Raj Mistry's world

Me,my stories and world around….


Leave a comment

આજકાલ-૧૬/૦૪/૨૦૧૪

ઋતુ ઓ નો સમ્રાટ ઉનાળો હવે પોતાના પરછમ  ચોતરફ લહેરાવી રહ્યો છે પણ રહ્યો આ પાપી પેટ નો સવાલ….ધોમ ધખતા તડકા માં પણ જીવ માત્ર ને આરામ નો પોરો નથી લેવા દેતો………! પણ આવા ગ્રીષ્મ યુદ્ધ માં પણ મસ્ત મજા ની ઠંડક આપી જતી ઘટના હોય તો – તે ઘટના છે- સત્સંગ ની…….! સત્સંગ થી જીવ ને અપાર શાંતિ મળે છે- અને તે આ દેહ ને નડતી ગરમી માટે પણ ઠંડક નું કામ કરે છે….એના થી રૂડું શું હોય?…તો શું ચાલે છે આજકાલ….?

  • ચૂંટણી ની ગરમી ચો તરફ દેખાય છે…….અને ઠંડક ૧૬ મેં પછી થશે……
  • સોસાયટી માં આધાર કાર્ડ માટે વ્યવસ્થા ગોઠવવા માં આવી છે…પણ હું- તો ભાગંભાગી કરાવી ને બેંક દ્વારા જ કરાવી આવ્યો હતો……પણ હવે લાગે છે કે સુપ્રીમ ના ચુકાદા પછી- આધાર  કાર્ડ નિરાધાર થઇ ગયું છે….આથી ચિંતા નું કોઈ કારણ નથી….
  • ઉનાળો આવ્યો અને હરિ ને – ગરમી ની અસર થવા લાગી છે……અને અમારી તૈયારી એ માટે પૂરી છે પણ સંજોગો અનુકુળ નથી……જોઈએ- આગળ આગળ શું થાય છે…….
  • આજ નો દિવસ જાણે કે સત્સંગ માં જ ગયો……..અદ્ભુત અનુભવ થયા…જોઈએ….
  1. સવારે એક પ્રસિદ્ધ ડેન્ટીસ્ટ – ડો. ગૌતમ પટેલ ને મળવા ગયો…….મને જોઇને એ આનંદિત થઇ ગયા અને પેલો હકા બાપુ નો પ્રસંગ યાદ કર્યો…….ડોક્ટર સાહેબ- હકા બાપુ ના ડેન્ટીસ્ટ હતા અને અને આજે પણ ઘણા સંતો ની ડેન્ટલ સર્જરી કરે છે…..હકા ખાચર એટલે કે ત્રણ ત્રણ ગુણાતીત પુરુષો ની સેવા પામી ચુકેલા – શ્રી બોચાસણ વાસી અક્ષર પુરુષોત્તમ સ્વામિનારાયણ સંસ્થા ના શૂન્ય માં થી વિરાટ બનવા ની ઘટના ના એકમેવ-શિરમોર સાક્ષી…!  આ પહેલા હકાબાપુ..   ની પોસ્ટ હું લખી ચુક્યો છું……..
  2. એક અદ્ભુત પ્રસંગ- હું આજે એક એટીએમ માં ગયો થોડાક પૈસા ઉપાડ્યા અને ગરમી થી ત્રસ્ત થઇ મશીન પાસે જ એસી નીચે બેઠેલા સિક્યોરીટી ગાર્ડ સાથે મારી વાત થઇ…મેં કહ્યું…કે કાકા …એવી કોઈ સીસ્ટમ ખરી કે- પૈસા આવ્યા જ કરે અને આપણી પાસે થી જાય જ નહિ…….?? એમનો જવાબ અદ્ભુત હતો……તેમણે જવાબ આપ્યો…” છે ને……જીવન માં બસ અપેક્ષા ઓ ઓછી કરો…….પૈસા અને સુખ ક્યાંય નહિ જાય…..” …હું તો આભો જ થઇ ગયો…….સાવ સામન્ય દેખાતો માણસ અને આટલી ગહન વાત…! પછી વાતચીત નો દોર ચાલ્યો અને એક ઈતિહાસ પર થી જાણે કે પડદો હટી ગયો……એ વ્યક્તિ – બ્રહ્મ સ્વરૂપ યોગીજી મહારાજ નું વતું ( અર્થાત મુંડન વગેરે) કરનારા હતા….એમણે આવો પરમ સુખ નો આનંદ લીધો હતો….આમલીવાળી પોળ ની બાજુ માં જ એમનું ઘર અને તેના કારણે જ – એમને આવો લાભ- મળેલો…! હું તો ખુશ ખુશ થઇ ગયો……અને એમના ચરણ સ્પર્શ કરવા લાગ્યો તો સામે એ પણ મારા ચરણ સ્પર્શ કરવા લાગ્યા…….ધન્ય ધન્ય બ્રહ્મ સ્વરૂપ યોગીબાપા ને કે ૫૦-૫૦ વર્ષ પછી પણ એમનો એક સ્પર્શ પામેલા સામાન્ય મનુષ્ય માં આટલું બધું જ્ઞાન…! અને હરિભક્ત માત્ર ને સાષ્ટાંગ દંડવત એ જ આ સત્સંગ ની સર્વોપરિતા છે- એવું આપણા ગુણાતીત ગુરુ બ્રહ્મ સ્વરૂપ યોગીબાપા શીખવી ગયા છે…..!

તો- આજકાલ બસ- આઠો જામ સતસંગ નો અનુભવ- આ અલપઝલપ પ્રસંગો થી થાય છે……એ જ શ્રીજી ની દયા છે…..

જય સ્વામિનારાયણ…….ઠંડક ની આ છાલક સાથે…..

રાજ

 


Leave a comment

યોગીજી મહારાજ ની બોધ કથાઓ- ૧૨

સાધુ જ્ઞાનજીવન દાસ એટલે કે બ્રહ્મ સ્વરૂપ યોગીબાપા- જાણે કે મસ્ત બ્રહ્મ નું પ્રગટ સ્વરૂપ હતા……સદાયે ડોલતો ચહેરો…..અસ્ખલિત સ્મિત અને “બોલો ગુરુ………!” ની અહાલેક સાથે કથા વાર્તા નો અતુલ્ય ઇશક…….! જાણે કે સત્સંગ નો દરિયો….! જેણે જેણે યોગીબાપા ના દર્શન કર્યા છે એ જાણતા જ હશે કે- સત્સંગ ની ગહનતા નું સીધું સાદું સ્વરૂપ એટલે કે યોગીબાપા…..!

યોગીજી મહારાજ ની એક દુર્લભ તસ્વીર

યોગીજી મહારાજ ની એક દુર્લભ તસ્વીર

એમની રસાળ શૈલી માં અધ્યાત્મ ની ગહેરાઈ ને માપીએ……..એમની બોધકથાઓ દ્વારા……..

————————————————————————-

કાન પર સરોદો ( અર્થાત સરોદ….તંબુરા જેવું એક દેશી વાદ્ય)

એક ગામ હતું, સુખી-સાધન સંપન્ન અને સેવાભાવી……! એક દિવસ એક સાધુરામ ભિક્ષા માંગવા ગામ માં પધાર્યા……..સાથે સરોદો વગાડે અને રૂડા ભજનીયા ગાય એટલે ગામ લોકો એમને છૂટ થી ભિક્ષા આપે……આ રોજ ની ઘટના. પણ એક દિવસે એ ભિક્ષા માંગવા નીકળ્યા અને સરોદા ના તાલે ભજનીયા ગાવા ની શરૂઆત કરી તો તરત જ એક કુતરું એમની પાછળ પડી ગયું……..જેવા એ સરોદો વગાડવા નું ચાલુ કરે કે તરત જ  એ કુતરું ભસવા નું ચાલુ કરી દે………..સરોદો બંધ એટલે કુતરું પણ બંધ…..! થોડોક સમય તો સાધુ એ કુતરા ને ગણકાર્યું નહિ……પણ આ તો રોજ નું થઇ ગયું……..જેવો સરોદો વગાડે કે તરત જ કુતરું ભસવા નું ચાલુ કરી દે…..અને સરોદા ની મજા બગાડી નાખે……આથી ભજન -ભિક્ષા બધું બંધ થવા લાગ્યું……અને સાધુરામ તો બગડ્યા…..! વિચાર્યું કે આ કુતરા નું કંઇક તો કરવું જ પડશે……આથી એક યોજના વિચારી……

બીજા દિવસે ગામ માં ગયા તો પેલું કુતરું લાગ જોઈને બેઠું જ હતું, અને જેવું પેલા સાધુ એ સરોદો વગાડવા નું શરુ કર્યું કે કુતરા એ પોતાની ટેવ પ્રમાણે ભસવા નું શરુ કર્યું……..અચાનક જ સાધુરામ પેલા સરોદા ને લઈને- કુતરા પાછળ પડ્યા…..કુતરું જાય ભાગતું અને પાછળ પાછળ પેલા સાધુરામ……કલાક બે કલાક- પેલા કુતરા ને ભગાડ્યું અને છેવટે કુતરું થાકી હારી ને એક સાંકડી ગલી માં ઘુસી ગયું……ઘુસી તો ગયું પણ ફસાઈ ગયું…..ન આગળ જવાય કે ન પાછળ જવાય…! આ લાગ જોઈને- સાધુરામ આસ્તે થી કુતરા ની પાસે પહોંચી ગયા…કાઢ્યો પોતાનો સરોદો અને પેલા કુતરા  ના કાન ની પાસે જ જોર જોર થી ભજન ની સાથે વગાડવા લાગ્યા…….! કુતરાભાઈ તો ફસાયા હતા આથી શું કરે? સાધુરામે બરાબર રીસ કાઢી ને કલાક-બે કલાક- પેલા કુતરા ના કાન પાસે જ સરોદો વગાડ્યા કર્યું…છેવટે- એને છોડ્યું…..!

બીજા દિવસે- સાધુરામ ગામ માં આવ્યા ત્યારે પેલું કુતરું બેઠું હતું પણ જેમ હારેલો  હતાશ થઇ જાય એમ સાધુ ના સરોદ વગાડવા છતાં કુતરાભાઈ ભસ્યા નહિ…અને સાધુરામ ની યોજના અને ભિક્ષા કારગર નીવડી….!

———————————————

સાર-

  • જીવન આવું જ છે-કે તમે કંઇક સારા કાર્ય ની શરૂઆત કરો કે તરત જ વિઘ્નસંતોષી જીવ હાજર થઇ જાય છે…….હવે તમારા હાથ માં છે કે તેને ગણકારવો કે સીધો કરવો……..
  • શક્ય હોય તો પહેલા એને ગણકારો અને જો પછી પણ ન માને તો- તેના “કાન પાસે સરોદો વગાડો”……! :-) આમ “carrot and stick” rule આવડવો જોઈએ…..
  • પોતાનો હેતુ- કાર્ય શુદ્ધ- સર્વ હિતાવહ હોય તો- અગણિત વિઘ્નો આવે પણ છોડવા નહિ…….મંડ્યા રહેવું……….
  • પોતાનું કાર્ય એવું તો કરો ( સરોદો એવો તે વગાડો કે…) કે કાર્ય જોઈને જ વિઘ્ન કારી ઓ હતાશ થઇ જાય………..જુઓ ઉદાહરણ બ્રહ્મ સ્વરૂપ શાસ્ત્રીજી મહારાજ નું…….સર્વોપરી અક્ષર પુરુષોત્તમ સિદ્ધાંત ના પ્રવર્તન માટે- હજારો વિરોધીઓ-વિઘ્નો આવ્યા છતાં – તેમણે પોતાનું કાર્ય ન છોડ્યું……અને ઉલટા નું અક્ષર પુરુષોત્તમ ના ગગન ચુમ્બી મંદિરો બાંધી…એવો તે સરોદો – વિરોધીઓ ના કાન પાસે વગાડ્યો કે- બિચારા વિરોધ કરવા નું જ ભૂલી ગયા……!


Leave a comment

BAPS યુવા રવિસભા – ૦૬/૦૪/૨૦૧૪

“અમે સૌ સ્વામીના બાળક, મરીશું સ્વામીને માટે;
અમે સૌ શ્રીજી તણા યુવક, લડીશું શ્રીજીને માટે… ૦અમે
નથી ડરતા નથી કરતા, અમારા જાનની પરવા;
અમારે ડર નથી કોઈનો, અમે જન્મ્યા છીએ મરવા…૦અમે
અમે આ યજ્ઞ આરંભ્યો, બલિદાનો અમે દઈશું;
અમારા અક્ષરપુરુષોત્તમ, ગુણાતીત જ્ઞાનને ગાઈશું….૦અમે
અમે સૌ શ્રીજી તણાં પુત્રો, અક્ષરે વાસ અમારો છે;
સ્વધર્મી ભસ્મ ચોળી તો, અમારે ક્ષોભ શાનો છે…..૦અમે
જુઓ સૌ મોતીના સ્વામી, ન રાખી કાંઈ તે ખામી;
પ્રગટ પુરુષોત્તમ પામી, મળ્યા ગુણાતીત સ્વામી..૦અમે “
——- પરમ ભક્તરાજ- મોતીભાઈ પટેલ———

બ્રહ્મ સ્વરૂપ શાસ્ત્રીજી મહારાજ નું જીવન ચરિત્ર તમે વાંચો-સમજો અને અનુભવો તો સમજાય કે ભક્તિ અને દિવ્યતા કોને કહેવાય? એક સર્વોપરી સિદ્ધાંત અને કોઈ લૌકિક સંપત્તિ નહિ…….બસ નિષ્ઠાવાન હરિભક્તો અને પ્રાણ પાથરનારા સંતો અને એ પણ મુઠ્ઠીભર….! ઉપરોક્ત કીર્તન તમે વાંચો તો સમજાય કે કેવા ભાવ માં- પરમ ભક્ત મોતીભાઈ એ આવી ને આ કીર્તન રચ્યું હશે? આપણા ઈતિહાસ કારો સાચું કહે છે કે- કોઈ સંસ્થા ચિરંજીવી ત્યારે હોય કે જ્યારે એની પાસે સુવર્ણ ઈતિહાસ હોય…નિષ્ઠાવાન કાર્યકરો હોય….! આપણી પાસે આજે બધું જ છે…..તો કાલ ની ચિંતા શા માટે?

આજની સમગ્ર સભા- વિશિષ્ટ હતી- સંપૂર્ણ પણે યુવકો દ્વારા સંચાલિત હતી અને યુવાઓ માટે હતી……હું સમયસર પહોંચી ગયો કારણ કે એક સારી જગ્યા નો સવાલ હતો… :-) ..! ઠાકોરજી ના મનભરી ને દર્શન કરવા માં આવ્યા…..તમે પણ પોતાના હૃદય ને દર્શન માં જોડો….

આજના દર્શન....

આજના દર્શન….

સભાની શરૂઆત અદ્ભુત હતી..આશ્ચર્ય જનક હતી..કારણ-કે પ્રસિદ્ધ ગાયક અને સંસ્થા ના નિષ્ઠાવાન ભક્ત- જયદીપ સ્વાદિયા આજે સભામાં હતા અને એમના મધુર સ્વરે સ્વામિનારાયણ મહામંત્ર ની ધુન્ય જાણે કે આત્મા ને સ્પર્શ કરી રહી હતી….હૃદય પ્રફુલ્લિત થઇ ગયું….! ત્યારબાદ એમના જ સ્વરે- વ્હાલા લાગો છો વિશ્વ આધાર રે…સગપણ તમ સાથે….” બ્રહ્માનંદ સ્વામી રચિત રજુ થયું ..અને એ જ સ્વર-ધારા..એજ રચનાકાર દ્વારા રચિત “મને લાગ્યો છે રસિયા તારો રંગ…ના બનું બીજા કોઈની રે…” રજુ થયું અને જાણે કે સમગ્ર સભા એમાં વહેતી જ ગઈ…!
ત્યારબાદ -મહાતીર્થ સારંગપુર માં ચાલતા યુવક તાલીમ કેન્દ્ર ના યુવકો દ્વારા એક દોર ..પ્રસંગો નો..નૃત્ય નો… રજુ થયો….જોઈએ અમુક અંશ..

  • પ્રસંગ દક્ષીણ ગુજરાત ના એક સામાન્ય યુવક- ઘનશ્યામ ટંડેલ નો હતો- કેન્સરગ્રસ્ત હોવા છતાં….મૃત્યુ નજીક હોવા છતાં- ભક્તિ પ્રસાર ની..નિષ્ઠા ની એક જ્યોત જગાવી…અને સ્વામીશ્રી ને રાજી કરી ગયો…..
  • પ્રગટ બ્રહ્મ સ્વરૂપ પ્રમુખ સ્વામી મહારાજ નો એક વિડીયો – “ભલું કરવા બધાનું” રજુ થયો…અને બાપા એ દેહ ની અવગણના કરી જે સત્સંગ વિચરણ કર્યું છે…તે દર્શાવવા માં આવ્યું…..
  • યુવકો એ એક પ્રતિજ્ઞા લેવડાવી- કે “જીવીશું સ્વામીને માટે…” અને જાણે કે સમગ્ર સભા એમની સાથે થઇ ગઈ…!
  • નાટ્ય પ્રદર્શન દ્વારા જણાવ્યું કે- શાસ્ત્રીજી મહારાજ ની એક આજ્ઞા ને વશ થઇ- સોમા ભગતે પોતાની જીવ ની પરવા કર્યા વગર સારંગપુર મંદિર ના બાંધકામ માં તૂટેલા દોરડે લટકતા પથ્થર ને બાંધી દીધો….આમ અહી આજ્ઞા પાલન એ પાયા નો અંગ છે…
  • અન્ય એક નાટ્ય પ્રસંગ માં- પરમ ભક્તરાજ -મોતીભાઈ, આશાભાઈ-ઈશ્વરભાઈ કે જેમની સઘળી સંપત્તિ આગમાં બળી ને ખાખ થઇ ગઈ છતાં- શાસ્ત્રીજી મહારાજ ની સેવામાં વ્યાજે પૈસા લાવી ને- હસતા હસતા મુક્યા…..! આવી પરમ નિષ્ઠા ક્યાં જોવા મળે?
  • તો કેનેડા ના પરમ ભક્ત- ભગવાનજી માંડલિયા એ- કેન્સર ગ્રસ્ત હોવા છતાં- પ.પુ.પ્રમુખ સ્વામી મહારાજ ના કેનેડા સંસદ દ્વારા સન્માન સમાંરભ માં ઉત્સાહ થી જોડાયેલા રહ્યા……! આમ મોટા પુરુષ ના રાજીપા માટે જીવવું એટલે જ જીવ્યું કહેવાય..એમ સમજવું.
  • ઉપરોક્ત પ્રસંગો નું તાત્પર્ય એટલું જ છે કે- આપણા ગુણાતીત ગુરુઓ એ સર્વોપરી અક્ષર પુરુષોત્તમ સિધ્ધાંત માટે પોતાના દેહ નીચોવી નાખ્યા…..હવે વારો આપણો છે…..આપણે આ વારસા ને ખંત થી આગળ વધારવા નો છે.
  • ત્યારબાદ- યુવક મંડળ દ્વારા નૃત્ય રજુ થયું…..”અમે સૌ સ્વામી ના બાળક…જીવીશું સ્વામી ને માટે…” અને ધમાકેદાર નૃત્ય સાથે અક્ષર પુરુષોત્તમ ના વાવટા એ સમગ્ર સભા માં એક શક્તિ નો…ઉત્સાહ નો સંચાર કરી દીધો….!

    1549465_658247194213252_4186367451930422118_n

    ત્યારબાદ- એક વિડીયો દ્વારા રજુ થયું કે- “સારંગપુર યુવક તાલીમ કેન્દ્ર” છે શું? ભણતર પૂરું થાય અને નોકરી ચાલુ થાય- એ વચ્ચે ના ૬ માસ માટે ચાલતો આ તાલીમ પ્રોગ્રામ- કથીર માં થી કંચન બનાવવા નો પ્રોગ્રામ સમાન છે…પુ.વિવેકજીવન સ્વામી એ ઊંડાણ પૂર્વક માહિતી આપતાં- લોકો ના સંશયો દુર કરતા જણાવ્યું કે- આ એક મોટી સેવા છે……જીવન ને સ્થિર બનાવતી સેવા છે. ૬ માસ ની તાલીમ માં- યુવકો ને- જ્ઞાન ની સાથે સાથે – જીવન કળા…સાહિત્ય કળા..સેવા….અધ્યાત્મ ના પદાર્થ પાઠ પણ શીખવા મળશે- જે એમના જીવન ને સુધારશે….!

    તો- સમગ્ર યુવકો અને તેમના માતા-પિતા ને નમ્ર વિનંતી કે- આ મોકો ચૂકવા જેવો નથી. યુવક ની જિંદગી ના આ ૬ માસ એક ઇન્વેસ્ટમેન્ટ હશે….બરબાદી નહિ…! આખરે જીવન ને “સ્થિર” બનાવતી એક ક્ષણ પણ અમુલ્ય હોય છે….અને આતો અધ્યાત્મ નો પંથ છે-અને એ પણ સત્પુરુષ અને સંત ના સાનિધ્ય માં…!

    ત્યારબાદ સભા ને અંતે અમુક જાહેરાતો થઇ……

    • સત્સંગ જ્ઞાનામૃત – નવું પુસ્તક પ્રગટ થયું છે……નાનું પણ અમુલ્ય માહિતી ધરાવતું- આ પુસ્તક મેં ખરીદ્યું છે…..સોનેરી સલાહ છે- અવશ્ય ખરીદવું….તમારી નિષ્ઠા પાકી થશે…

    10154467_658247057546599_9063453113179375296_n

    • આવતા મંગળવારે- ૮/૪ – ના રોજ શ્રીહરિ જયંતિ છે..રામ નવમી છે- અને આપણા માટે મહા ઉત્સવ છે. શાહીબાગ મંદિર માં તેની ધામધૂમ થી ઉજવણી થવાની છે. સમય- સાંજે ૭ થી ૯ – અને હા…..એ દિવસે- શક્ય હોય તો- આજ્ઞા નો નિર્જળા ઉપવાસ કરવાનો છે…..તૈયાર છો ને…?

    તો- આજની રવિસભા અદ્ભુત હતી…..યુવા+અધ્યાત્મ+સર્વોપરી સિધ્ધાંત ની સભા હતી……બસ- આ સભા ને ભૂલવા ની નથી….પણ- આ “વારસા” ને આપણે ઉત્સાહ થી..નિષ્ઠા થી આગળ ધપાવવા નો છે. હરિ- સ્વામી આપણી સાથે જ છે….

    જય સ્વામિનારાયણ

    રાજ


    Leave a comment

    BAPS વિશિષ્ટ રવિસભા- ૩૦/૦૩/૨૦૧૪

    “પરાભક્તિ……! પ્રમુખ સ્વામી મહારાજ ના હૃદય માં પ્રભુ-પ્રેમ નો અહોરાત્ર ઉછળતો મહાસાગર ..! પરબ્રહ્મ સાથે બ્રહ્મસ્વરૂપે અતુટ અને અપાર પ્રીતિ ધરાવતા સ્વામીશ્રી , વિશ્વ ને શ્રેષ્ઠ ભક્તિ નો આદર્શ પુરો પાડે છે…….વહેલી સવારે “મહારાજ- સ્વામી..” ઉચ્ચારતા આંખો ખોલે ત્યારથી લઈને , મોડી રાત્રે ફરીથી ” સ્વામિનારાયણ…સ્વામિનારાયણ…..” બોલતા આંખો મીચે ત્યાં સુધી ની પ્રત્યેક પળે , અરે…યોગનીન્દ્રા માં પણ એમને પરમાત્મા નું અનવરત અનુસંધાન રહે છે……”

    ————————————————————

    “પરાભક્તિ” નવીન પ્રકાશન માં થી- પુ.અક્ષર જીવન સ્વામી

    આજની સભા વિશિષ્ટ હતી…..કારણ કે “સ્નેહી ને સથવારે” સભા હતી. આજની સભા માં સત્સંગી માત્ર ને વિનંતી હતી કે પોતાના સ્નેહીઓ ને પણ આ સભામાં લઈને આવવા…સત્સંગ નું સુખ..અખંડ સુખ…….વૈભવ નો પ્રત્યક્ષ અનુભવ કરાવવો……! અને આશા છે કે- ઘણા સ્નેહીઓ ને- આનો અનુભવ થયો જ હશે. સત્સંગ ના સર્વોપરી માર્ગ માં ખર્ચાતી એક પળ પણ મોક્ષ સુધી લઇ જવા નિમિત્ત બને છે….એ સત્ય વચન છે.  આમેય આ માર્ગ- હરિ નો છે…….બ્રહ્મ-પરબ્રહ્મ નો છે…….પરાભક્તિ નો છે……….અને આ “પરાભક્તિ” શબ્દ અદ્ભુત છે……ગીતાના ૧૮ માં અધ્યાય માં શ્રીકૃષ્ણ ભગવાન  પોતે કહે છે કે……

    “બ્રહ્મભુત: પ્રસંનાત્માં ન શોચતિ ન કાંઅક્ષતી
    સમ : સર્વેષુ ભૂતેષુ મદ ભક્તિમ લભતે પરામ……”……

    - (શ્રી કૃષ્ણ ભગવાન- શ્રીમદ ભાગવત ગીતા-૧૮-૫૪ )

    અર્થ- જે બ્રહ્મરૂપ થયો છે અને જેનું મન સદા પ્રસન્ન છે અને જે કોઈ પ્રકાર નો શોક કરતો નથી , તેમ કોઈ પદાર્થ ને ઇચ્છતો નથી, સર્વ ભૂત માં જેને સમભાવ છે, તે પુરુષ મારી પરા ભક્તિ ને પામે છે…..!

    તો આવો પુરુષ અત્યારે કોણ છે? જાતે સમજો-વિચારો અને પછી નક્કી કરો………અને એક વાર પરાભક્તિ ને પામેલ આવા બ્રહ્મ રૂપ સત્પુરુષ નો સમાગમ થાશે તો આપણે પણ બ્રહ્મ રૂપ થઇ શકશું અને પુરુષોત્તમ ની ભક્તિ ના અધિકારી થઇ શકશું…..!

    તો આજની સભા – સત્સંગ ની શરૂઆત થી માંડી ને પરાભક્તિ ના અંતિમ છોર સુધી ની હતી……! તો ચાલો આ બ્રહ્મ -પરબ્રહ્મ ની યાત્રા એ…!

    ખેર….ગયા રવિવારે- સાધના સત્ર ની શીબીર ને કારણે રવિસભા ન હતી આથી આ સભા માં હાજર રહેવું મારા માટે જરૂરી હતું.  આથી તૈયારી સવાર થી હતી પણ મારા દીકરા હરિકૃષ્ણ ને નીકળવા ના સમયે જ ઊંઘ આવી અને રીના ને અને મમ્મી ને ઘરે છોડી ને જ નીકળવું પડ્યું…! હરી ઈચ્છા…! સર્વ પ્રથમ કરો શ્રીજી ના અદ્ભુત દર્શન……

    10013746_242093362645510_1556225666_n

    સભા ની શરૂઆત બાળ મંડળ દ્વારા ધૂણ્ય અને પ્રાર્થના થી થઇ……જય જય અક્ષર પતિ પુરુષોત્તમ……જય જય સ્વામી સહજાનંદ……”..ત્યારબાદ કીર્તન રજુ થયું….” હે અક્ષર પુરુષોત્તમ પ્યારા મંગળ કરનારા…..પાય પડી ને વંદન કરતા બાળક બહુ સારા….”…..અદ્ભુત હતા….! ત્યારબાદ વલ્લભદાસ દ્વારા રચિત….પદ…” સદગુરુ એ સાનમાં સમજાવ્યું રે લોલ , સત્સંગ વિના સુખ ક્યાય નથી રે લોલ…….” શુક્મુની સ્વામી એ સુમધુર સ્વર માં સંભળાવ્યું. બ્રહ્મ સત્ય છે……..સત્સંગ વિના – ક્યાય સુખ નથી- એ સુસ્પષ્ટ દેખાય છે , અને એક ભગવાન વિના કોઈ જગ્યા એ કલ્યાણ નથી- એ જીવ ને દેખાય છે પણ સમજાય છે- સદગુરુ દ્વારા જ…..!

    ત્યારબાદ સ્ટેજ પર “સુખ નું પહેરણ” એ સંવાદ યુવકો દ્વારા રજુ થયો. સંવાદ નો સારાંશ એ હતો કે….

    • લૌકિક રીતે સુખી દેખાતા વ્યક્તિ ઓ- કદાચ સુખી ન પણ હોય……પૈસા-પ્રસીધ્ધીકે માન -સન્માન થી સગવડો વધે છે-પણ સુખ નથી આવતું…….
    • સુખ તો એક ભગવાન માં જ છે…..સત્પુરુષ માં જ છે……સત્સંગ માં જ છે……
    • વિડીયો દ્વારા પ્રગટ બ્રહ્મ સ્વરૂપ પ્રમુખ સ્વામી મહારાજે પણ એ જ બ્રહ્મ વચન કહ્યા કે- એક ભગવાન ને જ કર્તા હર્તા સમજીએ તો- જીવન માં સહેજે ભાર ન લાગે……અને ભગવાન માં જ સાચો માલ માનવો………અખંડ સુખ તો ત્યાં જ છે…….એમ સમજી રાખવું…..યોગીબાપા ના શબ્દો માં- આ માળા તો એટમ બોમ્બ છે…..ભગવાન નું નામ સ્મરણ જે કરે- એ દુનિયામાં કોઈ ન કરી શકે …..!

    1501676_655151987856106_1250926595_n

    ત્યારબાદ- અમુક અગ્રણી હરિભક્તો ના અનુભવ  વિડીયો  દ્વારા રજુ થયા…..સાર હતો- કે જીવન માં સત્સંગ- રવિસભા નું મહત્વ શું છે? જોઈએ અમુક સારાંશ….

    • ડો. હરીશ ત્રિવેદી( ભૂતપૂર્વ હાર્ટ સર્જન- યુ.એન.મેહતા કાર્ડી.ઇન્સ્ટી.;અમદાવાદ અને પુ. પ્રિયસ્વરૂપ સ્વામી ના પૂર્વાશ્રમ ના પિતાશ્રી) એ જણાવ્યું કે – એક સત્સંગ અને રવિસભા ને કારણે- તેમના સ્વભાવો છુટ્યા..ગુસ્સો ગયો…….એસીડીટી ની સમસ્યા ગઈ…….અને સહનશક્તિ વધી……સ્થિરતા વધી…
    • મહેન્દ્ર ભાઈ પટેલ( વ્યાપારી- ભરુચ) – સત્સંગ ને કારણે- જીવન ની અત્યંત વિપરીત પરિસ્થિતિ ઓ -કે જેમાં તે પુરેપુરા પાયમાલ થઇ ગયા…દીકરા ને અકસ્માત માં ગુમાવ્યો- છતાં ટકી રહ્યા…….અને આ અપાર દુખો ને હસતા હસતા જીરવી લીધા……જીવ ને શાંત રાખ્યો….
    • નરેન્દ્રભાઈ ચૌહાણ( સરકારી અધિકારી- અમદાવાદ-વાડજ) -પત્ની ને સતત રહેતો પેટ નો દુખાવો-કે જે શારીરિક કરતા માનસિક વધારે હતો- તેના થી- સત્સંગ થી સુધાર્યો…..” સત્સંગી ને મૃત્યુ નો ડર ન હોય…..એ તો હરિ ઈચ્છા..” એ સત્ય થી માનસિક રીતે ઘુસી ગયેલા -પેટ ના દુખાવા થી પીછો છૂટ્યો……

    ટૂંક માં- સત્સંગ જ શીખવાડે છે કે – આપણે આત્મસત્તા રૂપ છીએ…..અને આ દેહ એ તો ખોખું માત્ર છે…સુખ દુખ હરિ ની ઈચ્છા થી જ આવે છે…..અને એમ સમજી ને જીવીએ તો- અખંડ સુખ સર્વત્ર પ્રવર્તે……

    ત્યારબાદ- અતિ વિદ્વાન સંત પુ.અક્ષર વત્સલ સ્વામી એ “સત્સંગ ની મહત્તા” પર રસપ્રદ ઉદાહરણ દ્વારા પ્રવચન કર્યું. એમનો ઘૂંટાયેલો સ્વર અને રસાળ શૈલી- શ્રોતાઓ ને જકડી રાખે છે. જોઈએ એના સારાંશ…..

    • ભવિષ્ય ની અનિશ્ચિતતા અને આયોજન ની લાલસા- જ ચિંતા નું મુખ્ય કારણ  છે.
    • જેવું કંઇક નવું આયોજન થયું કે એની સાથે સાથે એ આયોજન ને લગતી ચિંતાઓ શરુ થઇ જાય છે……પણ સવાલ એ કે- માત્ર ચિંતા કરવા થી જ સમસ્યા દુર થાય છે….કે એ આયોજન સફળ થાય છે?
    • આ ચિંતા ઓ ને દુર કરવા ની ચાવી છે- સમજણ…..જ્ઞાન…….અને સમજણ હોય તો સ્વભાવ ટળે…….ચિંતાઓ દુર થાય……
    • સત્સંગ દ્વારા જ આ સમજણ આવે છે……જ્ઞાન આવે છે કે- કર્મ એ ચિંતા કરવા થી અધિક છે…..સમજણ થી જીવન પ્રત્યે એક સકારાત્મક દ્રષ્ટિ આવે છે……શક્તિ આવે છે
    • આજે સ્વામીશ્રી સારંગપુર ખાતે  બિરાજમાન છે……એ પોતે મહા સમર્થ હોવા છતાં દેહ ના રોગો- જીર્ણ અવસ્થા ને સ્વીકારે છે…..કારણ કે એ માને છે કે- દેહ એટલે જ રોગો નું ઘર……એ નશ્વર છે- અને એમાં રોગ આવવા ના જ…..આમ છતાં આપણા સંપ્રદાય ના ઇતિહાસ માં અનેક દાખલા છે કે- સ્વામીશ્રી ના આશીર્વાદ  થી ભક્તો ની ગંભીર બીમારીઓ સહેજ માં ટળી ગઈ હોય…….! પણ પોતાના માટે- આવી કોઈ એષણા નહિ……!આને કહેવાય અધ્યાત્મિક સર્વોપરિતા..!
    • મન સાથે યુદ્ધ કરવું પડે તો કરવું……પણ સત્સંગ માં રહેવું- કારણ કે સત્સંગ જીવતા શીખવાડે છે……જીવન માં- જીવ ને ક્યાં જોડવો અને ક્યાં ન જોડવો? એ શીખવાડે છે…….દુખ ને કેમ દુર કરવું એના કરતા- આવનારા દુખ માં પણ કેવી રીતે “હળવાફૂલ” રહેવું એ શીખવાડે છે…….

    ત્યારબાદ- અમુક જાહેરાતો થઇ…….

    • આવતા રવિવારે- યુવક મંડળ દ્વારા- વિશિષ્ટ રવિસભા છે…….”જીવીશું સ્વામી ને માટે..”  વિષય છે- આથી અદ્ભુત સભા આયોજન હશે તેમાં કોઈ સંશય નથી…….સમય- સાંજે ૫ થી ૮……..!
    • ઉનાળો શરુ થઇ ગયો છે- આથી સાંજ ની આરતી નો સમય હવે થી- ૭.૧૫ નો રહેશે…..
    • “પરાભક્તિ” – અક્ષર પીઠ નું નવીન પ્રકાશન છે…….પ્રોફ. એ.સી.બ્રહ્મભટ્ટ સાહેબે- ખુબ જ ઊંડાણ પૂર્વક – પુ.અક્ષર જીવન સ્વામી જેવા વિદ્વાન સંત દ્વારા રચિત આ પુસ્તક નો સાર કહ્યો…….પ્.પુ.પ્રમુખ સ્વામી મહારાજ – જે  પરા  ભક્તિ નું અમૃત પાન અખંડ કરે છે- એનું તાદ્રશ્ય વર્ણન અહી થયેલું છે…….મેં આ પુસ્તક ખરીદ્યું છે……..તમારું કેમનું છે? અવશ્ય લેવું…….

    1240513_655233747847930_1242856656_n

    ત્યારબાદ સભા ને અંતે- આરતી બાદ – સારંગપુર ખાતે થયેલા પાર્ષદ-દીક્ષા મહોત્સવ નો વિડીયો રજુ થયો……..સ્વામીશ્રી ના મુખ પર એનો ઊંડો સંતોષ અને રાજીપો સ્પષ્ટ દેખાય છે…….૯૩-૯૩ વર્ષે પણ સત્સંગ માં આટલી દિવ્યતા અને કરુણા- બીજે ક્યાય જોવા મળે છે?……

    ધન્ય ધન્ય આ સત્સંગ ને…….આ ગુણાતીત પુરુષો ને કે- બસ એક લટકા માં અક્ષરધામ મળે…..હરિ મળે- એવું સુખ – હરિભક્તો ને- જીવ માત્ર ને કરી આપ્યું છે……..આપણે યાદવો ની જેમ અભાગિયા નથી રહેવું…..બસ- સત્સંગ ના આ અમૃત ને પામી લેવું છે…….

    જય સ્વામિનારાયણ…….

    રાજ

     


    Leave a comment

    બખા…………!

    હમણાં હું પરિવાર સાથે ગામડે હતો. અમારું ગામ- ઉત્તર ગુજરાત માં અરવલ્લી ની ગિરિમાળા ઓ માં વસેલું છે અને પેલી કહેવત છે ને કે…”સાત ગાઉ એ બોલી બદલાય” એમ અમારી ગુજરાતી બોલી પણ અદ્ભુત છે………ગુજરાત માં ક્યાય પણ ફરતા હો….અમારું મો ખુલે અને જેવા શબ્દો બહાર નીકળે કે તરત જ આજુબાજુ ના સમજદાર લોકો જાણી જાય કે પાર્ટી -ઉતર ગુજરાત ની છે……..! એવું જ મહેસાણા ના લોકો સાથે…ખેડા કે ચરોતર ના લોકો સાથે…….સુરતીઓ સાથે કે કાઠીયાવાડી ઓ સાથે થાય છે…….! અને એક ગુજરાતી તરીકે- ભારતીય તરીકે- આ બોલી વૈવિધ્ય ..ભાષા વૈભવ પર દિલ ફાટી જાય એટલો ગર્વ છે…….! તો ગામ માં મુલાકાત દરમિયાન અમુક અદ્ભુત શબ્દો મેં સાંભળ્યા…….થયું કે લાવો તમારી સાથે પણ વહેંચીએ………શક્ય છે કે આ શબ્દો- તમે પહેલા સાંભળ્યા પણ હોય….અને ન પણ હોય……..! જે હોય તે- પણ જ્ઞાન વધશે- એ મારી ગેરંટી….

    શરુ કરીએ…….

    ૧. બખા- બખ્ખમ બખ્ખા એ બખ્ખા નહિ……..અહિયા બખા એટલે કે કચરો…ઝીણો -ઘરેલું કચરો……અન્ય અર્થ- કકળાટ ,કંટાળો

    ૨. ગુલુંપ- લાઈટ નો બલ્બ……..

    ૩. બપોરીયું- બપોરે ખાઈ પી ને એક નાની સરખી ઊંઘ લઇ લેવી

    ૪.બબુચક- ( મને આ શબ્દ નો સ્ત્રોત…મતલબ ખરેખર સમજાયો નથી..) મુરખ..

    ૫.થોબડું- મોઢું…….ડાચું

    ૬.ખોદુ– ઝાડ નું થડ

    ૭. ભેન્સો( ભેંસા જેવો છે….) – પાડો…..

    ૮.પોપટિયું- કેરોસીન નો દિવેટ વાળો દીવો…..

    ૯.ચગદવું- પેટભરી ને લીમીટ બહાર જમવું…..

    ….લીસ્ટ ઘણું લાંબુ છે, પણ અત્યારે યાદ નથી આવતું……કદાચ તમે મદદ કરી શકો…! મને લાગે છે કે કદાચ આવા તો હજારો શબ્દ હશે કે તમે કદાપી સાંભળ્યા કે બોલ્યા નહિ હો……..કદાચ ભગવદ ગોમંડળ કે પન્નાલાલ પટેલ ની નવલકથાઓ વાંચવા ની ચાલુ કરવી પડશે એવું લાગે છે…….ખેર..! જે હોય તે- પણ આ સંસ્મરણ અદ્ભુત છે……..રસપ્રદ છે…..

    સાથે રહેજો

    રાજ

     


    Leave a comment

    ૯૨૯ સંતો- ૧ સિદ્ધાંત

             आलोक्य सर्वशास्त्राणि विचार्य च पुनः पुनः;
    इदमेकम सुनिषपन्न ध्येयो नारायणो हरि:
    —————————-
    (અર્થાત-વેદ-વેદાંતાદિ સકળ શાસ્ત્રોનું મંથન કરીને વારંવાર વિચાર કર્યા બાદ એક વસ્તુનું જ સારી રીતે નિષ્પન્ન – તારણ કરી શક્યો છું, તે એ છે કે શ્રીહરિ એવા નારાયણ ભગવાન ધ્યાન-ભક્તિ કરવા યોગ્ય છે. – ભગવાન વેદવ્યાસ (લિંગપુરાણ : ૭/૧૧/૨) )

    એ શ્લોકમાં વ્યાસજીએ સર્વ શાસ્ત્રનો સિદ્ધાંત કહ્યો છે જે, ‘ભગવાનનો આશરો કરવો,’ તેમ જ અમે તપાસ કર્યો જે-સર્વનો સિદ્ધાંત સાધુનો સંગ જ છે……….”
    ————————-
    મૂળ અક્ષર મૂર્તિ ગુણાતીતાનંદ સ્વામી ની અક્ષર વાતો- ૧/૩૫ 

    કહેવાય છે કે- શ્રીજી મહારાજના સમય માં લગભગ ૩૦૦૦ થી વધુ સાધુ હતા કે જે શ્રીજી મહારાજે આપેલા દ્રઢ નિયમ ધર્મ અને અતિ કઠીન પ્રકરણ માં રહી ને સમાજ ને-જીવમાત્ર ને સુસંસ્કૃત બનાવી હરિ માં જોડતા હતા…….ઘણા સાધુઓ -આ સત્સંગ પ્રસાર દરમિયાન વિરોધીઓ નો ભોગ બન્યા ….છતાં “સ્વામિનારાયણ મહામંત્ર” ની આ સર્વોપરી ધૂણ્ય ક્યાય અટકી નહિ……….અને આજે જોઈએ તો ૭૦ થી વધુ દેશો માં- જેમાં અનાર્ય દેશ પણ છે- સ્વામિનારાયણ સત્સંગ ના વાવટા ફરકે છે. સર્વોપરી અક્ષર પુરુષોત્તમ સિદ્ધાંત- એ શ્રીજી નો મૂળ સિદ્ધાંત હતો , અને સ્વયમ- શાસ્ત્રો, વેદો-સંતો કહે છે અને ઇતિહાસ ના સુવર્ણ પૃષ્ઠો કહે છે કે- આ હૃદયગત સિદ્ધાંત ને જાણ્યા-સમજ્યા- સ્વીકાર્યા અને જીવ્યા વગર- કોઈ કાળે-કોટી કલ્પે પણ કલ્યાણ નહિ થાય….! અને આ જ સિદ્ધાંત માટે- શ્રી બોચાસણ વાસી અક્ષર પુરુષોત્તમ સ્વામિનારાયણ સંસ્થા ની સ્થાપના – ગુણાતીત પુરુષો એ કરી…….જે આજે ૧૦૯ વર્ષ પછી- ૯૨૯ સંતો- ૧૨૦૦ થી વધુ મંદિરો-૭૦ થી વધુ દેશો માં સત્સંગ-અને કરોડો હરિભક્તો થી- પાંદડે પાંદડે સ્વામિનારાયણ નું ભજન કરાવી રહી છે……..

    સર્વોપરી શ્રીજી-સર્વોપરી સત્પુરુષ-સર્વોપરી સંતો

    સર્વોપરી શ્રીજી-સર્વોપરી સત્પુરુષ-સર્વોપરી સંતો

    આજે આ વાત એટલા માટે યાદ આવી કે – આજે સારંગપુર મહાતીર્થ સ્થાને – પ્રગટ બ્રહ્મ સ્વરૂપ પ્.પુ.પ્રમુખ સ્વામી મહારાજ દ્વારા -અત્યંત જીર્ણ દેહ અવસ્થા અને આયુ વચ્ચે પણ -૨૮ સાધકો ને પાર્ષદી દીક્ષા આપી……..અને ધીરે ધીરે એ ઇદમ દેખાઈ રહ્યું છે કે- બ્રહ્મ સ્વરૂપ યોગીબાપા નો મહા સંકલ્પ -કે લાખ સાધુ કરવા છે……….એ સત્ય થાશે જ…….! આમેય મોટા પુરુષ ના વચન -એ બ્રહ્મ વાક્ય જ હોય છે…….! છતાં મારી પહેલા ની બે પોસ્ટ્સ…..

    ૧. દીક્ષા અને સફળતા….

    ૨.દીક્ષા ને માર્ગે……………

    ઉપરોક્ત બ્રહ્મ પ્રસંગો પર લખાયેલી આ પોસ્ટ્સ હું વારેઘડીએ વાંચતો રહું છું અને એક સવાલ વારંવાર મારા મન માં ઘુમરાયા કરે છે………

    ” એવું તે શું છે આ સત્સંગ માં..કે હરિ કાજે નવલોહિયા પોતાના સર્વ સુખો ને ત્યાગ કરી વૈરાગ્ય-ત્યાગ નો કઠીનતમ માર્ગ પકડે છે?”

    સામાન્ય લોકો કહેશે કે- આ તો જુવાનીયા ઓ ની આવડત ને ખાડા માં નાખવા ની વાત છે……આટલું બધું ભણ્યા પછી સમાજ ની-દેશ ની સેવા ને બદલે- ત્યાગાશ્રમ સ્વીકારી ને જ્ઞાન-ભણતર-આવડત ને કચરા માં નાખવા ની શું કામ? પણ આ પ્રશ્ન નો જવાબ હું આપી શકું છું…છતાં- જો સુસ્પષ્ટ જવાબ જોઈતો હોય તો -મારી નમ્ર વિનંતી અને આમંત્રણ છે………સારંગપુર પધારો- અને સ્વયમ એ યુવાનો ને જ પૂછો કે ભાઈ…….એક ના એક દીકરા છો…મહિને લાખો કમાઈ શકો છો……અમેરિકન સીટીઝન શીપ છે……..સોના ની ચમચી મો માં લઇ જન્મ્યા છો…….તો આ ભગવા શા માટે? આ તમારા ભણતર નું અપમાન નથી?

    તો- પધારો શા……..સારંગપુર મહાતીર્થ તમારી વાટ જોઈ રહ્યું છે……અને સમગ્ર બ્રહ્માંડ સ્વામિનારાયણ…..અક્ષર પુરુષોત્તમ સિદ્ધાંત ના રંગે રંગાવા જઈ રહ્યું છે…….એમાં તમે ક્યાં છો? એ અનુભવો….કદાચ તર્ક શાસ્ત્ર ના રંગીન ચશ્માં માં આ બ્રહ્મ સત્ય તમને નહિ દેખાય કે નહિ સમજાય……! પણ એ સિવાય કોઈ આરો જ નથી…….આખરે એ જ અંતિમ…બ્રહ્મ સત્ય છે……અને એને સમજવા જન્મારા પડ્યા છે….!

    મને ગર્વ છે……..એક સત્સંગી તરીકે……એક નાના કાર્યકર તરીકે………એક નાના પ્રવર્તક તરીકે……..!

    હું તો આ અદ્ભુત ક્ષણ…જીવન ની તક કદાચ ચુકી ગયો……..પણ શ્રીજી ને અંતર થી પ્રાર્થના કે મારા દીકરા હરિકૃષ્ણ ને યોગીબાપા ના એ અભૂતપૂર્વ સંકલ્પ ની પૂર્તિ માં સેવા મળી શકે………….. ! આગળ હરિ ઈચ્છા…….!

    જય સ્વામિનારાયણ

    રાજ


    Leave a comment

    આજકાલ-૧૨/૦૩/૨૦૧૪

    ……ભાઈ ..કેમનું છે આજકાલ? આ સવાલ સર્વત્ર છે…અને જવાબ…..બસ એ જ……! ઉત્સાહી-આશાવાદીઓ કહેશે….ઠીક છે……મજા છે…..જલસા છે……તો શોકગ્રસ્ત લોકો કહેશે- ધૂળ જેવું છે…..કઈ નથી…..બધું ખાડે ગયું છે…….! .ભિન્ન ભિન્ન લોકો અને ભિન્ન ભિન્ન વિચાર………મનુષ્ય વિચાર ને બનાવે છે કે વિચાર -મનુષ્ય ને?

    તો શું ચાલે છે આજકાલ?

    • જીવન -ભાગમભાગી-સંસાર-કંપની ઓ વચ્ચે પિંગ-પોંગ થયા કરે છે……પણ એક ચીજ સ્થિર છે…….સત્સંગ…! ગમે ત્યાં હોઈએ…..મીટીંગ હોય કે જલસા……પણ મોબાઈલ અને લેપટોપ ના માધ્યમ થી -હરિદયા એ સત્સંગ આઠો જામ રહે છે…….! જરૂર મારા પૂર્વ જન્મ ના પુણ્ય કદાચ કામ લાગી રહ્યા છે………! અને આ ચાલુ રહેશે….અવિરત- એ મારા આ જન્મો ના કર્મ કહે છે…..
    • મારો વ્હાલો દીકરો હરિકૃષ્ણ -હવે પા પા પગલી માંડી રહ્યો છે…….અને હું એ ક્ષણો ને ગુમાવી રહ્યો છું……….હું- એને અઠવાડિયે મળું ત્યારે એ મને જોઈને જેટલો ખુશ થાય છે……..એ હું કદાચ વ્યક્ત નથી કરી શકતો……..મને એવો તે ચોંટી જાય છે કે- જાણે કે રીના ની પાસે પણ નથી જતો……….! હું એનો ગુનેગાર છું..એ એક દ્રષ્ટિ એ સત્ય છે……તો આ આજકાલ ના જીવન ની વાસ્તવિકતા પણ છે……જે સ્વીકારવી જ રહી…! આમ છતાં- હવે લાગી રહ્યું છે કે- હરિ ની એ ખુશી માટે- જીવન ને એની જરૂરીયાત પ્રમાણે ઢાળવા માં આવશે……કડક-કડવા-તીખા-નિર્ણયો લેવા માં આવશે……..આખરે- હું એક પિતા તરીકે નિષ્ફળ જવા નથી માંગતો……..બાકી આગળ હરિ-ઈચ્છા….!
    • હોળી આવી રહી છે……અને મારા દીકરા ની પહેલી હોળી- આથી મહા ઉત્સવ છે……..આંબા ના મહોર નો રસ- હરિ ને એની ફોઈ ઓ પીવડાવશે…….અને સમગ્ર પરિવાર – એકઠો થાશે- આથી આ વખત ને હોળી- વધારે રંગીન….મજેદાર અને ધમાકેદાર હશે…! રીના ને રંગ ગમતા નથી અને હું સંપૂર્ણપણે રંગ બેરંગી……….જોઈએ- શું થાય છે????
    • સારંગપુર- મહા તીર્થ સ્થાને પણ પ્.પુ.પ્રમુખ સ્વામી મહારાજ ની હાજરી માં પુષ્પદોલોત્સવ થવાનો છે……અમુલ્ય પ્રસંગ છે…….પણ મને ભીડભાડ ગમતી નથી……અને સ્વામીશ્રી નું સ્વાસ્થ્ય પણ એવું છે…….આથી બસ માનસી- દ્વારા જ એ મહા ઉત્સવ નો લાભ લેવામાં આવશે………
    • અરવિંદભાઈ કેજરીવાલા ( કેજરીવાલા…એક ગુજરાતી પોલીસ ઓફિસરે ટીવી માં કહ્યું હતું…. :-) ) હવે હદ કરી રહ્યા છે……ભાઈ જાણે છે કે- રાત ઓછી છે..ટૂંકી છે અને વેશ ઝાઝા છે……આથી એટલા બધા નાટક કરી રહ્યા છે….શું કહેવું? ગુજરાત માં આવી ને – એમણે તો ભાંગરો જ વાટ્યો છે……….! ભાઈ- અમારી જન્મ ભૂમિ-કર્મ ભૂમિ ગુજરાત છે અને લ્યો…….અમને જ ખબર નથી કે- અમારો વિકાસ થયો જ નથી…! અમારા માં બુદ્ધિ નથી……અમને સારું-નરસું શું ખબર જ નથી???? ભાઈ- અરવિંદભાઈ- તમે ગુજરાત- ગુજરાતીઓ- એમના મિજાજ- બુદ્ધિમત્તા ને જાણતા નથી……..ભાઈ- આરામ કરો……! ગામ માં ફરવા નીકળો અને એ પણ પહેલે થી જ પ્લાન મુજબ- ખાડા ટેકરા-ઉકરડા શોધવા તો પછી એ જ મળે ને…! અરવિંદભાઈ-   કદાચ તમારા માં બુદ્ધિ છે કે નહિ ખબર નથી….પણ એક વાત તો ચોક્કસ છે કે- તમે દેશ ને નુકશાન કરી રહ્યા છો……..લોકો ને આડા પાટે ચડાવી- વોટ તોડશો તો ફરી થી દિલ્હી ની જેમ- લટકતી પાર્લામેન્ટ આવશે………કોઈ રાજ કે સરકાર નહિ ચાલે……..દેશ હિત ના – પ્રજા હિત ના નિર્ણયો નહિ લેવાય અને -પ્રજા બરબાદ થઇ જશે….અને ફરીથી ચૂંટણી માથે ઠોકાશે….! એનો ખર્ચ- સમય-લોહી ઉકાળા કોણ ભરપાઈ કરશે? તમે? ભાઈ- તમારું અસ્તિત્વ ધરણા પર જ છે……રાજ કરવું તમારું કામ નહિ……એક સ્થિર સરકાર આપી- પ્રજા નું કલ્યાણ કરવું તમારી હેસિયત ની બહાર છે……..એ બધા જાણે છે…..! એક ટુચકા ચિત્ર તમારા માટે…..

    11671

    તો- બસ- આજકાલ આ જ જીવન છે………થોડીક બુદ્ધિ…..થોડુંક જ્ઞાન…થોડોક સંસાર…….અને ઘણોબધો સત્સંગ…..! અદ્ભુત છે………થેન્ક્સ શ્રીજી…….! અઢળક સુખ માટે……..

    રાજી રહેશો…..રાજી રાખશો………

    રાજ

    Follow

    Get every new post delivered to your Inbox.

    Join 455 other followers