Raj Mistry's world

Me,my stories and world around….


Leave a comment

BAPS રવિસભા-09/06/2019

સત્સંગ જ એવું તત્વ છે કે જેનાં કારણે ઇતિહાસ માં સુવર્ણ અક્ષરે લખાયેલા પરમ ભક્તો એ પોતાનુ સર્વસ્વ છોડ્યું….કોઈકે રાજપાટ છોડ્યું તો કોઈકે પોતાના કુટુંબ પરિવાર….કોઈકે પોતાના દેહ નાં સુખ છોડ્યા તો કોઈકે અન્ન વસ્ત્ર સુધ્ધાં છોડ્યા….!! અને જગતેં એમને ગાંડા કહ્યા છતા……..મોક્ષમાર્ગ માં એ જ ઉત્તમ પદ ને પામ્યા…..પ્રગટ ભગવાન ને પામ્યા…!!! અને આજે પણ એવા ભક્તો ની કમી નથી….આજની 46 ડીગ્રી ગરમી માં પણ તૌત્તેર મણ નો “ઉંબરો” ઓળંગી ને હરિભક્તો સભા માં પધાર્યા હતાં……એ શુ ઓછું છે???

તો આવા સર્વોપરી સત્સંગ ની શરૂઆત આપણા સર્વસ્વ …શ્રીજી નાં દર્શન થી…

સભા ની શરૂઆત ધૂન થી થઈ ત્યારબાદ યુવક મિત્ર દ્રારા બ્રહ્માનંદ સ્વામી નું સર્વોપરી પદ….” વ્હાલા તારી મૂર્તિ માં મોહી મોહી રે…..” રજુ થયુ….! જો મોહ કરવો હોય….હૃદય ને ક્યાંય જોડવું હોય તો એક હરિ માં જ જોડાય….! ત્યારબાદ ગુરુ હરી નાં મહિમા નું…પુ.જ્ઞાનેસ્વર સ્વામી રચિત પદ….” પુર્વ નાં પુણ્ય ફ્ળયા….સ્વામી તારા રૂપે આજ શ્રીજી મળ્યા…” …રજુ કર્યું…! વચનામૃત નાં પાને પાને શ્રીજી એ ડંકા ની ચોંટે કહ્યુ છે કે….એ સદાયે પોતાના એકાંતિક સંત દ્રારા પ્રગટ છે….એનાં અંગે અંગ માં પોતે રહ્યાં છે ( ગ.પ્ર.27) …પછી સતપુરૂશ અને ભગવાન માં ભેદ શાનો?? સ્વયં ભગવાન એનાં દ્રારા જ સર્વે ક્રિયા કરે છે…..!! ત્યારબાદ પુ. કૃષ્ણ સ્વરુપ સ્વામી એ …પુ.યોગેન્દ્ર દાસ સ્વામી રચિત અદ્ભૂત પદ…” સ્વામી….આપ રીઝૉ એમ રાજી….” રજુ કર્યું……છેવટે એકાંતિક પુરુષ નો રાજીપો જ જીવ ને પરમ પદ પમાડે છે…..કથીર માં થી કંચન બનાવે છે….માખી માં થી સુરજ કરે છે….!!!

ત્યારબાદ સ્વામીશ્રી નાં સારંગપુર ખાતે નાં 30 મે થી 1 જૂન-2019 સુધી નાં દિવ્ય વિચરણ નો વિડીયો લાભ મળ્યો….અદ્ભૂત બાળ અધિવેશન સ્મૃતિ…!

અદ્ભૂત વિડીયો….!!

અમદાવાદ થી કુલ 280 બાળ બાલિકા અધિવેશન માં ગયા હતાં…એમા થી 194 બાળકો ઇનામ લઇ આવ્યાં…! અદ્ભૂત…અદ્ભૂત…! ત્યારબાદ એ વિજેતા બાળકો એ પોતાનુ જ્ઞાન કૌશલ્ય પુ. ઇશ્વર ચરણ સ્વામી સમક્ષ રજુ કર્યું…..અક્ષર પુરુષોત્તમ દર્શન શ્લોકો થી શરૂઆત થઈ…વાર્તા…મુખ પાઠ….પ્રવચન…..એક પાત્રિય અભિનય…નાટક સંવાદ….કીર્તન…( મંજુકેશાનંદ સ્વામી રચિત ..જોઇ મૂર્તિ તારી રે…દેવ મિસ્ત્રી એ રજુ કર્યું…) ..

અમદાવાદ માં થી કુલ 44 બાલિકા ઓ એ પણ સર્વોપરી દેખાવ કર્યો……એમનું પણ સન્માન થયુ….

છેવટે બાળકો એ લટ્કાળૉ લટકન્તો રે આવે….પર અદ્ભૂત નૃત્ય રજુ કર્યું…..જે સારંગપુર માં વિજેતા જાહેર થયુ હતુ….

ત્યારબાદ પુ. અક્ષર વત્સલ સ્વામી એ જાહેરાત કરતાં કહ્યુ કે….નીલકંઠ યાત્રા એનિમેશન dvd નો 5 મો ભાગ પ્રકાશિત થયો છે…માન સરોવર ..બદરી વન ની તપશ્ચર્યા આમાં વર્ણિત થઈ છે….તો બધા એ મહિમા સહીત અચુક વસાવવો….બીજા ને પણ પ્રેરણા કરવી…..અંતે એનું ટ્રેલર રજુ થયુ…..Nilkanth and swans of Man sarovar….!!

અદ્ભૂત….અદ્ભૂત…..!!! શ્રીજી સર્વોપરી ભગવાન કેમ છે? એનો ઉત્તર અહી છે……! 60 મિનીટ નો આ વિડીયો છે..જે જૂન માસ નાં અંત માં પ્રગટ થાશે….અત્યારે એનું એડવાન્સ બુકિંગ શરુ થયુ છે….

અંતે આશીર્વચન આપતાં પુ. ઇશ્વર ચરણ સ્વામી એ કહ્યુ કે…આપણી બાળ પ્રવૃતિ સર્વોપરી છે….બાળકો નો સર્વાંગી વિકાસ અહી થાય છે….યોગી બાપા એ આની શરૂઆત કરેલી….જેથી અક્ષર પુરુષોત્તમ નું દિવ્ય જ્ઞાન સમગ્ર જગત માં ફેલાય….! એમણે બાળકો યુવાનો ને ધર્મ તરફ વાળ્યા….. પ્રથમ બાળ અધિવેશન મૉંબાસા માં 1954 માં થયેલું…..આપણે અટલાદરા માં 1969 માં થયેલું….ત્યારબાદ ગોંડલ માં પ્રમુખ સ્વામી મહારાજ ની નીશ્રા માં થયુ……આપણાં અનેક સંતો એ સમગ્ર વચનામૃત…સ્વામી ની વાતો મુખ પાઠ કરેલા છે……બાળકો ને આવી પ્રવૃતિ માં જોડવા થી એમનો આંતરિક વિકાસ થાય છે….! બાળકો ને આ માટે તૈયાર કરવા માં, એમનાં માતા પિતા… સંતો..કાર્યકરો નો ખૂબ ફાળો છે….આપણા ગુણાતીત ગુરુઓ નો ખૂબ રાજીપો આ ઉપર છે…એમનાં ખૂબ ખૂબ આશિર્વાદ છે….! બાળકો માટે – આ જ્ઞાન તૈયાર કર્યા પછી ભૂલવું નહીં…..માટે તેનુ સતત ચિંતન મનન કરવું…દર અઠવાડિયે એક વાર તેની પ્રેક્ટિસ કરતા રહેવું….સત્સંગ માં સારી રીતે બાળકો જોડાશે તો તેમનાં ભવિષ્ય ની ચિંતા કરવા ની જરૂર નહીં પડે….સમગ્ર દુનિયા માં એ આગળ જ રહેશે…!!!

અગત્ય ની જાહેરાત….

બીજુ કશુ નહીં…આપણે… આપણાં સંતાનો એ આ જ કરવા નું છે…..જો એમ થાશે તો સતપુરૂશ…શ્રીજી રાજી…રાજી….!!

અસ્તુ…..જય સ્વામિનારાયણ….

સદાયે પ્રથમ શ્રીહરિ ને રે…..!!

રાજ


1 Comment

આજકાલ- ૨૩/૦૪/૨૦૧૯

“એક વોટ….રાષ્ટ્ર નિર્માણ નો પાયો બની શકે છે”…..તો આજે ગુજરાતે અને દેશ નાં અમુક ભાગે- રાષ્ટ્ર નિર્માણ માટે દુનિયા ની સૌથી મોટી ચૂંટણી પ્રક્રિયા માં પોતાનો અધિકાર અજમાવ્યો……ઘણા સમય થી કોઈ પોસ્ટ નહોતી કારણ કે – ચૂંટણી ને ધ્યાન માં લેતા, સલામતી કારણોસર રવિસભા છેલ્લાં ત્રણ અઠવાડિયા બંધ હતી……

તો આજકાલ શુ ચાલે છે જીવન માં ?? જોઈએ…

  • અત્યારે ચૂંટણી નો માહોલ છે….ટીવી ચાલુ કરો અને ન્યુઝ ચેનલ કરો એટલે ઘોંઘાટ થી ભરપૂર ડિબેટૉ , તમારા તન મન ને ધ્રુજવવા ચાલુ જ હોય…..લોકલ વિષયો…મફત ની લ્હાણી ઓ…ફાલતુ આરોપો વચ્ચે દેશ ની સર્વોપરિતા તો જાણે ચર્ચાતી જ નથી…. જે સમજુ છે, તેં સમજે છે કે છેલ્લાં 5 વર્ષ માં મોદી સરકારે દેશ માટે શુ કર્યું છે…!! એમનાં માટે તો કોઈ પ્રશ્ન જ નથી… પણ જે સગવડિયા છે…કેવળ ટૂંકી દ્રષ્ટિ થી પોતાનો જ વિચાર કરે છે…એને પપ્પુ ની વાતો ગોળ જેવી લાગશે જ….! આપણા માટે તો રાષ્ટ્ર જ સર્વોપરી…સર્વ પ્રથમ….માટે જ ડંકા ની ચોંટે…vote for modi…!!
  • આજે વોટિંગ હતુ….અને રિના સવારે સાડા ત્રણે ઉઠી તૈયાર થઈ ગઇ…એની ડયુટી હતી તો મારે પણ એની પાછળ ડયુટી હતી…. 😊 એને મુકી આવ્યો અને પછી રૂટીન કસરત…સ્નાન..પૂજા.. નાસ્તો કરી સૌથી પહેલો બુથ પર પહોંચી ગયો અને રાષ્ટ્ર નિર્માણ માં હોંશે હોંશે પોતાનો અધિકાર વાપર્યો…! સાંજે ગુજરાત ભાજપ પ્રમુખ જીતુભાઇ વાઘાણી અને જય શાહ મળ્યા…. જીતુભાઇ એ મને કહ્યુ કે તમારા જેવા જાગૃત નાગરિકો અને કાર્યકરો ને લીધે જ અમે ઉજળા છીએ….!! સાચી વાત…..ભાજપ એ પાયા નાં કાર્યકર્તા ઓ થી બનેલો પક્ષ છે….અને એ દેખાય છે…..સવારે વોટિંગ પછી હુ અને હરિ “મોદી દાદા ” ને જોવા અમારી સોસાયટી પાછળ ગોઠવાઈ ગયા….અને લોકો નો ઉત્સાહ જુઓ તો સમજાય કે મોદી શુ ચીજ છે…!!! અદ્ભૂત…!! હરિ તો હજુ મોદી… મોદી ની બૂમો પાડે છે….!! બસ હવે 23 મી મે નાં રોજ મોદી સાહેબ પુનઃ પ્રધાનમંત્રી જાહેર થાય એટ્લે ભયો..ભયો….!
  • અબુ ધાબિ મંદીર- છેક 1997 માં બ્રહ્મ સ્વરુપ પ્રમુખ સ્વામી નાં સંકલ્પ પછી…. આજે પ્રગટ બ્રહ્મ સ્વરુપ મહંત સ્વામી મહારાજ દ્રારા એ સંકલ્પ પુર્ણ થયો….! યવન દેશ માં… એ પણ ત્યાંના અન્ય ધર્મી શાસકો નાં ભરપૂર …અકલ્પનિય સહયોગ થી 7 શિખર નું અદ્ભૂત મંદીર, 2020 સુધી માં અબુ ધાબિ ની ધરતી પર શ્રી અક્ષર પુરુષોત્તમ મહારાજ અને અવતારો….ભારતીય સંસ્કૃતિ નાં વાવટા ફરકાવશે…!! આમાં પણ વડાપ્રધાન નરેન્દ્ર મોદી નો મોટો ફાળો રહ્યો છે….પણ પાયા માં તો મોટા પુરુષ નો …સ્વયં શ્રીજી નો બળિયો સંકલ્પ રહેલો છે….!! હજુ તો તમે જુઓ…….આ સંકલ્પ શુ કરે છે….!!
  • વેકેશન- જેનાં ઘરે તોફાની બાળકો હોય, તેને તો જરુર પ્રશ્ન થાશે કે….આ વેકેશનની સિસ્ટમ બનાવી કોણે…???😢😢 અમારો હરિ તો હાલતૂ ચાલતું વાવાઝોડું જ છે…..પરીક્ષા એ જેમતેમ આપી….જાણે કે ટીચર ની પોતાની પરીક્ષા ન હોય….!! વેકેશન પડયું ને અમારુ ઘર જાણે કે યુદ્ધ નું મેદાન હોય…તેવા હાલ હવાલ થઈ ગયા છે…..અમારી નીંદ( બપોરની…. 😊😊)ચેન ..ગુમ થઈ ગયા છે….ઘર ગોડાઉન થઈ ગયું છે…..!! ઘણીવાર થાય કે ચાલો મોદી ની સાથે ચૂંટણી પ્રચાર માં નીકળી જઇએ….કમસેકમ જે થોડો ઘણો આરામ મળ્યો તેં સાચો…!! હાહાહા…..!! હવે આ સ્થિતી જૂન સુધી ચાલશે…ત્યાં સુધી હરિ અનંતા… હરિ કથા અનંતા….!!! હા.. પણ હરિ નાં આ ચરિત્ર વચ્ચે એક ઠંડક પમાડે એવી વસ્તુ એ થઈ કે…શિશુ અધિવેશન માં , ભાઈ ને જીવન નો પ્રથમ શિર પાવ મળ્યો……!!

તો બસ….ગરમી અને ઠંડક વચ્ચે…..કેરી નાં આગમન ની રાહ જોતાં…..મોદી સરકાર પુનઃ પ્રસ્થાપિત થાય તેની નિરંતર પ્રાર્થના કરતા કરતા સમય ને કાપી રહ્યાં છીએ…….( કે સમય અમને કાપી રહ્યો છે???) …ગઇ સાલ તો શિમલા મનાલી જઇ આવ્યાં હતાં…..આ વખતે જોઈએ આ સંઘ ક્યાં પહોંચે છે?? હરિ ઇચ્છા…!

તો ચાલો પુનઃ મળશું…….!

રાજ


Leave a comment

હેલિકોપ્ટર રીના …

હાહાહાહા………”હેલિકોપ્ટર રીના” હેડિંગ વાંચીને આડા અવળા વિચાર ન કરવા…કારણ કે મારી અર્ધાંગિની -હેલિકોપ્ટર નથી કે એ હેલિકોપ્ટર માં સવારી નથી કરી રહી…..કે રીના બ્રાન્ડ નું કોઈ હેલિકોપ્ટર બહાર નથી પડયું……! આ તો થયું એવું કે – ગયા રવિવારે ટીવી પર – હરિ, રીના અને હું એક હિન્દી મુવી – ” હેલિકોપ્ટર એલા “ જોઈ રહ્યા હતા…… કે જેમાં એક અતિ ઉત્સાહી સિંગલ મધર (એકલી માતા) પોતાના એકમાત્ર સંતાન- પુત્ર પ્રત્યે એટલી બધી પઝેસીવ હતી કે સતત એની આગળ પાછળ જ ફર્યા કરતી…એણે શું ખાધું હશે…શું કરતો હશે એ સતત ચિંતા સાથે બાળક ની પાછળ પાછળ જતી॥..એ બાળક મોટો થયો..તો પણ તેનું એની પાછળ હેલિકોપ્ટર ની જેમ સતત આગળપાછળ મંડરાવા નું બંધ ન થયું…અરે..એની પાછળ એની કોલેજ માં ..એના ક્લાસ માં એડમિશન લઈને પણ એનો પીછો ન છોડયો..!! છેવટે એ યુવકે એની માં ને ચોખ્ખા શબ્દ માં કહ્યું કે “ મને તારા થી ગૂંગળામણ થાય છે…મને મારા માટે થોડીક સ્વતંત્રતા જોઈએ છે….. I need my space..” અને ઘર અને પોતાની માં ને છોડી ને જતો રહ્યો….ત્યારે પેલી વધુ પડતી ભાવુક માં ને –પોતાની ભૂલ સમજાણી અને ઠેકાણે પડી…!

આ ફિલ્મ જોઈ રહ્યા હતા..ત્યારે હરિ બોલ્યો……” હેલિકોપ્ટર રીના…” હાહાહાહા…!!! જો કે ફિલ્મ ની એલા અને મારી રીના વચ્ચે ઘણો ફર્ક છે…..પણ હા રીના નું હરિ પ્રત્યે નું “હેલિકોપ્ટર પણું” ક્યારેક ક્યારેક છલકાઈ આવે છે …..ખાસ કરી ને હરિ ને જમવા અને કપડાં બાબતે…..!!! હરિ ને જંમવુ ન હોય…અને જે રીતે રીના એની પાછળ આદું ખાઈ ને પડે છે…..તે જુઓ તો ખબર પડે કે- હેલિકોપ્ટર કેટલું ફાસ્ટ ઊડે છે..!! હાહાહાહા………! અને રાત્રે ઊંઘવા ના સમયે હરિ ને ફરજિયાત બાથરૂમ કરાવવા મુદ્દે…રીના જે રીતે એની પાછળ પડે છે……એ જોઈ ને તો તમે હસી હસી ને બેવડા વળી જાઓ……..! માં- દીકરા નો- બાથરૂમ જવા-ન જવા બાબતે જે વિવાદ ચાલે- તે જોઈને તો- ભાજપ-કોંગ્રેસ નો વિવાદ…પણ ઝાંખો લાગે…..!!!! હાહાહા….છેવટે મારે એમાં જંપલાવું પડે અને બંને શાંત થાય…….પણ રીનાબેન ના હેલિકોપ્ટર નો પંખો તો ચાલુ જ હોય…..! હરિ – કપડાં બદલી..સ્વેટર મોજા લગાડી સૂઈ ન જાય ત્યાં સુધી – હેલિકોપ્ટર રીના નો પંખો હરિ પર જ મંડરાતો હોય..!!!!

જો કે – આ હેલિકોપ્ટર રીના એકલી નથી…..ઘરે ઘરે હેલિકોપ્ટર માતા ઑ ઊડતી ફરે છે…કોઈક ઓછી તો કોઈક વધુ……! અને કેમ ન હોય- માં નો પ્રેમ જ એવો હોય છે…..પોતાનું સંતાન સદાયે સલામત રહે –સ્વસ્થ રહે એની ચિંતા સતત રહે એ સ્વાભાવિક છે…પણ એ જ ચિંતા બાળક ને ગળામાં ફ્ંદાની જેમ ખૂંચે છે…..તેની પોતાની સ્પેસ…સ્વતંત્રતા છીનવાતી હોય તેમ લાગે છે…અને બાળક પર તેની અવળી અસર થાય છે……

તો- તમે પણ હેલિકોપ્ટર ન બનો…..પણ એક સ્વસ્થ માતા બની…બાળક ને આત્મવિશ્વાસ થી ભરપૂર….હીમતવાન બનાવો ..એ માટે મારા અમુક મંતવ્ય…

  • બાળક ની સમજણ પાકટ ન હોય…તેથી તેને આપણાં માર્ગદર્શન ની ..હિમત ની જરૂર પડે જ ..સતત ધ્યાન પણ રાખવું પડે…..પણ એટલું બધુ ધ્યાન ન રાખવું કે- બાળક ને એવું લાગે કે- હું કાઇ કરી શકું એમજ નથી….બધે મારી માં કે બાપ જ બધુ કરી આપશે……!! અને બાળક ને તેટલી તો સ્વતંત્રતા આપો કે- એ અમુક સંજોગો માં પોતે નિર્ણય લઈ શકે….સ્થિતિ નો સામનો કરી શકે…..ગૂંગળાઈ ન જાય…
  • બાળક ને જેમ જેમ ઉમર વધે તેમ તેમ તેની સમજણ..સ્વતંત્રતા ની લાગણી વધતી જાય…..તમે એને વારેઘડી એ ટોક ટોક કરો તો તેને તમારો અભાવ થઈ જાય…..પણ જો એને વિશ્વાસ માં લઈ- યોગ્ય માર્ગ થી..એક મિત્ર ભાવે તેને સમજાવવા માં આવે તો – એ જરૂર સમજે…..યોગ્ય નિર્ણય લઈ શકે…થોડુક એને એની મેળે નિર્ણય લેવા દો..અને એ નિર્ણય જે કાઇ -એને ભોગવવું પડે તે- ભોગવવા દો……તેથી તેની સમજણ વિકાસ પામશે….વિવેક બુધ્ધિ આવશે…..
  • એક વાત સદાયે યાદ રાખો કે- મજબૂત ઘર..હમેંશા મજબૂત પાયા પર ઊભું હોય છે……એટલા માટે બાળક નાનું હોય ત્યાર થી જ એને હીમતવાન..શૂરવીર…સમજણ વાળું બનાવો….અને એટલા માટે જ – અમારા ગુરુ પ્રમુખ સ્વામિ મહારાજે બાળકો માટે- શિશુ મંડળ-બાળ મંડળ-યુવક મંડળ અને ઘરસભા જેવા અદ્ભુત વિચાર આપ્યા…..જેમાં બાળકો ના નાનપણ થી જ ઉચ્ચ વિચાર..સંસ્કાર…સમજણ આપી ને એક આદર્શ મનુષ્ય બનવા ની પ્રેરણા અપાય છે…ઘરસભા જેવા વિચાર થી- ઘરમાં –પરિવાર માં બધા ને એકબીજા માટે પૂરતો સમય મળે…એકબીજા ને સમજી શકાય…તેવું વાતાવરણ ઊભું થાય છે….અને ઘર માં સુખ શાંતિ રહે છે….

જો આટલું થાય તો- કોઈ માતા ને “હેલિકોપ્ટર” બનવા ની જરૂર જ ન પડે…..પણ હા….એક દિવસ પોતાના આદર્શ સંતાન- દીકરા/દીકરી સાથે હેલિકોપ્ટર માં જરૂર સફર કરી શકે….!!

ત્યાં સુધી…હરિ ની માં- હેલિકોપ્ટર રીના…!!! હાહાહાહા……..

( આ લખ્યા પછી મારેય રીના થી સંભાળવું પડશે…)

રાજ


Leave a comment

એક ઉંદર…કાર કે અંદર…..!!

વર્ષો પહેલા હોલીવુડ નું એક કોમેડી ચલચિત્ર..અર્થાત મુવી આવેલી ..જેનું નામ હતું- એક બંદર ..હોટલ કે અંદર…આ મુવી તો ધમાકેદાર હતી..અને એ બંદરે હોટલ ની જે હાલત કરી હતી , એના પર થી મને આજે મારી કથની પર દયા આવે છે……! શાસ્ત્રો અને મનુષ્ય જીવન નો ઇતિહાસ કહે છે કે – કાળા અને ધોળા ( અને હાલ રંગબેરંગી….યા..સફાચટ) માથા વાળો માનવી ગમે તે કરે પણ …કુદરત આગળ ……( અને પોતાની પત્ની આગળ..) તો- આખરે એ લાચાર જ હોય છે……અને વખત પડ્યે એની પામરતા છલકાઈ ઊઠે છે……

તો હું પણ પામર હોમોં સેપિયન્સ સેપિયન્સ અર્થાત મનુષ્ય છુ…..કે જેને કુદરત ના નાના જીવ ગણાતા એવા કબૂતરો અને ઊંદરો એ ..અનેકવાર ધૂળ ચટાડી ને સાબિત કર્યું છે કે – ” In war ….size doesn’t matter…even an ant can shake off the elephant….”

તો વાત એવી છે કે – અમારી સોસાયટી માં કબૂતર અને ઉંદર નો ત્રાસ બહુ છે …કબુતર કહેવાય શાંતિ ના દુત પણ એવી ગંદકી ફેલાવે છે કે તમને થાય કે- શાંતિ નો ભંગ થાય એમાં જ શાંતિ છે..!!! કપડાં સુકાતા હોય તો એના પર બિન્દાસ ચરકી જવાનું…..જોવાનું નહીં કે- કપડાં ધોવા પાછળ…મોંઘા ડીટરજંટ..અને મજૂરી કેવી છે??? કબૂતર ની આ ટેવ ને લીધે તો લોકો એ હજારો રૂપિયા ખર્ચી ને દરેક ગેલેરી માં મોંઘી જાળી ઑ ઊભી કરી દીધી છે……પાર્કિંગ માં તમારી ગાડી જો થોડા દિવસ પડી રહે તો કબૂતરો તેની મટ્ટીપલિત કરી ને તમને ક્ષણેક્ષણ ભાન કરાવે કે- તારી આ શાનદાર ગાડી અમારી “છી” થી વધુ કાઇ નથી…!!!! હાહાહા…એમાં યે તત્વજ્ઞાન…!! મંદિરો..ઘર….ઓફિસો..એરપોર્ટ..વિમાનો…ગાડીઓ….. .કશું પણ આ કબૂતરો ની “છી” થી સલામત નથી..!

અને ઊંદરો……! એ તો દુનિયાભર માં કુખ્યાત છે પણ ફ્લેટ માં -જો કે તેનો ત્રાસ ઓછો હોય છે પણ પાર્કિંગ માં મૂકેલી ગાડી ઑ માં પણ તેનો ત્રાસ જોવા મળે..એ તો હદ કહેવાય..! થયું એવું કે – અમુક દિવસ પહેલા હું મારી કાર લઈને અમુક કામે નીકળ્યો…..કાર રસ્તા માં -ગિયર બદલતી વખતે જટ્કા મારે…આથી મને લાગ્યું કે- કદાચ પેટ્રોલ માં ભેળસેળ ને લીધે..અથવા તો એર ફિલ્ટર ની સાફસૂફી ને લીધે આવું થાય છે…..પછી વાત તો વધુ વણસી..એટ્લે એને સર્વિસ સ્ટેશન માં લઈ જવામાં આવી……સર્વિસ એંજિનિયર નો ફોન આવ્યો કે – પેટ્રોલ કે ફિલ્ટર નો ઇસ્યુ નથી પણ કાર જટ્કા મારે છે એનું કારણ – ઉંદર છે…!!!! મને આઘાત લાગ્યો…..”ઉંદર” ??? કઈ રીતે? તો એણે સમજાવ્યું અને બતાવ્યુ કે- કાર ની એન્જિન નીચેનો ભાગ ખુલ્લો હોય છે અને પાર્કિંગ માં ગાડી પડી હોય એટ્લે ઊંદરો એન્જિન નીચે થી ઘૂસી- એન્જિન માં બિન્દાસ- “બાપા ના બગીચા” માં ફરતા હોય તેમ મૂછો લાંબી કરી ને ફરે છે……જરૂર પડ્યે તો – સિસ્ટમ ના એકાદ બે વાયર ને બચકું પણ ભરી લે…અને પરિણામ?? ગાડી …જટ્કા મારતી થઈ જાય…યા….ચાલુ જ ન થાય..!! ઓત્તારી……!! અને મને એન્જિન ખોલી ને બતાવ્યુ તો- એક પ્લગ વાયર ને- ઉંદર ખાઈ ગયો હતો………!!! જુઓ નીચે નો ફોટો……..

ઉંદર – વાઈપવોશ લિક્વિડ ની કેપ પણ ખાઈ ગયા હતા……..મારે સમય બગડી અને સારા એવા પૈસા બગાડી ને- ઉંદર ના ત્રાસ થી ત્રસ્ત – ગાડી ને બચાવવી પડી…..!!

હવે વિચારો- કે- આ ઉંદર જો ગાડી ની અંદર જ ઘૂસી જાય તો- સીટ -ઇંટેરિયર ના શું હાલ થાય?? કેટલા નો ખાડો પડે?? આવા ઉંદર ની સર્જીકલ સ્ટ્રાઈક નો રોકવી કઈ રીતે?? ઘણો વિચાર કર્યો…ગૂગલ ભાઈ ને પણ પુછ્યું……સ્પ્રે- ઝેરી બિસ્કિટ નો ઓપ્શન મળ્યો……પણ એ સો ટકા અસરકારક નથી……તો હવે કરવું શું??? જોઈએ લોકલાગણી-લોક અનુભવ ..માગી-વણમાગી સલાહો શું કહે છે???

  • ગાડી ને રોજ ફેરવતા રહેવું…પાર્કિંગ ની જગ્યા રોજ બદલવી……અને એક જણે તો સલાહ પણ આપી કે- ગાડી ના એન્જિન પાસે બિલાડી નો ફોટો ….લગાવી દેવો…. !!  🙂 ….હાહાહા….ઉંદર કમસેકમ બિલાડી ની શરમ તો રાખશે જ…એવું એ ભાઈ નું કહેવું છે….!! તમને શું લાગે છે??
  • તો કોઈક એ સલાહ આપી કે- ઝેરી બિસ્કિટ ને એન્જિન ના અમુક ભાગ માં મૂકી દેવા….એણે ઉંદર ખાશે અને મરી જશે……પણ પ્રશ્ન એ- કે એ એન્જિન માં જ મરી જાય તો એની ડેડ બોડી…ને શોધવી ક્યાં??…..ગંધ ગાડી માં ઘૂસી જાય તો કરવું શું??
  • અમારા હરિ એ તો એક પગલું આગળ વધી અદ્ભુત સલાહ આપી……એ કહે ..”પાપા…એક બિલાડી લઈ આવો……આપણી જોડે જ રાખીએ…..ગાડી માં જોડે જ લઈ જવાની…..!! હાહાહા….. આ તો પેલી પંચતંત્ર ની વાર્તા જેવુ થાય……પહેલા બિલાડી…..પછી એના દૂધ માટે ગાય…પછી ગાય માટે ઘાસ…પછી ખેતર……પછી માણસ………હાહાહાહા……! હરિ અનંતા ….હરિ કથા અનંતા…!!!

તો- ટૂંક માં હજુ સુધી ઉંદર અને કબૂતર નો ઈલાજ – હજુ મળ્યો નથી……..અને એ મળે ત્યાં સુધી તો – આ ત્રાસ ને સહન કરવા નો જ છે……અને પળેપળ યાદ રાખવા નું છે કે – કુદરત આગળ આપણે સદાયે લાચાર હતા અને લાચાર રહેશું જ…મનુષ્ય કઈ સર્વસ્વ નથી જ……એણે બસ- આસપાસ ની સ્થિતિ સાથે ..કુદરત સાથે સમન્વય જાળવી ને જીવવા નું છે…….. Co existence is the solution for existence…..!!

તો- જોઈએ…..આગે આગે હોતા હૈ ક્યાં……! તમારી પાસે પણ કોઈ ઈલાજ હોય તો કહેજો…!!

રાજ


Leave a comment

મુછો વાળા મગ…..

આજનુ દ્રશ્ય…….ઘરના બેઠક રુમમાં, ચારેબાજુ રમકડાં વિખરાયેલા પડ્યા છે……અને વચ્ચે હરિકૃષ્ણ મહારાજ એક ડીશ લઇને ટીમણ (અર્થાત સવાર નો નાસ્તો) કરી રહ્યા હતા…….હું જરાક ઉભો રહ્યો, અને

હું:” હરિ મહારાજ…..શુ કરો છો…???”

હરિ: “હું નાસ્તો કરુ છુ………”

હું: આજે નાસ્તામાં શું છે….???

હરિ: ” દેખાતુ નથી….?? મુછો વાળા મગ……”

હું: ” મુછો વાળા મગ???? !!!!”

હરિ:…” હા……જુઓ …આ રહી મુછો…..”

મુછો વાળા મગ…… 🙂

હાહાહા……..!!!!

હરિઅનંતા…..હરિકથા અનંતા……!!!

રાજ


Leave a comment

આજકાલ -૩૦/૦૮/૨૦૧૮

મારી છેલ્લી પોસ્ટ ૧૯ ઓગસ્ટ ના રોજ હતી અને આજે ૩૦ ઓગસ્ટ છે……..અર્થાત ૧૧ દિવસ ના લાંબા અંતરાલ બાદ નવી પોસ્ટ આવી છે…..કારણ?? કાઈ નહિ…..બસ આળસ……!!! સાચી વાત છે….આજકાલ વાતાવરણ જ કૈક એવું છે કે- વરસાદ રોજ અંધારે છે અને પડતો નથી……એની આવી આળસ ને સાથ આપવા હું પણ આળસુ થઇ ગયો છું……થોડીક અવળવાણી……

“….અબ કરે સો આજ કરે……આજ કરે સો કલ……..;

ઇતની જલ્દી અભી  ક્યા હૈ પ્યારે…જબ જીના હૈ બરસો……”

હાહાહા………!! જે હોય તે પણ બીલ ગેટ્સ ના નામે ફરતો એક મેસેજ એવું કહે છે કે- બીલ ગેટ્સ ને આળસુ માણસો વધુ પસંદ છે કારણ કે- એ કોઈ પણ કામ ..અલગ રીતે…ઓછી મહેનતે…ઓછા સમય માં કઈ રીતે થઇ શકે ??..એની નવી રીતો શોધી કાઢે છે….!! 🙂 ….જે હોય તે…પણ આળસ સારી નથી જ એ બધાનો અનુભવ છે……હું હવે ધ્યાન માં રાખીશ કે- આળસ નામના શત્રુ ના જાસા માં આવ્યા વગર – કૈંક નવું….મનગમતું -અહી બ્લોગ  પર ટીંગાડતો રહીશ…..! તો શું ચાલે છે  આજકાલ..??

  • ૨૦ મી તારીખે- આ દેહ નો જન્મદિન ગયો……હજુ કેટલા બાકી?? ખબર હોત તો અહી થોડા બેઠા હોત?? જે હોય તે- પણ એવું જીવવું કે- આપણે સ્થૂળ દેહે ન હોઈએ ત્યારે આજુબાજુ વાળા ને આપણી ખોટ સાલવી જોઈએ……( સારી રીતે કે નરસી રીતે….એ પ્રશ્ન પણ થવો જોઈએ…) ….આજ તારીખે- તેજાબી લેખક ચંદ્રકાંત બક્ષી અને આપણું નાક કપાવે એવા પપ્પુ ગાંધી ના પિતાશ્રી રાજીવરત્ન ગાંધી નો પણ જન્મ દિવસ હતો…..પણ- કોઈ એ મારી સરખામણી- આમની સાથે કરવી નહિ…કેમ?? એ પણ ન પૂછવું…!
  • તો- જન્મદિવસે શું કર્યું?? સોમવારે જન્મ દિવસ હતો..આથી ઉજવણી રવિવારે જ – કરવામાં આવી……અર્ધાંગીની ને સમય મળે- એમ જ ઉજવણી થાય ને…!! હરિ તો આખા ગામ માં – સામે થી કહી આવ્યો કે- મારા પપ્પા નો જન્મ દિવસ છે…અને ચોકલેટ વિતરણ નો વ્યાપ વધારી દીધો…! હાહાહા…..
  • સ્વીમીંગ- છેવટે ૨૫૦ મીટર તરવા ની આકરી પરીક્ષા મેં પાસ કરી દીધી…આથી કહી શકાય કે- હું તરી શકું છું..પણ ક્યાં?? એ પ્રશ્ન છે…….કોચ દ્વારા સલાહ આપવામાં આવી છે કે- ભલે પરીક્ષા પાસ કરી- પણ પાણી જોઈ કુદી ન પડવું…..!! કેમ…? તમને લાગે છે કે તમને તરતા આવડે છે…પણ પાણી ને થોડી ખબર છે કે- તમને તરતા આવડે છે??? હાહાહા……જે હોય તે- પરીક્ષા પાસ કરી -પણ અમદાવાદ મહાનગર પાલિકા ના અણઘડ નિયમ તો જુઓ……શીખાઉ માટે- આખા વર્ષ નો ( માર્ચ થી એપ્રિલ જ ગણાય…) ચાર્જ-૧૮૦૦ રૂપિયા…અને ૬ માસ માટે ( માર્ચ થી સપ્ટે.-) ૧૧૦૦ રૂપિયા……અને ઓકટોબર થી માર્ચ ના – ૭૦૦ રૂપિયા…….! મેં અધ-ઓગસ્ટ માં પરીક્ષા પાસ કરી આથી…..જો મારે પૈસા ભરવા હોય તો- એક જ વિકલ્પ બચે- ઓક્ટોબર થી માર્ચ વાળો……અને એ માટે મારે એક મહિનો- તરવા નો લાભ લીધા વગર બેસી રહેવું પડે……અને ઓક્ટોબર માં ફરીથી પરીક્ષા આપી- પૈસા ભરવા ના….!!! પરીક્ષા ફરીથી આપવા ની…..એ પણ કોઈ પણ જાત ની પ્રેક્ટીસ વગર…….હવે વિચારો- કેવું અઘરું છે…….! આના કરતા- મહિના ના ફીક્ષ ચાર્જ માં તરવા ના દે??? અમદાવાદ ના વહીવટ કારો માં ક્યારે બુદ્ધિ આવશે???
  • રક્ષાબંધન- સમય અત્યારે એવો ચાલે છે કે- કોઈ ની પાસે -પોતાના પરિવાર-રીત રીવાજો માટે જાણે કે સમય જ નથી……ઘરમાં હું સૌથી નાનો……મોટી બે બહેનો-પછી મારો મોટો ભાઈ..અને હું છેલ્લો….! સમય અને સંજોગો ને લીધે -ભાઈ અને બહેન ન આવી શક્ય….માત્ર સૌથી મોટી બહેન આવી- એ પણ ખુબ મોડી……પણ એનો લાભ- આશીર્વાદ મળ્યા- એ જ મોટી વાત…..! લાગે છે- કે- રક્ષા બંધન – હવે પહેલા જેવી નહિ રહે……ઓનલાઈન રાખડી ઓ મળી જશે…..અને ઓનલાઈન સબંધો ચમકી ઉઠશે…….! જેવી હરી ઈચ્છા……..! સમય સાથે ચાલુ- એ જ સમય ની માંગ છે………..
  • શ્રાવણ માસ- દર વર્ષ ની જેમ એકટાણા – નિર્વિઘ્ન ચાલે છે…..શરૂઆત માં નક્કી કર્યું હતું કે- એકટાણું કરવું……અને બીજા સમય માં – માત્ર ફળ પર જ રહેવું……શરૂઆત તો સારી રહી પણ પછી- દેહ ભાવ વધ્યો……અને મનેકમને – વેફર્સ કે ચેવડો લેવો પડ્યો……..! જે હોય તે- પણ આજ્ઞા મુજબ થોડું ઘણું યે વર્તાય છે તેનો આનંદ છે…બાકી આ દેહ ..આ મન તો વાંદરા ને પણ શરમાવે તેવું છે…….! જે પણ કૈક ઇન્દ્રિયો પર નિયંત્રણ થાય છે તે કેવળ અને કેવળ- શ્રીજી અને સત્પુરુષ ની જ દયા છે…- હજુ શ્રાવણ ને પૂરો થવામાં ૧૦ દિવસ બાકી છે………અને હિમત ભરપુર છે……
  • સત્પુરુષ- શાસ્ત્રો જેને અક્ષરબ્રહ્મ……બ્રહ્મ…..અક્ષર…..ભગવાન ને રહેવાનું ધામ કહે છે…તે સ્વયમ મનુષ્ય દેહે- મહંત સ્વામી મહારાજ રૂપે – અમદાવાદ ને આંગણે- ૨ જી સપ્ટેમ્બર ના રોજ પધારી રહ્યું છે……અમારી સેવા છે……અને સમગ્ર અમદાવાદ ને સમીપ દર્શન નો લાભ મળવા નો છે…….પછી સુખ માં બાકી શું રહે?? આ વખતે સતત ૨૦ દિવસ સુધી – ધાર્યા કરતા વધુ સુખ મળવા નું છે………જોઈએ- હરિ ઈચ્છા શું છે??

તો- બસ….બીજું શું?? સમય ની સાથે ડગ ભરતા રહો……..થાક લાગે તો થોડોક પોરો ખાઈ લો..પણ પાછા વળવા ની વાત ન કરો……..સતત આગળ વધવું- એ જ જીવન…!

જય સ્વામિનારાયણ…………

રાજ


Leave a comment

તેર પુરા………

૧૭-૦૫-૨૦૦૫ – મંગળવાર……..બપોર નું વિજય મુહુર્ત…..સ્થળ- વડાલી, સાબરકાંઠા……..અને લગ્ન ની વેદી માં – મારી સ્વતંત્રતા ..સ્વચ્છંદીપણા..એકલતા નો સુખદ અંત આવ્યો…..! તદ્દન ભિન્ન વિચારો…..અભ્યાસ….કર્મ ક્ષેત્ર ધરાવતી રીના મારું અડધું અંગ બની અને હું સમાજ માં બે માણસ વચ્ચે બેસવા લાયક બન્યો….!!! અર્થાત- મારા જીવન માં રીના નો રુમઝુમ પ્રવેશ થયો અને મારી દુનિયા બદલાઈ ગઈ…એ તિથી નો – ૧૭-૦૫-૨૦૧૮ ના રોજ અમે- ૧૩ મો રંગબેરંગી ઉત્સવ કર્યો…..! મારું નસીબ સારું છે કે- વેકેશન માં જ અમારી તિથી આવે- જેથી ઉત્સવ કરવા નો પુરેપુરો મોકો મળે…….!

તો- તેરમી તિથી કેવી રહી???

  • હમેંશ ની જેમ – સુવર્ણ પ્રભાત ની શરૂઆત સરપ્રાઈઝ થી…! અને પછી રોજિંદુ કામ…….સવારે – દોડવા જવાનું કામ કરવામાં આવ્યું……થાય ત્યાં સુધી તો શરીર સાચવીએ……અને જો શરીર સાચવીશું તો શરીર આપણ ને સાચવશે……!!! પણ મનમાં એક ઈચ્છા ઘણા સમય થી અધુરી છે કે- રીના પણ મારી સાથે દોડવા ક્યારે આવશે??? ….શ્રીજી ને પ્રાર્થના કે- એ પણ સમય આવે…..!
  • પૂજા પાઠ પછી પ્રશ્ન એ થયો કે આજકા ખાના……ક્યાં હોગા??? અને પછી વૈચારિક મતભેદ મુકવામાં આવ્યા…..અને રોજ ની જેમ- જીત તો શ્રીમતી ની જ થાય……અને બહાર જમવાનો પ્રોગ્રામ તૈયાર થયો…..પણ ક્યાં જવું….એ મારા પર છોડવામાં આવ્યું….! મને બહાર જમવાનું ઓછું પસંદ છે..છતાં મોકો મળ્યો એટલે એવી જગ્યા એ જવાનું નક્કી કર્યું કે- જ્યાં આપણું ( સ્વામિનારાયણ જમણ) સચવાય…..અને હેવમોર ના મેંગો ઉત્સવ નો લાભ લેવામાં આવ્યો…..! ખરેખર પૈસા વસુલ થઇ ગયા….
  • પછી તો ગરમી એવી કે- એસી ગાડી ની બહાર પગ મુકો કે – પગ પાછો જ ખેંચાઈ જાય….. :-૦ …..! પણ પાપી પેટ કા સવાલ…….! આથી જમવાનું પૂરું કરી તરત જ ઘરે પરત …..અને વામકુક્ષી નો અડધો પડધો આનંદ લીધો…..અને મારે તો ઠાકોરજી ની સેવામાં મંદિરે જવાનું હતું…..તો તૈયાર થઇ તુરંત જ ભાગ્યો……!
  • સાંજે -પણ બપોર ના પેટભર જમણ ની અસર રહી……છેવટે અમે ત્રણેય એ સસ્તામાં પૂરું કરી ચલાવ્યું…..

તો કહેવાનું શું…..કે- જીવન માં ખુશી ની ઉત્સવ ની જે જે પલ આવે તેને ઉજવી લેવી…..! લગ્નજીવન માં એ ક્યારેય શક્ય નથી કે તમે પતિ પત્ની બંને દરેક વસ્તુ માં એક વિચાર થાઓ……..મતભેદ કોઈ પણ લગ્ન જીવન માટે તંદુરસ્ત છે કારણ કે તમને કોઈ પણ વસ્તુ ના બે અલગ અલગ દ્રષ્ટિકોણ આપે છે……તમે અલગ ધરી થી પણ વિચારી શકો એ ખુલ્લા પણું આવે છે. ..અમે -રીના અને હું- ઘણી બાબતો પર એક નથી પણ એકબીજા ના મંતવ્ય ને સ્વીકારીએ છીએ…! અમારા ગુરુ બ્રહ્મ સ્વરુપ પ્રમુખ સ્વામી મહારાજ કહેતા કે…સંસાર હોય કે સત્સંગ – જો જીવનમાં નમતા, ખમતા….મનધાર્યુ મુકતા અને કટ વળી જતાં આવડે તો કોઇ પ્રશ્ર્ન જ ન થાય……! જો કે મને પુરેપુરુ આનુ અનુસરણ આવડ્યુ નથી…..પણ પ્રયત્ન ચાલુ છે કે એ આજ્ઞાના શબ્દેશબ્દ નુ પાલન થાય…..!!

રીના ના ગુણ મને ગમ્યા છે….એની પાસે થી મને મારો હરિ અને હરિકૃષ્ણ મળ્યા છે…..સત્સંગ ની દ્રઢતા મળી છે…..સ્થિરતા…ગંભીરતા મળી છે…..!!!

બસ, જીવન ને યોગ્ય અર્થ…દિશા…આપવા બદલ…હાથ પકડી ને હરિ સુધી પહોંચાડવા બદલ રીના …..just love you so much…..!!! Always be with me n Hari….!!

રાજ