Raj Mistry's world

Me,my stories and world around….


Leave a comment

સેલ્વાસ પ્રવાસ ……..

આમ તો એવું છે કે- અમે ગયા અઠવાડિયે કંપની ના કામધંધા અર્થે સેલવાસ ની મુલાકાતે હતા……થેન્ક્સ ટુ કંપની……! માર્કેટિંગ ની જોબ ની મજા કહો કે સજા- એ આ જ છે…….મજા માં નવ નવા સ્થળ જોવા મળે તો સજા માં….ઘર પરીવાર થી….પ્રમુખ સ્વામી મહારાજ જન્મ જયંતી મહોત્સવ જેવા ઉત્સવો થી દુર રહેવું પડે વગેરે વગેરે…..!  તો ટૂંક માં અમે- પ્રમાણ માં શાંત એવા સ્થળ- સેલવાસ માં હતા…

સેલવાસ કહો કે -સિલવાસા ( જે વાસ્તવ માં પોર્ટુગીઝ શબ્દ છે) તે ભારત ના કેન્દ્ર શાસિત પ્રદેશ દાદરા અને નગરહવેલી નું પાટનગર છે. ઈતિહાસ કહે છે કે લગભગ ૨૦૦ વર્ષ સુધી પોર્ટુગીઝો ના હાથમાં રહ્યા બાદ- સેલવાસ,દાદરા અને નગર હવેલી -૧૯૫૪ માં પોર્ટુગીઝ થી મુક્ત થયા અને વિધિસર ૧૯૬૧ માં- ભારત ના કેન્દ્ર શાસિત પ્રદેશ તરીકે સ્થાન પામ્યા…..હવે અમદાવાદ થી ત્યાં પહોંચવાનું કઈ રીતે??? તો- અમદાવાદ થી લગભગ ૩૭૦-૪૦૦ કિલોમીટર દુર છે…..ટ્રેન થી પણ જઈ શકાય અને બસ દ્વારા પણ….ટ્રેન થી જાઓ તો- વાપી ઉતરવાનું..અને ત્યાંથી શટલિયા ( એટલે કે “ભાગે”લી ..અર્થાત ભાગમાં ભાડે થતી રીક્ષા….) ૨૦-૩૦ રૂપિયામાં લઇ જાય….દાદરા- વચ્ચે આવે..અને અંતે સેલવાસ આવે….! મોટે ભાગે ગુજરાતીઓ અને મરાઠીઓ જોવા મળે……બજાર સમાંતર-ઉભું છે…..અને જમવાનું લગભગ સારું મળી રહે- એવી રેસ્ટોરન્ટસ અને હોટલ્સ-રિસોર્ટસ છે….મુંબઈ વાળા ને સેલ્વાસ નજીક પડે- હાઈવે થી લગભગ ૧૬૦-૮૦ કિમી થાય……

સૌથી મોટી વાત- ત્યાં દમણગંગા નદી છે અને બધા રિસોર્ટ એની આજુબાજુ જ ફેલાયેલા છે……અને અમારું અદ્ભુત સ્વામિનારાયણ મંદિર પણ ત્યાં જ છે….એ સેલવાસ-ભીલાડ રોડ પર આવે…! તો બે દિવસ માં સેલવાસ નો લાભ લેવામાં આવ્યો…..ખાસ તો સ્વામિનારાયણ મંદિર નો અદ્ભુત લ્હાવો લેવામા આવ્યો…અદ્ભુત કોતરણી……લાઈટીંગ અને ઠાકોરજી ની અતિ સુંદર મૂર્તિ……! પછી પૂછવાનું જ શું??? બાજુમાં જ દમણ ગંગા નદી ના ખડકો …એકદમ લીલોછમ બગીચો……એમાં અનેરા રંગ પૂરે- એટલે મન-હૃદય આપોઆપ જ શ્રીજી માં જોડાઈ જાય..! જો કે કામ હજુ ચાલે છે…પણ એ ફીનીશીંગ વર્ક જેવું છે. પ્રેમવતી કેન્ટીન હજુ બની નથી…..આથી મંદિર ના રસોડે જ જમી શકાય…કાંતો પછી આજુબાજુ ઘણી ગુજરાતી, દક્ષીણ ભારતીય,પંજાબી રેસ્ટોરન્ટસ છે…..તેમાં લાભ લઇ શકાય..!  આ સિવાય દુધની ધોધ , બાણગંગા સરોવર, સેલવાસ મ્યુઝીયમ વગેરે સ્થળો પણ જોવાલાયક છે…..અમારી પાસે સમય ન હતો આથી જોઈએ બીજી વાર અવાય તો ચોક્કસ આવશું. સ્વામિનારાયણ સત્સંગીઓ માટે- ભરૂચ,તીથલ, સેલવાસ ,સાંકરી- વગેરે સ્થળો ના અદ્ભુત દર્શન-યાત્રા નો પ્લાન થઇ શકે…….અને એમાયે તીથલ અને સાંકરી- આ બે જગ્યા એ તો જરૂર રાતવાસો કરવો…અથવા બે-ત્રણ દિવસ રોકાણ નો પ્લાન કરી ને જવું….

10268448_332492413605604_4697076384415555399_n 10731152_332492483605597_8478709241666982944_n

હું શતાબ્દીમાં ગયો અને કર્ણાવતી માં પાછો આવ્યો…..આથી સેલ્વાસ જરાક વધારે દુર લાગ્યું……શનિ-રવિ નો મારો સુવર્ણ સમય ( કારણ કે મારા દીકરાને મળવાનો સમય છે..) બગડ્યો……..એવું લાગ્યું……મારા દીકરાને ન મળી શક્યો…હવે ક્યારે મળવા જઈશ ?? એ ખબર નથી….બસ- આપણે તો શ્રીજી ની મરજી મુજબ ચાલવું…….એની મરજી હશે એમ જ થશે……..અને એ જ મને મંજુર હશે……બાકી રહ્યા કર્મ કરવાનું….એમાં તો આપણે કોઈ રીતે થાક્શું નહિ……બસ- દેહ એનું કામ કરશે…જીવ એનું…કારણ કે દેહ માટે- આતો ઘડી-બેઘડી નું સુખ છે અને જીવ માટે તો અખંડ..અનંત સુખ ની વાત છે…..!

બસ- ચાલતા રહેવું……અને જીવન ના રંગ સમેટતા રહેવું…….એમાં જ મજા છે…….આપણે અહિયાં ક્યાં કશું વસાવવા આવ્યા છીએ??? માત્ર -ઘડી બે ઘડી નો સફર છે..અને બસ ચાલતા જ રહેવાનું છે….શ્રીજી સુધી..!

પણ તમે સાથે રહેજો…..

રાજ


1 Comment

BAPS રવિસભા- ૧૬/૧૧/૨૦૧૪

“….પછી શ્રીજીમહારાજ બોલ્યા જે, “કીર્તન રહેવા દ્યો ને સર્વે સૂરત દઈને સાંભળો, એક વાર્તા કરીએ છીએ જે, જેટલા કલ્યાણને અર્થે વ્યાસજીએ ગ્રંથ કર્યા છે તે સર્વે સૂરત રાખીને અમે સાંભળ્યા……. તે સર્વે શાસ્ત્રમાં એ જ સિદ્ધાંત છે અને જીવના કલ્યાણને અર્થે પણ એટલી જ વાત છે જે, આ સર્વ જગત છે તેના કર્તાહર્તા એક ભગવાન છે. અને એ સર્વે શાસ્ત્રને વિષે ભગવાનનાં ચરિત્ર છે કાં ભગવાનના સંતનાં ચરિત્ર છે. અને વર્ણાશ્રમના ધર્મની જે વાર્તા છે અને તેનું ફળ જે ધર્મ, અર્થ અને કામ છે; તેણે કરીને કાંઈ કલ્યાણ થતું નથી અને કેવળ વર્ણાશ્રમના ધર્મ વતે તો સંસારમાં કીર્તિ થાય ને દેહે કરીને સુખિયો રહે એટલું જ ફળ છે. અને કલ્યાણને અર્થે તો ભગવાનને સર્વકર્તાહર્તા જાણવા એ જ છે…………. અને જેવું પરોક્ષ ભગવાનના રામ-કૃષ્ણાદિક અવતારનું માહાત્મ્ય જાણે છે તથા નારદ, સનકાદિક, શુકજી, જડભરત, હનુમાન, ઉદ્ધવ ઇત્યાદિક જે પરોક્ષ સાધુ તેનું જેવું માહાત્મ્ય જાણે છે તેવું જ પ્રત્યક્ષ એવા જે ભગવાન તથા તે ભગવાનના ભક્ત સાધુ તેનું માહાત્મ્ય સમજે તેને કલ્યાણના માર્ગમાં કાંઈયે સમજવું બાકી રહ્યું નહીં…………. તે આ વાર્તા એક વાર કહ્યે સમજો અથવા લાખ વાર કહ્યે સમજો, આજ સમજો અથવા લાખ વર્ષ કેડે સમજો પણ એ વાત સમજ્યે જ છૂટકો છે.. અને નારદ, સનકાદિક, શુકજી, બ્રહ્મા, શિવ એમને પૂછો તો પણ ડાહ્યા છે તે અનેક વાતની યુક્તિ લાવીને પ્રત્યક્ષ ભગવાન ને પ્રત્યક્ષ સંત તેને જ કલ્યાણના દાતા બતાવે, અને જેવું પરોક્ષ ભગવાન ને પરોક્ષ સંતનું માહાત્મ્ય છે તેવું જ પ્રત્યક્ષ ભગવાન ને પ્રત્યક્ષ સંતનું માહાત્મ્ય બતાવે. અને એટલો જેને દ્રઢ નિશ્ચય થયો હોય તેને સર્વે મુદ્દો હાથ આવ્યો અને કોઈ કાળે તે કલ્યાણના માર્ગ થકી પડે નહીં…...”

——————————————-

ભગવાન શ્રી સ્વામિનારાયણ-વચનામૃત-ગઢડા મધ્ય ૨૧

ઉપરોક્ત વચનામૃત-એ મુદ્દા નું વચનામૃત કહેવાય છે…..મુદ્દા નું એટલા માટે કે- જો આ વચનામૃત ન સમજાય તો કલ્યાણ કોઈ કાળે ન થાય….! અને આ વચનામૃત ને આધારે જ બ્રહ્મ સ્વરૂપ શાસ્ત્રીજી મહારાજે -વડતાલ મંદિર બોર્ડ ના ટ્રસ્ટી અને સાક્ષર દોલતરામ કૃપાશંકર પંડ્યા ને- વડતાલ છોડવા નું કારણ સમજાવેલું…..અને દોલતરામ- એટલા પ્રભાવિત થયા કે- બોલી ઉઠ્યા” કે જે કામ કરવા શ્રીજી મહારાજે પોતે પૃથ્વી પર ફરીથી પધારવું પડે..એ કામ તમે કર્યું છે…..અને આ માટે તમારા શિષ્યો તમારી સોનાની મૂર્તિ મંદિરો માં પધરાવશે..” અદ્ભુત..અદ્ભુત….! જો જીવ ને શ્રીજી નો અને સત્પુરુષ નો મહિમા ઓળખાય તો જીવ ને અક્ષરધામ પ્રગટ પ્રમાણ મળે….સહજ મળે..!

તો આજની સભા આ મુદ્દા ની વાત પર હતી. હમેંશ ની જેમ હું સમયસર  સભા માં પહોંચી ગયો….અને મનભરી ને શ્રીજી ના દર્શન કર્યા…..શ્રીજી ની એ મનમોહક મૂર્તિ જુઓ તો સમજાય કે -જીવમાત્ર એમાં શા માટે ખેંચાય છે…….

10801735_330312923823553_8875999090899478015_nસભાની શરૂઆત મિત્ર નીરજ વૈદ્ય ના સુરીલા સ્વરે ગવાતા સ્વામિનારાયણ મહામંત્ર ની ધુન્ય થી થઇ….અને ત્યારબાદ તો જાણે કે કીર્તનો ની રમઝટ શરુ થઇ ..બ્રહ્માનંદ સ્વામી રચિત કીર્તનો…..

  • કેસર નું તિલક સોહામણું રે ગિરધારી……
  • તારો ચટક રંગીલો છેડલો અલબેલા …..( આ ગીત વિષે માહિતી આપતાં એક હરિભક્તે મને કહ્યું કે- આની પાછળ એક પ્રસંગ છે કે જેમાં શ્રીજી મહારાજ સંતો ને વચનામૃત કહી રહ્યા હતા અને બ્રહ્માનંદ સ્વામી ઝોકે ચડ્યા હતા આથી શ્રીજી એ ફૂલ નો દડો ફેંકી ને સ્વામી ને પૂછ્યું કે કેમ સુતા હતા…?? તો જવાબ માં બ્રહ્માનંદ સ્વામી એ ચાતુર્ય વાપરી- શીઘ્રતા થી આ પદ રચી ને શ્રીજી ને સંભળાવ્યું અને રાજી કર્યા..)

અદ્ભુત હતા…..સમગ્ર સભા બસ એમાં વહેતી જ જઈ……!

ત્યારબાદ- પુ.અક્ષરવત્સલ સ્વામી જેવા વિદ્વાન અને સારા વક્તા સંત દ્વારા – ગઢડા મધ્ય ૨૧ – વચનામૃત આધારિત સુંદર પ્રવચન થયું….જોઈએ અમુક અંશ….

  • સત્સંગ માં સમજણ નો અભાવ એટલે જ મોટી ખામી…..શ્રીજી અને સત્પુરુષ નો મહિમા ન સમજાય તો કલ્યાણ માં ખામી રહી જાય…આપણો એક જ ધ્યેય – શ્રીજી ને પામવા છે…..એ યાદ રાખવા નું..
  • જ્યાં સુધી દેહાભિમાન છે ત્યાં સુધી દુખ છે….માટે હમેંશા આત્મ વિચાર કરવો….અને એક ભગવાન ને જ સર્વ ના કર્તાહર્તા જાણવા…જો એ નહિ સમજાય તો કલ્યાણ અધૂરું રહેશે…
  • વચનામૃત ના- કારીયાણી-૧૦ , વરતાલ-૨ ના વચનામૃત- શ્રીજી ને જ કર્તાહર્તા સમજવાનું કહે છે….અને એમ સમજ્યા વિના કલ્યાણ ન થાય…
  • આપણો- સત્સંગ માં આવવા નો હેતુ શું??? લૌકિક સુખો??? અહિયાં આવવું હોય તો એક મોક્ષ ને જ મુખ્ય માનવું….બાકી લૌકિક સુખો તો એમ ને એમ જ મળશે…..સાચા હરિભક્ત ને તો જો દુખ આવે તો એમ સમજે કે- શ્રીજી કસણી કરે છે…..અને પડદા પાછળ ઉભા રહી ને ભક્ત ની ધીરજ જુએ છે….પણ સાથ છોડતા નથી..એ ભગવાન અને એમના ધારક સંત  સદાયે આપણી સાથે જ રહે છે…. બસ આપણે વિશ્વાસ રાખવો પડે…
  • પ્રગટ બ્રહ્મ સ્વરૂપ પ્રમુખ સ્વામી મહારાજ નું જીવન જુઓ…..તો સમજાય કે ભગવાન જ એક કર્તાહર્તા છે- એવી નિષ્ઠા કેટલી દ્રઢ છે..! જીવન નું કઈ પણ કાર્ય હોય…મંદિર નો લાગતો કોઈ પણ વિષય હોય…એક ભગવાન જ બધું કરે છે- એ જ નિર્માની ભાવ….આપણી સંસ્થા માં- વિશેષતા એ છે કે- અહી પોતાના કાર્ય નો કોઈ ક્રેડીટ લેતું જ નથી……બધું જ એક ભગવાન અને ગુણાતીત ગુરુઓ ના સંકલ્પ બળે થાય છે- એ જ દ્રઢ માન્યતા..!
  • આમેય સત્સંગ માં પ્રથમ શરત કે પગથીયું…..માન મુકવું પડે….! અહિયાં માન  ને- અને શ્રીજી ને સહેજે ન બને…..જે અહિયાં દાસાનુદાસ વર્તે એ જ મોટો..! દિલ્હી ના અક્ષરધામ નો નવો વોટરશો – ઉપનિષદ ( કેનોપનિષદ) ના -આ વિષય પર જ આધારિત છે. માન છોડવું- મોટાભાગ ના લોકો ને મુશ્કેલ લાગે છે- પણ એ છોડ્યા વગર- સત્પુરુષ અને શ્રીજી નો રાજીપો મળતો નથી….
  • માટે- સત્પુરુષ અને શ્રીજી- સાચા ભક્ત ની સાથે સદાયે રહે છે…….એનો કેફ સદાયે રાખવો…..અને એ પ્રમાણે વર્તવું….
  • જયારે ભગવાન ધણી તરીકે ન હોય ત્યારે સામાન્ય મનુષ્ય ને – પોતાને પડતી તકલીફો ( stabbing- ઘા) જેવી લાગે છે પણ સાચા હરિભક્ત ને – ભગવાન ને કર્તાહર્તા મનાય તો સમજાય કે- જે તકલીફો પડે છે- એ stabbing નથી પણ surgery છે…કે જેના થી શ્રીજી વિષયો-માન વગેરે દોષો ને દુર કરી જીવ ને શુદ્ધ કરે છે….

અદ્ભુત અદ્ભુત…….પુ.અક્ષરવત્સલ સ્વામી એ – અનેક સત્ય પ્રસંગો ને આધારે – એટલું અદ્ભુત નિરૂપણ કર્યું કે- જાણે કે- સમગ્ર વચનામૃત- આ સત્સંગ નો સાર- સહજ જ સમજાઈ ગયો……!

ત્યારબાદ- સભાને અંતે- આવતા રવિવારે આવી રહેલા- પ્રતિક -પ્રમુખ સ્વામી મહારાજ જન્મ જયંતી મહોત્સવ સભા વિષે જાહેરાતો થઇ…..ગયા રવિવાર ની પોસ્ટ માં લખ્યું છે તેમ…

  • યોગીજી મહારાજ હોસ્પિટલ વાળા કમ્પાઉન્ડમાં  આની ભવ્ય ઉજવણી હશે- સમય- સાંજે ૪- ૮
  • પાર્કિંગ- જહાંગીર મિલ વાળી જગ્યા
  • પુ.મહંત સ્વામી અને પુ.ઈશ્વર ચરણ સ્વામી એમાં દર્શન નો લાભ આપવાના છે……
  • મહા પ્રસાદ ની વ્યવસ્થા કરેલી છે……

આ સિવાય- ૨૩/૧૧ થી ૨૯/૧૧ સુધી પ્રમુખ સ્વામી મહારાજ જન્મ જયંતી પર્વ -ઘરેઘર ભવ્યતા થી ઉજવવા નું છે……રોજ -પરિવાર ના સભ્યો એ સાથે મળી- પ્રમુખ ચરિતમ નું પઠન કરવું( અર્થાત- પ્રમુખ સ્વામી મહારાજ ના જીવન પ્રસંગો નું પઠન) , ઘર ને સુશોભિત કરવું….દિવાળી જેવી શોભા કરવી…..અને એ સિવાય- દરેક દિવસે- અમદાવાદ ના અલગ અલગ વિસ્તાર ( માહિતી માટે સંપર્ક કાર્યકરો ને મળવું) ને આંબલી વાળી પોળ ની પદયાત્રા નો લાભ લેવાનું આયોજન કરેલું છે…અને છેલ્લે ૨૯/૧૧ ના રોજ- સારંગપુર ખાતે અતિ ભવ્ય પ્રોગ્રામ માં પ્રમુખ સ્વામી મહારાજ પ્રાગટ્યોત્સવ ને ઉજવવા માં આવશે….અવશ્ય લાભ લેવો….

સભાને અંતે- પુ.ઈશ્વર ચરણ સ્વામી એ – ગઢડા મધ્ય ૨૧ માં વચનામૃત ને આધારે- યોગીજી મહારાજ અને પ્રમુખ સ્વામી મહારાજ ના – સર્વ કર્તાહર્તા ની દ્રઢ નિષ્ઠા અને અત્યંત નિર્માની પણા ને દર્શાવતા પ્રસંગો નું નિરૂપણ કર્યું…..

તો- આજની સભા – શ્રીજી ને સર્વ કર્તાહર્તા સમજવાની…….એક સત્પુરુષ ના મહિમા ને જાણવા ની હતી..! જીવ ને આટલું સમજાય તો -કલ્યાણ અવશ્ય થાય……! બસ- શ્રીજી સ્વામી અને ગુરુહરિ ને એ જ પ્રાર્થના કરીએ કે- આવા અનિવાર્ય ગુણ આપણા જીવ માં આવે….

જય સ્વામિનારાયણ

રાજ


Leave a comment

BAPS રવિસભા -૦૯/૧૧/૨૦૧૪

“..પછી શ્રીજીમહારાજ બોલ્યા જે, “સંસારી જીવ છે તેને તો કોઈક ધન દેનારો મળે કે દીકરો દેનારો મળે તો ત્યાં તરત પ્રતીતિ આવે, અને ભગવાનના ભક્ત હોય તેને તો જંત્ર-મંત્ર, નાટક-ચેટકમાં ક્યાંય પ્રતીતિ આવે જ નહીં. અને જે હરિભક્ત હોય ને જંત્ર-મંત્રમાં પ્રતીતિ કરે તે સત્સંગી હોય તો પણ અર્ધો વિમુખ જાણવો….”

————————

ઇતિ વચનામૃતમ- ગઢડા મધ્ય-૩૮ 

સત્સંગ નું બીજું નામ છે- દ્રઢ નિષ્ઠા……જો નિષ્ઠા અધુરી હોય તો સમજવું કે સત્સંગ અડધો છે…..એકવાર શ્રીજી ને આ તન-મન-જીવ-હૃદય સોંપ્યા  અને સત્પુરુષ ને મન-કર્મ વચને સેવ્યા એટલે- બસ આ સર્વસ્વ એમનું જ થઇ ગયું….એ જ આપણા કર્તાહર્તા…અને એમની મરજી જ આપણું જીવન..એવી ભાવના દ્રઢ થવી જોઈએ….તો જ એને પતિવ્રતા ભક્તિ કહેવાય…..બ્રહ્મ રૂપ થઇ ભક્તિ કરવી -એમ કહેવાય…! તો આજ ની સભા એ પર જ હતી….અને એટલા માટે જ આ સત્સંગ સર્વોપરી છે.

સભામાં સમયસર પહોંચી ગયો અને હમેંશ ની જેમ મારા વ્હાલા ના મનભરી ને દર્શન કરવા માં આવ્યા……ચાલો જોડાઈએ….

10421543_327645484090297_4894410729456664406_n

ત્યારબાદ સભામાં ગોઠવાયા એ સમયે- પુ.પ્રેમવદન સ્વામી જેવા વિધવાન ગાયક સંત ના મુખે- સ્વામિનારાયણ મહામંત્ર ની ધુન્ય..”સ્વામિનારાયણ નામ..ભજમન સ્વામિનારાયણ…” ચાલુ હતી……હૃદય સ્થિર થઇ ગયું…..અને એક શ્રીજી ની મૂર્તિ મનોચક્ષુ સમક્ષ તરવરી ઉઠી…! ત્યારબાદ એમના મુખે જ એક કીર્તન રજુ થયું..”વ્હાલા અક્ષરધામ ના વાસી ,મારે હૈયે કરજો નિવાસ….” એ પણ અદ્ભુત હતું. ત્યારબાદ એક હરિભક્ત ના મુખે બે કીર્તન રજુ થયું…..અસલ પડછંદ ચારણી અવાજ…..અને શબ્દો હતા….”આવો હરીવરીયા મંદિરીયે મારે…” ( રચયિતા-બ્રહ્માનંદ સ્વામી)  અને ” સહજાનંદ સ્વામી અંતર્યામી, મૂર્તિ મનોહર મારા શ્યામ ની રે..” ( રચયિતા -નિષ્કુળાનંદ સ્વામી)  અને સમગ્ર સભા તાળી ઓ ના તાલ સાથે એમાં જોડાઈ ગઈ……

ત્યારબાદ પુ.શ્રીજીચરણ સ્વામી દ્વારા – બ્રહ્મ સ્વરૂપ શાસ્ત્રીજી મહારાજ ના સાથી સંતો વિષે માહિતી મળી….બે સંતો વિષે માહિતી મળી…જે મુજબ…

  • પુ.મહાપુરુષ દાસ- શાસ્ત્રીજી મહારાજ થી ૨૩ વર્ષ મોટા , લખતર ના બેચર ભગત -એકદમ વ્યવહાર કુશળ સંત હતા અને શાસ્ત્રીજી મહારાજ નો મહિમા સ્પષ્ટ પણે જાણતા હતા…અંત સમય ચાણસદ માં રહ્યા….
  • પુ.અક્ષર સ્વરૂપ સ્વામી- મોટા અક્ષર સ્વામી તરીકે ઓળખાતા…મૂળ-સારસા ના-ધોરીભાઇ તરીકે ઓળખાતા. પોતાના પડછંદ દેહ અને અત્યંત શક્તિશાળી હોવાને લીધે- બોચાસણ મંદિર માં-અતુલનીય સેવાયજ્ઞ કર્યો…..અને બ્રહ્મ સ્વરૂપ શાસ્ત્રીજી મહારાજ ના રાજીપા ને લીધે-આખું વચનામૃત -કંઠસ્થ હતું…..અંત સમયે આંખો ની જ્યોતિ ગુમાવી છતાં જ્ઞાન ની પુંજ ઝળહળતી રાખી અને બોચાસણ ખાતે જ ધામ માં ગયા…..

અદ્ભુત માહિતી…….જે અત્યંત કપરો સમય હતો એ સમયે- આ મહાપુરુષો એ- ગુણાતીત ગુરુઓ અને એક શ્રીજી-સ્વામી ને રાજી કરવા જે દાખડા કર્યા એ સદાયે અવિસ્મરણીય રહેશે…..શત શત વંદન એમના ચરણો માં…!

ત્યારબાદ વિદ્વાન સંત પુ. શ્રીહરિ સ્વામી દ્વારા -પતિવ્રતા ભક્તિ પર આધારિત – ગઢડા મધ્ય -૩૮ ના વચનામૃત પર અત્યંત રસપ્રદ નિરૂપણ કર્યું……જોઈએ એના અમુક અંશ…

  • ઉપરોક્ત પ્રમાણે- જેની નિષ્ઠા પૂર્ણ અને દ્રઢ-એનો સત્સંગ પૂર્ણ અને દ્રઢ……નહીતર- મહારાજ કહે છે એમ અડધો વિમુખ કહેવાય…..
  • એક ભગવાન અને સત્પુરુષ નો અનન્ય આશરો- એ જ આપણા માટે સર્વોપરી હોવો જોઈએ….
  • આ સત્સંગ માં આવ્યા પછી -ભલે ને દુખ આવે…..તકલીફ આવે-પણ ભગવાન ની મરજી માની સ્વીકારી લેવું……અને બીજે ભલે સુખ દેખાતું હોય- છતાં ત્યાં ન જવું…..
  • આપણા સંપ્રદાય માં- એવા દ્રઢ હરિભક્તો ના અસંખ્ય ઉદાહરણો છે……કે જેમણે સત્સંગ માં આવ્યા પછી અઢળક દુખ આવ્યા હોય છતાં સત્સંગ અને દ્રઢ આશરો નથી છોડ્યો…
  • જીવ ની એષણા ઓ નો કોઈ અંત નથી…….પણ એકવાર સત્સંગ-સત્પુરુષ અને ઇષ્ટદેવ-જે આપણ ને મળ્યા છે- એનો મહિમા સમજાય ત્યારે -આ એષણાઓ પર લગામ લાગે છે…..અને જે મળ્યું છે- એનો જ દ્રઢ આશરો- મનાય છે…..અને એમની જ મરજી સર્વોપરી લાગે છે…..
  • આપણે માથે ધણી હોય પછી ચિંતા શા માટે??? દુખ આવવા નું હશે તો- શ્રીજી શૂળી નો ઘા -સોય થી ટાળતા હશે …કાંતો કસણી કરતા હશે-એમ માનવું…..

અદ્ભુત…..અદ્ભુત……કદાચ આવી નિષ્ઠા હોય તો જ સાચી ભક્તિ કહેવાય..એમાં કોઈ સંશય નથી…!

ત્યારબાદ- દિલ્હી અક્ષરધામ માં ઉદ્ઘાટિત થયેલા નવીન- મ્યુઝીકલ ફુવારા નો વિડીયો જોવા મળ્યો…….કેનોપનિષદ પર આધારિત આ અદ્ભુત વોટર શો- જરૂર જોવામાં આવશે…..તમારું કેમનું છે???

સભાને અંતે જાહેરાતો થઇ……

———————-

  • ૨૩ મી નવેમ્બરે- અમદાવાદ ને આંગણે- શાહીબાગ મંદિર ની સામે- પ્રમુખ વાટિકા માં- પ્રગટ બ્રહ્મ સ્વરૂપ પ.પુ.પ્રમુખ સ્વામી મહારાજ ની પ્રતિક જન્મ જયંતી નો મહોત્સવ છે……ભવ્ય પ્રોગ્રામ થવાનો છે..સમય-૫ થી ૮……અચૂક લાભ લેવો….એ સાથે સાથે ૨૩ મી થી જ “પ્રમુખ સ્વામી જન્મજયંતી પર્વ” ઘરે બેઠા – છેક બાપા ની જન્મ જયંતી-૨૯ મી સુધી કરવાનો છે…..સ્વામીશ્રી ના દિવ્ય પ્રસંગો નું પાન- રોજ સવારે- આ સમયગાળા દરમિયાન- શાહીબાગ મંદિરે પણ થશે….
  • પુ.બ્રહ્મવિહારી સ્વામી એ- દિલ્હી ના નવા વોટર શો વિષે વિશેષ માહિતી આપી……એનો મહિમા કહ્યો…..અને સ્વામીશ્રી ના અદ્ભુત પ્રસંગો પણ કહ્યા……જન્મજયંતી મહોત્સવ ને સફળ બનવવા- હરિભક્તો એ શું કરવાનું છે- તેના વિષે પણ માહિતી આપી…..

તો- આજની સભા- આ સર્વોઅપરી સત્સંગ ને સમજવાની…..સત્પુરુષ અને શ્રીજી ને સમજવાની હતી……અને દ્રઢ નિષ્ઠા કોને કહેવાય??? પતિવ્રતા ભક્તિ કોને કહેવાય?? એ સમજવાની હતી…..એટલું સમજાય- તો પણ આ જીવ અક્ષર રૂપ થઇ જાય…..

જય સ્વામિનારાયણ…..

રાજ


Leave a comment

આજકાલ-૭/૧૧/૨૦૧૪

ગઈકાલે દેવ દિવાળી હતી….અને એ સાથે દિવાળી ની મોસમ પૂરી થઇ…..દરવાજે લગાવેલા ઝબુકીયા( સુધરેલી ભાષા મા લાઈટ ની સીરીઝ)  હવે પુનઃ એક બકસા મા બંધ થવા જઈ રહ્યા છે……વેકેશન પૂરું થવા ની તૈયારી મા છે……ફ્રીઝ મા પડેલી મીઠાઈ હવે કાંતો કોઈના પેટમાં જશે ..કાંતો કોઈક કચરા ના ડબ્બા મા……પણ ફ્રીઝ હળવું થાશે એ પાક્કું…! તો શું ચાલે છે આજકાલ???

  • હમણાં તો દીકરા હરિકૃષ્ણ ની લીલા ઓ ને મન ભરી ને માણી રહ્યા છીએ……..લાગે છે કે એને પગ નથી પાંખો છે……આખા ઘર મા દોડાદોડ….અને એ એટલી બધી વાતો કરે છે કે- અમે ચિંતા મા છીએ કે- જો મુવી નું ટ્રેલર આવું હોય તો મુવી કેવી હશે????? હરિ……હરિ…….! પણ મજ્જા ની લાઈફ છે…….એ હકીકત છે……
  • આજે સવારે રીક્ષા પકડી નેહરુનગર ગયો તો રસ્તા મા રીક્ષાવાળા કાકા એ એમના જીવન ની રામકહાણી કહી……….અને સાંભળી ને લાગ્યું કે- પ.પુ.પ્રમુખ સ્વામી મહારાજ કહે છે તેમ…..સંસાર છે ત્યાં સુધી દુખ તો રહેવા ના જ….! આ લોક જ દુઃખરૂપ છે…….પૈસા સગવડો આપે છે પણ સુખ ની ગેરંટી નથી આપતા……!  તાદ્રશ્ય અનુભવ…..!
  • બીજો પ્રસંગ-  બીજા દુકાનદાર કાકા સાથે – મેં સવારે વેફર્સ નું પેક લીધું તો કાકા બોલ્યા…..કેમ ભાઈ…..ઘરે કોઈ નથી??? મેં કહ્યું..કાકા…ઘરે નાસ્તો બનાવવા નો સમય નથી …….તો કાકા બોલ્યા……ભાઈ- શક્ય હોય ત્યાં સુધી ઘર નું જ ખાવું….બહાર ના આવા પડીકા ખાઈ પેટ ન બગાડવું….!  તદ્દન સાચી વાત…..આજકાલ મિલાવટ એટલી ભરપુર ચાલે છે કે- બહાર નું ન ખાઈ એ તો આયુષ્ય મા બે-પાંચ વર્ષ આરામ થી વધી જાય……! પણ બહાર નું ખાવા મા- જીભ ના ચટકા ઓ……સ્ત્રી વર્ગ ની આળસો……..અને પુરુષ વર્ગ ની મજબુરીઓ જવાબદાર છે…..! હવે તો એવો જમાનો આવ્યો છે કે- ઘર નું બધું કામ બંધાવેલું હોય અને માત્ર રસોઈ જ જાતે કરવા ની હોય…….તે પણ તેમને બોજો લાગે છે….! પછી શું કહેવું?????
  • વોલ્વો બસ પકડી સુરત આવ્યો…….અને એસટી વાળા એ -કોણ જાણે કયો તર્ક લગાડી -બારી ના પડદા હટાવ્યા હશે???  આખી વોલ્વો બસ જાણે કે “ઉઘાડી”…..અને સુરજ નો તેજ તડકો યાત્રી ઓ ને હેરાન કરતો ગયો……..કન્ડક્ટર ને પૂછ્યું તો કહે- ઉપરવાળા નો હુકમ છે આથી બધી વોલ્વો મા થી પડદા કાઢી નાખ્યા છે……..! હવે વિચારો…..યાત્રીઓ- એ પણ નાના-બાળકો હોય તેમની શું હાલત થાય???? વળી- તેજ સુરજ ના તાપ થી એસી પણ ડબલ કરવું પડે….અને ફ્યુઅલ વધારે બળે…..એ આ મુરખો ને સમજાતું નહિ હોય????? અમે બે-ત્રણ મુસાફરો એ તો તરત જ એસટી વાળા ઓ ની સાઈટ પર જઈને કમ્પ્લએઈન પણ પોસ્ટ કરી દીધી….! હવે જોઈએ- કોણ વાંચે છે…ને કોણ જવાબ આપે છે?????

ત્યાં સુધી બસ ચાલતા રહીએ…….અને જીવન ના આ લીલા-પીળા-ફૂલ ગુલાબી રંગો ને માણતા રહીએ……..બીજું શું????

રાજ

  • ..


Leave a comment

BAPS રવિસભા- ૦૨/૧૧/૨૦૧૪

“..જેને અપમાન લાગે છે તેને સત્સંગ થયો જ નથી……જે આત્મકાળે ( આત્મસત્તા રૂપ) વર્તે એનો વજ્ર ના કોટ માં નિવાસ છે…”

—————————

ભગવાન શ્રી સ્વામિનારાયણ -શ્રીહરીચરીત્રા મૃત સાગર

આત્મસત્તા રૂપે વર્તવું એટલે કે- દેહભાવ છોડી- પોતાને એક શુદ્ધ સચ્ચિદાનંદ સ્વરૂપ આત્મા માનવો……અને અક્ષર રૂપ..બ્રહ્મરૂપ વર્તવું….! સ્વયમ શ્રીજી કહે છે કે જે આત્મસત્તા રૂપ વર્તે છે તે વજ્ર સમાન બને છે….લૌકિક દુખો-સુખો એને નડતા જ નથી. નવા વર્ષ ની આ સ્નેહમિલન રવિસભા ના આશીર્વચનો માં પુ.ઈશ્વર ચરણ સ્વામી એ શ્રીજી ના આ વચનો થી હરિભક્તો ને આત્મસત્તા રૂપ વર્તવા નું માર્ગદર્શન આપ્યું….અને શુભ શરૂઆત તેનાથી જ થઇ….

ગયા રવિવારે તો અમદાવાદ ની બહાર હતો આથી આ રવિવાર ની સભા ની ઉત્કંઠા થી પ્રતીક્ષા હતી આથી સમયસર જ મંદિર પહોંચી ગયો…..અને હમેંશ ની જેમ નવા વર્ષમાં- શ્રીજી ના મનભરી ને…હૃદય ના ઊંડાણ થી દર્શન કરવામાં આવ્યા……ચાલો સાથે જોડાઈએ…

10701960_325234657664713_3216912175636113058_n

સભાની શરૂઆત- પુ.સંતો ના મુખે થી સ્વામિનારાયણ મહામંત્ર ની ધુન્ય થી થઇ…..ત્યારબાદ ભક્તરાજ નારણ દાસ રચિત..” સજની ટાણું આવ્યું રે ભવજલ તરવા નું…” રજુ થયું…….આવનારી પળે શું થશે કોને ખબર??? આથી જ તો- જીવન ની પ્રત્યેક પળે….પ્રત્યેક શ્વાસેશ્વાસ શ્રીજી ને સંભારી લેવા…..

ત્યારબાદ પુ.પ્રિયસ્વરૂપ સ્વામી દ્વારા બ્રહ્મ સ્વરૂપ શાસ્ત્રીજી મહારાજ ના સર્વોપરી અક્ષર પુરુષોત્તમ સિધ્ધાંત ના કાજે થયેલી મહાયાત્રા ના સાથી સંતો ને વિષે સુંદર માહિતી મળી…..સ્વામી એ બે સંતો વિષે માહિતી આપી…એ સંતો હતા…

૧.  પુ.નિરંજન દાસ સ્વામી- એ બ્રહ્મ સ્વરૂપ શાસ્ત્રીજી મહારાજ ના ગુરુભાઈ હતા( પુ.વિજ્ઞાનાનંદ સ્વામી ના શિષ્ય) અને જયારે સ્વામીશ્રી એ વડતાલ છોડ્યું ત્યારે એ – એમની સાથે જ હતા….અત્યંત નિષ્ઠા વાળા અને શાસ્ત્રીજી મહારાજ નો મહિમા સમજતા હતા….એમણે મોટેભાગે બોચાસણ મંદિર માં જ પોતાનું જીવન પસાર કર્યું હતું અને એમનો અંત સમય અદ્ભુત હતો……શાસ્ત્રીજી મહારાજ અને સંતો ની હાજરી માં- શ્રીજી મહારાજ, ગુણાતીતાનંદ સ્વામી અને ભગતજી મહારાજ સ્વયમ એમને તેડવા પધાર્યા હતા…..એ વાત ના બધા સાક્ષી હતા…

૨. પુ.ભક્તીજીવન સ્વામી – એ માનત સ્વામી તરીકે પણ ઓળખાતા…..જન્મે ક્ષત્રીય પણ અત્યંત સેવાભાવી સંત…..એમણે પોતાના જીવન ના લગભગ ૩૭ વર્ષ સારંગપુર ક્ષેત્ર માં- બ્રહ્મ સ્વરૂપ યોગીજી મહારાજ સાથે ઝોળી માંગવા માં વિતાવેલા…….એટલી બધી ઝોળી માંગેલી કે એમના ખભા પર આંકા પડી ગયા હતા….! આમ છતાં, બ્રહ્મ સ્વરૂપ શાસ્ત્રીજી મહારાજ પ્રત્યે અનન્ય નિષ્ઠા…..અને વડતાલ થી એમની સાથે જ નીકળેલા….

અદ્ભુત માહિતી……! આ સિધ્ધાંત કાજે…અક્ષર પુરુષોત્તમ મહારાજ કાજે- આપણા ગુણાતીત પુરુષો અને મહાન સંતો એ જે ભોગ આપ્યા છે..એમની વાત થાય એમ નથી….! આટલો મહિમા સમજાય તોપણ આ સર્વોપરી સત્સંગ આપણા જીવ ને ચોંટે..એમાં કોઈ શક નથી…!

ત્યારબાદ- પુ.ઈશ્વર ચરણ સ્વામી એ નવા વર્ષ ની શરૂઆત માં- આશીર્વચનો આપતાં કહ્યું કે…..

  • દિવાળી નો ઉત્સવ અનેરો છે..અને બ્રહ્મ સ્વરૂપ યોગીજી મહારાજ તો કાર્તિક પૂર્ણિમા સુધી ભક્તો ને બેસતા વર્ષ ના આશીર્વાદ આપતાં….
  • શ્રીજી ની વાત -ઉપરોક્ત પ્રમાણે કરતા કહ્યું કે….આપણે આત્મસત્તા રૂપ વર્તી એ એમાં જ શ્રીજી ની મરજી છે….ગુણાતીતાનંદ સ્વામી પોતાની વાતો માં કહે છે કે….”આ જીવ ને બ્રહ્મ રૂપ જાણે એ પોતે બ્રહ્મ રૂપ થયા વગર રહે નહિ…” આમ, સત્પુરુષ અને ભગવાન માં નિર્દોષ બુદ્ધિ રાખવી…..
  • શ્રીજી કહે છે કે- જે આત્મ સત્તા રૂપ થયો -એ નિર્ભય થઇ ગયો……જીવનો માયિક ભાવ ટાળવો છે તેથી અપમાન કરીશું….માનભંગ કરીશું….અને એમાં જીવ ને બ્રહ્મરૂપ કર્યા સિવાય બીજો કોઈ સ્વાર્થ અમારે નથી…ભગવાન ના ચરિત્ર માં સંદેહ ન થાય તો એમાં સર્વ સાધન આવી ગયા……જેને ભગવાન નો આવો દ્રઢ નિશ્ચય રહે છે તેને નિરંતર તેનો કેફ રહે છે….
  • ભગતજી મહારાજે અને આપણા ગુણાતીત પુરુષો એ અનેક અપમાનો સહન કર્યા…પણ એમના માટે તો સત્સંગ માં રહેલા દરેક ભક્ત-સંત બ્રહ્મ ની મૂર્તિ હતા…..આથી જ શ્રીજી ના રાજીપા નો કેફ હમેંશા રહેતો…..
  • શ્રીજી કહે છે કે- સત્સંગમાં સમજણ બે પ્રકાર ની છે…..લૌકિક સમજણ- એ હોય તો જે નજીક હોય તોપણ દુર ભાસે…અને દિવ્ય સમજણ- એ હોય તો દુર હોય તોપણ નજીક ભાસે….માટે ભગવાન ને ભજતા સર્વ હરિભક્તો દિવ્ય છે…એ જે સમજે…ધરે અને વિચારે..એ આ જગ જીતી જાય છે…..
  • આજે પ.પુ.પ્રમુખ સ્વામી મહારાજ દ્વારા હજારો મંદિરો- અક્ષરપુરુષોત્તમ મહારાજ અને એ સિધ્ધાંત ને જગત માં ફેલાવી રહ્યા છે…..એ મંદિરો- બ્રહ્મ વિદ્યા ની કોલેજો છે…..કે જેમાં જીવ- બ્રહ્મરૂપ થવા ના પાઠ શીખે છે…..માટે આ મંદિરો- એ અનિવાર્ય અંગ છે….
  • માટે કોઈ હરિભક્ત નો અવગુણ લેવો નહિ……….સર્વ ને બ્રહ્મ ની મૂર્તિઓ સમજવી……અને સુહાર્દ ભાવ રાખવો…….અને યાદ રાખવું કે- ભગવાન ના બળ થી બીજું કોઈ બળ મોટું નથી……

અદ્ભુત…અદ્ભુત…………ઉપરોક્ત વચનો માં જાણે કે સર્વ બ્રહ્મ સિધ્ધાંત આવી જાય છે…….લૌકિક વ્યવહાર માં આ બધું અશક્ય લાગે પણ એક વાર સત્સંગ નો નિરંતર સંગ થાય- એટલે સમજવું કે- આ બધું સહજ થઇ ગયું…..

સભાને અંતે- અમુક જાહેરાત થઇ…

– આવતીકાલે પ્રબોધિની એકાદશી – અર્થાત ચાતુર્માસ નો અંતિમ દિવસ…અને એ જ તિથી એ સદગુરુ રામાનંદ સ્વામી એ શ્રીજી ને પીપલાણા માં આચાર્ય પદે  સ્થાપ્યા હતા…..અને એ જ દિવસે આંબલીવાળી પોળ માં પ્રમુખ સ્વામી મહારાજ ને શાસ્ત્રીજી મહારાજે પાર્ષદી દીક્ષા આપી હતી…..માટે આજ્ઞા મુજબ કાલે નિર્જળા ઉપવાસ……! તૈયાર છો ને..??? બસ- શ્રીજી-સ્વામી ને રાજી કરી લઈએ….

સભાને અંતે – અમદાવાદ-શાહીબાગ મંદિર ના અન્નકૂટ ઉત્સવ નો વિડીયો રજુ થયો…….! હરિભક્તો -સંતો ની દિનરાત ની મહેનત….નિષ્ઠા એમાં સ્પષ્ટ પણે દેખાતી હતી…..! શત શત વંદન- એ હરિભક્તો અને સંતો ને…..!

જય સ્વામિનારાયણ….

રાજ


Leave a comment

નિમિત્ત માત્ર…….

આજે સવારે એક મેગેઝીન ના પાના ફેરવતો હતો અને અચાનક નજર પડી એક ઝેન વાર્તા પર..( ઝેન સાધુ દ્વારા કહેવાયેલ  – ચીન ના મહાયાન બૌદ્ધ ધર્મ ના સાધુ) ….ઝેન સાધુ ની આ વાર્તા ઓ ટૂંકી પણ ચોટદાર હોય છે……જોઈએ..એ વાર્તા…

———————-

એકવાર એક ઝેન સાધુ ની ઝુંપડી માં આગ લાગી……આથી આજુબાજુ ના લોકો માં ભાગમભાગી થઇ ગઈ….પણ ઝેન સાધુ શાંતિ થી દુર બેઠો પોતાના ધ્યાન માં વ્યસ્ત હતો..અને આ બાજુ એની ઝુંપડી અને સામાન ભડભડ સળગે…..! એક વ્યક્તિ થી આ જોયું ન જવાયું આથી એ પેલા ઝેન સાધુ પાસે ગયો અને ગુસ્સા થી બોલ્યો….

“સાધુરામ…ખબર નથી પડતી …પેલી ઝુંપડી બળે છે અને તમે અહી પરમ શાંતિ થી ધ્યાન ધરો છો??? સમજણ જેવું છે કે નહિ??

સાધુ શાંતિ થી બોલ્યો…..” મેરે કો ક્યા???”

આ જવાબ સાંભળી- પેલા ભાઈ વધારે બગડ્યા……જોર થી બોલ્યા…

” અલ્યા બાવા….એ ઝુંપડી તારી છે……..સામાન તારો છે…..અને પાછો કહે છે ..મેરે કો ક્યા???”

પુનઃ અઢળક શાંતિ થી સહેજ હસતા હસતા સાધુ બોલ્યો…” તો તેરે કો ક્યા???? “”

——————————-

અદ્ભુત અદ્ભુત……..! હવે વિચારો કે આપણે એ સાધુ ની જગ્યા એ હોઈ એ શું થાય????

  • પોતાનું ઘર બળતું હોય તો આપણે ખુદ જ બેબાકળા થઇ ભાગમભાગી કરીએ……લોકો ને મદદ માટે બોલાવી લઈએ….
  • અરે આપણું શું….બીજા અન્ય નું ઘર સળગતું હોય તો પણ આપણો જીવ બળી ઉઠે…..

હવે અંતે વિચારવા નું શું??

  • લૌકિક દ્રષ્ટિ એ વિચારી એ તો પેલો સાધુ મુર્ખ જ લાગે…પણ જો ગહન તત્વજ્ઞાન થી વિચારી તો સમજાય કે…આ જગત માં આપણું છે જ શું???? જેના માટે આપણે આટલી બધી દોડાદોડ કરીએ છીએ….ઉથલપાથલ કરીએ છીએ….એ બધું અહી જ રહી જવાનું છે……અને આપણો દેહ રાખ થઇ જવાનો છે…..! યાદ કરો ગીતા નો વિચાર- જેને આજે આપણું માની એ છીએ- એ ગઈકાલે બીજાનું હતું અને આવતીકાલે એ બીજા કોઈનું હશે……! વિચારો……વિચારો…….સો પ્રતિશત સાચી વાત…!
  • અઢળક પૈસા- સંપત્તિ- રૂપાળી નાર…..સગવડો આપે છે…….સુખ ની કોઈ ગેરંટી નથી……અંતર ની શાંતિ ની કોઈ ગેરંટી નથી…..અમારા ગુરુ પ.પુ.પ્રમુખ સ્વામી મહારાજ કહે છે કે- એક અખંડ સુખ તો એકમાત્ર ભગવાન માં છે …….અને એક એમનું જ ધાર્યું થાય છે…..એજ સર્વ ના કર્તાહર્તા છે…આપણે તો બસ નિમિત્ત માત્ર છીએ…બસ નિમિત્ત ભાવે કર્મ કરવાના છે…ફળ એક હરિના……એ સમજવું એ જ કલ્યાણ..!
  • વધુ ઊંડું વિચારી એ તો સમજાય કે- આપણે – જે આપણું માનીએ છીએ- એના આપણે ટ્રસ્ટી માત્ર છીએ……આપણો દેહ આપણો નથી તો બીજાની શું વાત કરવી….?? એમ સમજાય તો આ સાંખ્ય -હૃદય માં ઉતરે છે…..અને સર્વ ક્રિયાઓ- સર્વ સુખો-દુખો માં આપણી જાત ને નિમિત્ત માત્ર મનાય છે…..અને સમજાય છે કે આપણે તો એક માધ્યમ માત્ર છીએ…..જે કાર્ય માટે જગત માં આવ્યા છીએ…..મનુષ્ય અવતાર મળ્યો છે..એ વિષયો -સગવડો ભોગવવા નથી મળ્યો….પણ “પોતાને” ઓળખી ને..એક શ્રીજી ને પામવા માટે છે…!

તો- વાર્તા ટૂંકી પણ ફલશ્રુતિ લાંબી….! જીવન કૈંક આવું જ છે…..નાની નાની વાતો અને રાતો…પણ એના રહસ્યો મોટા મોટા…!

નિમિત્ત માત્ર છીએ- એવું જ સમજાય એટલે – સુખ-દુખ-રોગ-શોક-દોડધામ બંધ થઇ જાય અને એક ધ્યેય નિશ્ચિત થાય છે…સ્થિતપ્રજ્ઞ….અક્ષર રૂપ થવાય છે.

સાથે રહેજો..

રાજ


Leave a comment

BAPS રવિસભા -૧૨/૧૦/૨૦૧૪

“….અને મનુષ્ય દેહે કરીને ન થાય એવું શું છે ? જે નિત્યે અભ્યાસ રાખીને કરે તે થાય છે. જેમ કૂવાના કાંઠા ઉપર મહાકઠણ પથરો હોય છે તેને વિષે નિત્યે પાણીને સિંચવું તેણે કરીને નરમ દોરડી છે તે પણ કાપા પાડે છે; તેમ જે સાધુ જ છે ને તે જે સ્વભાવને ટાળવાનો નિત્ય અભ્યાસ રાખશે તો તે સ્વભાવ ક્યાં લગી રહેશે ? એ તો નિશ્ચય નાશ પામશે. માટે જેને નિષ્કામવ્રત રાખવું હોય તેને કહ્યા એવા જે ત્રણ ઉપાય ( જીવ ને આત્મ્સત્તારૂપ સમજી અખંડ સત્સંગ માં જોડવો, જીવ ને નિયમ ધર્મ માં રાખવો,  જીવ દ્વારા- દેહ ને પણ નિયમ ધર્મ માં દ્રઢ રાખવો) તે દ્રઢ કરીને રાખવા……”

——————————————————–

ભગવાન શ્રી સ્વામિનારાયણ- વચનામૃતમ- ગઢડા મધ્ય ૩૩

આજની સભા અદ્ભુત હતી કારણ કે સદગુરુ સંત -ડોક્ટર સ્વામી એમાં હાજર હતા અને એ આવતીકાલે આફ્રિકા વિચરણ માં ત્રણ મહિના માટે જઈ રહ્યા છે……પુ.ડોક્ટર સ્વામી નું પ્રવચન બળવત્તર, સીધું સટાક હોય છે…..એમના કહેવા પ્રમાણે- આપણે શ્રી બોચાસણ વાસી અક્ષર પુરુષોત્તમ સ્વામિનારાયણ સંસ્થા ના સત્સંગી છીએ….ગુણાતીત પુરુષો ના આશ્રિત શિષ્યો છીએ…..આથી એનો મહિમા સમજવો જોઈએ અને આપણું જીવન પણ એવું ઉચ્ચ બનાવવું જોઈએ…..કે જેથી સ્વામી-શ્રીજી ને આપણા પર ગર્વ થાય…..આપણી સંસ્થા વિશ્વ ને સૌથી ઉત્તમ સંસ્થા બને…! અને એ અશક્ય નથી જ……જેને કલ્યાણ નો ખપ હોય…શ્રીજી-સ્વામી ના રાજીપા નો વિચાર હોય- એના થી શું ન થાય????  ઉત્તમ વાત..! તો આજ ની સભા- આવા બળવતર વિચારો પર હતી….

ગયા રવિવારે હું -સભા ને ચુકી ગયો હતો પણ શરદ પૂર્ણિમા ની સભા માં હતો……એથી આજે -મારા દીકરા હરિકૃષ્ણ ને એની મમ્મી પાસે સુતો મૂકી સભા માં ભાગ્યો……! આખરે આ જીવ ના કલ્યાણ માટે શું ન થાય??? તો- સમયસર સભામાં પહોંચી ગયો……શ્રીજી ના- સ્વામી ના -ગુણાતીત પુરુષો ના મન ભરી ને દર્શન કર્યા…તમે પણ કરો…..

10703862_316888348499344_6489558765596104142_n

સભાની શરૂઆત- પુ.શુકમુની જેવા અદ્ભુત ગવૈયા સંત ના સુમધુર સ્વરે ગવાતા ધુન્ય-કીર્તન  થી થઇ……એમના જ સ્વરે ગવાયેલું પ્રેમાનંદ સ્વામી નું કીર્તન…”માધોજી મને હો..ચરનાર ( ચરણારવિંદ ) ની આશ..” રજુ થયું……! અદ્ભુત..એક ભક્ત માટે ભગવાન ના ચરણો સિવાય બીજી શી અપેક્ષા હોય??? ત્યારબાદ- યોગીબાપા નો મહિમા સમજાવતું..” ભક્તિ કરતા છૂટે મારા પ્રાણ ..યોગી એવું માંગું રે…” અને પ્રમુખ સ્વામી મહારાજ નો મહિમા સમજાવતું….”અમને પ્યારું પ્યારું લાગે પ્રમુખ સ્વામી કેરું નામ…” રજુ થયા…..! હૃદય પ્રફુલ્લિત થઇ ગયું….

ત્યારબાદ પુ.યોગીપુરુષ સ્વામી દ્વારા -શ્રી શાસ્ત્રીજી મહારાજ સાર્ધ શતાબ્દી ઉત્સવ ઉપલક્ષે -બ્રહ્મ સ્વરૂપ શાસ્ત્રીજી મહારાજે વડતાલ છોડ્યું- એ પછી જે સંતો એમની સાથે હતા -એ પૈકી બે સંતો…..

  • પુ. અક્ષર સ્વરૂપ સ્વામી (નાના) – જે પૂર્વાશ્રમ માં છગનભાઈ તરીકે -મહુધા ના રહેવાસી હતા…..નાની ઉમરે જ કોઠારી ગોવર્ધનભાઈ સાથે રહીને વ્યવહાર કુશળતા ના પાઠ એ શીખ્યા હતા….
  • પુ. ભક્તિવત્સલદસ સ્વામી- પૂર્વાશ્રમ ના મોતીભાઈ તરીકે ઓળખાતાં- કદાવર શરીર અને પૂર્વાશ્રમ માં આણંદ ખાતે  એમની કરિયાણા ની દુકાન હતી……દીક્ષા લીધા બાદ- બોચાસણ મંદિર ના કોઠારી તરીકે સેવાઓ આપી….

ની હરિભક્તો ને માહિતી આપી……અક્ષર પુરુષોત્તમ મહારાજ માટે- શાસ્ત્રીજી મહારાજ નો માર્ગ અતિ કઠીન  હતો પણ સાથે આવા નિષ્ઠાવાન- સમર્પિત સંતો ની સેના હતી…..અને પરિણામ….?? આજે આખું જગત ગર્વ થી જુએ છે….

ત્યારબાદ જેની રાહ બધા જોતા હતા- તેવા તેજસ્વી પ્રવચન ની શરૂઆત હમેંશ ની જેમ બળવત્તર અંદાજ માં પુ.ડોક્ટર સ્વામી જેવા સિદ્ધ વિધવાન સંત દ્વારા થઇ…..જોઈએ એના અંશ…

  • ઉપરોક્ત -વર્ણવ્યા પ્રમાણે- આ દેહ થી શું ન થઇ શકે- એવા શ્રીજી ના વચન- ગઢડા મધ્ય ૩૩ માં ઝીલાયા છે……માટે આપણે કઈ સંસ્થા સાથે….કોના શિષ્ય છીએ…..આપણી ગુણાતીત પરંપરા નો શો મહિમા હતો…એ બધું જ જાણી..સમજી…એનો મહિમા સમજી- વર્તવાનું છે…..અને સંસ્થા નો- ગુરુ નો- સ્વામી-શ્રીજી નું ગૌરવ વધારવા નું છે…..
  • માટે શાસ્ત્રીજી મહારાજ સાર્ધ શતાબ્દી મહોત્સવ ઉપક્રમે એક જ વિચાર કરવા નો છે……BAPS is world’s best”  એજ સૂત્ર જીવન માં ઉતારવા નું છે…….આપણું જીવન..આપણો પરીબ્વાર…આપણું મંડળ…..આપણી સંસ્થા નું ગૌરવ વધારવા નું છે…
  • આપણે આ દિશામાં એક ડગલું ચાલીએ તો ભગવાન સો ડગલા ચાલે છે…એવું યોગીબાપા કહેતા….
  • ભગવાન વિના -બાકી બધું જ એકડા વગર ના મીંડા જેવું છે……..અને ભગવાન છે તો બધું જ છે…એ હમેંશા યાદ રાખવું….
  • બાળક જયારે ગર્ભ માં હોય ત્યારથી જ તેને આવા સર્વોપરી સત્સંગ દ્વારા ગર્ભ સંસ્કાર મળવા જોઈએ……
  • શાસ્ત્રીજી મહારાજ સાર્ધ શતાબ્દી મહોત્સવ એટલે કે સંપ માં વૃદ્ધિ……..સંપ છે તો બધું જ છે…….
  • નિષ્કામી જીવન……રોજબરોજ ની જિંદગી માં સત્સંગ થી જ સિદ્ધ થાય છે……”એક નારી સદા બ્રહ્મચારી” એ સૂત્ર પરિણીત સત્સંગીઓ એ જીવન માં ઉતારવા જેવું છે…..અને કુસંગ..અભદ્ર..અશ્લીલ સંગ-માધ્યમ થી છેટા રહેવું…..એમાં જ કલ્યાણ છે….સુખ છે….

અદ્ભુત..અદ્ભુત………..! જીવન માં હમેંશા આ યાદ રાખવું……તો જ સત્સંગ પાકો રહે….

ત્યારબાદ સભા ને અંતે અમુક જાહેરાતો થઇ….

  • ૨૩/૧૦- દિવાળી ના શુભ દિને- ચોપડા પૂજન- સાંજે ૫.૩૦ થી ૭.૩૦ દરમિયાન છે…….લાભ લેવા મંદિર નો સંપર્ક સત્વરે  કરવો….
  • બેસતા વર્ષ ની સવાર ની પૂજા નો લાભ લેવા માટે પણ મંદિર નો સંપર્ક કરવો…..
  • પુ.મુકુન્દ ચરણ સ્વામી જેવા વિધવાન સંત દ્વારા – હિન્દી અને અંગ્રેજીમાં- સ્વામિનારાયણ સંપ્રદાય- એ નામ નું પુસ્તક  પ્રગટ થયું છે……મુમુક્ષુઓ અને ગુણભાવી માટે ઉત્તમ પુસ્તક છે…
  • સાથે સાથે મુખવાસ ની નવી વેરાયટી- મસાલા જીંજર – બહાર પડી છે…….
  • પુ.ડોક્ટર સ્વામી, શુક મુની સ્વામી અને આદર્શ યોગી સ્વામી- ત્રણ માસ માટે આફ્રિકા સત્સંગ માં જઈ રહ્યા છે….એનો સત્કાર-સન્માન સમારંભ થયો…..

સભા ને અંતે- સ્વામી શ્રી ના દિવ્ય વિચરણ નો વિડીયો રજુ થયો….

તો આજની સભા શ્રીજી ના રાજીપા ની હતી……આપણે કોણ છીએ??? એનો ગૌરવ લેવાની હતી…….જીવન ને ઉચ્ચ મુલ્યો થી..સંસ્કારો-ગુણો થી અક્ષર રૂપ કરી પુરુષોત્તમ ને પામવા ની હતી….

રાજી રહેજો…….સત્સંગ સહજ છે…અનંત છે…..અખંડ છે…….કારણ કે …”હરિ અનંતા……હરિ કથા અનંતા..”…..!

રાજ

Follow

Get every new post delivered to your Inbox.

Join 477 other followers