Raj Mistry's world

Me,my stories and world around….


1 Comment

BAPS રવિસભા-૧૦/૧૨/૨૦૧૭

“…..જે બ્રહ્મરૂપ થયો તેને જ પુરુષોત્તમની ભક્તિનો અધિકાર છે…………

…….બ્રહ્મરૂપ થઈને જે પરબ્રહ્મની ભક્તિ ન કરે તો તે પણ આત્યંતિક કલ્યાણને ન પામ્યો કહેવાય……..”

 …….અષ્ટાવરણે યુક્ત એવાં જે કોટિ કોટિ બ્રહ્માંડ તે જે અક્ષરને વિષે અણુની પેઠે જણાય છે, એવું જે પુરુષોત્તમ નારાયણનું ધામરૂપ અક્ષર તે રૂપે…… પોતે રહ્યો થકો…….. પુરુષોત્તમની ઉપાસના કરે, તેને ઉત્તમ નિર્વિકલ્પ નિશ્ચયવાળો કહીએ…..”


ભગવાન શ્રી સ્વામિનારાયણ- વચનામૃતમ- લોયા-૭ ..૧૨

આજની સભા વિશિષ્ટ હતી..કારણ કે- સમગ્ર સ્વામિનારાયણ સંપ્રદાય…સમગ્ર હિંદુ સંસ્કૃતિ ને ગૌરવ થાય તેવા મહામહોપાધ્યાય પુ. ભદ્રેશદાસસ્વામી રચિત- શ્રી અક્ષર પુરુષોત્તમ દર્શનમ -એના પર આધારિત પ્રસ્થાન ત્રયી ભાષ્ય અને વાદ ગ્રંથ નો મહિમા- અતિ વિદ્વાન -સંસ્કૃત મહા પંડિત- પ્રોફ. ડો. ગજેન્દ્ર પાંડા ના મુખે – સભામાં ગવાયો……પ્રસ્થાન ત્રયી એટલે શું?? હિંદુ સંસ્કૃતિ ના છેક ૮ મી સદી થી લઇ ૨૧ મી સદી સુધી ના વિવિધ- ૬ તત્વજ્ઞાન દર્શન ..એમના રચયિતા..એનો મહિમા શું?? વગેરે ની માહિતી મળી…..અને ગર્વ થયો કે- ભગવાન સ્વામિનારાયણ દ્વારા સકળ શાસ્ત્રો નો સાર સરળ ભાષા માં વચનામૃત માં ગ્રંથસ્થ થયો અને આજે એ જ શાસ્ત્રો નું ભાષ્ય..અને શ્રીજી નો હૃદયગત સિધ્ધાંત – ૭ માં દર્શન રૂપે – પુ.ભદ્રેશ દાસ સ્વામી એ ગ્રંથસ્થ કર્યો…..સંસ્કૃતિ નું મન વધાર્યું..!

તો સભા ની શરૂઆત – મારા વ્હાલા ના દર્શન થી……

WhatsApp Image 2017-12-10 at 9.27.31 PM

યુવકો એ સ્વામિનારાયણ ધુન્ય થી શરૂઆત કરી….ત્યારબાદ યુવકો એ કર્ણપ્રિય સ્વર-સુર માં વિવિધ કીર્તન રજુ કર્યા….

  • તારી મૂર્તિ છે જો નેણું નો શણગાર….રચયિતા- બ્રહ્માનંદ સ્વામી
  • શોભે શોભે રસિક વર છેલ રે…..- કૃષ્ણાનંદ સ્વામી
  • ભજી લે ભગવાન સાચા સંત ને મળી……- દેવાનંદ સ્વામી
  • વ્હાલું લાગે મોહન મુખ તારું……બ્રહ્માનંદ સ્વામી…

ત્યારબાદ- અગાઉ વાત કરી તેમ- પુ.ભદ્રેશ સ્વામી ની – અપ્રતિમ..અતુલ્ય રચના બદલ તેમનું- બરોડા ની શ્રી સયાજીરાવ યુનીવર્સીટી દ્વારા આયોજિત કાર્યક્રમ માં – ૨૭..હા..૨૭ જેટલી યુનીવર્સીટી ઓ દ્વારા જાહેર માં ભવ્ય સન્માન થયું…તેના વિડીયો દર્શન નો લાભ મળ્યો…..

‘ઉપકાર…..ઉપકાર..” ઓસમાણ મીર દ્વારા સ્વરિત કીર્તન- નો બ્રહ્મ સ્વરૂપ પ્રમુખ સ્વામી મહારાજ પર નો વિડીયો રજુ થયો……બાપા નું એ જ મનમોહક સ્મિત….તેજસ્વી આંખો….હરિભક્તો-સંતો નો ઉમંગ..અને એ જ સારંગપુર લીલા ના અદ્ભુત દર્શન થયા…..

ત્યારબાદ ભારત સરકાર ના કેન્દ્રીય મંત્રી શ્રી મેઘવાલ જી સભામાં પધાર્યા ..તેમનું ઉચિત સન્માન થયું…..અને તેમણે તેમના ટૂંકા વક્તવ્ય માં કહ્યું કે- જે કાર્ય બેપ્સ કરે છે….તેવું બીજા કોઈ દ્વારા શક્ય જ નથી….જીવન ની દોડધામ થી ડીસ્ચાર્જ થઇ ગયેલી મારી બેટરી- અહી સંતો ના સમાગમ થી- ચાર્જ થઇ ગઈ…!!! અદ્ભુત…..ખરેખર…..રવિસભા અને સંતો ના મુખે કથા વાર્તા – આપણા તન-મન-હૃદય-જીવ ને રીચાર્જ કરે છે………આખા અઠવાડિયા નો ચડેલો સંસાર -પળવાર માં ઓગળી જાય છે……!!!

ત્યારબાદ જેની રાહ જોવાતી હતી- તેવા અતિ વિદ્વાન..સમર્પિત- અમદાવાદ ની એલ-ડી આર્ટસ કોલેજ ના – સંસ્કૃત વિભાગ ના વડા- સારંગપુર સંત તાલીમ કેન્દ્ર માં પ્રાધ્યાપક રહી ચુકેલા- ૬ ગોલ્ડ મેડાલીસ્ટ વિજેતા- ડો.ગજેન્દ્ર પાંડા – નું અક્ષર પુરુષોત્તમ દર્શનમ – પર અદ્ભુત પ્રવચન થયું……ડો.પાંડા નો સંકલ્પ છે કે- એક લાખ લોકો ને સંસ્કૃત બોલતા કરવા ( અત્યાર સુધી માં ૭૨૦૦૦ લોકો ને- શીખવાડી ચુક્યા છે…) ..અને બાપા ની આજ્ઞા થી સારંગપુર સંતો ને સંસ્કૃત ની તાલીમ આપી…લગભગ ૬૦૦ સંતો ને તાલીમ આપી ચુક્યા છે..આજે એમના સુપુત્ર કૃષ્ણ- આ કાર્ય સારંગપુર માં કરી રહ્યા છે…જે- એક એન્જીનીયર હોવા છતાં- પુ.ભદ્રેશ દાસ સ્વામી ના માર્ગદર્શન હેઠળ વિશ્વ માં પ્રથમ વાર જ – અક્ષર પુરુષોત્તમ દર્શનમ પર સંસ્કૃત માં  ડોકટરેટ કરી રહ્યા છે…………..!!!!

એ જ્યારે અમારી પરા સભામાં આવ્યા હતા ત્યારે એમણે જાહેરાત કરી હતી કે- સારંગપુર માં – અક્ષર પુરુષોત્તમ દર્શનમ ને લગતા વિવિધ અભ્યાસ ક્રમ – જે યુનીવર્સીટી ની ડીગ્રી સંલગ્ન છે તે…..સંસ્કૃત માં ચાલે છે..ત્યાં આગળ રહેવા-જમવાનું-ભણવા નો સર્વ ખર્ચ આપણી સંસ્થા ઉઠાવે છે……જેને રસ હોય તે – આપણા મંદિર નો સંપર્ક કરી શકે છે…..

આ પ્રવચન એટલું ગહન હતું….જોશીલું હતું…બળવત્તર હતું કે….કે તમે રૂબરૂ સાંભળો તો જ મજા આવે…..અહી લખાણ- તમને પોથી માં ના રીંગણ જેવું જ લાગશે…..અસલી મજા તો રૂબરૂ સાંભળવા નો જ છે…….છતાં – એના અંશ જોઈએ….

  • હિંદુ સંસ્કૃતિ..એના તત્વજ્ઞાન અતિ પ્રાચીન છે….પણ એના પુનર્જીવન ની વાત કરીએ તો- આદિ શંકરાચાર્ય દ્વારા પુનર્જીવિત થયેલી આપણી સંસ્કૃતિ-એનું વેદ-ઉપનિષદ-બ્રહ્મ સૂત્ર- આધારિત તત્વજ્ઞાન -કે જે દર્શન તરીકે ઓળખાય છે..તે છેક ૮ મી સદી થી લઇ -૧૮ મી સદી સુધી પ્રસરેલી છે…….
  • આપણી સંસ્કૃતિ માં – ભગવાન, મંદિર, સંત, અને શાસ્ત્ર – એમ ૪ આધાર સ્તંભ છે……અને એને સમજ્યા સિવાય- હિંદુ સંસ્કૃતિ ને સમજી ન શકાય…..
  • ૨૦૧૫ માં- થાઈલેન્ડ ખાતે- આંતર રાષ્ટ્રીય સંસ્કૃત પરિષદ યોજાઈ..હજારો – સંસ્કૃત વિદ્વાનો એ એમાં હિસ્સો લીધો અને- પ્રસ્થાન ત્રયી ભાષ્યમ રચવા બદલ – પુ.ભદ્રેશ દાસ સ્વામી નું ત્યાં સર્વોપરી બહુમાન થયું……
  • પ્રસ્થાન એટલે- માર્ગ પર આગળ વધવું…..અને તત્વજ્ઞાન માં આગળ વધવા- આ પ્રસ્થાન ત્રયી ( ત્રયી એટલે ત્રણ) -કે જેના ત્રણ ભાગ છે….પ્રકાર છે- શ્રુતિ પ્રસ્થાન, સ્મૃતિ પ્રસ્થાન અને તર્ક પ્રસ્થાન – એને સમજ્યા સિવાય છૂટકો નથી….આદિ શંકરાચાર્ય થી લઇ ને- ચૈતન્ય મહાપ્રભુ સુધી બધાએ – આ પ્રસ્થાન ત્રયી ના વિવિધ પ્રકાર પર પોતાના ભાષ્ય રચ્યા..દર્શન રચ્યા…પોતાનો તત્વ-વાદ બતાવ્યો….
  • શ્રુતિ પ્રસ્થાન એટલે- વેદ…ઉપનિષદ ..સ્મૃતિ પ્રસ્થાન માં- ગીતા…ભાગવત…યાજ્ઞવલ્કય સ્મૃતિ  જેવા ગ્રંથ….અને તર્ક પ્રસ્થાન માં- ૫૫૫ સુત્રો થી બનેલા – બ્રહ્મ સૂત્ર કે- જેના એક સૂત્ર પર વિશાળ ગ્રંથ બની શકે…….!
  • આ તમામ પ્રસ્થાન માં- અક્ષર અને પુરુષોત્તમ – ની વ્યાખ્યા..સમજુતી…સ્વરૂપ અને કાર્ય-મહિમા નું અઢળક વર્ણન કરેલું છે….અત્યાર સુધી માં- આદિ શંકરાચાર્ય થી લઇ – છેક ચૈતન્ય મહા પ્રભુ સુધી બધા એ એક યા બે પ્રસ્થાન પર આધારિત- વાદ આપ્યા…ત્રણેય પ્રસ્થાન નો અભ્યાસ કરી ને શ્રી શંકરાચાર્ય ને બાદ કરતા કોઈ એ ભાષ્ય નથી રચ્યા……એટલા અઘરા છે….માટે જ જે ૬ આચાર્ય થઇ ગયા..એમણે ૬ વાદ આપ્યા…..અને ૧૮ મી સદી પછી કોઈ નવું દર્શન બન્યું નહિ- કારણ કે- ૭ મુ દર્શન રચવું હોય તો- રચનાકારે- ત્રણેય પ્રસ્થાન- અને એના આધારિત ઉપરોક્ત ૬ દર્શન નો તલસ્પર્શી અભ્યાસ કરવો પડે…એ માટે અતિ હોશિયાર -અતિ વિધવાન વ્યક્તિ ને પણ ઓછા માં ઓછા ૭૨ વર્ષ લાગે ( એક દર્શન પાછળ ઓછામાં ઓછા ૧૨ વર્ષ) ..જે શક્ય જ નથી…..પણ પુ.ભદ્રેશ સ્વામી- કેવળ- બ્રહ્મ સ્વરૂપ પ્રમુખ સ્વામી મહારાજ ની કૃપા, પ્રેરણા…પ્રવેશ થી એ અશક્ય કાર્ય ને માત્ર ૧૨ વર્ષ માં શક્ય બનાવ્યું- અને ૭ મુ દર્શન- અક્ષર પુરુષોત્તમ દર્શનમ….રચ્યું..અને એ પણ કોઈ ઉપરોક્ત દર્શન નું ખંડન કર્યા વગર…!!!! એ ચમત્કાર જ કહેવાય…!!
  • અને આ ચમત્કાર – એ કઈ સામાન્ય નથી……આખા ભારત નું ભ્રમણ કર્યા બાદ પુ.ભદ્રેશ સ્વામી એ – ૨૫૦૦ પાના નો હસ્ત લિખિત ગ્રંથ અતિ મહેનત થી તૈયાર કેર્યો…..અને સારંગપુર માં આવેલા પુર માં એ – સર્વે નાશ પામ્યું……છતાં – ગુરુ ની આજ્ઞા થી માત્ર ૫ માસ માં – રાત દિવસ મહેનત કરી- એ ગ્રંથ પુનઃ રચ્યો…….અને ઈતિહાસ સર્જી દીધો……!! પુ.ભદ્રેશ દાસ સ્વામી કહે છે કે- હું આ ગ્રંથ લખવા બેસું તો- શબ્દો આપોઆપ ગોઠવાતા જાય….અને પ્રમુખ સ્વામી મહારાજ જ જાણે બધું લખાવતા હોય તેમ- આપોઆપ બધું રચાતું જાય…તેના લીધે જ આ શક્ય બન્યું છે……!!
  • જે તત્વજ્ઞાન- સ્વયમ શ્રીજી એ -સામાન્ય મનુષ્ય ને સમજાય તે માટે- સરળ ભાષા માં વચનામૃત માં નાખ્યું……ગુણાતીતાનંદ સ્વામી એ પોતાની અક્ષર વાતો માં -રેડ્યું…..બ્રહ્મ સ્વરૂપ શાસ્ત્રીજી મહારાજે- મૂર્તિમંત કર્યું……એ જ તત્વજ્ઞાન ને – શાસ્ત્રીય રીતે- સંપૂર્ણ માહિતી સાથે – એક ભાષ્ય રૂપે- પુ.ભદ્રેશ દાસ સ્વામી દ્વારા- પરમ પૂજ્ય પ્રમુખ સ્વામી મહારાજે ગ્રંથસ્થ કર્યું…!!! જેના પર સમગ્ર દેશ ની સંસ્કૃત યુનીવર્સીટી ઓ- સંસ્કૃત- તત્વજ્ઞાન ના આચાર્ય, વિદેશ ના સંસ્કૃત ના નિષ્ણાત…કાશી વિદ્વત પરિષદ દ્વારા સ્વીકૃતિ ની મહોર મારવા માં આવી….આજે આ ભાષ્ય ગ્રંથ- હિંદુ સંસ્કૃતિ ના ૭ માં દર્શન તરીકે ઓળખાતા તત્વજ્ઞાન ને – દેશ વિદેશ ની યુનીવર્સીટી ઓ માં – પાઠ્ય ક્રમ માં ભણાવવા વપરાય છે……!!!
  • આપણા સંપ્રદાય માં “રાજીપો” શબ્દ સર્વોપરી છે…..ગુરુ ની આજ્ઞા પાલન માં દ્રઢતા….તત્પરતા..કેવળ એમના રાજીપા માટે જ જીવવા નું તો એક બેપ્સ ના સાધુઓ- હરિભક્તો માં જ જોવા મળે……..અને એના કારણે જ આજે- દુનિયાભર માં બેપ્સ ના ડંકા વાગે છે……

( ત્તાજેતર માં જ અમદાવાદ ના વાડજ વિસ્તાર માં- ડો.પાંડા ની આ જ વિષય પર સભા યોજાઈ હતી- તે પ્રવચન નીચે ની લીંક પર થી સાંભળી શકાશે…)

https://drive.google.com/open?id=1UZQS8eLkCWja1D5xwDXlHOJjSpVflFCB

અદ્ભુત…અદ્ભુત…….!!! આદિ શંકરાચાર્ય થી લઇ ને ચૈતન્ય મહાપ્રભુ સુધી ૬ આચાર્ય થયા..એમાં ૭ માં આચાર્ય તરીકે- પુ.ભદ્રેશ સ્વામી નું નામ ઉમેરાઈ ગયું છે…..સ્વામિનારાયણ તત્વજ્ઞાન આગવું છે..અલગ જ છે….જે અક્ષર પુરુષોત્તમ દર્શનમ તરીકે આજે સ્થાપિત થયું…….!

પુ. ઈશ્વર ચરણ સ્વામી એ પણ આ જ વાત કરી….અને પુ.ભદ્રેશ સ્વામી એ – સ્વામિનારાયણ સમ્પ્રદ્ય અને સમગ્ર હિંદુ ધર્મ નું જે ગૌરવ વધાર્યું છે એ માટે અભિનંદન આપ્યા….અને કહ્યું કે- મૂળ અમેરિકા ના એવા આપણા નવજુવાન સંત પુ.અક્ષરાનંદ સ્વામી એ પણ હાલ માં – યુકે માં- વેદાંત વિષય પર ડોકટરેટ ની પદવી હાંસિલ કરી છે….અને આવા અતિ વિદ્વાન..સંસ્કૃત ના મહા પંડિત- સંતો આપણે ત્યાં તૈયાર થઇ રહ્યા છે..યોગીબાપા એ દાદર મંદિર માં સ્થાપેલી સંસ્કૃત તાલીમ શાળા આજે- સારંગપુર માં વટ વૃક્ષ બની ચુકી છે…….એમના સંકલ્પ પુરા થઇ રહ્યા છે……!! આપણા સંતો ખુબ ભણે અને આપણું તત્વજ્ઞાન બધે પહોંચાડે તે જરૂરી છે કારણ કે- સાબિત કરવા નું છે કે- આપણે કોઈ Cult નથી….કોઈ ગાડરિયો પ્રવાહ નથી પણ- સ્વામિનારાયણ સંપ્રદાય એક શાસ્ત્રોક્ત….વેદાંત….આધારિત સર્વોપરી સંપ્રદાય છે..જ્યાં શુદ્ધ તત્વજ્ઞાન ના ડંકા વાગે છે…..!! બેન્ગાલુરું ના આચાર્ય હરિદાસ ભટ્ટ તો આ ગ્રંથ જોઈ ને બોલી ઉઠ્યા કે- સાધુ ભદ્રેશ દાસ તો મારા શિષ્ય હતા પણ આ ગ્રન્થ રચ્યા બાદ હવે એ મારા ગુરુ છે…!!!!

હાલમાં જ બરોડા ખાતે આ મહાન ગ્રંથો ની હાથી પર શોભાયાત્રા નીકળી…….પુ.ભદ્રેશ દાસ સ્વામી નું જાહેર માં સન્માન થયું….!

This slideshow requires JavaScript.

પુ. બ્રહ્મવિહારી સ્વામી અને પુ.ઈશ્વરચરણ સ્વામી એ- ગુજરાત માં હાલ ચાલી રહેલી ચુંટણી વિષે વાત કરતા આજ્ઞા કરી કે- બધા એ- પ્રમુખ સ્વામી મહારાજ અને મહંત સ્વામી મહારાજ ની આજ્ઞા અનુસાર ૧૦૦ % મતદાન કરવા નું છે..એમાં બંધ છોડ ન ચાલે…..! પોતાની નજર સમક્ષ- આપણી સંસ્કૃતિ..આપણો ધર્મ…આપણો દેશ..તેની સલામતી ધ્યાન માં રાખી ને જ મત આપવો…….! કોઈ બાકી ન રહી જાય તેનું ધ્યાન રાખવું..!

સભામાં છેલ્લે- જાહેરાત થઇ કે- બેપ્સ યોગીજી મહારાજ હોસ્પિટલ માં તારીખ ૧ થી ૩૧ ડીસેમ્બર સુધી વિવિધ વિભાગ માં- રાહત દરે કેમ્પ ચાલી રહ્યા છે..તેનો સર્વે એ લાભ લેવો…!!

પુ.ઈશ્વર ચરણ સ્વામી એ જાહેરાત કરી કે- આપણા સંનિષ્ઠ હરિભક્ત- ઉપેન્દ્ર ભાઈ નું અવસાન થયું છે…….

તો- બસ- આપણે આપણા સર્વોપરી સંપ્રદાય..તેના પોતાના – અક્ષર પુરુષોતમ સ્વામિનારાયણ દર્શનમ ને જીવસ્થ કરવા નું છે…….ભવિષ્ય માં જયારે પુ.ભદ્રેશ સ્વામી એ રચેલા – મહાન સંસ્કૃત ગ્રંથો નું ગુજરાતી ભાષાંતર આવે -ત્યારે તેને ઘરે ઘરે વસાવી- તેને દ્રઢ નિષ્ઠા માં ફેરવવા નો છે…..! આપણા શ્રીજી…મંદિર…શાસ્ત્રો-તત્વજ્ઞાન અને સંતો- સર્વોપરી જ છે…..તે સમજવા નું છે…..તેનો મહિમા દ્રઢ કરવા નો છે…!!..અને આ કાર્ય માં- શ્રીજી ‘ને સ્વામી -બંને અચૂક ભળશે…..બસ આપણે તો પુરુષ પ્રયત્ન કરવા નો છે…….

જય જય અક્ષર પુરુષોત્તમ…..જય જય સ્વામિનારાયણ….

રાજ

 

 

Advertisements


Leave a comment

BAPS રવિસભા- ૦૩/૧૨/૨૦૧૭

ગયા રવિવાર ની સભાનો અંગત પ્રસંગ ને લીધે લાભ લઇ ન શકાયો……એનો રંજ આજે – રવિસભામાં – મધ ઝરતા સુર સાથે …જેના શબ્દેશબ્દે મહિમા નો કેસર ભીનો શ્યામ પ્રગટતો હતો એવા કીર્તન-આરાધના નો લાભ- સારંગપુર ના જુવાન સંતો ના મુખે મળ્યો…..એમાં દુર થઇ ગયો…! નવધા ભક્તિ માં કીર્તનમ…..એક એવી ભક્તિ છે..જેમાં શબ્દ ની સાથે હૃદય સહેજે ભળે છે…..નાસ્તિક પણ આસ્તિક થઇ જાય એવી તાકાત એના સુર માં હોય છે……! પછી બાકી શું રહે??? પુ.ઈશ્વરચરણ સ્વામી પણ ખુબ રાજી થયા………એ પણ આજની સભાની ફલશ્રુતિ હતી…..

તો- સભાની શરૂઆત – મારા વ્હાલા ના અદ્ભુત..મનમોહક દર્શન થી……

24294230_1719808671390427_2039045024833458426_n

ત્યારબાદ ૧૦-૧૧ સંતો – કે સારંગપુર થી ખાસ – પુ.મધુરવદન સ્વામી ની આગેવાની હેઠળ – કીર્તન આરાધના નો લાભ આપવા પધાર્યા હતા..તેમણે સભાની શરૂઆત – અદ્ભુત..શાસ્ત્રીય રાગ-આલાપ આધારિત સ્વામિનારાયણ ધુન્ય…ગુણાતીત પરંપરા ની વંદના થી થયું…..અને પછી શરુ થયું – અસ્ખલિત ..એકધારું…..કર્ણપ્રિય..હૃદયપ્રિય કીર્તનો નું મધુર વાવાઝોડું…….જોઈએ કયા કીર્તન નો લાભ અહી મળ્યો….

  • બ્રહ્મસ્વરૂપ પ્રમુખ સ્વામી મહારાજ અને પ્રગટ અક્ષરબ્રહ્મ મહંત સ્વામી મહારાજ ને આવકારતું સ્વાગત ગીત…..- પુ.મધુર વદન સ્વામી અને સંતો
  • છબી નૈનન બીચ રહો……..ગાયક- પુ.બ્રહ્મ કીર્તન સ્વામી
  • દાદા ખાચર ના લગ્ન- ભટવદર ના નાગપાલ વરુ ની દીકરી જ્સુબા સાથે થયા…જસુબા એ શ્રીજી મહારાજ ના આશીર્વાદ માંગતી વખતે જે પ્રાર્થના કરી…..તે પ્રાર્થના નું – પધ્ય સ્વરૂપ..એના ભાવ..એના શબ્દો…..” મારી ચૂડી નો ભંગ ન થાય એ માંગુ વર નાથજી…….” ..એની ગહનતા એટલી અદભુત હતી કે- હજુ એ મારા દિલોદિમાગ માં ગુંજે છે……ભવિષ્ય માં – જો એ પ્રાર્થના પુરેપુરી મળશે તો જરૂર ગુલાલ કરીશું…..એ પુ. સંતો દ્વારા રજુ થયું…
  • “ટેકીલો ટેક ન મેલે રે..” બ્રહ્માનંદ સ્વામી રચિત કીર્તન…
  • “તારી મૂર્તિ પ્યારી રે….” પ્રેમાનંદ સ્વામી રચિત કીર્તન..પુ.સારંગ કીર્તન સ્વામી ના મુખે સાંભળવા મળ્યું….
  • “વહેતું જીવન તમારું..ગંગા ની ધારા..’ પુ.પ્રેમવદન સ્વામી ના મધુર કંઠે ગવાયું…..! અદ્ભુત…..
  • “મોજમાં રે’વું…..મોજ માં….” …એટલું અદ્ભુત હતું કે- સમગ્ર સભા – “મોજ” માં આવી ગઈ..!! શ્રીજી -સત્પુરુષ મળ્યા ની પ્રાપ્તિ નો કેફ….! અવર્ણનીય હતો…………
  • BAPS એક પરિવાર- ના સૂત્ર ને ચરિતાર્થ કરતું કીર્તન……’ અમારો સમ્પીલો પરિવાર….” પુ.મધુર વદન સ્વામી દ્વારા રજુ થયું…….
  • ” સહજાનંદ સ્વામી..અંતરજામી..” નિષ્કુળાનંદ સ્વામી ના કીર્તન ને દોહા-છંદ ની છાંટ સાથે સંતો એ રજુ કર્યું…………અને સમગ્ર સભા – ઝૂમી ઉઠી……….! અદ્ભુત.અદ્ભુત………..કીર્તનો-દોહા-છંદ-સાથે કેસર ર્ભીનો શ્યામ – એનો રંગ- બધા ને રંગી ગયો…………!!!

અદ્ભુત..અદ્ભુત…!! આજની કીર્તન આરાધના ના વખાણ કરીએ એટલા ઓછા છે……! કીર્તનો ની અદ્ભુત ગૂંથણી…..સુર-તાલ નો લય- પુ.રાહુલ સ્વામી ની વાંસળી ..ઓકટોપેડ ના અદ્ભુત બીટ્સ…..વાદ્ય નો તાલ મિલાવતા સંતો ની જુગલબંદી……………………અદ્ભુત..અદ્ભુત…!!!

ત્યારબાદ પુ.ઈશ્વર ચરણ સ્વામી એ- સંતો ને આશીર્વાદ આપી પોતાનો રાજીપો પ્રગટ કર્યો………એમણે આશીર્વચન આપતા કહ્યું કે- આજની કીર્તન આરાધના પરમ ભક્ત પરિવાર- કિશોરભાઈ..બીરજુભાઇ ગઢિયા પરિવાર અને આફ્રિકા ના લાલ પરિવાર તરફ થી- શ્રી બીરજુભાઇ ના લગ્ન પ્રસંગે – સેવા રૂપે સમર્પિત હતી….! ગઢિયા પરિવાર- દેલ્હી માં સ્થાયી છે….અને છેક બ્રહ્મ સ્વરૂપ શાસ્ત્રીજી મહારાજ ના સમય થી સત્સંગ પ્રત્યે સંપૂર્ણ સમર્પિત રહ્યા છે….નવી દિલ્હી અક્ષરધામ નિર્માણ માં છેક શરૂઆત થી અંત સુધી અને હાલ પણ અદ્ભુત સેવા નો લાભ આપી રહેલા છે…સમગ્ર પરિવાર- હાલ- અક્ષરધામ ની સેવા માં સમર્પિત છે……તો સામે લાલ પરિવાર પણ દારે સલામ -આફ્રિકા માં- સત્સંગ ની અપ્રતિમ સેવા સમર્પણ માટે જાણીતો છે…..! આ બંને પરિવાર વછે લગ્ન થી – એક અનેરો સબંધ બંધાયો છે…..જે સત્સંગ ને બળ-વૃદ્ધિ આપશે….

સ્વામી એ કહ્યું કે- ગુણાતીત પુરુષો નો એક જ રાગ રહ્યો છે- સંપ….હે હશે તો સત્સંગ માં – સુહ્ર્દભાવ..એકતા…સમર્પણ….નમ્રતા સહેજે આવશે…….! સત્સંગ માં એકબીજા નો મહિમા જાણવો-સમજવો….યોગીબાપા તો કહેતા કે- એકબીજા ને દંડવત કરવા……કિશોરભાઈ ગઢિયા ની જેમ..સંતો ઘરે પધારે તો – કિશોરભાઈ નાચે-કુદે..દંડવત કરે……!! જો એટલું આવડે તો સત્સંગ માં મોજ જ છે…..!! બસ લાભ લેતા આવડવો જોઈએ..!

અદ્ભુત..!

સભાને અંતે અમુક જાહેરાત થઇ…

  • આવતા રવિવારે- ૧૦/૧૨ ના રોજ- શાહીબાગ મંદિર ખાતે- આંતર રાષ્ટ્રીય વિરાટ મહિલા સંમેલન- છે જે પ્રમુખ સ્વામી મહારાજ ની જન્મજયંતી ઉજવણી ના ભાગ રૂપે ઉજવાશે..તેમાં કેન્દ્રીય મ્ન્તે- સ્મૃતિ ઈરાની પણ ભાગ લેવા ના છે……..સમય છે- બપોરે- ૧ થી ૪
  • આવતા રવિવારે- એલ.ડી.આર્ટસ કોલેજ ના સંસ્કૃત ડીપાર્ટમેન્ટ ના હેડ- અને જગ વિખ્યાત -અતિ વિધવાન પ્રોફેસર ડો. ગજેન્દ્ર પાંડા -સાહેબ – પુ.ભદ્રેશ સ્વામી રચીતમ- શ્રી અક્ષર પુરુષોતમ દર્શનમ પર – પોતાના તેજસ્વી પ્રવચન નો લાભ આપશે…..પુ.ડોક્ટર સ્વામી પણ પોતાના આશીર્વાદ નો લાભ આપશે……રવિસભામાં- આનો અચૂક લાભ લેવો……….! અવિસ્મરણીય…..!
  • અમદાવાદ ના અમુક વિસ્તારો માં- સંસ્કાર ધામ ખાતે- રાત્રે- ૮-થી-૧૦ વચ્ચે વિશિષ્ટ ખીચડી ઉત્સવ નો લાભ મળશે….જે તે વિસ્તાર ના મંદિરો નો સંપર્ક કરવો………
  • પરાવાણી….અને બ્રહ્મ્સત્ર ના પ્રવચનો ની સીડી પ્રગટ થઇ છે…………અચૂક ખરીદવી..!

અદ્ભુત..અદ્ભુત……..! આજે તો બીજું કશું વિચારવું જ નથી………એ જ કીર્તનો…..એ જ જસુબા ની ભીની આંખો સાથે થતી પ્રાર્થના……….શ્રીજી ની એ જ મર્માળી..કેસર ભીની મૂર્તિ…………ને બસ- અંતર માં..જીવ માં વસાવી દેવી છે…………!!

પ્રથમ શ્રી હરી ને રે…………

જય સ્વામીનારાયણ…….

રાજ


Leave a comment

BAPS રવિસભા- ૧૯/૧૧/૨૦૧૭

એ સંતની સર્વે ઇન્દ્રિયોમાં ભગવાન રહ્યા છે, તે માટે એ સંત તો બ્રહ્માંડમાં સર્વે જીવોનાં ઇન્દ્રિયોને પ્રકાશ કરવાને સમર્થ થાય છે. માટે એ સંત તો સર્વ જગતના આધારરૂપ છે………….

( ભગવાન શ્રી સ્વામિનારાયણ- વચનામૃત- ગઢડા પ્રથમ-૨૭)

અતિશય જે મોટાપુરુષ હોય તેનો જે ઉપર રાજીપો થાય તેના ગમે તેવા મલિન સંસ્કાર હોય તો નાશ પામે અને મોટાપુરુષનો રાજીપો થયો હોય……… તો રાંક હોય તે રાજા થાય અને ગમે તેવાં ભૂંડાં પ્રારબ્ધ હોય તો રૂડાં થાય …………અને ગમે તેવું તેને માથે વિઘ્ન આવનારું હોય તે નાશ થઈ જાય………..


વચનામૃત-ગઢડા પ્રથમ-૫૮

ગઈ રવિસભા હિમતનગર માં હતી આથી એ અહી પ્રગટ ન થઇ શકી ….પણ તન-મન-જીવ ને બળવત્તર કરતી આ સભા …આજનું પુ.અક્ષરવત્સલ સ્વામી નું તેજસ્વી પ્રવચન , એ વાત ને પુનઃ મજબુત કરતી ગઈ કે- આખું અઠવાડિયું લૌકિક કાર્ય ની પાછળ દોડાદોડી માં ગુજાર્યા પછી રવિસભા ના બે કલાક- એ સર્વ માયા ની ધૂળ ને પળ માં ખંખેરી નાખે છે અને પળેપળ એ વાત નું સંજ્ઞાન લેવડાવે છે કે- આપણો જન્મ તો બ્રહ્મ રૂપ થઇ એક પરબ્રહ્મ ને પામવા જ થયો છે…….બાકી બધું તો જવાબદારી માથે પડી છે તો કરવું પડે…..બાકી કરવા નું તો એ જ છે…!

સર્વ પ્રથમ- હમેંશ ની જેમ મારા વ્હાલા ના દર્શન…….

23658611_1689369987767629_3246512554414579745_n

સભાની શરૂઆત – યુવકો દ્વારા ધુન્ય અને પ્રાર્થના થી થઇ……ત્યારબાદ પ્રેમાનંદ સ્વામી રચિત અદ્ભુત કીર્તન નો આસ્વાદ મિત્ર જૈમીન વૈદ્ય ના સુરીલા કંઠે મળ્યો…..” સાથીડા મારો નેહ નીભાવના……..’ અદભુત કીર્તન…!! અદ્ભુત રાગ…..અને એક એક શબ્દ કે- જો એક હરિ સાથે સાચો સ્નેહ બંધાશે તો એ જરૂર એને નિભાવશે…….એની સાથે સ્નેહ બાંધી ને પસ્તાવું નહિ પડે…તેની ગેરંટી..!! ત્યારબાદ પુ.કૃષ્ણ સ્વરૂપ સ્વામી એ .એવા જ મનમોહક રાગ માં …” ઘનશ્યામ પુરણ કામ ભજમન…..” રજુ કર્યું…..અને સમગ્ર સભા તાળીઓ ના ગડગડાટ થી ગુંજી ઉઠી. ….! ત્યારબાદ લંડન અને અમેરિકા થી સારંગપુર સંસ્કૃત વિદ્યાલય માં અભ્યાસ માટે પધારેલા બે યુવક..કુંજ અને સન્ની એ- વાંસળી અને તબલા ના તાલમેલ થી અદ્ભુત રીતે ..સર્વે નું મનપસંદ કીર્તન ” આપ રીઝો એમ રાજી…” કીર્તન instrumental રીતે સંભળાવ્યું……! વિદેશ માં વસતા ભારતીય લોકો પોતાની સંસ્કૃતિ જાળવવા કેટલા સભાન છે……એ અહી જાણવા મળ્યું..!! આપણે ક્યારે જાગશું???

ત્યારબાદ પુ.ધર્મ તિલક સ્વામી એ – ગુણાતીત પુરુષો ની માલિકી ના ગુણ…..નિષ્કામી વર્તન- ને અક્ષરબ્રહ્મ પ્રમુખ સ્વામી મહારાજ અને પ્રગટ અક્ષરબ્રહ્મ મહંત સ્વામી મહારાજ ના જીવન પ્રસંગો ને આધારે સમજાવ્યું…….! કંચન કામિની નો ત્યાગ તો ભલભલા વૈરાગીઓ..દેવો ને પણ કઠણ પડ્યો છે…….પણ ગુણાતીત પુરુષો એ તો શ્રીજી ની આજ્ઞા અનુસાર તેને ત્રણેય અવસ્થામાં આ નિયમ ને સારધાર પાળ્યો છે……બોસ્ટન માં બાપા ના મોતિયાનું ઓપરેશન હોય…કે ગોંડલ માં નાનકડી બાળકી ને પોતાનું ગાતરિયું અડી ગયું છે તેવી શંકા માત્ર હોય……..પણ પોતાનો નિયમ ધર્મ- બાપા એ ડગવા દીધો નથી……..મૂર્ધન્ય સાહિત્યકાર ઈશ્વર પેટલીકર હોય કે- ડો.એચ.એમ.પટેલ હોય…કે કાંતિ ભટ્ટ હોય..સર્વ ને – સ્વામીશ્રી આ બાબત માં કેટલા અડગ છે તેનો અનુભવ સાક્ષાત થયો છે…………મહંત સ્વામી મહારાજ માં પણ એ જ ગુણ આજે પ્રત્યક્ષ દેખાય છે………..!

ત્યારબાદ પ્રગટ અક્ષરબ્રહ્મ મહંત સ્વામી મહારાજ ના મુંબઈ ખાતે ના તારીખ- ૧૧ અને ૧૨ નવેમ્બર – ના વિચરણ દર્શન નો લાભ વિડીયો ના માધ્યમ થી મળ્યો……..બાપા નું નિર્માની પણું- એક એક દ્રશ્ય માં છલકાય છે……..!

ત્યારબાદ પુ.અક્ષર વત્સલ સ્વામી જેવા અતિ વિધવાન….તેજસ્વી…..પ્રખર વક્તા નો ” સત્પુરુષ માં દ્રઢ વિશ્વાસ અને નિષ્ઠા” પર અદ્ભુત પ્રવચન નો લાભ મળ્યો……..અદ્ભુત પ્રસંગો….ઉદાહરણ અને એની અદ્ભુત સીમલેસ ગૂંથણી……………રૂબરૂ સંભાળીએ તો જ સમજાય કે- કથાવાર્તા નો રસ શું હોય છે…!! અહી આપણે કેવળ – તેનો સારાંશ માત્ર જોઈશું…..!

  • આ મનુષ્ય જન્મ એ કેવળ ભગવાન ની કૃપા જ છે…….પણ મનુષ્ય જીવન ની કરુણતા એ છે કે- જીવન ના પ્રશ્નો હટતા જ નથી…..પ્રશ્નો ના પ્રકાર બદલાય છે……પણ પ્રશ્નો તો રહે જ છે……..તેનું કારણ- બાહ્ય અને આંતરિક બંને છે……
  • આંતરિક કારણ – કામ ક્રોધ..મદ લોભ..મત્સર વગેરે છે કે જેના કારણે પ્રશ્નો ઉદ્ભવે છે અને એ પ્રશ્નો ની અસર લાંબી..ઊંડી હોય છે…….માટે જ આવા દોષ ( કામ ક્રોધાદિક) ને જીતવા મુશ્કેલ હોય છે….અને પરિણામે- એનો ઉકેલ પણ એટલો જ મુશ્કેલ હોય છે…..
  • જેમ જેમ પ્રશ્ન….દોષ..મુશ્કેલી બદલાય તેમ તેમ તેના ઉકેલ નો પ્રકાર પણ બદલાય છે……પણ કોઈ એક એવી ચાવી..એક એવો ઉકેલ ખરો કે- જેનાથી આ સર્વ પ્રશ્નો નું સમાધાન થાય??? વચનામૃત માં શ્રીજી આનો ઉત્તર આપે છે…….હા….સર્વે પ્રશ્નો નું સમાધાન એક- સત્પુરુષ છે…….કારણ?? વચનામૃત- ગઢડા પર.૨૭ મુજબ એવા સત્પુરુષ એ સ્વયમ શ્રીજી ના ધારક છે….સર્વ જગત ના આધાર રૂપ છે અને એમના શરણે ગયા થી- જીવ ના ભાગ્ય રૂડા થઇ જાય છે…………..( ગ.પ્ર.૫૮..) ….આ જ વાત- ગઢડા પ્ર.૬૨;૩૭…ગઢડા અંત્ય-૨૬ માં પણ શ્રીજી એ કહેલી છે………………
  • પ્રમુખ સ્વામી મહારાજ ના અનેક પ્રસંગો છે….જેના સાક્ષી..અનુભવી અનેક હરિભક્તો આજે પણ હયાત છે……કે- સ્વામીશ્રી ના વચન માત્ર થી એમના જીવન બદલાઈ ગયા હોય…….મૃત્યુ ની અરે પહોંચેલા હોય અને પાછા ફર્યા હોય……!! પણ સત્પુરુષ બોલે એટલે થઇ જાય એમ ન હોય…સામે નું પાત્ર એ વચન ને કેટલા વિશ્વાસ થી ઝીલે છે….એમના વચન માં કેટલો વિશ્વાસ છે ..એના પર પણ અવલંબે છે…..
  • કારણ કે- જે જીવ સત્પુરુષ ની આજ્ઞા ઝીલે- એ આત્મ સત્તા રૂપ થયા વગર રહે જ નહિ…………આપણે રવિસભામાં નિયમિત આવી એ છીએ- એ પણ એક આજ્ઞા નું પાલન જ છે એમ કહેવાય…….
  • માટે – આર્થિક-સામાજિક કે અધ્યાત્મિક પ્રાપ્તિ હોય….સત્પુરુષ ને મન-કર્મ-વચને રાજી કરનારો – જરૂર સફળ થાય છે……..માટે જ સત્પુરુષ ને તમે માસ્ટર કી કહી શકો…………..
  • સત્પુરુષ અને એમાં રહેલા પ્રગટ પ્રમાણ શ્રીજી મહારાજ- આજે આપણ ને સામે થી મહંત સ્વામી મહારાજ રૂપે મળ્યા છે…………એમને ઓળખવા..એમના મહિમા ને જીવ માં દ્રઢ કરવો……અને જો એમ થાય તો- આપણ ને જીવન માં કોઈ પ્રશ્ન નડે જ નહિ…………..! એનો પુરાવો એ છે કે- માત્ર એકલા અમેરિકા જેવા પશ્ચિમી દેશ માં જ આજે ૧૭૫ જેટલા અતિ શિક્ષિત યુવકો અને દુનિયાભર ના કુલ ૩૦૦ થી વધુ યુવકો – વૈરાગ્ય ના કાંટાળા પંથે – પ.પુ.મહંત સ્વામી મહારાજ ના રાજીપા અર્થે..ચાલવા તૈયાર છે… સાધુ થવા માટે થનગની રહ્યા છે……..!!! અદ્ભુત…..અદ્ભુત..!! આ તો ગુણાતીત જ કરી શકે…બીજા કોઈનું કામ નહિ…….!!!
  • (ઉપરોક્ત પ્રવચન મોબાઇલ રેકોર્ડિંગ કલીપ નાં માધ્યમ થી સાંભળી શકશો……નીચેની લિંક દ્રારા….

પુ.અક્ષર વત્સલ સ્વામી પ્રવચન

અદ્ભુત…..અદ્ભુત….!!! જીવન માં આ જ તો કરવા નું છે…………..આપણે જીવન માં- ભૌતિક-સામાજિક દ્રષ્ટિ એ ગમે તેટલા આગળ વધીએ પણ મન ની મૂંઝવણ નું સમાધાન તો એક સત્પુરુષ જ કરી શકે…….ગુરુ બિન જ્ઞાન નહિ…….ગુરુ બિન નહિ કલ્યાણ…!!!

સભાને અંતે જાહેરાત થઇ કે- આવતા રવિવારે- બ્રહ્મ સ્વરૂપ પ્રમુખ સ્વામી મહારાજ નો પ્રતિક જન્મોત્સવ – સભામાં ઉજવવા નો છે…..અને સોમવારે આણંદ ખાતે- મૂળ..ભવ્ય પ્રોગ્રામ યોજાશે……સર્વે હરિભક્તો ને- તેનો અમુલ્ય લાભ લેવા વિનંતી છે…..

જીવન માં આટલું સમજાય તો એ- મોટા પુરુષ નો મહિમા જીવ માં દ્રઢ થાય…………અને એજ પુરુષ આપણો આત્મા છે….એમના માં – સ્વયમ પુરુષોત્તમ નારાયણ પ્રગટ પ્રમાણ રહેલા છે..તેની પ્રતીતિ થાય………અને થયેલી આ પ્રાપ્તિ નો ઉત્સવ ઉજવાય..!

સત્સંગ માર્ગ માં જાગતા રહેજો…………….પિયા પાયા તો ફિર ક્યા સોના……!!!

જય સ્વામિનારાયણ………..

રાજ


Leave a comment

BAPS રવિસભા-૦૮/૧૦/૨૦૧૭

“….સંપ,સુહ્રદભાવ અને એકતા…..એ જ અંતર્દ્રષ્ટિ…….એ હોય તો જ સત્સંગ માં રહેવાય…..”


બ્રહ્મસ્વરૂપ યોગીજી મહારાજ

પ્રગટ અક્ષરબ્રહ્મ મહંત સ્વામી ગુરુપદે બિરાજમાન થયા અને સત્સંગ ના સંપોષણ….સંવર્ધન માટે અસ્ખલિત …અતિ કઠીન વિચરણ યાત્રા શરુ કરી ત્યાર થી એમના મુખ પર એક જ વાત રમે છે…સંપ…સંપ…!!! સંપ નું આટલું બધું મહત્વ શા માટે??? જે સંપ નો મહિમા જાણે તે સમજે……કે સંપ…..- સંસાર હોય કે સત્સંગ…એનો શું મહિમા છે??? પુ.બ્રહ્મ વિહાર્રી સ્વામી કે જે- અમેરિકા માં પ્રગટ અક્ષરબ્રહ્મ ના વિચરણ માં જઈ ને આવ્યા છે..તેમણે પોતાના અનુભવ કહ્યા ..અને સમગ્ર સભાને જણાવ્યું કે – ગુણાતીત ચિરંજીવી છે…..એમના કાર્યો…એમના દાખડા….એમનો રાજીપો જ એમનું સ્વરૂપ છે……જે યોગીજી મહારાજ ને પ્રિય હતું…..જે પ્રમુખ સ્વામી મહારાજ ને વહાલું હતું..એ જ આજે મહંત સ્વામી મહારાજ માટે છે…..માત્ર રૂપ બદલાયું છે……કાર્ય પધ્ધતિ બદલાઈ છે…પણ સ્વરૂપ તો એ જ છે…! એટલા માટે જ સત્સંગ આજે પણ એટલો અઢળક છે..અને રહેશે…!

આજની સભાની શરૂઆત…………જગત ના નાથ ના દર્શન થી……..

This slideshow requires JavaScript.

સભાની શરૂઆત- પુ.પ્રેમવદન સ્વામી અને યુવકો દ્વારા ધુન્ય અને કીર્તન થી થઇ….બ્રહ્માનંદ સ્વામી રચિત…..” હરિવર હીરલો રે…..” કૈક અલગ જ રાગ માં રજુ કર્યું….અદ્ભુત…!!! ત્યારબાદ પ્રેમાનંદ સ્વામી રચિત કીર્તન…” મન વસિયો રે મારે મન વસિયો……” અને મુક્તાનંદ સ્વામી રચિત અદ્ભુત કીર્તન…..” અનુભવી આનંદ માં ..બ્રહ્મરસ ના ભોગી…..રે..” રજુ કર્યું…..

પછી તાજેતર માં જ – પ્રગટ અક્ષરબ્રહ્મ મહંત સ્વામી મહારાજ ની આજ્ઞા થી- સદ્ગુરુ સંતો – પુ. ત્યાગવલ્લભ સ્વામી અને પુ. કોઠારી ભક્તિપ્રિય સ્વામી ની નિશ્રામાં આપણા સંતો ના બે ગ્રુપ વારાફરતી -ચારધામ ની યાત્રા કરી આવ્યા……નીલકંઠ વરણી રૂપે શ્રીજી મહારાજે જે અતિ કઠીન વિચરણ એ ચાર ધામ તીર્થો માં કર્યું હતું..તેની યાત્રા-દર્શન સંતો કરી આવ્યા…..એના સંસ્મરણ -સભા સાથે વહેંચતા પુ.વિવેક મુની સ્વામી એ – ફોટોગ્રાફસ ની મદદ થી દરેક તીર્થ ધામ અને એના મહિમા વિષે જણાવ્યું…!!! અદ્ભુત……અદ્ભુત…! પૂર્વ પ્રધાનમંત્રી શ્રી ગુલઝારીલાલ નંદા એ પોતાના ગુરુ બ્રહ્મ સ્વરૂપ શાસ્ત્રીજી મહારાજ નો મહિમા – છેક ઉત્તરાખંડ સુધી પહોચાડ્યો……કાત્યાની દેવી( પાંડવો ની કુળદેવી) ના પ્રાચીન મંદિર માં પણ શાસ્ત્રીજી મહારાજ ની અને અક્ષર પુરુષોત્તમ મહારાજ ની પાંચ મૂર્તિ ની સ્થાપના એમણે કરી હતી…એના દર્શન સૌ કોઈએ કર્યા…! ૧૯૮૭ માં ૩૦૦ થી વધુ સંતો ને લઈને પ્રમુખ સ્વામી મહારાજ -ચારધામ યાત્રા એ ગયેલા…..એની સ્મૃતિ અને બાપા ની હાજરી -એમનો મહિમા-નો અનુભવ બધા સંતો ને આ યાત્રા માં થયો…!

ત્યારબાદ – પ.પુ.મહંત સ્વામી મહારાજ ના લંડન -નીસ્દન મંદિર ખાતે ના વિચરણ ( ૨૩/૦૯/૨૦૧૭) દર્શન ના વિડીયો નો લાભ સૌને મળ્યો…….સવારે ૫-૩૦ વાગ્યે કડકડતી ઠંડી માં – વિશાલ સભાખંડ ખીચોખીચ ભરેલો હોય…..નાના નાના બાળકો પણ એ પ્રાત: પૂજા ની સભામાં આવતા હોય તેનાથી – મોટી નિષ્ઠા ની પ્રતીતિ …સત્પુરુષ ના ખેંચાણ ની પ્રતીતિ કઈ હોઈ શકે???

ત્યારબાદ પુ.બ્રહ્મ વિહારી સ્વામી કે જે – હાલ માં જ અમેરિકા અને લંડન ખાતે ના – સ્વામીશ્રી ના આ અદ્ભુત વિચરણ નો લાભ લઈને પરત ફર્યા છે..તેમની ધારદાર વાણી માં- એ અનુભવામૃત નો લાભ સર્વે ને મળ્યો…વિષય હતો…” સંપ..સુહ્રદ ભાવ અને એકતા નો મહિમા” …અદ્ભુત પ્રવચન……જોઈ એ સારાંશ….

  • મહંત સ્વામી મહારાજે – ગુણાતીત પરંપરા ની જેમ પોતાના દેહ ની પરવા કર્યા વગર અતિ કઠીન વિચરણ ચાલુ જ રાખ્યું છે……જેનો હેતુ…હરિભક્તો માં – પ.પુ.પ્રમુખ સ્વામી મહારાજ ની સ્મૃતિ ને ઓર મજબુત કરવા નો છે…….સદાયે તાજી રાખવા નો છે…
  • આપણો સંપ્રદાય..આપણી સંસ્થા પ્રગટ ની છે…….શ્રીજી એ પણ કહ્યું છે કે- એ સદાયે પ્રગટ રહે છે……માટે સમજણ અગત્ય ની છે..આ વાત ની પ્રતીતિ અગત્ય ની છે….કોઈ પૂછે તો કહેવાય કે- પ્રમુખ સ્વામી મહારાજ ની સાચી સિદ્ધિ કઈ…તો કહેવાય કે- એક પત્ર માત્ર થી લાખો હરિભક્તો -સંતો સહજ માં મહંત સ્વામી મહારાજ માં જોડાઈ જાય…….
  • આપણા ગુરુમુખી સંપ્રદાય માં….ખાસિયત એ છે કે- અહી એક વિચાર…એક ગુરુ…એક રૂચી છે…….જે ભક્તો નું ખેંચાણ પ્રમુખ સ્વામી મહારાજ પ્રત્યે હતું…એવું જ આજે મહંત સ્વામી મહારાજ માં છે..એની સર્વે ને પ્રતીતિ ડગલે ને પગલે થાય છે…..અમેરિકા અને લંડન જેવા પ્રદેશો માં – સવારે ૫-૩૦ ઉઠી હજારો હરિભક્તો રોજ પ્રાત:પૂજામાં હાજર થઇ જાય અને એ પણ નાના નાના બાળકો સાથે……..!! એ શું કહેવાય…!!! એ લોકો ગાંડા નથી….પણ સમજે છે કે- ગુણાતીત ના દર્શન નો મહિમા શું છે??
  • બાપા એ આપણ ને કહ્યું કે- હું સદાયે તમારી સાથે રહીશ……..જે આજે આપણ ને મહંત સ્વામી મહારાજ માં દેખાય છે……! બાપા એ – હરિભક્તો ને આપેલું વચન કદાપી ઉથાપ્યું નથી…..તો આ વચન ઉથાપે???
  • આપણો સંપ્રદાય …આપણી સંસ્થા સત્ય આધારિત છે……..જેમાં જે બોલાય છે તે થાય છે…તેનો અનુભવ બધાને પ્રત્યક્ષ છે…..કારણ કે – સત્પુરુષ જ્યાં સાક્ષાત બિરાજમાન હોય ત્યાં બધું જ હોય…એમના આધારે જ આ બધું ચાલે છે…બાકી- મંદિરો..જ્ઞાન ની વાતો….મેનેજમેન્ટ…સંપ..એ બધું તો Add on છે……એમના લીધે છે…..
  • અને એ જ સત્પુરુષ મહંત સ્વામી મહારાજ નો રાજીપો- સંપ માં છે…..આપણે ટોળા નથી પણ એક પરિવાર છીએ…..એમ સ્વામી વિચારે છે…અને આટલો બધો ભાર -સંપ પર એટલા માટે કે- એમના ગુરુ યોગીજી મહારાજે – ગોંડલ માં કહ્યું હતું કે- સુહ્ર્દભાવ થી ગુણાતીત બાગ ને એક કરી દેવો છે……..અને એટલા માટે જ મહંત સ્વામી મહારાજ આજે – સંપ પર એટલો ભાર મુકે છે…જે – દાસભાવ….સુહાર્દભાવ…..અને તમામ હરિભક્તો-સંતો માં દિવ્ય ભાવ હશે તો જ આવશે…….! જીવ ના પોષણ માટે પણ સંપ જરૂરી છે….
  • આજનું આધુનિક સમાજ વિજ્ઞાન કહે છે કે – અસ્તિત્વ માટે સંપ અને સુહ્ર્દભાવ જરૂરી છે………વિજ્ઞાને સાબિત કર્યું છે કે- જેમ બધા વૃક્ષ એકબીજા સાથે અંદર થી જોડાયેલા છે…વાતચીત કરે છે……તેમ આપણે પણ સદાયે જોડાયેલા રહેવા નું છે……
  • સંસાર હોય કે- સત્સંગ…સુખ જોઈ તો સંપ રાખવો જ પડશે………પારિવારિક પ્રશ્નો માં સંપ નો- સુહ્ર્દભાવ નો અભાવ જ રહેલો છે……રીસર્ચ કહે છેકે- ભણતર અને પૈસા થી માત્ર ૭% જ સુખ નો ભાવ પ્રાપ્ત થાય છે જયારે ૮૦% થી વધુ તો- માણસ ના – અંગત સંબંધો…એના સમીકરણો …એની સમજણ…..પર જ સુખ નો આધાર છે…..
  • કહેવાય છેકે- જો સ્વાર્થ સમાન હોય…તો પૈસા માટે પણ લોકો સંપ રાખે છે……તો આ તો જીવ ના કલ્યાણ માટે નો સત્સંગ છે……..એના માટે સંપ કેમ ન રખાય??? યોગીબાપા ના રાજીપા નો વિચાર કરી ને પણ સંપ કેમ ન રખાય??????
  • મહંત સ્વામી મહારાજ તો એટલે સુધી કહે છે કે……સંપ…સુહ્ર્દભાવ…. વગર બ્રહ્મરૂપ થવાય જ નહિ……..અને પ્રમુખ સ્વામી મહારાજ તો કહેતા કે….ઝેર ખાઈ ને પણ સત્સંગ માં સંપ રાખવો પડશે……..!!!

તો- ચાલો સ્વામી- શ્રીજી ને…ગુરુહરિ ને પ્રાર્થના કરીએ કે- આપણે આપણા ઘરમાં…પરિવારમાં…..ગામ માં…સત્સંગમાં – સંપ..સુહ્ર્દભાવ અને એકતા રાખી શકીએ……! અદ્ભુત…અદ્ભુત….!!! પુ.બ્રહ્મવિહારી સ્વામી ને સાંભળવા એક લ્હાવો છે…….જેમના શબ્દે શબ્દે બળ ટપકે છે………!

સભાને અંતે અમુક જાહેરાત થઇ…..

  • જમો ને જમાડું- અન્નકૂટ સેવા અભિયાન – આજથી બંધ થયું છે….કારણ કે દિવાળી નજીક છે…પૂર્વ તૈયારી નો સમય થઇ ગયો છે….
  • યુવા અધિવેશન ( સત્સંગ જ્ઞાનામૃતમ) ની આજે સ્પર્ધા હતી..જેના વિજેતા ઓ નું આજે જાહેર માં સન્માન થયું…..

તો આજની સભા – નો એક એક શબ્દ જો જીવ માં દ્રઢ થાય તો………”કેશવ ક્યાય છેટો નથી….” સદાયે સાથે જ છે……….

સમજતા રહો…………….જય સ્વામિનારાયણ…………

રાજ

 


Leave a comment

BAPS રવિસભા – ૧૭/૦૯/૨૦૧૭

“….સંપ, સુહ્ર્દભાવ ..અને એકતા વગર બ્રહ્મરૂપ થવાય જ નહિ…….”

પ્રગટ અક્ષરબ્રહ્મ મહંત સ્વામી મહારાજ

આજ ની સભા – પ્રત્યક્ષ ગુરુ રૂપ હરિ ની પ્રતિક જન્મ જયંતી ની સભા હતી…….માટે એમની રૂચી..એ જ એમનો રાજીપો હતો. આપણે પામર ભક્ત તો એમને શું આપી શકીએ?? ….કદાચ આપી શકીએ તો પણ ત્રેવડ વગર નું….પણ હા…જો એમના રાજીપા નો..એમની રૂચી પ્રમાણે આપણે- સત્સંગ અને જીવન માં – સંપ..સુહ્ર્દભાવ અને એકતા રાખી શકીએ …હરિભક્તો ..સંતો નો પરસ્પર મહિમા સમજી ને વર્તી શકીએ તો- મોટા પુરુષ રાજી થાય…!

આજની સભા – ઉત્સવ સભા હતી અને ધારણા મુજબ જ સમગ્ર સભા હોલ ખીચોખીચ ભરેલો હતો…….સૌપ્રથમ જગત ના નાથ ના દર્શન………

21462692_1454563041248326_3738121026768496242_n

સભાની શરૂઆત યુવક મિત્રો દ્વારા ધુન્ય કીર્તન થી થઇ…….પુ. શુભ કીર્તન સ્વામી એ સત્પુરુષ જન્મજયંતી ની લાગણી ઓ ને વાચા આપતું કીર્તન રજુ કર્યું….” અભિવાદન…જન્મદિન …” જાણે કે સમગ્ર સભા તરફ થી સ્વામીશ્રી ને માટે હતું. ત્યારબાદ યુવક મિત્રો એ કોરસ માં….” હે વિશ્વમ્ભર….વિશ્વનિયંતા ..સહજાનંદ અવતારી….” રજુ કર્યું……પરબ્રહ્મ ના યથાર્થ સ્વરૂપ ને જાણ્યા વગર..સમજ્યા વગર કલ્યાણ શક્ય જ નથી એ જ આ પધ્ય નો સાર હતો. ત્યારબાદ પ્રગટ અક્ષરબ્રહ્મ મહંત સ્વામી ની સ્પષ્ટ આજ્ઞા મુજબ – ગુરુભક્તિ ને જ હમેંશા આગળ રાખી ને બે વિડીયો દર્શન નો લાભ મળ્યો…….જેમાં પ્રથમ વિડીયો માં પ્રમુખ સ્વામી મહારાજ ના દિવ્ય સ્મૃતિ ઓ ના દર્શન નો લાભ મળ્યો તો..બીજા માં મહંત સ્વામી મહારાજે – સદાયે પોતાના ગુરુ પ્રમુખ સ્વામી મહારાજ ના મહિમા ની જ વાત કરી છે…..એની સ્મૃતિ નો લાભ મળ્યો…..! અદ્ભુત વિડીયો દર્શન…..

ત્યારબાદ પુ.નિર્મળ ચરિત સ્વામી એ પ્રગટ ગુરુહરિ મહંત સ્વામી મહારાજ ની પરાભક્તિ ના વિવિધ પ્રસંગો રજુ કર્યા………..જેનાથી સર્વે ને સમજાયું કે ગુણાતીત પુરુષો ને શ્રીજી માટે કેવો ઈશક હોય છે……અને આપણે એમનામાં થી શું શીખવા નું છે???…જોઈ સારાંશ

  • મહંત સ્વામી મહારાજ અનિવાર્ય સંજોગો સિવાય ક્યારેય મંગળા આરતી ના દર્શન ભૂલ્યા નથી….જો એ ન થાય તો એ ઉપવાસ કરી નાખે…એટલી દ્રઢતા એમણે દર્શાવી છે…..
  • નિયમ ધર્મ ની દ્રઢતા એવી કે ગુરુ પદે આવ્યા પછી ૮૩ વર્ષ ની ઉમરે- જન્માષ્ટમી ના નિર્જળા ઉપવાસ ના દિવસે તેમણે એક જ દિવસ માં કુલ ૭૧ દંડવત કરેલા….!!! હવે વિચારો ..આપણું ગજું..આપણો ઈશક કેટલો???
  • દરેક ક્રિયા….દરેક કાર્ય માં એક શ્રીજી ને જ આગળ રાખવા ના…કર્તાહર્તા સમજી કર્મ કરતા રહેવા ના…! ભગવાન સાથે નું અનુસંધાન નિરંતર રહેવું જોઈએ..એવી દ્રઢતા…એવું વર્તન…!

ત્યારબાદ – જન્મજયંતી ની આ સભા માં વિડીયો ના માધ્યમ થી પુ.કોઠારી ભક્તિપ્રિય સ્વામી એ મહંત સ્વામી મહારાજ ના શરૂઆત ના વર્ષો અને સમગ્ર જીવન ની વાત કરતા કહ્યું કે- સ્વામી ની નિષ્ઠા…કાર્ય શૈલી એટલી પ્રબળ અને ઝીણવટ ભરી કે…શ્રીજી ની મૂર્તિ નો શણગાર હોય…હાર બનાવવા ના હોય…..કે ઠાકોરજી ની પૂજા અર્ચના હોય…તેઓ સમગ્ર ક્રિયામાં જાણે કે એકાકાર થઇ જતા…સતત કથા વાર્તા-ભક્તિ નું જ અનુસંધાન…..સ્વામી-શ્રીજી ને કઈ રીતે રાજી કરી શકાય તેનું જ તાન…! ત્યારબાદ – મહંત સ્વામી મહારાજ ના સ્વ મુખે – ગુરુ ભક્તિ અને ગુરુ મહિમા ના અનન્ય પ્રસંગો નો લાભ મળ્યો……

પુ.ડોક્ટર સ્વામી જેવા -સ્વામીશ્રી ના સખા …સ્વામી ને અતિ નિકટ થી નિહાળેલા – એવા સદ્ગુરુ સંતે વિડીયો ના માધ્યમ થી – સ્વામીશ્રી નો મહિમા કહેતા કહ્યું કે- જયારે મહંત સ્વામી ને દીક્ષા લેવાની હતી ત્યારે – એમના ઘર ની આર્થિક સ્થિતિ ડામાડોળ હતી…એમના ભાભી એ યોગીબાપા ને પત્ર લખી વિનંતી કરી કે- અમુક સમય બાદ -વીનું ભગત ને દીક્ષા આપવી જેથી એ સમય દરમ્યાન એ નોકરી કરી- ઘર ને મદદ કરી શકે …પણ યોગીબાપા એ કહ્યું કે……વીનું ભગત તો સંકલ્પ કરશે અને લાખો રૂપિયા ના ઢગલા થશે…!!! અને એ સત્ય સાબિત થયું. મહંત સ્વામી મહારાજ નું સમગ્ર જીવન એ ગુરુ ભક્તિ…દ્રઢ નિયમ ધર્મ..દ્રઢ નિષ્ઠા નું ઉદાહરણ છે.

ત્યારબાદ સમગ્ર સભા ને – મહંત સ્વામી મહારાજ ની ભક્ત વત્સલતા નું દર્શન કરાવતા વિડીયો નો લાભ મળ્યો. એ પછી કોઠારી પુ.આત્મકીર્તિ સ્વામીએ પ્રસંગોચિત ઉદબોધન કરતા કહ્યું કે…..સત્સંગ માં એકબીજા નો મહિમા સમજાય  તો ભેટમભેટા…નહીતર છેટામછેટા ………! મહંત સ્વામી મહારાજ સર્વે નો મહિમા સમજે..નાના માં નાનો સત્સંગી હોય પણ તેનું પણ સાંભળે…..કોઈ દુર થી પ્રાર્થના કરતુ હોય..કહી ન શકતું હોય…..છતાં પણ એના અંતર નું એ સમજી લે…..એના સંકલ્પ પણ પુરા કરે…એવું અનેક પ્રસંગે જોવા મળ્યું છે…..! દરેક હરિભક્ત ને નિર્વાસનિક ..બ્રહ્મ ની મૂર્તિ જ સમજે…..કોઈ નો ય અભાવ ગુણ લેવા નો જ નહિ…..! આમ, આવા સત્પુરુષ માં આપણું જોડાણ જેટલું વધે ..તેટલું જ સતસંગ માં આપનું સુખ..આપણી સમજણ….આપણી ભક્તિ વધશે.

સાથે સાથે પુ.ત્યાગવલ્લભ સ્વામી ની નિશ્રામાં -આપણા ૧૭૬ જેટલા સંતો- ચારધામ ની યાત્રા કરી આવ્યા……તેની પણ વાત કરી…..! ત્યારબાદ વિડીયો ના માધ્યમ થી સ્વામીશ્રી એ – સ્વયમ પોતાની રૂચી- યોગી ગીતા માં વર્ણવેલા યોગીજી મહારાજ ના સિધ્ધાંત પર છે…એની વાત કરી. …સત્પુરુષ ની આજ્ઞા…એમની કસની….એમના ભીડા….એમના રાજીપા માં કઈ રીતે રહેવાય – એના માટે આપણે અંતર ને કેવું શુદ્ધ કરવું પડે……સ્વભાવો મુકવા પડે…..મન ને મારવું પડે….મહિમા સમજવો પડે……તો જ બ્રહ્મ રૂપ થવાય..! સ્વામીશ્રી એને જ બ્રહ્મવિદ્યા કહે છે…..!

ત્યારબાદ અમદાવાદ ના સમગ્ર હરિભક્તો એ સ્વામીશ્રી ના જન્મદિન ને ઉજવવા – એમની રૂચી મુજબ નું એક અભૂતપૂર્વ કાર્ય કર્યું….એકબીજા નો હાથ પકડી- માનવ-ભક્તિ હાર બનાવ્યો……બેપ્સ એક પરિવાર..અમારો પરિવાર સંપીલો પરિવાર એમ કહી- સંપ ના ગુણ ના મહિમા ને- સ્વામીશ્રી ની રૂચી ને ડંકા ની ચોટે ઉજવી…!!! અદ્ભુત..અદ્ભુત…! આમ, પરસ્પર જો મહિમા સમજાય તો બાકી શું રહે???

ત્યારબાદ “જમોને જમાડું” અન્નકૂટ સેવા પ્રોજેક્ટ માં જોડાયેલા સર્વે ને બળ આપતો- અનુભવ પ્રસંગ- પ.ભ. જીતુભાઈ ચૌહાણે કહ્યો….! સર્વે ને આ સેવા નો લાભ મળે- સર્વે ની સેવા થાય……એ માટે એમણે જે દાખડો કર્યો છે…તેની વાત થાય એમ નથી. અત્યાર સુધી માં એમણે ૩૦૦ થી વધુ મુમુક્ષુઓ ને આ સેવા માં જોડ્યા છે..અને આ કાર્ય હજુ આગળ વધારતા રહેવા માટે કટિબદ્ધ છે..તેમ પણ જણાવ્યું..!!! અદ્ભુત અદ્ભુત…!!!

સભાને અંતે અમુક જાહેરાત થઇ….

  • મુંબઈ ના અંગ્રેજી પ્રકાશન Enlighten India એ પોતાના કવર પેજ પર મહંત સ્વામી મહારાજ નો ફોટો પબ્લીશ  કરી કવરેજ પણ કર્યું છે. એમના પ્રકાશક શ્રી કેતન ભાઈ અને એમના સહાયક નું સન્માન પણ જાહેર માં થયું.

21430577_1614248988627498_4354463642089004171_n

  • અમૃત હર્બલ કેર દ્વારા ૯ નવા -ઉત્પાદનો રજુ થયા..તુલસી ના અર્ક થી માંડી ને -મુખવાસ સુધી ના આ પ્રોડક્ટ્સ ને વસાવવા માં આવશે..!
  • નવા વર્ષ ના કેલેન્ડર – જેને રસ હોય તેણે મંદિર નો સંપર્ક કરવો….

છેલ્લે – આરતી અને પુષ્પાંજલિ દ્વારા સભાનું સમાપન થયું….!!!

અદ્ભુત…અદ્ભુત…!! સત્સંગ હોય કે જીવન- જો આપને એકબીજા નો મહિમા…એમના ગુણ…એમની મહત્તા નો વિચાર કરી ને વર્તીએ તો- દુનિયા ની લગભગ સંપૂર્ણ સમસ્યા ઓ નો નિકાલ સહજ થઇ જાય..! પણ કદાચ એ કઠીન છે…….પણ જો આવા સાધુ મળે…એમનો સમાગમ મળે…એમની વાત જીવ માં ઉતરે..અને શ્રીજી ની કૃપા થાય તો અશક્ય પણ શક્ય થઇ જાય…એમાં કોઈ શક નથી…!

……..સર્વે હરિભક્તો ને સાષ્ટાંગ દંડવત સહીત જય સ્વામિનારાયણ…….

રાજ

 


Leave a comment

BAPS રવિસભા -૨૩/૦૭/૨૦૧૭

” અહી તો સાક્ષાત મહારાજ અને સ્વામી બિરાજે છે……….માટે જેને દુખ ટાળવું હોય તેણે (અક્ષર) દેરી ની માનતા કરવી…..”


અક્ષર દેરી -ગોંડલ ના મહિમા વિષે વાતો કરતા બ્રહ્મ સ્વરૂપ શાસ્ત્રીજી મહારાજ

આ વર્ષ અક્ષરદેરી સાર્ધ શતાબ્દી મહોત્સવ વર્ષ તરીકે ઉજવાઈ રહ્યું છે…….જે ૨૫/૧/૨૦૧૮ સુધી ઉજવાશે…..અને અક્ષરદેરી નો મહિમા – એના ગુણગાન જીવમાત્ર સુધી પહોચશે…….અને સર્વ ના કલ્યાણ નો માર્ગ સહજ થશે………! આજની સભા એ – સર્વોપરી માહાત્મ્ય ને સમજવાની…..માણવા ની હતી…….!

ગઈ રવિસભા માં નીલકંઠ વરણી ની અયોધ્યા થી બદ્રીનાથ સુધી ની યાત્રા ની ફિલ્મ દર્શાવવા માં આવી હતી જેથી અહી એના વિષે કોઈ વિશેષ પોસ્ટ ન મૂકી શકાઈ . આજની સભામાં તો સમયસર પહોંચી ગયા…મેઘરાજા પોતાના મિજાજ માં છે…….પણ હરિભક્તો એમ થોડા અટકે….!!! આજનો સભાખંડ સંપૂર્ણ પણે ભરેલો હતો……એ એની સાબિતી હતી. સર્વ પ્રથમ જગત ના નાથ ના દર્શન ( હરિયાળી અમાવાસ્યા)…..

20248214_1916557365298760_2562888236536064776_o

સભાની શરૂઆત પુ.પ્રેમવદન સ્વામી ના સુરીલા કંઠે – સ્વામિનારાયણ મહામંત્ર ની ધુન્ય થી થઇ……અને અત્યારે ચાલતા હિંડોળા ઉત્સવ ના પદો થી સંતો એ મનોચક્ષુ સમક્ષ એ અદ્ભુત હિંડોળા પ્રસંગો….એની અનેરી છટા ના આબેહુબ દર્શન કરાવ્યા……! જોઈએ એ પદ…

  • “ઝૂલણ કે દિન આયે……- રચયિતા- પ્રેમાનંદ સ્વામી…..સ્વર- પુ.પ્રેમવદન સ્વામી
  • “ઝુલાવું પ્યારા હિન્ડોરે……”- રચયિતા- પ્રેમાનંદ સ્વામી…..સ્વર- પુ.પ્રેમવદન સ્વામી
  • “આવો ઘનશ્યામ ….ઝુલાવું હિંડોરના મેં…..”- રચયિતા- બ્રહ્માનંદ સ્વામી….સ્વર- પુ. વિવેકમુની સ્વામી

અદ્ભુત…..અદ્ભુત……..!

ત્યારબાદ પુ. હરીચિંતન સ્વામી ના મુખે રસાળ શૈલી માં- પ્રગટ બ્રહ્મ સ્વરૂપ મહંત સ્વામી મહારાજ ના અતિ નિર્માની સ્વભાવ…દાસાનુદાસ ગુણ નો મહિમા- પ્રસંગો સાથે કહેવામાં આવ્યો……..અંત્ય ૩૯ ના વચનામૃત માં શ્રીજી એ કહ્યું છે કે …માયા અને અજ્ઞાન એટલે “હું અને મારું..” જ્યાં સુધી આ અહં મમત્વ ન છૂટે ત્યાં સુધી ..અજ્ઞાન ટળતું નથી……એ માટે દાસાનુદાસ ગુણ અનિવાર્ય છે……અને …મહંત સ્વામી મહારાજ ના આ ગુણ માં – યોગીબાપા નો જાણે કે સાક્ષાત અનુભવ થાય છે………સંતો ને દંડવત હોય કે અશક્ત સંત ની વ્હીલચેર ને દોરી લઇ જવાની વાત હોય…….કે તેમના પ્રવચનો માં – દાસાનુદાસ વર્તવા ની વાત નો નિરંતર ઉલ્લેખ હોય………..એ સર્વ નો સાર એક જ છે કે – સત્પુરુષ નો માલિકી નો આ ગુણ- દાસાનુદાસ વર્તવા નો ગુણ…..ખુબ જ બળીયો છે……જે ભલભલી તાકાત થી ન થઇ શકે એ કાર્યો આ દાસાનુદાસ વર્તવા થી થઇ શકે……!!! જીવન માં આ જ ઉતારવા નું છે………….

ત્યારબાદ સ્વામીશ્રી અત્યારે અમેરિકા-કેનેડા ની વિચરણ યાત્રા એ છે……એના અદ્ભુત વિડીયો દર્શન નો લાભ સર્વ ને મળ્યો…….જેના દર્શન આપણે સૌ નીચેની લીંક પર થી કરી શકીશું…….

આશીર્વાદ…….

http://www.baps.org/Vicharan/2017/09-July-2017-11720.aspx?CM_id=236250

ત્યારબાદ પુ.યજ્ઞ પ્રિય સ્વામી જેવા અનુભવી..વિદ્વાન સંત દ્વારા અક્ષર દેરી મહિમા-ઈતિહાસ”પર અદભુત પ્રવચન નો લાભ મળ્યો………….સમગ્ર ઈતિહાસ તો અહી વર્ણવી શકાય તેમ નથી ( એ માટે “શ્રી અક્ષર તીર્થ”….અથવા બ્રહ્મ સ્વરૂપ શાસ્ત્રીજી મહારાજ ના જીવન ચરિત્ર – પુસ્તક નો સહારો લઇ શકાય…) છતાંય ટૂંકમાં કહેવું હોય તો….

અક્ષરદેરી એટલે જ અનાદી મૂળ અક્ષર ગુણાતીતાનંદ સ્વામીની સમાધિ ….. જુનાગઢ મંદિર માં સતત ૪૦ વર્ષ..૪ માસ…૪ દિવસ મહંત તરીકે સેવા ઓ આપી ….સોરઠ માં અક્ષર પુરુષોત્તમ સિધ્ધાંત ના ડંકા વગાડી……અતિ નિષ્ઠાવાન સત્સંગ સમાજ તૈયાર કરી……..સવંત ૧૯૨૩ની આસો સુદ ૧૩ની રાત્રીના પોણા વાગ્યે સ્વામીશ્રીએ ગોંડલ માં જુના સ્વામિનારાયણ મંદિરે સ્વતંત્ર થકા દેહ ત્યાગ કરીને પોતાની દેહલીલા સંકેલી અને તેમના અંતિમ સંસ્કાર જે સ્થળે કરવામાં આવ્યા તે આ મહા તીર્થ સ્થાન જેવું……અક્ષર દેરી તીર્થ…!

૨૮ નવેમ્બર, ૧૮૬૭થી ગોંડલના મહારાણી મોંઘીબા અને ગણોંંદના મહારાજા અભયસિંહ દરબારની દેખરેખ નીચે અક્ષરદેરી બનાવાનું કામ શરુ થયું…….. ૨૯ જાન્યુઆરી,૧૮૬૮ના દિવસે કામ પૂર્ણ થયું…….. અક્ષરદેરીના માળખાની પ્રેરણા ગોંડલમાં આવેલ નવલખા પેલેસના ઝરૂખામાંથી લેવામાં આવી છે………. પછી વસંતપંચમીના દિવસે જૂનાગઢના બાલમુકુન્દ સ્વામીએ સ્વામીનારાયણના પવિત્ર પગલાની સ્થાપના કરી સાથે મોંઘીબા દ્વારા અક્ષર અને પુરુષોત્તમની છબી મુકવામાં આવી……………….

કહેવાય છે કે દેવપોઢી એકાદશીના દિવસે નારાયણજી નામના હરી ભગતને ગુણાતિતાનંદ સ્વામીએ સપનામાં આવીને કહ્યું કે અક્ષરદેરીએ ત્રણ શિખર બદ્ધ મંદિર બનાવો.જે એમણે એમના શિષ્યો- હરિભાઈ અમીન, શંકરભાઈ અમીન વગેરે દ્વારા શરુ કર્યું……ઘણા વિઘ્નો આવ્યા….છતાં ડગ્યા વિના  જમીન લેવા સંબંધી કાર્યવાહી હરિભાઈ અમીન કરી રહ્યા હતા…મહારાજ ના કારભારી ચંદુભાઈ વિધ્યાધીકારી અને વિરેન્દ્રભાઈ ના સહકાર થી..સમજુતી થી….હરિભાઈ અમીન ને  મહારાજા માત્ર ૨૫૦૦૦ રૂપિયામાં જમીન આપવા તૈયાર થયા……. આ સમાચાર આપતા તેમણે  શાસ્ત્રીજી મહારાજને કહ્યું: “ગોંડલના મહારાજા ભગવતસિંહજીએ ૧,૦૪૦૦૦  રૂપિયામાં તે જમીન આપવાનું કબૂલ કર્યું છે.” આ સાંભળી હસતાં હસતાં શાસ્ત્રીજી મહારાજ કહેઃ “એટલી રકમ ન હોય!” હરિભાઈ કહેઃ “સ્વામી! કેટલી રકમ વ્યાજબી કહેવાય?” ; “પચીસ હજાર.” શાસ્ત્રીજી મહારાજ બોલ્યા. હરિભાઈ તો આ સાંભળી સ્તબ્ધ બની ગયા. પરંતુ વિશેષ આશ્ચર્ય તો તેઓને ત્યારે થયું જ્યારે ગોંડલ મહારાજાએ દોઢ લાખ રૂપિયાની કિંમતે ખોજા નૂરમહંમદ શેઠને વેચેલી આ જમીન, તે વેચાણખત રદ કરીને પચીસ હજાર રૂપિયાની મામૂલી રકમમાં વેચવાનું નક્કી કર્યું………… પરંતુ ત્રણ શરત મૂકી—-  મંદિર ત્રણ વર્ષમાં પૂર્ણ થવું જોઈએ, અક્ષરદેરીની ઉપર મંદિર બનવું જોઈએ અને ઓછામાં ઓછો ૧૦ લાખ ખર્ચ થવો જોઈએ………………. રાજ્યના હિતમાં એક પાઈનું પણ નુકસાન સહન ન કરનાર ભગવત સિંહ મહારાજાએ આટલી સામાન્ય રકમમાં અક્ષરદેરીની જમીન આપી તે શાસ્ત્રીજી મહારાજની જ પ્રેરણા છે……….ગુણાતીત ની જ મરજી છે…શ્રીજી નો જ રાજીપો છે…….!

૧૮ જાન્યુઆરી, ૧૯૩૨ના રોજ શાસ્ત્રીજી મહારાજે ગોંડલ મહારાજની હાજરીમાં અક્ષર મંદિરનું ભૂમિ પૂજન કર્યું. અક્ષરસ્વરૂપદાસ સ્વામીની દેખરેખ તથા  સ્વામી જ્ઞાનજીવનદાસ અને બીજા સંતો સ્વયંસેવકોની મદદ થી મંદિરનું કામ શરુ થયું. ૨૪ મે, ૧૯૩૪માં મંદિરમાં શાસ્ત્રીજી મહારાજના હસ્તે અક્ષરપુરુષોત્તમની મૂર્તિની પ્રાણપ્રતિષ્ઠા કરવામાં આવી તથા જ્ઞાનજીવનદાસજી  સ્વામીને મહંત તરીકે નીમવામાં આવ્યા…………યોગીજી મહારાજે અનેક વર્ષ તે સેવા ને અતિ કષ્ટ વેઠી ને જીવ થી નિભાવી……અને મંદિર ને અદ્ભુત વિસ્તાર્યું………પરમ પૂજ્ય પ્રમુખ સ્વામી મહારાજ ની ભાગવતી દીક્ષા………મહંત સ્વામી મહારાજ અને ડોક્ટર સ્વામી જેવા સદ્ગુરુ સંતો ની પાર્ષદતરીકે ની દીક્ષા અહી જ થઈ છે……….

અને ઉપર કહ્યું તેમ……અહિયાં જીવમાત્ર ની શુભ મનોકામનાઓ..સંકલ્પો પુરા થાય છે…તે માટે આ સ્થાન નો મહિમા વિશેષ છે…………………

અદ્ભુત……અદ્ભુત……..! અક્ષર દેરી નો મહિમા તો જેટલો સમજીએ તેટલો ઓછો છે……………….એ માટે આ પોસ્ટ ની જગ્યા ઓછી પડે……!!!!!

સભાને અંતે અમુક જાહેરાત થઇ…………

  • આવતા રવિવારે- બાળ મંડળ માં થી યુવક મંડળ માં જનારા ( ધોરણ- ૯ માં પ્રવેશ પામનારા) નવયુવાનો માટે ની પ્રેરણા સભા છે…………સર્વે યુવકો એ- પરિવાર સહીત હાજર રહેવું….
  • આવતીકાલ થી શ્રાવણ માસ ની શરૂઆત થઇ રહી છે……….સંતો ની નિત્ય પારાયણ – શાહીબાગ મંદિરે શરુ થશે………..સમય- સવાર નો છે…………..આ સાથે નિયમ ના ઉપવાસ-વ્રત-તપ માટે પણ તૈયારી કરવી..ખટકો રાખવો…….

તો- આજની સભા – અક્ષર…અક્ષરદેરી…..અક્ષર પુરુષોત્તમ સિધ્ધાંત……ગુણાતીત પરંપરા ના મહિમા ને સમજવા ની…જીવ્સ્થ કરવા ની સભા હતી…………….એ મહિમા સમજ્યા વિના સત્સંગ માં પ્રગતિ શક્ય જ નથી…….મોસ્ખ તો દુર ની વાત છે…………માટે- ગુણાતીત નો મહિમા….સમજવા ગોંડલ- અચૂક જવું……અક્ષરદેરી નો મહિમા અચૂક અનુભવવો…!

જય જય અક્ષર પુરુષોત્તમ…….જય જય સ્વામિનારાયણ……

રાજ


Leave a comment

BAPS રવિસભા-૦૨/૦૭/૨૦૧૭

અતિશય જે મોટાપુરુષ હોય તેનો જે ઉપર રાજીપો થાય તેના ગમે તેવા મલિન સંસ્કાર હોય તો નાશ પામે અને મોટાપુરુષનો રાજીપો થયો હોય તો રાંક હોય તે રાજા થાય અને ગમે તેવાં ભૂંડાં પ્રારબ્ધ હોય તો રૂડાં થાય અને ગમે તેવું તેને માથે વિઘ્ન આવનારું હોય તે નાશ થઈ જાય.

મોટા સંત સાથે નિષ્કપટપણે વર્તે અને કામ, ક્રોધ, લોભ, મોહ, મદ, મત્સર, આશા, તૃષ્ણા, અહંકાર અને ઈર્ષ્યા એ સર્વનો ત્યાગ કરે અને સંતનો ગુલામ થઈને રહે ને અંતરમાં માન ટળેભાવે રહે પણ દેહે કરીને સર્વેને નમતો રહે, તો એની ઉપર મોટા સંત રાજી થાય છે.”

જો મોટાપુરુષને અતિશય નિષ્કામી, નિર્લોભી, નિઃસ્વાદી, નિર્માની, નિઃસ્નેહી સમજે તો પોતે પણ એ સર્વ વિકારથી રહિત થઈ જાય અને પાકો હરિભક્ત થાય. તે પાકા હરિભક્તનું શું લક્ષણ છે? તો સારા જે શબ્દ, સ્પર્શ, રૂપ, રસ અને ગંધ એ પંચવિષય તેનો જેમ દુઃખદાયક વસ્તુનો સહજે અભાવ રહે છે તેમ જેને સહજે અભાવ રહે છે અને એક પરમેશ્વરના સ્વરૂપને વિષે અચળ નિષ્ઠા વર્તે છે, તેને પાકો હરિભક્ત જાણવો. …………તે એવો પાકો હરિભક્ત થયાનો તો એ જ ઉપાય છે જે, પરમેશ્વરના દાસનો ગુલામ થઈને રહે અને એમ જાણે જે, ‘એ સર્વ ભક્ત મોટા છે ને હું તો સર્વથી ન્યૂન છું,’ એમ જાણીને હરિભક્તનો દાસાનુદાસ થઈ રહે. અને એવી રીતે જે વર્તે તેના સર્વ વિકાર નાશ પામે અને તેને દિવસે દિવસે જ્ઞાન, વૈરાગ્ય, ભક્તિ આદિક જે શુભ ગુણ તે વૃદ્ધિ પામતા જાય છે.


ભગવાન શ્રી સ્વામિનારાયણ- વચનામૃતમ-ગઢડા પ્રથમ-૫૮

સત્સંગ માં આવ્યા પછી શું કરવા નું છે……શાનું પ્રાધાન્ય હોવું જોઈએ……??? એ સર્વે ના ઉત્તર શ્રીજી એ અહી આપ્યા છે…….અને સર્વ ના કેન્દ્ર માં છે…….સત્પુરુષ ને સમજવા…..એમનામાં નિર્દોષ બુદ્ધિ રાખવી……સત્સંગ માં દાસાનુદાસ વર્તવું………! સત્પુરુષ ના ગુણ લે તો ગુણ આવે…..અને જો અવગુણ લે તો જીવ માં અવગુણ આવે છે……માટે જીવ માટે તો પોતાનું કલ્યાણ પોતાના હાથમાં..! આ અદ્ભુત વચનામૃત પર આજની સભા હતી……

મેઘરાજા એ આજકાલ સમગ્ર ગુજરાત પર મહેર કરી છે……અને એના આ આશીર્વાદ માં ભીંજાતા ભીંજાતા સર્વે હરિભક્તો નો મહાસાગર સભામાં સમયસર આવી ગયો…..અમે પણ સમય પર પહોંચી ગયા….અને સર્વ પ્રથમ શ્રીજી ના દર્શન…….

19657254_736029403251901_935266552897038082_n

સભાની શરૂઆત યુવક મિત્રો દ્વારા ધુન્ય અને કીર્તન થી થઇ…..ત્યારબાદ યુવકો દ્વારા પ્રેમાનંદ સ્વામી રચિત બે કીર્તન….” એરી એરી આજ રંગ મહારાજ…” અને …” રૂડા લાગે છે મોહનલાલ…..લટકા તારા રે……” રજુ થયા……અદ્ભુત કીર્તન હતા. ત્યારબાદ સારંગપુર અભ્યાસ પૂર્ણ કરી ને પધારેલા અને ઓસ્ટ્રેલિયા સેવા માં મુકાયેલા પુ. બ્રહ્મ્સ્મરણ સ્વામી એ વનમાળી દાસ રચિત કીર્તન  …”લાગો છો પ્યારા ..પ્યારા પ્રમુખ સ્વામી ..” રજુ થયું…….અને પ્રમુખ સ્વામી મહારાજ ની દિવ્ય મુખાકૃતિ મનોચક્ષુ સમક્ષ છવાઈ ગઈ…!

ત્યારબાદ સારંગપુર થી અભ્યાસ પૂર્ણ કરી પધારેલા સાધુ પરમકીર્તિદાસ ( કે જે પૂર્વાશ્રમ માં વેટેનરી ડોક્ટર હતા) ના મુખે બ્રહ્મ સ્વરૂપ પ્રમુખ સ્વામી મહારાજ ની – સારંગપુર ખાતે ની દિવ્ય સ્મૃતિ ઓ નો આસ્વાદ મળ્યો……પ્રમુખ સ્વામી મહારાજ તેમની અંતિમ દેહવસ્થા માં સારંગપુર માં બિરાજમાન હતા …અને તેમની વ્હીલચેર – ગ્રસ્ત દેહ જોઇને ઘણા ને લાગતું કે સ્વામીશ્રી હવે નિષ્ક્રિય થઇ ગયા છે…પણ સ્વામીશ્રી નું કાર્ય તો ચાલુ જ હતું…૧૮૭ થી વધુ મંદિરો…૧૦૦ થી વધુ સંતો નું નિર્માણ ત્યાં બેઠે બેઠે જ થયું……સ્વામીશ્રી નો દીવ્ય્પ્રભાવ જોઇને ભલભલા નાસ્તિક પણ આસ્તિક થઇ ગયા…….અનેક ના જીવન બદલાઈ ગયા……..! આ બધું જ સર્વોપરી કાર્ય સ્વામીશ્રી એ કર્યું…..અને સામે સંતો એ સ્વામીશ્રી ના અ દિવ્ય ચરિત્ર ની એક એક પળ ની નોંધ રાખી……..અરે..સ્વામીશ્રી દર્શન આપવા આવે ત્યારે કેટલા બગાસા ખાધા…કેટલી વાર છડી હલાવી…આ બધું જ નોંધ કર્યું…!!!!! અદ્ભુત…! પરમકીર્તિ સ્વામી ની તેજ-અસ્ખલિત વાણી ના પ્રવાહ નો સર્વે ને અમૃત લાભ મળ્યો…!

ત્યારબાદ પ્રગટ બ્રહ્મસ્વરૂપ મહંત સ્વામી મહારાજ ના તારીખ- ૨૨,૨૩ જુન ,૨૦૧૭ ના એટલાન્ટા ,અમેરિકા ખાતે ના દિવ્ય વિચરણ નો વિડીયો દર્શન નો લાભ મળ્યો…..જે નીચેની લીંક દ્વારા માણી શકાશે…..

ત્યારબાદ પુ.અક્ષરવત્સલ સ્વામી જેવા અતિ વિધવાન ..તેજસ્વી વક્તા સંત દ્વારા – ગઢડા પ્રથમ ૫૮ ના અદ્ભુત વચનામૃત પર ઊંડાણ પૂર્વક….સંલગ્ન પ્રસંગો ના માધ્યમ થી નિરૂપણ થયું…….જોઈ સારાંશ….

  • મુક્તાનંદ ..આનંદાનંદ….મહાભુવાનંદ સ્વામી ના પ્રશ્નો અને શ્રીજી ના ઉત્તરો પર રચાયેલું આ વચનામૃત – જીવ ને અખંડ સુખ કઈ રીતે આવે…એનું મન કઈ રીતે સ્થિર થાય……સત્સંગ માં કઈ રીતે પ્રગતિ થાય એના ઉત્તર આપે છે…..
  • આ વચનામૃત ને આધારે શ્રીજી જે રીતે જીવ્યા છે……અને આપણા ગુણાતીત પુરુષો જે રીતે જીવ્યા છે તેનો તાદ્રશ્ય ચિતાર મળે છે…….એટલા માટે જ શ્રીજી ની મૂર્તિ નું જે સુખ આપણા ગુણાતીત પુરુષો ને આવે છે…તેવું સુખ આપણ ને નથી આવતું………….
  • આપણો સંપ્રદાય- દાસત્વ ભક્તિ પર છે………સાધુઓ ના નામ ની પાછળ દાસ લખાય છે…….અને દાસ ના દાસ….દાસ ના ગુલામ થઇ ને જે જીવે તે જ આ સત્સંગ ને પચાવી શકે છે…..એમાં પ્રગતિ કરી શકે છે……
  • સ્વયમ શ્રીજી નું જીવન જુઓ……..પોતે ભગવાન હોવા છતાં પોતાના પરમહંસો ને તેમણે દંડવત કર્યા છે…એ જ રીતે આપણા ગુણાતીત પુરુષો એ તો ડગલે ને પગલે દાસત્વ ભાવ બતાવ્યો છે……યોગીબાપા તો હરિભક્તો ના સામાન ને પણ દંડવત કરતા ……..અને આજે મહંત સ્વામી મહારાજ ને જુઓ….દરેક સંત-હરિભક્ત નો મહિમા એ જાણે છે…..અને એ પ્રમાણે વર્તે છે…..બધા હરિભક્તો અને સંતો માં એમને- એમના ગુરુના દર્શન થાય છે…….
  • વળી, ગુરુ આજ્ઞા નું પાલન કરવા માં એમનો ખટકો જુઓ………એમનું સમગ્ર જીવન જ ગુરુ આજ્ઞા પર જીવાયું હોય છે…….ચાતુર્માસ આવી રહ્યો છે અને ૪ થી જુલાઈ એ – દેવ પોઢી એકાદશી છે……અને બ્રહ્મ સ્વરૂપ શાસ્ત્રીજી મહારાજ ની આજ્ઞા મુજબ નો નિર્જળા ઉપવાસ છે….જોઈએ કેટલા હરિભક્તો એમની આજ્ઞા પ્રમાણે વર્તે છે…? આપણા ગુણાતીત ગુરુઓ તો દેહ ની વિપરીત પરિસ્થિતિ હોય કે ગંભીર બીમારી- પણ ગુરુ આજ્ઞા પ્રમાણે જ વર્ત્યા છે……
  • માટે જ – આપણે પણ સત્સંગ માં આવ્યા બાદ…મોટા પુરુષ…સંતો અને હરિભક્તો નો મહિમા સમજીએ…….મોટા પુરુષ નો રાજીપો શેમાં છે…એ દ્રઢ પણ સમજીએ…..એ પ્રમાણે એમની આજ્ઞા માં વર્તી – મોટા પુરુષ ને રાજી કરી લઈએ……..દાસત્વ નો ગુણ આપણા જીવન માં દ્રઢ થાય…….એમ વર્તી એ…!

અદ્ભુત …અદ્ભુત,………! જીવનમાં આટલું પણ જો સમજાય અને જીવાય તો કશું બાકી ન રહે………! મોટા પુરુષ રાજી થાય અને આપણા ફેરા ટળે………..!

સભાને અંતે ચાતુર્માસ અંગે જાહેરાત થઇ………….જેના માટે – વિશેષ નિયમ- નીચેની લીંક દ્વારા જાણી શકાશે…….

ચાતુર્માસ નિયમ

જય સ્વામિનારાયણ………….રાજી રહેજો..!

રાજ