેવટે એ રાજી તો શ્રીજી રાજી જ છે ને……!!!

જય સ્વામિનારાયણ..

રાજ